ဖက်ဆစ်ဂျပန်နဲ့ သိုင်းပြောင်းပြန်

August 27, 2013 at 10:18pm

သိုင်းပြောင်းပြန် သမိုင်းအကျဉ်း
            သိုင်းပြောင်းပြန်ပညာကို (၁၉၁၁) ခုနှစ်၊ လွန်ခဲ့တဲ့ နှစ်ပေါင်း (၁၀၂) နှစ်က အခု တွံတေး တောကြီးတန်းဘက်က ဇောတိကုန်း ဆိုတဲ့ ရှမ်းရွာမှာ စပြီးသင်ကြားပေးခဲ့တာဖြစ်ပါတယ်။ သင်ကြားပေးတဲ့ခဲ့တဲ့ ဆရာကြီးကတော့ ဦးချယ်ပဲဖြစ်ပါတယ်။ နောင် သိုင်းပြောင်း ပြန်ဦးမောင်လေးလို့ အမည်တွင်လာမယ့် ဆရာကြီး ဦးမောင်လေးအပါအ၀င် (၃) ဦးကို သုံးနှစ်သုံးမိုး သင်ကြားပေးခဲ့ တာဖြစ်ပါတယ်။
ဦးချယ် ဘယ်ကလာခဲ့သလဲ ဘယ်ကိုပြန်သွားသလဲဆိုတာလည်း သိခွင့်မရခဲ့ကြပါဘူး။ ရှမ်းပြည်ကလာတယ် ရှမ်းပြည်ကိုပြန်သွားတယ်။ ဒီလောက်ပဲ သိကြရပါတယ်။ ဦးချယ်မှာ ဆရာရှိသလား မရှိသလား မသိရပါ။ ဒါကြောင့်မို့ သိုင်းပြောင်းပြန်ရဲ့ မူလဖခင်ကြီးဟာ ဦးချယ်လို့ပဲသတ်မှတ်ရမှာဖြစ်ပါတယ်။
            သိုင်းပြောင်းပြန်အကြောင်းပြောကြမယ်ဆိုရင် ဦးမောင်လေးဆိုတဲ့ နာမည်ကို ချန်ထားခဲ့ရင် လုံးဝပြည့်စုံလိမ့်မယ် မဟုတ်ပါ။ ဘာကြောင့်လဲဆိုတော့ သိုင်းပြောင်းပြန်ပညာရပ်ကို မြန်မာပြည်အနှံ့အပြား ဖြန့်ဖြူးသင်ကြားပေးခဲ့တဲ့ ပုဂ္ဂိုလ်ကြီးဖြစ်လို့ပါပဲ။ သိုင်းပြောင်း ပြန်ရဲ့ ဖခင်ကြီးလည်း ဖြစ်ပါတော့တယ်။ သိုင်းပြောင်းပြန်ဟာ ဦးမောင်လေးဖြစ်ပြီး ဦးမောင်လေးဟာလည်း သိုင်းပြောင်းပြန်ဖြစ်တယ်လို့ ဂုဏ်ပြုပြောဆိုနိုင်ပါတယ်။
            ဦးမောင်လေးကို အဖ ဦးဘိုးအို အမိ ဒေါ်စော တို့က ရှမ်းပြည်နယ် နမ့်လိုင်နမ့်ခမ်းကျေးရွာမှာ မွေးပါတယ်။ မွေးချင်း ၆ ယောက်အနက် နို့ညှာဖြစ်ပါတယ်။ မောင်စံထွေးလို့ အမည်မှည့်ပေမယ့် နောင်တော့ အစ်မတွေခေါ်နေကျ မောင်လေးဆိုတဲ့ နာမည်ပဲတွင် ပါတယ်။ ဦးမောင်လေးကိုမွေးပြီး မကြာခင်မှာပဲ အမိအဖတွေဟာ တွံတေး တောကြီးတန်း ဇောတိကုန်းရွာမှာ ပြောင်းရွှေ့အခြေချကြ ပါတယ်။ ပြောရရင် ရှမ်းပြည်ဖက်ကနေ ဧရာဝတီတိုင်းဖက် ပြောင်းလာကြတာပါပဲ။
            ဒီမှာ တစ်ခုချန်ထားခဲ့တာက ဦးမောင်လေးကို မွေးတဲ့ နှစ်အပိုင်းအခြားကာလဖြစ်ပါတယ်။ ဒါနဲ့ပတ်သက်ပြီး အထူးပြုပြော ချင်လို့ ချန်ထားခဲ့တာလည်းဖြစ်ပါတယ်။ ဦးမောင်လေးကို ခရစ်နှစ် (၁၈၉၆ ခုနှစ်)၊ မြန်မာနှစ် ၁၂၅၇ ခုနှစ် ပြာသိုလပြည့်ကျော် ၃ ရက် (ကြာသပတေးနေ့) မှာ မွေးဖွားပါတယ်။ ဒီနှစ်ထဲမှာပဲ မြန်မာနိုင်ငံရဲ့ ပထမဆုံးသမ္မတဖြစ်လာမယ့် ညောင်ရွှေစော်ဘွား စ၀်ရွှေသိုက်ကို မွေးဖွားတာလည်းဖြစ်ပါတယ်။ ဂျပန်က Judo ပညာရှင်ကြီး Masutaro O’ Tani လည်း ဒီနှစ်မှာပဲ မွေးဖွားပါတယ်။ တရုတ်ပြည် ဖူဟမ်က Wing Chun သိုင်းပညာရှင် Yip Man (ဘရုစ္စလီရဲ့ ဆရာရင်း) ကိုတော့ ၁၈၉၃ ခုနှစ်မှာ မွေးဖွားတာဖြစ်လို့ ဦးမောင်လေးထက် အသက် ၃ နှစ်ကြီးတယ်လို့ ဆိုရပါမယ်။ ဘာပဲပြောပြော ဒီနှစ်အပိုင်းအခြားတွေဟာ အလွန်ထူးခြားတဲ့ ထက်မြက်တဲ့ ပုဂ္ဂိုလ်တွေ မွေးဖွားတဲ့နှစ်လို့ ဆိုရမှာပဲဖြစ်ပါတယ်။
            ဆရာကြီးဦးမောင်လေးအကြောင်းပြန်ဆက်ရရင် ဆရာကြီးဟာ အသက် (၁၅) နှစ်အရွယ်ကစလို့ သိုင်းပြောင်းပြန်ပညာကို သုံးနှစ်သုံးမိုး အပတ်တကုတ်သင်ကြားခဲ့ပြီး အသက် (၂၀) ကျော်ကျော် အရွယ်ကစလို့ ကွယ်လွန်သည်အထိ ဒီပညာရပ်ကို မြန်မာပြည် အနှံ့ ပြန်လည်ဖြန့်ဖြူးသင်ကြားပေးခဲ့ပါတယ်။ ဆရာကြီးကွယ်လွန်ချိန်မှာ အသက် (၈၉) နှစ်အရွယ်ရှိပါပြီ။ ကွယ်လွန်တဲ့ ၂၁-၃-၁၉၈၅ ရက်နေ့အထိ ရေတွက်မယ်ဆိုရင် နှစ်ပေါင်း (၇၀) ကျော်ကျော် အဆက်မပြတ် ပညာဖြန့်ဖြူးပေးခဲ့မှုကြောင့်ပဲ မြန်မာနိုင်ငံအပါအ၀င် ကမ္ဘာ့နိုင်ငံအသီးသီးမှာပါ ဒီ သိုင်းပြောင်းပြန်ပညာရပ်ကို လေ့ကျင့်သင်ကြားသူတွေ တိုးပွားမြဲတိုးပွားလျှက်ရှိပါတော့တယ်။
            ဒီမှာတင်ပဲ သမိုင်းအကျဉ်းကို ရပ်လို့ “ဖက်ဆစ်ဂျပန်နဲ့ သိုင်းပြောင်းပြန်” ဆိုတဲ့ အပိုင်းကို ဆက်သွားကြပါဦးစို့။

ကဒက်ဥ ဂျပန်
            ဖက်ဆစ်ဂျပန် မြန်မာပြည်ကိုဝင်လာတဲ့အချိန်မှာ ပထမဦးဆုံးနဲ့ အမြန်ဆုံးလုပ်တဲ့ကိစ္စတွေထဲမှာ ယခင် အင်္ဂလိပ်ခေတ်ငွေစက္ကူ သုံးစွဲမှုကိုဖျက်သိမ်းပြီး ငွေစက္ကူသစ် ထုတ်ဝေတာလည်း အဓိကတစ်ချက်ဖြစ်ပါတယ်။ ဒါက အဲဒီခေတ် ဖက်ဆစ်တွေ နယ်ချဲ့တွေ နိုင်ငံ တစ်ခုကို သိမ်းပိုက်ပြီးတဲ့အချိန်မှာ လုပ်လေ့ရှိတဲ့ လုပ်ရိုးလုပ်စဉ်နည်းတစ်ခုပါပဲ။ ဘဏ္ဍာအရင်းအနှီးတွေကို တစ်ချက်တည်းစုစည်းလိုက် တဲ့သဘောပါပဲ။ ဂျပန်ခေတ်ငွေစက္ကူထုတ်လုပ်တဲ့အခါမှာ ကဒက်ဥကိုလည်း ကုန်ကြမ်းအဖြစ်သုံးပါတယ်။ ကဒက်ဥဟာ ငွေစက္ကူထုတ် လုပ်ရာမှာ အခရာကျတယ်လို့လည်း ဆိုရမှာဖြစ်ပါတယ်။ ငွေစက္ကူသားချောမွေ့ကောင်းမွန်ဖို့ ရေရှည်ခံဖို့နဲ့ တောင့်တင်းဖို့အဓိက အသုံး ပြုတယ်လို့ဆိုပါတယ်။
            ဂျပန်ခေတ်ကိုသိမီလိုက်ကြတဲ့ လူကြီးသူမတွေပြောပုံအရဆိုရင် ဂျပန်စစ်တပ်ဟာ ငွေကိုရေလိုသုံးတယ်တဲ့။ ဂျပန်စစ်သား တွေရဲ့ခါးမှာ ငွေရိုက်ထုတ်လို့ရတဲ့စက်ကိုများ ချိတ်ထားသလားအောက်မေ့ရတယ်တဲ့။ ဆိုလိုတာက ငွေစက္ကူကို ဘုန်းဘောလအော တင်းကြမ်းရိုက်ထုတ်နေတာပါ။ ဒါကြောင့် ငွေတန်ဘိုးလည်းမရှိပါဘူး။ ငွေကြေးဖောင်းပွမှုလည်း အဆမတန်မြင့်တက်ပါတယ်။ မြန်မာ ပြည်သူတွေ အင်မတန်ဆင်းရဲတွင်းနက်ကြပါတယ်။ အခြေခံစားသောက်ကုန်နဲ့ ပစ္စည်းပစ္စယတွေလည်း အင်မတန်ရှားပါးသွားပါတယ်။ ဂျပန်လံကွတ်တီအဟောင်းအစုတ်တောင် မြန်မာတွေမှာ အရောင်းအ၀ယ်ဖြစ်တယ်လို့ ဂျပန်လူမျိုးဦးရွှေဘနဲ့ မြန်မာ့အသံဦးကျော်ဦးတို့ ဘာသာပြန်တဲ့ “စစ်အတွင်း မြန်မာပြည် အတွေ့အကြုံများ” ဆိုတဲ့စာအုပ်မှာ ဖတ်ရဖူးပါတယ်။ ဒါတောင် ဂျပန်အုပ်စိုးသွားတာ ၁၉၄၂ ခုနှစ်ကနေ ၁၉၄၅ ခုနှစ်အထိ သုံးနှစ်သာသာလေးမို့လို့။
            ဆိုတော့ ငွေတွေများများရိုက်ထုတ်လေလေ ကဒက်ဥတွေများများလိုလေလို့ ပြောရမှာပါပဲ။ ဒီ ဂျပန်ခေတ်မှာပဲ ဆရာကြီး ဦးမောင်လေးဟာ ကဒက်ဥ ကုန်သည်ဖြစ်ရပါတော့တယ်။ ဒီလိုဖြစ်လို့ ဆရာကြီးဟာ ဖက်ဆစ်ဂျပန်ကိုကူညီတဲ့သူလို့တော့ မပြောသာ ပါဘူး။ ဒီခေတ်ဆိုးခေတ်ပျက်ကာလ လူတိုင်းဖြူကာပြာကာ မွဲနေကြတဲ့အချိန်မှာ စားဝတ်နေရေးအတွက် မဖြစ်သာလို့ ရုန်းကန်ရတယ် လို့ပဲ မှတ်ယူရမှာပါ။ ဖက်ဆစ်ဂျပန်ဆိုတာကလည်း ခိုင်းရင်ခိုင်းတာလုပ်မှ မဟုတ်လား။ ဘာပဲဖြစ်ဖြစ် ဆရာကြီးဇာတိ ဇောတိကုန်း တ၀ိုက် အရိုးတော်ရွာအပါအ၀င် ရွာနီးချုပ်စပ်ဟာ ဂျပန်ခေတ်မှာ ကဒက်ဥကြောင့် ပါးစပ်စို ၀မ်းစိုနိုင်ကြပါတယ်။
            ဆရာကြီးဦးမောင်လေး ကဒက်ဥကုန်သည်ဖြစ်ရတာကလည်း ရိုးရှင်းပါတယ်။ တနေ့မှာ ဇောတိကုန်းဖက် စက်ချုပ်စက် ရှာဝယ်နေတဲ့ ဂျပန်အ၀ယ်တော် ကိုဘစောဆိုတဲ့လူကို ငွေလုအသတ်ခံရမယ့်အရေးက ကယ်လိုက်ပါတယ်။ ဒီကနေ စကားစပ်မိလို့ ဒီဖက် တကြော ကဒက်ဥပေါတယ်ဆိုရင် ၀ယ်ချင်ပါတယ်ဆိုတာနဲ့ နောက်ဆုံးတော့ ကဒက်ဥကုန်သည်ဖြစ်ရတော့တာပါပဲ။ ကိုဘစော ကလည်း သူဟာ ဂျပန်အလိုတော်ရိမဟုတ်ပါ၊ အ၀ယ်တော်သက်သက်၊ ဘာသာပြန်ပေးသူသက်သက်သာဖြစ်ပါတယ်လို့ ၀န်ခံကတိပြု တာကြောင့်လည်း အရောင်းအ၀ယ်တည့်သွားပုံရပါတယ်။ ရွာနီးချုပ်စပ်က တူးခိုင်းလို့ရတဲ့ ကဒက်ဥကို ရန်ကုန်က ရွှေဂုံတိုင် ဂျပန်ဂတ် တဲကို သွင်းရပါတယ်။ ကဒက်ဥဖိုးငွေကိုတော့ ကန်တော်ကြီးဂျပန်ဂတ်တဲမှာ ထုတ်ယူ။ ရွာပြန်လာ။ တူးပေးတဲ့သူတွေကို ပြန်ပြီးခွဲခြမ်း ဝေငှပေး။ ဒီအလုပ်ပါပဲ။

မဟုတ်မခံ သိုင်းပြောင်းပြန်
            အဲဒီခေတ်မှာ ဂျပန်ဟာ လိုရင်လိုသလို ချွေးတပ်ဆွဲ၊ မသင်္ကာတဲ့လူကို ဖမ်းဆီးနှိပ်စက်တတ်ပေမယ့် ဆရာကြီးဦးမောင်လေး တစ်ယောက် ဒီလို ကဒက်ဥတွေ ပို့ချည် ပြန်ချည် လုပ်နေတာ ဘာပြဿနာမှ ကြီးကြီးမားမားမဖြစ်ပါဘူး။ ဂျပန်စစ်တပ်က ထုတ်ပေး ထားတဲ့ ထောက်ခံစာဟာလည်း အတော်ကိုအသုံးတည့်နေပါတယ်။ ဇောတိကုန်းနဲ့ ရွာနီးချုပ်စပ်မှာ ချွေးတပ်ဆွဲခံရမယ့်အရေး၊ ဖမ်းဆီး နှိပ်စက်ခံရမယ့်အရေးတွေကို ဒီထောက်ခံစာအစွမ်းနဲ့ ဒေသခံတွေကို ကူညီရှာပါတယ်။ ဦးမောင်လေးရဲ့ ကဒက်ဥသမ္ဗာန် ဗားဂရာလှေ ဆိပ်ရောက်လာပြီဆိုတာနဲ့ ဆိပ်ကမ်းက ကုန်တင်ကုန်ချအလုပ်သမားတိုင်း အခမဲ့သယ်ပိုးပေးကြပါတယ်။ အကြောင်းကတော့ ဂျပန်တွေ ချွေးတပ်သားလိုတဲ့အခါ ဗားဂရာလှေဆိပ်မှာ လာလာဆွဲတတ်ပါတယ်။ ဒီလိုချွေးတပ်ဆွဲတဲ့အခါနဲ့ ဆရာကြီးဦးမောင်လေးက ဒါ သူ့လူ တွေပါပဲလို့ စစ်တပ်ထောက်ခံစာထုတ်ထုတ်ပြပြီး ကူညီလေ့ရှိပါတယ်။ ဒါကြောင့် ချွေးတပ်ဆွဲခံရမယ့်အရေးက အမြဲလွတ်လေ့ရှိပါတယ်။ နောင်တော့ ဗားဂရာလှေဆိပ်ဖက်ကို ဂျပန်တွေခြေဦးလှည့်မလာကြတော့။ ဆရာကြီးဦးမောင်လေးထုတ်ပြမယ့် ဂျပန်စစ်တပ်ထောက် ခံစာကို ခဏခဏမဖတ်ချင်တော့လို့ ဖြစ်ပါလိမ့်မယ်။
            ဦးမောင်လေးဟာ ဂျပန်ကိုကဒက်ဥရောင်းပေမယ့် ဂျပန်တွေဗိုလ်ကျတာတော့ ငုံ့ခံလေ့မရှိခဲ့ဘူး။ တနေ့တော့ ကဒက်ဥသွင်းပြီး ငွေသွားအထုတ်မှာ ငွေကိုင် ဂျပန်အလိုတော်ရိကုလားနဲ့ ဂျပန်တစ်ယောက်ပေါင်းပြီး ကဒက်ဥဖိုးထဲက ငွေတစ်သောင်းကို ဖျောင်ထား ဖို့ကြံကြပါတယ်။ ဒီမှာတင် ဂျပန်နဲ့ ဦးမောင်လေးတို့ အပြန်အလှန်အော်ကြီးဟစ်ကျယ် ဖြစ်ကြပါတယ်။ ဂျပန်ကလည်း ဂျပန်လို ဆူဆဲ အော်ငေါက်ပြီး ထွက်သွားဖို့ချည်းပြောတယ်။ ဆရာကြီးဦးမောင်လေးဟာ ဂျပန်ကငေါက်ငမ်းလို့ ငုံ့ပြန်သွားလိမ့်မယ်မထင်နဲ့။ ငွေတစ် သောင်းလိုနေတယ်ဆိုတာကို ပယ်ပယ်နယ်နယ် ပတ်တုတ်ရိုက်ပြီး ပြန်အော်ပါတယ်။ သူငေါက် ကိုယ်အော်ပါပဲ။ စစ်တပ်တစ်တပ်လုံး ဆူညံပွက်သွားအောင် အော်ပါတယ်။ ဒီအတိုင်းငြိမ်ခံပြီးပြန်လာရင်လည်း ရွာမှာကျန်ခဲ့တဲ့ ကဒက်ဥတူးသူတွေကို ကိုယ့်အိတ်ထဲက ငွေတစ်သောင်းစိုက် လျော်ရပေလိမ့်မယ်။ ဒီမှာတင် ကိုဘစောရောက်လာလို့ အဖြစ်အပျက်ကို သေချာအောင်ပြောနိုင်တော့တယ်။ ကိုဘစောနဲ့ရှေ့ဆင့်နောက်ဆင့် ဂျပန်အရာရှိရောက်လာပြီး အကျိုးအကြောင်းသိတဲ့အခါ ငွေကိုင်ကုလားနဲ့ ဂျပန်စာရေးကို ခွေခေါက်လဲ သွားလောက်အောင် ပါးနားရိုက် ကန်ကျောက် ထိုးကြိတ်ပြီး ခိုးထားတဲ့ငွေကို ပြန်ပေးစေပါတယ်။ ကဒက်ဥဆိုတာ ဖက်ဆစ်တို့အတွက် ငွေဖြစ်နေတာမဟုတ်ပါလား။ ဖက်ဆစ်တို့ရဲ့ ဘဏ္ဍာရေးယန္တယားကြီးတစ်ခုလုံးဟာလည်း ဦးမောင်လေးရဲ့ လက်ထဲမှာပဲ မဟုတ်ပါလား။

သေနတ်မပါတမ်း ကြိုက်သလိုစမ်း
          ငွေတစ်သောင်းအမှုရှင်းအပြီး ဦးမောင်လေးတို့သမီးယောက်ဖနှစ်ယောက် ငါးထပ်ကြီးဘက်ကိုအသွား ၀င်္ကဘာလမ်း အ ရောက်မှာ ဂျပန်တစ်ယောက်နဲ့ ဗမာတစ်ယောက် သူတစ်ပြန်ကိုယ်တစ်ပြန် ထိုးကြိတ်နေကြပါလေရောလား။ ယောက်ဖလုပ်သူက ဦး မောင်လေးအကြောင်းသိဖြစ်လို့ ရန်ပွဲကိုရှောင်ဖို့ အတင်းပြောတယ်။ ဦးမောင်လေးကတော့ နားမထောင်။ ဗမာကလက်ရည်သာတယ်။ ဗမာ့လက်ဝှေ့တတ်ပုံရတယ်ဆိုတာ သူသိတယ်။ ဗမာဖက်က ထိုးချလိုက်လို့ ဂျပန်မှောက်မှောက်သွားတိုင်း အားရနေပုံရတယ်။ ငွေတစ် သောင်းကိစ္စကြောင့် စိတ်ချဉ်ပေါက်နေတာ အတော်ပဲဖြစ်သွားပုံရတယ်။ ဘေးကနေညာပေးတယ်။ ပြတ်ပြတ်တွယ်ပစ်ဖို့ အားပေးတယ်။ နောက်ဆုံးတော့ ဂျပန်လည်း ခွေခေါက်သွားရပြီ။ ဗမာ့လက်ဝှေ့သမားလည်း မောပြီ။ ဒီမှာတင် ဂျပန်စစ်ပုလိပ်ကားတစ်စီး ဝေါကနဲ ရောက်လာပြီး စစ်ဗိုလ်တစ်ယောက်က သူနဲ့ဆက်ချကြဖို့ လက်ဝှေ့သမားကို စိန်ခေါ်ပြန်တယ်။ ဒီမှာတင် ဦးမောင်လေးလည်း ငြိမ်မ နေတော့ သေချင်သေပါစေ ဆက်ချဖို့ လက်ဝှေ့သမားကို အတင်းတွန်းတော့တယ်။


(ပုံစာ - ဒုတိယကမ္ဘာစစ်အတွင်းက အိုကီနာဝါကျွန်းပေါ်ရှိ ကင်ပေစစ်လေ့ကျင့်ရေးစခန်းက ကိုယ်ခံပညာသင်တန်းတစ်ခု)

ဂျပန်စစ်ဗိုလ်လည်း မြောက်ကြွမြောက်ကြွလုပ်နေတဲ့ ဦးမောင်လေးကို ကြည့်မရဘဲ စိန်ခေါ်တော့တယ်။ ဆရာကြီးဦးမောင်လေးဟာ ဒီအကွက်ကို စောင့်နေတာ ဖြစ်ပါလိမ့်မယ်။ ရေငတ်တုန်း ရေတွင်းထဲကျဆိုသလို စိမ်လိုက်စမ်းပေါ့။ ယောက်ဖလုပ်သူ ကိုဘိုးဆင်ခမျာ ငိုကြီးချက်မနဲ့ အတင်းတားပေမယ့် မရတော့။ ကိုဘိုးဆင် ငို မယ်ဆို ငိုလောက်စရာ။ စစ်ပုလိပ်ဆိုတာ ကင်ပေတွေပဲမဟုတ်ပါလား။ ကင်ပေဆိုတာလည်း ဖက်ဆစ်ထဲမှာ ကြမ်းပေ့ ရမ်းပေ့ဆိုတာမျိုး။ ကင်ပေတိုင်း ဂျပန်ကိုယ်ခံပညာ ကောင်းကောင်းတတ်အောင် လေ့ကျင့်ပေးလိုက်ပြီးသား။ ရက်စက်တတ်အောင်လည်း ကင်ပေသင် တန်းမှာကတည်းက သင်တန်းသားချင်း အပြန်အလှန် ပါးရိုက်ခိုင်းထားတာ။ ပါးရိုက်တာတောင် အချင်းချင်းမို့ညှာရိုက် လျှော့ရိုက်ရင် ဆရာသမားတွေက ကောင်းကောင်းဝင်ရိုက်ပြီး သင်ပေးထားတာ။ ဦးမောင်လေးကတော့ ဘာကောင်ကြီးဖြစ်ဖြစ်မကြောက်။ “ငါသင် ထားတဲ့ပညာဟာ အမျိုးဘာသာ သာသနာအတွက်” လို့ ဆိုထည့်ပြီး ဂျပန်နဲ့ရင်ဆိုင်လိုက်တော့တယ်။
            ဂျပန်စစ်ဗိုလ်က နံပါတ်တုတ်ကို ကင်ဒိုခုတ်ဟန်သုံးပြီး ထိုးတယ်။ တိုက်တယ်။ ရိုက်တယ်။ သိုင်းပြောင်းပြန်သမားဦးမောင်လေး က လက်ချည်းသက်သက်။ ဒါပေမယ့် မနိုင်ရေးချ မနိုင်။ ဂျပန်စစ်ဗိုလ်ခမျာ မနိုင်ရုံသာမက အာလူးသီးအပိန်းပိန်းထပြီး ခံရတော့တယ်။ ဆရာမနိုင်တော့ တပည့်တပ်ကြပ်ကြီးတစ်ယောက်က နံပါတ်တုတ်နဲ့ ၀င်ရိုက်ပြန်တယ်။ ဦးမောင်လေးလည်း ဂျပန်စစ်ပုလိပ်နှစ်ယောက် စလုံးမှောက်သွားအောင် အပြတ်ဆွဲပစ်လိုက်တော့တယ်။ သိုင်းပြောင်းပြန်မဟုတ်ပါလား။ သိုင်းပြောင်းပြန်စစ်တယ်ဆိုရင် မောင်းပြန် သေနတ်ကလွဲရင် ကြိုက်တာနဲ့စမ်း။

ဂိုရှိ ဂေးရှိ ခိုင်းရှား (Goshi Gaeshi Kaisha)
            Goshi Gaeshi ဆိုတဲ့စကားလုံးဟာ ဂျပန်ရဲ့ Harai Goshi Gaeshi ဆိုတဲ့စကားလုံးက လာတာဖြစ်ပါတယ်။ လွယ်လွယ်ပဲ ပြောရရင်တော့ ဆွဲ၊ ကိုင်၊ ချုပ်၊ ညှစ်၊ ပေါက် ဆိုတဲ့ ဂျူဒိုပညာ။ အသတ်အပုတ်ပညာ။ သိုင်းပညာ။ Kaisha ဆိုတာကတော့ ကုမ္ပဏီ၊ အသင်း၊ အစုအဝေး၊ အဖွဲ့အစည်းလို့ဆိုပါတယ်။
            ဂျပန်စစ်ပုလိပ်တွေခမျာ ဦးမောင်လေးရဲ့ သိုင်းပြောင်းပြန်နဲ့အတွေ့မှာ ကြယ်လ နက္ခတ္တာရာ အတော်စုံသွားပုံရတယ်။ ဒါပေမယ့် ချက်ချင်းကုန်းရုန်းထပြီး ဦးမောင်လေးကို ၀မ်းသာအားရ လက်ဆွဲနှုတ်ဆက်ကြပါတယ်။ ဂျစ်ကားပေါ် အတင်းဆွဲတင်ကြ ပါတယ်။ ကိုဘိုးဆင်ကတော့ အကောင်းလို့မထင်။ ဒီတစ်ခါတော့ နေလှန်းပြီး လက်သည်းခွံအခွါခံရပြီပေါ့လို့ ချုံးပွဲချငို။
            မင်္ဂလာဒုံဂျပန်စစ်တပ်ထဲ ရောက်တဲ့အခါ ဂျပန်အရာရှိတစ်ယောက်နဲ့တွေ့တော့မှ ရှင်းတော့တယ်။ ဦးမောင်လေးပညာပေး လိုက်တဲ့ ဂျပန်စစ်ပုလိပ်တွေဟာ နယ်နယ်ရရထဲကမဟုတ် ကိုယ်ခံပညာအတော်ကြီးတတ်ထားကြသူများပင်။ ဒါကြောင့် ဒီနှစ်ယောက် ကို လက်နှက်မပါ လက်ဗလာနဲ့ဆော်ထည့်လိုက်တဲ့သူဆိုတာလည်း ပေါ့သေးသေးမဟုတ် ဆရာ့ဆရာကြီးပဲဖြစ်ရတော့မယ်။ ဒါကြောင့် ဖျာပုံစစ်တပ်မှာ သိုင်းသင်ပေးစေ။ အမိန့်။ ငြင်းရင်သေနိုင်တာမို့ မငြင်းတော့။ ဖက်ဆစ်ကို ပညာသင်ပေးရမှာဖြစ်လို့ အမျိုးဘာသာ သာသနာကို နှိပ်စက်ပေတော့မယ်။ မြွေမသေ တုတ်မကျိုး ငါးပြားဆယ်ပြားဖိုးအဆင့်လောက်ပဲ သင်ပေးဖို့ဆုံးဖြတ်ပြီး လက်ခံလိုက်ရ တော့တယ်။ (စကားချပ် - ဂျပန်တွေဟာ တရုတ်ပြည် ဖူဟမ်ကို သိမ်းထားတုန်းကလည်း တရုတ်သိုင်းပညာရှင်တွေကို အမျိုးမျိုးစမ်း သပ်ပြီး ပညာသင် ယူဖို့ကြိုးစားကြတယ်။ ဂျပန်တွေရဲ့ပညာလိုလားမှုဟာ မာနခံမထားဘူး။ သူတို့ထက်သာတယ်ဆိုရင် တပည့်ခံဖို့ဝန် မလေးဘူး။ အတုယူ ထိုက်ပါတယ်။ နောင် ဘရုစ္စလီရဲ့ ဆရာဖြစ်လာမယ့် Wing Chun သိုင်းပညာရှင် Yip Man ဟာ ဂျပန်ဆယ် ယောက်ကို တပြိုင်တည်းစိန်ခေါ်တိုက်ခိုက်နိုင်ခဲ့လို့ ဂျပန်စစ်တပ်မှာ သိုင်းသင်ပေးရမယ်လို့ အဓမ္မခိုင်းတာခံရဖူးပါတယ်။ တရုတ်နဲ့ဂျပန် သမိုင်းအကြွေးက မပြေနိုင်လောက်အောင်ကြီးလို့ Yip Man က အပြတ်ငြင်းပြီး ရှောင်ပုန်းနေခဲ့ရတယ်။ ဟောင်ကောင်မင်းသား Donnie Yen က Yip Man အသွင်နဲ့ အပြီအပြင်သရုပ်ဆောင်ထားတာ အတွဲ ၂ တွဲတောင်ရှိပါတယ်။ ကိုလွင်မိုးကလည်း အားကျမခံ “ပြောင်းပြန် မောင်လေး” ဆိုပြီး ဆရာကြီးဦးမောင်လေးရဲ့ အတ္ထုပတ္တိတစ်စိတ်တစ်ပိုင်းကို ဗွီဒီယိုတစ်ကားရိုက်ထားတာ ကြည့်ရဖူးပါတယ်။ ဂွကျတာ က အဓိကသရုပ်ဆောင် ကိုလွင်မိုးခမျာ သိုင်းပြောင်းပြန်လည်း ကောင်းကောင်းမတတ်၊ မြန်မာ့ဗွီဒီယိုအဆင့်အတန်းကလည်း အကန့် အသတ်ဖြစ်နေတော့ အားရစရာကိုမရှိပါ။ ဘာပဲဖြစ်ဖြစ် ကြံဖန်ပြီးတော့ ကျေးဇူးတင်သင့်တယ်။)
            ဖျာပုံဂျပန်တပ်မှာ သိုင်းသင်ရမယ်လို့အမိန့်ချလိုက်တော့လည်း မတတ်နိုင်။ သင်ရပေပြီ။ သင်ပေးတဲ့အခါကျတော့လည်း မညှာ မတာ မခိုမကပ်သင်ပေးတယ်။ ပြောင်းပြန်ပညာအပေါ်အထင်အမြင်မသေးစေဖို့ ကောင်းကောင်းမွန်မွန်ကြပ်ကြပ်မတ်မတ်သင်ပေးတယ်။ သင်ပေးပေမယ်လို့ ပေးချင်သလောက်ကိုပဲ အကန့်အသတ်နဲ့သင်ပေးတယ်လို့ ဆရာကြီးဦးမောင်လေးက ဆိုပါတယ်။ ဒါတောင်မှပဲ ကိုရွှေ ဂျပန်တို့ခမျာ ပြဲပြဲလန်အောင်သင်ယူကြရရှာတယ်။ ဦးမောင်လေးကလည်း ကောင်းကောင်းကြီးမောင်းတယ်။ ဒီလိုပယ်၊ ဒီလိုခုတ်၊ ဒီလိုခွဲ။ တစ်ခါနှစ်ခါပြောလို့ပြလို့နားမ၀င်ရင် ဗြောင်း၊ ဒိုင်း၊ ဖုန်း၊ ခွက် ဆိုတဲ့အသံတွေမြည်လာမယ်။ နဘန်ကျင်းမယ်။ သိုင်းပြောင်းပြန် ဂျပန်သင်တန်းသားများခမျာ ဖျာပုံမှာ ပြာပုံဘ၀ရောက်ရတော့မလား ဆိုရလောက်အောင် ဦးမောင်လေးရဲ့လက်စွမ်းကို မြည်းစမ်းခဲ့ရရှာ တယ်။ မြန်မာတစ်မျိုးသားလုံး ဖက်ဆစ်ဂျပန်တွေ နှိပ်စက်တာခံနေရတဲ့ကာလကြီးမှာ ဆရာကြီးဦးမောင်လေးက သူတို့ကို ကောင်း ကောင်းကြီး နဘန်ကျင်းခွင့်ရနေတယ်။ ကောင်းကောင်းကြီး အော်ငေါက်ဆူပူခွင့်ရနေတယ်။ သိုင်းပြောင်းပြန်ပညာရပ်ရဲ့ ထူးခြားတဲ့ ကံကြမ္မာ၊ ဆရာကြီးဦးမောင်လေးရဲ့ ထူးခြားတဲ့ကံကြမ္မာလို့ပဲ ဆိုရပါတော့မယ်။
            ဒီလို သိုင်းသင်ပေးနေရတဲ့ တစ်လနီးပါးကာလအတွင်းမှာ ကဒက်ဥမျှော်တဲ့ ဂျပန်အရာရှိကလည်း ဦးမောင်လေးကို မျှော်ရှာ တယ်။ ပိုက်ဆံတစ်သောင်း အခိုးခံရလို့ စိတ်ဆိုးပြီးလာမပို့တော့တာလားလို့လည်း တွေးနေပုံရတယ်။ စကားပြန်ကိုဘစောကို ဇောတိ ကုန်းလွှတ်ပြီး စုံစမ်းခိုင်းပြန်တယ်။ ကင်ပေဖမ်းတာခံရတယ်လိုသိရတဲ့အခါ တပ်အသီးသီးကို ဆင့်ကဲဆင့်ကဲစုံစမ်းရပြန်တယ်။ ကိုဘစော ခမျာ သူ့အသက်သခင်အရေးမို့ အတော်အပင်ပန်းခံပြီး စုံစမ်းမေးမြန်းဟန်တူပါတယ်။ နောက်ဆုံး ဖျာပုံတပ်မှာ သိုင်းသင်ပေးနေရတယ် ဆိုတော့မှ စိတ်အေးကြရတော့တယ်။ ဦးမောင်လေးကို ပြန်လွှတ်ပေးဖို့ ပြောရတယ်။ ဖျာပုံတပ်ကလည်း ဆရာကြီးရဲ့အစွမ်းကို ကောင်း ကောင်းကြီးလေးစားနေကြပြီမို့ ပြန်မလွှတ်ချင်။ ဂျပန်စစ်အရာရှိများကလည်း သင်တန်းဆရာအဖြစ်သာဆက်ထားဖို့ အလိုရှိကြပြန်တယ်။ ဒီမှာတင် ဦးမောင်လေးမရှိရင် ကဒက်ဥရှာဖို့ အခက်အခဲပိုဖြစ်သွားလိမ့်မယ်လို့ ကိုဘစောက ချက်ကျလက်ကျအကြောင်းပြတော့မှ တွံတေးကို ချက်ချင်းပြန်ပို့ပေးဖို့ စစ်မိန့်ထုတ်ရတော့တယ်။ ကဒက်ဥဟာ အရေးကြီးတယ်မဟုတ်ပါလား။ ဘဏ္ဍာရေးဟာ အရေးကြီး တယ်မဟုတ်ပါလား။


(ပုံစာ - ဂျပန်တပ်မတော်က ထုတ်ပေးလေ့ရှိတဲ့ ဂုဏ်ထူးဆောင်လက်မှတ်။ ယခုပုံသည် Jugun Kisho Certificate သာဖြစ်ပြီး၊ ဆရာကြီးမောင်လေးကိုပေးအပ်ခဲ့သော ဂုဏ်ပြုလက်မှတ်ပုံသဏ္ဌာန်ကို ရှာဖွေရခက်ခဲနေပါသဖြင့် အနီးစပ်ဆုံးတူသော ပုံကိုသာ ဖော်ပြထားပါတယ်။)

            ဇောတိကုန်းပြန်ရောက်ပြီး ကဒက်ဥတွေပြန်စု၊ ပို့လို့ရတဲ့အချိန်ကျတော့ ရန်ကုန်ကိုပို့ပေးရပြန်တယ်။ ဒီတစ်ခေါက်မှာ ကိုဘစောကအသင့်ကြိုပြီး ဂျပန်စစ်အရာရှိကြီးတစ်ယောက်ဆီ ခေါ်သွားပြန်တယ်။ ဦးမောင်လေးကိုတွေ့တဲ့အခါ ဂျပန်အရာရှိဟာ အင် မတန်သဘောကျဟန်ပြပြီး ကောင်းကောင်းမွန်မွန်ဆီးကြိုတယ်။ ခြေဆံ လက်ဆံ လက်အိုး ပေါင်ခွင်တွေကို ကိုင်ညှစ်ကြည့်ပြီး အင်မတန် မှချီးမွှမ်းတယ်။ နောက်တော့ တစ်တောင်ပတ်လည်နီးပါးရှိတဲ့ ဂျပန်စာတွေရိုက်နှိပ်ထားတဲ့စာရွက်ကြီးအလယ်မှာ ရွှေစာလုံးကြီးတစ်လုံး ထင်းနေအောင်ထပ်ပြီးရိုက်ထားတဲ့ ဂုဏ်ပြုလက်မှတ်ကို ထုတ်ပေးပါတော့တယ်။ ဒါဟာ ဂျပန်တပ်မတော်ရဲ့ ဂုဏ်ထူးဆောင်သိုင်း ဆရာကြီးဘွဲ့။ တနည်းအားဖြင့် “ဂိုရှိ ဂေးရှိ ခိုင်းရှား (Goshi Gaeshi Kaisha)” ပါပဲ။ ဒီဂျပန်စကားစုရဲ့အဓိပ္ပါယ်ကို ဆီလျော်အောင် ဘာသာပြန်ကြည့်ရင် သိုင်းပညာအရာမှာ အစုအဝေးစွမ်းအားရှိသောပုဂ္ဂိုလ်လို့ ပြန်ရမလားမပြောတတ်ပါ။ ဒီဂုဏ်ထူးဆောင်လက်မှတ်မှာ ပါတဲ့ အခြားစာသားတွေရဲ့အဓိပ္ပါယ်ကို နားလည်တဲ့ပုဂ္ဂိုလ်များကို မေးမြန်းကြည့်တဲ့အခါမှာလည်း လူ ၃၀ ဦးရဲ့ စွမ်းအားနဲ့ညီမျှတဲ့ ပုဂ္ဂိုလ်လို့ ချီးမွှမ်းထားသေးကြောင်း ဆရာကြီးဦးမောင်လေးက ပြောပြဖူးပါတယ်။ ဖျာပုံတပ်မှာ ဆရာကြီးဦးမောင်လေးကို ဘယ်လိုထပ် စမ်းကြသေးသလဲဆိုတာ မသိရပါ။ ဂျပန်စစ်တပ်အသိုင်းအ၀ိုင်းမှာတော့ ဆရာကြီးဦးမောင်လေးရဲ့ဂုဏ်သတင်းဟာ မွှေးပျံ့နေပါတော့ တယ်။ သိပ်ကြမ်းတဲ့ ပုဂ္ဂိုလ်ကြီး။ ဒေါသကလည်း ထက်သတဲ့။ ပညာခံကလည်း အင်မတန်စွမ်းတယ်လို့ ဆိုစမှတ်ပြုကြပါတယ်။ ဆရာကြီးဦးမောင်လေးက “ဂိုရှိ ဂေးရှိ ခိုင်းရှား (Goshi Gaeshi Kaisha)” လို့ဆိုလိုက်တာနဲ့ ဂျပန်စစ်သားကြီးကြီးငယ်ငယ်ဟူသမျှ အလေးပြုအရိုအသေပေးရပါတော့တယ်။
            ဆရာကြီးဦးမောင်လေးဟာ ဒီဂုဏ်ထူးဆောင်လက်မှတ်အစွမ်းကိုအသုံးချလို့ ဂျပန်ခေတ်တလျောက် သူနဲ့နီးစပ်ပတ်သက်ရာ မြန်မာလူထုများကို အကူအညီအမြောက်အများပေးနိုင်ခဲ့ပါတယ်။

ကိုးကား
            - သိုင်းပြောင်းပြန်ဦးမောင်လေး (ပွင့်လန်း - သတ္ထုတွင်း၊ အမျိုးသားစာပေဆု)
            - စစ်အတွင်းမြန်မာပြည်အတွေ့အကြုံများ (ဦးရွှေဘ၊ မြန်မာ့အသံကျော်ဦး)
            - ကိုလိုနီခေတ်မြန်မာနိုင်ငံသမိုင်း (ဗန်းမော်တင်အောင်)
            - မြန်မာနှစ်တစ်ရာပြက္ခဒိန်
            - Wikipedia Encyclopedia
            - Google Search
            - Hong Kong Movie (Yip Man 1, 2)
            - Myanmar Movie (Byaung Pyan Maung Lay)

မှတ်ချက်
            ယခုစာစုကို သိုင်းပြောင်းပြန် Page ဖြစ်တဲ့ https://www.facebook.com/pages/%E1%80%81%E1%80%B0%E1%80%B8%E1%80%81%E1%80%AB%E1%80%81%E1%80%BA%E1%80%94%E1%80%B9%E1%82%94-%E1%80%9E%E1%80%AD%E1%80%AF%E1%80%84%E1%80%B9%E1%80%B8%E1%80%B1%E1%80%BB%E1%80%95%E1%80%AC%E1%80%84%E1%80%B9%E1%80%B8%E1%80%BB%E1%80%95%E1%80%94%E1%80%B9-Thaing-Byaung-Pyan/236497979808889?ref=hl မှာလည်းတင် ပေးထားပါတယ်။ အကယ်၍ Printed Media များတွင်ကူးယူဖော်ပြမယ်ဆိုရင်တော့ အသိပေးအကြောင်းကြားစေချင်ပါတယ်။ ယခု Post ကို PDF File နဲ့ သိမ်းဆည်းထားမယ် ဖတ်ရှုလိုတယ်ဆိုရင်တော့ http://www.scribd.com/doc/163663151/Japan-and-Thaing-Byaung-Byan ကိုနှိပ်ပြီးဖတ်ရှုနိုင်ပါတယ်။

ကိုဇင် (အဓိပတိပစ္စယော)
၂၀၁၃ ခုနှစ်၊ သြဂုတ်လ (၂၈) ရက်။