တရားသူကြီးများ ငြိမ်းချမ်းစွာဆန္ဒထုတ်ဖေါ်မည်

New MyanmarFoundation and 5 other friends shared နတ် ဆရာကြီး'sphoto.

ပြောင်းလဲနေသောခေတ်အခြေအနေများနှင့် အညီ တရားသူကြီးများအနေဖြင့် မိမိတို့တာဝန်ပြင်ပအချိန်များတွင် ရှေ့နေလိုက်ခြင်းကို ခွင့်ပြုပေးရန်အတွက် ငြိမ်းချမ်းစွာဆန္ဒဖေါ်ထုတ်မည်ဖြစ်ကြောင်း သတင်းရရှိသည်။ ....

ငြိမ်းချမ်းစွာဆန္ဒထုတ်ဖေါ်ပွဲကိုဦးဆောင်မည့် ဒုတိယမြို့နယ်တရားသူကြီးတစ်ဦးက ....
" ကျွန်တော်တို့ တရားသူကြီးတွေအနေနဲ့ ရှေ့နေလိုက်ခွင့်မရှိဘူးဖြစ်နေတယ်။ ဒီအတွက်အဓီက ဆန္ဒဖေါ်ထုတ်တောင်းဆိုမှာပါ။ ဒီလိုမျိုးတရားသူကြီးတွေကို ရှေ့နေလိုက်ခွင့်မရှိဘူးဆိုတဲ့ ကန့်သတ်ချက်ဟာ ပြောင်းလဲနေတဲ့ ခေတ်အခြေအနေတွေနဲ့ မကိုက်ညီတော့ပါဘူး။ " ဟုပြောသည်။

အခြားတရားသူကြီးတစ်ဦးမှလည်း " ဆရာဝန်တွေဆိုရင် အလုပ်စဝင်ဝင်ချင်းလစာသိန်းကျော်ရတယ်။ ပြီးတော့တာဝန်ချိန်မဟုတ်တဲ့အချိန်တွေမှာ ဆေးခန်းထိုင်ခွင့်လည်းရှိတယ်။ ကျွန်တော်တို့ ဒုတိယမြို့နယ်တရားသူကြီးရဲ့လစာက ကိုးသောင်းပဲရှိတယ်။ တရားသူကြီးအလုပ်ကလွဲလို့ တခြားဘာအလုပ်မှလုပ်ခွင့်မရှိဘူး။ ကိုယ့်ရုံးချိန်မဟုတ်တဲ့အချိန်တွေမှာ ကိုယ်တတ်ထားတဲ့ ဥပဒေပညာနဲ့ တိုင်းပြည်လည်းအကျိုးပြု၊ အပိုဝင်ငွေလည်း တိုးစေတဲ့ ရှေ့နေအလုပ်လိုမျိုး၊ ဥပဒေအကြံပေးအလုပ်လိုမျိုး လုပ်ချင်တယ်။ ဒါပေမဲ့ တရားသူကြီးလုပ်တဲ့လူက ရှေ့နေမလုပ်ရဆိုတဲ့ ကန့်သတ်ချက်မျိုးရှိနေတယ်။" ဟုပြောသည်။

မြန်မာနိုင်ငံတရားသူကြီးများမှာ လစာကိုးသောင်းကျပ်သာရကြောင်း။
ကိုးသောင်းဆိုသော လစာဖြင့် မည်သို့မျှ လူတန်းစေ့အောင်မနေနိုင်ကြောင်း။
မိမိတို့အနေဖြင့် ဒီမိုကရေစီပြုပြင်ပြောင်းလဲရေးလုပ်ငန်းစဉ်တွင် တစ်တပ်တစ်အားပါဝင်လိုသည်ဖြစ်ရာ လာဘ်ပေးလာဘ်ယူများကိုလည်း မလုပ်လိုကြကြောင်း။
နိုင်ငံတော်မှာလည်း ကြွေးမီအလွန်ထူပြောသဖြင့် လစာတိုးမြှင့်ပေးရန်လည်းမတောင်းဆိုရက်ကြောင်း။

ထို့ကြောင့် ဆေးပညာဖြင့် အသက်မွေးသောဆရာဝန်များနည်းတူ၊ ဥပဒေပြညာဖြင့် အသက်မွေးသော တရားသူကြီးများအနေဖြင့်လည်း မိမိတို့ တာဝန်ချိန်ပြင်ပတွင် မိမိတို့ဝမ်းရေးအတွက် ရှေ့နေလိုက်ခွင့်ပြုပါရန်တောင်းဆိုရခြင်းဖြစ်ကြောင်း။

မိမိတို့သိသရွေ့ပြောရလျှင် မြန်မာ့စီးပွားရေးဦးပိုင်လီမိတက်မှာလည်း တပ်မတော်သားများ၏ စားဝတ်နေရေးအတွက်နိုင်ငံတော်အပေါ်တာဝန်မပိစေရန်တည်ထောင်ထားသည်ဖြစ်ရာ။ တရားသူကြီးများ၏စားဝတ်နေရေး အတွက်နိုင်ငံတော်အပေါ်တာဝန်မပိစေရန် လစာတိုးမတောင်းပဲ မိမိတို့အားရှေ့နေလိုက်ခွင့်ပြုရန်သာတောင်းဆိုခြင်းဖြစ်ကြောင်း ....... ဆန္ဒပြပွဲကိုဦးဆောင်မည့် ခရိုင်တရားသူကြီးက ရှင်းပြသည်။

၎င်းကပင်ဆက်လက်၍ ....
တရားသူကြီးများ၏သဘောရိုးဖြင့် ဆောင်ရွက်ခဲ့သော ဆောင်ရွက်မှုများကို တန်ပြန်တရားစွဲခြင်းမှ ကာကွယ်ပေးသည်။ Judicial Officer Protection Act ကို ဖျက်သိမ်းမည်ဟု ဆောင်ရွက်နေကြကြောင်း ။ ထိုဥပဒေကို ဖျက်သိမ်းပြီးပါက တရားသူကြီးများအနေနှင့် အဂတိတရားကင်းစွာနှင့်ပင်ဆောင်ရွက်သော်လည်း တရားပြန်စွဲခံရနိုင်ပြီး လျှော်ကြေးငွေများလည်းပေးရနိုင်ကြောင်း လက်ရှိလစာဖြင့် လျှောက်ကြေးပေးရန် မဖြစ်နိုင်ကြောင်း။ ထို့ကြောင့် တခြားသောဝင်ငွေရနိုင်သည့် အသက်မွေးဝမ်းကြောင်းအလုပ်တစ်ခုခုရှိရမည်ဖြစ်ကြောင်း ပြောပါသည်။


မြန်မာနိုင်ငံရှိတရားသူကြီးများ၏လစာမှာ လက်ရှိကုန်ဈေးနှုံး၊ အိမ်ငှားခများနှင့် နှိုင်းယှဉ်လျှင် အလွန်နည်းပါးလျှက်ရှိပြီး။ တရားရုံးများတွင်လည်း လာဘ်ပေး၊ လာဘ်ယူမှုများဖြစ်လျှက်ရှိကြောင်း မြေပြင်သတင်းများအရသိရသည်။ တရားသူကြီးများသဘောရိုးဖြင့် ဆောင်ရွက်ချက်များအပေါ်အရေးယူခြင်းမှ ကာကွယ်ပေးသည့်ဥပဒေကို ဖျက်သိမ်းရေးအတွက်လည်း လွှတ်တော်မှလုပ်ဆောင်နေကြောင်းသိရသည်။

မြန်မာနိုင်ငံမှတရားသူကြီးများအနေဖြင့် လူနေမှုစိတ်ကြီးမြင့်မှုအား မိမိတို့လစာဖြင့် မလုံလောက်မှုအပေါ် လာဘ်ပေးလာဘ်ယူပြုခြင်း၊ လစာထိုးတောင်းခြင်းစသည့် ဖြေရှင်းနည်းများဖြင့် မဖြေရှင်းပဲ ယခုကဲ့သို့ မိမိတတ်သည့် ပညာဖြင့် အလုပ်ချိန်ပြင်ပတွင် အသက်မွေးဝမ်းကြောင်းခွင့် တောင်းခြင်းအပေါ်ကြိုဆိုကြောင်း ဖဘ သတင်းရပ်ဝန်းမှ နတ်ဆရာကြီးက ပြောကြားခဲ့သည်။ ........

• Share