Monday, February 25, 2013

25.02.2013 နေ့ဖတ်ရန်သတင်းများ

by Myanmar Journal on Sunday, February 24, 2013 at 5:45pm ·

အမေရိကန်-မြန်မာ တိုက်ရိုက်ကုန်သွယ်ရေး ဆွေးနွေးမည်

အမေရိကန်ပြည်ထောင်စုက ထိပ်တန်း စီးပွားရေးလုပ်ငန်းကြီးတွေရဲ့ ကိုယ်စားလှယ်တွေအပါအ၀င် အဖွဲ့ဝင် ၅၀ ပါ စီးပွားရေးနဲ့ ရင်းနှီးမြှုပ်နှံမှုဆိုင်ရာ ကိုယ်စားလှယ်အဖွဲ့တဖွဲ့ဟာ တနင်္လာနေ့ မှာ မြန်မာနိုင်ငံက စီးပွားရေးလုပ်ငန်းရှင်တွေနဲ့ တွေ့ဆုံ ဆွေးနွေးကြဖို့ရှိပါတယ်။
အမေရိကန်လုပ်ငန်းရှင်တွေ မြန်မာနိုင်ငံမှာ ရင်းနှီးမြှုပ်နှံမယ့်အလားအလာ၊ မြန်မာနိုင်ငံက ကုန်ပစ္စည်းတွေ အမေရိကန်ပြည်ထောင်စုဆီ တင်ပို့နိုင်တော့မယ့် အလားအလာတွေ ပေါ်ထွက် လာနေတာကြောင့် အခု အမေရိကန်လုပ်ငန်းရှင်တွေရဲ့ ခရီးစဉ်အပေါ် အကောင်းမြင် မျှော်လင့် သလို စိန်ခေါ်မှုတွေရှိတယ် ဆိုတာကိုလည်း အသိအမှတ်ပြု ပြောဆိုကြပါတယ်။ အပြည့်အစုံကို ဆက်သွယ် မေးမြန်းထားတဲ့ ကိုကျော်ကျော်သိန်းက တင်ပြထားပါတယ်။ အမေရိကန်ကုန်သည်ကြီးများအသင်းက ဦးဆောင်တဲ့ အခု စီးပွားရေးကိုယ်စားလှယ်အဖွဲ့ ဟာ မြန်မာနိုင်ငံအပေါ် ချမှတ်ခဲ့တဲ့ ဒဏ်ခတ် ပိတ်ဆို့ အရေးယူမှုတွေကို အမေရိကန်က လျှော့ပေါ့ ရုပ်သိမ်းတာတွေ လုပ်ခဲ့ပြီးတဲ့နောက် ပထမဆုံး ကိုယ်စားလှယ်အဖွဲ့လို့ ဆိုရမှာပါ။ ဒါကြောင့်လည်း ဒီကိုယ်စားလှယ်အဖွဲ့ရဲ့ ခရီးစဉ်ဟာ အရေးပါတဲ့မှတ်တိုင်တစ်ခု ဖြစ်တယ်လို့ အမေရိကန် ကုန်သည်ကြီးများအသင်းရဲ့ ဒုတိယဥက္ကဋ္ဌ တာမီ အိုဗာဘီ (Tami Overby) ကိုယ်တိုင်က ပြောထား တာဖြစ်ပါတယ်။ အမေရိကန်ကိုယ်စားလှယ်အဖွဲ့နဲ့ မြန်မာစီးပွားရေး လုပ်ငန်းရှင်တွေ တနင်္လာနေ့မှာ တွေ့ဆုံ ဆွေးနွေးဖို့ရှိတဲ့အစီအစဉ်နဲ့ ပတ်သက်ပြီး မြန်မာနိုင်ငံ အထည်ချုပ်လုပ်ငန်းရှင်များအသင်း ဥက္ကဋ္ဌ ဦးမြင့်စိုးက ဗွီအိုအေကို အခုလို ရှင်းပြပါတယ်။ “မနက်ဖြန် ကျနော်တို့ UMFCCI မှာတော့ One Day Seminar လုပ်ပါမယ်။ သူတို့နဲ့ ဆွေးနွေးပွဲ။ နောက် နံပါတ်နှစ်ကတော့ how to build US market အဲဒါတွေပါမယ်။ နောက် CSR ဆိုတဲ့ကိစ္စတွေ ပါမယ်။ နောက် ကျနော်တို့ မြန်မာနိုင်ငံရဲ့ investment opportunities တွေပေါ့။ အဲဒါမျိုးတွေကို ကျနော်တို့ ဆွေးနွေးကြပါမယ်။” ဦးမြင့်စိုး ပြောသွားတဲ့ထဲက CSR ဆိုတာကတော့ Corporate Social Responsibility ဆိုတဲ့အကြောင်းအရာဖြစ်ပြီး စီးပွားရေး လုပ်ဆောင်တဲ့နေရာမှာ လူမှုရေးတာဝန်ယူမှု တနည်းအားဖြင့် နီတိဖြစ်ပါတယ်လို့ ဦးမြင့်စိုးက ရှင်းပြပါတယ်။ အမေရိကန်နဲ့ မြန်မာနိုင်ငံကြား ကုန်သွယ် ကူးသန်းရောင်းဝယ်ရေး တိုက်ရိုက်မရှိခဲ့တာ နှစ်ပေါင်းအတော်ကြာပါပြီ။ သမ္မတ ဦးသိန်းစိန်ဦးဆောင်ပြီး ပြုပြင်ပြောင်းလဲရေးတွေ ဖော်ဆောင်လာပြီးတဲ့နောက် နှစ်ပေါင်းများစွာအတွင်း ပထမဆုံးအကြိမ် အဖြစ် အမေရိကန်သမ္မတတဦး မြန်မာနိုင်ငံဆီ လာရောက်ခဲ့သလို စီးပွားရေးအခွင့်အလန်းတွေလည်း ပြန်ပွင့်လာခဲ့တာပါ။ ဒါကြောင့်လည်း အခု အမေရိကန် လုပ်ငန်းရှင်တွေရဲ့ ခရီးစဉ်ဟာ နှစ်နိုင်ငံစလုံးအတွက် အကျိုးဖြစ်စေမယ်လို့ ဦးမြင့်စိုးက မြင်ပါတယ်။ “ကျနော်တို့ အခု ဈေးကွက်ဖွင့်ပြီး သူတို့နဲ့ ကျနော်တို့နဲ့ ပြန်လည် ကုန်သွယ်မှု လုပ်နိုင်တဲ့အဆင့် တခုမှာ သူတို့ ၀ါရှင်တန်ဒီစီမှာ ရှိနေတဲ့ US Chamber of Commerce နဲ့ ကျနော်တို့ ရန်ကုန်၊ မြန်မာပြည်မှာရှိနေတဲ့ UMFCCI အဖွဲ့အစည်းနှစ်ခုက ဒီလို တွေ့ဆုံပြီးတော့ တယောက်နဲ့တယောက် အပြန်အလှန် ဆွေးနွေးမှုတွေ၊ အခွင့်အလန်းရှာမှုတွေ၊ ညှိနှိုင်းမှုတွေက နှစ်နိုင်ငံလုံးအတွက် များစွာ အကျိုးဖြစ်စေတဲ့ ပထမဆုံးခြေလှမ်း ဖြစ်ပါတယ်။” အမေရိကန်ရင်းနှီးမြှုပ်နှံမှုတွေ ၀င်လာမယ်ဆိုရင် အခွင့်အလန်းအများအပြား ပေါ်လာမှာဖြစ် သလို မြန်မာနိုင်ငံရဲ့ နိမ့်ကျတဲ့ အခြေခံအဆောက်အအုံပိုင်းလို၊ ရင်ဆိုင်ရမယ့် စိန်ခေါ်မှုတွေ အများအပြား ရှိနေတယ်ဆိုတာကိုလည်း ဦးမြင့်စိုးက အသိအမှတ်ပြု ပြောခဲ့ပါတယ်။အမေရိကန်လုပ်ငန်းရှင်တွေအနေနဲ့ စီးပွားရေးကဏ္ဍအသီးသီးက သက်ဆိုင်ရာ အဖွဲ့အစည်းတွေနဲ့ တွေ့ဆုံသလို လက်တွေ့ စီးပွားရေးနယ်ပယ်ထဲက လုပ်ငန်းရှင်တွေရဲ့ အသံကိုလည်း နားထောင်ဖို့လိုမယ်လို့ အကြံပေးသူက စီးပွားရေးလုပ်ငန်းရှင်တဦး ဖြစ်သူ ဦးမင်းခင်ပါ။ “အမှန်တကယ် အလုပ်လုပ်နေကြတဲ့သူတွေရဲ့ လွတ်လပ်တဲ့အသံပေါ့။ ဆိုလိုတာက လွတ်လပ်တဲ့ ကုန်သွယ်ခြင်း၊ လွတ်လပ်သောအသံပေါ့ခင်ဗျာ။ အစိုးရနဲ့ ဆက်နွယ်တယ်၊ အသင်းအဖွဲ့တွေနဲ့ ဆက်နွယ်နေတယ်ဆိုရင် လွတ်လပ်တဲ့အသံ ကြားရဖို့ဟာတော့ ကျနော်တို့ဆီမှာ အခက်အခဲ ရှိနေသေးတယ်။ အဲဒီတော့ အဲဒီအသံမျိုးကို ကြားစေချင်တယ်။ နောက် အမှန်တကယ် ကျနော်တို့ ရုံးကန်နေရတဲ့ အခြေအနေကို သိစေချင်တယ်။ ပြဿနာကို သေချာသိမှ အခြေအနေကို သေချာ သိမှ ဒီအခြေအနေကို ကျနော်တို့ ဘယ်လို ရင်ဆိုင်ပြီးတော့ ကျော်သွားနိုင်မလဲ၊ ရင်းနှီးမြှုပ်နှံမှုလမ်းကြောင်း၊ စီးပွားရေးလမ်းကြောင်းအမှန်ကို ဘယ်လို ဖော်ဆောင်နိုင်မယ်ဆိုတာ ကျနော်တို့ အဖြေမှန်ရမယ်လို့ ကျနော်တို့ ထင်တယ်။” အမေရိကန် စီးပွားရေးကိုယ်စားလှယ်အဖွဲ့ထဲမှာ MetLife, Cargill, Fedex, Chevron, General Motors, General Electric, Target, Honeywell နဲ့ eBay တို့အပါအ၀င် ကုမ္ပဏီပေါင်း နှစ်ဒါဇင်နီးပါးက ကိုယ်စားလှယ်တွေပါဝင်ပါတယ်။

တနင်္လာနေ့ကျင်းပမယ့် အမေရိကန်-မြန်မာ စီးပွားရေးလုပ်ငန်းရှင်တွေကြား ဆွေးနွေးပွဲမှာ အမေရိကန်နိုင်ငံခြားရေးဌာန၊ ကုန်သွယ်ရေး၊ စွမ်းအင်နဲ့ စီးပွားရေးရာဌာန လက်ထောက်နိုင်ငံခြားရေးဝန်ကြီး ဟိုဆေး ဖာနန်းဒက်ဇ် (Jose W. Fernandez) ကိုယ်တိုင် တက်ရောက်ပြီး စကားပြောမှာဖြစ်ပါတယ်။

အကြိတ်အနယ် ပြိုင်ကြမယ့် အော်စကာ ဆုပေးပွဲ
အထင်ရှားဆုံး ရုပ်ရှင် ဆုပေးပွဲ
အမေရိကန် နိုင်ငံ လော့ဆန်းဂျလိစ် မြို့မှာ လာမယ့် နာရီပိုင်း အတွင်းမှာပဲ ၈၅ ကြိမ်မြောက် အော်စကာ ဆုပေးပွဲ ကြီး စတင်တော့မှာ ဖြစ်ပါတယ်။
ဒီဆုပေးပွဲဟာ ဟောလီးဝုဒ် ရုပ်ရှင် ဆုပေးပွဲတွေရဲ့ အထွတ်အထိပ် ပွဲကြီးလဲ ဖြစ်ပါတယ်။
ရွှေရောင် အော်စကာ အရုပ်ငယ်လေးတွေနဲ့ အနားသတ် ထားတဲ့ ကော်ဇောနီကြီး ခင်းထားတဲ့ ဒေါ်လ်ဘီ ဇာတ်ရုံကြီးထဲကို ကမ္ဘာကျော် ရုပ်ရှင် ကြယ်ပွင့် တချို့ စုဝေး ရောက်ရှိနေကြ ပါပြီ။
စတီဗင် စပီးလ်ဘတ် ရိုက်ကူးတဲ့ လင်ကွန်း ဇာတ်ကားက ဆန်ကာတင်ဆု ၁၂ ဆုနဲ့ ရှေ့ဆုံးက ပြေးနေပါတယ်။
ဒီကားဟာ အီရန်က အမေရိကန် ဓားစာခံတွေ လွတ်မြောက်ရေး အကြောင်း ဘင်အက်ဖလက် ရိုက်ကူးတဲ့ အာဂို ရုပ်ရှင်ကားနဲ့ အပြိုင် အကောင်းဆုံး ရုပ်ရှင်ဇာတ်ကားဆု အတွက် အကြိတ်အနယ် ယှဉ်ပြိုင်ရဖို့ ရှိပါတယ်။

အာဖဂန် အမေရိကန် တပ်တချို့ ထွက်ခိုင်း
အရေးပါတဲ့ ဝါဒက် ခရိုင်က ဆုတ်ရမယ်
အာဖဂန် က အမေရိကန် အထူး တပ်ဖွဲ့တွေကို မဟာဗျူဟာအရ အရေးပါတဲ့ ဝါဒက် ခရိုင်က ဆုတ်ခွာဖို့ ၂ ပတ် အချိန် ပေးထားပါတယ်။
အမေရိကန် အထူးတပ်ဖွဲ့ တွေဆီမှာ အလုပ်လုပ်တဲ့ အာဖဂန် နိုင်ငံသားတွေဟာ အရပ်သားတွေ ပျောက်ဆုံးမှု၊ ညှဉ်းပန်း နှိပ်စက် မှုတွေမှာ ပါဝင် ပတ်သက်တာတွေ ရှိတယ် ဆိုတဲ့ စွပ်စွဲချက်တွေ ထွက်လာပြီးနောက် ဒီလို ဆုံးဖြတ်ခဲ့တာလို့ အာဖဂန် သမ္မတ ဟာမစ် ကာဇိုင်းရဲ့ ပြောခွင့်ရ ပုဂ္ဂိုလ်က ဆိုပါတယ်။
လတ်တလော ပြုလုပ်ခဲ့တဲ့ အကြမ်းဖက် နှိမ်နင်းရေး စစ်ဆင်ရေး တွေမှာ အချက်အချာ ကျတဲ့ အာဖဂန် အလယ်ပိုင်းက ဝါဒက် ခရိုင်ကို ကာဘူးလ် မြို့တော်ကို ဝင်တိုက်မယ့် တာလီဘန် တွေရဲ့ တံခါးဝ အဖြစ် သတ်မှတ်ထား ကြပါတယ်။
အာဖဂန် ဘက်က ဒီလို စွပ်စွဲမှုတွေကို အလေးအနက် ထားပြီး အရေးယူ ဆောင်ရွက် နေတယ်လို့ အမေရိကန် တပ်တွေရဲ့ ပြောခွင့်ရ ပုဂ္ဂိုလ်က ပြောပါတယ်။
ဒါပေမဲ့ သမ္မတကာဇိုင်းရဲ့ ထုတ်ပြန်တဲ့ အမိန့်အပေါ်မှာတော့ ဘာတခုမှ တိတိကျကျ မှတ်ချက်ပေးပြောဆိုတာ မျိုး မရှိပါဘူး။
အစိုးရ ထိပ်တန်း အရာရှိတွေနဲ့ စကားပြောဆို မပြီးမချင်း ဘာမှ မဝေဖန်ချင်ဘူး လို့ပဲ အမေရိကန် အထူးတပ်ဖွဲ့ ပြောဆိုခွင့်ရ ပုဂ္ဂိုလ်က ဆိုပါတယ်။
အရေးကြီးတဲ့ ပြဿနာမို့ အာဖဂန် ခေါင်းဆောင်တွေနဲ့ ပြောဆိုဆွေးနွေးဖို့ လိုတယ်လို့ပဲ ဆိုပါတယ်။
အာဖဂန် သမ္မတရုံး ကတော့ ဒီဆုံးဖြတ်ချက်ကို အမျိုးသား လုံခြုံရေး ကောင်စီ အစည်းအဝေးမှာ ဆွေးနွေးပြီးမှ လုပ်ခဲ့တာလို့ ဆိုပါတယ်။
အကြေအလည် ဆွေးနွေးပြီးနောက် ဝါဒက် ခရိုင်မှာ အမေရိကန် အထူးတပ်ဖွဲ့ နာမည်နဲ့ လှုပ်ရှား နေကြတဲ့ လက်နက်ကိုင် တွေရဲ့ နှောင့်ယှက် နှိပ်စက်မှုတွေ သာမက အပြစ်မဲ့လူတွေကို သတ်ဖြတ်မှု တွေ ရှိတာတောင် ပေါ်လာခဲ့တယ်လို့ ဆိုပါတယ်။
စစ်ဆင်ရေး တခုမှာ လူကိုးယောက် ပျောက်ဆုံးသွား ခဲ့သလို ကျောင်းသား တယောက်ကို ညဘက်မှာ အိမ်က ခေါ်သွားပြီးနောက် နှိပ်စက်ညှင်းပန်းထားတဲ့ ဒဏ်ရာတွေနဲ့ လည်ပင်း လှီးဖြတ် ခံထားရတဲ့ အလောင်းကို နှစ်ရက်အကြာမှာ တံတားတခု အောက်မှာ တွေ့ခဲ့ရတယ်လို့ အာဖဂန် သမ္မတရုံးက ပြောပါတယ်။
ဒီလို ဖြစ်ရပ်တွေကြောင့် ဒေသခံ ပြည်သူတွေရဲ့ မုန်းတီးမှုကို ခံရတယ်လို့ ဆိုပါတယ်။
အမေရိကန် ဘက်ကတော့ ဒီစစ်ဆင်ရေးမျိုး ရှိတာကို ငြင်းဆိုပြီး အထူးတပ်ဖွဲ့ ပါဝင် ပတ်သက်မှု မရှိဘူးလို့ ဆိုပါတယ်။
အာဖဂန် သမ္မတရဲ့ ကြေညာချက်ထဲမှာ အာဖဂန် စစ်သားတွေ ဒီလို အဖြစ်အပျက် တွေကို ရပ်တန့်ဖို့ တာဝန်ရှိတယ်လို့ ဆိုထားပြီး လူထု ပူးပေါင်းပါဝင်ဖို့ တိုက်တွန်း ထားပါတယ်။
တချို့ အာဖဂန် နိုင်ငံသားတွေ ဒီလို ဖြစ်ရပ်တွေမှာ ပါဝင်နေပြီး သူတို့ အမေရိကန် အထူးတပ် အတွက် အလုပ်လုပ်ပေးနေတယ် လို့လဲ သမ္မတ ပြောရေးဆိုခွင့်ရ အီမယ်လ် ဖေ့ဇီက ဆိုပါတယ်။
ဒါပေမဲ့ အဲဒီ အာဖဂန် နိုင်ငံသားတွေက ဘယ်သူတွေ ဆိုတာကိုတော့ ရှင်းရှင်းလင်းလင်း ဖော်ပြ မထားပါဘူး။

မွန်ပြည်နယ် စစ်တောင်းမြစ် ကမ်းပါးပြို
ဆိပ်ကမ်းသာ ရပ်ကွက်နဲ့ ရွာမ ရပ်ကွက်က အိမ်ခြေ ၂၀ဝ နီးပါးခန့် ရေထဲ ပါကုန်
မွန်ပြည်နယ် ကျိုက်ထို မြို့နယ် သိမ်ဇရပ်မြို့ ကနေ အောက်ပိုင်း တမိုင်ခန့် အရှည်ထိ စစ်တောင်းမြစ် ကမ်းပါး ပြိုကျရာကနေ လူနေ အိမ်တွေ၊ လယ်ကွင်း တွေ ရေထဲ ပါနေ တာကြောင့် ဒေသခံ တွေက စိုးရိမ်နေ ကြပါတယ်။
ခုလို ကမ်းပါးပြို နေတဲ့ အတွက် ခုနစ်လ ရှစ်လ အတွင်းမှာ သိမ်ဇရပ် ကမ်းနားပိုင်းက ဆိပ်ကမ်းသာ ရပ်ကွက်နဲ့ ရွာမ ရပ်က အိမ်ခြေ ၂ဝဝ နီးပါး ရေထဲ ပါကုန်တယ်လို့ ဆိုပါတယ်။
နိုင်ငံတော် အစိုးရ ပိုင်းက ကျပ်ငွေ သိန်းပေါင်း ၂၁၃ သိန်း ချပေးပြီး သစ်သားတိုင် တွေနဲ့ ဂဝံ ကျောက်တွေနဲ့ ထိန်းသိမ်းဖို့ ကြိုးစား နေတယ် လို့ ပြောပါတယ်။
ဒါပေမဲ့ ခိုင်ခိုင် ခန့်ခန့် မလုပ် နိုင်ရင် တားဆီး နိုင်မယ့် အနေ အထား မရှိဘူးလို့ ဒေသခံ တွေက ပြောပါတယ်။
အိုးအိမ်မဲ့ ဖြစ်သွားတဲ့ မိသားစု တွေကို လည်း အာဏာပိုင် တွေက ပြန်လည် နေရာချပေး ပေမယ့် အနည်းစု ကိုသာ နေရာ ချပေး နိုင်တဲ့ အတွက် မိသားစု အများ အပြား အခက်အခဲ ဖြစ်နေ တယ်လို့ ဆိုပါတယ်။
သိမ်ဇရပ်မှာ အိမ်ခြေ ၄,ဝဝဝ ခန့် ရှိပြီး ခုလို ကမ်းပါး ပြိုနေတဲ့ အတွက် ဒေသခံတွေ အကြားမှာ စိုးရိမ်မှု တွေ တိုးပွား နေကြ တယ်လို့ သိရပါတယ်။

ငြိမ်းချမ်းရေးအတွက် လူထုသဘောထား တောင်းခံ
ကချင်လွတ်လပ်ရေးတပ် ကေအိုင်အေ တပ်ဖွဲ့ဝင်များ
အစိုးရနဲ့ငြိမ်းချမ်းရေး ဆွေးနွေးနေတဲ့ လုပ်ငန်းစဉ်မှာ ထည့်သွင်းအသုံးချနိုင်ဖို့ လူထုရဲ့ သဘောထားကို ကချင်လွတ်လပ်ရေးအဖွဲ့ ကေအိုင်အိုက တောင်းယူခဲ့တယ်လို့ သိရပါတယ်။
တဘက်မှာတော့ ကချင်လွတ်လပ်ရေးတပ် ကေအိုင်အေနဲ့ အစိုးရတပ်တွေကြား တိုက်ပွဲတွေကလည်း ဖြစ်နေတုန်းဖြစ်ပြီး၊ ပြင်းထန်တယ်လို့လည်း ကချင်ဘက်က ပြောပါတယ်။
ဖေဖော်ဝါရီ ၂၃ မနက် ၉ နာရီ ဝန်းကျင်က အစိုးရတပ် ခလရ ၂၆၀၊ နယ်ခြားစောင့်တပ်နဲ့ ဦးဇခုန်တိန်ယိမ်းရဲ့ ပြည်သူ့စစ် သုံးဖွဲ့ပေါင်း အင်အား ၂၀၀ ကျော်နဲ့ ကချင်တပ်တွေကြား ထိစပ်မှု ဖြစ်ခဲ့တာလို့ သိရပြီး အသေအပျောက် စာရင်းတော့ မသိရသေးဘူးလို့ ကချင်လွတ်လပ်ရေးအဖွဲ့ ကေအိုင်အိုရဲ့ တွဲဖက် အထွေထွေ အတွင်းရေးမှူးနဲ့ ပြောခွင့်ရပုဂ္ဂိုလ် ဦးလာနန်းက ဘီဘီစီကို ပြောပါတယ်။
အချိန်အတော်ကြာ ငြိမ်းချမ်းရေး ဆွေးနွေးပွဲတွေ မဖြစ်ဘဲ တိုက်ပွဲတွေချည်း ဆက်တိုက် ကြုံပြီးနောက်မှာ ပြီးခဲ့တဲ့ ဖေဖော်ဝါရီ ၄ ရက်မှာတော့ အစိုးရရဲ့ ငြိမ်းချမ်းရေး ဖော်ဆောင်ရေး အဖွဲ့နဲ့ ကချင်လွတ်လပ်ရေးအဖွဲ့ ကေအိုင်အိုကြား ပထမဆုံးအကြိမ် ပြန်လည်လို့ ငြိမ်းချမ်းရေး စကားပြောနိုင်ခဲ့ပါတယ်။
တရုတ်နိုင်ငံ၊ ရွှေလီမြို့မှာ တရုတ်အစိုးရရဲ့ ထောက်ပံ့ကူညီမှုနဲ့ ပြန်လည် စကားပြောနိုင်ခဲ့ကြတာလည်း ဖြစ်ပါတယ်။
အဲဒီနောက်မှာတော့ ကချင်ပြည်နယ်မှာ ရက်ပိုင်းလောက် သေနတ်သံတွေ တိုးတိတ်သွားခဲ့ပေမယ့်လို့ အခုတော့တခါ နှစ်ဘက်တပ်တွေကြား ထိစပ် တိုက်ခိုက်မှုတွေ ပြန်ဖြစ်လာတာလို့ သိရပါတယ်။
ငြိမ်းချမ်းရေး ဆွေးနွေးတာကတော့ ဆက်သွားမယ်၊ ဒါပေမဲ့ နောက်တကြိမ် တွေ့ဖို့အတွက် ပြင်ဆင်မှုတွေ လုပ်ရမယ်လို့ ဦးလာနန်းက ဘီဘီစီကို ပြောပါတယ်။
ပြင်ဆင်မှု ဆိုတာမှာ လူထုသဘောထား ယူတာရယ်၊ ဖေဖော်ဝါရီ ၂၃ က ဖြစ်ခဲ့တဲ့ နှစ်ဘက် ထိစပ် တိုက်ခိုက်မှုရဲ့ အကြောင်းရင်း ရှာဖို့ရယ်၊ အခုတလော ဖြစ်လာတဲ့ ရှမ်းမြောက် တပ်မတော်နဲ့ အစိုးရတပ်ကြား တိုက်ခိုက်မှုတွေကို သုံးသပ်ဖို့ရယ် ဖြစ်တယ်လို့ သူက ဆိုပါတယ်။
အစိုးရဘက်ကတော့ ဖေဖော်ဝါရီ ၄ တွေ့ဆုံမှုက သဘောတူ ထားတဲ့အတိုင်း ဒီလအတွင်း နောက်တကြိမ် ထပ်တွေ့ဖို့၊ အထူးသဖြင့် ဖေဖော်ဝါရီ ၂၈ မှာ တွေ့ဖို့ ကမ်းလှမ်းထားပေမယ့် ဦးလာနန်းကတော့ ပြင်ဆင်မှုတွေကြောင့် ဒီလအတွင်း တွေ့ဖို့က ဘယ်လိုမှ မဖြစ်နိုင်ဘဲ မတ်လအတွင်းမှသာ ဖြစ်နိုင်ချေ ရှိတယ်လို့ ဆိုပါတယ်။
ဖေဖော်ဝါရီ ၂၂၊ ၂၃ ကလည်း ကေအိုင်အိုက လူထုနဲ့ တွေ့ဆုံခဲ့ရာမှာ လူထုက အခု ကေအိုင်အို သွားနေတဲ့ ငြိမ်းချမ်းရေး လမ်းစဉ်ကို ထောက်ခံခဲ့ကြပြီး၊ အစိုးရနဲ့ ငြိမ်းချမ်းရေး စကားပြောတဲ့အခါ ပြည်တွင်းက မဟုတ်တဲ့ နိုင်ငံကြီးတွေ၊ နိုင်ငံတကာ အဖွဲ့အစည်းတွေက ကြားဝင် ဆောင်ရွက်ဖို့ကို အကြံပေးခဲ့တယ်လို့လည်း ဦးလာနန်းက ပြောပါတယ်။

တောင်ကိုရီယားသမ္မတသစ် အာဏာလွှဲပြောင်းယူ

တောင်ကိုရီးယားသမ္မတသစ် Park Guen-hye။
တောင်ကိုရီးယားနိုင်ငံမှာ သမ္မတသစ်ရဲ့တာဝန်စတင်မှုကိုကြေညာတဲ့ ခေါင်းလောင်းထိုးပွဲ အခမ်းအနားကို ညသန်းခေါင်ချိန်မှာ ပြုလုပ်ခဲ့ပါတယ်။ ဆိုးလ်မြို့လယ်က ဧရာမ ရှေးဟောင်းခေါင်းလောင်းကြီးရှိတဲ့ ဖိုရှင်ဂန် (Bosingak) အဆောက်အဦးမှာ သမ္မတသစ် ဘက်ဂွန်ဟေး (Park Guen-hye) က တာဝန်လွှဲပြောင်းယူတဲ့ အထိန်းအမှတ် ခေါင်းလောင်းထိုးပွဲ အခမ်းအနားကို ပြုလုပ်ခဲ့ကြတာဖြစ်ပါတယ်။

ကျမ်းသစ္စာကျိန်ဆိုပွဲ အခမ်းအနားကိုတော့ တနင်္လာနေ့ မနက်ပိုင်းမှာ စတင်မှာဖြစ်ပါတယ်။ အဲဒီပွဲအတွက်လည်း လုံခြုံရေးအပါအဝင် နောက်ဆုံးပြင်ဆင်မှုတွေကို လုပ်နေကြပါတယ်။ နိုင်ငံရဲ့ပထမဆုံး အမျိုးသမီးသမ္မတ ဖြစ်မယ့် ဘက်ဂွန်ဟေး ရဲ့ နိုင်ငံရေးအမြင်ကို ထင်ဟပ်စေမယ့် အခမ်းအနားပုံစံဖြစ်အောင် ပြင်ဆင်နေတယ်လို့ စီစဉ်သူတွေက ပြောပါတယ်။

တောင်ကိုရီးယားနိုင်ငံရဲ့ ၁၈ ယောက်မြောက် သမ္မတအဖြစ် ၅ နှစ် သက်တမ်းတာဝန်ယူရမယ့် အမျိုးသမီး သမ္မတသစ် အနေနဲ့ နိုင်ငံကို ပိုမိုတိုးတက် ကောင်းမွန်အောင် ဆောင်ရွက်နိုင်ဖို့မျှော်လင့်တယ်လို့ အခမ်းအနားကို လာကြည့်တဲ့ တောင်ကိုရီးယားတွေက ပြောပါတယ်။ သမ္မတသစ် ဘက်ဂွန်ဟေး ဟာ တောင်ကိုရီးယားနိုင်ငံရဲ့ အာဏာရှင်ဟောင်း ဘက်ဂျုံဟီးရဲ့ သမီးဖြစ်ပါတယ်။ ဒီဇင်ဘာလက သမ္မတရွေးကောက်ပွဲမှာ အနိုင်ရခဲ့တဲ့ ဘက်ဂွန်ဟေး ဟာ ကိုရီးယားကျွန်းဆွယ်မှာ တင်းမာနေချိန်မှာ သမ္မတတာဝန်ကို ယူရမှာဖြစ်ပါတယ်။

အသက် ၁၀၁ နှစ် မာရသွန်အပြေးသမား

အသက် ၁၀၁ နှစ်ရှိပြီဖြစ်တဲ့ ကမ္ဘာ့အသက်ကြီးဆုံး မာရသွန်အပြေးသမား Fauja Singh။ (ဇန်န၀ါရီလ ၂၀ ရက်၊ ၂၀၁၃)။
ကမ္ဘာပေါ်မှာ အသက်အကြီးဆုံး မာရသွန်အပြေးသမားအဖြစ် လူသိများတဲ့ အဖိုးအိုဟာ ဒီနေ့ တနင်္ဂနွေနေ့မှာ သူ့ရဲ့ နောက်ဆုံးပြိုင်ပွဲကို ဟောင်ကောင်မြို့မှာ ယှဉ်ပြိုင်ပြေးခဲ့ပါတယ်။အသက် ၁၀၁ နှစ် ရှိပြီဖြစ်တဲ့ ဆစ်ခ် လူမျိုး ဖော်ဂျာ ဆင်းဂ် က  ၆ မိုင် နဲ့ ၂ ဖာလုံ အကွာအဝေး ရှိတဲ့ ဟောင်ကောင် မာရသွန်ပြိုင်ပွဲကို ၁ နာရီ၊ ၃၂ မိနစ်၊ ၂၈ စက္ကန့်နဲ့ ပန်းဝင်တဲ့အထိ ပြေးခဲ့တာပါ။ ပြေးရတာဟာသူ့အတွက် နေလို့ထိုင်လို့ ပေါ့ပါးသွက်လက်စေကြောင်း မစ္စတာဆင်းဂ်က ပြိုင်ပွဲအပြီးမှာ ပြောခဲ့ပါတယ်။

၂၆ မိုင်ကျော် အပြည့်ပြေးပွဲ၊ ၁၃ မိုင်ကျော်ရှိတဲ့ မာရသွန်တာလတ်ပြေးပွဲ၊ နောက်တခါ ၆.၂ မိုင် ခြေထောက်နဲ့ပြေးပြီး ကျန်တဲ့ခရီးတဝက်ကို ဘီးတပ်ကုလားထိုင်နဲ့ ဆက်ပြေးတဲ့ပွဲနဲ့ ၂ မိုင်နီးပါးရှည်တဲ့ ဘီးတပ်ကုလားထိုင်ပြေးပွဲတွေမှာ ပြိုင်ပွဲဝင် အပြေးသမားပေါင်း အပြေးသမား ၇ သောင်း၊ ၂ ထောင် ဝင်ရောက်ယှဉ်ပြိုင်ခဲ့ကြပါတယ်။

ဗြိတိန်မှာ နေထိုင်တဲ့မစ္စတာဆင်းဂ်ဟာ သက္ကရာဇ် ၂၀၀၀ တုန်းက ပထမဆုံးစပြီး မာရသွန်ပြေးပွဲဝင်ခဲ့ပြီး အခုဆိုရင် စုစုပေါင်း ၈ ကြိမ် ပြိုင်ပွဲဝင်ခဲ့ပြီးပါပြီ။ သူ့ရဲ့ အကောင်းဆုံးစံချိန်ကတော့ ၂၀၀၃ ခုနှစ်၊ (၅) ကြိမ်မြောက် တိုရွမ်တို မာရသွန် ပြေးပွဲမှာ မိနစ်လေးဆယ်နဲ့ ပန်းဝင်ခဲ့တာပါ။

သူ့အသက် ၁၀၀ ပြည့်ခဲ့တဲ့ ၂၀၁၁ ခုနှစ် တိုရွမ်တို မာရသွန်ပြေးပွဲမှာ သူဟာ အသက်အကြီးဆုံး မာရသွန်အပြေးသမား ဖြစ်လာခဲ့ပါတယ်။ ဒါပေမဲ့ မွေးစာရင်းမရှိတဲ့အတွက် သူ့ကို ဂရင်းနစ် စံချိန်မှာ အသိအမှတ်ပြု ထည့်သွင်းခြင်း မခံခဲ့ရပါဘူး။ ၂၀၁၂ ခုနှစ် ပြေးပွဲမှာ သူ့ကို လူသိရှင်ကြားဖြစ်လာ ခဲ့ပြီး ဒီနှစ် ဟောင်ကောင်ပြေးပွဲဟာ သူ့ရဲ့ နောက်ဆုံးဝင်ရောက်ယှဉ်ပြိုင်တဲ့ ပြိုင်ပွဲဖြစ်ပါတယ်။

နိ်ုင်ငံခြားရေးဝန်ကြီး ကယ်ရီ ပထမဆုံး နိုင်ငံရပ်ခြားခရီးစဉ် စတင်

အမေရိကန်နိုင်ငံခြားရေးဝန်ကြီးအဖြစ် ဒီလဆန်းမှာ တာဝန်ယူခဲ့တဲ့ ဂျွန်ကယ်ရီ (John Kerry) ရဲ့ ပထမဆုံး နိုင်ငံခြားခရီးစဉ်ကို စတင်ခဲ့ပါတယ်။ နိုင်ငံပေါင်း ၉ နိုင်ငံကို ၁၁ ရက်ကြားသွားမယ့် ဝန်ကြီးကယ်ရီ ဟာ တနင်္ဂနွေနေ့က ဗြိတိန်နိုင်ငံ လန်ဒန်မြို့ဆီကို ပထမဆုံး ထွက်ခွာသွားပါတယ်။နိုင်ငံစုံက တာဝန်ရှိသူတွေနဲ့ တွေ့ဆုံဆွေးနွေးမှုမှာ ဆီးရီးယားနိုင်ငံအရေး ကိစ္စဟာ အဓိကဖြစ်မယ် လို့ အမေရိကန် နိုင်ငံခြားရေးဌာနက ပြောပါတယ်။

နိုင်ငံခြားရေးဝန်ကြီး ကယ်ရီရဲ့ ခရီးစဉ်အတွင်းမှာ ဆီးရီးယားအစိုးရ ဆန့်ကျင်ရေး ညွှန့်ပေါင်းအဖွဲ့ခေါင်းဆောင်တွေနဲ့လည်း တွေ့ဆုံဖို့အစီအစဉ် ရှိပါတယ်။ လန်ဒန်မြို့ကို ပထမဆုံးသွားပြီးရင် ဂျာမနီနိုင်ငံ ဘာလင်မြို့တော်ကို သွားပါလိမ့်မယ်။ အဲဒီကနေ ပြင်သစ်နိုင်ငံ ပဲရစ်မြို့တော်ကိုသွားပြီး မာလီနိုင်ငံအရေးကို ဝင်ရောက်ကူညီနေတဲ့ ပြင်သစ်နဲ့ တခြားနိုင်ငံတွေကို အမေရိကန်အစိုးရက ဆက်ပြီးထောက်ခံ ပူးပေါင်းဆောင်ရွက်သွားမယ့် ကိစ္စတွေကို ဆွေးနွေးမှာဖြစ်ပါတယ်။

ပြင်သစ်နိုင်ငံသွားပြီးရင် အီတလီ၊ တူရကီနဲ့ အီဂျစ်နိုင်ငံတွေဆီကိုလည်းအမေရိကန် နိုင်ငံခြားရေးဝန်ကြီး ဆက်သွားမှာဖြစ်ပါတယ်။ ကိုင်ရိုမြို့တော်မှာ နိုင်ငံရေးဆိုင်ရာ ကိစ္စတွေ ဆွေးနွေးတဲ့အခါ အများပြည်သူဆန္ဒကို ပိုပြီးယူဖို့ အီဂျစ်အစိုးရကို တိုက်တွန်းမှာဖြစ်သလို၊ ဒေသတွင်းက ဘုံပြဿနာတွေကို အာရပ်နိုင်ငံများအဖွဲ့ချုပ် ထိပ်တန်းနိုင်ငံတွေနဲ့ တွေ့ဆုံ ဆွေးနွေးမှာဖြစ်ပါတယ်။ အီဂျစ်နိုင်ငံကနေ နိုင်ငံခြားရေးဝန်ကြီး ဂျွန်ကယ်ရီ ဟာ ဆော်ဒီအာရေးဗျ နိုင်ငံ ရီးယက် (Riyadh) မြို့တော်၊ အာရပ်စောဘွားများပြည်ထောင်စုထဲက အဘူဒါဘီ (Abu Dhabi) နဲ့ ကာတာနိုင်ငံ ဒိုဟာ (Doha) မြို့တွေကို သွားပြီး ခရီးစဉ်ကို အဆုံးသတ်မှာ ဖြစ်ပါတယ်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...