25.12.2012 နေ့ဖတ်ရန်သတင်းများ

by Myanmar Journal on Monday, December 24, 2012 at 11:35pm ·

ခရစ်စမတ် အကြို ဆုတောင်းပွဲ ကျင်းပ

ပုပ်ရဟန်းမင်းကြီး ဘန်နာဒစ်

အီတလီ နိုင်ငံ St Peter's Basilica ဘုရားရှိခိုးကျောင်း မှာ လူအများအပြား စုရုံးမလာခင် ပုပ်ရဟန်း မင်းကြီး ဘန်နာဒစ်က ရိုမန် ကတ်သလစ် ရိုးရာ ခရစ်စမတ် အကြို အခမ်းအနား ဆုတောင်းပွဲကို ကျင်းပခဲ့ပါတယ်။

ဒီနေ့ ကမ္ဘာမှာ လူတွေ အနေနဲ့ ဘုရားသခင် အတွက် အချိန်ပေးဖို့ သူက တိုက်တွန်းခဲ့ပြီး ၊ အစ္စရေးနဲ့ ပါလက်စတိုင်းကြား ငြိမ်းချမ်းရေး ရဖို့နဲ့ လက်ဘနွန် ၊ ဆီးရီးယား နဲ့ အီရတ် နိုင်ငံက ပဋိပက္ခတွေ ချုပ်ငြိမ်းသွားစေဖို့ ဆုတောင်း ခဲ့ပါတယ်။

အခုလို ကနဦး ခရစ်စမတ် ဆုတောင်းပွဲကို ခရစ်စမတ်နေ့ မတိုင်ခင် ညသန်းခေါင်ယံ အချိန်မှာ ပုံမှန် ကျင်းပတာ ဖြစ်ပေမယ့် အသက် ၈၅နှစ် ရှိပြီ ဖြစ်တဲ့ ပုပ်ရဟန်မင်းကြီး မောပန်း နွမ်းနယ်မှာ စိုးလို့ နှစ်နာရီကြို ကျင်းပခဲ့တာ ဖြစ်ပါတယ်။

အာဖဂန် လုံခြုံရေး အချင်းချင်း ပစ်သတ်

ဒီနှစ်အတွင်း အာဖဂန် လုံခြုံရေး လက်ချက်နဲ့ သေဆုံးခဲ့ ရတဲ့ နိုင်ငံခြား တပ်ဖွဲ့ဝင် ၅၀ ကျော် သွားပြီ

အာဖဂန် နစ္စတန်မှာ အမျိုးသမီး ရဲ အရာရှိ တဦး ကနေ သူ့ရဲ့ လုပ်ဖေါ် ကိုင်ဖက် အနောက် နိုင်ငံသား အကြံပေး အရာရှိ တဦးကို ပစ်သတ် လိုက်ပါတယ်။

အမျိုး သမီးရဲ တဦး ကနေ အခုလို ပစ်သတ် လိုက်တာဟာ အာဖဂန် မှာ ဒါ ပထမဦးဆုံး ဖြစ်ရပ်ပါ။ ဖြစ်ပွား ခဲ့တဲ့ နေရာ ကတော့ လုံခြုံရေး အထူး ချထားတဲ့ ကာဘူးမြို့ ရဲဌာနချုပ် ရုံး နေရာမှာ ဖြစ်ပါတယ်။

နာဂစ်လို့ အမည် ရတဲ့ ဒီ အမျိုးသမီး ရဲ အရာရှိဟာ သူ့ အကြံပေး ဖြစ်သူ အမေရိကန် နိုင်ငံသားကို ပစ်သတ် လိုက်တာ ဖြစ်ပါတယ်။ အခုတော့ သူ့ကို မေးမြန်း စစ်ဆေး မှုတွေ ပြုလုပ် နေပါပြီ။

အာဖဂန်မှာ ရှိတဲ့ နိုင်ငံ တကာ တပ်ဖွဲ့ဝင် ပြောခွင့်ရသူ တပ်မှူး C Madower ကလည်း အခုလို ဖြစ်ရပ်တွေ မဖြစ် ရအောင် ဆက်လက် ကြိုးပမ်း ဆောင်ရွက် သွား ရမယ် လို့ ဆိုပါတယ်။

နိုင်ငံ အနောက်မြောက်ဘက် ဂျိုးဂျန် ပြည်နယ် မှာလည်း အမျိုးသား ရဲအရာရှိ တဦးရဲ့ ပစ်ခတ်မှုကြောင့် လုပ်ဖေါ် ကိုင်ဖက် ၆ ဦး သေဆုံး သွားတယ်လို့ ဆိုပါတယ်။

ဒီနှစ် အတွင်း အာဖဂန် လုံခြုံရေးတွေ လက်ချက်နဲ့ သေဆုံး သွားခဲ့ ရတဲ့ နိုင်ငံတကာ တပ်ဖွဲ့ဝင် အရေ အတွက်ဟာ ၅၀ ကျော် သွားပြီ ဖြစ်ပါတယ်။

မဲဆောက် မြို့မှာ ဒေါ်လာ အတုဂိုဏ်း ဖမ်းမိ

ဒေါ်လာ အတု တရာတန် အရွက် ၄၅၀၀ နဲ့ ကားနှစ်စီးကို ထိုင်း ရဲက သိမ်းဆည်း လိုက်

ထိုင်းနိုင်ငံသား တွေနဲ့ မြန်မာ နိုင်ငံသားတွေပါ ပါတဲ့၊ အမေရိကန် ဒေါ်လာ အတုဂိုဏ်း တဂိုဏ်းကို မဲဆောက် မြို့မှာ ဖမ်းဆီး မိလိုက် ပါတယ်။

အဖမ်း ခံရတဲ့ သူတွေဟာ မြန်မာ နိုင်ငံသား ကိုမောင်ဦးလှိုင်နဲ့ ထိုင်း အမျိုးသမီး ဖွိုင်ဖောင်ဖန် ဖန်ထဆီရီ ဆိုတဲ့သူ နှစ်ယောက် ဖြစ်ပါတယ်။

နှစ်ယောက် စလုံးဟာ အသက် ၄၅ နှစ် အရွယ်တွေ ဖြစ်ကြပြီး၊ သူတို့ဆီ ကနေ အမေရိကန် ဒေါ်လာ အတု တရာတန် အရွက် ၄၅၀၀ နဲ့ ကားနှစ်စီးကို ထိုင်း ရဲက သိမ်းဆည်း လိုက်နိုင်ပါတယ်။

သူတို့ရဲ့ ကားတွေဟာ ထိုင်း လိုင်စင် အတုနဲ့ ဂျပန်ကျ တပတ်ရစ် ကားတွေ ဖြစ်နေ တာကို သောင်ရင်းမြစ် အနားက ကားဈေးကွက်မှာ စစ်ဆေး တွေ့ရှိတဲ့ အတွက် သူတို့ကို ရဲက ဖမ်းဆီး လိုက်တာပါ။

အဲဒီကား နှစ်စီး စလုံးကို အသေ အချာ ရှာဖွေ မှုတွေ လုပ်ခဲ့ရာ မှာတော့၊ အမေရိကန် ဒေါ်လာ ငွေစက္ကူ အသစ်တွေကို အများ အပြား တွေ့ခဲ့ ရတာ ကြောင့် ဒေါ်လာ ကျွမ်းကျင် သူနဲ့ စစ်ဆေး ကြည့်တဲ့ အခါမှာ အတုတွေ ဖြစ်နေတာ တွေ့ရ တယ်လို့ မဲဆောက် မြို့နယ် ရဲမှူးကြီးက ပြောပါတယ်။

မြန်မာ့ ခရီးသွားလုပ်ငန်း အခက်အခဲတွေ ကြုံနေ

ကမ္ဘာလှည့် ခရီးသွားတွေ အလာများတဲ့ ပုဂံ

မြန်မာနိုင်ငံမှာ မကြာခင် နှစ်ပိုင်းတွေ အတွင်းကစလို့ ခရီးသွား လုပ်ငန်းတွေ အရှိန်အဟုန်နဲ့ တိုးတက် လာတာကို တွေ့ရပါတယ်။

ဒီလို အခြေအနေမှာ တိုးတက်လာတဲ့ ကမ္ဘာလှည့် ခရီးသွားတွေအတွက် လုံလောက်တဲ့ အဆင့်မီ ဟိုတယ်တွေ၊ အခန်းတွေရော ရှိပါရဲ့လား။

လုံလောက်တဲ့ ဝန်ဆောင်မှုမျိုးတွေရော ပေးနိုင်ပါရဲ့လား။ မြန်မာ ပြည်တွင်းက ခရီးသွား လုပ်ငန်း လုပ်ကိုင် နေသူ တွေမှာရော လက်ရှိအချိန်မှာ ဘယ်လို အခက်အခဲ တွေနဲ့ ကြုံနေရပါသလဲ။

Silk Road to Asia Travels and Tours ခရီးသွား လုပ်ငန်းက အထွေထွေ မန်နေဂျာ မဝါဝါကို ဆက်သွယ် မေးကြည့်တော့ မြန်မာ နိုင်ငံမှာ နိုင်ငံရေး အခြေအနေတွေ တိုးတက် လာတာနဲ့ အမျှ ကမ္ဘာလှည့် ခရီးသွား ဧည့်သည် ဝင်ရောက်မှုတွေ တိုးလာတဲ့ အကြောင်း၊ အဲဒီမှာ ပြည်တွင်းမှာ ဟိုတယ်တွေ မလုံလောက်တာ၊ ဈေးနှုန်း ကြီးမြင့်တာတွေ နဲ့ ဧည့်လမ်းညွှန် မလုံလောက်တာတွေ ကြုံနေရတဲ့ အကြောင်း ပြောပါတယ်။

ရန်ကုန်မြို့မှာ ဆိုရင်လည်း ခရီးသွား ဧည့်သည်တွေ တကယ်နေနိုင်တဲ့ အခန်းက ၂၀၀၀ ဝန်းကျင်သာ ရှိတဲ့ အကြောင်း၊ မနှစ်က ခရီးသွား ၃ သိန်း ၈ သောင်း လောက်လာခဲ့ သလို အခုလည်း အဲဒီ လောက် ဝင်ရောက် ခဲ့ပြီး ဖြစ်တဲ့ အကြောင်း ပြောပါတယ်။

လောလောဆယ် မှာတော့ တည်းခိုဖို့ အတွက် အခန်း မလုံလောက်တဲ့ အခက်အခဲတွေ ကြုံနေ ရတဲ့ အကြောင်း ပြောပါတယ်။

ခရီးသွား လုပ်ငန်း လုပ်နေသူ တွေမှာလည်း အခက်အခဲ တွေကြုံနေရတယ်လို့ ဆိုပါတယ်။ ဧည့်သည် တွေက အခန်းမရလို့ ခရီးစဉ်ကို ဖျက်သိမ်းတာမျိုး၊ အားလုံး စီစဉ်ပြီးမှ လိုချင်တဲ့ အခန်းကို မရလို့ ပြောင်းသွား တာမျိုးတွေ၊ ဟိုတယ်ခတွေ ဈေးကြီးလို့ မြန်မာ နိုင်ငံက ဈေးကြီးတယ် ဆိုပြီး တခြား ခရီးသွား ဒေသတွေ - ဥပမာ ကမ္ဘောဒီးယား လို နိုင်ငံမျိုး တွေကိုပဲ သွားတော့မယ် ဆိုတာမျိုး တွေလည်း ကြုံနေ ရတယ်လို့ ပြောပါတယ်။

အဲဒီ အခက်အခဲ တွေကြောင့် ဆုံးရှုံး နစ်နာမှု တွေလည်း ကြုံနေ ရတယ်လို့ ပြောပါတယ်။

လက်ရှိ အချိန်မှာ ဟိုတယ် တွေက အခန်းခတွေကို တိုးယူနေပေမယ့် ဝန်ဆောင်မှုက နောက်က လိုက်မလာတဲ့အတွက် သဘောမတွေ့ တာမျိုး ပြောလာကြတာ တွေလည်း ရှိတဲ့ အကြောင်း၊ အဲဒါကြောင့် သူတို့ပေးထားတဲ့ ငွေတွေကို ပြန်ပြီး အမ်းရတာမျိုးတွေ ဒီနှစ်ထဲမှာ အများအပြား ကြုံလာရတဲ့ အကြောင်း ပြောပါတယ်။

လတ်တလော ကြုံနေရတဲ့ အခက်အခဲ တွေကို ဖြေရှင်း နိုင်ဖို့ ကတော့ ဟိုတယ်တွေ၊ ခရီးသွား လုပ်ငန်းတွေ အားလုံး ပူးပေါင်း ဆောင်ရွက်ဖို့ လိုမှာ ဖြစ်ကြောင်း၊ ဈေးနှုန်း တခုကို လက်ကိုင် ထားဖို့ လိုမှာ ဖြစ်ကြောင်း ပြောပါတယ်။

ဆက်လက်ပြီး လေကြောင်းလိုင်းတွေ၊ ဟိုတယ်တွေ နဲ့ စားသောက်ဆိုင်ကြီး တွေပါမကျန် ရင်းနှီးမြှုပ်နှံ လိုသူတွေကို ဖိတ်ခေါ်လို့ အားလုံး ပူးပေါင်း ဆောင်ရွက် မှသာ အခု ကြုံနေရတဲ့ အခက်အခဲ တွေကို ကျော်လွှား နိုင်မှာ ဖြစ်ပြီး လက်ရှိ ပုံစံ အတိုင်းသာ သွားနေလို့ ကတော့ မြန်မာ့ ခရီးသွား လုပ်ငန်း ပြန်လည် ကျဆင်း သွားနိုင်တဲ့ အကြောင်း တွေကို ပြောပြ သွားခဲ့ပါတယ်။

တော်ဝင် သစ်စက်ရုံမှာ အလုပ်သမားတွေ ရိုက်နှက်ခံရ

ပြည်တွင်းသာ မက ပြည်ပ မှာလည်း မြန်မာ အလုပ် သမားတွေ အခက် အခဲ ကြီးမား

ရန်ကုန်တိုင်း ရွှေပြည်သာ မြို့နယ် ဝါးတရာ စက်မှု ဇုံမှာ ရှိတဲ့ တော်ဝင် မိသားစု ကုမ္ပဏီပိုင် သစ်အချော စက်ရုံမှာ အလုပ်ရှင်နဲ့ အလုပ် သမား တွေ ပြဿနာ ဖြစ်ပွား ရာက၊ အလုပ် သမားတွေ ရိုက်နှက် ခံခဲ့ရကာ ဒဏ်ရာ ရရှိ သွားကြတဲ့ အတွက် အလုပ် သမား(၁၀)ဦးကို အင်းစိန် ဆေးရုံကို ပို့လိုက်ရ ပါတယ်။

ရိုက်နှက် ခံလိုက်ရတဲ့ သူတွေ ထဲက အလုပ် သမား ၆ ဦး ကတော့ ဒဏ်ရာ ပြင်းထန် တယ်လို့ ဆိုပါတယ်။

အလုပ်ရှင် နဲ့ အလုပ် သမား သဘောတူ စာချုပ် ချုပ်ရာ ကနေ အလုပ် သမား(၁၅၀)နီးပါး လောက် က မကျေ မနပ် ဖြစ်ပြီး၊ တနင်္လာနေ့ နေ့လယ် ပိုင်းမှာ ရုန်းရင်း ဆန်ခတ် ဖြစ်ပွားခဲ့ ရာမှာ၊ အလုပ် သမားတွေ ရိုက်နှက် ခံလိုက် ရတာ ဖြစ်ပါတယ်။

တော်ဝင် သစ်အချော စက်ရုံမှာ အလုပ် သမား(၅၀ဝ၀) နီးပါး ရှိပြီး၊ အခု စက်ရုံ မှာတော့ လူပေါင်း(၂၀ဝ) ကျော် လုပ်ကိုင် နေကြတာ ဖြစ်ပါတယ်။

တော်ဝင် သစ်အချော စက်ရုံမှာ မကြာခဏ ပြဿနာ ဖြစ်နေပြီး အလုပ် သမား တွေဟာ(၄)ကြိမ် မြောက် ဆန္ဒပြခဲ့ ပြီးလည်း ဖြစ်ပါတယ်။

ကေအိုင်အိုက ကန့်ကွက်စာပို့

ရွှေလီမှာ ကျင်းပတဲ့ ငြိမ်းချမ်းရေး ဆွေးနွေးပွဲမှာ စကားပြောနေတဲ့ ဦးအောင်မင်း

ကေအိုင်အို အဖွဲ့က ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီကို မနေ့က နေ့စွဲနဲ့ ကန့်ကွက်စာ တစောင် ပေးပို့ခဲ့ပါတယ်။

စာထဲမှာ ကော်မတီ ဥက္ကဌ ဦးအောင်မင်း ကို လိပ်မူထားပြီး ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနဲ့ ကေအိုင်အို ဆွေးနွေးရေး အဖွဲ့တို့ တွေ့ဆုံ ဆွေးနွေးတဲ့ နည်းလမ်းနဲ့ ညှိနှိုင်း ဆောင်ရွက် နေချိန်မှာ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းထွန်းနောင်က ဒီဇင်ဘာ ၂၃ ရက်နေ့က PCG ကတဆင့် လဂျားယန် တပ်စခန်းကို အုပ်ချုပ်မှု ကိစ္စ ဆောင်ရွက်ဖို့ လမ်းကြောင်း တလျှောက်ရှိ ကေအိုင်အေ အဖွဲ့တွေကို ၂၀၁၂ ဒီဇင်ဘာ ၂၅ ရက် နောက်ဆုံးထား ဆုတ်ပေးဖို့ သတိပေး လာခဲ့တယ်လို့ ဆိုပါတယ်။

အခုလို စစ်ရေးနည်းနဲ့ ဖြေရှင်းဖို့ ရာဇသံပေး ခြိမ်းခြောက် လာမှုကို ကေအိုင်အို ဆွေးနွေးရေး အဖွဲ့က ကန့်ကွက် ပါကြောင်း အသိပေး အကြောင်းကြားအပ် ပါတယ်လို့ ကေအိုင်အို ပေးစာမှာ ဖော်ပြထားပါတယ်။

ထုတ်တင်ပြောင်းလိုက်တဲ့ စီစစ်ရေး သက်ရောက်မှု

အပတ်စဉ်ထုတ် မြန်မာ ဂျာနယ် စာစောင်များ

မြန်မာနိုင်ငံမှာ စာပေစီစစ်ရေး မရှိဘဲ သတင်းဂျာနယ်တွေ ထွက်နေတာ ပြီးခဲ့တဲ့ သြဂုတ်လထဲ ကစပြီး အခု ဆိုရင် ၄ လကျော် ရှိလာပြီ ဖြစ်ပါတယ် ။

ဂျာနယ် အယ်ဒီတာတွေရဲ့ သတင်း တင်ဆက်မှုနဲ့ အကျိုးအမြတ် ပိုကောင်း လာသလား ဆိုတာကို မေးမြန်းကြည့်တော့ ရန်ကုန်က သတင်း ဂျာနယ် ထုတ်ဝေသူတွေ အယ်ဒီတာတွေ ကတော့ စာပေ စီစစ်ရေး မရှိတော့တဲ့ အတွက် လွတ်လွတ်လပ်လပ် သတင်းတင်ပြမှု ပေါ်မှာ ဌာနဆိုင်ရာ အသင်းအဖွဲ့ တွေက ဂျာနယ်တွေ အပေါ် အပုပ်ချ ဝေဖန်တာတွေ အထင်လွဲတာတွေ ရှိနေတယ်လို့ ဆိုပါတယ်။

ဒါပေမဲ့ သတင်း ရေးသား တင်ပြရတာ လွတ်လပ်မှုတွေ ပိုရှိလာတယ် သတင်းတွေ ပိုမြန်လာတယ်လို့ မြန်မာနိုင်ငံ စာနယ်ဇင်းကောင်စီ ယာယီရဲ့ အတွင်းရေးမှူး ကိုကျော်မင်းဆွေ က ပြောပါတယ်။

မြန်မာနိုင်ငံရဲ့ ဒီမိုကရေစီ ပြောင်းလဲရေး ဖြစ်စဉ်မှာ အစိုးရ ပြောင်းနေပေမဲ့ အစိုးရထဲမှာ မပြောင်းလဲ လိုသူ အခုအခံတွေ ရှိနေတာ တွေရတဲ့ အပြင် ပြီးခဲ့တဲ့ ရက်ပိုင်းအထိ သတင်းဂျာနယ် တွေအပေါ် မှာ တရားစွဲ ဆိုတာတွေ ရှိနေပါတယ်၊ စာပေ စီစစ်ရေး မရှိတဲ့ အတွက် သတင်း တင်ဆက်မှုတွေ မြန်လာတာ သေချာပါတယ်လို့ Myanmar Independents news ဂျာနယ် တာဝန်ခံ အယ်ဒီတာ ဦးမျိုးမြင့်ငြိမ်းက ဆိုပါတယ်။

ဂျာနယ်တွေဟာ စာပေစိစစ်ရေး မရှိလို့ မြိုင်မြိုင်ဆိုင်ဆိုင် ဖော်ပြ နေနိုင်ပေမဲ့လည်း နိုင်ငံပိုင် သတင်းစာမှာ ထည့်တဲ့ သတင်းတွေ အပေါ်မှာ အထင်မြင် လွဲမှားအောင် တည်းဖြတ် ခံနေရတာ ရှိနေသေးတယ်လို့ ဦးမျိုးမြင့်ငြိမ်းက ပြောပါတယ်။

သတင်းဂျာနယ် တွေရဲ့ အကျိုးအမြတ်ဟာ သိသာလာပြီး သတင်းထောက်တွေ အယ်ဒီတာတွေရဲ့ ခံစားခွင့်တွေဟာ အရင်ကထက် သိသိသာသာ တိုးတက်လာတယ် လို့လည်း ရန်ကုန်က အယ်ဒီတာတွေက ပြောကြပါတယ်။

ဒါပေမဲ့ မြန်မာနိုင်ငံရဲ့ သတင်းဂျာနယ် လောကမှာလည်း သတင်းထောက်နဲ့ တက်ကြွ လှုပ်ရှားသူတွေဟာ ရောထွေး နေတဲ့အတွက် ကျင့်ဝတ်ပိုင်း ဆိုင်ရာနဲ့ မျှတမှုရှိအောင် ရေးတဲ့ နေရာမှာ အားနည်း နေစဲဖြစ်ပြီး ရှေ့လျှောက် တရားစွဲတာ ပိုများ လာ မယ်လို့လည်း ဝါရင့် အယ်ဒီတာတွေက ခန့်မှန်း ပြောဆိုကြပါ တယ်။                      

အဲပုဂံ လေယာဉ် ကွင်းမှားဆင်း အမြီးပိုင်း ကျိုး၍ မီးလောင်

အဲယားပုဂံလေကြောင်းလိုင်းက ရန်ကုန်-မန္တလေး-ဟဲဟိုး ခရီးစဉ်အတိုင်း ပျံသန်းသည့် F-100 အမျိုးအစား လေယာဉ်(အမှတ် XY-AGC ခရီးစဉ်အမှတ် 011) သည် ယနေ. နံနက် ၈နာရီ ၅၀ မိနစ် အချိန် က ဟဲဟိုးလေယာဉ်ကွင်းသို့ဆင်းသက်ရာနှင်းများထူထပ်စွာကျရောက်နေခြင်းကြောင့် လေယဉ်ပြေးလမ်းဘေး လယ်ကွင်းသို. မှားယွင်းဆင်းသက်စဉ် ဟဲဟိုး -အောင်ပန်း ကားလမ်းအနီး သစ်ပင်များနှင့် ၀င်တိုက်မိရာ အမြီးပိုင်း ကျိုး၍ မီးလောင် ခဲကြောင်း နီုင်ငံပိုင်ရုပ်သံ မီဒီယာများ ကထုတ်ပြန် ကြေညာသည်။

လေယာဉ်ပေါ်ပါခရီးသည်နှင့် လေယာဉ်အမှုထမ်း (၇၁)ဦးပါရှိပြီး (၁၁)ဦးဒဏ် ရာရ ရှိ၍ တောင်ကြီးမြို့ရှိစ၀်စံထွန်းဆေးရုံ သို့ပို့ဆောင် ထားရှိ ထားကြောင်း ကျန်(၅၉)ဦးမှာဟဲဟိုးလေဆိပ်တွင် အန္တရာယ်ကင်းစွာရှိပြီး လေယာဉ်ပေါ်တွင် ကလေး(၁)ဦး အလောင်းတွေ့ရှိရကြောင်း၊မန္တလေး-ဟဲဟိုး ကားလမ်းသို မှားယွင်းဆင်းသက်စဉ် ဆိုင်ကယ်စီးနေသူနစ်ဦးကိုဝင် တိုက်မိပြီးတစ်ဦး သေဆုံးခဲသည်ဟု အဆိုပါသတင်းတွင်ဖော်ပြထားသည်။

အရှေ့အလယ်ပိုင်းငြိမ်းချမ်းရေး ပုပ်ရဟန်းမင်းကြီးဆုတောင်း

Bethlehem မှာ ရှိတဲ့ St. Peter Basilica ကျောင်းတော်မှာ ပုပ်ရဟန်းမင်းကြီးက ငြိမ်းချမ်းရေးကို ရှေးရှုကြဖို့ ဆုတောင်းပေးခဲ့ပါတယ်။

လွန်ခဲ့တဲ့ နှစ်ပေါင်း ၂၀၀၀ကျော်က  ယေရှုခရစ် ဖွားမြင်တဲ့ အထိမ်းအမှတ်အဖြစ်နဲ့ ခရစ်စမတ်အခါသမယကို ကမ္ဘာတဝှမ်းက ဆင်နွှဲနေကြချိန်မှာပဲ ပုပ်ရဟန်းမင်းကြီးက ငြိမ်းချမ်းရေးကို ရှေးရှုကြဖို့ ဆုတောင်းပေးခဲ့ပါတယ်။

Bethlehem မှာ ရှိတဲ့ St. Peter Basilica ကျောင်းတော်မှာ တနင်္လာနေ့ နှောင်းပိုင်း ဟောကြားရာ မှာတော့ ဆီးရီးယား၊ လက်ဘနွမ်၊ အီရတ် အပါအဝင် အရှေ့အလယ်ပိုင်းဒေသမှာ သွေးထွက်သံယို ပဋိပက္ခတွေ အဆုံးသတ်စေရေး ရဟန်းမင်းကြီးက တိုက်တွန်းခဲ့တာပါ။ အစ္စရေးနဲ့ ပါလက်စတိုင်းတို့ကြား ငြိမ်းချမ်းစွာ အတူယှဉ်တွဲနေထိုင်ဖို့ကိုလည်း တိုက်တွန်းသွားပါတယ်။

ခရစ်စမတ်ဘာသာဝင်တွေက ယေရှု့ခရစ်ဖွားမြင်ရာအဖြစ် ယုံကြည် ထားကြတဲ့ ဂျော်ဒန်မြစ် အနောက်ဖက်ကမ်းက Bethlehem မှာ ခရစ်စမတ်ပွဲ ဆင်နွှဲဖို့ ကမ္ဘာတ၀ှမ်းက ခရီးသွားပေါင်း ထောင်ချီပြီး ရောက်နေပါတယ်။ ဒီနှစ် ခရစ်စမတ်မှာတော့ ပြီးခဲ့တဲ့လကမှ အကဲခတ် အဖွဲ့ဝင်အဖြစ် ကုလသမဂ္ဂက အသိအမှတ်ပြု လက်ခံခဲ့တဲ့ အိမ်ရှင် ပါလက်စတိုင်း အတွက် အထူးသဖြင့် ပျော်ရွှင်စရာ အခါသမယလည်း ဖြစ်ပါတယ်။

ခရစ်စမတ်အကြိုအဖြစ် ကျင်းပတဲ့ အခမ်းအနား အတွင်းမှာတော့ ဒေသခံ ရိုမန် ကက်သလစ် ခရစ်ယာန်ဂိုဏ်းအုပ် Fouad Twal က ပါလက်စတိုင်းသားတွေရဲ့ စွမ်းဆောင်နိုင်မှုအပေါ် အားတက်စကား ပြောဆိုသွားခဲ့သလို၊ ဒေသတွင်းက အဆုံးမသတ်နိုင်ပဲ ဖြစ်နေရတဲ့ ပဋိပက္ခတွေ အဆုံးသတ်စေရေး အစ္စရေးလ်နဲ့အတူ လက်တွဲ ဆောင်ရွက်သွားဖို့လည်း တိုက်တွန်းခဲ့တာပါ။ ရာသီဥတု အေးမြနေပေမဲ့လည်း စိတ်အားထက်သန်နေကြတဲ့ ကမ္ဘာလှည့်ခရီးသွားတွေနဲ့ ခရစ်စမတ်ပွဲတော် အခန်းအနားတွေကတော့ ညနက်ပိုင်းအထိ ဆက်လက် ကျင်းပခဲ့ကြပါတယ်။

လူမှောင်ခိုဂိုဏ်းတွေ တရုတ်ဖြိုခွင်း

လူကုန်ကူးခံရသော တရုတ်ကလေးငယ်များကို ကယ်တင်လာစဉ်။

တရုတ်နိုင်ငံမှာ ရောင်းစားခံရမယ့် ကလေးသူငယ် ၈၉ဦးကို ကယ်တင်နိုင်ခဲ့တယ်လို့ အာဏာပိုင်တွေက ပြောကြားလိုက်ပါတယ်။ လူမှောင်ခိုဂိုဏ်း လို့ ခေါ်တဲ့ အဖွဲ့အစည်း အတော်များများကို နှိမ်နင်းနိုင်ခဲ့ပြီး လူပေါင်း ၃၅၅ယောက်ကိုလည်း ဖမ်းဆီးလိုက်ပါတယ်။ ဂွမ်ဒေါင်းနဲ့ ဆီချွမ်နယ်ဒေသအပါအဝင် တော်တော်များများမှာ ဒီဇင်ဘာလ ၁၈ရက်နေ့ကစပြီး စီမံချက်ချ ဆောင်ရွက်ခဲ့ကြောင်း တရုတ်အာဏာပိုင်တွေက ဖော်ပြလိုက်ပါတယ်။ကယ်တင်နိုင်ခဲ့တဲ့ ကလေးသူငယ်တွေကို လောလောဆယ် တရုတ်အစိုးရက စောင့်ရှောက်ထားခဲ့ပြီး သက်ဆိုင်ရာ မိဘတွေနဲ့ဆက်သွယ်ဖို့ ကြိုးစားနေကြပါတယ်။

တရုတ်နိုင်ငံမှာ ကလေးသူငယ်နဲ့ အမျိုးသမီးတွေကို မှောင်ခိုရောင်းဝယ်တဲ့ လုပ်ငန်းတွေကြီးတွေ ကြီးထွားလာတာလည်းဖြစ်ပါတယ်။ တစ်အိမ်ထောင်ကို ကလေးတစ်ယောက်သာရှိရမယ်ဆိုတဲ့ မူဝါဒကြောင့် ဒီလိုမှောင်ခိုမှုကြီးထွားလာတယ်လို့ အကဲခတ်တွေ က ပြောဆိုကြ ပါတယ်။ ယောက်ျားလေးတွေကို ဝယ်ယူလိုသူရှိသလို၊ မိန်းကလေးတွေနဲ့ အမျိုးသမီးတွေကိုလည်း သူတို့သမီးလောင်းလျာတွေအဖြစ် ဝယ်ယူလာကြတာဖြစ်ပါတယ်။ ၂၀၁၁ခုနှစ် အတွင်း တရုတ်အာဏာပိုင်တွေဟာ လူမှောင်ခိုဂိုဏ်း ၃၀၀၀ကျော်ကို နှိမ်နင်းနိုင်ခဲ့ပြီး ကလေးသူငယ် ၉၀၀၀ ခန့်နဲ့ အမျိုးသမီး ၁၅၀၀၀ကျော်ခန့်ကို ကယ်တင်နိုင်ခဲ့တယ်လို့ ရှင်ဟွာသတင်းဌာနက ဆိုခဲ့ပါတယ်။

ကချင်တပ်ဖွဲ့ ဆုတ်ခွာဖို့ အစိုးရစစ်တပ် ရာဇသံပေး

ကချင်ပြည်နယ် လိုင်ဇာဌာနချုပ်အနီး ရှေ့တန်းစစ်မြေပြင်တွင် ကချင်စစ်သားတစ်ဦးကို တွေ့ရစဉ်။

ကချင်လက်နက်ကိုင်အဖွဲ့ ကေအိုင်အေအနေနဲ့ သူတို့ရဲ့ ဌာနချုပ်ဖြစ်တဲ့ လဂျာယန်ကနေ ဒီဇင်ဘာလ ၂၅ရက် ခရစ်စမတ်နေ့ကနေ နောက်ဆုံးထားပြီးတော့ ဆုတ်ခွာပေးဖို့ မြောက်ပိုင်းတိုင်း စစ်ဌာနချုပ်က စာပို့ပြီးတော့ အကြောင်းကြားထားပါတယ်။ မြောက်ပိုင်းတိုင်း တိုင်းမှူး ဗိုလ်မှူးချုပ် ထွန်းထွန်းနောင်ရဲ့ လက်မှတ်နဲ့ စာကို ဒီဇင်ဘာလ ၂၄ ရက်က လက်ခံရရှိခဲ့ပြီးတော့ ကချင်လက်နက်ကိုင် တပ်ဖွဲ့တွေကရော အဲ့ဒီ့မှာ ပူးတွဲတိုက်ခိုက်နေတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တပ်ဖွဲ့တွေကရော တပ်ဆုတ်ပေးမှာ  မဟုတ်ဘူးလို့ ပြောကြပါတယ်။ အခုလက်ရှိမှာ လဂျားယန်စခန်းဆီကို ဦးတည်ပြီးတော့ အစိုးရစစ်တပ်ဘက်က တက်လာနေသလို လက်နက်ကြီးတွေနဲ့လည်း မိနစ်ခြားပြီး တလုံးချင်း ပစ်ခတ်နေတယ်လို့ ABSDF အဖွဲ့ရဲ့ ပြန်ကြားရေးတာဝန်ခံတဦးက ပြောပါတယ်။ ဒီအကြောင်းကို ဆက်သွယ်မေးမြန်းထားတဲ့ မခွာညိုက ပြောပြပေးပါမယ်။

ကချင်ပြည်နယ်၊ လဂျားယန်ဒေသမှာရှိနေတဲ့ ကချင်လွတ်လပ်ရေးတပ်မတော် ကေအိုင်အေ နဲ့ ABSDF တပ်ဖွဲ့ဝင်တွေကို ၂၅ ရက်နေ့ နောက်ဆုံးထားပြီး တပ်ဆုတ်ပေးဖို့ မြောက်ပိုင်းတိုင်း တိုင်းမှူး ဗိုလ်မှူးချုပ် ထွန်းထွန်းနောင်ရဲ့လက်မှတ်နဲ့ စာပို့ခဲ့တာပါ။ စာပါ အကြောင်းအရာတွေနဲ့ ပတ်သက်လို့ ကေအိုင်အေ ပြောခွင့်ရသူ ဦးလာနန်က  ဗွီအိုအေကို အခုလို ပြောပါတယ်။

“တောင်ကုန်းပေါ်မှာရှိတဲ့ ကေအိုင်အေတပ်စခန်းတွေကို ဒီဇင်ဘာလ ၂၅ရက်နေ့ နောက်ဆုံးထားပြီးတော့ ဆုတ်ပေးဖို့ဆိုတဲ့ သတိပေးတဲ့ ရာဇသံစာတစ်စောင် တို့ ဒီနေ့ပဲ ရပါတယ်။ တိုင်းမှူးရဲ့ လက်မှတ်နဲ့ပါ၊ ရှေ့တန်းတွေမှာ စစ်ဆင်ရေး၊ စစ်အင်အားဖြည့်တင်းမှုကို လေ့လာကြည့်မယ်ဆိုရင်တော့ ၂၅ရက်နေ့ ကျော်လွန်တဲ့အခါမှာ သူတို့ဘက်က ထိုးစစ်ကို ကြီးကြီးမားမားဆင်လာနိုင်စရာရှိတယ်လို့ ကျနော်တို့ ခန့်မှန်းလို့ရပါတယ်ခင်ဗျ။ ဒါပေမဲ့ စာထဲမှာတော့ ၂၅ရက်နေ့ကျော်သွားတဲ့အခါ ဘယ်လိုဖြစ်မယ်ဆိုတဲ့ကိစ္စမျိုးတော့ ရေးထားတာမျိုး မရှိဘူး။ ဒါပေမဲ့ စာထဲမှာတော့ သတိပေးခြင်းဆိုတဲ့ သင်္ကေတပါလာတဲ့အခါမှာ ဒါ ရာဇသံပေးတာနဲ့ အတူတူပဲခင်ဗျ။ ဒါကြောင့်မို့ ဒီ၂၅ရက်နေ့ ကျော်ပြီးမှ ကျနော်တို့ဘက်က လိုက်နာမှုမရှိဘူးဆိုရင်တော့ သူတို့လည်း အားလုံးပြင်ဆင်ပြီးသားပါ။ ဒီဗဟိုဌာနချုပ် တည်ရာ လိုင်ဇာဘက်ကို ပစ်ခတ်နိုင်တဲ့ လက်နက်ကြီးတွေကို တော်တော်လေး နေရာဖြန့်ကျက်ပြီးမှ ချထားတာလည်းရှိတယ်။ နောက်ပြီးတော့ သူတို့ရဲ့ ခြေလျင်တပ်ဖွဲ့တွေလည်း တုန့်ဖိုးယန်မှာ တော်တော်လေးလည်း စုမိနေကြပြီ။ ဝိုင်းမော်ဘက်က လာတဲ့လမ်းကြောင်းပေါ်မှာ ကန်တော်ရွာမှာ သူတို့အခုအချိန်မှာ နားနေတဲ့ သူတို့လက်နက်ပစ္စည်းတွေ တင်ဆောင်ပြီး မနေ့က သူတို့ ကန်တော်ဘက်ကို စစ်ကြောင်းချီနေကြတယ်။ ဒါကိုကြည့်ခြင်းအားဖြင့် မနက်ဖြန် တစ်ရက်ကျော်သွားတဲ့အခါမှာတော့ အဲ့ဒီ့ချီတက်လာတဲ့ စစ်ကြောင်းတွေနဲ့တော့ တိုက်ပွဲတော့ ပြင်းပြင်းထန်ထန် ဖြစ်လာနိုင်စရာ ရှိတယ်လို့ ခန့်မှန်းနိုင်တယ်။”

ဒီသတိပေးချက်ဟာ တိုင်းမှူးထွက်ဖို့အတွက် ခရီးစဉ်တလျှောက်ကို လမ်းကြောင်းရှင်းတာမျိုး မဟုတ်ဘဲ လဂျားယန်ဒေသကို အပြီးသတ် ထိန်းချုပ်ဖို့အတွက် ရည်ရွယ်တယ်လို့ ယူဆကြောင်း ဦးလာနန်ကပြောပါတယ်။ အခု ထိုးစစ်ဆင်မှုဟာ လိုင်ဇာဌာနချုပ်ရဲ့ ရှေ့တန်း အချက်အခြာကျတဲ့ ကင်းစခန်းကို သိမ်းပိုက်ဖို့ ပြင်ဆင်တာဖြစ်ပြီး လိုင်ဇာဌာနချုပ်ကို သိမ်းပိုက်လိုတဲ့ ရည်ရွယ်ချက်ဖြစ်တယ်လို့လည်း သူက ပြောပါတယ်။ လွန်ခဲ့တဲ့ ၂၀၁၁ ခုနှစ်ကစပြီး အဲဒီဒေသတဝိုက်မှာ ထိုးစစ်ဆင် တိုက်ခိုက်ခဲ့တဲ့အတွက် KIO ဘက်က ဆုတ်ခွာပေးလိုက်ရတဲ့ တပ်စခန်းတွေ ရှိခဲ့ကြောင်းကိုလည်း အခုလို ပြောပြပါတယ်။

“အခုကတော့ ဒီ သူတို့ရဲ့ ခရီးသွားလာမှုမှာ သူတို့လမ်းကြောင်းရှင်းတဲ့ပုံစံလည်း မဟုတ်ပါဘူးခင်ဗျ။ အဲ့ဒီ့ဒေသတဝိုက်မှာ အမြဲတမ်းစခန်းသိမ်းတိုက်ပွဲတွေ၊ သူတို့ စစ်ကြောင်း စစ်ဆင်ရေးလှုပ်ရှားမှုတွေ၊ အမြဲတမ်းပြုနေတဲ့နေရာတွေပါ။ အခုမှဖြစ်တဲ့ ကိစ္စမဟုတ်ပါဘူး။ လွန်ခဲ့တဲ့ ၂၀၁၁ကစပြီး အဲ့ဒီ့ဒေသတဝိုက်မှာ တော်တော်များများ စစ်ဆင်လာပြီးမှ သူတို့စခန်းတွေသိမ်းခဲ့တဲ့နေရာတွေလည်း ရှိတယ်။ ဘွန်ဆောင်စခန်းဆိုရင် ကျနော်တို့ကချင်စခန်းပါ။ အဲ့ဒီ့မှာ သူတို့ မနှစ်တုန်းက စက်တင်ဘာမှာ သူတို့လာသိမ်းပိုက်ပြီးမှ သူတို့ အမြောက်တပ်စခန်းတွေချထားတာရှိတယ်။”

အခု တက်လာတဲ့ အစိုးရစစ်တပ်အင်အားဟာ ၈၀၀ ကျော်လောက် ရှိတယ်လို့ ရှေ့တန်းစခန်းမှာ ရှိနေတဲ့ အေဘီအက်စ် ဒီအက်ဖ် အဖွဲ့က ပြောပါတယ်။ ဒါပေမဲ့ ဦးလာနန်ကတော့ အင်အား ကိန်းဂဏန်းက အရေးမကြီးကြောင်းနဲ့ မြန်မာအစိုးရစစ်တပ်ဘက်က ဘာကို ရည်ရွယ်သလဲဆိုတာသာ အရေးကြီးကြောင်း ပြောပါတယ်။

“ဘယ်နားမှာ ရောက်နေနေ၊ စစ်တပ်အင်အားက ဘယ်လောက်ရှိတယ်ဆိုတာ ဒါ သိပ်တော့ အရေးမကြီးပါဘူး။ သူတို့ ဒီဗဟိုဌာနချုပ် လိုင်ဇာကို ဘယ်လိုနဲ့ စစ်ဆင်ရေးလုပ်မယ်ဆိုတာ အဓိက၊ အဲ့တာပါ။ အခု ကျနော်တို့ လေ့လာမိသလောက်ပေါ့နော်၊ ရတဲ့သတင်းအရ လိုင်ဇာကို လက်လှမ်းမှီပြီးမှ ပစ်ခတ်နိုင်တဲ့ ၁၀၅ မမ ရယ်၊ ၁၁၀ မမတွေရယ်ကို သူတို့နေရာတော်တော်များများ ဖြန့်ကျက်ထားပြီးမှပဲ ကျနော်တို့ ကေအိုင်အေ ဌာနချုပ်ကို ချိန်ရွယ်ပြီးသားဖြစ်တယ်။ လွန်ခဲ့တဲ့ အပတ်တုန်းကလည်း ကျနော်တို့ဗဟိုဌာနချုပ်ကို လက်နက်ကြီးတွေနဲ့ ပစ်မှတ်ထားပြီး စမ်းသပ်ပစ်ခတ်မှုတွေ လုပ်ပြီးသားဖြစ်တယ်။”

ABSDF အဖွဲ့ရဲ့ ဆက်သွယ်ရေးတာဝန်ခံ ဗိုလ်မှုးမင်းဌေးကလည်း အခုလို ရာဇသံဆန်တဲ့ အကြောင်းကြားစာကြောင့် တပ်ဆုတ်ပေးစရာ အကြောင်း မရှိဘူးလို့ ပြောပါတယ်။

“ ကျနော်တို့ဘက်က ဆုတ်ပေးနိုင်စရာ၊ ဆုတ်ပေးစရာအကြောင်းတော့မရှိဘူး။ ကျနော်တို့က ဒီမှာမဟာမိတ် ကေအိုင်အိုနဲ့အတူတူ ကျနော်တို့ တပ်စွဲပြီးနေတဲ့ စခန်းနေရာတွေဖြစ်တယ်။ ကျနော်တို့က ထိုးစစ်လုပ်နေတာမဟုတ်ဘူး။ ကျနော်တို့က အရှေ့ကို သွားထိုးနေတာမဟုတ်ဘူး။ အဲ့တာအတွက် ကျနော်တို့က ဆုတ်ပေးစရာအကြောင်းမရှိဘူး။”

ကေအိုင်အေဘက်ကတော့ အခုလို မြန်မာအစိုးရတပ်ဘက်က ရာဇသံဆန်တဲ့ အကြောင်းကြားစာဟာ ငြိမ်းချမ်းရေးဆွေးနွေးပွဲတွေအပေါ် ထိခိုက်ပျက်ပြားစေနိုင်ကြောင်း ပြည်ထောင်စုအဆင့် ငြိမ်းချမ်းရေးဆွေးဆွေးမှုတွေကို ဆောင်ရွက်နေတဲ့ ဝန်ကြီး ဦးအောင်မင်းဆီကို ဒီကနေ့ ဒီဇင်ဘာလ ၂၄ ရက်နေ့ နေ့စွဲနဲ့ စာတစောင် ပြန်လည်ပေးပို့ခဲ့တဲ့အကြောင်း ကိုလည်း ဦးလာနန်က ပြောပါတယ်။