12.02.2013 နေ့ဖတ်ရန်သတင်းများ

by Myanmar Journal on Tuesday, February 12, 2013 at 4:11am ·

ပုပ်ရဟန်းမင်းကြီး Benedict အနားယူမည်


ပုပ်ရဟန်းမင်းကြီး Benedict က ပုပ်ရဟန်းမင်းကြီးအဖြစ် ကနေ နှုတ်ထွက်တော့မယ်လို့ ကြေညာ လိုက်ပါတယ်။ သူဟာနှစ်ပေါင်း ၆ ရာနီးပါးကာလအတွင်း ပုပ်ရဟန်းမင်းအဖြစ်ကနေ နှုတ်ထွက်တဲ့ ပထမဆုံး ပုဂ္ဂိုလ် ဖြစ်ပါလိမ့်မယ်။
တနင်္လာနေ့မနက်ပိုင်း Cardinal ရဟန်းတော်များ အစည်းအဝေးမှာ ပုပ်ရဟန်းမင်းကြီးက အခုလို ကြေညာလိုက်တာဖြစ်ကြောင်း ပြောခွင့်ရသူက ပြောဆိုပါတယ်။ ဖေဖေါ်ဝါရီလ ၂၈ ရက်နေ့မှာ ပုပ်ရဟန်းမင်းကြီးအဖြစ်က အနားယူလိုက်ပြီဆိုရင် ခရစ်ယာန် ဘာသာရေး အကြီးအကဲ တာဝန်ယူမယ့်သူ နေရာလစ်ဟာ သွားပါလိမ့်မယ်။ သက်တော် ၈၅ နှစ်အရွယ်ရှိပြီဖြစ်တဲ့ ပုပ်ရဟန်းမင်းကြီးဟာ အခုလို ဆုံးဖြတ်ချက်ချဖို့ အတွက် သတိတရားနဲ့ အပြန်ပြန် အလှန်လှန် ဆင်ခြင် သုံးသပ်မှု ပြုလုပ်ခဲ့ပါကြောင်းလည်း သူ့ရဲ့ ကြေညာချက် ထဲမှာ ဖေါ်ပြထားပါတယ်။ ပြီးခဲ့တဲ့ လအနည်းငယ်အတွင်း သူ့ရဲ့ကျန်းမာရေး အားနည်းသွားခဲ့ကြောင်း၊ သူ့အပေါ် ယုံကြည်အားကိုးထားကြတဲ့ တာဝန်တွေကို ထမ်းဆောင်ဖို့ စွမ်းအား အပြည့်အ၀ မရှိတော့တဲ့အတွက် အခုလို ရာထူးကနေ ဆင်းပေးဖို့ ဆုံးဖြတ်ရတာဖြစ်ကြောင်း ပုပ်ရဟန်းမင်းကြီး Benedict က ပြောပါတယ်။ ရဟန်းတော်ကြီးတွေ သီးသန့် ဆွေးနွေးပွဲ ကျင်းပပြီး ဘာသာရေးဂိုဏ်းချုပ် ရွေးချယ်ဖို့ တောင်းဆို ကြပါလိမ့်မယ်။ ပုပ်ရဟန်းမင်းကြီး Benedict ဖြစ်လာမယ့်သူ အမည် Joseph Ratzinger ကို ဂျာမဏီနိုင်ငံမှာ ၁၉၂၇ ခုနှစ် ဧပြီလ ၁၆ ရက်နေ့မှာ မွေးဖွားခဲ့ပါတယ်။ သာသနာ့ဘောင်ရဲ့ သိက္ခာတော်ရ ဆရာတော်တပါးအဖြစ် ၁၉၅၁ ခုနှစ်မှာ ဖြစ်လာခဲ့ပြီး၊ ပုပ်ရဟန်းမင်းအဖြစ် တင်မြှောက်ခွင့်ရှိတဲ့ ရဟန်းတော်အဖြစ်ကို ၁၉၇၇ ခုနှစ်မှာ ရရှိခဲ့ပါတယ်။ ပုပ်ရဟန်းမင်းကြီး Benedict အဖြစ် ၂၀၀၅ ခုနှစ်မှာ တင်မြှောက်ခံခဲ့ရပါတယ်။

ပုပ်ရဟန်းမင်းကြီး အနားယူမှုအပေါ် နိုင်ငံတကာ တုံ့ပြန်

 ပုပ်ရဟန်းမင်းကြီး Benedict
လာမယ့် ဖေဖော်ဝါရီ ၂၈ ရက်နေ့မှာ အသက်အရွယ် ကြီးရင့်လာတဲ့ အတွက် ပုပ်ရဟန်းမင်းကြီး Benedict အနားယူမယ်ဆိုတဲ့ သတင်းကို ကြားရလို့ အင်မတန် စိတ်မကောင်းဖြစ်ရတယ်လို့ ဧ၀ံဂေလိခရစ်ယာန် အသင်းတော် ဘာသာရေးခေါင်းဆောင် က ပြောဆိုလိုက်ပါတယ်။ ဧ၀ံဂေလိခရစ်ယာန် အသင်းတော် ကြေညာချက်နဲ့အတူ သူ့အနေနဲ့လည်း ၁၆ ယောက်မြောက် ပုပ်ရဟန်းမင်းကြီး Benedict ရဲ့ ဆုံးဖြတ်ချက်ကို စာနာနားလည် ပါကြောင်း၊ ဂုဏ်သိက္ခာနဲ့ ကိုယ်ကျင့်တရား မြင့်မားသလောက် ရဲဝံ့တဲ့ ဆုံးဖြတ်ချက် ဖြစ်ပါတယ် လို့လည်း Canterbury အသင်းတော် ဘုန်းတော်ကြီး ဂျက်စတင် ၀ဲလ်ဘီ (Justin Welby) က တုံ့ပြန် ပြောဆိုပါတယ်။

ပုပ်ရဟန်းမင်းကြီးရဲ့ နေရာကို ဆက်ခံမယ့်သူ ရွေးချယ်မှုကို ယုံကြည်ပါကြောင်းနဲ့ အခု အနားယူမှုကို ဘုရားသခင် ကောင်းချီးပေးဖို့ ဆုတောင်းပါကြောင်း ပြောဆို ပါတယ်။

ဂျာမန်ဝန်ကြီးချုပ် အန်ဂျလာ မာခဲ (Angela Merkel) ကလည်း ဒီနေ့ခေတ်ရဲ့ အထင်ရှားဆုံး ဘာသာရေးခေါင်းဆောင် ပုပ်ရဟန်းမင်းကြီး Benedict ကို အလွန်လေးစားကြောင်း ပြောဆိုပါတယ်။ တနင်္လာနေ့အစောပိုင်းက ဗာတီကန်ကျောင်းတော်မှာ ကျင်းပတဲ့ အစည်းအဝေးမှာ အခု ဆုံးဖြတ်ချက်ကို ပုပ်ရဟန်းမင်းကြီးက ပြောဆိုခဲ့တာပါ။ အမေရိကန်သမ္မတ ဘရက်ခ် အိုဘားမား (Barack Obama) နဲ့ သမ္မတကတော် မီရှဲ အိုဘားမား (Michelle Obama) တို့ကလည်း ပုပ်ရဟန်းမင်းကြီးအတွက် ဆုမွန်ကောင်း တောင်းပြီး ကျေးဇူးတော် ချီးမွမ်းခဲ့ပါတယ်။ခရစ်ယာန်ဘုရားကျောင်းတွေဟာ အမေရိကန်ပြည်ထောင်စုမှာ အရေးပါတဲ့ အခန်းကဏ္ဍက ပါဝင်နေပြီး ပုပ်ရဟန်းမင်းကြီး Benedict နေရာကို ဆက်ခံမယ့်သူအတွက် အမေရိကန်ပြည်ထောင်စု အပါအ၀င် တကမ္ဘာလုံးက ဆုမွန်ကောင်း တောင်းနေပါတယ်လို့ သမ္မတ အိမ်ဖြူတော် က ကြေညာချက် ထုတ်ပြန်ခဲ့ပါတယ်။ အောက်လွှတ်တော်ဥက္ကဌ ဂျွန် ဘေနာ (John Boehner) ကတော့ ဒီဆုံးဖြတ်ချက်က သာသနာတော်အပေါ်ထားတဲ့ မေတ္တာနဲ့ စာနာမှုကို ပြနေတယ်လို့ ဆိုပါတယ်။ တောင်အာဖရိက က Pretoria ဘုန်းတော်ကြီး ၀ီလျံ စလတ်တာရီ (William Slattery) နဲ့ အစ္စရေးလ်က ဂျူးဘာသာရေးခေါင်းဆောင် အကြီးအကဲ ယိုနာ မတ်ဇဂါ (Yona Metzger) တို့ကလည်း ဆုမွန်ကောင်း တောင်းခဲ့ပါတယ်။

ပုပ်ရဟန်းမင်းကြီးနေရာ အစားထိုးမည့်ပုဂ္ဂိုလ် ခန့်မှန်းချက်တွေထွက်ပေါ်

ပုပ်ရဟန်းမင်းကြီး Benedict
အခုလို ပုပ်ရဟန်းမင်းကြီး Benedict ရာထူးတာဝန်ကနေ မမျှော်လင့်ဘဲ နှုတ်ထွက်သွား တဲ့နောက်တော့ တကမ္ဘာလုံးမှာရှိတဲ့ ရိုမန်ကတ်သလစ် ဘာသာဝင်တွေအနေနဲ့ သူတို့ရဲ့ အကြီးအကဲနေရာကို ဘယ်သူ အစားထိုးမလဲ ခန့်မှန်းပြောဆိုမှုတွေ၊ တွက်ဆမှုတွေ ရှိလာကြပါတယ်။ အတော်များများကတော့ အခုလာမယ့် ပုပ်ရဟန်းမင်းကြီးဟာ တတိယနိုင်ငံ တခုခုကနေ လာမယ်လို့ တွက်ဆကြပါတယ်။ အထူးသဖြင့် ကတ်သလစ်ဘာသာဝင်တွေ အများစုရှိတဲ့ လက်တင်အမေရိက တိုင်းပြည်တခုခု ဒါမှမဟုတ် ကတ်သလစ်ဘာသာဝင်တွေ တိုးများလာနေတဲ့ အာဖရိကတိုက် နိုင်ငံ တခုခုက ဖြစ်မယ်လို့ ယူဆကြပါတယ်။ ဒါပေမဲ့လည်း မြောက်အမေရိကတိုက်ဖြစ်တဲ့ အမေရိကန်ပြည်ထောင်စုနဲ့ ကနေဒါနိုင်ငံ ကလည်း ဖြစ်နိုင်တယ်လို့ တွက်ဆမှုတွေလည်း ရှိနေပါတယ်။ ဒါကြောင့် ကနေဒါနိုင်ငံ ကာဒီနယ်ဘုန်းတော်ကြီး မာ့စ် အိုးလတ် (Marc Ouellet)၊ နိုင်ဂျီးရီးယားနိုင်ငံက ဘုန်းတော်ကြီး ဖရန်းစစ် အာရင်ဇီ (Francis Arinze) နဲ့ ဂါနာနိုင်ငံက ဘုန်းတော်ကြီး ပီတာ တာစန် (Peter Turson) တို့ဟာ ထင်ကြေးပေး အခံရဆုံးဖြစ်နေပါတယ်။ ဒါပေမဲ့လည်း ဖိလစ်ပိုင်၊ အာဂျင်တီးနား၊ ဘရာဇီးနဲ့ ဥရောပနိုင်ငံတွေက ကာဒီနယ် ဘုန်းတော်ကြီးတွေဟာလည်း ဖြစ်နိုင်ချေ ရှိတယ်ဆိုပြီး သတင်းမီဒီယာတွေမှာ တွက်ဆ ဖော်ပြနေပါတယ်။ အမေရိကန်ပြည်ထောင်စု နယူးယောက်မြို့ ကာဒီနယ်ဘုန်းတော်ကြီး တီမသီ ဒိုးလန် (Timothy Dolan) ဟာလည်း ပုပ်ရဟန်းမင်းအဖြစ် အလားအလာရှိတဲ့ ပုဂ္ဂိုလ်အဖြစ် တွက်ဆ ဖော်ပြခံရပါတယ်။

ပုပ်ရဟန်းမင်းကြီး Benedict ဟာ ဂျာမန်လူမျိုးဖြစ်ပြီး၊ နှစ်ပေါင်း ၅၀၀ ကျော်အတွင်း အီတလီလူမျိုးမဟုတ်တဲ့ ဒုတိယမြောက် ပုပ်ရဟန်းမင်း ဖြစ်ပါတယ်။ ဒီ့မတိုင်ခင် ပုပ်ရဟန်းမင်းကြီး ဂျွန်ပေါလ် (John Paul) ဟာ အီတလီလူမျိုး မဟုတ်တဲ့ ပထမဆုံး ပုပ်ရဟန်းမင်း ဖြစ်ပြီး၊ သူဟာ ပိုလန်ဖွား ဖြစ်ပါတယ်။ ပုပ်ရဟန်းမင်းနေရာကိုတော့ အစဉ်အလာအားဖြင့် ကတ်သလစ်ဘုရားကျောင်းတွေက အကြီးတန်း ဘာသာရေး ခေါင်းဆောင်တွေဖြစ်တဲ့ ကာဒီနယ်ဘုန်းတော်ကြီးတွေက ရွေးချယ်ရတာဖြစ်ပါတယ်။

ပုပ်ရဟန်းမင်းသစ် ဘယ်သူဖြစ်မလဲ
တစ်ပေးခံနေရတဲ့ ဆေပေါ်လို ဂိုဏ်းချုပ်
နောက်ဆက်ခံမယ့် ပုပ်ရဟန်းမင်းသစ် ဟာ ကက်သလစ် ဘာသာဝင် ၄ဝ ရာခိုင်နှုန်း ကျော်ရှိတဲ့ လက်တင် အမေရိက,က ဖြစ်ဖို့ များတယ်လို့ ခန့်မှန်း ပြောဆို နေကြပါတယ်။
တစ်ပေးခံနေရတဲ့ ရဟန်းမင်းလောင်း တွေထဲမှာ ဆေပေါ်လိုမြို့ ဂိုဏ်းချုပ် Odilo Scherer နဲ့ အာဂျင်တီးနား နိုင်ငံသား Leonardo Sandri လဲ ပါပါတယ်။
ရဟန်းမင်းကို အာဖရိက တိုက်သားထဲက ရွေးမယ်ဆိုရင်တော့ ဂါနာက ကာဒီနယ် Peter Turkson နဲ့ နိုင်ဂျီးရီးယား ကာဒီနယ် Francis Arinze တို့ ရှေ့က ရောက်နေကြ ပါတယ်။
ဥရောပ တိုက်က အလားအလာရှိတဲ့ ဆရာတော်တွေထဲမှာ မီလန်မြို့ ဂိုဏ်းချုပ်ကြီး Angelo Scola ၊ ဘင်နီဒစ် ရဟန်းမင်းကြီးရဲ့ တပည့် ကျောင်းသားဟောင်း သြစတြီးယား နိုင်ငံက Christoph Schoenborn တို့ ရှိနေပါတယ်။
ကနေဒါက ကာဒီနယ် Marc Ouellet လဲရှိပေမယ့် အလားအလာ နည်းတယ်လို့ ဘီဘီစီ သတင်းထောက်တွေက ခန့်မှန်း နေပါတယ်။

ရဟန်းမင်းကြီးကို ချီးမွမ်းပူဇော်
လူသန်းတထောင်ကို ပဲ့ပြင် ထိန်းကျောင်း လာသူ
အမေရိကန် သမ္မတ အိုဘားမားက ဝတ်ပြု ဆုတောင်းရင်း ပုပ်ရဟန်းမင်းကြီး ဘင်နီဒစ် အမေရိကန် ပြည်သူတွေ အပေါ် ဆောင်ရွက် ပေးခဲ့သမျှ အတွက် ချီးမွမ်း ပြောဆိုခဲ့ပါတယ်။
ဂျာမနီ ဝန်ကြီးချုပ် အန်ဂလာ မာကဲလ် အပါအဝင် ဥရောပ ခေါင်းဆောင် အများအပြား ကလဲ ပုပ်ရဟန်း မင်းကြီး အတွက် အမှတ်တရ ဂုဏ်ပြု စကား ပြောကြားကြပါတယ်။
အန်ဂလာ မာကဲလ်က လူသန်းတထောင်ကျော်ကို ပဲ့ပြင် ထိန်းကျောင်း လာခဲ့တဲ့ ရဟန်းမင်းကြီးဟာ ခရစ်ယာန် မွတ်ဆလင်နဲ့ ဂျူးဘာသာဝင် တွေအကြား ညှိနှိုင်း ဆက်ဆံရေး အတွက် များစွာ ဆောင်ကြဉ်း ပေးခဲ့သူ ဖြစ်ကြောင်း ပြောဆိုပါတယ်။
အင်္ဂလီကန် အသင်းတော် ဂိုဏ်းချုပ်၊ အစ္စရေး နိုင်ငံက ဂျူး ဘာသာရေး ဂိုဏ်းချုပ်နဲ့ အီဂျစ်က မွတ်ဆလင် ဘာသာရေး ဆရာကြီးများ ကလဲ ပုပ်ရဟန်း မင်းကြီးကို လေးစားကြောင်း ထုတ်ဖော် မိန့်ဆိုကြပါတယ်။
ဒါပေမဲ့ အိုင်ယာလန် နိုင်ငံက ကက်သလစ် သာသနာပြု ကျောင်းတွေမှာ ထိပါးနှောင့်ယှက် ခံရတဲ့ ကလေးသူငယ်တွေ အတွက် တည်ထောင် ထားတဲ့ အဖွဲ့ကတော့ ပုပ်ရဟန်းမင်းကြီးဟာ ဒီကိစ္စတွေမှာ တာဝန်ရှိသူတွေကို အပြစ်ဒဏ်ခတ်ဖို့ ထိထိရောက်ရောက် မဆောင်ရွက်ခဲ့ဘူးလို့ ပြောဆို ခဲ့ပါတယ်။

ပုပ်ရဟန်းမင်းကြီး ရာထူးကထွက်မယ်
အခုလို ဆုံးဖြတ်ချက်ကို သူ့ ဘာသာ လွတ်လွတ် လပ်လပ် ချခဲ့တာလို့ ပုပ်ရဟန်းမင်းကြီး ပြော
ပုပ်ရဟန်းမင်းကြီး ဘင်နီဒစ် ရောမ ကက်သလစ် ကျောင်းတော်ရဲ့ အကြီး အကဲ အဖြစ်ကနေ ဒီလကုန် နုတ်ထွက်တော့မှာ ဖြစ်ကြောင်း ကြေညာသွား ပါတယ်။
အသက် အရွယ် ရလာပြီ ဖြစ်တဲ့ အလျောက် ပုပ်ရဟန်းမင်း တာဝန်ကို အပြည့် အဝ ထမ်းဆောင်ဖို့ စိတ်ဓာတ် ခွန်အားတွေ မရှိတော့ တဲ့အတွက် အခုလို ဆုံးဖြတ် ခဲ့တာ လို့ သက်တော် ၈၅ နှစ် ရှိနေပြီ ဖြစ်တဲ့ ပုပ်ရဟန်းမင်းကြီးက ပြောပါတယ်။
ပုပ်ရဟန်း မင်းကြီးရဲ့ ကျန်းမာရေး ဆုတ်ယုတ် လာတာကို အနီးနေ သာဝကတွေက သိကြပေမယ့်လဲ အခုလို ကြေညာ ချက်ကြောင့် သူ့ရဲ့ အနီးကပ် အကြံပေး ဘုန်းတော်ကြီးတွေပါ မယုံကြည် လောက်အောင် အံ့သြ သွားခဲ့ ရတယ်လို့ ဗာတီကန် က ပြောပါတယ်။
ဖေဖော်ဝါရီလ ၂၈ ရက်နေ့မှာ ကက်သလစ် ဂိုဏ်းချုပ်များ ကောင်စီက ရဟန်းမင်းကြီး အသစ် မရွေးချယ်ခင် အချိန် အထိ ပုပ်ရဟန်းမင်း ရာထူး နေရာ လစ်လပ် နေမှာ ဖြစ်ပါတယ်။
မတ်လ ကုန်မှာ ကျင်းပမယ့် အီစတာ ပွဲတော် မတိုင်ခင် ပုပ်ရဟန်းမင်းသစ် တင်မြှောက်နိုင်မယ်လို့ မျှော်လင့်ကြောင်း ဗာတီကန် ကျောင်းတော်က ပြောကြား ပါတယ်။