19.02.2013 နေ့ဖတ်ရန်သတင်းများ

by Myanmar Journal on Monday, February 18, 2013 at 4:04pm ·

မြန်မာ-တရုတ် လူကုန်ကူးမှု တိုက်ဖျက်ရေး တိုးမြှင့်
မြန်မာ မိန်းကလေး တယောက်ကို တရုတ်ငွေ ယွမ် နှစ်သောင်း၊ မြန်မာ ငွေနဲ့ ဆိုရင် ၂၆ သိန်းနဲ့ ဝယ်ယူနေ
မြန်မာ တရုတ် နှစ်နိုင်ငံ အကြား လူကုန် ကူးမှု တိုက်ဖျက်ရေး ပူးပေါင်း ဆောင်ရွက်ဖို့ အတွက် တတိယ မြောက် နှစ်နိုင်ငံ နယ်စပ် ဆက်ဆံရေး ရုံးတခု ကို အခု နှစ်ထဲ ထပ်မံ ဖွင့်လှစ် သွားဖို့ နှစ်ဘက် အစိုးရ အကြား သဘောတူ ထားပြီ ဖြစ်ပါတယ်။

နမ့်ဆန်၊ လောက်ကိုင် ဘက်မှာ ဒီဆက်ဆံရေး ရုံး အမြန် ဖွင့်လှစ် နိုင်ဖို့ကို လာမယ့် ကြာသပတေးနေ့ ကျရင် ထိုင်း နိုင်ငံမှာ ကျင်းပမယ့် လူကုန် ကူးမှု တိုက်ဖျက်ရေး မဲခေါင် ဒေသ ၆ နိုင်ငံ အဆင့်မြင့် အရာရှိများ ညီလာခံမှာလည်း ထပ်ပြီး ဆွေးနွေးမှာ ဖြစ်တယ်လို့ မြန်မာ နိုင်ငံ လူကုန် ကူးမှု တားဆီး နှိမ်နှင်းရေး အဖွဲ့က ရဲမှူးကြီး ဝင်းနိုင်ထွန်းက ဘီဘီစီ ကို ပြောပါတယ်။
တကယ်တော့ ရွှေလီနဲ့ မူဆယ်၊ လွယ်ဂျယ်နဲ့ ကျန်းဖုန်း စတဲ့ တရုတ် မြန်မာ နယ်စပ် ဒေသတွေမှာ အရေးပေါ် ဆက်သွယ် တိုင်ကြား နိုင်တဲ့ Hotline တယ်လီဖုန်းတွေ တပ်ဆင် ထားတဲ့ ဆက်ဆံရေး ရုံးနှစ်ခု ဖွင့်ထားပြီး ဖြစ်ပါတယ်။
တရုတ် နိုင်ငံမှာ လူဦးရေ ထိန်းချုပ်မှုကြောင့် တအိမ်ထောင် ကလေး တယောက် စံနစ် ကျင့်သုံးခဲ့ တာရယ်၊ တရုတ် ယဉ်ကျေးမှု အရ၊ သား ယောက်ျားလေး ကိုသာ လိုချင် ကြတာရယ်ကြောင့် မိန်းကလေး အရေ အတွက် သိသိ သာသာ နည်းလာပြီး တရုတ် ယောက်ျားလေး တွေက မြန်မာပြည် ဘက်က မိန်းကလေး တွေကို လက်ထပ် ပေါင်းသင်းဖို့ ငွေပေး ဝယ်ယူ ကြတာ ဖြစ်ပါတယ်။
အဲဒီလို ဝယ်ယူတဲ့ နေရာမှာ မြန်မာ မိန်းကလေး တယောက်ကို တရုတ်ငွေ ယွမ် နှစ်သောင်း၊ မြန်မာ ငွေနဲ့ ဆိုရင် ၂၆ သိန်းနဲ့ ဝယ် နေကြတာ ဖြစ်ပါတယ်။
မြန်မာ ဘက်က လူကုန်ကူး ခံရတဲ့ မိန်းကလေး ၆၀ ရာခိုင်နှုန်းဟာ အဲဒီလို လက်ထပ် ထိမ်းမြားဖို့ ရောင်းချ ခံရတာ ဖြစ်တယ်လို့ မြန်မာ နိုင်ငံ လူကုန်ကူးမှု တားဆီး နှိမ်နှင်းရေး အဖွဲ့က ထုတ်ပြန် ထားပြီး၊ အခုလို လူကုန်ကူး ခံရသူတွေ ထဲမှာ ဆင်းရဲ နွမ်းပါးတဲ့ ပလောင် အမျိုး သမီး ငယ်တွေ အများ အပြား ပါဝင် နေတယ်လို့ နမ့်ဆန်မြို့ခံ လက်ဖက် လုပ်ငန်းရှင် ဦးဝင်းကျော်က ပြောပါတယ်။


ဗြိတိန် အိန္ဒိယ စီးပွားရေး ကုန်သွယ်မှု မြှင့်တင်မယ်

အိန္ဒိယရဲ့ ကုန်သွယ်ရေး ကြိုးနီ စနစ်တွေကို ဖယ်ရှားရင် ဗြိတိန် ပြည်ဝင် ခွင့်တွေ လွယ်ကူ အောင် လုပ်ပေး သွားမယ်
အိန္ဒိယ နိုင်ငံကို ရောက်ရှိနေတဲ့ ဗြိတိသျှ ဝန်ကြီးချုပ် ဒေးဗစ် ကင်မရွန်းက ဗြိတိန် နိုင်ငံနဲ့ အိန္ဒိယတို့ ၂၁ ရာစု အတွင်း အကြီး အကျယ် ပူးပေါင်း ဆောင်ရွက်မှုတွေ ဖော်ဆောင် နိုင်ဖို့ လုပ်သွား မယ်လို့ ပြောကြား လိုက်ပါတယ်။
နောက်ပြီး အိန္ဒိယ စီးပွားရေး လုပ်ငန်းရှင်တွေနဲ့ ကျောင်းသားတွေ၊ ဗြိတိန်ကို လွယ်လွယ် ကူကူနဲ့ လာနိုင်အောင် ဗီဇာ စည်းမျဉ်း တွေကို လျှော့ပေါ့ ပေးမယ်လို့ ပြောကြား လိုက်ပါတယ်။
မစ္စတာ ကင်မရွန်းဟာ သူ့ရဲ့ ၃ ရက်ကြာ အန္ဒိယ ခရီးစဉ် အစ ဖြစ်တဲ့ မွန်ဘိုင်း မြို့မှာ အခုလို ပြောကြားလိုက်တာ ဖြစ်ပါတယ်။
အိန္ဒိယ နိုင်ငံရဲ့ ကုန်သွယ်ရေး ကဏ္ဍတွေက ကြိုးနီ စနစ်တွေကို ဖယ်ရှား ပေးမယ် ဆိုရင် သူကလည်း ဗြိတိန် ပြည်ဝင် ခွင့်တွေ လွယ်ကူအောင် လုပ်ပေး သွားမယ်လို့ အပေး အယူ သဘောမျိုးနဲ့ ပြောလိုက်တာ ဖြစ်ပါတယ်။
ဒီခရီးစဉ်ရဲ့ အဓိက ရည်ရွယ်ချက် ကတော့ စီးပွားရေး ကုန်သွယ်မှု တွေ အတွက်ပါ။ သူနဲ့ အတူ ဗြိတိသျှ ကုမ္ပဏီ ကြီးတွေ ဖြစ်ကြတဲ့ ဘီအေအီး စစ္စတမ်၊ ရိုးလ်စ် ရိုက်စ်၊ နဲ့ လန်ဒန် မြေအောက် ရထား အဖွဲ့တွေပါ ပါသွား ခဲ့ကြတာပါ။
မွန်ဘိုင်းက ယူနီလီဗာ ဌာန ချုပ်မှာ ပြုလုပ် ခဲ့တဲ့ မေးဖြေခန်းမှာ တက်ရောက် လာကြတဲ့ ပရိတ်သတ်ကြီးကို ဗြိတိသျှ ဝန်ကြီးချုပ်က ပြောကြား ခဲ့ရာမှာ အိန္ဒိယ နိုင်ငံရဲ့ တိုးတက် မှုတွေက ဒီရာစု နှစ် အတွက်တော့ အံ့မခန်း ပဲလို့ ဆိုလိုက်ပြီး ဒါတွေကို သူ အင်မတန် မှ ကို အားရမိ ကြောင်းလဲ ပြောပါတယ်။
ဒါကြောင့် ဗြိတိန်ဟာ အိန္ဒိယနဲ့ စီးပွားဖော် စီးပွားဖက် ဖြစ်လိုတဲ့ အကြောင်း၊ ဒီအတွက် အခုထဲက စပြီး အကောင် အထည် ဖော်နေပြီ ဖြစ်တဲ့ အကြောင်းနဲ့ ဒီကနေ ရှေ့ဆက် တိုးသွားဖို့သာ ရှိတဲ့ အကြောင်း တွေကို ပြောသွားခဲ့ ပါတယ်။
တခါ မစ္စတာ ကင်မရွန်းဟာ အိန္ဒိယကို ရောက်နေစဉ် အတွင်း ယူကေကို ဝင်ဖို့ ဗီဇာတွေ ကြပ်ထားတယ် ဆိုတဲ့ ကိစ္စကိုလည်း ရှင်းပြသွား ပြန်ပါတယ်။
မွန်ဘိုင်းမှာ ပြုလုပ်ခဲ့တဲ့ ရုပ်မြင် မေးမြန်းခန်း တွေမှာ အိန္ဒိယကနေ ဗြိတိန် တက္ကသိုလ် တွေမှာ တက်ဖို့ လာရောက်မယ့် ကျောင်းသား တွေကို ကြိုဆိုကြောင်း၊ ဗြိတိန်က တက္ကသိုလ် တွေမှာ ပညာ သင်ယူ နိုင်မယ့် အင်္ဂလိပ် ဘာသာ တတ်ကျွမ်း နားလည်မှု အဆင့်မီ ပြီး ကျောင်းဝင် ခွင့် ရရှိထားတဲ့ ကျောင်းသား တွေ မှန်သမျှ လာရောက် ပညာ သင်ယူ နိုင်ကြတဲ့ အကြောင်းနဲ့ ဘယ်ရွေ့ ဘယ်မျှ သာ လာရ မယ်လို့ ကန့်သတ် ထားတာမျိုး မရှိတဲ့ အကြောင်း လည်း ပြောကြား သွားခဲ့ပါတယ်။
တခါ အိန္ဒိယက စီးပွားရေး သမားတွေနဲ့ လုပ်ငန်းရှင်တွေ အတွက် လည်း ပြည်ဝင်ခွင့် ဗီဇာ ရဖို့ အတွက် ပိုမို အဆင်ပြေအောင် လုပ်ပေး သွားမယ်လို့ ဆိုပါတယ်။
သူက ဗြိတိန်နဲ့ ကူးသန်း ရောင်းဝယ် လိုလို့ပဲ ဖြစ်ဖြစ်၊ စီးပွားရေး အတွက် ဗြိတိန်ကို လာရောက် လိုကြတဲ့ စီးပွားရေး သမား တွေ အတွက် နေချင်းပြီး ဗီဇာ လျှောက်လို့ ရအောင် စီစဉ် ပေးသွားမယ် လို့လည်း ပြောသွား ပါတယ်။

ဖိလစ်ပိုင်မှာမြုပ်သွားတဲ့ သင်္ဘောက မြန်မာများစာရင်း
အသက်ရှင်သူ တဦးကို ဖိလစ်ပိုင် ရေတပ် ကနေ ရဟတ်ယာဉ် နဲ့ ခေါ်ယူလာ
ဖိလစ်ပိုင် ပင်လယ် ပြင်မှာ တနင်္ဂနွေ နေ့က စက် ချို့ယွင်းပြီး နစ်မြုပ် သွားတဲ့ ကုန်တင် သင်္ဘောက စားဖိုမှူး ဦးမြင့်အောင် သေဆုံး သွားပြီး၊ ကယ်ဆယ် လို့ ရခဲ့တဲ့ ၉ ဦး ထဲက ဦးသန့်ဇင်မိုးနဲ့ ဦးရွှေအေး တို့ကတော့ ဒဏ်ရာ ရထား တယ်လို့ သိရ ပါတယ်။
ကျန်တဲ့ ၇ ဦး ကတော့ အရာရှိ ဦးကြည်ဝင်း၊ ဦးခင်မောင်ဝင်း၊ ဦးအောင်ကျော်ခိုင်၊ ဦးအောင်သူငြိမ်း၊ ဦးဝင်းဇော်၊ ဦးဝင်းမင်းသိန်းနဲ့ ဦးအောင်ဇင်ဝင်း တို့ ဖြစ်ကြ တယ်လို့ ဖိလစ်ပိုင် နိုင်ငံက မြန်မာ သံရုံး ဒုတိယ အတွင်းဝန် ဦးထွန်းနောင်က ဘီဘီစီကို ပြောပါတယ်။
ကယ်ဆယ် နိုင်ခဲ့ပြီး ၉ ယောက်ကို မြန်မာ နိုင်ငံ ပြန်ပို့ နိုင်ရေး အတွက် ဖိလစ်ပိုင် နိုင်ငံမှာ ရှိတဲ့ မြန်မာ သံရုံးက ကူညီ ဆောင်ရွက်ပေး နေပါတယ်။
ဒီသင်္ဘော ပေါ်က သင်္ဘော ဝန်ထမ်း အားလုံးဟာ မြန်မာတွေ ဖြစ်ကြပြီး၊ စုစုပေါင်း ၂၄ ဦး ဖြစ်ပါတယ်။ ပျောက်ဆုံး နေဆဲ ကျန် ၁၄ ဦး ကိုတော့ ဆက်လက် ရှာဖွေ နေပေမဲ့ ခုချိန်ထိ ရှာလို့ မတွေ့သေးပါ။
ဦးထွန်းနောင်ဟာ စင်ကာပူ သင်္ဘော ကုမ္ပဏီက တာဝန် ရှိသူ နှစ်ဦးနဲ့ အဲဒီ သင်္ဘော နစ်မြုပ်ရာ ပန်ဂါစီနန်း ကမ်းလွန်ကို သွားရောက် နေပြီ ဖြစ်ပါတယ်။

ဗင်နီဇွဲလား သမ္မတ ကျူးဘားက ပြန်ရောက်
စစ်ဆေးရုံကို ရောက်ရှိ လာရာ သူ့ကို ထောက်ခံသူ လူအုပ်ကြီးက ကြိုဆို ခဲ့ကြ ပါတယ်
ကျူးဘား နိုင်ငံမှာ ပြီးခဲ့တဲ့ နှစ်လက သွားရောက် ပြီး ဆေးကုသမှု ခံယူ နေတဲ့ ဗင်နီဇွဲလား သမ္မတ ဟူဂို ချားဗက်ဇ်ဟာ အခုတော့ သူ့နိုင်ငံကို ပြန်ရောက် လာပြီ ဖြစ်ပါတယ်။
မစ္စတာ ချားဗက်ဇ် ဟာ ဒေသ စံတော်ချိန် မနက် အစောပိုင်းမှာ ပြန်ရောက် လာတာ ဖြစ်တယ်လို့ ဒုသမ္မတ ဖြစ်သူ နီကိုးလက်စ် မဒူရိုက နိုင်ငံပိုင် ရုပ်သံ ကနေ ကြေညာသွားတာ ဖြစ်ပါတယ်။
ကင်ဆာ ရောဂါကြောင့် ခွဲစိတ်ကုသ ခံယူ ခဲ့ရတဲ့ မစ္စတာ ချားဗက်ဇ်ကို အခုတော့ ဗင်နီဇွဲလား မြို့တော် ကရားကက်စ် စစ်ဆေးရုံကို ပို့ဆောင် ခဲ့ရာ၊ လူအုပ်ကြီးက သူ့ကို ကြိုဆို ခဲ့ကြ ပါတယ်။
မစ္စတာ ချားဗတ်ဇ်က သူပြန်လာပြီ ဖြစ်ကြောင်းကို အင်တာနက် လူမှုကွန်ယက် ဖြစ်တဲ့ တွစ်တာ ကနေလည်း ကြေညာထား ပါတယ်။
သမ္မတက တွစ်တာမှာ ရေးသား ထားတာ ကတော့ ''ကျွန်တော်တို့တွေ မွေးရပ်ဌာနေကို ပြန်လည် ရောက်ရှိ လာပြီ။ ဘုရား သခင်ကို ကျေးဇူးတင် ပါတယ်။ ကျွန်တော် ချစ်တဲ့ ပြည်သူတွေကိုလည်း ကျေးဇူးတင်ပါတယ်''လို့ ရေးထားပါတယ်။
မစ္စတာ ချားဗတ်ဇ်ဟာ ကင်ဆာ ရောဂါကြောင့် ၁၈ လ အတွင်း ၄ ကြိမ်မြောက် ကျူးဘားကို သွားရောက် ဆေးကုသ နေခဲ့တာ ဖြစ်ပါတယ်။
ပြီးခဲ့တဲ့ ၃ ရက် ကတော့ အိပ်ယာ ပေါ်မှာ နေ့စဉ် သတင်းစာ တစောင်ကို ဖတ်နေတဲ့ မစ္စတာ ချားဗက်ဇ်ရဲ့ ဓာတ်ပုံကို ဗင်နီဇွဲလား အစိုးရ ကနေ ထုတ်ပြန်ခဲ့ပါတယ်။