17.02.2013 နေ့ဖတ်ရန်သတင်းများ

by Myanmar Journal on Saturday, February 16, 2013 at 5:27pm ·

နိုင်ငံခြားသားအခြေချသူ လက်ခံမဲ့အစီအစဉ် စင်္ကာပူမှာဆန့်ကျင်

စင်ကာပူနိုင်ငံမှာ ပြည်ပက အခြေချနေထိုင်သူတွေကို လက်ခံပေးပြီးတော့ နိုင်ငံရဲ့ လူဦးရေကို တိုးမြှင့်ဖို့ အစီအစဉ်ကို ဆန့်ကျင်တဲ့အနေနဲ့ ရှားရှားပါးပါး အစိုးရဆန့်ကျင်ဆန္ဒပြပွဲမှာ လူပေါင်း ထောင်ပေါင်းများစွာ ပါဝင်ဆန္ဒပြခဲ့ကြပါတယ်။ လက်ရှိ လူဦးရေ ၅.၃ သန်းကနေ ၃၀ ရာခိုင်နှုန်း တိုးမြင့်မယ့် အစိုးရရဲ့ အစီအစဉ်ကို ဆန့်ကျင်တဲ့ ကြွေးကြော်သံတွေ ဟစ်ကြွေး၊ မကျေနပ်ကြောင်းရေးထားတဲ့ ဆိုင်းဘုတ်တွေကို ကိုင်ဆောင်ပြီးတော့ မိုးထဲရေထဲမှာ ဆန္ဒပြခဲ့ကြတာပါ။

လက်ရှိ အာဏာရ People’s Action Party က ဒီအစီအစဉ်ကို အဆိုပြုချက် မူကြမ်းကို ဇန်န၀ါရီလထုတ် မူဝါဒရေးရာ စာစောင်မှာ ဖော်ပြခဲ့တာ ဖြစ်ပါတယ်။ စင်ကာပူနိုင်ငံမှာ သားဖွားနှုန်းနည်းပါးတာကို တန်ပြန်ဖို့ရယ်၊ ငွေရောင်ဆူနာမီ ဒီရေလှိုင်းလို့ခေါ်တဲ့ အသက်ကြီးရင့်သူတွေ ပိုပြီးတော့ များလာတာရယ်ကို ကာမိဖို့အတွက် လူဦးရေ တိုးပွားဖို့လိုတယ်လို့ အစိုးရက ပြောပါတယ်။

ပြည်ပက အခြေချနေထိုင်သူတွေ များပြားလာရင် နိုင်ငံရဲ့ လူဦးရေ ဖွံ့ဖြိုးလာမှာဖြစ်ပါတယ်။ ဒါပေမဲ့လည်း ဆန့်ကျင်ဆန္ဒပြသူတွေကတော့ နိုင်ငံခြားသားတွေ အများကြီး ရောက်လာမယ်ဆိုရင် စင်ကာပူရဲ့ ယဉ်ကျေးမှု အမှတ်အသားတွေ ပျောက်သွားနိုင်တယ်လို့ ပြောနေတာပါ။ နေထိုင်သူတွေ အများကြီး တိုးလာရင်လည်း အိမ်ဈေးတွေ၊ အခွန်အကောက်တွေ မြင့်နေပြီးသား အခြေအနေ ပိုဆိုးသွားမယ်လို့ ပြောကြပါတယ်။

မြန်မာနိုင်ငံ လူ့အခွင့်အရေး အခြေအနေပိုကောင်းဖို့ ကင်တားနား မျှော်လင့်

ကုလသမဂ္ဂ လူ့အခွင့်အရေး အထူးကိုယ်စားလှယ် ကင်တားနား သတင်းထောက်များနဲ့ တွေ့ဆုံစဉ်။ (ဖေဖော်ဝါရီလ ၁၆ ရက်၊ ၂၀၁၃)။
မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် သောမတ်စ်အိုဟေး ကင်တားနား ဟာ ၅ ရက်ကြာ မြန်မာနိုင်ငံ ခရီးစဉ်အဆုံးသတ် ဒီနေ့ ရန်ကုန်လေဆိပ်မှာ သတင်းစာရှင်းလင်းပွဲ လုပ်ပြီး သူ့ခရီးစဉ်နဲ့ ပတ်သက်လို့ သတင်းထောက်တွေကို ပြောဆိုခဲ့ပါတယ်။ အဲဒီသတင်းစာ ရှင်းလင်းပွဲမှာရှိတဲ့ ဗွီအိုအေ သတင်းထောက် ဦးရော်နီညိမ်းက မစ္စတာ ကင်တားနား ပြောသွားတဲ့ အဓိက အချက်တွေကို အခုလို ပြောပြပါတယ်။

“ချုပ်ပြီး ပြောရမယ်ဆိုရင် ရခိုင်ပြည်နယ် အခြေအနေ သူ ပြောတယ်။ နောက် ကချင်ပြည်နယ်ကိစ္စ သူပြောတယ်။ နောက်ပြီးတော့ တခါ နိုင်ငံရေးအကျဉ်းသားတွေ ကိစ္စပေါ့နော်။ အဲဒီတော့ ရခိုင်ပြည်နယ် အခြေအနေကို ပြောမယ်ဆိုရင် သူက စစ်တွေ၊ ပေါက်တော စတဲ့ ဒီဒေသတွေကို သွားပြီးတော့ ဗုဒ္ဓဘာသာ IDP တွေရဲ့ စခန်းတွေကို ရောက်ခဲ့တယ်။ ပြီးတော့ စစ်တွေထောင်ကိုလည်း သူ ရောက်ခဲ့တယ် ဆိုတဲ့အကြောင်းကို သူပြောတယ်။ အဲဒီတော့ အရင်ထက်စာရင် ဒုက္ခသည်တွေရဲ့ စားဝတ်နေရေး၊ ကျန်တဲ့ အရေးကိစ္စတွေ ဖြေရှင်းမှုတွေဟာ တိုးတက်မှု တစုံတရာ ရှိလာတာကို သူ တွေ့ရတယ်လို့ ပြောပါတယ်။ အဲဒါက ရခိုင်ကိစ္စနဲ့ ပတ်သက်ပြီး ပြောတာပါ။ ကချင်ကိစ္စနဲ့ပတ်သက်ပြီး ပြောတာမှာလည်း သူက မြစ်ကြီးနားနဲ့ ၀ိုင်းမော် တ၀ိုက်မှာရှိတဲ့ IDP စခန်းတွေကို သူ ရောက်ခဲ့တယ်။ နောက်တခါ မြစ်ကြီးနားထောင်ကိုလည်း သူ သွားခဲ့တယ်ဆိုတဲ့အကြောင်း ပြောတယ်။ ကချင်ကိစ္စမှာဆိုရင် ကူညီမှု၊ အပစ်အခတ်ရပ်စဲရေး ဆွေးနွေးပွဲတွေရဲ့ တိုးတက်မှုကို သူ့အနေနဲ့ ကျေနပ်အားရပြီးတော့ ဒီကိစ္စက ရှေ့ကို ပိုမိုပြီးတော့ လာမယ့် သီတင်းပတ်အနည်းငယ် အတွင်းမှာ ရှေ့ကို အပစ်အခတ် ရပ်စဲတဲ့အခြေအနေ ပိုမို တိုးတက် ကောင်းမွန်လာလိမ့်မယ်လို့ သူ မျှော်လင့်တယ် ဆိုတဲ့အကြောင်း သူ ပြောပါတယ်။”

ကချင်ပြည်နယ်ဘက်ကို သူ သွားတဲ့အခါမှာ မစ္စတာ ကင်တားနားက အစိုးရ တာဝန်ရှိသူတွေရဲ့ အစီအစဉ်နဲ့ပဲ ကချင်ဒေသဘက်ကို သွားရောက်ခဲ့ပြီးတော့ ကချင်လူမျိုးစု လက်နက်ကိုင်အဖွဲ့က ထိန်းချုပ်ထားတဲ့ ဒေသတွေဆီ မသွားခဲ့ဘူး၊ အဲဒါကြောင့် ကချင်ဒေသတခုလုံးရဲ့ တကယ့်အခြေအနေမှန်ကို သူ သိနိုင်မှာမဟုတ်ဘူးဆိုတဲ့ ဝေဖန်တာတွေ ရှိပါတယ်။ ဒါနဲ့ပတ်သက်ပြီးတော့ မစ္စတာ ကင်တားနားက ပြောသွားတာတခုခုများ ရှိပါသလားခင်ဗျ။ 

“အဲဒီမေးခွန်းကို ကျနော် ကိုယ်တိုင်လည်း မေးခဲ့ပါတယ်။ ကေအိုင်အို က ခင်ဗျားကို ပြောတယ်၊ စစ်အစိုးရထိန်းချုပ်တဲ့ဘက်ကိုပဲ ခင်ဗျားရောက်တယ်။ ကချင်ထိန်းချုပ်တဲ့ဒေသတွေကို ခင်ဗျားမရောက်တဲ့အတွက် အခြေအနေမှန်တွေကို ခင်ဗျား မသိနိုင်ဘူးလို့ ပြောတဲ့အခါမှာ သူက ဟုတ်တယ်လို့ သူ ပြောပါတယ်။ ဒါကြောင့်မိုလို့ သူ အခြေအနေမှန်တွေကို မသိနိုင်ဘူး။ ဒါပေမဲ့ သူ အသေအချာ ပြောသွားတာက ရက်စက်ကြမ်းကြုတ်မှုတွေက နှစ်ဘက်စလုံးက ကျူးလွန်တယ်လို့ သူ ပြောပါတယ်။ အဲဒါတော့ ရှိတယ်ပေါ့နော်။ အဲဒါကိုတော့ သူ ပြောသွားပါတယ်။”

နောက်ပြီးတော့ သူက အကျဉ်းထောင်တွေကိုလည်း သွားကြည့်တယ်ဆိုပြီး သိထားရပါတယ်။ သူ အခုပြောတဲ့အထဲမှာလည်း ပါတယ်ပေါ့နော်။ ဆိုတော့ နိုင်ငံရေးအကျဉ်းသားတွေကို စိစစ် လွှတ်ပေးဖို့ဆိုတဲ့ ကော်မတီ ဖွဲ့ထားတာလည်း ရှိပါတယ်။ အဲဒီအခြေအနေရဲ့ တိုးတက်မှု အလားအလာနဲ့ နိုင်ငံရေး အကျဉ်းသားတွေ လွတ်လာမယ့်အခြေအနေ အလားအလာပေါ်မှာရော သူ့ရဲ့ သုံးသပ်ချက်က ဘယ်လိုရှိပါလဲ။

“သူကတော့ နိုင်ငံရေးအကျဉ်းသားတွေ ကိစ္စကို တိုးတက်မှု တွေ့ရလိမ့်မယ်လို့ ယုံကြည်တယ်လို့ သူ ပြောတယ်။ သူက ဘာနဲ့နှိုင်းယှဉ်ပြီးပြောလဲဆိုတော့ အရင်တခေါက်လာတာနဲ့ အခုတခေါက် လာတာနဲ့ကြားထဲမှာ အရင်တခေါက်တုန်းက သူ သွားတွေ့တဲ့ မလွတ်သေးတဲ့သူတချို့၊ အခု ဒီတခေါက် ပြန်ရောက်တဲ့အခါမှာ လွတ်လာတာကို တွေ့ရတယ်။ အဲဒီတော့ ရှေ့မှာလည်း အဲဒီလို လွတ်မြောက်လာတာကို တွေ့ရလိမ့်မယ်ဆိုတဲ့ သဘောမျိုး သူပြောပါတယ်။”

အခု သူ့ခရီးစဉ်က ၅ ရက်၊ ၆ ရက်ပေါ့နော်။ ဒီခရီးစဉ်တခုလုံးမှာ သူ မြန်မာနိုင်ငံရဲ့ အခြေအနေ အရပ်ရပ်၊ လူ့အခွင့်အရေး အပါအ၀င် အခြေအနေ အရပ်ရပ်နဲ့ ပတ်သက်ပြီး သူ့ရဲ့ ယေဘုယျ ခြုံငုံ သုံးသပ်ချက်ပေါ့၊ ခရီးစဉ်အပေါ်မှာ သူ့ရဲ့ သဘောထားနဲ့ ပတ်သက်လို့ရော ဘာသိရပါလဲ။ -

“ခရီးစဉ်အပေါ်မှာ သူ ခြုံငုံ သုံးသပ်ချက်ကတော့ ထုံးစံအတိုင်းပေါ့၊ လူ့အခွင့်အရေး အခြေအနေ တိုးတက်မှုကတော့ နိုင်ငံတကာ စံနှုန်းစံထားတွေနဲ့အညီ ဖြစ်အောင်ကတော့ လိုနေသေးတယ်ပေါ့နော်။ ဒါပေမဲ့ အရင်ထက်စာရင် တိုးတက်သင့်သလောက် တိုးတက်မှု အရိပ်အရောင်တွေ တွေ့လာရတယ် ဆိုတာကိုတော့ သူ့အနေနဲ့ အသိအမှတ်ပြုတယ်လို့ သူပြောတယ်။ ဒီခရီးစဉ်ကတော့ ခုနက ကျနော်ပြောသလို ကချင်ရော၊ ရခိုင်ရော၊ ရန်ကုန်မြို့ရော သူ တော်တော်လေးကို စုံစုံစိစိ သွားလာကြည့်ရှုခွင့်၊ လူတွေနဲ့ ထိတွေ့ပြောဆိုခွင့် ရတဲ့အတွက် သူ ခရီးစဉ်အနေနဲ့တော့ ကျေနပ်အားရတယ်ပေါ့နော်။ ဒီ လုပ်ငန်းသဘော အနေနဲ့ကတော့ ခုနကပြောသလို လူ့အခွင့်အရေးနဲ့ ပတ်သက်လို့ကတော့ နိုင်ငံတကာ စံနှုန်းစံထားတွေနဲ့ မညီလောက်သေးဘူး ဆိုတဲ့ဟာတော့ သူ ပြောပါတယ်။ ဆိုတော့ ဒါတွေကို စုပေါင်းပြီးတော့ လာမယ့် ကုလသမဂ္ဂ လူ့အခွင့်အရေး ကောင်စီရဲ့ မတ်လမှာကျင်းပမယ့်၊ နှစ်စဉ်ကျင်းပလေ့ရှိတဲ့ ညီလာခံမှာ သူ တင်ပြမှာဖြစ်တယ်လို့ သူ ပြောပါတယ်။”

မစ္စတာ ကင်တားနား သတင်းစာ ရှင်းလင်းပွဲ
စီတန်း လှည့်လည်ခွင့်နဲ့ စစ်တပ် ကနေ ၂၅ ရာခိုင်နှုန်း ယူထားတဲ့ ဥပေဒတွေကို ပြင်သင့်တယ်
ကုလသမဂ္ဂ အထွေထွေ အတွင်းရေးမှူးချုပ်ရဲ့ မြန်မာ နိုင်ငံ ဆိုင်ရာ လူ့အခွင့် အရေး အထူး ကိုယ်စားလှယ် တောမတ်စ် အိုဟေး ကင်တားနားက ရန်ကုန် အပြည်ပြည် ဆိုင်ရာ လေဆိပ်ကနေ ပြန်လည် မထွက်ခွာခင် သတင်းစာ ရှင်းလင်းပွဲ ပြုလုပ်ရာမှာ မြန်မာနိုင်ငံ ဖွဲ့စည်းပုံ အခြေခံ ဥပဒေက ပြင်ဆင် သင့်တဲ့ အချက်တွေ ကို အဓိက ပြောကြားသွား ပါတယ်။
အခြေခံ ဥပဒေမှာ ပါတဲ့ စီတန်း လှည့်လည်ခွင့် ဆိုင်ရာ အချက်တွေနဲ့ လောလော ဆယ် စစ်တပ် ကနေ လွှတ်တော်မှာ ၂၅ ရာခိုင်နှုန်း ယူထား တာ အပြင်၊ တခြား လူ့အခွင့် အရေးနဲ့ မကိုက်ညီတဲ့ ဥပေဒ တွေကို ပြင်ဆင် သင့်တယ်လို့ မစ္စတာ ကင်တားနားက ပြောကြား သွားတာ ဖြစ်ပါတယ်။
အခုလို သူ့ရဲ့ ထောက်ပြ ဆွေးနွေး ချက်တွေနဲ့ ပတ်သက်ပြီး အစိုးရ ဘက်ကနေ အပြုသဘော တုံ့ပြန်မှု ရခဲ့တယ်လို့လည်း သူက ပြောပါတယ်။ ဒါပေမယ့် အသေးစိတ် ကိုတော့ ထုတ်ဖေါ် ပြောကြား ခဲ့ခြင်း မရှိပါ။
သူဟာ နေပြည်တော်ကို သွားရောက်ခဲ့ပြီး အစိုးရ အရာရှိတွေနဲ့ တွေ့ဆုံခဲ့ သလို လွှတ်တော်တွေ ကိုလည်း သွားရောက် လေ့လာခဲ့တာ ဖြစ်ပါတယ်။
၅ ရက်ကြာ မြန်မာနိုင်ငံ ခရီးစဉ်အတွင်း မစ္စတာ ကင်တားနားဟာ ရခိုင်ပြည်နယ်မှာ ရပ်ဖိ ရပ်ဖတွေနဲ့ တွေ့ဆုံခဲ့ သလို ကချင်ပြည်ကို သွား ရောက်ပြီး အဲဒီက စစ်ပြေး ဒုက္ခသည်တွေ နဲ့လည်း တွေ့ဆုံခဲ့ ပါတယ်။
ရခိုင်ဒေသနဲ့ ဆက်စပ်ပြီးတော့လည်း ၁၉၈၂ ခုနှစ် လူဝင်မှု ကြီးကြပ်ရေး ဥပေဒေကို ပြင်သင့်တယ်လို့ မစ္စတာ ကင်တားနားက ပြောပါတယ်။
ကချင်ပြည်နယ် မှာတော့ အဓမ္မ စစ်သား သုံးတာ မျိုးကို နှစ်ဘက် စလုံးက လုပ်နေ တာတွေ ရှိပြီး၊ လက်နက်ကိုင် တွေနဲ့ ပတ်သက် နေတယ် ဆိုကာ အစိုးရ စစ်တပ် ကနေ ဒေသခံတွေကို ထင်သလို ဖမ်းဆီး နှိပ်စက်တောတွေ ရှိနေတယ်လို့ သူက ပြောပါတယ်။
အကျဉ်းထောင်တွေ ထဲမှာလည်း လူ့အခွင့် အရေး ချိုးဖေါက်မှုတွေ ရှိနေကြောင်း စသည်ဖြင့် သူက ကျယ်ကျယ် ပြန့်ပြန့် ပြောကြားသွား ပါတယ်။

စာနာမှုအထောက်အပံ့ ကချင်ဒုက္ခသည်တွေမျှော်

ကချင်ပြည်နယ် ဒုက္ခသည်စခန်းတခု
ကချင်လွတ်မြောက်ရေးတပ် ကေအိုင်အို ထိန်းချုပ်တဲ့နယ်မြေက ကချင်စစ်ပြေး ဒုက္ခသည်စခန်းတွေဆီကို ကုလသမဂ္ဂ လူသားချင်း စာနာထောက်ထားမှု အကူအညီတွေ ဒီရက်ပိုင်းအတွင်း ရောက်လာနိုင်တယ်လို့ ကေအိုင်အိုက ပြောကြားလိုက်ပါတယ်။ တရုတ်-မြန်မာနယ်စပ်နဲ့ ကချင်ထိန်းချုပ်ရာ နယ်မြေတွေမှာ စစ်ပြေးဒုက္ခသည်ဦးရေဟာ ခုနှစ်သောင်းကျော်သွားပြီလို့ ပြောပါတယ်။ ကချင်ပြည်နယ်တွင်း နောက်ဆုံးအခြေအနေတွေနဲ့ ပတ်သက်ပြီး ကေအိုင်အို ပြောခွင့်ရကို ဆက်သွယ်စုံစမ်းထားတဲ့ မဆုမွန်က တင်ပြထားပါတယ်။

ကေအိုင်အို ထိန်းချုပ်နယ်မြေဖြစ်တဲ့ ကချင်ပြည်နယ် လိုင်ဇာမြို့ကို ကုလသမဂ္ဂ လူသားချင်း စာနာထောက်ထားမှု အကူအညီပေးရေး (UNOCHA) ရဲ့ အကူအညီပေးရေး ယာဉ်တန်းတွေဟာ ဒီတစ်ရက်၊ နှစ်ရက်အတွင်းမှာ ရောက်ရှိလာနိုင်တယ် ဆိုတဲ့ သတင်းစကားကို ကေအိုင်အိုက ရရှိထားတယ်လို့ ကေအိုင်အိုပြောခွင့်ရက ပြောပါတယ်။ ဒါပေမဲ့ အခုအချိန်အထိတော့ လိုင်ဇာမြို့ထဲကို အကူအညီပေးရေး အဖွဲ့တွေ ဝင်ရောက်လာခြင်းတော့ မရှိသေးဘူးလို့ ကေအိုင်အိုပြောခွင့်ရ ဦးလာနန်က ပြောပါတယ်။

“UNOCHA အဖွဲ့က လိုင်ဇာဘက်ကိုလည်း လာမယ်ဆိုတဲ့သတင်းတွေက ထုတ်ဖော်တာမျိုး ရှိတယ်။ နောက်ပြီး ဖားကန့်ဘက်မှာရှိတဲ့ ဒုက္ခသည်တွေကိုလည်း သူတို့ သွားပြီးတော့ ကူညီပေးပါ့မယ်ဆိုတဲ့ ထုတ်ဖော်ချက်တွေတော့ ရှိတယ်။ ကျနော် သိရသလောက် ဒီနေ့အထိတော့ ဒီလိုင်ဇာဘက်ကိုလာတဲ့ ယာဉ်ကားတွေက မထွက်လာသေးဘူး။ ဒါပေမဲ့ တရက် နှစ်ရက်အတွင်းမှာ သူတို့ ထွက်လာအောင် ကြိုးစားမယ်ဆိုတဲ့ သတင်း ပါးတာမျိုးတော့ သူတို့ ရတယ်ခင်ဗျ။”ဖေဖော်ဝါရီ လဆန်းပိုင်းက ကေအိုင်အိုနဲ့ မြန်မာအစိုးရ ကိုယ်စားလှယ် ငြိမ်းချမ်းရေးအဖွဲ့တို့ တရုတ်နိုင်ငံ ရွှေလီမြို့မှာ တွေ့ဆုံခဲ့ပြီးတဲ့နောက်ပိုင်းမှာ မြန်မာအစိုးရက ကုလသမဂ္ဂ အပါအ၀င် နိုင်ငံတကာ လူသားချင်းစာနာကူညီရေး အဖွဲ့တွေကို ကချင်ပြည်နယ်ထဲကို သွားရောက် ခွင့်ပေးလိုက်ပါတယ်။ အရင်တုန်းကတော့ ကေအိုင်အေ ထိန်းချုပ်ရာ ဒေသတွင်းက ဒုက္ခသည်စခန်းတွေကို နိုင်ငံတကာ အကူအညီပေးဖို့မှာ လုံခြုံရေးအကြောင်းပြချက်နဲ့ မြန်မာ အစိုးရက ခွင့်မပြုခဲ့ပါဘူး။

အခုဆိုရင် တရုတ်-မြန်မာနယ်စပ်နဲ့ ကချင်ထိန်းချုပ်ရာနယ်မြေတွေမှာ စစ်ပြေးဒုက္ခသည်ဦးရေဟာ ခုနှစ်သောင်းကျော်သွားပြီ ဖြစ်ပြီး နေအိမ်စွန့်ခွာပြီး ဘေးလွတ်ရာ ထွက်ပြေးနေကြတဲ့ စစ်ပြေးဒုက္ခသည်တွေရဲ့ စားနပ်ရိက္ခာနဲ့ လုံခြုံရေးအတွက် စိုးရိမ်ဖွယ်ရာ အခြေအနေမှာ ရှိနေပါတယ်။

“အားလုံး ကျနော်တို့ စာရင်းတွေ ချုပ်ကြည့်လိုက်မယ်ဆိုရင်တော့ ခုနှစ်သောင်းလောက် ကျော်တယ် ခင်ဗျ။ တရုတ်နယ်စပ်တလျှောက်မှာရှိတဲ့ ဒုက္ခသည်စခန်းတွေသာမကဘဲ အတွင်းပိုင်းမှာရှိနေတဲ့ အစိုးရထိန်းချုပ်နယ်မြေ မဟုတ်တဲ့ တပ်မဟာ (၁) ဒေသတို့၊ နောက်ပြီးတော့ တပ်ရင်း (၅) ဒေသတခွင်မှာရှိတဲ့ ဒုက္ခသည်တွေ အားလုံး ပေါင်းလိုက်ရင်တော့ ခုနှစ်သောင်းလောက် ကျော်မယ်ခင်ဗျ။ တချို့ သွားလာရေး ခက်ခဲတဲ့ဒေသမှာရှိတဲ့ ဒုက္ခသည်တွေ ကတော့ တော်တော်များများ စားရေးသောက်ရေးသာမက သူတို့ရဲ့ လုံခြုံရေးပေါ့၊ လုံခြုံရေးဆိုတဲ့နေရာမှာ နေရေးထိုင်ရေး ကိစ္စအပါ အများကြီး အခက်အခဲတော့ ရှိပါသေးတယ်ခင်ဗျ။”

ဒီလ ဖေဖော်ဝါရီလ ၂၀ ရက်နေ့မှာတော့ ထိုင်းနိုင်ငံမှာ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီနဲ့ မြန်မာအစိုးရ ငြိမ်းချမ်းရေးကိုယ်စားလှယ်တို့ တွေ့ဆုံဖို့ ရှိသလို ကေအိုင်အိုအနေနဲ့ကတော့ မြန်မာအစိုးရ ငြိမ်းချမ်းရေး ကိုယ်စားလှယ်တွေနဲ့ နှစ်ဘက် စစ်ရေး တင်းမာမှုတွေ လျှော့ချနိုင်ဖို့၊  နိုင်ငံရေး ဆွေးနွေးပွဲတွေ လုပ်ဆောင်နိုင်ဖို့ ဆောင်ရွက်နေ တယ်လို့ ဦးလာနန်က ပြောပါတယ်။

“ထိုင်းမှာတွေ့မယ့်ကိစ္စကတော့ UNFC အဖွဲ့နဲ့ ဒီလ ၂၀ ရက်မှာ ထိုင်းမှာတွေ့ကြမယ်ဆိုတဲ့ သတင်း ကျနော် ရတယ်ခင်ဗျ။ ဦးအောင်မင်းနဲ့ တွေ့ဆုံမှုကလည်း ဆက်ပြီးလုပ်ရမယ့်ကိစ္စအပိုင်းတွေပါ။ ဒါပေမဲ့ ဘယ်တော့ ဘယ်အချိန် လုပ်မယ်ဆိုတဲ့ ကိစ္စတော့ ဒါ သတ်မှတ်တာမျိုးတော့ မရှိနိုင်သေးဘူးခင်ဗျ။ တွေ့တော့တွေ့မှာပါ။”

မြန်မာအစိုးရကိုယ်စားလှယ်အဖြစ်နဲ့ ဦးအောင်မင်းဦးဆောင်တဲ့ ငြိမ်းချမ်းရေးဖော်ဆောင်ရေးအဖွဲ့နဲ့ လုပ်ဆောင်နေချိန်မှာ တပ်မတော်ကာကွယ်ရေးဦးစီးချုပ် မင်းအောင်လှိုင်ရဲ့ ကချင်ငြိမ်းချမ်းရေး အတွက် အချိန်မရွေး လာရောက် ဆွေးနွေးနိုင်တယ် ဆိုတဲ့ ကမ်းလှမ်းချက်အပေါ်မှာတော့ နားမလည်ဘူးလို့ ကေအိုင်အိုက ပြောပါတယ်။

“အစိုးရအဖွဲ့ဝင်ကနေပြီးတော့ ဦးအောင်မင်းကို သူတို့ ကိုယ်စားလှယ်အနေနဲ့ သတ်မှတ်ထားတာ ရှိတယ်။ ဒါကြောင့် ဒီ ဦးအောင်မင်းအဖွဲ့နဲ့ ကျနော်တို့ တွေ့သင့်တဲ့ကိစ္စတွေမှာ တွေ့ကြတယ်ခင်ဗျ။ ကာကွယ်ရေး ဦးစီးချုပ်ကနေပြီးတော့ တိုက်ရိုက် ပြောဆိုတာမျိုး ဆိုတာကတော့ ဒါ ဘယ်လိုရည်ရွယ်ချက်နဲ့ပြောတယ်ဆိုတာ ကျနော်တို့ နားမလည်ဘူးခင်ဗျ။” ပြီးတော့ မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ရဲ့ ငြိမ်းချမ်းရေးမှာ ဝင်ရောက် လုပ်ဆောင်ပေးပါ့မယ်လို့ ပြည်ထောင်စုနေ့က ကမ်းလှမ်းချက်အပေါ်မှာတော့ ကချင်အရေးနဲ့ပတ်သက်ပြီး တနိုင်ငံလုံးအရေး ဖြစ်တဲ့အတွက် အားလုံးက ပါဝင်နိုင်ပြီး ဘယ်သူ့ကိုမှ အကူအညီတောင်းမှာ မဟုတ်သလို ဘယ်သူ့ကိုမှလည်း ကန့်သတ်ထားမှာ မဟုတ်ဘူးလို့ ကေအိုင်အိုက ဆိုပါတယ်။

“ကျနော်တို့ကတော့ အမြဲတမ်း ပြောပြီးသား။ ဒီ ပြည်တွင်းမှာရှိတဲ့ အဖွဲ့အစည်း လူပုဂ္ဂိုလ်တွေကို ဘယ်သူပါဝင်ကြပါ ဆိုပြီးတော့ ဖိတ်ကြားတာမျိုး၊ အကူအညီတောင်းတာမျိုးတော့ လုပ်မှာမဟုတ်ဘူးဆိုတာ ပြောပြီးသားပါ။ ဒါကြောင့်မိုလို့ ဒီ အရေးမှာ၊ ကချင်အရေးဆိုပေမဲ့ ဒီကိစ္စဟာ ပြည်တွင်း တနိုင်ငံလုံးနဲ့ သက်ဆိုင်တဲ့အရေး ဖြစ်တယ်။ တိုင်းရင်းသား အရေးတွေ ဖြစ်တယ်။ ဒီကိစ္စမှာ အားလုံးက ပါဝင်နိုင်တယ်၊ ပါဝင်ဆောင်ရွက်နိုင်တယ်။ ဘယ်သူ့ကိုမှ မပါဝင်ရ၊ မဆွေးနွေးရ ဆိုပြီးတော့ ကန့်သတ်ပိတ်ပင်ထားတာ မရှိဘူးခင်ဗျ။”ကချင်လက်နက်ကိုင်အဖွဲ့နဲ့ မြန်မာစစ်တပ်တို့ ဒီရက်ပိုင်းမှာတော့ တိုက်ပွဲတွေ ငြိမ်သက်သွားပေမဲ့ နှစ်ဘက်စလုံးက အသင့်စစ်ပြင်ထားတဲ့ အနေအထားမှာ ရှိတယ်လို့လည်း ကေအိုင်အိုကပြောပါတယ်။

“ဒီရက်ပိုင်းမှာတော့ တိုက်ခိုက်မှုတွေက မရှိသလောက် လျော့ပါးသွားတာမျိုးတော့ ရှိတယ်။ ဒါပေမဲ့ အခြေအနေ တည်ငြိမ်သွားတယ်လို့တော့ ပြောလို့မရဘူး။ အားလုံးက ရှေ့တန်းမှာ တပ်စခန်းတွေက တခုနဲ့တခု နီးနီးကပ်ကပ် ရှိနေတော့ တင်းမာမှုတော့ ရှိသေးတယ်ခင်ဗျ။”

ဒီရက်ပိုင်းအတွင်းမှာ ကချင်ပြည်နယ်ကို ကုလသမဂ္ဂ လူ့အခွင့်အရေး အထူးကိုယ်စားလှယ် သွားရောက်ခဲ့ပေမဲ့ ကေအိုင်အို တာဝန်ရှိသူတွေနဲ့ တွေ့ဆုံခြင်း၊ သတင်းစကားပါးခြင်း လုံးဝမရှိခဲ့သလို ကေအိုင်အိုထိန်းချုပ်ရာ ဒုက္ခသည်စခန်းတွေ ဆီကိုလည်း ရောက်မလာခဲ့ဘူး လို့ ကေအိုင်အိုဘက်က ပြောပါတယ်။

ပဋိပက္ခအဆုံးသတ်ရေး ကင်တားနားတိုက်တွန်း

မြန်မာနိုင်ငံခရီးစဉ်အဆုံးသတ် ရန်ကုန်လေဆိပ်မှာ မစ္စတာကင်တားနား သတင်းစာရှင်းလင်းပွဲ ပြုလုပ်နေစဉ်။ (ဖေဖော်ဝါရီလ ၁၆ ရက်၊ ၂၀၁၃)။
မြန်မာနိုင်ငံမြောက်ပိုင်း ကချင်ပြည်နယ်မှာ ဖြစ်နေတဲ့ လက်နက်ကိုင်ပဋိပက္ခတွေနဲ့ ရခိုင်ပြည်နယ်မှာ ဖြစ်နေတဲ့ လူမျိုးရေးအကြမ်းဖက်မှုတွေနဲ့ ပတ်သက်ပြီးတော့ စိုးရိမ်မိတယ်လို့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ် မစ္စတာ သောမတ်စ်အိုဟေး ကင်တားနားက ပြောလိုက်ပါတယ်။ မြန်မာနိုင်ငံကို ၅ ရက်ကြာခရီးစဉ် အဖြစ်လာရောက်ခဲ့တဲ့ မစ္စတာ ကင်တားနားက ခရီးစဉ်ရဲ့နောက်ဆုံးနေ့က ရန်ကုန်လေဆိပ်မှာ ပြုလုပ်တဲ့ သတင်းစာရှင်းလင်းပွဲအတွင်းမှာ ပြောလိုက်တာ ဖြစ်ပါတယ်။

“ကချင်အမျိုးသားတွေကို ကေအိုင်အေအဖွဲ့ဝင်တွေ ဖြစ်တယ်ဆိုပြီးတော့ မြန်မာစစ်တပ်က တရားဥပဒေမဲ့ ဖမ်းဆီးတာတွေ ဆက်ဖြစ်နေတာ၊ စစ်ဆေးမေးမြန်းနေစဉ်အတွင်းမှာ ညှင်းပန်းနှိပ်စက်တာတွေနဲ့ ပတ်သက်ပြီးတော့ သူ့အနေနဲ့ စိုးရိမ်မိပါတယ်။” - လို့ မစ္စတာ ကင်တားနား က သတင်းထောက်တွေကို ပြောသွားတာပါ။

မစ္စတာ ကင်တားနားဟာ မြန်မာနိုင်ငံမှာ ရှိနေစဉ်အတွင်း ကချင်ပြည်နယ်က ဒုက္ခသည်စခန်းတွေကို သွားရောက်ခဲ့ပါတယ်။ မြန်မာသမ္မတ ဦးသိန်းစိန် အစိုးရဟာ တိုင်းရင်းသားလက်နက်ကိုင်အဖွဲ့ အတော်များများနဲ့ အပစ်ရပ်စဲရေး သဘောတူညီမှုတွေ ရခဲ့ပေမဲ့ ကချင်လက်နက်ကိုင် အဖွဲ့နဲ့တော့ ခုချိန်ထိ သဘောတူညီမှုရဖို့ အတွက် ဆွေးနွေးနေတုန်းပဲ ဖြစ်ပါတယ်။ ဒါ့အပြင် မြန်မာနိုင်ငံတွင်း အစိုးရနဲ့ လူနည်းစုတိုင်းရင်းသားတွေကြားမှာ ဖြစ်နေတဲ့ပဋိပက္ခတွေကို ဖြေရှင်းတဲ့နေရာမှာ တိုးတက်မှုတွေ ရှိလာအောင်လုပ်ဖို့လည်း မစ္စတာ ကင်တားနားက မြန်မာအစိုးရကို တိုက်တွန်း ပြောကြားသွားပါတယ်။

စပစ်တ်ဖိုင်းယား တူးဖေါ်ရေး ပြန်ရုပ်သိမ်း

မင်္ဂလာဒုံ လေယာဉ်ကွင်းနားက နေရာ ကို တူးကြည့်တော့ တွင်းထဲမှာ ဘာမှ မတွေ့ရ
မြန်မာပြည်မှာ ဒုတိယ ကမ္ဘာ စစ်ကျန် စပစ်တ်ဖိုင်းယား လေယာဉ် တွေ မြေအောက်မှာ မြှုပ်ထားတယ် ဆိုတာဟာ ဒဏ္ဍာရီ ပုံပြင် တပုဒ်သာ ဖြစ်ပြီး ရှာဖွေ တူးဖော်ရေး အစီ အစဉ် တွေကို ရုပ်သိမ်း လိုက်ပြီ လို့ ရှေးဟောင်း သုတေသီ တွေက ထုတ်ဖော် ပြောလိုက် ပါတယ်။
အရင်တုန်း ကတော့ ဗြိတိသျှ ဘုရင့် လေ တပ်မတော် ပိုင် စပစ်တ်ဖိုင်းယား ၁၂၄ စင်းလောက် မြန်မာပြည် မှာ ဒုတိယ ကမ္ဘာစစ် အတွင်း က ကျန်ခဲ့ပြီး၊ သူတို့ ကို အပိုင်းလိုက် ဖြုတ်၊ သေတ္တာတွေ နဲ့ ထည့် ကာ မြေအောက်မှာ မြှုပ်ထား ခဲ့တာ လို့ ရှာဖွေရေး စီမံကိန်း ကို စတင်ခဲ့ သူတွေ က ယုံကြည် ခဲ့ကြတာ ဖြစ်ပါတယ်။
သူတို့ တွေ့မယ်လို့ မှန်းထားတဲ့ ၂ နေရာ ထဲက တခု ဖြစ်တဲ့ မင်္ဂလာဒုံ လေယာဉ်ကွင်း နားက နေရာကို တူးကြည့်တော့ တွင်းထဲမှာ ဘာမှ မတွေ့ ရပါ။ နောက် တနေရာ ဖြစ်တဲ့ မြစ်ကြီးနား အနီးက နေရာ တခုမှာလည်း သေတ္တာ တလုံး တွေ့ရ ပေမယ့် အထဲမှာ လေယာဉ် အစိတ် အပိုင်းတွေ မရှိပါ။ မိတ္ထီလာ နားမှာ ရှိနိုင်တယ် လို့လည်း တွက်ဆ ခဲ့ကြပါ သေးတယ်။
ဒီရှာဖွေရေး ပရော့ဂျက် ကို War gaming Ltd က ဘဏ္ဍာရေး ဆိုင်ရာ ထောက်ပံ့ပေး ခဲ့တာ ဖြစ်ပြီး အဲဒီ ကုမ္ပဏီ ရဲ့ အထူး စီမံချက်များ ဆိုင်ရာ ဒါရိုက်တာ ထရေစီ စပိုက်က သူတို့ အဖွဲ့ကနေ မော်ကွန်းတိုက် ထဲမှာလည်း သီတင်းပတ်ပေါင်း များစွာ အထောက် အထား တွေကို ရှာခဲ့ ပေမယ့် စပစ်တ် ဖိုင်းယားတွေ မြန်မာပြည်က မြေကြီး အောက်မှာ မြှုပ်ထား ခဲ့တယ် ဆိုတဲ့ အထောက် အထားကို မတွေ့ ရပါဘူးလို့ ဆိုပါတယ်။
အရင်လ တုန်းကလည်း ဒီ လေယာဉ်တွေ ရှိနေတယ် ဆိုတာ မဖြစ် နိုင်ဘူး ဆိုပြီး ရှေးဟောင်း သုတေသန ပညာရှင်တွေ ဘက်က ထုတ်ပြောခဲ့ ပါသေးတယ်။ အဲဒီ အချိန် တုန်းကတော့ ဒီ စပစ်တ်ဖိုင်းယား တွေ ရှိတယ် လို့ စတင် ထုတ်ဖော် သူလည်းဖြစ် အခု ရှာဖွေရေး ပရော့ဂျက် ခေါင်းဆောင် လည်း ဖြစ်တဲ့ မစ္စတာ ဒေးဗစ် ကန်ဒဲလ်က နေရာ မှားတူး လို့ ဖြစ်လိမ့်မယ်၊ တနေရာမှာ ရှိနိုင် ပါသေး တယ်လို့ ပြောခဲ့ ပါတယ်။
သူက ဒီလေယာဉ် တွေ မြန်မာပြည် မှာ ရှိပါတယ် လို့ ပြောလာ ခဲ့တဲ့ ကိစ္စ၊ နောက်ဆုံး သက်သေ မပြ နိုင်တဲ့ တနေ့မှာ လူတွေကို သူအမှား ပြောမိကြောင်း တောင်းပန် မယ်လို့ ဆိုခဲ့ ပါတယ်။
မစ္စတာ ကန်ဒဲလ် ဟာ ၁၇ နှစ် တိုင်တိုင် အချက် အလက် ရှာဖွေ တာတွေ၊ လူတွေ့ မေးမြန်း တာတွေ လုပ်ခဲ့ပြီး၊ စပစ်တ်ဖိုင်းယား လေယာဉ် တွေ မြန်မာပြည် မှာ ကျန်ရှိ နေသေးတယ် ဆိုတဲ့ ယူဆချက်ကို ပြောခဲ့လို့ နိုင်ငံတကာ ပြည်သူတွေ အထူး သဖြင့် ဗြိတိန်နဲ့ မြန်မာပြည် က လူအများ အပြား စိတ်ဝင် တစား ဖြစ်ခဲ့ရ ပါတယ်။

G20 မွာ အခြန်ရွောင် ကိစ္စ ဆြေးနွေး

ဗြိတိန်၊ ပြင်သစ်နဲ့ ဂျာမဏီတို့ မှာ လာရောက် လုပ်ကိုင်တဲ့ ကုမ္ပဏီတွေဟာ အခွန် အနည်းဆုံး သာ ပေးရအောင် ဆောင်ရွက်
မော်စကိုမှာ ကျင်းပ နေတဲ့ G20 ညီလာခံမှာ ဗြိတိန် ၊ ပြင်သစ် နဲ့ ဂျာမဏီ နိုင်ငံ တို့ က နိုင်ငံ တကာ သဘောတူ အခွန် အကောက် စည်းမျဉ်း ချမှတ် ဖို့ တိုက်တွန်း နေပါတယ်။
ဗြိတိန်၊ ပြင်သစ်နဲ့ ဂျာမဏီ တို့ မှာ လာရောက် လုပ်ကိုင်ကြတဲ့ နိုင်ငံ တကာ ကုမ္ပဏီ တွေ ဟာ လုပ်ငန်းက ရရှိ လာတဲ့ အမြတ် အစွန်းကို အခွန် အပေးရ အနည်းဆုံး နိုင်ငံမှာ ရှိတဲ့ သူတို့ ကုမ္ပဏီ ဘက်ကို လွှဲပြီး အဲဒီ နိုင်ငံ က အခွန် စည်းမျဉ်း အတိုင်း ပေးဆောင် နေကြပါတယ်။
ဒါကြောင့်မို့ သူတို့ နိုင်ငံ အတွက် သက်ဆိုင်ရာ ကုမ္ပဏီက အမြတ် အခွန်ငွေ မရတဲ့ အတွက် နစ်နာတာ ကြောင့် အခုလို နိုင်ငံ တကာ အခွန် စည်းမျဉ်း ကို ပြောင်းဖို့ ကြိုးစား လာကြတာပါ။
G20 က တခြား အဖွဲ့ဝင် နိုင်ငံတွေ ထောက်ခံ လာအောင် သူတို့ တိုက်တွန်းနေပါတယ်။
ဗြိတိန် ဘဏ္ဍာရေး ၀န်ကြီး ဂျော့ အော့စဘွန်း ကဆို သူ့တို့ နိုင်ငံ အနေနဲ့ နိုင်ငံမှာ ချမှတ် ထားတဲ့ အခွန် စည်းမျဉ်း တွေ အတိုင်း ပေးမယ့် စီးပွားရေး လုပ်ငန်း တွေ ကို လိုချင်ပါတယ်။ ဒါပေမယ့် ဒီ အရေးက အားလုံးသော နိုင်ငံတွေက သဘောတူ မှသာ ဖြစ်နိုင်မယ် လို့ ပြောပါတယ်။
အခု နိုင်ငံ တကာ အခွန် စနစ်က ၁၉၂၀ တဝိုက် မှာ နိုင်ငံပေါင်းချုပ် အသင်းကြီးက ချမှတ် ထားတဲ့ အခြေခံ စည်းမျဉ်း တွေ အပေါ်မှာ သာ ရေးဆွဲ ခဲ့တာ ဖြစ်ပြီး အဲဒီ အချိန် ကာလ ကတည်းက ကြားထဲမှ ပြုပြင်မှု နဲနဲသာ လုပ်ခဲ့တဲ့ အချက် ကိုလည်း သူက ထောက်ပြ ပါတယ်။
မကြာသေးတဲ့ လအနည်းငယ် အတွင်း၊ နာမည်ကြီး ကမ္ဘာကျော် ကုမ္ပဏီ တွေ ဖြစ်တဲ့ အာမေဇုံ၊ ဂူဂဲလ် နဲ့ စတားဘတ်စ် ကုမ္ပဏီတွေ အပါ အဝင် နိုင်ငံ တကာ ကုမ္ပဏီ တွေ အခွန် အနည်းဆုံး ပေးရအောင် ဗျူဟာ ဆွဲထားတယ် ဆိုတဲ့ သတင်းတွေ၊ နာမည်ကြီး လာခဲ့တဲ့နောက် အခု လို သတင်း ထွက်လာ တာလည်း ဖြစ်ပါတယ်။
စတားဘတ်စ် ဆိုရင် ဗြိတိန်မှာ ဆိုင်ဖွင့် လာတာ ၁၅ နှစ် ရှိပေမယ့် ၁၄ နှစ် တိုင်တိုင် အခွန်ဆောင် ရမယ့် အမြတ်ငွေ စာရင်း ကို ချမှတ်ဖို့ ပျက်ကွက် ခဲ့ပါတယ်။ သူတို့ က ဒီအမြတ် စာရင်းတွေ ကို တခြားနိုင်ငံ မှာ ဖွင့်ထားတဲ့ သူတို့ ကုမ္ပဏီ အမြတ်စာရင်း ထဲ ကို ထည့် ထားတာမျိုး နဲ့ ဗြိတိန် က အခွန်ကို ရှောင်လို့ ရသွားတာ မျိုးပါ။
အဲဒီလို နာမည်ကြီး လုပ်ရပ်တွေထဲမှာ အမေရိကန် အခြေစိုက် ဖေ့စ်ဘွတ် လည်း ပါလာပါပြီ။ ဖေ့စ်ဘွတ် က မနှစ် က ဒေါ်လာ သန်း ၁၀၀၀ ကျော် အမြတ် ပေါ် ပေမယ့် အမေရိကန် က အမြတ်ခွန် ငွေ တွေ တဒေါ်လာ တောင် မရလိုက်ပါဘူး။ ဂူဂဲလ် ဆိုလည်း အမြတ်ခွန် နဲ့ ပတ်သက်ပြီး သူတို့ ရှင်းပေးတာ က အခွန် နည်း တဲ့ ဘာမျူဒါ လို အိုင်ယာလန် လို နိုင်ငံ မျိုးမှာ ပါ။
အခွန် ပေးရတာ နည်းအောင် ရှောင်နည်း တွေ က အများအပြား ပါ။ ဖွံ့ဖြိုးဆဲ နိုင်ငံတွေ လည်း ဒီ နည်းတွေနဲ့ မို့ အခွန် မရ ခဲ့တဲ့ အဖြစ်တွေ အများအပြား ပါ။ အခု တော့ နိုင်ငံကြီးတွေ ကပါ ဒီပြဿနာ ကို ရှေ့တန်းတင် ပြောဆို လာကြပြီ လို့ ဆိုရမှာပါ။

အာဖဂန်တပ်တွေ နေတိုးလေကြောင်းပစ်ကူ မတောင်းရ
အာဖဂန် သမ္မတ ဟာမစ် ခါဇိုင်း
အာဖဂန်နစ္စတန် လုံခြုံရေး တပ်ဖွဲ့တွေက လူနေအရပ် တွေအပေါ်မှာ နေတိုးရဲ့ လေကြောင်းပစ်ကူ တောင်းခံမှုတွေကို တားမြစ်မယ့် အမိန့် ဒီကရီကို ပြဌာန်း သွားမယ်လို့ အာဖဂန် သမ္မတ ဟာမစ် ခါဇိုင်းက ပြောပါတယ်။
မစ္စတာ ခါဇိုင်းက နောက်တနေ့က စလို့ အာဖဂန် တပ်တွေ အနေနဲ့ စစ်ဆင်ရေး တွေအတွင်းမှာ အာဖဂန် လူနေအိမ်ယာ တွေနဲ့ ကျေးရွာ တွေအပေါ်မှာ နိုင်ငံခြားတပ်ဖွဲ့ တွေရဲ့ လေကြောင်းပစ်ကူကို ဘယ်လို အကြောင်းပြချက် နဲ့မှ တောင်းခံခွင့် မပြုတဲ့ အမိန့် ဒီကရီကို ထုတ်ပြန် မယ်လို့ ပြောကြား သွားခဲ့ပါတယ်။
အာဖဂန်မှာ နေတိုးရဲ့ လေကြောင်း ပစ်ကူ တွေကြောင့် အရပ်သား ပြည်သူတွေ သေကြေ ပျက်စီး နေရတာနဲ့ ပတ်သက်လို့ နေတိုး ဦးဆောင်တဲ့ တပ်ဖွဲ့တွေနဲ့ အာဖဂန် အစိုးရ အကြားမှာ အတိမ်းအစောင်း မခံနိုင်တဲ့ ပြဿနာတွေ ဖြစ်နေခဲ့တာ ကြာပြီ ဖြစ်ပါတယ်။
မကြာခင် ရက်ပိုင်း အတွင်းကပဲ အာဖဂန်နစ္စတန် အရှေ့ပိုင်း က ခွန်နာ ပြည်နယ်မှာ အရပ်သား ၁၀ ယောက် သေဆုံး ခဲ့ရတဲ့ ဖြစ်ရပ် နောက်ပိုင်းမှာ အခုလို မစ္စတာ ခါဇိုင်း ကပြောလိုက်တာ ဖြစ်ပါတယ်။
အခုအာဖဂန် မှာ လုံခြုံရေး ဆိုင်ရာ စစ်ဆင်ရေး တော်တော်များများကို အာဖဂန် တပ်ဖွဲ့တွေက ဦးဆောင် နေပြီ ဖြစ်ပေမယ့်လို့ အာဖဂန်လေတပ် ကတော့ အင်အား အသင့်အတင့်သာ ရှိနေလို့ နေတိုးရဲ့ လေကြောင်းပစ်ကူ ရရှိဖို့ဟာ အတော် အရေးပါတယ်လို့ ကာဘူးလ် မြို့က ဘီဘီစီ သတင်းထောက်က ပြောပါတယ်။


ပါကစ္စတန်မှာ ဗုံးခွဲတိုက်ခိုက်လို့ လူ ၆ ဦးသေဆုံး
ကွက်တာမြို့က ဗုံးခွဲ တိုက်ခိုက်ခံခဲ့ရတဲ့ နေရာ
ပါကစ္စတန် အနောက်တောင်ပိုင်းကကွက်တာ မြို့မှာ ဗုံးခွဲ တိုက်ခိုက်တာ ခံခဲ့ရတဲ့ အတွက် အနည်းဆုံး လူ ၆ ဦးသေဆုံး ခဲ့ရတယ်လို့ ပါကစ္စတန် ရဲတပ်ဖွဲ့က ပြောပါတယ်။
လူစည်ကားတဲ့ ဈေးတခုထဲမှာ ဗုံးပေါက်ကွဲ ခဲ့တာ ဖြစ်လို့ လူပေါင်း ၂၀၀ ဝန်းကျင်လဲ ထိခိုက် ဒဏ်ရာ ရရှိခဲ့တယ်လို့ ရဲတပ်ဖွဲ့ရဲ့ ပြောခွင့်ရသူက ပြောပါတယ်။
ဆွန်နီ အစွန်းရောက် အဖွဲ့ ဖြစ်တဲ့ လခ်ရှာ အီး ဂျန်ဗီ အဖွဲ့က အဲဒီ တိုက်ခိုက်မှုကို သူတို့ လုပ်ခဲ့တာ ဖြစ်တယ်လို့ ပြောပါတယ်။
အဲဒီ တိုက်ခိုက်မှုကြောင့် သေကြေ ဒဏ်ရာ ရသူ တွေထဲက အများစုဟာ မိန်းမနဲ့ ကလေး သူငယ် တွေ ဖြစ်ပြီး သူတို့တွေဟာ ဆွန်နီ အစွန်းရောက်တွေရဲ့ မကြာခဏ တိုက်ခိုက်မှုတွေ ခံနေရတဲ့ ပါကစ္စတန်ရဲ့ လူနည်းစု ရှီယာ တွေ ဖြစ်ကြပါတယ်။
ပြီးခဲ့တဲ့ ဇန်နဝါရီ လကလည်း ဗုံး နှစ်လုံး ခွဲပြီး တိုက်ခိုက် ခဲ့တဲ့အတွက် လူပေါင်း ၉၀ ကျော် အသက်ဆုံးရှုံး ခဲ့ရပါတယ်။