အခန်း(၇) အစားအစာ၊ ပညာရေး၊ ကျန်းမာရေး ၊ အိမ်ယာနှင့် အလုပ်အကိုင်

by မင်းခက်ရဲ (Min Khet Ye) on Sunday, December 9, 2012 at 5:51pm ·

            “လူအခွင့်အရေးဆိုတာ မနက်စာစားတာနဲ့ စတင်လာတယ်” လို့ ဆီနီဂေါသမ္မတ လီယိုပို ဆမ်ဂေါ ပြောတဲ့ အမြင်ဟာ လူအခွင့်အရေးရဲ့ ရှုထောင့်တရပ်အဖြစ် ထိတ်လန့်တကြားနဲ့ ပြန်လည်တုံ့ပြန်လာဖို့ အထောက်အကူ ပြုတယ်။ တစ်ချို့တွေက အစားအစာအခွင့်အရေး လို တစ်ချို့သောအခွင့်အရေးတွေဟာ သင့်တင်မျှတစွာနဲ့ လုံခြုံမှုပေးသင့်တယ် ။ ပေးသင့်တာမှ  စည်းဇိမ်တစ်မျိုးဖြစ်တဲ့ လွတ်လပ်စွာပြောဆိုခွင့် ၊ မဲပေးနိုင်ခွင့်အခွင့်အရေးဆိုတာထက် ပိုဦးစားပေးပြီး ရရှိသင့်တယ်လို့ ယူတာပါ။အများစုက  ဗိုက်ဝဖို့ အခွင့်အရေး အဖြစ်ဖော်ပြချတယ်။ နိုင်ငံရေးမှာ ပါဝင်ဆောင်ရွက်ခွင့် ၊ ဥပဒေမဲ့ ထိန်းသိမ်းခြင်း၊ လွတ်လပ်စွာ ထုတ်ဖော်ခြင်း ဒါမှမဟုတ် ပုဂ္ဂလိကလုံခြုံမှု စတာတွေနဲ့ ဆက်စပ်နေတဲ့ နိုင်ငံသား အခွင့်အရေးနဲ့ နိုင်ငံရေးအခွင့်အရေးတွေဆီမလှည့်ခင်မှာ  ရေနဲ့ အစားအစာ လုံလောက်စွာရရှိခွင့်အရေးကို အထောက်ပံ့ ဖြစ်သင့်တယ်။

ဒီတောင်းဆိုမှုဟာ တခြားအခွင့်အရေးတွေလို အစိုးရနယ်ပယ်မှာ မလွမ်းမိုးဘူး။  ယနေ့မှာ အစိုးရမှန်သမျှ လက်ခံထားတာက  အခွင့်အရေးအမျိုးမျိုးကြားမှာ ဘယ်အခွင့်အရေးကိုမှ ဦးစားပေးအရာအဖြစ်ကြိုတင် သတ်မှတ်ထား တာမျိုးမရှိသင့်ဘူးဆိုတာပဲ ။  အခွင့်အရေးပုံစံအမျိုးမျိုးဟာ တစ်ခုနဲ့ တစ်ခု အပြန်အလှန်အားဖြည့်နေတယ်။  အာဟာရ ၊ ကျန်းမာရေးနဲ့ ပညာရေး ပိုမိုကောင်းမွန်မှုဟာ  နိုင်ငံရေးလွတ်လပ်မှုတွေ နဲ့  ဥပဒေစိုးမိုးတိုးတက်မှုတွေကို ယူဆောင်ပေး လိမ့်မယ် ။  အလားတူပဲ လွတ်လပ်စွာ ထုတ်ဖော်ပြောဆိုမှု နဲ့အဖွဲ့အစည်းဖွဲ့စည်းမှု ဟာ  အစားအစာ ၊ကျန်းမာရေးနဲ့ အလုပ်အကိုင် အခွင့်အရေးတွေကို ကာကွယ်ပေးဖို့အတွက် အကောင်းဆုံး ဆုံဖြတ်ချက်တွေကို ချမှတ်နိုင်အောင်လုပ်ပေး တယ်။  လူအားလုံးအတွက် အခွင့်အရေးအားလုံး လုံခြုံစေဖို့ဆိုတဲ့ ဒီစိတ်ဆန္ဒမျိုးရှိနေကြပေမယ့်လည်း အစဉ်အလာ ယူဆချက်တွေမှာ အခွင့်အရေးတစ်ခုမှာ ဘာတွေပါဝင်သင့်သလဲဆိုတာကို ခုထက်ထိ ခံယူနေကြဆဲဖြစ်တယ်။   အခွင့်အရေးတွေနဲ့ ပတ်သတ်တဲ့ အသံကို အဝေးကြီးရှာဖွေနေရပြီဆိုရင် ဒါဟာ  တကယ့် လူ့အခွင့်အရေး မဟုတ်ဘူး ။ ဒီအကြောင်းကို အခန်း ၈မှာ ဆွေးနွေးပါမယ်။

ဘောင်- အီကိုနောမစ်မဂ္ဂဇင်း ၁သြဂတ်စ် ၂၀၀၁

 ကောင်းမှုကို အကြွင်းမဲ့ လူ့အခွင့်အရေးအဖြစ်နဲ့ သတ်မှတ်ထားတတ်ကြတယ် ။ ဒီအဓိပ္ပာယ်က  ဆင်ခြင်တုံတရားရှိတဲ့ ပြည်သူဟာ ဘယ်လိုတရားစီရင်ရေး နဲ့ အခြေအနေအောက်မှာမှ ဘယ်လိုလူမျိုးအတွက်မဆို ကောင်းမှု ၀ါ အကြွင်းမဲ့ ယူနီဗာဆယ် အခွင့်အရေးကို မငြင်းသင့်ဘူး။ ညှင်းပန်းနှိပ်စက်မှုကနေ ကင်းဝေးခွင့်ဟာ နိုင်ငံတကာလွတ်ငြိ်မ်းချမ်းသာမှုလို အဖွဲ့အစည်းတွေရဲ့ အငြင်းပွားဖွယ်ရာ အားထုတ်မှုကြောင့် အကြွင်းမဲ့ ယူနီဗာဆယ်အခွင့်အရေး အမျိုးအစားထဲ ၀င်သွားပေမယ့် အစားအစာနဲ့ ကောင်းမွန်တဲ့အိမ်ရာနေထိုင်ခွင့် အခွင့်အရေးကတော့ အကြွင်းမဲ့ ယူနီဗာဆယ်အခွင့်အရေး ထဲ မ၀င်ဘူး။ အစိုးရတွေဟာ သူတို့ရဲ့ နိုင်ငံသားတွေကို ရည်ရွယ်ချက်ရှိရှိ ညှင်းပန်းနှိပ်စက် ချင်နှိပ်စက်မယ်  ။ ဒါပေမယ့် အစိုးရဟာ သူတို့နိုင်ငံသားတွေကို  ဆင်းရဲအောင်နဲ့ နာမကျန်းဖြစ်အောင် ရည်ရွယ်ချက်ရှိရှိတော့ အများအားဖြင့် မလုပ်ဘူး။ ဆင်းရဲမွဲတေမှုနဲ့ ရောဂါဘယတွေကို ရပ်တန့်မယ့် ကိုယ်ကျင့်တရားဆိုင်ရာ တွန်းအားဟာ ညှင်းပန်းနှိပ်စက်အမှုကို ရပ်တန့်မယ့် ကိုယ်ကျင့်တရားဆိုင်ရာတွန်းအားလောက် ယုံကြည်စရာမကောင်းဘူး။

            တစ်ဖက်ကနေဆိုရရင် လူ့အခွင့်အရေးကို  ညှင်းပန်နှိပ်စက်မှုနဲ့ လွတ်လပ်စွာထုတ်ဖော်ပြောဆိုမှု စတဲ့ ပြဿနာရပ်တွေနဲ့သာ ချုပ်နှောင်ထားလိုသူတွေဟာ ဆင်းရဲမှုနဲ့ ရောဂါတွေကို ဘယ်လောက် ဂရုစိုက်သင့်သလဲဆိုတာနဲ့ ပတ်သတ်ပြီး လျော့တွက်ကြတယ် ။  လူ့အခွင့်အရေးကို အစဉ်အလာရဲ့ ကျဉ်းမြောင်းတဲ့ အမြင်အတွင်းကနေ ဖတ်ရှုခြင်းဟာ နိုင်ငံတကာဆက်ဆံရေးမှာတောင်လက်သင့်မခံကြတော့ဘူး။ “လူ့အခွင့်အရေးများ” လို့ ဖော်ထုတ်လိုက်တာနဲ့ ညှင်းပန်းနှိပ်စက်ခြင်း၊ ကျွန်ပြုခြင်းနဲ့ တရားလက်လွတ်ထိန်းသိမ်းခြင်းမှ ကင်းလွတ်ရေး စတဲ့  နိုင်ငံသားနဲ့ နိုင်ငံရေးအခွင့်အရေးနဲ့သာမကဘူး ၊ စီးပွားရေး ၊လူမှုရေးနဲ့ ယဉ်ကျေးမှုဆိုင်ရာ အခွင့်အရေးတွေနဲ့ပါ သတ်ဆိုင်တယ်။ အပြည်ပြည်ဆိုင်ရာ လူ့အခွင့်အရေး ကြေညာစာတမ်းပါ စကားနဲ့ပြောရရင်-

“လူတိုင်းတွင် မိမိနှင့် မိမိ မိသားစု ကျန်းမာရေးနှင့် ကောင်းမွန်သော လူသားဘ၀ကို ပိုင်ဆိုင်နိုင်ရေးအတွက် -အစားအစာ၊ အ၀တ်အထည်၊ အိမ်ယာ ၊ ဆေးဝါးစောင့်ရှောက်မှု နှင့် လိုအပ်သော လူမှုရေး အထောက်အပံ့ များကို သင့်တင့်သော ဘ၀နေထိုင်မှုအဆင့်အတန်းရရှိရန် အခွင့်အရေးအတွက် ခံစားနိုင်ခွင့်ရှိရမည်။  အလုပ်လက်မဲ့ အခြေအနေ၊ မကျန်းမားသော အခြေအနေ ၊ ကိုယ်အင်္ဂါ မစွမ်းမသန်သော အခြေအနေ ၊ မုဆိုးမဖြစ်သော အခြေအနေ ၊အသက်အရွယ် အိုမင်းသော အခြေအနေ၊ မိမိကိုယ်တိုင် မထိန်းချုပ်နိုင်သော အခြေအနေအကြောင်းတရားများထဲတွင် ၀မ်းစာရှာမှီးနိုင်သော အခြေအနေ မရှိသောအခါများတွင် ၎င်းအရာအများအတွက် လုံခြုံစိတ်ချမှု အခွင့်အရေး ရှိရမည်”

            ပထမဆုံး နိုင်ငံတကာက သဘောမတူဖြစ်တာက အထက်ပါအခွင့်အရေးတွေကို ဖြည့်ဆည်းပေးဖို့ သင့်တော်တဲ့ ယန္တရားက ဘာလဲဆိုတာပဲ။ ဒုတိယကတော့ အထက်ပါ အခွင့်အရေးတွေ အတွက်တိကျတဲ့ နယ်နမိတ် အကန့်အသတ်က ဘာလဲ ။ ဒီအခွင့်အရေးတွေရဲ့ နယ်နမိတ်အကန့်အသတ်ကို အနက်မပြန်ခင်မှာ ဘယ်လိုဖြည့်ဆည်းမလဲ ဆိုတဲ့ ပြဿနာရပ်ကို စဉ်းစားကြရအောင်။                                                                                                                                    အဓိက စိတ်ဝင်းစားစရာက စီးပွားရေးနဲ့ လူမှုရေးပေါ်လစီကို ဒီမိုကရေစီအရ တာဝန်ယူပေးရတဲ့ ပေါ်လစီရေးဆွဲသူ တွေကသာ ပြဌာန်းတာပဲ ။  အကန့်အသတ်ရှိတဲ့ အရင်းအမြစ်တွေကို ဘယ်လို ဦးစားပေးဖြန့်ဖြူးမလဲ ဆိုတဲ့၊  အသိပညာမရှိတဲ့၊ ရွေးကောက်တင်မြောက်ခြင်းမခံရတဲ့ တရားသူကြီးတွေက ပြဌာန်းတာ မဟုတ်ဘူး။ ကျန်းမာရေး အဆက်အစပ်မှာ ဆိုရင်  ကျန်းမားရေးအာဏာပိုင်တွေနဲ့ ဆေးရုံတွေက တစ်ချို့လူတွေကို ကုသပေးဖို့ ငြင်းဆိုတယ် ။ အကြောင်းက ဆေးရုံ ၊ဆရာဝန်နဲ့ ဆေးဝါးစတဲ့ အရင်းအမြစ်အကန့်အသတ်ချက်တွေကို ကြောင်းကျိုးမညီညွတ်တဲ့ ဖိအား သက်ရောက်လာတာမျိုးမှာ လက်မခံဘဲ ငြင်းလိုက်တာမျိုးဖြစ်တယ်။  စီးပွားရေး၊ လူမှုရေးနဲ့ ယဉ်ကျေးမှုဆိုင်ရာ အခွင့်အရေး တွေကို တရားဥပဒေအရ အားဖြည့်ပေးမှုတွေ တိုးပွားလာအောင် အထောက်အပံ့ပေးသူတွေက နိုင်ငံသားနဲ့ နိုင်ငံရေးအခွင့်အရေးတွေကို အကာအကွယ်ပေးခြင်းမှာ  ရှိနေတဲ့ အရင်းအမြစ်တွေကို အသုံးချပုံနဲ့ ပတ်သတ်တဲ့ မေးခွန်း တွေကို ဘယ်လိုဖြေရှင်းမလဲဆိုတဲ့ ဆုံးဖြတ်ချက်တွေ ပါဝင်ပတ်သတ်နေတယ်လို့ ထောက်ပြတယ်။ အထိန်းသိမ်းခံတွေအတွက် လူသားဆန်တဲ့ အခြေအနေတစ်ရပ်ဖြစ်အောင်လုပ်ရမယ့် စားနပ်ရိက္ခာသိုလှောင်မှုမှာ အကန့်အသတ်ရှိနေတဲ့ အရင်းအမြစ်တွေကို အသုံးချပုံ ပါဝင်တယ်။ ဒီလိုပဲ လွတ်လပ်ပြီး မျှတတဲ့ စစ်မှန်တဲ့ ရွေးကောက်ပွဲတွေ အတွက် ကြိုတင်ထားရှိတဲ့ အခြေအနေတွေမှာ ပိုက်ဆံဘယ်လောက်အသုံးပြုရမလဲ ဆိုတဲ့ အရင်းအမြစ်ကန့်သတ်ချက်ပါဝင်တယ်။ စီးပွားရေးနဲ့ လူမှုရေးအခွင့်အရေးတွေကို  တရားစီရင်ရေးဆိုင်ရာအားဖြည့်မှုတွေနဲ့ သင့်လျော်အောင် ပြုလုပ်ခြင်းမှာ ထိပ်တိုက်တွေ့နေရတဲ့ အကြပ်အတည်းရှိတယ် ။  တရားရုံးက စီးပွားရေး ၊လူမှုရေးနဲ့ ယဉ်ကျေးမှုဆိုင်ရာ အခွင့်အရေးတွေကို စီရင်ချက်ချတဲ့ အခါမှာ တရားသူကြီးဟာ ဥပဒေပြုအဖွဲ့နဲ့ အုပ်ချုပ်ရေး အခန်းဂဏ္ဍတွေကို ကျော်လွန်ထိခိုက်မသွားဖို့ ဂရုတစိုက်လုပ်လေ့ရှိကြပုံမှာ တွေ့ရမယ်။ဥပမာ တောင်အာဖရိက တရားရေးဌာနက  ကျန်းမာရေးစောင့်ရှောက်မှုကို ချည်းကပ်နိုင်ခွင့်အပေါ် ကန့်သတ်တားမြစ်ချက်တွေကို တရားမျှတ အောင်လုပ်ပေး ဖို့ အစိုးရတာဝန်ဖြစ်ကြောင်း သတိပေးတယ်။  ဘေးဖယ်ထုတ်ခံရသူတွေရဲ့ နေအိမ်ကို အာမခံပေးနိုင်တဲ့ ပေါ်လစီတွေ ဖွံ့ဖြိုးအောင်လုပ်ဖို့ တောင်းဆိုတယ်။ နိုင်ငံသားနဲ့ နိုင်ငံရေးအခွင့်အရေးတွေနဲ့ အတူ၊ တရားရေးဌာနက အစိုးရဟာ အခွင့်အရေးတွေကို  ထိရောက်တဲ့ ဥပဒေစနစ်အောက်မှာ အကာအကွယ်ပေးပြီး အေးချမ်းစွာ ကျင့်သုံးနေထိုင် နိုင်ဖို့အတွက် ဥပဒေပြုမှုအတွင်း အာမခံပေးထားဖို့ရာ တာဝန်ရှိတယ်လို့ သတိပေးကောင်းပေးမှာ။ ကျွန်တော်တို့ စီးပွားရေးနဲ့ လူမှုရေးအခွင့်အရေးတစ်ချို့ကို နဲနဲ အသေးစိတ်ကြည့်ကြရအောင်ပါ။

အစားအစာ

            အစားအစာရရှိပိုင်ခွင့်အခွင့်အရေး တည်ရှိနေတာဟာ အစိုးရအနေနဲ့ လူအားလုံးအတွက် အစားအစာတွေ အလကားပေးရမယ်လို့ ဆိုလိုတာ မဟုတ်ပါဘူး။ အစားအစာအခွင့်အရေးဟာ“အစားအစာ လုံခြုံစိတ်ချရမှု” နဲ့ ဆက်စပ်နေပြီး  ပိုမိုရှုပ်ထွေးတဲ့ ကတိက၀တ်တွေနဲ့ သက်ဆိုင်တယ်။ အစားအစာ လုံခြုံစိတ်ချမှု ဆိုတာ အစားအစာကို သူများနည်းတူ ချည်းကပ်ရရှိနိုင်မှု၊ အစားအစာပြတ်တောက်မှုအတွက်အစီအမံ နဲ့အစားအစာပြဿနာကို ဖြေရှင်းဖို့ရာ အစီအမံအတွက် အာမခံရှိနေတာကို ဆိုလိုတာပါ။  ဒီပြဿနာကို ဖြေရှင်းဖို့အတွက် ချက်ချင်းဖြည့်ဆည်းပေးနိုင်မယ့် ကတိက၀တ်တွေနဲ့ စတင်လုပ်ကိုင်ရမယ်။ ပထမဆုံး အစိုးရဟာ “အစားအစာအတွက် လုံခြုံစိတ်ချရမှု”ကို ပျက်စီးဆုံးရှုံးစေမယ့်အရာကို ရှောင်ပြီး လူထုရဲ့ လိုအပ်ချက်တွေအတွက် စီမံသင့်တယ်။ အထူးသဖြင့်  လယ်ယာမြေတွေထဲက ကောက်ပဲသီးနှံတွေကို တရားမဲ့ ဖျက်စီးခြင်းကနေ တစ်ဆင့် အစားအစာအခွင့်အရေးကို ချိုးဖောက် တာမျိုး မလုပ်ရဘူး။ ထပ်ပြီးဆိုရရင် အစားအစာကို ချည်းကပ်နိုင်မှုအပေါ် ခွဲခြားဆက်ဆံရေးတွေရှိမနေသင့်ဘူး။ဒီလို ချက်ချင်းလုပ်ရမယ့် ကတိက၀တ်တွေဟာ အစားအစာအခွင့်အရေးကို လေးစားဖို့ တာဝန်ရဲ့ အစိတ်အပိုင်းတစ်ခုအဖြစ်မြင် နိုင်တယ်။                                                                                                                                                          ကတိက၀တ်ရဲ့ ဒုတိယအဆင့်က အစားအစာ အခွင့်အရေးကို ကာကွယ်ဖို့နဲ့ သက်ဆိုင်တယ်။ဒီနေရာမှာ လူတစ်ယောက်ရဲ့ အစားအစာအတွက် လုံခြုံစိတ်ချရမှု အခွင့်အရေးကို အခြားသော လူတွေ၊အဖွဲ့အစည်းတွေ၊ အာဏာ ပိုင်တွေက ၀င်ရောက်နှောက်ယှက်မှုကနေ အကာအကွယ်ပေးမယ့် ကတိက၀တ်လိုအပ်တယ်။ ။ဒါကြောင့် ဥပမာအနေနဲ့ဆိုရရင်  နိုင်ငံတော်ဟာ အစားအစာ အတွက်လုံခြုံမှုကို လည်ပတ်အလုပ်လုပ်နိုင်တဲ့ တာဝန်ရှိကောင်းရှိတယ် ။ တစ်ချို့အဆက်အစပ်တွေမှာ  နိုင်ငံတော်က လယ်ယာမြေနဲ့ယဉ်ကျေးမှုအရ ဆက်စပ်နေတဲ့ ဒေသံခံ တိုင်းရင်းသားတွေသာ လယ်ယာမြေရဲ့အခွင့်အရေးကို ရရှိခံစားနိုင်ဖို့အတွက် အာမခံပေးရတာတွေ လိုအပ်လာတယ်။                        တတိယ အဆင့်ကို  အစားအစာအခွင့်အရေးကို ပြည့်ဝစေဖို့၊ ကူညီပေးဖို့ ၊ဖြည့်ဆည်းပေးဖို့ ၊ ပေးအပ်ဖို့ တာဝန်တွေအဖြစ် အမျိုးမျိုး ဖော်ထုတ်ပြတယ်။ တစ်ဖက်မှာ ဒီအဓိပ္ပာယ်က လူထုမှာ အစားအစာအတွက် လုံခြုံစိတ်ချ ရမှုတွေကို အာမခံပေးထားတဲ့ အရာတွေရှိတယ်။ အာမခံပေးထားတဲ့အရာတွေကနေ တစ်ဆင့်အစားအစာဆီကို ချည်းကပ်နိုင်တဲ့ စွမ်းအားတွေမြင့်လာမယ်။   အလုပ်အကိုင် ၊ လယ်ယာမြေ ပြုပြင်ရေး သယ်ယူပို့ဆောင်ရေး နဲ့ အထောက်အကူပစ္စည်းတွေကို သိုလှောင်ပေးခြင်းတွေကနေတစ်ဆင့် စွမ်းအားတွေမြင့်လာမှာ ဖြစ်တယ်။ တခြားတစ်ဖက်ကလည်း အပြည်ပြည်ဆိုင်ရာ လူ့အခွင့်အရေးကြေညာစာတမ်းက ညွန်းတဲ့ “အလုပ်လက်မဲ့ အခြေအနေ၊ မကျန်းမားသော အခြေအနေ ၊ ကိုယ်အင်္ဂါ မစွမ်းမသန်သော အခြေအနေ ၊ မုဆိုးမဖြစ်သော အခြေအနေ ၊အသက်အရွယ် အိုမင်းသော အခြေအနေ၊ မိမိကိုယ်တိုင် မထိန်းချုပ်နိုင်သော အခြေအနေအကြောင်းတရားများထဲတွင် ၀မ်းစာမရှာမှီးနိုင်သော အခြေအနေ” တွေမှာ  အခြေခံလိုအပ်ချက်တွေ ပြည့်ဝဖို့  အစားအစာ နဲ့ လူမှုရေးလုံခြုံမှုကို နိုင်ငံတော်က ပေးအပ်ကောင်းပေးအပ်ရမယ်။                                                                                                                      အပြည်ပြည်ဆိုင်ရာ လူ့အခွင့်အရေးကြေညာစာတမ်းမှာ ပါတဲ့ နိုင်ငံတကာ ကတိက၀တ်တွေဟာ တစ်ချို့နိုင်ငံတွေမှာ ဖွဲ့စည်းအုပ်ချုပ်ပုံ အခြေခံဥပဒေနဲ့ ရှေ့ဆင့်နောက်ဆင့် ဖွံ့ဖြိုးလာတယ်။ သိသာ ထင်ရှားတဲ့ တိုးတက်မှု တစ်ခုကတော့ အမျိုးသားအရပ်ဘက်လူ့အဖွဲ့အစည်းကနေတစ်ဆင့် အစားအစာ အခွင့်အရေးကို တောင်းဆိုလိုက်ပြီး လူထုရဲ့ အကျိုးအမြတ်အတွက် တရားစွဲဆိုမှုလုပ်နိုင်တယ် ။ အိန္ဒိယတရားရုံးချုပ်က တရားစွဲဆိုခွင့်ကို လက်ခံပေးတယ် ။ ဟိန္ဒူကျန်းမာရေးဌာနက ကမာရာနီက-

“အစားအစာ အခွင့်အရေးတိုက်ပွဲဟာ လူတိုင်းလူတိုင်းဟာ အခြေခံအခွင့်အရေးတွေဖြစ်တဲ့ ဆာလောင်မွတ်သိပ်မှုနဲ့ အာဟာရချို့တဲ့မှုကနေ ကင်းလွတ်ခွင့်ရှိတယ် ဆိုတဲ့ ကတိအပေါ်မှာ အလုပ်လုပ်တယ်။ဒီအခွင့်အရေးကို နားလည်ခြင်းဟာ ညီမျှမှုရှိပြီး၊ အသက်ရှင်သန်မှုကို အထောက်အပံ့ဖြစ်စေတဲ့ အစားအစာစနစ်သာမက အသက်ရှင်သန်မှုလုံခြုံရေးဖြစ်တဲ့ အလုပ်အကိုင်၊ လယ်ယာ၊ နဲ့ လူမှုရေးလုံခြုံမှုတွေကို အာမခံပေးဖို့ပါ လိုအပ်တယ်။ တိုက်ပွဲဖော်ဆောင်သူတွေက ပြည်သူလူထုကြားနားအောင်လုပ်ခြင်း၊ တိုက်ပွဲဖော်ဆောင်ပုံနည်းလမ်းတွေကို သုတေသနပြုခြင်း၊  မီဒီယာကနေ ထောက်ခံခြင်း၊ ဆွယ်တရားဟောခြင်း၊ အစားအစာအခွင့်အရေးအတွက် လူထုအကျိုးအမြတ်ဖြစ်မယ့် တရားစွဲဆိုခြင်းတွေ မှာ ပါဝင်ခြင်း စတဲ့ လှုပ်ရှားမှုတွေကို လုပ်ဆောင်ကြတယ်။ နောက်ပိုင်းမှာ တိုက်ပွဲဖော်ဆောင်ရေးအဖွဲ့ကို ဥပဒေအရ အထောက်အပံ့ပေးမယ့် အုပ်စုက တည်ထောင်တယ် ။တရားရုံးချုပ်ရဲ့ ဥပဒေကြားနားခြင်းတွေကို ကိုင်တွယ်တယ်။ တရားဝင်းအချက်အလက်တွေအရ ကလေးသန်း၅၀ဟာ ကျောင်းမှာ အခမဲ့နေ့လည်စာ စားခွင့်ရလာတယ်။”

            မကြားသေးတဲ့ နှစ်တွေမှာ ရေ ရရှိနိုင်မှု အခွင့်အရေးဆီကိုတောင် အာရုံစိုက်လာတာတွေ့ရတယ်.  အစားအစာအခွင့်အရေးဆိုတဲ့ ခေါင်းစဉ်အောက်မှာပဲ ရေ ရရှိမှု အခွင့်အရေးတွေမြင့်တက်လာတယ် ။ ယခင်က လူထုအသုံး ပြုနိုင်တဲ့ အရာတွေကို ပုဂ္ဂလိကပိုင်အဖြစ်ပြောင်းလဲပြီး နိုင်ငံတကာ ကုမ္မဏီတွေရဲ့ ခြယ်လှယ်မှုကြောင့် ရေရရှိမှု အခွင့်အရေး ပျောက်ဆုံးခဲ့တယ်။ ခုတော့ နိုင်ငံတကာကုမ္မဏီတွေဟာ လူထုအလွယ်တကူရရှိနိုင်တဲ့ ရေအရင်း အမြစ်ကို ခြယ်လှယ်ပြီး ရေရရှိမှု အခွင့်အရေးကို ငြင်းပယ်ပြီး ငွေကြေးနဲ့ သတ်မှတ်လုပ်ကိုင်မှုကြောင့် တရားစွဲခံရတယ် ။

ပညာရေး

            “ပညာရေးက လူတွေ သူတို့ဘ၀ကို အလွယ်တကူ ဦးဆောင်သွားအောင် လုပ်တယ် ၊ ဒါပေမယ့် သူ့ကို မောင်းနှင်ဖို့ ခက်ခဲပြီး၊ အုပ်ချုပ်ဖို့ လွယ်ကူသလောက်  ကျွန်ပြုဖို့တော့ မဖြစ်နိုင်ဘူး ”။ ဒီမှတ်ချက်ဟာ ပါလီမန်အဖွဲ့ဝင် ဘရော့ဂန်(၁၇၇၈-၁၈၆၈)ရဲ့ မှတ်ချက်ပါ။ သူက ပညာရေးဟာ လူ့အခွင့်အရေးကို မြှင့်တင်ပေးမယ့် ဘယ်လို ကြိုစားအားထုတ်မှုအတွက်မဆို အရေးကြီးတယ်လို့ ကျွန်တော်တို့ကို သတိပေးနေပါတယ်။ ဒီအသိမှာ ပညာရေးအခွင့်အရေး ဆိုတာ  လူတွေ သူတို့ရဲ့ အခြားသော အခွင့်အရေးတွေကို မှာ ကျေနပ်ပျော်ရွှင်ဖို့ရာမှာ အင်အားရှိလာအောင်လုပ်ပေးတဲ့နေရာမှာ အလွန်အရေးကြီးတယ်။ ပညာရေးအခွင့်အရေးမှာ  ကျောင်းတွေကို ပတ်ပြီး ပညာရေးအခွင့်အရေးကို နှောင့်ယှက်တာကနေ ကင်းလွတ်ဖို့ ကတိက၀တ်တွေ ၊ တစ်ချို့သော ကျောင်းသားတွေကို ခွဲခြား ဆက်ဆံမှုကနေ ကင်းလွတ်ရေးတွေ သာမကဘူး ၊ အာလုံးအတွက် မသင်မနေရနဲ့ အခမဲ့ မူလတန်းပညာရေး ကို ပေးအပ်မယ့် ပညာရေးအခွင့်အရေး ပြည့်ဝစေဖို့ရာ ကတိက၀တ်တွေပါ ပါဝင်တယ်။  ပညာရေးအခွင့် အရေးဖွံ့ဖြိုးမှုနဲ့ အတူကြွေးကြော်လာတာက “4As” (အ လေးလုံး) ရရှိနိုင်မှု(availability)၊ ချည်းကပ်နိုင်မှု(accessibility)၊ လက်ခံနိုင်စွမ်း (acceptability) နဲ့ အလိုက်သင့်ညှိယူနိုင်စွမ်း(adaptability) လေးခုပဲ။ တစ်ချိုးက အရေး၊ အဖတ်၊ အတွက်အချက်ဆိုပြီး အသုံးလုံးကို ကြွေးကြော်ကြတယ်။

            ပညာရေးက ပေးအပ်ရမယ့် “ရရှိနိုင်မှု” ဆိုတာက ကုလသမဂ္ဂကော်မတီရဲ့ စီးပွားရေး လူမှုရေးနဲ့ ယဉ်ကျေးမှု အခွင့်အရေးအရဆိုရင် “ ယောက်ျားလေးနှင့်မိန်းကလေး နှစ်မျိုးစလုံးအတွက်  ကျန်းမာရေးအထောက်အကူပြုပစ္စည်းများ ရှိရမည်၊ အန္တာရယ်ကင်းသော သောက်ရေ၊ လေ့ကျင့်ပျိုးထောင်ခံထားရပြီး ပြည်တွင်း၌ တခြားသော လစာများနှင့် ကောင်း မွန်စား ယှဉ်ပြိုင်နိုင်သော လစာရှိသည့် ဆရာများ နှင့် သင်ကြားရေးအတွက် သင်ထောက်ကူပစ္စည်များရှိရမည် ” လို့ မြင်နိုင်တယ်။ နောက်ပိုင်းမှာ ကုလသမဂ္ဂက ကျွမ်းကျင်သူပညာရှင် ကတ်ထရီးနားက “ရရှိနိုင်မှု”ဆိုတာ စာအုပ်ကြီးထဲမှာ သာ သာမန်ရှိနေရမှာ မဟုတ်ဘဲ အဓိပ္ပာယ်ပြည့်ဝမှုကို ရရှိလာအောင်လုပ်ရမှာ ဖြစ်တယ်။ကျောင်းတွေဟာ ကလေးတွေကို အမှန်တကယ်ဆွဲဆောင်နိုင်ရမယ်။ ယောက်ျားလေးနဲ့ မိန်းကလေးတွေကို ပုံသဏ္ဌာန်အားဖြင့် ဖွင့်ထားရုံသာမကဘူး။ သူတို့တွေ ကျောင်းမှာ ရှိနေဖို့ ကြီးကြပ်နိုင်ရမယ်။ သက်ဆိုင်ရာကျောင်းသုံးစာအုပ် ချို့တဲ့မှုနဲ့ ဆရာ မလုံလောက်မှုတွေက ကလေးနဲ့ ကလေးမိဘတွေက ရရှိနိုင်တဲ့ သင်ထောက်ကူပစ္စည်းတွေကိုအသုံးပြုရင်တောင် ဘယ်လို အသုံးပြုရမှန်းမသိ ဖြစ်နေလိမ်မယ်။ အစိုးရကလည်း အားလုံးအတွက် အခမဲ့ မသင်မနေရ မူလတန်းပညာရေး ပေးအပ်မယ်ဆိုတဲ့ ကတိက၀တ်ပျက်ကွက်တာနဲ့ အတူတူပဲ။

            ဒုတိယ၊ ကျောင်းနဲ့ ပရိုဂရမ်တွေကို အားလုံးက ချည်းကပ်နိုင်အောင် နိုင်ငံတော်က အာမခံလုပ်ဆောင်ပေးရမယ်။ ဒီလုပ်ဆောင်မှုမှာ ရူထောင့်အမြင်သုံးခုရှိတယ်။ ပထမတစ်ခုက၊ “ ချည်းကပ်နိုင်မှု” ဆိုတာ ခွဲခြားဆက်ဆံမှုမရှိခြင်း ဆိုတဲ့ အဓိပ္ပာယ်သက်ရောက်တယ်။  နိုင်ငံတော်က မဆိုင်းမတွ အကောင်အထည်ဖော်ရမယ့် ကတိက၀တ်ပဲ။  အပြုသဘောဆောင်တဲ့ ပြမူလုပ်ဆောင်ချက်နဲ့ ယာယီ အထူးပြုလုပ်ဆောင်ချက်တွေဟာ  ယောက်ျားနဲ့ မိန်းမတွေနဲ့ အကျိုးအမြတ်မဲ့ နေတဲ့ အုပ်စုတွေအတွက် ညီမျှမှုကို ရည်ရွယ်ချက်ရှိရှိလုပ်ဆောင်မယ်ဆိုရင်  ဒါကို မခွဲခြားဆက်ဆံရေး စည်းမျဉ်းတွေကို ချိုးဖောက်ခြင်းရယ်လို့ မစဉ်းစားနိုင်ဘူး။  မလိုအပ်လဲ ကြာရှည်လုပ်နေမယ်ဆိုရင်တော့ မခွဲခြားဆက်ဆံရေး စည်းမျဉ်းတွေကို ချိုးဖောက်နေတယ်လို့ စဉ်းစားကောင်းစဉ်းစားနိုင်တယ်။  မိန်းကလေးတွေအပေါ် ခွဲခြားဆက်ဆံမှုဟာ ယခုထက်ထိ ပြဿနာတစ်ခုအနေနဲ့ ကျန်နေသေးတယ်။ ဥပမာ၊  ကျောင်းသူတစ်ဦး ကိုယ်ဝန်ရှိလာမယ်ဆိုရင် သူတို့ရဲ့ ပညားရေးအခွင့်အရေးကို ချိုးဖောက်ပြီး ကျောင်းကနေ ချက်ချင်းထုတ်ပယ်ခံရနိုင်တယ်။  မိဘတစ်ချို့အတွက်  ကိုယ်ဝန်ရလာတဲ့မိန်းကလေးကို ပညာရေးမှာ ရင်းနှီးမြုပ်နှံတာ စီးပွားရေးအရ အဓိပ္ပာယ်မရှိဘူးလို့ မြင်ကြတယ်။ ဒါကြောင့် ယောက်ျားလေးရဲ့ ပညာရေးကို သာ အခွင့်ထူးပေးတတ်ကြတယ်။  “ချည်းကပ်နိုင်မှု”ရဲ့ဒုတိယ ရှုထောင့်အမြင်က  “ ရုပ်ပိုင်းဆိုင်ရာ ချည်းကပ်နိုင်မှု” ပဲ။  ကိုယ်လက်အင်္ဂါ မသန်စွမ်းတဲ့ ကလေးတွေကို သူတို့ရဲ့ ကျောင်းတည်ဆောက်ပုံ ဒီဇိုင်းကြောင့် ဖယ်ထုတ်လိုက်သလို မဖြစ်စေရဘူး၊ ပညာရေးဟာ ရုပ်ပိုင်းဆိုင်ရာအရ ချည်းကပ်ရောက်ရှိနိုင်တဲ့ ပထ၀ီနေရာမျိုးမှာပဲ ရှိရမယ်။ တတိယရှုထောင့်အမြင်ကတော့  “စီးပွားရေးအရ ချည်းကပ်နိုင်မှု” ပါပဲ။ ပညာရေးဟာမူလတန်းနဲ့ အခြေခံအဆင့်မှာ အခမဲ့ပညာရေးဖြစ်ရမယ်လို့ နိုင်ငံတကာဥပဒေက တောင်းဆိုနေပေမယ့် အလယ်တန်းပညာရေးနဲ့ စပ်လျဉ်းတဲ့ ကတိက၀တ်တွေမှာ ပိုပြီးအားနည်းပျော့ညံ့လာတယ်။  အလယ်တန်းပညာရေးမှာ အခမဲ့ပညာရေးဖြစ်ပေါ်လာသင့် ပါလျက် ဖြစ်ပေါ်မလာတော့ဘူး ။ ဆိုလိုချင်တာက မူလတန်းအခမဲ့ပညာရေးကို အာမခံပေးရမယ်လို့ ဦးစားပေးထားပေမယ့် အစိုးရအနေနဲ့ အလယ်တန်းပညာရေးနဲ့ အထက်တန်းပညာရေးတွေမှာပါ အခမဲ့ ပညာရေးဖြစ်လာဖို့ ခိုင်မာတဲ့ ခြေလှမ်းတွေ လှမ်းနေသင့်တာ။

            “လက်ခံနိုင်စွမ်း” ဆိုတာ ပညာရေးဟာ ကလေးနဲ့ မိဘတွေ လက်ခံနိုင်စွမ်းအတွင်းက ပြုမှုလုပ်ဆောင်နေတဲ့ အရာ ဆိုတာကို အာမခံပေးနိုင်ဖို့ရာ အရေးအကြီးဆုံး အယူအဆတစ်ခုပါပဲ။ ပညာရေးပတ်ဝန်းကျင်တစ်ခုက ကလေးတွေရဲ့ ရုပ်ဝတ္ထုအခြေအနေအပေါ် အကြမ်းဖက်မှု နဲ့ အချိန်ဇယားကိုသာမကဘူး၊ သူတို့တွေ ဖွံ့ဖြိုးလာအောင် ၊သင်ယူနိုင်အောင် အတွက်ပါ ကိုင်တွယ်ဆောင်ရွက်ပေးတယ်။ ကျောင်းတွေမှာ ခန္ဓာကိုယ်အပေါ်ကို အပြစ်ပေးတာဟာ  ကလေးငယ်ရဲ့ အခွင့်အရေးကို ချိုးဖောက်တာပဲ။  ဒီလိုအနိုင်ကျင့်ခြင်းကို လူ့အခွင့်အရေးဝေါဟာရတွေဖြစ်တဲ့ ရက်စက်ကြမ်းကြုတ်မှု၊ လူသားမဆန်မှု၊ သိက္ခာချဆက်ဆံမှုတွေအရ ကိုင်တွယ်ဖြေရှင်းနိုင်တယ်။                                                ပညာရေးမှာ မိဘတွေရဲ့ အခွင့်အရေးနဲ့ ဆက်စပ်နေတဲ့ ဒုတိယရှုထောင့်တစ်ရပ်လည်းရှိပါတယ်။ သူတို့ရဲ့ ကလေးတွေကို ပေးမယ့် ပညာရေးကို မိဘတွေကနေ ရွေးချယ်ပိုင်ခွင့်အခွင့်အရေးပါပဲ။  မိဘတွေက အဆိုပါ လူ့အခွင့်အရေးကို သုံးပြီး ကျောင်းတွေမှာ ကလေးတွေရဲ့ ခန္ဓာကိုယ်အပေါ်အပြစ်ပေးမှုအပေါ် ပြဌာန်းထားတဲ့ အမျိုးသား ဥပဒေတွေကို စိန်ခေါ်လေ့ရှိတယ်။  တောင်အာဖရိက ခရစ်ယန်ကျောင်းတွေက  ကလေးတွေရဲ့ ခန္ဓာကိုယ်အပေါ် အပြစ်ပေးမှုကို မိဘတွေရဲ့အခွင့်အရေးကို ချိုးဖောက်မှုအဖြစ်တားဆီးတာဟာ ဖွဲ့စည်းအုပ်ချုပ်ပုံအခြေခံဥပဒေ အောက်မှာ ရှိတဲ့ သူတို့ရဲ့ ဘာသာရေးအလေ့အကျင့်တွေကို ချိုးဖောက်တာပဲ လို့မြင်တယ် ။ ဖွဲ့စည်းအုပ်ချုပ်ပုံအခြေခံဥပဒေ တရားရုံးက ဘာသာရေးအလေ့အကျင့်ကို လေးစားမှုနဲ့ ကလေးတွေရဲ့ အကျိုးအမြတ်ကို ဟန်ချက်ညီလုပ်နိုင်ဖို့ စဉ်းစားတယ်။ နောက်တော့ တရားရုံးက ခန္ဓာကိုယ်အပေါ် အပြစ်ပေးမှုအပေါ် တားမြစ်ခြင်းကိုသာ ဦးစားပေးလိုက်တယ် ။ သူတို့က ခန္ဓာကိုယ်အပေါ် အပြစ်ပေးမှုအပေါ်တားမြစ်ပိတ်ပင်ခြင်းဟာ ကလေးငယ်တွေရဲ့ ရုပ်ပိုင်းဆိုင်ရာ ကျက်သရေနဲ့ ဂုဏ်သိက္ခာကို လေးစားမှုတိုးပွားစေရေးအတွက်  ဒီဇိုင်းဖွဲ့စည်းတည်ဆောက်ထားရမယ်လို့ ဆိုတယ်။ စကော့တလန်မှာ ခန္ဓာကိုယ်အပေါ်အပြစ်ပေးခြင်းကို ဥရောပလူ့အခွင့်အရေးက အောင်အောင်မြင်မြင် စိန်ခေါ်နိုင်ခဲ့တယ်။ကလေးတွေရဲ့ စည်းကမ်းလိုက်နာမှုနဲ့ စပ်လျဉ်းတဲ့ မိဘတွေရဲ့ဒဿနအပေါ် အကာအကွယ်ပေးရမယ် ။ မိဘတွေဟာ ဒီမိုကရေစီလူ့အဖွဲ့အစည်းထဲမှာ လေးစားခံထိုက်သူများဖြစ်သလို လူ့ဂုဏ်သိက္ခာရှိပြီး ကလေးငယ်ပညာရေးအတွက် အခွင့်အရေးရှိတယ်လို့ မြင်တယ်။                                                                                                                           ပညာရေးအခွင့်အရေးအတွက် စတုတ္ထရှုထောင့်ကတော့၊“အလိုက်သင့်ညှိယူနိုင်စွမ်း”ပါပဲ။  ၎င်းက ပညာရေးနဲ့ ပတ်သတ်တဲ့ အခြေခံမေးခွန်းတွေကို မြှင့်တင်ခဲ့တယ်။ ပညာရေးဟာ ဘာအတွက်လဲ  ဆိုတဲ့ မေးခွန်းမျိုးကို မေးလာတယ်။ ပညာရေးကို  သူတို့ဘာသာသူတို့ရွေးချယ်ထားတဲ့ အဆင့်ကို ရောက်ဖို့အတွက် ပညာရေးချည်းသက်သက် သွားနေတယ်ဆိုရင်  ကလေးတွေဟာ သူတို့ဘ၀အတွက် ဆိုးဝါးတဲ့ ကိရိယာတွေ တပ်ဆင်ခံလိုက်ရသလိုဖြစ်နေမယ်။ ကလေးအခွင့်အရေး သဘောတူညီချက် အပိုဒ် ၂၉မှာ  ပညာရေးရည်ရွယ်ချက်တစ်ချို့ကို ဖော်ပြထားတယ်။  ကလေးငယ်ရဲ့ ပုဂ္ဂလိကကိုယ်ရည်ကိုယ်သွေးဖွံ့ဖြိုးမှုကို အဓိကထားပြီး  ပတ်ဝန်ကျင်ကိုအကာအကွယ်ပေးခြင်းအပါအ၀င် သီးသန့်တန်ဖိုးစံတွေကို လေးစားရမယ်လို့ ပညာရေးရည်ရွယ်တွေမှာတွေ့ရမယ်။

ဘောင်- ကလေးအခွင့်အရေးသဘောတူညီမှု

အပိုဒ် ၂၉ .၁ နိုင်ငံတော် အဖွဲ့အစည်းများက ကလေးပညာရေးသည် အောက်ပါအတိုင်းဦးတည်သင့်သည် ဟု သဘောတူညီညွတ်ကြသည်။

(က) ကလေးငယ်၏ ကိုယ်ရည်ကိုယ်သွေး၊ အရည်အချင်း ၊ စိတ်ပိုင်းနှင့် ရုပ်ပိုင်း အရည်အသွေး အပြည်ဝဆုံးဖွံ့ဖြိုးမှု

(ခ) လူ့အခွင့်အရေးများ ၊ အခြေခံလွတ်လပ်မှုများ၊ နှင့် ကုလသမဂ္ဂချာတာ၌ ပါဝင်သော စည်းမျဉ်းများ အပေါ် လေးစားမှု ဖွံဖြိုးရန်

(ဂ) ကလေးငယ်၏မိဘများ၊ သူတို့၏ ကိုယ်ပိုင် ယဉ်ကျေးမှုဆိုင်ရာ သီးခြားအမှတ်လက္ခဏာ ၊ ဘာသာစကား၊တန်ဖိုးစံ၊ ကလေးငယ်နေထိုင်နေသော နိုင်ငံ ၊ ကလေးငယ်၏ ဇာတိနိုင်ငံ ၊ကလေးငယ်၏ ကွဲပြားခြားနားသော မြို့ပြယဉ်းကျေးမှုပုံစံများ ၏ အမျိုးသားရေးဆိုင်ရာ တန်ဖိုးစံများအပေါ် လေးစားမှု ဖွံဖြိုးရန်

(ဃ) ကလေးငယ်ကို လွတ်လပ်သောလူ့အဖွဲ့အစည်းကြီးအတွင်းတွင် တာဝန်ယူတတ်သော ဘ၀အတွက် ပြင်ဆင်ပေးရန် ၊  နားလည်ခြင်း ၊ငြိမ်းချမ်းခြင်း ၊ သည်းခံနိုင်ခြင်း ၊ လိင်အရညီမျှမှုစသော  စိတ်ဓါတ်များအတွက် ပြင်ဆင်ပေးရန်၊  လူထု ၊ လူမျိုးစု ၊အမျိုးသားရေနှင့် ဘာသာရေးအုပ်စု ၊ တိုင်းရင်းသားအုပ်စုများအကြား ရင်နှီးခင်မင်မှုများရှိလာဖို့ရာ ပြင်ဆင် ပေးရန်

(င)သဘာဝပတ်ဝန်းကျင်အပေါ် လေးစားမှု ဖွံ့ဖြိုးလာရန်။

ကျန်းမာရေး

            ကျန်းမာရေးအခွင့်အရေးဆိုတာ ကျွန်တော်တို့ဟာ ကျန်းမာနေရမယ်ဆိုတဲ့   အခွင့်အရေးမျိုးကို မဆိုလိုဘူး။  ကုလသမဂ္ဂက ကျွမ်းကျင်သူပညာရှင် ပေါလ်ဟန့်က ကျန်းမာရေးအခွင့်အရေးကို အဓိပ္ပာယ်ဖွင့်ဆိုတယ်။

“ထိရောက်ပြီးပြည့်စုံကောင်းမွန်တဲ့  ကျန်းမာရေးစနစ် ၊ကျန်းမာရေးစောင့်ရှောက်မှုတွေကို နိုင်ငံနဲ့ ဒေသအရ ဦးစားပေးအရာတွေ အဖြစ်သတ်မှတ်ခြင်း နဲ့ အာလုံး ချည်းကပ်ခွင့်ရှိစေတဲ့ အခွင့်အေေ၇းမျိုးဖြစ်တယ်”

            သူက “ချည်းကပ်နိုင်ခွင့်”ကို အသုံးပြုပြီး ကျန်းမာရေးအခွင့်အရေးကို ထောက်ပြတယ် ။

“ကျန်းမာရေး စောင့်ရှောက်မှုကို အားလုံးချည်းကပ်နိုင်မှုရှိရမယ်။ ချမ်းသာသူများသာမက ဆင်းရဲသူများပါ၊ လူမျိုးစုကြီးများသာမက လူနည်စုများနှင့် တိုင်းရင်းသားများပါ၊  မြို့ပြတွင်နေထိုင်သူများသာမက ဝေးကွာသော ကျေးလက်ဒေသနေသူများပါ၊ ယောက်ျားများသာမက မိန်းမများပါ အလွယ်တကူရရှိနိုင်ရမယ်။ အခွင့်အလမ်းမဲ့နေသော တသီးပုဂ္ဂလလူသားနဲ့ လူ့မှုအသိုင်းအ၀န်းများကပါ ရရှိခံစားနိုင်ရမယ်။”

            စီးပွားရေး ၊လူမှုရေးနဲ့ ယဉ်ကျေးမှုအခွင့်အရေးဆိုရာ ကုလသမဂ္ဂအခွင့်အရေး ကုလသမဂ္ဂကော်မတီက  ကုလသမဂ္ဂသဘောတူစာချုပ်မှာပါဝင်တဲ့  ကျန်းမာရေးအခွင့်အရေး အပေါ် အနက်ပြန်ဖွင့်ဆိုပုံ ကို ဖွံ့ဖြိုးအောင်လုပ်ခဲ့တယ်။ သူတို့တွေက ကျွန်တော်အထက်မှာ ဆွေးနွေးခဲ့တဲ့ အရာတွေပြည့်စုံဖို့ ၊ အကာအကွယ်ပေးဖို့၊ လေးစားဖို့ ဆိုတဲ့ ကတိက၀တ်သုံးခုကို အပြိုင်ချမှတ်ထားတယ်။ သူတို့ရဲ့ ကျန်းမာရေးအခွင့်အရေးကို အနက်ပြန်ပုံအပေါ် အောက်ပါ အတိုင်း အတိုချုံ့နိုင်တယ်။

            ပထမဆုံး၊ လေးစားမှုကိုပြဖို့ရာ ကတိက၀တ်ဟာ နိုင်ငံတော်တွေက ကိုယ်စိတ်နှစ်ဖြာချမ်းသာပြီး ပျော်ရွှင်အေးချမ်းစွာ နေထိုင်ခွင့်အခွင့်အရေး ကို အကာအကွယ်ပေးနိုင်ဖို့ လိုအပ်တယ်။ ဒါကြောင့် နိုင်ငံတော်ဟာ ကျန်းမာရေးအခွင့်အရေးကို လေးစားဖို့ ကတိက၀တ်တွေအောက်မှာအလုပ်လုပ်ရတယ်။  ကျန်းမာရေး အခွင့်အရေးတွေ အတွက်လုပ်ကိုင်တဲ့ နေရာမှာ (၁) ကျန်မားရေးကို အကာအကွယ်ပေးခြင်း ၊ကုသပေးခြင်း၊ နာကျင်မှုကို လျော့ကျစေတဲ့ ဆေးဝါးကုသမှုပေးခြင်း စတဲ့အရာတွေကို လူသားအားလုံးချည်းကပ်နိုင်ခွင့် အပေါ်ငြင်းပယ်ခြင်း ၊ ကန့်သတ်ခြင်းကနေ ရှောင်ရှားရမယ်။ (၂) အစဉ်အလာ ကျန်းမာရေးစောင့်ရှောက်ကာကွယ်မှု၊ကုသမှုနဲ့ ဆေးဝါးတွေကို နှောင့်ယှက်ခြင်း၊ တားမြစ်ပိတ်ပင်ခြင်းကို မလုပ်ရဘူး (၃)  အန္တာရယ်ရှိတဲ့ ဆေးဝါးတွေကို ဈေးကွက်မှာ ဖြန့်ဖြူးခြင်းကနေ ကင်းဝေးအောင်လုပ်ရမယ်။(၄)  အတင်းအဓမ္မဆေးဝါးစောင့်ရှောက်မှုမျုိးကို ရှောင်ကြဉ်ရမယ်။(၅)။ပဠီသန္ဓေတားခြင်း၊  တခြားသော လိင်ပိုင်းဆိုင်ရာ ကျန်းမာရေးနဲ့ ကလေးမွေးဖွားနည်းလမ်းတွေကို ချည်းကပ်နိုင်ခွင့်အပေါ် ကန့်သတ်မှုတွေ မလုပ်ရဘူး (၆) ကျန်းမာရေးနဲ့ ဆက်စပ်နေတဲ့ သတင်းအချက်အလက်တွေကို ရည်ရွယ်ချက်ရှိရှိ မှားယွင်းကိုယ်စားပြုခြင်း ၊ ဆိုင်းငံ့ထားခြင်း ၊ တားမြစ်ပိတ်ပင်ခြင်းမျိုးမလုပ်ရဘူး။(၇) ကျန်းမာရေးနဲ့ ဆက်စပ်နေတဲ့ ပြဿနာရပ်တွေမှာ ပါဝင်ဆောင်ရွက်ခြင်း၊ လိင်ပညာပေးနှင့် သတင်းအချက်အလက်တွေကို တားမြစ်ပိတ်ပင်ခြင်းတွေကနေ ကင်းဝေရမယ်။

            ဒုတိယတစ်ခုက၊ ကာကွယ်ဖို့ရာ ကတိက၀တ်တွေကို နိုင်ငံတော်ကပေးအပ်ရမယ်။ လုံလောက်တဲ့ ကျန်းမာရေးအခွင့်အရေးတွေကို  တတိယအင်အားစုတွေ ၀င်ရောက်နှောင့်ယှက်ခြင်း ကနေ ကင်းဝေးအောင် နိုင်ငံတော်က အကာအကွယ်ပေးရမှာဖြစ်တယ် ။ အကာအကွယ်ပေးဖို့ ကတိက၀တ်တွေကို ဖော်ဆောင်ဖို့ နိုင်ငံတော်ရဲ့ တာဝန်တွေက (၁) ဥပဒေပြုပေးရမယ် ဒါမှမဟုတ် တတိယအင်းအားစုတွေက ပေးအပ်တဲ့ ကျန်းမာရေးနဲ့ ဆက်စပ်နေတဲ့ ၀န်ဆောင်မှုတွေနဲ့ စောင့်ရှောက်မှုတွေကို  ညီတူညီမျှချည်းကပ်နိုင်ခွင့်ရဖို့ ကိစ္စတစ်ချို့ကို ပြုလုပ်ပေးရမယ်။ (၂)  ပုဂ္ဂလိက ကျန်းမာရေဌာနတွေကြောင့် ကျန်းမာရေးအထောက်အကူပစ္စည်းတွေ ညီမျှမှု ၊ လက်ခံနိုင်စွမ်း၊  ချည်းကပ်မှု နဲ့ ရရှိနိုင်မှု စတဲ့ အေလေးလုံးကို ခြိမ်းခြောက်မယ့်အရာတွေကို  တားဆီးနိုင်ရမယ်။ (၃)  တတိယအုပ်စုတွေရဲ့ ဆေးဝါးနဲ့ ဆေးပစ္စည်းတွေကို ထိန်းချုပ်နိုင်ရမယ်။ (၄) အာနည်းချိနဲ့တဲ့ အုပ်စုတွေ ဒါမှမဟုတ် ဘေးဖယ်ထုတ်ခံ အုပ်စုတွေ အထူးသဖြင့် မိန်းမ ၊ကလေး ၊ မြီးကောင်ပေါက်နဲ့ သက်ကြီးရွယ်အိုတွေကို  အကာအကွယ်ပေးဖို့ တရားဝင်ပြုလုပ်ထား ရမယ်။

            နောက်ဆုံးတစ်ခုကတော့ ကျန်းမာရေးအခွင့်အရေးပြည့်ဝဖို့အတွက် ကတိက၀တ်တွေဖြစ်ပြီး ဒီအတွက် နိုင်ငံတော်က  တသီးပုဂ္ဂလလူသားတွေနဲ့ လူအုပ်စုတွေ ကျန်းမာရေးအခွင့်အရေးမှာ ပျော်ရွှင်အေးချမ်းစွာနေထိုင်ခွင့်ရဖို့ အပြုသဘောဆောင်တဲ့ လုံခြုံမှုတွေ ပေးအပ်ရမယ်။ (၁) အစိုးရက နိုင်ငံရေးနဲ့ ဥပဒေရေးတွေမှာ ကျန်းမာရေးအခွင့်အရေး အတွက် လုံလောက်တဲ့ အသိအမှတ်ပြုမှု ကိုပေးအပ်ရမယ်။ အထူးသဖြင့် ဥပဒေပြုမှုအတွင်းကနေ ပေးအပ်ရမယ်။ (၂)  ကျန်းမာရေးအခွင့်အရေးကို နားလည်ဖို့အတွက် အမျိုးသား ကျန်းမာရေးပေါ်လစီကို အသေးစိတ်ရေးဆွဲပြီးလိုက်နာ ကျင့်သုံးကြရမယ်။ (၃)  ကူးစက်ရောဂါကို ကာကွယ်ဖို့အတွက် ပရိုဂ၇မ်တွေ ချမှတ်ဖော်ဆောင်ရမယ်။ (၄) အဟာရပြည့်ဝပြီး အန္တာရယ်ကင်းတဲ့ အစားအစာ ၊ သောက်ရေ ၊အခြေခံကျန်းမာရေးဌာန ၊ နဲ့ လုံလောက်တဲ့ နေအိမ်  ဘ၀အခြေအနေတွေ အပါအ၀င်  ကျန်မားရေးအခြေခံတွေကို လူတိုင်းချည်းကပ်နိုင်ရမယ်။ (၅) ဆ၇ာဝန်နဲ့ ဆေးအမှု အထမ်းတွေကို သင့်တင့်တဲ့ သင်တန်းပေးပြီး ဆေးရုံ ၊ ဆေးခန်း ၀န်ထမ်းအရေအတွက်နဲ့ ကျန်းမာရေးအထောက်အကူ ပစ္စည်းတွေကို နိုင်ငံအနှံ့ ညီတူညီမျှဖြန့်ဝေပေးရမယ်။(၆)  လူအားလုံးတတ်နိုင်တဲ့  အစိုးရနဲ့ ပုဂ္ဂလိက ဒါမှမဟုတ် နှစ်ခုပေါင်း ကျန်းမာရေး အာမခံတွေ ထားရှိရမယ်။ (၇) ဆေးဝါးသုတေသန နဲ့ ကျန်းမာရေးပညာပေး တိုးတက်ရမယ်။ (၈) အိပ်ခ်ျအိုင်ဗွီ ၊ အေအိုင်ဒီအက်စ်၊ လိင်နဲ့ ကလေးမွေးဖွားမှုတွေ၊  အိမ်တွင်း အကြမ်းဖက်မှု နဲ့ အရက်သောက် အကြမ်းဖက်ခြင်း၊စီးကရက် မူးယစ်ဆေးဝါးနဲ့ အခြားအန္တာရယ်ရှိတဲ့ အရာတွေ သုံးစွဲခြင်းတေ�€