09.12.2012 နေ့ဖတ်ရန်သတင်းများ

by Myanmar Journal on Saturday, December 8, 2012 at 4:13pm ·

အာရှစီးပွားရေး ရှေ့နှစ်တိုးတက်မည့် အလားအလာရှိ

အာရှစီးပွားရေး တိုးတက်လာပေမဲ့ ကမ္ဘာလုံးဆိုင်ရာ စီးပွားရေး အခြေအနေမှာတော့ ခြိမ်းခြောက်မှုတွေ ရှိနေဆဲ။ လာမယ့်နှစ်အတွင်း အာရှတိုက်ရဲ့ စီးပွားရေးဟာ တိုးတက်လာမယ့် လမ်းကြောင်းပေါ် မှာ ရောက်ရှိနေကြောင်း အာရှဖွံ့ဖြိုးရေးဘဏ် ADB ရဲ့ အစီရင်ခံစာ အသစ်မှာ ဖော်ပြထားပါတယ်။

အာရှတိုက်ရဲ့ ဖွံ့ဖြိုးမှုနှုန်းဟာ ၂၀၁၂ ခုနှစ်မှာ ၆% ရှိခဲ့ပြီး ၂၀၁၃ ခုနှစ်မှာ ၆.၆% ရှိနိုင်တယ်လို့ Asian Development Outlook Supplement မှာ ခန့်မှန်း တင်ပြထားပါတယ်။

အရှေ့တောင်အာရှက ၀ယ်ယူအသုံးပြုမှု စွမ်းအား တိုးများလာနေပြီး အိန္ဒိယမှာ စီးပွားရေး အားနည်းမှုရှိပေမဲ့ တရုတ်နိုင်ငံဘက်က ပြန်လည် နာလန်ထူလာမှုတွေက အခြေအနေတွေကို ထိန်းထားနိုင်တယ်လို့ အစီရင်ခံစာက ရေးသားထားပါတယ်။

ဥရောပတိုက်မှာ စီးပွားရေး အားမကောင်းတဲ့ အခြေအနေ ဖြစ်နေတာနဲ့ အမေရိကန်နိုင်ငံမှာ ဘဏ္ဍာရေး ခြောက်ကမ်းပါး ကျနိုင်တဲ့ ပြဿနာတွေက အာရှတိုက်ရဲ့ ရှေ့လာမယ့်နှစ် ဖွံ့ဖြိုးတိုးတက်ရေးကို တကယ်တမ်း ခြိမ်းခြောက်နေတဲ့ ကိစ္စဖြစ်နေတယ်လို့ ADB အဖွဲ့ရဲ့ အစီရင်ခံစာမှာ ဖေါ်ပြထားပါတယ်။

အီဂျစ် ဆန္ဒ ခံယူပွဲ ကန့်ကွက်ဆန္ဒပြ

သံဆူးကြိုး ကို ဆန္ဒပြ သူတွေ ချိုးဖောက်

အဝေးရောက် အီဂျစ် နိုင်ငံသား တွေ ရေးဆွဲတဲ့ အငြင်းပွားစရာ အခြေခံ ဥပဒေ မူကြမ်း အတည်ပြု ရေး အတွက် ဆန္ဒ ခံယူပွဲ လုပ်ဖို့ နှောင့်နှေး နေပြီလို့ အီဂျစ် ရွေးကောက်ပွဲ ကော်မတီ အကြီးအကဲက ပြောကြား လိုက်ပါတယ်။

ဒီဇင်ဘာ လ ၁၅ ရက်နေ့ လုပ်ဖို့ စီစဉ် ထားတဲ့ ဆန္ဒ ခံယူပွဲ ကို ရွှေ့ဆိုင်းဖို့ ထောင် သောင်းချီတဲ့ အီဂျစ် ပြည်သူတွေ ကိုင်ရိုက သမ္မတ အိမ်တော် နားမှာ ထပ်မံ စုဝေး ဆန္ဒပြ ခဲ့ကြပြီးနောက် ဒီလို ပြောကြား ခဲ့တာ ဖြစ်ပါတယ်။

ဆန္ဒပြ သူတွေက အခြေခံ ဥပဒေ ပြန်လည် ရုပ်သိမ်းဖို့ သမ္မတကို တောင်းဆို နေကြပါတယ်။ အီဂျစ်နိုင်ငံမှာ အာဏာရှင် စနစ် ခေါင်းထောင် လာမှာ မလိုလားဘူးလို့လဲ ကြွေးကြော် ခဲ့ကြပါတယ်။

စစ်တပ်က ချထားတဲ့ သံဆူးကြိုး အရံ အတား တခုကို ဆန္ဒပြ သူတွေက ချိုးဖောက် ဝင်လာခဲ့ကြပါတယ်။

ဥပဒေ ကြောင်းအရ နည်းလမ်းတကျ တင်ပြခဲ့ရင် သမ္မတ မော်ဆီ အနေနဲ့ ဆန္ဒ ခံယူပွဲကို ရွှေ့ဆိုင်း ပေးနိုင်လိမ့်မယ်လို့ အီဂျစ် ဒုသမ္မတ မာမွတ် မက်ကီ က အဆိုပြု ခဲ့ပါတယ်။

ဒမတ်စကပ်မှာ အစိုးရ အင်အားဖြည့်

ဆီးရီးယား စစ်မီး ပိုပြင်းထန်လာ

ဒမတ်စကပ် မြို့တော် ဆင်ခြေဖုံး မှာ ဆီးရီးယား အစိုးရ တပ်တွေ အားဖြည့် တပ်စွဲ ထားလိုက်ပြီ လို့ ဆီးရီးယား အတိုက်အခံ တွေက ပြောကြား ပါတယ်။

ဒမတ်စကပ်က သူပုန် တပ်စွဲ ထားတဲ့ နေရာ တွေကို မြေပြင်က တိုက်ခိုက်မှု တွေ ရှိလာမှာလဲ စိုးရိမ် နေကြတာပါ။

သူပုန် စခန်းတွေကို ဆက်လက် ပစ်ခတ် နေချိန်မှာ ပဲ ဘီဘီစီ အရှေ့ အလယ်ပိုင်း သတင်းထောက် ကို ဆီးရီးယား အစိုးရ အရာရှိ တွေက ထောင်သားတွေနဲ့ တွေ့ဆုံ မေးမြန်းခန်း လုပ်ဖို့ ခေါ်သွားပါတယ်။

ဒီထောင်က နာမည်ဆိုးနဲ့ ကျော်စောတဲ့ စစ်ထောင်ကြီး ဖြစ်ပါတယ်။

အကျဉ်းသား ၂ ယောက်က အယ်လ်ကေဒါ အုပ်စု တစုက အဖွဲ့ဝင် တွေလို့ ဝန်ခံထားပြီး တယောက်က ပြင်သစ် နိုင်ငံသားလို့ သူ့ကို ပြောပါတယ်။

ဒီအချိန်မှာပဲ ဆီးရီးယား ပဋိပက္ခ ဖြေရှင်းရာမှာ လုံခြုံရေး ကောင်စီ အဖွဲ့ဝင် နိုင်ငံတွေ ညီညွတ်ကြဖို့ ကုလ သမဂ္ဂ အတွင်းဝန်ချုပ် ဘန်ကီမွန် က ထပ်မံ တောင်းဆို လိုက်ပြန် ပါတယ်။

ဆီးရီးယား ပဋိပက္ခဂယက် ရိုက်ခံရတဲ့ နိုင်ငံ တွေကို မစ္စတာ ဘန် လှည့်လည် နေတုန်း တူရကီ နယ်စပ် Islahiye မြို့က ဆီးရီးယား ဒုက္ခသည်စခန်း မှာ ဒီလို တောင်းဆို လိုက်တာ ဖြစ်ပါတယ်။

ဒီခရီးစဉ်မှာ သူကြားခဲ့ရတဲ့ အဖြစ်အပျက် တွေကြောင့် များစွာ စိတ်ထိခိုက် တုန်လှုပ်ရတယ်လို့ မစ္စတာ ဘန်က ပြောဆိုပါတယ်။

ဘန်ကီမွန် ခရီးစဉ် အတွင်း နယ်သာလန် အစိုးရကလဲ ဆီးရီးယား- တူရကီ နယ်စပ်မှာ ပက်ထရီယော့ ဒုံးခွင်းဒုံး တွေ ချထားဖို့ နေတိုး ရဲ့ တောင်းဆိုချက်ကို သဘောတူ လိုက်ပါတယ်။

အီဂျစ်သမ္မတရဲ့ တွေ့ဆုံရေးကမ်းလှမ်းချက် အတိုက်အခံတွေ ပယ်ချ

အီဂျစ်နိုင်ငံမှာ သီတင်း ၃ ပတ် ကြာမြင့်နေပြီဖြစ်တဲ့ နိုင်ငံရေးပြဿနာ အဖြေရှာရအောင် သမ္မတ မိုဟာမက်မော်စီက အတိုက်အခံတွေနဲ့ သူ့ရဲ့အဆိုအရ ကျယ်ပြန်တဲ့ တွေ့ဆုံဆွေးနွေးမှု စနေနေ့မှာ ပြုလုပ်ဖို့ ကမ်းလှမ်းထားတာကို အတိုက်အခံ နိုင်ငံရေး ခေါင်းဆောင်တွေက ပယ်ချလိုက်ပါတယ်။

သမ္မတမော်စီအနေနဲ့ သူ့ကိုယ်သူ အပ်နှင်းထားတဲ့ အကြွင်းမဲ့အာဏာကို ရုပ်သိမ်းဖို့နဲ့ ဖွဲ့စည်းပုံ အခြေခံဥပဒေ ဆန္ဒခံယူပွဲ မဖျက်သိမ်းဘူးဆိုရင် သမ္မတနဲ့ တွေ့ဆုံ ဆွေးနွေးဖို့ စိတ်မ၀င်စားဘူးလို့ အတိုက်အခံ ခေါင်းဆောင်တွေက ပြောဆိုပါတယ်။

အီဂျစ်စစ်တပ်ကတော့ နိုင်ငံရေးအရ သဘောထား ကွဲလွဲမှုတွေအပေါ် တွေ့ဆုံဆွေးနွေး အဖြေရှာတာကို ထောက်ခံတယ်လို့ ပြောလိုက်ပါတယ်။ တွေ့ဆုံဆွေးနွေး စကားပြောဆိုတာဟာ အကောင်းဆုံး ဖြစ်လိမ့်မယ်လို့ စစ်တပ်ပြောရေးဆိုခွင့် ရှိသူက ပြောပါတယ်။ပြည်ပရောက် အီဂျစ်နိုင်ငံသားတွေရဲ့ ကြိုတင် ဆန္ဒမဲပေးဖို့ စီစဉ်ထားတာကို သောကြာနေ့မှာ ရက်ရွှေ့ဆိုင်းခဲ့ပါတယ်။ ဒီလုပ်ရပ်ဟာ သမ္မတအနေနဲ့ အတိုက်အခံတွေနဲ့ ဆွေးနွေး ညှိနှိုင်းမှု ပြုလုပ်ဖို့ ဖြစ်နိုင်ကြောင်း ပြသလိုက်တာ ဖြစ်တယ်လို့ လေ့လာသုံးသပ်သူ တချို့က ပြောပါတယ်။

ပြီးခဲ့တဲ့ သီတင်း ၃ ပတ်အတွင်း သမ္မတမော်စီကို ထောက်ခံသူတွေနဲ့ သူ့အပေါ် ဆန့်ကျင်သူတွေ အကြား အကြမ်းဖက် တိုက်ခိုက်မှုတွေ ဖြစ်ပွားခဲ့တာပါ။ သမ္မတမော်စီက သူ့ကိုယ်သူ ပုံမှန်မဟုတ်တဲ့ အကြွင်းမဲ့ အာဏာ အပ်နှင်းခဲ့တာရယ်၊ အလောသုံးဆယ် ရေးဆွဲထားတဲ့ အခြေခံဥပဒေမူကြမ်းကို ဒီဇင်ဘာလ ၁၅ ရက်နေ့မှာ ဆန္ဒခံယူပွဲ ကျင်းပမယ်ဆိုပြီး ကြေညာခဲ့တာတွေကြောင့် အခုလို အကြမ်းဖက် တိုက်ခိုက်မှုတွေ ဖြစ်ပွားခဲ့တာပါ။

ဒုသမ္မတနဲ့ အဖွဲ့ ရခိုင်ပြည်နယ် သွားရောက်

ဒုသမ္မတရဲ့ ခရီးစဉ်ဟာ အရေးပါတဲ့ ခရီးစဉ် ဖြစ်တယ် လို့ သုံးသပ် သူတွေက ပြောပါတယ်

မြန်မာ ဒုတိယ သမ္မတ စိုင်းမောက်ခမ်း ဦးဆောင်ပြီး နိုင်ငံခြား သံတမန် တွေနဲ့ ပြည်ထောင်စု ဝန်ကြီးတွေ ပါဝင်တဲ့ အဖွဲ့ ဝင် ၆၀ ခန့် ဟာ သောကြာနေ့က စစ်တွေကို ရောက်ရှိ လာပြီး ရခိုင် ပြည်နယ်က ဒုက္ခသည် စခန်းတွေကို သွားရောက် ကြည့်ရှုခဲ့ ပါတယ်။

ဒုသမ္မတနဲ့ အဖွဲ့ဟာ စနေနေ့ မနက်မှာ ပေါက်တော မြို့နယ် အလယ် ဖရုံကာကျွန်းမှာ တည်ရှိတဲ့ ကြိမ်နီပြင် မွတ်ဆလင် ဒုက္ခသည် စခန်းတွေ ကို သွားရောက် ကြည့်ရှု့ခဲ့ ပါတယ်။

မွတ်ဆလင် ဒုက္ခသည် တွေက သူတို့ အနေနဲ့ စစ်တွေတို့ ပေါက်တော တို့ ဘက်ကို သွားလာလို့ မရ ဖြစ်နေတဲ့ အကြောင်း ဒုသမ္မတကို တင်ပြ ခဲ့ကြတယ်လို့ သိရ ပါတယ်။

သောကြာနေ့ ကတော့ ဒုသမ္မတနဲ့ အဖွဲ့ဟာ မင်းပြားမြို့နယ် စမ်ဘလေ မွတ်ဆလင် ကျေးရွာနဲ့ မောင်တော မြို့နယ်က ရွှေရင်အေးနဲ့ မောရဝတီ ရခိုင် ဒုက္ခသည် စခန်း တွေဆီ သွားရောက် ခဲ့ကြ ပါတယ်။

စနေနေ့ နေ့လယ် ပိုင်းမှာတော့ ဒုသမ္မတနဲ့ အဖွဲ့ဟာ စစ်တွေ ကနေ ရန်ကုန်ကို တပ်မတော် လေယာဉ်နဲ့ ပြန်လည် ထွက်ခွာသွား ကြပါတယ်။

ကုလသမဂ္ဂ လူသားချင်း စာနာ ထောက်ထားမှု ဆိုင်ရာ ဒုတိယ အထွေထွေ အတွင်းရေးမှူးချုပ် လည်း ဖြစ်၊ အရေးပေါ် ညှိနှိုင်းရေးမှူး လည်းဖြစ်တဲ့ ဗယ်လာရီ အေးမို့စ်၊ ရခိုင် ဒေသကို ရောက်လာပြီး နောက် အခုလို ဒုသမ္မတ လာရောက် ခဲ့တာ ဖြစ်တဲ့ အတွက် ဒီခရီးစဉ်ဟာ အရေး ပါတဲ့ ခရီးစဉ် တစ်ခု ဖြစ်တယ် လို့ သုံးသပ် သူတွေက ပြောပါတယ်။

လက်ပံတောင်း အရေး သံဃာတွေ ဆက်ဆန္ဒပြ

မန္တလေးမြို့မှာလည်း ရာနဲ့ချီတဲ့ သံဃာတော် တွေနဲ့ လူထုတွေဟာ လမ်းလျှောက် မေတ္တာပို့ ခဲ့ကြပါတယ်

လက်ပံတောင်း သပိတ်စခန်းတွေကို အကြမ်းဖက် ဖြိုခွင်းခဲ့တဲ့ အပေါ် သံဃာတော် တွေရဲ့ ကန့်ကွက် ဆန္ဒပြမှုတွေဟာ ရန်ကုန်၊ မန္တလေးနဲ့ မုံရွာ မြို့တွေမှာ ဆက်လက် ဖြစ်ပွားခဲ့ ပါတယ်။

ရန်ကုန်မြို့မှာတော့ သံဃာတော်နဲ့ လူထု စုစုပေါင်း ၁၀၀ လောက်ဟာ စနေနေ့ နေ့လယ်ပိုင်းက ကြေးသွန်း ဘုရား ကနေ ဆူးလေ ဘုရား အထိ လမ်းလျှောက် ချီတက်ပြီး တောင်းဆိုချက် ၅ ချက်ကို တောင်းဆို ဆန္ဒပြ ခဲ့ကြပါတယ်။

သပိတ်စခန်းမှာ အကြမ်းဖက် ခံခဲ့ ရတဲ့ သံဃာတော် တွေကို တာဝန်ရှိ သူတွေက တောင်းပန်ဖို့နဲ့ ပစ်ခတ် ဖြိုခွင်း သူတွေကို အရေးယူပေးဖို့ အပါအဝင် အချက် ၅ ချက် ကို တောင်းဆို ဆန္ဒပြ ကြတာ ဖြစ်ကြောင်း ဆန္ဒပြ သံဃာ တပါး ဖြစ်တဲ့ ဦးသုစိတ္တက ဘီဘီစီကို မိန့်ပါတယ်။

မန္တလေးမြို့မှာလည်း ရာနဲ့ချီတဲ့ သံဃာတော် တွေနဲ့ လူထုတွေဟာ လမ်းလျှောက် မေတ္တာပို့ ခဲ့ကြပါတယ်။

မုံရွာ မြို့မတိုက် ကျောင်း၊ ဇောတိက ကျောင်းတိုက်နဲ့ အနီး အနား ကျောင်းတိုက် တွေက သံဃာတော် အပါး(၄၀ဝ) ကျော် ကတော့ ရွှေစည်းခုံ ဘုရားကြီးမှာ ထိုင် သပိတ် ဆင်နွှဲ ခဲ့ပြီး၊ လူ အင်အား (၂၀ဝ) ကျော် ကတော့ မုံရွာမြို့ တုံရွာ ကနေ ညောင်ပင်ကြီးရွာ အထိ လမ်းလျှောက် ဆန္ဒပြ ခဲ့ကြ ပါတယ်။

အာဏာပိုင်တွေ ဘက်ကတော့ အခုလို ဆန္ဒပြ မှုတွေကို တားမြစ်တာတွေ မလုပ်ခဲ့ ပေမယ့်၊ အနီးကပ် မှတ်တမ်း ဓါတ်ပုံ ရိုက်တာတွေတော့ ရှိတယ်လို့ သံဃာတော် တွေနဲ့ ဒေသခံ တွေက ပြောပါတယ်။

နိုင်ငံရေး ဆွေးနွေးအဖြေရှာဖို့ အီဂျစ်စစ်တပ် သတိပေး

ကိုင်ရိုမြို့ သမ္မတ နန်းတော် အပြင်မှာ တော့ အတိုက်အခံ တွေ ဆက် ဆန္ဒပြ နေကြပါတယ်

အီဂျစ် နိုင်ငံမှာ ရှိတဲ့ ပြိုင်ဖက် နိုင်ငံရေး အင်အားစုတွေ အကြား ကွဲလွဲချက် တွေကို တွေဆုံ ဆွေးနွေးတဲ့ နည်းနဲ့ အဖြေရှာ မရဘူး ဆိုရင် ဆိုးဝါးတဲ့ အကျိုးဆက်တွေ ဖြစ်လာ လိမ့်မယ်လို့ အီဂျစ် စစ်တပ် ကနေ သတိပေး ပြောကြား လိုက်ပါတယ်။

စစ်တပ် ကနေ အာဏာသိမ်းမှာ မဟုတ်ဘူး ဆိုပြီး နောက်ပိုင်းမှာ အလေး အနက် ပြောကြားခဲ့ ပေမယ့်လည်း၊ နိုင်ငံပိုင် ရုပ်မြင် သံကြား ကနေ ထုတ်ပြန်တဲ့ ကြေညာ ချက် ထဲမှာ တော့ စစ်တပ် အနေနဲ့ ဘယ်လို အကြမ်းဖက် မှုမျိုးကိုမှ သည်းခံမှာ မဟုတ်ဘူး ဆိုပြီး စစ်တပ် ပြောခွင့်ရသူက ကြေညာ သွားပါတယ်။

သမ္မတ မော်ဆီ ကဟာ အာဏာ အကုန်နီးပါး ချုပ်ကိုင် လိုက်တယ်လို့ ပြောပြီး၊ ကိုင်ရိုမြို့ သမ္မတ နန်းတော် အပြင်မှာ အတိုက်အခံ တွေက အခြေခံ ဥပဒေ မူကြမ်း အတွက် ဆန္ဒခံယူပွဲ လုပ်နေတာ တွေကို ပြန်ရုပ်သိမ်းဖို့ ဆက်လက် ဆန္ဒပြ တောင်းဆို နေကြ ပါတယ်။

သမ္မတ အခု လုပ်နေတဲ့ လုပ်ငန်းစဉ် တခုလုံးကို မရပ်ဆိုင်းဘူး ဆိုရင် ဘယ်လို ဆွေးနွေးမှု မျိုးကိုမှ လက်ခံမှာ မဟုတ်ဘူးလို့ အတိုက်အခံ တွေက ပြောပါတယ်။

ရခိုင်အရေး သတင်းစာ ရှင်းလင်းပွဲ ကျင်းပ

ရခိုင်ဒုက္ခသည်တွေဆီ ကယ်ဆယ်ရေး အကူ အညီတွေ အမြန်ရောက်ရေး ဆောင်ရွက် ပေးမယ်လို့ နယ်စပ်ရေး ဝန်ကြီး ပြော

ရခိုင်ပြည်နယ် အရေးနဲ့ ပတ်သက်တဲ့ တွေ့ဆုံ ရှင်းလင်းပွဲကို စနေနေ့က ရန်ကုန်မြို့မှာ ရှိတဲ့ နိုင်ငံခြားရေး ဝန်ကြီးရုံးမှာ ကျင်းပခဲ့ပြီး နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးနဲ့ အစိုးရ တာဝန်ရှိ ပုဂ္ဂိုလ်တွေက ရခိုင်ဒေသ အခြေအနေတွေကို ဓါတ်ပုံတွေနဲ့ တကွ ရှင်းလင်း ပြောပြသွားခဲ့ပါတယ်။

ရခိုင်ပြည်နယ်က လက်ရှိ အခြေအနေအကြောင်းကို ရှင်းလင်းပြောပြသွားသလို ဒုက္ခသည်စခန်းတွေဆီ လူသားချင်း စာနာတဲ့ ကယ်ဆယ်ရေး အထောက်အပံ့တွေ ပို့ဆောင်ရေးမှာ လုံခြုံရေး အခြေအနေကြောင့် နှောင့်နှေးမှုတွေ ဖြစ်နေတာအပေါ် ဖြေရှင်း ဆောင်ရွက်သွား မှာ ဖြစ်ကြောင်း နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးက ပြောပါတယ်။

ရခိုင်ဒေသ ပဋိပက္ခ ဖြစ်အောင် နောက်ကွက်ကနေ ကြိုးကိုင်စီစဉ်သူတွေကို စုံစမ်း စစ်ဆေးနေပြီ ဖြစ်ပြီး ခိုင်လုံတဲ့ အထောက်အထားတွေ ရလာတဲ့အခါ ချပြမယ်လို့ လည်း ဆိုပါတယ်။

ရခိုင်ဒေသမှာ နေထိုင်နေတဲ့ ဘင်္ဂါလီ မွတ်ဆလင်တွေကို လူမျိုးတုံးအောင် လုပ်နေတယ် ဆိုတဲ့ ခေါင်းစဉ်နဲ့ အယ်လ်ဂျာဇီးယား သတင်းဌာနရဲ့ စွပ်စွဲ ထုတ်လွှင့်ချက်တွေကို မြန်မာအစိုးရအနေနဲ့ လိုအပ်သလို တုန့်ပြန်သွားမှာ ဖြစ်ကြောင်းနဲ့ ၁၉၈၂ခုနှစ်က ရခိုင်ဒေသမှာ ဘင်္ဂါလီ မွတ်ဆလင် လူဦးရေ ၁သိန်း ရှိပြီး အခု ၂၀၁၂ ခုနှစ်မှာ လူဦးရေ ၁၀သိန်း အထိ ရှိလာနေတာကို ကြည့်ခြင်းအားဖြင့် ဒီစွပ်စွဲ ပြောဆိုချက်တွေကို ချင့်ချိန် နှိုင်းဆနိုင်ကြောင်း ပြောသွားပါတယ်။

နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးနဲ့ တာဝန်ရှိ ပုဂ္ဂိုလ်တွေဟာ ပြီးခဲ့တဲ့ ရက်ပိုင်းက ကုလသမဂ္ဂ လူသားချင်း စာနာ ထောက်ထားမှု အကူအညီ ပေးရေးဆိုင်ရာ လက်ထောက်အတွင်းရေးမှူးချုပ် Valerie Amos နဲ့အတူ စစ်တွေ၊ မြေပုံ၊ ပေါက်တောနဲ့ မောင်တော မြို့နယ်တွေမှာ ရှိတဲ့ ဒုက္ခသည်စခန်းတွေကို သွားရောက် လေ့လာ ကြည့်ရှုခဲ့ကြပါတယ်။

(၉၂) ကြိမ်မြောက် အမျိုးသားအောင်ပွဲနေ့ ကျင်းပ

အမျိုးသားအောင်ပွဲနေ့ ဒေါ်အောင်ဆန်းစုကြည်ရဲ့မိန့်ခွန်းကို လာရောက် နားထောင်နေကြတဲ့ နတ်မောက်မြို့ဒေသခံများ။ (ဒီဇင်ဘာလ ၈ ရက်၊ ၂၀၁၂)။

မြန်မာနိုင်ငံ လွတ်မြောက်ရေးသမိုင်းမှာ ခေတ်အဆက်ဆက် ကျောင်းသားတွေ အာဏာရှင်လက်အောက် ဖိနှိပ်မှုတွေက လွတ်မြောက်အောင် လွတ်လပ်ရေးအတွက် တောင်းဆို တိုက်ပွဲဝင်ခဲ့သလို ဒီကနေ့ ကျောင်းသားတွေကလည်း တိုင်းပြည်အတွက် လိုအပ်လာတဲ့အချိန်မှာ အချိန်မရွေး ပြည်သူနဲ့အတူ လက်တွဲပြီး တောင်းဆိုတိုက်ပွဲဝင်ဖို့ အသင့်ရှိတယ်လို့ ၈၈ မျိုးဆက်ကျောင်းသား ခေါင်းဆောင်တွေက ပြောဆိုလိုက်ပါတယ်။ ဒီကနေ့ ကျရောက်တဲ့ (၉၂) နှစ်မြောက် အမျိုးသားအောင်ပွဲနေ့ အခမ်းအနားတွေကို ကျောင်းသားအဖွဲ့တွေ၊ အမျိုးသားရေး လှုပ်ရှားသူတွေနဲ့ နိုင်ငံရေးပါတီတွေက ကျင်းပခဲ့ကြတယ်လို့ သိရပါတယ်။ ဒီအကြောင်းကို ဆက်သွယ် မေးမြန်းထားတဲ့ မဆုမွန်က တင်ပြထားပါတယ်။

ဒီကနေ့ ၂၀၁၂ ခုနှစ်၊ ဒီဇင်ဘာလ ၈ ရက်နေ့၊ မြန်မာသက္ကရာဇ် တန်ဆောင်မုန်းလပြည့်ကျော် ၁၀ ရက်နေ့မှာ ကျရောက်တဲ့ (၉၂) နှစ်မြောက် အမျိုးသားအောင်ပွဲနေ့ဟာ ကျောင်းသားလှုပ်ရှားမှု သမိုင်းမှာ အထင်ကရ သမိုင်းဝင် နေ့တနေ့ ဖြစ်ပါတယ်။ အာဏာရှင်စနစ်ကို ခေတ်အဆက်ဆက် က ကျောင်းသားတွေ ဆန့်ကျင်တော်လှန်ခဲ့ပြီးတော့ ပြည်သူတွေ အခြေခံလူ့အခွင့်အရေးရရှိရေး ဒီမိုကရေစီ ခေတ်ပြောင်း တော်လှန်ရေးအထိ ရဟန်းရှင်လူ ပြည်သူတွေနဲ့အတူ ကျောင်းသားတွေ က တောင်းဆို တိုက်ပွဲဝင်ခဲ့ကြတာ ဖြစ်တယ်လို့ ၈၈ မျိုးဆက်ကျောင်းသား ခေါင်းဆောင်တွေ က ပြောဆိုလိုက်ပါတယ်။

လွန်ခဲ့တဲ့ နှစ်ပေါင်း (၉၂) နှစ်က ဒီတန်ဆောင်မုန်းလပြည့်ကျော် ၁၀ ရက်နေ့ အချိန်မှာပဲ ရန်ကုန် တက္ကသိုလ် ကျောင်းသားကြီးတွေရဲ့ ဦးဆောင်မှုနဲ့ ပြည်သူတရပ်လုံး နိုင်ငံရေးအသိ နိုးကြား လာအောင် နိုးဆော်ပြီး မြန်မာနိုင်ငံကို နယ်ချဲ့ကိုလိုနီ လက်အောက်ကနေ လွတ်မြောက်အောင် တောင်းဆို တိုက်ပွဲဝင်ခဲ့ကြတာ ဖြစ်တဲ့အတွက် နေ့ထူးနေ့မြတ်တခု အနေနဲ့ ကျောင်းသားမျိုးဆက်တွေက အလေးအနက် တန်ဖိုးထားခဲ့ကြတာ ဖြစ်တယ်လို့ ၈၈ မျိုးဆက်ကျောင်းသား ခေါင်းဆောင် ကိုဂျင်မီက ဗွီအိုအေ မြန်မာပိုင်းကို ပြောပါတယ်။

“ဒီအမျိုးသားနေ့ ဆိုတာကတော့ နေ့ထူးနေ့မြတ်တွေ များစွာ ရှိတဲ့အထဲကမှ ကျနော်တို့ အလေးထားရဆုံး နေ့တနေ့ ဖြစ်ပါတယ်။ ဘာဖြစ်လို့လဲဆိုတော့ ဒီ အမျိုးသားနေ့ ဖြစ်ပေါ် လာတာကိုက ကျောင်းသားသမိုင်းပေါ့။ ကျောင်းသားလှုပ်ရှားမှု ကနေ ကျနော်တို့ လွတ်လပ်ရေး ကြိုးပမ်းမှု၊ နောက်ဆုံး ဒီမိုကရေစီနဲ့ လူ့အခွင့်အရေး လှုပ်ရှားမှုတွေအထိ အကျိုးသက်ရောက်မှု ဖြစ်စေတယ်ပေါ့။ အထူးသဖြင့် ကျနော်တို့က အမျိုးသားနေ့ကို ခွန်အားရှိတဲ့ နေ့တနေ့အဖြစ် သတ်မှတ်ပါတယ်။ ဒီအမျိုးသားနေ့ဆိုတဲ့ ရည်ရွယ်ချက်ကိုက လွတ်မြောက်ရေး အတွက် နေ့တနေ့ ဆိုတာကို သတ်မှတ်ပြီးဖြစ်ပါတယ်။”

၁၉၂၀ ပြည့်နှစ်မှသည် ခေတ်အဆက်ဆက်က ကျောင်းသားတွေ လွတ်မြောက်ရေး၊ တရားမျှတရေးအတွက် တောင်းဆိုတိုက်ပွဲ ဝင်ခဲ့သလို ရှစ်လေးလုံးအရေးတော်ပုံ ကနေလည်း ဒီကနေ့ ကျောင်းသားတွေကလည်း ဖိနှိမ်မှုတွေ အတွက် ဒီမိုကရေစီ ရရှိရေး အာဏာရှင်လက်အောက်ကနေ လွတ်မြောက်ရေး လူပ်ရှားရေးသမိုင်းတွေမှာ တောင်းဆို တိုက်ပွဲဝင်ခဲ့ကြတာ ဖြစ်ပါတယ်။ အခုလို ဒီမိုကရေစီခေတ်ပြောင်း၊ စနစ်ပြောင်း၊ အသွင်ကူးပြောင်းတဲ့ ကာလမှာလည်း တိုင်းပြည်နဲ့ ပြည်သူအတွက် လိုအပ်လာတဲ့အချိန်မှာ အချိန်မရွေး လူ့အခွင့်အရေးနဲ့ တရားမျှတရေးအတွက် အမျိုးသားရေး စိတ်ဓာတ်အပြည့်နဲ့ တောင်းဆိုတိုက်ပွဲဝင်ဖို့ အသင့်ရှိတယ်လို့လည်း ၈၈ မျိုးဆက် ကျောင်းသားခေါင်းဆောင် ကိုဂျင်မီက ပြောပါတယ်။

“ကျောင်းသား ဆိုတဲ့ လူငယ်တွေဟာ မတရားမှု၊ ဖိနှိပ်မှု၊ အဲဒါတွေ ရှိနေသမျှ ကာလပတ်လုံး သူတို့ရဲ့ အခန်းကဏ္ဍက ရှိနေဦးမှာပဲ။ ပြီးတော့ ဒါတွေက ရုန်းကန်လှုပ်ရှားမှု အတွက် ဆိုလို့ရှိရင် ကျောင်းသားတွေရဲ့ အခန်းကဏ္ဍဟာ ရှေ့ဆုံးက အမြဲပါဝင်ဖို့ ရှိတယ်။ ကျောင်းသား ဆိုတဲ့ သဘောသဘာဝ ကိုက တခြား သဘောသဘာဝ တွေနဲ့ မတူဘူး။ သူတို့မှာ အတွေးအခေါ်ကလည်း လွတ်လပ်တယ်။ ခွန်အားလည်း ရှိတယ်။ လုပ်နိုင်ကိုင်နိုင်စွမ်းလည်း ရှိတယ်။ ရှိတဲ့အတွက် ခေတ်တိုင်း စနစ်တိုင်းမှာ ဖိနှိပ်မှုတွေ ချုပ်ချယ်မှုတွေ၊ ကန့်သတ်မှုတွေ ရှိတဲ့ လွတ်မြောက်ရေး လှုပ်ရှားမှုတွေ လိုအပ်နေသမျှ ကာလပတ်လုံး ဒီကျောင်းသား လှုပ်ရှားမှုတွေကလည်း ရှိနေဦးမှာ သေချာပါတယ်။”

ဒီကနေ့ ကျရောက်တဲ့ (၉၂) နှစ်မြောက် အမျိုးသားအောင်ပွဲနေ့ အခမ်းအနားကို လည်း မြန်မာ့စာပေလောကက အထင်ကရ အမျိုးသားလှုပ်ရှားသူ စာရေးဆရာတွေဖြစ်တဲ့ ကိုလေး(အင်းဝဂုဏ်ရည်)၊ ဆရာ ဦးမိုးသူ၊ ဖျာပုံနီလုံဦးတို့က ဦးစီးဟောပြောတဲ့ စာပေဟောပြောပွဲတွေကို အမျိုးသားဒီမိုကရေစီအဖွဲ့ချုပ် ဗဟိုဌာနမှာ အမျိုးသားအောင်ပွဲနေ့ အခမ်းအနားအဖြစ် ကျင်းပခဲ့ကြပါတယ်။ ထူးခြားတဲ့ အစီအစဉ်တရပ် အနေနဲ့လည်း အညတရ သူရဲကောင်းဆုပေးပွဲ အခမ်းအနားကိုလည်း ကျင်းပခဲ့တယ်လို့ အမျိုးသားဒီမိုကရေစီ အဖွဲ့ချုပ်ပါတီ ကိုယ်စားပြု ပြည်သူ့ကိုယ်စားလှယ် ဒေါ်ဖြူဖြူသင်းက ဗွီအိုအေမြန်မာပိုင်းကို ပြောပါတယ်။

“ဒီနေ့ကတော့ အမျိုးသားနေ့ အခမ်းအနားလေးကို NLD ရုံးချုပ်မှာ ကျင်းပဖြစ်ပါတယ်။ နှစ်စဉ်နှစ်တိုင်း လုပ်ဆောင်ခဲ့တဲ့ အတိုင်းပဲပေါ့နော်၊ စာပေဟောပြောပွဲကတော့ ဦးမိုးသူရယ်၊ ဖျာပုံနီလုံဦးရယ်၊ ကိုလေး (အင်းဝဂုဏ်ရည်) ရယ်။ စာပေဟောပြောပွဲလေး လုပ်ဖြစ်တယ်။ နောက် ထူးထူးခြားခြားတော့ ဒီနှစ်မှာက ဂျပန်နိုင်ငံရောက် မြန်မာအမျိုးသားတွေကနေ စုပေါင်းပြီးတော့ အညတရ သူရဲကောင်းဆု ဆိုပြီး ငါးဦးကို ပေးတဲ့ပွဲလေးလည်း ထည့်ပြီးတော့  ကျင်းပဖြစ်ပါတယ်။”

ခေတ်အဆက်ဆက် ကျောင်းသားတွေရဲ့ ဦးဆောင်မှုနဲ့ တနိုင်ငံလုံး အမျိုးသားရေး စိတ်ဓာတ်တွေ နိုးကြား တက်ကြွလာအောင် လှုံ့ဆော်ပြီးတော့ အမျိုးသားအောင်ပွဲ စိတ်ဓာတ်နဲ့ မြန်မာနိုင်ငံ လွတ်လပ်ရေးကို အရယူနိုင်ခဲ့တဲ့ နေ့ထူးနေ့မြတ် ဖြစ်တဲ့အတွက်လည်း အမျိုးသားဒီမိုကရေစီအဖွဲ့ချုပ် အပါအဝင် မြန်မာ့ဒီမိုကရေစီရေး လိုလားသူ၊ မြန်မာ့နိုင်ငံရေး လူပ်ရှားသူတွေက အလေးအနက်ထားပြီး နှစ်စဉ်နှစ်တိုင်း ကျင်းပခဲ့ကြတယ်လို့ လည်း ပြည်သူ့လွှတ်တော်ကိုယ်စားလှယ် ဒေါ်ဖြူဖြူသင်းက ပြောပါတယ်။

“ကျောင်းသားတွေ အပါအ၀င် ပြည်သူပြည်သားတွေ လည်း ပါပါတယ်။ နောက်ပြီးတော့ YMCA တို့ စသည်ဖြင့် စုပေါင်းပြီး စတင်ပြီးတော့ ဖြစ်ခဲ့တဲ့ ဒီ အမျိုးသားနေ့ ကို သတ်မှတ်ထားတယ်။ ဒီနေ့နဲ့ပတ်သက်ပြီးတော့ ကျမတို့ NLD ကနေပြီးတော့ နှစ်စဉ်နှစ်တိုင်း မပျက်မကွက် အမျိုးသားနေ့ အခမ်းအနားကို ကျင်းပပါတယ်။ အဖွဲ့အစည်းတွေကလည်း အမျိုးသားနေ့ အခမ်းအနားတွေ ကျင်းပတာ သုံးလေးခုလောက် ရှိတယ်လို့ ကြားရတယ်လေ။”

ဒီကနေ့ ကျရောက်တဲ့ (၉၂) နှစ်ပြည့် အမျိုးသားအောင်ပွဲနေ့မှသည် အခုမြန်မာနိုင်ငံမှာ ဒီမိုကရေစီခေတ်ပြောင်းကာလမှာ အသွင်ကူးပြောင်းရေး အခက်အခဲတွေကို ကြိုးပမ်းရာမှာ ပြည်သူတွေရဲ့ လိုအပ်ချက်၊ နစ်နာချက်တွေ၊ လူ့အခွင့်အရေး တန်းတူရရှိရေးနဲ့ တိုင်းရင်းသား အခွင့်အရေး တန်းတူညီမျှရေးတွေကို တောင်းဆိုနိုင်ဖို့ ပြည်သူတွေနဲ့အတူ တိုက်တွန်းအားပေးပြီး ဝိုင်းဝန်းညှိနှိုင်း အဖြေရှာတဲ့နည်းလမ်းတွေကို အမျိုးသားရေးစိတ်ဓာတ်အပြည့်နဲ့ ပူးပေါင်း အဖြေရှာဖို့ကိုလည်း ၈၈ မျိုးဆက်ကျောင်းသားတွေက အမျိုးသားအောင်ပွဲနေ့မှာ တိုက်တွန်းထားပါတယ်။

ရန်ကုန် မန္တလေး သံဃာ့ဆန္ဒပြမှု ဆက်ဖြစ်ပွား

ဒဏ်ရာရ သံဃာတော်တွေကို အစိုးရက ၀န်ချတောင်းပန်ဖို့ မန္တလေးမြို့မှာ သံဃာတော်များ ဆန္ဒပြနေကြစဉ်။ (ဒီဇင်ဘာလ ၈ ရက်၊ ၂၀၁၂)။

လက်ပံတောင်းတောင် သပိတ်စခန်းကို ဖြိုခွဲစဉ်မှာ မီးလောင်ဒဏ်ရာ ရရှိခဲ့တဲ့ သံဃာတွေကို အစိုးရကိုယ်တိုင် တရားဝင် တောင်းပန်ဖို့ အပါအ၀င် အချက် ၃ ချက်ကို မန္တလေး မြို့က သံဃာတော်အင်အား ၅၀၀ ခန့်က ဆန္ဒပြချီတက်ပြီး တောင်းဆိုလိုက်ပါတယ်။ ဒါ့အပြင် လက်ပံတောင်းတောင် ဒေသခံအင်အား ၂၀၀ လောက်ကလည်း တုံရွာကနေ စတင် ချီတက်ပြီး ကြေးနီစီမံကိန်း ရပ်တန့်ရေး အပါအ၀င် တောင်းဆိုချက် ၃ ချက်ကို တောင်းဆို ဆန္ဒပြနေကြပါတယ်။ ဒီအကြောင်းကို ထိုင်းအခြေစိုက် သတင်းထောက် မအေးအေးမာက သတင်းပေးပို့ထားပါတယ်။  မန္တလေးမြို့ အိမ်တော်ရာ ဘုရားဝင်းကနေ ချီတက်လာတဲ့ သံဃာအပါး ၅၀၀ ခန့်ဟာ တောင်းဆိုချက် ၃ ချက်ကို ဒီဇင်ဘာလ ၁၁ ရက်နေ့ နောက်ဆုံးထားပြီး လုပ်ဆောင်ပေးဖို့  ၂ နာရီခန့် ဆန္ဒပြခဲ့ကြပါတယ်။  ဆန္ဒပြမှုမှာ ဦးဆောင်သံဃာတပါး ဖြစ်တဲ့ မြတောင်ကျောင်းတိုက်က ဦးအာစရက အခုလို မိန့်ပါတယ်။ “ဒီနေ့ ဦးပဉ္စင်းတို့ လုပ်ရတဲ့အကြောင်းရင်းကတော့ လက်ပံတောင်းတောင်မှာ အကြမ်းဖက်ခံထားရတဲ့ သံဃာတော်တွေ၊ ဆေးရုံးမှာ ရောက်နေတဲ့သံဃာတော်တွေကို နိုင်ငံတော်အစိုးရက ဦးဆောင်ပြီးတော့ ပြည်ထဲရေးဝန်ကြီးဌာန ကနေပြီးတော့ ဦးပဉ္စင်းတို့ ဆေးရုံးပေါ်မှာ တက်နေတဲ့ သံဃာတော်တွေကို ပြန်ပြီး တောင်းပန်ဖို့၊ အကြမ်းဖက်မှုမှာ ပါဝင်တဲ့သူတွေကို အရေးယူပေးဖို့၊ ဒီအခင်းနဲ့ ပတ်သက်လို့ ဖြစ်ပြီးတော့ သံဃာတွေကိုရော တချို့ လူပုဂ္ဂိုလ်တွေကိုရော ဖမ်းဆီးတာတွေ ရှိတယ်။ အဲဒီ ရဟန်းပုဂ္ဂိုလ်တွေ၊ လူပုဂ္ဂိုလ်တွေကို ပြန်လွှတ်ပေးဖို့ ပေါ့နော်။ အဲဒီသုံးချက်ကို တောင်းဆိုတာ။ ၁၂ ရက် ၁၂ လ ၂၀၁၂ မှာ ဦးပဉ္စင်းတို့ တကြိမ် ထပ်လုပ်ဖို့ ရှိပါတယ်။ အဲဒါကို ဦးပဉ္စင်းတို့ ၁၁ ရက်နေ့ကို နောက်ဆုံးထားပြီးတော့ တောင်းပန်ပေးဖို့၊ တကယ်လို့ ၁၁ ရက်နေ့ ပြည့်လို့မှ ဦးပဉ္စင်းတို့ တောင်းဆိုထားတဲ့ အချက် ၃ ချက်ကို မလိုက်လျောဘူးဆိုရင် ဦးပဉ္စင်းတို့ အနေနဲ့ ၁၂ ရက် ၁၂ လ ၂၀၁၂ မှာ ဦးပဉ္စင်းတို့ ဆန္ဒထုတ်ဖော်တဲ့ဟာကို အရှိန်မြင့်သွားဖို့ ဦးပဉ္စင်းတို့ အစီအစဉ် ရှိပါတယ်။” အာဏာပိုင်တွေအနေနဲ့ စစ်ကိုင်တိုင်း မုံရွာမှာလည်း ၀န်ချ တောင်းပန်းတဲ့ပွဲတွေ၊ သာသနာရေးဝန်ကြီးက တောင်းပန်တဲ့ပွဲတွေ လုပ်ခဲ့ကြောင်း နိုင်ငံပိုင် သတင်းစာတွေမှာ ပါရှိပါတယ်။ ဒီတောင်းပန်ပွဲတွေ လုပ်ခဲ့တာတွေကိုလည်း သံဃာတွေအနေနဲ့ လက်မခံနိုင်သေးတဲ့အကြောင်း ဦးအာစရက ဆက်မိန့်ပါတယ်။  “ဒီလို တောင်းပန်တာ ဟုတ်တယ်။ အဲဒါတွေက ဦးပဉ္စင်းတို့နဲ့ မဆိုင်ဘူးဗျ၊ သူတို့ အဲဒီမှာ လုပ်တာတွေက။ ဦးပဉ္စင်းတို့ သိရသလောက်ဆိုရင် မုံရွာမှာ ဆိုလို့ရှိရင် မုံရွာရဲတွေက မုံရွာမှာရှိတဲ့ ဘုန်းကြီးတွေပေါ့နော်၊ ဘွဲ့ကြီးဝါကြီးတွေကို တောင်းပန်တယ်လို့ ဦးပဉ္စင်းတို့ သတင်းတွေထဲမှာလည်း တွေ့တယ်၊ သိထားတယ်။ နောက်ပြီးတော့ မနေ့က သာသနာရေး ဦးစီးဌာနကနေပြီးတော့လည်း လာပြီးတော့ လျှောက်တာ ရှိတယ်။ ဒါပေမဲ့ ဦးပဉ္စင်းတို့ လိုချင်တာက နိုင်ငံတော် အစိုးရအဖွဲ့အစည်းကနေပြီးတော့၊ အစိုးရကနေပြီးတော့ မန္တလေး ဆေးရုံကြီးမှာ တက်နေတဲ့ သံဃာတော်တွေကို ကိုယ်တိုင်လာပြီးတော့ တောင်းပန်ရမှာ။” လက်ပံတောင်း တောင် တုံရွာမှာလည်း ကြေးနီစီမံကိန်း အပြီးတိုင်ရပ်ဖို့ အပါအ၀င် ဆန္ဒပြမူတွေကို ဒေသခံရွာသား ၂၀၀ ခန့်က ဆက်ပြီး လုပ်ဆောင်နေပါတယ်။ ဆန္ဒပြနေတဲ့ ဒေသခံ ရွာသူတဦး ပြောပြတာက - “အဓိက ဆန္ဒပြရတာကတော့ လက်ပံတောင်းတောင်ကြီး လုံးဝ ဖျက်သိမ်းပေးရေး အတွက်ကို ဦးတည်ပြီးတော့ ဒေသခံတွေက ဆန္ဒပြနေကြပါတယ်။ နောက်ထပ် ဒုတိယအချက်ကတော့ ဒီ သံဃာတော်များကို မီးလောင်ဗုံးတွေနဲ့ ဒဏ်ရာရအောင် လုပ်ထားတဲ့အပေါ်မှာ တာဝန်ရှိသူတွေကို ချက်ချင်း အရေးယူ ဆောင်ရွက်ပေးဖို့ရာရယ်၊ နေရာအနှံ့အပြားမှာ လက်ပံတောင်းတောင် အတွက်ကို ဖမ်းဆီးထားတဲ့ အားလုံး ကူညီနေတဲ့သူအပေါင်းကို ဖမ်းဆီးထားတဲ့သူတွေကို အမြန်ဆုံး လွှတ်ပေးဖို့ အရေးကို ဆန္ဒပြနေကြတာ ဖြစ်ပါတယ်။”  အလားတူပဲ လက်ပံတောင်းတောင် ကြေးနီစီမံကိန်း သပိတ်စခန်းက သံဃာတော်များကို အကြမ်းဖက် ဖြိုခွင်းခဲ့မှုနဲ့ပတ်သက်ပြီး သာသနာရေး ဦးစီးဌာနက တာဝန်ယူ ဖြေရှင်းပေးဖို့နဲ့ ဆန္ဒထုတ်ဖော် ခဲ့ကြသူများကို ဖမ်းဆီးထားရာမှ အမြန်ဆုံး ပြန်လွှတ်ပေးဖို့၊ အကြမ်းဖက် ဖြိုခွဲခဲ့သူတွေကို ဖော်ထုတ်အရေးယူ ပေးဖို့ အပါအ၀င် တောင်းဆိုချက်တွေကို ရန်ကုန်တိုင်းအတွင်းက သံဃာတွေကလည်း ဒီကနေ့မှာပဲ ရန်ကုန်မြို့တော် ခန်းမ ရှေ့မှာ အင်အားရာနဲ့ချီ ဆန္ဒထုတ်ဖော် ခဲ့ကြပါတယ်။