11.12.2012 နေ့ဖတ်ရန်သတင်းများ

by Myanmar Journal on Monday, December 10, 2012 at 5:51pm ·

လာမယ့်အနှစ်၂၀မှာ အာရှက ဥရောပနဲ့ အမေရိကထက် ပိုသြဇာကြီးမယ်

အမေရိကန်ရဲ့ ထောက်လှမ်းရေး အစီရင်ခံစာ ထုတ်ပြန်

အမေရိကန် ထောက်လှမ်းရေး ဆိုင်ရာ စိစစ်သုံးသပ်သူတွေက မဟာဗျူဟာ ကျကျ တွေးခေါ်နိုင်အောင် ရည်ရွယ်ပြီး Global Trends 2030 အစီရင်ခံစာ ထုတ်ပြန် လိုက်ပါတယ်။ အဲဒီအထဲမှာ အမေရိကန်နိုင်ငံက မူဝါဒဆုံးဖြတ်ချက် ချမယ့် ပုဂ္ဂိုလ်တွေ စဉ်းစားစရာ အများကြီး ပါဝင်ပါတယ်။

ဥပမာအားဖြင့် တရုတ်နိုင်ငံဟာ နောင်အနှစ်၂၀မတိုင်မီ အမေရိကန်ကို ကျော်ပြီး ကမ္ဘာ့အကြီးဆုံးစီးပွားရေး ဖြစ်လာမယ်ဆိုတဲ့အချက်မျိုးဖြစ်ပါတယ်။

ဒါ့အပြင် ၂၀၃၀ ရောက်ရင် အာရှတိုက်ဟာ မြောက်အမေရိကနဲ့ ဥရောပတိုက် နှစ်ခုပေါင်းထက် အရာရာမှာ ပိုသြဇာကြီးမယ်လို့ ဆိုထားပါတယ်။ ဒီနေရာမှာ လူဦးရေ၊ ဂျီဒီပီ အမျိုးသားအသား တင်ထုတ်လုပ်မှု၊ စစ်ရေးအသုံးစရိတ်နဲ့ အတတ်ပညာဆိုင်ရာ ရင်းနှီးမြှုပ်နှံမှုတွေ မှာပါ သာလွန်မှာ ဖြစ်ပါတယ်။

သဘာဝဓါတ်ငွေ့ထုတ်လုပ်တဲ့ နည်းလမ်းအသစ်တွေကြောင့် အမေရိကန်နိုင်ငံဟာ စွမ်းအင်မှာ အမှီအခို ကင်းလာနိုင်တယ်လို့ အစီရင်ခံစာကဆိုပါတယ်။ နောက်တခါ အာဖဂန်နစ်စတန်က တပ်တွေရုပ်သိမ်းပြီးရင် အကြမ်းဖက် တိုက်ခိုက်မှုတွေ နည်းလာနိုင်တယ်လို့လည်း ထောက်ပြထားပါတယ်။ ဒါပေမယ့် cyber attack လို့ခေါ်တဲ့ အင်တာနက်ကတဆင့် ဝင်ရောက်တိုက်ခိုက်မှုတွေတော့ ပိုများလာနိုင်တယ်လို့ သတိပေးထားပါတယ်။

နိုင်ငံတကာဘက်က ကြည့်ရင် တိုးတက်တဲ့ နိုင်ငံတွေမှာ သက်ကြီးရွယ်အိုတွေ ပိုများလာတာနဲ့အမျှ ဖွံ့ဖြိုးတိုးတက်မှု နှေးကွေးပြီး လူနေမှုအဆင့်အတန်းတွေ ကျလာနိုင်တယ်လို့လည်း သတိပေးထားပါတယ်။ နောက်တခါ နိုင်ဂျီးယားတို့ ပါကစ္စတန်တို့လို နိုင်ငံတွေမှာ လူဦးရေတိုးနှုန်း မြန်ဆန်တဲ့အတွက် စားနပ်ရိက္ခာ ရှားပါးမှု၊ ရေအခက်အခဲတွေကြောင့် စစ်ပွဲတွေလည်းဖြစ်လာနိုင်တယ်လို့ အမေရိကန်နိုင်ငံထုတ် Global Trends 2030 ဆိုတဲ့ စီးပွားရေးနဲ့ လုံခြုံရေးကို သုံးသပ်တဲ့ထောက်လှမ်းရေးအစီရင်ခံစာမှာဖေါ်ပြထားပါတယ်။

မုံရွာ ဝိနည်း စာတော်ပြန်ပွဲ ရပ်နားထား

ဆူးလေ စေတီတော်နဲ့ ဆန္ဒပြ သံဃာတော်တွေ

မုံရွာခရိုင်(၈)မြို့နယ်လုံးဆိုင်ရာ ရွှေကျင်နိကာယ ဝိနည်းစာတော်ပြန်ပွဲကြီးကို သံဃာတော် အပါး(၁၀၀၀)ကျော်တို့ဖြင့် နှစ်စဉ် နတ်တော်လဆန်း ( ၂ ၊ ၃ ၊ ၄ ၊ ၅ ) ရက်များတွင် စာပြန်ဆိုပွဲကြီးကို မုံရွာမြို့၊ အလယ်ရပ်၊ ဝိနယ ဗိမာန်တော်ကြီးတွင် ကျင်းပလေ့ ရှိပါတယ်။

ဒါပေမယ့် အခုနှစ် (၃၁)ကြိမ်မြောက် ဝိနည်း စာတော်ပြန်ပွဲကြီးကို မကျင်းပဖြစ်၊ ရပ်နားကြောင်းကို ဝိနည်းပြန်ဌာန အကျိုးတော်ဆောင် ဆရာတော် ဘဒ္ဒန္တ အဂ္ဂသာရ (အဂ္ဂမဟာပဏ္ဍိတ) လက်မှတ်ရေးထိုးပြီး ကျောင်းတိုက် အသီးသီးသို့ အကြောင်း ကြား စာပေးပို့ ထားကြောင်း သိရပါတယ်။

စာတော်ပြန်ပွဲ ရပ်နားရခြင်းအကြောင်း စုံစမ်းကြည့်တော့“တချို့ ဆရာတော်ကြီးများနှင့် တချို့ စာပြန်သံဃာတော်တို့က လက်ပန်းတောင်းတောင် အရေးမှာ ဆန္ဒပြ သံဃာတော်တွေကို မီးလောင်ဗုံးတွေနဲ့ အကြမ်းဖက် နှိမ်နင်း ခံခဲ့ရတာကြောင့် စိတ်မချမ်းမသာ ဖြစ်ကြရကြောင်း၊ စာပြန်ဆိုရန် အခက်အခဲရှိကြောင်း” တင်ပြ လျှောက်ထား ကြတာကြောင့် နာယက ဆရာတော်ကြီးများနှင့် ဝိနယာ နုဂ္ဂဟလူကြီးများ ( ၉ ၊ ၁၂ ၊ ၁၂ )ရက်နေ့ နေ့(၁)နာရီအချိန်မှာ မုံရွာမြို့ ၊ ရွှေကျင် ဓမ္မာရုံကျောင်းတိုက်၊ သန္နိပါတ အစည်းအဝေး ခန်းမမှာ အစုံအညီ စည်းဝေးတော်မူကြပြီး ယခုနှစ် ဝိနည်းစာတော်ပြန်ပွဲကို ရပ်နားကြရန် တညီတညွတ်တည်း ဆုံးဖြတ်တော်မူကြကြောင်း သိရသည်။

ဗြိတိန် အခြေစိုက်ဘဏ်တွေ အမေရိကန် ဒဏ်တပ်

HSBC ဒေါ်လာသန်း တထောင်ကျော် ဒဏ်တပ် ခံရပြီ

ဗြိတိန် အခြေစိုက် HSBC ဘဏ်ကြီးဟာ ငွေကြေး ခဝါချမှုတွေကို အကူအညီပေးခဲ့တယ် ဆိုတဲ့ စွပ်စွဲချက်တွေကို ဖြေရှင်းဖို့ အမေရိကန် အာဏာပိုင်တွေကို ဒေါ်လာ တစ် ဒသမကိုး ဘီလီယံ စံချိန်သစ်တင် ပေးဆောင်ရမယ်လို့ အမေရိကန်က လာတဲ့ သတင်းတွေ အရသိရပါတယ်။

HSBC ဘဏ်ဟာ အီရန်နဲ့ မက္ကဆီကိုက မူးယစ်ရာဇာတွေရဲ့ ငွေကြေး ခဝါချမှုတွေကို အမေရိကန် ဘဏ္ဍာရေး စနစ်ကတဆင့် အကူအညီ ပေးခဲ့တယ်လို့ အမေရိကန်က တရားလို ရှေ့နေတွေက ပြောပါတယ်။

ဗြိတိန် အခြေစိုက် Standard Chartered ဘဏ်ကြီးဟာလည်း အီရန် ၊ မြန်မာ ၊ လစ်ဗျားနဲ့ ဆူဒန် နိုင်ငံတွေကို အမေရိကန်က ပိတ်ဆို့ အရေးယူထားခဲ့တဲ့ ကြားက ချိုးဖောက်ခဲ့တာကို ဖြေရှင်းဖို့ အတွက် အမေရိကန် ဗဟိုဘဏ်ကို ဒေါ်လာ ၃၂ရသန်း ပေးဆောင်ရမှာ ဖြစ်ပါတယ်။

Standard Chartered ဘဏ်ဟာ မပြည့်စုံ မလုံလောက်တဲ့ သတင်းအချက်လက်တွေ ပေးခဲ့တယ်လို့ အမေရိကန် ဗဟိုဘဏ်က စွပ်စွဲခဲ့ပြီး ဒဏ်တပ်တဲ့ အတွက် ဘဏ်ရဲ့ ပိုင်ဆိုင်မှု တချို့ကို စွန့်လွှတ်ဖို့ သဘောတူခဲ့ပါတယ်။

Standard Chartered ဘဏ်က အီရန်ကို ဒေါ်လာသန်း ထောင်နဲ့ချီပြီး တရားမ၀င် ငွေပြောင်းငွေလွှဲ လုပ်ပေးခဲ့မှုကို ထိန်ချန်ထားတဲ့ အတွက် ပြီးခဲ့တဲ့ သြဂတ်စ် လတုန်းကလည်း နယူးယောက်က ငွေကြေးစစ်ဆေးတဲ့ အဖွဲ့တွေကို ဒဏ်ကြေး သန်း ၃၄ဝ ပေးဆောင်ခဲ့ ရပါသေးတယ်။

သမ္မတ မော်ဆီ စစ်တပ်ကို ဖမ်းမိန့် ပေး

အကြီးအကျယ် ဆန္ဒပြဖို့ စီစဉ် ထားခဲ့

ကန့်ကွက် ဆန္ဒပြ ခံနေရတဲ့ အီဂျစ် အခြေခံ ဥပဒေသစ် မူကြမ်း အတွက် စနေနေ့ လူထု ဆန္ဒ ခံယူပွဲ မကျင်းပခင်မှာပဲ သမ္မတ မိုဟာမက် မော်ဆီ က စစ်တပ်ကို ဖမ်းမိန့် ပေးလိုက်ပြီ ဖြစ်ပါတယ်။

အတိုက်အခံ တွေရော သမ္မတ ထောက်ခံသူ တွေပါ အကြီးအကျယ် ဆန္ဒပြဖို့ စီစဉ် ထားတဲ့ရက်ထက် တရက် စောပြီး အမိန့် ကြေညာချက် အသစ် ထုတ်ပြန် လိုက်တာ ဖြစ်ပါတယ်။

စနေနေ့ ဆန္ဒ ခံယူပွဲ မတိုင်ခင်မှာပဲ လုံခြုံရေးနဲ့ နိုင်ငံတော် အာဏာပိုင် အဖွဲ့အစည်း တွေကို ကာကွယ်ရေး အတွက် စစ်တပ်ကို မစ္စတာ မော်ဆီ အမိန့်ပေးလိုက်ပြီ ဖြစ်ပါတယ်။

အီဂျစ် မှာ စစ်အုပ်ချုပ်ရေး ပြန်ပေါ်လာမှာကို စိုးရိမ် နေကြတယ်လို့ ကိုင်ရိုက ဘီဘီစီ သတင်းထောက်က ပြောကြား ပါတယ်။

သမ္မတ အိမ်တော် ဂိတ်ဝ မှာလဲ ကွန်ကရစ်တုံးတွေ၊ သံဆူးကြိုး အရံအတားတွေ ချထားပြီး သံချပ်ကား တွေနဲ့ စစ်သား တွေလဲ စောင့်နေကြပြီ ဖြစ်ပါတယ်။

ဦးဂမ္ဘီရ အာမခံနဲ့ ပြန်လွှတ်

လွှတ်တော်ပြင်ပ နိုင်ငံရေး ဆက်လုပ်သွားမယ်

သင်္ဃန်းကျွန်းက မဂ္ဂင် ကျောင်းတိုက် အပါအ၀င် ဘုန်းကြီးကျောင်း သုံးကျောင်းကို ခွင့်ပြုချက်မရှိဘဲ ချိတ်ဖွင့်ခဲ့တယ် ဆိုတဲ့ကိစ္စနဲ့ ဒီဇင်ဘာ ၁ ရက်နေ့က ဖမ်းထားတဲ့ ဦးဂမ္ဘီရ ခေါ် ကိုညီညီလွင်ကို တနင်္လာ နေ့ည ၈နာရီ ကျော်မှာ သန်လျင် မြို့နယ် တရားရုံးက သိန်း ၄ဝ နဲ့ လူ ၂ ယောက် အာမခံ ယူပြီး ပြန်လွှတ် ပေးလိုက် ပါတယ်။

ဦးဂမ္ဘီရ ဘဝ ကနေ လူဝတ်လဲ ထားတဲ့ ကိုညီညီလွင်က သူ့ကို လက်ပံတောင်း သံဃာ့ လှုပ်ရှားမှုနဲ့ ဆက်စပ်ပြီး ဖမ်းဝရမ်း မပါဘဲ အင်းစိန်ထောင်မှာ တိုက်ပိတ် ထိန်းသိမ်းခဲ့တာလို့ ဆိုပါတယ်။

ဦးဂမ္ဘီရဟာ ၂ဝဝ၇ သံဃာ့ လှုပ်ရှားမှု အပြီးမှာ ထောင်ဒဏ် ၆၈ နှစ် ချခံရပြီး ဒီနှစ် ဇန်နဝါရီ လလယ်က သမ္မတ လွတ်ငြိမ်းချမ်းသာခွင့်နဲ့ လွတ်မြောက် လာခဲ့ပါတယ်။

လက်ပံတောင်းတောင် ရှားပါးငှက်များ မျိုးသုဉ်းနိုင်

လက်ပံတောင်း ဒေသက ငှက် ၃ မျိုးဟာ မြန်မာ နိုင်ငံမှာသာ ရှိတဲ့ ငှက်မျိုးတွေ ဖြစ်ပါတယ်

စစ်ကိုင်းတိုင်း လက်ပံတောင်းတောင် ဒေသမှာ ကျက်စားတဲ့ ငှက် ၃ မျိုး မျိုးသုဉ်း နိုင်မယ့် အန္တရာယ် ရှိနေတယ်လို့ မြန်မာငှက်နဲ့ သဘာဝ ပတ်ဝန်းကျင် ထိန်းသိမ်း ရေး ဥက္ကဌ ဦးစိုးညွန့်က ပြောကြား လိုက်ပါတယ်။

မြန်မာ ဘီလုံး၊ စွေ့ငှက်နဲ့ နဖားကြူ အမြီးဝိုင်းငှက် လို့ ခေါ်တဲ့ ဒီငှက် ၃ မျိုးဟာ မြန်မာ နိုင်ငံမှာသာ ရှိတဲ့ ငှက်မျိုးတွေ ဖြစ်ပြီး အခုအချိန်မှာ အလွန်ရှားပါးနေ ပြီ ဖြစ်တယ်လို့ သူက ပြောပါတယ်။

အခု လက်ရှိ အခြေ အနေမှာ လက်ပံတောင်းတောင် ပတ်ဝန်းကျင် အနေ အထားကြီး ပြောင်းလဲမယ့် အခြေ အနေ ဖြစ်နေ တာကြောင့် ဒီငှက်တွေ အတွက် စိုးရိမ် ရတဲ့ အနေ အထားမှာ ရှိနေတယ်လို့ ဆိုပါတယ်။

ဒီငှက်တွေဟာ လက်ပံတောင်း ဒေသလို အပူပိုင်း ဆူးချုံတော ကို အမှီပြု နေရတာ ဖြစ်တဲ့ အတွက် ဒီတောင်ကြီးတွေ ပျောက်ကွယ် သွားရင် သူတို့ အတွက် နေစရာ ပျောက်သွားမှာ ဖြစ်ပါတယ်။

မြန်မာနိုင်ငံမှာသာ ရှိတဲ့ တခြား ဒေသက ငှက်မင်းသား ဝမ်းဖြူ၊ စာကလေး တမျိုး ဖြစ်တဲ့ မြန်မာတစ်နဲ့ မျက်ခုံးဖြူ ငှက်ပြာခြောက် လို့ခေါ်တဲ့ ငှက် ၃ မျိုး ဟာလည်း မျိုးသုဉ်းမယ့် အခြေအနေ ရှိနေတယ်လို့ ဦးစိုးညွန့်က ပြောပါတယ်။

ငှက်တွေ အတွက် အခုလို မျိုးသုဉ်းမယ့် အန္တရာယ် ရှိနေ တာဟာ လက်ပံတောင်း ကိစ္စ တခုတည်းကြောင့် မဟုတ်ပဲ နှစ်ပေါင်း များစွာ ပတ်ဝန်းကျင် ထိန်းသိမ်း ရေးကို အားလုံး လစ်လျူ ရှုထားတဲ့ အတွက်ကြောင့် ဖြစ်တယ်လို့ သူကပြောပါတယ်။

လူ့အခွင့်အရေးအတွက် အစိုးရဌာနတွေ ပူးပေါင်းဖို့လိုအပ်သေး

မြန်မာနိုင်ငံမှာ လူ့အခွင့်အရေးနဲ့ပတ်သက်လို့ ပိုမို ပွင့်လင်းမှု ရှိလာတယ်ဆိုပေမဲ့ - ဒီ့ထက်မက လူ့အခွင့်အရေးအခြေအနေတွေ တိုးတက်ကောင်းမွန် ဖို့ဆိုရင် အစိုးရအပါအ၀င် သက်ဆိုင်ရာအဖွဲ့အစည်းတွေရဲ့ ပူးပေါင်းဆောင်ရွက်မှုတွေ လိုအပ်တယ်လို့ - မြန်မာနိုင်ငံ လူ့အခွင့်အရေးကော်မရှင်ဥက္ကဌ ဦးဝင်းမရ က ပြောလိုက်ပါတယ်။ လူ့အခွင့်အရေးဆိုင်ရာ ဥပဒေတရပ် မရှိသေးတဲ့အတွက် လုပ်ဆောင်ရတဲ့အပိုင်းမှာ အခက်အခဲတွေ ရှိသလို စစ်ဖြစ်နေတဲ့ တိုင်းရင်းသားဒေသတွေမှာလည်း နှစ်ဘက်စလုံးက လူ့အခွင့်အရေးချိုးဖောက်မှုတွေ ရှိနေဆဲဖြစ်တယ်လို့ - ဒီကနေ့ ဒီဇင်ဘာလ ၁၀ ရက်နေ့မှာ ကျရောက်တဲ့ နိုင်ငံတကာ လူ့အခွင့်အရေးနေ့မှာ - မြန်မာနိုင်ငံ လူ့အခွင့်အရေးကော်မရှင် က ပြောကြားခဲ့တာပါ။ အပြည့်အစုံကိုတော့ ဆက်သွယ်မေးမြန်းထားတဲ့ မနန္ဒာချမ်း က ပြောပြပေးပါ။

သမ္မတ ဦးသိန်းစိန် အရပ်သားအစိုးရတက်လာပြီးတဲ့နောက် မြန်မာနိုင်ငံမှာ လူ့အခွင့်အရေးအခြေအနေနဲ့ ပတ်သက်လို့ ပြည်သူတွေကြား ပိုမို နိုးကြားမှု ရှိလာသလို - ပြည်သူတွေအနေနဲ့ သူတို့ရဲ့ အခွင့်အရေးကို ဥပဒေနဲ့အညီ တောင်းဆိုဆန္ဒပြခွင့်တွေ ရှိလာတာဟာ တိုးတက်တဲ့ အနေအထားတခုဖြစ်တယ်လို့ နိုင်ငံတကာ လူ့အခွင့်အရေးနေ့မှာ - မြန်မာနိုင်ငံ လူ့အခွင့်အရေးကော်မရှင်ဥက္ကဌ ဦးဝင်းမရ က ပြောပါတယ်။ ဒီလို တိုးတက်မှုတွေ ရှိလာတယ်ဆိုပေမဲ့ - ဒီမိုကရေစီနိုင်ငံဖြစ်အောင် ကြိုးပမ်းနေတဲ့ အစိုးရတရပ်အနေနဲ့ နိုင်ငံရေးအကျဉ်းသားတွေကို လွှတ်ပေးသင့် တယ်လို့ ဦးဝင်းမရ က ဗွီအိုအေကို အခုလို ပြောခဲ့ပါတယ်။

“နိုင်ငံတော်သမ္မတရုံးရဲ့ ကြေညာချက်အရဆိုရင်ဖြင့် ကျန်ရှိနေသေးတဲ့ နိုင်ငံရေး အကျဉ်းသားတွေကိုလည်းပဲ ကျနော်တို့ စနစ်တကျ ပွင့်လင်းမြင်သာတဲ့ လုပ်ထုံးလုပ်နည်း တရပ်ကို ချမှတ်ပြီး ဆောင်ရွက်သွားမယ်လို့ ကြေညာထားတဲ့အတွက်ကြောင့် ကျနော်တို့ကလည်း ဒါကို အများကြီး ကြိုဆိုပါတယ်။ ဘာကြောင့်လည်းဆိုတော့ ဒီမိုကရေစီနိုင်ငံကို ထူထောင်နေတဲ့အခါမှာ နိုင်ငံရေးကို ပြုလုပ်တဲ့အတွက်ကြောင့်မို့လို့ အကျဉ်းသားဆိုတာ အတင်းပဲ ထောင်ချထားလို့မရဘူးဆိုတာ သဘောမျိုးဖြစ်ပြီးတော့ ပေါ်လွင်စေမှာဖြစ်တဲ့အတွက်ဖြစ်ပါတယ်။”

ဒါ့အပြင် စစ်ပွဲတွေ ဖြစ်ပွားနေတဲ့ တိုင်းရင်းသားဒေသတွေမှာ နှစ်ဘက်စလုံးကနေ အရပ်သားပြည်သူတွေကို အဓမ္မ စစ်သားစုဆောင်းတာ၊ ပေါ်တာဆွဲတာ၊ ညှင်းပန်းနှိပ်စက်တာလို လူ့အခွင့်အရေး ချိုးဖောက်မှုတွေ ရှိနေတာကို မြန်မာနိုင်ငံ လူ့အခွင့်အရေးကော်မရှင်အနေနဲ့ စုံစမ်း သိရှိ ရတယ်လည်းလို့ သူက ပြောပါတယ်။ အထူးသဖြင့် လက်ရှိ တိုက်ပွဲတွေ ဖြစ်နေဆဲ ကချင်ဒေသမှာဆိုရင် ပြည်သူတွေအနေနဲ့ အသက်အိုးအိမ် ထိခိုက်တဲ့အထိ လူ့အခွင့်အရေး ချိုးဖောက်ခံနေရပြီး၊ ကုလသမဂ္ဂ က ပြဌာန်းထားတဲ့ လူသားချင်းစာနာမှုဆိုင်ရာ ဥပဒေပါ ပြဌာန်းချက်တွေကို အစိုးရစစ်တပ်ဘက်ကရော၊ KIA ကချင်လွတ်မြောက်ရေးတပ်မတော်ဘက်ကပါ လိုက်နာဖို့ကို မြန်မာနိုင်ငံ လူ့အခွင့်အရေးကော်မရှင် က တိုက်တွန်းသွားခဲ့ပါတယ်။

“ဥပမာဆို ကချင်ပြည်နယ် သွားပြီးတော့ စစ်ဆေးတဲ့အခါမှာ ဒုတိယတခေါက်မှာ ဘာတွေ့ရလဲဆိုတော့ အတင်းအဓမ္မချောဆွဲပြီးတော့ စစ်တပ်ထဲ ဝင်တိုက်ခိုက်ခိုင်းတာမျိုးလေးတွေ တွေ့ရတယ်။ ဒါမျိုးလေးတွေဟာ နှစ်ဘက်စလုံးက လုပ်တာကို ကျနော်တို့ စစ်ဆေးတွေ့ရှိရတယ်။ ဒီလိုအတင်းအဓမ္မတပ်ထဲကို မသွပ်သွင်းဖို့ဆိုပြီးတော့ တိုက်တွန်းတာမျိုးလေးတွေလည်းရှိတယ်။ နောက်တချို့ကိစ္စတွေမှာကျတဲ့အခါကျတော့ အစိုးရပိုင်းက စစ်ဆေးတာတွေ၊ မေးမြန်းတာတွေရှိတယ်။ ဒီလိုစစ်ဆေးမေးမြန်းတဲ့အခါမှာ ညှင်းပမ်းနှိပ်စက်တာမျိုးတွေ လုပ်တာတွေ ကျနော်တို့တွေ့ခဲ့ရတယ်။ ဒါကြောင့်မို့လို့ ကျနော်တို့က သတင်းထုတ်ပြန်ချက်တွေ ထုတ်ပြန်ကြေညာတဲ့အခါမှာ သက်ဆိုင်ရာ အာဏာပိုင်တွေအနေနဲ့ အပြည့်အဝ စစ်ဆေးမေးမြန်းပိုင်ခွင့် ရှိငြားသော်လည်းပဲ ညှင်းပမ်းနှိပ်စက်တာမျိုးကို မပြုလုပ်သင့်ဘူးဆိုတဲ့ ဒါမျိုးလေးတွေပေါ့။ ပထမတခေါက် ကျနော်တို့ သွားစစ်ဆေးတုန်းကလည်း ဘာတွေ့ရလဲဆိုတော့ အဲ့ဒီ့မှာ မြေမြုတ်ဗုံးတွေ အများကြီးသုံးတာ သွားတွေ့ရတယ်။ ဒါဟာ လူတွေရဲ့ အသက်အန္တရယ်ကို အများကြီး ထိခိုက်စေတယ်။ လူ့ရဲ့အသက်အန္တရာယ်ဆိုတာ တနည်းအားဖြင့် ပြောရရင် လူ့အခွင့်အရေးထဲမှာ ကာကွယ်ဖို့ အရေးအကြီးဆုံးသော အခွင့်အရေးတခုဖြစ်ပါတယ်။ Land Mine တွေကို မသုံးဖို့ ကျနော်တို့ တိုက်တွန်းခဲ့တယ်။”

ဒီလို လူ့အခွင့်အရေး ချိုးဖောက်နေမှုတွေ အဆုံးသတ်ဖို့ဆိုရင် အစိုးရနဲ့ လက်နက်ကိုင်တပ်ဖွဲ့တွေအကြား စစ်မှန်တဲ့ ငြိမ်းချမ်းရေး ရရှိအောင် ဆွေးနွေးနိုင်ဖို့က အဓိကကျတယ်လို့လည်း ပြောပါတယ်။ မြန်မာနိုင်ငံမှာ လူ့အခွင့်အရေးကော်မရှင်အနေနဲ့ လုပ်ဆောင်ရတဲ့အပိုင်းတွေမှာ အကန့်အသတ်တွေလည်း ရှိနေတာပါ။ လောလောဆယ် လူ့အခွင့်အရေးဆိုင်ရာ ဥပဒေတရပ် တရားဝင် ပေါ်ထွက်လာဖို့ ကြိုးပမ်းနေဆဲဖြစ်ပြီး၊ လူ့အခွင့်အရေးဆိုင်ရာ ဆောင်ရွက်ချက်တွေ တိုးတက်စေဖို့ဆိုရင် အစိုးရတာဝန်ရှိသူတွေရဲ့ ပူးပေါင်းဆောင်ရွက်မှုအပိုင်းကလည်း အတော်လေးကို အရေးကြီးတယ် လို့ မြန်မာနိုင်ငံ လူ့အခွင့်အရေးကော်မရှင် က ပြောကြားခဲ့ပါတယ်။

“အဓိကကတော့ လူ့အခွင့်အရေးကော်မရှင်ရဲ့ လုပ်ထုံးလုပ်နည်းအရက အကြံပေးတဲ့ လုပ်ပိုင်ခွင့်ပဲရှိတာပေါ့နော်။ တိုင်ကြားချက်တစ်ခုရတယ်ဆိုရင် ဒီတိုင်ကြားချက်ကို စစ်ဆေးတယ်။ ဘယ်လိုဖြေရှင်းဆောင်ရွက်သင့်တယ်ဆိုတဲ့အကြံပြုချက်ကိုပဲ တင်ပေးလို့ရတယ်။အဲ့တော့ ကျနော်တို့ ဒီကနေ စိစစ်ပေးပို့တင်ပို့ပေးလိုက်တဲ့ တင်ပြချက်ကို သက်ဆိုင်ရာ ဝန်ကြီးဌာနတွေကနေ ပူးပေါင်းဆောင်ရွက်ပေးဖို့လိုပါတယ်။ ဥပမာ ကျနော်တို့ပေးပို့လိုက်တဲ့ တိုင်ကြားချက်ကို မဖြေလို့ဆိုရင်သော်လည်းကောင်း၊ ဂရုမစိုက်လို့ဆိုရင်သော်လည်းကောင်း၊ ဒါအဖြေမရဘူး။ အဖြေမရတဲ့အခါမှာ ကြန့်ကြာမှုတွေ အများကြီးဖြစ်တယ်။ လူ့အခွင့်အရေးကော်မရှင်ရဲ့လုပ်ငန်းတွေ အောင်မြင်ဖို့ဆိုလို့ရှိရင် သက်ဆိုင်ရာ အစိုးရဌာနများရဲ့ အပြည့်အဝ ပူးပေါင်းဆောင်ရွက်မှုဟာလည်းပဲ အများကြီးလိုတယ်ဆိုတာကို ကျနော်တုိ့ပြောကြားလိုပါတယ်။ ဒီအပိုင်းမှာတော့ အခြေအနေလေးတွေ အများကြီးကောင်းမွန်ဖို့ လိုပါသေးတယ်လို့ ပြောချင်ပါတယ်။”

“Human Rights Watch” နိုင်ငံတကာ လူ့အခွင့်အရေးစောင့်ကြည့်မှုအဖွဲ့ကြီးရဲ့ ပြီးခဲ့တဲ့နှစ် အစီရင်ခံစာမှာဆိုရင်လည်း - မြန်မာနိုင်ငံမှာ အရပ်သားအစိုးရ တက် လာပြီးနောက် ပြုပြင်ပြောင်းလဲမှုတွေ လုပ်ဆောင်လာတာ ကို တွေ့ရပေမဲ့ - လူ့အခွင့်အရေးဆိုင်ရာ ကိစ္စရပ် တော်တော်များများမှာတော့ လိုအပ်နေဆဲဖြစ်တယ်လို့ ထောက်ပြခဲ့ပါတယ်။

မြောက်ကိုရီးယားဒုံးကျည် စမ်းသပ်ကာလ ရက်တိုး

အငြင်းပွားဖွယ် မြောက်ကိုရီးယားနိုင်ငံရဲ့ တာဝေးပစ်ဒုံးကျည် ပစ်လွှတ်ရေး ကာလကို ဒီဇင်ဘာလ (၂၉) ရက်နေ့အထိ သက်တမ်းတိုးလိုက်တယ်လို့ မြောက်ကိုရီးယား အစိုးရကပြောပါတယ်။ သိပ္ပံပညာရှင်တွေက ဒီဒုံးကျည်ရဲ့ ပထမအဆင့်အင်ဂျင်မှာ နည်းပညာဆိုင်ရာ ချို့ယွင်းချက်တွေ့ရတယ် လို့ မြောက်ကိုရီးယား အာကာသ နည်းပညာကော်မတီရဲ့ ပြောရေးဆိုခွင့်ရှိသူက မြောက်ကိုရီးယားအစိုးရ သတင်းဌာန KCNA ကို ဒီကနေ့ပဲ ပြောသွားပါတယ်။

ဒီဇင်ဘာလ (၁၀) ရက်နေ့ကနေ (၂၂) ရက်ကြား ပစ်လွှတ်ဖို့ ပထမစီစဉ်ထားတာကို ပြန်ပြီး အချိန်သတ်မှတ်ဖို့ စဉ်းစားနေတယ်လို့ အာကာသ နည်းပညာကော်မတီက စနေနေ့က ပြောသွားပါတယ်။ ဂျပန်ကတော့ ဒီဒုံးကျည် လမ်းကြောင်းလွဲလာရင် ပစ်ချမယ်လို့ ခြိမ်းခြောက်ထားပြီး ဒုံးကျည်ကို ကြားဖြတ်တိုက်ဖို့ အသင့်ပြင်ထားပါပြီ။

ဒီလို ဒုံးကျည်ပစ်လွှတ်ဖို့ မြောက်ကိုရီးယားအစိုးရ ဒီလအစောပိုင်းက ကြေငြာသွားတာပါ။ ဒါကို သူ့ရဲ့ အိမ်နီးချင်းနိုင်ငံတွေနဲ့ တကမ္ဘာလုံးနီးပါးက ကန့်ကွက်နေပြီး မြောက်ကိုရီးယားဟာ ကုလသမဂ္ဂက တားဆီးထားတာကို ချိုးဖောက်ပြီး ဒုံးကျည်စမ်းသပ်ပစ်လွှတ်မှုကို ဖုံးကွယ်လုပ်ဆောင်တာ လို့ ပြောနေကြပါတယ်။

လူ့အခွင့်အရေးနေ့ ဆန္ဒဖော်ထုတ်ပွဲ ရန်ကုန်မှာ ကျင်းပ

မြန်မာနိုင်ငံမှာ မကြာသေးခင်က ဖြစ်ပျက်ခဲ့တဲ့ အာဏာပိုင်တွေရဲ့ လက်ပံတောင်းတောင် ကြေးနီစီမံကိန်းရပ်ဆိုင်းရေး သပိတ်စခန်းတွေကို အကြမ်းဖက် နှိမ်နင်းခဲ့တဲ့ကိစ္စ အစိုးရကနေ တရားမျှတစွာ ဖြေရှင်းပေးဖို့ - ဒီကနေ့ ဒီဇင်ဘာလ ၁၀ ရက်နေ့မှာ ကျရောက်တဲ့ နိုင်ငံတကာ လူ့အခွင့်အရေးနေ့မှာ တက်ကြွလှုပ်ရှားသူတွေနဲ့ သံဃာတော်တွေက တောင်းဆိုခဲ့ကြပါတယ်။ ရန်ကုန် နဲ့ မုံရွာမြို့တို့မှာ ပြုလုပ်ခဲ့တဲ့ ဒီကနေ့ ဆန္ဒပြပွဲတွေနဲ့ ပတ်သက်ပြီး ဆက်သွယ်မေးမြန်းထားတဲ့ မနန္ဒာချမ်း က ပြောပြပေးထားပါတယ်။

ရန်ကုန်မှာတော့ - Generation Wave လို့ခေါ်တဲ့ မျိုးဆက်သစ်လူငယ်များအဖွဲ့က ဦးဆောင်ပြီး - ကျောင်းသားနဲ့ လူအင်အား ၁၀၀ ကျော်ဟာ “The violence is not solution” - အကြမ်းဖက်မှုဟာ ဖြေရှင်းချက်မဟုတ်ဘူးလို့ အဓိပ္ပါယ်ပါတဲ့ အဖြူရောင်တီရှပ်တွေကို ၀တ်ဆင်ပြီးတော့ - နိုင်ငံတကာလူ့အခွင့်အရေးနေ့မှာ လမ်းလျှောက်ဆန္ဒပြခဲ့ကြတာပါ။ အဓိကကတော့ - လက်ပံတောင်းတောင်ကြေးနီ စီမံကိန်းရပ်ဆိုင်းရေး တောင်းဆိုကြတဲ့ သပိတ်စခန်းတွေကို အာဏာပိုင်တွေကနေ အကြမ်းဖက် ဖြိုခွင်းခဲ့တဲ့ကိစ္စကို မှန်မှန်ကန်ကန် တရားနည်းလမ်းတကျ ဖြေရှင်းပေးဖို့အတွက် ဖြစ်တယ်လို့ ဆန္ဒပြပွဲကို ဦးဆောင်သူတွေထဲက တဦးဖြစ်တဲ့ Generation Wave မှ ကိုမင်းရန်နိုင် က ပြောပါတယ်။

“ဒီလက်ပံတောင်း ကိစ္စသပိတ်စခန်းတွေကို ဖြိုခွင်းတဲ့ကိစ္စနဲ့ပတ်သက်ပြီးတော့ အစိုးရက တရားမျတစွာ ဖြေရှင်းပေးရန်၊ အခုလက်ပံတောင်းတောင် ကိစ္စနဲ့ပတ်သက်ပြီး ဆန္ဒပြထားတဲ့အခါမှာ ဖမ်းဆီးခံထားရတဲ့သူတွေရှိတယ်လေ။ အဲ့ဒီ့လူတွေကို အမြန်ဆုံးလွှတ်ပေးဖို့အတွက် ကျနော်တို့တောင်းဆိုတာပါ။”

ဆန္ဒပြသူတွေဟာ ရန်ကုန်မြို့တော်ခန်းမရှေ့ကနေစပြီး အဲ့ဒီအနီးတ၀ိုက်မှာရှိတဲ့  မဟာဗန္ဓုလပန်းခြံလမ်း၊ ဆူးလေဘုရားလမ်း နဲ့ ကုန်သည် လမ်းတလျှောက် - အာဏာပိုင်တွေရဲ့ ဖြိုခွင်းမှုအတွင်း မီးလောင်ဒဏ်ရာရခဲ့ကြတဲ့ သံဃာတော်တွေရဲ့ ဓာတ်ပုံပိုစတာတွေအပါအ၀င် တခြား လူ့အခွင့်အရေးနဲ့ဆိုင်တဲ့ ဆိုင်းဘုတ်တွေကို ကိုင်ဆောင်ပြီး ၂ နာရီကြာ ချီတက်လမ်းလျှောက် ဆန္ဒပြခဲ့ကြတာဖြစ်တယ်လို့လည်း သူက ဆက်ပြောပြပါတယ်။

“အခုကျနော်တို့က လက်ပံတောင်းတောင် ကိစ္စမှာ အဲ့တုန်းက ဖြစ်ပျက်သွားတဲ့ သံဃာတော်တွေရဲ့ ပုံတွေ၊ အဲ့ပုံတွေပါမယ်။ နောက်ပြီးတော့ ကျနော်တို့ ဒီမိုကရေစီရေး၊ လူ့အခွင့်အရေးနဲ့ပတ်သက်ပြီးတော့ စာတမ်းတွေပါတယ်။ နောက် “The violence is not solution” လို့ အင်္ဂလိပ်လို ရေးထားတဲ့ စာတမ်းတွေပါတဲ့ အကြမ်းဖက်မှုရပ်ဆိုတဲ့ မြန်မာစာလုံးတွေပါတယ်။ အဲ့တာ မြို့တော်ခမ်းမရှေ့က ကျနော်တို့ စထွက်တာပါ။ မနက် ၁၀နာရီကနေ ၁၂နာရီအထိပေါ့။ မဟာဗန္ဓုလလမ်း၊ ကုန်သည်လမ်း၊ နောက်ဆူးလေးဘုရားကို နှစ်ပတ် ပတ်ပါတယ်။ နောက် ကျနော်တို့ Generation Wave အလံထောင်ပါတယ်။”

အခုလို ဆန္ဒပြဖို့ကို ကြိုတင်ခွင့်ပြုချက်တောင်းခံပြီးတော့မှ လုပ်ခဲ့တာဖြစ်တဲ့အတွက် အာဏာပိုင်တွေဘက်က နှောင့်ယှက်ဟန့်တားမှု မရှိခဲ့ပေမဲ့၊ လုံထိန်းရဲတွေနဲ့ တာဝန်ရှိသူတွေကတော့ စောင့်ကြည့်နေတာမျိုးတော့ ရှိခဲ့တယ်လို့ ကိုမင်းရန်နိုင် က ပြောဆိုခဲ့ပါတယ်။

တခါ စစ်ကိုင်းတိုင်း မုံရွာမြို့မှာလည်း သံဃာတော်အပါး ၃၀ ကျော်ကနေပြီးတော့ ဒီကနေ့ ဆန္ဒပြခဲ့ကြပါသေးတယ်။

“ ရွှေစည်းခုံဘုရားကနေ စုရပ်အနေနဲ့ စုပြီးတော့ ရွှေစည်းခုံဘုရား ကနေပြီးတော့မှ မြောက်ဘက်မုဒ် ကနေ ကမ်းနားလမ်းအတိုင်း လျောက်လာပြီး ဆုတောင်းပြည့်ကို အနောက်ဘက်မုဒ်ကနေ ဝင်သွားတယ်ခင်ဗျ။ ဆုတောင်းပြည့်မှာ ဘုရားဝတ်ပြု၊ မေတ္တာပို့၊ ဆုတောင်းပြီးတော့ အရှေ့ဘက်မုဒ်ကနေ ထွက်ပြီး ဘုရားနီလမ်းအတိုင်းပဲ ပြန်ကြွသွားကြတယ်။ အဲ့ဒီ့ရန်ကင်းကျောင်းဖက် ကို ။ သူတို့ဆန္ဒပြတာကတော့ လက်ပံတောင်း တောင် ရပ်ဆိုင်းရေးရယ်၊ ပြီးတော့ ဒဏ်ရာရသံဃာတော်တွေကို အကြမ်းဖက်နှိမ်နင်းတဲ့ အတွက် ပြန်ပြီးတော့ တောင်းပန်ပွဲလုပ်ပေးဖို့ရယ်၊ ၁၂ရက် ၁၂လပွဲ အဲ့တာလုပ်ပေးဖို့ပါ။ မေတ္တာပို့ လမ်းလျောက်တာပဲ။ ကျန်တာကတော့ ဆိုင်းဘုတ်တွေကို ကိုင်ပြီးတော့ လျောက်တာပေါ့။”

မုံရွာမြို့ခံ သတင်းထောက်တဦး ပြောပြခဲ့တာပါ။ ပြီးခဲ့တဲ့ နိုဝင်ဘာလ ၂၉ ရက် ကြာသပတေးနေ့မနက်ပိုင်းက လက်ပံတောင်းတောင် ကြေးနီစီမံကိန်းရပ်ဆိုင်းရေး တောင်းဆိုနေတဲ့ သပိတ်စခန်းတွေကို အာဏာပိုင်တွေက မျက်ရည်ယိုဗုံးနဲ့ မီးလောင်းဗုံးတွေ အသုံးပြု အကြမ်းဖက် ဖြိုခွင်းခဲ့တာကြောင့် သံဃာအများစုအပါအ၀င် လူတွေ မီးလောင်ဒဏ်ရာရရှိခဲ့ကြတာဖြစ်ပါတယ်။

ဒါကြောင့် ဆန္ဒပြသံဃာတော်တွေကနေ ပြည်ထဲရေးဝန်ကြီးဌာနကနေပြီး ဆေးကုသခံယူနေတဲ့ သံဃာတော်တွေကို ၀န်ချတောင်းပန်ဖို့၊ အဲ့ဒီဖြိုခွင်းမှုမှာ တာဝန်ရှိသူတွေကို အရေးယူပေးဖို့နဲ့ ဖမ်းဆီးခံထားရတဲ့ သံဃာတော်တွေနဲ့ လူပုဂ္ဂိုလ်တွေကိုလည်း ပြန်လွှတ်ပေးဖို့ အချက် ၃ ချက်ကို မနက်ဖြန် ဒီဇင်ဘာလ ၁၁ ရက်နေ့ နောက်ဆုံးထား လုပ်ဆောင်ပေးဖို့ တောင်းဆိုထားကြပြီး၊ လိုက်လျောမှုမရှိရင် ဒီဇင်ဘာလ ၁၂ ရက်နေ့စပြီး ဆန္ဒပြပွဲတွေကို အရှိန်မြှင့် လုပ်ဆောင်သွားမယ်လို့လည်း မြန်မာနိုင်ငံ မြို့တော်တော်များများက သံဃာတွေကနေ တောင်းဆိုထားတာဖြစ်ပါတယ်။