03.12.2012 နေ့ဖတ်ရန်သတင်းများ

by Myanmar Journal on Sunday, December 2, 2012 at 5:44pm ·

လက်ပံတောင်းစီမံကိန်း ဆန္ဒပြသူတွေ ထပ်ဖမ်း

ရန်ကုန်မြို့မှာ လမ်းလျှောက် ချီတက် ဆန္ဒပြခဲ့ သူ တွေထဲက နှစ်ဦးကို ရဲက ဖမ်းဆီးသွား

စစ်ကိုင်းတိုင်း ဒေသကြီး မုံရွာခရိုင် ဆားလင်းကြီး မြို့နယ်တွင်းက လက်ပံတောင်း တောင် ကြေးနီစီမံကိန်း ရပ်ဆိုင်းရေး ဆန္ဒပြ သံဃာတွေကို အင်အားသုံး ဖြိုခွဲခဲ့တာနဲ့ ပတ်သက်လို့ ရန်ကုန်၊ မန္တလေး အပါအဝင် မြို့အတော်များများမှာ ဆန္ဒထုတ်ဖေါ် မှုတွေ ဆက်ရှိခဲ့ရာမှာ အဖမ်းအဆီး တချို့ ရှိခဲ့ပါတယ်။

ရန်ကုန်မြို့မှာ လမ်းလျှောက် ချီတက် ဆန္ဒပြခဲ့ကြသူ တွေထဲက မျိုးဆက်သစ် လူငယ်များ အစည်းအရုံးက ကိုမိုးသွေးနဲ့ ရန်ကုန် ပြည်သူ့ အကျိုးဆောင် ကွန်ယက်က ကိုအောင်စိုးတို့ကို ရဲတပ်ဖွဲ့က ဖမ်းဆီးလိုက်ပါတယ်။

ရဲကားပေါ်ကနေ အတင်းအဓမ္မ ဖမ်းဆီးသွားတာ ဖြစ်ပြီး ရန်ကုန်တိုင်း ဒေသကြီး ရဲတပ်ဖွဲ့ကလို့ သိရကြောင်း အတူဆန္ဒပြခဲ့သူတဦးက ဘီဘီစီကို ပြောပါတယ်။

မန္တလေးမြို့မှာလည်း အာသောကာ ရာမ ကျောင်းတိုက် ဒက္ခိဏာရာမ ကျောင်းတိုက် အပါအဝင် တခြားကျောင်းတိုက်က သံဃာတွေ စုပေါင်းပြီး လမ်းလျှောက် ချီတက် ဆန္ဒပြခဲ့ ကြရာမှာ ပြည်သူတွေ ပါဝင် လာတာကြောင့် အင်အား ၂၀၀နီးပါး ရှိခဲ့တယ် လို့ သိရပါတယ်။

အဲဒီမှာတော့ တစုံတရာ နှောင့်ယှက်မှု မရှိဘူးလို့ သံဃာတော် တပါးက ပြောပါတယ်။

မြင်းခြံမြို့မှာလည်း မြင်းခြံခရိုင် ဗကသများအဖွဲ့၊ သံဃာတော်တွေနဲ့ ပြည်သူလူထု ပူးပေါင်း အင်အား ၃၀၀ နီးပါး ချီတက် ဆန္ဒပြခဲ့ကြပါတယ်။

ဆန္ဒထုတ်ဖေါ် ကြွေးကြော်ရာမှာ အကြမ်းဖက်မှု အလိုမရှိ၊ သာသနာတော်ကို စောင့်ရှောက်ကြ၊ သံဃာတော်များကို စောင့်ရှောက်ကြလို့ ကြွေးကြော်ခဲ့ကြပါတယ်။

မွန်ပြည်နယ် သထုံမြို့ ရွှေစာရံ ဘုရားပေါ်မှာ လက်ပံတောင်း သပိတ်စခန်း အင်အားသုံး ဖြိုခွဲခံခဲ့ရစဉ် ဒဏ်ရာရခဲ့တဲ့ ရဟန်း ရှင်လူ ပြည်သူအပေါင်း အမြန်ဆုံး ကျန်းမာစေဖို့ ဆုတောင်း မေတ္တာပို့ပွဲကို လူ၅၀ကျော် တက်ရောက် ခဲ့ကြပါတယ်။

အီဂျစ်ခုံရုံး တရားသူကြီးတွေ သပိတ်တား ခံရ

အခြေခံ ဥပဒေ အတွက် ခုံရုံး ဆုံးဖြတ်ဖို့ အချိန်ကျ

ကိုင်ရို မြို့တော်မှာ ရာနဲ့ချီတဲ့ အီဂျစ် သမ္မတ မော်စီ ထောက်ခံသူ တွေက အခြေခံ ဥပဒေ ခုံရုံး တရားသူကြီးတွေ အစည်းအဝေး တက်လို့ မရအောင် တားဆီး ခဲ့ကြလို့ ခုံရုံးကို ပိတ်ပစ်ခဲ့ ပါတယ်။

တရားသူကြီး တွေကို ဒီလို စိတ် အနာတရ ဖြစ်အောင် လုပ်ကြံခဲ့လို့ များစွာ နာကျင် စိတ်ဆင်းရဲ ရတယ်လို့ အခြေခံ ဥပဒေ ခုံရုံးက ထုတ်ပြန် ခဲ့ပါတယ်။

ဒီတရားသူကြီး တွေက အခြေခံ ဥပဒေ မူကြမ်း အသစ် အပေါ် စီရင်ချက် ချဖို့ တွေ့ကြမှာ ဖြစ်ပါတယ်။

အစ္စလာမ် ဝါဒီတွေ ကြီးစိုးတဲ့ လွှတ်တော်က ဆွဲတဲ့ အခြေခံ ဥပဒေ မူကြမ်းက တရားဝင် သလား ဆိုတာ အခြေခံ ဥပဒေ ခုံရုံးက ကနေ့ ဆုံးဖြတ်ဖို့ အချိန်ကျ နေပြီ ဖြစ်ပါတယ်။

အဆိုပြု ထားတဲ့ အခြေခံ ဥပဒေ အတွက် ၂ ပတ် အတွင်း ပြည်သူ့ ဆန္ဒ ခံယူပွဲ လုပ်မယ်လို့ စနေနေ့က သမ္မတ မော်စီ ကြေညာ ခဲ့ပါတယ်။

ဒီ အခြေခံ ဥပဒေ အတည်ဖြစ်ဖို့ မစ္စတာ မော်စီ ထောက်ခံသူ အမတ် တွေ ကြာသပတေး နေ့က ညလုံးပေါက် စည်းဝေး ခဲ့ကြတာ ဖြစ်ပါတယ်။

အခြေခံ ဥပဒေသစ်မှာ အခြေခံ လွတ်လပ်ခွင့် တွေကို ချိုးနှိမ် ထားတယ်လို့ အတိုက်အခံ တွေဘက်က ဆိုပါတယ်။

လက်ပံတောင်းကော်မရှင်မှာ ၈၈ တွေ မပါဝင်လို

လက်ပံတောင်းတောင် ကြေးနီစီမံကိန်းနဲ့ ပတ်သက်တဲ့ စုံစမ်း စစ်ဆေးရေး ကော်မရှင် ထဲမှာ ၈၈ မျိုးဆက် ကျောင်းသားတွေ မပါဝင်လိုကြောင်း ထုတ်ဖော် ကြေငြာ လိုက်ပါတယ်။

ဒေါ်အောင်ဆန်းစုကြည် ဥက္ကဌအဖြစ် ပါဝင်ပြီး အဖွဲ့ဝင် စုစုပေါင်း ၃၀ ပါရှိတဲ့ ကော်မရှင်ကို သမ္မတ ဦးသိန်းစိန်က စနေနေ့တုန်းက ဖွဲ့စည်း လိုက်တာ ဖြစ်ပါတယ်။

အဖွဲ့ဝင် ၃၀ ထဲမှာ ပါတီအသီးသီးက ကိုယ်စားလှယ်တွေ၊ အစိုးရအရာရှိကြီးတွေ၊ တက္ကသိုလ် ပညာရှင်တွေ၊ ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင် နဲ့ ဦးကိုကိုကြီး၊ သပိတ်မှောက်တဲ့ ရွာ ၂၆ ရွာထဲမှာ ရွာ ၃ ရွာက ကိုယ်စားလှယ် ၃ ဦးတို့လည်း ပါဝင်ကြပါတယ်။

၈၈ အဖွဲ့အနေနဲ့ လွတ်လပ်တဲ့ စုံစမ်း စစ်ဆေးရေး ကော်မရှင် ဖွဲ့ဖို့ တောင်းဆိုခဲ့ပြီး အခု ဖွဲ့လိုက်တဲ့ ကော်မရှင်မှာတော့ ပါဝင်လိုတဲ့ ဆန္ဒမရှိကြောင်း သူတို့ရဲ့ ကြေငြာချက်မှာ ဖော်ပြပါတယ်။

NLD ပုလဲမြို့နယ် လွှတ်တော်ကိုယ်စားလှယ် ဒေါ်ခင်စန်းလှိုင်ကလည်း အခုလို ပုံစံမျိုးနဲ့ ဖွဲ့တဲ့ ကော်မရှင်ကို လက်မခံတဲ့အကြောင်း ဘီဘီစီကို ပြောပါတယ်။

အခုလို လက်မခံမှု တချို့ ရှိနေတာကြောင့် လူတွေ ပိုမို ယုံကြည် လက်ခံ နိုင်မှု ရဖို့ဆိုရင် အခု ကော်မရှင်မှာပါတဲ့ ရွာသား ၃ ဦးအပြင် သပိတ်မှောက် ကျေးရွာတွေကို ကိုယ်စားပြုပြီး ပြောနိုင်မယ့် နောက်ထပ် ပုဂ္ဂိုလ်တွေ၊ အများလေးစားတဲ့ ဥပဒေပညာရှင်တွေ၊ တတ်သိပညာရှင်တွေ ပါဝင်ဖို့ လိုအပ်ကြောင်း အာရှ လူ့အခွင့်အရေး ကော်မရှင်က ရှေ့နေ ဦးမင်းလွင်ဦးက ပြောပါတယ်။

ဒီစုံစမ်းရေးကော်မရှင် ဖွဲ့လိုက်တာနဲ့ပတ်သက်ပြီး ဒေသခံတချို့ကတော့ စောင့်ကြည့်ရမယ်လို့ ပြောသလို လက်ပံတောင်း ကြေးနီစီမံကိန်း ရပ်ဆိုင်းရေး ဦးဆောင်လှုပ်ရှားသူတွေထဲမှာ ပါတဲ့ ဝက်မှေးရွာသူ မအေးနက်ကတော့ ဒေါ်အောင်ဆန်းစုကြည် ဦးဆောင်တဲ့ ကော်မရှင်ကို လက်ခံတဲ့အကြောင်း၊ ဒါပေမယ့် သူတို့ရဲ့ သပိတ်ကိုတော့ လှန်ဦးမှာ မဟုတ်ကြောင်း ပြောပါတယ်။

ဆီးရီးယားမှာ အင်တာနက် ပြန်သုံးနိုင်

အင်တာနက် သုံးနေတဲ့ ဆီးရီးယား အတိုက်အခံ တဦး

ဆီးရီးယား နိုင်ငံမှာ ပြီးခဲ့တဲ့ ကြာသပတေး နေ့က စပြီး ဆက်သွယ်ရေး စနစ် တွေရပ်ဆိုင်း သွားခဲ့ရာက အခုတော့ တချို့ နေရာ တွေမှာ အင်တာနက်နဲ့ တယ်လီဖုန်း တွေ ပြည်လည် သုံးစွဲနိုင်ပြီ ဖြစ်ပါတယ်။

နိုင်ငံပိုင် သတင်းဌာနကတော့ အခုလို ရပ်ဆိုင်း သွားခဲ့ရတာက ပြုပြင် မွန်းမံမှုတွေ လုပ်ခဲ့တာကြောင့် ဖြစ်တယ်လို့ ဆိုပါတယ်။

တချိန်ထဲမှာပဲ နိုင်ငံတကာ လေဆိပ် အနီးက ရပ်ကွက် တွေအပါအဝင် ဒမတ်စကပ်စ် မြို့ရဲ့ အနီးတဝိုက်က ပစ်မှတ် တွေကို ဆီရီးယား အစိုးရ စစ်တပ် ဘက်က ၃ ရက်မြောက် နေ့အဖြစ် တိုက်ခိုက် နေပါတယ်။ ဆီးရီးယား နိုင်ငံပိုင် ရုပ်မြင်ကတော့ လေဆိပ်ကို ဖွင့်လှစ်ထားဆဲ ဖြစ်တယ်လို့ ကြေညာခဲ့ပါတယ်။

ဆီးရီးယား လူ့အခွင့်အရေး စောင့်ကြည့် လေ့လာ သူတွေကတော့ စနေနေ့က နိုင်ငံတဝှမ်းမှာ ဖြစ်ခဲ့တဲ့ တိုက်ပွဲ တွေအတွင်းမှာ လူပေါင်း ၁၁၀ သေဆုံးခဲ့ရတယ်လို့ ဆိုပါတယ်။ အဲဒီထဲက ထက်ဝက် ကျော်လောက်ဟာ ရိဖ် ဒီမာ့စ်ခ် ပြည်နယ်နဲ့ အလက်ပို မြို့တွေဘက်မှာ ဖြစ်တယ်လို့ ဆိုပါတယ်။

ပါလက်စတိုင်း သမ္မတ ကို ကြိုဆို

ပါလက်စတိုင်း တွေအတွက် တိုင်းပြည်လို့ ရှိလာပြီလို့ ပြည်တော်ပြန် ပါလက်စတိုင်း သမ္မတ မာမွတ် အဘတ်စ်က အနောက်ဘက် ကမ်းမှာ ထောင်နဲ့ချီ ကြိုဆို နှုတ်ဆက် နေကြတဲ့ ပြည်သူ တွေကို ပြောကြား ခဲ့ပါတယ်။

သူတို့ ပြည်သူ တွေရဲ့ လွတ်လပ်ရေး အိပ်မက် တွေနဲ့ နာကျင်မှု တွေကို နယူးယော့ ကို ယူသွားပြီး ချပြ ခဲ့တယ်၊ ကမ္ဘာကလဲ တသံထဲ ထွက်ပြီး ခိုင်ခိုင်မာမာ ရပ်တည် ခဲ့လို့ ပါလက်စတိုင်း ပြည်သူ တွေ အတွက် လွတ်လပ်ရေး ကို ထောက်ခံ ပေးကြကြောင်း၊ နောက်ထပ် ကျူးကျော် အခြေချ သိမ်းပိုက်တာ တွေ လက်မခံဘူးလို့ သမ္မတ အဘတ်စ်က ကြွေးကြော် ခဲ့ပါတယ်။

ပါလက်စတိုင်း ကို ကုလ သမဂ္ဂ မှာ လေ့လာသူ နိုင်ငံ အဆင့် တိုးမြှင့် ပေးတဲ့ မဲရအောင် စွမ်းဆောင် နိုင်ခဲ့တဲ့ မစ္စတာ အဘတ်စ် နယူးယော့ မြို့ ကုလ သမဂ္ဂ အစည်းအဝေး က အပြန် ခရီးကို သူရဲကောင်း တယောက်ကို ကြိုသလို ကြိုဆို နှုတ်ဆက်ကြတာ ဖြစ်ပါတယ်။

လျှောက်ခဲ့ရတဲ့ လမ်းကြောင်းက အင်မတန် ကြာရှည်ပြီး ဖိအားတွေလဲ များလှကြောင်း၊ ဒါပေမယ့် ပါလက်စတိုင်း ပြည်သူတွေက မြန်မြန် လျှောက်လှမ်းပြီး အောင်ပွဲ ခံနိုင်ခဲ့ကြောင်း မစ္စတာ အဘတ်စ်က ရာမလာ မြို့က လူထု ပရိသတ်ကို မိန့်ခွန်း ပေးခဲ့ပါတယ်။

အနောက်ဘက်ကမ်း နဲ့ ဂါဇာ က ဟားမတ်စ် တွေ ကြား တကွဲ တပြား ဖြစ်နေတဲ့ ပါလက်စတိုင်း ပြည်သူတွေ ပြန်လည် ပေါင်းစည်း ရေး အတွက်လဲ မစ္စတာ အဘတ်စ် တောင်းဆို ခဲ့ပါတယ်။

တဘက်မှာလဲ ပါလက်စတိုင်းကို ကုလ သမဂ္ဂမှာ အဆင့်တိုးမြှင့် ပေးလိုက် တာကို တန်ပြန် တဲ့ အနေနဲ့ ဒီလ ပါလက်စတိုင်း အတွက် ကောက်ထားတဲ့ အခွန်ငွေ တွေကို လွှဲပေးမှာ မဟုတ်ဘူး လို့ အစ္စရေး ဘဏ္ဍာ ရေး ဝန်ကြီးက တနင်္ဂနွေ နေ့ အစောပိုင်းမှာ ပြောကြား ခဲ့ပါတယ်။

အကြမ်းဖျဉ်း ဒေါ်လာ သန်း ၁၂ဝ လောက် ရှိတဲ့ ငွေတွေနဲ့ အစ္စရေး လျှပ်စစ် ကုမ္ပဏီ ကို ပါလက်စတိုင်း အာဏာ ပိုင် တွေဘက်က တင်နေတဲ့ အကြွေး ကို ပေးချေ ရာမှာ သုံးမှာ ဖြစ်ကြောင်း အစ္စရေး ဘဏ္ဍာရေး ဝန်ကြီး ယူဗယ် စတိုင်းနစ်ဇ် က ပြောဆိုပါတယ်။

ပါလက်စတိုင်း အရေး ဆုံးဖြတ်ချက် ဟာ အရင် က ဆုံးဖြတ်ချက်တွေကို အကြီးအကျယ် ချိုးဖောက် လိုက်တာ ဖြစ်လို့ ရှုတ်ချကြောင်း၊ အိုးအိမ်သစ် တွေ ဆက်ဆောက်သွားမယ်လို့ အစ္စရေး ဝန်ကြီးချုပ် ဘင်ဂျမင် နေတန်ညာဟု က ပြောကြား ခဲ့ပါတယ်။

တရုတ်အစိုးရ ပြုပြင်ပြောင်းလဲဖို့ မျက်မမြင်တက်ကြွသူ တိုက်တွန်း

တရုတ် မျက်မမြင် တက်ကြွ လှုပ်ရှားသူ ချန်ဂွမ်ချမ်း (Chen Guangchen)။

တရုတ်အစိုးရရဲ့ ခေါင်းဆောင်တွေ အထူးသဖြင့် နောက်တက်မယ့် ခေါင်းဆောင်သစ် အနေနဲ့ တိုင်းပြည်မှာ လူ့အခွင့်အရေး အခြေအနေတွေ တိုးတက်လာစေဖို့နဲ့ တရားဥပဒေ စိုးမိုးမှုရှိစေရေး ဆောင်ရွက်ဖို့ ပြည်ပရောက် တရုတ် မျက်မမြင် တက်ကြွ လှုပ်ရှားသူ ချန်ဂွမ်ချမ်း (Chen Guangchen) ကတိုက်တွန်း လိုက်ပါတယ်။ အိမ်နီးချင်း မြန်မာနိုင်ငံ အပါအ၀င် ကမ္ဘာတ၀ှမ်း နိုင်ငံရေး အပြောင်းအလဲတွေ ပေါ်ပေါက်နေချိန်မှာ တရုတ်နိုင်ငံလည်း ပြောင်းလဲဖို့ အချိန်တန်နေပြီလို့ သူက ပြောလိုက်တာပါ။ အပြည့်အစုံကိုတော့ ကိုအောင်လွင်ဦး တင်ပြထားပါတယ်။

နေအိမ်အကျယ်ချုပ်နဲ့ ဖမ်းဆီးခံခဲ့ရ ပြီးတဲ့နောက် အခုအခါ အမေရိကန် ပြည်ထောင်စု မှာ ရောက်ရှိနေတဲ့ တရုတ်မျက်မမြင် တက်ကြွလှုပ်ရှားသူ ချန်ဂွမ်ချမ်း က ဒီဇင်ဘာလ ၁၀ ရက်နေ့မှာ ကျရောက်မယ့် လူ့အခွင့်အရေးနေ့ အထိမ်းအမှတ် အကြိုအဖြစ် တရုတ်ခေါင်းဆောင်တွေကို တိုက်တွန်းလိုက်တာ ဖြစ်ပါတယ်။ အထူးသဖြင့်ကတော့ လူ့အခွင့်အရေး ချိုးဖောက်မှုတွေ ကျယ်ကျယ် ပြန့်ပြန့် ရှိနေတဲ့ တရုတ်နိုင်ငံမှာ ရှေ့လထဲ သမ္မတအဖြစ် တာဝန်ယူတော့မယ့် ရှီကျင်းပင် အနေနဲ့ ဒီအခြေအနေတွေကို တားဆီး နိုင်တဲ့ အခွင့်အလမ်းတွေ ရှိနေတယ်လို့ နယူးယောက်မြို့မှာ ရိုက်ကူးထားတဲ့ ဗွီဒီယိုမှတ်တမ်းထဲမှာ သတိပေးလိုက်တာပါ။

“ခင်ဗျားကိုယ်တိုင်က မသမာသူ တယောက် ဖြစ်နေမယ်ဆိုရင် တိုင်းပြည်ကို တရားနဲ့အညီ ဘယ်လို အုပ်ချုပ်မှာလဲ? မစ္စတာ ရှီကျင်းပင်း ခင်ဗျား၊ တိုင်းပြည်က ခင်ဗျားကို စောင့်ကြည့်နေ ပါတယ်။ ပြုပြင်ပြောင်းလဲမှုတွေ လုပ်ဆောင်ဖို့ လူထုနဲ့ ကောင်းကင်ဘုံက တောင်းဆိုတာကို လိုက်နာသည်ဖြစ်စေ၊ အစိုးရကို ပြန်ပေးဆွဲပြီး ကွန်မြူနစ်ပါတီရဲ့ အာဏာကိုပဲ ဆက်ထိန်းထား ထိန်းထား၊ တရုတ်ပြည် အနေနဲ့ကတော့ အသွင်ကူးပြောင်းတဲ့ နေရာမှာ ငြိမ်းချမ်းတဲ့နည်းနဲ့ ဖြစ်မလား၊ အကြမ်းပတမ်း ဖြစ်မလား ဆိုတာပါပဲ။”

တချိန်တည်းမှာ တရုတ်အစိုးရအနေနဲ့ စီးပွားရေးနဲ့ ကုန်သွယ်မှုတွေ တိုးမြှင့်ပြီး လူ့အခွင့်အရေး ပြဿနာတွေကို မျက်ကွယ်ပြုနေတယ် ဆိုပြီး နိုင်ငံတကာ အသိုင်းအ၀ိုင်းကိုလည်း တရုတ် တက်ကြွလှုပ်ရှားသူ ချန်ဂွမ်ချမ်း က ဝေဖန်သွားပါတယ်။ ပြည်ပကို ထွက်ခွာလာပြီးတဲ့နောက် တူဖြစ်သူကို အာဏာပိုင်တွေက ကိုယ်ထိလက်ရောက် စော်ကားမှုနဲ့ ထောင်ဒဏ် ၃ နှစ် စီရင် ခဲ့တဲ့ အပေါ်မှာလည်း လက်တုံ့ပြန် အရေးယူတဲ့ လုပ်ရပ်တခု အဖြစ်နဲ့ သူက ပြစ်တင် ပြောဆိုခဲ့တာပါ။ ဒီလိုပဲ တက်ကြွလှုပ်ရှားသူ အများအပြား ဆက်လက် ဖမ်းဆီးခံနေရတာတွေ အဆုံးသတ်ဖို့ မြန်မာနိုင်ငံက အခြေအနေတွေနဲ့ နှိုင်းယှဉ် တိုက်တွန်းသွားပါတယ်။

“အခုအခါ ဒေါ်အောင်ဆန်းစုကြည် လည်း လွတ်မြောက်လာပါပြီ။ လူရှား၊ ဟူးဂျား၊ ၀မ် လီဟောင်၊ ဂျန် တီယန်ယောင်နဲ့ တခြားသူတွေ ဘယ်တော့မှ လွတ်လာကြမှာပါလဲ? ဦးသိန်းစိန် က သူ့ကို အတိုက်အခံ လုပ်သူတွေကို လွှတ်ပေးခဲ့ပါတယ်။ ဂေါင် ဇီရှန်း၊ လူရှောင်ဘို၊ ဂေါင် ကွမ်း၊ ယန် တီယန်ရှုး၊ နီယူလန်း၊ ၀ီဂါခရစ်ယာန် အလီမူဂျန် နဲ့ ကျီချောင်ဝှေး တို့လို ယုံကြည်ချက်ကြောင့် အကျဉ်းကျနေသူတွေ ဘယ်အချိန်မှာ လွတ်မြောက်ကြမှာပါလဲ? ဦးသိန်းစိန် ရဲ့ ပွင့်လင်းတဲ့ စိတ်ဓာတ်ကြောင့် လူထုရဲ့ ထောက်ခံမှု ရခဲ့သလို၊ နိုင်ငံတကာကလည်း အသိအမှတ်ပြုတာ ခံရပါတယ်။ ဦးသိန်းစိန် တောင် လုပ်နိုင်တဲ့ ကိစ္စကို မစ္စတာ ရှီကျင်းပင် မလုပ်နိုင်ဘူး ဆိုရင်တော့ ဒါဟာ မလုပ်နိုင်တာထက် မလုပ်တာ ဆိုတာက ရှင်းပါတယ်။”

တရုတ်နိုင်ငံသားတွေ အနေနဲ့လည်း ကိုယ်ပိုင် အခွင့်အရေးအတွက် ကိုယ်တိုင် တိုက်ပွဲဝင်ဖို့နဲ့ စည်းလုံးညီညွတ်မှု ရှိဖို့ လိုတယ်လို့ ချန်ဂွမ်ချမ်း က တိုက်တွန်းခဲ့တာပါ။ မျက်မမြင် လူ့အခွင့်အရေး လှုပ်ရှားသူ ရှေ့နေ ချန်ဂွမ်ချမ်း ဟာ နေအိမ်အကျယ်ချုပ် ကျခံနေရာက ဧပြီလထဲ ထွက်ပြေးပြီး အမေရိကန် သံရုံးမှာ ခိုလှုံခဲ့တာပါ။ နောက်ပိုင်းမှာတော့ အမေရိကန်နဲ့ တရုတ်အစိုးရ တာဝန်ရှိသူတွေကြား စေ့စပ်ညှိနှိုင်းပြီး ပြည်ပကို ထွက်ခွာခွင့် ပေးခဲ့တာ ဖြစ်ပါတယ်။

လက်ပံတောင်းအရေး ဆန္ဒပြမှု အဖမ်းအဆီးတချို့ရှိ

 

လက်ပံတောင်းတောင် အကြမ်းဖက် နှိမ်နင်းမှုတွေကို ရှုတ်ချတဲ့ သံဃာတော်တချို့ ရန်ကုန်မြို့မှာ ချီတက်လမ်းလျှောက် ဆန္ဒပြခဲ့ကြစဉ်။ (နိုဝင်ဘာလ ၃၀၊ ၂၀၁၂)။

လက်ပံတောင်းတောင် ကြေးနီစီမံကိန်း ငြိမ်းချမ်းစွာ ဆန္ဒပြမှုကို အာဏာပိုင်တွေက အကြမ်းဖက် နှိမ်နင်းခဲ့တဲ့အပေါ်မှာ ရှုတ်ချတဲ့ အနေနဲ့ မန္တလေး၊ ရန်ကုန်နဲ့ မြင်းခြံမြို့တွေမှာ သံဃာတော်နဲ့ပြည်သူတချို့ ဒီကနေ့ ချီတက် ဆန္ဒပြခဲ့ကြသလို ရန်ကုန်မြို့မှာတော့ ဒီကနေ့ ဆန္ဒပြ ခေါင်းဆောင်တချို့ ဖမ်းဆီးခံခဲ့ရပါတယ်။ တချိန်တည်းမှာလည်း လက်ပံတောင်းတောင် ကြေးနီ စီမံကိန်း သပိတ်စခန်းတွေကို အကြမ်းဖက် နှိမ်နင်းမှုကြောင့် မီးလောင်ဒဏ်ရာ ရကြတဲ့ သူတွေလည်း မန္တလေး ဆေးရုံကြီးကို ထပ်ပြီး ရောက်ရှိလာကြပါတယ်။ ဒီ အခြေအနေတွေနဲ့ ပတ်က်လို့တော့ ဆက်သွယ်စုံစမ်းထားတဲ့ မသိင်္ဂီထိုက်က တင်ပြထားပါတယ်။

ရန်ကုန်မြို့တော်မှာ လက်ပံတောင်းတောင် သပိတ် အကြမ်းဖက် ဖြိုခွဲခံရမှုနဲ့ ပတ်သက်ပြီး ဆန္ဒပြကြတာမှာ လတ်တလော ဆန္ဒပြသူ ၂ ဦး ဖမ်းဆီးခံရပါတယ်။ ဆန္ဒပြ လူအုပ်ကြားကနေ ရဲတွေက အတင်းအဓမ္မ ဆွဲထုတ်ပြီး ဖမ်းဆီးခဲ့တာ ဖြစ်ပြီး တရားရုံးက ဖမ်းဝရမ်းနဲ့ ဖမ်းဆီးတာလို့ ရဲတွေက ပြောပေမဲ့ ဖမ်းဝရမ်းကို မပြဘူးလို့လည်း ဆိုပါတယ်။ ဖမ်းဆီးမှုကို မျက်မြင်တွေ့ရသူ တဦးက အခုလို ပြောပါတယ်။

“ရွှေဂုံတိုင် ဗန်ဒါပင် မှတ်တိုင်လောက်မှာ စပြီးတော့ ပထမဆုံး သူတို့က လူအုပ်ထဲကို ကိုမိုးသွေးကို ၀င်ဆွဲတယ်။ ကျမတို့ လူအုပ်က ပြန်ဆွဲတယ်။ ပြန်ဆွဲပြီးတော့ နည်းနည်း စကားများတယ်။ ပြီးတော့ သူတို့က နောက်ဆုတ်သွားတယ် အဲဒီအချိန်မှာ။ နောက်ဆုတ်သွားတော့ ညီမ တို့ ဆက်လျှောက်တယ်။ ဆက်လျှောက်ပြီးနောက်ပိုင်းမှာ ကိုမိုးသွေးတို့ အရင်သွားနှင့်မယ်ဆိုပြီးတော့ တက္ကဆီ ငှားလိုက်တယ်။ ငှားပြီးတော့ သူတို့ လူ လေးငါးယောက်လောက် တက္ကဆီပေါ် တက်ပြီးတော့ သူတို့ တက္ကဆီက အထွက်၊ နောက်က ရဲကားက အလိုက်။ သူတို့ လိုက်ပြီးတော့ ညီမတို့ လူအုပ်နဲ့ ခပ်လှမ်းလှမ်း ရောက်သွားတဲ့အချိန်မှာ ရဲကားက တက္ကဆီကို ပိတ်ပြီးတော့ ကားပေါ်ကနေ ဆွဲချပြီးတော့ ကိုမိုးသွေးကို အရင် ခေါ်သွားတယ်။ ကိုမိုးသွေးကို အရင် ခေါ်သွားပြီးတော့ နောက်မှာ ကိုအောင်စိုး ဆိုတဲ့ အစ်ကိုတယောက်ကို ကျတော့ အဲဒီ တက္ကဆီကားပေါ်မှာပဲ ကိုအောင်စိုးရယ်၊ နှစ်ယောက် သုံးယောက် လောက်ရယ်ကို အဲဒီ တက္ကဆီကားပေါ် တင်ပြီးတော့ တက္ကဆီသမားကို မောင်းမောင်းဆိုပြီးတော့ အတင်း မောင်းခိုင်းပြီးတော့ ခေါ်သွားတယ်အစ်မ။”

ရွှေတံဂုံဘုရား အရှေ့ဘက်မုဂ်မှာ လူစုပြီး ဆန္ဒပြ ချီတက်ကြသူ ၃၀၀ လောက် ရှိတယ်လို့ လည်း ပြောပါတယ်။ ဖမ်းဆီးမှုတွေ ရှိပေမဲ့လည်း ဆန္ဒပြပွဲကို အပြီးထိ ချီတက်ခဲ့ကြတယ် လို့လည်း မျက်မြင်တွေ့သူတွေက ပြောပါတယ်။

မန္တလေးမြို့က သံဃာတော် အပါး ၂၀၀ လောက်ဟာ ဒီကနေ့ တနင်္ဂနွေနေ့ နေ့လယ်ပိုင်းက လက်ပံတောင်းတောင် ကြေးနီစီမံကိန်း သပိတ်ကို အကြမ်းဖက် နှိမ်နင်းခဲ့တာကို ဆန့်ကျင် ဆန္ဒပြ ချီတက်ခဲ့ကြပါတယ်။ မန္တလေး ဒေသခံ စာရေးဆရာ ဦးညီပုလေးကတော့ ဒီကနေ့ ဆန္ဒပြပွဲကို အခုလို ပြောပြပါတယ်။

“မန္တလေးမှာ သံဃာတွေ ချီတက်ပြီး ဆန္ဒပြပါတယ်ခင်ဗျ။ နေ့လယ် ၁ နာရီနဲ့ ၂ နာရီကြားမှာပါ။ ဘာမှဖြစ်တယ်လို့ မကြားမိဘူးခင်ဗျ။ ကျနော် ပြီးခဲ့တဲ့ မိနစ် ၂၀ လောက်က သူတို့နဲ့အတူ ရှိတယ်။ အဲဒီအထိတော့ ချောချောမောမော ပါပဲ။ လက်ပံတောင်း ကိစ္စပါပဲ။ သံချပ်လို ဟာမျိုး ကြွေးကြော်သံမျိုး ပါပါတယ်။ ဒါပေမဲ့ အကျယ်ကြီးတော့ သံပြိုင်လုပ်တာ မဟုတ်ပါဘူးခင်ဗျ။ စာရွက်တွေမှာ ရေးပြီးတော့ တိုင်တဲ့သူက တိုင်ပြီး ဟစ်ကြွေးတဲ့သူက ဟစ်ကြွေးပါတယ်။ သို့သော် ၂ ပါးစီ ချီတက်တဲ့အတွက် ၄ ပါးလောက် ၆ ပါးလောက်ရဲ့ အသံလောက်ပဲ ထွက်ပါတယ်။ အဲဒါက တအုပ်စု၊ နောက်တအုပ်စုကလည်း အဲဒီလိုပဲ တပါးက တိုင်ပြီး ကျန်တဲ့ ၄ ပါး ၅ ပါးက ၀ိုင်းပြီးတော့ အော်တဲ့ဟာလောက်ပဲ ရှိတယ်။ ၂၀၀ လုံးရဲ့ အသံပြိုင်တူ အသံချဲ့စက် ပါတဲ့ပြိုင်တူ အော်ရတာ ကြွေးကြော်ရတာမျိုးတော့ မရှိဘူးခင်ဗျ။”

သံဃာတော်တွေဟာ မန္တလေးမြို့ မဟာမြတ်မုနိ ဘုရားကြီး အနားမှာ စုဝေးခဲ့ကြပြီး ၈၁ လမ်းမကြီး ကနေ တဆင့် ၃၈ လမ်း တလျှောက် ချီတက်ခဲ့ကြပါတယ်။ အဲဒီနောက် ၇၈ လမ်းမကြီးဘက်ကို ဆက်လက် ကြွချီခဲ့ကြပြီး လူစုခွဲခဲ့ကြပါတယ်။ နေ့လယ် ၁ နာရီခွဲလောက်က စခဲ့တဲ့ ဒီချီတက် ဆန္ဒပြပွဲမှာ သံဃာတော်တွေကို လူထုက ၀န်းရံခဲ့ကြတယ်လို့လည်း ဆိုပါတယ်။ သံဃာတော်တွေက အကြမ်းဖက်မှုကို ဆန့်ကျင်တဲ့ သံချပ်တွေတိုင်ပြီး ချီတက်ခဲ့ကြတာလို့လည်း မန္တလေး ဒေသခံ သတင်းစာဆရာ တဦးဖြစ်တဲ့ ကိုမင်းထက်ငြိမ်းချမ်းက ပြောပြပါတယ်။

“ကျနော်တို့ ငြိမ်းငြိမ်းချမ်းချမ်း ဆန္ဒပြတာ။ အေးအေးချမ်းချမ်း ကန့်ကွက်တာ။ ငြိမ်ငြိမ်သက်သက် ကန့်ကွက်တာ။ အပြစ်မဲ့တဲ့ တို့ပြည်သူ၊ စစ်တပ်ကိုင်တဲ့လက်နက်ဟာ တရုတ်ကြီးကို ဖားဖို့ကြံ။ အဲဒါမျိုးတွေပေါ့ဗျာ။ သူက သံချပ်ပေါ့ဗျာ။ ဥပမာ ဆိုရင်     စစ်တပ်ကိုင်တဲ့လက်နက်ဟာ - တို့ပြည်သူကို သတ်ဖို့မဟုတ်ဘူး။     တရုတ်ကြီးကို ဖားဖို့ကြံ - ပြည်သူ့အသံ နားစွင့်ပါဦး။အဲဒါမျိုးလေးတွေကို ကျနော်တို့ ရွတ်ဆိုတာတွေ့ရတယ်။ အကုန်လုံးတော့လည်း မမှတ်မိဘူးခင်ဗျ။ ဘေးကနေ ကြားတာတော့ အဲဒီလို ကြားရတယ်လေ။”

နိုဝင်ဘာလ ၂၉ ရက်နေ့က လက်ပံတောင်းတောင် ကြေးနီစီမံကိန်းကို ဆန့်ကျင်တဲ့ သပိတ်ကို အကြမ်းဖက် နှိမ်နင်းမှုကြောင့် မီးလောင်ဒဏ်ရာတွေ ရထားကြတဲ့ ရဟန်းတွေနဲ့ လူပုဂ္ဂိုလ်တွေလည်း မန္တလေးဆေးရုံကြီးကို ထပ်ပြီး ရောက်လာကြပါတယ်။ ဒီ မီးလောင်ဒဏ်ရာရထားတဲ့ ရဟန်းတွေကို ဒီကနေ့ လာရောက် လှူဒါန်းတဲ့ သာသနာရေး ၀န်ကြီးဌာနက အလှူကိုတော့ ဆရာတော်တွေက သပိတ်မှောက်လိုက်ကြတယ်လို့ ဆေးရုံမှာ ရှိနေတဲ့ ကိုသိန်းအောင်မြင့်က အခုလို ပြောပါတယ်။

“မနေ့က ညက ၁၀ နာရီလောက်ကတော့ သံဃာ ၁၈ ပါးနဲ့ လူ ၂ ဦး စိုက်ရောက်တယ်ပေါ့ခင်ဗျာ။ ပထမရက်ကတော့ သံဃာ ၃ ပါးပေါ့။ ၁ ပါးကတော့ ဒီ ဆေးရုံတက်လို့မရလို့ မျက်စိ ဆေးရုံ ဆိုတော့၊ မျက်စိ ဆေးရုံမတက်ဘဲ ကျောင်းတိုက် ပြန်ကြွသွားတာပေါ့။ သံဃာ ၂ ပါး ရှိတာပေါ့။ မနေ့က ထပ်ပြီးတော့ သံဃာ ၁၈ ပါးနဲ့ လူ ၂ ဦး ထပ်ရောက်လာတာပေါ့ဗျာ။ အခုတော့ လက်ရှိ သံဃာ အပါး ၂၀ နဲ့ လူ ၂ ဦးပေါ့ခင်ဗျာ။ နောက် နာရီပိုင်းလောက်ဆိုရင်တော့ ကျနော်တို့ ကြားထားတာက မုံရွာကနေ ထပ်ပြီးတော့ ရွှေ့လာတဲ့ သံဃာတွေရော၊ ဒဏ်ရာရတဲ့သူတွေရော ၃၂ ဦးလို့တော့ ကြားတယ်ခင်ဗျ။ အခုလက်ရှိတော့ မရောက်သေးဘူး။ စောစောက လှမ်းဖုန်းဆက်တာတော့ အုန်းကြော လောက်ရောက်ပြီ ကြားတယ်ဗျ။ ဆေးရုံ တက်နေတဲ့ ဘုန်းကြီးတွေ အခြေအနေကတော့ မနေ့က ကျနော်တို့ တွေ့ရတဲ့ အခြေအနေကတော့ တော်တော် ဆိုးရွားတယ်ပေါ့။ သူက ဒဏ်ရာတွေကတော့ မြင်ရက်စရာ မကောင်းဘူးပေါ့ခင်ဗျာ။ တချို့ကျတော့လည်း ဒဏ်ရာ အနေအထားတွေက အရမ်း ရုပ်မဆိုးပေမဲ့ ရရှိထားတဲ့ဒဏ်ရာတွေက ကိုက်ခဲနေလို့ ကိုက်ခဲတဲ့ဝေဒနာ တော်တော် ခံစားရတယ်လို့ သံဃာတွေက ပြောကြားတာ ကျနော်တို့ ကြားသိရတယ်။”  

သပိတ်စခန်းတွေကို ဖြိုခွဲပြီးတဲ့နောက်မှာ ဆေးရုံကို ရောက်လာတဲ့ မီးလောင်ဒဏ်ရာရသူ အနည်းငယ်ပဲ ရှိခဲ့ပေမဲ့လည်း အခုနောက်ပိုင်းမှာ မုံရွာခရိုင်ထဲက ကျေးရွာတွေ မုံရွာ မြို့ပေါ်က ဘုန်းတော်ကြီး ကျောင်းတွေကနေ လူနာတွေ ထပ်ပြီး ရောက်လာနေကြပါတယ်။ သပိတ် စခန်း အကြမ်းဖက် ဖြိုခွဲမှုမှာ မီးလောင်ဒဏ်ရာ ရကြသူ အတော်များများက အဖမ်းအဆီးခံရမှာကို စိုးရိမ်မှုတွေကြောင့် ကိုယ့်နေရပ်မှာ ပုန်းရှောင်နေပြီး ဆေးမြီးတိုတွေနဲ့ ကုသနေတာကနေ အခု နောက်ပိုင်း ဒဏ်ရာတွေ မသက်သာမှုကြောင့် ဆေးရုံကို ထပ်ပြီး ရောက်ရှိလာကြတာလို့လည်း အကူအညီပေးနေသူတွေက ပြောကြပါတယ်။ ဒီကနေ့ မြင်းခြံမြို့မှာလည်း ဒီအကြမ်းဖက်နှိမ်နင်းမှုကို ဆန့်ကျင်ဆန္ဒပြခဲ့ ကြပါတယ်။

မြောက်ကိုရီယားဒုံးကျည် အစီအစဉ် ဒေသတည်ငြိမ်မှုကို ထိခိုက်

မြောက်ကိုရီယားဘက်က တာဝေးပစ်ဒုံးကျည် လွှတ်တင်မယ်ဆိုတဲ့ ကြေညာချက်အတိုင်း လုပ်မယ်ဆိုရင် ဒါဟာ တမင်တကာ ရန်စတဲ့သဘောဖြစ်ပြီး၊ ဒါဟာ ဒေသတွင်း ငြိမ်းချမ်းရေးနဲ့ တည်ငြိမ်မှုကိုပါ ခြိမ်းခြောက်မှုဖြစ်တယ်လို့ အမေရိကန်ပြည်ထောင်စုက တုံ့ပြန်ပြောလိုက်ပါတယ်။ မြောက်ကိုရီယား အနေနဲ့ ဘယ်လိုမျိုး ပဲ့ထိန်းဒုံးကျည်ကိုမဆို ပစ်လွှတ်မယ်ဆိုရင် ဒါဟာ အခု နှစ်ဆန်းပိုင်းက ချမှတ်ထားတဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို တိုက်ရိုက် ချိုးဖောက်တာ ဖြစ်တယ်လို့လည်း အမေရိကန်ပြည်ထောင်စုက ပြောပါတယ်။

မြောက်ကိုရီယားအနေနဲ့ ဒီလကုန်ပိုင်းမှာ တာဝေးပစ် ဒုံးကျည်လွှတ်ဖို့ ရှိတယ်လို့ မြောက်ကိုရီယား အစိုးရပိုင် သတင်းဌာနက ကြေညာခဲ့တဲ့နောက်၊ အမေရိကန်နိုင်ငံခြားရေးဌာန ကလည်း အခုလို ကြေညာချက် စနေနေ့က ထုတ်ပြန်ခဲ့တာပါ။ မြောက်ကိုရီယားအနေနဲ့ နျူကလီယားလက်နက် ထုတ်နိုင်ဖို့နဲ့ တာဝေးပစ်ဒုံးကျည် လွှတ်တင်နိုင်ဖို့ အခုလို ကြိုးပမ်းနေတာတွေကြောင့် ကမ္ဘာမှာ ပို အထီးကျန် ဖြစ်ပြီး တိုင်းပြည်အတွက်လည်း ဆင်းရဲငတ်မွတ်မှု ဖြစ်စေလိမ့်မယ်လို့ အမေရိကန်နိုင်ငံခြားရေး ဌာနက သတိပေးပါတယ်။

အခုလို မြောက်ကိုရီယားက ကြေညာလိုက်တဲ့နောက် ဂျပန်နိုင်ငံအနေနဲ့ မြောက်ကိုရီယားနဲ့ သံတမန်ရေး ဆွေးနွေးဖို့ ကိစ္စကို ရွှေ့ဆိုင်းလိုက်တယ်လို့ ကျိုတိုသတင်းက ကြေညာ ပါတယ်။ မြောက်ကိုရီယားကတော့ အခုလို တာဝေးပစ်ဒုံးကျည် လွှတ်တင်တာဟာ လာမယ့် ဒီဇင်လာ ၁၀ ရက်နေ့ကနေ ၂၂ ရက်နေ့အထိ ကမ္ဘာပတ်လမ်းကြောင်းထဲကို ဆက်သွယ်ရေးဂြိုလ်တု လွှတ်တင်ဖို့ အစီအစဉ် ဖြစ်တယ်လို့ မြောက်ကိုရီယားရဲ့ ကိုရီယားအာကာသ နည်းပညာ သိပ္ပံက ကြေညာပါတယ်။