14.12.2012 နေ့ဖတ်ရန်သတင်းများ

by Myanmar Journal on Thursday, December 13, 2012 at 8:25pm ·

လစ်ဗျား အတိုက်အခံကို ဗြိတိန်သန်းချီလျော်

ဟောင်ကောင်မှာ ဖမ်းပြီးနောက် လစ်ဗျားကို လွှဲခဲ့

လစ်ဗျားမှာ ဗိုလ်မှူးကြီးကဒါဖီအစိုးရလက်ထက်က အတိုက်အခံဟောင်းတစ်ဦးကို ဗြိတိန်အစိုးရက လျော်ကြေးအဖြစ် ပေါင် ၂ ဒသမ ၂ သန်း ပေးလိုက်ပါပြီ။

ပြည်ပမှာ နေထိုင်နေတဲ့ လစ်ဗျား အတိုက်အခံ Sami Al-Saadi ဟာ ၂၀၀၄ ခုနှစ်တုန်းက ဟောင်ကောင်မှာ ရောက်ရှိစဉ် အဖမ်းခံရပြီး သူနဲ့အတူ အမျိုးသမီးနဲ့ သားသမီး ၄ ဦးကို လစ်ဗျားကို အတင်းအကျပ် လွှဲပြောင်း ပေးခံရမှုမှာ ဗြိတိန်အစိုးရ ပါတယ်လို့ စွပ်စွဲပြီးနောက် ဗြိတိန် အစိုးရ သူ့ကို လျော်ကြေးပေးဖို့ သဘောတူလိုက်တာ ဖြစ်ပါတယ်။

Mr. Al-Saadi ဟာ ဗိုလ်မှူးကြီး ကဒါဖီအစိုးရကို ဆန့်ကျင်သူဖြစ်ပြီး နှစ်ပေါင်းများစွာ ထွက်ပြေး တိမ်းရှောင်နေရသူ ဖြစ်ပါတယ်။ သူဟာ ကဒါဖီအစိုးရ ပြုတ်ကျရေး လှုပ်ရှားတဲ့ လစ်ဗျား အစ္စလာမ်မစ် တိုက်ခိုက်ရေး အဖွဲ့ကို ပါဝင်ကူညီ တည်ထောင် ဖွဲ့စည်းခဲ့သူလည်း ဖြစ်ပါတယ်။

ဟောင်ကောင်မှာ သူအဖမ်းခံရပြီးနောက် လစ်ဗျားမြို့တော် ထရစ်ပိုလီမြို့ကို အလွှဲခံရပြီး ထောင် ၆ နှစ် အချခံရပါတယ်။ အကျဉ်းကျစဉ်မှာ ရိုက်နှက်ခံရတယ်၊ လျှပ်စစ်ကျင်စက်နဲ့ တို့တယ်၊ ကြိမ်နဲ့ ရိုက်တယ်၊ အမျိုးမျိုး နှိပ်စက် ခံခဲ့ရတယ်လို့ သူက ပြောပါတယ်။

အခုကိစ္စမှာ ဗြိတိန်ပါဝင် ပတ်သက်တယ် ဆိုတာကလည်း ကဒါဖီအစိုးရ ပြုတ်ကျ ပြီးနောက် သူ့ရုံးထဲက ထွက်လာတဲ့ စာရွက်စာတမ်းတွေအရ ပြောဆိုမှုတွေ ရှိလာတာ ဖြစ်ပါတယ်။

သူ့ မိသားစုဝင် အားလုံး အနှိပ်စက်ခံရ မယ်ဆိုတာသိနိုင်ရက်ရဲ့ ဗြိတိန်အစိုးရက လွှဲပြောင်းမှုမှာ ကူညီခဲ့တယ်၊ ဒါပေမယ့် ဗြိတိန်အစိုးရ ကတော့ သူတို့မှာ တာဝန်ရှိတယ် ဆိုတာ မပြောသေး တဲ့အတွက် သူသိချင်တဲ့ မေးခွန်းအဖြေ မသိရသေးဘူးလို့ Mr. Al-Saadi က ဆိုပါတယ်။

ဒါပေမယ့် ဒီလို လျော်ကြေးပေးတာ ကြည့်ရင်တော့ ပါဝင်နေတာဆိုတာ ရှင်းနေတာပဲ လို့ Mr. Al-Saadi ကပြောပါတယ်။

ဒီကိစ္စအပေါ် ရဲစုံစမ်းမှုတွေတော့ ဆက်လုပ်နေပါတယ်။ လွတ်လပ်တဲ့ စုံစမ်းရေး ကော်မရှင်တရပ် အသေအချာ ဖွဲ့ပြီး လုပ်ဆောင်ဖို့လည်း Mr. Al-Saadi က မျှော်လင့်နေပါတယ်။

အခုရတဲ့ ဒေါ်လာ ၃ သန်းလောက်ကို သူထောင်အတွင်းမှာ နှိပ်စက်ခံရတဲ့ ဒဏ်တွေကို ကုသရေးမှာ အသုံးပြုမယ်လို့လည်း သူက ပြောပါတယ်။ 

အင်တာနက် ထိန်းချုပ်ရေး အငြင်းပွားဆဲ

အစိုးရ တွေက အင်တာနက်ကို ထိန်းချုပ် လာနိုင်

ဒူဘိုင်းမှာ ၁၁ ရက်ကြာအောင် စေ့စပ် ညှိနှိုင်း ခဲ့ပေမယ့်လဲ အင်တာနက် ထိန်းချုပ်မှု ဆိုင်ရာ နိုင်ငံတကာ သဘောတူ စာချုပ် မူကြမ်း ထုတ်ပြန်ဖို့ မရေရာဘဲ အလှမ်းဝေး နေဆဲ ဖြစ်ပါတယ်။

အစိုးရ တွေကို အင်တာနက် ထိန်းချုပ်ခွင့် တွေ ပေးလာနိုင်လို့ ကမ္ဘာ့ နည်းပညာ ဆက်သွယ်ရေး စာချုပ်ကို လက်ရှိ ပုံစံနဲ့ လက်မှတ် မထိုး နိုင်ဘူးလို့ အမေရိကန် ဘက်က ပြောပါတယ်။

ကုလ သမဂ္ဂ ဦးဆောင် ညှိနှိုင်းမှုနဲ့ ကျင်းပတဲ့ ဒူဘိုင်း အစည်းအဝေး မှာ ဗြိတိန်၊ ကနေဒါ နဲ့ တခြား နိုင်ငံ အတော်များများ ကလဲ အလားတူ သဘောထား မျိုး ထုတ်ပြန် ခဲ့ကြ ပါတယ်။

အင်တာနက်ကို ပိုမို ထိန်းချုပ်ဖို့ ထောက်ခံ တဲ့ နိုင်ငံတွေ အုပ်စုကို ရုရှ က ဦးစီး နေတာ ဖြစ်ပါတယ်။

လက်ရှိ အသုံးပြု နေတဲ့ စာချုပ်ကိုတော့ ၁၉၈၈ ခုနှစ် က လက်မှတ် ရေးထိုး ခဲ့ကြတာ ဖြစ်ပါတယ်။

ဥပဒေနဲ့ မညီရင် အရေးယူမယ်

လက်ပံတောင်း စီမံကိန်း ရပ်တန့်ရေး ဆန္ဒပြ သူများ

လက်ပံတောင်း တောင်က သပိတ်စခန်း တွေကို အာဏာပိုင်တွေ က အင်အားသုံး ဖြိုခွဲခဲ့ တဲ့ အပေါ် နိုင်ငံတော် အဆင့် က တောင်းပန် ဖို့နဲ့ ဖြိုခွင်း မှုမှာ တာဝန်ရှိသူ တွေကို အမြန်ဆုံး ဖော်ထုတ် အရေးယူဖို့ တောင်းဆို ဆန္ဒ ပြမှုတွေ မုံရွာ၊ ရန်ကုန်၊ မန္တလေးနဲ့ မော်လမြိုင် အပါအဝင် မြို့တချို့မှာ ဒီဇင်ဘာလ ၁၃ ရက်နေ့က ဆက်လက် ဖြစ်ပွားခဲ့ ပါတယ်။

ဆန်းပြမှုတွေကို စီစဉ်သူ မရှိဘဲ အားလုံးက ကိုယ့်သဘောနဲ့ကိုယ် ထွက်လာခဲ့ကြတာ ဖြစ်လို့ ခွင့်ပြုချက် တောင်းခံခြင်း မရှိဘဲ ဆန္ဒ ပြခဲ့ ကြတယ်လို့ ဆန္ဒပြသူ တွေက ပြောပါတယ်။

တောင်းဆိုမှုတွေ မရ မချင်း ဆက်လက် ဆန္ဒပြ သွားမယ်လို့ သူတို့က ဆိုပါတယ်။

ဒီကိစ္စ တွေကို အစိုးရ ဘက်က ဘယ်လို ကိုင်တွယ် ဆောင်ရွက်သွားမလဲ ဆိုတဲ့ မူနဲ့ ပတ်သက်ပြီး နိုင်ငံတော် သမ္မတရုံး ကို ဆက်သွယ် မေးကြည့်တော့ လက်ရှိ ဖွဲ့စည်း ပေးထားတဲ့ စုံစမ်းရေး ကော်မရှင်ရဲ့ တွေ့ရှိချက်တွေ အတိုင်း ဆက်လက် ဆောင်ရွက် သွားမယ်လို့ ပြော ပါတယ်။

ရန်ကုန်တိုင်း ဒေသကြီး လုံခြုံရေး ဝန်ကြီး ဗိုလ်မှူးကြီး တင်ဝင်း ကတော့ ဥပဒေ ချိုးဖောက်မှု ရှိတာတွေကို ဖော်ထုတ် အရေးယူ သွားမယ်၊ ခွင့်ပြုချက် တောင်းခံခြင်း မရှိတဲ့ ဆန္ဒပြမှု တွေနဲ့ ပတ်သက်လို့ အရေးယူဖို့ စိစစ် နေတယ်လို့ ပြောပါတယ်။

ဒီလို လုပ်ဆောင်ရာမှာ သက်ဆိုင်ရာ ပြည်နယ်နဲ့ တိုင်းဒေသကြီး အာဏာပိုင်တွေ အနေနဲ့ ပြည်ထောင်စု အစိုးရရဲ့ ဥပဒေ အတိုင်း လုပ်ဆောင်သွားမှာ ဖြစ်တယ်၊ အခု ကိစ္စမှာ ဘယ်လို ကိုင်တွယ် ဖြေရှင်းရမယ် ဆိုတဲ့ နောက်ထပ် ညွှန်ကြားချက် မျိုးတော့ မရှိဘူးလို့လည်း သူက ပြောပါတယ်။

ရန်ကုန်တိုင်း လုံခြုံရေး ဝန်ကြီးက ဥပဒေ အရ အရေးယူ သွားမယ်လို့ ပြောနေချိန် မှာပဲ မန္တလေးနဲ့ မြင်းခြံမြို့တို့မှာ လူ လေးယောက်ကို ဖမ်းဆီး သွားခဲ့ပြီလို့ သိရ ပါတယ်။

ဆီးရီးယားသမ္မတ ကျရှုံးတော့ မယ်လို့ ရုရှားထုတ်ပြော

မစ္စတာ ဘိုဒါနို့ဗ်က ဆီးရီးယား အနေနဲ့ ဆွေးနွေး ညှိနှိုင်းပြီး အပေးအယူ လုပ်ဖို့ ကို ထပ်မံ တောင်းဆို

ဆီးရီးယား သမ္မတ ဘာရှားအဲလ် အာဆတ် ဟာ အရှုံးနဲ့ ရင်ဆိုင် ရဖွယ် ရှိနေတယ်လို့ ရုရှား နိုင်ငံက ပထမ ဦးဆုံး အကြိမ် လူသိ ရှင်ကြား ထုတ်ဖေါ် ပြောကြား လိုက် ပါတယ်။

ဆီးရီးယား အစိုးရ တပ်ဖွဲ့တွေဟာ နယ်မြေတွေကို ပိုမို လက်လွှတ် ဆုံးရှုံး နေရပြီး၊ အတိုက် အခံတွေ အနေနဲ့လည်း အောင်မြင်မှု ရပြီ လို့ မပြောနိုင် သေးကြောင်း ရုရှား ဒုတိယ နိုင်ငံခြားရေး ဝန်ကြီး မီခေးလ် ဘိုဒါနို့ဗ် က ပြောပါတယ်။

ဒါပေမယ့် လည်း ရုရှားဟာ သူ့ရဲ့ အဓိက မဟာမိတ် နိုင်ငံ ဖြစ်တဲ့ ဆီးရီးယားနဲ့ ပတ်သက်ပြီး တရားဝင် သဘောထားကို တော့ ပြောင်းလဲမှု မရှိသေးဘူးလို့ မော်စကိုမှာ ရှိတဲ့ ဘီဘီစီ သတင်း ထောက်က ပြောပါတယ်။

သမ္မတ အာဆတ်ကို ဖြုတ်ချ လိုက်မယ် ဆိုရင် ဆီးရီးယား ပဋိပက္ခဟာ ပိုကြီး လာမယ် ဆိုတာ ကိုတော့ ရုရှားတို့က ယူဆ ထားဆဲ ဖြစ်ပါတယ်။

မစ္စတာ ဘိုဒါနို့ဗ်က ဆီးရီးယား အနေနဲ့ ဆွေးနွေး ညှိနှိုင်းပြီး အပေးအယူ လုပ်ဖို့ ကို ထပ်မံ တောင်းဆို လိုက်ပါတယ်။

ဆီးရီးယား အစိုးရကို လက်နက်တွေ ထုတ်ပေးနေတဲ့ ရုရှားဟာ ဆီးရီးယား နိုင်ငံ ပဋိပက္ခကို နိုင်ငံ တကာက ကြားဝင်မှာကို ကန့်ကွက် တားဆီးနေတာ ဖြစ်ပါတယ်။

ဒဏ်ရာရ ဦးတိက္ခဉာဏ ထိုင်းဆေးရုံရောက်

ဦးတိက္ခ ဉာဏကို မိသားစုတွေပါ လိုက်လံ ပို့ဆောင် ခဲ့ပါတယ်

လက်ပံတောင်း သပိတ်ကို အင်အားသုံး ဖြိုခွင်း ခဲ့မှုကြောင့် အဆိုးဆုံး ဒဏ်ရာ ရခဲ့တဲ့ ဆရာတော် ဦးတိက္ခ ဉာဏဟာ ဆေးကုသမှု ခံယူဖို့ ကြာသပတေးနေ့ ညနေက ထိုင်းနိုင်ငံ ဘန်ကောက် ဆေးရုံကြီးကို ရောက်ရှိ လာခဲ့ပြီ ဖြစ်ပါတယ်။

ဦးတိက္ခဉာဏဟာ MAI လေကြောင်းနဲ့ ထိုင်း နိုင်ငံကို သောကြာနေ့ ညနေ ၆ နာရီခွဲ လောက်မှာ ရောက်ရှိပြီး ဆေးရုံ ကိုတော့ ည ၇ နာရီ လောက်မှာ ရောက်ရှိလာ ခဲ့တာပါ။

ဆေးရုံမှာတော့ ဆရာတော်ကို စကား ပေးမပြော သလို၊ ဓာတ်ပုံ ရိုက်ခွင့်လည်း မပေးဘူးလို့ အဲဒီကို သွားရောက် ခဲ့တဲ့ ဘီဘီစီ သတင်းထောက် ဦးကိုကိုအောင် က ပြောပါတယ်။

ဆရာတော်ကို လိုက်လံ ပို့ဆောင်ခဲ့တဲ့ မန္တလေး အထွေထွေ ရောဂါကု ဆေးရုံ အုပ်ကြီး ဦးမောင်ဝင်းက ဆရာတော်ရဲ့ ခန္ဓာကိုယ်မှာ မီးလောင် ဒဏ်ရာ ရထားတာ ၄၅ ရာခိုင်နှုန်း လောက် ရှိတယ်လို့ ပြောပါတယ်။

ဒါပေမယ့်လည်း တခြား မြင်တွေ့ခဲ့ရ သူတွေ ပြောတာ ကတော့ ဒီထက် ပိုတယ်လို့ ဆိုပါတယ်။

ဆေးရုံအုပ်ကြီးက သူတို့ ဆေးရုံမှာ ဆေးဝါး မပြည့်စုံလို့ ဒါမှ မဟုတ် အတတ် ပညာ မပြည့်စုံလို့ မဟုတ်ဘဲ လူနာရှင် ဆန္ဒ အတိုင်း ထိုင်းနိုင်ငံမှာ ကုသဖို့ ပို့ဆောင်ပေး တာသာ ဖြစ်တယ် လို့ ပြောပါတယ်။

ကျန်တဲ့ ဒဏ်ရာရ သံဃာများ အခြေအနေ ကောင်းမွန်ပြီး တချို့ အနာကျက်လို့ အရေပြား အစားထိုးဖို့ ပြင်ဆင် နေတယ်လို့ သိရပါတယ်။ 

အငြင်းပွား ကျွန်းစုပေါ် တရုတ် လေယာဉ်ပျံသန်း

ကျွန်းစုတွေ အနားက ပင်လယ်ပြင်မှာ ပင်လယ် ထွက် ရေနံနဲ့ သဘာဝ ဓာတ်ငွေ့ တွေ ရှိနေ နိုင်တယ်လို့ ခန့်မှန်း

အရှေ့ တရုတ် ပင်လယ်က သူပိုင် ငါပိုင် အငြင်းပွား နေတဲ့ ကျွန်းစုတွေ ပေါ်ကို တရုတ် လေယာဉ် တစင်း ပျံသန်း ခဲ့တဲ့ အတွက် ဂျပန် နိုင်ငံက ချက်ခြင်း ဆိုသလို အဲဒီ လေပိုင် နက် ထဲကို သူတို့ရဲ့ ဂျက် လေယာဉ်တွေ ပျံတက် ခဲ့ပြီး တရုတ်တို့ရဲ့ ကျူးကျော်မှုကို ကန့်ကွက် ကြောင်း ပြသလိုက် ပါတယ်။

တရုတ် ရေပိုင်နက်ကို စောင့်ရှောက်ဖို့ ထားတဲ့ တရုတ် ပင်လယ်ပြင် အုပ်ချုပ်ရေး ဌာနက လေယာဉ်တွေ ပျံသန်း လာတာကို ဒေသ စံတော်ချိန် ၁၁ နာရီ လောက်မှာ တွေ့ခဲ့ရ တာနဲ့ ဂျပန်ဘက် ကလည်း ချက်ချင်း ဆိုသလို သူတို့ရဲ့ အက်ဖ် ၁၅ တိုက်လေယာဉ် ၈ စင်းကို စေလွှတ် လိုက်တယ်လို့ ဂျပန် ဘက်က ပြောခွင့် ရသူက ပြောပါတယ်။

ဂျပန် ကာကွယ်ရေး ဝန်ကြီး ဌာန ကတော့ ၁၉၅၈ ခုနှစ် က စလို့ စစ်ဘက် မှတ်တမ်းတွေ ထားရှိ ခဲ့တဲ့ အချိန်က စပြီး ဒါဟာ ဂျပန်ရဲ့ လေပိုင်နက်ကို တရုတ် ဘက်က ပထမဆုံး ကျူးကျော် ဝင်ရောက်မှုပဲ ဖြစ်တယ်လို့ ဆိုပါတယ်။

ပြီးခဲ့တဲ့ နှစ် ကတော့ တရုတ် စစ်လေယာဉ် ၂ စင်း အဲဒီ အနားက ဖြတ်ပြီး ပျံသန်းခဲ့ဖူး ပေမယ့် ဂျပန် လေပိုင်နက် ထဲကိုတော့ ဝင်ရောက် တာမျိုး မရှိခဲ့ပါ။

တရုတ်တို့ ဘက်ကတော့ ဒီကျွန်းစုတွေဟာ ဟိုအရင် ရှေး အချိန် ကတည်းက တရုတ်တို့ ပိုင် ဖြစ်တာ ကြောင့် အခုလို ကင်းထောက် မရိမ်း လေယာဉ် တစင်း ပျံသန်း တာဟာ သာမန် ကိစ္စသာ ဖြစ်တယ်လို့ ပြောပါတယ်။

အခုနှစ် အစောပိုင်းက ဒီကျွန်းစုတွေ ပိုင်တဲ့ ဂျပန်တွေ ဆီကနေ ဂျပန် အစိုးရက ကျွန်းတွေကို ဝယ်ယူပြီး နောက်ပိုင်း တရုတ် သင်္ဘောတွေဟာ ဒီအငြင်းပွား ပင်လယ် ပြင်ထဲ ထပ်ခါ တလဲလဲ ဝင်ရောက် သွားလာ စစ်ဆေး မှုတွေ ပြုလုပ် နေတာ ဖြစ်ပါတယ်။

အဲဒီ ကျွန်းစုတွေကို ထိုင်ဝမ် ဘက်ကလည်း သူတို့ ပိုင်ဆိုင်ကြောင်း ပြောနေပေယ့် လောလောဆယ် မှာတော့ ဂျပန်က ထိန်းချုပ်ထားတာ ဖြစ်ပါတယ်။

အဲဒီ ကျွန်းတွေဟာ အရေး ပါတဲ့ ပင်လယ်ကူး သင်္ဘော လမ်းကြောင်းတွေ နဲ့ နီးစပ် နေတာ အပြင်၊ ကျွန်းစုတွေ အနားက ပင်လယ်ပြင်မှာ ပင်လယ်ထွက် သယံဇာတတွေ သာ မကဘဲ ရေနံနဲ့ သဘာဝ ဓာတ်ငွေ့ တွေလည်း ရှိနေ နိုင်တယ်လို့ ခန့်မှန်း နေကြပါတယ်။

လွန်ခဲ့တဲ့ ၇၅ နှစ်၊ ၁၉၃၇ ခုနှစ်က တရုတ်ရဲ့ မြို့တော်ဟောင်း နန်ကျင်းမှာ ဂျပန် တပ်ဖွဲ့တွေက တရုတ်ပြည်သူ ထောင်ပေါင်းများစွာကို သတ်ဖြတ်ခဲ့တဲ့ နှစ်ပတ် လည်နေ့မှာ တရုတ်တို့က အခုလို လေယာဉ် ဖြတ်ပျံခဲ့တာ ဖြစ်နေပါတယ်။

အဲဒါကြောင့် အခုလို တရုတ်ဘက်က ဂျပန်ရဲ့ လေပိုင်နက်ကို ကျူးကျော် ဝင်ရောက် ခဲ့တာဟာ တရုတ်ဘက်က ကျွန်းစုတွေ နဲ့ ပတ်သက်လို့ အငြင်းပွားမှုတွေကို အရှိန် မြှင့် ချင်တာလား၊ ဒါမှမဟုတ် ကမ္ဘာ မကျေ ဖြစ်နေတဲ့ သမိုင်းကြွေးကို အသိ ပေးချင်တဲ့ သဘောလား ဆိုတာတော့ မသဲကွဲဘူးလို့ တိုကျိုက ဘီဘီစီ သတင်းထောက် ရူးပတ် ဝင်းဖီးလ်ဒ် ဟေးစ်က သုံးသပ်ထားပါတယ်။

ကန်နိုင်ငံခြားရေးဝန်ကြီး အမည်စာရင်းမှ Susan Rice နှုတ်ထွက်

U.S. Ambassador to the U.N. Susan Rice

အမေရိကန်နိုင်ငံခြားရေးဝန်ကြီး ဟီလာရီကလင်တန်ရဲ့နေရာမှာ အစားထိုးရွေးချယ်မယ့် နိုင်ငံခြားရေးဝန်ကြီးလောင်းတွေရဲ့ အမည်စာရင်းထဲမှာ ထည့်သွင်းထားတာကို ပယ်ဖျက်ပေးဖို့အတွက် လက်ရှိကုလသမဂ္ဂဆိုင်ရာ အမေရိကန်သံအမတ်ကြီး တာဝန်ထမ်းဆောင်နေသူ ဆူဆန်ရိုက်စ်က သမ္မတ ဘားရပ်အိုဘားမားကို ပန်ကြားလိုက်ပါတယ်။ သူ့ရဲ့ နှုတ်ထွက်လွှာကို လက်ခံလိုက်ကြောင်း အမေရိကန်သမ္မတ ဘာရပ်အိုဘားမားက ကြာသပတေးနေ့မှာ ကြေညာချက်ထုတ်ပြန်ခဲ့ပါတယ်။မစ္စစ်ရိုက်စ်ဟာ လက်ရှိကုလသမဂ္ဂဆိုင်ရာ အမေရိကန်သံအမတ်ကြီး တာဝန်ကို ဆက်လက် ထမ်းဆောင်မှာဖြစ်တဲ့အပြင် အိုဘားမား အစိုးရအဖွဲ့ရဲ့ ကက်ဘိနက်ရဲ့ အရေးပါတဲ့ အဖွဲ့ဝင်အဖြစ်နဲ့  ဆက်ပြီးရှိနေမယ်လို့ သမ္မတကပြောပါတယ်။ လစ်ဗျားနိုင်ငံ ဘမ်ဂါဇီမြို့မှာ စက်တင်ဘာလ ၁၁ရက်နေ့မှာ အမေရိကန်တပ်ဖွဲ့ အတိုက်အခိုက်ခံခဲ့ရတာနဲ့ပတ်သက်ပြီး မစ္စစ်ရိုက်စ်ရဲ့ ပြောကြားချက်တွေအတွက် ဝေဖန်မှုတွေ မခံရခင်အချိန်အထိ သူဟာ အမေရိကန်နိုင်ငံခြားရေးဝန်ကြီးလောင်းစာရင်းထဲမှာ ထိပ်ဆုံးက ရှိနေသူပါ။ အဲ့ဒီ့ အတိုက်အခံခံရမှုမှာ လစ်ဗျားနိုင်ငံဆိုင်ရာ အမေရိကန်သံအမတ်ကြီး ခရစ်စတိုဖာ စတီဗင် အပါအဝင် သံတမန်လေးဦးသေဆုံးခဲ့ရပါတယ်။ ဒီတိုက်ခိုက်မှုမှာ အစ္စလာမ်ဘာသာဝင်တွေ မကျေနပ်ကြတဲ့ အမေရိကန်မှာထုတ်လုပ်တဲ့ ဗီဒီယိုခွေကို ဆန့်ကျင်ဆန္ဒပြမှုတွေကြောင့်လို့ မစ္စစ်ရိုက်စ်က ပြောကြားခဲ့တာမို့ အတိုက်အခံ ရီပတ်ပလင်ကမ်ပါတီဝင်တွေဟာ သူဟာ ထောက်လှမ်းရေးသတင်းအမှားထုတ်ပြန်တယ်လို့ စွတ်စွဲခဲ့ကြတာပါ။နောက်ပိုင်းမှာ ဒါဟာ အကြမ်းဖက်အဖွဲ့ရဲ့ လုပ်ဆောင်မှုလို့ အတည်ပြုခဲ့ပါတယ်။ သမ္မတအိုဘားမားကတော့ သူဟာ အဲ့ဒီ့အချိန်တုန်းက ရခဲ့တဲ့ သတင်းအချက်အလက်အပေါ်မှာ အခြေခံပြီးပြောကြားခဲ့တာဖြစ်တယ်လို့ ခုခံပြောဆိုခဲ့ပါတယ်။ မစ္စစ်ရိုက်စ် နှုတ်ထွက်ခဲ့တာမို့ အခုအခါမှာ နိုင်ငံခြားရေးဝန်ကြီးရာထူးအတွက် အထက်လွှတ်တော်အမတ်ဂျွန်ကယ်ရီက ပြိုင်ဖက်တွေထဲမှာ ထိပ်ဆုံးဖြစ်နေပါတယ်။

ဒီမိုကရေစီ ဖော်ဆောင်ရေး စစ်တပ်ဟန့်တား

မြန်မာစစ်တပ် စစ်ရေးလေ့ကျင့်နေစဉ်။ဒီမိုကရေစီရေး တိုးတက်လာဖို့အတွက် စစ်တပ်က အခုအချိန်အထိ အဟန့်အတား ဖြစ်နေစေတယ်လို့ The ASEAN Inter-Parliamentary Myanmar Caucus (AIPMC)  AIPMC မြန်မာ့အရေးဆောင်ရွက် တဲ့ အမတ်များအဖွဲ့က သတိပေးလိုက်ပါတယ်။ ဒီသီတင်းပတ်ထဲမှာ မြန်မာလွှတ်တော်အမတ်တွေ ပါဝင်တဲ့ ကိုယ်စားလှယ်အဖွဲ့ အတွေ့အကြုံဖလှယ်ရေးအစီအစဉ်နဲ့ အင်ဒိုနီးရှားနိုင်ငံကို သွားရောက်ခဲ့ချိန်မှာ AIPMC ဥက္ကဌ Eva Kusuma Sundari က မြန်မာစစ်တပ်ဟာ လွှတ်တော်ကို ဒီမိုကရေစီ နည်းမကျတဲ့ ပုံစံနဲ့ ထိန်းချုပ်ဖို့ ဆက်ပြီးကြိုးပမ်းနေသလို ဒီမိုကရေစီရေးဖြစ်ထွန်းမှုတွေ အတွက် အတားအဆီးတခုအဖြစ်နဲ့ ရှိနေတုန်းပဲလို့ သတိပေးလိုက်တာပါ။

အင်ဒိုနီးရှားနိုင်ငံက အပြောင်းအလဲ လုပ်ဆောင်ရာမှာ အောက်ခြေကနေ အထက် အဆင့်ဆင့်ပြောင်းလဲတဲ့ ပုံစံမျိုးဖြစ်ပြီး မြန်မာနိုင်ငံမှာတော့ အနည်းနဲ့အများ အထက်ကနေ အောက် အဆင့်ဆင့်ပြောင်းလဲဖို့ ကြိုးစားတဲ့ပုံစံဖြစ်နေတယ်လို့ ဆိုပါတယ်။

အင်ဒိုနီးရှားနိုင်ငံမှာ ပြုပြင်ပြောင်းလဲမှုတွေကို လူမှုအသိုင်းအဝိုင်းဖက်ကရော ၊ မီဒီယာကပါ ပြင်းပြင်းထန်ထန် ကြိုးစားခဲ့ပေမဲ့ မြန်မာနိုင်ငံမှာတော့ နှစ်ပေါင်းများစွာ လူထုရဲ့ လွတ်လပ်ခွင့်တွေကို စစ်တပ်က ဖိနှိပ်ချိုးနှိမ်ခဲ့တာမို့ သူတို့အတွက် ဒီမိုကရေစီလမ်းမှန်ကိုရောက်အောင် လုပ်ဆောင်ခြင်းဟာ စိန်ခေါ်မှုတရပ်လို့ ဖြစ်နေပါတယ်လို့လည်း ဝေဖန်လိုက်ပါတယ်။

ASEAN-အိန္ဒိယကားပြိုင်ပွဲ မန္တလေးမှာတထောက်နား

ASEAN INDIA CAR RALLY LOGO 

အရှေ့တောင်အာရှနိုင်ငံများအဖွဲ့ ASEAN နဲ့ India နိုင်ငံကြား ဆက်ဆံရေးခိုင်မာမှုကို ပြတဲ့အနေနဲ့ အာဆီယံနိုင်ငံတွေကို ဖြတ်ကျော် မောင်းလာကြတဲ့ ယာဉ်တန်းကြီးဟာ ဒီကနေ့ မန္တလေးမြို့ကို ရောက်ရှိလာခဲ့ပါတယ်။ အခုလို နိုင်ငံအမြောက်အများပါဝင်တဲ့ ယဉ်တန်းကြီးနဲ့ နိုင်ငံတခုကနေ တခု ဖြတ်ပြီးမောင်းရတဲ့ အတွေ့အကြုံဟာ ထူးခြားပြီး ဂုဏ်ယူစရာဖြစ်တဲ့ မြန်မာနိုင်ငံ ကိုယ်စားပြု ကားမောင်းသူတယောက်ဖြစ်တဲ့ ရုပ်ရှင်မင်းသမီး မေသဉ္ဇာဦးက VOA မြန်မာပိုင်း ကို ပြောပါတယ်။ မန္တလေးမြို့ခံတွေကလဲ ခုလို သူတို့မြို့မှာ ခရီးတထောက်နားကြတဲ့အတွက် ဝမ်းသာနေကြပါတယ်။ မြန်မာနိုင်ငံကနေ India နိုင်ငံကို ခရီးဆက်မဲ့ ASEAN India ကားမောင်း ပြိုင်ပွဲအကြောင်းကို စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပါမယ်။

November လ ၂၆ ရက်နေ့ကစလို့ Indonesia နိုင်ငံ Yogyakarta မြို့က စခဲ့တဲ့ အာဆီယံ ၁၀ နိုင်ငံနဲ့ India နိုင်ငံကိုယ်စားပြု မော်တော်ကားတန်းကြီးဟာ ထိုင်းနိုင်ငံကတဆင့် ဒီကနေ့မှာ မန္တလေးမြို့ကို ရောက်ရှိလာပါတယ်။ မော်တော်ကား ၃၁ စီးပါတဲ့ နိင်ငံကိုယ်စားပြု ယာဉ်တွေထဲမှာ မြန်မာနိုင်ငံက ယဉ်မောင်း ၈ ယောက်နဲ့ ကား ၂ စင်းလည်း ပါပါတယ်။ အာဆီယံအဖွဲ့ဝင်နိုင်ငံတွေထဲက မြန်မာနိုင်ငံကို နောက်ဆုံးဝင်တဲ့ ခရီးစဉ်အကြောင်း ယာဉ်မောင်းတယောက်ဖြစ်တဲ့ ရုပ်ရှင်မင်းသမီး မေသဉ္ဇာဦးက VOA မြန်မာပိုင်းကို ခုလိုပြောပြပါတယ်။

“ဇာကြီးရယ်၊ ဆုပန်ထွာရယ်၊ ကိုပေါက်ရယ်၊ ဝေဌုကျော်ရယ်၊ စကိုင်းနက် အဖွဲ့လေးယောက် ရယ်၊ မြန်မာပြည်က  ၈ယောက်ပါပါတယ်။ တစ်ယောက်တလှည့် ဝင်မောင်းတာပါ။ မြန်မာပြည်က နှစ်စီးမှာ လေးယောက်ရတော့ နှစ်စီးကို အလှည့်ကျ ဝင်မောင်းကြတာပါ။ပထမ အင်ဒိုနီးရှား၊ စင်ကာပူ၊ မလေး၊ အကုန်ဖြတ်မောင်းတယ်။ အင်ဒိုမှာ နည်းနည်းလေးမောင်းပြီးတော့ လေယာဉ်နဲ့ စင်ကာပူကို သွားပြီး စင်ကာပူက စမောင်းကြတာပါ။ အခုနောက်ဆုံးက မြန်မာပြည်က ဖြတ်ပြီး အိန္ဒိယကို ဝင်တော့မှာ။ မနက်ဖြန်မနက်အစောကြီး ကလေးကို သွားပြီး ကလေးမှာ ညအိပ်ပြီး နောက် ဟိုဖက် အိန္ဒိယကို ကူးမှာပါ။ ၂၂ရက်ပါ။ အသွားအပြန်တွေပါ တွက်မယ်ဆိုရင်တော့ တစ်လပြည့်ဖို့ တစ်ရက်ပဲ လိုပါတယ်။”

အာဆီယံ အသင်းကြီးနဲ့ India နိုင်ငံကြား ဆက်ဆံရေး အနှစ် ၂၀ ပြည့် အထိမ်းအမှတ်အဖြစ်နဲ့ ပူးပေါင်းစီစဉ်ကြတဲ့ ASEAN India နိုင်ငံဖြတ်ကျော် ခရီးရှည် Car ပြိုင်ပွဲဟာ Indonesia, Singapore, Malaysia, Thai, Cambodia, Vietnam, Laos နဲ့ မြန်မာနိုင်ငံအပါအဝင် အာဆီယံနိုင်ငံ စုစုပေါင်း ၈ နိုင်ငံကိုဖြတ်ကျော်ပြီး India နိင်ငံမှာ ခရီးစဉ်အဆုံးသတ်မှာဖြစ်ပါတယ်။

အခုလို ခရီးရှည် ကားမောင်းပြိုင်ကြရတဲ့ အတွေ့အကြုံကို  မင်းသမီးမေသဉ္ဇာဦးပြောပြတာက“တစ်ခါမှ အဲ့လို မမောင်းဘူးပေါ့နော်။ နောက်ပြီးတော့လည်း စီတန်းပြီးတော့ ကီလိုမီတာအများကြီး မောင်းကြတာ ကပ်ကပ်ကလေး၊ နီးနီးကလေးနဲ့  အမြန်မောင်းကြတော့ စိတ်လှုပ်ရှားကြတာပေါ့။ ကိုယ့်ကိုကိုယ် ရိုးရိုးတန်းတန်း ကိုယ်တစ်ယောက်တည်း မောင်းနေရင် မိုင်တွေအများကြီးမောင်းလို့ရတယ်လေ။ အခုလိုကျတော့ အတန်းလိုက်တွေ အများကြီး အများကြီးပဲ သူများ အဝေးပြေးမှာ မောင်းရတာ အတွေ့အကြုံကတော့ အများကြီးပါပဲ။ မတူဘူးပေါ့။”

နိုင်ငံပေါင်း ၁၁ နိုင်ငံ ကိုယ်စားပြုမောင်းကြတဲ့ ယာဉ်တန်းကြီးမှာ မြန်မာနိုင်ငံအတွက် ပါဝင်မောင်းရတဲ့အတွက်လဲ ဂုဏ်ယူစရာဖြစ်ပါတယ်လို့ သူက  ဆိုပါတယ်။

“မြန်မာနိုင်ငံကိုယ်စားပြုအနေနဲ့ဆိုတော့ ဂုဏ်ယူပါတယ်။ ကိုယ်တွေက မောင်းချင်တာ တခုပဲသိတာလေ။ နောက်တော့မှ ကိုယ့်နိုင်ငံအတွက် ဒ်ီလိုမျိ်ုးကြီးဖြစ်သွားတယ်ဆိုတော့ ပိုပြီးတော့ ဂုဏ်ယူပါတယ်။ ပျော်လည်း ပျော်ပါတယ်။”

ရုပ်ရှင်မင်းသမီး မေသဉ္ဇာဦးဖြစ်ပါတယ်။ ခရီးရှည် နိုင်ငံဖြတ်မောင်းလာကြတဲ့ ကားတွေဟာ India နိုင်ငံကို ခရီးမဆက်ခင် ဒီကနေ့ မန္တလေးမြို့မှာ ခရီးတထောက်နားကြတဲ့အတွက် မန္တလေးမြို့ခံတွေကလဲ ဝမ်းသာနေကြပါတယ်။

“ကျနော်တို့အနေနဲ့က မန္တလေးမြို့ကိုပေါ့နော်။ နိုင်ငံတကာကားတန်းကြီး အာဆီယံပေါ့နော် လာရောက်တဲ့အတွက် မန္တလေးမြို့သူမြို့သားတွေအနေနဲ့ ဂုဏ်လည်း ဂုဏ်ယူမိပါတယ်။ အရမ်းလည်းဝမ်းသာပါတယ်။ နောက် ကြိုဆိုရေးတွေလည်း လုပ်ထားတာတွေ့ရတော့ တစ်နိုင်ငံနဲ့တစ်နိုင်ငံ ချစ်ကြည်ရင်းနှီးရတဲ့အတွက် အင်မတန် ပျော်ပါတယ်ဗျာ။”

မစုမြတ်မွန်- ဒီလိုမျိုးကနေ မောင်လေးတို့အနေနဲ့ ဘယ်လိုအတွေ့အကြုံရ တယ်လို့ ပြောလို့ရလည်းရှင့်။

“ဒီလိုမျိုးတွေ့ရတော့ နိုင်ငံတကာရဲ့ ကားတွေပေါ့ သူတို့လိုပဲ ကိုယ့်နိုင်ငံအနေနဲ့ ထုတ်လုပ်နိုင်ရင် ပိုပျော်မှာပေါ့။ အားကျတာပေါ့၊ မောင်းလာတဲ့သူတွေကလည်း ကိုယ့်နိုင်ငံက နံမည်ကြီး ရုပ်ရှင်မင်းသား၊ မင်းသမီးတွေ ပါလာတဲ့အတွက် ပိုပြီးအားကျတာပေါ့။ သူတို့လိုပဲ ကိုယ်လည်း မောင်းချင်တာပေါ့။ ကျနော်တို့ မန္တလေးမြို့အနေနဲ့ ဒီလိုမျိုး ကားကြီးတွေ ဝင်လာတော့ ပျော်မိတာပေါ့၊ အားလည်း အားတက်တယ်။ ကိုယ့်နိုင်ငံကို လာတယ်။ ကိုယ့်မန္တလေးမြို့ကို လာတဲ့အတွက် အရမ်းလည်းပျော်မိပါတယ်။”

ဒီကနေ့ မနက် မန္တလေးမြို့ကိုဝင်လာတဲ့ ကားတန်းတွေကို မြို့သူမြို့သားတွေက အခမ်းအနားနဲ့ ကြိုဆိုခဲ့တာပါ၊။ အခုလိုနိင်ငံအစုံပါဝင်တဲ့ ပွဲမျိုးရဲ့ ထူးခြားချက်ကိုလဲ မြန်မာနိုင်ငံဆိုင်ရာ India သံအမတ်ကြီး V S Seshadri က ခုလို ပြောပါတယ်။

India ASEAN ကားပြိုင်ပွဲက သာမာန်ကားပြိုင်ပွဲတွေထက်ကို သာလွန်ပြီး၊ India နဲ့ အာဆီယံကြား ထိစပ်မှု၊ ရင်းနှီးမှုကို ဖော်ဆောင်တဲ့ သင်္ကေတ ဖြစ်ပါတယ်။ အခုကားပြိုင်ပွဲကို ကြည့်ခြင်းအားဖြင့် မြန်မာနိုင်ငံဟာ India နဲ့ အာဆီယံကြား နည်းလမ်းပေါင်းစုံနဲ့ ပေါင်းကူးပေးနေတာကို ပြသနေပါတယ်။ India နိုင်ငံကို မဝင်ခင် မြန်မာနိုင်ငံဟာ နောက်ဆုံးရပ်နားတဲ့ နိုင်ငံလဲ ဖြစ်တဲ့အတွက် ထူးခြားမှုတွေ အများကြီး ရှိပါတယ်လို့ မြန်မာနိုင်ငံဆိုင်ရာ India သံအမတ်ကြီးက ပြောသွားတာဖြစ်ပါတယ်။

ပြိုင်ပွဲစီစဉ်ကြသူတွေကလဲ နိုင်ငံပေါင်း ၉ နိုင်ငံကို ၂၆ ရက်အတွင်း ဖြတ်ကျော် မောင်းနှင်တဲ့ ခရီးရှည်ခရီး ကားမောင်းပြိုင်ပွဲကနေ India နဲ့ အာဆီယံ အဖွဲ့ဝင်နိုင်ငံတွေကြား ပြည်သူတွေ အချင်းချင်းရင်းနှီးချစ်ကြည်မှု ရရှိဖို့၊ ကုန်သွယ်မှု ရင်းနှီးမြှုပ်နှံမှုနဲ့ နိုင်ငံသားတွေ တဦးနဲ့ တဦးကြား ပိုမိုချိတ်ဆက်မှုတွေ ရရှိလာနိုင်လိမ့်မယ်လို့ မျှော်လင့်နေကြပါတယ်။