18.12.2012 နေ့ဖတ်ရန်သတင်းများ

by Myanmar Journal on Monday, December 17, 2012 at 4:30pm ·

BBC World ကို မြန်မာ TV က ထုတ်လွှင့်မယ်

မြန်မာပြည် အတွက် ဘီဘီစီက အဖိုးတန် သတင်း ရင်းမြစ်ဖြစ်

ဘီဘီစီ ရုပ်သံလိုင်း တချို့နဲ့ ကမ္ဘာတလွှား ရေဒီယို အင်္ဂလိပ်ပိုင်း အစီအစဉ် တွေကို မြန်မာ နိုင်ငံမှာ ဇန်နဝါရီ လ ၁ ရက် နေ့ကစပြီး လစဉ်ကြေးနဲ့ ထုတ်လွှင့် ပေးတော့မှာ ဖြစ်ပါတယ်။

BBC World Today, CBeebies, BBC Entertainment ရုပ်သံ လိုင်းတွေနဲ့ BBC World Service အသံလွှင့် အစီအစဉ် တွေကို အခကြေး ယူပြီး တဆင့် လွှင့်ပေးမယ့် Forever Group နဲ့ ဘီဘီစီတို့ အကြား ဒီဇင်ဘာ လက သဘောတူ စာချုပ် ချုပ်ခဲ့ကြတာ ဖြစ်ပါတယ်။

ဘီဘီစီ ရဲ့ အရည်အသွေးမြင့် ထူးချွန်ဆုရ ရုပ်သံ အစီအစဉ် တွေ၊ မူကြို ကျောင်းသား တွေ အတွက် ရည်ရွယ် တင်ဆက်နေတဲ့ အစီအစဉ် တွေကို မြန်မာပြည်မှာ တိုက်ရိုက် ထုတ်လွှင့် နိုင်တော့မှာမို့ အလွန် ဝမ်းမြောက်မိတယ်လို့ BBC Worldwide Channels Asia ရဲ့ ဒုတိယ ဥက္ကဋ္ဌ Mark Whitehead က ပြောပါတယ်။

ဘီဘီစီ ရဲ့ ဘက်မလိုက် တိကျတဲ့ အစီအစဉ် တွေကို မြန်မာ နိုင်ငံမှာ ပြသခွင့် ရတာဟာ မြန်မာပြည်တွင်း တိုးတက်မှု တွေကို ဖော်ပြတဲ့ လက္ခဏာ ဖြစ်တယ်လို့ ဘီဘီစီ ကမ္ဘာတလွှား အသံလွှင့် အစီအစဉ် ညွှန်ကြားရေးမှူး Peter Horrocks ကလည်း ပြောပါတယ်။

ဘီဘီစီ ရဲ့ အရည်အသွေးမြင့် ရုပ်သံနဲ့ ရေဒီယို အစီအစဉ်တွေ အခုလို တင်ဆက်ပေးနိုင်တဲ့ အတွက် Forever Group မီဒီယာအုပ်စုကို အားပေးတဲ့ ပရိသတ်တွေ ထပ်တိုးလာမယ်လို့ ယုံကြည်ကြောင်း Forever Group ဦးဆောင် ညွှန်ကြားရေးမှူးချုပ် ဦးဝင်းမော် က ပြောသွားပါတယ်။

တရုတ်-ဂျပန် ဆက်ဆံရေး တရုတ် သတိပေး

ပိုင်နက်အငြင်းပွားမှုကြောင့် ဒေသတွင်း တင်းမာခဲ့

အသစ်တက်မယ့် ဂျပန် အစိုးရသစ် အနေနဲ့ တရုတ်နဲ့ ဂျပန် နှစ်နိုင်ငံကြား အတိမ်းအစောင်း မခံတဲ့ ကိစ္စတွေကို အသေအချာ ကိုင်တွယ် ဖြေရှင်းပေးဖို့ တရုတ် အစိုးရက တိုက်တွန်း လိုက်ပါတယ်။

တနင်္ဂနွေနေ့က ကျင်းပခဲ့တဲ့ ဂျပန် လွှတ်တော် ရွေးကောက်ပွဲမှာ အတိုက်အခံ ရှေးရိုးစွဲ ဝါဒီ LDP (Liberal Democratic ) ပါတီက လက်ရှိ အစိုးရ DPJ (Japan Democratic Party) ကို အပြတ်အသတ် နိုင်သွားပြီး တရက် အကြာမှာပဲ တရုတ်နိုင်ငံခြားရေး ဝန်ကြီးဌာနက အခုလို ထုတ်ဖော် ပြောလိုက်တာပါ။

ဂျပန် အစိုးရသစ် အဓိက အလေးထား ဆောင်ရွက်ရမယ့် ကိစ္စက ကျွန်းစု ပြဿနာ ကိစ္စ ပြေလည်စေရေးနဲ့ နှစ်နိုင်ငံအကြား ဆက်ဆံရေး တိုးတက်ကောင်းမွန် လာရေးအတွက် အားထုတ် ဆောင်ရွက်ဖို့ ဖြစ်ကြောင်း၊ ဒီလို ဆောင်ရွက် ရာမှာလည်း စိတ်ရင်းသဘောထား မှန်မှန်နဲ့ လက်တွေ့ကျကျ ကိုင်တွယ် ဆောင်ရွက်ဖို့ လိုကြောင်း တရုတ်နိုင်ငံခြားရေး ဝန်ကြီးဌာန ပြောခွင့်ရ အမျိုးသမီး ဟွာ ချွန်ယင်းက ပြောသွားပါတယ်။

ဒီအတောအတွင်း တရုတ်အစိုးရ အနေနဲ့ ဂျပန်နိုင်ငံရဲ့ အနာဂတ် လမ်းကြောင်းကို အသေအချာ အာရုံစိုက်စောင့်ကြည့် လေ့လာနေမှာ ဖြစ်ပြီး နှစ်နိုင်ငံ ဆက်ဆံရေး တိုးတက် ကောင်းမွန်လာဖို့ ဂျပန်အစိုးရ ကြိုးပမ်း လုပ်ဆောင်ရေးက သိပ်ကို အရေးပါတယ်လို့လည်း ဆိုပါတယ်။

ဒေသတွင်း အေးချမ်း တည်ငြိမ်ရေးကို ဂျပန် အစိုးရသစ်အနေနဲ့ ဆက်လက် ဆောင်ရွက်သွားမယ်လို့ တရုတ်အစိုးရ မျှော်လင့်နေတယ်လို့လည်း တရုတ် နိုင်ငံခြားရေး ဝန်ကြီးဌာန ပြောခွင့်ရ အမျိုးသမီးက ဖြည့်စွက် ပြောသွားပါတယ်။

အသစ် တက်လာမယ့် ဂျပန် ဝန်ကြီးချုပ်သစ် ရှင်ဇို အာဘေးဟာ လက်ယာ သမား အမျိုးသားရေးဝါဒီတဦး ဖြစ်ပြီး တရုတ်နဲ့ ဂျပန်အကြား သူပိုင်ကိုယ်ပိုင် အငြင်းပွား နေကြတဲ့ ကျွန်းစုတွေကိစ္စနဲ့ ပတ်သက်လို့ စေ့စပ်ညှိနှိုင်းစရာ အကြောင်း လုံးဝ မရှိဘူးလို့ အစောပိုင်းတုန်းက ပြောသွားပါတယ်။

ဂျပန်ဘက်က ဆင်ကာကူလို့ ခေါ်တဲ့ အဲဒီ ကျွန်းစုတွေဟာ ဂျပန်နိုင်ငံရဲ့ ပိုင်နက် ကျွန်းစုတွေ ဖြစ်တယ်လို့လည်း ဆိုပါတယ်။

ဒါပေမယ့်လည်း တရုတ်နဲ့ ဂျပန် နှစ်နိုင်ငံ ဆက်ဆံရေး တိုးတက်ကောင်းမွန် လာစေဖို့ သူ့အနေနဲ့ လိုလားတယ်လို့ ထုတ်ဖော် ပြောသွားပါတယ်။

တရုတ်နိုင်ငံ ဘက်ကလည်း တရုတ်လို ဒေါင်ယူးလို့ အမည်ပေးထားတဲ့ အဲဒီကျွန်းစုတွေဟာ တရုတ်ပိုင်နက် ကျွန်းစုတွေ ဖြစ်တယ်လို့ ပြောနေတာပါ။

ဒီကျွန်းစုတွေ ကိစ္စနဲ့ ပတ်သက်လို့ အခု ပြီးခဲ့တဲ့ သီတင်းပတ်အတွင်း နှစ်နိုင်ငံအကြား တင်းမာမှုတွေ တိုးပွားလာနေရာမှာ ဂျပန်ရဲ့ ထိန်းချုပ်မှုကို တိုက်ရိုက် စိန်ခေါ်တဲ့ အနေနဲ့ တရုတ် ကွန်မြူနစ်ပါတီ ခေါင်းဆောင်သစ် ရှီ ရှင်ပင်းက အဲဒီ ကျွန်းစုတွေ အနားကို တရုတ် စစ်သင်္ဘောတွေ ၊စစ်လေယာဉ်တွေ စေလွှတ်ခဲ့ပါတယ်။

လက်ပံတောင်း စီမံကိန်း ဆက်ဆန္ဒပြနေ

ကုမ္ပဏီ စီမံကိန်းတွေ ဆက်လုပ်တာကို မကျေနပ်လို့ ဆန္ဒပြ

လက်ပံတောင်းတောင် သပိတ်စခန်းတွေ အကြမ်းဖက် ဖြိုခွဲ ခံရပြီးနောက် စုံစမ်းစစ်ဆေးရေး ကော်မရှင် ပေါ်လာပြီး မန္တလေးမှာ သံဃာထုကို သမ္မတရုံး ၀န်ကြီး ဦးလှထွန်းနဲ့ အဖွဲ့ တောင်းပန်ပြီးနောက် လက်ပံတောင်း စီမံကိန်း ရပ်ဆိုင်းဖို့ ဆန္ဒပြနေသူတွေ ကြား ဒွိဟ ဖြစ်နေကြတယ်လို့ သိရပါတယ်။

လက်ပံတောင်းတောင် ကြေးနီစီမံကိန်း သပိတ်စခန်းတွေ အဖြိုခွဲမခံရခင်က တညီတညွတ်တည်း သပိတ်စခန်းတွေဖွင့် ဆန္ဒပြ လာခဲ့တဲ့ ကြေးနီ စီမံကိန်း ဧရိယာက ရွာတွေမှာ ခုဆိုရင် စုံစမ်းစစ်ဆေးရေး ကော်မရှင်ရဲ့ အစီရင်ခံစာ ထွက်အောင် စောင့်ကြည့်ချင်သူတွေ ရှိသလို ၀မ်ပေါင်နဲ့ ဦးပိုင် ကုမ္ပဏီဘက်က စီမံကိန်း လုပ်ငန်းတွေ ဆက်လုပ်နေတာကို မကျေနပ်တဲ့ ရွာသားတွေကတော့ ဆန္ဒဆက်ပြနေကြဆဲဖြစ်ပါတယ်။

အခုဆိုရင် ဒေသခံ တရာကျော်နဲ့ ရွာနီးချုပ်စပ်က သံဃာတော် ၁၀ပါးကျော် ဆားလင်းကြီးမုံရွာ ကားလမ်းဘေးက တုံရွာထိပ်မှာ သပိတ်စခန်း ဖွင့်ပြီး နေ့ညမပြတ် ထိုင်သပိတ် ဆင်နွှဲနေကြပါတယ်။

သူတို့ သပိတ်စခန်းဟာ ခွင့်ပြုချက် မတောင်းဘဲ ဆန္ဒပြနေတာကြောင့် တရားမဝင်လို့ ဖျက်သိမ်းဖို့ ဆားလင်းကြီး အုပ်ချုပ်ရေးမှူးက လာတားပေမယ့် စီမံကိန်း မရပ်မချင်း ဆက်ပြီး ဆန္ဒပြနေမယ်လို့ သပိတ်စခန်းက ဆရာတော် ဦးစန္ဒသီရိက မိန့်ပါတယ်။

ခုလို ဆန္ဒပြသူတွေက ပြနေပေမယ့် အရင်က ဆန္ဒပြဦးဆောင်ခဲ့တဲ့ ခေါင်းဆောင် တချို့ကတော့ ဒေါ်အောင်ဆန်းစုကြည် ဦးဆောင်တဲ့ စုံစမ်းစစ်ဆေးရေး ကော်မရှင်ရဲ့ တွေ့ရှိချက် အဖြေကို စောင့်ကြည့်ချင်တဲ့ ဆန္ဒ ရှိနေကြတယ်လို့ ဝက်မှေးကျောင်းက ဦးဝိစိတ္တဓမ္မက မိန့်ပါတယ်။

ထားဝယ်ဆိပ်ကမ်းကိစ္စ နှစ်နိုင်ငံ တွေ့ဆုံ

ထားဝယ်ဆိပ်ကမ်း တည်ဆောက်ရေး လုပ်ငန်းခွင်

ထိုင်းဝန်ကြီးချုပ်နဲ့ သမ္မတဦးသိန်းစိန်တို့ တွေ့ကြရာမှာ နယ်စပ်ဂိတ် အသစ်ဖွင့်ဖို့ ၊ အလုပ်သမားအရေးနဲ့ ထားဝယ်ရေနက် ဆိပ်ကမ်းစီမံကိန်းတွေကို ဆွေးနွေးခဲ့တယ်လို့ မြန်မာဘက်က သတင်း ထုတ်ပြန်ပါတယ်။

ထားဝယ်ရေးနက် စီမံကိန်းလုပ်ငန်း အမြန်ဆုံး အကောင်အထည်ဖေါ်ရေးအတွက် ဒုတိယသမ္မတ ဦးညဏ်ထွန်းနဲ့ ထိုင်းဒုတိယဝန်ကြီးချုပ် ကီတီရတ် နာ့ရနောင်းတို့ ဦးဆောင်တဲ့ ကော်မတီအပါအဝင် အဆင့်မြင့်ပူးတွဲ ကော်မတီ ၃ ခုနဲ့ ကော်မတီငယ် ၆ ခုဖွဲ့စည်းလုပ်ဆောင်နေတာဖြစ်တယ်။

ထိုင်းနိုင်ငံအခြေစိုက် အီတာလျံထိုင်း ကုမ္ပဏီ တခုတည်းနဲ့ လုပ်ကိုင်ရာမှာ ငွေရေးကြေးရေး အရရော ဆက်သွယ်ဆောင်ရွက်မှု အပိုင်းတွေမှာပါ အခက်အ ခဲရှိတာကြောင့် နှစ်နိုင်ငံအစိုးရတွေ ပါဝင်လုပ်ဆောင်ပေးတာ ဖြစ်တယ်လို့ အီတာလျံထိုင်းက တာဝန်ရှိသူတစ်ဦးက ဘီဘီစီကိုပြောပါတယ်။

ထားဝယ်မြို့မှာ နှစ်ဘက်အစိုးရ ခေါင်းဆောင်တွေ တွေ့ဆုံဆွေးနွေးခဲ့တာကို ဆွေးနွေးပွဲမှာ ပါဝင်ခဲ့တဲ့ ထိုင်းအစိုးရ ပြောရေးဆိုခွင့်ရှိသူ ဒေါက်တာထွတ်စဖေါန်း စေရီရတ်ခ်ကတော့ 'ထားဝယ်ရေနက်ဆိပ်ကမ်း စီမံကိန်း တိုးတက်ဖြစ်ထွန်းမှု အခြေအနေ ဘယ်လို ရှိသလဲ ဆိုတာတွေ ဆွေးနွေး ဖြစ်ပါတယ်။ အီတာလျံထိုင်းအပြင် အခြားလုပ်ငန်းရှင်တွေ ရင်းနှီးမြှုပ်နှံ နိုင်အောင် အစိုးရက ကူညီပံ့ပိုး နေတာဖြစ်တယ်။ လုပ်ငန်းရှင်တွေနဲ့ ထိုင်းဝန်ကြီးချုပ် ယင့်လတ်ခ် ချင်နဝပ် နဲ့ သမ္မတဦးသိန်းစိန် အပါအဝင် အစိုးရ တာဝန်ရှိသူတွေ နဲ့ လုပ်ငန်းရှင်တွေပါ ထားဝယ်ဒေသကို ကွင်းဆင်း လေ့လာခဲ့တာ'လို့ ပြောသွားပါတယ်။

ထားဝယ်စီမံကိန်းမှာ ပထမအဆင့်အနေနဲ့ ရေနက်ဆိပ်ကမ်းအဆင့် ၁ နဲ့ ထိုင်းကို ဆက်သွယ်မယ့် ကားလမ်းကို ၂ဝ၁၅ ခုအပြီးတည်ဆောက်မှာဖြစ်တယ်။ စက်မှုဇုံကိုတော့ တဖြေးဖြေးချင်း တိုးချဲ့ လုပ်ဆောင်သွားမယ်။ ရင်းနှီးမြှုပ်နှံဖို့ ကတော့ ထိုင်းအစိုးရနဲ့ မြန်မာအစိုးရတို့လည်း ပါဝင်ဖို့ရှိတယ်။ နှစ်ဘက်အစိုးရ ကော်မတီတွေ တစ်လအချိန်ပေး တွေ့ဆုံဆွေးနွေးဖို့ သဘောတူထားတယ်လို့ အီတာလျံထိုင်း ကုမ္ပဏီ တာဝန်ရှိသူက ပြောပါတယ်။

ထားဝယ်ကနေ ထိုင်းကို ကားလမ်းဖေါ်လုပ်ဖို့အတွက် အသိမ်းခံရတဲ့ ရာဘာခြံတွေကိုလည်း လျော်ကြေးတွေ ပေးနေပြီလို့ ထားဝယ်ဖွံ့ဖြိုးတိုး တက်ရေးအဖွဲ့က ကိုလေးလွင်က ပြောပြပါတယ်။

ပြောင်းရမယ့် ရွာတွေအတွက်တော့ အိမ်တွေဆောက်ပေးနေတုန်းဖြစ်ပါတယ်။ ထားဝယ်စီမံကိန်းကတော့ အကောင်အထည်ဖေါ်နေပြီလို့ ပြောနိုင်ပါတယ်။

မူလတန်းကျောင်း သေဆုံးသူတွေ သင်္ဂြိုဟ်မယ်

အဖြစ်ဆိုးတွေ ထပ်မပေါ်ရအောင် ကြိုးစားမယ်

ကွန်နက်တီကတ် ပြည်နယ် စာသင်ကျောင်း သတ်ဖြတ်မှုမှာ သေဆုံးခဲ့သူ တွေ ရဲ့ အသုဘ အခမ်းအနားတွေကို ကနေ့ နှောင်းပိုင်းမှာ ကျင်းပ တော့မှာ ဖြစ်ပါတယ်။

အငယ်ဆုံး သေဆုံးသူ ကတော့ ၆ နှစ် အရွယ် မူလတန်း ကျောင်းသား ဂျက်ပင်တို ဖြစ်ပါတယ်။

သောကြာ နေ့ က နယူးတောင်းမြို့မှာ သေနတ်သမား တယောက် ဝင်ပစ်သွားလို့ ကလေး အယောက် ၂ဝ နဲ့ လူကြီး ၆ ယောက် သေဆုံး ခဲ့ရပါတယ်။

ဒီလို ကြေကွဲစရာ အဖြစ်ဆိုးတွေ အဆုံးသတ်ဖို့ အမေရိကန် နိုင်ငံ အနေနဲ့ ပြုပြင် ပြောင်းလဲမှု တွေ လုပ်မှ ရတော့မယ်လို့ အမေရိကန် သမ္မတ အိုဘားမားက တနင်္ဂနွေနေ့က ပြုလုပ်တဲ့ နယူးတောင်းမြို့ ဘာသာ ပေါင်းစုံ ဝတ်ပြု ဆုတောင်းပွဲမှာ မိန့်ခွန်း ပေးခဲ့ပါတယ်။

လာမယ့် သီတင်းပတ် တွေ အတွင်း သမ္မတ အာဏာကို အသုံးပြုပြီး ဒီလိုမျိုး အနိဋ္ဌာရုံ အဖြစ်ဆိုးတွေ ထပ်ပြီး မပေါ်ပေါက်ရအောင် ကြိုးစား သွားမယ်၊ စိတ်ကျန်းမာရေး ပညာရှင်တွေ နဲ့ ဆရာ မိဘတွေ အတွက် ဥပဒေတွေ သတ်မှတ် ပြဋ္ဌာန်းပေးမယ်လို့ မစ္စတာ အိုဘားမားက ပြောကြား ခဲ့ပါတယ်။

သမ္မတ အာဏာ ကို ကျင့်သုံးတဲ့ အကြောင်း ပြောရာမှာ လက်နက် ကိုင်ဆောင်မှု ထိန်းချုပ်ရေး ဥပဒေ နဲ့ ပတ်သက်တာ ကိုတော့ ထည့်သွင်း ပြောကြား မသွားပါဘူး။

ဂျပန်အစိုးရသစ်ပြောင်းပေမဲ့ မြန်မာ့ ODA အစီအစဉ် မပြောင်းနိုင်

Liberal Democratic Party က ပါတီခေါင်းဆောင် ရှင်ဇိုအာဘေး

ဂျပန်နိုင်ငံမှာ တနင်္ဂနွေနေ့က ကျင်းပခဲ့တဲ့ ရွေးကောက်ပွဲမှာ အနိုင်ရသွားတဲ့ Liberal Democratic Party အစိုးရသစ်အနေနဲ့ မြန်မာနိုင်ငံအပေါ်ထားတဲ့ မူဝါဒကို သိသိသာသာ ပြောင်းလဲမှာ မဟုတ်ဘူးလို့ ဂျပန် အကြီးတန်း သုတေသီတယောက်က ပြောလိုက်ပါတယ်။ ဂျပန်အစိုးရသစ်အနေနဲ့ ဖွံ့ဖြိုးဆဲနိုင်ငံတွေကိုပေးတဲ့ ODA ထောက်ပံ့ကူညီမှုတချို့ကိုလျှော့ချဖို့ ရှိနေပေမဲ့ မြန်မာနိုင်ငံအပေါ်ကိုတော့ လျှော့မှာ မဟုတ်ဘူးလို့ ဖွံ့ဖြိုးဆဲနိုင်ငံများလေ့လာရေး သိပ္ပံက အကြီးတန်းသုတေသီ Toshihiro Kudo က VOA မြန်မာပိုင်းကို ပြောပါတယ်။ Shinzo Abe အစိုးရသစ်နဲ့ မြန်မာနိုင်ငံကြား ဆက်ဆံရေးအလားအလာနဲ့ ပါတ်သက်လို့ စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပါမယ်။

တနင်္ဂနွေနေ့က ဂျပန်နိုင်ငံ ရွေးကောက်ပွဲမှာ Yoshihiko Noda ရဲ့ Democratic Party ကို Liberal Democratic Party က အနိုင်ရခဲ့ပြီးနောက်မှာ ပါတီခေါင်းဆောင် ရှင်ဇိုအာဘေးရဲ့ အစိုးရသစ် တက်လာတော့မှာဖြစ်ပါတယ်။ ဝန်ကြီးချုပ်သစ်၊ အစိုးရသစ် ဖြစ်လာတော့ မှာဖြစ်ပေမဲ့ မြန်မာနိုင်ငံအပေါ်ထားတဲ့ မူဝါဒကတော့ သိသိသာသာကြီး ပြောင်းလဲသွားမှာ မဟုတ်ဘူးလို့ ဂျပန် စီးပွားရေး ကုန်သွယ်ရေးနဲ့ စက်မှုလုပ်ငန်းဆိုင်ရာ ဝန်ကြီးဌာနအောက်မှာ ရှိတဲ့ ဖွံ့ဖြိုးဆဲနိုင်ငံများလေ့လာရေးသိပ္ပံ IDE-JETRO  က အကြီးတန်းသုတေသီ Toshihiro Kudo က VOA မြန်မာပိုင်းကိုပြောပါတယ်။ Mr. Kudo ဟာ မြန်မာနိုင်ငံစီးပွားရေး ဖွံ့ဖြိုးတိုးတက်မှုကို အဓိက လေ့လာနေသူလဲဖြစ်ပါတယ်။

“လက်ရှိ ဂျပန်နဲ့ မြန်မာနိုင်ငံကြားရှိနေတဲ့ ကောင်းမွန်တဲ့ ဆက်ဆံရေးဟာ ဂျပန်အစိုးရသစ် တက်လာတဲ့အခါ ပြောင်းလဲသွားမယ်လို့ ကျွန်တော် မထင်ပါဘူး၊ ဂျပန် ဒိုင်ယတ်လွှတ်တော်ထဲက ပါတီစုံ ညွှန့်ပေါင်းအဖွဲ့ကလဲ ရာထူးကနေ ထွက်ပေးရတော့မဲ့ လက်ရှိဂျပန်အစိုးရနဲ့ မြန်မာနိုင်ငံကြား ဆက်ဆံရေးအခြေအနေကို အားပေးနေတာပါ၊ မြန်မာနိုင်ငံဖွံ့ဖြိုးတိုးတက်ရေးအတွက် ဂျပန်အစိုးရက ODA ထောက်ပံ့ကြေးပြန်ပေးတဲ့ ကိစ္စ၊ သီလဝါ အထူးစီးပွားရေးဇုံစီမံကိန်းကိစ္စတွေကြောင့် မြန်မာနဲ့ ဂျပန် ဆက်ဆံရေးဆက်ကောင်းအောင် အားပေးနေကြသူတွေ အများကြီးရှိပါတယ်၊ ဒါကြောင့် အစိုးသစ်အနေနဲ့လဲ လက်ရှိ ရှိနေတဲ့ အခြေအနေအတိုင်း ဆက်ပြီး ထိန်းသိမ်း ထားပါလိမ့်မယ်၊ နောက်တချက်က အသစ်တက်လာမဲ့ ဝန်ကြီးချုပ် အာဘေးဟာလဲ မြန်မာနိုင်ငံကို အင်မတန် အားပေး ထောက်ခံသူ တယောက်ဖြစ်ပါတယ်၊ နောက်ပြီးတော့ ဂျပန်နဲ့ တရုတ်ဆက်ဆံရေးအပါအဝင် ဂျပန်နဲ့ နိုင်ငံတကာဆက်ဆံရေးပိုင်း၊ စီးပွားရေးပိုင်းမှာ မြန်မာနိုင်ငံ ဟာ ဗြူဟာမြောက်အရေးပါတယ် ဆိုတာကို ကောင်းကောင်းနားလည်သူ တယောက်ဖြစ်ပါတယ်” လို့ Mr. Kudo ပြောသွားတာဖြစ်ပါတယ်။

လက်ရှိ ဂျပန်နိုင်ငံရဲ့ အခြေအနေမှာ မြန်မာနိုင်ငံဟာ ဂျပန်နိုင်ငံအတွက် စီးပွားရေးအရ အခွင့်အလမ်းသစ်တွေပေါ်ပေါက်လာတာမို့ မြန်မာနိုင်ငံကို အရေးပါလာပြီလို့ သတ်မှတ်လာကြပြီဆိုတာကိုလဲ အကြီးတန်းသုတေသီ Mr. Kudo က သုံးသပ်ပြပါတယ်။

“အရှေ့တောင်အာရှနိုင်ငံတွေအားလုံး၊ အာဆီယံနိုင်ငံတွေအားလုံးက ဂျပန်နိုင်ငံအတွက် အရေးကြီးပါတယ်၊ ဒါပေမဲ့ မြန်မာနိင်ငံကတော့ တချို့အချက်တွေကြောင့် ပိုပြီး အရေးကြီးတာပါ၊ အဓိကတချက်ကတော့ စီးပွားရေးအတွက်ပါ၊ အရင်တုန်းက သီးခြားဖြစ်နေတဲ့ မြန်မာနိုင်ငံဟာ အခုတော့ လမ်းတွေ အများကြီးဖွင့်နေပြီဖြစ်လို့ စီးပွားရေးအတွက် အခွင့်အလမ်းကောင်းတွေ နောက်ဆုံးပေါ်ထွက်လာတဲ့ နယ်ပယ်အသစ် Last Frontier လို့ ဂျပန်မှာ ပြောနေကြပါပြီ၊ နောက်တချက်ကတော့ သံတမန်ရေးအရ အရေးပါပါတယ်၊ မြန်မာနိုင်ငံဟာ အရှေ့တောင်အာရှမှာ အင်မတန် ဗျူဟာမြောက်တဲ့ ပထဝီအနေအထားမှာ ရှိပါတယ်၊ အရင် စစ်အစိုးရလက်ထက်တုန်းကတော့ မြန်မာဟာ တရုတ်အပေါ်မှာ မှီတည် အားကိုးခဲ့ပါတယ်၊ အခုတော့ မြန်မာက သူ့ရဲ့ သံတမန် ဆက်ဆံရေးကို မျှတအောင် ကြိုးစားလာတာတွေ့ရပါတယ်။ ဒီလိုအခြေအနေမှာ ဂျပန်လဲ သူ့ရဲ့ အကျိုးအတွက် မြန်မာနဲ့ ကောင်းမွန်တဲ့ ဆက်ဆံရေး ရှိထားဖို့ အရေးကြီးပါတယ်"လို့ သုံးသပ်သွားတာဖြစ်ပါတယ်။

အသစ်တက်လာမဲ့ အစိုးရသစ်အနေနဲ့ စီးပွားရေးအရ ခက်ခဲတဲ့ ဆုံးဖြတ်ချက်တွေ ချရမဲ့ အနေအထား ရှိနေချိန်မှာ မြန်မာနိုင်ငံအပါအဝင် ဖွံ့ဖြိုးဆဲ နိုင်ငံတွေအတွက် ပေးတဲ့ ဖွံ့ဖြိုးရေးဆိုင်ရာ ODA အကူအညီပိုင်းမှာ အပြောင်းအလဲ ရှိနိုင်သလားဆိုတာကိုလဲ Mr. Toshihiro Kudo ကို မေးကြည့်ပါတယ်။

“ကျွန်တော့်အထင်တော့ ပြောင်းမယ် မထင်ပါဘူး၊ ODA ဘတ်ဂျက်တခုလုံး လျော့ကောင်းလျော့ သွားနိုင်ပါတယ်၊ ဒါပေမဲ့ မြန်မာကို ပေးမဲ့ ODA ပမာဏကတော့ ပြောင်းလဲသွားမှာ မဟုတ်ပါဘူး၊ ဂျပန် ပြည်တွင်းစီးပွားရေးအခြေအနေ တိုးတက်ရေးအာရုံစိုက်ဖို့ ထောက်ပံကြေး အသုံးစရိတ်တွေကို လျှော့ချတဲ့ အခြေအနေရောက်ကောင်း ရောက်နိုင်ပါတယ်၊ ဒါပေမဲ့ ရာထူးကနေ ဖယ်ပေးရမဲ့ Mr. Noda အစိုးရက မြန်မာနိုင်ငံအတွက် ODA ထောက်ပံ့ကြေး ယန်း သန်း ၅၀၀ ပေးပါမယ်လို့ ကတိပေးထားတဲ့အတိုင်း အသစ်တက်လာမယ့် အစိုးရသစ်ကလဲ ပေးမယ်လို့ ကျွန်တော်ထင်ပါတယ်၊ ဒီပမာဏကိုတော့ အစိုးရသစ်က လျှော့လိုက်မှာ မဟုတ်ဘူးထင်ပါတယ်"လို့ ဖွံ့ဖြိုးဆဲနိုင်ငံများလေ့လာရေးသိပ္ပံ IDE-JETRO  က အကြီးတန်းသုတေသီ Toshihiro Kudo က VOA မြန်မာပိုင်းကို ပြောပါတယ်။

ဆီးရီးယားအစိုးရတပ် ဒုက္ခသည်စခန်းကို ဗုံးကျဲ တိုက်ခိုက်

 

ဆီးရီယားနိုင်ငံမှာ အကြမ်းဖက်မှုအခြေအနေတွေ ပိုဆိုးလာတဲ့အပေါ် ကုလသမဂ္ဂအတွင်းရေးမှုးချုပ် ဘန်ကီမွန်းက ဝေဖန်ရှုတ်ချလိုက်ပါတယ်။ ဆီးရီယားထဲမှာရှိတဲ့ ပါလက်စတိုင်းဒုက္ခသည်စခန်းတခုကို ဆီးရီယားအစိုးရတပ်က လေယာဉ်နဲ့ ဗုံးကြဲတိုက်ခိုက်တယ်ဆိုတဲ့ သတင်းဟာ အင်မတန်ကို စိုးရိမ်ပူပင်စရာအခြေအနေဖြစ်တယ်လို့ ကုလသမဂ္ဂအတွင်းရေးမှုးချုပ် ဘန်ကီမွန်းက ပြောဆိုသွားပါတယ်။ Yarmouk ဒုက္ခသည်စခန်းကို ဆီးရီယားအစိုးရက ဗုံးကြဲတိုက်ခိုက်တာကြောင့် အနဲဆုံး လူ ၈ ဦး သေဆုံးခဲ့တယ်လို့ ဆီးရီယားအတိုက်အခံလှုပ်ရှားသူတွေက ပြောပါတယ်။

သမ္မတအာဆပ်အစိုးရအနေနဲ့ ၂၀၁၁ခုနှစ် မတ်လက စလို့ အတိုက်အခံတွေကိုနှိမ်နင်းနေရာမှာ၊ ဒုက္ခသည်စခန်းတခုကို အခုလို လေကြောင်းကနေ တိုက်ခိုက်တာမျိုးဟာ ပထမဆုံးအကြိမ်ဖြစ်ပါတယ်။ လူဦးရည်ထူထပ်တဲ့ အရပ်သားနယ်မြေတခုကို ဗုံးကြဲတိုက်ခိုက်မှုမှာ ခိုင်လုံတဲ့ အထောက်အထားတွေရှိထားပြီး၊ ဒီလို အရပ်သားလူထုအပေါ် အကြမ်းဖက် တိုက်ခိုက်မှုကို ဝေဖန်ရှုတ်ချတယ်လို့ ကုလသမဂ္ဂအတွင်းရေးမှုးချုပ် ဘန်ကီမွန်းက ကြေညာချက် ထုတ်ခဲ့ပါတယ်။

မနေ့ တနင်းနွေနေ့တုန်းက ဆီးရီယားအစိုးရက လေကြောင်းတိုက်ခိုက်မှု ၆ ခု ပြုလုပ်ခဲ့ရာမှာ၊ အဲဒီ ဒုက္ခသည်စခန်းကို တိုက်ခိုက်တာဟာ တခုအပါအ၀င် ဖြစ်တယ်လို့ ဗြိတိန်အခြေစိုက် လူ့အခွင့်အရေးစောင့်ကြပ်မှုအဖွဲ့က ကြေညာပါတယ်။ သူပုန်တွေဟာ သူတို့ ခြေကုတ်ယူထားတဲ့ နေရာတွေကနေ မြို့တော်အနီးအထိ ချည်းကပ်လာပြီလို့လည်း ဆိုပါတယ်။

သမ္မတဦးသိန်းစိန် နဲ့ ထိုင်းဝန်ကြီးချုပ် ထားဝယ် ရေနက် စီမံကိန်း လေ့လာ

သမ္မတ ဦးသိန်းစိန်နဲ့ ထိုင်းဝန်ကြီးချုပ် ထားဝယ်ရေနက် စီမံကိန်း လေ့လာနေစဉ်။ ( Photo Source-Prime Minister Yingluck Shinawatra Official Facebook-Government Official)

တနင်္သာရီတိုင်းဒေသကြီးမှာ တည်ဆောက်နေတဲ့ ထားဝယ်ရေနက်ဆိပ်ကမ်းစီမံကိန်းနဲ့ အထူးစီးပွားရေးဇုံ စီမံကိန်းကို သမ္မတဦးသိန်းစိန်နဲ့ ထိုင်းနိုင်ငံဝန်ကြီးချုပ် ယင်းလတ် ရှင်နာဝပ်တို့ ဒီကနေ့ သွားရောက် လေ့လာခဲ့ ပါတယ်။ ဒီ အထူးစီးပွါးရေးစီမံကိန်းအောင်မြင်အောင် ထိုင်းမြန်မာ နှစ်နိုင်ငံ ပူးပေါင်းဆောင်ရွက် သွားဖို့ ဆွေးနွေးခဲ့တယ်လို့ စီးပွါးရေးဇုံ တာဝန်ရှိသူတွေကပြောပါတယ်။ ဒါပေမဲ့လည်း ဒီစီမံကိန်းကြောင့် ထိခိုက်မှုဖြစ်ရတဲ့ ဒေသခံတွေ အတွက် ထိရောက်တဲ့ ကူညီ လုပ်ဆောင်ပေးမှုတွေ မရှိဘူးလို့ စီမံကိန်း ကို လေ့လာစောင့်ကြည့်နေသူတွေက ဝေဖန်ကြပါတယ်။ ဒီအခြေအနေ အပြည့်အစုံကိုတော့ ထိုင်းအခြေစိုက်သတင်းထောက် နိုင်ကွန်းအိန်က သတင်းပေးပို့ ထားပါတယ်။

နိုင်ငံတော်သမ္မတဦးသိန်းစိန်ခေါင်းဆောင်တဲ့အစိုးရအဖွဲ့ဝင်တွေနဲ့ ထိုင်းနိုင်ငံဝန်ကြီးချုပ် ယင်လတ်ရှင်နာဝပ် ဦး ဆောင်တဲ့အဖွဲ့ဟာ ဒီဇင်ဘာ(၁၇)ရက်နေ့မှာ တနင်္သာရီတိုင်းဒေသကြီး ထားဝယ်အထူးစီးပွါးရေးဇုံကို သွား ရောက်လေ့လာခဲ့ပါတယ်။ ဒီထားဝယ်ရေနက်ဆိပ်ကမ်းစီမံကိန်းနဲ့ အထူးစီးပွါးရေးဇုံ စီမံကိန်းအောင်မြင်ဖို့ နှစ်နိုင်ငံ အစိုးရတို့ပူးပေါင်း လုပ်ဆောင် သွားဖို့ပြောဆိုခဲ့တယ်လို့ ထားဝယ်အထူးစီးပွားရေးဇုန် အထောက်အကူပြုလုပ်ငန်း အဖွဲ့(ယာယီ) ဥက္ကဌ ဦးတင်မောင်ဆွေကအခုလိုပြောပါတယ်။

“တွေ့ဆုံတဲ့အချိန်မှာတော့ ဒီစီမံကိန်းအောင်မြင်ဖို့အတွက် နှစ်နိုင်ငံအစိုးရ ပူးပေါင်းပြီးတော့ အောင်မြင်အောင် ဆောင်ရွက်သွားမယ် ဆိုတာ ဒီဥစ္စာဘဲအဓိကပြောသွားပါတယ်။ ဒီကနေ့(၁၇)ရက်နေ့ ထားဝယ်အထူးစီးပွါးရေးဇုံမှာ နိုင်ငံတော်သမ္မတကြီးနဲ့အတူ ထိုင်းနိုင်ငံဝန်ကြီးချုပ် ထိုင်းနိုင်ငံဘက်က ၀န်ကြီးတွေ ဌာနဆိုင်ရာတွေပေါ့နော် သူတို့ဆီက ရင်းနှီးမြုပ်နှံမဲ့ လုပ်ငန်းရှင်တွေပါတယ်။ ကျွန်တော်တို့ဘက်ကလဲ ပြည်ထောင်စုဝန်ကြီးတွေပါတယ်။”

၂ဝဝ၈ခုနှစ်ကတည်းက မြန်မာနဲ့ထိုင်းနှစ်နိုင်ငံပူးတွဲပြီး ထားဝယ်ရေနက်ဆိပ်ကမ်း တည်ဆောက်ရေးစီမံကိန်း နားလည်မှုစာချွန်လွှာ လက်မှတ်ရေးထိုး ခဲ့ကြပြီးတဲ့နောက်မှာ နိုင်ငံတော်သမ္မတဦးသိန်းစိန်နဲ့ ထိုင်းဝန်ကြီးချုပ်ယင်လတ်ရှင်နာဝပ်တို့ ပထမဆုံးအကြိမ် ထားဝယ်ရေနက်စီမံကိန်းနေရာကို လာရောက်ကြည့်ရှုတာဖြစ်ပါတယ်။

မြန်မာအစိုးရအနေနဲ့ ထားဝယ်ရေနက်ဆိပ်ကမ်းစီမံကိန်းနဲ့ အထူးစီးပွါးရေးဇုံစီမံကိန်းကို Italian-Thai  နဲ့အကျိုးတူ ပူးပေါင်းလုပ်ဆောင်သွားမှာဖြစ်ပြီး ၂၀၁၃ခုနှစ်မှာစတင်အကောင်အထည်ဖေါ် လုပ်ဆောင်သွားမှာ ဖြစ်တယ်လို့ ထားဝယ်အထူးစီးပွားရေးဇုန် အထောက်အကူပြုလုပ်ငန်းအဖွဲ့ (ယာယီ) ဥက္ကဌဦးတင်မောင်ဆွေက အခုလိုပြောပါတယ်။

“(၂၀၁၃)မှာစပါမယ်ခင်ဗျ။ နှစ်နိုင်ငံဆက်သွယ်မဲ့ မြန်မာနဲ့ဆက်သွယ်မဲ့ကားလမ်းပေါ့။ နောက်တခုက ရေနက်ဆိပ်ကမ်းပထမအဆင့် နောက်တော့ဒီဓါတ်အားပေးစက်ရုံ နောက်တခုကဆက်သွယ်ရေးကွန်ယက် နောက်ပြီးတော့ရေရရှိရေးပေါ့နော်။ အသေးစားစက်မှုလုပ်ငန်း ဒီဥစ္စာတွေစပြီး ဆောင်ရွက်သွားမယ်။”

ဒီစီမံကိန်းအတွက် ရေဖြူမြို့နယ်နဲ့လောင်းလုံမြို့နယ်ထဲက ကျေးရွာအများအပြားပြောင်းရွှေ့ပေးရမှာဖြစ်သလို အပြောင်းရွှေ့ခံရွာသားတွေအတွက် အဆင်ပြေမဲ့နေရာသစ်တွေကိုလဲဆောက်လုပ်နေဆဲလို့လဲ ဦးတင်မောင်ဆွေ က ဆက်ပြောပါတယ်။

“စီမံကိန်းနဲ့မလွတ်ကင်းတဲ့ကျေးရွာတွေကျတော့ ကျွန်တော်တို့ရွှေ့ပေးရမှာဖြစ်ပါတယ်။ ရွာသူရွာသား တွေကိုမနစ်နာအောင် ကျွန်တော်တို့အကုန်လုံး လက်ရှိလူနေမှုနဲ့အဆင့်မြင့်အောင် အကုန်ဆောက်ပေးပြီးတော့ အကုန်လုံးအဆင်ပြေတဲ့နေရာမှာကျွန်တော်တို့လုပ်ပေးပါမယ်။ ဇုံနယ်မြေနယ်နမိတ်ထဲမှာပါတဲ့ကျေးရွာ(၁၆)ရွာပါ။ တပြိုင်ထဲမရွှေ့ပါဘူးခင်ဗျား။ သူတို့အတွက်ရေတွေမီးတွေအကုန်လုံးအဆင်သင့်ဖြစ်တဲ့အချိန်ကျမှ ကျွန်တော် တို့ကအဲဒီမှာရွှေ့မှာပါ။ နဘုလယ်ဒေသကျေးရွာ(၅)ရွာကတော့ ဇုံဒေသမှာ ဘ၀ါနေရာမှာ ရွှေ့ပါမယ်။ နောက်တော့ ရေဖြူမြို့နယ်ထဲက ကျေးရွာတွေကတော့ ပဂေါဇွန်းဆိုတဲ့နေရာမှာ ကျွန်တော်တို့ရွှေ့ပါ့မယ်။ ဒေသခံတွေအတွက် ဒီဒေသမှာအရင်ဆုံး အကျိုးကျေးဇူးခံစားရမှာပါ။ ဒီစီမံကိန်းကြောင့်အလုပ်အကိုင်ရရှိတယ်။ လမ်းမီးရေ တွေနဲ့မြန်မာနိုင်ငံတနိုင်ငံလုံးကို အကုန်လုံးအတွက်ကို အကျိုးရှိမှာဖြစ်ပါတယ်။”

ဒီစီမံကိန်းကြောင့် ဒေသခံကျေးရွာသားဦးရေ(၂)သောင်းကျော် ပြောင်းရွှေ့ခံရမှာဖြစ်ပါတယ်။ ဒေသခံကျေးရွာသား တွေကတော့ မိမိတို့ဓါးဦးချလုပ်ကိုင်ခဲ့တဲ့ မြေနေရာကိုပြောင်းရွှေ့လိုခြင်းမရှိဘူးလို့ဒေသခံနမူးဒူး ရွာသားတဦးက ပြောပါတယ်။ အခုလိုကျေးရွာ ပြောင်းရွှေ့တဲ့ အစီအစဉ်ဟာ ပွင့်လင်းမြင်သာမှုမရှိသေးသလို နစ်နာကြေးတွေမရရှိ တဲ့ဒေသခံတွေရှိနေသေးတယ်လို့ ထားဝယ်ဖွံ့ဖြိုးရေးအဖွဲ့ဝင် ကိုလေးလွင်ကအခုလိုပြောပါတယ်။

“အခုအချိန်ထိရွာကို မသိသေးတဲ့အတွက် လျော်ကြေးမရသေးပါဘူးခင်ဗျ။ ဘယ်လောက်ပေးမလဲဆိုတော့ ကျွန်တော်တို့ မသိ သေးပါဘူးခင်ဗျ။ အဲတာက သူတို့ အကြိမ်ကြိမ် ညှိနှိုင်းပြီးမှ ပြောဆိုနေကြတာ။ အခုဟာက ကျောက်တန်းဆိုတဲ့ တောင်တတောင်ရှိတယ်။ အဲဒီတောင်ကြားကိုစဖြတ်ပြီးတော့မှ ၀င်လာကတည်းကိုက အဲဒီခြံရှင်တွေကလျော်ကြေး မရဘဲနဲ့အထိုးခံထားရတဲ့ခြံတွေရှိတယ်ခင်ဗျ။ အခုချိန်ထိပိုက်ဆံမရသေးတဲ့ သူရှိနေပါတယ်။”

ဒါ့အပြင် စီမံကိန်းမြေနေရာအတွက် ယခင်စိုက်ပျိုးထားတဲ့သစ်ပင်စိုက်ခင်းတွေကို ခုတ်လှဲရမှာဖြစ်သလို ရေနံနဲ့ ဓါတုထုတ်လုပ်တဲ့စက်ရုံတွေကြောင့် သဘာဝပါတ်ဝန်းကျင်ထိခိုက်နိုင်တယ်လို့ သဘာဝပါတ်ဝန်း ကျင်ထိန်းသိမ်းရေးအဖွဲ့က ဆရာဦးထွန်းရီကပြောပါတယ်။

“ကျွန်တော်တို့ ထားဝယ်မြို့အနေအထားအရ ဆိုလို့ရှိရင် ရေနက်ဆိပ်ကမ်း အနီးအနားပါတ်ဝန်းကျင်မှာရှိတဲ့ ရွာတွေဟာ တကယ်တော့ စိုက်ရေးပျိုးရေးဖြစ်တဲ့ ဆီအုန်းတို့ ရာဘာတို့ အစုံသော အခြေအနေရှိတဲ့နေရာတွေပါ။ ကျွန်တော်တို့ သဘာဝပါတ်ဝန်းကျင် ပျက်စီးမှုမရှိခဲ့ပါဘူး။ အဲဒီမှာလုပ်တဲ့စက်ရုံဧကပေါင်းမြောက်များစွာလုပ်တဲ့ အချိန်မှာ မြေနေရာ ပျက်သုဉ်းသွားတာကြောင့် စက်ရုံတွေတည်မယ်ဆိုလို့ရှိရင် အဲဒီကထွက်ရှိလာတဲ့ ကာဗွန်ဒိုင်အောက်ဆိုဒ်တွေရော မက်သနောတွေအားလုံးပေါ့ဗျာ ထွက်လာတဲ့အငွေ့တွေ ကျွန်တော်တို့ ဆိုးကျိုးတွေမြောက်များစွာရှိလာမှာပါ။”

ဒီထားဝယ်ရေနက်ဆိပ်ကမ်းက မြန်မာပြည်မှာ ပထမဆုံးစလုပ်တဲ့ အကြီးစား စီမံကိန်းဖြစ်ပြီး ရေနက်ဆိပ်ကမ်း၊ လျှပ်စစ်ဓာတ်အားပေးစက်ရုံ၊ စက်မှုနယ်မြေများအပါအ၀င် အထူးစီးပွားရေးဇုန်တည်ဆောက်ရေးလုပ်ငန်းတွေ ထိုင်းနိုင်ငံနဲ့ဆက်သွယ်မဲ့မော်တော်ကားလမ်း၊ ရထားလမ်းတို့ အတွက် အမေရိကန်ဒေါ်လာသန်း ၈၆၀၀ခန့် ရင်းနှီးမြှပ်နှံပြီးတော့ ၁၀ နှစ်အတွင်း အပြီး တည်ဆောက်သွားမှာဖြစ်ပါတယ်။