04.12.2012 နေ့ဖတ်ရန်သတင်းများ

by Myanmar Journal on Monday, December 3, 2012 at 6:23pm ·

လက်ပံတောင်း စုံစမ်းရေးကော်မရှင် ပြန်ဖွဲ့

လက်ပံတောင်းတောင် ကြေးနီ စီမံကိန်း စုံစမ်း စစ်ဆေးရေး ကော်မရှင် အသစ်ကို တနင်္လာ နေ့ နေ့စွဲနဲ့ အသစ် ပြန်ဖွဲ့ လိုက်ပါတယ်။ စနေနေ့ တုန်းက အဖွဲ့ဝင် ၃ဝ နဲ့ ဖွဲ့စည်းခဲ့တဲ့ ကော်မရှင် ကို ဖျက်သိမ်း လိုက်ပြီး အသစ် မှာတော့ ၁၆ ဦးသာ ပါဝင်ပါတယ်။ ကော်မရှင် ဥက္ကဋ္ဌက ဒေါ် အောင်ဆန်းစုကြည်ပဲ ဖြစ်ပါတယ်။

ဒီကြေးနီ စီမံကိန်းဟာ နိုင်ငံတကာ စံချိန်စံညွှန်းနဲ့ ကိုက်ညီသလား၊ ဒီစီမံကိန်းကြောင့် အစိုးရ၊ လူထုနဲ့ အနာဂတ် မျိုးဆက်တွေ အတွက် အကျိုးရှိ မရှိ ကော်မရှင်က စုံစမ်း ရမှာ ဖြစ်ပါတယ်။

ကော်မရှင်ရဲ့ လုပ်ပိုင်ခွင့်တွေ ပိုပေးထားပြီး ကြားဖြတ်အစီရင်ခံစာ ထုတ်ဖို့ နောက်လကုန်ထိ အချိန်ပေး ပါတယ်။

ကော်မရှင်သစ် အတွင်းရေးမှူးက အမျိုးသား လူ့အခွင့်အရေး ကော်မရှင်က သံအမတ်ဟောင်း ဦးကျော်တင့်ဆွေ ဖြစ်ပါတယ်။

ပုလဲ မြို့နယ် NLD လွှတ်တော် အမတ် ဒေါ်ခင်စန်းလှိုင်နဲ့ လွှတ်တော် ကိုယ်စားလှယ်တွေ၊ ပတ်ဝန်းကျင် ထိန်းသိမ်းရေး သမားတွေ၊ အစိုးရ တာဝန်ရှိသူ တွေနဲ့ ဒေသတွင်းက ရွာသား ၃ ဦး ပါဝင်တာ တွေ့ရပါတယ်။

လိုအပ်လာရင် ကြေညာချက်ထဲမှာ မပါတဲ့ ခေါင်းစဉ်တွေနဲ့လည်း ကော်မရှင်က စုံစမ်းနိုင်ပါတယ်။ လိုအပ်တဲ့ ကျွမ်းကျင် ပညာရှင်တွေကို ခန့်အပ် တာဝန်ပေးခွင့်လဲ ပြုထားတယ်။

ကော်မရှင်ရဲ့ သက်တမ်း ကုန်ဆုံးရက် သတ်မှတ် မထားဘဲ ကြားဖြတ် အစီရင်ခံစာကို ဇန်နဝါရီလ ၃၁ ရက် နောက်ဆုံးထားပြီး သမ္မတဆီ တင်သွင်း ပြီးနောက် လိုသလို ဆက်ဆောင်ရွက်ဖို့ ဖော်ပြထားပါတယ်။

ပြီးခဲ့တဲ့ ကော်မရှင်မှာ ၈၈ မျိုးဆက် ကိုမင်းကိုနိုင်နဲ့ ဦးကိုကိုကြီးတို့ ပါဝင်ပေမယ့် ဒီနေ့ ဖွဲ့စည်းတဲ့ ကော်မရှင် အသစ်မှာတော့ သူတို့ မပါတော့ပါဘူး။ သူတို့ အပြင်က ကူညီဆောင်ရွက်ဖို့ ရည်ရွယ်ထားလို့ ဖြစ်တယ်လို့ ဦးကိုကိုကြီးက ရှင်းပြပါတယ်။

ဒီကိစ္စနဲ့ပတ်သက်ပြီး ၈၈ မျိုးဆက် အဖွဲ့ရဲ့ ဒီကနေ့ ထုတ်ပြန်တဲ့ ကြေညာချက် မှာတော့ စုံစမ်းနေတဲ့ ကာလမှာ စီမံကိန်း ရပ်နားထားဖို့၊ ဒဏ်ရာသူတွေကို ဆေးကုပေးဖို့နဲ့ တာဝန်ရှိသူတွေ ဝန်ချတောင်းပန်ဖို့ ဖော်ပြ ထားပါတယ်။

လက်ပံတောင်းကိစ္စ နော်အုန်းလှကို တရားစွဲ

နိုဝင်္ဘာ ၂၆ ရန်ကုန် ဆန္ဒပြပွဲမှာ ဒေါ်နော်အုန်းလှ တို့ အဖမ်းခံခဲ့ရတာ ဖြစ်ပါတယ်

လက်ပံတောင်းတောင် အရေး ဆန္ဒ ဖော်ထုတ် ခဲ့လို့ ပြီးခဲ့တဲ့လ(၂၆) ရက်နေ့က ရန်ကုန်မှာ ဖမ်းဆီး ခံခဲ့ရတဲ့ ဒေါ်နော်အုန်းလှ အပါ အဝင်(၆)ဦး ကို ကျောက်တံတား မြို့နယ် တရားရုံးက ပုဒ်မ(၅၀၅/ခ) နိုင်ငံတော် အကြည်ညို ပျက်အောင် သွေးထိုး လှုံ့ဆော်မှုနဲ့ တရာစွဲဆို လိုက်ပါတယ်။

သူတို့ ၆ ဦးကို ကျောက်တံတား မြို့နယ်နဲ့ ပန်ဘဲတန်း မြို့နယ် နှစ်ခု ကနေ တရားစွဲ လိုက်တာ ဖြစ်ပြီး၊ ရှေ့နေကြီး ရောဘတ်ဦးစန်းအောင်ကတော့ ဒီ တရားစွဲမှုဟာ ဥပဒေနဲ့ မညီဘူးလို့ ပြောပါတယ်။

နိုဝင်ဘာ (၂၆)ရက်နေ့က ဆူးလေ ဘုရားနဲ့ မြို့တော် ခန်းမရှေ့မှာ လက်ပံတောင်း တောင် ကြေးနီ စီမံကိန်း ရပ်ဆိုင်းရေး စီတန်း လှည့်လယ် ဆန္ဒပြ တာကို ရဲက ပုဒ်မ(၁၈)နဲ့ ဖမ်ဆီပြီး၊ ရုံးတင် တော့မှ (၅၀၅/ခ) ပြောင်းတပ် လိုက်တာ ဖြစ်ပါတယ်။

အာမခံလည်း မရဘဲ အမှုကို လာမယ့် (၁၁)ရက် အင်္ဂါနေ့ကို ချိန်းဆို လိုက်ပြီး၊ ဒီအမှုကို ဗဟို တရားရုံး ရှေ့နေ(၆) ဦးက လိုက်ပါ ဆောင်ရွက်မယ်လို့ သိရပါတယ်။

အခု တရားစွဲ ခံရသူတွေဟာ လက်ပံတောင်း သပိတ်ကို မဖြိုခွဲခင် အဖမ်းခံခဲ့ ရသူတွေ ဖြစ်ကြပါတယ်။

သပိတ် ဖြိုခွဲ ခံရပြီး နောက်ပိုင်း ဆန္ဒပြရမှာ ပါဝင်တဲ့ မျိုးဆက်သစ် လူငယ်များ အစည်အရုံးက ကိုမိုသွေး၊ ရန်ကုန် ပြည်သူ့ အကျိုးဆောင် ကွန်ယက်က ကိုအောင်စိုးတို့ ကို ရဲက တနင်္ဂနွေနေ့က အကြမ်းဖက် ဖမ်းဆီး သွားခဲ့ပါတယ်။

ကော်မရှင် အဆုံးအဖြတ်အတိုင်း ဦးပိုင် ဆက်လုပ်မယ်

နိုင်ဝင်ဘာ ၃၀ ရက်နေ့ကလည်း ဦးပိုင် ကုမ္ပဏီကို သံဃာတော်တွေ ကန့်ကွက် ဆန္ဒပြခဲ့ကြ

လက်ပန်းတောင်းတောင် ကြေးနီ စီမံကိန်းမှာ တစိတ်တပိုင်း ပါဝင် လုပ်ကိုင်နေတဲ့ မြန်မာ့ စီးပွားရေး ဦးပိုင် လီမိတက်က၊ သမ္မတ ဖွဲ့ပေး လိုက်တဲ့ စုံစမ်း စစ်ဆေးရေး ကော်မရှင်ရဲ့ ဆုံးဖြတ်ချက် အတိုင်း ဆက်လက် ဆောင်ရွက် မှာ ဖြစ်တယ်လို့ ပြောကြား လိုက်ပါတယ်။

ဒီစီမံကိန်းဟာ မြန်မာနိုင်ငံ ရင်းနှီးမြှုပ်နှံမှု ကော်မရှင် က တရားဝင် ခွင့်ပြု ထားတဲ့ လုပ်ငန်း ဖြစ်တဲ့ အတွက် ဒေါ်အောင်ဆန်းစုကြည် ဥက္ကဌ အဖြစ် ဆောင်ရွက်မယ့် လက်ပံတာင်း တောင် အရေး စုံစမ်းစစ်ဆေးရေး ကော်မရှင် ရဲ့ ဆုံးဖြတ်ချက် အတိုင်း ဆက်လက် ဆောင်ရွက်မှာ ဖြစ်တယ်လို့ မြန်မာ့ စီးပွားရေး ဦးပိုင် လီမိတက်က စီမံကိန်း တာဝန်ခံ ဦးမြင့်အောင်က ဘီဘီစီကို ပြောပါတယ်။

စီမံကိန်းကို ဆက်လက် ဆောင်ရွက် ဖို့ ကြိုးစားနေပြီး၊ ကော်မရှင် နဲ့လည်း ပူးပေါင်း ဆောင်ရွက်သွား မယ်လို့ ဦးမြင့်အောင်က ပြောပါတယ်။ နောက်ပြီး မြန်မာ့ စီးပွားရေး ဦးပိုင် လီမိတက်မှာ စစ်တပ်က ရှယ်ယာ အများစု ပါဝင်တာမို့ ဦးစားပေး ခံရတာမျိုး မရှိဘူးလို့ သူက ဆိုပါတယ်။

ဒေသခံ ယာ သမားတွေကို ထိုက်သင့်တာ ထက်ကို လျော်ကြေး ပိုပေး ထားတာ ဖြစ်ပြီး၊ အခုလည်း လျော်ကြေး ထပ်တောင်းရင် ဖြစ်ဖြစ်၊ လူမှုရေးဆိုင်ရာ အကူအညီတွေ တောင်းဆိုရင် ဖြစ်ဖြစ် ကုမ္ပဏီ အနေနဲ့ အကူအညီ ပေးသွားမှာ ဖြစ်တယ်လို့ ဦးမြင့်အောင်က ပြောပါတယ်။

လက်ပံတောင်းတောင် ကယ်ဆယ်ရေး ကော်မတီ နာယက ကဗျာဆရာ ဦးအံ့မောင် ကတော့ မြန်မာ့ စီးပွားရေး ဦးပိုင် လီမိတက်နဲ့ ပူးပေါင်း ဆောင်ရွက်နေတဲ့ ဝမ်ပေါင် ကုမ္ပဏီဟာ စွမ်းအား မြင့် စက်တွေ အများကြီး တပ်ဆင် ထားတာကြောင့် ကော်မရှင်က စုံစမ်းမှုတွေ လုပ်နေတဲ့ အချိန်တို အတွင်းမှာပဲ လက်ပံတောင်း တောင် ၃၃ လုံး ဟာ ကုန်သွား နိုင်တယ်လို့ ပြောကြား ပါတယ်။

ဒေါ်အောင်ဆန်းစုကြည် အပါဝင် အဖွဲ့ ဝင် ၃၀ ခန့် ပါဝင်တဲ့ လက်ပံတာင်းတောင် အရေး စုံစမ်း စစ်ဆေးရေး ကော်မရှင်ကို ဒီဇင်ဘာလ ၁ ရက် နေ့က သမ္မတ ဦးသိန်းစိန် အမိန့်နဲ့ ဖွဲ့စည်းပေး လိုက်တာ ဖြစ်ပါတယ်။

လူဝတ်လဲပြီးသား သံဃာကို ပြန်ဖမ်းဆီး

မျက်ရည်ယိုဗုံး မီးလောင်ပေါက် သင်္ကန်း

လက်ပန်တောင်းတောင် သပိတ် အကြမ်းဖက်မှု ကို ပြည်တွင်းရှိ မြို့ အတော်များများ မှာ ဆန္ဒပြချိန်အတွင်း ၂ဝဝ၇ ခုနှစ် သံဃာ့ လှုပ်ရှားမှု အတွင်း ရှေ့ဆောင်သံဃာ တပါးဖြစ်တဲ့ ဦးဂမ္ဘီရ ဟာ လူဝတ်လဲပြီး ကိုညီညီလွင် အဖြစ်နေထိုင်ယင်း ဆေးကုသမှု ခံယူနေပေမယ့် ထောင်လွတ်စ က အမှုနဲ့ သင်္ကန်းကျွန်းရဲ က ဖမ်းပြီး အင်းစိန်ထောင် ကို ပို့လိုက်ပါတယ်။

အခုဖမ်းတဲ့အခါမှာ ၄၄၈၊၄၂၇၊၄၅၄ စတဲ့ ပုဒ်မတွေ အရ အိမ်ကျော်တက်မှု၊ ဝင်ရောက်နေထိုင်မှု၊ အကျိုးဖျက်ဆီးမှု စတဲ့ ၂ဝဝ၇ ခု တုန်းက စွဲချက်တင်ခဲ့တဲ့ အမှုဟောင်း နဲ့ ပြန်ဖမ်းပုံ၊ လာမယ် ဒီဇင်္ဘာလ ၁၄ ရက်နေ့မှာ ရုံးချိန်း ရှိတဲ့ အကြောင်း မိခင်ဖြစ်သူ ဒေါ်ရေးက ဘီဘီစီ ကို ပြောပါတယ်။

အမှန်မှာ အထက်ပါ အမှုတွေကို နိုင်ငံတော် သံဃာ့ မဟာနာယက ဆရာတော်ကြီးတွေ ကိုယ်တိုင် သာဓုခေါ်ပြီး ကျေအေးပြီးဖြစ်ကြောင်း၊ အခု လက်ပန်တောင်းတောင် အရေးမှာ သံဃာတော်တွေ ဒဏ်ရာရကြတဲ့ မလုပ်သင့်တဲ့ လုပ်ရပ်ကြောင့်၊ ဦးဂမ္ဘီရ ပါဝင်ရာက သံဃာတော်တွေ အုံကြွလာမှာ ကို စိုးရိမ်ရာက ဖမ်းထည့်တဲ့ အသွင်ဆောင်ပုံ ကို ဒေါ်ရေး က ဘီဘီစီ ကို ရှင်းပြပါတယ်။

ဦးဂမ္ဘီရခေါ် ကိုညီညီလွင်ဟာ ယခင် ထောင်မှ လွတ်လာ ကတည်းက စိတ်ကျန်းမာရေး မပြည့်သေးလို့ ကုသမှုခံယူနေပုံ၊ အဲဒီ အတွက် မိသားစု အနေနဲ့ အထက် ကို စာတင်မယ့် အကြောင်း ကို ဒေါ်ရေး က ဘီဘီစီ ကို ရှင်းပြပါတယ်။

အစ္စရေး တိုးချဲ့နယ်မြေ ကိစ္စ သတိပေးခံရ

အစ္စရေး သိမ်းပိုက် ထားတဲ့ ပါလက်စတိုင်း နယ်မြေမှာ အခြေချ နေထိုင်သူ တွေ အတွက် အိမ်ရာသစ်တွေ ထောင်နဲ့ချီ ပြီး တိုးချဲ့ ဆောက်မယ့် အကြံကို ပြန်စဉ်းစားဖို့ အစ္စရေး အပေါ် သံတမန် ရေး ဖိအား ပေးမှု တွေ တိုးလာ နေပါပြီ။

ဗြိတိသျှ နိုင်ငံခြားရေး ဝန်ကြီး ဝီလျံ ဟိဂ်ကလဲ တရားမဝင် အခြေချ နယ်မြေတွေ တိုးချဲ့ တာကို ပြင်းထန်စွာ ရှုတ်ချ ကြောင်း၊ ဗြိတိန် အနေနဲ့ ပါလက်စတိုင်း ပြည်သူ တွေ ကမ္ဘာ့ နိုင်ငံတွေ အလယ်မှာ တန်းတူ ရည်တူ ဂုဏ်သိက္ခာနဲ့ နေနိုင်တာကိုသာ လိုလားကြောင်း သတိပေး ပြောကြား သွားပါတယ်။

ကုလ သမဂ္ဂက ပါလက်စတိုင်း ကို တိုးမြှင့် အသိအမှတ် ပြုဖို့ မဲခွဲ ဆုံးဖြတ် ခဲ့တာကို တုံ့ပြန် ကြေညာ လိုက်တဲ့ ဒီစီမံကိန်း တွေ ကို ကန့်ကွက်ဖို့ ဗြိတိန်နဲ့ ပြင်သစ် အစိုးရ တွေက အစ္စရေး သံအမတ် တွေကို ဆင့်ခေါ် ထားကြ ပါတယ်။

ဒီ ဆောက်လုပ်ရေး စီမံကိန်း တွေ ကြောင့် နှစ်ပြည်ထောင်ကြား ငြိမ်းချမ်းရေး စာချုပ် ချုပ် ဆိုရေး ကို ခြိမ်းခြောက် လာနိုင်ပြီး အစ္စရေး အနေနဲ့ ဒါတွေ ဆက်လုပ်ရင် ပြင်းထန် တဲ့ အကျိုး သက်ရောက်မှု တွေ ရလိမ့်မယ်လို့ ဗြိတိန် က သတိပေး ပြောကြား ပါတယ်။

ရုရှ ဂျာမနီ နဲ့ ကုလ သမဂ္ဂ ကလဲ ကန့်ကွက် ထားကြ ပါတယ်။

ဒီလို အခြေချ နယ်မြေ သစ်တွေ တိုးချဲ့ လာမှု ကြောင့် ပါလက်စတိုင်း နိုင်ငံ ကို တဝက် လှီးဖဲ့လိုက် သလို ဖြစ်လိမ့်မယ်လို့ ပါလက်စတိုင်း ဘက်က စိုးရိမ် နေကြ ပါတယ်။

မာက်ကိုးရီးယား ဒုံးပျံ တပ်ဆင်နေ

မြောက်ကိုရီးယား ဒုံးပျံ လွှတ်တင်ဖို့ ပြင်ဆင်

နိုင်ငံတကာရဲ့ ပြစ်တင် ဝေဖန် နေတဲ့ ကြားကပဲ ဒုံးပျံ လွှတ်တင်ဖို့အတွက် တပ်ဆင်မှု အဆင့်တွေကို မြောက်ကိုးရီးယားက လုပ်ဆောင်နေ ပါတယ်။

ဆိုဟေး ဂြိုလ်တု လွှတ်တင်ရေး စခန်းမှာ ဒုံးပျံ လွှတ်တင်ဖို့ အတွက် တပ်ဆင်မှု အဆင့်တွေနေနဲ့ ပထမဆုံး အဆင့် ပြီးသွားပြီလို့ သိရပါတယ်။

တပ်ဆင်မှု အဆင့် ၃ ဆင့်ရှိပြီးတော့ အဆင့် အားလုံး ပြီးစီးဖို့ သိပ္ပံ ပညာရှင်တွေက ရက်ပေါင်း အတော်ကြာ တပ်ဆင်ရမှာပါ။

Galaxy လို့ အဓိပ္ပာယ်ရတဲ့ ကိုးရီးယားလို့ အန်ဟာလို့ အမည်ပေးထားတဲ့ ဒီဂြိုဟ်တုကို ခန့်မှန်းခြေ ကီလိုမီတာ ၂၂ဝဝ အကွာအဝေးကို ပစ်လွှတ်ဖို့ ရှိနေပါတယ်။

ဒီဇင်ဘာလ ၁ဝ ရက်ကနေ ၂၂ရက်အတွင်းမှာ လွှတ်တင်ဖို့ သူတို့က မျှော်လင့် ထားကြပြီး လေ့လာ စောင့်ကြည့်ရေး ဂြိုဟ်တု အဖြစ် လေဟာနယ်ထဲကို လွှတ်တင်ဖို့ ကြိုးစားနေကြတာပါ။

အမေရိကန်နဲ့ အတူ အနောက်အုပ်စုကတော့ တာဝေးပစ် ဒုံးစနစ်တွေ တပ်ဆင်ထား တယ်လို့ ပြောနေပါတယ်။

ဒါ့အပြင် မြောက်ကိုရီးယား ရဲ့ မဟာမိတ် တရုတ်နိုင်ငံ ကလည်း အခုကိစ္စမှာ စိုးရိမ်မှုတွေ ရှိကြောင်း ထုတ်ဖော်ပြသခဲ့ပါတယ်။

ငြိမ်းချမ်းရေးနဲ့ တည်ငြိမ်ရေးကို ဦးတည်ပြီး မြောက်ကိုးရီးယားရဲ့ အခွင့်အရေး တွေကို အသိအမှတ်ပြု ပေမယ့် လုံခြုံရေး ကောင်စီက ပိတ်ထားတဲ့ ဒုံးကျည် စမ်းသပ်မှုတွေကို ပိတ်ပင်ထားတဲ့ အချက်တွေနဲ့ ပတ်သက်ပြီး တရုတ်က သဘောထား တထပ်တည်း ရှိတယ်လို့ တရုတ်နိုင်ငံခြားရေးဝန်ကြီးဌာန ပြောခွင့်ရသူက တနင်္ဂနွေနေ့တုန်းက ပြောပါတယ်။

နောက်ပြီး ရုရှားကလည်း မြောက်ကိုးရီးယားရဲ့ လုပ်ရပ် ဟာ missile ဒုံးကျည် နဲ့ နျူးကလီးယား စမ်းသပ်မှုတွေနဲ့ ပတ်သက်ပြီး လုံခြုံရေး ကောင်စီက ပိတ်ထားတဲ့ အချက်ကို ချိုးဖောက်ရာကျ တယ်လို့ သတိပေး ပြောကြား ခဲ့ပါတယ်။

တောင်ကိုးရီးယား မှာရှိတဲ့ ကိုးရီးယား ၂ နိုင်ငံ ပြန်လည် ပေါင်းစည်းရေး ဌာနရဲ့ ပြောခွင့်ရသူ ကတော့ နိုင်ငံတကာက အခုကိစ္စကို အကြီးအကျယ် ဝေဖန်နေတဲ့ အတွက် မြောက်ကိုးရီးယားက အပြည်ပြည် ဆိုင်ရာ တောင်းဆိုချက်ကို အလေးအနက်ထား စဉ်းစားပြီး လုပ်ဆောင်သင့် တယ်လို့ ပြောဆိုသွားတာပါ။

ဒီဂြိုလ်တုရဲ့ လွှတ်တင်မှုရဲ့ ပထမအဆင့်မှာ တရုတ်နဲ့ ကိုးရီးယား ကျွန်းဆွယ် ပေါ်ဖြတ်ပြီး ပင်လယ်ထဲကို ဖြုတ်ချဖို့ ရှိပါတယ်။ ပြီးရင် ဂျပန်ကို ဖြတ်သွားမှာပါ။

ဒုတိယအဆင့် အနေနဲ့ ဖိလစ်ပိုင်ကမ်းလွန် ပင်လယ်ပြင်ထဲကို ဖြုတ်ချ သွားမယ်လို့ သိရပါတယ်။

ဆူပူအောင် လှုံဆော်တယ် ဆိုတဲ့ စွပ်စွဲမှု မျိုးဆက်သစ် လူငယ်များ အစည်း အရုံး ပယ်ချ

တနင်္ဂနွေ နေ့က ကိုမိုးသွေးနဲ့ ကိုအောင်စိုးတို့ ဖမ်းဆီးခံခဲ့ရ

လက်ပံတောင်း တောင် စီမံကိန်းနဲ့ ပတ်သက်ပြီး ဆန္ဒပြ သပိတ် မှောက်သူ တွေကို အာဏာပိုင် တွေက အင်အားသုံး ဖြိုခွင်း ခဲ့တဲ့ အပေါ် မကျေနပ်တဲ့ ဆန္ဒပြမှုတွေ အတွင်း ဖမ်းဆီး ခံရသူတွေကို တနင်္လာနေ့က တရားရုံး တွေမှာ ရုံးထုတ်ခဲ့ပါတယ်။

ဒီဇင်ဘာလ ၂ ရက် တနင်္ဂနွေ နေ့က ဖမ်းဆီး ခံခဲ့ကြရတဲ့ မျိုးဆက်သစ် လူငယ်များ အစည်း အရုံး Generation Wave အဖွဲ့က ကိုမိုးသွေးနဲ့ ပြည်သူ့ အကျိုးဆောင် ကွန်ယက်က ကိုအောင်စိုး တို့လည်း ရုံးထုတ် ခံရ သူတွေထဲ ပါဝင် ပါတယ်။ ကြားနာ စစ်ဆေးမှုကို ဒီဇင်ဘာလ ၁၁ ရက်နေ့ကို ရွှေ့ဆိုင်း လိုက်ပါတယ်။

ကိုမိုးသွေးကို ခွင့်ပြုချက် မရယူဘဲ ဆန္ဒပြတဲ့ အတွက် ပုဒ်မ ၁၈၊ နိုင်ငံတော်ကို အကြည်ညို ပျက်အောင် သွေးထိုး လှုံဆော်မှု ပုဒ်မ ၅၀၅ ခ စတာတွေနဲ့ စွဲချက် တင်ခဲ့တာ ဖြစ်တယ်လို့ Generation Wave အဖွဲ့ဝင် တစ်ယောက် လည်းဖြစ် ကိုမိုးသွေးရဲ့ ညီ လည်း ဖြစ်တဲ့ ကိုကြည်ဇင်သာက ပြောပါတယ်။

လက်ပံတောင်းတောင် အရေး ဆန္ဒပြမှုမှာ ဦးဆောင်သူတွေလို့ ယူဆတဲ့ အတွက် ကိုမိုးသွေးနဲ့ ကိုအောင်စိုးတို့ကို အာဏာပိုင်တွေက ဖမ်းဆီး သွားတာ ဖြစ်နိုင်တယ်လို့ သူက ယူဆပါတယ်။

မျိုးဆက်သစ် လူငယ်များ အစည်း အရုံးက ဒီလို ဆန္ဒပြမှုတွေ ဖြစ်လာအောင် လှုံဆော် ခဲ့တယ် ဆိုတဲ့ စွပ်စွဲချက် တွေနဲ့ ပတ်သက်ပြီး ဘီဘီစီက မေးရာ မှာတော့ လှုံဆောင်မှု လုပ်ဆောင်ခဲ့တာ မရှိဘူးလို့ ကိုကြည်ဇင်သာက ငြင်းဆို ပါတယ်။

ဒီဆန္ဒ ပြမှု တွေကို ဘယ်သူ ကမှ ဦးဆောင် စည်းရုံး ခဲ့တာ မဟုတ်ဘဲ အေးအေး ချမ်းချမ်း ဆန္ဒပြ နေကြတဲ့ သံဃာတော် တွေကို အာဏာပိုင်တွေ ဘက်က အင်အားသုံးပြီး အကြမ်း နည်းနဲ့ ဖြိုခွဲ ခဲ့တာကို ကန့်ကွက် ကြတဲ့ ပြည်သူ တွေက ဝိုင်းဝန်း ပူးပေါင်း ဆန္ဒ ထုတ်ဖော် ခဲ့ကြ တာသာ ဖြစ်တယ်လို့ ကိုကြည်ဇင်သာက ပြောပါတယ်။

ရခိုင်မှာ ကိုယ့်ဒေသလုံခြုံရေး ကိုယ်ယူနေရ

ရခိုင် အရေးကြောင့် အိုးအိမ်မဲ့ရတဲ့ ဒုက္ခသည်တွေ

ခုတလော ရခိုင်ကမ်းရိုးတန်းမှာ လှေစီးပြီး မလေးကို ထွက်ခွာသွားကြတဲ့ လူတွေလို့ ယူဆရတဲ့ သူတွေကို ဖမ်းဆီး ရမိတာတွေ များလာနေတဲ့ အတွက် ဒေသခံတွေ အကြားမှာလည်း စိုးရိမ်မူတွေ တိုးလာနေတယ်လို့ သိရပါတယ်။

လွန်ခဲ့တဲ့ နိုဝင်ဘာလ ၂၅ ရက်နေ့က စက်လှေပျက် တစ်စီးနဲ့ အတူ ကျောက်ဖြူမြို့နယ်မှာ ဖမ်းဆီးရမိတဲ့ ဘင်္ဂလားဒေ့ရှ် နိုင်ငံသား ၄၇ ဦးကို အာဏာပိုင် တွေက စက်ကို ပြင်ဆင်ပေးကာ အစားအသောက်တွေနဲ့ အတူ ပြန်လည် နှင်ထုတ်အပြီးမှာ နောက်ထပ် ပင်လယ်ထဲက ရေကူး တက်လာတဲ့ ဘင်္ဂလားဒေ့ရှ် နိုင်ငံသားလို့ ယူဆရတဲ့ သူ ၂ ဦးကို မာန်အောင်မြို့နယ် အပိုင် ရဲကျွန်းမှာ လွန်ခဲ့တဲ့ တစ်ရက်က ဖမ်းဆီးမိခဲ့ပါတယ်။

ခုလို ဖမ်းဆီးမိခဲ့တာကို ရဲကျွန်းမှာ တည်ရှိတဲ့ မြောက်ပိုင်းရွာက အမျိုးသမီး တစ်ဦးက အခု သံသယ ဖြစ်ဖွယ်ရာ လူနှစ်ဦးကို ဖမ်းမိခဲ့တဲ့ ရဲကျွန်းဟာ မာန်အောင်မြို့နဲ့ ဆိုရင် စက်လှေနဲ့ ၂ နာရီခန့် သွားရပြီး ကျွန်းပေါ်မှာ အိမ်ခြေ ၅၀၀ ခန့်ရှိတဲ့ တောင်ပိုင်းရွာနဲ့ မြောက်ပိုင်းရွာ နာမည်နဲ့ ရခိုင် ရွာနှစ်ရွာ ရှိတယ်လို့ ဆိုပါတယ်။

ပင်လယ်ထဲမှာ သီးခြားတည်ရှိနေတဲ့ အတွက် လုံခြုံရေးကို အထူး စိုးရိမ်နေကြတာကြောင့် ကျေးရွာသားတွေဟာ သူတို့ရွာတွေရဲ့ လုံခြုံရေးကို သူတို့ တာဝန်ယူထားရတယ်လို့ ရဲကျွန်း ဒေသခံ အမျိုးသမီး တစ်ဦးက ပြောပါတယ်။

အခု တလော ရခိုင်ဘက်မှာ ဖမ်းဆီးရမိတဲ့သူတွေဟာ မလေးကို လှေစီးပြီး ခိုးသွားကြတဲ့သူတွေလို့ လူတွေက ယေဘူယျ လက်ခံ ထားကြပေမယ့် ရခိုင် ပဋိပက္ခ နဲ့ ဆက်စပ်သူတွေ ဟုတ်မဟုတ် ဆိုတာကို ခွဲခြား မသိနိုင်တဲ့ အတွက် ဒေသခံတွေဘက်က စိုးရိမ်မူ တိုးပွားနေကြတာ ဖြစ်ပါတယ်။

ဒါပြင် မြန်မာ ရေပိုင်နက်ထဲထိ ၀င်ရောက်လာတဲ့ သူတွေကို ရေတပ်ကရော၊ တခြား လုံခြုံရေး တပ်ဖွဲ့ဝင်တွေက ဖမ်းဆီးမိတာ မဟုတ်ဘဲ ဒေသခံတွေက ဖမ်းဆီးပြီး အာဏာပိုင်တွေရဲ့ လက်ကို အပ်ရတဲ့ အတွက် မြန်မာ နိုင်ငံရေးရဲ့ ကမ်းရိုးတန်း ဒေသ လုံခြုံရေး နဲ့ ပတ်သက်ပြီးလည်း ဒေသခံတွေအကြားမှာ မေးခွန်းထုတ်စရာ ဖြစ်နေတယ်လို့လည်း သိရှိရပါတယ်။

ကုလ စာနာမှု အကြီးအကဲ မြန်မာခရီး စတင်

ကုလသမဂ္ဂ လူသားချင်းစာနာမှုနဲ့ အရေးပေါ်ကယ်ဆယ်ရေးဆိုင်ရာ လက်ထောက် အတွင်းရေးမှူးချုပ် Valerie Amos

ကုလသမဂ္ဂ လူသားချင်းစာနာမှုနဲ့ အရေးပေါ်ကယ်ဆယ်ရေးဆိုင်ရာ လက်ထောက် အတွင်းရေးမှူးချုပ် Valerie Amos ဟာ ဒီကနေ့ မြန်မာနိုင်ငံကို ရောက်ရှိမှာဖြစ်ပြီး လူသားချင်းစာနာမှု အကူအညီတွေ အရေးတကြီး လိုအပ်နေတဲ့ ကချင်နဲ့ ရခိုင်ဒေသက ဒုက္ခသည်တွေကို သွားရောက် တွေ့ဆုံမှာဖြစ်ပါတယ်။ မြန်မာနိုင်ငံမှာ ဒီမိုကရေစီ ပြုပြင် ပြောင်းလဲမှုဆိုင်ရာ တိုးတက်မှု တချို့ ရှိလာတယ်ဆိုပေမဲ့ လူ့အခွင့်အရေး ပိုင်းမှာတော့ စိုးရိမ်စရာ အခြေအနေတွေ ရှိနေသေးတယ်ဆိုတာကို ဒီခရီးစဉ်ကနေ သိနိုင်တယ်လို့ ကုလသမဂ္ဂ တာဝန်ရှိသူတွေက ပြောပါတယ်။ မစ္စ် အေးမို့စ် ရဲ့ ခရီးစဉ်တွင်း ဘယ်သူတွေနဲ့ တွေ့ပြီး ဘာတွေ ဆွေးနွေး ပြောဆိုနိုင်သလဲ ဆိုတာတွေကိုတော့ မခင်ဖြူထွေးက အပြည့်အစုံ ပြောပြထားပါတယ်။

ကုလသမဂ္ဂ လူသားချင်းစာနာမှုနဲ့ အရေးပေါ်ကယ်ဆယ်ရေးဆိုင်ရာ လက်ထောက် အတွင်းရေးမှူးချုပ် Valerie Amos ဟာ မြန်မာနိုင်ငံက လူ့အခွင့်အရေး အခြေအနေတွေနဲ့ လူသားချင်း စာနာမှုဆိုင်ရာ လိုအပ်ချက်တွေကို လေ့လာ အကဲခတ်ဖို့အတွက် မြန်မာနိုင်ငံကို ၄ ရက်ကြာ ခရီး လာရောက်တာဖြစ်ပါတယ်။ လက်တလော လူ့အခွင့်အရေး အခြေအနေ ဆိုးဆိုးရွားရွား ကြုံတွေ့နေရတဲ့ ရခိုင်နဲ့ ကချင်ပြည်နယ်တွေကို သွားရောက်ဖို့ရှိပြီး အကြမ်းဖက်မှုတွေနဲ့ စစ်ပွဲတွေကြောင့် ဒုက္ခရောက်နေကြရတဲ့ ပြည်သူတွေကို သွားရောက် တွေ့ဆုံမှာ ဖြစ်သလို အစိုးရပိုင်းက တာဝန်ရှိသူတွေနဲ့လည်း တွေ့ဆုံသွားမှာဖြစ်တယ်လို့ ရန်ကုန်မြို့မှာရှိတဲ့ ကုလသမဂ္ဂ လူသားချင်းစာနာမှုဆိုင်ရာရုံး ပြောခွင့်ရသူ စတီးဝက်ဒါးဗိစ် (Steward Davis) က ပြောပါတယ်။

“သူ ဒီညနေ မြန်မာနိုင်ငံကို ရောက်မှာပါ။ ဒီလ ၇ ရက် သောကြာနေ့အထိ ရှိပါမယ်။ အစိုးရ တာဝန်ရှိ ၀န်ကြီးတွေနဲ့ သူတွေ့မှာပါ။ အရေးကြီးဆုံးကတော့ လူသားချင်းစာနာမှု အကူအညီတွေ လိုအပ်နေတဲ့ ရခိုင်နဲ့ ကချင်ဒေသက အခြေအနေတွေကို သွားရောက် လေ့လာပါလိမ့်မယ်။ ပြီးတော့ မြန်မာသမ္မတ၊ ဒါမှမဟုတ် အနိမ့်ဆုံး ဒုသမ္မတ လောက်နဲ့ တွေ့လိမ့်မယ်လို့လည်း ကျနော်တို့ မျှော်လင့်ပါတယ်။ လူသားချင်းစာနာမှု လုပ်ငန်းတွေမှာ ပါဝင် လုပ်ကိုင်နေတဲ့ ၀န်ကြီးတွေ အတော်များများနဲ့ တွေ့မှာပါ။ ရခိုင်ပြည်နယ်မှာတော့ စစ်တွေမြို့နဲ့ အနီးတ၀ိုက်မှာရှိတဲ့ ဒုက္ခသည်စခန်းတွေကို သွားရောက်ပါလိမ့်မယ်။ ဒါ့အပြင် ကချင်ပြည်နယ် မြစ်ကြီးနားဘက်မှာရှိတဲ့ ဒုက္ခသည်စခန်းတွေ ကိုလည်း သွားရောက်မှာပါ။ သောကြာနေ့ ရန်ကုန်မြို့ကို ပြန်ရောက်တဲ့အခါကျရင်တော့ အဲဒီနေ့ နေ့လယ်ပိုင်းမှာ သတင်းစာ ရှင်းလင်းပွဲတရပ် လုပ်ဖို့ စီစဉ်ထားပါတယ်။”

ပြီးခဲ့တဲ့နှစ်ကစလို့ မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတချို့ ရှိလာတယ်ဆိုပေမဲ့ လူ့အခွင့်အရေး အရ ကြည့်ရင်တော့ စိုးရိမ်စရာ အခြေအနေတွေ အများအပြား ရှိနေသေးတဲ့အပေါ်မှာ ခုလို ကုလသမဂ္ဂက အကြီးအကဲတဦးဖြစ်တဲ့ မစ္စ အေးမို့စ် ရဲ့ ခရီးစဉ် ဖြစ်လာရတာ ဖြစ်တယ်လို့လည်း မစ္စတာ ဒါးဗိစ် က ပြောပါတယ်။ 

 “မြန်မာနိုင်ငံမှာ ဒီမိုကရေစီ ပြုပြင် ပြောင်းလဲမှုတွေ လုပ်လာတဲ့အပိုင်းမှာ နိုင်ငံရေးနဲ့ စီးပွားရေး တိုးတက်မှုတချို့ ရှိလာပေမဲ့လို့ တချိန်တည်းမှာလည်း လူ့အခွင့်အရေး အခြေအနေနဲ့ပတ်သက်လို့ အလွန်အမင်း စိုးရိမ်ရမယ့် အခြေအနေတွေ ရှိနေသေးတယ် ဆိုတာကို ဒီခရီးစဉ်က သိသာထင်ရှားစေပါတယ်။ ဒီလို လူ့အခွင့်အရေးအရ စိုးရိမ်စရာတွေ ရှိနေသေးတယ်ဆိုတာကို ကုလသမဂ္ဂက လက်ခံထားသလို မြန်မာအစိုးရ အနေနဲ့ ဒီကိစ္စ ကိုင်တွယ် ဖြေရှင်းဖို့လည်း တိုက်တွန်းနေပါတယ်။ မြန်မာအစိုးရအနေနဲ့ ရေရှည် ဖွံ့ဖြိုးတိုးတက်ရေးကို ဦးတည်ပြီး ဆောင်ရွက်ဖို့ လိုအပ်တယ်ဆိုတာကိုပါ။ ဒါကြောင့် အခုခရီးစဉ်က ကုလသမဂ္ဂ အနေနဲ့ မြန်မာအစိုးရကို အကူအညီပေးချင်တယ်၊ ပေးနေတယ် ဆိုတာကို ဖော်ပြတဲ့ တချိန်တည်းမှာပဲ မြန်မာနိုင်ငံတွင်း လူ့အခွင့်အရေး အခြေအနေတွေဟာ စိုးရိမ်ရဆဲ အခြေအနေတွေမှာ ရှိတယ်ဆိုတာကို သိသာထင်ရှားစေတဲ့ ခရီးစဉ်ဖြစ်ပါတယ်။”

ကုလသမဂ္ဂ နဲ့ လူသားချင်း ကူညီစာနာရေး အဖွဲ့တွေ အနေနဲ့ ရခိုင်ပြည်နယ် အကြမ်းဖက်မှုတွေကြောင့် အိုးအိမ်မဲ့ ဒုက္ခရောက်ခဲ့ရသူပေါင်း ၁ သိန်း ၅ သောင်းကျော်အတွက် အကူအညီတွေ ပေးနိုင်ဖို့ ကြိုးပမ်းနေသလို လက်တလောမှာတော့ ဒုက္ခသည် ၈ သောင်းအတွက် ဒေါ်လာ ၃၂ သန်း အကူအညီတွေ ပေးနိုင်အောင် စီစဉ်နေတယ်လို့လည်း သူက ပြောပါတယ်။ ပြီးခဲ့တဲ့ အောက်တိုဘာလက တကြော့ပြန် ဖြစ်ပွားခဲ့တဲ့ အကြမ်းဖက်မှုတွေကြောင့် ဒုက္ခရောက်သူ ဦးရေ တိုးလာသလို ဒီအပေါ် အကူအညီတွေ တိုးပေးနိုင်ဖို့ ကြိုးစားနေတဲ့အကြောင်း မစ္စတာ ဒါးဗိစ်က ပြောပါတယ်။

တချိန်တည်းမှာလည်း ကချင်ပြည်နယ်တွင်းမှာ စစ်ပြေးဒုက္ခသည် ခန့်မှန်းချေ ၇ သောင်း ၅ ထောင် လောက်ရှိနေပြီး ဒီလူတွေကို အကူအညီတွေ ပေးဖို့ ကြိုးစားတဲ့နေရာမှာ လက်လှမ်းမမီတာတွေ ရှိနေသေးတယ်လို့ ဆိုပါတယ်။ ဒီဒုက္ခသည်တွေကို အကူအညီတွေ ပေးနိုင်ဖို့ မြန်မာအစိုးရဘက်ကနေ ကူညီ ဆောင်ရွက်ပေး ရမှာဖြစ်ပြီး လောလောဆယ် နိုင်ငံတကာ အကူအညီပေးရေး အဖွဲ့တွေ အနေနဲ့ အိုးအိမ်မဲ့ ဒုက္ခရောက်နေသူပေါင်း ၃ သောင်းကျော်ကိုပဲ အကူအညီပေးနိုင်တဲ့ အခြေအနေမှာ ရှိနေတယ်လို့ ဆိုပါတယ်။

မစ္စ အေးမို့စ်ဟာ မြန်မာနိုင်ငံကို ပထမဆုံး လာရောက်တဲ့ ကုလသမဂ္ဂ လူသားချင်းစာနာမှုနဲ့ အရေးပေါ်ကယ်ဆယ်ရေးဆိုင်ရာ လက်ထောက် အတွင်းရေးမှူးချုပ် တဦးလည်း ဖြစ်ပါတယ်။

မရှိမဖြစ် ဝန်ထမ်းကလွဲလို့ ကုလဝန်ထမ်းတွေ ဆီးရီးယားမှ ထွက်ခွာ

နိုင်ငံခြားရေးဝန်ကြီးဌာနပြောခွင့် ရသူ Jihad Makdissi

ဆီးရိးယားနိုင်ငံမှာ တနေ့တခြား ပိုဆိုးလာတဲ့ လုံခြုံရေး အခြေအနေကြောင့် ကုလသမဂ္ဂ ရဲ့ မရှိမဖြစ် လိုအပ်တဲ့ ၀န်ထမ်း တွေကလွဲပြီး ကျန်ဝန်ထမ်းတွေကို နိုင်ငံထဲက ထွက်ခွာခိုင်းလိုက်တဲ့ အချိန် မှာဘဲ  နိုင်ငံခြားရေးဝန်ကြီးဌာနပြောခွင့် ရသူ Jihad Makdissi ရာထူးက ထွက်သွား ပြီလို့သိရပါတယ်။ Jihad ဟာ ရာထူးကသာမက ဆီးရီးယားနိုင်ငံထဲကပါ ထွက်ခွာသွားပြီလို့ အတိုက်အခံနဲ့ သံတမာန်အသိုင်းအ၀န်း သတင်းရပ်ကွက်ကပြောဆိုပါတယ်။

သူဟာ လပေါင်း၂၀ ကြာ အစိုးရ ဆန့်ကျင်တဲ့ လူထုအုံကြွမှု ကို Mr. Assad အစိုးရ ကအင်အားသုံးဖြိုခွဲခဲ့တဲ့အပေါ် အခိုင်အမာကာကွယ်ပြောဆိုခဲ့သူလဲဖြစ်ပါတယ်။

ဒါပေမဲ့ မကြာသေးခင်က တော့ ဆီရီးယားရဲ့ ခရစ်ယာန် ဘာသာဝင် လူနဲစုအဖွဲ့ဝင် Jihad Makdissi ကို သူ့ရဲ့ သတင်းမိဒီယာတင်ပြမှုတချို့နဲ့ပါတ်သက်လို့ အစိုးရအဖွဲ့ဝင်တချို့၇ဲ့ ဝေဖန်ပြောဆိုမှုခံခဲ့ရတယ် လို့ သတင်းဌာနတွေကပြောဆိုပါတယ်။ 

တချိန်ထဲမှာဘဲ ကုလသမဂ္ဂ လူသားချင်းစာနာမှု ဆိုင်ရာ အေဂျင်စီမှာ အလုပ်လုပ်နေတဲ့ ၀န်ထမ်း၁၀၀ ရဲ့ ၄ ပုံတပုံလောက်ဒီတပါတ်ထဲ ဆီးရိးယားကထွက်ခွာကြဖို့ ရှိပြီး ကျန်တဲ့ဝန်ထမ်းတွေကို လဲ မြို့ပေါ်ကထွက်ခွာခွင့်ကို ကန့်သတ်ထားပါတယ်။ မကြာသေးခင် က ကုလသမဂ္ဂ ရဲ့ ယာဉ်တွေကို ပြန်ပေးဆွဲ သေနတ်ပစ်ခတ်မှုတွေဖြစ်ခဲ့ပြီး နောက်ပိုင်း ပြီးခဲ့တဲ့သီတင်းပါတ်က Damascus မြို့ လေဆိပ်ကို အသွားလမ်းမှာ ကုလ ယာဉ်တန်း ၂ ခု ကို သေနတ်နဲ့ပစ်ခံခဲ့ရပြီး သံချပ်ကာ ကားတွေပိုလိုအပ်တယ် လို့ ကုလ တာဝန်ရှိသူတွေကပြောဆိုကြပါတယ်။

တရုတ်ရေတပ်ခေတ်မှီမှု အိန္ဒိယစိုးရိမ်

ဘင်္ဂလားပင်လယ်အော်တွင်း အိန္ဒိယရေတပ်လေ့ကျင့်နေစဉ်။

တရုတ်နိုင်ငံရေတပ်ကို ခေတ်မီတိုးတက်အောင်ဆောင်ရွက်တာကို စိုးရိမ်ပူပန်မှုရှိပြီး တောင်တရုတ်ပင်လယ်ထဲက အိန္ဒိယနိုင်ငံရဲ့ အကျိုးစီးပွားကို အကာအကွယ်ပေးဖို့ ဆုံးဖြတ်ထားတယ်လို့ အိန္ဒိယရေတပ်အကြီးအကဲ DK Joshi ကပြောဆိုလိုက်ပါတယ်။ အိန္ဒိယနိုင်ငံ ပိုင်ရေနံနဲ့ သဘာဝဓါတ်ငွေ့ ကော်ပိုရေးရှင်း က ဗီယက်နမ်ကမ်းရိုးတန်း တလျောက် သဘာဝဓါတ်ငွေ့လုပ်ငန်း အကျိုးစီးပွားဆောင်ရွက်မှုတွေ ရှိနေပါတယ်။ တချိန်ထဲမှာ တောင်တရုတ် ပင်လယ်ပြင်ကို သူပိုင်တယ်လို့ တရုတ်နိုင်ငံက ပြောဆိုထား တာဖြစ်ပါတယ်။ 

ဖိလစ်ပိုင် ဘရုနိုင်း မလေးရှား ထိုင်ဝမ် ဗီယက်နမ်တို့ကလည်း သတ္တု ပေါကြွယ်ဝတဲ့ Spratly ကျွန်းစုတွေ အပါအ၀င် တောင်တရုတ်ပင်လယ်ရဲ့ အစိတ်အပိုင်း တချို့ကို သူတို့နဲ့ ဆိုင်တယ် လို့ ပြောဆိုထားတာဖြစ်ပါတယ်။  တနင်္လာနေ့က တော့ သတင်းထောက်တွေကို ပြောဆိုရာမှာ အိန္ဒိယရေနံနဲ့သဘာဝဓါတ်ငွေ့လုပ်ငန်းဟာ တောင်တရုတ်ပင်လယ်ထဲက ဗီယက်နမ် ကမ်းရိုးတန်းတလျောက် စွမ်းအင်ရှာဖွေရေးလုပ်ကွက် ၃ ခု လုပ်နေတာဖြစ်ပြီး ရေကြောင်းပိုင်နက်ထဲမှာ အိန္ဒိယအကျိုးစီးပွား ကိုကာကွယ်ဖို့ လိုအပ်တာနဲ့ တပြိုင်နက် အိန္ဒိယ ရေတပ်က ဒီတာဝန်ကို ထမ်းဆောင်ဖို့အသင့်ရှိတယ်လို့ ရေတပ်ဦးစီးချုပ် DK Joshi ကပြောလိုက်ပါတယ်။  အိန္ဒယရေတပ်က ဘယ်လိုအခြေအနေမျိုးအတွက်မဆို သင့်တော်သလို တုံ့ပြန်ဖို့ပြင်ဆင်ထားတယ်လို့လည်း သူက ပြောဆိုပါတယ်။  တရုပ်ရေတပ် မတော်ခေတ်မီတိုးတက်အောင်ဆောင်ရွက်တာဟာ အထင်ကြီး စရာဖြစ်သလို အိန္ဒိယအတွက် စိုးရိမ်စရာဖြစ်တာကြောင့်အိန္ဒိယရေတပ်က မဟာဗျုဟာနဲ့ ရွေးချယ်စရာ နည်းလမ်းတွေကလေ့လာအကဲဖြတ်နေတယ်လို့လဲပြောဆိုပါတယ်။