Pregnancy and Ultrasound (1) ကိုယ်ဝန်ဆောင် (အာလ်ထွာဆောင်း)

(၁) ဆရာရှင့် ရာသီသွေး ၄ ရက်ကျော်ပါသဖြင့် စစ်ကြည့်ရာ အနီမျဉ်း၂ ကြောင်းပေါ်ပါသည်ရှင့်။ test line က မူလလိုင်းလောက် မထင်းသော်လည်း မြင်သာ ထင်သာရှိပါသည်ရှင့်။ အဲဒါကိုယ်ဝန်ရှိပါသလား။ ဝမ်းဗိုက် အောက်ပိုင်းတွင်တော့ တချက်တချက်အောင့်ပါသည်။ အဲဒါဘာဖြစ်လို့ပါသလဲရှင့်။ ultrasound ရိုက်ကြည့်ရာ positive ပေမဲ့ ဘာမှမပေါ်သေးဟု အဖြေထွက်ပါသည်။ ဆရာမှ တိကျစွာဖြေကြားပေးစေ လိုပါသည်ရှင့်။

(၂) ကျွန်တော့် အမျိုးသမီး ကိုယ်ဝန်အတွတ် မေးချင်လို့ပါ။ ကျွန်တော့် အမျိုးသမီး အသက်၂၇ ပါ၊ ကျွန်တော်က ၂၈ ပါ။ ကျွန်တော်တို့ အိမ်ထောင်သက် ၂ နှစ်ရှိပြီး ကလေးယူဖို့ ဆုံးဖြတ်ပြီးပါပြီ။ ကျွန်တော့် အမျိုးသမီး ရာသီလာရမယ့်ရက်ကို မလာဘဲ ၁ ပတ်လောက်ကျာ်တော့ ဆီးစစ်ကြည့်တာ ၂ လိုင်း ပေါ်တာတွေ့ရပါတယ်။ ကျွန်တော်တို့က့့ မှာပါ။
နောက်နေ့ ဆေးခန်းသွားပြတော့လည်း ဆရာဝန်က ကိုယ်ဝန်ရှိပြီလို့ ပြောပါတယ်။ အခု ကျွန်တော့် အမျိုးသမီး ရန်ကုန် ပြန်သွားပါပြီ။ ရန်ကုန်မှာ အိုဂျီ အပ်ဖို့ ဒီနေ့ သွားပြပါတယ်။ အနာလ်ထရာဆောင်း ရိုက်ရပါတယ်။ ဒါပေမယ့်ဆရာဝန်က ရေအိတ်ဘဲ တွေ့ရပြီး သန္ဓေသားကို မတွေ့ရဘူးတဲ့။ အဲဒါ နောက် ၂ ပတ်နေထပ်စစ်ရမယ်လို့ ချိန်းလိုက်ပါတယ်။ ကျွန်တော် အရမ်းစိတ်ပူတယ်ဆရာ။ ဘာဖြစ်လို့ ပါလဲ။ ကိုယ်ဝန်ထိခိုက်တာလား။ ပြီးတော့ ဘာဖြစ်နိုင်ပါသေးလဲဆရာ။ အမျိုးသမီးအတွတ်ကိုလည်း စိတ်ပူနေတယ်ဆရာ။ ကျေးဇူးပြုပြီး ရှင်းပြပေးပါဆရာ။
(၃) သမီးက အခု ကိုယ်ဝန် ၇ လ (၂၈ ပတ်) ရှိပါပြီ။ ဒီနေ့ (အာလ်ထွာဆောင်း) ရိုက်ဖို့ ချိန်းလို့ (့) က ဒေသန္တရ ဆေးခန်း တစ်ခုမှာ (အာလ်ထွာဆောင်း) သွားရိုက်ခဲ့ပါတယ် ဒါပေမယ့် ရိုက်ပေးတဲ့ ဆရာဝန်က ဘာမှလည်း ပြောမပြဘူး။ ကလေး အနေအထားတို့ ဘာတို့ တစ်ခုမှ ပြောမပြဘူးဆရာ။ ကလေး အနေအထားတို့ ဘာတို့ တစ်ခုမှ ပြောမပြဘူး။ နှစ်ခွန်းပဲ ပြောတယ်။ အဲတာ ကလေးရဲ့ နှလုံးဆိုပြီး၊ မော်နီတာကို နည်းနည်းလှည့်ပြတယ်။ သေချာလည်း မမြင်ရဘူး။ သမီးကမေးမှ ကလေးက မိန်းကလေးလား ယောက်ျားလေးလားဆိုတော့ Baby boy I think ဆိုပြီး မရောမရာ ပြောပါတယ်။ အဲတာ (အာလ်ထွာ-ဆောင်း) ဓါတ်ပုံပေးပါဆိုတော့ သူတို့ဆီမှာ အဲတာ ထုတ်တဲ့စာရွက် မရှိဘူးဆိုပြီး ပြန်ဖြေတယ်။ တော်တော် စိတ်ညစ်သွားပါတယ်။ ၃ လတုန်းက တစ်ခါ ရိုက်တယ်။ အခု ဒုတိယတစ်ခါ ရိုက်တာပါ။ အခုရိုက်တာမှာ ပြည့်ပြည့်စုံစုံ သိရမယ်ထင်ပြီး ပျော်နေခဲ့တာ အခုကျတော့ ဘာမှလည်း သေချာ မသိရသေးတော့၊ ဒီတပတ်အတွင်း ထပ်ရိုက်ကြည့်ချင်တာ။ အရမ်း သိချင်လွန်းလို့ပါ။ (အာလ်ထွာ-ဆောင်း) ခဏခဏရိုက်ရင် ကလေးကို ထိခိုက်နိုင်ပါသလား။ အပြင်ဆေးခန်းမှာ ထပ်ရိုက်ကြည့်ရင် ကောင်းမလားလို့ တိုင်ပင်တာပါ။
(၄) ကိုယ်ဝန်ဆောင်ရင် ၃ လလောက်မှာဆို (အာလ်ထွာ-ဆောင်း) ရိုက်လို့ရပြီလား။ ဘယ်အချိန်လောက်ဆိုရင် ပေါ်ပြီလဲ။
(၅) သမီး နောက်ထပ် ကိုယ်ဝန် ထပ်ရပါပြီရှင့်။ အခု ၇ ပတ်နဲ့ ၂ ရက်ရောက်ပါပြီ။ (အာလ်ထွာ-ဆောင်း) ရိုက်လို့ရပြီလား ဆရာ။

ကိုယ်ဝန်အတွက် ဆီးစစ်တာမှာ စောနေသေးရင် မျဉ်းတကြောင်းက ခပ်မှိန်မှိန်သာပေါ်အုံးမယ်။ အဲတာလဲ အပေါင်းလို့ ဖတ်တယ်။ နောက် တပါတ်နေပြန်စမ်းရင် ၂ ကြောင်းလုံးထင်ထင်ရှားရှားမြင်လာရမယ်။ အာလ်ထွာဆောင်းကို ကိုယ်ဝန် နုသေးရင် မြင်ဘို့ခက်သေးတယ်။

(အာလ်ထွာ-ဆောင်း) ရိုက်စစ်ဆေးနည်းဟာ စိတ်ချရတယ်၊ အကုန်အကျ မများဘူး၊ တိကျတယ်လို့ လက်ခံထားကြတာမို့ ကိုယ်ဝန်ဆောင်များအတွက် ကျယ်ကျယ်ပြန့်ပြန့် သုံးကြတယ်။ ဘာတွေ သိချင်လို့ပါလဲ။

၁။ ကိုယ်ဝန်ရှိတာ သေခြာသိမယ်။ သန္ဓေကိုဖုံးထားတဲ့ အိတ်ကလေး Gestational sac ကို ရက်သတ္ကပါတ် ၄ ပါတ်ခွဲမှာ စမြင်ရပြီ။ သန္ဓေဟာ သားအိမ်ထဲမှာ ရှိနေတာ ဟုတ်-မဟုတ်လဲ သေခြာသိနိုင်တယ်။

၂။ ကိုယ်ဝန်ရှိတုံး သွေးဆင်းရင် ပျက်လေမလား သိနိုင်တယ်။ ၆-၇ ပါတ်ဆိုရင် Doppler ultrasound နဲ့ ကလေး နှလုံးခုန်သံကို သိနိုင်ပြီ။ ဒါဆို ၉၅% မက ကိုယ်ဝန်က ကောင်းတယ်။ ကလေးနှလုံးခုန်သံဟာ ကိုယ်ဝန် အနု-အရင့် လိုက် ပြောင်းတယ်။ ၁ လခွဲတုံးက ၁ မိနစ်မှာ ၉ဝ-၁၁ဝ ရှိတယ်။ ၉ ပါတ်ကစပြီး မွေးတဲ့အထိ ၁၄ဝ-၁၇ဝ ရှိလာတယ်။

၃။ ကိုယ်ဝန် ဘယ်လောက် ရင့်နေပြီလဲသိမယ်။ သန္ဓေသား အရွယ်အစားဟာ ရင့်လေ ကြီးလေဖြစ်တယ်။
(က) Crown-rump length (CRL) ခေါင်းထိပ်ကနေ အောက်ခြေအထိ ဘယ်လောက် ရှည်သလဲဆိုတာ ၇-၁၃ ပါတ်မှာ အတိအကျ သိရပြီ။
(ခ) Biparietal diameter (BPD) ခေါင်းဘေးနှစ်ဘက် အကွာအဝေး၊ ၁၁ ပါတ် မှာ ၂ဝ ကနေ မွေးတော့မယ်ဆိုရင် ၉ဝ-၁ဝဝ မီလီမီတာ ရှိတယ်။
(ဂ) Femur length (FL) ပေါင်အရှည် ၁၁ ပါတ်မှာ ၁၊ မွေးခါနီးရင် ၇၉-၈ဝ မီလီမီတာ ရှိတယ်။
(ဃ) Abdominal circumference (AC) ကိုယ်ဝန်ရင့်ချိန်မှာ အရေးကြီးတဲ့ တိုင်းထွာချက်ဖြစ်တယ်။ ၁၁ ပါတ်မှာ ၅၊ မွေးခါနီးရင် ၃၅ဝ မီလီမီတာ ရှိတယ်။

၎။ သန္ဓေသားမှာ အင်္ဂါချို့ယွင်းတာ ရှိ-မရှသိဘိုိ့၊ ကိုယ်ဝန် ၂ဝ ပါတ်မတိုင်ခင် စမ်းတာကောင်းတယ်။ ခေါင်းထဲက အရည်တွေ များနေတာ၊ ဦးနှောက် မပါတာ၊ ဦးနှောက်မြှေး အိတ်ဖြစ်နေတာ၊ ခါးရိုးဆစ်ကနေ အာရုံကြော ကျွံထွက် နေတာတွေကို သိနိုင်တယ်။ နောက်ပေါ် ကရိယာကနေ အာခေါင်ကွဲ၊ နှလုံးရာဂါ၊ စတာတွေပါ သိရစေတယ်။

၅။ အချင်းတည်နေရာကို သိရတာ အလွန်မတန် အကျိုးများတယ်။ အချင်းရဲ့ အောက်ဖျားက ဘယ်နားမှာလဲ သိရင် ခွဲမွေးဘို့ မလွဲမသွေလိုတဲ့ အချက်ကြီးတခု ကြိုသိရတယ်။ အချင်းက အောက်ကျပြီး၊ သားအိမ်အဝအနား ရောက်နေရင် ခွဲမွေးရမယ်။ ဒါ့အပြင် အချင်းရောဂါတွေကို ပါရှိရင် သိရတယ်။

၆။ အမွှာ ဟုတ်-မဟုတ်၊

၇။ ရေမြွှာရည် အနည်း-အများ၊

၈။ ဗိုက်ထဲမှာ ကလေး သေမနေတာသိမယ်။ ကလေးက Head/Cephalic ခေါင်းနဲ့ မဟုတ်ဘဲ Breech တင်ပါးဆုံပြုနေတာ၊ သားအိမ် ပုံမှန်ဟုတ်-မဟုတ်၊ Myoma သားအိမ်အလုံးရှိတာ၊ Overian cyst မျိုးဥအိမ်အလုံး ရှိတာတွေပါ သိနိုင်တယ်။

မထိခိုက်ပါ
ကလေးကို မထိခိုက်ဘူးလို့ ယေဘူယျပြောနိုင်ပါတယ်။ ကလေးရဲ့နှလုံးကို ပြတယ်ဆိုတော့ ကလေးကောင်းနေတယ်လို့ မှန်းနိုင်တယ်။ အဓိကအချက်တခုက အချင်းအနေအထား သိဘို့လိုတယ်။ အချင်း အောက်ကျမနေရဘူး။ အောက်ကျနေရင် ခွဲမွေးရမယ်။ ကလေးရဲ့ အနေအထား Position (Cephalic or Breech) ခေါင်းနဲ့လား၊ တင်ပါးလား သိရမယ်။ ကလေးမှာ ပုံမှန်မဟုတ်တာ တခုခုရှိရင်လည်း ပြောပြလိမ့်မယ်။ အဲဒါတွေ ကောင်းနေလို့၊ မလိုလို့ မပြောတာ ဖြစ်နိုင်ပါတယ်။ ဓါတ်ပုံထုတ်ပေးတာထက် စာနဲ့မှတ်ချက်ရေးပေးတာ ရသင့်တယ်။ (အာလ်ထွာ-ဆောင်း) ရိုက်ရင်သိတဲ့ ကလေး ကျား-မ ဆိုတာကို သူ့နိုင်ငံ ဥပဒေအရ မပြောရတာ-ပြောရတာ ရှိတယ်။

တွက်ချက်မှု
ကလေးရဲ့ ကိုယ်ဝန် ဘယ်လောက်ရင့်နေသလဲဆိုတာ ရက်သတ္တပါတ်နဲ့ ရက်ပေါင်း ရေးလိမ့်မယ်။ မွေးမဲ့ရက် ခန့်မှန်းခြေပါ ပါလိမ့်မယ်။ နဲနဲ အောက်တာတခု ရှိတယ်။ ကိုယ်ဝန်ကို တွက်ချက်ရင် ရက်သတ္ကပါတ်နဲ့သာ တွက်တာ။ ၁ လမှာ ၄ ပါတ်၊ ၁ လမှာ ၃ဝ ရက်ထားရတယ်။ ဗိုက်အပ်လာသူကို အရင်ဆုံး မေးတာက LMP ရာသီ နောက်ဆုံးလာတဲ့ရက်။ ပြောလိမ့်မယ်။ ရက်-လ-ခုနှစ်။ အဲဒီအထဲကို ၉ လ နဲ့ ၇ ရက် ပေါင်းထည့်တာနဲ့ ခန့်မှန်း-မွေးမဲ့ရက် EDD ရသွားပြီ။

ဂဏန်းတွက် ပျင်းသူတွေ ခေါင်းစားရတယ်။ ရက်သတ္ကပါတ်ကို လဖွဲ့ဘို့ ၄ နဲ့စား၊ ကျန်တာကို ၇ နဲ့ မြှောက်မှ ရက်ရ၊ ရက်နဲ့ ထပ်ပေါင်းပါမှ ကိစ္စပြီးမယ်။ မရိုက်ခင်က တွက်ထားတာနဲ့ လွဲတတ်တယ်။ ပြဿနာ မဟုတ်ပါ။ ဘယ်ရက် ဖြစ်ဖြစ် မှန်းရက်နဲ့ ရှေ့ ၂ ပါတ်၊ နောက် ၂ ပါတ် လွဲနိုင်တယ်။ ယမုန်နာ-ဆေးခန်းမှာ မွေးတာ ၁၄၇ ယောက် ထဲက အတိအကျ မွေးတာ ၅ ယောက်နဲ့၊ ၁ ရက်လွဲ ၉ ယောက်ဘဲ ရှိပါတယ်။

ဘယ်တော့မှာ ဘယ်နှစ်ခါရိုက်မလဲ
အမျိုးသမီးတိုင်းက ရာသီလလယ်မှာ မ-မျိုးဥ ထွက်ကြတာ မဟုတ်လို့၊ Ultrasound ကို တခါရိုက်တာနဲ့ အပြတ်ပြောလို့ မရတတ်ဘူး။ ၂ ခါ ရိုက်သင့်တယ်လို့ အကြမ်းပြောလို့ ရတယ်။ စောစောရိုက်တာကတော့ ကိုယ်ဝန်ရှိတာ သေခြာမယ်၊ သားအိမ်ပြင်ပ တည်တာဆိုရင် ကွဲမထွက်ခင် ခွဲဘို့ ပြင်နိုင်တယ်။ အချင်း အောက်ကျနေတာ၊ ကလေးက ခေါင်းကြီး နေတာ၊ မိခင် တင်ပါးဆုံအရိုးကွင်းနဲ့ မဆံ့တာ၊ ရင်ခြင်းဆက်ဆိုတာမျိုး အထူးအဆန်းတွေ ရှိနေတာ သိရင် ခွဲမွေးဘို့ ပြင်ထားနိုင်တယ်။ ဥပဒေက ခွင့်ပြုရင် မွေးရာပါ ချို့ယွင်းချက်တွေ သိရလို့ ကိုယ်ဝန်ကို စောစော အဆုံးသတ် ပြစ်နိုင်တယ်။

ကလေးမလှုတ်တော့ဘူး ထင်ရင်လည်း ထပ်ရိုက်သင့်တယ်။ စောစော ရိုက်တုံးကရှိတဲ့ ကလေးခေါင်း အနေအထားဟာ နောက်မှာ ပြောင်းတတ်လို့ Breech ခြေကဖွါး ဖြစ်-မဖြစ် သိရအောင် ရင့်မှ (၈ လနောက်မှာ) နောက်တခါ ထပ်ရိုက်တာ ကောင်းတယ်။ ခြေကဖွါး ဆိုရင် ပိုပြီးဂရုစိုက် မွေးပေးရတယ်။

ကျန်းမာ-သန်စွမ်းတဲ့ သားသမီးကောင်း ရတနာများ ထွန်းကားကြပါစေ။

Dr. တင့်ဆွေ