ဒုံးပျံကြီးငွေ (ပထမပိုင်း)

by မင်းလူ၏ ၀တ္တုတိုများ on Sunday, November 11, 2012 at 2:08am ·

မိုးကလေးတဖွဲဖွဲရွာလိုက်၊ နေကလေးသာလိုက်၊ ကောင်းကင်မှာ တိမ်ဆိုင်တိမ်တိုက်တွေ တက်လာလိုက်၊ ညနေဘက်မှာ တိမ်တွေ တောက်လိုက်ဖြစ်လာလျှင် မိုးကုန်တော့မည်မှန်း သိသာ၏။

    "သတိ ဗြောက်အိုးဖောက်လျှင် ထောင်ဒဏ်သုံးနှစ်"

    ဟူ၍ အစချီသောသတိပေးကြေညာချက်ကို ရေဒီယို၊ ရုပ်မြင်သံကြားတို့မှ ကြားရပြီဆိုလျှင် သီတင်းကျွတ်တော့မည် ဖြစ်ကြောင်း ကလေး လူကြီးအားလုံး သိကြလေသည်။

    "ဟဲ့၊ သေနာကောင်လေးတွေ ကြားလား။ ဗြောက်အိုးဖောက်ရင် ထောင်သုံးနှစ်တဲ့"

    ဟု လူကြီးမိဘတွေက သတိပေးကြသည်။

    ကလေးတွေကလည်း

    "ရှူးဒိုင်းဖောက်တာမပါဘူး"

    ဟု ပြန်ပြောကြလေ၏။

    ဘာပဲဖြစ်ဖြစ် ကလေးတွေကတော့ ပျော်ကြသည်။ သီတင်းကျွတ်လျှင် ကျောင်းဆယ်ရက်လောက်ပိတ်မည်။ စိတ်ရှိလက်ရှိ အားရအောင်ဆော့ရမည်။ မီးပန်းတွေ၊ ရှူးဒိုင်းတွေ ပစ်ဖောက်ကြမည်။

    အရွယ်လည်းရောက်ပြီး ရည်းစားလည်းရှိပြီးသူတွေကတော့ ခံစားမှုနှစ်မျိုးရှိကြ၏။

    ပထမအမျိုးအစားက အလုပ်အကိုင်အဆင်ပြေ၊ ၀င်ငွေကောင်း၊ စုပြီးဆောင်းပြီးရှိကြသူများဖြစ်၏။ သူတို့သည် သီတင်းကျွတ်ဖို့ကို မျှော်လင့်စောင့်စားနေခဲ့ကြရ၏။ မိန်းမယူချင်လှပြီ။ ၀ါတွင်းကြီးမို့ မတတ်သာလို့ အောင့်အည်းနေခဲ့ကြရတာ။ ခုတော့ လွတ်ပြီ ကျွတ်ပြီ။ မင်္ဂလာဆောင်ကို အမြန်ဆုံးလုပ်ဖို့ စိုင်းပြင်းရမည်။ ထမင်းကျွေးဖြစ်လျှင် ၀က်သား၊ ကြက်သား၊ ငါးသလောက်ပေါင်းတို့နှင့် ကျွေးရမည်။ ဒါမှမဟုတ် အုန်းနို့ခေါက်ဆွဲ သို့တည်းမဟုတ် ရေခဲမုန့်နှင့်ကိတ်မုန့်ကျွေးမည်။ မင်္ဂလာဦးညမှာ သူငယ်ချင်းတွေကို အရက်တိုက်မည်။ မိမိလည်း ၀အောင်သောက်ပြီး အပြတ်ကဲပစ်မည်။ ပါးကလေးနမ်းတာတောင် ရှက်စရာကြီးဆိုပြီး အဖြစ်သည်းနေတဲ့ ကောင်မလေးတော့ အဲဒီည လှလှကြီးတွေ့ကြသေးတာပေါ့။ စသည်ဖြင့် စိတ်ကူးယဉ်လို့အကောင်းဆုံးကာလ။

    အလုပ်အကိုင် အဆင်မပြေသူ။ စီးပွားရေးအခြေအနေ မကောင်းသူတွေကတော့ ဒီအချိန်မှာ ဒုက္ခလှလှကြီးကြုံရပြီ။ ဟိုအရင်ကတော့ အချိန်တွေရသေးတာပဲဆိုပြီး သီတင်းကျွတ်ရင် လက်ထပ်ပါ့မယ် ဘာညာနှင့် ကတိတွေ စွပ်စက်ပေးခဲ့မိသည်။ တကယ်သီတင်းကျွတ်လာသော်လည်း မယူနိုင်သေး။ တောင်လိုလို၊ မြောက်လိုလိုလုပ်ရင်း ကိုယ့်ရည်းစားကို မျက်နှာပူပူနှင့် ရင်ဆိုင်ရသည်။ မိန်းကလေးအိမ်ကို သိပ်အ၀င်အထွက် မလုပ်ရဲတော့ဘဲ ယောက္ခမလောင်းကို လှည့်ပတ်ရှောင်နေရ၏။

    မိန်းကလေးဘက်ကကျတော့လည်း ချစ်သူယောက်ျားလေးနှင့် တွေ့သည့်အခါတိုင်း အရင်လိုချွဲဖို့၊ ကဲဖို့ကို သိပ်စိတ်မ၀င်စားတော့။ လက်ထပ်ဖို့ကိစ္စကို ဘယ်တော့ စကားစလာမလဲဆိုတာကိုသာ မျှော်တလင့်လင့်ဖြစ်နေရသည်။

    ယောက်ျားလေးဘက်က မသိချင်ယောင်ဆောင်ပြီး တောင်လိုလို မြောက်လိုလို လုပ်နေသောအခါ မချင့်မရဲဖြစ်ရ၏။ နှုတ်နည်းသူ၊ အားနာတတ်သူမိန်းကလေးမျိုးဆိုလျှင် ကြိတ်မှိတ်မျိုသိပ်ပြီး တိတ်တခိုးမျှော်လင့်ရသည်။

    နည်းနည်းပြောရဲဆိုရဲရှိသော မိန်းကလေးကျတော့ အရိပ်အမြွက်လောက်ဖွင့်ပြောပြီး သတိပေးမည်။

    "သီတင်းကျွတ်တော့မယ်နော်"

    "ဟိုနေ့ကတောင် သူငယ်ချင်းတွေက မေးသေးတယ်။ မစားရသေးဘူးလားတဲ့"

    ဒီထက်ပိုပြီးပွင့်လင်းသူဆိုလျှင်

    "ပစ္စည်းလေး ဘာလေးတွေ လိုတာစုထားရင်ကောင်းမယ်ထင်တယ်။ တော်ကြာ ဈေးတက်ကုန်မယ်"

    "အမေက ခဏခဏမေးတယ်သိလား။ တို့လည်း လှည့်ပတ်ဖြေရတာကြာတော့ ရှက်တောင်ရှက်လာပြီ"

    စသည်ဖြင့် အလိမ္မာဖက်၍ အကျပ်ကိုင်လိမ့်မည်။ ခပ်ပြောင်ပြောင်ပြောတတ်သူ၊ စိတ်မရှည်နိုင်တော့သူတွေကတော့

    "ဒါပဲနော်။ အဖေတို့ အမေတို့က သိပ်ကြာကြာစောင့်နိုင်မှာမဟုတ်ဘူး။ သူတို့သိက္ခာကျတယ်လို့ ပြောနေကြပြီ။ အစ်ကိုတွေ၊ အစ်မတွေကလည်း မနှစ်က သီတင်းကျွတ်မှာ အဆင်မပြေကတည်းက ဒေါသဖြစ်နေကြတာ။ မနည်းထိန်းထားရတာ။ နောက်တော့သာ အဆိုးမဆိုနဲ့"

    "ဘယ်လိုလဲ၊ ရှင်ပြောခဲ့တဲ့ သီတင်းကျွတ်လက်ထပ်မယ်ဆိုတဲ့စကားက အင်္ဂါဂြိုဟ်ပေါ်က သီတင်းကျွတ်ကို ပြောတာလား။ ဒီအတိုင်းဆို ကျွန်မဘက်က ပေးထားတဲ့ကတိကို ပြန်စဉ်းစားရတော့မယ်"

    ဟူ၍ ပေါ်တင်ခြိမ်းခြောက်ကြတော့သည်။

    ငနဲသားများမှာ ခေါင်းလေးတကုတ်ကုတ်၊ သွားလေးဖြဲလိုက်၊ မသဲမကွဲရေရွတ်ညည်းညူလိုက်၊ "ဒါကတော့ ဒီလိုရှိပါတယ်" ဆိုပြီး စိတ်ကူးတည့်ရာ လျှောက်အကြောင်းပြရသည်။

    ဒီစာရင်းထဲမှာ မောင်ဝလည်းပါသည်။ သို့ရာတွင် သူများတွေနှင့်မတူတာတော့ရှိ၏။ မောင်ဝက လေကြွားတတ်သူမဟုတ်။ အစကတည်းက သူ့အခြေအနေကို ပွင့်ပွင့်လင်းလင်းပြောထားခြင်းဖြစ်၏။

    မူလက ၀ါမ၀င်ခင် လက်ထပ်နိုင်အောင် ကြိုးစားမည်ဟု ဆိုခဲ့သည်။ မနက်ပိုင်း ကုန်စိမ်းရောင်းရုံနှင့် အားမရဘဲ ရေပါ ထမ်းရောင်းသည်။ နောက်တော့ ရေစည်လှည်းတွန်းသည်။ ၀င်ငွေက ပိုလာသလို စားသောက်စရိတ်ကလည်း တက်လာသဖြင့် ငွေ သိပ်မစုနိုင်။ ဒီတော့ သီတင်းကျွတ်လက်ထပ်နိုင်ဖို့ ကြိုးစားရပြန်သည်။ ဒါလည်း အဆင်မပြေ။ မိုးတွင်းကျတော့ ရေက သိပ်မရောင်းရ။ ရပ်ကွက်ထဲမှအိမ်တွေက မိုးရေ ခံသုံးကြသည်။

    ဒီတော့ သိပ်တွက်ခြေမကိုက်လှဘဲ သူမှန်းထားသည့်အတိုင်းဖြစ်မလာ။ မောင်ဝသည် သူများလို ပတ်ချွဲနှပ်ချွဲလည်း မပြောတတ်။ လှည့်ပတ်ဆင်ခြေပေးတာမျိုးလည်း မလုပ်တတ်။ မလာရဲလို့ ရှောင်ဖယ်လုပ်နေတာမျိုးလည်းမရှိ။

    "ငါလည်း ကြိုးစားပြီးငွေစုတာပဲဟာ။ ဘယ်လိုက ဘယ်လိုကုန်သွားမှန်းမသိပါဘူး"

    ဟု ရိုးရိုးရှင်းရှင်းပင် အကြောင်းပြသည်။

    ရွှေကြည်သည် မောင်ဝစကားကို ယုံကြည်သည်။ မောင်ဝ မဟုတ်တာ၊ မမှန်တာကို ပြောလေ့လုပ်လေ့မရှိ။ တစ်ခါတလေ သူငယ်ချင်းအုပ်စုနှင့် ထန်းရည်လေးဘာလေး သောက်တာလောက်တော့ ရှိသည်။ သုံးဖြုန်းလောင်းကစားမျိုး မလုပ်တတ်။ ပြီးတော့ တကယ်ပင် မောင်ဝ အပင်ပန်းခံပြီး ကြိုးစားငွေရှာနေတာ မျက်မြင်ပင်ဖြစ်၏။ ဒီကြားထဲက အဆင်မပြေတာ မောင်ဝအပြစ်မဟုတ်။ ဒါဆို ဘယ်သူ့အပြစ်လဲဆိုတာကိုလည်း ရွှေကြည် မဆန်းစစ်တတ်။

    မောင်ဝကို သူ တကယ်ချစ်သည်။ မောင်ဝက သူ့ကို သိပ်ချစ်ကြောင်းကိုလည်း သူသိ၏။ ထို့ကြောင့် မောင်ဝကို သူ အပြစ်မပြော။ လောဆော်ခြင်းလည်းမပြု။

    "ကျွန်မ စောင့်နိုင်ပါတယ် ကိုမောင်ဝရယ်"

    ဟူ၍သာ ဟိုအရင်ကအတိုင်း ပြောလိုက်လေသည်။

    မောင်ဝမှာ လူပျင်းလူညံ့တစ်ယောက်မဟုတ်။ သမ္မာအာဇီဝအလုပ်ဆိုလျှင် ဘယ်လောက်ပင်ပန်း ပင်ပန်း လုပ်ရဲသည်။ လုပ်လည်း လုပ်ခဲ့သည်။ မဟုတ်တာ၊ မမှန်တာ ဘယ်တော့မှမလုပ်သဖြင့် ဘယ်သူ့ကိုမှလည်း မကြောက်။ သူမှန်တယ်ထင်ရာ ပြောရဲ ဆိုရဲ လုပ်ရဲသူဖြစ်၏။

    ဒါကိုလည်း သူက ဂုဏ်ယူတတ်သည်။ ထန်းရည်ကလေး နည်းနည်းထွေလာသည့်အခါ...

    "လောကကြီးမှာ မောင်ဝကြောက်ရမယ့်သူ မမွေးသေးဘူးကွ"

    ဟု ကြုံးဝါးတတ်သည်။

    ခုတော့ဖြင့် မောင်ဝကြောက်ရမယ့်သူ ပေါ်လာပြီ။ မြင်မြင်ထင်ထင် ဆိုလျှင်တော့ မောင်ဝ၏လက်သီးစာ မိသွားနိုင်သည်။ ခုဟာက အကောင်အထည်မြင်ရတာလည်းမဟုတ်။ နာနာဘာဝလိုဟာမျိုးဆိုလျှင်လည်း တော်သေးသည်။ ကိုရင်ဝတ်တုန်းက ဆရာတော်သင်ပေးထားသည့် ဂါထာရွတ်ဆိုပြီး မောင်းထုတ်နိုင်သည်။ ဒါမှမဟုတ် ညဘက်ကင်းလှည့်တာဝန်ကျတုန်းကလို လုပ်လို့ရသေးသည်။ သရဲခြောက်သည်ဆိုသော ကုက္ကိုလ်ပင်ကြီးအောက်ရောက်လျှင် သေးနှင့်ကော့ပန်း၊ ဆဲဆိုပြီး အပင်ပေါ်သို့ လေးခွနှင့်ထုတာမျိုးဖြစ်၏။

    ဒီဟာက နာနာဘာဝလည်းမဟုတ်။ ပြူးပြဲခြောက်လှန့်နေတာလည်းမဟုတ်။ သို့တိုင်အောင် မကြောက်ဘဲ မနေနိုင်။ မောင်ဝလို ဆတ်ဆတ်ကြဲကောင်မျိုးကတောင် ကြောက်ရတယ်ဆိုတော့ နှယ်နှယ်ရရထဲက မဟုတ်နိုင်။ မှန်၏။ ထိုသူကား "ကုန်ဈေးနှုန်း"ဆိုသော ပုဂ္ဂိုလ်ပင်ဖြစ်လေ၏။

                    * * *

    ဆရာသစ္စာနီရေးသည့် အက်ဆေးတစ်ပုဒ်ထဲကလိုပင် သီတင်းကျွတ်ဆိုသည်မှာ လူပျိုကြီးတွေနှင့် ဘာမျှမဆိုင်။ သူတို့အဖို့ ၀ါပဲဝင်ဝင်၊ သီတင်းပဲကျွတ်ကျွတ်၊ တန်ဆောင်ပဲမုန်းမုန်း၊ ဘာမှထူးခြားတာမဟုတ်။ သို့ရာတွင် သူတို့ကိုယ်တိုင်ကတော့ ကိုယ့်လိပ်ပြာ ကိုယ်မလုံဘဲဖြစ်နေကြ၏။

    သီတင်းကျွတ်ဆိုတာက သူတို့၏ဆုံးရှုံးမှုကို တစ်နှစ်တစ်ခါ သတိပေးသည့်ပွဲဟု ထင်နေသည်။ သူတို့၏ညံ့ဖျင်းမှုကို ရှုတ်ချသည့်ပွဲဟု မြင်နေသည်။ သူများတွေ မင်္ဂလာဆောင်ဖို့စီစဉ်ကြ၊ ကြိုးစားကြတာတွေကြည့်ပြီး တရားပဲကျသလိုလို၊ အားပဲကျသလိုလို မနာလိုတိုရှည်ပဲဖြစ်သလိုလိုနှင့် နေမထိထိုင်မသာရှိနေကြလေသည်။

    လမ်းမှာတွေ့လို့ ရိုးရိုးတန်းတန်းနှုတ်ဆက်တာကိုပင် သူတို့ကို ထေ့တာ၊ ငေါ့တာလား၊ လှောင်တာပြောင်တာလားဟု သံသယမျက်လုံးဖြင့် ပြန်ကြည့်တတ်သည်။

    အချို့အပျိုကြီးတွေက အိမ်ထဲက အိမ်ပြင် သိပ်မထွက်ဘဲနေသည်။ လူပျိုကြီးတွေကလည်း အပျိုကြီးတွေကို မျက်နှာချင်း မဆိုင်ဘဲ ရှောင်နေကြသည်။ သူတို့တွေ အပျိုကြီးဖြစ်ရခြင်းမှာ မိမိတို့အပြစ်မကင်းသလိုလို ဘာလိုလိုနှင့် မဆီမဆိုင် မျက်နှာပူနေကြသောကြောင့်ဖြစ်၏။

    အပျိုကြီးတွေကတော့ လူပျိုကြီးတွေအပေါ် အလိုလိုနေရင်းကြည့်မရဘဲ မျက်မုန်းကျိုးနေကြသည်။ ဘာကြောင့် ခုလို ဖြစ်ရတာလဲ ဆိုတာလဲ အကြောင်းရှာမရ။ ကိုယ်ကကျိတ်ပြီး ကြိုက်နေမိလို့လည်းမဟုတ်။ ဒါတွေ စိတ်မ၀င်စားလို့ ဃရာဝါသော ဗဟုကိစ္စောတွေကြောက်လို့ လူပျိုကြီး၊ အပျိုကြီးလုပ်နေတာပဲဟာ။

    "ဘာပဲဖြစ်ဖြစ် လူပျိုကြီး၊ အပျိုကြီးများမှာ အများသူငါထက် ဘာမှ အောက်တန်းနောက်တန်း မကျပါဘဲလျက် ကိုယ်လက် အင်္ဂါ မစုံလင်သူတစ်ယောက်လို လူတောမတိုးရဲသောအဖြစ်သို့ ရောက်နေရသည်။

    ပူစပ်ပူလောင်နိုင်သော သီတင်းကျွတ်နေရောင်အောက်တွင် နေမထိ ထိုင်မသာဖြစ်နေကြရရှာလေ၏။

                    * * *

    သီတင်းကျွတ်ခါနီးပြီဆိုလျှင် ဦးကုလားနှင့် ဒေါ်ခင်တီတို့ အကန်တော့ခံရန် ပြင်ဆင်ကြရသည်။ သူတို့ခေါက်ဆွဲစက်မှ အလုပ်သမားမိသားစုများက လာကန်တော့ကြသောကြောင့်ပင်ဖြစ်၏။

    ကန်တော့ရာတွင် တချို့တလေ ကလေးတွေပါလာသည်။ ကလေးချည်း လေးငါးခြောက်ယောက် ပါလာတတ်သူတွေလည်း ရှိသည်။ ဒီလိုအခါမျိုးမှာ ကလေးတွေကို မုန့်ဖိုးပေးရသည်။ လူစေ့တက်စေ့ ပေးနိုင်အောင် နှစ်ဆယ်တန်အသစ်ကလေးတွေ အုပ်လိုက်ရှာလဲထားရ၏။ ဒါဟာ မြန်မာ့လုပ်ငန်းရှင်တို့၏ မိမိအလုပ်သမားများကို ဘောနပ်စ်ပေးနည်းတစ်မျိုးလည်းဖြစ်၏။

    ဒီနှစ်အဖို့ သူတို့ကို ပထမဆုံးလာကန်တော့သူမှာ အလုပ်သမားထဲကမဟုတ်။ သူတို့၏သား ဓာတ်ခဲကိုယ်တိုင်ပင်ဖြစ်၏။ သူက အဖေနှင့်အမေကို စိပ်ပုတီးတစ်ကုံးစီနှင့် ကန်တော့သည်။ ဦးကုလားနှင့်ဒေါ်ခင်တီတို့မှာ ဓာတ်ခဲ၏ လိမ္မာသိတတ်မှုကြောင့် ၀မ်းမြောက်ဝမ်းသာဖြစ်ရ၏။ ငယ်ငယ်တုန်းကဆိုးသလောက် တဖြည်းဖြည်း လိမ္မာလာပြီဟု ယူဆကြသည်။

    ဦးကုလားက မျက်ရိပ်ပြသောအခါ ဒေါ်ခင်တီက ချွေးခံအင်္ကျီအိတ်ထဲမှ ငွေနှစ်ရာတန်တစ်ရွက် ထုတ်ပြီး ဓာတ်ခဲကိုပေးသည်။

    ဓာတ်ခဲက..

    "ဟာ နည်းတာပေါ့ အမေရ။ ကျွန်တော့်အရင်းတောင် တစ်ရာ့ငါးဆယ်ရှိတယ်။ စိပ်ပုတီးကိုလည်း သေသေချာချာကြည့်ပါဦး။ သစ်ကနက်သားနဲ့လုပ်ထားတာ"

    ဟု ပြောသည်။ ဒေါ်ခင်တီက တစ်ရာထပ်ဖြည့်ပေးသည်။

    "လေးရာတော့ ပေးသင့်ပါတယ်ဗျာ။ အဖေနှစ်ရာ၊ အမေနှစ်ရာပေါ့"

    ဦးကုလားက မျက်လုံးတစ်ချက်ပြူးပြီး တစ်စုံတစ်ခုပြောမည်အပြု ဒေါ်ခင်တီက နှစ်ရာတန်တစ်ရွက်ကို ဓာတ်ခဲလက်ထဲသို့ ပေးနှင့်ပြီးဖြစ်နေသည်။

    "ခုလို မင်္ဂလာရှိတဲ့အချိန်မှာ ဆူတာ ပူတာမလုပ်ပါနဲ့ရှင်။ ကလေးက မိဘကို ကန်တော့ဖို့ သိတတ်တာပဲ ၀မ်းသာစရာမဟုတ်လား"

    ဟု ဓာတ်ခဲထွက်သွားပြီးနောက် ပြောသည်။

    ခေါက်ဆွဲစက်အလုပ်သမားမိသားစုများက လာကန်တော့ကြသည်။ ဦးကုလားနှင့် ဒေါ်ခင်တီတို့က မုန့်ဖိုးပြန်ပေးကြသည်။

    ဓာတ်ခဲ့သည် သူရရှိသောငွေများဖြင့် မီးရှူးမီးပန်းမျိုးစုံဝယ်ပြီး ပစ်ဖောက်လေသည်။ နိုင်ငံခြားမှဝင်လာသည့် မီးရှူးမီးပန်းမျိုးစုံများမှာ အမျိုးအစားလည်းကောင်းသည်။ တစ်ဆင့်ကွဲ၊ နှစ်ဆင့်ကွဲ ရောင်စုံများဖြစ်၍ အလွန်ကြည့်လို့လှသည်။ ဈေးကလည်း ကြီးသည်။ နှစ်ဆယ် အစိတ်မှ ရှစ်ဆယ် တစ်ရာကျော်အထိရှိ၏။

    ဒီတော့ ရပ်ကွက်ထဲက ကလေးအများစုမှာ မ၀ယ်နိုင်။ ပြည်တွင်းဖြစ်မီးပန်းများကိုသာ အာသာပြေ ဆော့ကစားရ၏။ ပြည်တွင်းဖြစ်များကလည်း မီးရှိူ့လိုက်လျှင် မီးခိုးတွေသာ အူထွက်ပြီး မီးပန်းနှင့်မတူဘဲ ၀ါယာကြိုးရှော့ဖြစ်တာနှင့်သာ တူနေလေ၏။ ထို့ကြောင့် သူတို့မှာ ဓာတ်ခဲ၏မီးရှူးမီးပန်းကိုသာကြည့်ပြီး သွားရည်ယိုရသည်။

    ဓာတ်ခဲက...

    "မင်းတို့လည်း မင်းတို့အဖေ၊ အမေတွေ ၀ယ်ခိုင်းပါလားကွ"

    "ဘယ်ဝယ်နိုင်မလဲကွာ။ ဈေးက သိပ်ကြီးတာ"

    "ငါ့လိုလုပ်ပါလားကွ။ မင်းတို့မိဘတွေကို ကန်တော့ပြီး မုန့်ဖိုးတောင်းပေါ့"

    "မုန့်ဖိုးတောင်းဖို့ နေနေသာသာ သူတို့တောင် အဘိုးနဲ့အဘွားကို ကန်တော့ဖို့ ပိုက်ဆံမရှိလို့ ညည်းနေတာ ကြားခဲ့သေးတယ်"

    "ဒါဆို ဒီလိုလုပ်။ ငါတို့အဖေက လာကန်တော့သမျှလူတွေကို မုန့်ဖိုးပေးနေတာ။ မင်းတို့လည်း ပိုက်ဆံစုပြီး ဖယောင်းတိုင်တို့၊ အမွှေးတိုင်တို့ဝယ်ပြီး ငါတို့ဖေနဲ့မေကို လာကန်တော့ပါလား။ တစ်ယောက်ကို မုန့်ဖိုးနှစ်ဆယ်လောက်ရမှာ သေချာတယ်။ တစ်ယောက် ငါးကျပ်လောက်စုရင် ရတယ်ကွ"

    "ဖြစ်ပါ့မလားကွ"

    "သိပ်ဖြစ်တာပေါ့။ ငါတို့အမေကဆိုရင် သိပ်အကန်တော့ခံချင်တာကွ"

    "ခက်တာက ငါတို့မှာ ငါးကျပ်တောင်ရှိတာမဟုတ်ဘူး"

    ဓာတ်ခဲ ခဏစဉ်းစားပြီး..

    "ငါအကြံရပြီကွ။ မင်းတို့ကို ငါ တစ်ယောက်ငါးကျပ်စီချေးမယ်။ မင်းတို့မုန့်ဖိုးနှစ်ဆယ်ရရင် ငါ့ကို တစ်ဆယ်ပြန်ပေးရမယ်။ ဘယ့်နှယ့်လဲ"

    အားလုံးသဘောတူကြသည်။ ဓာတ်ခဲချေးသည့်ငွေဖြင့် ပစ္စည်းဝယ်ပြီး ဦးကုလားနှင့်ဒေါ်ခင်တီကို သွားကန်တော့ကြသည်။ ဦးကုလားက ဓာတ်ခဲ၏အကြံအစည်ကို မသိဘဲ အခုခေတ်ကလေးတွေ တယ်တတ်သိ လိမ္မာကြတာပဲဟု သဘောကျပြီး မုန့်ဖိုးနှစ်ဆယ်စီ ပေးလိုက်သည်။ ဓာတ်ခဲက ငါးကျပ်ရင်းပြီး တစ်ဆယ်ပြန်ရသည်။

    ဦးကုလားက လာကန်တော့သမျှကလေးတွေကို မုန့်ဖိုးနှစ်ဆယ်စီပေးနေတယ်ဆိုပြီး သတင်းက ပျံ့နှံ့သွားသည်။ ထိုအခါ တခြားကလေးတွေကလည်း လူစုပြီး သွားကန်တော့ကြသည်။ တချို့မိဘတွေ ကိုယ်တိုင်က သူတို့ကလေးတွေကို ဦးကုလားတို့အား သွားကန်တော့ရန် တိုက်တွန်းစေလွှတ်ကြလေသည်။

    ဦးကုလားနှင့် ဒေါ်ခင်တီတို့မှာ ကိုယ့်ကိုလာကန်တော့သူကို မကန်တော့ပါနဲ့လို့ ပြောလို့လည်းမဖြစ်။ လျှော့ပေးပြန်လည်း မကောင်း။ ကိုယ်က ရပ်ကွက်ထဲမှာ လူကုံထံလိုဖြစ်နေသဖြင့် သိက္ခာမကျရအောင် လာကန်တော့သမျှ နှစ်ဆယ်စီပေးနေရသည်။ နှစ်ဆယ်တန်တစ်အုပ်နှင့်မလောက်သဖြင့် နောက်တစ်အုပ် ထပ်လဲရသေးသည်။

    မသီးကတော့ သူတို့မှာ ကလေးမရှိတာ ဒီတစ်ပွဲနာသွားသည်ဟု ပေသီးတွက် တွက်သည်။ ထုံးစံအတိုင်း "ကျုပ် ကလေးမရတာ ရှင့်ကြောင့်"ဟု ကိုကြီးငွေကို မဆီမဆိုင် အပြစ်တင်လိုက်သေးသည်။

----------------------------------------------------

 ဒုတိယပိုင်း (ဇာတ်သိမ်းပိုင်း) ဆက်လက်ဖော်ပြထားပါသည်။