Thursday, February 28, 2013

မင်္ဂလာတရားတော်နှင့်အညီ ကျင့်ကြံခဲ့သော ဗိုလ်ချုပ်.......


                   
 ယနေ့... ကျွန်တော်တို့ အသက်အရွယ်အပိုင်းအခြားရှိသော ယနေ့ခေတ် လူလတ်ပိုင်းများသည် ဗိုလ်ချုပ်အောင်ဆန်းအမှူးပြုသော အာဇာနည်ခေါင်းဆောင်ကြီးများအကြောင်းကိုသော် လည်းကောင်း၊ မြန်မာ့သမိုင်းကိုသော်လည်းကောင်း၊  တီးမိခေါက်မိရှိကြပါသည်။

                         ကျွန်တော်တို့ ငယ်ငယ်ကျောင်းသားအရွယ်တွင် လွတ်လပ်ရေးနေ့၊ ပြည်ထောင်စုနေ့၊ တပ်မတော်နေ့(တော်လှန်ရေးနေ့)၊ အာဇာနည်နေ့နှင့် အမျိုးသားနေ့အကြောင်းကို နံရံကပ် စာစောင်များ၊ ကာတွန်းများ၊ ဆောင်းပါး၊ ၀တ္ထုပြိုင်ပွဲများ၊  ဂုဏ်ပြုဟောပြောပွဲများဖြင့် အစဉ်တစိုက် နှစ်စဉ် ကျောင်းတိုင်း တွင် ကျင်းပခဲ့ကြခြင်းဖြင့်လည်းကောင်း...၊ ကိုယ်တိုင်ကိုယ်ကျ ဆုံတွေ့ခဲ့ကြသော... အဘိုးအဘွားများ၏ မကြာခဏပင်ဖြစ်စေ၊ အကြောင်းပြောပြချက်များအရ လည်းကောင်း စိတ်ဝင်စားသည်ဖြစ်စေ၊  စိတ်မ၀င်စားသည်ဖြစ်စေအကျိုးအကြောင်းများအား များစွာ သိရှိနေကြရပါသည်။ ထို့ပြင် ဗိုလ်ချုပ်၏ အသံကိုလည်း ရင်းနှီးနေကြပါသည်။  တိုတိုပြတ်ပြတ်နှင့်ထိထိမိမိ ပြောတတ်သော ဗိုလ်ချုပ်၏ လေ ယူလေသိမ်းများ ထူးခြားသည့်စကားစုများအား အတုခိုးကာလိုက်၍ ပြောသည်အထိပင် ရင်းနှီး
ခဲ့ကြပါသည်။

                          သို့သော် အချို့... အချို့သော အကြောင်းအရာများကိုကား မသိရှိခဲ့ယုံမျှမက ကြားပင် မကြားဖူးခဲပါ...။
                          ယနေ့ မီဒီယာလောကကြီး ပွင့်လန်းလာသော အခါတွင်ကား ယခင်က မသိရှိခဲ့သည် များကို အွန်လိုင်းမှ လွယ်ကူစွာပင် သိရှိခဲ့ရပြီဖြစ်ပါသည်...။
                           ယခင် ငယ်စဉ်က လေးစားအားကျခဲ့မိသော အမျိုးသားခေါင်းဆောင်ကြီး၏ လုပ်ဆောင်ချက်များအား သေချာစွာ မှတ်တမ်းအဖြစ်လည်းကောင်း၊ ပြန်လည်မျှဝေခြင်းဖြင့်လည်းကောင်း ဂုဏ်ပြုတတ်ခဲ့ပြီဖြစ်ပါသည်။ ထိုအကြောင်းအရာများစွာထဲမှ ကျွန်တော်စိတ်ဝင်စားမိသည့် ဗိုလ်ချုပ် ကိုယ်တိုင်လက်မှတ်ရေးထိုး၍မင်္ဂလာတရားတော်နှင့်အညီချီးမြှင့်ထိုက်သူတစ်ဦးအားချီးမြှင့်
ခဲ့သော ဂုဏ်ထူးဆောင်လက်မှတ်လေးနှင့် ဗိုလ်ချုပ်၏ ခိုင်မာသည့် ယူဆချက်တစ်ချို့အား ပြန်လည် တင်ပြအပ်ပါသည်....။


အသက် (၂၂)နှစ်သာ ရှိသေးသည့် ဗိုလ်မြင့်ဆွေဆိုသူအား ဗိုလ်ချုပ်မှ ချီးမြှင့်ခဲ့သည့် ``အရေးတော်ပုံ´´ ဂုဏ်ပြုမှတ်တမ်းလွှာ....


ချီးမြှင့်ခြင်း ခံရသူနှင့် ၄င်း၏ သားစဉ် မြေးဆက်များ မည်သို့ ဂုဏ်ယူနေမည် မသိသော်လည်း ဤ ဂုဏ်ပြုမှတ်တမ်းလွှာလေးအားတွေ့မြင်ရခြင်းဖြင့် ဗိုလ်မြင့်ဆွေဆိုသူအား ဗိုလ်ချုပ်နှင့်အတူ တိုင်းပြည်အား ကျွန်သဘောက်ဘ၀မှ ကယ်တင်ခဲ့သူဖြစ်သည်ဟု.....ကျေးဇူးတင်လေးစားစိတ်များ ဖြစ်ပေါ်ခဲ့ရပါသည်။

ဗိုလ်ချုပ်နှင့်အတူ အရေးတော်ပုံကြီးတွင် ရွံ့ရွံ့ချွံချွံ ဆောင်ရွက်ခဲ့သော
ဗိုလ်မှူးကြီးမြင့်ဆွေ၏ ဓါတ်ပုံအချို့.....

                        ထို့အပြင် ဗိုလ်မှူးကြီးမြင့်ဆွေသည် ၄င်း၏ သားဖြစ်သူအား  ဗိုလ်ချုပ်ထံမှ သင်ယူရရှိခဲ့သည့်သာ Teamwork  ၏ သဘောတရားများကိုလည်း သင်ကြားပေးခဲ့ကြောင်းနှင့် အများသိစေရန် ဖော်ပြထားရှိမှုအား လေးစားဂုဏ်ယူစွာဖြင့် တဆင့် ပြန်လည် ကူးယူဖော်ပြအပ်ပါတယ်..။

Teamwork ကို ခွဲခြားလေ့လာရာတွင်-

၁။ Responsibility - မိမိ တာဝန်ယူရမည့်အပိုင်းကို တာဝန်ယူခြင်း၊ မိမိနှင့် လုပ်ဖော်ကိုင်ဖက်များအချင်းချင်း တာဝန်ခွဲဝေယူစေခြင်း။

၂။ Respect - မိမိအလုပ်ကို အချိန်နှင့်အမျှ လေးစားခြင်း၊ လုပ်ဖော်ကိုင်ဖက်အချင်းချင်းလေးစားခြင်း။

၃။ Understanding- မိမိအလုပ်အကြောင်း အပြည့်အ၀နားလည်အောင်ကြိုးစားခြင်း၊ မိမိလုပ်ဖော်ကိုင်ဖက်များ၏ မိသားစုရိုးရာဓလေ့   
    ဘ၀အခြေအနေများကို သိရှိနားလည်စေရန် ကြိုးစားခြင်း။

၎။ Communication- အချင်းချင်း အထက်အောက်ပြန်လည် သတင်းပို့တင်ပြခြင်း၊ ဖြစ်ပေါ်လာနိုင်သော အကျိုးအကြောင်းများအား ဆွေးနွေးဖလှယ် လေ့လာခြင်း။

၅။ Value - မိမိအလုပ်မှ မိမိလုပ်ဖော်ကိုင်ဖက်များ ကြီးငယ်မရွေး လုပ်ဆောင်မှုအပေါ် တန်ဖိုးထားခြင်း၊ မိမိလုပ်ငန်းရည်ရွယ်ချက်နှင့်  တန်ဖိုး (Value) ကို လုပ်ဖော်ကိုင်ဖက်အချင်းချင်း သိရှိနားလည်အောင် ကြိုးစားခြင်း။

                              ဗိုလ်ချုပ်၏ လုပ်ဆောင်ချက်များကောင်းမွန်မှန်ကန်ခြင်းသည် ဗိုလ်ချုပ်၏ ကောင်းမွန်မှန်ကန်သော စိတ်ကူးနှင့်ခေတ်မီဆန်းသစ်ကာ ရေရှည်အကျိုးကို ရှုမြင်နိုင်သော စိတ်ထားများကြောင့်သာ ဖြစ်ပါကြောင်းနှင့် မည်သည့် အခါတွင်မျှဟောင်းနွမ်းသွားမည် မဟုတ်သော အယူအဆလေးအား သိရှိနိုင်ကြပါစေကြောင်းနှင့် လက်တွေ့ကျကျ လိုက်နာကျင့်ကြံနိုင်ကြပါစေကြောင်း ဂုဏ်ပြု ရေးသားဖော်ပြအပ်ပါသည်။
                                                                                                                                 (ကွန်ဆူးမား)(၂၈-၂-၂၀၁၃)

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...