16.12.2012 နေ့ဖတ်ရန်သတင်းများ

by Myanmar Journal on Saturday, December 15, 2012 at 3:37pm ·

ဆင်းမ်ကဒ်တွေ ထပ်ချပေးမည်

Simcard တွေကို သာ ကျပ် ၁ သိန်းခွဲ နဲ့ ရောင်းချပေးမှာ ဖြစ်ပါတယ်။ အခုလို Smart Phone တွေကိုတော့ သီးသန့် ဝယ်ယူရမှာပါ။

မြန်မာ့ ဆက်သွယ်ရေးက ဈေးနှုန်း ချိုသာတဲ့ မိုဘိုင်းဖုန်း အလုံးရေ တစ်သန်း ကျော်ကို မကြာမှီ ရက်ပိုင်းအတွင်း ဖြန့်ချီတော့မှာ ဖြစ်ကြောင်း မြန်မာ့ ဆက်သွယ်ရေး လုပ်ငန်း မိုဘိုင်းဌာန ဒုတိယ အင်ဂျင်နီယာချုပ် ဦးစိုးအောင် က ဘီဘီစီကို ပြောပါတယ်။

ဒါပေမယ့် ဘယ်တော့ စဖြန့်မယ် ဆိုတာ ကို တော့ တိတိ ကျကျ မသိရသေးပါဘူး။

မိုဘိုင်းဖုန်း လို့ပြောပေမယ့် တကယ်တန်းတော့ ဒါ ဟာ ဆင်းမ်ကဒ် တွေသာ ဖြစ်ပါတယ်။

အခု ဆင်းမ်ကဒ်တွေ ဟာ WCDMA ကဒ်တွေ ဖြစ်ပြီး အခုလို တိုးချဲ့လုပ်ဆောင်မှုကြောင့် မြန်မာနိုင်ငံမှာ မိုဘိုင်းဖုန်း သုံးစွဲနိုင်မှု ဟာ လူ ၁၀၀ မှာ ၉ ယောက်လောက်အထိ ရှိ လာမယ်လို့ ဦးစိုးအောင်က ပြောပါတယ်။

တန်ဖိုးနည်းဖုန်း လို့ပြောပေမဲ့ ဒီဖုန်း တွေဟာ ကျပ်တစ်သိန်းခွဲ ဆိုရင် တောင် အိမ်နီးချင်း အာဆီ ယံနိုင်ငံ တွေနဲ့ နှိုင်းယှဉ်ရင် ဈေးနှုန်းက အဆ ၃၀ ကျော်လောက် များနေသေးတာကြောင့် လူတွေက ဒီထက် ဈေးထပ်ကျလာဖို့ မျှော် လင့်နေ ကြပါတယ်။

ပြီးခဲ့တဲ့ ကျပ်၂သိန်းတန် ဖုန်း တုန်းက လည်း လူတွေ အလုအယက် ဝယ်ယူကြပြီး ဈေးကွက်ကို လိုသလောက် မဖြန့်ပေးနိုင်တာကြောင့် မှောင်ခိုဈေးကွက်မှာ ကျပ် ၂ သိန်း ခွဲ အထိ ဈေးပေါက်ခဲ့ပါတယ်။

ရခိုင်ဘတ်ဂျက်ကိစ္စ သဘောမတူနိုင်သေး

ရခိုင်ကမ်းမြှောင်ဒေသမှာ ဆားငံရည် ဝင်ရောက်မှုကြောင့် စပါးအထွက် နည်းနေတယ်လို့ သိရပါတယ်။

ဒီဇင်ဘာလ ၁၀ ရက်နေ့ကနေတည်းက စတင်ကျင်းပနေတဲ့ ရခိုင်ပြည်နယ် လွှတ်တော်မှာ ဘတ်ဂျက်ခွဲဝေရေး ဆိုင်ရာနဲ့ ပတ်သက်ပြီး ကြာသပတေးနေ့က ဆွေးနွေးခဲ့ကြရာမှာ သဘောတူညီမှု မရနိုင်သေးဘူးလို့ သိရပါတယ်။

ပြည်ထောင်စု အစိုးရကနေ တိုင်းနဲ့ပြည်နယ် တစ်ခုစီကို နောက်ထပ် တိုးမြှင့် ဘဏ္ဍာ ကျပ်ငွေ ဘီလီယံ ၂၀ ခန့် ချပေးမယ့် ဘတ်ဂျက်ငွေ ခွဲဝေသုံးစွဲရေးနဲ့ ပတ်သက်ပြီး ရခိုင်ပြည်နယ် လွှတ်တော်မှာ ပြည်နယ် အစိုးရနဲ့ လွှတ်တော်ကိုယ်စားလှယ်တွေ အကြားမှာ အချေအတင် အငြင်း ပွားခဲ့ကြတဲ့ အတွက် ဘတ်ဂျက်မခွဲနိုင်ခဲ့ဘူးလို့ ဆိုပါတယ်။

အိမ် ၄၆ လုံးက ၀န်ထမ်းအိမ်ရာဖြစ်ပြီး ကား ၄၈ စီးကတော့ ထွေအုပ် တောင်းတာ ဖြစ်တယ်လို့ ရခိုင်တိုင်းရင်းသားများ တိုးတက်ရေးပါတီ စစ်တွေမြို့နယ် ပြည်နယ် လွှတ်တော်ကိုယ်စားလှယ် ဦးအောင်မြကျော်က ဘီဘီစီကို ပြန်ပြောပြပါတယ်။

အများစု လွှတ်တော် ကိုယ်စားလှယ် တွေကတော့ ဒီဘတ်ဂျက်ငွေတွေကို အမှန်တကယ် လူထု အတွက် လိုအပ်နေတဲ့ နေရာမျိုးတွေမှာသာ အသုံးပြုလိုနေကြပါတယ်။

ဒီဘတ်ဂျက် ခွဲဝေမှုနဲ့ ပတ်သက်ပြီး လာမယ့် တနင်္လာနေ့နဲ့ အင်္ဂါနေ့တွေမှာ ကျင်းပမယ့် ရခိုင်ပြည်နယ် လွှတ်တော်မှာတော့ ပိုပြီး အချေအတင် ဖြစ်လာနိုင်တယ်လို့ လွှတ်တော် ကိုယ်စားလှယ်တွေက သုံးသပ် ပြောဆိုနေကြပါတယ်။ 

သေနတ်ပိုင်ဆိုင်ခွင့် ပြန်သုံးသပ်ရန်တိုက်တွန်း

ဝမ်းနည်းခြင်း အထိမ်းအမှတ်အနေနဲ့ အမေရိကန်အလံကို တိုင်တဝက်အထိ ချထားပါတယ်။

ခေတ်သစ် အမေရိကန် သမိုင်းမှာ အဆိုးရွားဆုံး အစုလိုက် အပြုံလိုက် သတ်ဖြတ်မှု ကြီးထဲက တခုဖြစ်တဲ့ သောကြာနေ့ ပစ်ခတ်မှုတွေ အပြီးမှာ အခုလို အဖြစ်ဆိုးမျိုး နောင်မှာ မဖြစ်ပွားအောင် သမ္မတ အိုဘားမား အပါအဝင် နိုင်ငံရေး သမား အတော်များများ က အမေရိကန် ရဲ့ သေနတ် ပိုင်ဆိုင်ခွင့် ဥပဒေတွေကို ပြန်လည် သုံးသပ်ဖို့ တောင်းဆိုလိုက်ပါတယ်။

ပြီးခဲ့တဲ့ နှစ်အနည်းငယ်မှာ နိုင်ငံတဝှမ်းလုံးကို ခြုံကြည့်မယ်ဆိုရင် အခုလို ကြေကွဲဖွယ် အဖြစ်ဆိုးတွေ အဖြစ်များလွန်းနေပါတယ်။ ဒါကြောင့် အဲလို အဖြစ်ဆိုးတွေ ကိုယ့်ပတ်ဝန်းကျင်မှာ မဖြစ်လာအောင်လို့ ထိရောက်တဲ့ လုပ်ဆောင်ချက်တွေ လုပ်သွားဖို့ လိုအပ်တဲ့အကြောင်း၊ ဘယ် နိုင်ငံရေး အသင်းအဖွဲ့ကပဲ ဖြစ်စေ ဒီကိစ္စကို ပူးပေါင်းပါဝင်ဖို့ သမ္မတ အိုဘားမားက သူ့ရဲ့ အပတ်စဉ် ရေဒီယိုမိန့်ခွန်းထဲမှာ ပြောကြားခဲ့ပါတယ်။

ကွန်နက်တီကတ် ပြည်နယ်က မူလတန်းကျောင်းမှာ ဖြစ်ပွားခဲ့တဲ့ ပစ်ခတ်မှုနဲ့ပတ်သက်ပြီး အလွန်တရာ ဝမ်းနည်းကြောင်း နဲ့ အံအားသင့်မှုတွေ ဖြစ်ရကြောင်း ကမ္ဘာတဝှမ်း က ခေါင်းဆောင်တွေက ထုတ်ဖော်ခဲ့ကြပါတယ်။

သြစတြေးလျ ဝန်ကြီးချုပ် ဂျူလီယာ ဂေးလ်လတ် က ဒီပစ်ခတ်မှုနဲ့ ပတ်သက်ပြီး အခုလိုလုပ်ရပ်ဟာ နားမလည်နိုင်တဲ့ လုပ်ရပ် ဖြစ်တယ်လို့ ပြောကြားလိုက်ပါတယ်။

၁၉၉၆ ခုနှစ်က သြစတြေးလျနိုင်ငံ တက်စ်မေးနီးယား မှာ အစုလိုက် အပြုံလိုက် ပစ်ခတ်မှု ဖြစ်ပွားခဲ့ပြီးနောက်ပိုင်း ဆီးမီး အော်တို ရိုက်ဖယ် ကိုင်ဆောင်မှုတွေ ပိတ်ပင်မှု အပါအဝင် သေနတ် နဲ့ ပတ်သက်တဲ့ ပိုမိုတင်းကျပ်တဲ့ ဥပဒေ ပြဌာန်းချက်တွေ လုပ်ဆောင်နိုင်ခဲ့ပါတယ်။

အခု နောက်ဆုံး ကွန်နက်တီကတ် မူလတန်းကျောင်းတွင်း ပစ်ခတ်မှုနဲ့ ဆက်စပ်ပြီး နိုင်ငံတကာ မီဒီယာတွေနဲ့ လူမှုကွန်ယက် ဝက်ဆိုက်တွေမှာ ဆွေးနွေးမှုတွေ လုပ်ဆောင်လာကြတာကို တွေ့ရှိရပါတယ်။

အီဂျစ်မှာ ဖွဲ့စည်းပုံဆန္ဒခံယူပွဲ ကျင်းပ

ဖွဲ့စည်းပုံ အခြေခံဥပဒေသစ်အတွက် ဆန္ဒခံယူပွဲမှာ အီဂျစ်အမျိုးသမီးတဦး မဲပေးနေပုံ။ (ဒီဇင်ဘာလ ၁၅ ရက်၊ ၂၀၁၂)။

အီဂျစ်နိုင်ငံမှာ အသစ်ရေး ဆွဲထားတဲ့ ဖွဲ့စည်းပုံအခြေခံဥပဒေ အတွက် ပြည်လုံးကျွတ် ဆန္ဒခံယူပွဲမှာ မဲဆန္ဒရှင်တွေ စတင် မဲပေးနေကြပြီ ဖြစ်ပါတယ်။ မဲရုံတွေကို စနေနေ့ မနက်ပိုင်းမှာ စတင်ဖွင့်လှစ်ခဲ့တာပါ။ ဒီဆန္ဒခံယူပွဲ ကိစ္စအတွက် အကြမ်းဖက်မှုတွေ ဆန္ဒပြပွဲတွေဖြစ်ခဲ့တာပါ။

စနေနေ့ မဲရုံတွေ လုံခြုံရေးအတွက် အကာအကွယ်ပေးဖို့ စစ်သား တစ်သိန်း နှစ်သောင်း ကို လုံခြုံရေးတာဝန် ချထားပါတယ်။ နိုင်ငံရဲ့တ၀က် ဆန္ဒမဲပေးခွင့်ရှိသူတွေ မဲပေးနေကြတာပါ။ ကျန်တ၀က်ကတော့ ဒီဇင်ဘာလ ၂၂ ရက်နေ့မှာ မဲပေးကြမှာ ဖြစ်ပါတယ်။

အဆိုပြုထားတဲ့ ဖွဲ့စည်းပုံအခြေခံဥပဒေသစ် ကို သမ္မတ မိုဟာမက်မော်စီရဲ့ ပါတီဟောင်းဖြစ်တဲ့ မူစလင် ညီအစ်ကိုတော်များ အဖွဲ့က ထောက်ခံမှုပေးထားတာပါ။ အခုနှစ်စောစောပိုင်း သမ္မတအဖြစ် အရွေးခံရပြီးတဲ့နောက် မစ္စတာ မော်စီဟာ မူစလင် ညီအစ်ကိုတော်များ အဖွဲ့က နှုတ်ထွက်ခဲ့ပါတယ်။

လွတ်လပ်တဲ့ အယူဝါဒရှိသူတွေ၊ ဘာသာရေး ကင်းရှင်းသူတွေနဲ့ ခရစ်ယာန် အတိုက်အခံတွေ ကတော့ ဒီဥပဒေကြောင့် လူမှုအဖွဲ့အစည်း လွတ်လပ်ခွင့်တွေ ဆုံးရှုံးသွားမှာကို စိုးရိမ်နေကြပါတယ်။ ဘာကြောင့်လဲဆိုတော့ ဒီဖွဲ့စည်းပုံ အခြေခဥပဒေမှာ အမျိုးသမီး အခွင့်အရေးနဲ့ ပတ်သက်ပြီး ဘာမှဖော်ပြထားခြင်း မရှိသလို အစ္စလာမ် ဥပဒေကို အခြေခံပြီး ရေးဆွဲထားတာကြောင့် ဖြစ်ပါတယ်။

ရွှေ့ပြောင်းလုပ်သား ပြန်ပို့ရေး ရွှေ့ဆိုင်းဖို့ ILO တိုက်တွန်း

ထိုင်းနိုင်ငံ မဲဆောက်မြို့တွင် တရားမဝင်ရွှေ့ပြောင်း အလုပ်သမားများကို ထိုင်းရဲများက ပြန်ပို့ရန်စီစဉ်နေစဉ်။

ထိုင်းနိုင်ငံမှာရှိနေတဲ့ ရွှေ့ပြောင်းအလုပ်သမားတွေ အနေနဲ့ တရားဝင် မှတ်ပုံတင်မလား ဒါမှမဟုတ်လည်း နေရပ်ပြန်ပို့ခံမလား ဆိုပြီး သောကြာနေ့ကို နောက်ဆုံးရက် သတ်မှတ်ထားတာကို သက်တမ်းတိုးပေးဖို့ နိုင်ငံတကာ အလုပ်သမား အဖွဲ့ကြီး ILO ရဲ့ အကြီးအကဲ က ထိုင်းနိုင်ငံကို တောင်းဆိုလိုက်ပါတယ်။ ထိုင်းအစိုးရက နိုင်ငံသား အသိအမှတ်ပြု လက်မှတ် မလုပ်တဲ့ နိ်ုင်ငံတွင်းက ရွှေ့ပြောင်းအလုပ်သမား တသန်းကျော်ကို နေရပ်ရင်း ပြန်ပို့မယ် ဆိုပြီး ပြောဆိုနေတာမှာ အများစုက မြန်မာနိုင်ငံသားတွေ ဖြစ်ကြပါတယ်။ အလုပ်သမားအရေး လှုပ်ရှားသူတွေကတော့ နိုင်ငံသား လက်မှတ်လုပ်ဖို့က အားနည်းချက်တွေ ရှိနေတယ်လို့ ပြောကြပါတယ်။ ကုလသမဂ္ဂကတော့ အစုလိုက် အပြုံလိုက် နေရပ်ပြန်ပို့မှာ ကိုတော့ ကန့်ကွက်ပြီး ထိုင်းအစိုးရအနေနဲ့  ရွှေ့ပြောင်းအလုပ်သမားရေးရာ မူဝါဒကို ပြန်လည် သုံးသပ်ဖို့ တောင်းဆိုမယ်လို့လည်း ဆိုပါတယ်။ ဘန်ကောက်မြို့ကနေ ဗွီအိုအေ သတင်းထောက် Daniel Schearf သတင်းပေးပို့ထားတာကို မသိင်္ဂီထိုက်က ပြောပြပေးထားပါတယ်။

ထိုင်းအစိုးရက နိုင်ငံတွင်းက ရွှေ့ပြောင်းအလုပ်သမားတွေကို မှတ်ပုံတင်ဖို့ နောက်ဆုံးရက် သတ်မှတ်ထားတာကို သက်တမ်းတိုးပေးဖို့ အတွက် အိုင်အယ်လ်အို ညွှန်ကြားရေးမှူး Guy Ryder  နဲ့ ထိုင်းအလုပ်သမားဝန်ကြီးနဲ့ စနေနေ့က ဒုတိယ အကြိမ် တွေ့ဆုံဆွေးနွေးတဲ့ အတောအတွင်း တွန်းအားပေး တောင်းဆိုမယ်လို့ မျှော်လင့်ထားကြပါတယ်။ ထိုင်းအစိုးရ က ဒီဇင်ဘာလ ၁၄ ရက် နောက်ဆုံးထားပြီး နိုင်ငံတွင်းက ရွှေ့ပြောင်းအလုပ်သမားတွေကို မှတ်ပုံတင်ကို အပြီးထိ ဆက်ပြီး လုပ်ကြဖို့နဲ့ ဆက်ပြီး ပျက်ကွက်ရင် နေရပ်ပြန်ပို့မယ်ဆိုပြီး ကြေညာချိန်နဲ့ တိုက်တိုက်ဆိုင်ဆိုင်ဘဲ အိုင်အယ်လ်အို အကြီးအကဲ ထိုင်းနိုင်ငံကို လာရောက်တာလည်း ဖြစ်ပါတယ်။ထိုင်းနိုင်ငံတွင်းမှာ ရွှေ့ပြောင်းအလုပ်သမား ၂ သန်းခွဲ လောက် ရှိနေပြီး အများစုက အိမ်နီးချင်း မြန်မာနိုင်ငံက ဖြစ်ပါတယ်။ ဒီထဲမှာ အလုပ်သမား ၅ သိန်းလောက်ဘဲ နိုင်ငံသား အသိအမှတ်ပြု လက်မှတ်ကို ပြည့်ပြည့်စုံစုံ လုပ်ထားကြပါတယ်။

ထိုင်းအာဏာပိုင်တွေအနေနဲ့ အရင်က သတ်မှတ်ရက်ကို သက်တမ်းတိုးပေးခဲ့တာတွေ ရှိခဲ့ပေမယ့် ဒီတခါတော့ တိုးပေးမယ့်ပုံ မရှိပါဘူး။ ဈေးပေါတဲ့ နိုင်ငံခြားသား အလုပ်သမားတွေကို မှီခိုနေရတဲ့ ထိုင်း ကုန်သွယ်ရေးအဖွဲ့ကတော့ ဒီလို အလုပ်သမားတွေ ပြန်ပို့မယ့် လုပ်ငန်းစဉ်က သူတို့ လုပ်ငန်းတွေအပေါ် ထိခိုက်မှုတွေ ရှိလာမှာကို စိုးရိမ်နေကြပါတယ်။အိုင်အယ်လ်အို ရဲ့ အာရှ ပစိဖိတ် ဆိုင်ရာ ရွှေ့ပြောင်းအလုပ်သမားရေးရာ အကြီးတန်း အရာရှိNilim Baruah (NIH-lihm BAR-oh-wah) ကတော့ အခုလို ပြောပါတယ်။

"ရွှေ့ပြောင်းအလုပ်သမားရေးရာ မူဝါဒကို ပြန်ပြီး သုံးသပ်ဖို့ ၊ ဒီလို ပြန်လည်သုံးသပ်တာမှာလည်း အကြံပေးမှုတွေကို လက်ခံဖို့နဲ့ တရားဝင်ပြုလုပ်မှု လုပ်ငန်းစဉ်ကိုလည်း သက်တမ်းတိုးဖို့နဲ့ အထူးသဖြင့် နိုင်ငံသား စိစစ်ရေး လုပ်ဆောင်နေဆဲ အလုပ်သမားတွေကို အချိန်ထပ်ပြီး ပေးဖို့အရေး လုပ်ဆောင်မယ်ဆိုတာကို မစ္စတာ ရိုင်ဒါက ကုန်သွယ်ရေး အဖွဲ့ အကြီးအကဲနဲ့ ဒီကနေ့ တွေ့ဆုံတာမှာ သေချာပြောခဲ့ပါတယ်။"

ရွှေ့ပြောင်းအလုပ်သမား ၃ သိန်းခွဲလောက်ဟာ နိုင်ငံသား စိစစ်ရေး လုပ်ထားပေမယ့်လည်း သူတို့ရဲ့ လက်မှတ်တွေ မရသေးပါဘူး။ ဒါပေမယ့် ထိုင်း အာဏာပိုင်တွေက သူတို့ကိုလည်း နေရပ်ပြန်ပို့မယ် ဆိုပြီး ခြိမ်ခြောက်နေတာ ဖြစ်ပါတယ်။

နိုင်ငံတွေအနေနဲ့ တရားမ၀င် ရွှေ့ပြောင်း ၀င်ရောက်လာသူတွေကို နေရပ်ပြန်ပို့ခွင့် ရှိပေမယ့် နိုင်ငံတကာ လူ့အခွင့်အရေး စံနှုန်းတွေနဲ့ အကျုံးဝင်အောင် လုပ်သင့်တယ်ဆိုပြီး Baruah က ပြောပါတယ်။ အရင်က လုပ်အားခတွေကို အားလုံးပေးဖို့နဲ့ နေရပ် ပြန်ပို့တာမှာလည်း အလုပ်သမားတွေဆီကနေ ငွေကြေးမတောင်းဖို့ စတဲ့ အခွင့်အရေးတွေကို လိုက်နာသင့်တယ်လို့လည်း သူမက ပြောပါတယ်။

"အစုလိုက် အပြုံလိုက် ပြန်ပို့တာမျိုးမလုပ်ဘဲ လေးလေးစားစားနဲ့ နေရပ် ပြန်ပို့တယ်ဆိုတဲ့ လုပ်ငန်းစဉ်မျိုး ဖြစ်အောင် လုပ်သင့်ပါတယ်။"

ထိုင်းနိုင်ငံရဲ့ ဆောက်လုပ်ရေး၊ ကုန်ထုတ်လုပ်ရေး၊ ငါးဖမ်းလုပ်ငန်းနဲ့ သစ်ခွ ထုတ်လုပ်ရေးတွေမှာ အဓိက ကျောရိုးအဖြစ် အလုပ်လုပ်ကိုင်နေကြတဲ့ ရွှေ့ပြောင်းအလုပ်သမား အများစုဟာ တရားဝင် လက်မှတ်တော့ မရှိကြပါဘူး။  ဒီလို တရားမ၀င်မှုကြောင့်လည်း အနိုင်ကျင့် စော်ကားခံရမှုကနေ အကာအကွယ်မဲ့ ဖြစ်ကြရပါတယ်။

ထိုင်းနိုင်ငံ အနေနဲ့ အိမ်နီးချင်း နိုင်ငံတွေနဲ့ နိုင်ငံသားစိစစ်ရေး လုပ်ဆောင်တာ မှာ ရွှေ့ပြောင်း အလုပ်သမားတွေကို ပိုပြီး အကာအကွယ်ပေးဖို့ လိုအပ်ပြီး ဒါမှလည်း အလုပ်သမားတွေ အနေနဲ့ အလုပ်လုပ်ခွင့်ကို လျှောက်ထားနိုင်မှာ ဖြစ်ပါတယ်။

ဒီလုပ်ငန်းစဉ်က နှေးကွေးနေပြီး အလုပ်ရှင်ဘက်ကလည်း အထောက်အကူပေးဖို့ လိုအပ်ပါတယ်။ အလုပ်ရှင်တွေက အလုပ်သမားတွေကို တရားဝင် အသိအမှတ်ပြု လက်မှတ် မရှိအောင် တမင် ရည်ရွယ် လုပ်ဆောင် နေသလိုဘဲ ပွဲစားတွေကလည်း တရားဝင် လက်မှတ်ရဖို့ အတွက် လုပ်ခ လစာအတော်များများ ရဖို့ လုပ်နေကြပါတယ်လို့ လှုပ်ရှားသူတွေက ပြောပါတယ်။

အိုင်အယ်လ်အို ကတော့ ရွှေ့ပြောင်းအလုပ်သမားတွေကို ပိုပြီး အကာအကွယ်ပေးနိုင်ဖို့ အတွက် ထိုင်းနိုင်ငံရဲ့ ဥပဒေတွေ ပြောင်းလဲစေချင်တယ်လို့ Baruah က ပြောပါတယ်။

"အလုပ်အကိုင် ရှာဖွေသူနဲ့ အလုပ်အကိုင် ခန့်ထားရေး ဥပဒေမှာ ၀င်ရောက်လာတဲ့ အလုပ်သမားတွေကို အလုပ်ခန့်ထားရေး လုပ်ထုံးလုပ်နည်းတွေ ပါဝင်ရေး ပြန်လည် သုံးသပ်သင့်ပါတယ်။ ဒုတိယ အနေနဲ့တော့ မကျေလည်မှုတွေကို ထိထိရောက်ရောက် ကိုင်တွယ်နိုင်မယ့် အနေအထားမျိုးလည်း ရှိသင့်ပါတယ်။"

အိုင်အယ်လ်အို ညွှန်ကြားရေးမှူးချုပ်ဟာ သောကြာနေ့ မနက်ပိုင်းမှာတော့ ထိုင်းဝန်ကြီးချုပ် ယင်းလတ် ရှင်နာဝပ်နဲ့ တွေ့ဆုံခဲ့ပါတယ်။

KIO ဌာနချုပ် အနီးအထိ မြန်မာစစ်တပ် ထိုးစစ်ဆင်

ကချင်လွတ်မြောက်ရေးတပ်မတော် KIO

လိုင်ဇာမြို့က ကချင်လွတ်မြောက်ရေးတပ်မတော် ကေအိုင်အေဌာနချုပ်နဲ့ အနီးဆုံးနေရာအထိကို လက်နက်ကြီးတွေနဲ့ပစ်ခတ်ပြီး ဌာနချုပ်အနီးနားအထိ  မြန်မာစစ်တပ်ဘက်က ရဟတ်ယာဉ်တွေနဲ့ပါ ပထမဆုံးအကြိမ် အပြင်းထန်ဆုံး ထိုးစစ်ဆင်နေတာဖြစ်ပါတယ်။ အခုအကြိမ်ကတော့ ကချင်လွတ်မြောက်ရေး တပ်မတော်နဲ့ မြန်မာစစ်တပ်ကြား အပြင်းထန်ဆုံး တိုက်ပွဲဖြစ်တယ်လို့ ကချင်လွတ်မြောက်ရေးတပ်မတော် ကေအိုင်အေ ပြောခွင့်ရ ဦးလာနန်က ဗွီအိုအေမြန်မာပိုင်းကို ပြောပါတယ်။ တိုက်ပွဲတွေဖြစ်ပွားနေတဲ့ လိုင်ဇာမြို့က ကချင်လွတ်မြောက်ရေးတပ်မတော် ကေအိုင်အေဌာနချုပ်မှာ ရှိနေတဲ့ ဦးလာနန်ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းထားပါတယ်။

အခုကချင်ပြည်နယ်မှာ ဖြစ်ပွားနေတဲ့ စစ်ပွဲကတော့ ကချင်လွတ်မြောက်ရေး တပ်မတော် ကေအိုင်အေနဲ့ ထိုးစစ်ဆင်လာတဲ့ မြန်မာစစ်တပ်ကြား အပြင်းထန်ဆုံး တိုက်ပွဲဖြစ်တယ် လို့ ကချင်လွတ်မြောက်ရေး တပ်မတော် ကေအိုင်အေ ပြောခွင့်ရဦးလာနန်က ဗွီအိုအေမြန်မာပိုင်းကို ပြောပါတယ်။ ဒီကနေ့ ဒီဇင်ဘာလ ၁၄ရက်နေ့မှာ တင် မြန်မာစစ်တပ်ဘက်က စစ်သုံးရဟတ်ယာဉ်တွေပေါ်က တရစပ်ပစ်ခတ်မှုဟာ အကြိမ် ၆ကြိမ်နဲ့ မြန်မာစစ်ကြောင်းတွေဘက်က လက်နက်ကြီးတွေနဲ့ ကချင်ဗဟိုဌာနချုပ်ကို ပစ်မှတ်ထား ပစ်ခတ်မှုဟာ အကြိမ် ၁၀၀ကျော်ရှိနေပြီလို့ ကချင်လွတ်မြောက်ရေး တပ်မတော် ကေအိုင်အေရဲ့ ပြောခွင့်ရ ဦးလာနန်က ပြောပါတယ်။

“ဒီနေ့မနက်ငါးနာရီကျော်ကျော်ကနေပြီးတော့ ခမရ ၃၈၈ နဲ့ ၃၈၃အဖွဲ့ရယ် နောက်ပြီးတော့ ခလရ ၄၀ ပူးပေါင်းစစ်ကြောင်းတွေကနေပြီးတော့ အင်အားတစ်ရာကျော်ကနေ လိုင်ဇာနဲ့ အနီးဆုံးဖြစ်တဲ့ ဗဟိုဌာနချုပ်ရဲ့ ရှေ့ကာပြင်နဲ့ လဂျားယန် စစ်စခန်းကို ထိုးစစ်လာဆင်တာမျိုး လုပ်တယ်။ အဲ့တာ ဒီနေ့မနက် ငါးနာရီခွဲကနေပြီးတော့ ညနေခြောက်နာရီအထိပါပဲခင်ဗျ။ တစ်နေ့လုံးကို တိုက်ပွဲတွေ ပြင်းပြင်းထန်ထန်ဖြစ်တယ်။ အစိုးရစစ်ကြောင်းကနေပြီးတော့ အထိအခိုက်တွေ တော်တော်များများဖြစ် သွားပြီးတော့ ညနေ ငါးနာရီပိုင်းမှာ တချို့ပြန်ဆုတ် သွားတာရှိတယ်။ အဲ့ကိစ္စကတော့ ဒီနေ့ တစ်နေ့လုံးပါပဲ။ အစိုးရစစ်တပ်ကနေပြီးတော့ လက်နက်ကြီးတွေနဲ့ ပစ်ခတ်တယ်။ လက်နက်ကြီးတွေက ၁၀၅ မမနဲ့ ၁၂၀ မမတို့ကို ဖုန်းပြန်ထန်းတောင်စခန်းကနေပြီးတော့ စုစုပေါင်း အကြိမ်တစ်ရာကျော် ပါလိမ့်မယ်။ သူတို့ လဂျား ဘက်ကို ပစ်ခတ်တယ်။ လိုင်ဇာမှာရှိတဲ့ ကျနော်တို့ ဗဟိုဌာနချုပ်ကို ပစ်ခတ်တယ်။ ဒါကြောင့်မို့လို့ ဒီနေ့ဖြစ်တဲ့ တိုက်ပွဲက ဗဟိုဒေသရဲ့ အနီးဆုံးနေရာမှာ အပြင်းထန်ဆုံးတိုက်ပွဲလို့ပြောလို့ရသလို ပထမဆုံးအနေနဲ့ ဗဟိုဌာနချုပ်ရဲ့ အနီးဆုံးနေရာကို ရဟတ်ယာဉ်နဲ့ သုံးကြိမ်လာပစ်ခတ်တဲ့ တိုက်ပွဲဖြစ်တယ်ခင်ဗျ။”

အခုလိုမျိုး ကချင်လွတ်မြောက်ရေးတပ်မတော်ဘက်ကို အစိုးရစစ်ကြောင်းက ပြင်းပြင်းထန်ထန် ထိုးစစ်တွေ တရကြမ်းဆင်လာခဲ့တဲ့အတွက် ဒီဇင်ဘာလဆန်းပိုင်းမှာတင် မြန်မာစစ်တပ်နဲ့ ကချင်တပ်မတော်ကြားမှာ တိုက်ပွဲ အကြိမ်၈၀အထိဖြစ်သွားပြီဖြစ်ပါတယ်။ ထိုးစစ်ဆင်လာတဲ့ မြန်မာစစ်ကြောင်းတွေဘက်ကနေ လက်နက်ကြီးတွေနဲ့ ကချင်ဗဟိုဌာနချုပ်ဘက်ကို ပစ်မှတ်ထား ပစ်ခတ်နေမှုဟာ အကြိမ် ရာကျော်ရှိနေပြီလို့ အခုလက်ရှိတိုက်ပွဲတွေဖြစ်ပွားနေတဲ့ လိုင်ဇာမြို့က ကချင်လွတ်မြောက်ရေးတပ်မတော် ကေအိုင်အေဌာနချုပ်မှာ ရှိနေတဲ့ ဦးလာနန်က ပြောပါတယ်။

“ဒီဇင်ဘာလဆန်းကနေပြီးတော့ ကျနော်တို့ ကချင်ဒေသမှာ ထိုးစစ်ဟာ တော်တော် များများဖြစ်ပါတယ်။ ဒီနေ့အထိဆို တိုက်ပွဲပေါင်း ဒီဇင်ဘာလ အတောအတွင်းမှာ တိုက်ပွဲအကြိမ် ၈၀ကျော်သွားပြီခင်ဗျ။ ဒါကိုကြည့်ခြင်းအားဖြင့် ၁၀ရက်အတောအတွင်းမှာ အဲ့လောက်ကြီးပြင်းထန်တယ် ဆိုတော့ ဒီလအတောအတွင်းမှာ ထိုးစစ်က တော်တော်များတယ် လို့ပြောလို့ရတယ်။ ကျနော်တို့ လိုင်ဇာနဲ့အနီးဆုံးဖြစ်တဲ့ လဂျားယန်ဘက်ကို ဒီမနက် ၁၁နာရီမှာ တကြိမ်၊ ရဟတ်ယာဉ်ကနေ ဝေဟင်ကနေ ဒုံးကျည်နဲ့ ပစ်ခတ်တာတွေလုပ်တယ်။ မွန်းလွဲပိုင်းမှာရော နှစ်ခေါက် ထပ်ပြီးလာပြီးမှပဲ လာပြီး ပစ်ခတ်တာမျိုးလုပ်တယ်။ ဒါကြောင့်မို့လို့ ဒီဇင်ဘာလ အတောအတွင်းမှာပဲ ရဟတ်ယာဉ်နဲ့ လေကြောင်းအကူနဲ့ တိုက်ခိုက်တာမျိုး အကြိမ်ခြောက်ကြိမ်၊ ခုနှစ်ကြိမ်လောက် ရှိသွားပြီခင်ဗျ။”

ဒီလိုမျိုး အစိုးရစစ်တပ်နဲ့ ကချင်တပ်မတော်ကြားမှာ ပြင်းပြင်းထန်ထန် တိုက်ပွဲတွေ ဖြစ်ပွားနေတဲ့အတွက် အဲ့ဒီ့ဒေသအနီးနားကျေးရွာတွေက ဒေသခံပြည်သူတွေကို တိုက်ပွဲတွေလွတ်မြောက်ရာ ဒုက္ခသည်စခန်းတွေဆီ ပို့ဆောင်ထားတယ် လို့ ကေအိုင်အေပြောခွင့်ရဦးလာနန်က ပြောပါတယ်။

“ပွင့်လင်းရာသီရောက်ပြီဆိုတာနဲ့ သူတို့က စစ်ဆင်ရေးလုပ်ဖို့ အစီမံ ချပြီးသားပါ။ ဒါကြောင့်မို့ ဒီနေ့ကတော့ ပန်ဝါဘက်မှာရော၊ ဆေနိုင်ဘက်မှာ သူတို့ထိုးစစ်လုပ်လာတယ်။ နောက်ပြီးတော့ လိုင်ဇာအနီးမှာလည်း ဒီနေ့မနက်ငါးနာရီခွဲကနေပြီးတော့ ထိုးစစ်လုပ်လာတယ်။ ဒါကိုကြည့်ခြင်းအားဖြင့် သူတို့စစ်မျက်နှာကို ဖြန့်တဲ့ပုံစံလုပ်တယ်လို့ ပြောလို့ရတယ်ခင်ဗျ။”

ဟုတ်ကဲ့ပါ။ အဲ့ဒေသမှာရှိတဲ့ ဒေသခံပြည်သူတွေရဲ့ အခြေအနေရော ဘယ်လိုရှိပါလဲရှင့်။

"လဂျာယန်မှာရှိတဲ့ ရွာသားတွေကတော့ မနေ့တုန်းက တိုက်ပွဲတွေဖြစ်နေတော့ အားလုံး ဒုက္ခသည်စခန်းမှာ ရောက်နေကြပြီ။ အဲ့မှာ ကျေးရွာဆိုပေမယ့် ရွာမှာ ဘယ်သူမှ မရှိကြတော့ဘူးခင်ဗျ။ ဒီအတိုင်း စခန်းတွေပဲ နေရာယူထားတယ်ခင်ဗျ။”

အခုဖြစ်ပွားနေတဲ့ ကချင်နဲ့ မြန်မာစစ်တပ်ရဲ့ စစ်ပွဲဟာ ကချင်လွတ်မြောက်ရေးတပ်မတော် လိုင်ဇာမြို့မှာရှိတဲ့ ဗဟိုဌာနချုပ်နားအထိ မြန်မာစစ်တပ်ဘက်က စစ်သုံးရဟတ်ယာဉ်တွေကိုပါ သုံးပြီးတော့ တိုက်ခိုက်လာတာဖြစ်ပြီး ဌာနချုပ်ရဲ့ အနီးဆုံးနေရာအထိ ပစ်မှတ်ထားပြီး မြန်မာစစ်တပ်ဘက်က လက်နက်ကြီးတွေနဲ့ ဆက်တိုက် ပစ်ခတ်နေဆဲဖြစ်တဲ့အတွက် ငြိမ်းချမ်းရေးစကား တဖက်မှာ ဆိုနေပေမယ့် ထိုးစစ်တွေ အပြင်းထန်ဆုံး မြှင့်တင်လာတဲ့ မြန်မာအစိုးရ နဲ့ ကချင်တပ်တွေကြား အတင်းမာဆုံး အနေအထားကို ရောက်ရှိနေပြီလို့လည်း ကချင်ကေအိုင်အို လွတ်မြောက်ရေး တပ်မတော်ဘက်က ပြောပါတယ်။

လက်ပံတောင်းအရေးအခင်းက သံဃာတွေကို အစိုးရ ၀န်ချတောင်းပန်

Gov't apology to Latpadaung crackdown.

လက်ပံတောင်းတောင် ကြေးနီစီမံကိန်း ရပ်ဆိုင်းရေးတောင်းဆိုတဲ့ သပိတ်စခန်းတွေကို အာဏာပိုင်တွေက အကြမ်းဖက်ဖြိုခွင်းခဲ့တဲ့ ကိစ္စနဲ့ပတ်သက်ပြီး သမ္မတရုံးဝန်ကြီး ဦးလှထွန်း ဦးဆောင်ပြီးတော့ သံဃာတော်တွေကို ၀န်ချတောင်းပန်တဲ့ အခမ်းအနား ဒီကနေ့ မန္တလေးမှာ ပြုလုပ်ခဲ့ပါတယ်။ ဒီအခမ်းအနားကို နှိမ်နင်းမှုအတွင်း ဒဏ်ရာရခဲ့ကြတဲ့ သံဃာတော်တွေ အပါအ၀င် မန္တလေး၊ မုံရွာ၊ ပခုက္ကူ အစရှိတဲ့ ဒေသတွေက ဆရာတော်ကြီးတွေ ကိုယ်တိုင် ကြွရောက် ခဲ့တာပါ။ ဒီဝန်ချတောင်းပန်မှုကို လက်ခံတဲ့အနေနဲ့ လမ်းပေါ်ထွက် ဆန္ဒပြမှုတွေကို လည်း လောလောဆယ် ရပ်ဆိုင်းထားမယ်လို့ သံဃာတော်တွေဘက်က သဘောတူခဲ့ပါတယ်။ ဒီအခြေအနေတွေကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြထားပါတယ်။ နှစ်ဘက် ကြိုတင်ညှိနှိုင်းပြီးတော့မှ ဒီကနေ့ ဒီဇင်ဘာလ ၁၅ ရက် စနေနေ့ နေ့ခင်းက မန္တလေးမြို့ မဟာအတုလဝေယံ (အတုမရှိ) ကျောင်းတော်ကြီးမှာ သံဃာတော်တွေ တောင်းဆိုထားတဲ့အတိုင်း သမ္မတရုံး ပြည်ထောင်စုဝန်ကြီး ဦးလှထွန်း ဦးဆောင်ပြီး ကျန်းမာရေးဝန်ကြီး၊ မန္တလေးနဲ့ စစ်ကိုင်းတိုင်းဝန်ကြီးတွေနဲ့ မြန်မာနိုင်ငံ ရဲချုပ် ဦးကျော်ကျော်ထွန်း တို့ကနေ ၀န်ချတောင်းပန်တဲ့ အခမ်းအနား ပြုလုပ်ခဲ့တာပါ။ ဒီတောင်းပန်ပွဲကို လက်ပံတောင်းတောင် ကြေးနီစီမံကိန်း ရပ်ဆိုင်းရေး တောင်းဆို သပိတ်စခန်းတွေကို အာဏာပိုင်တွေက နှိမ်နင်းမှုအတွင်း ဒဏ်ရာရရှိခဲ့ကြတဲ့ သံဃာတော်တွေအပါအ၀င် မုံရွာမြို့ ဇောတိကာရုံကျောင်းတိုက်က သံဃာတော်တွေ၊ မန္တလေးမြို့က ဘ၀အလင်းဆရာတော်၊ ဂဠုန်နီဆရာတော်၊ မစိုးရိမ်တိုက်သစ်မှ ဆရာတော် ဦးဝီရသူ နဲ့ တိုင်းသံဃာနာယက ဆရာတော်ကြီးတွေပါ စုစုပေါင်း သံဃာအပါး ၁၀၀ ကျော် ကြွရောက်ပြီး သြ၀ါဒ ပေးခဲ့တာဖြစ်ပါတယ်။ သံဃာတော်တွေဘက်ကလည်း အခုတခေါက် တောင်းပန်မှုကိုတော့ လက်ခံခဲ့ပါတယ်လို့ ဘ၀အလင်း ဆရာတော် ဦးဥတ္တမသာရ က ဗွီအိုအေကို အခုလို မိန့်ကြားခဲ့ပါတယ်။

“ဦးပဉ္စင်းတို့ ကြိုပြီးတော့ ညှိနှိုင်းထားပြီးတော့မှ ဒီပွဲဖြစ်အောင်လို့ လုပ်တာပေါ့။ ပြည်ထောင်စုအဆင့် ၀န်ကြီး နှစ်ယောက် အစိုးရကိုယ်စား လာပြီးတော့ တောင်းပန်ဖို့ရယ်၊ သူတို့က အဲဒီလို တောင်းပန်လို့ ဖြစ်မလားလို့ မေးတယ်လေ။ ဦးပဉ္စင်းတို့ကတော့ သမ္မတ လို့ ပြောထားတာကိုး အရင်တုန်းက။ အဲဒီလို ပြောလာလို့ ဦးပဉ္စင်းတို့ကတော့ အခုဟာက အကျယ်အကျယ်လည်း မဖြစ်ချင်လို့ တခြားအချက်တွေရော အဆင်ပြေရင် လက်ခံပေးမယ်လို့၊ အဲဒီလို လုပ်တာ။ လာပြီးတော့ တောင်းပန်တဲ့ ကိစ္စမှာတော့ ဦးပဉ္စင်းတို့က ကျေနပ်မှု ရှိပါတယ်။ အခုက လောလောဆယ် ဆန္ဒပြပွဲတွေ လုပ်တာကို ရပ်ထားပေးတယ်။ ဒါမှ နောက် ကျန်တဲ့နှစ်ချက်ကိုလည်း အမြန်ဆုံး လုပ်ပေးဖို့ အဲဒါကိုလည်း ဦးပဉ္စင်းတို့က တောင်းဆိုချင်ပါတယ်။”

လက်ပံတောင်းတောင် ကြေးနီစီမံကိန်း ရပ်ဆိုင်းရေးဆန္ဒပြမှုတွေကို အာဏာပိုင်တွေက အကြမ်းဖက် ဖြိုခွင်းခဲ့မှုအပေါ် မကျေနပ်လို့ မန္တလေးတိုင်း၊ စစ်ကိုင်းတိုင်း၊ ရန်ကုန်တိုင်း၊ မကွေးတိုင်းနဲ့ ရှမ်းပြည်နယ်တွေမှာ သံဃာတော်တွေကနေ အချက် (၃) ချက်ကို အဓိကတောင်းဆို ဆန္ဒပြခဲ့ကြတာပါ။ ဒီတောင်းဆိုချက်ထဲမှာ ဒဏ်ရာရသံဃာတော်တွေကို သမ္မတကိုယ်တိုင်ကနေ ၀န်ချတောင်းပန်ပေးဖို့၊ အဲ့ဒီဖြိုခွင်းမှာ တာဝန်ရှိသူတွေကို အရေးယူ ပေးဖို့နဲ့ ဖမ်းဆီးခံထားရတဲ့ သံဃာတော်တွေနဲ့ လူပုဂ္ဂိုလ်တွေကိုလည်း ပြန်လွှတ်ပေးဖို့တွေ ပါဝင်ပါတယ်။ အခု အဲ့ဒီထဲက ကျန်နေတဲ့ ၂ ချက်နဲ့ပတ်သက်ပြီး အစိုးရနဲ့ကြားမှာ ဘယ်လို သဘောတူမှု ရထားသလဲဆိုတာကိုတော့ ဘ၀အလင်းဆရာတော် ဦးဥတ္တမသာရ က အခုလို ဆက်လက် မိန့်ကြားခဲ့ပါတယ်။

“သူတို့ကို ဖမ်းတာက ဦးပဉ္စင်းတို့ကို ဖမ်းတာနဲ့ အတူတူပဲ။ ဘာဖြစ်လို့တုန်းဆိုတော့ သူတို့က ဦးပဉ္စင်းတို့ လုပ်တဲ့ကိစ္စတွေမှာ ၀ိုင်းပြီးတော့ ကူညီပေးတာလေ။ သံဃာတွေ ဦးဆောင်တဲ့ နောက်ကနေပဲ လိုက်တာ။ အဲဒါကို ဖမ်းတယ်ဆိုတော့ ဒါ သံဃာတွေကို ဖမ်းတာနဲ့ ဘာမှမထူးဘူး။ အဲဒီလိုမျိုးဆိုတော့ ဒီဟာကို အဆင်ပြေအောင် သူတို့ လုပ်ပေးရမယ်။ ပြန်လွှတ်ပေးဖို့ လည်း ဦးပဉ္စင်းတို့က တောင်းဆိုသွားမှာပါ။ မနေ့ကလည်း အဲဒါကို ပြောထားတယ်။ အကြမ်းဖက်မှုနဲ့ ပတ်သက်ပြီးတော့ တာဝန်ရှိတဲ့ ပုဂ္ဂိုလ်တွေကို အရေးယူပေးဖို့၊ အဲဒါတော့ စုံစမ်းစစ်ဆေးရေး ကော်မရှင် ကနေမှ ဒီလူ ဒီလူ အပြစ်ရှိတယ်ဆိုရင် အဲဒီလူတွေကို ထိထိရောက်ရောက် အရေးယူပေးဖို့။ အဲဒီတော့ စုံစမ်းစစ်ဆေးရေး ကော်မရှင်ရဲ့ အဖြေကို စောင့်သွားမှာပါ။ စောင့်သွားတဲ့အခါမှာ ဒီလူ ဒီလူ အပြစ်ရှိတယ်လို့ သူတို့က စုံစမ်း ဖော်ထုတ်လို့ရတဲ့ဟာကို နိုင်ငံတော် အစိုးရကလည်း တကယ် ထိထိရောက်ရောက် အရေးယူလား မယူလား၊ နောက် ဒေသခံပြည်သူတွေ အပေါ် ကျေနပ်အောင် လုပ်ပေးသလား မလုပ်ပေးဘူးလား။ အဲဒါတွေ အပေါ်မှာ မူတည်တယ်။ အဲဒီလို သဘောတူညီချက် ရအောင်တော့ ပြောတော့ပြောထားတယ်။”

ဘ၀အလင်းဆရာတော် ဦးဥတ္တမသာရ ဖြစ်ပါတယ်။ ဒါ့အပြင် သမ္မတရုံး ညွှန်ကြားရေးမှူး ဦးဇော်ဌေးကလည်း သံဃာတော်တွေ တောင်းဆိုထားတဲ့အတိုင်း ဒီအမှုမှာ တာဝန်ရှိသူတွေကို အစိုးရအနေနဲ့ အရေးယူသွားမှာဖြစ်တယ်လို့ အခုလို ပြောပါတယ်။

“အရေးယူတာတွေက လုပ်မယ်။ အရေးယူတာတွေက ဒေါ်အောင်ဆန်းစုကြည်ရဲ့ စုံစမ်းစစ်ဆေးရေး ကော်မရှင် ရှိတယ်။ စစ်ဆေးမှုတွေ ထွက်လာမယ်။ အဲဒီအခါမှာ အရေးယူတာတွေ ရှိပါမယ်။”

သမ္မတရုံး ညွှန်ကြားရေးမှူး ဦးဇော်ဌေးဖြစ်ပါတယ်။ ပြီးခဲ့တဲ့ နိုဝင်ဘာလ ၂၉ ရက် ကြာသပတေးနေ့ မနက်ပိုင်းက လက်ပံတောင်းတောင် ဒေသမှာရှိတဲ့ ကြေးနီစီမံကိန်း ရပ်ဆိုင်းရေး သပိတ်စခန်းတွေကို အာဏာပိုင်တွေက မျက်ရည်ယိုဗုံး၊ မီးလောင်ဗုံးတွေ အသုံးပြု ဖြိုခွင်းခဲ့တာကြောင့် မီးလောင်ဒဏ်ရာ ရရှိလို့ ဆေးကုခံယူနေတဲ့ သံဃာတော်တွေနဲ့ လူပုဂ္ဂိုလ် ၈၄ ဦး ရှိပါတယ်။ ဒီကိစ္စကို စုံစမ်းစစ်ဆေးဖို့ NLD ဥက္ကဋ္ဌ ဒေါ်အောင်ဆန်းစုကြည် ဦးဆောင်တဲ့ စုံစမ်းရေးကော်မရှင်အဖွဲ့ကိုလည်း  အစိုးရက ဖွဲ့စည်းပေးခဲ့ပါတယ်။ ဒီအဖွဲ့အနေနဲ့ ၂၀၁၃ ခုနှစ် ဇန်န၀ါရီလ ၃၁ ရက်နေ့ကို နောက်ဆုံးထားပြီး သမ္မတဆီကို အစီရင်ခံစာတင်ရမှာ ဖြစ်ပါတယ်။ ဒါ့အပြင် ပြီးခဲ့တဲ့ ကြာသပတေးနေ့ညကလည်း လက်ပံတောင်းတောင် ကြေးနီစီမံကိန်းနဲ့ ပတ်သက်ပြီး သံဃာတော်တွေရဲ့ တောင်းဆိုမှုတွေမှာ ပါဝင်ခဲ့ကြတဲ့ မန္တလေးနဲ့ မြင်းခြံမြို့တွေက အနည်းဆုံး လှုပ်ရှားသူ ၅ ဦးကိုလည်း အာဏာပိုင်တွေက ဖမ်းဆီးခဲ့ပြီး ဆန္ဒထုတ်ဖော်မှုနဲ့ တရားစွဲဖို့ ပြင်ဆင်နေပါတယ်။ ဒီလူတွေကိုလည်း ပြန်လွှတ်ပေးဖို့ ဘ၀အလင်း ဆရာတော် ဦးဥတ္တမ သာရ က တောင်းဆိုသွားခဲ့ပါတယ်။