24.02.2013 နေ့ဖတ်ရန်သတင်းများ

by Myanmar Journal on Saturday, February 23, 2013 at 3:14pm ·

အင်ဒိုနီးရှားအာဏာရပါတီခေါင်းဆောင် နှုတ်ထွက်


အင်ဒိုနီးရှား အာဏာရ ဒီမိုကရက်တစ်ပါတီဥက္ကဋ္ဌ Anas Urbaningrum။ အကျင့်ပျက်ခြစားမှုမှာ ပါဝင်ပတ်သက်တယ်လို့ သတင်းထွက်လာပြီးတဲ့နောက် အင်ဒိုနီးရှား အာဏာရ ဒီမိုကရက်တစ် ပါတီ ခေါင်းဆောင် ရာထူးက နုတ်ထွက်လိုက်ပြီဖြစ်ပါတယ်။
၂၀၁၀ ခုနှစ်က ပါတီဥက္ကဋ္ဌအဖြစ် ရွေးခံခဲ့ရတဲ့ အသက် ၄၅ နှစ်အရွယ် Anas Urbaningrum က စနေနေ့ သတင်းစာရှင်းလင်းပွဲမှာ သူနုတ်ထွက်တဲ့အကြောင်း ပြောဆိုခဲ့တာပါ။  အဂတိလိုက်စားမှု တိုက်ဖျက်ရေး ကော်မရှင်က သောကြာနေ့က ကြေညာရာမှာ Java ခရိုင် အားကစားရုံကြီး တည်ဆောက် ရေးနဲ့ပတ်သက်ပြီး Urbaningrum ဟာ လာဘ်လာဘ ယူခဲ့တယ်လို့ သံသယဖြစ်တဲ့အကြောင်း ထုတ်ဖော်ပြောဆိုခဲ့ပါတယ်။ အမေရိကန်ဒေါ်လာ ၇ သောင်း ၅ ထောင် တန်ဖိုးရှိတဲ့ ကားတစင်းကို လက်ခံခဲ့တယ်လို့ အင်ဒိုနီးရှား သတင်းတွေမှာ ဖော်ပြပါတယ်။ သူ့ဘက်ကငြင်းဆန်ထားပေမဲ့ ပြစ်မှုထင်ရှားရင် ထောင်ဒဏ် ၄ နှစ် ကျခံရနိုင်ပါတယ်။ ဒီမိုကရက်တစ်ပါတီ ခေါင်းဆောင်သစ်ရွေးဖို့အတွက် တနင်္ဂနွေနေ့မှာ ပါတီအဖွဲ့ဝင်တွေ တွေ့ဆုံကြမှာဖြစ်ပါတယ်။

လိုင်ဇာဘက်သွားမည့် ကယ်ဆယ်ရေးယာဉ်တန်း ဗန်းမော်ရောက်

ကချင်ဒုက္ခသည်စခန်းတခုပုံ (ဖေဖော်ဝါရီလ ၁၂ ရက်၊ ၂၀၁၂)။
ကချင်ပြည်နယ်က စစ်ပြေးဒုက္ခသည်တွေဆီကို လူသားချင်းစာနာမှု အကူအညီတွေပေးဖို့ သွားနေကြတဲ့ ကုလသမဂ္ဂ အပါအဝင် နိုင်ငံတကာက ယာဉ်တန်းတွေ အခုဆိုရင် ကချင်ပြည်နယ် ဗန်းမော်မြို့ကို ရောက်ရှိနေပြီဖြစ်ပါတယ်။ အရင်တုန်းက လုံခြုံရေးအကြောင်းပြချက်နဲ့ သွားခွင့်မပေးဘဲ တားမြစ်ထားတဲ့ ကချင်ပြည်နယ်အတွင်းက ကချင်လက်နက်ကိုင်တပ်တွေ ထိန်းချုပ်ရာနယ်မြေတွေဆီကို အစိုးရက ပထမဆုံးအကြိမ် သွားခွင့်ပြုလိုက်တာလည်း ဖြစ်ပါတယ်။ အပြည့်အစုံကိုတော့ မဆုမွန်က တင်ပြထားပါတယ်။ ကချင်ပြည်နယ်တွင်းက လက်နက်ကိုင်ထိန်းချုပ်ရာနယ်မြေတွေက စစ်ပြေးဒုက္ခသည်စခန်းတွေ ဆီကို အစိုးရကနေ ပထမဆုံးအကြိမ် သွားရောက်ခွင့်ပြုလိုက်ပြီးတဲ့နောက်ပိုင်း ကုလသမဂ္ဂဆိုင်ရာ အကူအညီပေးရေး ယာဉ်တန်းတွေဟာ  ကေအိုင်အေ၊ ကေအိုင်အို ထိန်းချုပ်နယ်မြေရှိရာ လိုင်ဇာမြို့အနီး ဗန်းမော်မြို့ကို ရောက်ရှိနေပြီဖြစ်ပါတယ်။ ဒုက္ခသည်စခန်းတွေဆီအထိ အကူအညီတွေ ပေးဖို့နိုင်ဖို့ အစိုးရနဲ့ ကချင်လက်နက်ကိုင်အပါအဝင် လွှတ်တော်ထဲက တိုင်းရင်းသားရေးရာ ကော်မတီအပါအဝင် ပြည်သူ့လွှတ်တော် ကိုယ်စားလှယ်တွေဘက်ကလည်း ဝိုင်းဝန်းကူညီ ဆောင်ရွက်ပေးနေကြတယ်လို့ ပြည်သူ့လွှတ်တော် ကိုယ်စားလှယ် ကချင်စည်းလုံးညီညွတ်ရေးနှင့်ဒီမိုကရေစီပါတီက ဒေါ်ဒွဲဘူကပြောပါတယ်။

“လိုင်ဇာကိုသွားဖို့ ဗန်းမော်မှာကားတွေ စောင့်နေတယ်။ ဖားကန့်ဘက်ကိုလည်း သွားနေပြီလို့ ပြောပါတယ်။ ဗန်းမော်နဲ့ လိုင်ဇာနဲ့ သိပ်မဝေးဘူးရှင့်။ ဒီ လိုင်ဇာနားက တံတားချိုးလိုက်တော့ အဲဒီတံတားမှာပဲ ဘယ်လိုလဲမသိဘူး လမ်းခရီးကတော့။ သွားမယ်ဆိုရင်တော့ သိပ်တော့မဝေးဘူး။ ဒါပေမဲ့ သူတို့ဘယ်လမ်းသွားမလဲတော့ မသိဘူး။ တရုတ်ဘက်လမ်းလား၊ ဒီဘက်လမ်းလား။ အဲဒီတော့ ဟိုဘက် KIA ဘက်ကလည်း ညှိနှိုင်းဖို့ လိုတာပေါ့နော်။ သူတို့ဘက်က မြန်မြန်လေး လာဖို့လိုတာပေါ့။”

ကုလယာဉ်တန်းတွေဟာ ကေအိုင်အိုဌာနချုပ် လိုင်ဇာမြို့အထိ အရောက် သွားရောက်ကြမှာဖြစ်ပြီးတော့ လုံခြုံရေးဆိုင်ရာ သဘောတူညီချက်တွေကိုတော့ ကချင်လက်နက်ကိုင်တပ်ဖွဲ့ ကေအိုင်အေ၊ ကေအိုင်အိုအပါအဝင် မြန်မာစစ်တပ်နဲ့ပါ ညှိနှိုင်းဆောင်ရွက်နေတာဖြစ်တယ်လို့ သမ္မတပြောခွင့်ရ ဦးရဲထွဋ်ကပြောပါတယ်။ “ကျနော်တို့ဘက်က ခွင့်ပြုထားပြီးပြီ။ ကျနော်တို့နယ်မြေကနေ ကျော်ပြီးတော့ ဟိုဘက်က  KIA/KIO ထိန်းချုပ်တဲ့နယ်မြေထဲ ၀င်မှာဆိုတော့ သူတို့လည်း ဟိုဘက်မှာ ပြန်ကြည့်နေတယ် ထင်ပါတယ်ခင်ဗျ။ ဟိုဘက်ကို ဆက်သွားဖို့အတွက်တော့ ကြည့်နေတာတွေရှိတယ်လို့ပဲ ကျနော်တို့ အကြမ်းမျဉ်း နားလည်ပါတယ်။ အသေးစိတ် အခြေအနေကတော့ UN က အဖွဲ့အစည်းတွေမှ သိမယ်ခင်ဗျာ။” ဒါဟာ ကချင်လက်နက်ကိုင်တပ်ဖွဲ့နဲ့ မြန်မာအစိုးရကြား တိုက်ပွဲတွေ ပြင်းပြင်းထန်ထန် ဖြစ်ပွား ပြီးနောက်ပိုင်း နိုင်ငံတကာ အကူအညီပေးရေးယာဉ်တန်းတွေကို အစိုးရက ကချင်လက်နက်ကိုင်အဖွဲ့တွေ ထိန်းချုပ်ရာနယ်မြေကို ပထမဆုံးအကြိမ် သွားရောက် ခွင့်ပြုလိုက်တာလည်း ဖြစ်ပါတယ်။ကုလယာဉ်တန်းတွေဟာ ပြီးခဲ့တဲ့ ရက်ပိုင်းကပဲ ဖားကန့်ဒေသက စစ်ပြေးဒုက္ခသည်စခန်းတွေရှိရာကို သွားရောက်ပြီးတော့ ဒုက္ခသည်တွေလိုအပ်နေတဲ့ စားနပ်ရိက္ခာနဲ့ ဆေးဝါးတွေကို တလစာ အကူအညီ အထောက်အပံ့တွေပေးခဲ့ပြီး နောက်ထပ်လည်း သွားရောက်ကူညီပေးဖို့ အစီအစဉ်ရှိတယ်လို့ သိရပါတယ်။

အခုဆိုရင် ကချင်လက်နက်ကိုင်တပ်ဖွဲ့နဲ့ အစိုးရကြား နိုင်ငံရေးဆွေးနွေးပွဲတွေ လုပ်နိုင်ဖို့ အစိုးရဘက်က ပြည်ထောင်စုငြိမ်းချမ်းရေး ဖော်ဆောင်ရေးကော်မတီအဖွဲ့နဲ့ တိုင်ရင်းသားလူမျိုးများဖက်ဒရယ်ကောင်စီ UNFC နဲ့ အကြိုညှိနှိုင်းမှုတွေ လုပ်ဆောင်နေချိန်မှာပဲ ကချင်ပြည်နယ်ထဲက တိုက်ပွဲတွေ အနည်းငယ်ငြိမ်သက်သွားခဲ့ပါတယ်။ ဒီလိုတိုက်ပွဲတွေ ငြိမ်သက်သွားရတာ ငြိမ်းချမ်းရေးအစပျိုးမှုပဲဖြစ်တယ်လို့လည်း သမ္မတပြောခွင့်ရ ဦးရဲထွဋ်ကပြောပါတယ်။

“သမ္မတကြီးကလည်း ဒီစားပွဲဝိုင်းကို လာဖို့ဆိုပြီးတော့ အားလုံးကို ဖိတ်ခေါ်ထားတယ်။ နဂိုကတည်းက သမ္မတကြီးက မိမိကိုယ်မိမိ ခုခံတာကလွဲလို့ စတင်တိုက်ခိုက်တာ၊ ထိုးစစ်ဆင်တာတွေ မလုပ်ရဘူးလို့ ညွှန်ကြားခဲ့ပါတယ်။ ဒါပေမဲ့လည်း တဘက်မှာကျတော့လည်း တပ်တွေက အရမ်းနီးနေတယ် ဆိုတဲ့အတွက်ကြောင့်မိုိလို့ သူကပစ်၊ ကိုယ်ကပစ်နဲ့ တိုက်ပွဲတွေက ရပ်လို့မရဘူးဖြစ်နေတာပေါ့။ ဒါပေမဲ့ ကျနော်တို့ ရွှေလီ ဆွေးနွေးပွဲစတဲ့အချိန်က စပြီးတော့ ကေအိုင်အေ  ဘက်ကလည်း ကျနော်တို့ဘက်က စောင့်ထိန်းသလို သူတို့ဘက်ကလည်း စတင်မတိုက်ခိုက်ဘူးလို့ စောင့်ထိန်းတဲ့အတွက်ကြောင့်မို့ ဒါတွေက ရပ်သွားတာ ဖြစ်ပါတယ်ခင်ဗျ။”

အခုဆိုရင် တိုက်ပွဲတွေ အတန်ငယ်အေးပြီး စစ်ငြိမ်သွားတဲ့ ကချင်ပြည်နယ်တွင်းက ဒုက္ခသည်စခန်းတွေက စစ်ပြေးဒုက္ခသည်တွေ အတွက် စိတ်ပိုင်းဆိုင်ရာ ပြန်လည်ထူထောင်ရေး အပါအဝင် မိမိတိုရဲ့ နေအိမ်တွေကို စိတ်ချလုံခြုံစွာ ပြန်ပြီးတော့ နေထိုင်ရေးနဲ့ လိုအပ်တဲ့ ကျန်းမာရေးစောင့်ရှောက်မှုတွေနဲ့ အတူ ပညာရေး၊ စီးပွားရေး ပြန်ထူထောင်နိုင်ဖို့ အလုပ်အကိုင်ဖန်တီးပေးနိုင်ဖို့တွေကိုပါ ဆောင်ရွက်ပေးဖို့ အရေးတကြီး လိုအပ်နေတယ်လို့ ပြည်သူ့လွှတ်တော်ကိုယ်စားလှယ် ဒေါ်ဒွဲဘူကပြောပါတယ်။

“အခု လောလောဆယ်မှာတော့ တိုက်ပွဲတွေတော့ သိပ်မကြားတော့ပါဘူး။ လူထုကလည်း ခုဆို အိပ်ပျော်စားဝင်ပြီလို့ ကျမတို့ကို ပြောပါတယ်။ အဲဒီတော့ ဒီအနေအထားမှာတော့ ဒီ ဒုက္ခသည်တွေအတွက် အလေးထားပြီး ဆောင်ရွက်သင့်တဲ့ အခြေအနေပါ။ ဒုက္ခသည်တွေက များတော့ သူတို့အတွက် အရာရာတိုင်း ပြည့်စုံဖို့တော့မလွယ်ပါဘူး။ အခု ဒုက္ခရောက်လာတာလည်း ကြာလာပြီလေ။ အလှူရှင်တွေရဲ့ အလှူငွေနဲ့ ရပ်တည်နေတာလည်း ကြာလာပြီဆိုတော့ ဘယ်လောက် လုပ်ပေးပေးပေါ့နော်၊ အကောင်းဆုံးကတော့ ဒီစစ်တွေ ပြီးသွားပြီးမှ မိမိနေရာကို ပြန်အခြေစိုက် နေထိုင်နိုင်ဖို့ အဲဒီမှာ ပြန်ပြီးတော့ ကိုယ့်ဟာကိုယ် ရပ်တည်နိုင်အောင် ကူညီနိုင်ဖို့က အရေးကြီးပါတယ်။ ရုပ်ပိုင်းဆိုင်ရာ၊ စိတ်ပိုင်းဆိုင်ရာတော့ အများကြီး လိုအပ်ပါတယ်။ ဒါ့အပြင် အစိုးရကိုလည်း ကျမတို့ တောင်းဆိုထားပါတယ်။ ဒီ ဒုက္ခသည်စခန်းတွေမှာ စိတ်ပိုင်းဆိုင်ရာ ပြုပြင်မှု သင်တန်းတွေ လုပ်ဖို့အတွက်လည်း ကျမ တောင်းဆိုထားပါတယ်။”

စစ်ပြေးဒုက္ခသည်တွေအတွက် ရေသန့်အပါအဝင် စားနပ်ရိက္ခာတွေဟာ အထူးလိုအပ်နေပြီး ကျန်းမာရေး အခြေခံ စောင့်ရှောက်မှုတွေဟာ ဒုက္ခသည်စခန်းတွေထဲက ဒုက္ခသည်တွေ အပါအဝင် ဘေးကင်းရာ နေရာတွေ၊ တောတွေထဲအထိ သွားပုန်းအောင်းနေကြတဲ့ စစ်ပြေးဒုက္ခသည်တွေအတွက်လည်း အရေးတကြီးလိုအပ်နေပါတယ်။ တရုတ်-မြန်မာနယ်စပ် အပါအဝင် ကချင်ပြည်နယ်တွင်း ကချင်လက်နက်ကိုင် ထိန်းချုပ်ရာနယ်မြေနဲ့ အစိုးရထိန်းချုပ်ရာ နယ်မြေတွေက ဒုက္ခသည်စခန်းတွေမှာ အိုးအိမ်စွန့်ခွာထွက်ပြေးနေရတဲ့ စစ်ပြေးဒုက္ခသည်ဦးရေဟာ တစ်သိန်းကျော်ရှိနေပြီဖြစ်ပါတယ်။

မြန်မာဘဏ်တချို့ အမေရိကန်ဘဏ္ဍာ ဝန်ဆောင်ခွင့်ပြု
 
အရင် စစ်အစိုးရနဲ့ နီးစပ်တဲ့ စီးပွားရေးလုပ်ငန်းရှင်ကြီးတွေဖြစ်တဲ့ ဦးတေဇ နဲ့ ဦးဇော်ဇော်တို့ပိုင်တဲ့ ဘဏ်တချို့ ကို အမေရိကန်ပြည်ထောင်စုနဲ့ ငွေကြေးဆိုင်ရာ ၀န်ဆောင်မှုလုပ်ငန်းတွေ လုပ်ကိုင်ခွင့် လိုင်စင် ထုတ်ပေး လိုက်ပေမဲ့ ဒီလူတွေနဲ့ သူတို့ရဲ့ ကုမ္ပဏီတွေကတော့ အမေရိကန်ရဲ့ ဒဏ်ခတ် ပိတ် ဆို့မှု စာရင်းထဲမှာ ဆက်ပြီး ရှိနေဦးမှာ ဖြစ်တယ်လို့ အမေရိကန် ဘဏ္ဍာရေးဌာနက ပြောပါတယ်။ အခု အမေရိကန် ပြည်ထောင်စုက ငွေကြေး ထုတ်သွင်းခွင့်လိုင်စင် ထုတ်ပေးလိုက်တဲ့အထဲမှာ ဘယ်ဘဏ်တွေ ပါဝင်ပါလဲ။ ဘာကြောင့် သူတို့ကို ခုလို ခွင့်ပြုလိုက်တာလဲ ဆိုတာတွေကိုတော့ ဆက်သွယ် မေးမြန်းထားတဲ့ မခင်ဖြူထွေးက တင်ပြပေးထားပါတယ်။

မြန်မာနိုင်ငံတွင်းက စီးပွားရေးဘဏ်လေးခုကို General Licenseလို့ အမေရိကန်ပြည်ထောင်စု နဲ့ ငွေကြေးဆိုင်ရာ ၀န်ဆောင်မှုလုပ်ငန်းတွေ လုပ်ကိုင်ခွင့် ပြုလိုက်တဲ့အကြောင်း အမေရိကန် ဘဏ္ဍာရေးဌာန၊ နိုင်ငံခြား ပိုင်ဆိုင်မှု ထိန်းချုပ်ရေးရုံး (OFAC) က မနေ့က ကြေညာချက် ထုတ်ပြန် လိုက်တာပါ။ အခု ငွေကြေးထုတ်သွင်း ခွင့် ပြုလိုက်တဲ့ဘဏ်တွေထဲမှာ မြန်မာ့စီးပွားရေး ဘဏ်၊ မြန်မာ့ရင်းနှီးမြှုပ်နှံမှုနဲ့ ကူးသန်းရောင်းဝယ်ရေးဘဏ် (MICB) ဘဏ်တွေနဲ့အတူ အရင် မြန်မာစစ်အစိုးရနဲ့ နီးစပ်တဲ့ စီးပွားရေး လုပ်ငန်းရှင်ကြီးတွေဖြစ်တဲ့ ဦးတေဇ ပိုင် အာရှစိမ်းလန်းမှုဖွံ့ဖြိုးရေး ဘဏ် နဲ့၊ ဦးဇော်ဇော်ရဲ့ မက်ဇ်မြန်မာကုမ္ပဏီပိုင် ဧရာဝတီဘဏ်တွေလည်း ပါဝင်ပါတယ်။

ခုလို ငွေကြေးထုတ်သွင်းခွင့် ပြုလိုက်တာဟာ အမေရိကန် ကုမ္ပဏီတွေနဲ့ အစိုးရလက်အောက်ခံ မဟုတ်တဲ့ အန်ဂျီအိုအဖွဲ့တွေရဲ့ မြန်မာနိုင်ငံတွင်း လုပ်ငန်းတွေ အဆင်ပြေ လွယ်ကူစေဖို့ အတွက် သာ ဖြစ်ပြီး အရင် မြန်မာစစ်အစိုးရနဲ့ နီးစပ်တဲ့ စီးပွားရေး လုပ်ငန်းရှင်ကြီးတွေနဲ့ သူတို့ရဲ့ ကုမ္ပဏီတွေ အပေါ် ချမှတ်ထားတဲ့ ဒဏ်ခတ်ပိတ်ဆိုမှုတွေကိုတော့ ဆက်ပြီး ချမှတ်သွားမှာ ဖြစ်တယ်လို့ အမေရိကန် အမေရိကန် ဘဏ္ဍာရေးဌာန၊ နိုင်ငံခြားပိုင်ဆိုင်မှု ထိန်းချုပ်ရေးရုံး (OFAC) ပြောခွင့်ရသူ John Sullivan က VOA ကို ပြောပါတယ်။

“ဒီဘဏ်တွေကို ငွေကြေးထုတ်သွင်းခွင့်ပြုတာကအရေးကြီးတဲ့ကိစ္စဖြစ်သလို မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေ ရှေ့ဆက်နိုင်အောင် ကောင်းတဲ့ဘက်က တွန်းအားပေးနိုင်တယ်လို့ ထင်ပါတယ်။ မြန် မာနိုင်ငံမှာ ရင်းနှီးမြှပ်နှံချင်တဲ့ အမေရိကန်ကုမ္ပဏီတွေနဲ့ အစိုးရလက်အောက်ခံ မဟုတ်တဲ့ NGO အဖွဲ့တွေရဲ့လုပ်ငန်းတွေ အဆင်ပြေလွယ်ကူစေဖို့လည်း ဖြစ်ပါတယ်။ ဒါတွေ အားလုံးက မြန်မာပြည်သူတွေ အတွက် အကျိုးဖြစ်လာစေမယ့် အရာတွေပါ။ ဒီဘဏ်တွေနဲ့ ဒီဘဏ်တွေကိုပိုင်တဲ့ အရင်စစ်အစိုးရနဲ့နီးစပ်တဲ့ စီးပွားရေးလုပ်ငန်းရှင် ခရိုနီတွေကတော့ အမေရိကန်ပြည်ထောင်စုရဲ့ ပစ်မှတ်ထား အရေးယူပိတ်ဆို့တဲ့ စာရင်းထဲမှာ ဆက်ပြီးတော့ ရှိနေအုံးမှာပါ။ ဒီလူတွေနဲ့ဘဏ်တွေအပေါ် အမေရိကန်ရဲ့ ပိတ်ဆို့မှုကို ဖယ်ရှားလိုက်တာ မဟုတ်ပါဘူး။ ဒီ general လိုင်စင်က အမေရိကန်ကုမ္ပဏီတွေ မြန်မာနိုင်ငံမှာ ရင်းနှီးမြှပ်နှံမှု လုပ်ကိုင်ချင်လာအောင်နဲ့ NGO အဖွဲ့တွေ အနေနဲ့လည်း မြန်မာနိုင်ငံမှာ လုပ်ငန်းတွေ လာရောက်လုပ်ကိုင်ချင်အောင် အားပေးတဲ့သဘောပါ။”

မြန်မာနိုင်ငံရဲ့ပြုပြင်ပြောင်းလဲရေး လုပ်ငန်းတွေအပေါ်မှာ အမေရိကန်အစိုးရက အနီးကပ်စောင့်ကြည့်နေသလို အခုလို စောင့်ကြည့်ဆဲကာလမှာ မြန်မာနိုင်ငံအပေါ် ချမှတ်ထားတဲ့ အမေရိကန်ရဲ့ ဒဏ်ခတ်ပိတ်ဆို့မှုတွေကို မြန်မြန်ဆန်ဆန်ကြီး ရုပ်သိမ်းသွားမှာ မဟုတ်ပါဘူးလို့လည်း ပြောခွင့်ရသူက ပြောပါတယ်။

“ဒီဘဏ်တွေနဲ့ ခရိုနီတွေကို ပိတ်ဆို့မှု၊ ဒဏ်ခတ်မှုစာရင်းထဲကနေ လက်ရှိအခြေအနေမှာ ထုတ်ပစ်ဖို့ ဆိုတာကတော့ စောသေးတယ်လို့ ကျနော်တို့လည်း ထင်ပါတယ်။ သူတို့ကို ပိတ်ဆို့မှုစာရင်းထဲ ဆက်ထားတာကရော အခု General လိုင်စင် ထုတ်ပေးထားတာတွေကရော ဒဏ်ခတ်ပိတ်ဆို့ မှုတွေကိုဒ ဖြည်းဖြည်းချင်းသာ ဖြေလျှော့ပေးသွားမယ်ဆိုတဲ့ ကျနော်တို့ရဲ့ မူဝါဒနဲ့အညီ ဆောင်ရွက်တာ ဖြစ်ပါတယ်။ မြန်မာနိုင်ငံမှာ ရှေ့ဆက်ပြောင်းလဲမှုတွေ ဖြစ်လာအောင် တွန်းအားပေးဖို့ ဖြစ်ပါတယ်။”

အမေရိကန်အစိုးရအနေနဲ့ အခုလို မြန်မာနိုင်ငံက ဘဏ်တွေကို ငွေကြေးဆိုင်ရာ ဝန်ဆောင်မှု လုပ်ငန်းတွေ ပေးလိုက်တာဟာ မြန်မာလူထုအကျိုးကို ရှေ့ရှုပြီးဆောင်ရွက်တာသာ ဖြစ်တယ်လို့လည်း မစ္စတာ ဆူလေဘန်က ပြောပါတယ်။ တကယ်လို့ မြန်မာအစိုးရအနေနဲ့ ဒီမိုကရေစီစံနစ်ကို ဆန့်ကျင်တဲ့ နောက်ကြောင်းပြန်လုပ်ရပ်တွေ လုပ်လာမယ်ဆိုရင်လည်း ဒီခွင့်ပြုချက်ကို အချိန်မရွေး ပြန်ရုပ်သိမ်းသွားနိုင်တယ်လို့လည်း သူက ပြောပါတယ်။

“ဒါဟာ မြန်မာပြည်သူတွေအတွက် အကောင်းဆုံးကို ရှေ့ရှုဆောင်ရွက်တာလို့ ကျနော် ယုံကြည်ပါ တယ်။ အခု General လိုင်စင် ထုတ်ပေးတယ်ဆိုတာ ကျနော်တို့အနေနဲ့ ပိတ်ဆို့ဒဏ်ခတ်မှုတွေကို ဖယ်ရှားပေးလိုက်တာ မဟုတ်ဘူးဆိုတာကိုလည်း ရှင်းရှင်းလင်းလင်း နားလည်စေချင်ပါတယ်။ General လိုင်စင် ထုတ်ပေးရုံသာဖြစ်ပြီးတော့ ဥပေဒကြောင်းအရ အရေးယူ ပိတ်ဆို့မှုတွေ ပြန်လုပ်နိုင်တဲ့ အနေအထားကိုတော့ ဆက်ပြီးတော့ ထိန်းသိမ်းသွားမှာပါ။ တကယ်လို့ မြန်မာနိုင်ငံမှာ ဒီမိုကရေစီပြုပြင်ပြောင်းလဲမှုတွေကို ထိခိုက်တဲ့ လုပ်ရပ်တွေကို လုပ်လာတာကို တွေ့မယ်ဆိုရင်တော့ ကျနော်တို့အနေနဲ့ General လိုင်စင်ကို အချိန်မရွေး အမြန်ဆုံး ပြန်ရုပ်သိမ်းနိုင်ပါတယ်။”

ပြီးခဲ့တဲ့ နှစ်ပိုင်းတွေကစလို့ စတင်ဆောင်ရွက်လာခဲ့တဲ့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲ မှုတွေကို အသိအမှတ်ပြုတဲ့အနေနဲ့ အမေရိကန်အပါအဝင် အနောက်နိုင်ငံ အတော်များများ က မြန်မာနိုင်ငံမှာ ချမှတ်ထားတဲ့ ဒဏ်ခတ်ပိတ်ဆို့မှုတွေကို လျှော့ချပေး လာခဲ့တာ ဖြစ်ပါတယ်။ အမေရိကန်ပြည်ထောင်စုအနေနဲ့ မြန်မာနိုင်ငံအပေါ် ဘဏ္ဍာရေးဆိုင်ရာ အရေးယူပိတ်ဆို့မှုတွေကို ၂၀၁၂ ခုနှစ်၊ ဇူလိုင်လက စပြီးတော့ လျှော့ပေါ့ပေးလာခဲ့တာ ဖြစ်သလို မြန်မာနိုင်ငံအတွင်း ရင်းနှီးမြှုပ်နှံမှုတွေကိုလည်း ပြန်လည် ခွင့်ပြုခဲ့တာ ဖြစ်ပါတယ်။ အခုအခါမှာတော့ မြန်မာ စီးပွားရေးဘဏ်တွေကို ဘဏ္ဍရေးဆိုင်ရာ ဝန်ဆောင်မှုတွေ လုပ်ကိုင်ခွင့်ပြုလာတဲ့ အထိပဲ ဖြစ်ပါ တယ်။ မြန်မာနိုင်ငံက အဆင့်မြင့် သံကိုယ်စားလှယ်အဖွဲ့တွေ ဒီရက်ပိုင်း မြန်မာနိုင်ငံကို ရောက်ရှိနေ ချိန်မှာ အမေရိကန် ဘဏ္ဍာရေးဌာနရဲ့ မြန်မာနိုင်ငံက ဘဏ်တွေအပေါ် အခုလို ငွေကြေး ထုတ်သွင်းခွင့်ပြုတဲ့ ကြေညာချက် ထွက်ပေါ်လာခဲ့တာလည်း ဖြစ်ပါတယ်။

ဂျပန်-ကန်ခေါင်းဆောင် ၂ ဦး မြောက်ကိုရီးယားအရေးဆွေးနွေး

အမေရိကန်သမ္မတ ဘရက်အိုဘားမားနဲ့ ဂျပန်ဝန်ကြီးချုပ် ရှင်ဇိုအာဘေးတို့ သမ္မတအိမ်ဖြူတော်မှာ တွေ့ဆုံနေစဉ်။ (ဖေဖော်ဝါရီလ ၂၂ ရက်၊ ၂၀၁၃)။
မကြာခင်သေးက မြောက်ကိုရီးယားနိုင်ငံက ပြုလုပ်ခဲ့တဲ့ နျူကလီးယားဗုံးစမ်းသပ်ဖောက်ခွဲမှုနဲ့ တာဝေးပစ် မစ်ဇိုင်းဒုံး ပစ်လွှတ်ခဲ့တာတွေအတွက် ဘယ်လိုတုံ့ပြန် ဆောင်ရွက်သင့်သလဲ ဆိုတာနဲ့ပတ်သက်ပြီး ဂျပန်ဝန်ကြီးချုပ် ရှင်ဇိုအာဘေးနဲ့ သူဆွေးနွေးခဲ့တယ်လို့ အမေရိကန် သမ္မတဘရက်အိုဘားမားက ပြောပါတယ်။

လုံခြုံရေးကိစ္စနဲ့ပတ်သက်ပြီး ကျယ်ကျယ်ပြန့်ပြန့် ဆွေးနွေးခဲ့ကြတယ်လို့ မစ္စတာအိုဘားမား က ပြောပါတယ်။ အထူးသဖြင့် မြောက်ကိုရီးယားနိုင်ငံဘက်က ရန်လိုတဲ့ အပြုအမူတွေနဲ့ ပတ်သက်ပြီး ကျနော်တို့ရဲ့ စိုးရိမ်ပူပန်မှုတွေနဲ့ ဘယ်လို ပြတ်ပြတ်သားသား ကိုင်တွယ် တုံ့ပြန် ရမယ်ဆိုတာကို ဆွေးနွေးခဲ့တယ်လို့ မစ္စတာအိုဘားမားက ပြောဆိုပါတယ်။

မြောက်ကိုရီးယားရဲ့ လုပ်ဆောင်ချက်တွေနဲ့ ပတ်သက်ပြီး နိုင်ငံတကာ မိသားစုက လက်မခံနိုင်ဘူး၊ အမေရိကန်နဲ့ ဂျပန်နိုင်ငံတို့ဟာ မြောက်ကိုရီးယားအပေါ် ကုလသမဂ္ဂကနေ ချမှတ်ထားတဲ့ အရေးယူဒဏ်ခတ် ပိတ်ဆို့မှုတွေကို ဆက်လက် လိုက်နာ လုပ်ဆောင်သွားမယ်လို့ ဂျပန်ဝန်ကြီးချုပ် ရှင်ဇိုအာဘေးက ပြောဆိုပါတယ်။

အမေရိကန်နိုင်ငံကို အလည်အပတ်ရောက်ရှိနေတဲ့ ဂျပန်ဝန်ကြီးချုပ် ရှင်ဇိုအာဘေးကို သမ္မတအိုဘားမားက အိမ်ဖြူတော်မှာ သောကြာနေ့က လက်ခံတွေဆုံခဲ့ တာပါ။ ခေါင်းဆောင်နှစ်ဦးဟာ တရုတ်နဲ့ ဂျပန်နိုင်ငံတို့အကြား ဖြစ်ပွားနေတဲ့ နယ်မြေ အငြင်းပွားနေမှုနဲ့ ပတ်သက်ပြီးတော့လည်း ဆွေးနွေးခဲ့ကြတယ်လို့ ဆိုပါတယ်။

သမ္မတအိုဘားမားဟာ ဂျပန်ဝန်ကြီးချုပ်နဲ့အတူ နေ့လယ်စာ စားသုံးခဲ့ပြီး နှစ်နိုင်ငံအကြား စီးပွားရေးကိစ္စ၊ ပူပေါင်းဆောင်ရွက်ရေး ကိစ္စတွေကို ဆွေးနွေး ပြောဆိုခဲ့ကြပါတယ်။

အလုပ်သမားများနစ်နာမှု သုံးပွင့်ဆိုင်ဆွေးနွေး

ရန်ကုန်မြို့က အလုပ်သမားဌာနရုံးရှေ့ ဆန္ဒပြနေကြတဲ့ စက်ရုံအလုပ်သမားများ။ (စက်တင်ဘာလ ၇ ရက်၊ ၂၀၁၂)။
အလုပ်သမားဥပဒေအရ အလုပ်သမား သမဂ္ဂတွေ ဖွဲ့စည်းတာကို  လုပ်ငန်းရှင်တွေက မနှစ်သက်ဘဲ သမဂ္ဂဖွဲ့စည်းတဲ့ အလုပ်သမားတွေကို အလုပ်က ထုတ်ပစ်တာတွေအထိ ရှိလာနေတယ်လို့ အလုပ်သမားအခွင့်အရေး ကာကွယ် မြှင့်တင်သူတွေက ပြောလိုက်ပါတယ်။ ဒါ့အပြင် အလုပ်သမား အခွင့်အရေးတွေကို လစ်လျူရှုတာတွေ များလာနေတယ်လို့ ပြောကြာပါတယ်။ သမ္မတရုံးဝန်ကြီး ဦးစိုးသိန်းကိုယ်တိုင် တက်ရောက်ခဲ့တဲ့ အလုပ်သမားအဖွဲ့အစည်း အသီးသီးက ခေါင်းဆောင်တွေနဲ့ ဒီကနေ့ တွေ့ဆုံပွဲအတွင်းမှာ ပြောခဲ့ကြတာပါ။ ဒီအကြောင်းကို ဆွေးနွေးပွဲမှာ ကိုယ်တိုင် သတင်းသွားယူခဲ့တဲ့ ရန်ကုန်အခြေစိုက် ဗွီအိုအေ သတင်းထောက် ကိုအောင်ရဲမောင်မောင်က တင်ပြထားပါတယ်။

အလုပ်သမား ဥပဒေသစ်အရ လွတ်လပ်စွာ ဖွဲ့စည်းခွင့်ပေးထားတဲ့ အလုပ်သမာရေးရာ အသင်းအဖွဲ့တွေ၊ အလုပ်သမားသမဂ္ဂတွေ ဆောင်ရွက်နေတဲ့ အလုပ်သမားခေါင်းဆောင်တွေကို အလုပ်ကထုတ်ပစ်တာ၊ အလုပ်နေရာ ရွှေ့ပြောင်းလိုက်တာတွေကို ပြည်တွင်းက အလုပ်ရှင်တွေက လုပ်ဆောင်လာလို့ အလုပ်သမားတွေရဲ့ မှုလ အခွင့်အရေးတွေ နစ်နာဆုံရှုံး ရတယ်လို့ အလုပ်သမားအခွင့်အရေး ကာကွယ်မြှင့်တင်သူများ အဖွဲ့က ဒေါ်အိရွှေစင်ညွှန့်က ပြောပါတယ်။

“ကျမတို့ ဒီ အလုပ်သမားသမဂ္ဂတွေကို ဖွဲ့စည်းခွင့်ပြုလိုက်တာ ခုချိန်ဆိုလို့ရှိရင် တနှစ်နီးပါး ဖြစ်သွားပါပြီ။ အဲဒီတနှစ်နီးပါးမှာ အစိုးရဘက်က ဒီ အလုပ်သမားသမဂ္ဂ ဖွဲ့စည်းတဲ့ကိစ္စတွေကို အနှောက်အယှက် တခုမှမရှိဘူး။ အစိုးရဆိုတာ ကျမပြောတာ ဌာနဆိုင်ရာအသီးသီးက နေအိမ်မှာလိုက်ပြီး အကူအညီပေးတယ်။ အနှောက်အယှက်မပေးဘူး။ ၀ိုင်းဝန်းကူညီတာတွေလည်း ရှိတယ်။ ပြဿနာ အဓိက ဖြစ်နေတာက အလုပ်ရှင်တွေရဲ့ လိုက်နာမှုက အရမ်းအားနည်းနေတယ်။ အလုပ်ရှင်တွေက အလုပ်သမား အဖွဲ့အစည်းတွေ ဖွဲ့ပြီဆိုရင် သူတို့ရဲ့ အကျိုးအမြတ်ကို ထိခိုက်မယ်လို့ ယူဆပြီးတော့ အလုပ်က ထုတ်ပစ်တာတွေ၊ နေရာ ရွှေ့ပြောင်းပစ်လိုက်တာတွေ ဆိုလို့ရှိရင် ကျမတို့ ဒီ မြန်မာနိုင်ငံမှာ လက်ရှိ ပြုပြင်ပြောင်းလဲရေးမှာ အလုပ်ရှင်၊ အလုပ်သမား၊ အစိုးရ အကုန်လုံး အတူတူ ပူးပေါင်း ဆောင်ရွက်ရမယ့် အခြေအနေပေါ့နော်။ ညှိနှိုင်းဆောင်ရွက်ရမယ့် အခြေအနေမှာ အလုပ်ရှင်ရဲ့ ပူးပေါင်းဆောင်ရွက်မှုက အရမ်းအားနည်းနေတဲ့အကြောင်း ကျမ တင်ပြချင်ပါတယ်။”


ပြီးခဲ့တဲ့ အလုပ်သမားနေ့ မေလ ၁ ရက်နေ့ပြီးကတည်းက တစ်နှစ် အတွင်း မြန်မာနိုင်ငံအတွင်းမှာ အလုပ်သမား ဆန္ဒပြမှုပေါင်း ၁၅၀ လောက်ထိ ရှိခဲ့ပါတယ်။ အခုလို ဆန္ဒပြမှုတွေ ဖြစ်ရတဲ့ အဓိက အကြောင်းတွေကတော့ အလုပ်သမားတွေကို အလုပ်ရှင်တွေက တဖက်သတ် ဖိနှိပ်ပြီးတော့ အလုပ်သမားအရေး ဆောင်ရွက်သူတွေကို အဓိကထား နှိပ်ကွက်ခဲ့တာတွေကြောင့် ဖြစ်တယ်လို့ လည်း အလုပ်သမား သမဂ္ဂများ ပူးပေါင်းဆောင်ရွက်ရေး ကော်မတီက ဦးအောင်နိုင်က ပြောပါတယ်။

“၂၀၁၂ ခုနှစ် မေဒေးနေ့ နောက်ပိုင်းမှာ မြန်မာနိုင်ငံမှာ အလုပ်သမား ဆန္ဒပြပွဲပေါင်း ၁၀၀ နဲ့ ၁၅၀ ကြားလောက်မှာ ရှိတယ်။ ဘာကြောင့်ဖြစ်လဲဆိုတော့ အလုပ်ရှင်တွေကနေပြီးတော့ အလုပ်သမား ဥပဒေတွေနဲ့ အလုပ်သမား သမဂ္ဂတွေ ဖွဲ့စည်းတာမှာ အပြန်အလှန် အသိအမှတ်ပြု ဆက်ဆံမှု မရှိတဲ့အပေါ်မှာ အခြေခံပြီးတော့ ဖြစ်သွားတာပေါ့။”

အလုပ်သမားရေးရာ ညွှန်ကြားမှု ဦးစီးဌာနက ညွှန်ကြားရေးမှူးချုပ်ကိုယ်တိုင် လက်မှတ်ရေးထိုး ထုတ်ပြန်ထားတဲ့ အချက် ၁၇ ချက်ပါ ညွှန်ကြားချက်ကို လုပ်ငန်းရှင်တွေဘက်က လုံးဝ လစ်လျှူရှုထားပြီး သူတို့ရဲ့ကိုယ်ပိုင် အလုပ်ခွင် စည်းမျဉ်းတွေနဲ့ပဲ အုပ်ချုပ်နေတာတွေကိုအစိုးရပိုင်းအနေနဲ့ စောင့်ကြည့် သုံးသပ်ပေးဖို့ လိုတဲ့အကြောင်းကိုလည်း ဦးအောင်နိုင်က ထောက်ပြခဲ့ပါတယ်။

နိုင်ငံတော်သမ္မတ ရုံးဝန်ကြီးဦးစိုးသိန်းက တော့ အလုပ်သမားအရေး တက်ကြွ လှုပ်ရှားသူတွေနဲ့ ဒီကနေ့ တွေ့ဆုံပွဲမှာ ပြည်တွင်းက လုပ်ငန်းရှင်တွေအနေနဲ့ အခုလို အလုပ်သမားတွေအပေါ်မှာ တဖက်သတ် ဆောင်ရွက်နေတာကို သက်ဆိုင်ရာ အဆင့်ဆင့်က စောင့်ကြည့် လေ့လာဖို့တွေ လိုအပ်တယ်လို့ ပြောပါတယ်။ “ကျနော်တို့နိုင်ငံမှာ တွေ့နေရတဲ့ အကြောင်းအရာတွေကတော့ monitoring ပါ။ ဘာလုပ်လုပ် monitoring လိုက်လုပ်တဲ့တာဝန် ရှိတဲ့အခါကျတော့ အမိန့်တွေတော့ ခုနက ၁၇ ချက်လည်း ထုတ်ပေးလိုက်တယ်။ လိုက်နာရေး၊ မလိုက်နာရေး ဆိုတာလည်း မရှိတော့ဘူး။ သူတို့ကလည်း မလိုက်နာတော့ဘူး။ လယ်ယာတွေ ကိစ္စလည်း ဒီလိုပဲ။ လယ်ယာမြေကိစ္စမှာ သူက ပေးလိုက်တဲ့အခါကျတော့ ဒါမသုံးဘူးဆိုရင် တကယ့်တကယ်က ပြည်ထဲရေး ကို ပြန်အပ်ရမှာကိုး။ သုံးလားမသုံးလား ဂရုစိုက်ရမယ်။ မစိုက်ဘူးလား စိုက်လား ဘယ်သူမှသွားမကြည့်တော့ monitoring မလုပ်တော့ ဖြစ်ချင်တာတွေ ဖြစ်နေတယ်။ လူထုကလည်း မကျေမချမ်းတွေ ဖြစ်။ အဓိက အကြောင်းအရာက monitoring ကြောင့်ပါပဲ။”

အခုလို အလုပ်သမားအရေး တက်ကြွလှုပ်ရှားသူတွေနဲ့ တွေ့ဆုံ အပြီးမှာ ပြည်တွင်းမှာ အလုပ်လုပ်ကိုင်ခွင့်နဲ့ လည်ပတ်နေတဲ့ စက်ရုံ အလုပ်ရုံတွေက အလုပ်ရှင်တွေကို သီးသန့် ခေါ်ယူ တွေ့ဆုံပြီး အလုပ်သမားရေးရာကိစ္စတွေမှာ ထိန်းညှိဆောင်ရွက်ဖို့ လိုအပ်နေတဲ့အကြောင်းတွေကို ပြောမယ်လို့ ဦးစိုးသိန်းက ပြောပါတယ်။ ဒီကနေ့ပွဲမှာ ပြည်ထောင်စုဝန်ကြီးတွေ ဖြစ်တဲ့ ဦးစိုးသိန်း၊ ဦးအောင်မင်း၊ ဦးခင်ရီ တို့တက်ရောက်ခဲ့ပြီး မြန်မာငြိမ်းချမ်းရေးနဲ့ ပြန်လည်ထူထောင်ရေး စင်တာက တာဝန်ရှိ ခေါင်ဆောင်ပိုင်းတွေလည်း တက်ရောက်ခဲ့တာ တွေ့ရပါတယ်။

အလုပ်သမားရေးရာ ဆောင်ရွက်သူတွေဘက်ကတော့ ပြည်တွင်းမှာ အမှန်တကယ် အငြင်းပွားမှုတွေ ဖြစ်နေလို့ လိုက်လံဖြေရှင်း ဆောင်ရွက်နေရတဲ့ အလုပ်သမားသမဂ္ဂ အသီးသီးက လှုပ်ရှားတက်ကြွသူတွေ တင်ရောက်သလို၊ အလုပ်သမားအရေး ဖြေရှင်းပေးနေတဲ့ ဥပဒေပညာရှင်တွေလည်း တက်ရောက်ခဲ့ပါတယ်။

ဖေဖော်ဝါရီလ ၂၃ ရက်နေ့မှာ ပြုလုပ်ခဲ့တဲ့ အလုပ်သမားအရေး တက်ကြွလှုပ်ရှားသူတွေ နဲ့ ပြည်ထောင်စုဝန်ကြီးတွေ သီးသန့်တွေ့ဆုံပွဲမှာ မြန်မာနိုင်ငံက အလုပ်သမားတွေအတွက် အနိမ့်ဆုံး အခြေခံလစာထက် မြင့်မားတဲ့ နှုန်းထားမျိုးတွေ ရရှိအောင် ဆောင်ရွက်ပေးဖို့ အစိုးရမှာ တာဝန်ရှိတယ်လို့လည်း ဦးစိုးသိန်းက ပြောသွားပါသေးတယ်။


ပိတ်ဆို့မှုလျှော့အပြီး ဘဏ်လုပ်ငန်း ဖွံ့ဖြိုးနိုင်

အာရှ စိန်းလမ်း ဖွံ့ဖြိုးရေး ဘဏ်
အမေရိကန်ကနေ မြန်မာဘဏ်လေးခုအပေါ် ချမှတ်ထားတဲ့ ပိတ်ဆို့မှုတွေ ရုပ်သိမ်းတဲ့အတွက် ဘဏ်လုပ်ငန်းမှာ အရင်ထက် ပိုမို တွင်ကျယ်လာဖွယ်ရှိတယ်လို့ ဘဏ်လုပ်ငန်း အရာရှိတစ်ဦးက ပြောပါတယ်။
အမေရိကန်နိုင်ငံကနေ မြန်မာအစိုးရရဲ့ ရင်းနှီးမြှုပ်နှံမှုနဲ့ ကူးသန်းရောင်းဝယ်ရေး ဘဏ် ၊ စီးပွားရေးဘဏ် နဲ့ ပုဂ္ဂလိက ဘဏ်တွေထဲမှာလည်း စီးပွားရေး လုပ်ငန်းရှင် ဦးဇော်ဇော်ရဲ့ ဧရာဝတီ ဘဏ်နဲ့ စီးပွားရေးလုပ်ငန်းရှင် ဦးတေဇရဲ့ ဘဏ်လို့ သိကြတဲ့ အာရှ စိမ်းလန်း ဖွံ့ဖြိုးရေး ဘဏ် AGD ဘဏ်တွေအပေါ် ပိတ်ဆိုထားတာကို သောကြာနေ့က ရုပ်သိမ်း ပေးလိုက်ပါတယ်။
အခုလို ရုပ်သိမ်းပေးတဲ့အတွက် အမေရိကန်က ငွေကြေး ကဒ် ကုမ္ပဏီတွေဖြစ်တဲ့ VISA, Mastercard တို့ နဲ့ ငွေလွှဲ ကုမ္ပဏီဖြစ်တဲ့ Western Union စတဲ့ ကုမ္ပဏီတွေရဲ့ လုပ်ငန်းတွေ တွင်ကျယ်လာမယ့်အပြင် အမေရိကန် ကုမ္ပဏီတွ မြန်မာပြည်မှာ လာရောက် လုပ်ကိုင်တဲ့အခါ ပိတ်ဆို့မှု မရှိတော့တဲ့အတွက် ဘယ်ဘဏ်နဲ့မဆို လုပ်ကိုင်နိုင်တော့မှာ ဖြစ်တယ်လို့ AGD ဘဏ်က အုပ်ချုပ်မှု ဒါရိုက်တာ ဦးရဲမင်းဦးက ပြောပါတယ်။
နောက်ပြီး မြန်မာကုမ္ပဏီတွေ ဒေါ်လာကို ပို သုံးစွဲ လာနိုင်သလို မြန်မာနိုင်ငံကနေ ပြည်ပကို သွားတဲ့ မြန်မာ ခရီးသွားတွေ၊ လုပ်ငန်းရှင်တွေလည်း အမေရိကန် ကဒ်တွေကို အလွယ်တကူ သုံးစွဲလာ နိုင်တော့မယ်လို့ သူက ပြောပါတယ်။
AGD ဘဏ်ကို ပိတ်ဆို့မှု လျော့လိုက်ပေမယ့် သူ့ရဲ့ ပိုင်ရှင်လို့ သိကြတဲ့ ဦးတေဇကတော့ အမေရိကန်ရဲ့ ပိတ်ဆို့မှု ခံနေရဆဲမို့ ဘဏ်လုပ်ငန်းမှာ အခက်အခဲ ရှိနိုင်လား ဆိုတော့ ဒီဘဏ်ကို ဦးတေဇ ချည်းပဲ ပိုင်တယ်လို့ ပြောလို့ မရတော့ကြောင်း၊ အများပိုင် ကုမ္ပဏီအဖြစ် ပြောင်းလဲ နေကြောင်း ဦးရဲမင်းဦးက ပြောပါတယ်။
အခု အမေရိကန်ရဲ့ ဘဏ်လုပ်ငန်း ပိတ်ဆို့မှုတွေ လျော့လိုက် တယ်ဆိုပေမယ့် ငွေကြေး ဝန်ဆောင်မှုတွေ တကယ်လုပ်လို့ ရမရ ဆိုတာ စောင့်ကြည့်ဖို့ လိုသေးကြောင်းလည်း သူက ပြောပါတယ်။

တရုတ်အစိုးရပြောတဲ့ တရုတ်ပြည်က ကင်ဆာရွာများ

မြစ်ချောင်းတလျှောက်နေသူတွေနဲ့ စက်ရုံတွေနား နားသူတွေဟာ ကင်ဆာရောဂါ ဖြစ်နိုင်ချေ များနေပါတယ်။
တရုတ်နိုင်ငံရဲ့ ပတ်ဝန်းကျင်ရေးရာ ဝန်ကြီးဌာနက ကင်ဆာကျေးရွာတွေ ရှိနေပါတယ်လို့ ထုတ်ဖော် ပြောဆိုလိုက်ပါတယ်။ ဒါဟာ တရုတ်နိုင်ငံရဲ့ ဒေသတချို့မှာ သဘာဝဝန်းကျင် ညစ်ညမ်းမှုတွေ အများကြီး ဖြစ်နေပြီလို့ လူထုထင်မြင်ချက်တွေ တော်တော်ကြီး ထွက်ပေါ်ပြီးနောက်မှာ အခုလို မှတ်ချက် ထွက်လာတာလည်း ဖြစ်ပါတယ်။
ရေဆိုးတွေ စီးဆင်းနေတဲ့ မြစ်ချောင်းတလျှောက်နဲ့ စက်ရုံတွေနား နေရတဲ့ ရွာသားတွေကြား ကင်ဆာရောဂါ ဖြစ်ပွားမှုနှုန်းတွေ တက်လာနေတယ်လို့ သဘာဝ ဝန်းကျင် အခွင့်အရေးလှုပ်ရှားသူတွေက နှစ်ပေါင်းများစွာ ထောက်ပြပြောဆိုနေခဲ့ပြီး ဖြစ်ပါတယ်။
ကင်ဆာကျေးရွာတွေဆိုတာကတော့ တင်စားခေါ်ခဲ့တာဖြစ်ပြီး အဓိက ကတော့ အဲဒီလို ရွာတွေမှာ ကင်ဆာ ဖြစ်သူတွေ သိပ်များလာတာကို ညွှန်းလိုတာပါ ဖြစ်ပါတယ်။ ဝန်ကြီးဌာနက ထုတ်ပြန်တဲ့ အစီရင်ခံစာထဲမှာတော့ ကင်ဆာကျေးရွာ ဆိုတဲ့ စကားလုံးနဲ့ပတ်သက်ပြီး အသေးစိတ် ဖော်ညွှန်းပြထားတာတော့ မရှိပါဘူး။
တရုတ်နိုင်ငံအနေနဲ့ သဘာဝဝန်းကျင်ထိခိုက်မှုတွေနဲ့ ပတ်သက်ပြီး ဒီထက်ပို ပွင့်လင်းမြင်သာစွာ ရှိဖို့ကို တောင်းဆိုသံတွေကလည်း ညံနေခဲ့တာ ဖြစ်ပါတယ်။
အခု နောက်ဆုံး ထုတ်ပြန်ခဲ့တဲ့ ခရစ်နှစ် ၂၀၁၁ ကနေ ၂၀၁၅ ကြား၊ တရုတ်နိုင်ငံရဲ့ ၁၂ ကြိမ်မြောက် ငါးနှစ် စီမံကိန်းအတွင်းမှာ ဓာတုဗေဒ ဓာတ်ပစ္စည်းများ သဘာဝ ဝန်းကျင်တွင်း ထုတ်လွှတ်မှု အစီရင်ခံစာထဲမှာ တရုတ်နိုင်ငံရဲ့ ဓာတုအဆိပ်ပစ္စည်းတွေ ထုတ်လွှတ်ခဲ့မှုကြောင့် ရေနဲ့ လေထု ညစ်ညမ်းမှုတွေ ဖြစ်စေခဲ့ပြီး အရေးပေါ် သဘာဝဝန်းကျင် ထိခိုက်မှုတွေ ဖြစ်နေခဲ့တယ်လို့ ဖော်ပြပါရှိပါတယ်။
တရုတ်နိုင်ငံရဲ့ အမြောက်အမြား ကုန်ထုတ်လုပ်ငန်းတွေမှာ အကြီးအကျယ် သုံးစွဲနေတဲ့ ဓာတုဗေဒ ပစ္စည်းတွေဟာ တခြား ဖွံ့ဖြိုးပြီးနိုင်ငံတွေမှာ သုံးဖို့ ပိတ်ပင်ထားတဲ့ ပစ္စည်းတွေ ဖြစ်ပါတယ်။ အစီရင်ခံစာထဲမှာတော့ ဒီလို ဓာတုဗေဒပစ္စည်းတွေကို သုံးစွဲတာကြောင့် ပြည်သူတွေအတွက် ရေရှည်ထိခိုက်စေမယ့် ဆိုးကျိုးတွေ ဖြစ်စေပြီး၊ ကင်ဆာကျေးရွာတွေကို ဖြစ်သွားစေနိုင်တယ်လို့ ထုတ်ဖော် ပြောဆိုထားပါတယ်။
တရုတ်နိုင်ငံမြို့တော် ဘေဂျင်းက ဘီဘီစီသတင်းထောက် မာတင်ပေးရှင့်ကတော့ တရုတ်နိုင်ငံဟာ ရုတ်ချည်း ဖွံ့ဖြိုးတိုးတက်လာလေတော့ ကင်ဆာကျေးရွာလို သတင်းတွေကတော့ ခဏခဏကြားလာရတယ်လို့ သုံးသပ်ပါတယ်။
တရုတ်မီဒီယာတွေမှာတော့ အဲဒီရွာတွေရဲ့အဖြစ်သနစ်တွေကို ကျယ်ကျယ်ပြန့်ပြန့် ရေးသားလာခဲ့ကြပြီး ၂၀၀၉ ခုနှစ်ကဆိုရင် တရုတ်သတင်းထောက်တယောက်က ကင်ဆာကျေးရွာတွေကို မြေပုံနဲ့ ရေးဆွဲဖော်ပြရာမှာ ဒီလို ကင်ဆာကျေးရွာတွေက ရာဂဏန်းနီးနီးတောင် ရှိနေတယ်လို့ သိရပါတယ်။

ဗြိတိန်ရဲ့ Credit Rating လျော့ချ သတ်မှတ်ခံရပြီ
ကြွေးမြီနဲ့ ပတ်သက်ပြီး အကဲဖြတ်တဲ့ မူးဒီးစ်
ဗြိတိန်နိုင်ငံဟာ ကြွေးဆပ်နိုင်အားနဲ့ ပတ်သက်ပြီး ယုံကြည်စိတ်ချရတဲ့ အေ သုံးလုံး အဆင့် ရှိ နိုင်ငံအဖြစ်ကနေ အေအေ ဝမ်း အဆင့်နိုင်ငံအဖြစ် ကြွေးမြီနဲ့ ပတ်သက်ပြီး အကဲဖြတ်တဲ့ ကမ္ဘာ့ထိပ်တန်း အေဂျင်စီကြီး ဖြစ်တဲ့ မူးဒီးစ်က သတ်မှတ် လိုက်ပါပြီ။
ဗြိတိန်နိင်ငံဟာ စီးပွားရေး ပြန်လည် တိုးတက်အောင် လုပ်နိုင်ဖို့ နှစ်အနည်းငယ်ကြာ ကြိုးစားရဦးမယ်လို့ သုံးသပ်ပြီး အခုလို အဆင့်လျော့ချခဲ့တာ ဖြစ်ပါတယ်။
အစိုးရဟာ အရေးကြီးတဲ့ စိန်ခေါ်မှုတွေကို ရင်ဆိုင်ရလိမ့်ဦးမယ်လို့လည်း မူးဒီးစ်က သုံးသပ်ပါတယ်။
ဗြိတိန် ဘဏ္ဍာရေး ဝန်ကြီး ဂျော့ခ်ျ အော့စ်ဘွန်း ကလည်း မူးဒီးစ်ရဲ့ ဒီဆုံးဖြတ်ချက်ဟာ ဗြိတိန်စီးပွားရေးအတွက် အလေးအနက် သတိပေးလိုက်တဲ့ အချက်တချက် ပဲလို့ ဆိုပါတယ်။
စီးပွားရေး အခြေအနေကို မြန်မြန်တိုးတက် အောင် မလုပ်နိုင်ရင် အခြေအနေဟာ နှစ်ဆ ဆိုးဝါးသွားနိုင်တယ်လို့ သူကဆိုပါတယ်။
ဒါပေမဲ့ ဖိုင်နန်ရှယ်တိုင်း သတင်းစာကြီးရဲ့ အမေရိကန် အယ်ဒီတာ ဂျီလီယန် တက်တ် ကတော့ အခုလို လျော့ချခံရတာ ဟာ ဘဏ္ဍာရေး ဝန်ကြီးတ ယောက်အတွက် ရှက်စရာ ဖြစ်ပေမဲ့ တခြား နိုင်ငံတွေလည်း လျော့ချခံကြရတာပါပဲလို့ ဆိုပါတယ်။
အမေရိကန် ပြည်ထောင်စုဟာလည်း မနှစ်တုန်းက အေသုံးလုံး အဆင့်က လျော့ချခံရပေမဲ့ အဲသလို လျော့ချခံရတဲ့ အတွက် အကြွေးယူတဲ့အခါမှာ အတိုးနှုန်းတက်ပေးရတာမျိုးတော့ မရှိခဲ့ပါဘူး။
အခုဆိုရင် စီးပွားကျဆင်းယုတ်လျော့မှုကြီးဖြစ်ပွားပြီးတဲ့နောက်မှာ ကမ္ဘာ့ ထိပ်သီး စီးပွားရေး နိုင်ငံတွေထဲက ဂျာမနီနဲ့ ကနေဒါ နှစ်နိုင်ငံသာ အေသုံးလုံးအဆင့် နိုင်ငံအဖြစ် ကျန်ရစ်တာ ဖြစ်ပါတယ်။

ဆီးရီးယားအတိုက်အခံ နိုင်ငံတကာကို ကန့်ကွက်
ဆီးရီးယား မြို့ကြီးတွေကို စကက် ဒုံးတွေနဲ့ ပစ်နေ တာကို နိုင်ငံတကာက နှုတ်ဆိတ်နေ တယ်လို့ SNC စွပ်စွဲ
ဆီးရီးယား အဓိက အတိုက် အခံ အဖွဲ့ ဖြစ်တဲ့ ဆီးရီးယ�