လမင်းကို ခွေးဟောင်ခြင်း

ဒေါက်တာလွဏ်းဆွေ ၀က်ဆိုဒ်တွင် ဒီကနေ့(၂၂-၁၂-၂၀၁၂) ရက်နေ့တွင်
* စိန်နဲ့ စုနဲ့ နှစ်ပါးကြည် အများပြည်သူ တုံးလုံးပက်လက် Dec 2
* လူထုခေါင်းဆောင်၊ စစ်အာဏာရှင်ဘက်တော်သားပေလော ... Dec 21   ဤသတင်းနှစ်ပုဒ် ပါလာပါသည်။ အလွန်ဆိုးရွားပါသည်...။


တာဝန်ရှိသူများထက်ပင် ပို၍ အသိမြင်ကျယ်နေကြပြီလား ?
သို့မဟုတ်
လက်ရှိတာဝန်ယူထားကြသော နိုင်ငံတော် သမ္မတကြီးနှင့် ဒေါ်အောင်ဆန်းစုကြည် တို့အား ၄င်းတို့လောက်ပင်
အမျိုးမချစ်၊ အတွေးအခေါ်မဲ့သည်ဟု ယူဆနေပါသလား ?
မတွေးတတ်ပါ။

အထက်ပါ ဆောင်းပါးဟု အမည်တတ်ထားသော အဆင့်နိမ့် ထင်မြင်ယူဆချက်ကိုရေးသားထားသူများနှင့် ဒေါက်တာလွဏ်းဆွေ ဟူသော
ဘလော့ပိုင်ရှင်တို့သည် ယနေ့အထိ တိုင်းပြည်အတွက်... တိုင်းပြည်အတွက်ဆိုလျှင် ကြီးကျယ်လွန်းပါသည်... ၄င်းတို့၏ မိသားစုနှင့် ၄င်းတို့ကိုယ်တိုင်အတွက်
ကောင်းစွာ စောင့်ရှောက်နိုင်သူများ မဟုတ်ပါ....။

မိမိအိမ်ရှေ့ရှိ လမ်းကလေးကိုပင် ကျောက်ခဲ တစ်လုံးမျှ ခင်းဘူးကြမည် မဟုတ်ပါ..... သေချာပါသည်။

အမြဲတမ်း မကောင်းမြင်တတ်သော အကျင့်ဆိုး အဖျက်သမားများသည် နေရာတိုင်းတွင် ရှိပါသည်။

ပြောပြပါဦးမည်.....။

ဒေါ်အောင်ဆန်းစုကြည်သည် (၁၉၈၉)ခုနှစ်မှစ၍ အမျိုးသားဒီမိုကရေစီ အဖွဲ့ချုပ်ကို ဖွဲ့စည်းခဲ့သည်။
ပြဿနာပေါင်းများစွာကို ဘ၀နှင့်ရင်း၍ ရင်ဆိုင်ခဲ့သည်။ ကမ်းမမြင် လမ်းမမြင် ဒုက္ခပင်လယ်ကြီးထဲတွင်
အစုန်အဆန် ကူးခပ်ခဲ့သည်။ တစ်ချက်ကလေးမျှ ငြိမ်းအေးခြင်းမရှိခဲ့။

သို့သော် ဇွဲလျော့မသွားခဲ့ပါ... နှုတ်ဆက်မသွားခဲ့ပါ။  အတူတူ လိုက်ပါကူးခပ်သူများ တစ်ချို့ ကြွက်တက်သဖြင့် လမ်းတ၀က်မှ ကမ်းဘက်သို့
ကူးခပ်သွားကြရသည်။ တစ်ချို့လည်း အမောဆို့ကာ စုံးစုံးမြုပ်သွားခဲ့ရသည်။ တစ်ချို့လည်း ၀ဲကတော့အတွင်း ပျောက်ကွယ်ခဲ့ရသည်။

ကမ်းသို့ရောက်ရမည်ဟူသော ယုံကြည်ချက်ဖြင့် တစိုက်မတ်မတ်ဖြင့် ကူးခပ်ခဲ့သဖြင့် ယနေ့အချိန်အခါတွင် ပူးပေါင်းဆောင်ရွက်ရခြင်း ဟူသော ကမ်းစပ်သို့ ရောက်ရှိခဲ့ပါပြီ။

ဤအချိန်တွင် အမေစုနှင့် အတူလိုက်ပါကူးခပ်ခဲ့သူများ ခြေကုန်လက်ပန်းကျနေကြပါပြီ....
အမောဆို့နေကြပါပြီ။
အရွယ်ကုန်နေကြပါပြီ။

ကမ်းစပ်တွင် မျှော်လင့်ခြင်း အပြုံးလေးများဖြင့် ကြိုဆိုနေသူများ(ပြည်သူများ)နှင့် လက်ကမ်းပေးသူများ (သမ္မတကြီးနှင့် အစိုးရအဖွဲ့ဝင်များ)ကြောင့်
အမောပြေကာ ပြန်လည် လန်းဆန်း တက်ကြွလာကြသည်ဟု တင်စားချင်ပါသည်။

ယနေ့အချိန်တွင် တိုင်းပြည်အတွက် အကောင်းဆုံးများကိုသာ ဆောင်ကျဉ်းပေးနေသော
နိုင်ငံတော်သမ္မတကြီးကို ဖခင်အဖြစ် သတ်မှတ်ပါသည်။
ဒေါ်အောင်ဆန်းစုကြည်ကို မိခင်အဖြစ် သတ်မှတ်ပါသည်။

သားသမီးများ အပေါ်တွင် ဒုက္ခရောက်စေလိုသော... အခက်အခဲများနှင့် ရင်ဆိုင်ကြုံတွေ့စေလိုသော မိဘများ ဤစကြ်ာဝဠာအတွင်း မည်သည့်နေရာတွင်မျှ မရှိပါ။

နှစ်ပေါင်း(၂၀)ကျော် ဒုက္ခခံစားခဲ့ရခြင်းများသည် သားသမီးများအတွက် နောက်ဆုံးထွက်သက်အထိသာမက မျက်ကွယ်ပြုပြီးသည့်တိုင် ပြည့်စုံကြွယ်ဝစေလိုသော
မိဘများ၏ စေတနာပင် ဖြစ်ပါသည်။

အိမ်ထောင်စုတစ်ခုထဲတွင်ပင် လိမ်မာသော သားသမီးများနှင့် ဆိုးသွမ်းသော မိဘနှင့် သဘောထားခြင်း မတိုက်ဆိုင်သော သားသမီးများ ရှိတတ်ကြပါသည်။

သားဖြစ်သူနှင့် ရန်ဖြစ်ပါက ဓါးကမ်းပေးသော မိဘများ မြန်မာမှု နယ်ပင်တွင် မရှိပါ။
နှစ်သိမ့်ကာ တားဆီးသော မိဘများသာ ရှိပါသည်...၊ ဖူးရောင်ကွဲပြဲလာပါကလည်း ကျပ်ထုပ်ထိုးပေးခြင်း၊ ဆေးလိမ်းပေးခြင်းကိုသာ မြန်မာတို့ဆောင်ရွက်ကြပါသည်။
မိဘအချင်းချင်း တွေ့ဆုံဆွေးနွေး ကြေအေးတတ်ကြပါသည်။ ရန်ကို ရန်ချင်း မတုံ့နှင်းတတ်ပါ..... ထို့ထက် ပိုသော် သားသမီးများ၏ ရှေ့ခရီးလမ်းတလျှောက်
အန္တရာယ်ကင်းစွာ လျှောက်လှမ်းစေလိုသော မိဘများသာရှိကြပါသည်။

နိုင်ငံတော်သမ္မတကြီးနှင့် ဒေါ်အောင်ဆန်းစုကြည်(အမေစု)အား ပုတ်ခပ် စော်ကားသော အဆင့်နိမ့် စာရေးသူများ၊ တင်ပြသူများကို ပြင်းထန်စွာ ရှုံ့ချပါသည်။
ထင်ရာမြင်ရာ အမှားအမှန်မခွဲခြား၊ အနာဂတ်ကို မျှော်တွေးမကြည့်တတ်သူများအား ရွံရှာပါသည်။

ထို့ထက်ပို၍ ပြောရသော်....
ဂုဏ်သိက္ခာရှိမှ ဝေဖန်ပါ.....။
စွန့်စားရဲမှ တာဝန်ယူပါ....။
ရန်ဖြစ်သမျှ ၀ိုင်းဝန်းရိုက်နှက်ရသော ရွာလူမိုက်ကြီးစိုးသော ခေတ် မဟုတ်ပါ....။
ခေတ်သစ် စနစ်သစ်အတွက် မိဘများကြိုးပမ်းဆောင်ရွက်နေပါသည်။
အကောင်းဆုံးများကို ယူဆောင်ပေးပါလိမ့်မည်....။
အခုရေတွင်းတူး အခုရေကြည်သောက်ချင်ရင် ရေသန့်ဗူးဝယ်သောက်စေချင်ပါသည်။


အဆင့်မတူပဲ စော်ကားခြင်းသည်   ``   လမင်းကို ခွေးဟောင်ခြင်းသာဖြစ်ပါသည် ´´
ပိုနားလည်၍ ပိုမိုယုံကြည်ရသဖြင့်၊ ပိုမိုအားကိုးထိုက်၍သာ  ပိုကြီးမားသော တာဝန်ကို ထမ်းဆောင်နေခြင်းဖြစ်ပါသည်။
ဤဆောင်းပါးဖြင့် ဒေါက်တာလွဏ်းဆွေနှင့် အဆင့်နိမ့် စာရေးသူများအား အထင်အမြင်သေးစွာ ရှုံ့ချပါကြောင်း ဖော်ပြအပ်ပါသည်။.....

ကွန်ဆူးမား(၂၂-၁၂-၂၀၁၂)