17.12.2012 နေ့ဖတ်ရန်သတင်းများ

by Myanmar Journal on Sunday, December 16, 2012 at 3:04pm ·

ကမ္ဘာကျော်အမေရိကန်အဆိုတော်ရဲ့ ရန်ကုန်စင်မြင့်ဂီတပွဲ

အမေရိကန် အဆိုတော့ ဂျေဆင်မရပ်ဇ်။

ရန်ကုန်မြို့မှာ ရွှေတိဂုံဘုရားခြေတော်ရင်းက ပြည်သူ့ရင်ပြင်မှာ အမေရိကန် တေးရေးနဲ့ အဆိုတော် တဦးဖြစ်တဲ့ ဂျေဆင်မရပ်ဇ် (Jason Mraz) ရဲ့ ဂီတဖျော်ဖြေပွဲ တရပ်ကို ကျင်းပနေပါတယ်။ ဒီဖျော်ဖြေပွဲကို နိုင်ငံတကာ အထောက်အပံ့ပေးရေး အဖွဲ့အစည်းတွေနဲ့ MTV တို့ ပူးပေါင်းပြီး လူကုန်ကူးမှု တိုက်ဖျက်ရေး အတွက် ပညာပေးရေး အစီအစဉ်အဖြစ်နဲ့ ကျင်းပတာပါ။

မြန်မာပြည်က အဆိုတော်တွေ ဖြစ်ကြတဲ့ ဖြူဖြူကျော်သိန်း၊ အာဇာနည် စတဲ့ နံမည်ကြီး အဆိုတော်တွေလည်း ပါဝင်တဲ့ ဒီ စင်မြင့်ဂီတ ဖျော်ဖြေပွဲ အကြောင်းကို မသိင်္ဂီထိုက်က တင်ပြထားပါတယ်။ ကျော်ကြားတဲ့ အမေရိကန် အဆိုတော် ဂျေဆင်မရပ်ဇ် ရဲ့ အခမဲ့ ဂီတပွဲတော်ကို ရွှေတိဂုံ ဘုရား ခြေတော်ရင်းက ပြည်သူ့ရင်ပြင်မှာ အခု ကျင်းပနေပါတယ်။ ပရိသတ် ၅ သောင်း လောက် လာရောက်တဲ့ ဒီ MTV EXIT ရဲ့ လူကုန်ကူးမှု တိုက်ဖျက်ရေးနဲ့ အသိပညာပေးရေး ဂီတပွဲတော်က ပြည်ပက ကျော်ကြားတဲ့ အဆိုတော် တယောက်ရဲ့ ပထမဆုံးသော Live Show လည်း ဖြစ်ပါတယ်။ ပွဲတော် အစမှာတော့ MTV EXIT ရဲ့ လူကုန်ကူးမှု တိုက်ဖျက်ရေး သံတမန် Bronte Moules က ကျေးကျွန်စနစ် ပပျောက်ရေးနဲ့ လူကုန်ကူးမှု တိုက်ဖျက်ရေး လူတိုင်း ပူးပေါင်း ပါဝင်ကြပါလို့ အဖွင့်မှာ ပြောကြားသွားပါတယ်။ ရွှေတိဂုံ ဘုရား နောက်ခံထားပြီး ကျင်းပနေတဲ့ ဂျေဆင်မရပ်ဇ်ရဲ့ ဂီတပွဲ အဖွင့်ကိုတော့ ရိုးရာဆီမီးခွက် အကနဲ့ ဖွင့်လှစ်ခဲ့ပါတယ်။ မြန်မာ တေးသံရှင်တွေလည်း ပူးပေါင်း ဖျော်ဖြေခဲ့ကြပါတယ်။

တေးသံရှင် တဦးဖြစ်တဲ့ အာဇာနည်ကတော့ ဒီပွဲမှာ တေးသီချင်း သုံးပုဒ်နဲ့ ဖျော်ဖြေခဲ့ပြီး လူကုန်ကူးမှု တိုက်ဖျက်ရေး အတွက် ရည်ရွယ်ကျင်းပတဲ့ ဒီပွဲကနေပြီးတော့ မြန်မာပြည်သူ တရပ်လုံး ပူးပေါင်းပါဝင်ကြပါလို့ အခုလို တိုက်တွန်းလိုက်ပါတယ်။

“ကျနော်တို့ ထင်တာကတော့ လူကုန်ကူးမှု ပပျောက်ရေးအတွက် ဒီပွဲလေးကို စီစဉ်တာပေါ့နော်။ MTV EXIT ကနေ ကြီးကြပ်တဲ့ ပွဲ ဖြစ်တဲ့အတွက် အဓိက သူတို့ပေးတဲ့ နံပတ်တစ် လူကုန်ကူးမှု ပပျောက်ရေးအတွက် အားလုံး ဒီပွဲကို လာရောက် ကြည့်ရှုကြတဲ့သူတွေရော၊ မကြည့်ရှုရတဲ့ ကမ္ဘာသူ ကမ္ဘာသားတွေ အားလုံး လူကုန်ကူးမှုတွေကို ခုချိန်ကနေ စပြီးတော့ ရပ်တန့်ဖို့အတွက် ကျနော် သတိပေးချင်ပါတယ်။”

မြန်မာပရိသတ်တွေလည်း အားပေးကြတဲ့ ကမ္ဘာကျော် အဆိုတော် တယောက်နဲ့ တွဲဖက်သီဆိုရတာ ပထမဆုံး အကြိမ်လည်း ဖြစ်တဲ့အပြင် လူမှုရေး လုပ်ငန်းတွေမှာ တကမ္ဘာလုံး အတိုင်းအတာနဲ့ ပါဝင်လုပ်ဆောင်ရလို့ ၀မ်းသာရပါတယ်လို့လည်း နိုင်ငံကျော် အဆိုတော် အာဇာနည်က ပြောပါတယ်။

“သိကြပါတယ်။ သူ့သီချင်းတွေကို မြန်မာတွေက သိပါတယ်။ အပြည့်အ၀ အားပေးဖို့လည်း စောင့်နေ ပါတယ်။ သူ့အလှည့်တော့ မရောက်သေးဘူးပေါ့နော်။ ကျနော်တို့ ဘ၀မှာ ဒါ ပထမဆုံး အကြိမ် တွေ့ကြုံရတဲ့ အတွေ့အကြုံ ဖြစ်တဲ့အတွက် အတိုင်းမသိ ၀မ်းသာပီတိ ဖြစ်မိပါတယ်။ ဂုဏ်လည်း ဂုဏ်ယူပါတယ်။ ကမ္ဘာကျော် အဆိုတော်တွေနဲ့ တွဲဖက်ပြီးတော့ သီဆိုရတဲ့အတွက် အရမ်းကို စိတ်လှုပ်ရှားပြီးတော့ အရမ်းကို ပျော်ပါတယ်။”

ဒီကနေ့ အမေရိကန် နာမည်ကြီး အဆိုတော် ဂျေဆင်မရပ်ဇ်ရဲ့ ဂီတပွဲကို မြန်မာ တေးသံရှင် အတော်များများလည်း ပူးပေါင်း ကူညီ သီဆိုခဲ့ကြပါတယ်။

ပွဲကို လာရောက်တဲ့ ပရိသတ်တဦးကလည်း ဂီတပွဲနဲ့ ပတ်သက်ပြီး ခုလို ပြောပါတယ်။

“အများကြီးပဲရှင့်။ အများကြီးမှ အများကြီးပဲ။ ပြည်သူ့ရင်ပြင် အပြည့်ပဲ။ လူကြီးပိုင်းတွေလည်း ပါတယ်။ လူငယ်တွေလည်း ပါတယ်။ အခုလာခဲ့တာ တော်တော် ကောင်းပါတယ်။ သူတို့ တန်းစီတဲ့သူက အစ ၀င်ဖို့ တော်တော် တန်းစီရပါတယ်။ တော်တော်များများ စည်းကမ်းရှိရှိနဲ့ တန်းစီကြတယ်။ နောက်ပြီးတော့ လုံခြုံရေးလည်း ကောင်းတယ်။ စည်းကမ်း တော်တော်ရှိတာတော့ MTV EXIT လုပ်တယ်ဆိုတော့ organize လုပ်ထားတာ တော်တော်ကောင်းပါတယ်။ သွားရေးလာရေးတော့ မပြောတတ်ဘူးရှင့်။ ကျမတို့ ကိုယ့်ကားနဲ့ ကိုယ် လာတော့ သူတို့က ပါကင် နေရာ စီစဉ်ထားပေးတယ်။ ပြည်လမ်းမက ပိတ်ထားပေးတယ်။ ပြည်သူ့ရင်ပြင်ကို ထိတဲ့ လမ်းကို ပိတ်ထားပေးတယ်။”

ဂီတပွဲ ရှိတဲ့ ပြည်သူ့ရင်ပြင် တ၀ိုက်က လမ်းတွေကို ပိတ်ထားပေးပြီး ပွဲလာရောက်သူတွေ အတွက်လည်း ကားရပ်နားဖို့ နေရာတွေ၊ အငှားကားတွေ ရှိနေတာကြောင့် သွားရေးလာရေးလည်း အဆင်ပြေပါတယ်လို့ ပွဲလာရောက်သူတွေက ပြောပါတယ်။

တိဘက်လွတ်မြောက်ရေး မီးရှို့သတ်သေနေတဲ့အပေါ် EU စိုးရိမ်

ဥရောပသမဂ္ဂ အီးယူ နိုင်ငံခြားရေးမူဝါဒ ဆိုင်ရာ အကြီးအကဲ Catherine Ashton (ဇွန်လ ၁၉ ရက်၊ ၂၀၁၂)။

တိဘက်လူမျိုးတွေ ကိုယ့်ကိုယ်ကို သတ်သေမှု များပြားလာတဲ့အပေါ် အီးယူ ဥရောပသမဂ္ဂ အနေနဲ့ အထူး စိတ်မကောင်းဖြစ်မိကြောင်း အီးယူ နိုင်ငံခြားရေးမူဝါဒ ဆိုင်ရာ အကြီးအကဲက ပြောပါတယ်။ တိဘက် လူမျိုးအတွေ အပေါ် ချုပ်လွန်းတဲ့ တရုတ်နိုင်ငံရဲ့ ပေါ်လစီကြောင့် အဲဒီ ဒေသမှာ ကိုယ့်ကိုယ်ကိုယ် မီးရှို့ သတ်သေမှုတွေ တိုးများလာသလားဆိုပြီး အီးယူအနေနဲ့ စိုးရိမ် ပူပန်မိတယ်လို့ အီးယူရဲ့ နိုင်ငံခြားရေးနဲ့ လုံခြုံရေး ပေါ်လစီဆိုင်ရာ အကြီးအကဲ Catherine Ashton က ပြောကြားလိုက်တာပါ။ တိဘက်လူမျိုးတွေ အနေနဲ့လည်း အစွန်းရောက်တဲ့ အဲဒီလို မီးရှို့သတ်သေမှုတွေ မလုပ်ကြဖို့နဲ့ တရုတ်အစိုးရ အနေနဲ့လည်း တိဘက်လူမျိုးတွေ စိတ်ပျက်နေကြရတဲ့ အခြေခံ အကြောင်းရင်း ကို ဖြေရှင်းပေးဖို့  Catherine Ashton က သောကြာနေ့မှာ ကြေညာချက် ထုတ်ပြန် ပြောကြား လိုက်တာပါ။ တိဘက်လူမျိုးတွေရဲ့ ယဉ်ကျေးမှု၊ သာသာရေးအရ လွတ်လပ်စွာ ကိုးကွယ်ခွင့်နဲ့ သူတို့ဘာသာစကား လွတ်လပ်စွာ ပြောဆိုခွင့် အပါအ၀င် လူမှုရေး၊ နိုင်ငံရေး၊ စီးပွားရေးနဲ့ ယဉ်ကျေးမှု ရရှိအောင် လုပ်ဆောင်ပေးသင့်တယ် လို့လည်း Catherine Ashton က ပြောပါတယ်။

တရုတ်နိုင်ငံအနောက်ပိုင်းမှာ ၂၀၀၉ ခုနှစ်ကစပြီး တိဘက်လူမျိုး ၉၂ ဦး ကိုယ့်ကိုကိုယ် မီးရှို့ သတ်သေခဲ့ပြီး အဲဒီအထဲက ၂၈ ယောက်ဟာ နိုဝင်ဘာလအတွင်းမှာ သတ်သေခဲ့ကြတာပါ။ တရုတ်အစိုးရကို ဆန့်ကျင်တဲ့ လှုပ်ရှားမှုတွေ လုပ်ဆောင်လာနေတဲ့အပေါ် လုံခြုံရေးတပ်ဖွဲ့တွေက ဖြိုခွင်းနေတဲ့အချိန်နဲ့လည်း အခုလို မီးရှို့သတ်သေမှုတွေ တိုးမြင့်ဖြစ်ပေါ်တာက တိုက်ဆိုင်နေပါတယ်။

ကချင်တိုက်ပွဲ ဒုက္ခသည်စခန်းတွေအနီးအထိ ပြင်းထန်

 

ကချင်ပြည်နယ်မှာ အစိုးရစစ်တပ်နဲ့ ကေအိုင်အို (KIO) ကချင်လွတ်မြောက်ရေးတပ်ကြား တိုက်ပွဲတွေပြင်းထန်နေတဲ့အချိန် အပြန်အလှန် ပစ်ခတ်မှုတွေဟာ ကချင်လွတ်မြောက်ရေးတပ် ထိန်းချုပ်ထားတဲ့နယ်မြေက ဒုက္ခသည်စခန်းတွေနားအထိ ရောက်လာတဲ့အတွက် ဒုက္ခသည်တွေဟာ စခန်းတွေကနေ စွန့်ခွာ ထွက်ပြေးနေကြရပါတယ်။ တိုက်ပွဲမှာ လေကြောင်းကရော လက်နက်ကြီးတွေနဲ့ပါ ပစ်ခတ်ပြီး ထိုးစစ်ဆင် တိုက်နေကြတဲ့အတွက် ထွက်ပြေးတိမ်းရှောင်နေရတဲ့ ဒုက္ခသည်တွေအတွက် လုံခြုံရေးဟာ အခုလက်ရှိ အရေးကြီးဆုံး အနေအထားမှာ ဖြစ်နေတယ်လို့ ကချင်အရေး ဆောင်ရွက်ပေးနေသူတွေက ပြောပါတယ်။ အသေးစိတ်ကို ဆက်သွယ်စုံစမ်းထားတဲ့ မဆုမွန်က တင်ပြထားပါတယ်။ ကချင်ပြည်နယ်တွင်းမှာ အစိုးရစစ်တပ်နဲ့ ကချင်လွတ်မြောက်ရေးတပ် ကေအိုင်အိုတို့ကြား အခုဒီဇင်ဘာလဆန်းပိုင်းမှာပဲ အပြင်းထန်ဆုံး တိုက်ပွဲတွေ ဆက်တိုက် ဖြစ်ပွားနေပါတယ်။ အခုလိုမျိုး တိုက်ပွဲတွေ ပြင်းထန်နေတဲ့အချိန် အပြန်အလှန် ပစ်ခတ်မှုတွေဟာ ကချင်လွတ်မြောက်ရေးတပ် ထိန်းချုပ်ထားတဲ့နယ်မြေက စစ်ပြေးဒုက္ခသည် စခန်း တချို့နားအထိ ရောက်လာတဲ့အတွက် ဒုက္ခသည်တွေဟာ စခန်းတွေကနေ စွန့်ခွာ ထွက်ပြေးနေကြရပါတယ်။ အခုလက်ရှိ ဒုက္ခသည်တွေ အတွက် လုံခြုံရေးဟာ အရေးကြီးဆုံး အနေအထားမှာ ဖြစ်နေတယ်လို့ ကချင်အရေး ကူညီဆာင်ရွက်ပေးနေတဲ့ ကချင်ပြည်နယ် NDF ပါတီဥက္ကဋ္ဌ ဒေါ်ဘောက်ဂျာက ဗွီအိုအေမြန်မာပိုင်းကို ပြောပါတယ်။

“လက်နက်ကြီးနဲ့ ပစ်တာတွေက တချို့နေရာတွေက စစ်ပြေးဒုက္ခသည်တွေ စခန်းတောင်မှ ပစ်ပြီးတော့ အကုန်ထွက်ပြေး ကြရတဲ့ အခြေအနေအထိအောင် ရောက်တယ်။ ပစ်တာတွေကလည်း ဆက်တိုက် ဖြစ်တာပေါ့နော်။ စစ်ပြေးဒုက္ခသည်တွေ ကလည်း ထွက်ပြေးရတာပါပဲ။ အဲဒီလို စစ်ပြေးဒုက္ခသည်တွေ ထွက်ပြေးရသလို စစ်တွေ ဖြစ်လာတဲ့အခါကျတော့လည်း ရွာကို မီးရှို့မှာ ကြောက်တာတွေ၊ ရွာသားတွေကို နှိပ်စက်မှာကြောက်တာတွေ ကြောင့်၊ စစ်ပြေးဒုက္ခသည် အရင်က အဟောင်းရှိသလို အသစ်တွေကလည်း ထပ်ပြီးတော့ ပြေးနေရတဲ့ အခြေအနေ ရောက်နေတယ်။ သူတို့အတွက် လုံခြုံရေးက ပိုအရေးကြီးသလို ဖြစ်နေတာပေါ့။ စစ်ပြေးဒုက္ခသည်တွေရဲ့ ဘ၀ဟာ လုံခြုံမှု မရှိပါဘူး။”

အခုလို မြန်မာစစ်တပ်နဲ့ ကချင်တပ်တွေကြား တိုက်ပွဲတွေ ပြင်းထန်လာချိန်မှာ စစ်ဖြစ်နေတဲ့နေရာတွေ နားကို တပ်တွေဘက်က လာစခန်းချတဲ့ အတွက် အဲ့ဒီကျေးရွာတွေက ဒေသခံပြည်သူတွေဟာ သူတို့ရဲ့နေအိမ်တွေကို စွန့်ခွာပြီး ရွာလုံးကျွတ် ထွက်ပြေးနေ ကြရပါတယ်။ တချို့ဒုက္ခသည်တွေဟာ ဒုက္ခသည်စခန်းတွေထဲအထိ ရောက်အောင် မပြေးနိုင်လို့ တောထဲမှာပဲ ပုန်းအောင်းနေရတဲ့ အနေအထားမှာလည်း ရှိတယ်လို့ ဒေါ်ဘောက်ဂျာက ပြောပါတယ်။

“မနေ့ကပဲ ဖုန်းဆက်လာတာက အီမျောင် ဆိုတဲ့ရွာကလည်း တရွာလုံး စစ်တပ်က လာထိုင်လိုက်တဲ့အခါ ကျတော့ ရွာကလူတွေက ကြောက်တော့ ထွက်ပြေးကြတယ်။ ထွက်ပြေးတော့ အဲဒီရွာမှာရှိတဲ့ ကြက်ဝက်တွေ အကုန်လုံး ပစ်သတ် စားနေကြတော့ ရွာသားတွေက ခုချိန်မှာ တောမှာပုန်းနေရတဲ့ အခြေအနေ ဖြစ်နေတယ်တဲ့ ဆိုပြီးတော့ အဲဒါ ဖုန်းဆက်လာတယ်။”

အခုလို တိုက်ပွဲတွေ ပြင်းထန်နေလို့ စခန်းတွေကိုပါ စွန့်ခွာပြေးနေရတဲ့အတွက် ရာသီဥတုကလည်း ဆိုးဝါးနေတဲ့အချိန်၊ ဒုက္ခသည်တွေ၊ အထူးသဖြင့် ကလေးငယ်တွေနဲ့ ကိုယ်ဝန်ဆောင်မိခင်တွေ အတွက် ဆေးဝါး၊ လူအသုံးအဆောင်ပစ္စည်းနဲ့ ရိက္ခာတွေ အထူးလိုအပ်နေတယ်လို့ ပြောပါတယ်။ တိုက်ပွဲတွေ ပြင်းထန်နေတဲ့အတွက် ဒုက္ခသည်တွေဆီကို လိုအပ်နေတဲ့ လူသားချင်းစာနာမှု အထောက်အပံ့ ပစ္စည်းတွေကို ကုလသမဂ္ဂနဲ့ NGO အဖွဲ့အစည်းတွေ ဘက်ကလည်း ပို့ဆောင်ပေးဖို့ အခက်အခဲတွေနဲ့ ကြုံနေရတယ်လို့ ဆက်ပြောပါတယ်။

“ကျမတို့ ဒီဘက်မှာက အရမ်း အေးနေတဲ့ကာလ ဖြစ်တယ်။ အဲဒီအချိန်မှာ ခုလို အပြင်မှာနေတဲ့သူတောင်မှ ကျန်းမာရေးတွေက မကောင်းဘူးဆိုတော့ ဒီလို တောထဲတောင်ထဲမှာ နေနေတဲ့သူတွေ၊ ဟင်းလင်းပြင်မှာ နေနေတဲ့သူတွေက ပိုပြီးတော့ ကျန်းမာရေးက စိုးရိမ်ရတာပေါ့။ လုံလုံခြုံခြုံ အနွေးထည် စောင် အစစအရာရာ လိုအပ်နေတယ်။ စားဝတ်နေရေးလည်း အရင်ကလိုမျိုး နိုင်ငံတကာ ထောက်ပံ့တာတွေကလည်း နည်းပါးတယ်။ ဒီက တတ်နိုင်သလောက် ၀ိုင်းပြီးတော့ ကူညီပြီး ကြည့်နေတာတွေကလည်း ကြာကြာ ကျတော့ မတတ်နိုင်ဘူး။ အဲဒီအခါကျတော့ စစ်ပြေးဒုက္ခသည်တွေလည်း တော်တော်လေး ဒုက္ခရောက်နေတယ်။”

အခုဆိုရင် ကချင်လွတ်မြောက်ရေး တပ်မတော် ထိန်းချုပ်မှုအောက်မှာ ရှိနေတဲ့ဒုက္ခသည် စခန်းတွေရော၊ မြန်မာစစ်တပ် ထိန်းချုပ်မှု လက်အောက်နယ်မြေမှာ ရှိနေတဲ့ စခန်းတွေမှာဆိုရင် လက်ရှိ ရှိနေတဲ့ ဒုက္ခသည်တွေနဲ့ နောက်ထပ် ထပ်ရောက်လာတဲ့ ဒုက္ခသည်တွေအပါအဝင် ဒုက္ခသည်ဦးရေဟာ တစ်သိန်းခွဲကျော်နေပြီလို့ ဒေါ်ဘောက်ဂျာက ပြောပါတယ်။

“တသိန်းက တော်တော်လေး ကြာနေပြီပေါ့နော်။ ဒါတောင်မှ စာရင်းမ၀င်တဲ့ သူတွေလည်း ရှိတယ်။ တချို့က ချောင်ကြိုချောင်ကြားမှာ ခဏ ခိုတောင်းနေတာတွေ ရှိတယ်။ အသိအမှတ် မပြုခံရတဲ့ စစ်ပြေးဒုက္ခသည်တွေလည်း အများကြီး ရှိသေးတယ်။ အဲဒါကြောင့် အနည်းဆုံက တသိန်းနဲ့ တသိန်းခွဲကြားမှာ ရှိတယ်။”

အခုလို မြန်မာစစ်တပ်နဲ့ ကချင်လွတ်မြောက်ရေး တပ်တွေကြား နှစ်ဘက်အပစ်ရပ်ဖို့ အကြိမ်ကြိမ် တွေ့ဆုံမှုတွေ ရှိခဲ့သလို ဆွေးနွေးပွဲတွေလည်း ပျက်ပြားခဲ့ရတဲ့ အနေအထားတွေ ရှိနေပါတယ်။ အခုဆိုရင် နှစ်ဘက် တိုက်ပွဲတွေဟာ ပိုပြီးပြင်းထန်လာနေတဲ့ အတွက် စစ်မီးက ပိုမြင့်လာတဲ့အနေအထားမှာ ဒေသခံပြည်သူတွေ တော်တော်များများ ဒုက္ခရောက်နေရတဲ့ အတွက် ပြည်တွင်းစစ်မီးငြိမ်းဖို့၊ နှစ်ဘက်အပစ်ရပ်ဖို့ မေတ္တာရပ်ခံချင်ပါတယ်လို့ ဒေါ်ဘောက်ဂျာက ပြောပါတယ်။အခုဆိုရင် ကချင်ပြည်နယ် လိုင်ဇာမြို့က ကချင်လွတ်မြောက်ရေး တပ်မတော် ကေအိုင်အေဌာနချုပ် နဲ့ အနီးဆုံးနေရာ အထိကို မြန်မာစစ်တပ်ဘက်က စစ်သုံးရဟတ်ယာဉ်တွေနဲ့ပါ လာရောက်ပစ်ခတ်မှုတွေ ရှိနေသလို  ကချင်ဗဟိုဌာနကို ပစ်မှတ်ထားပြီး လက်နက်ကြီးတွေနဲ့ ဆက်တိုက်ပစ်ခတ်ပြီး အပြင်းထန်ဆုံး ထိုးစစ်ဆင်နေတာ ဖြစ်တဲ့အတွက် မြန်မာအစိုးရနဲ့ ကချင်တပ်တွေကြား အတင်းမာဆုံး အနေအထားကို ရောက်ရှိနေပြီလို့လည်း ကချင်ကေအိုင်အို လွတ်မြောက်ရေး တပ်မတော်ဘက်က ပြောပါတယ်။

လက်ပံတောင်းတောင်စီမံကိန်း စုံစမ်းရေးကော်မရှင် သတင်းထုတ်ပြန်

ရဲတပ်ဖွဲ့ရဲ့ အင်အားသုံး ဖြိုခွဲမှုအတွင်း ဆန္ဒပြ သံဃာ အတော်များများ မီးလောင်ဒဏ်ရာရခဲ့ကြ

စစ်ကိုင်းတိုင်း ဒေသကြီး မုံရွာခရိုင် ဆားလင်းကြီး မြို့နယ်တွင်းမှာရှိတဲ့ လက်ပံတောင်းတောင် ကြေးနီ စီမံကိန်း ရပ်ဆိုင်းရေး ဆန္ဒပြ သပိတ်စခန်းတွေ ဖြိုခွဲခံခဲ့ရမှု ကိစ္စနဲ့ ပတ်သက်လို့ စုံစမ်း စစ်ဆေးရေး ကော်မရှင်က ဒီဇင်ဘာလ ၁၅ရက် နေ့စွဲနဲ့ သတင်းထုတ်ပြန်လိုက်ပါတယ်။

အဲဒီ သတင်း ထုတ်ပြန်ချက်ထဲမှာ သပိတ်စခန်းတွေကို ရဲတပ်ဖွဲ့က မီးခိုးဗုံးတွေ အသုံးပြုပြီး လူစုခွဲ ဆောင်ရွက်ခဲ့တာကြောင့် သံဃာတော်တချို့နဲ့ လူပုဂ္ဂိလ် တချို့ ဒဏ်ရာ ရခဲ့ကြောင်းနဲ့ မီးလောင်ဒဏ်ရာရတဲ့ လူနာတွေအတွက် အစိုးရက တာဝန်ယူ ဆောင်ရွက်ပေးနေတာ တွေ့ရကြောင်း ဖေါ်ပြထားပါတယ်။

အဲဒီလို အစိုးရက တာဝန်ယူ ဆောင်ရွက်ပေးနေမှုတွေမှာ လိုအပ်မှုတွေ ရှိရင် စုံစမ်းစစ်ဆေးရေး ကော်မရှင်ထံ ဆက်သွယ် အကူအညီ တောင်းခံနိုင်တယ် လို့လည်း ဖေါ်ပြထားပါတယ်။

ဆန္ဒပြ သံဃာတော် အတော်များများ ရခဲ့တဲ့ မီးလောင်ဒဏ်ရာ တွေအရ အခင်းဖြစ်ပွားချိန်မှာ ရဲတပ်ဖွဲ့က မီးလောင်ဗုံး သုံးပြီး ဖြိုခွင်းခဲ့တယ်လို့ တချို့က ယူဆနေကြပါတယ်။

အခု သတင်းထုတ်ပြန်ချက်ထဲမှာ မီးခိုးဗုံးလို့ပဲ ဖေါ်ပြထားပြီး ဘယ်လို ဓါတု ပစ္စည်းတွေနဲ့ ဖေါ်စပ်ထားတယ်၊ ဘယ်နိုင်ငံက လုပ်တဲ့ မီးခိုးဗုံးတွေလဲ ဆိုတာကို အတိအကျ ပွင့်လင်း မြင်သာစွာ ဖေါ်ပြသင့်ကြောင်း၊ ဒါမှ ဓါတု ပညာရှင်တွေ အနေနဲ့လည်း စဉ်းစား သုံးသပ်နိုင်မှာ ဖြစ်ပြီး အဖြေတခုခု ထွက်လာနိုင်မယ်လို့ ယူဆကြောင်း စာရေးဆရာ ဓါတုဗေဒ ပညာရှင် ဒေါက်တာ ခင်မောင်ညိုက သုံးသပ်ပါတယ်။

ဂျပန်ရွေးကောက်ပွဲ LDP ပါတီအနိုင်ရ

အနိုင်ရပါတီခေါင်းဆောင် ရှင်ဇိုအာဘေး

ဂျပန် ရွေးကောက်ပွဲ နောက်ဆုံး ရလဒ် တွေ အရ အရင်က နှစ်ပေါင်း များစွာ ကြီးစိုး ခဲ့တဲ့ လစ်ဘရယ် ဒီမိုကရက် ပါတီ(LDP) တကျော့ပြန် အာဏာ ရ လာတော့မယ်လို့ သိရပါတယ်။

နှစ်ရှည်လများအာဏာရခဲ့တဲ့ LDP ကို ပယ်ချပြီး ဒီမိုကရက်ပါတီအစိုးရကို လူထာက ရွေးချယ်ခဲ့တာ သုံးနှစ်တာရှိသွားပါပြီ။ ဒီကနေ့တော့ အဲဒီဆုံးဖြတ်ချက်ကို နောက်ကြောင်းပြန်လှည့်ပြီး LDP ပါတီအာဏာပြန်ရအောင် လူထုက တခဲနက်ထောက်ခံလိုက်ပါတယ်။ ဂျပန်နိုင်ငံရဲ့နောက်ဖြစ်မယ့် ဝန်ကြီးချုပ်ကတော့ လက်ျာ အမျိုးသားရေးဝါဒီ Shinzo Abe ဖြစ်ပါတယ်။

သူအာဏာရလာရင် တရုတ်နိုင်ငံကို ခပ်တင်းတင်းဆက်ဆံပြီး ဂျပန်နိုင်ငံရဲ့ ပြေငြိမ်းရေးမူဝါဒပါတဲ့ အခြေခံဥပဒေကိုလည်း ပြင်ချင်တယ်လို့ ကတိပေးခဲ့ပါတယ်။ ဒီမူဝါဒတွေကို အခုရွေးကောက်ပွဲမှာ အမတ် ၆၀ နေရာရနိင်တဲ့ လက်ယာယိမ်း ဂျပန်ပြုပြင်ပြောင်းလဲရေးပါတီက လိုလားထောက်ခံပါတယ်။ အခုတော့ အများကခန့်မှန်းနေသလိုဂျပန်နိုင်ငံက လက်ယာဘက်ကို မူဝါဒအားဖြင့် တဆစ်ချိုးပြောင်းလဲသွားတာဖြစ်တယ်လို့ တိုကျိုရှိ ဘီဘီစီသတင်းထောက် Rupert Wingfeild Hayes ကသတင်းပေးပို့ထားပါတယ်။

အလုပ်သမားရေး အတွက် ILO အရာရှိ ထိုင်းရောက်

မစ္စတာ ဂိုင်း ရိုင်ဒါက ထိုင်း ဝန်ကြီးချုပ်ကို တင်ပြပြီး အကောင်းဆုံး ဆောင်ရွက်ပေး မယ်လို့ ကတိပေး

ထိုင်းနိုင်ငံက မြန်မာ ရွှေ့ပြောင်း အလုပ် သမား တွေကို ယာယီ နိုင်ငံကူး လက်မှတ် လုပ်ပေးတဲ့ နောက်ဆုံးရက် ကျော်လွန်သွားပြီ ဖြစ်တာ ကြောင့် ကျန်နေတဲ့ အလုပ် သမားတွေ အတွက် ကမ္ဘာ့ အလုပ်သမားအဖွဲ့ ILO နဲ့ မြန်မာ အလုပ်သမား အရေး ဆောင်ရွက်သူတွေ ထိုင်းအစိုးရနဲ့ ကြိုးစား ညှိုနှိုင်း နေကြပါတယ်။

ဒီဇင်ဘာ ၁၄ ရက်နေ့ဟာ ယာယီ နိုင်ငံကူး လက်မှတ် လုပ်ဖို့ အတွက် နောက်ဆုံးရက် ဖြစ်ပြီး၊ မလုပ်ရသေးတဲ့ အလုပ်သမားတွေကို မြန်မာ နိုင်ငံကို ပြန်ပို့ မယ်လို့ ထိုင်း အစိုးရက ကြေညာထားတာ ဖြစ်ပါတယ်။

ကမ္ဘာ့ အလုပ်သမား အဖွဲ့ချုပ် ILO ရဲ့ ညွှန်ကြားရေးမှူးချုပ် ဂိုင်း ရိုင်ဒါ ကိုယ်တိုင် ထိုင်းနိုင်ငံ ဘန်ကောက်ကို ရောက်ရှိ နေပြီး၊ သူဟာ ဘန်ကောက်နဲ့ အနီး ပတ်ဝန်းကျင်က မြန်မာ ရွှေ့ပြောင်း အလုပ်သမား အရေးဆောင် ရွက်နေတဲ့ အဖွဲ့ အစည်းတွေနဲ့ တွေ့ဆုံခဲ့ ပါတယ်။

မစ္စတာ ရိုင်ဒါနဲ့ တွေ့ဆုံ ခဲ့တဲ့ မြန်မာရွှေ့ပြောင်း အလုပ် သမားများ အခွင့် အရေး ကွန်ယက်အဖွဲ့ MWRN ဥက္ကဌ ကိုအောင်ကျော်က တရားမဝင် မြန်မာ အလုပ် သမား တွေ အတွက် အတတ်နိုင်ဆုံး အကောင်းဆုံး ဖြစ်အောင် စီစဉ် ဆောင်ရွက်ပေး ဖို့ မစ္စတာ ရိုင်ဒါကို တိုက်တွန်း ခဲ့တယ်လို့ ပြောပါတယ်။

အဲဒီလို့ တိုက်တွန်းချက် တွေကို မစ္စတာ ဂိုင်း ရိုင်ဒါက ထိုင်းဝန်ကြီးချုပ်ကို တင်ပြပြီး အကောင်းဆုံး ဆောင်ရွက်ပေး မယ်လို့ ကတိပေး သွားတယ်လို့ ဆိုပါတယ်။

ယာယီ နိုင်ငံကူး လက်မှတ် မရှိသေးတဲ့ မြန်မာ ရွှေ့ပြောင်း အလုပ်သမားတွေကို ထိုင်းအာဏာပိုင်တွေက ဖမ်းပြီး မြန်မာ နိုင်ငံကို ပြန်ပို့မယ် ဆိုတဲ့ သတင်း တွေ ကြောင့်၊ ထိုင်း လုပ်ငန်း ရှင်တွေ ကလည်း သူတို့ အလုပ်တွေ ထိခိုက်မှာကို စိုးရိမ် နေကြပါတယ်။

မစ္စတာ ဂိုင်း ရိုင်ဒါဟာ တနင်္ဂနွေနေ့မှာ ထိုင်းနိုင်ငံ၊ မဟဒ်ချိုင် ခရိုင်က ထိုင်း လုပ်ငန်းရှင်တွေနဲ့ သွားပြီး ဆွေးနွေးခဲ့ ပေမယ့် ဘာတွေ ဆွေးနွေးခဲ့ကြတယ် ဆိုတာကိုတော့ နှစ်ဖက် စလုံးက ထုတ်ပြန် ပြောကြားခြင်း မရှိပါ။

ယာယီ နိုင်ငံကူး လက်မှတ် ရထားတဲ့ မြန်မာ ရွှေ့ပြောင်း အလုပ် သမားတွေ တောင် အလုပ် သမား အခွင့် အရေးတွေ ဆုံးရှုံး နေဆဲမို့၊ မဲဆောက်မှာ ပြုလုပ်တဲ့ ကမ္ဘာ့ ရွှေ့ပြောင်း အလုပ်သမားနေ့ ပညာပေး လှုံ့ဆော်ပွဲ မှာ မြန်မာ အလုပ်သမား တွေဟာ အလုပ်နဲ့ ညီမျှတဲ့ လုပ်အားခနဲ့ အခွင့်အရေးတွေ ပြန်ပေးပါ ဆိုတဲ့ ပိုစတာတွေ ကိုင်ပြီး စီတန်းလှည့်လည်ခဲ့ ကြပါတယ်။

ရခိုင်ပြည်နယ်အရေး စိတ်မအေးလို့ပြော

ရခိုင်ဒုက္ခသည်စခန်း

မြန်မာနိုင်ငံ ကို ရောက်လာတဲ့ ဗြိတိန် နိုင်ငံခြားရေး ဝန်ကြီး ဌာနရဲ့ ဝန်ကြီး Hugo Swire က မြန်မာအစိုးရ ရဲ့ ပြုပြင် ပြောင်းလဲရေး ကို ထောက်ခံ ပေမယ့် လက်ရှိဖြစ်ပေါ် နေတဲ့ အခြေအနေ တချို့ဟာ စိုးရိမ်စရာ ကောင်းတဲ့ အကြောင်း သတင်းစာ ရှင်းလင်းပွဲမှာ ပြောလိုက်ပါတယ်။

မြန်မာအစိုးရ ရဲ့ ဒီမိုကရေစီရေး နဲ့ တိုင်းရင်းသား ညီညွတ်ရေး ကြိုးပမ်းမှု ကို ဗြိတိန် က ကြိုဆိုထောက်ခံ ပေမယ့် ကချင်ဒေသနဲ့ ရခိုင် ပြည်နယ်မှာ ဖြစ်ပေါ်နေတဲ့ လူ့အခွင့်အရေး အခြေအနေတွေ ဟာ စိုးရိမ်စရာ ကောင်းနေဆဲ ဖြစ်တဲ့ အကြောင်း၊ တည်ငြိမ် အေးချမ်းမယ့် အခြေအနေ ရောက်အောင် လုပ်ဖို့ လိုသေးကြောင်း၊ ရခိုင်ပြည်နယ် အရေးကို အလေးအနက်ထားပြီး မဆောင်ရွက်ရင် ပြဿနာကြီး တရပ် ဖြစ်လာနိုင်တယ် လို့ ဝန်ကြီး Hugo Swire က ပြောတာပါ။

ဗြိတိန်နိုင်ငံ အနေနဲ့လည်း မြန်မာနိုင်ငံ နဲ့ ပြည်သူလူထု အတွက် ပူးပေါင်း ဆောင်ရွက်ဖို့ အသင့်ရှိပုံ လည်းဆိုသွားပါတယ်။ ဝန်ကြီး Hugo Swire ဟာ ဗြိတိန် ကုန်သွယ်ရေး အဖွဲ့ကိုလည်း ခေါင်းဆောင်လာတဲ့ အတွက် မြန်မာ ကုန်သည်ကြီးများ အသင်းနဲ့ ရင်းနှီးမြှုပ်နှံမှု ဆိုင်ရာ စာချွန်လွှာ ကိုလည်း လက်မှတ်ရေးထိုး ပါတယ်။

မြန်မာနိုင်ငံရဲ့ စွမ်းအင် ထုတ်လုပ်မှု အပိုင်း၊ လျှပ်စစ် ဓါတ်အားပေးရေး လိုအပ်ချက်ထဲ ပါဝင်တဲ့ ဓါတ်အားလိုင်း သွယ်တန်းရေးလည်း စိတ်ဝင်စားမှု ပြသယင်း၊ လာမည့်နှစ် မှာ မြန်မာစွမ်းအင်ဝန်ကြီး ရဲ့ ဗြိတိန် ခရီးမှာ မြန်မာပြည် ကို အခုတခေါက် လိုက်ပါလာတဲ့ ကုမ္ပဏီတွေ နဲ့ ထပ်မံဆွေးနွေးရေး ရှိတဲ့ အကြောင်းပါ ဝန်ကြီး Hugo Swire က ပြောသွားပါတယ်။