20.02.2013 နေ့ဖတ်ရန်သတင်းများ

by Myanmar Journal on Tuesday, February 19, 2013 at 4:48pm ·

 မန္တလေး တရုတ်လူဝင်မှု စစ်မယ်
မန္တလေးမြို့လယ် တရုတ်လူမျိုး ပိုင်ဆိုင်မှုများ
မန္တလေးတိုင်းမှာ တရားမဝင် ဝင်ရောက် နေထိုင်တဲ့ တရုတ် လူမျိုးတွေ ရှိနေသလား အိမ်ထောင်စု စာရင်းတွေ သေချာ စစ်ဆေးပြီး မမှန်မကန် ဆောင်ရွက် တဲ့ ဝန်ထမ်းတွေကို အရေးယူ သွားမယ်လို့ လူဝင်မှု ကြီးကြပ်ရေး ဌာန ဒုတိယ ဝန်ကြီး ဦး ကျော်ကျော်ဝင်းက ပြည်ထောင်စု လွှတ်တော် မှာ ပြောကြား ခဲ့ပါတယ်။

မန္တလေးမြို့မှာ မီးအကြီးအကျယ် လောင်ကျွမ်းခဲ့တဲ့ ၁၉၈ဝ ကျော် နှစ်တွေအတွင်း မြန်မာစကား မတတ်တဲ့ တရုတ် လူမျိုးတွေ ဝင်လာခဲ့ပြီး မြို့လယ်က နေရာကောင်းတွေနဲ့ မြို့ပြင်မှာ ခြံကျယ် ဝင်းကျယ်ကြီးတွေ ဝယ်ယူ အခြေချ နေထိုင် လာခဲ့ကြတယ်လို့ ဒီကိစ္စကို လွှတ်တော်မှာ စတင် တင်သွင်းခဲ့တဲ့ အမျိုးသား လွှတ်တော် ကိုယ်စားလှယ် ဒေါ်ခင်ဝိုင်းကြည်က ပြောကြား ပါတယ်။
ဒီလို အခြေချ နေတာတွေ ကြာပြီ ဖြစ်ပေမယ့် သေချာ စစ်ဆေးမှုက ခုမှ ပထမဆုံး အကြိမ် လုပ်မှာ ဖြစ်ပါတယ်။
ဝင်ရောက် နေသူတွေဟာ စီးပွားရေး လုပ်ငန်းတွေ၊ မြန်မာ နိုင်ငံသား မှတ်ပုံတင် တွေနဲ့ အခြေတကျ ဖြစ်နေပြီမို့ ခွဲခြား စိစစ်နိုင်ဖို့က ခက်ခဲ နေပါတယ်။
မြန်မာ နိုင်ငံ အရှေ့မြောက် နယ်စပ်တလျောက် တရုတ်နိုင်ငံနဲ့ ထိစပ်နေတဲ့ ဒေသတွေမှာ တရုတ်၊ ကိုးကန့်၊ ရှမ်းတရုတ် စတဲ့ မျိုးနွယ်စု အများအပြား နေထိုင်ကြပြီး တရုတ်နိုင်ငံနဲ့ အထက်မြန်မာပြည် ရောင်းဝယ် ဖောက်ကားမှု တွေမှာ ပါဝင် ဆောင်ရွက်ကြပါတယ်။

အစိုးရနဲ့ ဒုဗိုလ်ချုပ်ကြီး ရွက်စစ် တို့ အဖွဲ့ ဆွေးနွေး
ရှမ်းပြည် တပ်မတော် တပ်ဖွဲ့ဝင်များ
ရှမ်းပြည် ပြန်လည် ထူထောင်ရေး ကောင်စီ၊ ရှမ်းပြည် တပ်မတော် RCSS/SSA နဲ့ အစိုးရရဲ့ ငြိမ်းချမ်းရေး ဖော်ဆောင်ရေး အဖွဲ့တို့ ထိုင်းနိုင်ငံ ချင်းမိုင်မြို့မှာ ဖေဖော်ဝါရီလ ၁၉ ရက် နေ့က တွေ့ဆုံ ဆွေးနွေး ခဲ့ကြ ပါတယ်။
ဝန်ကြီး ဦးအောင်မင်း ခေါင်းဆောင်တဲ့ အဖွဲ့နဲ့ SSA ဥက္ကဌ ဒုတိယ ဗိုလ်ချုပ်ကြီး စိုင်းရွက်စစ် ခေါင်းဆောင်တဲ့ အဖွဲ့တို့ တွေ့ဆုံခဲ့တာ ဖြစ်ပြီး ဒီဆွေးနွေးမှုဟာ နိုင်ငံရေး တွေ့ဆုံ ဆွေးနွေးပွဲ ဖြစ်ပေါ်ဖို့ အတွက် အကြို ဆွေးနွေးကြတဲ့ အလွတ် သဘော တွေ့ဆုံ မှုလို့ ဆိုပါတယ်။
RCSS/SSA နဲ့ အစိုးရရဲ့ ငြိမ်းချမ်းရေး ဖော်ဆောင်ရေး အဖွဲ့ တို့ လေးကြိမ် မြောက် တွေ့ကြရာမှာ ဆွေးနွေးပွဲတိုင်းမှာ ရလာတဲ့ သဘောတူညီချက်တွေကို အကောင်အထည် ဖော်ဖို့၊ မပြေလည်သေးတဲ့ ပြဿနာ တွေကို နှစ်ဘက်စလုံး စိတ်ရှည်ရှည် ထားပြီး ငြိမ်းချမ်းတဲ့ နည်းနဲ့ ဝိုင်းဝန်း အဖြေ ရှာဖို့ ဆွေးနွေး ခဲ့ကြတယ်လို့ ဆွေးနွေးပွဲ တက်ရောက် ခဲ့သူ RCSS/SSA ပြောရေး ဆိုခွင့် ရှိသူ ဗိုလ်မှူး စိုင်းလောင်စိုင်းက ပြောပါတယ်။
ဒါ့အပြင် ဝန်ကြီး ဦးအောင်မင်းက ဒုတိယ ဗိုလ်ချုပ်ကြီး စိုင်းရွက်စစ်ကို နေပြည်တော် လာဖို့ ဖိတ်ခေါ် ခဲ့တယ်လို့ လည်း ဗိုလ်မှူး စိုင်းလောင်စိုင်းက ပြောပါတယ်။
ဖိတ်ခေါ်မှု အတိုင်း သွားဖို့ အလား အလာ များပေမဲ့ နေ့ရက်တော့ မသတ်မှတ်ရ သေးဘူးလို့ သူက ပြောပါတယ်။ ထာဝရ ငြိမ်းချမ်းရေး တည်ဆောက်နိုင်ဖို့က အပြန် အလှန် ယုံကြည်မှု ရှိဖို့ လိုတယ် ဆိုတာ ဒုတိယ ဗိုလ်ချုပ်ကြီး စိုင်းရွက်စစ်က လက်ခံ ထားတယ်လို့ ဗိုလ်မှူး စိုင်းလောင်စိုင်းက ပြောပါတယ်။
ဒါ့အပြင် သူက ဆက်ပြီး RCSS/SSA ဘက်က နိုင်ငံရေး တွေ့ဆုံ ဆွေးနွေးမှုကို လိုလား တာ ဖြစ်ပြီး အပစ် အခတ် ရပ်စဲမှု မတိုင်ခင် ကတည်းက ပြည်သူလူထု အားလုံး ပါဝင်နိုင်မယ့် ဆွေးနွေးပွဲမျိုး ဖြစ်စေချင်ကြောင်း ပြောထား ခဲ့တယ်လို့ ပြောပါတယ်။
အစိုးရ ဘက်က ပြောထားတဲ့ အတိုင်း နိုင်ငံရေး ဆွေးနွေးပွဲတွေကို လွှတ်တော်တွင်းမှာ ပြုလုပ်ဖို့ ဆိုတာ ကတော့ တိုင်းရင်းသား လက်နက်ကိုင် အဖွဲ့တွေ အားလုံးဟာ လွှတ်တော်ပြင်ပမှာ ရှိနေကြတဲ့ အတွက် ဖြစ်နိုင်မယ် မထင်ဘူးလို့ ဆိုပါတယ်။
ဒါပေမဲ့ နိုင်ငံရေး အရ အာမခံချက် တစ်ခုခု ရပြီ ဆိုရင် သူတို့မှာ ရှိတဲ့ လက်နက်ကိုင် တပ်ဖွဲ့တွေကို တရားဝင် တပ်ဖွဲ့တွေ ဖြစ်လာ ရေး အတွက် နည်းလမ်း ရှာကြမယ်၊
အခု ရှိနေတဲ့ တပ်မတော်ကတော့ ပြည်ထောင်စု တပ်မတော် မဟုတ်ဘူးလို့ တိုင်းရင်းသား တွေက ယူဆ နေကြကြောင်းလည်း ဗိုလ်မှူး စိုင်းလောင်စိုင်းက ပြောပါတယ်။

ကမ္ဘာ့ဖလား ဘောလုံးပွဲ စကိုင်းနက်က လွှင့်မယ်
၂၀၁၄ ကမ္ဘာ့ ဖလားပွဲ အတွက်ဆီမီး ဖိုင်နယ် နဲ့ ဖိုင်နယ် ပွဲစဉ် အပါအဝင် ၂၂ ပွဲ ကို စကိုင်းနက် အခမဲ့ လိုင်းက ပြမယ်
မြန်မာ နိုင်ငံမှာ ကမ္ဘာ့ဖလား ဘောလုံး ပွဲစဉ် တွေကို ၂၀၁၄ ခုနှစ်မှာ ပထမဆုံး အကြိမ် အဖြစ် ထုတ်လွှင့် ပြသဖို့ အတွက် ဖီဖာ ကမ္ဘာ့ ဘောလုံး အဖွဲ့ချုပ် ကနေ စကိုင်းနက် ပုဂ္ဂလိက ရုပ်သံ ကုမ္ပဏီကို သီးသန့် အခွင့်ရေး ( standalone territory ) ပေးပြီး သဘော တူ လိုက်ပါတယ်။
ကမ္ဘာ့ ဘောလုံး အဖွဲ့ချုပ် ဖီဖာနဲ့ စကိုင်းနက် သဘောတူ ညီချက် ရသွား တဲ့အတွက် ၂၀၁၄ ကမ္ဘာ့ ဖလား ဘောလုံး ပြိုင်ပွဲမှာ ဆီမီး ဖိုင်နယ် နဲ့ ဖိုင်နယ် ပွဲစဉ် အပါ အဝင် ၂၂ ပွဲ ကို ဘောလုံး ပရိတ်သတ်တွေ စကိုင်းနက်ရဲ့ အခမဲ့ လိုင်းကနေ တိုက်ရိုက် ကြည့် ခွင့် ရကြ တော့မှာ ဖြစ်ပါတယ်။
ပြည်တွင်းမှာ အစိုးရ ရုပ်သံလိုင်းတွေ အပြင်၊ အစိုးရနဲ့ ဖက်စပ် လုပ်နေတဲ့ လိုင်းတွေလည်း ရှိနေ ပေမယ့် စကိုင်းနက်က ကမ္ဘာ တစ်ဝန်း လုံးမှာ ရှိတဲ့ ဘောလုံးပွဲ တွေ မြန်မာ နိုင်ငံမှာ ထုတ်လွှင့် ပေးနေတဲ့ အတွက် အကောင်းဆုံး ပလက်ဖောင်းလို့ ယုံကြည်တာ ကြောင့် အခလို စကိုင်းနက်နဲ့ သဘော တူလိုက်တာ လို့ ဖီဖာ ရုပ်သံ ဌာန ဒါရိုက်တာ နီကိုလက် အယ်ရစ်ဆင် က ပြောပါတယ်။
အခုလို စကိုင်းနက်ကို မရွေးခင် မြန်မာပြည်မှာ ရှိတဲ့ ဘောလုံး ဝါသနာရှင်တွေ နဲ့လည်း ဆွေးနွေး တိုင်ပင် မှုတွေ ပြုလုပ် ခဲ့တယ်လို့ သူက ပြောပါတယ်။
၂၀၁၄ ကမ္ဘာ့ ဖလားမှာ ပွဲစဉ် ပေါင်း ၆၀ ကျော် ကစားမှာ ဖြစ်ပြီး အခမဲ့ ၂၂ ပွဲက လွဲလို့ ကျန်တဲ့ ပွဲစဉ်တွေ ကိုတော့ စကိုင်းနက် အခပေး လိုင်းတွေ ကသာ ပြသမှာ ဖြစ်တယ် လို့ စကိုင်းနက်က ပြောပါတယ်။
အကိုင်းနက်ရဲ့ အဓိက ပြိုင်ဖက် ဖြစ်တဲ့ အစိုးရနဲ့ ဖက်စပ်လိုင်း ဖော်အဲဗား ကတော့ အခု နှစ်မှာ ပရီးမီးယားလိဂ် ပွဲတွေ ထုတ်လွှင့်ခွင့် ရထားတာ ဖြစ်ပြီး၊ ၂၀၁၄ ကမ္ဘာ့ ဖလား ပွဲကို ထုတ်လွှင့် နိုင်ဖို့ ကြိုးစား နေကြောင်း သိရပါတယ်။

ထိုင်းမြန်မာ နယ်စပ်ဒုက္ခသည် ပြန်ပို့ရေး
ထိုင်း မြန်မာ နယ်စပ် ဒုက္ခသည်များ
ထိုင်းမြန်မာ နယ်စပ် ဒုက္ခသည် စခန်းတွေက မြန်မာနိုင်ငံသား ဒုက္ခသည် တွေ ကို နေရပ်ရင်း ပြန်ပို့မယ့် အရေး ကို ထိုင်းနိုင်ငံမှ တာဝန် ရှိသူ တွေ နဲ့ နိုင်ငံတကာ အင်ဂျီအိုတွေ မနေ့ က စတင် ဆွေးနွေး ကြပါတယ်။
နယ်စပ် တကြော ရှိ ဒုက္ခသည် စခန်းပေါင်း ၉ ခု က မြန်မာနိုင်ငံသား တသိန်းကျော် ကို ပြန်လည် နေရာချထားရေး ဆွေးနွေးညှိနှိုင်း ရာမှာ ထိုင်းဘက် က အမြန်ပြန်စေလိုတဲ့ သဘောရှိလို့ မြန်မာဘက် က လည်း လက်ခံဖို့ နဲ့ ပတ်သက်ပြီး ကော်မတီ ဖွဲ့လိုက်တဲ့ အကြောင်း တာခ်ခရိုင် အုပ်ချုပ်ရေးမှူး က သတင်းစာ ရှင်းလင်းပွဲ မှာ ဘီဘီစီ ကို ပြောပါတယ်။
ပြန်လည်နေရာ ချထားရာမှာလည်း သူတို့ လုပ်ကိုင် စားသောက် မယ့် နေရာ ကို ဖန်တီးပေးမှာ ဖြစ်သလို ကျေးလက်ဒေသ က ဆိုရင် တမိသားစု ကို မြေ ၁ဝ ဧက ချပေးရေး တွေ ပါဝင်ပါတယ်။ တတိယ နိုင်ငံတွေ မှာ သွားရောက် အခြေချလို သူတွေ ကိုလည်း ဆက်လက် ဆောင်ရွက်ပေး ပေမယ့် ထိုင်းနိုင်ငံ မှာပဲ နေလိုသူတွေ အတွက် ကိုတော့ လက်ခံဖို့ အစီအစဉ် မရှိကြောင်း တာခ်ခရိုင် အုပ်ချုပ်ရေးမှူး က ရှင်းပြပါတယ်။
တချို့ မြန်မာဒုက္ခသည် တွေ ကတော့ နိုင်ငံရေး အရ ထွက်ပြေး လာကြသူတွေ ဖြစ်တဲ့ အတွက် ထိုင်းနိုင်ငံ မှာပဲ နေလိုတာကို တောင်းဆိုချင်တဲ့ အကြောင်း ဘီဘီစီ ကို ပြောပါတယ်။ ဒါပေမယ့် အခုလို ဒုက္ခသည်တွေ ကို မြန်မာနိုင်ငံ မှာ ပြန်လည် နေရာ ချထားရေး အတွက် အနည်းဆုံး ၂ နှစ် က ၃ နှစ် ကြာမြင့် နိုင်ကြောင်း တာခ်ခရိုင် အုပ်ချုပ်ရေးမှူး က ပြောပါတယ်။

သင်္ဘောနစ်မြုပ်မှုအတွင်း မြန်မာနိုင်ငံသား ၁၄ ဦး ပျောက်ဆုံးနေဆဲ

ဖိလစ်ပိုင်ကမ်းခြေစောင့်တပ် (နိုဝင်ဘာ ၂၀၀၇)
ဖိလစ်ပိုင်နိုင်ငံအနီး နစ်မြုပ်သွားခဲ့တဲ့ ကုန်တင်သင်္ဘောပေါ် က ပျောက်ဆုံးနေတဲ့ မြန်မာသင်္ဘောသား ၁၄ ယောက်ကို ၂ ရက်လောက် ကြာလာတဲ့အချိန်အထိ ပြန်ရှာလို့ မတွေ့သေးဘဲ ဖြစ်ပါနေ တယ်။ အသက်ရှင် လွတ်မြောက်လာတဲ့ မြန်မာသင်္ဘောသားတွေ ကတော့ ဖိလစ်ပိုင်နိုင်ငံကတဆင့် မြန်မာနိုင်ငံ ကို ပြန်ဖို့ ပြင်ဆင်နေကြပါပြီ။ သင်္ဘောနစ်မြုပ်မှုနဲ့ပတ်သက်လို့ အသက်မသေ ကျန်ရစ်သူတွေ ကိုယ်တိုင် ပြောပြချက်တွေနဲ့အတူ ဆက်သွယ်စုံစမ်းထားတဲ့ ဒေါ်ခင်မျိုးသက် က အပြည့်အစုံ တင်ပြထား ပါတယ်။ အင်ဒိုနီးရှားနိုင်ငံကနေ တရုတ်နိုင်ငံကို ဦးတည် မောင်းနှင်လာတဲ့ MV Harita Bauxite ကုန်တင်သင်္ဘောမှာ လိုက်ပါလာတဲ့ မြန်မာနိုင်ငံသား ၂၄ ယောက်ထဲက ပျောက်ဆုံးနေသူ ၁၄ ယောက်ကို ဆက်လက် ရှာဖွေနေဆဲပဲလို့ သင်္ဘောရဲ့ ရန်ကုန်ကိုယ်စားလှယ်ရုံးဖြစ်တဲ့ Sam Sea Ray ကုမ္ပဏီ တာဝန်ခံ ဦးဝင်းဌေး က ဗွီအိုအေ ကို ပြောပါတယ်။ “ပြီးခဲ့တဲ့ မိနစ်ပိုင်းလောက်က ပို့ထားတဲ့ သတင်းအရကတော့ပေါ့နော် သူတို့ ရှာဖွေနေတာ မရပ်သေးပါဘူးခင်ဗျ” မေး။              ။ ကယ်လိုရတဲ့ ၉ ယောက်ထဲက ၂ ယောက်က ဆေးရုံမှာ အခုထိ ရှိနေတုန်းလား ရှင့်။ “ဆေးရုံမှာ ဟုတ်ကဲ့ ၂ ယောက်က ၂ ယေက်က Fitter ချိုအေးနဲ့ သန့်စင်မိုး” မေး။              ။ နောက် ၇ ယောက်ကရော သူတို့ ဘယ်မှာရှိနေလဲ။ “သူတို့က လောလောဆယ် ဟိုတယ်မှာရှိနေပါတယ်ခင်ဗျ။ End of the Road Inn ဆိုတဲ့ ဟိုတယ်မှာပါ။ ဟိုတယ်မှာရှိနေတာက ၇ ယောက်၊ ဆေးရုံပေါ်မှာက ၂ ယောက်ပေ့ါနော်။ အဲဒီမှာ ရှိတာ ၇ ယောက် ဆေးရုံမှာ ၂ယောက်ပေ့ါနော်။ ရှိတာက Chief Officer ကြည်ဝင်း၊ နောက် 3rdOfficer ခင်မောင်ဝင်း၊ နောက်တယောက်က 2nd အင်ဂျင်နီယာ ခင်မောင်ဝင်း၊ နောက် AB  အောင်သူဝင်း၊ နောက်တယောက်က AB ၀င်းစော၊ AB ရဲမြင့်ဌေးက ပျောက်နေတဲ့ အထဲမှာ ပါတယ်။ နောက်တယောက်က ၀င်းမင်းသိန်း OS၊ နောက် Oiler အောင်သန်းဝင်း” အသက်ရှင်ကျန်ရစ်သူတွေထဲက 2nd အင်ဂျင်နီယာ ဦးအောင်ကျော်ခိုင် က သင်္ဘောနစ်မြုပ်ရတဲ့ အခြေအနေကို အခုလို ပြောပြပါတယ်။ “ကျွန်တော်တို့ သင်္ဘောရောက်နေတဲ့ ဧရိယာက ဗမာလိုတော့ ဆွဲ လို့ခေါ်တာပေါ့။ ရေလှိုင်း swell က အရမ်းကြီးတဲ့ နေရာကြီးပေါ့။ တကယ်က common swell ဧရိယာမှာ ကျွန်တော်တို့ ရှိတယ်။ အဲ့ဒီအချိန်မှာ စက်ခန်းက အင်ဂျင်ကလည်း trouble ဖြစ်ပြီးတော့၊ အင်ဂျင်ချို့ယွင်း သွားတာပေါ့နော်။ အဲ့ဒီတော့ အင်ဂျင်ကို ကျွန်တော်တို့ ရပ်လိုက်ရတယ်။ ပြင်ဆင်ချိန် ၂ နာရီလောက် ကြာသွားတာပေါ့။ ကာဂို (Cargo) ကလည်း အထူး loading ကာဂိုပေါ့၊ သင်္ဘောက နဲနဲ စောင်းသွားတယ်ခင်ဗျ။ ၅ ဒီဂရီလောက် စောင်းသွားတယ်။ အင်ဂျင်ကို ပြင်ပြီးတော့ ကျွန်တော်တို့ ပြန်ထွက်မယ်ဆိုပြီး အင်ဂျင်ကို စနှိုးမယ် ပြင်တဲ့အချိန်မှာ သင်္ဘောကြီးက  ၂၅ ဒီဂရီလောက် စောင်းသွားတယ်ခင်ဗျ။ စောင်းသွားပြီးတော့ ၅ မိနစ်အတွင်းမှာပဲ တခါထဲ တုံးလုံးကြီး လဲသွား တယ်။ အမှန်တော့ စောင်းလိုက်တဲ့အချိန်မှာ လှိုင်းက ရိုက်လိုက်တော့ အဲ့ဒီအချိန်မှာ ကျွန်တော်တို့ဆီမှာ ကရိန်းတွေ ပါတော့ အဲ့ဒီကရိန်းတွေကလည်း တခါထဲကို ဘယ်ဘက်ကိုပါ စောင်းပြီးတော့ တခါထဲကို တုံးလုံးလှဲချလိုက်သလို အဲ့ဒီလို တန်းဖြစ်သွားတာပါ။ ၇ မိနစ်အတွင်းမှာပဲ တခါထဲ တန်းမြုပ်သွားတာ သင်္ဘောကြီးက။” မေး။              ။ အသက်ရှင် ပြန်လွတ်လာတဲ့ အခြေအနေလေး ပြောပြပါဦး။ “ကျွန်တော်က အင်ဂျင်ခန်းက ၀န်ထမ်းဆိုတော့ ကျွန်တော် သင်္ဘော ၂၀ ဒီဂရီလောက် စောင်းနေ တဲ့အချိန်မှာ ကျွန်တော် တက်ပြေးသွားတယ်။ စက်ခန်းကိုလည်း လှည့်မကြည့်နိုင်တော့ဘူး။ လွတ်တဲ့အပေါက်ကို ထွက်ပြေး သွားပြီးတော့ ဘောတကွင်းကို ဆွဲပြီးတော့ ရေထဲ တခါတည်း ခုန်ဆင်းသွားတာ။ အသက်ကယ် ဖောင်နဲ့ သွားတွေ့တာပေါ့။ အသက်ကယ်ဖောင်နဲ့ မျှောပြီး သွားတော့ တခါတည်း သင်္ဘောကြီးက အဲ့ဒီအချိန်မှာ မြုပ်သွားတာပေါ့။ လွတ်လာတာ ၁၀ ယောက်ပေါ့၊ ၁၀ ယောက်မှာ ကျွန်တော်တို့ ဖောင်အဖွဲ့ထဲမှာ ၆ ယောက်၊ နောက် အသက်ကယ် ဘောနဲ့ သူတို့ ကူးနေတာက ၃ ယောက်၊ နောက်ဆုံးသွားတဲ့ Chief Cook စားဖိုမှူးက ၁ ယောက်ရယ်ဆိုတော့ အားလုံး စုစုပေါင်း ၁၀ ယောက်ပေါ့။” မေး။              ။ ဆုံးသွားရတဲ့သူက ဘယ်လိုပုံစံနဲ့ ဆုံးသွားတာပါလဲရှင့်။ “ဒီည ၁၀ နာရီမှာ သင်္ဘောနစ်တယ်။ မနက် ၈ နာရီမှာ တရုတ်သင်္ဘော တစင်းက လာကယ်တယ်။ ၁၀ ယောက် ကယ်ဆယ်ရေး သင်္ဘောပေါ် ရောက်တယ်။ အဲ ရောက်တဲ့ ၅ မိနစ်လောက်အတွင်းမှာ ဒီ ကိုမြင့်အောင် chief cook ကြီးက ဆုံးသွားတယ်။ သူ့ဘော်ဒီကို စစ်ဆေးတော့ နောက်ကျော မှာ ဟောင်းလောင်းကြီး ငါး အကိုက်ခံ ထားရတယ်အမ။” မေး။              ။ ဖိလစ်ပိုင်ကမ်းခြေကို ဘယ်လိုရောက်လာလဲ ပြောပြပေးပါအုံး။ “ည သင်္ဘော ၁၀ နာရီမှာ မြုပ်တယ်ဆို ဆယ်နာရီကနေ မနက် ၈ နာရီအထိ ကျွန်တော်တို့ကတော့ အသက်ကယ်ဖောင်နဲ့ မျောနေတာပေါ့။ မနက်ခင်းမှာ တရုတ်သင်္ဘောက လာကယ်တယ်။ ညနေ ၄ နာရီလောက်ကျတော့ ဖိလစ်ပိုင် ကမ်းရိုးတန်းစောင့်တပ် (Coast Guard) က ကျွန်တော်တို့ကို လာခေါ်သွားတာပေါ့။ သူတို့ ကျွန်တော်တို့ကို စောင့်ရှောက်ထားပါတယ် အခု။” မေး။              ။ ဖိလစ်ပိုင် ဘယ်မြို့မှာ ရောက်နေလဲရှင့် “ဒီကျွန်းမြို့တမြို့ပဲ” မေး။              ။ အခု ပျောက်ဆုံးနေတဲ့ ၁၄ ယောက်ရဲ့ အခြေအနေ ဘယ်လို ရှိမယ်လို့ ကိုအောင်ကျော်ခိုင် ခန့်မှန်းပါလဲ။ “ခန့်မှန်းလို့တော့ မရဘူးဗျ။ ကိုယ်ကလည်း အသက်လုပြီးတော့ ပြေးလာတယ်ဆိုတော့ ကိုယ့်လိုလည်း ပြေးတဲ့လူလည်း ရှိကောင်း ရှိနိုင်ပါတယ်။ ဖြစ်တဲ့အချိန်ကလည်း ည ၁၀ နာရီဆိုတော့ မှောင်နေတဲ့ အချိန်ပေါ့။ သိပ်မမြင်ရဘူး။ တယောက်နဲ့တယောက် ကျတော့လေ။ ဒီနေ့ဆို သုံးရက်မြောက်ပေါ့။ ရှာဖွေဆဲပါပဲ။ ဒီမှာတော့လေ။ လောလောဆယ်ကတော့ တယောက်မှ ရှင်နေရက်သော်လည်းကောင်း၊  သေဆုံးတဲ့ အလောင်းကိုသော်လည်း မတွေ့သေးပါဘူး။ ရှာဖွေဆဲပါတဲ့ Coast Guard က ကျွန်တော်တို့ကို အကြောင်းကြားပေးပါတယ်။” မေး။              ။ တချို့သတင်းတွေမှာ သူတို့က မရှာတော့ဘူးလို့ ပြောနေကြပါတယ်။ “အဲ ရှာနေပါတယ်ခင်ဗျ။ ရှာနေတယ်။ ဒီနေ့ မနက် ဒီနေ့ ကျွန်တော်တို့က နေ့ခင်း ၁ နာရီလောက် အထိက ရဟတ်ယာဉ် (Helicopter) ရော၊ Navy ရေတပ်ရောက ရှာနေပါတယ်။ ကျွန်တော်တို့ သိပါတယ်။” မေး။              ။ စက်ပြင်နေတယ် ဆိုတော့ အင်ဂျင်ခန်းရဲ့ အတွင်းခန်းထဲမှာ ရှိနေတာဆိုတော့ သင်္ဘောမြုပ်ရင် သူတို့ ပါသွားနိုင်တဲ့ သဘောမျိုးများ ရှိလားရှင့်။ “တကယ်လို့ ရှိခဲ့ရင် ပါသွားနိုင်ပါတယ်။ ကျွန်တော်လည်း အင်ဂျင်ခန်းထဲကပါ။ ကျွန်တော်လည်း တက်ပြေးလာတာပါ။” မေး။              ။ မြန်မာနိုင်ငံကို ဘယ်တော့လောက်များ ပြန်ပို့နိုင်မယ်လို့ သံရုံးက ပြောလဲရှင့်။

“သံရုံးဝန်ထမ်းတွေလည်း ဒီမှာ ရောက်နေပါတယ်။ ဒီည ဒီမှာ လ၀က ကိစ္စတွေ၊ နောက် စာရွက်စာတမ်း ကိစ္စတွေ အကုန်ပြီးပြီလို့ ဆိုပါတယ်။ ဒီဒဏ်ရာရသူ ၂ ယောက် ဆေးရုံက ဆင်းနိုင်လို့ ရှိရင်တော့ ကျွန်တော်တို့ ဒီညကို မနီလာ သွားဖို့ အစီအစဉ် ရှိပါတယ်။”

အသက်မသေဘဲ ကျန်ခဲ့သူတွေထဲက တဦးဖြစ်တဲ့ ဦးအောင်ကျော်ခိုင် ပြောပြခဲ့တာဖြစ်ပါတယ်။

ကရင်မိန်းကလေး ညှင်းပမ်းနှိက်စက်သူ ထိုင်းလင်မယား ထွက်ပြေးတိမ်းရှောင်
ထိုင်းနိုင်ငံရောက် ကရင်အမျိုးသမီးငယ် တဦးကို ညှင်းပမ်းနှိပ်စက်မှု အပါအ၀င် အမှုပေါင်းများစွာနဲ့ ရင်ဆိုင်နေရတဲ့ ထိုင်းနိုင်ငံသား ၂ ဦးဟာ အခုနောက်ဆုံး ထွက်ပြေးတိမ်းရှောင်သွားတဲ့အတွက် ထိုင်းရဲတပ်ဖွဲ့က ဆုငွေထုတ် ဖမ်းဆီးဖို့ ကြိုးပမ်းနေပါတယ်။

၅ နှစ်ကြာ ထိုင်းအလုပ်ရှင်တွေ လက်ထဲ ရောက်သွားခဲ့တဲ့ ကရင်အမျိုးသမီးငယ်ကတော့ အခုအခါမှာ နှိက်စက်မှုတွေက ရလာတဲ့ ဒဏ်ရာဒဏ်ချက်တွေကို ထိုင်းဆေးရုံတခုမှာ ကုသမှု ခံယူနေရပါတယ်။ ဒီအမှုနဲ့ ပတ်သက်လို့ ထိုင်းနိုင်ငံဆိုင်ရာ မြန်မာသံရုံးကိုယ်တိုင် ကြားဝင်ဆောင်ရွက်ပေးနေတဲ့ နောက်ဆုံး အခြေအနေတွေကိုတော့ ဗွီအိုအေရဲ့ ထိုင်းအခြေစိုက် သတင်းထောက် နိုင်ကွန်းအိန် က တင်ပြထားပါတယ်။ အသက် ၁၂ အရွယ် အဲ လို့အမည်ရတဲ့ ကရင်တိုင်းရင်းသူ အမျိုးသမီးငယ်တဦးကို ဥပဒေမဲ့ခေါ်ဆောင်ခိုင်းစေပြီး နှိပ်စက်ညှဉ်းပန်းမှုနဲ့ တရားရုံးမှာ အမှု ရင်ဆိုင်နေရတဲ့ ထိုင်းအိမ်ရှင် လင်မယားနှစ်ဦး အခုနောက်ဆုံး ထွက်ပြေး တိမ်းရှောင်သွားတဲ့အတွက် ရဲတပ်ဖွဲ့က ဆုငွေအဖြစ် ဘတ် ၁ သိန်းပေးဖို့ ကြေညာလိုက်ပါတယ်။ အသက် ၃၅ နှစ် အရွယ်ရှိတဲ့ နသီ ဒိုင်အွန် (Nathi Taeng-on) နဲ့ အသက် ၃၃ နှစ်အရွယ်ရှိတဲ့ ဇနီးဖြစ်သူ ရတ်တန်နခွန် ပီယာဝရာသမ် (Rattanakon Piyaworatham) တို့ ၂ ဦးဟာ တရားရုံးက အာမခံပေး လွှတ်ထားတဲ့နောက် ရဲတပ်ဖွဲ့မှာ လာရောက် အကြောင်းကြားဖို့ ပျက်ကွက်ခဲ့တဲ့အတွက် ၀ရမ်းပြေးအဖြစ်နဲ့ ရဲ က ကြေညာလိုက်တာပါ။ ဒီအတွက် ထိုင်းရဲတပ်ဖွဲ့က သူတို့ ၂ ဦးနဲ့ ပတ်သက်လို့ သတင်းပေးနိုင်သူတွေကို ဆုငွေပေး ဖို့ ကြေညာလိုက်သလို၊ အာမခံပေးတဲ့ တရားရုံးဟာလည်း ဖိအားတွေနဲ့ ရင်ဆိုင်နေရတယ်လို့ ထိုင်းနိုင်ငံဆိုင်ရာ မြန်မာသံရုံးက တာဝန်ခံတဦးဖြစ်တဲ့ ဦးနိုင်ထွန်းကပြောပါတယ်။ “အဲ့ဒီလင်မယားနှစ်ယောက်က ထွက်ပြေးသွားတာပေါ့နော်။ ပြေးတယ်ဆိုတော့ သူတို့ကတော့ ထိုင်းဥပဒေအရ သူတို့ဟာသူတို့ လိုက်ပြီးတော့ဖမ်းဖို့ သူတို့ကြိုးစားနေတယ်လို့တော့ပြောတယ်။ အဲ့ဒီလင်မယား ၂ ယောက်ကတော့ လွတ်သွားလို့ မရဘူးပေါ့နော်။ နယ်မြေ ၆ ကိုလည်း ရဲတွေလိုက်နေတယ်။ ထွက်ပြေးသွားတဲ့ အခါကျတော့ သူတို့ရဲ့ တရားသူကြီးဆီမှာ လာပြီးတော့ပြဿနာတက်နေတယ်။ တရားသူကြီးက ဘတ်ငွေ (၇) သိန်း နဲ့ အာမခံထားပြီး လွှတ်ပေးလိုက်တော့ တရားသူကြီးအပေါ် pressure တွေရောက်နေတယ်ပေါ့နော်။ ဘာဖြစ်လို့ ဒီလို လုပ်ပေးလိုက် ရသလဲ ဘာညာပေါ့။ ထွက်ပြေးသွားတဲ့ အပိုင်းတို့၊  ဖမ်းတာဆီးတာ တို့ကတော့ သူတို့ဘက်က အထက် အာဏာပိုင်တွေ လုပ်ရမယ့် ကိစ္စပေါ့နော်။ ကျွန်တော်တို့ဘက်က ထိုက်သင့်တဲ့ အပြစ်ဒဏ်ပေးဖို့ ဘာညာဆိုပြီးတော့ ထိုင်းဘက်ကို တောင်းဆိုထားတာတော့ ရှိတယ်ခင်ဗျ။” မြန်မာ ရွှေ့ပြောင်း အလုပ်သမားတွေ ဖြစ်ကြတဲ့ နိုင်းအောင်းနဲ့ နန်းဒိုင်းတို့ရဲ့ သမီးဖြစ်သူကို ထိုင်းလင်မယား ၂ ယောက်ကနေ ဖြားယောင်းသွေးဆောင် ခေါ်ယူပြီး ၅ နှစ်တာကာလအတွင်း အိမ်ဖော်အဖြစ်နဲ့ အမျိုးမျိုး အလုပ်စေခိုင်းခဲ့တဲ့အပြင် ညှဉ်းပန်းနှိပ်စက်မှုတွေကြောင့် ထွက်ပြေးရာကနေ ဒေသခံ ထိုင်းတွေက ကယ်ဆယ်ပြီး ထိုင်းလူမှု ကယ်ဆယ်ရေးဌာနကို ပို့ဆောင်ပေးခဲ့တာပါ။ ထိုင်းလင်မယားကိုတော့ ဖြားယောင်းသွေးဆောင်မှု၊ မတရားညှဉ်းပန်းနှိပ်စက်မှု၊ ကျွန်ပြုမှု၊ အဓမ္မ လုပ်အားခိုင်းစေမှု၊ အသက်မပြည့် ကလေးငယ်ကို လူကုန်ကူးမှု၊ တရားမ၀င် အလုပ်သမား လက်ခံမှု၊ အလုပ်သမား အခွင့်အရေး ချိုးဖောက်မှု စတဲ့ ပြစ်မှု ၇ ခုနဲ့ ထိုင်းတရားရုံးမှာ တရားစွဲဆိုထားပါတယ်။ ဒီလိုတရားစွဲဆိုခံထားရာက ဘတ်ငွေ ၇ သိန်း အာမခံနဲ့ တရားရုံးက လွှတ်ပေးရာကနေ အခုလို ထွက်ပြေး တိမ်းရှောင်ခဲ့တာပါ။ ထိုင်းအာဏာပိုင်တွေရဲ့ ကနဦး စစ်ဆေးမှုတွေ အတွင်းမှာတော့ ကရင်အမျိုးသမီးငယ်ဟာ အိမ်ရှင် လင်မယားက ရေနွေးပူနဲ့ လောင်းတဲ့ ဒဏ်ရာတွေကြောင့် ကျော ကုန်းမှာ အပြင်းအထန် မီးလောင်ဒဏ်ရာတွေ ရခဲ့ကြောင်း တွေ့ရှိခဲ့တာပါ။ တကိုယ်လုံးက နှိပ်စက်ခံ ထားရတဲ့ ဒဏ်ရာတွေကိုတော့ အခုအခါ ထိုင်းနိုင်ငံက ဆေးရုံတခုမှာ ဆေးဝါးကုသမှု ခံယူနေတယ် လို့ ထိုင်းနိုင်ငံဆိုင်ရာ မြန်မာသံရုံးက ဦးနိုင်ထွန်း ကပြောပါတယ်။ “အခု သူ့စိတ်ပိုင်းဆိုင်ရာကတော့ သူ့အဖေအမေတွေနဲ့အတူ နေနေရတယ်လေ။ နောက် ဒီကျန်းမာရေးဆိုင်ရာ အရတော့ မနေ့ကအထိ ကျနော်တို့ ထပ်ကြားတာတော့ ပထမ နခွန်ဆ၀မ်ဆေးရုံမှာ ပလတ်စတစ် Surgery တွေ ဘာတွေနဲ့ ကုပေးမယ်ပေါ့နော်။ အခုကျတော့ ဘန်ကောက်မှာရှိတဲ့ အကောင်းဆုံးဆေးရုံမှာ ခွဲစိတ်ကုသမှု လုပ်ပေးမယ်လို့တော့ သူတို့ဘက်က မနေ့က ပြောသံကြားတယ်။ ကျနော်တို့ဘက်ကတော့ ဟိုတနေ့က သွားပြီးတော့ ထောက်ပံ့ကြေးငွေပေးတာတို့ သူတို့ အဖေအမေနဲ့ တွေ့ခဲ့တာတွေ ရှိပါတယ်။ အဲ့ဒီကလေးနဲ့ တွေ့ပြီးတော့မှ ဘာမှ အားမငယ်ဖို့ပေါ့ ကျနော်တို့ အကူအညီပေးမယ်။ သူ့ရဲ့ပညာရေး၊ ကျန်းမာရေး ဘာညာ။ အဲ့ဒီကောင်မလေးကတော့ ကျန်းကျန်းမာမာ လုံလုံခြုံခြုံပါပဲ။ ကရင်ပြည်နယ်ဝန်ကြီးချုပ် ဦးဇော်မင်း တို့ ဘာတို့ကလည်း ကျနော်တို့နဲ့ ဆက်သွယ် လာတယ်။ သူတို့ ကရင်ပြည်နယ်အနေနဲ့လည်းထောက်ပံ့ကြေးငွေတွေ ပေးချင်တာပေါ့နော်။ သူတို့ ကိုယ်စားလှယ်နဲ့ ဒီနေ့ သူတို့သွားပေးကြလိမ့် မယ်။” ပြီးခဲ့တဲ့ ဖေဖော်ဝါရီလ ၁၅ ရက်နေ့က မြန်မာသံရုံးက အရာရှိတွေကနေ အနှိပ်စက်ခံရတဲ့ ကလေး မလေးကို သွားရောက် ကြည့်ရှု အားပေးခဲ့ပြီး ငွေကြေး အကူအညီတွေလည်း ထောက်ပံ့ခဲ့ပါတယ်။

မြန်မာအစိုးရနဲ့ အလုပ်သမား အဖွဲ့အစည်းတွေ မြန်မာနိုင်ငံသားများ ကာကွယ်စောင့်ရှောက်ရေး အဖွဲ့အစည်းတွေကနေ စုစုပေါင်း ဘတ်ငွေ တသိန်းကျော် ထောက်ပံ့ ပေးအပ်ခဲ့တယ်လို့လည်း ဦးနိုင်ထွန်း က ပြောပါတယ်။ အဆိုပါ ကလေးမလေးအတွက် အလှူငွေတွေ ပေးဆောင်နိုင်ဖို့ ထိုင်းအစိုးရကနေ ဘဏ်စာရင်း အသစ် ဖွင့်ထားပေး ခဲ့ပြီး ရောဂါအခြေအနေ ပုံမှန်ပြန်ရောက်တဲ့အထိ ဆေးဝါး ကုသပေးမယ်လို့ လည်း ဦးနိုင်ထွန်း က ပြောပါတယ်။ မြန်မာ ရွှေ့ပြောင်းအလုပ်သမားတွေဟာ ပြည်တွင်းရေး မတည်ငြိမ်မှု၊ စီးပွားရေး နိမ့်ကျမှု၊ ငွေကြေး ကွာဟမှုတွေ ကြောင့် ထိုင်းနိုင်ငံအတွင်းကို ရွှေ့ပြောင်းအလုပ်သမားအဖြစ်နဲ့ အလုပ်လုပ်ကိုင်မှုဟာ တနေ့တခြား များပြားလာနေ ပါတယ်။ ဒီလို အလုပ်လုပ်ကိုင်နေစဉ်အတွင်းမှာလဲ ငွေကြေးအရသော်လည်းကောင်း၊ လုပ်အားအရသော် လည်းကောင်း လူ့အခွင့်အရေး ချိုးဖောက် ခံနေရတာတွေလည်း ရှိနေပါတယ်။ ဒီဖြစ်စဉ်တွေကနေ အကာကွယ် ပေးနိုင်ဖို့ မြန်မာအစိုးရနဲ့ ထိုင်းအစိုးရအကြားမှာ ဆွေးနွေးနေ ကြပြီလို့လည်း ဦးနိုင်ထွန်း က ပြောပါတယ်။

“အခုဆိုလို့ရှိရင် ကျနော်တို့ ပတ်စ်ပို့ လုပ်ပေးတဲ့ကိစ္စမှာ သူတို့ကနေ မဖမ်းဖို့၊ ဈေးနှုန်းကို လည်း လျော့ပေါ့ပြီး ကောက်ပေးဖို့၊ နောက်အလုပ်သမားတွေရဲ့ အခွင့်အရေး လစာ အပြည့်အ၀ ရဖို့ ကျနော်တို့ဘက်က တောင်းဆိုထား တာရှိတယ်။ ထိုင်းနိုင်ငံမှာ မတရား လစာ အပြည့်မပေးတာတို့၊ OT (အချိန်ပိုကြေး) မပေးတာတို့၊ ခေါင်းပုံဖြတ်တာတို့ တဖြေးဖြေးနဲ့ ဒီဟာကြီးက ကြီးထွားလာတဲ့ အချိန်ကျတော့ အခု ကျနော်တို့က ဂျပန်တို့၊ အမေရိကန်တို့ အီးယူတို့ ကနေပြီးတော့ သူတို့ရဲ့ ပင်လယ်ထွက် ပစ္စည်းတွေကို ပိတ်ပင် တားဆီးထားတာမျိုးတွေ ရှိတယ်ဗျ။ အဲ့ဒီဟာတွေ ကိုလည်း ကျနော်တို့ ကနေပြီးတော့မှ သူတို့ နိုင်ငံရဲ့အကျိုးစီးပွားလည်း ထိခိုက်တယ်၊ နောက်ကျနော်တို့ မြန်မာ အလုပ်သမားတွေ အတွက်လည်း နစ်နာတယ်။ အဲ့ဒီတော့ ခင်ဗျားတို့ ဖြေရှင်းပေးဖို့ ကျနော်တို့ ဒုတိယ၀န်ကြီး ဦးမြင့်သိန်း က ပြီးခဲ့တဲ့ အစည်းအဝေးမှာ သူတို့ဘက်ကို တောင်းဆိုတယ်။ သူတို့ အစိုးရဘက်ကလဲ လူကြီးပိုင်း ကတော့ လုပ်ပေးပါ့မယ်။ ဘာညာဆိုတဲ့ ကတိတွေ ပေးတာပေါ့နော်။ ဒါပေမဲ့ အောက်ခြေပိုင်းဆိုင်ရာမှာ  နိုင်ငံသားတွေ အပေါ်ကို အလုပ်ရှင်အနေနဲ့သော်လည်းကောင်း၊ ရဲအနေနဲ့သော်လည်းကောင်း၊ လ၀ကအနေနဲ့သော်လည်းကောင်း အနိုင်ကျင့် လာခဲ့တာတွေကတော့ အရိုးစွဲနေပြီ။” ထိုင်းနိုင်ငံအတွင်းမှာ တရားဝင်အရသော်လည်းကောင်း၊ တရားမ၀င် နည်းလမ်းနဲ့ပါ ၀င်ရောက် အလုပ်လုပ်ကိုင်နေတဲ့ မြန်မာ ရွှေ့ပြောင်း အလုပ်သမား ၂ သန်းလောက် ရှိတယ်လို့လည်း ထိုင်းအလုပ်သမား ၀န်ကြီးဌာနက ခန့်မှန်းထား ပါတယ်။ အခုလို ၀င်ရောက်အလုပ်ကိုင်နေတဲ့ အလုပ်သမားတွေဟာ တချို့သောထိုင်းလုပ်ငန်းရှင်တွေကနေ လုပ်အားခ ချိုးနှိမ်ခြင်း၊ သတ်မှတ်ချိန်ထက် အလုပ် ပိုခိုင်းစေခြင်း၊ အလုပ်သမား စိစစ်ရေးကဒ်တွေ ကို သိမ်းဆည်းထားခြင်း၊ အဓမ္မ အလုပ်စေခိုင်းခြင်း စတဲ့လူ့အခွင့်အရေး ချိုးဖောက်မှုတွေ ခံနေကြရပေမဲ့လည်း မြန်မာအစိုးရပိုင်းကနေ တာဝန်ယူနိုင်မှု အားနည်းနေသေးတယ်လို့လည်း အလုပ်သမားအရေး ဆောင်ရွက်သူတွေက သုံးသပ်ပြောဆိုနေကြပါတယ်။

အိုလံပစ်အပြေးသမား ကြံစည်သတ်ဖြတ်မှုနဲ့ ရင်ဆိုင်ရဖွယ်ရှိ

တောင်အာဖရိကနိုင်ငံက နာမည်ကျော် အိုလံပစ် အပြေးသမား အော်စကာ ပစ်တိုးရီးယပ်စ် (Oscar Pistorius) ဟာ သူ့ရဲ့ရည်းစားကို မှားယွင်း မတော်တဆ ပစ်ခတ်ခဲ့တာဖြစ်ပြီး၊ သူ့ကို အာမခံပေးဖို့ သူ့ရဲ့ရှေ့နေတွေက တရားရုံးမှာ လျှောက်ထားနေချိန်မှာ တရားလိုရှေ့နေအဖွဲ့ကတော့ အော်စကာ ပစ်တိုးရီးယပ်စ် (Oscar Pistorius) ဟာ သူ့ရဲ့ရည်းစားကို ကြိုတင် စီစဉ်ပြီး သတ်ဖြတ်ခဲ့တာ လို့ ပြောဆိုနေပါတယ်။ ပြီးခဲ့တဲ့ ကြာသပတေးနေ့က ရီဗာ စတင်းကန့်ပ် (Reeva Steenkamp) သေနတ်နဲ့ ပစ်ခတ်ခံ ရပြီး သေဆုံးခဲ့ပြီးတဲ့နောက် ပရီတိုးရီးယားမြို့မှာ စစ်ဆေးနေတဲ့ အင်္ဂါနေ့ တရားခွင်မှာ နှစ်ဘက် အကျိုးဆောင်တွေ အပြန်အလှန် စွပ်စွဲမှုတွေ ငြင်းဆို တာတွေ ပြုလုပ်နေကြတာပါ။ ဒီလို တရားခွင် ကြားနာနေချိန်မှာပဲ ရီဗာရဲ့ မိသားစုတွေက ပေါ့ အဲလိဇဘက်မြို့မှာ သူမအတွက် ဈာပန အခမ်းအနား ပြုလုပ်နေပါတယ်။ တရားလိုရှေ့နေတွေက ပစ်တိုးရီးယပ်စ် ဟာ သူရဲ့ ခြေတုကို တတ်ပြီး ၇ မီတာရှိတဲ့ သူ့ရဲ့အခန်း ကို ဖြတ်လျှောက်ကာ အတွင်းက ပိတ်ထားတဲ့ ရေချိုးခန်းတံခါးကို ဖောက်ပြီး သေနတ်နဲ့ ၄ ချက် ပစ်ခတ်ခဲ့တယ်လို့ ပြောပါတယ်။ သူတို့နှစ်ယောက် စကားများထားကြပြီး သူ့ရဲ့ရည်းစား မိန်းကလေး ရေချိုးခန်းထဲမှာ ရှိနေတယ် ဆိုတာကို သိလျက်နဲ့ ပစ်ခတ်ခဲ့တာ ဖြစ်တယ်လို့ ဆိုပါတယ်။ ခုခံချေပတဲ့ ရှေ့နေတွေကတော့ အထောက်အထား ပြဖို့ တောင်းဆိုနေပြီး၊ ဒီပစ်ခတ်မှုဟာ လူသတ်မှု မမြောက်ဘူးဆိုပြီး ငြင်းဆိုနေကြပါတယ်။

စုံစမ်းစစ်ဆေးတဲ့ အရာရှိတွေကတော့ ရီဗာ စတင်းကန့်ပ် ဟာ ၉ မီလီမီတာ ပစ္စတိုသေနတ်နဲ့ ပစ်သတ်ခံထားရပြီး အဲ့ဒီသေနတ်ဟာ ပစ်တိုးရီးယပ်စ်ရဲ့ သေနတ်ဖြစ်တယ်လို့ ပြောဆိုပါတယ်။