23.12.2012 နေ့ဖတ်ရန်သတင်းများ

by Myanmar Journal on Saturday, December 22, 2012 at 4:20pm ·

အစွမ်းထက်တဲ့ ဒုံးကျည်ထုတ်ဖို့ မြောက်ကိုရီးယားခေါင်းဆောင် တိုက်တွန်း

ကမ္ဘာပတ်လမ်းကြောင်းထဲကို ပစ်လွှတ် စမ်းသပ်ခဲ့တဲ့ မြောက်ကိုရီးယား ရော့ကတ်ဒုံးကျည်။

ပြီးခဲ့တဲ့သတီတင်းပတ်က တာဝေးပစ် ရော့ကဒ်ဒုံးကျည် အောင်အောင်မြင်မြင် စမ်းသပ်ပစ်လွှတ် နိုင်ခဲ့ပြီးတဲ့နောက် ပိုပြီးတော့ အားကောင်းတဲ့ ရော့ကတ်ဒုံးကျည်တွေ လုပ်သွားဖို့ မြောက်ကိုရီးယားခေါင်းဆောင် ကင်မ်ဂျုံအွန်း က ပြောလိုက်ပါတယ်။

သောကြာနေ့က ပြုံရမ်းမှာ ရော့ကတ်ဒုံးကျည် ဆိုင်ရာ သိပ္ပံပညာရှင်တွေနဲ့အတူ ညစားစားပွဲမှာ ကင်မ်ဂျုံအွန်းက မြောက်ကိုရီးယား အနေနဲ့ ပိုပြီး အစွမ်းထက်တဲ့ ရော့ကတ်ဒုံးကျည်တွေကို ထုတ်လုပ်သွားဖို့ တိုက်တွန်း ပြောဆိုသွားတာ ဖြစ်ပါတယ်။

အမေရိကန်၊ တောင်ကိုရီးယား၊ ဂျပန်နဲ့ အစိုးရအတော်များများ ကတော့ ပြီးခဲ့တဲ့ သီတင်းပတ်က မြောက်ကိုရီးယားရဲ့ ဒုံးကျည်စမ်းသပ်ပစ်လွှတ်မှုဟာ တာဝေးပစ် ဒုံးလက်နက် စမ်းသပ်မှုတွေ မလုပ်ဖို့ တားမြစ်ထားတဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို ချိုးဖောက်တယ်လို့ ဆိုပြီး မြောက်ကိုရီးယားကို ပြစ်တင် ရှုတ်ချထားပါတယ်။ ဒါပေမဲ့ မြောက်ကိုရီးယားခေါင်းဆောင်ကတော့ ဒီစမ်းသပ်ပစ်လွှတ်မှုဟာ ကြီးမားတဲ့ တိုးတက်မှုလို့ ဆိုပြီး ဂုဏ်ယူ ပြောဆိုနေတာပါ။ အောင်အောင်မြင်မြင် ပစ်လွှတ်နိုင်ခဲ့တဲ့ အဆင့်သုံးဆင့်ပါတဲ့ ရော့ကတ်ဒုံးကျည်ကို မိုးလေ၀သ အခြေအနေတွေ စောင့်ကြည့်တဲ့ စတလိုက်ဂြိုလ်တုကို အာကသထဲ လွှတ်တင်နိုင်ဖို့ ခုလို စမ်းသပ်ပစ်လွှတ်ခဲ့တာလို့ မြောက်ကိုရီးယားက ပြောဆိုထားပါတယ်။

မြောက်ကိုရီးယားအနေနဲ့ အစောပိုင်းက ဒုံးကျည် တပ်ဆင်မှုအပိုင်းမှာ နည်းပညာပိုင်းဆိုင်ရာ အခက်အခဲ တချို့ ရှိနေတယ် ဆိုတဲ့ ယူဆချက်တွေနဲ့ သတင်းတွေ ထွက်ခဲ့တာကြောင့် ခုလို မြောက်ကိုရီးယားက ဒုံးကျည်ကို အောင်အောင်မြင်မြင် စမ်းသပ် ပစ်လွှတ် လိုက်ချိန်မှာတော့ လေ့လာသူတွေ အများအပြားနဲ့ အနောက်နိုင်ငံတွေ အံ့အားသင့်ခဲ့ရတာလည်း ဖြစ်ပါတယ်။

တရုတ်စစ်တပ်တွင်း အဂတိလိုက်စားမှု စတင် တိုက်ဖျက်

တရုတ်ကွန်မြူနစ်ပါတီ အကြီးအကဲ ရှီကျင်းပင်။ (နိုဝင်ဘာ ၁၅၊ ၂၀၁၂)။

တရုတ်တပ်မတော်အတွင်း အဂတိလိုက်စားမှု လျော့ကျအောင် လုပ်ဆောင်တဲ့အနေနဲ့ တရုတ် အရာရှိတွေ လိုက်နာရမယ့် ပိုပြီးတော့ တင်းကျပ်တဲ့ ဥပဒေတချို့ကို တရုတ်စစ်ကော်မရှင်က စတင်ချမှတ်လိုက်ပါတယ်။ အလုပ်ကိစ္စနဲ့ ခရီးသွားနေတဲ့ ကာလအတွင်း အဆင့်မြင့် စစ်အရာရှိတွေ အနေနဲ့ အရက်သေစာပါတဲ့ ဧည့်ခံတွေ မလုပ်ကြဖို့နဲ့ ဇိမ့်ခံဟိုတယ်ကြီးတွေမှာ တည်းခိုခြင်း မပြုဖို့ ဗဟိုစစ်ကော်မရှင်က အမိန့်ထုတ်ထားတဲ့ အကြောင်း နိုင်ငံပိုင် မီဒီယာတွေမှာ သောကြာနေ့က ဖော်ပြထားပါတယ်။

ဒါ့အပြင် ဧည့်ခံပွဲတွေမှာလည်း နဖူးစည်း စာတမ်းတွေ၊ ကော်ဇောနီတွေ၊ ပန်းတွေ၊ ဂုဏ်ထူးဆောင် ဧည့်သည်တွေ၊ ဖျော်ဖြေပွဲတွေနဲ့ လက်ဆောင်ပစ္စည်းတွေ ထည့်သွင်း ပါဝင်ခြင်း မပြုရဘူးလို့ ကော်မရှင်က ထုတ်ပြန်တဲ့ ဥပဒေသစ်ထဲမှာ ဖော်ပြထားပါတယ်။

စစ်တပ်အရာရှိတွေအနေနဲ့ အဓိပ္ပါယ်မရှိတဲ့ စကားတွေကို မပြောသင့်သလို တရားဝင် ခရီးစဉ်တွေမှာ မော်တော်ယာဉ် အသုံးပြုမှုကိုလည်း တင်းကျပ်သွားမယ်လို့ ညွန်ကြားချက် အသစ်ထဲမှာ ဖော်ပြထားပါတယ်။ ဒီကော်မရှင်သစ်ကိုတော့ ကွန်မြူနစ်ပါတီ အကြီးအကဲရာထူးနဲ့ စစ်ကော်မရှင် အကြီးအကဲရာထူးတွေကို ပြီးခဲ့တဲ့လက ပြောင်းလဲ ရယူလိုက်တဲ့ ရှီကျင်းပင် (Xi Jinping) က ဦးဆောင်တာ ဖြစ်ပါတယ်။ ရှေ့နှစ်မတ်လမှာ တရုတ်နိုင်ငံရဲ့ သမ္မတ ရာထူးကိုပါ ပူးတွဲ ရယူတော့မယ့် ခေါင်းဆောင်သစ် ရှီကျင်းပင်က  အဂတိလိုက်စားမှုတွေကို တိုက်ဖျက်သွားမယ်လို့ ကြွေးကြော်ထားတာ ဖြစ်ပါတယ်။

မွန်ဒုက္ခသည်တွေ အတွက် ဂျပန်အကူအညီ ပေးအပ်

 ဂျပန်ကိုယ်စားလှယ် Yohei Sasakawa မှ မွန်ပြည်နယ် ဒုက္ခသည်များအတွက် မွန်ပြည်သစ်ပါတီ ဥက္ကဋ္ဌ နိုင်ထော်မွန်ကို အကူအညီများ ပေးအပ်နေစဉ်။ (ဒီဇင်ဘာလ ၂၂၊ ၂၀၁၂)။

မွန်ပြည်နယ်အတွင်းက ဒုက္ခသည်တွေအတွက် ဂျပန် နိပွန်ဖောင်ဒေးရှင်းအဖွဲ့ကနေ အကူအညီတွေ ပေးအပ်မှု အခမ်းအနား တရပ်ကို မော်လမြိုင်မြို့ ပြည်နယ်ခမ်းမှာ ကျင်းပသွားပါတယ်။ မြန်မာအစိုးရနဲ့ အပစ်အခတ်ရပ်စဲရေး ယူထားတဲ့ မွန်ပြည်သစ်ပါတီ နဲ့ မြန်မာနိုင်ငံ ပြည်ထောင်စုအစိုးရ ဘက်က တာဝန်ရှိသူတွေလည်း တတ်ရောက်ပါတယ်။ ဒီပွဲကို မော်လမြိုင်မြို့အထိ ကိုယ်တိုင် သတင်းသွားယူနေတဲ့ ဗွီအိုအေ သတင်းထောက် ကိုအောင်ရဲမောင်မောင်ကို ကိုသားညွန့်ဦးက ဆက်သွယ်မေးမြန်းတော့ ဒီအခမ်းအနားနဲ့ ပတ်သက်လို့ ကိုအောင်ရဲမောင်မောင်က စပြောပါတယ်။

“ဒုက္ခသည်တွေကို သူတို့က ဆန်အိတ် ၁ ထောင်ကျော်ကို သူတို့က လှူဒါန်းတာပေါ့။ အဲဒီ ၁ ထောင်ကျော် လှူဒါန်းတဲ့ အစီအစဉ်က ဘယ်ကစလဲ လို့ ပြောရမယ်ဆိုရင်တော့ သမ္မတ ဦးသိန်းစိန်ကို ဂျပန်အစိုးရက ယန်းငွေ သန်း ၃၀၀ ပေးအပ်မယ်လို့ ကတိပေးခဲ့တယ်ဗျ။ အဲဒီ သန်း ၃၀၀ ပေးအပ်မယ်လို့ ကတိပေးခဲ့တဲ့အချိန်က စပြီးတော့ ဂျပန်အစိုးရကပေးမယ့် သန်း ၃၀၀ ထဲကနေ နိပွန် ဖောင်ဒေးရှင်းကနေပြီးတော့ သန်း ၆၀ ကို တာဝန်ယူလိုက်တယ်ဗျ။ တာဝန်ယူပြီးတော့ အဲဒီ သန်း ၆၀ ထဲကမှ ပထမအသုတ်ပေါ့၊ မွန်ပြည်နယ်က ဒုက္ခသည်တွေ အတွက် နိပွန် ဖောင်ဒေးရှင်းကနေပြီးတော့ ပထမဆုံး စတင်ပြီးတော့ ဆန်အိတ် ၁ ထောင်ကျော် ၃ သန်းဖို့ ကို စလှူဒါန်းတာ။”

ဒီနေ့ပွဲမှာ ပြည်ထောင်စု အစိုးရဘက်က ၀န်ကြီးတွေလည်း တက်တယ်လို့ သိရပါတယ်။ အဲဒီတော့ ပြည်ထောင်စု အစိုးရဘက်က ဒုက္ခသည်တွေနဲ့ ပတ်သက်ပြီးတော့ရော သူတို့ရဲ့ သဘောထား၊ ဘယ်လို ကိုင်တွယ်သွားမယ်ဆိုတာ ပြောသေးလား။ - 

“ဒီနေ့ အခမ်းအနားမှာတော့ ပြည်ထောင်စု ၀န်ကြီးတွေဆိုရင် နိုင်ငံတော် သမ္မတရုံး ၀န်ကြီး ဦးအောင်မင်း တက်တယ်ခင်ဗျ။ နောက်ပြီးတော့ သစ်တောရေးရာ ၀န်ကြီး ဦးသိန်းထွန်း၊ မွန်ပြည်နယ်က ၀န်ကြီးချုပ်တို့၊ မွန်ပြည်နယ်ဘက်က လွှတ်တော်ဘက်က ဥက္ကဋ္ဌတွေလည်း တက်တယ်ခင်ဗျ။ အဲဒီလိုပဲ ဒီဘက်က မွန်ပြည်နယ်ဘက်က ဆိုရင်တော့ မွန်ပြည်နယ်ရဲ့ မွန်ပြည်သစ်ပါတီပေါ့။ အစိုးရကို တချိန်က လက်နက်စွဲကိုင် တော်လှန်ခဲ့တဲ့ မွန်ပြည်သစ်ပါတီက ဥက္ကဋ္ဌ ဦးနိုင်ထောမွန် လည်း တက်တယ်ဗျ။ ပြည်ထောင်စုဝန်ကြီး ဦးအောင်မင်းက ဒီနေ့ ဒီဒုက္ခသည်တွေနဲ့ ပတ်သက်ပြီးတော့ အခုလို ပြောသွားပါတယ်။”

ဦးအောင်မင်း။  ။ “အဲဒီအထဲမှာ နံပါတ်တစ် ကတော့ လက်နက်ကိုင် တိုင်းရင်းသားများ အားလုံး     စနစ်တကျ ပြန်လာကြမှာ ဖြစ်ပါတယ်။ ဒုတိယ အဆင့်အနေနဲ့ကတော့ IDP လို့ခေါ်တဲ့ ကျေးရွာတွေမှာ လုံခြုံမှုမရှိလို့ ထွက်ပြေး တိမ်းရှောင်နေကြတဲ့ တိုင်းရင်းသားတွေ ပြန်လာကြပါမယ်။ အဲဒီအင်အားဟာ ၄ သိန်း ၄ သောင်း ၆ ထောင် ရှိပါတယ်။ နောက် တတိယအမျိုးအစား ကတော့ ဒုက္ခသည်စခန်းတွေမှာ သွားရောက် နေထိုင်နေကြတဲ့ အင်အား ၃ သိန်းခွဲ ပြန်လာမှာ ဖြစ်ပါတယ်။ အဲဒါ ဘာလဲဆိုတော့ အဓိကအားဖြင့် နံပါတ်တစ် အနေနဲ့ သူတို့ဒေသတွေမှာ မိုင်းတွေ ရှာဖွေ ရှင်းလင်း ဖော်ထုတ်ပေးရမှာ ဖြစ်ပါတယ်။ နံပါတ် နှစ် အနေနဲ့ကတော့ သူတို့ ပြန်လာတဲ့အခါမှာ သူတို့နေဖို့၊ ထိုင်ဖို့ အဆောက်အဦးတွေ ကျနော်တို့ ဆောက်လုပ်ပေးရမှာ ဖြစ်ပါတယ်။ နံပါတ်သုံး အနေနဲ့ သူတို့ ပြန်လာတဲ့အခါမှာ သူတို့ စားဖို့သောက်ဖို့ အတွက် ရိက္ခာ ထောက်ပံ့ပေးရမှာ ဖြစ်ပါတယ်။ နောက်ဆုံး အချက်အနေနဲ့ကတော့ သူတို့ပြန်လာတဲ့အခါမှာ သူတို့ အလုပ်အကိုင်တွေ ရှာဖွေပေးရမှာဖြစ်ပါတယ်။”

နောက်တခုက မွန်ပြည်သစ်ပါတီဘက်ကရော ဒီအခြေအနေနဲ့ ပတ်သက်လို့ ဒီနေ့ပွဲမှာ ထူးထူးခြားခြား ဘာများ ပြောတာရှိလဲခင်ဗျ။ - 

“မွန်ပြည်သစ်ပါတီ ဥက္ကဋ္ဌ ဦးနိုင်ထောမွန် ပြောတာကတော့ ဒီနေ့ပွဲနဲ့ ပတ်သက်ပြီး ပြောတာကတော့ မွန်ပြည်သစ်ပါတီနဲ့ ပြည်ထောင်စုအစိုးရက ငြိမ်းချမ်းရေး ယူထားတာဟာဆိုရင် ပြီးခဲ့တဲ့ ဒီဇင်ဘာလက စပြီးတော့ ယူထားတာပေါ့။ အဲဒီအချိန်ကစပြီးတော့ အပစ်အခတ် ရပ်စဲပြီးတော့ ပစ်ခတ်မှုတွေကတော့ မရှိတော့ဘဲနဲ့ နိုင်ငံရေးအရ တည်ငြိမ်မှုတွေကတော့ ရပြီး၊ သူတို့ပြောတဲ့ စကားအတိုင်းဆိုရင်တော့ ဒုတိယအဆင့်ပေါ့၊ ဒေသတွင်း ဖွံ့ဖြိုးတိုးတက်မှု လုပ်ငန်းတွေကို ဆောင်ရွက်မယ်လို့ ပြောတယ်ဗျ။ အဲဒီလို ဒေသတွင်း ဖွံ့ဖြိုးတိုးတက်ရေး လုပ်ငန်းတွေကို ဆောင်ရွက်တဲ့အချိန် အတွင်းမှာပဲ ဒုတိယပိုင်းနဲ့ ဆက်စပ်နေတဲ့ နိုင်ငံရေး ဆွေးနွေးမှုတွေပေါ့၊ နိုင်ငံရေး ဒိုင်ယာလော့တွေ လုပ်ဖို့အတွက်လည်း သူတို့ ဆွေးနွေးဖို့ ရှိတယ်ပေါ့။ ဒါပေမဲ့ ၀မ်းနည်းစရာ ကောင်းတာ တခုကတော့ လက်ရှိအချိန်မှာတော့ မွန်ပြည်နယ်ရဲ့ မွန်ပြည်သစ်ပါတီနဲ့ ပြည်ထောင်စုအစိုးရ ငြိမ်းချမ်းရေး ဖော်ဆောင်မှု အဖွဲ့တွေဟာ နိုင်ငံရေး စကားဝိုင်းတွေကို မဆွေးနွေးနိုင်သေးဘူးပေါ့။ ဒါကလည်း သူတို့က ပြောတာက ပြည်ထောင်စု အစိုးရဘက်က ပျက်ကွက်တာ မဟုတ်သလို၊ သူတို့ဘက်ကလည်း အခြေအနေ မပေးနိုင်တာတွေကြောင့်မိုလို့ ခုလို မပြောနိုင်သေးတာပေါ့။ ဒါကြောင့်မိုလို့ နိုင်ငံရေး စကားဝိုင်းတွေကနေ ဒေသတွင်း ဖွံ့ဖြိုးတိုးတက်မှု ကိစ္စတွေကို အဓိက ဖော်ဆောင်သွား ဖို့လည်း သူတို့အနေနဲ့ အားသွန်ခွန်စိုက် လုပ်ချင်တဲ့အကြောင်းကိုလည်း ဦးနိုင်ထောမွန်က ပြောဆိုသွားပါတယ်ခင်ဗျ။” နောက်ဆုံးအချက် မေးချင်ပါတယ်။ အခု နိပွန်ဖောင်ဒေးရှင်းကနေပြီးတော့ တိုင်းရင်းသားဒေသတွေကို အကူအညီပေးသွားမယ် ဆိုတာ၊ အခု မွန်ပြည်သစ်ကတော့ စပြီးပေါ့။ တခြား ဒေသတွေလည်း သွားမယ်လို့ သိရပါတယ်။ တခြား ကချင်တို့၊ ဘာတို့နဲ့ ပတ်သက်လို့ အဓိကပေါ့နော်၊ တခြား တိုင်းရင်းသားတွေနဲ့ ပတ်သက်လို့ ကူညီဖို့ ကိစ္စကို ဘာများ အသေးစိတ် ပြောတာ ရှိသေးလဲ။ - 

“လက်ရှိအခြေအနေမှာတော့ မွန်ပြည်နယ်ကနေ စမယ်ပေါ့။ နောက်ပိုင်းမှာတော့ KNPP လို အဖွဲ့အစည်းတွေကို ကူညီထောက်ပံ့ဖို့တွေ ရှိမယ်လို့ သူတို့ ဒီကနေ့ ကျနော်နဲ့ သီးခြား တွေ့ဆုံ မေးမြန်းမှုတွေမှာ ပြောသွားတာတွေလည်း ရှိတယ်ခင်ဗျ။ နောက်ပြီးတော့ အခု လက်ရှိသွားတာတွေ အကုန်လုံးက UNSP နဲ့ သူတို့ ချိတ်ဆက်ပြီးတော့မှ ပြည်ထောင်စုအစိုးရကို ကူညီထောက်ပံ့ဖို့နဲ့ ဒုက္ခသည်တွေကို တိုက်ရိုက် အကူအညီ ပေးအပ်ဖို့အတွက် ကုလသမဂ္ဂရဲ့ အစီအစဉ်နဲ့ သွားတာတော့ တွေ့ရတယ်ခင်ဗျ။ ကချင်ပြည်နယ်နဲ့ ပတ်သက်ပြီးတော့ ဒီနေ့ အထွေအထူး ပြောဆိုသွားတာတွေတော့ မရှိသေးဘူးခင်ဗျ။ တခြား ငြိမ်းချမ်းရေး အပစ်အခတ် ရပ်စဲထားတဲ့ အဖွဲ့ ၁၁ ဖွဲ့ပေါ့။ အဲဒီ ၁၁ ဖွဲ့နဲ့ ရထားတဲ့သူတွေကိုတော့ အရင်ဆုံး ကျနော်ထင်တယ်၊ အဲဒါတွေကိုတော့ ထောက်ပံ့ပေးသွားမယ်လို့ သူတို့ယူဆထားပုံ ရပါတယ်ခင်ဗျ။”

လက်ပံတောင်းကော်မရှင် စစ်ဆေးတွေ့ရှိမှု မကြာခင် ထုတ်ပြန်မည်

မကြာသေးခင်က ဖြစ်ခဲ့တဲ့ လက်ပံတောင်းတောင် ကြေးနီစီမံကိန်းနဲ့ပတ်သက်ပြီး သံဃာတော်တွေ အပေါ် အကြမ်းဖက် နှိမ်နင်းမှု အပါအ၀င် ကြေးနီစီမံကိန်းကြောင့် ဒေသခံလူထုတွေ အမှန်တကယ် ဆုံးရှုံး နစ်နာမှု ရှိ - မရှိ၊ လူထုကျန်းမာရေး နဲ့ သဘာဝပတ်ဝန်းကျင် ထိခိုက်နစ်နာမှု ဖြစ်နိုင် - မဖြစ်နိုင် စတာတွေကို ၂ ပတ်နီးပါးကြာ စစ်ဆေးခဲ့ပြီးနောက် သောကြာနေ့မှာတော့ ကော်မရှင်ကနေ သူတို့ ဆောင်ရွက်ချက်တွေနဲ့ ပတ်သက်ပြီး ကြေညာချက် ထုတ်ပြန်ခဲ့ပါတယ်။ ကော်မရှင်အဖွဲ့ဝင်တွေ အနေနဲ့ ဒီလို စစ်ဆေးမှုတွေ လုပ်ဆောင်တဲ့နေရာမှာ လွတ်လွတ်လပ်လပ် ဆောင်ရွက်နိုင်ပြီး၊ သက်ဆိုင်သူအားလုံးကလည်း ပူးပေါင်းဆောင်ရွက်မှုတွေ ရှိခဲ့တယ်လို့ အဖွဲ့ဝင်တဦးက ပြောပါတယ်။ ဒါ့အပြင် လျော်ကြေးငွေကိစ္စ၊ နောက် အကြမ်းဖက်နှိမ်နင်းမှုအတွင်း အသုံးပြုခဲ့တဲ့ ဓာတုပစ္စည်းနဲ့ အာဏာပိုင်တွေရဲ့ ကိုင်တွယ်ဖြေရှင်းပုံတွေကိုလည်း ဆက်လက် စစ်ဆေးနေဆဲဖြစ်တယ်လို့ ဆိုပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြထားပါတယ်။ ၁၆ ဦး ပါဝင်တဲ့ စုံစမ်းစစ်ဆေးရေး ကော်မရှင်ကနေ အဖွဲ့တွေ ခွဲပြီးတော့ ကြေးနီစီမံကိန်း တည်ရှိရာ ဒေသဘက်ဆီကို ဒီဇင်ဘာလ ၅ ရက်ကနေ ၁၅ ရက်နေ့အထိ ၁၁ ရက်ကြာ ကွင်းဆင်းစစ်ဆေးမှုတွေကို လုပ်ဆောင်ခဲ့တာပါ။ အဲ့ဒီမှာ ကြေးနီစီမံကိန်း နယ်မြေမှာ ရှိတဲ့ ဒေသခံတွေနဲ့ တွေ့ဆုံတာ၊ ဦးပိုင် နဲ့ တရုတ်ဝမ်ပေါင်ကုမ္ပဏီ တာဝန်ရှိသူတွေနဲ့လည်း တွေ့ဆုံတာ၊ ပတ်ဝန်းကျင်ထိခိုက်ပျက်ဆီးမှု ဖြစ်နိုင် - မဖြစ်နိုင်၊ လူထု ကျန်းမာရေးအပြင် အာဏာပိုင်တွေ ရဲ့ နှိမ်နင်းမှုအတွင်း ထိခိုက်ဒဏ်ရာရရှိခဲ့တဲ့ သံဃာတော်တွေနဲ့ပါ တွေ့ဆုံပြီးတော့ စစ်ဆေးမေးမြန်းမှုတွေကို လုပ်ဆောင်ခဲ့တာဖြစ်ပါတယ်။ ဒီလို ဆောင်ရွက်ချက်တွေကို လူထုသိအောင် ကော်မရှင်က ကြေညာချက်ထုတ်ပြန်ခဲ့ပေမဲ့ စစ်ဆေး တွေ့ရှိချက်တွေ ကို ပြောဆိုထားခြင်း မရှိပါဘူး။ ကော်မရှင်ကနေ အခုလို စုံစမ်း စစ်ဆေးမှုတွေကို လုပ်ဆောင်တဲ့နေရာမှာ ဘယ်လောက်အထိ လွတ်လွတ်လပ်လပ် ဆောင်ရွက်နိုင်ခဲ့ သလဲ  ဆိုတာနဲ့ပတ်သက်ပြီး ကော်မရှင်အဖွဲ့ဝင်တဦး ဖြစ်တဲ့ လွှတ်တော်ကိုယ်စားလှယ် ဒေါ်ခင်စန်းလှိုင် ကို မေးကြည့်တော့ -

“အထွေအထူး အခက်အခဲတော့ ကျမတို့ဘက်က မရှိခဲ့ဘူး။ ဘာကြောင့်လဲ ဆိုတော့ ကျေးရွာ ပြည်သူလူထုတွေ အနေနဲ့ကလည်း ဒီကိစ္စအပေါ်မှာ တကယ်ကို မှန်မှန်ကန်ကန် ဖြစ်စေချင်တယ်။ မှန်မှန်ကန်ကန်ပဲ သူတို့အနေနဲ့ကလည်း မြင်စေချင်တယ်၊ သိစေချင်တဲ့အခါကျတော့ အားလုံးက ၀ိုင်းဝန်း ပူးပေါင်း ပါတယ်။ အဲဒီလိုပါပဲ စက်ရုံတွေကို သွားပြီးတော့ လေ့လာတဲ့အခါကျတော့လည်း ကုမ္ပဏီဘက်ကလည်း ကျမတို့ လိုချင်တဲ့ အချက်အလက်တွေ၊ မေးမြန်းတာတွေ အားလုံးကိုလည်း ရှင်းပြပါတယ်။ အဲဒီအတွက်ကြောင့်မိုလို့ သွားတဲ့နေရာမှာတော့ ပိတ်ပင် တားဆီးတာ၊ ကန့်သတ်တာတွေတော့ မရှိခဲ့ပါဘူး။”

ဒေသခံ တာဝန်ရှိသူတွေ အထူးသဖြင့် အာဏာပိုင်တွေဘက်က ဘယ်လောက် ပူးပေါင်း ဆောင်ရွက်မှု ရှိသလဲရှင့်။ ဒီကိစ္စနဲ့ပတ်သက်လို့။ -

“ပူးပေါင်း ဆောင်ရွက်ပါတယ်။ ဘာကြောင့် ပူးပေါင်း ပါဝင် ဆောင်ရွက်တယ်ပြောလဲ ဆိုရင် ဟိုမှာ သွားရေး လာရေးတွေလည်း သူတို့ စီစဉ်ပေးတယ်။ ဥပမာ ကျမတို့က ကြေးနီ တူးဖော်နေတဲ့ ဆိုက်တွေကို ကျမတို့ ကြည့်ချင်တယ်ဆိုလည်း သူတို့က ဆက်သွယ်ပြီးတော့ ဆောင်ရွက်ပေးတယ်။ အဲဒါကြောင့် ကျမတို့ သွားခဲ့တဲ့ တလျှောက်လုံးမှာ အားလုံးကတော့ ဒီဟာကို လိုလိုလားလားနဲ့ ၀ိုင်းပြီးတော့ ကူညီကြတယ်။ ကျမတို့ လုပ်နိုင်တဲ့ အနေအထားကို လုပ်ပြီးတဲ့နောက်မှာတော့ ပညာရှင်တွေ ပေါင်းစုံ ပါဝင်တဲ့ ကျွမ်းကျင်တဲ့ အဖွဲ့အစည်းတွေနဲ့ ဆက်လက်ပြီး လုပ်သွားမယ့် ကိစ္စတွေ ဖြစ်ပါတယ်။ အခု ဒီ ရက်တိုတို အတွင်းမှာတော့ ကျမတို့ ဆောင်ရွက်ခဲ့တဲ့ ကိစ္စတွေ အပေါ်မှာတော့ ကျမတို့ ကျေနပ်မှု ရှိပါတယ်။”

ဒီကော်မရှင်အနေနဲ့ ဘာတွေ ဆက်လုပ်ဖို့ရော ရှိပါလဲရှင့်။ -

“ဘာတွေ ရှိနေသေးလဲ ဆိုတော့ မြေယာသိမ်းဆည်းမှုတုန်းက ပေးအပ်တဲ့ လျော်ကြေးနဲ့ ပတ်သက်ပြီးတော့ အခါကျတော့မှ ကျမတို့ ဒေသခံတွေ ကျေနပ်မှု ရှိမရှိ၊ အခုအငြင်းပွားနေတဲ့ ကိစ္စတွေပေါ့လေ။ တကယ်တမ်း လျော်ကြေး ပေးခဲ့တယ် ဆိုပြန်ရင်လည်း ဒီပေးခဲ့တဲ့ မြေလျော်ကြေး က အဲဒီအချိန်တုန်းက ကာလပေါက်ဈေး တွေနဲ့ တကယ်တမ်း မှန်လား၊ မမှန်လား။ ရသင့်ရထိုက်တဲ့ အတိုင်းအတာ ဟုတ်လား မဟုတ်လား၊ ဒီလိုကိစ္စမျိုးတွေကို ကျမတို့ ဆက်လက် စုံစမ်းဦးမှာပါ။ အဲဒီလိုပဲ ဒီ ဒေသခံတွေရဲ့ စီးပွားရေး လူမှုရေး၊ သူတို့ရဲ့ ကျန်းမာရေး အခြေအနေတွေနဲ့ ပတ်သက်ပြီးတော့လည်း ကျမတို့ ဆက်လက်ပြီးတော့ လေ့လာစုံစမ်း ဖော်ထုတ်သွားဦးမှာပါ။”

အာဏာပိုင်တွေဘက်က ဒီ ဖြိုခွင်းခံရတဲ့ သံဃာတော်တွေရဲ့ ကျန်းမာရေး၊ သူတို့နဲ့ ပတ်သက်လို့ရော စုံစမ်း စစ်ဆေးမှုတွေ ဘယ်လောက် အတိုင်းအတာအထိ ဒီကော်မရှင်ဘက်က လုပ်ပြီးပြီလဲရှင့်။ -

“အဲဒါကိုလည်း ကော်မရှင်က သီးသန့်အဖွဲ့ အနေနဲ့ ဒီဟာတွေရဲ့ သုံးစွဲခဲ့တဲ့ လက်နက် အမျိုးအစားတွေ ပေါ့နော်၊ ဒဏ်ရာရခဲ့တဲ့ ဆရာတော်၊ သံဃာတော်တွေရဲ့ အနေအထားတွေ ပေါ့နော်။ နောက်ပြီးတော့ ဘယ်လို ဆောင်ရွက်ခဲ့ကြသလဲ ဆိုတဲ့ အဆင့်ဆင့် အစိတ်အပိုင်းတွေ၊ အဲဒါတွေကတော့ သက်ဆိုင်ရာ ပုဂ္ဂိုလ်တွေက လေ့လာ စုံစမ်းနေပါတယ်။ အဲဒီတော့ သိရှိတာတွေကို မကြာခင်မှာ ပြောကြားနိုင်မယ်လို့ ကျမတို့ မျှော်လင့်ထားပါတယ်။”

စုံစမ်းစစ်ဆေးရေးကော်မရှင် အဖွဲ့ဝင်တဦးဖြစ်တဲ့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင် ဖြစ်ပါတယ်။ ဒီကော်မရှင်အနေနဲ့ ၂၀၁၃ ခုနှစ် ဇန်န၀ါရီလ ၃၁ ရက်နေ့ကို နောက်ဆုံးထားပြီး သမ္မတဆီကို အစီရင်ခံစာတင်ရမှာ ဖြစ်ပါတယ်။ ပြီးခဲ့တဲ့ နိုဝင်ဘာလ ၂၉ ရက် ကြာသပတေးနေ့ မနက်ပိုင်းက လက်ပံတောင်းတောင်ဒေသမှာ ရှိတဲ့ ကြေးနီစီမံကိန်း ရပ်ဆိုင်းရေး သပိတ်စခန်းတွေကို အာဏာပိုင်တွေက မျက်ရည်ယိုဗုံး၊ မီးလောင်ဗုံးတွေ အသုံးပြု ဖြိုခွင်းခဲ့တာကြောင့် မီးလောင်ဒဏ်ရာရရှိလို့ ဆေးကုခံယူနေတဲ့ သံဃာတော်တွေနဲ့ လူပုဂ္ဂိုလ် ၈၄ ဦး ရှိခဲ့ပါတယ်။

(လက်ပံတောင်းတောင် ကြေးနီစီမံကိန်း ကော်မရှင် တတိယကြိမ်မြောက် သတင်းထုတ်ပြန်)

ပြည်ထောင်စုသမ္မတမြန်မာနိုင်ငံတော်စုံစမ်းစစ်ဆေးရေးကော်မရှင်သတင်းထုတ်ပြန်ချက်အမှတ်(၃/၂ဝ၁၂)၁၃၇၄ ခုနှစ်၊ နတ်တော်လဆန်း ၈ရက်(၂ဝ၁၂ ခုနှစ်၊ ဒီဇင်ဘာလ ၂၁ရက်)

၁။ ပြည်ထောင်စု သမ္မတမြန်မာနိုင်ငံတော်၊ နိုင်ငံတော်သမ္မတရုံး၏ အမိန့် ကြော်ငြာစာအမှတ်(၉၅/၂၀၁၂)ဖြင့် ဒီဇင်ဘာလ ၃ ရက်နေ့တွင် ဥက္ကဋ္ဌအပါအဝင် အဖွဲ့ဝင် ၁၆ ဦးဖြင့် ဖွဲ့စည်း တာဝန်ပေးအပ်ခဲ့သော စုံစမ်းစစ်ဆေးရေး ကော်မရှင် အဖွဲ့ဝင်တို့သည် ၂၀၁၂ ခုနှစ်၊ ဒီဇင်ဘာလ ၅ ရက်နေ့ မှ ၁၅ ရက်နေ့အထိ ကြေးနီစီမံကိန်းနှင့် ပတ်သက်၍ ကွင်းဆင်း လေ့လာမှုတို့ကို ပြုလုပ်ခဲ့ပါသည်။

၂။ ထိုသို့ကွင်းဆင်းလေ့လာမှု ပြုလုပ်ရာတွင် စစ်ကိုင်းတိုင်းဒေသကြီး မုံရွာခရိုင်၊ ဆားလင်းကြီးမြို့နယ်၊ လက်ပံ တောင်း တောင်ကြေးနီစီမံကိန်းနှင့် ပတ်သက်၍ ကွင်းဆင်းစုံစမ်းခဲ့သည့်အပြင် မြန်မာ့စီးပွားရေး ဦးပိုင် လီမိတက်နှင့် မြန်မာ-ယမ်စီကော့ပါး လီမိတက်တို့မှ လုပ်ဆောင်ဆဲရှိသော စပယ်တောင်နှင့် ကြေးစင်တောင်တို့၏ သတ0x081တုတွင်း လုပ်ငန်းများကိုလည်း ကွင်းဆင်းစစ်ဆေးခဲ့ကြပါသည်။ ထို့အပြင် မြန်မာ့စီးပွားရေးဦးပိုင်လီမိတက် မိုးကြိုး ဆာလ်ဖျူရစ်အက်စစ်စက်ရုံကိုလည်း ကွင်းဆင်းစစ်ဆေးခဲ့ပါသည်။

၃။ စုံစမ်းစစ်ဆေးရေး ကော်မရှင် အဖွဲ့ဝင်များသည် ဒေသခံကျေးရွာလူထု၏ ခံစားချက်များ၊ ပြည်သူ့ အသံများ ပါဝင် စေရန် လက်ပံတောင်းတောင်ကြေးနီစီမံကိန်း ဧရိယာအတွင်းရှိ ကျေးရွာများသို့ သွားရောက်၍ ကျေးရွာ လူထုများနှင့် တွေ့ဆုံခဲ့ပါသည်။

၎။ ဤ လုပ်ငန်းများကို ဒေသခံ ကော်မရှင်အဖွဲ့ဝင် ၃ ဦးပါဝင်သော အဖွဲ့များဖွဲ့စည်း၍ ကော်မရှင်အဖွဲ့ဝင်များက စုံညီစွာ ပါဝင်ဆောင်ရွက်ခဲ့ကြပါသည်။

၅။ ကော်မရှင်အဖွဲ့ဝင်များသည် မန္တလေးမြို့တွင် ထေရဝါဒဗုဒ္ဓသာသနာ့ အနွယ်ဝင် သက်တော်ရှည် သံဃနာယက အဖွဲ့ဝင်ဆရာတော်ကြီးများအားလည်းကောင်း၊ မုံရွာမြို့တွင် လယ်တီကျောင်းတိုက်ကြီးများမှ ဆရာတော်ကြီးများ အားလည်းကောင်း တွေ့ဆုံဖူးမြော်လျှောက်ထား ဩဝါဒခံယူခဲ့ကြပါသည်။ ထိုဆရာတော် ကြီးများထံမှ လည်းကောင်း၊ သုတေသီပုဂ္ဂိုလ်များထံမှလည်းကောင်း၊ ပထမလယ်တီ ဆရာတော်ဘုရားကြီးနှင့် လက်ပံတောင်း တောင်တို့ ဆက်နွှယ်မှု အချက်အလက်တို့ကို မေးမြန်းရယူခဲ့ကြပါသည်။

၆။ မုံရွာ လက်ပံတောင်းတောင်ကြေးနီစီမံကိန်းမှ မီးလောင်ဒဏ်ရာဖြင့် မန္တလေးမြို့ အထွေထွေရောဂါ ကုသမှုဆေးရုံကြီးတွင် လည်းကောင်း ၊ ကန်တော်နဒီဆေးရုံးကြီးတွင် လည်းကောင်း ဆေးကုသခံယူနေရသည့် လူနာများအား ဆေးကုသမှု အခြေအနေတို့ကို သိရှိနိုင်ရန် ကော်မရှင်အဖွဲ့ဝင်များသည် န္တအစိုးရအဖွဲ့ လူမှုရေးဝန်ကြီးနှင့် လည်းကောင်း၊ ဆေးရုံအုပ်ဥက္ကဋ္ဌ အဖြစ် ဖွဲ့စည်းဆောင်ရွက် လျက်ရှိသော ကျန်းမာရေး စောင့်ရှောက်မှုကော်မတီဝင်များနှင့် လည်းကောင်း တွေ့ဆုံမေးမြန်းခဲ့ပါသည်။ ကော်မတီ အဖွဲ့ဝင် တို့သည် လူမှုရေးဝန်ကြီး၊ ဆေးရုံအုပ်ကြီး ဦးဆောင်သော ဆရာဝန်ကြီးများ အဖွဲ့တို့နှင့်အတူ အထက်ပါ ဆေးရုံကြီးတွင် တက်ရောက်နေကြသော ကုသမှုခံယူဆဲ လူနာများအား တစ်ဦးချင်း တွေ့ဆုံမေးမြန်း အားပေး နှစ်သိမ့် ခဲ့ကြပါသည်။

၇။ စုံစမ်းစစ်ဆေးရေး ကော်မရှင်အဖွဲ့သည် အဖွဲ့များခွဲကာ လက်ပံတောင်းတောင် ကြေးနီစီမံကိန်းဧရိယာအတွင်းရှိ ကျေးရွာများသို့ သွားရောက်ခဲ့ရာတွင် ဒေသခံကျေးရွာ လူထုနှင့် တွေ့ဆုံပြီး လက်ပံတောင်းတောင် ကြေးနီ စီမံကိန်းနှင့် ပတ်သက်၍ ၄င်းတို့၏ ရပ်တည်ချက်ကိုလည်းကောင်း၊ လူမှုပတ်ဝန်းကျင်၊ သဘာဝပတ်ဝန်းကျင်နှင့် ပတ်သက်၍ ၄င်းတို့၏ စိုးရိမ်ပူပန်မှုကိုလည်းကောင်း ရေရရှိရေး၊ ကျန်းမာရေး၊အလုပ်အကိုင်အခွင့်အလမ်းတို့နှင့် ပတ်သက်၍ ၎င်းတို့၏ လိုလားချက်ကိုလည်းကောင်းမေးမြန်းစုံစမ်းပြီး အပြန်အလှန်ဆွေးနွေးခဲ့ကြပါသည်။

၈။ ထို့အပြင် ဝက်မှေး၊ ကံတောနှင့်ဇီးတော၊ ဆည်တည်း ကျေးရွာသစ်တို့ သို့ပြောင်းရွှေ့ အခြေစိုက် နေထိုင် သူများ ကိုလည်း ကော်မရှင်အဖွဲ့ဝင်များ သွားရောက်တွေ့ဆုံမေးမြန်းခဲ့ကာ ၄င်းတို့နေထိုင်ကြသော အဆောက် အအုံများ အခြေအနေ၊အလုပ်အကိုင်အခွင့်အလမ်းကိစ္စများနှင့်ပတ်သက်၍လည်း အပြန်အလှန်ဆွေးနွေးကာ ကျေးရွာ လူထု၏ သဘောထားဆန္ဒကို လေ့လာစုံစမ်းခဲ့ကြပါသည်။

၉။ ကော်မရှင်ဥက္ကဋ္ဌ၏ အစီအစဉ်ဖြင့် ရောက်ရှိလာကြသော သမားတော်ဆရာဝန်ကြီးနှင့် သြစတြေးလျနိုင်ငံသား ဆရာဝန်ကြီး နှစ်ဦးတို့သည် အက်စစ်အခိုးအငွေ့များကြောင့် ကျန်းမာရေးထိခိုက်သည်ဟု ရပ်ရွာမှ သံသယရှိသည့် ကလေးငယ်လေးဦး၏ ရောဂါဝေဒနာအား ပဏာမစမ်းသပ်စစ်ဆေးကြည့်ရှုခဲ့ရာ အက်စစ်ကြောင့်ဖြစ်သည့် ရောဂါ လက္ခဏာ မဟုတ်ဟု ချမှတ်ပြုကြသော်လည်း ကလေးများကျန်းမာရေး ဆက်လက်ကုသခံယူနိုင်ရန် အတွက် ကလေးများအား ကော်မရှင်မှရန်ကုန်သို့ခေါ်ယူ၍ ဆေးကုသပေးခြင်းဆောင်ရွက်ခဲ့ပါသည်။

၁ဝ။ ကော်မရှင်အဖွဲ့ဝင်များသည် ကံကုန်းကျေးရွာအနီးရှိ မြန်မာ့စီးပွားရေးဦးပိုင်လီမိတက် မိုးကြိုး ဆာလ်ဖျူရစ် အက်စစ်စက်ရုံသို့ သွားရောက်စစ်ဆေးကာ စွန့်ထုတ်သော အငွေ့တွင် ဆာလဖာဒိုင်အောက်ဆိုက်(SO2) ပါဝင်မှုနှင့် ပတ်သက်ပြီး ထိန်းချုပ် စွန့်ထုတ်မှု အခြေအနေ၊ စွန့်ပစ်အရည်နှင့် အစိုင်အခဲပစ္စည်းများ၊ စွန့်ပစ်စုပုံသည့်ကန်များ၊ စွန့်ပစ်နေရာများအား စစ်ဆေးခဲ့ပါသည်။

၁၁။ ကော်မရှင်အဖွဲ့ဝင်များသည် မုံရွာကြေးနီတောင်စီမံကိန်း၏ ပထမအဆင့်ဖြစ်သော စပယ်တောင်နှင့် ကြေးစင် တောင်စီမံကိန်းများကို မြန်မာ-ယမ်စီကော့ပါးလီမီတက်မှ လုပ်ကိုင်ဆောင်ရွက် နေသော လုပ်ငန်းရုံး သို့လည်းကောင်း၊ စပယ်တောင်နှင့် စပယ်တောင်(တောင်)ကြေးနီ သတ္တုတွင်းရှိရာ ကျင်းကြီး(Pit) နှစ်ကျင်းသို့ သွားရောက်ခဲ့ပြီးကျေးနီစီမံကိန်းဆိုင်ရာကိစ္စများ စပယ်တောင်၊ကြေးစင်တောင် စီမံကိန်းတွင် ပေါင်းစပ်စီမံခန့်ခွဲ မှုစနစ်အရ ဆောင်ရွက်နေမှုနှင့် သဘာဝပတ်ဝန်ကျင် ထိန်းသိမ်းမှု စီမံခန့်ခွဲခြင်းဆိုင်ရာ (ISO-14001)လက်မှတ်၊ ထုတ်လုပ်မှု စီမံခန့်ခွဲမှု ဆိုင်ရာ(ISO-9001) လက်မှတ်နှင့် လုပ်ငန်းခွင် ဘေးကင်းလုံခြုံမှုနှင့် ကျန်းမာရေး စီမံခန့်ခွဲမှုဆိုင်ရာ (OHSAS-18001) လက်မှတ်တို့ကိုလည်း စစ်ဆေးခဲ့ပါသည်။

၁၂။ ယခင် ၁၉၈၄ ခုနှစ်မှ ၁၉၉၇ ခုနှစ်အတွင်း စွန့်ပစ်ခဲ့သည့် စွန့်ပစ်မြေများကိုဒေသခံရွာတစ်ရွာတွင် ရွာသားတို့က ဒေသန္တရနည်းဖြင့် ဒုတ္ထာ/ ကြေးနီချက်လုပ်မှု၊ မြေအောက်သို့စိမ့်ဝင်မှု အခြေအနေတို့ကိုလည်း ကော်မရှင် အဖွဲ့ဝင် များက သွားရောက်စစ်ဆေးခဲ့ပါသည်။

၁၃။ စုံစမ်းစစ်ဆေးရေးကော်မရှင်အဖွဲ့ဝင်များသည် မြန်မာ-ဝမ်ပေါင် ကော့ပါးလီမိတက်ရုံးသို့လည်း သွားရောက်ကာ လက်ပံတောင်းတောင် ကြေးနီစီမံကိန်းနှင့်ပတ်သက်၍ အကောင် အထည်ဖော်ဆောင်ရွက်မည့် ပတ်ဝန်းကျင် ထိန်းသိမ်းရေးအကဲဖြတ်မှု (EIA)၊ လူမှုဘဝအကဲဖြတ်မှု (SIA)တို့ကို ပြန်လည်သုံးသပ်မှု (Reassessment of EIA and SIA) ကိစ္စရပ်တို့ကိုလည်းကောင်း၊ ဒေသခံကျေးရွာလူထုအတွက် မြန်မာ့စီးပွားရေးဦးပိုင်လီမိတက်နှင့် မြန်မာ-ဝမ်ပေါင် ကော့ပါးလီမိတက်မှ ဆောင်ရွက်ပေးနေသည့် လူမှုရေး၊ ကျန်းမာရေးစသည့် အချက်အလက် တို့ကိုလည်းကောင်း မေးမြန်းစစ်ဆေးမှုပြုလုပ်ခဲ့ပါသည်။

၁၄။ ကော်မရှင်သည် ပတ်ဝန်းကျင်ထိခိုက်မှု အခြေအနေကို သိရှိနိုင်ရန် ဆာလ်ဖျူရစ်အက်စစ် စက်ရုံရှိ စွန့်ပစ်ရေကန်အတွင်းမှ ရေကိုလည်းကောင်း၊ စပယ်တောင်ခြေမှ စိမ့်ထွက်ရေနှင့် စပယ်တောင်ခြေရှိ ရေမြောင်း အတွင်းမှ ရေတို့ကိုလည်းကောင်း၊ ဒုံးတောရွာအတွင်း ရေညစ်ညမ်းမှု ရှိသည်ဟု ဆိုသော စက်ရေတွင်းမှ ရေကိုလည်းကောင်း ဓာတ်ခွဲစစ်ဆေးရန် နမူနာများ ရယူခဲ့ပါသည်။

၁၅။ စုံစမ်းစစ်ဆေးရေးကော်မရှင်သည် ဒီဇင်ဘာလ ၁၉ ရက်နေ့၌ နေပြည်တော်တွင် စုံညီအစည်းအဝေးကို ကျင်းပပြုလုပ်ခဲ့ပြီး ကွင်းဆင်းလေ့လာတွေ့ရှိချက်များကို ကော်မရှင်ဥက္ကဋ္ဌထံသို့ တင်ပြခဲ့ပြီး ကော်မရှင်၏ ရှေ့လုပ်ငန်းစဉ်တို့ကိုလည်းဆွေးနွေးခဲ့ကြပါသည်။

၁၆။ စုံစမ်းစစ်ဆေးရေးကော်မရှင်၏ ကွင်းဆင်းလေ့လာချက်များမှာ ပဏာမစုံစမ်းစစ်ဆေးမှုများဖြစ်ပြီး လက်ပံတောင်း တောင်ကြေးနီစီမံကိန်းနှင့် ပတ်သက်၍ ပတ်ဝန်းကျင်ထိခိုက်မှုကို အကဲဖြတ်ရန် အတွက် လည်းကောင်း၊ လူမှုဘဝအပေါ်အကျိုးသက်ရောက်မှုနှင့်ပတ်သက်၍ အကဲဖြတ်ရန်အတွက်လည်းကောင်း၊ ကော်မရှင် အအနေဖြင့် ပညာရှင်ပေါင်းစုံပါဝင်သည့် ကျွမ်းကျင်သူအဖွဲ့ ဖွဲ့စည်းကာ ဆက်လက်စုံစမ်းမှုများ ပြုလုပ် သွားမည်ဖြစ်ပါသည်။

၁၇။ ကြေးနီစီမံကိန်းအတွက် မြေယာများ သိမ်းဆည်းခဲ့စဉ် ပေးအပ်ခဲ့သော လျော်ကြေးများနှင့် ပတ်သက်၍ လည်းကောင်း၊ ဒေသခံကျေးရွာများ၏ စီးပွားရေး၊လူမှုရေး၊ ကျန်းမာရေးအခြေအနေတို့နှင့် ပတ်သက်၍ လည်းကောင်း ကော်မရှင်အနေဖြင့် ဆက်လက်လေ့လာစုံစမ်းမှုများ ပြုလုပ်မည်ဖြစ်ပါသည်။

 လက်ပံတောင်းကော်မရှင် လျော်ကြေးကိစ္စ စစ်ဆေးမယ်

ဒေါ်အောင်ဆန်းစုကြည် ဥက္ကဌအဖြစ် ပါဝင်တဲ့ လက်ပံတောင်းတောင် ကြေးနီစီမံကိန်းနဲ့ ပတ်သက်ပြီး ကော်မရှင်ရဲ့ ဆောင်ရွက်ချက်တွေနဲ့ပတ်သက်လို့ ဒီကနေ့ထုတ် သတင်းစာတွေကတဆင့် ထုတ်ပြန်ရာမှာ စီမံကိန်း ဝန်းကျင်ထိခိုက်မှုနဲ့ လူမှုဘဝ ထိခိုက်မှုတွေကို ပညာရှင်တွေနဲ့ ဆက်လက် စစ်ဆေးမယ်လို့သာ ပါရှိပြီး၊ အာဏာပိုင်တွေရဲ့ ဆန္ဒပြသူတွေအပေါ် နှိမ်နင်းမှုတွေနဲ့ ပတ်သက်လို့တော့ ထည့်သွင်း ဖော်ပြထားတာ မပါရှိခဲ့ပါဘူး။

ကော်မရှင်အဖွဲ့ဝင်တဦး ဖြစ်တဲ့ ပုလဲမြို့နယ် ပြည်သူ့လွှတ်တော်အမတ် ဒေါ်ခင်စန်းလှိုင်ကတော့ သံဃာတော်တွေ မီးလောင်ခံရပြီး ထိခိုက်ဒဏ်ရာတွေရခဲ့တဲ့ ဆန္ဒပြနှိမ်နင်းမှုတွေကိုလည်း တရားဥပဒေစိုးမိုးမှုမဲ့လို့ ဖြစ်တာလို့ သုံးသပ်ပြီး လက်ရှိမှာတော့ ဒီကိစ္စတွေကို ဆက်လက် စစ်ဆေးနေဆဲဖြစ်လို့ မကြာခင် ဥက္ကဌဖြစ်တဲ့ ဒေါ်အောင်ဆန်းစုကြည်ကိုယ်တိုင် ထုတ်ပြန်ပေးသွားမယ်လို့ ဘီဘီစီကို ပြောပါတယ်။

ဒီကနေ့ထုတ်ပြန်ချက်မှာတော့ ကော်မရှင်ရဲ့ ဆောင်ရွက်ချက်တွေကို အသားပေးဖော်ပြထားပြီး အဲဒီမှာ စီမံကိန်းအတွက် ဖယ်ရှားပေးဖို့ လျော်ကြေးပေးလျော်ကြေးယူကိစ္စတွေကိုလည်း ပြန်ပြီး စုံစမ်းစစ်ဆေးမှုတွေ ပြုလုပ်မယ်လို့ ပါရှိပါတယ်။

ကော်မရှင်ဟာ စီမံကိန်းဒေသထဲက စီးပွားရေးဦးပိုင်နဲ့ တရုတ်ကုမ္ပဏီဖြစ်တဲ့ ဝမ်ပေါင်ကုမ္ပဏီတို့ရဲ့ စက်ရုံတွေနဲ့ လုပ်ငန်း လုပ်ဆောင်ပုံတွေကိုလည်း စစ်ဆေးခဲ့တယ်လို့ ထုတ်ပြန်ချက်မှာ ထည့်သွင်းဖော်ပြထားပါတယ်။

စီမံကိန်းနဲ့ ပတ်သက်လို့ စီမံကိန်း ဧရိယာထဲက ပြည်သူတွေကို လျော်ကြေးပေးထားတဲ့ ကိစ္စတွေကို လျော်ညီမညီ ကော်မရှင် အနေနဲ့ ပြန်လည် စစ်ဆေးပေးသွားမယ်လို့ သိရပါတယ်။

အီဂျစ်နိုင်ငံ အခြေခံ ဥပဒေ ဆန္ဒခံယူပွဲ

အခြေခံ ဥပဒေကို အများစုက ထောက်ခံမဲ ပေးဖို့ ရှိတယ်လို့ လေ့လာသူ တွေ ပြော

အီဂျစ် နိုင်ငံမှာ အငြင်းပွားဖွယ် ဖြစ်နေတဲ့ အခြေခံ ဥပဒေ မူကြမ်း အတွက် ဒုတိယနဲ့ နောက်ဆုံး အဆင့် ဆန္ဒခံ ယူပွဲကျင်းပ ခဲ့ပါတယ်။

ပြီးခဲ့တဲ့ အပတ်က ပထမအဆင့် ဆန္ဒခံယူပွဲကိုတော့ ပြည်နယ် ၁၀ ခုမှာ ကျင်းပခဲ့တာ ဖြစ်ပြီး၊ မဲပေးသူ ၅၇ ရာခိုင်နှုန်းက ဒီအခြေခံဥပဒေကို ထောက်ခံမဲ ပေးခဲ့ ကြပါတယ်။

ဒါပေမယ့်လည်း အတိုက်အခံတွေကတော့ မဲမသာမာ မှုတွေ ရှိခဲ့တဲ့ ဆိုပြီး၊ စောဒကတက်ကြပါတယ်။

ကိုင်ရိုမြို့ခံ အမျိုးသား တဦး ကတော့ ဒီဥပဒေကို မကြိုဘူး ဆိုရင် ကန့်ကွက်မဲ ပေးလို့ ရတဲ့ အကြာင်းနဲ့ အကြမ်းဖက် မှုတွေ မဖြစ်ဖို့ မျှော်လင့်ကြောင်း ပြောပါ တယ်။

အခု ကျင်းပတဲ့ ပြည်နယ် ၁၇ ခု က ဆန္ဒ ခံယူပွဲမှာ အများစုက အခြေခံ ဥပဒေကို ထောက်ခံမဲ ပေးဖို့ ရှိတယ်လို့ လေ့လာသူ တွေက ပြောပါတယ်။

တရုတ် စစ်ဗိုလ်ချုပ်တွေ အတွက် စည်းကမ်းချက်ထုတ်

တရုတ် နိုင်ငံမှာ စစ်တပ် ထိပ်ပိုင်း အရာရှိတွေ ရဲ့ ငွေဖြုန်းတီးမှုတွေကို အရေးယူ ဆောင်ရွက် မယ့် စည်းမျဉ်း စည်းကမ်းတွေ ထုတ်ပြန်လိုက် ပါပြီ။

ဒါဟာ ခေါင်းဆောင်သစ် ရှီ ဂျင်ပင်းရဲ့ အဂတိ လိုက်စားမှု တိုက်ဖျက်ရေး ဆောက်ရွက်မှု တွေရဲ့ တစိတ် တပိုင်း ဖြစ်ပါတယ်။

စစ်တပ် ဝန်ထမ်းတွေရဲ့ ကားတွေ သွားတဲ့ အခါ တခြားကား တွေက လမ်းဖယ် ပေးဖို့ အတွက် ဥသြ ဆွဲတာ ကိုလည်း တားမြစ် မှုတွေ ပြုလုပ်လိုက် ပါတယ်။

စစ်ဗိုလ်ချုပ်တွေ အနေနဲ့ ငွေကြေး အကုန် အကျများတဲ့ ညစာ စားပွဲတွေ ၊ ကော်ဇောနီခင်း အခမ်း အနားတွေနဲ့ စင်တင် ဖျော်ဖြေ ပွဲတွေ မလုပ်ပဲ၊ ဂုဏ်ပြု တပ်ဖွဲ့တွေ နဲ့ ကြိုဆို တာတွေ ကိုလည်း လျှော့ချပြီး၊ ခြှေတာရေး လုပ်ဖို့ ဒီ စည်းကမ်းချက်တွေ ထဲမှာ ဖေါ်ပြထား ပါတယ်။

အရက် သေစာကိုလည်း အနည်း အကျဉ်းသာ သုံးဆောင်ဖို့ စည်းကမ်း အသစ်တွေ ထဲမှာ ပါဝင် ပါတယ်။

ထိပ်ပိုင်း ခေါင်းဆောင် တွေရဲ့ လက်အောက် ငယ်သားတွေနဲ့ ဆွေမျိုး သားချင်းတွေ အနေနဲ့ လက်ဆောင်တွေ ယူတာတွေ မလုပ်ဖို့ ကိုလည်း အမိန့်ထုတ် ပြန်လိုက်ပါတယ်။

နိုင်ငံရေး ခေါင်းဆောင်တွေ အနေနဲ့လည်း အလားတူ စည်ကမ်းတွေကို လိုက်နာဖို့ ဒီလ အစောပိုင်းက အမိန့် ထုတ်ပြန်ထား ပါတယ်။