24.12.2012 နေ့ဖတ်ရန်သတင်းများ

by Myanmar Journal on Sunday, December 23, 2012 at 5:20pm ·

မြောက်ကိုးရီးယားဒုံးကျည် ဘယ်ထိရောက်မလဲ

မြောက်ကိုရီးယား လက်နက် ပိုင်ဆိုင်မှု စိုးရွံ့နေ

မြောက်ကိုရီးယားက မိုင် ၆ဝဝဝ ကျော် အထိ ရောက်နိုင်တဲ့ မစ်ဆိုင်း ဒုံးလက်နက် နည်းပညာ လုပ်နိုင်ပြီလို့ တောင်ကိုရီးယား ဘက်က ပြောပါတယ်။

ဒီဒုံးပျံက တာဝေးပစ်ဒုံးကျည် ကို တန်ဝက်လောက် လက်နက်နဲ့တပ်ပြီး မိုင် ၆ဝဝဝ ကျော်ပစ်နိုင်မယ့် အင်အားရှိမယ်လို့ ဆိုပါတယ်။ ဒါဟာ အမေရိကန်ပြည် အနောက်ဘက်ဒေသ မြို့ကြီးတွေအထိ ရောက်နိုင်ပါတယ်။

ဒါပေမဲ့ မြောက်ကိုရီးယားမှာ ဒီလိုတိုက်ခိုက်နိုင်လောက်အောင် ထိန်းချုပ်တဲ့စနစ် ဒါမှမဟုတ် နေရပ် ပြန်ပြီး ရောက်အောင် လုပ်နိုင်တာ မရှိဘူးလို့ တောင်ကိုရီးယားက အခိုင်အမာ ပြောပါတယ်။

ဒီဇင်ဘာ ၁၂ရက်နေ့တုန်းက မြောက်ကိုရီးယား ဂြိုဟ်တုတလုံး အောင်မြင်စွာ လွှတ်တင်ပြီးနောက် သူတို့ရဲ့ ရည်ရွယ်ချက်တွေ စွမ်းရည်တွေကို အမျိုးမျိုး ဝါဒဖြန့်စရာ ဖြစ်လာပါတယ်။

ပင်လယ်ပြင်ကနေ ဒုံးပျံအစိတ်အပိုင်းကို ပြန်ဆယ်ပြီး တွေ့ရှိချက်တွေကို တောင်ကိုရီးယား စစ်ရေးကျွမ်းကျင်သူ တွေက အခု အကဲခတ် နေပါပြီ။

မြောက်ကိုရီးယား ဘက်ကတော့ ဒုံးပျံလွှတ်တာ အရပ်ဘက် အာကာသအစီအစဉ်ရဲ့ အစိတ်အပိုင်းလို့ ပြောပါတယ်။

တဘက်ကလည်း အဏုမြူ လက်နက် နှစ်ခု စမ်းသပ်ပြီး သူဟာ အဏုမြူပိုင်ရှင်အဖြစ် ကျေညာထား ပါတယ်။

ဒါကိုအကြောင်းပြပြီး အမေရိကန်ကိုရော ဒေသတွင်းမှာပါ ခြိမ်းခြောက်နေပြီး သူတို့ကို ထိခိုက်လာရင် အပြင်းအထန်တုံ့ပြန်မယ် လို့ဆိုပါတယ်။

မြောက်ကိုရီးယားအနေနဲ့ တာဝေးပစ်ဒုံးကျည်မှာ တပ်ရလောက်အောင် အဏုမြူ ထိပ်ဖူးတွေ မလုပ်တတ်သေးဘူးလို့ ကျွမ်းကျင်သူတွေက ယူဆပါတယ်။

မြောက်ကိုရီးယားအနေနဲ့ သူတို့ ထိန်းချုပ်ပစ်လွှတ်နိုင်ပြီလို့ ပြောလောက်တဲ့အဆင့် ရောက်အောင် ဒုံးပျံရော အဏုမြူ စမ်းသပ်မှုတွေပါ ဆက်လုပ်ရဦးမယ်လို့ ယုံကြည်ပါတယ်။

အဓိကလိုချင်နေတာကတော့ ကျူးကျော်မှုတွေဖယ်ရှားဖို့၊ သူ့ခေါင်းဆောင် ဂုဏ်တက်ဖို့နဲ့ မိတ်ဆွေရန်သူတွေကြား သံတမန်ရေး တန်းတူ အခွင့်အရေးရဖို့ ရည်ရွယ်တာလို့ သုံးသပ်ပါတယ်။

မှော်ဘီ ရပ်ကျေးရွေးပွဲ ထိုးကြိတ်မှုဖြစ်

ရပ်ကွက် လူကြီး ရွေးပွဲတွေ ကျင်းပနေ

မှော်ဘီမှာ ရပ်ကွက် လူကြီး ရွေးပွဲကို မသမာဘူး ဆိုပြီး ပြန်ရွေးတဲ့ ပွဲမှာ ရပ်ကွက်လူကြီး လုပ်သူက မဲရုံ ကြီးကြပ်ရေးမှူးကို ကိုယ်ထိလက်ရောက် စော်ကားတဲ့ အမှု ဖြစ်ခဲ့တယ်လို့ သိရပါတယ်။

ကြံ့ခိုင်ရေးက ပြောင်းလာတဲ့ ရပ်ကွက် လူကြီး ဦးသိန်းဝင်းက မဲရုံထဲ ဝင်ထိုင်နေလို့ ထွက်ပေးဖို့ မဲရုံ ကြီးကြပ်ရေးမှူး ဦးမြင့်သန်းက ပြောတာကို ရပ်ကွက်လူကြီးရဲ့ လူက ဝင်ပြီး ထိုးကြိတ်တယ်လို့ ပွင့်လင်း လူ့အဖွဲ့အစည်းက ကိုအေးလွင်က ဘီဘီစီ ကို ပြောကြား ပါတယ်။

မှော်ဘီ လွှတ်တော် ကိုယ်စားလှယ် ဦးလှဦး အိမ်ထဲက တုတ်တွေ ကိုင်ပြီး ထွက်လာတယ်လို့လဲ ကိုအေးလွင်က ဆိုပါတယ် ။

ကြီးကြပ်ရေးမှူးက ရဲစခန်းမှာ အမှုဖွင့်ထား ပေမယ့် အရေးမယူသေးဘူးလို့လဲ ပြောပါတယ်။ 

သမ္မတဦးသိန်းစိန် သီပေါမင်းနန်းတော်နဲ့ အုတ်ဂူဆီသွားရောက်

ရတနာဂီရိကို သွားခဲ့တဲ့ သမ္မတ ဦးသိန်းစိန်

အိန္ဒိယ နိုင်ငံမှာ ကျင်းပခဲ့တဲ့ အာဆီယံ - အိန္ဒိယ ဆွေးနွေး ဖော်ဆောင်မှု ၁၀ နှစ်ပြည့် အခမ်း အနားကိုတက်ရောက်ရင်း သမ္မတဦးသိန်းစိန် ဟာ ရတနာဂီရိ အရပ်က ကုန်းဘောင်မင်းဆက် ရဲ့နောက်ဆုံး ဘုရင် သီပေါမင်းရဲ့ နန်းတော်နဲ့ အုတ်ဂူကိုလည်း သွားရောက်ခဲ့ပါတယ်။

အရင်တုန်းက မြန်မာ ခေါင်းဆောင်တွေ မသွားရောက် ခဲ့တဲ့ ရတနာ ဂီရိ အရပ်ကို မြန်မာ ခေါင်းဆောင် တဦးအဖြစ် ပထမဆုံး သွားရောက် ခဲ့တာ ဖြစ်ပါတယ်။

ဒီခရီးစဉ် မှာ လိုက်ပါခဲ့တဲ့ ယဉ်ကျေးမှု ဝန်ကြီး ဌာန ဒုတိယ ဝန်ကြီး ဦးသန်းဆွေကို ဘီဘီစီ က ဆက်သွယ်မေးကြည့်တော့ သမ္မတ ဦးသိန်းစိန် လာမယ် ဆိုလို့ ၂ လလောက် ကြိုတင်ပြီး နိုင်ငံခြားရေး ဒုတိယ ဝန်ကြီးက အဲဒီကို သွားလို့ ပြင်ဆင် ထားခဲ့တဲ့ အတွက် အားလုံး သပ်သပ်ရပ်ရပ် ဖြစ်နေတဲ့ အကြောင်း ပြောပါတယ်။

သမ္မတ ဦးသိန်းစိန်က အုတ်ဂူမှာ လွမ်းသူ့ ပန်းခွေ တွေလည်း ချခဲ့ပြီး နန်းတော်ကိုလည်း သွားရောက် ကြည့်ရှုခဲ့ သလို ဧည့်သည်တော် မှတ်တမ်း စာအုပ် မှာလည်း လက်မှတ် ရေးထိုး ခဲ့တဲ့ အကြောင်းပြောပါတယ်။

နောက်ပိုင်းမှာ သမ္မတ ဦးသိန်းစိန်က သီပေါမင်းရဲ့ မြစ် ၅ ယောက်ကိုလည်း အစိုးရ ဧည့်ဂေဟာမှာ တွေ့ဆုံ ခဲ့ပြီး ဒေါ်လာ ၁၀၀ စီ ပေးခဲ့တယ်လို့ ဆိုပါတယ်။

ဒါပေမယ့် သီပေါမင်းရဲ့ အရိုးအိုးကို ပြန်သယ်ယူမဲ့ ကိစ္စကိုတော့ မဆွေးနွေး ဖြစ်ခဲ့ဘူးလို့ ပြောပါတယ်။

အခုလို သွားရောက် နိုင်ခဲ့တာကလည်း မျိုးချစ်စိတ်နဲ့ တကူးတက သွားခဲ့တာ ဖြစ်တယ်လို့ ပြောပြ သွားခဲ့ပါတယ်။ 

မြန်မာ့ နျူကလီးယား ငြိမ်းချမ်းတဲ့ နေရာမှာပဲ သုံးမယ်လို့ဆို

မြန်မာ က နျူကလီးယား လက်နက် ထုတ်မှာ ကို နိုင်ငံတကာ က မလိုလား

မြန်မာ ကာကွယ်ရေးဦးစီးချုပ် က နိုင်ငံ ရဲ့ နျူကလီးယား စီမံကိန်းဟာ လက်နက်အတွက် မဟုတ်ပဲ ငြိမ်းချမ်းတဲ့ နေရာမှာသာ သုံးမယ် လို့ ပြောပါတယ်။

ဒုတိယ ဗိုလ်ချုပ်ကြီး မင်းအောင်လှိုင် က တပ်မတော် ဆေးတက္ကသိုလ် ဗိုလ်လောင်းသင်တန်း ဆင်းပွဲမှာ နျူကလီးယား စီမံကိန်း ဟာ စွမ်းအင်ပိုင်း နဲ့ ကျန်းမာရေး စောင့်ရှောက်မှု အတွက် နည်းပညာ ပိုင်းတွေ မှာ သာ အသုံးချ မှာ ဖြစ်တယ်လို့ ပြောသွားတဲ့ အကြောင်း မြန်မာအစိုးရထုတ် သတင်းစာတွေ ထဲမှာ စနေနေ့ က ဖော်ပြ ထားပါတယ်။

မြန်မာ့ နျူကလီးယား ထုတ်လုပ်ရေး က လက်နက်ထုတ်လုပ်ရေး အထိ ဖြစ်နိုင်တယ် လို့ ပြောကြားခဲ့တဲ့ ဗိုလ်မှူး စိုင်းသိန်းဝင်း က အရပ်ဘက်သုံး အတွက် နျူကလီးယား ထုတ်မယ် ဆိုရင်တောင် မြန်မာနိုင်ငံ မှာ အခုလက်ရှိ နည်းပညာ နဲ့ မလုံလောက်နိုင်ဘူး လို့ ဆိုပါတယ်။

လုံခြုံစိတ်ချစွာ ထုတ်လုပ်နိုင်ဖို့နိုင်ငံတကာ အကူအညီ နဲ့မှ ရနိုင်မယ် လို့ လည်း သူ က ဆိုပါတယ်။

အမေရိကန် သမ္မတရဲ့ ပြီးခဲ့တဲ့ လ က မြန်မာနိုင်ငံ ခရီးစဉ် အပြီးနောက်မှာ မြန်မာ အစိုးရ က နျူကလီးယား နဲ့ ပတ်သက်တဲ့ စက်ရုံတွေ ကို နိုင်ငံတကာ အသိုင်းအဝိုင်း ကို လာရောက် လေ့လာခွင့်ပြုမယ် လို့ ကြေညာ ခဲ့ပါတယ်။ 

အီဂျစ်ဖွဲ့စည်းပုံ ဆန္ဒခံယူပွဲ ဒုတိယအဆင့် ကျင်းပ

ဖွဲ့စည်းပုံ ဆန္ဒခံယူပွဲမှာ မဲလာပေးကြသူများ

အီဂျစ် နိုင်ငံမှာတော့ ဖွဲ့စည်းပုံ မူကြမ်းနဲ့ ပတ်သက်လို့ သတင်းပတ်နဲ့ ချီပြီး ကြာတဲ့ ဆန္ဒပြပွဲတွေ ဖြစ်ခဲ့တဲ့ကြားက အခုတော့ ဒုတိယနဲ့ နောက်ဆုံး အဆင့် ဆန္ဒခံယူ ပွဲကို ကျင်းပပြီးစီး ခဲ့ပြီ ဖြစ်ပြီး မဲတွေကို ရေတွက် နေကြပြီ ဖြစ်ပါတယ်။

ပဏာမ ရလဒ်တွေကို မကြာခင် နာရီ ပိုင်း အတွင်းမှာ သိရမှာ ဖြစ်ပေမယ့် တကယ့် တရားဝင် ရလဒ် တွေကိုတော့ တနင်္လာနေ့မှာ ထုတ်ပြန်ပေးသွား မှာဖြစ်ပါတယ်။

ပြီးခဲ့တဲ့ သတင်းပတ်က ပြုလုပ်ခဲ့တဲ့ ပထမအဆင့် ဆန္ဒခံယူ ပွဲမှာတော့ မဲပေးလာသူ နည်းပေမယ့် အဲဒီထဲက အများစုက ဖွဲ့စည်းပုံနဲ့ ပတ်သက်လို့ ထောက်ခံမဲ ပေးခဲ့ကြပါတယ်။

စနေနေ့ အစောပိုင်း တုန်းကတော့ အီဂျစ်ရဲ့ ဒုတိယ သမ္မတ ဖြစ်တဲ့ မာမုဒ် မက်ခီက တာဝန်ကနေ နုတ်ထွက် သွားခဲ့ပါတယ်။

သူ့ရဲ့ နုတ်ထွက်စာကို အီဂျစ် ရုပ်မြင်မှာ ဖတ်ကြား ပြရာမှာတော့ သူဟာ တရားသူကြီး ဘဝ ကနေ လာတာ ဖြစ်လို့ နိုင်ငံရေးအလုပ် တွေနဲ့ သူနဲ့ မအပ်စပ်ဘူး ဆိုတာကို သိလာ ခဲ့တာ ကြာပြီ ဖြစ်ကြောင်းနဲ့ အဲဒါကြောင့် နိုဝင်ဘာလ ၇ ရက် ၂၀၁၂ ခုနှစ်မှာ နုတ်ထွက်စာကို သမ္မတ ဆီကို တင်သွင်းခဲ့ကြောင်း တွေကို ဖော်ပြ ထားပါတယ်။

အဲဒီလို ပြီးခဲ့တဲ့ လထဲက နုတ်ထွက်စာ တင်ခဲ့ပေမယ့်လည်း အီဂျစ်ပြည်တွင်း နိုင်ငံရေး မတည်ငြိမ်မှု တွေကြောင့် အခုမှသာ နုတ်ထွက်စာကို လက်ခံပြီး နုတ်ထွက်ခွင့် ပေးနိုင်ခဲ့တာ ဖြစ်ပါတယ်။

အခု ဆန္ဒခံယူ ခဲ့ကြတဲ့ ဖွဲ့စည်း အုပ်ချုပ်ပုံ အသစ် ထဲမှာတော့ ဒုတိယ သမ္မတ ရာထူးကို ပယ်ဖျက်မှာ ဖြစ်ပါတယ်။

တကယ်လို့သာ ဒီဖွဲ့စည်းပုံ မူကြမ်းကို အတည်ပြု နိုင်ခဲ့ကြရင် လာမယ့်နှစ် အစောပိုင်း လောက်မှာ ပါလီမန် ရွေးကောက်ပွဲတွေ ကျင်းပသွား ကြမှာ ဖြစ်ပါတယ်။

အီဂျစ် ဆန္ဒ ခံယူပွဲ မသမာလို့ စွပ်စွဲ

မဲပေး ထောက်ခံရုံနဲ့ ပွဲက မပြီး

အီဂျစ် အခြေခံ ဥပဒေ မူကြမ်း ဆန္ဒ ခံယူပွဲ မသမာမှုတွေ စုံစမ်း ဖော်ထုတ် ပေးဖို့ ကို အီဂျစ် အဓိက အတိုက်အခံ အုပ်စုက တောင်းဆို လိုက်ပါတယ်။

အခြေခံ ဥပဒေ ကို ၆ဝ ရာခိုင်နှုန်းကျော်နဲ့ ထောက်ခံ အတည်ပြု ဖွယ် ရှိပြီး အစ္စလာမ် ဝါဒီများ ကြီးမှူး ရေးဆွဲတဲ့ ဒီ အခြေခံ ဥပဒေ ဆန္ဒ ခံယူပွဲမှာ မဲ မသမာမှု တွေ ရှိတယ်လို့ အတိုက်အခံ အမျိုးသား ကယ်တင်ရေး တပ်ဦး ပြောကြား လိုက်ပါတယ်။

အတိုက်အခံ အမျိုးသား ကယ်တင်ရေး တပ်ဦးက ပြောခွင့်ရ ခါလစ် ဒေါက်ကတော့ ဒီ အခြေခံ ဥပဒေ ဟာ နှစ်ပေါင်းများစွာ အုပ်စိုးမယ့် ဥပဒေ ဖြစ်ပါတယ်။ ပြဿနာက ၆ဝ-၄ဝ ရာခိုင်နှုန်း အချိုးနဲ့ အတည်ပြု ခဲ့တဲ့ ကိစ္စပါ။ ကော့ပတစ် ခရစ်ယာန်တွေနဲ့ လစ်ဘရယ် အုပ်စုတွေ ပါဝင်တဲ့ အီဂျစ် ပြည်သူ အတော်များများက ဒီအခြေခံ ဥပဒေကို မကြိုက်ကြပါဘူး၊ ဒါဟာ လွန်ခဲ့တဲ့ ၂ နှစ်က သူတို့ ကြုံတွေ့ ခဲ့တဲ့ တော်လှန်ရေး စံနှုန်း နဲ့လဲ မကိုက်ညီပါဘူး။ လွတ်လပ်မှု၊ လူမှုရေး နဲ့ စီးပွားရေး အခွင့်အရေး တွေ ပိုအာမခံ နိုင်မယ့် အခြေခံ ဥပဒေ မျိုးပဲ လိုလားတယ်၊ အစ္စလာမ် ဝါဒီ တွေက ချုပ်ချယ် ကန့်သတ်မှု တွေနဲ့ အစ္စလာမ် နိုင်ငံ တည်ဆောက်ဖို့ ကြံနေတယ်လို့ ပြောကြား သွားပါတယ်။

ဒီမဲရလဒ် ကို တော့ ကန့်ကွက် သွားမှာ မဟုတ်ဘူးလို့ ခါလစ် ဒေါက်က ဆိုပါတယ်။

မဲပေး ထောက်ခံရုံနဲ့ ပွဲက ပြီးမသွားဘဲ တိုက်ပွဲ ဆက်ရအုံးမယ်လို့ အတိုက်အခံ အုပ်စုက ပြောပါတယ်။

ဒီ အခြေခံ ဥပဒေ ဆန္ဒ ခံယူပွဲ ကြောင့် သမ္မတ မော်စီ နဲ့ မွတ်ဆလင် ညီနောင်များ အဖွဲ့ ထောက်ခံသူ တွေနဲ့ လစ်ဘရယ် ဝါဒီ အတိုက်အခံ တွေကြား နိုင်ငံရေး ကွဲပြားပြီး ဂယက် ရိုက်ခတ်မှု ကြီးခဲ့ပါတယ်။

အစိုးရတပ်က ကချင်တပ်ကို ဝေဟင်က တိုက်

အခုလို မြေပြင်တိုက်ခိုက်မှုတွေ သာမက တော့ဘဲ ဝေဟင်ကနေ တိုက်ခိုက်မှုတွေပါ ပါဝင်လာခဲ့ပြီလို့ ဆိုကြပါတယ်။

မြန်မာအစိုးရတပ်တွေနဲ့ ကချင်လွတ်မြောက်ရေးတပ် ကေအိုင်အေတို့ကြား တိုက်ခိုက်မှုတွေ ရှိနေတာမှာ အခုတော့ အစိုးရတပ်ဘက်က ဝေဟင်ကနေ တိုက်ခိုက်မှုတွေ ပြုလုပ်လာတယ်လို့ ကချင်လွတ်လပ်ရေးအဖွဲ့ ကေအိုင်အိုက ဘီဘီစီကို ပြောပါတယ်။

တပ်မဟာ ၅ လက်အောက်ခံ ရှေ့တန်းစခန်းကို အစိုးရတပ်က တိုက်တာမှာ ရဟတ်ယာဉ်တွေနဲ့ ပစ်ကူမှုတွေပါ ပြုလုပ်လာတယ်၊ ဒါကြောင့် သူတို့ဘက်ကတော့ လက်နက်ငယ်တွေနဲ့ ပြန်လှန် ပစ်ခတ်ခဲ့တယ်လို့ ကေအိုင်အို ပြောခွင့်ရ ပုဂ္ဂိုလ်နဲ့ တွဲဖက် အထွေထွေ အတွင်းရေးမှူး ဦးလာနန်းက ဘီဘီစီကို ပြောပါတယ်။

တိုက်ခိုက်မှုတွေထဲမှာ မြစ်ကြီးနားနဲ့ ဝိုင်းမော် မြို့တွေကို လျှပ်စစ်ဓာတ်အား ပေးနေတဲ့ မလိရေအားလျှပ်စစ် ထုတ်လုပ်ရေး စက်ရုံနားမှာ လက်နက်ကြီးကျည် ခြောက်ခု ကျရောက် ပေါက်ကွဲခဲ့တယ်လို့ သူက ဆက်လက် ပြောပါတယ်။

တပ်မတော်အရာရှိဟောင်း ဖြစ်ပြီး၊ လက်ရှိမှာတော့ သမ္မတရုံး ညွှန်ကြားရေးမှူးဖြစ်တဲ့ ဦးဇော်ဌေးကတော့ အစိုးရတပ်က ရဟတ်ယာဉ်တွေ သုံးတာဟာ ရိက္ခာထောက်ပံ့ရေးနဲ့ ပို့ဆောင်ရေးအတွက် သုံးတာ ဖြစ်တယ်၊ တိုက်ခိုက်ဖို့အတွက် မဟုတ်ဘူး၊ မိုင်းတွေ ရှိနေလို့ ကုန်းကြောင်းက သွားတာထက် ဝေဟင်က သွားတာက ပိုအန္တရာယ် ကင်းတာမို့ သုံးတာပါလို့ တုန့်ပြန် ရှင်းလင်းပါတယ်။

ဦးလာနန်းကတော့ ဒါကို လက်မခံဘဲ ပြည်တွင်းစစ်မှာ ရဟတ်ယာဉ် သုံးလာတဲ့ သဘောကို အားလုံး အနေနဲ့ သုံးသပ်နိုင်ကြပါတယ်လို့ ပြောပါတယ်။ ရဟတ်ယာဉ်သုံး တိုက်ခိုက်မှုကို ဒီဇင်ဘာလ အတွင်းမှာ အကြိမ်ရေ များများ သုံးလာပြီး စစ်ဆင်ရေး အရှိန် မြှင့်တင်လာတယ်လို့ ဆိုပါတယ်။

တပ်မတော်အရာရှိဟောင်းနဲ့ လက်ရှိ သမ္မတရုံး ညွှန်ကြားရေးမှူး ဦးဇော်ဌေးကတော့ အခုလို ရဟတ်ယာဉ် သုံးတာဟာ တပ်တွေကို တာဝန်ခံကြတဲ့ တပ်ခေါင်းဆောင်တွေကြား မညှိနှိုင်းကြလို့ ဖြစ်ရတာလို့ ရွှေလီ ဆွေးနွေးပွဲ မအောင်မြင်တဲ့ အပေါ်ကို ထောက်ပြ ပြောဆိုပါတယ်။

အစိုးရနဲ့ ကချင်ကြား ပြီးခဲ့တဲ့တခေါက် ရွှေလီ ငြိမ်းချမ်းရေး ဆွေးနွေးပွဲမှာ အစိုးရတပ်ဘက်က ဗိုလ်ချုပ်ကြီးမြင့်စိုးက ဆွေးနွေးဖို့ အသင့်ရှိခဲ့ပေမယ့် ကချင်တပ်ဘက်က ဗိုလ်ချုပ်ဂွမ်မော်က တက်ရောက် ဆွေးနွေးဖို့ ပျက်ကွက်ခဲ့တဲ့ အတွက် အခုလို နောက်ဆက်တွဲ အကျိုးဆက်တွေ ဖြစ်ကုန်တာလို့ သူ့အနေနဲ့ ထင်မြင် ယူဆကြောင်း ဦးဇော်ဌေးက ဘီဘီစီကို ပြောပါတယ်။

တရုတ်ဖြူ ကူမင်တန်တွေကို တိုက်ထုတ်တုန်းက တခါ၊ ကရင်နဲ့ ရှမ်းပြည်မှာ တိုက်စဉ်က တခါ၊ အရေးပေါ် ရွှေ့ပြောင်း ကယ်ထုတ်ရတဲ့ ကိစ္စတွေရှိတဲ့အခါ အစိုးရတပ်ဘက်ကနေ ရဟတ်ယာဉ်တွေ သုံးခဲ့တာ ရှိတယ်လို့ သူက ဆက်ပြောပါတယ်။

ဦးလာနန်းကတော့ အခုလို အစိုးရဘက်က ဝေဟင်ကနေပါ တိုးမြှင့် တိုက်ခိုက်လာတာဟာ ဝန်ကြီး ဦးအောင်မင်းတို့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနဲ့ ကေအိုင်အိုကြား ဆွေးနွေး ပြောဆိုနေတဲ့ ငြိမ်းချမ်းရေး လုပ်ငန်းစဉ်ကို နှောင့်နှေးသွားနိုင်တယ်လို့ ထင်မြင်ချက် ပေးပါတယ်။

မြောက်ကိုရီယား ဒုံးကျည်နည်းပညာ တိုးတက်လာ

မြောက်ကိုရီးယားက ပစ်လွှတ်လိုက်တဲ့ ဒုံးပျံ အစိတ်အပိုင်း တခုကို တောင်ကိုရီးယား ရေတပ်တွင် တွေ့ရပုံ။ (ဒီဇင်ဘာလ ၁၄၊ ၂၀၁၂)။

မြောက်ကိုရီးယားက ပစ်လွှတ်လိုက်တဲ့ ဒုံးပျံ အစိတ်အပိုင်း တခုအရ မြောက်ကိုးရီးယားဟာ ပဲ့ထိန်းဒုံးကျည်နည်းပညာ သိသိသာသာ တိုးတက်လာတာကို တွေ့ရတယ်လို့ တောင်ကိုးရီးယား က ပြောဆိုလိုက်ပါတယ်။

အလေးချိန် ၅၀၀ ကနေ ၆၀၀ ကီလိုဂရမ်ရှိတဲ့ ထိပ်ဖူးသာ သယ်ဆောင်နိုင်တယ်ဆိုရင် အထီးကျန် ဖြစ်နေတဲ့ အိမ်နီးချင်း မြောက်ကိုရီးယား နိုင်ငံဟာ မိုင်ပေါင်း ၆ ထောင်ကျော် ကီလိုမီတာ ၁ သောင်းကျော် ပစ်လွှတ်နိုင်တဲ့ ဒုံးကျည်တခုကို အောင်အောင်မြင်မြင် တည်ဆောက်နိုင်ခဲ့ပြီ ဆိုပြီး တောင်ကိုးရီးယား ကာကွယ်ရေး ၀န်ကြီးဌာန အရာရှိတွေက တနင်္ဂနွေနေ့မှာ ပြောပါတယ်။ အခု စမ်းသပ်ပစ်လွှတ်ခဲ့တဲ့ ဒုံးကျည်နှုန်းဟာ အမေရိကန် ပြည်ထောင်စုရဲ့ အနောက်ဘက်ကမ်းခြေ အထိ ရောက်နိုင်တယ်လို့လည်း အာဏာပိုင်တွေက ပြောပါတယ်။ ဒါပေမဲ့လည်း ဒုံးကျည်မှာ တပ်ဆင်နိုင်တဲ့ အသေးစား နျူကလီးယား ဗုံး နည်းပညာတော့ ဖွံ့ဖြိုးတဲ့ပုံ မရှိဘူးလို့လည်း တောင်ကိုးရီးယား အရာရှိတွေက ပြောပါတယ်။ မြောက်ကိုးရီးယား ဘက်ကတော့ ဒီဇင်ဘာ ၁၂ ရက်နေ့က လွှတ်တင်လိုက်တဲ့ ဒုံးကျည်ဟာ အာကသ လမ်းကြောင်းထဲကို ရာသီဥတု ဆိုင်ရာ ဂြိုဟ်တု တလုံးလွှတ်တင်ခြင်းသာ ဖြစ်ပြီး ငြိမ်းချမ်းရေးကို ချိုးဖောက်လုပ်ဆောင်မှု တစုံတရာ မရှိဘူးဆိုပြီး ငြင်းဆိုထားပါတယ်။ သောကြာနေ့တုန်းကတော့ မြောက်ကိုးရီးယား ခေါင်းဆောင် ကင်ဂျုံအွန်းက ဒုံးကျည်ဆိုင်ရာ သိပ္ပံပညာရှင်တွေကို  ပြုံယမ်းမြို့တော်မှာ တည်ခင်းတဲ့ ညစာစားပွဲ တခုမှာ မြောက်ကိုးရီးယားရဲ့ ဒုံးကျည် နည်းပညာ တိုးတက်စေဖို့ တိုက်တွန်း ပြောကြားခဲ့ပါတယ်။

တရားမျှတမှု ရရှိရေး အိန္ဒိယဆန္ဒပြသူတွေ ဖြိုခွဲခံရ

နယူးဒေလီမြို့မှာ အုပ်စုလိုက် အဓမ္မပြုကျင့်သူတွေကို အမြန်ဆုံး အရေးယူပေးဖို့ တောင်းဆိုနေတဲ့ ဆန္ဒပြသူများ ဖြိုခွဲခံရစဉ်။ (ဒီဇင်ဘာလ ၂၃၊ ၂၀၁၂)

အိန္ဒိယနိုင်ငံမှာ ၂၃ နှစ်အရွယ် ကျောင်းသူတဦးကို အုပ်စုလိုက် အဓမ္မပြုကျင့်မှုနဲ့ ရိုက်နှက်မှုတွေ အတွက် စွပ်စွဲချက်နဲ့ ဖမ်းဆီးထားသူ ၆ ယောက်ကို မြန်မြန်ဆန်ဆန် အရေးယူပေးဖို့ နယူးဒေလီ မြို့တော်မှာ တောင်းဆိုဆန္ဒပြမှုတွေ တနင်္ဂနွေနေ့က ၂ ရက်မြောက်တဲ့ အချိန်မှာတော့ ရဲတွေက မျက်ရည်ယိုဗုံးတွေ မီးသတ်ပိုက်တွေနဲ့ နှိမ်နင်းခဲ့ပါတယ်။ အာဏာရ ကွန်ဂရက်ပါတီရဲ့ အကြီးအကဲ Sonia Gandhi ကတော့ ဆန္ဒပြသူတွေနဲ့ တွေ့ဆုံစကားပြောဖို့ နေအိမ်ကနေ စနေနေ့ည သန်းခေါင်ကျော်မှာ ထွက်လာခဲ့သလို တနင်္ဂနွေနေ့မှာ တုန်းကလည်း တချိန်မှာ အိန္ဒိယရဲ့ဝန်ကြီးချုပ် ဖြစ်လာမယ်လို့ အများက တွက်နေကြတဲ့ သားဖြစ်သူ Rahul နဲ့ ထပ်မံ သွားရောက်ခဲ့တာပါ။

အဓမ္မပြုကျင့်မှုနဲ့ ပတ်သက်လို့ ဆန္ဒပြသူတွေ အကြီးအကျယ် စုဝေးနေကြတဲ့ နေရာဟာ ဆန္ဒပြခွင့် မရှိတဲ့နေရာ ဖြစ်တယ်လို့လည်း ရဲတပ်ဖွဲ့က ပြောပါတယ်။ သမ္မတအိမ်တော်နဲ့ လွှတ်တော် အနီးအနား တ၀ိုက်ဟာ ဆန္ဒပြခွင့်မရှိတဲ့ တားမြစ်နေရာတွေ ဖြစ်တယ်လို့ ရဲတပ်ဖွဲ့က ပြောခဲ့တာပါ။ စနေနေ့မှာ တုန်းကလည်း တရားမျှတမှု ရရှိရေး ကြွေးကြော်ပြီး နယူးဒေလီမြို့မှာ ချီတက် ဆန္ဒပြသူတွေကို ရဲတပ်ဖွဲ့က ထိန်းချုပ်ဖို့ ကြိုးစားခဲ့ပါတယ်။

ရက်အတော်ကြာကြာ ဖြစ်ပွားနေတဲ့ နိုင်ငံအနှံ့ ဆန္ဒပြပွဲတွေအတွင်း ဖမ်းဆီးထားသူ ၆ ယောက်ကို သေဒဏ် စီရင်ဖို့ တောင်းဆိုမှုတွေလည်း ရှိခဲ့တာပါ။ အဓမ္မပြုကျင့်ခံရတဲ့ အမျိုးသမီးငယ်ဟာ အရင်တပတ် တနင်္ဂနွေနေ့တုန်းက ယောက်ျားလေး အဖော်တဦးနဲ့အတူ နယူးဒေလီ မြို့တော်မှာ ဘတ်စ်ကားစီးသွားရင်း တိုက်ခိုက်ခံခဲ့ရတာ ဖြစ်ပါတယ်။ သူဟာ ပြင်းထန်တဲ့ ဒဏ်ရာတွေကြောင့် ဆေးရုံတင်ထားရဆဲ ဖြစ်ပေမဲ့ စနေနေ့မှာတော့ ရဲကို တိုင်ချက် ပေးနိုင်ခဲ့ပါတယ်။

သေနတ်ကိုင်ဆောင်ခွင့် ကန့်သတ်မယ့်အစီအစဉ် NRA ဆန့်ကျင်

အမျိုးသား ရိုင်ဖယ်အသင်းရဲ့ အကြီးအကဲ Wayne LaPierre. (ဒီဇင်ဘာလ ၂၁၊ ၂၀၁၂)။

အမေရိကန် ပြည်ထောင်စုမှာ သေနတ်ကိုင်ဆောင်ခွင့်အပေါ်  ကန့်သတ်မယ့် ဥပဒေသစ်တွေကို ဆန့်ကျင်သွားမှာ ဖြစ်တဲ့အကြောင်း လက်နက်ကိုင်ဆောင်ခွင့် အပြည့်အ၀ ရရှိရေး အဓိက လှုံ့ဆော်လှုပ်ရှားနေတဲ့ အမျိုးသား ရိုင်ဖယ်အသင်းက ပြောလိုက်ပါတယ်။သေနတ်ဆိုတာဟာ ကိရိယာတန်ဆာပလာ တခုသာဖြစ်ပြီး အမေရိကန်က သေနတ်ကြောင့် ဖြစ်ရတဲ့ သွေးထွက် သံယို ပြဿနာတွေဟာ ရာဇ၀တ်မှု ကျူးလွန်သူတွေနဲ့သာ ဆိုင်တယ်လို့ အမေရိကန် NBC ရုပ်သံဌာနရဲ့ တနင်္ဂနွေနေ့ Meet the Press အစီအစဉ်မှာ ရိုင်ဖယ်အသင်းရဲ့ အကြီးအကဲ Wayne LaPierre က ပြောလိုက်တာပါ။ ရုပ်ရှင်တွေ၊ ဗွီဒီယိုဂိမ်းတွေက သွေးထွက်သံယို ဇာတ်လမ်းတွေကို တခမ်းတနားလုပ် ဖော်ပြတယ်ဆိုပြီး သတင်းမီဒီယာတွေ အပေါ်မှာလည်း ဝေဖန်သွားပါတယ်။

နယူးယောက် ပြည်နယ် အထက်လွှတ်တော်အမတ် Charles Schumer ကတော့ ရိုင်ဖယ် အသင်းရဲ့ အကြီးအကဲ ပြောနေပုံဟာ ကင်ဆာရောဂါ ကာကွယ်ရေးအတွက် ဆေးလိပ်အကြောင်း ထည့်မပြောသလို ဖြစ်နေတယ်လို့ NBC ရဲ့ အစီအစဉ်မှာပဲ တုံ့ပြန်သွားတာပါ။

ဒီဇင်ဘာလ ၁၄ ရက်နေ့တုန်းက Connecticut ပြည်နယ် မူလတန်းကျောင်းမှာ အသက် ၆ နှစ်နဲ့ ၇ နှစ်အရွယ် ကလေးငယ် ၂၀ နဲ့ လူကြီး ၆ ယောက် သေနတ်သမားတဦးရဲ့ လက်ချက်နဲ့ သေဆုံး ခဲ့ရပြီးတဲ့နောက် လက်နက် ကိုင်ဆောင်ခွင့် ထိန်းချုပ်ရေး ကိစ္စဟာ အဓိက ဆွေးနွေးစရာ ဖြစ်လာနေ တာပါ။

အမေရိကန် ရိုင်ဖယ်အသင်းရဲ့ အကြီးအကဲကတော့ အလားတူ တိုက်ခိုက်မှုတွေကနေ အကာအကွယ်ပေးနိုင်အောင် စာသင်ကျောင်းတွေမှာ လက်နက်ကိုင် အစောင့်အရှောက်တွေ ထားသင့်တယ်လို့ ပြောခဲ့တဲ့အတွက်လည်း အကြီးအကျယ် ဝေဖန်မှုတွေ ထွက်ပေါ်ခဲ့ပါတယ်။

အီဂျစ် ဖွဲ့စည်းပုံဥပဒေသစ် အတည်ပြု

 ဖွဲ့စည်းပုံ အတည်ပြုရေး နောက်ဆုံးတကြော့ မဲဆန္ဒခံယူပွဲမှာ မဲပေးခဲ့ကြစဉ်။ (ဒီဇင်ဘာလ ၂၂၊ ၂၀၁၂)။

မဲဆန္ဒရှင်တွေက အီဂျစ်နိုင်ငံရဲ့ ဖွဲ့စည်းပုံ အခြေခံဥပဒေသစ်ကို ထောက်ခံမဲပေးပြီး အတည်ပြုလိုက်ကြတယ်လို့ မူစလင် ညီအစ်ကိုတော်များ အဖွဲ့က ပြောဆိုလိုက်ပါတယ်။ ၂ ရက်ကြာ ကျင်းပခဲ့တဲ့ ပြည်လုံးကျွတ် ဆန္ဒခံယူပွဲမှာ မဲဆန္ဒရှင် ၆၄% က ထောက်ခံမဲ ပေးခဲ့ကြတယ်လို့ မူစလင် ညီအစ်ကိုတော်များ အဖွဲ့က ပြောဆိုလိုက်တာပါ။  ပထမနေ့ မဲပေးပွဲကို ဒီဇင်ဘာလ ၁၅ ရက်နေ့ကကျင်းပခဲ့ပြီး မနေ့က စနေနေ့မှာတော့ ဒုတိယနေ့အဖြစ် မဲပေးခဲ့ကြ တာဖြစ်ပါတယ်။

မဲပေးခွင့်ရှိသူ ၃၂% ကသာ မဲပေးခဲ့ကြတာ တွေ့ရတယ်လို့ ကိုင်ရိုကလာတဲ့ သတင်းတွေမှာ ဖော်ပြထားပါတယ်။ တကယ်လို့ အခု ကနဦးရလဒ်တွေသာ အတည်ဖြစ်မယ်ဆိုရင် ၂ လအတွင်း လွှတ်တော်ရွေးကောက်ပွဲတွေ ကျင်းပရမှာ ဖြစ်ပါတယ်။

လက်ရှိ သမ္မတမော်စီ ဟာ မူစလင်ညီအစ်ကိုတော်များ အဖွဲ့ဝင်ဟောင်းဖြစ်ပြီး ဖွဲ့စည်းပုံအခြေခံဥပဒေအသစ် ထောက်ခံသူ ဖြစ်ပါတယ်။ အီဂျစ်နိုင်ငံရဲ့ သဘောထား ပျော့ပြောင်းသူတွေ၊ ဘာသာအယူမသီးသူတွေနဲ့ အတိုက်အခံခရစ်ယာန်တွေက တော့ ဒီအခြေခံဥပဒေဟာ လူမှုရေး လွတ်လပ်ခွင့်တွေ ဆိတ်သုဉ်းပြီး အစ္စလာမ်ဥပဒေရဲ့ အခန်းကဏ္ဍ တိုးလာမှာဖြစ်သလို အမျိုးသမီးတွေရဲ့ အခွင့်အရေးကိုလည်း ဖော်ပြထားခြင်း မရှိတာကြောင့် စိုးရိမ်မကင်း ဖြစ်နေကြပါတယ်။ အစ္စလာမစ်ကော်မတီကနေ ဒီဖွဲ့စည်းပုံအခြေခံဥပဒေသစ်ကို ပြီးခဲ့တဲ့လတုန်းက အတည်ပြုခဲ့ရာမှာ သဘောထား ပျော့ပြောင်းသူတွေနဲ့ ခရစ်ယာန်တွေက ဒီအခြေခံဥပဒေဟာ သူတို့ရဲ့ သဘောထားအမြင်တွေကို လျစ်လျူရှုလိုက်တဲ့ အတွက် ကန့်ကွက်တဲ့အနေနဲ့ အစည်းအဝေးကနေ ထွက်ခဲ့ကြပါတယ်။