21.12.2012 နေ့ဖတ်ရန်သတင်းများ

by Myanmar Journal on Thursday, December 20, 2012 at 6:34pm ·

ချန်ပီယံစ် လိဂ် ရှုံးထွက် ပွဲစဉ်တွေ ထွက်ပြီ

ရိုနယ်ဒိုဟာ မန်ယူက ထွက်သွားပြီး နောက်ပိုင်း ပထမဆုံး အကြိမ် အဖြစ် အိုထရဖို့ဒ် ကွင်းကို ပြန်လာ ကစားမယ်

UEFA ဥရောပ ချန်ပီယံစ် လိဂ် ဖလား နောက်ဆုံး ၁၆ သင်း ရှုံးထွက် ပွဲစဉ်တွေ အတွက် မဲနှိုက် ရာမှာ အင်္ဂလန်က မန်ချက်စတာ ယူနိုက်တက် အသင်းဟာ စပိန် လာလီဂါ ချန်ပီယံ ရီးရဲယ် မက်ဒရစ်နဲ့ ယှဉ်ပြိုင် ရမှာ ဖြစ်ပါတယ်။

ဒီအတွက် အရင် မန်ယူမှာ ကစား ခဲ့ပြီး ရီးရဲယ်ကို ပြောင်းရွှေ့ သွားတဲ့ ခရစ်တီရားနို ရိုနယ်ဒိုဟာ မန်ယူက ထွက်သွားပြီး နောက်ပိုင်း ပထမဆုံး အကြိမ် အဖြစ် အိုထရဖို့ဒ် ကွင်းကို ပြန်လာ ကစားရမှာ ဖြစ်ပါတယ်။

အာဆယ်နယ် အသင်း ကတော့ ဂျာမဏီက ဘိုင်ယန် မြူးနစ် နဲ့ တွေ့မှာ ဖြစ်သလို၊ စကော့ တလန်က ဆဲလ်တစ် ကတော့ အီတလီက ယူဗန်းတက်စ်နဲ့ ကစား ရမှာ ဖြစ်ပါ တယ်။

ချန်ပီယံစ် လိဂ်ကို ၄ ချိန် တိုင်တိုင် ဗိုလ်စွဲ ဖူးတဲ့ ဘာစီလိုနား ကတော့ ၇ ကြိမ် ဗိုလ်စွဲ ဖူးတဲ့ အေစီ မီလန်နဲ့ ကစား ရမှာ ဖြစ်ပါတယ်။

ပြိုင်ပွဲတွေ ကို ရှေ့နှစ် ဖေဖေါ်ဝါရီလ ၁၂ ရက်နေ့ မှာ စတင် ကစား ကြမှာ ဖြစ်ပါတယ်။

အမေရိကန်-မြန်မာ စစ်တပ်ချင်း ပူးပေါင်းဆောင်ရွက်

စစ်ရေးမဟုတ်တဲ့ သင်တန်းတွေကို မြန်မာစစ်တပ် အရာရှိတွေကို ပေးသွားမယ်လို့ အမေရိကန်စစ်တပ်က ပြောပါတယ်။

မြန်မာနိုင်ငံမှာ နိုင်ငံရေးအရ ပြုပြင်ပြောင်းလဲမှုတွေကို ဆောင်ရွက်နေချိန်မှာ မြန်မာ-အမေရိကန် နှစ်နိုင်ငံ စစ်တပ်ချင်း ပူးပေါင်းဆောင်ရွက်မှုအနေနဲ့ စစ်ရေးဆိုင်ရာ သင်တန်းမဟုတ်တဲ့ လူသားချင်း စာနာ ထောက်ပံ့ရေးဆိုင်ရာ၊ စစ်ဘက်ဆိုင်ရာ ဆေးပညာနဲ့ ကာကွယ်ရေးဆိုင်ရာ ပြုပြင်ပြောင်းလဲမှု သင်တန်းတွေကို မြန်မာစစ်တပ်က အရာရှိတွေကို ပေးမယ်လို့ အမေရိကန် စစ်တပ်အရာရှိတဦးကို ကိုးကားပြီး သတင်းတွေ ထွက်လာပါတယ်။

ဒီလို နှစ်နိုင်ငံ စစ်တပ်ချင်း ပူးပေါင်းဆောင်ရွက်မှုတွေဟာ နှောင်ကြိုးမပါဘဲ လုပ်တာတွေ ဆိုရင် နိုင်ငံအတွက်ရော ဒေသတွင်း အတွက်ပါ ကောင်းပါတယ်လို့ မေမြို့ ဗိုလ်သင်တန်းဆင်း ဗိုလ်မှူးကြီးအငြိမ်းစားနဲ့ နိုင်ငံခြားရေး ဒုတိယဝန်ကြီးဟောင်း ဦးညွန့်ဆွေ (စာရေးဆရာ မောင်ဆွေသက်) က ဘီဘီစီကို ပြောပါတယ်။

အမေရိကန်နဲ့ အင်္ဂလန်ကို မြန်မာစစ်တပ်ကနေ အရင်ကထဲက သင်တန်းတွေ သွားတက်ဖူးပြီး၊ အခုလို စစ်တပ် အရာရှိတွေကို ပြုစု၊ ပျိုးထောင်၊ လေ့ကျင့်ဖို့ဟာ တပ်မတော်တိုင်းရဲ့ လိုအပ်ချက် ဖြစ်တယ်။ အရာရှိငယ်တွေ အတွက်လည်း ကိုယ့်ပြည်ထဲမှာချည်း နေတာမျိုး မဟုတ်ဘဲ အပြင်ထွက်ကြည့်ရင် အမြင်ပွင့်မယ်၊ သူတို့တွေရဲ့ တွေးခေါ်ပုံတွေကိုလည်း သိနိုင်မယ်၊ တပ်မတော်အတွက် ကောင်းတယ်။ နှစ်နိုင်ငံ ချစ်ကြည်ရေး သာမက ကမ္ဘာ့ ငြိမ်းချမ်းရေး အတွက်ပါ အထောက်အကူ ပြုမယ်လို့ ဦးညွန့်ဆွေက သုံးသပ်ပါတယ်။

မြန်မာစစ်တပ်က အရာရှိငယ် ထောင်နဲ့ချီဟာ ရုရှနိုင်ငံမှာ စစ်ပညာနဲ့ နည်းပညာတွေကို သင်ယူတာတွေ ရှိပါတယ်။ တရုတ်နိုင်ငံနဲ့လည်း ရင်းနှီးတဲ့ ဆက်ဆံရေး ရှိနေတာကြောင့် အခုလို အမေရိကန်နဲ့ မြန်မာ စစ်တပ်ကြား ပူးပေါင်း ဆောင်ရွက်မှုတွေ ရှိလာမှာကြောင့် အဲဒီ နှစ်နိုင်ငံရဲ့ ငြိုငြင်မှုကို မြန်မာအနေနဲ့ ရလိမ့်မယ်လို့လည်း မထင်ပါဘူးလို့ သူက ဆိုပါတယ်။

အမေရိကန်နဲ့ပေါင်းလို့ ရုရှနဲ့တရုတ်က မြန်မာကို ငြိုငြင်မယ်လို့ မထင်သလို အင်္ဂလန်၊ ဂျပန်အပါအဝင် ဘယ်နိုင်ငံကမှ ငြိုငြင်မယ်လို့ မထင်တဲ့ အကြောင်း၊ မြန်မာအနေနဲ့ ဒီလို ကမ္ဘာ့အလယ် ဝင်ဆန့်လို့ မိတ်ဆွေများလေ ဆိုခဲ့ပါ နိုင်ငံတွေကလည်း မုဒိတာ ပွားကြမှာပါလို့ ဗိုလ်မှူးကြီးအငြိမ်းစားနဲ့ နိုင်ငံခြားရေး ဒုတိယဝန်ကြီးဟောင်း ဦးညွန့်ဆွေ (စာရေးဆရာ မောင်ဆွေသက်) က ဘီဘီစီကို ပြောပါတယ်။

ကမ္ဘာ့ပျက်မယ် ဆိုတဲ့ ဒီဇင်ဘာ နှစ်ဆယ့်တစ်

တရုတ်နိုင်ငံ လယ်သမား တဦး ကတော့ ဒီဇင်ဘာ ၂၁ အတွက် အခုလို ပြင်ဆင်ထား ပါတယ်

မာယာ ရှေးဟောင်း ပြက္ခဒိန် အရ ၂၀၁၂ ခုနှစ် ဒီဇင်ဘာလ ၂၁ရက် နေ့မှာ ကမ္ဘာကြီး ပျက်မယ် ဆိုတဲ့ ပြောဆို သံတွေကြောင့် ကမ္ဘာ တဝန်းမှာ စိုးရိမ် ပူပန် သူတွေ ရှိနေပါတယ်။

၂၀၁၂ခုနှစ် ဒီဇင်ဘာ ၂၁ရက်နေ့မှာ ကမ္ဘာကြီး ပျက်မယ် ဆိုတဲ့ ပြောဆို ချက်တွေဟာ အင်တာနက်နဲ့ ဟောလီဝုဒ် ရုပ်ရှင်ကားတွေ ကြောင့် တဟုန်ထိုး ပျံ့နှံ့သွား ခဲ့တာပါ။

ရိုက်တာ သတင်း ဌာနက ကောက်ယူတဲ့ စစ်တမ်းတွေ အရ ကမ္ဘာ တဝန်း လူ ၁၀ ယောက် မှာ ၁ ယောက် လောက်ဟာ ဒီဇင်ဘာ ၂၁ ရက် နေ့နဲ့ ပတ်သက်လို့ အကြီး အကျယ် စိုးရိမ် နေကြတယ်လို့ သိရပါတယ် ။

ဟာရီကိန်း မုန်တိုင်းတွေ၊ စစ်ပွဲတွေ၊ တခါ အမျိုး အမည် မသိတဲ့ ဂြိုဟ်တု တခု ကမ္ဘာကြီးနဲ့ ထိပ်ချင်း တိုက်မိမယ် ဆိုတဲ့ ထင်ကြေးပေး ပြောဆို မှုတွေကြောင့်လည်း စိုးရိမ် မှုတွေကို ပိုကြီးထွားလာ စေခဲ့ပါတယ်။

အဓိက ကတော့ နှစ်ပေါင်း ၅၀၀၀ ကျော် သက်တမ်း ရှိတဲ့ မာယာ ရှေးဟောင်း ပြက္ခဒိန်ဟာ၂၀၁၂ ခုနှစ် ဒီဇင်ဘာလ ၂၁ ရက် နေ့မှာ အဆုံးသတ် သွားတာကြောင့် ကမ္ဘာကြီး ပျက်မယ် ဆိုတာကို သတိပေးတဲ့ သက်သေ အထောက် အထား ဖြစ်တယ် ဆိုပြီး ထောက်ပြ နေကြတာပါ။

ဒါပေမယ့်လည်း Fingerprints of God ဆိုတဲ့ စာအုပ်ကို ရေးသား ပြုစုခဲ့တဲ့ Graham Hancock ကတော့ ဒီပြက္ခဒိန် က အဆုံးသတ် သွားတာ မဟုတ်ပဲ အသစ် ပြန်စတဲ့ အထိမ်း အမှတ် လက္ခဏာကို ဖေါ်ပြ နေတာလို့ ပြောပါတယ်။

ဂြိုလ်ကြီးတခု ကမ္ဘာကြီးနဲ့ လာတိုက်မိမယ် ဆိုတဲ့ ထင်ကြေးပေး ပြောဆိုမှုတွေ ဟာလည်း လုံးဝ အခြေအမြစ် မရှိဘူးလို့ နာဆာ နက္ခတ္တ ဗေဒပညာရှင် David Morrison က ပြောပါတယ်။

ဒီတော့ အခု ဒီဇင်ဘာလ ၂၁ ရက် နေ့မှာ ကမ္ဘာကြီး ပျက်မယ် ဆိုတဲ့ အယူတွေ အစား၊ နောက်တနေ့ ဒီဇင်ဘာလ ၂၂ ရက် နေ့ဟာ အသစ် ပြန်လည် ဖြစ်ထွန်းတဲ့ နေ့ အဖြစ် အပြု သဘော လက္ခဏာလို့ မျှော်လင့် ရမှာ ဖြစ်ပါတယ်။

အာဆီယံ-အိန္ဒိယ ဆွေးနွေးပွဲ ဒေလီမှာ  ကျင်းပ

အာဆီယံ-အိန္ဒိယ ထိပ်သီး ဆွေးနွေးပွဲ ၁၀ နှစ်ပြည့် အထိမ်း အမှတ် လည်း ဖြစ်ပါတယ်

အိန္ဒိယ နိုင်ငံ နယူး ဒေလီမြို့မှာ ကျင်းပ နေတဲ့ အာဆီယံ-အိန္ဒိယ ထိပ်သီး ဆွေးနွေးပွဲ ၁၀ နှစ်ပြည့် အထိမ်း အမှတ် ဆွေးနွေး ပွဲကို မြန်မာ သမ္မတ ဦးသိန်းစိန် တက်ရောက် နေပါတယ်။

နယူး ဒေလီမြို့က တာ့ခ်ျ ဟိုတယ်မှာ ကြာသပတေးနေ့ ညနေက စပြီး ကျင်းပ နေတဲ့ ဒီ ထိပ်သီး အစည်း အဝေးမှာ အိန္ဒိယ ဝန်ကြီးချုပ် ဒေါက်တာ မန်မိုဟမ်ဆင်းက အဖွင့် အမှာ စကား ပြောကြားခဲ့ပါတယ်။

မစ္စတာ ဆင်းက အာဆီယံ အိန္ဒိယ ဆက်ဆံ ရေးဟာ ပိုမို ခိုင်မြဲ လာပြီး အဆင်ပြေ ချောမွေ့ လာတဲ့ အကြောင်းနဲ့၊ ဗျူဟာ ကျကျ ရှေ့ဆက် သွားရေး အတွက်ကို ပြောကြားသွား ပါတယ်။

သမ္မတ ဦးသိန်းစိန် ကလည်း မြန်မာ နိုင်ငံ အနေနဲ့ အိန္ဒိယ-အာဆီယံ ကုန်သွယ် ဆက်ဆံရေး တိုးတက် ဖွံ့ဖြိုးရေး အတွက် ကြိုးစား လုပ်ဆောင် နေကြောင်းနဲ့ မြန်မာ့ နိုင်ငံရေး ဖြစ်ထွန်းမှုမှာ ထောက်ခံ အားပေးတဲ့ အိန္ဒိယကို ကျေးဇူး တင်ကြောင်း ပြောကြားသွားပါတယ်။

၂ ရက်ကြာမယ့် ဒီဆွေးနွေးပွဲ အပြီး၊ သမ္မတ ဦးသိန်းစိန်ဟာ ဝန်ကြီးချုပ် မန်မိုဟမ် ဆင်းနဲ့ သီးခြား တွေ့ဆုံဖို့ ရှိသလို စီးပွားရေး မြို့တော် မွန်ဘိုင်းနဲ့ သီပေါမင်းကို အင်္ဂလိပ် အစိုးရက ဖမ်းထား ခဲ့တဲ့ ရတနာ ဂီရိ အရပ်ကိုလည်း သွားမယ်လို့ မြန်မာ သံရုံး တာဝန်ရှိသူက ပြောပါတယ်။

အမေရိကန်ရဲ့ ကလေးမွေးစားမှုကို ရုရှားပိတ်ပင်မယ်

အမေရိကန်က ပြဌာန်း လိုက်တဲ့ ဥပဒေဟာ နှစ်နိုင်ငံ ဆက်ဆံ ရေးကို ထိခိုက် စေတယ်လို့ ပြောကြား

လူ့အခွင့် အရေး ချိုးဖေါက် မှုတွေ လုပ်ခဲ့ တယ်လို့ သံသယ ရှိသူ ရုရှား အရာရှိ တွေကို အမေရိကန် ပြည်ထောင်စု ကနေ နာမည်ပျက် စာရင်းထဲ ထည့်လိုက်တဲ့ ဥပေဒ သစ် တခု အပေါ်၊ ရုရှား သမ္မတ ဗလာဒီ မီယာ ပူတင်က ပြင်းပြင်း ထန်ထန် ဝေဖန် ရှုတ်ချ လိုက် ပါတယ်။

နှစ်စဉ် ပြုလုပ်တဲ့ သတင်းစာ ရှင်းလင်းပွဲမှာ မစ္စတာ ပူတင်က၊ အမေရိကန်က ပြဌာန်း လိုက်တဲ့ ဒီဥပဒေဟာ နှစ်နိုင်ငံ ဆက်ဆံ ရေးကို ထိခိုက် စေတယ်လို့ ပြောကြား သွား ပါတယ်။

ဒါကို တုံ့ပြန်တဲ့ အနေနဲ့ ရုရှား ကလေးတွေကို အမေရိကန်တို့ မွေးစားတာကို တားမြစ်တဲ့ ဥပဒေ ကို ရုရှားတို့က ပြန်ထုတ်ဖို့ ရှိရာ၊ ဒါဟာ စိတ်မကောင်း စရာ ဖြစ်ပေမယ့် လုပ်သင့် တယ်လို့ သူက ပြောပါတယ်။

ဒါပေမယ်လို့ ဒီတား မြစ်တဲ့ ဥပဒေကို ရုရှား ပါလီမန်က နောက်ဆုံးပိတ် အတည်ပြု ပြီးရင်၊ ဒီဥပဒေကို လက်မှတ်ထိုး မယ်လို့တော့ မစ္စတာ ပူတင်က ယတိပြတ် ကတိပေး ပြောကြား တာမျိုး မလုပ်ခဲ့ပါ။

ကိုရီးယား ၂ နိုင်ငံ ဆက်ဆံရေးအလားအလာ

တောင်ကိုရီးယားသမ္မသစ်ဖြစ်လာမယ့် Park Geun-Hye

တောင်ကိုရီးယားနိုင်ငံရဲ့ ခေါင်းဆောင်ပိုင်း အပြောင်းအလဲမှာ အထီးကျန်ဖြစ်နေတဲ့ မြောက်ကိုရီးယားနိုင်ငံ နဲ့ ဆက်ဆံရေးအပေါ်မှာ မသေချာမရေရာမှုတွေနဲ့ အခွင့်အရေးရော နှစ်မျိုးလုံးရောထွေးနေပါတယ်။ တောင်ကိုရီးယားရဲ့ သမ္မတသစ်ဟာ မြောက်ကိုရီးယားနဲ့ ပတ်သက်တဲ့ ရပ်တည်ချက်သဘောထားကို ရိုးတိုးရိပ်တိတ် ဖွင့်ပြောခဲ့ပြီးဖြစ်တဲ့အကြောင်းကိုတော့ တောင်ကိုရီးယားနိုင်ငံ ဆိုးလ်မြို့တော်ကနေ ဗွီအိုအေသတင်းထောက် Steve Herman က သတင်းပေးပို့ထားပါတယ်။ အပြည့်အစုံကို ကိုရန်နိုင်က ပြောပြပေးမှာဖြစ်ပါတယ်။

သမ္မတအဖြစ်နဲ့ ရွေးချယ်ခံရပြီး ပထမဆုံးနေ့မှာပဲ၊ Saenuri ပါတီက Park Geun-hye ဟာ တောင်ကိုရီးယားအမျိုးသားဂူဗိဗ္မာန်ကို သွားရောက်ပြီးတော့၊ သူမရဲ့ ဖခင်အပါအဝင် ကွယ်လွန်သွားခဲ့တဲ့ သမ္မတ ၃ ဦးကို သွားရောက် ဂါရဝပြုခဲ့ပါတယ်။ အဲဒီ့နောက် သူမရဲ့ မိဘ ၂ ပါးရဲ့ အုတ်ဂူမှာ အမွှေးတိုင်ထွန်းညှိခဲ့ပါတယ်။ ၁၉၆၁ ခုနှစ်က စစ်အာဏာသိမ်းမှုနဲ့ စတင်ခဲ့တဲ့ တောင်ကိုရီးယားသမ္မတဟောင်း Park Chung-hee ဟာ တောင်ကိုရီးယားနိုင်ငံရဲ့ အာဏာကို နှစ်အတော်ကြာ ထိန်းချုပ်ခဲ့တာပါ။ အဲဒီနောက် ၁၉၇၉ ခုနှစ်မှာ သူရဲ့ ထောက်လှမ်းရေးအကြီးအကဲရဲ့ လုပ်ကြံသတ်ဖြတ်တာကို ခံခဲ့ရပြီး အဆုံးသတ်ခဲ့တာဖြစ်ပါတယ်။

Park Geun-hye မိခင်ဟာလည်း ၁၉၇၄ ခုနှစ်မှာ မြောက်ကိုရီးယားဘက်က သူလျှိုသေနတ်သမားတစ်ယောက်ရဲ့ လုပ်ကြံသတ်ဖြတ်တာကို ခံခဲ့ရပါတယ်။ ဒါကြောင့် သမ္မတအဖြစ် ပထမဆုံးအရွေးခံရတဲ့နေ့မှာကိုပဲ မြောက်ကိုရီးယားနိုင်ငံဟာ မစ္စပါခ့်စိတ်ထဲမှာ အတော်လေးကို လွှမ်းမိုးနေခဲ့တာဖြစ်ပါတယ်။ သူမအစိုးရလက်ထက်မှာ နိုင်ငံတော်လုံခြုံရေးကိစ္စက ထိပ်ဆုံးက ဦးစားပေးကိစ္စရပ်ဖြစ်တယ်လို့ သူမကကြေငြာလိုက်ပါတယ်။

“မြောက်ကိုရီးယားဘက်က တာဝေးပစ်ဒုံးကျည်ပစ်လွှတ်တာက တောင်ကိုရီးယားနိုင်ငံရဲ့ လုံခြုံရေးအခြေအနေဟာ ဘယ်လောက်အထိ စိုးရိမ်စရာကောင်းတဲ့အခြေအနေနဲ့ ရင်ဆိုင်နေရတယ်ဆိုတာကို တွေ့နိုင်တယ်”လို့ သူမက ပြောလိုက်ပါတယ်။

ပြီးခဲ့တဲ့ ဒီဇင်ဘာလ ၁၂ ရက်နေ့က မြောက်ကိုရီးယားနိုင်ငံဘက်က အဆင့်ဆင့်ပစ်လွှတ်နိုင်တဲ့ တာဝေးပစ်ဒုံးကျည်ကို အာကာသထဲကို ပစ်လွှတ်ခဲ့ပါတယ်။ ကြာသာပတေးနေ့က ရုပ်မြင်သံကြားကနေ ပြောကြားသွားတဲ့ မိန့်ခွန်းထဲမှာတော့ ၊ မစ္စပါခ့်က လုံခြုံရေးအင်အားကောင်းတာ နဲ့ ယုံကြည်မှုကို အခြေခံတဲ့ သံတမန်ဆက်ဆံရေးတွေအပေါ်မှာ အခြေခံပြီး ၊ ကိုရီးယားကျွန်းဆွယ်မှာ ခေတ်သစ်တခုကို စတင်ဖွင့်လှစ်သွားမယ်လို့ ကြုံးဝါးပြောဆိုသွားခဲ့ပါတယ်။

ရွေးကောက်ပွဲ မဲဆွယ်စည်းရုံးရေးကာလတွေမှာတော့ ၊ သူမဟာ ပြိုင်ဘက်ဖြစ်တဲ့ ဒီမိုကရက်တစ်ယူနိုက်တက်ပါတီက မွန်ဂျေအင်းနဲ့ သဘောထားတွေ မတူခဲ့ကြပါဘူး။ မွန်ဂျေအင်းက သူ့အနေနဲ့ တကယ်လို့သာ သမ္မတအဖြစ်နဲ့ အရွေးခံရမယ် ဆိုရင် မြောက်ကိုရီးယားရဲ့ ခေါင်းဆောင်ဖြစ်တဲ့ ကင်ဂျုံအမ်းနဲ့ ကြိုတင်သတ်မှတ်ချက်တွေ မထားပဲ ဆွေးနွေးမှုတွေလုပ်သွားမယ်လို့ ကတိပြုခဲ့ပါတယ်။ ဒါပေမဲ့ မစ္စပါခ့်ကတော့ - မြောက်ကိုရီးယားဘက်က မကြာသေးခင်က စစ်ရေးအရ ရန်စတိုက်ခိုက်ခဲ့တာတွေအပေါ်မှာ အရင်ဆုံးတောင်းပန်မှ ၊ မြောက်ကိုရီးယားနဲ့ ဆွေးနွေးမှုလုပ်မယ်လို့ ပြောပါတယ်။

၂၀၁၀ ခုနှစ်က လူ ၄၆ ယောက်သေဆုံးသွားတဲ့ တောင်ကိုရီးယားရေတပ်သင်္ဘောကို တော်ပီဒိုနဲ့ တိုက်ခိုက်ခံရမှုဟာ မြောက်ကိုရီးယားရဲ့ လက်ချက်ဖြစ်တယ် လို့ တောင်ကိုရီးယားက ပြစ်တင်လိုက်ပါတယ်။ အဲဒီနှစ်ကုန်ပိုင်း မှာလည်း တောင်ကိုရီးယား စစ်အခြေစိုက်စခန်းရှိတဲ့ ယောင်ဖြွန်းကျွန်းကို မြောက်ကိုရီးယားဘက်က ဗုံးကျဲတိုက်ခိုက်ခဲ့ပါတယ်။ အဲဒီတိုက်ခိုက်မှုကြောင့် အရပ်သား ၂ ယောက်အပါအ၀င် ၄ ယောက်သေဆုံးခဲ့ပါတယ်။

ကိုရီးယား ၂ နိုင်ငံကြားမှာ ဆက်ဆံရေးပြန်ပြီးတော့ နွေးထွေးလာအောင် ရည်ရွယ်ပြီးဖော်ဆောင်ထားတဲ့ နေခြည်ဖြာဝါဒအရ၊ တောင်ကိုရီးယားရဲ့ ပြီးခဲ့တဲ့ အစိုးရလက်ထက် ၂ ခုမှာ တောင်ကိုရီးယားက မြောက်ကိုရီးယားကို အကူအညီတွေပေးခဲ့ပါတယ်။ ဒါပေမဲ့ မကြာခင်ရာထူးကနေ အနားယူတော့မယ့် လက်ရှိသမ္မတ အီမြောင်ဘက် လက်ထက်မှာတော့၊ အကူအညီတွေအရမ်းလိုအပ်ပြီး ဆင်းရဲတဲ့ မြောက်ကိုရီးယားနိုင်ငံအပေါ်ပေးနေတဲ့ အကူအညီတွေကို ဖြတ်တောက်ပစ်ခဲ့ပါတယ်။

“ဆိုးလ်တက္ကသိုလ်က မြောက်ကီုးရီးယားလေ့လာရေးဌာနက ပါမောက္ခ Yang Moo-jin ကတော့ - အခြေအနေတွေကို ပြောင်းပစ်ဖို့က လွယ်မှာမဟုတ်ဘူးလို့ ခန့်မှန်းလိုက်ပါတယ်။ တောင်ကိုရီးယား သမ္မတသစ်ဟာ  တောင်ကိုရီးယားနဲ့ အမေရိကန်နိုင်ငံကြား လက်ရှိရှိနေတဲ့ စစ်ရေးမဟာမိတ်အခြေအနေကို အလေးပေးပြောကြားသွားဖို့ရှိပါတယ်။ ကင်ဂျုံအမ်းရဲ့ မြောက်ကိုရီးယားအစိုးရဟာ တာဝေးပစ်ဒုံးကျည်နဲ့ နျူးကလီးယားလက်နက်ကို တည်ဆောက်ပြီး၊ သူတို့ဆက်ပြီးတော့ ရပ်တည်နိုင်ဖို့အတွက် ဆက်ပြီးတော့လုပ်နေပါတယ်။ ဒါကြောင့်၊ ကိုရီးယား ၂ နိုင်ငံကြားမှာ ထိရောက်တဲ့ ဆွေးနွေးမှုတွေဖြစ်လာဖို့ ခက်ခဲလိမ့်မှာဖြစ်ပါတယ်။”

တောင် နဲ့ မြောက်ကိုရီးယား ၂ နိုင်ငံတုိ့ကြား ၃ နှစ်ကြားဖြစ်ခဲ့တဲ့ စစ်ပွဲကို ၁၉၅၃ ခုနှစ်က ငြိမ်းချမ်းရေးသဘောတူစာချုပ်နဲ့ အဆုံးသတ်ခဲ့တာမဟုတ်ဘဲ၊ တဘက်နဲ့တဘက် အပစ်အခတ်ရပ်စဲပြီး အဆုံးသတ်ခဲ့တာဖြစ်ပါတယ်။ ဒါကြောင့် တကယ်တမ်းပြောရမယ်ဆိုရင်တော့ ကိုရီးယား ၂ နိုင်ငံကြားက စစ်ပွဲဟာ အဆုံးသတ်ခြင်းမရှိသေးဘူးလို့ ဆိုရမှာဖြစ်ပါတယ်။

ဒါ့အပြင် တောင်ကိုရီုးယားနိုင်ငံဟာ မြန်မာနိုင်ငံကနေသွားရောက်ပြီးတော့ အလုပ်လုပ်နေတဲ့ အလုပ်သမားတွေ အတော်များများလည်း ရှိတဲ့နိုင်ငံဖြစ်ပါတယ်။ အခုလို တောင်ကိုရီးယားမှာ သမ္မတအသစ်ကို ရွေးကောက်တင်မြှောက်လိုက်တဲ့အပေါ်မှာ အဲဒီမှာရှိတဲ့ မြန်မာအလုပ်သမားတွေရဲ့ သဘောထားနဲ့  သူတို့အပေါ် ဘယ်လိုအကျိုးဆက်တွေရှိလာနိုင်သလဲဆိုတာနဲ့ ပတ်သက်ပြီး တောင်ကိုရီးယားနိုင်ငံမှာ အလုပ်လုပ်နေတဲ့ ကိုဇော်မိုးအောင်က အခုလို ပြောပါတယ်။

“ကျနော်တို့ တောင်ကိုရီးယားနိုင်ငံကို ရောက်ရှိနေတဲ့ နိုင်ငံခြားသားအများစုကတော့ အခုလက်ရှိ မစ္စစ်ပက်ကွန်ဟဲကိုပေါ့နော်။ သမ္မတအဖြစ် ရွေးချယ်ခံရတဲ့အပေါ်မှာ သိပ်ပြီးတော့ မနှစ်မြို့ဘူးခင်ဗျ။ ဘာဖြစ်လို့လည်းဆိုတော့ အခုလက်ရှိ သမ္မတက နိုင်ငံခြားသား အခွင့်အရေးတွေအပေါ်မှာ သိပ်ပြီးတော့ အလေးထားဆောင်ရွက်ပေးတာမရှိတဲ့အတွက် အဓိက အကြောင်းအရင်းကတော့ သူတို့ပါတီကနေပြီးတော့ အမြဲတမ်း နိုင်ငံခြားသားနဲ့ပတ်သက်တဲ့ အခွင့်အရေးကိစ္စတွေမှာ အားလုံးတားမြစ်တာတွေရှိတယ်။ လှုံ့ဆော်ပေးတာတွေရှိတယ်။ အဲ့တာကြောင့်မို့လို့  ဒီပါတီက သမ္မတတက်ခဲ့မယ်ဆိုရင် ကျနော်တို့ အလုပ်သမားတွေအနေနဲ့ အခွင့်အရေး သိပ်ရမှာမဟုတ်ဘူး။ သူတို့တက်ရင် ငါတို့အခွင့်အရေးဆုံးရှုံးမှာဆိုတဲ့ အတွေးတွေပေါ့လေ။ အဲ့ဒီ့အတွေးတွေရှိကြတာမို့လို့ ဒီပါတီက တက်တဲ့သူတွေကို သိပ်ပြီးနှစ်သက်ခြင်းမရှိဘူးခင်ဗျ။”

ဒါပေမယ့်လည်း တောင်ကိုရီးယားနိုင်ငံသားတဦး နဲ့ အိမ်ထောင်ကျပြီး အလုပ်လုပ်နေတဲ့ မြန်မာနိုင်ငံသား မကျင်လတ်ကတော့  အခုလိုမျိုး တောင်ကိုရီးယားနိုင်ငံမှာ အမျိုးသမီးသမ္မတသစ်ရွေးချယ်လိုက်တာကို သဘောကျပြီး ထောက်ခံတယ်လို့ ပြောလိုက်ပါတယ်။

ဆီးရီးယားပဋိပက္ခ ဘာသာရေးအသွင်ပိုဆောင်လာ

ဆီးရီးယားစစ်တပ် သေနတ်သမားလက်ချက်နဲ့ ဖခင် အသတ်ခံလိုက်ရလို့ ငိုကြွေးနေတဲ့ ဆီးရီးယားကလေးငယ်

ဘာသာရေးဂိုဏ်းကွဲပဋိပက္ခ သဘောပိုဆောင်လာနေတဲ့ ဆီးရီးယားနိုင်ငံရဲ့ ၂ နှစ်နီးပါးအကြာ ပဋိပက္ခအတွင်း သေဆုံးခဲ့ရတဲ့ အရပ်သူ၊ အရပ်သားအရေအတွက် ထောင်ချီပြီး ရှိခဲ့ပြီလို့ ကုလသမဂ္ဂက အရေးထားပြောကြားလိုက်ပါတယ်။ ဒီတိုက်ပွဲတွေကြောင့် ဆီးရီးယားပြည်သူတွေဟာ တိုင်းတာလို့မရတဲ့ ဆုံးရှုံးမှုနဲ့ ဒုက္ခတွေကို ခံစားနေကြရပြီး ပြီးခဲ့တဲ့ စက်တင်ဘာလကစလို့ စာနာမှုအခြေအနေ ပိုမိုယိုယွင်းလာတယ်လို့ ကုလသမဂ္ဂလူ့အခွင့်အရေး စုံစမ်းသူတွေက အသစ်ထုတ်ပြန်တဲ့ အစီရင်ခံစာမှာ ဖော်ပြထားပါတယ်။ လူ့အခွင့်အရေးချိုးဖောက်မှုတွေနဲ့ အတောမသတ်နိုင်ဖြစ်နေပြီး ဒမတ်စကတ်နဲ့ အလက်ပိုတို့လို မြို့ကြီးတွေမှာ အကြမ်းဖက်မှုတွေ၊ ယဉ်ကျေးမှုရပ်ဝန်းတွေကို တိုက်ခိုက်မှုတွေ ပိုများလာတယ်လို့လည်း ဆိုပါတယ်။

အစိုးရတပ်ဖွဲ့တွေနဲ့ သမ္မတဘာရှာအယ်လ်အာဆတ်ကို ဖြုတ်ချရေး သူပုန်အဖွဲ့တွေဟာ ဘာသာရေးဂိုဏ်းဂဏတိုက်ပွဲအသွင် ပေါ်လွင်လာတယ်လို့ စုံစမ်းရေးသမားတွေက ဆိုကြပါတယ်။ အဓိကအားဖြင့် ဆွန်နီ လူအများစုက သူပုန်တွေကို ထောက်ခံအားပေးပြီး လူနည်းစု အာလဝီတွေက မစ္စတာအာဆက်အစိုးရကို ထောက်ခံနေကြတာဖြစ်ပါတယ်။

ကုလအထူးကိုယ်စားလှယ်ရဲ့ ရခိုင်ခရီးစဉ်

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် Vijay Nambiar

အစိုးရရဲ့ ဖိတ်ကြားချက်နဲ့ မြန်မာနိုင်ငံကို ရောက်လာခဲ့တဲ့ ကုလသမဂ္ဂ အတွင်းရေးမှူးချုပ် ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် Vijay Nambiar ဟာ ရခိုင်ပြည်နယ်ကို ၂ ရက်ကြာသွားရောက်ခဲ့ပြီး - ပြည်နယ်အစိုးရအဖွဲ့အပြင် အဲ့ဒီမှာရှိတဲ့ ရခိုင်နဲ့ မူဆလင် ဒုက္ခသည်တွေကိုပါ သွားရောက်တွေ့ဆုံခဲ့ပါတယ်။ အဓိကကတော့ ထိခိုက်သေဆုံးတဲ့အထိ တဘက်နဲ့ တဘက်အကြား ပဋိပက္ခတွေဖြစ်ခဲ့ကြတဲ့ လူမျိုးစု ၂ စုအကြား အတူ ပြန်လည်နေထိုင်နိုင်ရေးကိစ္စ ဘယ်လို ဆောင်ရွက်နိုင်မလဲဆိုတဲ့အပေါ် အခြေအနေတွေကို ကိုယ်တိုင် အကဲခတ်ဖို့ သွားရောက်တာဖြစ်သလို၊ ဒီကိစ္စကိုလည်း အစိုးရတာဝန်ရှိသူတွေနဲ့ပါ သူ့ခရီးစဉ်အတွင်း ဆွေးနွေးခဲ့တာဖြစ်ပါတယ်။ ဒီအကြောင်းအသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်း က ပြောပြပေးထားပါတယ်။

မြန်မာနိုင်ငံကို ဒီဇင်ဘာလ ၁၆ ရက်နေ့ကနေ ၂၀ ရက်နေ့အထိ ၄ ရက်ကြာခရီး လာရောက်ခဲ့တဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် Vijay Nambiar ဟာ - မြန်မာအစိုးရ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ၀န်ကြီး ဦးခင်ရီနဲ့ အတူ ရခိုင်ပြည်နယ်က အခြေအနေတွေကို သွားရောက်လေ့လာခဲ့ပါတယ်။ ရခိုင်ပြည်နယ်ခရီးစဉ် အတွင်း အဓိကရည်ရွယ်ချက်ကတော့ - လအတန်ကြာ ပဋိပက္ခတွေဖြစ်ခဲ့တဲ့ ရခိုင်ပြည်နယ်တွင်း လက်ရှိအခြေအနေတွေကို အကဲခတ်ဖို့ဖြစ်သလို ပြည်နယ်အစိုးရတာဝန်ရှိသူတွေ၊ မူဆလင်ခေါင်းဆောင်တွေနဲ့လည်း တွေ့ဆုံပြီးတော့ - ပဋိပက္ခဖြစ်ခဲ့တဲ့ အုပ်စု ၂ စုအကြား ဘယ်လို ပြန်လည် အတူ ယှဉ်တွဲနေထိုင် နိုင်မလဲ ဆိုတဲ့ကိစ္စ ဆွေးနွေးအဖြေရှာဖို့ ဖြစ်တယ်လို့ ရန်ကုန်အခြေစိုက် ကုလသမဂ္ဂရုံး ပြန်ကြားရေးအရာရှိ ဦးအေးဝင်း က ဗွီအိုအေ ကို ပြောပါတယ်။

“မစ္စတာ Nambiarဟာ မြန်မာနိုင်ငံကို ၁၆ရက်နေ့က ရောက်ပါတယ်။ သူက မြန်မာနိုင်ငံတော် အစိုးရရဲ့ ဖိတ်ကြားချက်အရ လာတာပါ။ သူက လူဝင်မှုကြီးကြပ်ရေးဝန်ကြီးဦးခင်ရီနဲ့ ရခိုင်ပြည်နယ်ကို သူလိုက်သွားပါတယ်။ ရခိုင်ပြည်နယ်ကျတော့ မစ္စတာ Nambiar လက်ရှိအခြေအနေကို လေ့လာဖို့ အခွင့်အရေး ရခဲ့တာပေါ့လေ။ ဝန်ကြီးအနေနဲ့ ရှေ့ဆက်ဘယ်လိုဆောင်ရွက်မလဲဆိုတာပေါ့လေ။ တချို့အကြံပေးတာတွေလည်း ရှိပါတယ်ပေါ့လေ။ အဲ့ဒီ့မှာ မစ္စတာNambiarအနေနဲ့ကလည်း သူ့အနေနဲ့ ဝန်ကြီးပြောတဲ့အထဲမှာ အကြံပြုချက်ကလည်း တော်တော်လေး ဖြစ်နိုင်ခြေရှိတယ်လို့ သူယူဆတယ်ပေါ့လေ။ ဒါလည်း သက်ဆိုင်ရာ  လူတွေအားလုံးရဲ့ ဂုဏ်သိက္ခာရယ်၊ သူတို့ရဲ့အခြေအနေကို ထည့်သွင်းစဉ်းစားတယ်လို့ သူယူဆပါတယ်။”

ဒါ့အပြင် မစ္စတာ Nambiar ရဲ့ ၂ ရက်ကြာသွားရောက်တဲ့ ရခိုင်ပြည်နယ်ခရီးစဉ်အတွင်းမှာ စစ်တွေမှာရှိတဲ့ မူဆလင်ဒုက္ခသည်စခန်းတွေကိုရော၊ မောင်းတောဘက်က ရခိုင်ဒုက္ခသည်တွေစခန်းတွေကိုပါ သွားရောက်ခဲ့ပြီး - ပဋိပက္ခဖြစ်ခဲ့တဲ့ နှစ်ဘက်စလုံး က ခေါင်းဆောင်တွေကို ခေါ်ယူတွေ့ဆုံခဲ့ တယ်လို့ စစ်တွေ ထိန်းသိမ်းကွပ်ကဲရေး အဖွဲ့ ပြန်ကြားရေးအဖွဲ့ဝင် ဦးဝင်းမြိုင် က ပြောပြပါတယ်။

“သူက မောင်တောမှာ သွားပြီးတော့ ရခိုင်ဒုက္ခသည်စခန်းမှာရှိတဲ့ သူတွေနဲ့ လည်းတွေ့ခဲ့ပါတယ်။ စစ်တွေမှာတော့ သဲချောင်းတို့၊ ကသိုင်တို့ မူဆလင်ဒုက္ခသည်စခန်းတွေကိုလည်း သွားတယ်။ နှစ်ခုလုံး သူသွားပါတယ်။ ပထမတခုကတော့ သူတို့ အတူတူနေထိုင်ရေးကိစ္စပြောတယ်။ ကျနော်တို့ ရခိုင်တွေဘက်ကတော့ရှိတယ်။ ဒါပေမဲ့ သူတို့မူဆလင်တွေ ဘက်က ခေါင်းဆောင်တွေသွားခေါ်တော့ ကလေးတွေနဲ့ ဆယ်အိမ်မှူးလောက်ပဲ လာတယ်။ ကျန်တဲ့မော်လဝီဆရာတွေက ခေါ်တာ မလာဘူး။ ကျနော်တို့တပ်ကလည်း လုံခြုံရေး အဖွဲ့တွေက ပြောတယ်။ အဲ့တာ သူတို့က မလာကြဘူး။ ဆွေးနွေးတာကျတော့ ဟိုတယ်မှာဆွေးနွေးတာကျတော့ ကျနော်တို့ မပါတော့ဘူးခင်ဗျ။ ပြည်ထောင်စုအဆင့်က အဖွဲ့တွေနဲ့ ကျနော်တို့ပြည်နယ် ဝန်ကြီးချုပ်က အဖွဲ့တွေ ဆွေးနွေးတာရှိပါတယ်ခင်ဗျ။ အဓိက နေထိုင်ရေးရယ်၊ နောက် ဒီမှာရှိတဲ့ စားရေး၊သောက်ရေး ရယ်၊ နေရေးထိုင်ရေး နဲ့ နောက်ကျောင်းတက်မှုအခြေအနေ အဲ့တာလေးပါပဲ။”

လက်ရှိ ရခိုင်ပြည်နယ်တွင်းမှာ ဒုက္ခသည်တွေ ထပ်တိုးလာတာ မရှိပေမဲ့ - ပဋိပက္ခအတွင်း မီးလောင်ပျက်ဆီးခဲ့ရတဲ့ အိမ်တွေ အကုန် ပြန်ဆောက်လို့ မပြီးသေး တာကြောင့် မောင်းတောဘက် မှာတော့ ဒုက္ခသည်တွေက တော်တော်များများ ကျန်နေသေးတယ်လို့ သူက ပြောပါတယ်။ ဒီဒုက္ခသည်တွေ အတွက် အရေးပေါ်လိုအပ်နေတာကတော့ - အစားအသောက် နဲ့ ဆေးဝါးဖြစ်တယ်လို့လည်း ဦးဝင်းမြိုင် က ဗွီအိုအေကို ပြောဆိုခဲ့ပါတယ်။

မြန်မာနိုင်ငံမှာ ရခိုင်ဒေသခံတွေနဲ့ မူဆလင်တွေအကြား လအတန်ကြာဖြစ်ခဲ့တဲ့ အဓိကရုဏ်းတွေကို စစ်ဆေးဖို့ လွတ်လပ်တဲ့ စုံစမ်း စစ်ဆေးရေး ကော်မရှင်တရပ်ကို သြဂုတ်လက ဖွဲ့စည်းခဲ့ပါတယ်။ ပြီးခဲ့တဲ့ ဇွန်လက ရခိုင်ပြည်နယ်မှာ လူ ၉၀ နီးပါး သေဆုံးတဲ့အထိဖြစ်ခဲ့ရတဲ့ သွေးထွက်သံယို အကြမ်းဖက် အဓိကရုဏ်းတွေကြောင့် အစိုးရက ထုတ်ပြန်ခဲ့ရတဲ့ ပုဒ်မ ၁၄၄ ညမထွက်ရအမိန့်ကို စစ်တွေမြို့မှာ အခုထိ ရုပ်သိမ်းခြင်း မရှိသေး ပါဘူး။

ကုလသမဂ္ဂ အထူးကိုယ်စားလှယ် မစ္စတာ  Nambiar ဟာ တနင်္လာနေ့ကတော့ မြန်မာနိုင်ငံမှာရှိတဲ့ ငြိမ်းချမ်းရေးလုပ်ငန်းစဉ် အထောက်အကူ ပေးရေးအဖွဲ့နဲ့ တွေ့ဆုံခဲ့ပါတယ်။ သူ့ခရီးစဉ်အဆုံးသတ်တဲ့ ဒီကနေ့ ဒီဇင်ဘာလ ၂၀ ရက်နေ့မှာ မြန်မာနိုင်ငံကနေ ပြန်လည် ထွက်ခွာသွားပြီ ဖြစ်ပါတယ်။