13.12.2012 နေ့ဖတ်ရန်သတင်းများ

by Myanmar Journal on Wednesday, December 12, 2012 at 6:49pm ·

အာကာသထဲ မြောက်ကိုးရီးယား ဒုံးပျံ အောင်မြင်စွာ လွှတ်တင်

အာကာသ အစီအစဉ်တွေ ဆက်လုပ်သွားမယ်လို့ မြောက်ကိုးရီးယားပြော

နိုင်ငံတကာရဲ့ ကန့်ကွက် သတိပေးမှု တွေ ရှိနေတဲ့ကြားက မြောက်ကိုရီးယား အစိုးရက ဂြိုဟ်တု တင်ဆောင် ထားတဲ့ ရော့ကက် ဒုံးပျံ တစ်စင်းကို ကမ္ဘာပတ် လမ်းကြောင်းထဲ အောင်အောင် မြင်မြင် စမ်းသပ် ပစ်လွှတ်နိုင်ခဲ့ တယ်လို့ ထုတ်ဖေါ် ကြေညာလိုက် ပါတယ်။

ပြည်ပ ကနေ ဘယ်လို တုံ့ပြန်မှု တွေပဲ လာလာ မြောက်ကိုရီးယား အနေနဲ့ သူတို့ရဲ့ အာကာသ အစီအစဉ် တွေကို ဆက်လက် လုပ်ဆောင် သွားမယ်လို့ မြောက်ကိုးရီးယား နိုင်ငံခြားရေး ဝန်ကြီး ဌာန ပြောခွင့်ရသူက ပြောပါတယ်။

မြောက်ကိုးရီးယားနိုင်ငံရဲ့ ဒီဒုံးပျံ လွှတ်တင်မှုဟာ နျူကလီးယား လက်နက် စမ်းသပ်ဖို့ တဘက်လှည့်နဲ့ လုပ်တာ ဆိုပြီး အမေရိကန်နဲ့ ဂျပန်နိုင်ငံတို့က ကန့်ကွက် ရှုတ်ချခဲ့ကြပါတယ်။

အခု ပစ်လွှတ်လိုက်တဲ့ Taepodong ၂၊ မြောက်ကိုးရီးယား အခေါ် ပက်တူဆန် ၂ ဒုံးပျံဟာ အကွာအဝေး ကီလိုမီတာ ငါးထောင်ကနေ တသောင်းငါးထောင် အထိ ဝေးဝေး သွားနိုင်ပါတယ်။

ဒီ Taepodong တာဝေးပစ် ဒုံးပျံကို ၂၀၀၆ခုနှစ်၊ ၂၀၀၉ခုနှစ်နဲ့ အခုနှစ် ဧပြီလတုန်းက အာကာသလွှတ် ဒုံးပျံအဖြစ် ၃ကြိမ်တိုင်တိုင် စမ်းသပ် ပစ်လွှတ်ခဲ့ဖူးပေမယ့် အောင်မြင်မှု မရခဲ့ပါဘူး။

အခုတခါမှာတော့ အောင်မြင်စွာ လွှတ်တင်လိုက်နိုင်ခဲ့တာပါ။

တကယ်လို့ ဒီစမ်းသပ် လွှတ်တင်မှု အောင်မြင်သွားမယ်၊ မျှော်မှန်းထားတဲ့ အမြင့်ဆုံး အကွာအဝေးကို ပစ်လွှတ်လိုက်နိုင်တော့မယ် ဆိုရင် တော့ နောက်ထပ် စွမ်းအင်တွေထပ်တိုး တည်ဆောက်လိုက်ရင် မြောက်ကိုးရီးယား နိုင်ငံအနေနဲ့ မစ်ဆိုင်းဒုံးတွေကို သြစတြေးလျ၊ အမေရိကန်နဲ့ တခြားနိုင်ငံတွေဆီ အရောက်ပစ်လွှတ်နိုင်စွမ်း ရှိလာတော့မှာပါ။

အခုအခါ ကုလသမဂ္ဂ လုံခြုံရေး ကောင်စီက ဒီကိစ္စကို ဘယ်လို တုံ့ပြန်ရမယ် ဆိုတာ စဉ်းစားဖို့ အစည်းအဝေး ခေါ်ယူဖို့ ရှိပါတယ်။

တရုတ်နိုင်ငံ ကတော့ ကုလသမဂ္ဂရဲ့ အရေးယူ ဆောင်ရွက်မှုဟာ သင့်တင့် မျှတမှု ရှိဖို့ လိုတယ်၊နောက်ထပ် တင်းမာမှုတွေ တိုးပွား မလာအောင် ရှောင်ရှား သင့်တယ်လို့ ပြောပါတယ်။

 အမေရိကန် က မြောက်ကိုရီးယား ကို ဒုံးပျံ ကိစ္စ သတိပေး

မြောက်ကိုရီးယား က ပစ်လွှတ် လိုက်တဲ့ ဒုံးပျံ

မြောက်ကိုရီးယား နိုင်ငံ က တာဝေးပစ် ဒုံးပျံ စမ်းသတ် ပစ်ခတ် မှု ကို အမေရိကန် ပြည်ထောင်စု က ရှုတ်ချ လိုက်ပြီးတော့ ဖြစ်လာမယ့်အကျိုးဆက်တွေ ကို မြောက်ကိုရီးယား တို့ တွေ့ရစေမယ် လို့ အမေရိကန် ဘက်က ပြောပါတယ်။

ကုလသမဂ္ဂ လုံခြုံရေး ကောင်စီ ကလည်း အခု ရော့ကက် ဒုံးပျံ စမ်းသတ်မှုကို သူတို့အနေနဲ့ လုံခြုံရေး ကောင်စီ ဆုံးဖြတ်ချက် ချပြီး တားမြစ်ထားပါလျှက် မြောက်ကိုရီးယား က သိသိသာသာ ကို ချိုးဖောက်တာ ပါလို့ အစောပိုင်း က ပြောခဲ့ပါတယ်။

အမေရိကန် က မြောက်ကိုရီးယား အနေနဲ့ ရန်စတဲ့ အပြုအမူကို လုပ်တာ လို့လည်းဆိုပါတယ်။

ဒီ လုပ်ရပ် ဟာ ဒေသတွင်းလုံခြုံရေး ကို ခြိမ်းခြောက်တာ လို့ လည်း သူတို့က မှတ်ယူပါတယ်။

မြောက်ကိုရီးယား တို့ဘက် ကတော့ သူတို့ရဲ့ ပထမဆုံးသော ဂြိုလ်တု ကို ကမ္ဘာပတ် လမ်းကြောင်း ထဲ ပို့ ဖို့ ဒုံးပျံ နဲ့ လွှတ်တင်တာ ဖြစ်ကြောင်း နဲ့ အခု ဂြိုလ်တု က ကမ္ဘာပတ်လမ်းကြောင်း ထဲမှာ ရှိနေပြီလို့ ရှင်း ထားပါတယ်။

သူတို့ ဂြိုလ်တု ကမ္ဘာပတ်လမ်းကြောင်းထဲကို ရောက်သွားတာ ကလည်း အမှန်ပါ၊ ဒါပေမယ့် သူတို့ ဒုံးပျံလုပ်နေတာဟာ တိုက်ချင်းပစ် မစ်ဇိုင်း ဒုံးကျည် လုပ်ဖို့ ကြံစည် နေတာလို့ အမေရိကန် နဲ့ နိုင်ငံတကာ အသိုင်းအဝိုင်း က ယုံကြည်နေတဲ့ အတွက် ကုလသမဂ္ဂ လုံခြုံရေး ကောင်စီ ဆုံးဖြတ်ချက် ချ ပြီး တော့ အခုလို စမ်းသတ်မှုတွေ မလုပ်ဖို့ တားဆီး ထားတာပါ။

မြောက်ကိုရီးယား ဟာ အခုလုပ်ရပ် ရဲ့နောက်ဆက်တွဲ တွေကို ကြုံရမယ် လို့ အမေရိကန်က သတိပေးနေ ပေမယ့် အမေရိကန် အနေနဲ့ ကလည်း လုံခြုံရေး ကောင်စီ က အရေးယူ မှု အနေအထား ကို သူတို့ ကြည့်ဦးမယ် လို့ ပြောပါတယ်။

နောက်ပြီးတော့ မြောက်ကိုရီးယားရဲ့ တဦးတည်းသော မဟာမိတ် ဖြစ်တဲ့ တရုတ် ကလည်း မြောက်ကိုရီးယား တို့ လုပ်ရပ် ကို စိတ်မကောင်း ဖြစ်ကြောင်း ပြောပေမယ့် မြောက်ကိုရီးယား ကို လက်တုန့်မပြန် ကြ ဖို့ နိုင်ငံတကာ အသိုင်းအဝိုင်းကို တိုက်တွန်းထားပါတယ်။

အနောက်နိုင်ငံတွေ က မြောက်ကိုရီးယားတို့ အနေနဲ့ သူတို့ ရဲ့ မစ်ဇိုင်း စီမံချက် လည်း အောင်မြင်သွားမယ်၊ နောက်ပြီးတော့ နျူကလီးယား လက်နက် စီမံချက်လည်း အောင်မြင်သွားပြီ ဆိုရင် အမေရိကတိုက် အနောက်ဖက်ကမ်း အထိ နျူကလီယား ထိပ်ဖူးတပ် မစ်ဇိုင်းတွေ ပစ်လို့ ရသွား မယ် လို့ မှန်းဆပြီး စိုးရိမ်ကြပါတယ်။

ဒါပေမယ့်လည်း မြောက်ကိုရီးယားတို့ စီမံချက် ၂ ခုလုံးက အခုအချိန်မှာတော့ အဲဒီလောက် အထိ တော့ ခရီးမပေါက်သေးဘူး လို့ လည်းသူတို့ သိထားပါတယ်။ 

ညွှန့်ပေါင်းအဖွဲ့ကို ဆီးရီးယား မိတ်ဆွေနိုင်ငံတွေ အသိအမှတ်ပြု

ပြင်သစ် နိုင်ငံခြားရေး ဝန်ကြီး Laurent Fabius

မော်ရိုကိုမှာ ကျင်းပနေတဲ့ နိုင်ငံပေါင်း တရာကျော် ပါဝင်တဲ့ အစည်းအဝေးက အတိုက်အခံ ဆီးရီးယား အမျိုးသား ညွှန့်ပေါင်း အဖွဲ့ဟာ လူထုကို ကိုယ်စားပြုတဲ့ တခုတည်းသော အဖွဲ့အစည်း အဖြစ် သဘောတူ အသိအမှတ် ပြုခဲ့ကြပါတယ်။

ဒီအသိအမှတ် ပြုချက်ဟာ လူမှု ကယ်ဆယ်ရေး အကူအညီတွေ ကျယ်ကျယ်ပြန့်ပြန့် ပေးဖို့နဲ့ သမ္မတ ဘတ်ရှား အယ်အာဆက်ကို ဖယ်ရှားဖို့ တပ်ဖွဲ့တွေကို စစ်အင်အား အကူအညီ ပေးရာမှာ လမ်းပွင့်သွား စေလိမ့်မယ်လို့ ပြင်သစ် နိုင်ငံခြားရေး ဝန်ကြီး Laurent Fabius က ပြောပါတယ်။

ဒါ့အပြင် အနောက် အုပ်စုနဲ့ အာရပ် နိုင်ငံတွေ အတူတကွ ပါဝင်တဲ့ ဆီးရီးယား မိတ်ဆွေ နိုင်ငံများ အစည်းအဝေးဟာ အထူးတလည် တိုးတက် အောင်မြင်မှု ရခဲ့တယ်လို့လည်း သူက ဆိုပါတယ်။

အစည်းအဝေးမှာ တချို့နိုင်ငံတွေကတော့ ဆန့်ကျင်တဲ့ အမြင်တွေ ထုတ်ဖော်ပြောကြားမှု ရှိခဲ့တယ်လို့ သတင်းရရှိပါတယ်။

ဆီးရီးယား အစိုးရကို သစ္စာခံတဲ့ တပ်ဖွဲ့တွေက အခု သီတင်းပတ် အတွင်းမှာ သူပုန်တွေကို ရုရှားထုတ် စကဒ် ဒုံးကျည်တွေနဲ့ ပစ်ခတ်ခဲ့တယ်လို့ အမေရိကန် အရာရှိ တယောက်က ပြောပါတယ်။

ဒမားစကပ်စ်မြို့ တဝိုက် ကနေ မြောက်ဖက်အရပ်မှာရှိတဲ့ သူပုန်တွေကို ပစ်မှတ်ထား ဒုံးကျည်တွေ ပစ်လွှတ်ခဲ့တာလို့ အဲဒီ အမည်မဖော်လိုတဲ့ အရာရှိက ဆိုပါတယ်။

သူတို့ရဲ့ စောင့်ကြည့် လေ့လာမှုတွေ ကလည်း ဒီ စကဒ် ဒုံးကျည် အသုံးပြုမှုတွေကို တွေ့တယ်လို့ နေတိုး တပ်ဖွဲ့က ပြောပါတယ်။

အမေရိကန် နိုင်ငံခြားရေး ဌာန ပြောခွင့်ရ အမျိုးသမီး ကတော့ စကဒ် ဒုံးကျည် ပစ်လွှတ် တိုက်ခိုက်မှုနဲ့ ပတ်သက်လို့ အတည်ပြု ထည့်သွင်း မပြောခဲ့ပေမယ့် လတ်တလော မီးလောင်ဗုံးတွေ အသုံးပြုမှုဟာ သမ္မတ အာဆက်ဒ် တပ်ဖွဲ့တွေ အနေနဲ့ လူအများအပြား သေစေတဲ့ လက်နက်တွေ ထုတ်သုံးနေတာကို ပြသနေတာဘဲလို့ ဆိုပါတယ်။

ဆီးရီးယား နိုင်ငံ အရှေ့ပိုင်း ဒဲရာဇိုမြို့မှာ အပြင်းအထန် တိုက်ပွဲ ဖြစ်ပွားမှုတွေကြောင့် ထောင်သောင်းချီတဲ့ လူတွေနဲ့ ဒဏ်ရာရသူ အများအပြား ပိတ်မိနေတယ်လို့ Medecins Sans Frontieres နယ်စည်းမခြား ဆရာဝန်များ အဖွဲ့က ပြောပါတယ်။

ဒဲရာဇို မြို့ဟာ နေ့စဉ် နီးပါး အမြောက်ဗုံးတွေ ကြဲချ ခံနေရတယ် ၊ ဒဏ်ရာရသူတွေကို ကယ်ထုတ်ဖို့ ကလည်း အလွန်တရာမှ ခက်ခဲလွန်းနေတယ်လို့ အဲဒီဒေသကို ရောက်ခဲ့တဲ့ နယ်စည်းမခြား ဆရာဝန်များ အဖွဲ့က ပြောပါတယ်။

အဲဒီမြို့မှာ ဆရာဝန် လေးယောက် ဆေးကုနေတဲ့ ယာယီ ရွက်ဖျင်တဲ့ ဆေးခန်းတခုသာ ရှိပြီး ဆေးပစ္စည်းတွေ ပြတ်တောက်နေတယ်လို့ ဆိုပါတယ်။

JICA အကူအညီနဲ့ မိုးဇလ စခန်း တည်ဆောက်မယ်

တိုင်ဝမ်က ရေဒါ စခန်း

ဂျပန် အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ JICA ရဲ့ အကူအညီနဲ့ မိုးလေ၀သခန့်မှန်းရေး ရေဒါစခန်း သုံးခုကို တည်ဆောက်သွားဖို့ အဆိုပြု ထားတယ်လို့ မြန်မာနိုင်ငံ မိုးလေ၀သနဲ့ ဇလဗေဒ ဌာန ပြောခွင့်ရသူ ဦးကျော်လွင်ဦးက ပြောပါတယ်။

ရေဒါ စခန်းတွေကို တည်ဆောက်ဖို့ အတွက် ဂျပန်အစိုးရနဲ့ နားလည်မှုစာချွန်လွှာကို ဇူလိုင်လက တည်းက လက်မှတ် ရေးထိုးထားခဲ့ပြီး တကယ်လို့ အဲဒီရေဒါစခန်းတွေ တည်ဆောက်ဖြစ်မယ် ဆိုရင် မုန်တိုင်းကြီး တွေကို မိုးလေ၀သ ခန့်မှန်းရာမှာပိုပြီး တိတိကျကျဆောင်ရွက်နိုင်လိမ့်မယ် လို့ ဦးကျော်လွင်ဦးက ရှင်းပြပါတယ်။

ကျောက်ဖြူ ၊ ရန်ကုန် ၊ မန္တလေး တို့မှာ တပ်ဆင်ပေးဖို့ အဆိုပြုထားတာ ဖြစ်တယ် နောက်ဆုံး ဆုံးဖြတ်ချက်ကိုတော့ မသိရသေးလို့ သူက ဆိုပါတယ်။

ဒါတွေကို တည်ဆောက်ဖြစ်မယ် ဆိုရင် ဘင်္ဂလား ပင်လယ်အော်ကို မုန်တိုင်းကြီးတွေ ကမ်းခြေကို မဝင်ရောက်မီ တရက်လောက် ကြိုခန့်မှန်းနိုင် လိမ့်မယ်လို့ သူက ပြောပါတယ်။

မုန်တိုင်း မဟုတ်ပေမယ့် မိုးရွာသွန်းနိုင်မယ့် ပမာဏနဲ့ ဆိုးရွားတဲ့ မိုးလေဝသ အခြေအနေကို ဖန်တီးနိုင်တဲ့ တိမ်တောင် တိမ်တိုက် ဖြစ်ထွန်းမှုတွေကိုလည်း တွက်ချက် ထုတ်ပြန် နိုင်လိမ့်မယ်လို့ သူက ဆိုပါတယ်။

ဒေသတွင်း မိုးလေ၀သ ခန့်မှန်းချက်တွေကို ကမ္ဘာ့မိုးလေဝသ အဖွဲ့ချုပ်တွေရှိရာ ဂျပန် ၊ တရုတ် ၊ အိန္ဒိယ နဲ့ ကိုရီးယား အစရှိတဲ့ ဒေသတွင်းက ဌာနကြီးတွေက ထုတ်ပြန်ချက် အပေါ် မြန်မာနိုင်ငံက မိုးလေဝသ ခန့်မှန်းရေးမှူးတွေက အချက်အလက်တွေ အသုံးပြုပြီး ခေတ်မှီစွာ လတ်တလော အသုံးပြု ထုတ်ပြန်နေတာ ဖြစ်တယ်လို့ JICA က ဦးကျော်လွင်ဦးက ရှင်းပြသွားခဲ့ပါတယ်။

မြန်မာနိုင်ငံက ဘိန်းထုတ်မှု အများဆုံး ဖြစ်နေဆဲ

မြန်မာ နိုင်ငံမှာ မနှစ်ကထက် ဘိန်းစိုက်ဧရိယာ ၁၇ ရာနှုန်း တိုးလာ

မြန်မာ နိုင်ငံဟာ အရှေ့တောင် အာရှမှာ မူးယစ် ဆေးဝါး ထုတ်လုပ်မှု အများဆုံး နိုင်ငံ ဖြစ်နေ တုန်းပဲလို့ UNODC ကုလသမဂ္ဂ မူးယစ် ဆေးဝါးနဲ့ ရာဇဝတ်မှု တိုက်ဖျက်ရေး အဖွဲ့က အစီရင်ခံစာ ထုတ်ပြန်ခဲ့ ပါတယ်။

မြန်မာ နိုင်ငံဟာ မက်တာအမ်ဖီ တမင်း လို့ခေါ်တဲ့ ရူးသွပ် ဆေးပြား အများဆုံး ထုတ်လုပ်တဲ့ နိုင်ငံဖြစ်တဲ့ အပြင် ဘိန်း စိုက်ပျိုးမှု ဟာလည်း လွန်ခဲ့ ခြောက်နှစ်က စပြီး ဆက်တိုက် ဆက်လက် မြင့်တက် နေတယ်လို့ UNODC ဒီဇင်ဘာလ ၁၂ ရက် နေ့စွဲနဲ့ အစီရင် ခံစာ ထုတ်ပြန်ပြီး ဘန်ကောက် နိုင်ငံခြား သတင်းထောက် ရုံးမှာ သတင်းစာ ရှင်းလင်းပွဲ ပြုလုပ်ခဲ့ ပါတယ်။

အာဆီယံ နိုင်ငံ အပါ အဝင် ဂျပန်၊ အိန္ဒိယ၊ တရုတ်၊ သြစတြေးလျနဲ့ နယူးဇီလန် စတဲ့ နိုင်ငံပေါင်း ၁၅ နိုင်ငံမှာ မက်တာအမ်ဖီ တမင်း သုံးစွဲမှုဟာ လွန်ခဲ့တဲ့ ငါး နှစ်ကထက် ငါး ဆ ပိုတိုး လာတယ်လို့ ကုလ သမဂ္ဂက ပြော ပါတယ်။

အရင်က တော့ မြန်မာ နိုင်ငံမှာ လက်နက်ကိုင် ပဋိ ပက္ခတွေကြောင့် မူးယစ်ဆေး ထုတ်လုပ်မှုတွေ တိုးခဲ့တာလို့ ကုလသမဂ္ဂက ပြောခဲ့ ပါတယ်။

ဒါပေမဲ့ အခု ချိန်မှာ လက်နက်ကိုင် အဖွဲ့ ၁၁ ဖွဲ့နဲ့ မြန်မာ အစိုးရကြား ငြိမ်းချမ်းရေး သဘော တူညီချက်တွေ ရထားခဲ့တဲ့ ကြားက မူးယစ် ဆေးဝါး ထုတ်လုပ်မှု များနေရ တာက အမ်ဖီ တမင်း ဆေးပြားတွေ ထုတ်လုပ် ဖို့ရာ စက်ရုံတွေ ရှိဖို့ မလိုသလို ဘာမှ စိုက်ပျိုး စရာလည်း မလို ဘူးလို့ ကုလသမဂ္ဂ မူးယစ်ဆေးဝါးနဲ့ ရာဇဝတ်မှု တိုက်ဖျက်ရေး အဖွဲ့ အာရှ ပစိဖိတ် ဒေသဆိုင်ရာ အကြီးအကဲ ဂယ်ရီ လူးဝစ် Gary Lewis က ပြောပါတယ်။

ဒါ့အပြင် အခြေ အနေတွေက မသေချာ မရေရာ သေးဘဲ အစိုးရနဲ့ လက်နက်ကိုင် အဖွဲ့တွေ ကြားမှာ အချင်းချင်း ယုံကြည်မှု မရှိတာ တွေကြောင့်လည်း မူးယစ်ဆေး ထုတ်လုပ်မှုတွေ တိုးခဲ့တာလို့ သူက ပြောပါတယ်။

ဘိန်းစိုက်ပျိုးမှု ဧရိယာ ဟာ မနှစ်ကထက် ၁၇ ရာခိုင်နှုန်း ပိုများလာပြီး ဘိန်းခင်း ဧကပေါင်း ငါးသောင်း တစ်ထောင် ဟက်တာ ရှိနေရတဲ့ အကြောင်းက ဘိန်းတောင်သူတွေ အတွက် တခြား ၀င်ငွေ ရလမ်း မရှိလို့ ဖြစ်ရတာလို့ ဂယ်ရီ လူးဝစ်က ထောက်ပြ ပါတယ်။

အဓိက အားဖြင့် မူးယစ် ဆေးဝါး ထုတ်လုပ်မှု တိုက်ဖျက် နိုင်ရေးမှာ ရန်ပုံငွေ နည်းပါးလွန်း နေတယ်၊ လေးနှစ်စာ စီမံကိန်း အသေးစား လေးတွေ အတွက် ဒေါ်လာ ၇ သန်း သာ ရှိတာ ဟာလည်း မလုံလောက်ဘူးလို့ သူက ဆို ပါတယ်။ နိုင်ငံ တကာက ပုဂ္ဂိုလ် တွေနဲ့ တွေ့တဲ့ အခါ မြန်မာ နိုင်ငံကို ကူညီနိုင်မယ့် နည်းလမ်းတွေကို စဉ်းစားဖို့ တိုက်တွန်း ခဲ့တယ်လို့ လည်း ပြောပါတယ်။

မြန်မာ အစိုးရ အနေနဲ့တော့ ဘိန်းစိုက်ခင်း လေးပုံ တစ်ပုံကို လျှော့ချ နိုင်ခဲ့တယ်လို့ ဂယ်ရီ လူးဝစ်က ပြောပါတယ်။

လက်ပံတောင်းကိစ္စ သံဃာတော်တွေ ဆန္ဒဖော်ထုတ်ကြ

ရန်ကုန်မြို့က သံဃာတော်တွေရဲ့ ဆန္ဒဖော်ထုတ်ပွဲ

လက်ပံတောင်း တောင်က သပိတ်စခန်း တွေကို အကြမ်းဖက် ဖြိုခွဲခဲ့ တာကို နိုင်ငံတော် အဆင့် ကနေ မတောင်းပန် သေးလို့ ကန့်ကွက်တဲ့ အနေနဲ့ ရန်ကုန်၊ မန္တလေး မြို့ကြီးတွေ အပါ အဝင် ပခုက္ကူ၊ မုံရွာ၊ ချောက်နဲ့ ပြည်မြို့ တွေမှာ သံဃာတော်တွေ မေတ္တာပို့ ကြွချီ ခဲ့ကြပါတယ်။

လက်ပံတောင်းတောင်နဲ့ မျက်နှာချင်းဆိုင် ချင်းတွင်းမြစ် တဖက်ကမ်းမှာ ရှိတဲ့ မုံရွာ မြို့မှာ သံဃာတော် ၅၀၀ ကျော် စီတန်းပြီး မေတ္တာပို့ ကြွချီ ခဲ့ကြပါတယ်။

သံဃာတော် တွေဟာ မွန်းတည့် ၁၂ နာရီ ထိုးပြီးတာနဲ့ ရွှေစည်းခုံ ဘုရား ကနေစပြီး တောင်းဆိုချက် တွေကိုကိုင်ဆောင်ပြီး မုံရွာ မြို့တွင်းကို စီတန်း လှည့်လည် မေတ္တာပို့ ခဲ့ကြတာ ဖြစ်ပါတယ်။

၂၀၀၇ ခုနှစ် ရွှေဝါရောင် သံဃာ့ လှုပ်ရှားမှုကြီး မြစ်ဖျားခံ ခဲ့တဲ့ မြို့ဖြစ်တဲ့ ပခုက္ကူ မြို့မှာလည်း သံဃာတော် ၁၀၀၀ ကျော်ဟာ မြို့လယ် အတိုင်း စီတန်း ကြွချီပြီး မေတ္တာပို့ ခဲ့ကြပါတယ်။ သီဟိုဠ်ရှင် ဘုရားကြီးမှာ ဝတ်ပြု ဆုတောင်းပြီး တောင်းဆိုချက် ၆ ချက်ကို ထုတ်ပြန် ခဲ့ကြပါတယ်။

၁၂ရက် ၁၂လ ကျရောက်တဲ့ နေ့မှာ နိုင်ငံတဝန်း ဆန္ဒထုတ်ဖော် ကြဖို့ လှုံ့ဆော် ခဲ့တဲ့ မန္တလေး မြို့မှာလည်း ထောင်ချီတဲ့ သံဃာတော် တွေနဲ့ ဗကသ ကျောင်းသားတွေဟာ မြို့တွင်းကို လှည့်လည် ဆန္ဒဖော်ထုတ် ခဲ့ကြပါတယ်။

အလားတူ ကန့်ကွက် ရှုံ့ချ ပွဲတွေကို ပဲခူးတိုင်း ပြည်မြို့မှာလည်း သံဃာတော် ၃၀၀ ဝန်းကျင်က ဆန္ဒဖော်ထုတ် ကန့်ကွက် ကြသလို ဧရာဝတီတိုင်း ပုသိမ်မြို့မှာလည်း ဆန္ဒဖော်ထုတ် ခဲ့ကြပါတယ်။

တခါ ရခိုင်ပြည်နယ် စစ်တွေ မြို့မှာလည်း လက်ပံတောင်း တောင်မှာ အကြမ်းဖက် ဖြိုခွင်း ခံခဲ့ရတဲ့ သံဃာတော်တွေ၊ ပြည်သူတွေနဲ့ ရခိုင်ပြည်နယ် အတွင်းက ရဟန်းတော်တွေ ထပ်တူ ရှိနေတယ် ဆိုတာ ဖော်ပြလိုတဲ့ သံဃာတော် ၆၀ ဟာ စစ်တွေ ဘုရားကြီးမှာ ထိုင်သပိတ် လုပ်ပြီး တောင်းဆိုချက်တွေကို တောင်းဆို ခဲ့ကြပါတယ်။

စစ်ကိုင်းတိုင်း ကလေးမြို့မှာတော့ သံဃာတော် ၁၀၀ လောက်က ရွှေဘုံသာ စေတီ ရင်ပြင်တော်မှာ ထိုင်သပိတ် လုပ်ခဲ့သလို၊ မကွေးတိုင်းက ချောက်မြို့မှာတော့ သံဃာတော် ၃၀ ကျော်ဟာလည်း ဘိုးဘွား ရိပ်သာ နားက နှစ်ကျိတ် ရှစ်ဆူ စေတီမှာ ထိုင်သပိတ်တွေ လုပ်ရင်း မေတ္တာပို့ခဲ့ ကြပါတယ်။

အိန္ဒိယ ဂီတ ပညာရှင် ရာဗီ ရှန်ကာ ကွယ်လွန်

ထင်ရှားတဲ့ အိန္ဒိယ ဂီတ ပညာရှင်ကြီး ရာဗီ ရှန်ကာ နဲ့ the Beatles အဖွဲ့ဝင် ဂျော့ ဟယ်ရစ်ဆန်

ထင်ရှား ကျော်ကြားတဲ့အိန္ဒိယ ဂီတ ပညာရှင်ကြီး ရာဗီ ရှန်ကာ Ravi Shankar ဟာ ကာလီ ဖိုးနီးယား က သူ့နေအိမ်မှာ ကွယ်လွန် သွားခဲ့ ပါတယ်။

ကွယ်လွန်ချိန်မှာ သူဟာ အသက် ၉၂ နှစ် ရှိပြီ ဖြစ်ပါတယ်။

ပြီးခဲ့တဲ့ သီတင်းပါတ်က ဆန်ဒီ ယေးဂိုး San Diego မြို့က ဆေးရုံမှာ နှလုံး ရောဂါ အတွက် သူ ခွဲစိတ် ကုသမှု ခံယူ ခဲ့ရ ပါတယ်။

အိန္ဒိယ နိုင်ငံ ၀န်ကြီးချုပ် မန်မိုဟန် ဆင်းက ရာဗီ ရှန်ကာ ဟာ တိုင်းပြည် အတွက် အဖိုး မဖြတ်နိုင်တဲ့ သူ ဖြစ်ပြီး အိန္ဒိယ နိုင်ငံရဲ့ ယဉ်ကျေးမှု အမွေ အနှစ်တွေ နဲ့ ပတ်သက်တဲ့ ကမ္ဘာလုံး ဆိုင်ရာ သံတမန် တစ်ယောက် ဖြစ်တယ်လို့ ဖော်ညွှန်း ပြောဆို ပါတယ်။

ရာဗီ ရှန်ကာဟာ Sitar လို့ ခေါ်တဲ့ ဗျပ်စောင်းလို အိန္ဒိယ ကြိုးတပ် တူရိယာကို ကမ္ဘာကျော် The Beatles အဖွဲ့နဲ့ အတူ တီးခတ် ဖြော်ဖြေ ခဲ့တဲ့ အတွက် နာမည် ကျော်ကြား ခဲ့ပါတယ်။

သူ့ရဲ့ နှစ်ပေါင်း ၇၀ ကျော် ဂီတ ခရီးလမ်းမှာ ဂရမ်မီ ဂီတ ထူးချွန်ဆု ၃ ဆု၊ အိန္ဒိယ နိုင်ငံက အရပ်သားတွေကို ချီးမြှင့်တဲ့ ဆုတွေ ထဲမှာ အမြင့်ဆုံး ဂုဏ်ပြုဆု ဖြစ်တဲ့ Bharat Ratna ဆုတို့ကို Ravi Shankar ရရှိခဲ့ပါတယ်။

ဂန္ဒီ ရုပ်ရှင်ကား အပါအဝင် ရုပ်ရှင် ကားပေါင်း မြောက်မြားစွာအတွက် တေးသီချင်းတွေ ကိုလည်း သူရေးစပ် သီကုံးခဲ့ ပါတယ်။

ထိုင်းအလုပ်သမားမူဝါဒသစ် ရွှေ့ပြောင်းလုပ်သားတွေပေါ် ထိခိုက်နိုင်

ထိုင်းနိုင်ငံဘက်သို့ တရားမဝင် ဝင်ရောက်နေကြသော မြန်မာ ရွှေ့ပြောင်းအလုပ်သမားများ။

ဒီဇင်ဘာလ ၁၄ ရက်နောက်ပိုင်းကစလို့ ထိုင်းနိုင်ငံမှာ တရားဝင်နေထိုင်ခွင့် အလုပ်လုပ်ခွင့် လက်မှတ် ရှိမှသာ ရွှေ့ပြောင်းအလုပ်သမားတွေ လာအလုပ်လုပ်နိုင်မဲ့ မူဝါဒသစ်ဟာ လူမှောင်ခိုကူးမှု၊ အလုပ်ရှင်တွေ အပေါ် အလုပ်သမားတွေ အကြွေးတင်မှု ပိုပြီး များစေလိမ့်မယ်လို့ ရွှေ့ပြောင်းနေထိုင်မှု ဆိုင်ရာ ကျွမ်းကျင်သူက သုံးသပ်လိုက်ပါတယ်။ မြန်မာနိုင်ငံက အပါအဝင် ထိုင်းနိုင်ငံမှာ ရှိနေကြတဲ့ တရားမဝင် ရွှေ့ပြောင်း အလုပ်သမားတွေကို နေရပ်ရင်းပြန်ပို့ဖို့ ထိုင်းအစိုးရ သတ်မှတ်ထား တဲ့ နောက်ဆုံးရက် နီးလာချိန်မှာ စာရွက်စာတမ်းအတု ပြဿနာတွေ ပေါ်ပေါက်နေတယ်လို့ မြန်မာ အလုပ်သမားအရေး ဆောင်ရွက်နေသူတွေက ပြောပါတယ်။ ထိုင်းအစိုးရရဲ့ မူဝါဒသစ်ကြောင့် သန်းချီ ရှိနေတဲ့ မြန်မာနိုင်ငံက တရားမဝင်ရွှေ့ပြောင်းလုပ်သားတွေအပေါ် ဖြစ်လာနိုင်တဲ့ အကျိုးဆက်တွေကို ဘန်ကောက်ရုံးက မစုမြတ်မွန်က တင်ပြပါမယ်။

ထိုင်းနိုင်ငံမှာ ဒီဇင်ဘာလ ၁၄ ရက်နောက်ပိုင်း တရားဝင် နေထိုင်ခွင့် အလုပ်လုပ်ခွင့် စာရွက်စာတမ်း မရှိတဲ့၊ သက်တမ်းကုန်နေတဲ့ ရွှေ့ပြောင်း အလုပ်သမားတွေကို နေရပ်ရင်းပြန်ပို့မယ်လို့ ထိုင်းအစိုးရ က ကြေညာထားတဲ့အတိုင်း နောက်ဆုံး သတ်မှတ်ရက်ရောက်ဖို့ ရက်ပိုင်းပဲ လိုတော့ချိန်မှာ မြန် မာနိုင်ငံက တရားမဝင်အလုပ်လာလုပ်နေကြသူတွေ စိုးရိမ်နေကြတယ်ပါတယ်။ တရားဝင် အထောက် အထား မရှိကြသူတွေ အဖမ်းခံရမဲ့အရေး စိတ်ပူနေကြတာကို မြန်မာနိုင်ငံက ရွှေ့ပြောင်း အလုပ်သမားတွေ အရေးဆောင်ရွက်ပေးနေတဲ့ မဲဆောက်မြို့က ကိုမိုးကြိုးက ခုလိုပြောပြပါတယ်။

“ထိုင်း-မြန်မာနယ်စပ်အပါအဝင် ပတ်ဝန်းကျင်မြို့ရွာတွေမှာတော့ ဒီကိစ္စက ခြိမ်းခြောက်မှုတခုပဲ။ အားလုံးလည်း ထိတ်လန့်တကြား ဖြစ်နေကြတယ်ပေါ့။ ပြောမယ်ဆိုရင် သူတို့တွေ အဖမ်းအဆီး ကို တော်တော်လေးကို ကြောက်လန့်နေကြတယ်။”

အဖမ်းခံရလို့ နေရပ်နိုင်ငံဘက်ကို ပြန်ပို့ခံရသူတွေအနေနဲ့ ထိုင်းနိုင်ငံမှာ ပြန်လာအလုပ်လုပ်ချင်တယ် ဆိုရင် အလုပ်ခန့်စာနဲ့ လျှောက်ရတဲ့  မြန်မာအစိုးရဆီက ယာယီနိုင်ငံကူးလက်မှတ်နဲ့မှ ထိုင်းနိုင်ငံထဲ ကို ပြန်ဝင်နိုင်တော့မှာဖြစ်ပါတယ်။ ထိုင်းနိုင်ငံထဲရောက်ရင်လည်း အလုပ်လုပ်ခွင့် လက်မှတ်ကို ထပ်ပြီး လျှောက်ရမှာဖြစ်ပါတယ်။ အဲဒီလို ထိုင်းနိုင်ငံမှာ တရားဝင်အလုပ်လုပ်နိုင်ဖို့ ကုန်ကျစရိတ် များတာကြောင့် လုပ်အားခ နည်းနည်းပဲရတဲ့ ရွှေ့ပြောင်းအလုပ်သမား အတော်များများက တရားဝင် အလုပ်လုပ်ဖို့ မတတ်နိုင်ကြတာဖြစ်ပါတယ်။

“ကြီးကြီးမားမား အကျပ်အတည်း အခက်အခဲ ရှိပါတယ်။ ဘာကြောင့်လဲဆိုတော့ လိုအပ်တဲ့ ကုန်ကျစရိတ် မတတ်နိုင်ကြတာပါပဲ၊ အရင် တုန်းကဆိုရင် အလုပ်သမား လက်မှတ် တမျိုးတည်းတောင်မှပဲ ဘတ် လေးထောင်ကျော် ကုန်တယ်ဗျာ။ အခု ယာယီပတ်စ်ပို့ဆိုတဲ့ ထိုင်းနဲ့ မြန်မာ နှစ်နိုင်ငံ အစိုးရရဲ့ အစီအစဉ်နဲ့လုပ်ရတာ မဲဆောက်နဲ့ မြဝတီမှာဆိုရင် ဘတ် ၅,၅၀၀ ကုန်တယ်။ ထိုင်းနိုင်ငံမှာ အလုပ်သမား တယောက်က နေထိုင် အလုပ်လုပ်ဖို့အတွက် အားလုံးပေါင်း ဘတ်တသောင်း ဝန်းကျင်လောက် ကုန်တယ်ဗျ။ ဒီကိစ္စကို ဘယ်သူမှ မတတ်နိုင်ကြဘူး။ ထိုင်း-မြန်မာ နယ်စပ်က ပိုတောင် မတတ်နိုင်သေးတယ်။ လုပ်အားခ အနည်းဆုံးဒေသဖြစ်နေလို့။”

လောလောဆယ် ထိုင်းနိင်ငံမှာ မြန်မာအလုပ်သမား ၄ သန်းထက်မနည်းရှိနေပြီး တဝက်လောက်က တရားဝင်နေထိုင် အလုပ်လုပ်ခွင့် မရှိကြဘူးလို့  ဘန်ကောက်မြို့ဝန်းကျင်က မြန်မာအလုပ်သမားတွေ အရေးကို ဆောင်ရွက်နေသူ ဦးကျော်သန်းကဆိုပါတယ်။

ထိုင်းအစိုးရရဲ့ ဒီဇင်ဘာ ၁၄ ရက် နောက်ဆုံးသတ်မှတ်ရက်ကြောင့် မြန်မာရွှေ့ပြောင်းအလုပ်သမား အမြောက်အမြားရှိတဲ့ စမွတ်စခွန် မဟာချိုင်ဘက်မှာ ယာယီနိုင်ငံကူးလက်မှတ်အတု လုပ်တဲ့ ပြဿနာတွေလည်း ပေါ်ပေါက်နေပါတယ်။

“မဟာချိုင်အပါအဝင် ဘန်ကောက်ပေါ့။ ဘန်ကောက်မှာလည်း အဲဒါမျိုးတွေ အနည်းအကျဉ်း အတုတွေ လုပ်ကြတယ်။ ဆိုလိုတာက အဲဒီ စာရွက်စာတမ်းမရှိဘဲနဲ့ ပွဲစားတွေနဲ့ ထိုင်း-မြန်မာ တာဝန်ရှိတဲ့အမှုထမ်းတွေက အခု တရားမဝင်တဲ့ပုံစံမျိုးနဲ့ ပတ်စ်ပို့တွေ လုပ်ပေးနေတယ်။ ယာယီ ပတ်စ်ပို့တော့ ဖြစ်သွားတယ်။ ဒါပေမဲ့ အဲဒီအလုပ်သမားတွေက ထိုင်း ဥပဒေကြောင်းအရဆိုရင် Work Permit လျှောက်တာမျိုးတို့၊ နေထိုင်ခွင့်တို့က မရှိဘူး။ စာအုပ်တော့ စာအုပ်ပါပဲ၊ အဲဒါတွေ ကျနော်တို့လက်ထဲမှာ သေသေချာချာ အထောက်အထား ရှိထားတာတွေက ရှိတယ်။ အဲဒါကို မြန်မာ သံရုံးကိုလည်း ကျနော်တို့က တင်ပြ တောင်းဆိုထားတာရှိတယ်။ အလုပ်သမားတွေကတော့ ဘတ် သောင်း၊ ခြောက်ထောင့်ငါးရာကနေ သောင်းရှစ်ထောင်အထိ အကုန်အကျ ခံပြီးတော့မှ ဒီလို ဒီလို စာအုပ်တွေ လုပ်ထားတယ်၊ မိတ္တူတွေလည်း ရထားပြီးပြီ ဖြစ်တယ်-ဆိုပြီးတော့ လွန်ခဲ့တဲ့ တပတ်လောက်ကတည်းက ကျနော်တို့ သတင်းပေးပို့ထားတယ်။”

ထိုင်းတာဝန်ရှိသူတွေနဲ့ ပွဲစားတွေပေါင်းပြီးတော့ ခုလိုလုပ်နေကြတာလို့ ဆိုပါတယ်။အလုပ်သမား အင်အား အမြောက်အမြားလိုအပ်တဲ့ ထိုင်းနိုင်ငံရဲ့ ကုန်ထုတ်လုပ်မှု လုပ်ငန်းရှင်တွေဟာ အလုပ်အားခ အင်မတန် သက်သက် သာသာနဲ့ ခိုင်းနိုင်တဲ့ ရွှေ့ပြောင်းအလုပ်သမားတွေကို လိုလားပါတယ်။ အလုပ်အကိုင်ရှားပါးတဲ့ မြန်မာနိုင်ငံက အလုပ်လုပ်ချင်တဲ့သူတွေ ကလည်း အမြောက်အများရှိတာမို့ ထိုင်းအစိုးရရဲ့ ရွှေ့ပြောင်းအလုပ်သမားတွေ တရားဝင်နေထိုင်ခွင့် အလုပ် လုပ်ခွင့်ရှိမှ အလုပ်လုပ်နိုင် တော့မယ်ဆိုတဲ့ မူဝါဒအသစ်ကြောင့် ဆိုးကျိုးတွေ ရှိလာနိုင်တယ်လို့ မဟိဒေါတက္ကသိုလ် လူဦးရေနဲ့ လူမှုရေးဆိုင်ရာလေ့လာရေးဌာနက ရွှေ့ပြောင်းသူများအရေး ကျွမ်းကျင်သူပညာရှင် Andy Hall ကသုံးသပ်ပါတယ်။

ထိုင်းအစိုးရရဲ့ မူဝါဒသစ်ကြောင့် စနစ်တကျ အာဏာအလွဲသုံးစားလုပ်မှုတွေ၊ လာဘ်ပေး လာဘ်ယူ မှုတွေ ပိုများလာနိုင်တယ်။ လူကုန် ကူးမှုတွေ ပိုများလာနိုင်တယ်။ အလုပ်ရှင်တွေဆီမှာ အကြွေးနဲ့ ချီတုပ် ခိုင်းခံရမှုတွေ ပိုများလာနိုင်တယ်။ ရွှေ့ပြောင်း အလုပ်သမားတွေ အတွက် အင်မတန် အနုတ်လက္ခဏာ ဆောင်တဲ့ သက်ရောက်မှုတွေရှိလာနိုင်ပါတယ်။ တရားမဝင် အလုပ်သမားတွေကို အလုပ်ပေးထားတဲ့ အလုပ်ရှင်တွေ အပေါ်မှာလည်း အလားတူ သက်ရောက်မှုတွေ ရှိနိုင်တယ်လို့  မဟီဒေါတက္ကသိုလ် လူဦးရေနဲ့ လူမှုရေးဆိုင်ရာလေ့လာရေးဌာနက ရွှေ့ပြောင်းသူများအရေး ကျွမ်းကျင်သူ Andy Hall က ပြောသွားတာ ဖြစ်ပါတယ်။

ပြီးခဲ့တဲ့လက ထိုင်းနိုင်ငံကိုလာသွားတဲ့  မြန်မာအလုပ်သမား ဒုတိယ ဝန်ကြီး ဦးမြင့်သိန်းနဲ့ ထိုင်းနိုင်ငံ တာဝန်ရှိသူတွေကြား ညှိနှိုင်းမှုကြောင့် ယာယီနိုင်ငံကူးလက်မှတ်နဲ့ အလုပ်သမားလက်မှတ် ရှိထားကြတဲ့ မြန်မာရွှေ့ပြောင်းအလုပ်သမားတွေအနေနဲ့ သက်တမ်းတိုးချိန် နောက်ဆုံးရက်ကို ဒီဇင်ဘာ ၁၄ ရက်အစား ဒီဇင်ဘာလ ၃၁ ရက်နေ့အထိ ပြောင်းရွှေ့အချိန်ပေးထားပါတယ်ရှင်။