12.12.2012 နေ့ဖတ်ရန်သတင်းများ

by Myanmar Journal on Tuesday, December 11, 2012 at 4:31pm ·

ဦးသန့် အရေးအခင်း ဖြိုခွဲမှု အထိမ်း အမှတ် ကျင်းပ

ဦးသန့် အရေး အခင်း ဖြိုခွဲမှု ၃၈ နှစ် အခမ်း အနား ကျင်းပ

ရန်ကုန် တက္ကသိုလ် ကျောင်းသား သမဂ္ဂ နေရာမှာ ထားရှိတဲ့ ကုလသမဂ္ဂ အတွင်း ရေးမှူး ချုပ်ဟောင်း ဦးသန့်ရဲ့ အုတ်ဂူကို ၁၉၇၄ ခုနှစ် ဒီဇင်ဘာလ ၁၁ ရက်နေ့က ကန်တော်မင် ပန်းခြံဆီ အာဏာပိုင်တွေ ရွှေ့ပြောင်း ခဲ့တဲ့ နေ့၊ ကျောင်းသား တွေကို အင်အားသုံးပြီး ဖြိုခွင်းခဲ့တဲ့ နေ့ အထိမ်း အမှတ် အခမ်းအနားကို ဒီကနေ့ ရန်ကုန်မြို့ ပေါက်စေတီ ကျောင်းမှာ ကျင်းပခဲ့ ပါတယ်။

ဦးသန့် အကြောင်း မျိုးဆက်သစ်တွေ ပိုမို သိရှိအောင် ကျင်းပတာ ဖြစ်တယ်လို့ အဲဒီ အခမ်း အနားနဲ့ ပတ်သက်ပြီး စီစဉ်သူ တစ်ယောက် လည်း ဖြစ်၊ ၁၉၇၄ ဦးသန့် အရေး အခင်းမှာ ပါဝင်ခဲ့သူ ကျောင်းသားဟောင်း ဦးလှမြင့်က ပြော ပါတယ်။

လွန်ခဲ့တဲ့ ၃၈ နှစ် ဒီဇင်ဘာလ ၁၁ ရက်နေ့ မနက် ၂ နာရီက တက္ကသိုလ်ဝန်း တစ်ခုလုံးကို စစ်တပ်က ဝိုင်းထားခဲ့ပြီးတဲ့နောက် ကျောင်းသား သမဂ္ဂ နေရာက ဦးသန့် အုတ်ဂူကို မြေတူးစက်တွေနဲ့ လှန်တူးပြီး တက္ကသိုလ် ဝန်းထဲမှာ ရှိတဲ့ ကျောင်းသား တွေနဲ့ ဈေးသည်တွေပါ မကျန် ဖမ်းဆီး သွားခဲ့တယ်လို့ ဦးလှမြင့်က ပြော ပါတယ်။

ဦးသန့် အရေး လှုပ်ရှားမှု အပါအဝင် အရင်တုန်းက ဖြစ်ခဲ့တဲ့ ကျောင်းသား လှုပ်ရှားမှု တွေကို အာဏာပိုင်တွေက အင်အားသုံး ဖြိုခွင်း ခဲ့လေ့ ရှိတာကြောင့် အခုလို နိုင်ငံရေး အရ တိုးတက် ပြောင်းလဲလာပြီ ဆိုတဲ့ အချိန် မျိုးမှာ ကျောင်းသား လှုပ်ရှားမှု တွေကို လွတ်လွတ် လပ်လပ် လုပ်နိုင် လာပြီလားလို့ ဘီဘီစီက မေးတာကိုတော့ မလုပ်နိုင်သေးဘူးလို့ သူက ပြောပါတယ်။

လှုပ်ရှားမှု ဆိုရာမှာ သမဂ္ဂတွေ ဖွဲ့စည်း တာမျိုးကို လုပ်နိုင်ကြ ပေမဲ့ ဆန့်ကျင်တဲ့ လှုပ်ရှားမှု လုပ်လို့ မရသေးဘူး၊ ဒါဟာလည်း ဖွဲ့စည်းပုံ အခြေခံ ဥပဒေ ရဲ့ အားနည်းချက်ကြောင့် ဖြစ်တယ်လို့ ဦးလှမြင့်က ပြော ပါတယ်။

အီဂျစ်က ဆန့်ကျင်ဘက် ဆန္ဒပြမှု ပိုတင်းမာလာ

ကိုင်ရိုက ဆန္ဒပြမှုကြီး

အီဂျစ်နိုင်ငံမှာ ဖွဲ့စည်းပုံ အခြေခံ ဥပဒေ မူကြမ်းသစ်အပေါ် လူထု ဆန္ဒခံယူပွဲ ကျင်းပရေးနဲ့ ပတ်သက်လို့ ထောက်ခံသူတွေနဲ့ ကန့်ကွက်သူတွေအကြား အပြိုင်အဆိုင် စုရုံး ဆန္ဒထုတ်ဖေါ်မှုတွေ ဒီကနေ့ ပြုလုပ်နေကြပါတယ်။

အတိုက်အခံ NSF National Salvation Front အဖွဲ့က ဒီဖွဲ့စည်းပုံ အခြေခံ ဥပဒေမူကြမ်းဟာ သမ္မတ မော်စီရဲ့ အစ္စလာမ်ဝါဒီ မဟာမိတ်တွေ ကြီးစိုးတဲ့ လွှတ်တော်က ရေးဆွဲခဲ့တာမို့ သူတို့အနေနဲ့ အသိအမှတ် မပြုဘူးဆိုပြီး ကန့်ကွက်နေတာပါ။

ဒီဥပဒေမူကြမ်းဟာ အီဂျစ်ပြည်သူတွေရဲ့ အခြေခံ ရပိုင်ခွင့်တွေနဲ့ လွတ်လပ်ခွင့်ကို တားဆီး ပိတ်ပင်ထားတဲ့ အတုအယောင် ဥပဒေမူကြမ်း ဖြစ်တယ်လို့ NSF ညှိနှိုင်းရေးမှူးချုပ် မိုဟာမက် အယ်လ် ဘာရာဒေးက ဘီဘီစီကို ပြောပါတယ်။

စနေနေ့မှာ ကျင်းပဖို့ စီစဉ်ထားတဲ့ လူထုသဘောထား ကောက်ခံပွဲကြီး ဖျက်သိမ်းပေးဖို့ အထိ သူ့အနေနဲ့ တောင်းဆိုမှာ မဟုတ်ပေမယ့် အခု ဒီကနေ့ လုပ်တဲ့ ကန့်ကွက်ဆန္ဒပြမှုတွေကြောင့် သမ္မတ မော်စီအနေနဲ့ ဒီမိုကရေစီနည်းကျတဲ့ ဖွဲ့စည်းပုံ အခြေခံဥပဒေတခု ပေါ်ပေါက်လာရေး အတွက် တွေ့ဆုံ ညှိနှိုင်းပြီး အများသဘောဆန္ဒတခုရလာတဲ့အချိန်အထိ ဒီလူထုသဘောထား ကောက်ခံပွဲကို ရွှေ့ဆိုင်းထားပေးဖို့ မျှော်လင့်နေတယ်လို့ မစ္စတာ ဘာရာဒေးက ပြောပါတယ်။

ဒါပေမယ့် သမ္မတမော်စီကို ထောက်ခံတဲ့ Muslim Brotherhood ပါတီကတော့ ဒီလူထု သဘောထား ကောက်ခံပွဲကျင်းပတာကို ထောက်ခံအားပေးကြောင်း ပြသတဲ့အနေနဲ့ ဒီကနေ့မှာပဲ လူနှစ်သန်း စုဝေးချီတက်ဖို့ နှိုးဆော်ထားပါတယ်။

အခု ဒီဆန္ဒ ပြမှုတွေ တွေ့ရတဲ့အခါ မနှစ်တုန်းက သမ္မတ ဟော့စနီ မူဘာရက် ကို ဖြုတ်ချဖို့ တောင်းဆိုခဲ့တဲ့ ကိုင်ရိုမြို့ တာဟီရာ ရင်ပြင်က ဆန္ဒပြမှုတွေကို ပြန်အမှတ်ရလာစေမှာပါ။ ဒါပေမယ့် အခု စုဝေး ရောက်နေတဲ့ လူအုပ်ကြီးထဲမှာတော့ နှစ်ပိုင်းကွဲနေပြီး အတိုက်အခံတချို့ဆိုရင် သမ္မတ မော်စီဟာ ဒီမိုကရေစီနည်းအရ ရွေးကောက်တင်မြှောက်ထားတာ ဖြစ်တယ်။ လူကို မကြိုက်တာ မဟုတ်ဘူး၊ မူကို မကြိုက်လို့ ဆန္ဒပြမှာ ဖြစ်တယ်လို့ ပြောနေပါတယ်။

ဒါပေမယ့်လည်း တချို့ကျတော့လည်း သမ္မတ မော်စီဟာ သမ္မတအဖြစ် ကျမ်းကျိန် သစ္စာဆိုတုန်းက အီဂျစ်ပြည်သူတွေရဲ့ အကျိုးအတွက် ဆောင်ရွက်ပေးမယ်လို့ ကတိပြုသွားခဲ့ပေမယ့် တကယ်တမ်းမှာ Muslim Brotherhood ပါတီနဲ့ တခြား အစ္စလာမစ်တွေရဲ့ အကျိုးအတွက်ပဲ ကိုယ်စားပြု ဆောင်ရွက်နေတယ်လို့ ခံစားမိတယ်လို့ ဆိုပါတယ်။

အခုအခါ ကိုင်ရိုမြို့မှာ စစ်တပ်နဲ့ လုံခြုံရေး တပ်ဖွဲ့တွေ ချထားလိုက်တာကြောင့် အီဂျစ်နိုင်ငံဟာ စစ်အုပ်ချုပ်မှု အောက်မှာ ပြန်ရောက်သွားပြီလားဆိုတဲ့ စိုးရိမ်မှုတွေလည်း ကြီးထွားလာနေပါတယ်။

သမ္မတ မော်စီကတော့ လူထု သဘောထားကောက်ခံပွဲကို မဖြစ်မနေ ရှေ့တိုးကျင်းပမယ်လို့ ပြောနေပြီး စနေနေ့မှာ ကျင်းပမယ့် လူထုသဘောထား ကောက်ခံပွဲ ရလဒ်တွေ မရမချင်း စစ်တပ်ကို ဖမ်းဆီးထိန်းသိမ်းခွင့် အာဏာတွေ ပေးအပ်ထားပါတယ်။

အတိုက်အခံတွေက သမ္မတ မော်စီဟာ အာဏာရှင်တယောက်လို့ ပြုမူလာနေပြီလို့ ဝေဖန် ပြောဆိုနေကြပါတယ်။ လောလောဆယ်မှာတော့ အခုလို အပြိုင်အဆိုင် စုရုံး ဆန္ဒပြမှုတွေကြားမှာ ရလဒ် အဖြေတခု ထွက်ပေါ်လာမယ့် ပုံမျိုး မတွေ့ရသေးဘူးလို့ ဘီဘီစီသတင်းထောက် Jon Leyne က သုံးသပ်ထားပါတယ်။

ကေအိုင်အေနဲ့ အစိုးရ တိုက်ပွဲဆက်

အစိုးရ ဘက်က နောက်ထပ် ရဟတ်ယာဉ် သုံးပြီး တိုက်ခိုက် တာတွေ ရှိတယ်လို့ ကေအိုင်အေ ပြော

ကချင် ပြည်နယ် ပန်ဝါ ဒေသမှာ အစိုးရနဲ့ ကေအိုင်အေ ကချင် လွတ်လပ်ရေး တပ်ဖွဲ့တို့ အကြား တိုက်ပွဲ အပြင်း အထန် ဆက်လက် ဖြစ်နေရာ၊ အစိုးရ ဘက်ကနေ နောက်ထပ် ရဟတ်ယာဉ် သုံးပြီး တိုက်ခိုက် တာတွေ ရှိတယ်လို့ ကေအိုင်အေက ဆိုပါတယ်။

အင်္ဂါနေ့ မနက်ပိုင်းက ရဟတ်ယာဉ် နှစ်စင်း တက်လာပြီး ကေအိုင်အေ ဘက်ကို ဒုံးတွေ နဲ့ ပစ်ခတ် သွားတာ ဖြစ်တယ်လို့ ကေအိုင်အို ပြောခွင့် ရသူ ဦးလနန်းက ပြောပါတယ်။

ဒီဇင်ဘာလ တိုက်ခိုက်မှုတွေ အတွင်း အခု တကြိမ်နဲ့ ဆိုရင် ရဟတ်ယာဉ်နဲ့ တိုက်ခိုက် တာဟာ ၃ ကြိမ် ရှိသွားပြီ ဖြစ်တယ်လို့ ဦးလနန်းက ပြောပါတယ်။

အဲဒီ ပန်ဝါ ဒေသမှာ အရင်က ဦးစခုန်တိမ့်ယိမ်း ခေါင်းဆောင်တဲ့ အန်ဒီအေကေ ကချင် အဖွဲ့က ထိန်းချုပ် ခဲ့ပြီး ၂၀၀၉ ခုနှစ် မှာ အန်ဒီအေကေ ကို နယ်ခြားစောင့် တပ် အဖြစ် အစိုးရက ပြောင်းလဲ ဖွဲ့စည်းခဲ့ ပါတယ်။

ကေအိုင်အိုနဲ့ အစိုးရ အကြား အပစ် အခတ် ရပ်စဲရေး ပျက်ပြား သွားခဲ့ ပြီးနောက် ကေအိုင်အိုက ဒီဒေသကို သူတို့ အရင်တုန်း ကတည်းက ထိန်းချုပ် ထားခဲ့တာ ဖြစ်တယ် ဆိုပြီး ဝင်ရောက် နေရာ ယူခဲ့တာ ဖြစ်ပါတယ်။

မာလီဝန်ကြီးချုပ် ရာထူးကနှုတ်ထွက်

ဘာကြောင့် ရာထူးက နှုတ်ထွက် ရတယ် ဆိုတာ၊ မစ္စတာ ဂျာရားက ထုတ်ဖေါ် ပြောဆို ခြင်း မရှိပါ

မာလီနိုင်ငံ ဝန်ကြီးချုပ် ရှိတ် မိုဒီဘို ဂျာရားကို စစ်တပ် ကနေ ဖမ်းဆီး လိုက်ပြီး နာရီပိုင်း မှာပဲ မစ္စတာ ဂျာရားက ရာထူး ကနေ နှုတ်ထွက် ကြောင်း ရုပ်သံ ကနေ ကြေညာ သွားခဲ့တဲ့ အပေါ် ဒါဟာ အတင်း အကျပ် ဖိအားပေး နှုတ်ထွက်ခိုင်းတာ ဆိုပြီး ပြင်သစ် နိုင်ငံက ရှုတ်ချ ပြောဆို လိုက်ပါတယ်။

ဘာကြောင့်အ ခုလို နှုတ်ထွက် ရတယ် ဆိုတာ ကိုတော့ မစ္စတာ ဂျာရားက ထုတ်ဖေါ် ပြောဆိုခြင်း မရှိခဲ့ပါ။

မစ္စတာ ဂျာရားကို ကို ဖမ်းဆီး လိုက်တဲ့ တပ်ဖွဲ့ တွေဟာ အခုနှစ် အစောပိုင်း အာဏာသိမ်း ခဲ့တဲ့ တပ်ဖွဲ့တွေ ဖြစ်ကြ ပါတယ်။

အဲဒီ အာဏာသိမ်း တပ်ဖွဲ့ ပြောခွင့်ရသူ ဘာကရီ မာရီကို က ဝန်ကြီးချုပ် ဟာ အဓိက တာဝန် တခု ဖြစ်တဲ့ မြောက်ပိုင်း မာလီ လွတ်လပ်ရေးနဲ့ တရား မျှတတဲ့ ရွေးကောက်ပွဲ ကျင်းပဖို့ ကို မဆောင်ရွက် နိုင်ခဲ့ တာကြောင့် တာဝန်တွေ လစ်ဟင်း ခဲ့တယ်လို့ ပြောပါတယ်။

ဒီမိုကရေစီ လမ်းကြောင်း ပေါ်မှာ တည်တည် ငြိမ်ငြိမ် ရှိခဲ့ဖူးတဲ့ မာလီ နိုင်ငံဟာ မတ်လက စစ်တပ် အာဏာ သိမ်းပြီး နောက်ပိုင်း တိုင်းပြည်ဟာ မတည် မငြိမ် ဖြစ်လာခဲ့ တာပါ။

အဲလ်ခိုင်းဒါး အဖွဲ့နဲ့ ဆက်စပ် မှုတွေ ရှိနေတဲ့ သဘောထား တင်းမာသူ အစ္စလာမ်မစ်တွေ ဟာ နိုင်ငံ မြောက်ပိုင်း နေရာ အများစုကို အခု ထိန်းချုပ် ထားပြီ ဖြစ်ပါ တယ်။

မစ္စတာ ဂျာရားဟာ အရပ်သား ကြားဖြတ် အစိုးရ အဖွဲ့ကို ဦးဆောင် ခဲ့သူ ဖြစ်ပြီး၊ အစ္စလာမ်မစ် တွေကို နိုင်ငံ ကနေ မောင်းထုတ်ဖို့ အတွက် အနောက် အာဖရိက တပ်ဖွဲ့ တွေ ကြားဝင် ဆောင်ရွက်ဖို့ ကိုလည်း ထောက်ခံခဲ့သူ ဖြစ်ပါတယ်။

ကုလသမဂ္ဂ ကတော့ မာလီ နိုင်ငံဟာ ကမ္ဘာ ပေါ်မှာ အုံကြွ ပေါက်ကွဲ မှုတွေ ဖြစ်နိုင်ချေ ရှိတဲ့ နိုင်ငံ တခု အဖြစ် တနင်္လာနေ့က ကြေညာ ပြောဆို လိုက်ပါတယ်။

လက်ပံတောင်းမီးသင့်သံဃာ ထိုင်းနိုင်ငံမှာ ဆေးကုသရေးစီစဉ်

လက်ပံတောင်းတောင်သပိတ်ဖြိုခွင်းခံရမှုမှာ ဒဏ်ရာ အပြင်းထန်ဆုံးရသွားခဲ့တဲ့ ဆရာတော် ဦးတိက္ခ ဉာဏကို ထိုင်းနိုင်ငံမှာ သွားရောက် ဆေးကုသနိုင်ဖို့အတွက် မိသားစုက ပြင်ဆင်နေပါတယ်။ ၁၃ ရက်နေ့မှာ ဘန်ကောက်မြို့ကိုသွားဖို့ စီစဉ်ထားတယ်လို့ သားဖြစ်သူက VOA ကိုပြောပါတယ်။ ခုလို ဆရာတော်သွားရောက် ကုသမှုအဆင်ပြေခဲ့ရင် မန္တလေးဆေးရုံမှာ ကုသနေဆဲ ဆရာတော် တချို့ ကိုလည်း နိုင်ငံခြားမှာ ဆေးကုသနိုင်ဖို့ ကြိုးစားမယ်လို့ လက်ပံတောင်းသံဃာ ကျန်းမာရေး စောင့်ရှောက်မှုကော်မတီက ပြောပါတယ်၊ အပြည့်အစုံကို စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပေးထားပါတယ်။ 

သံဃာတော် ရာနဲ့ချီ မီးလောင်ဒဏ်ရာတွေ ရသွားခဲ့ကြတဲ့ မုံရွာခရိုင်ထဲက လက်ပံတောင်းသပိတ် စခန်း ဖြိုခွဲမှုအတွင်း အဆိုးဆုံး မီးလောင် ဒဏ်ရာရရှိထားတဲ့ ဆရာတော် ဦးတိက္ခဉာဏကို ထိုင်းနိုင်ငံ၊ ဘန်ကောက်ဆေးရုံမှာ သွားရောက်ဆေးကုသပေးမယ့်အကြောင်း သားဖြစ်သူ ဒေါက်တာ နေသူရိန် က VOA ကို ခုလို ပြောပြပါတယ်။

“ဘုန်းဘုန်းကြီးက ၂၉ ရက်နေ့က ဖြစ်တာဆိုတော့လေ- ဒီနေ့ပဲ (၁၃) ရက်မြောက်ရှိနေပြီ။ ရှိတဲ့ အခါကျတော့ အရေပြားတွေက တချို့ကကျတော့ အရေပြား အစားထိုးကုတာတို့ ဘာတို့ လိုအပ်မှာ ဆိုတဲ့အခါကျတော့လေ- အဲဒါတွေကြောင့်ပါခင်ဗျ။ နောက် ဆီးချိုလည်း နည်းနည်းရှိတော့လေ- တတ်နိုင်ရင်တော့ ဒီမှာလည်း ကောင်းကြပါတယ်။ ဒါပေမဲ့ ပိုကောင်းမယ့်နေရာကို သွားချင်ပါတယ် ခင်ဗျ။”

ဆရာတော် ဦးတိက္ခဉာဏဟာ မျက်နှာကလွဲလို့ ခန္ဓာကိုယ်ရဲ့ တကိုယ်လုံးနီးပါး မီးလောင်ဒဏ် ရာ ကြောင့် မန္တလေးဆေးရုံကြီးကို ပထမဆုံးရောက်လာသူဖြစ်ပါတယ်။ အခုလို ထိုင်းနိုင်ငံမှာ သွားပြီး ဆေးကုသနိုင်ဖို့ မိသားစုအပြင် အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် အပါအဝင် စေတနာရှင်တွေက ဝိုင်းပြီးစီစဉ်ပေးကြတာ ဖြစ်ပါတယ်။ “အမေဒေါ်အောင်ဆန်းစုကြည်က စီစဉ်ပေးပါတယ်ဗျ။ အစိုးရကတော့ ကျနော် မသိဘူး။ အမေ ကတော့ ဒေါ်လာ ၃,၅၀၀ ထောက်ပံ့ပါတယ်ခင်ဗျ။ မန္တလေး-လက်ပံတောင်းတောင် မီးဘေးသင့် ကူညီရေး ကော်မတီက သိန်းငါးဆယ် ကူညီပါတယ်ခင်ဗျ။ အရင်ကတော့ ဘန်ကောက်ဆေးရုံကြီး ကိုပဲ ဆေးကုဖို့ ပြင်ထားတာပေါ့နော်။ ဒါပေမဲ့ မနေ့က ဆရာဦးတင်မျိုးဝင်း ဆိုတာ ဒေါ်အောင်ဆန်း စုကြည် ရဲ့ဆရာဝန်ကြီးပါခင်ဗျ။ သူက ယိုးဒယားသံအမတ်ကြီးကို မေးကြည့်ပြီး ဘယ်ဆေးရုံ အဆင်ပြေလဲ ဆိုတာ- သူက ဒီဆေးရုံကြီးပဲ အဆင်ပြေတယ်ဆိုတော့ ကျနော်တို့လည်း ဒီဆေးရုံကိုပဲ ပြန်ဆင်ပါတယ် ခင်ဗျ။ ဘန်ကောက်ဆေးရုံကြီးပဲ ပြန်စီစဉ်ထားတာပါ။”

ဒီဇင်ဘာလ ၁၃ ရက်နေ့မှာ ဘန်ကောက်မြို့ကို သွားဖို့ စီစဉ်ထားတယ်လို့ ဆရာတော် ဦးတိက္ခဉာဏ ရဲ့ သား ဒေါက်တာနေသူရိန်က ဗွီအိုအေ မြန်မာပိုင်းကို ပြောပါတယ်။ ခုလို သွားရောက်ကုသမှု အဆင်ပြေတယ်ဆိုရင် နောက်ထပ် သံဃာ ၅ ပါး နိုင်ငံခြားမှာ ဆေးကုဖို့ အစီအစဉ်ရှိတယ်လို့ လက်ပံတောင်း သံဃာတွေအတွက် ဖွဲ့ထားတဲ့ ကျန်းမာရေး စောင့်ရှောက်မှု ကော်မတီက ဆရာတော် ဦးဝီရသူက မိန့်ပါတယ်။

“ပထမဦးဆုံးတစ်ပါး သွားလို့ အဆင်ပြေရင်တော့ ကျန်တာ အကုန်သွားလို့ ရမှာပဲ၊ ဆရာတော်ကြီး ဦးတိက္ခပြီိးရင် အဆိုးဆုံး ငါးပါး ရှိတယ်ဗျ။ သူတို့က မျက်နှာနဲ့ မေးရိုးမှာလေ။ တကိုယ်လုံးကို လောင် သွားတဲ့သူတွေရော၊ အောက်ပိုင်းတပိုင်းလုံး လောင်သွားတဲ့သူတွေ ငါးပါးလောက် ရှိသေးတယ်။”

မေး။ ။ သူတို့အခြေအနေရော သက်သာလာလား ဘုရာ့။

“သက်သာပါတယ်။ ဆေးကောင်းဝါးကောင်းတွေတော့ သုံးတယ်ဗျ။ လူနာရှင်တွေနဲ့  ပြည်သူလူထုရဲ့ စိုးရိမ်မှုကြောင့်လား၊ နိုင်ငံခြားက---ဆေးရုံက အာမခံမှုတော့ တော်တော် ရဲတယ်။”

လောလောဆယ် မန္တလေးဆေးရုံကြီးမှာ သံဃာ ၂၅ ပါး၊ ကန်တော်နဒီ ဆေးရုံမှာ ၂၅ ပါး စုစုပေါင်း သံဃာ အပါး ၅၀ ဆေးကုသမှု ခံနေဆဲဖြစ်ပါတယ်။ ခုလို သံဃာတွေ ဒဏ်ရာ အနာတရဖြစ်အောင် သပိတ်စခန်းတွေကို အင်အားသုံး ဖြိုခွင်းခဲ့တာနဲ့ ပတ်သက်လို့ ဒဏ်ရာရသံဃာတွေကို တိုက်ရိုက် တောင်းပန်ခြင်းမရှိဘူးဆိုရင် ဗုဒ္ဓဟူးနေ့ ဒီဇင်ဘာ ၁၂ ရက်နေ့မှာ သံဃာတွေ သပိတ်မှောက်ကြဖို့ မြန်မာနိုင်ငံလုံးဆိုင်ရာလှုပ်ရှားမှု သံဃာ့ဦးဆောင်ကော်မတီက ဆော်သြမှုတွေ ထွက်ပေါ်နေတယ်လို့ မန္တလေးမြို့မှာရှိတဲ့ သံဃာတွေက မိန့်ပါတယ်ရှင်။

သတင်းလွတ်လပ်ခွင့် မြန်မာအပြည့်မရသေး

ပြောင်းလဲမှုတွေ ဖော်ဆောင်နေတဲ့ မြန်မာနိုင်ငံမှာ စာနယ်ဇင်းသမားတွေကို ဖိနှိပ်မှုတွေ လျော့ပါး လာနေတယ် လို့ နိုင်ငံတကာ စာနယ်ဇင်းသမားကာကွယ်စောင့်ရှောက်ရေးအဖွဲ့ CPJက အင်္ဂါနေ့က အစီရင်ခံစာ ထုတ်ပြန်ခဲ့ပါ တယ်။ ဒါပေမဲ့ မြန်မာ့သတင်းမီဒီယာ လောကမှာတော့ စာနယ်ဇင်း လွတ်လပ်ခွင့်နဲ့ သတင်းသမားတွေအပေါ် ဖိနှိပ်ကန့်သတ်မှုတွေ ရှိနေဆဲပဲလို့ ပြည်တွင်း သတင်း သမားတွေက သုံးသပ်ကြပါတယ်။ အသေးစိတ်ကို ဆက်သွယ်စုံစမ်းထားတဲ့ မဆုမွန်က ဆက်ပြောပြပေးပါမယ်ရှင်။

ကမ္ဘာတဝှန်း စာနယ်ဇင်းသမားတွေအပေါ်မှာ ဖိနှိပ်မှုတွေ ကျယ်ကျယ်ပြန့်ပြန့် ရှိနေဆဲပဲ ဖြစ်ပေမဲ့ မြန် မာနိုင်ငံရဲ့ အရပ်သား အစိုးရလက်ထက် ပြုပြင်ပြောင်းလဲရေးတွေ လုပ်နေတဲ့ မြန်မာ့ စာနယ်ဇင်း အခြေအနေကတော့ တိုးတက်မှု အနေအထားတချို့ကို တွေ့မြင်နေရတယ်လို့ သတင်းလွတ်လပ် ခွင့် စောင့်ကြည့်အကဲခတ်အဖွဲ့ CPJက ပြောလိုက်ပါတယ်။

မြန်မာနိုင်ငံမှာ စစ်အာဏာရှင်စနစ် စစ်အုပ်ချုပ်မှုလက်အောက်ကနေ အရပ်သားအစိုးရ တရပ်အဖြစ် အသွင်ကူး ပြောင်းလာခဲ့တဲ့အချိန် ပြီးခဲ့တဲ့ တစ်နှစ်အတွင်း အစိုးရကနေ နိုင်ငံတော် လွတ်ငြိမ်း ချမ်းသာခွင့် ပေးခဲ့တာကြောင့် အဖမ်းဆီးခံထားရတဲ့ စာနယ်ဇင်းသမား ၁၂ ယောက်ထက် မနည်း လွတ်မြောက်လာခဲ့ကြပါတယ်။

၁၉၉၆ ခုနှစ်ကစလို့ မြန်မာနိုင်ငံဟာ ပထမဆုံးအကြိမ်အဖြစ် စာနယ်ဇင်းသမားတွေကို ဖမ်းဆီး မထားတဲ့ နိုင်ငံ တခုအဖြစ် မှတ်တမ်းတင်နိုင်ခဲ့ပါတယ်လို့ နယူးယောက်မြို့အခြေစိုက် စာနယ်ဇင်း သမား ကာကွယ် စောင့် ရှောက်ရေး ကော်မတီ (CPJ) ရဲ့ အင်္ဂါနေ့က ထုတ်ပြန်လိုက်တဲ့ အစီရင်ခံစာ မှာ ဖော်ပြပါရှိခဲ့ပါတယ်။

ဒီလိုမျိုး မြန်မာနိုင်ငံမှာ စာနယ်ဇင်းသမားတွေကို ဖမ်းဆီးမှုတွေမရှိပေမဲ့လို့  အရပ်သားအစိုးရ လက်ထက်မှာ ပြည်တွင်း စာနယ်ဇင်းသမားတွေနဲ့ ဝန်ကြီးဌာနတချို့အကြား သတင်းဖော်ပြမှုနဲ့ ပတ်သက်ပြီး တရားစွဲဆိုမှုတွေ တွေ့လာရသလို သတင်းအချက်အလက် ရယူမှုတွေနဲ့ သတင်း အချက်အလက်ဆိုင်ရာ ဖော်ပြခွင့်တွေမှာတော့ သတင်းလွတ်လပ်ခွင့်ကို အပြည့်အဝ မရသေးပါဘူး လို့  ပြည်တွင်းသတင်းသမားတစ်ဦးဖြစ်တဲ့ မြန်မာ့ ဂျာနယ်လစ် ကွန်ယက်အဖွဲ့ရဲ့ အထွေထွေ အတွင်းရေးမှူး ဦးမြင့်ကျော်က ဗွီအိုအေမြန်မာပိုင်းကို ပြောပါတယ်။

“ဒီမိုကရေစီနိုင်ငံလိုတော့ အပြည့်အဝလွတ်လပ်ခွင့် မရှိသေးပါဘူး။ တချို့သတင်းသမားတွေ သတင်း လုပ်တဲ့ နေရာမှာ သတင်းလွတ်လပ်ခွင့် မရှိတာပေါ့နော်။ စိစစ်ရေးတွေ မရှိတော့ဘူးဆိုပေမဲ့ တချို့အကြောင်းတွေ ကျတော့ တချို့ကိစ္စတွေကို တကယ်ကို လေးလေး နက်နက် ဝေဖန် ဆန်း စစ်ပြီး ဖော်ပြဖို့ ခက်ခဲနေတဲ့ ဟာတွေလည်း ရှိပါသေးတယ်။

ဒါ့အပြင် ဝန်ကြီးဌာနတွေနဲ့ အများပြည်သူနဲ့ဆိုင်တဲ့နေရာတွေမှာ သတင်းရယူခွင့်နဲ့ ပတ်သက်ပြီး ပြည် တွင်း သတင်းထောက်တွေအပေါ်မှာ ကန့်သတ်ချက်တွေ ရှိနေဆဲပဲ ဖြစ်တယ်လို့လည်း မြန်မာ ဂျာနယ်လစ် ကွန်ယက် အဖွဲ့က ဦးမြင့်ကျော်က ပြောပါတယ်။

“ဥပမာ - မကွေးမှာဆိုရင် သတင်းထောက်ကို တရားစွဲထားတယ်ပေါ့နော်။ ပညာရေးမှူးရုံးထဲသွားပြီး သတင်းယူ တယ်။ ဟိုက သူတို့ကို ခွင့်မတောင်းခင် ဗွီဒီယိုရိုက်တယ်၊ ဓာတ်ပုံ ရိုက်တယ်ဆိုပြီးတော့ အဲဒီမှာ တရားစွဲထားတဲ့ ကိစ္စတွေလည်း ရှိပါသေးတယ်။ ဆိုတော့- အဲဒီဟာတွေကလည်း တချို့ မြန် မာပြည်ထဲမှာတောင်မှပဲ ပြည်နယ် တခုနဲ့တခု နေရာ ဒေသတခုနဲ့တခု အုပ်ချုပ်ရေး ဌာနပိုင်းကို မူတည်ပြီးတော့ လွတ်လပ်ခွင့်တွေက မတူပါဘူး။ မကွေးဆိုရင် တော်တော်လေး လုပ်ရကိုင်ရတာ ကျပ်တည်းတယ်လို့ နာမည်ကြီးတယ်ပေါ့နော်။”

အရပ်သားအစိုးရလက်ထက် ပြည်တွင်းမီဒီယာသတင်းဌာနတွေမှာတော့ လက်ရှိ မြန်မာ့နိုင်ငံရေးနဲ့ ပတ်သက်တဲ့ သတင်းတွေနဲ့ နောက် နိုင်ငံတကာသတင်းတွေကို လွတ်လပ်စွာ သတင်းထုတ်ဖော် တင်ပြခွင့်တွေ ရှိလာတယ် လို့လည်း သုံးသပ်ကြပါတယ်။ ဒါပေမဲ့ ဒီလိုမျိုး မီဒီယာလွတ်လပ်ခွင့်ရပြီး လွတ်လပ်စွာ စာပေရေးသားခွင့် ရလာတဲ့အပေါ်မှာ စာနယ်ဇင်းသမားတွေအနေနဲ့လည်း စာနယ်ဇင်း ကျင့်ဝတ်နဲ့အညီ  ဂရုပြု ရေးသားဖို့ လိုတယ်လို့လည်း ဦးမြင့်ကျော်က ပြောပါတယ်။

“အရင် စိစစ်ရေးက ကန့်သတ်ထားတဲ့ အခြေအနေနဲ့ စာရင်တော့ အများကြီး လွတ်လပ်လာပြီ လို့ ပြောလို့ ရပါတယ်။ ဒါပေမဲ့ အဲဒီ လွတ်လပ်လာတဲ့အခါမှာ ကျနော်တို့ မီဒီယာသမားတွေက သိလျက်နဲ့ဖြစ်စေ၊ မသိဘဲနဲ့ ဖြစ်စေပေါ့နော်- တစုံတခုကို ထိခိုက်နိုိင်တဲ့ဟာမျိုး- တခါတလေ သာမန်လူတယောက်ရဲ့ ခွင့်မပြုဘဲဖြစ်စေ- အဲလို ထိခိုက်နိုင်တဲ့ဟာမျိုးတွေလည်း ကျနော်တို့ သတိထားဖို့လိုတယ်။ အဲဒီဟာတွေအတွက် မီဒီယာ သမားတွေအနေနဲ့ ကျင့်ဝတ်ပေါ့နော်။ အခု စာနယ်ဇင်း ကောင်စီကလည်း ကျင့်ဝတ်ကို ထုတ်ပြန်ထားတာ ရှိတယ်ဆိုတော့ ဘယ်လိုဟာတွေက အဲဒီကျင့်ဝတ်ကို ဖောက်ဖျက်ရာကျတယ်၊ ဘယ်လိုဟာတွေကတော့ ဖောက်ဖျက်ရာမကျဘူး- အဲဒါတွေ အားလုံးသိဖို့ပေါ့နော်။ ဥပမာ ဒီ မီဒီယာတွေမှာ တာဝန်ယူနေတဲ့ တဦးချင်း အပြင်ကို အယ်ဒီတာတို့လို အဲဒီလိုမျိုး တကယ် တာဝန်ယူနိုင်တဲ့သူတွေ သူတို့ သိဖို့ ပိုအရေးကြီးတာပေါ့နော်။

အဲလိုဟာမျိုးတွေကလည်း ကိုယ့်မီဒီယာလောက ကလည်း ကိုယ့်ဖာသာကိုယ် သိအောင် ကြိုးစားရမယ်၊ ကိုယ့်ဘက်ကလည်း ထိန်းသိမ်းစရာရှိတာတွေ ထိန်းသိမ်းရမယ်။ ဒါပေမဲ့ တဘက်မှာ လွတ်လပ်ခွင့် ရှိတာကိုတော့ ကျန်တဲ့ အချက်အလက်တွေနဲ့သွားပြီး ကန့်သတ်တာမျိုးတော့ ဘယ်သူမှ သဘောမတူပါဘူး။ တာဝန်ယူပြီိး ရေးသားတာမျိုးတော့ ဖြစ်ရမှာပေါ့နော်။”

အခုလို မြန်မာနိုင်ငံမှာ စာနယ်ဇင်းသမားတွေ မီဒီယာလွတ်လပ်ခွင့်တွေ ရှိလာပြီ ဆိုနိုင်ပေမဲ့ ကမ္ဘာနဲ့ တဝှန်း စာနယ်ဇင်းသမားတွေကို ဖမ်းဆီးအရေးယူမှုတွေကတော့ စံချိန်ချိုးလောက်အောင် ကြုံနေ ရတယ်လို့လည်း CPJ ရဲ့ အစီရင်ခံစာသစ်က ဖော်ပြခဲ့ပါတယ်။ အခုဆိုရင် ကမ္ဘာတဝှန်း ဖမ်းဆီး ခံထားရတဲ့ သတင်းသမား ၂၃၂ ယောက် အထိ ရှိလာနေတာကို တွေ့ရတဲ့အတွက် ဒါဟာ ပြီးခဲ့တဲ့ ၂၀၁၁ ခုနှစ်ကထက် ၅၃ ယောက် ပိုများ လာတယ်လို့ စာနယ်ဇင်းသမား ကာကွယ်စောင့်ရှောက်ရေးကော်မတီ (CPJ) က ပြောပါတယ်ရှင်။

ခဲမဖြူမိုင်း ဆိုးကျိုးများ မိုလို အမျိုးသမီးအဖွဲ့ ထောက်ပြ

ကယားပြည်နယ် တောင်ပိုင်းမှာရှိတဲ့ မော်ချီး ခဲမဖြူသတ္ထုတွင်း လုပ်ငန်းတွေကြောင့် ဒေသတွင်းမှာ ရှိတဲ့ ပြည်သူတွေ-အထူးသဖြင့် အမျိုးသမီးတွေအနေနဲ့ သတ္ထုတူးဖော်ရေးလုပ်ငန်းတွေရဲ့ အကျိုး ဆက်တွေကို ခံစားနေကြရတယ်လို့ မိုလိုအမျိုးသမီးများ သတ္ထုတွင်း စောင့်ကြည့်လေ့လာရေး ကွန်ယက်က ပြောလိုက်ပါတယ်။ ခဲမဖြူသတ္ထုတူးဖော်ရေးတွေကြောင့် မြေပြိုမှုတွေ၊ သန့်ရှင်းရေ ရရှိမှုနည်းလာတဲ့ အခြေအနေတွေကို ဖော်ပြထားပြီး ဒီသတ္ထုတူးဖော်ရေးကနေ ဒေသခံတွေ အကျိုးအမြတ်ခံစားနိုင်တဲ့ အခွင့်အလမ်းတွေကို တောင်းဆိုထား ပါတယ်။ အပြည့်အစုံ အစီရင်ခံစာပြုစုသူနဲ့ ဆက်သွယ်မေးထားတဲ့ ဘန်ကောက်ရုံးက မစုမြတ်မွန်က တင်ပြပါမယ်။

ကယားပြည်နယ်၊ ဖားဆောင်းမြို့နယ်ထဲက ခန့်မှန်းခြေ လူဦးရေ ၈, ၀၀၀ ကျော်ရှိတဲ့ မော်ချီးဒေသ မှာ မော်ချီးခဲမဖြူသတ္ထု တူးဖော်ရေး လုပ်ငန်းတွေကြောင့် ဒေသခံတွေကြုံတွေ့နေကြရတဲ့ အခက် အခဲတွေ၊ သဘာဝပတ်ဝန်းကျင်ထိခိုက်မှု ဂယက်တွေကို မိုလိုအမျိုးသမီးများ သတ္ထု တွင်းစောင့်ကြည့် လေ့လာရေး ကွန်ယက်က အစီရင်ခံစာ ထုတ်ပြန်လိုက်တာဖြစ်ပါတယ်။ အစီရင်ခံစာထဲမှာ အဓိက ပြောပြထားတဲ့ အကြောင်းတွေနဲ့ ပတ်သက်လို့ လေ့လာရေး ကွန်ယက် က နော်အားမူက VOA မြန်မာပိုင်းကို ခုလို ပြောပါတယ်။

“ဒီသတ္ထုတွင်းတွေကြောင့် မော်ချီးဒေသမှာရှိတဲ့ ဒေသခံပြည်သူတွေ ကြုံတွေ့နေရတဲ့ ပြဿနာ ကတော့ သဘာဝပတ်ဝန်းကျင် ပျက်စီးမှု ပေါ့နော်။ နေ့စဉ် နေ့တိုင်းလိုလို မြေပြိုတာ ကြုံတွေ့ရတယ်။ ပြီးတော့ သစ်တောပြုန်းတီးတာ၊ သန့်ရှင်းတဲ့ရေကိုလည်း သူတို့တွေ မရရှိဘူး။ နောက်တခုက သူတို့ဒေသမှာ ထွက်နေတဲ့ ခဲမဖြူသတ္ထုကနေပြီး ဒေသခံလူထုက အကျိုးအမြတ်ကို ပြည့်ပြည့်ဝဝ မခံစားရဘူးပေါ့။”

ခုလို အစီရင်ခံစာ ထုတ်ပြန်ရလောက်အောင် မော်ချီးခဲမဖြူသတ္ထုတူးဖော်ရေး လုပ်ငန်းတွေရဲ့ ဆိုးကျိုးတွေက ဘယ်လောက်များနေလို့ပါလဲ။

“အဓိက မော်ချီိးသတ္ထုတွင်းမှာ တွင်းကြီးကတော့ အသစ် ပြင်ပြီးတော့ နောက်ထပ် အသစ်လုပ်တဲ့ ကုမ္ပဏီနဲ့ဆို ကိုးကျင်းပေါ့နော်။ အဲဒီ ကိုးကျင်းမှာမှ လုပ်ကွက်ပေါင်းက ၂၆၄ ကွက် ရှိတယ်။ လုပ်ကွက်တစ်ကွက်မှာဆိုရင် ကျမတို့ခန့်မှန်းခြေအရ လစဉ် ခဲမဖြူက ပိဿာ (၁၅၀) ထွက်တယ်။ ကျင်းထဲက ထွက်လာတဲ့ မြေစာတို့၊ အသုံးမလိုတဲ့ မြေခဲတွေကို တောင်စောင်းကနေပြီးတော့မှ ပစ်ချတယ်။ ချောင်းထဲ၊ မြောင်းထဲကို ဒီအတိုင်းပဲ စွန့်ပစ်တဲ့အတွက် ချောင်းရေတွေက အရမ်း ညစ်ညမ်းလာတယ်။ အဲလို ညစ်ညမ်းလာတဲ့အတွက်ကြောင့် ချောင်းအောက်ပိုင်းမှာ နေထိုင်တဲ့ ခဲမဖြူကျေးရွာ၊ --- ကျေးရွာတွေကဆိုရင် ဒီချောင်းရေကို လုံးဝ အသုံးပြုလို့ မရတော့ဘူး။ ”

သန့်ရှင်းရေအရင်းအမြစ် ရှားပါးလာတာဟာ ဒေသခံ အမျိုးသမီးတွေအတွက် အထူး အခက်အခဲ ဖြစ်စေတယ်လို့ အစီရင်ခံစာထဲမှာ ဆိုထားပါတယ်။ ဒီအစီရင်ခံစာ ထုတ်ပြန်ဖို့အတွက် မိုလိုအမျိုးသမီးများ သတ္ထုတွင်းစောင့်ကြည့်လေ့လာရေးကွန်ယက်က သတ္ထုတွင်းတွေရှိတဲ့ ဒေသကို သွားရောက်ပြီး အစီရင်ခံစာကို ပြုစုခဲ့တာဖြစ်ပါတယ်။

“ကျမတို့ မော်ချီးဒေသမှာ တလလောက်သွားပြီးတော့ အချက်အလက်တွေ ကောက်ခံခဲ့ပါတယ်။ အများအားဖြင့်တော့ ဒေသခံတွေကိုပဲ မေးတယ်။ ဒေသခံထဲမှာမှ မော်ချီးသတ္ထုတွင်းစီမံကိန်းမှာ အလုပ်လုပ်ခဲ့ဖူးသူတွေပေါ့နော်။ ဒါပေမဲ့ နယ်စပ်ကို ပြန်ရောက်လာတော့ စာအုပ်တအုပ်ဖြစ်ဖို့ ကျတော့ တချို့ information တွေက မလုံလောက်ဘူး။ ---- နဲ့ပဲ အချိန်ကတော့ ကိုးလလောက် ကြာသွားတယ်ရှင့်။”

အမှတ် (၂) သတ္ထုတွင်းဝန်ကြီးဌာနနဲ့ စစ်တပ်ရဲ့ ဦးပိုင် လိမိတက်လုပ်ငန်းတို့ ပူးတွဲချုပ်ကိုင် ထားတဲ့ မော်ချီး-ခဲမဖြူသတ္ထုတွင်းကို ကယား ပြည်နယ် သတ္ထုကုမ္ပဏီက တူးဖော်လုပ်ကိုင်နေတာဖြစ်တယ်လို့ အစီရင်ခံစာ ထုတ်ပြန်တဲ့ ကွန်ယက်အဖွဲ့က ပြောပါတယ်။ သတ္ထုတူးဖော်ရေး လုပ်ငန်းက အကျိုးအမြတ်တွေကို ဒေသခံပြည်သူတွေက ခံစားနိုင်ခွင့်မရှိတဲ့ ကိစ္စကိုလည်း အများသိစေချင်တာဖြစ်တယ်လို့ နော်အားမူက ပြောပါတယ်။

“ဒေသခံလူထုရဲ့ ဘဝလုံခြုံမှုတွေကို အကာအကွယ်ရရှိဖို့နဲ့ သူတို့ အကျိုးအမြတ် ရရှိခံစားရဖို့ပေါ့နော်- ဥပဒေကြောင်းအရ အကာ အကွယ်ပေးခြင်း မရှိသေးသရွေ့ ကျမတို့နယ်မြေအတွင်းမှာ နောက်ထပ် ဘယ်သတ္ထုတူးဖော်ရေးလုပ်ငန်းကိုမှ မလိုလားဘူး။”

နောင် ဒေသတွင်းမှာ ခေတ်မီနည်းတွေနဲ့ သတ္ထုတူးဖော်မယ်ဆိုရင်လည်း ဒေသခံတွေရဲ့ အကျိုး စီးပွားနဲ့ သဘာဝပတ်ဝန်းကျင်အပေါ် သက်ရောက်မှုတွေကို လေ့လာ သုံးသပ်ဖို့ မော်ချီးသတ္ထုတွင်းနဲ့ ပတ်သက်တဲ့ အစီရင်ခံစာထုတ်ပြန်တဲ့ မိုလိုအမျိုးသမီးများ သတ္ထုတွင်း စောင့်ကြည့်လေ့လာရေး ကွန်ယက်က တောင်းဆိုပါတယ်။

“တကယ်လို့ သတ္ထုတွင်းဝန်ကြီးဌာနက မော်ချီးသတ္ထုတွင်းကို ခေတ်မီတဲ့နည်းပညာတွေ လုပ်မယ်ဆိုရင် သဘာဝပတ်ဝန်းကျင်ထိခိုက် ဆုံးရှုံးမှုကို ဘယ်လောက်ထိရှိတယ်ဆိုတဲ့- EIA လို့ ခေါ်တာပေါ့နော်- Environment Impact Assessment to Social Assessment ကို Systematically လုပ်ပြဖို့လည်း လိုအပ်တယ်၊ ပြီးတော့ ဒေသခံလူထုပါဝင်လာဖို့ ပါဝင်နိုင်တဲ့ အခွင့်အရေးလည်း ပေးရမယ်၊ ပြီးတော့ ဒေသခံတွေရဲ့ အကျိုးအမြတ်တွေရရှိဖို့၊ ဒေသခံတွေကို ဥပဒေကြောင်းအရ အကာအကွယ်ပေးဖို့ ကျမတို့က တောင်းဆိုပါတယ်။”

သဘာဝသယံဇာတ အမြောက်အမြားထွက်ရှိတဲ့ မြန်မာနိုင်ငံမှာ သယံဇာတတူးဖော်ရေး လုပ်ငန်း တချို့ဟာ လုပ်ငန်းကြောင့် ဖြစ်ပေါ်လာမဲ့ အကျိုးသက်ရောက်မှုတွေကို မှန်မှန်ကန်ကန် သုံးသပ်တာ၊ လူသိရှင်ကြား ထုတ်ပြန်တာ အားနည်းနေတဲ့အတွက် ဒေသခံပြည်သူတွေဟာ ဆိုးကျိုးတွေကို ခံစားကြရတယ်လို့ သဘာဝပတ်ဝန်းကျင်ထိန်းသိမ်းရေးဆိုင်ရာ လေ့သူတွေက ပြောပါတယ်ရှင်။