ပညာတတ်ကြီး ဖြစ်ဦးမှာ (၁) (EPISODE 14)

Si Win Thu

တရုတ်လူမျိုးတွေရဲ့ ထုံးတမ်းစဉ်လာအရ ပညာရေးဆိုတာ ယောင်္ကျားလေးတွေနဲ့သာ သက်ဆိုင်ပြီး မိန်းကလေးတွေနဲ့ မထိုက်တန် သလိုလို အတွေးအမြင်တွေ ရှိခဲ့တယ် ဆိုတာ ငြင်းလို့ မရပါဘူး။ သည်ကနေ့ ထိအောင်တောင်မှပဲ အစွန်းရောက် မွတ်စလင် နိုင်ငံတွေမှာ မိန်းကလေးတွေ ပညာ သင်ကြားခွင့် ရဖို့ တောင်းဆို နေကြရ တုန်းရယ်။
ကိုယ်တို့ မြန်မာတွေတောင် ဟိုးအရင်က မိန်းကလေးဆိုတာ သေစာရှင်စာ တတ် တော်ရောပေါ့။ အချိန်တန်တော့ သူ့ယောင်္ကျားက လုပ်ကျွေး လိမ့်မယ် ဆိုတဲ့ သဘောမျိုး ပြောခဲ့ ဆိုခဲ့ကြတာ ကြားဖူး သိမီ လိုက်ပါသေးတယ်။ တော်လှန်တဲ့၊ ခေတ်မီတဲ့၊ ထက်မြက်တဲ့ မိန်းမပျိုကလေးများ ကတော့ သူတို့လည်း အမျိုးသားများနဲ့ တန်းတူ အခွင့်ရေး ရရှိသင့်တယ် လို့ အရေး ဆိုနေကြတာ၊ ကြိုးစား ပန်းစား နေရာ ယူလာခဲ့ကြတာ မနည်းပါဘူး။ အင်္ဂလိပ်ခေတ် မှာကတည်းက ကုမ္မာရီ အသင်းတွေ ထောင်ပြီး ဘီအေမ အိုင်အေမကြီးတွေ ထွက်လာအောင် လေ့ကျင့် သင်ကြား ခဲ့ကြတယ်။ ဒေါ်ခင်မျိုးချစ်၊ လူထုဒေါ်အမာ၊ ဒေါ်ခင်နှင်းယု တို့လို အမျိုးသမီးများ ဘ၀ကို ထင်ဟပ် ဆုံးမ လမ်းညွှန် ပေးနိုင်တဲ့ စာရေး ဆရာမကြီးတွေ လည်း အားကျဖွယ်ရာ ထွက်ပေါ် ခဲ့တာပဲ။ တို့မေကြီး ရဲ့ အတူနေ မွေးစားအန်တီ ဒေါ်ဒေါ်မသန်းအေး ဆိုရင် မြန်မာ အမျိုးသမီးထဲက ပထမဦးဆုံး ကုလသမဂ္ဂမှာ တာဝန် ထမ်းဆောင်နိုင်သူ၊ ပညာတတ် ဘိလပ်ပြန်မကြီး ဖြစ်ခဲ့ပြီး အင်္ဂလိပ်ဘုရင်ခံ ရုပ်ရှင် ကြည့်တဲ့အခါ ဘာသာ ပြန်ပေးရတဲ့ သူတဲ့။ လူတွေကတော့ ဘိလပ်ပြန်သန်း လို့ ပြောလိုက်ရင် သူ့အသံ မကြားဖူးတဲ့ သူတောင် မရှိဘူး။ မြန်မာ မကလေးတွေ အနေနဲ့ အဲသလို ကမ္ဘာ့အလယ်မှာ ၀င့်ထည်နိုင်ဖို့ ဆိုရင် သင့်တင့် လျှောက်ပတ်တဲ့ ပညာအရည်အချင်း၊ အသိအလိမ္မာ နဲ့ ဆင်ခြင်တုံတရား၊ အမျိုးအနွယ်ကို စောင့်ရှောက် ထိန်းသိမ်းလိုတဲ့ ဇာတိမာန်ကလေးတွေ ပြည့်စုံနေဖို့ လိုအပ်မယ် ထင်ပါတယ်။

အသက်အရွယ်ကလေးရလို့ စဉ်းစား ဆင်ခြင် နိုင်တဲ့ အခါမှာ လူတစ်ယောက်ရဲ့ အရည်အချင်း၊ လူတစ်ယောက်ရဲ့ တန်ဖိုးဆိုတာ မျိုးရိုးအင်အား၊ ဓနအင်အား၊ ရုပ်ဆင်း ရူပကာတွေထက် ဥာဏ်ပညာ၊ အသိအလိမ္မာကသာလျှင် သူ့ရဲ့ကိုယ်ပိုင်ဥစ္စာ၊ မကွဲမကွာ လိုက်ပါလာမယ့် ကိုယ်ပိုင် အရည်အချင်း ဖြစ်တယ် လို့ နားလည် လာပါတယ်။ ပိုက်ဆံရှိရင် ပညာတတ်တွေ အနားခေါ် ရှိခိုး ခိုင်းထားလို့ ရချင် ရမပေါ့။ တစ်ခွန်း ဘယ်လောက် ပေးမလဲ။ ဘုရား ထူးခိုင်းချင် သေးလား ရတယ်။ ပိုက်ဆံ ကုန်ရင်တော့ တာ့တာ။ ပုခုံးပေါ်က အခက်ကြီးတွေ အခွေကြီးတွေ ရှိနေသရွေ့ သွားလေရာ လာလေရာ “ဘဘဗိုလ်ချုပ်ကြီး ကျန်းမာပါစေ။” အော်ပေးမယ့်လူ မရှားပါဘူး။   ခေါင်းဖြူ ဆေးမဆိုး မာန်စွယ်တွေ ကျိုးကာမှတော့ အိမ်လာတဲ့ မောင်ရင်လေးတွေ ကတောင် မခိုးမခန့် ဆက်ဆံကြတာ တွေ့ဖူးဘူးလား။ ဇီးထုပ်တွေ ထိုင်ထိုင် စားပြီး ခေါင်း ခဏခဏ လျှော်ပြတဲ့ တစ်နိုင်ငံလုံး သည်းသည်းလှုပ် မင်းသမီးချောလေးဆို အခု ၀၀ ၀တီ ဖြစ်လာတော့ လက်ဘက်သုပ် ဂျင်းသုပ် စပ်ပြလို့တောင် စိတ်မလည် လာကြတော့ဘူး။ သူများတကာ ချိုးချိုးဖဲ့ဖဲ့ နှိပ်ကွပ်တဲ့ သဘော မဟုတ်ပါဘူး။ အဲဒီလူတွေ အားလုံးထက် အရင် ဟိုးရှေးရှေး ကတည်းက ပညာနဲ့ ရပ်တည်ခဲ့တဲ့ ဘိလပ်ပြန်သန်းရဲ့ နံမယ် ဂုဏ်သတင်းဟာ သူတို့တွေ ခေတ် ကုန်သွားပြီးတဲ့   နောက်မှာတောင် ငုပ်မသွားဘူး။ သိမ်ငယ် မသွားဘူး လို့ ပြောချင်တာပါ။ မိန်းကလေးရယ်လို့ ဖြစ်လာရင် သူသူကိုယ်ကိုယ် လှချင်ကြတယ်။ ပိုက်ဆံများ ရှိလို့ကတော့လေ။ ကာတီးယားစိန်တိုက်က စိန်တွေ အကုန် ၀ယ်ပြီး တစ်ကိုယ်လုံးကို စိန်စီ ပစ်လိုက်ချင် ကြတယ်။ ကိုယ့်အဖေ ဘာကောင်မှ မဟုတ်တာ သူ အသုံးမကျတဲ့ ကိစ္စ၊ ကိုယ့်ယောက္ခမ ဘာကောင်မှ မဟုတ်တာ ကိုယ် အသုံးမကျတဲ့ ကိစ္စ လို့ မြင်ကြတယ် မဟုတ်လား။ ပညာတတ်ကြီး ဖြစ်အောင် ကြိုးစားပြီး ဘယ်သူ့ကိုမှ အားမကိုးပဲ ကိုယ်ပိုင် အရည်အချင်းနဲ့ ရပ်တည် ပလိုက်မယ် ဆိုတဲ့ စိတ်ကူး စိတ်သန်း ကလေးတွေက သည်ကနေ့ ခေတ်အခါမှာ အိုင်ဒီယာ ကွေးတယ် လို့ အထင်ခံရမှာ စိုးလို့ ဒီတခါတော့ စာရေးဆရာမကြီး ယင်းမာ ဘာမှ မပြောရသေးခင် ပညာရေးဆိုတာ အမျိုးသမီးများ အတွက်လည်း ထပ်တူထပ်မျှ အရေးကြီး လှပါကြောင်း သတိပေး လိုက်ပါရစေ။

ရှန်ဟိုင်းမှာ နေကြတုန်းက ယောင်္ကျားလေးတွေဟာ မိန်းကလေးတွေထက် အလိုလို   နေရင်းကို ပိုတော်နေပြီးသား ဆိုတဲ့ အစွဲဟာ သူများတွေ အားလုံးဆီမှာတင် မကပါဘူး။ ယင်းမာ ကိုယ်တိုင်တောင်မှ အဲသလိုပဲ ယုံကြည် ထားခဲ့တာ။ သည်တစ်သက်မှာတော့ ကိုကိုကြီး ကိုကိုလတ် ကိုကိုလေးတို့ကို ဘယ်တော့မှ ပညာချင်း ယှဉ်နိုင်မှာ မဟုတ်ဘူးလို့ ထင်ခဲ့တယ်။ အိမ်မှာ တရုတ်နှစ်ကူး လုပ်တော့ ထမင်းလည်း စားပြီးရော   မေမေလေးက မောင်နှမတွေ အားလုံးကို ပလုပ်တုပ် ချိုချဉ် တစ်ယောက် တစ်ချောင်း   ကျွေးတယ်။ ထုံးစံအတိုင်း ဘယ်သူ ရှိရမလဲ။ ကိုကိုလတ် အဂ္ဂါရယ်ပေါ့။ သူ့ဥစ္စာ ကုန်သွားတာနဲ့ ယင်းမာ လက်ထဲက မုန့်ကို လာ မျက်စောင်း ထိုးရော။ သူလိုက်လုလို့ ထွက်ပြေးတာနဲ့တင် ယင်းမာလည်း မစားလိုက်ရဘူး။ အောက် ပြုတ်ကျသွားလို့ အသံပြဲကြီးနဲ့ အော်ငိုရော။ ဧည့်သည်တွေနဲ့ စကားကောင်းနေတဲ့ ဖေဖေက စိတ်ဆိုး သွားပြီး နှစ်ယောက်လုံးကို ဒဏ်ပေးတယ်။ ကဗျာစာအုပ် တစ်အုပ် ယူလာပြီး ရှေ့ဆုံး စာမျက်နှာက ကဗျာကို ကူးရေးရမယ်။ မှတ်မိအောင် ကျက်ရမယ်။ ပြီးရင် အလွတ်   ပြန်ရေးပြ ရမယ် တဲ့။ မပြီးမချင်း ဘယ်သူမှ မကစားရဘူး။ ဘယ်သူ အရင်ရမလဲ ကြည့်ကြ သေးတာပေါ့ လို့ ဆိုတယ်။

ကဗျာလေးက စာကြောင်းရေ လေးကြောင်းပဲ ရှိတာပါ။ ဘာတွေ ဆိုလိုမှန်းတောင် နားမလည်ဘူး။ မလည်နေပေါ့။ အလွတ် ကျက်လိုက်မယ်လေ။ ကိုကိုလတ်က ယင်းမာထက် လေးနှစ်တောင် ကြီးတာ ဆိုတော့  တော်နေကြာဆို သူက ရသွားတော့မှာ။ ပြီးတော့ သူက ယောင်္ကျားလေးလေ။ ကျက်ရင်း ကျက်ရင်း ရှေ့ရောက် နောက်မေ့နဲ့ ယင်းမာလည်း အကြံအိုက်ပြီး မျက်ရည်တွေ ၀ိုင်းလာတယ်။ ဖိုးဖိုးက “ယင်းမာ။ အဓိပ္ပါယ်ကို နားလည်အောင် အရင်လုပ်၊ အသံထွက်ကို မှန်အောင်ထွက်၊ မသိရင် အဘိဓါန် စာအုပ်ထဲမှာ ရှာ” လို့ ပြောတယ်။ ခုနှစ်နှစ်သမီးက ကျက်ခဲ့တဲ့ အဲသည် ကဗျာဟာ သည်ကနေ့ထိ တိုင်အောင် ယင်းမာ နှလုံးသားထဲမှာ စွဲနေအောင် အလွတ်ရတုန်းပဲ။ အမြဲတစေ အနိုင်ကျင့် ခံနေရတဲ့ ညီငယ်လေး တစ်ယောက်က သူ့အကိုဆီမှာ အသနားခံတဲ့ အကြောင်းပါ။ ခြေလှမ်း ခုနှစ်လှမ်း အတွင်း သူ့ခံစားချက်ကို သိသာအောင် မတင်ပြနိုင်ရင် အပြစ်ပေး ခံရဦးမှာတဲ့။ သူရေးတဲ့ ကဗျာပုဒ် ကလေး ကတော့ ပဲပြုတ်စေ့ကလေး နူးနပ်သွားဖို့ ပဲစေ့ညှာကလေးက ကြွေပေးရ ရှာတယ်။
မိုးပြဲဒယ်ထဲက ထမင်းနပ်ဖို့ ဖိုခနောက်တိုင်တွေက အပူခံပေးရတယ်။
တကယ်တော့ တစ်ခိုင်တည်း ပွင့်၊ တစ်ညှာတည်း သီး ကြတဲ့ သူတွေ အချင်းချင်း
ဘာကြောင့်များ နှိပ်စက်ကလူ အနိုင်ယူချင် ရသလဲ။” တဲ့။

အစပိုင်းမှာ ဘာတွေ ဆိုလိုချင်မှန်း နားမလည်ပေမယ့် ကျောင်းက ဆရာမ သင်ပေးတဲ့ နည်းအတိုင်း မသိတဲ့ စကားလုံးကို အဘိဓါန်မှာ ရှာကြည့်၊ ပြန်ချရေး၊ တစ်ခါက နှစ်ခါဆို သိပ် မခက်တော့ပါဘူး။ စာလုံးလေးတွေထဲမှာ အသံကို ကာရံ ဖမ်းထားတာလေးတွေပါ သဘောပေါက် လာတယ်။ ၀မ်းသာအားရ ဖိုးဖိုးဆီ ပြေးသွားပြီး တစ်ကြောင်းချင်း ချရေး ပစ်လိုက်တယ်။ တအောင့်နေ ဖေဖေ အိမ်ပေါ်ထပ် တက်လာတော့ သူတို့ သားအဖ နှစ်ယောက် ဖတ်ကြည့်ပြီး မဲ့ပြုံး ပြုံးတယ်။ သူ့သားက ရှုံးသွားတာကိုး။ မခံချင်ဘူး မဟုတ်လား လို့ ကိုယ့်ဘာသာကိုယ် တွေးမိသား။ အခန်းထဲက ထွက်သွားတဲ့ ဖေဖေဟာ မကျေမချမ်းနဲ့ အဂ္ဂါ့ကို တပြီး အင်း … သည်ကောင်လေးတော့ ပညာတတ်ကြီး ဖြစ်ဦးမယ် မထင်ပါဘူး။ လို့ ရေရွတ် သွားတာ ကြားလိုက် မိတယ်။ ယင်းမာကတော့ အဲသည်အချိန်က စ လို့ ယောင်္ကျားလေး နဲ့ မိန်းကလေးဆိုတာ ပညာသင်ဖို့ ဥာဏ်ရည် အခြေခံချင်း အတူတူပါပဲ။ ကြိုးစားမှုနဲ့ပဲ ကွာသွားမှာ လို့ သဘောပေါက် လိုက်ပါတယ်။

တရုတ်လူမျိုးတွေရဲ့ စိတ်ထဲမှာ ပညာရေးဆိုတာ အရေးကြီးတဲ့ အခန်းကဏ္ဍက ပါတယ် လို့ သဘောပေါက်အောင် ခေါင်းထဲကို ရိုက်သွင်း ပေးခဲ့တာကတော့ လွန်ခဲ့တဲ့ နှစ်ပေါင်း   နှစ်ထောင်ကျော် ကတည်းက ပါပဲ။ သမိုင်းဆရာကြီး စီမာချန်ရဲ့ ရှီဂျီ ရာဇ၀င်ကျမ်း ထဲမှာပေါ့။ စစ်သူကြီးလျူဘန် ရဲ့ အမြှော်အမြင် ကြီးလှသော အကြံပေး အရာရှိကြီး နှစ်ဆူ ကို ဥပမာပေးပြီး အလွန် စိတ်ဝင်စားစရာ ကောင်းတဲ့ ဇာတ်လမ်းကလေးနဲ့ ပျိုးသွားတယ်။ ပေါသွပ် နဲ့ ချန်းလျန် တဲ့။

ပေါသွပ်ဆိုတာက တို့ မြန်မာ ကာတွန်းထဲက သမိန်ပေါသွပ်လို ထင်သလိုနေ ထင်သလိုပြော လို့ ပေါတောတောနဲ့ရယ်လို့ အများက သတ်မှတ်ထားတဲ့ ဆရာကြီး ဦးလူပေါ (Mad Master) ကို ပြောတာပါတဲ့။ နံမယ်ရင်းကတော့ လီရှီဆီ လို့ ခေါ်တယ်။ အခု ဟီနန်ပြည်နယ် ခိုင်ဖုန်းမြို့ က လာတယ် ဆိုပဲ။ စာတတ်ပေတတ် ပညာရှိပဲ။ အချိန်ရှိသရွေ့ ရေးကာဖတ်ကာ ကုန်လွန်တယ်။ ဒါပေမယ့် ဘယ်သူကမှ   မြှောက်စားလို့ မရဘူး။ ထင်ရာစိုင်းတတ်၊ ဘုဘောက် ကျတတ်၊ ခွကျတတ် လွန်းလို့။ တကယ်တော့ ရူးတာ နဲ့ ထူးတာဆိုတာ ခပ်ပါးပါးကလေးပဲ ကွာတာ မဟုတ်လား။ သူကတော့ ထူးလည်း ထူးတယ် ရူးလည်း ရူးတယ် တို့ကိုကြီးကျော် လို့ ဆိုရမယ်။ မူးမူးရူးရူးနဲ့ ပေါက်ပန်းဈေးတွေ လျှောက်လျှောက် ပြောတာနဲ့တင် ခဏခဏ ကွာတားချ ခံရပြီး သူ့ခမျာ တံခါးစောင့် ရာထူးက မတက်တော့ဘူး။

စစ်သူကြီးလျူဘန်က သူတို့မြို့တံခါးဝကို ရောက်လာတဲ့ အခါ ခြေခင်းလက်ခင်းနဲ့ စစ်ရေးဗျူဟာ အချက်အချာကျကျ တည်နေပုံကို သတိထားမိပြီး မြို့ပြင် မလှမ်းမကမ်း ကနေ တပ်စွဲလို့ အကဲခတ် နေသတဲ့။ လျူဘန်တို့ တပ်ထဲက အရာရှိ တစ်ယောက်ဟာ မြို့ထဲက ဆွေမျိုး သားချင်းများ ရှိရာ သွားလည်တဲ့ အခါ ဆရာပေါသွပ် နဲ့ သိကျွမ်း သွားတော့ ဟိုက “ငါ့တံခါးဝမှာ အရာရှိ၊ မင်းမှုထမ်းပေါင်း များစွာကို မြင်ခဲ့ဖူးပေါင်း မနည်းတော့ဘူး။ လျူဘန့်လောက် ခန့်ခန့်ညားညား သြဇာ ထည်ထည်ဝါ၀ါ မတွေ့ဖူးဘူး။ ငါ့ကို သူနဲ့ မိတ်ဆက် ပေးစမ်းပါ။” လို့ ပူဆာသတဲ့။ “ကောင်းပြီလေ။ ဒါပေမယ့် သူ့ရှေ့ရောက်ရင် ကွန်ဖြူးရှပ်စ် တပည့်လို့တော့ မပြောမိစေနဲ့။ သူက အဲဒီ လူတွေ   မြင်ရင် ကြည့်မရဘူး။ ခေါင်းပေါ်က ဦးပေါင်းပြားကလေးတောင် ဆွဲဆွဲဖြုတ်တာ   မြင်ဖူးတယ်။” လို့ သေသေချာချာ မှာသတဲ့။

သူများသာ မှာလို့ရမယ်။ ပေါသွပ်ကို ဒါမျိုး လာမှာလို့တော့ ရစရာလား။ သေသေချာချာ ကိုပဲ ကွန်ဖြူးရှပ်စ် ကျောင်းဝတ်စုံကို အပြည့်အစုံ ၀တ်ဆင်ပြီး တဲနန်းမှာ တံခါး သွားခေါက်တာပေါ့။ ဘူလေးလဲ လို့ မေးတဲ့အခါ အပေါက်စောင့်ကလည်း စာသမား ပေ သမား တစ်ယောက်ပါ လို့ပဲ ပြောရတာပေါ့။ “မအားဘူးလို့ ပြောလိုက်” ဆိုတာ လျူဘန့် အလွန်တော့ မရှိပါဘူး။ သူ့ခမျာ အားမော့ အားမော့ လုပ်မလို့ ထိုင်း မာဆပ် သမကလေး နှစ်ယောက်နဲ့ ခြေထောက်ကလေးက စ လို့ ရေနွေး စိမ်နေတုန်း ရှိသေးတာ။ အထဲက လူက မတင်းရသေးခင် အပြင်က ဆရာပေါသွပ်က တင်းသွားပြီး ဓါးရှည်ကို ဆွဲထုတ်တော့ မလိုဟန်နဲ့ “အထဲက ကောင်ကို ပြောလိုက်စမ်း၊ ငါ စာပေသမား မဟုတ်ဘူး။ အရက်သမားကွ။ သိက္ခာ လာမချနဲ့။” လို့ အော်လိုက်ပါတယ်။ လျူဘန်က   ခြေထောက် ပြောင်အောင်သုတ်၊ လှံရှည်ကို လက်ထဲမှာ ကိုင်ထားရင်း “၀င်ခဲ့” လို့ ပြန် အော်လိုက်တဲ့ အခါ ပုဏ္ဏားများလို လက်ကလေး နှစ်ဘက် ပင့်ကာပင့်ကာ နဲ့ ခါးမညွှတ်ပဲ ၀င်လာသူ သုခမိန်ကြီးကို တွေ့ရပါသတဲ့။

“စစ်သူကြီးမင်းဟာ ချင်အင်ပါယာ ဘက်ကနေ ခုခံ တော်လှန်သူတွေကို ချေမှုန်း မလို့လား။ ခုခံ တော်လှန်သူတွေ ဘက်ကနေ ချင်အင်ပါယာကြီးကို ချေမှုန်းမလို့ ကြိုးစားမှာလား။”

“ရူးများ ရူးနေသလား။ မိုးအောက်မြေပြင် တခွင်လုံး စစ်သူကြီးလျူဘန်ဟာ ချင်အင်ပါယာကို နှိမ်နှင်းဖို့ ပြည်ထောင်နယ်စား အားလုံးကို ဦးဆောင် နေတယ် ဆိုတာ လူတိုင်း သိတယ်။”

“ဒါဆိုလဲ ဘာဖြစ်လို့ ချင် မူးမတ်တွေ လုပ်လေ့ ရှိသလို လူတစ်ယောက်ကို အပြင်ပန်း အမြင်နဲ့ အကဲခတ် နေတာလဲ။ ခင်ဗျားကမှ ကျုပ်ထက်တောင် ပိုရူး သေးတာပေါ့။ ဒီလိုနည်းနဲ့ စစ်မှန်တဲ့ အရည်အချင်း ရှိသူတွေကို ရှာလို့ ရရိုးလား။ ဒီကနေ့ ခင်ဗျား ကျုပ်ကို လက်ခံ စကား မပြောခဲ့မိရင် အမှားကြီး မှားလိမ့်မယ်နော်။ ရုပ်ကြည့်ရတာ ကိုယ့်ထက် သက်ကြီး ၀ါကြီး တွေ့လို့မှ အရိုအသေ ပေးတတ်ပုံ မပေါ်ဘူး။”

ဒီစကားကို ကြားလိုက်တဲ့အခါ လျူဘန်က ကောင်မလေး နှစ်ယောက်ကို ပြန်ပို့ ခိုင်းလိုက်ပြီး ကိုယ်လက် သုတ်သင်လို့ ဆရာကြီးပေါသွပ်ကို ကုန်းရှိ ကုန်းရှိ လုပ်ပြီး အကောင်းဆုံး အရက် စားသောက်ဖွယ်ရာ တွေနဲ့ ညဥ့်နက်သန်းခေါင် တိုင်အောင်   ထွေရာလေးပါး ဆွေးနွေး နာကြားပါတယ်။

“လောလောဆယ်မှာ ဗိုလ်မင်းတို့ တပ်က စစ်သည် တစ်သောင်းတောင် မပြည့်ချင်ဘူးဗျ။ ပြီးတော့ စစ်တပ်ဆိုတဲ့ နံမယ်သာ ရှိတာ။ စစ်ပညာ စစ်စည်းကမ်း ကျကျနန သင်ထား ဖူးတဲ့သူ တစ်ယောက်တောင် မပါဘူး။ ဂျောင်ကုန်းကုန်းကြီး နန်းတော်က တပ်က လက်နက် အပြည့်အစုံ၊ ကျင့်သား ရပြီးသား၊ အတွေ့အကြုံ ရှိပြီးသား အစကတည်းက စစ်သားအဖြစ် အသက်မွေး နေကြတဲ့ သူတွေ။ ရှန်းယန်မြို့တော်ကို ခုချိန် ခင်ဗျား သွားတိုက်လို့ကတော့ ကျားခံတွင်းထဲ လည်စင်း ပေးသလို နေလိမ့်မယ်။ အရေး ကြီးတာက ခိုင်မာတဲ့ အခြေချ စစ်စခန်း တစ်ခုကနေ လေကျင့် သင်ကြားစရာတွေ အများကြီး ရှိသေးတယ်။ ဟောဒီ ချင်လျူမြို့ကတော့ အသင့်တော်ဆုံး၊ အကွက်အကွင်း လည်း အကျဆုံး။ သွားရေးလာရေးလည်း လွယ်ကူတဲ့ လမ်းဆုံမှာ ရှိတယ်။ စားရေရိက္ခာလည်း ဖူလုံတယ်။ ကံကောင်းချင်တော့ ချင်လျူမြို့ဝန်နဲ့ ကျုပ်နဲ့ သိတာ မကြာသေးဘူး။ ဗိုလ်မင်းဆီမှာ လက်နက်ချ ခိုလှုံဖို့ တိုက်တွန်း ပေးမယ်။ သူက သဘောမတူဘူး ဆိုတော့လည်း ဗိုလ်မင်းက အပြင်က တိုက်၊ ကျုပ်က အတွင်းက မြို့တံခါးတွေ ဖွင့်ပေးမယ်။ ကြက်ကလေး ငှက်ကလေး ဖမ်းသလောက်ကို လွယ်မှာ။”

ဆရာပေါသွပ်ဟာ အပြောသမား သက်သက်တော့ မဟုတ်ပါဘူး။ သူ့အကြံဥာဏ် အကူအညီနဲ့ စစ်သူကြီးလျူဘန်ဟာ မြားတစ်စင်းမကုန်၊ စစ်သည်တစ်ယောက် အထိအခိုက် မရှိပဲ ချင်လျူမြို့ ကို အလွယ်တကူ သိမ်းပိုက် နိုင်ခဲ့ပါတယ်။ အဲဒီက စလို့ ဆရာပေါသွပ်ကို စစ်ဗျူဟာ အကြံပေး ခန့်လိုက်ပြီး ဆရာပေါသွပ် ညီကလေးကိုလည်း ချင်လျူတပ်မှူး ခန့်လိုက်သတဲ့။

စစ်အင်အားတွေ ဖြည့်တင်း လေ့ကျင့်ရင်း လျူဘန်ဟာ အနောက်ဘက်က ဆင်ခြေဖုံး မြို့ကလေးတွေကို တစတစ သိမ်းသွင်း သွားပါတယ်။ ချင်စစ်တပ်နဲ့ ထိပ်တိုက် ရင်ဆိုင်ရခြင်း မရှိအောင် သတိကြီးစွာ ထားလို့ ကွေ့ကာ ရှောင်ကာ ချီလာတဲ့ လျူဘန်တို့ တပ်ကြီးဟာ ရှန်းယန်မြို့တော် ရောက်လုလု လမ်းခုလတ်မှာ မိတ်ဟောင်း ဆွေဟောင်း စစ်ဗျူဟာ ကျွမ်းကျင်သူ ဆန်းလျန် နဲ့ ပြန်ဆုံမိပါတယ်။ အဲဒီခေတ်တုန်းက အုပ်ချုပ်သူ ရှင်ဘုရင်တွေမှာ စစ်မက်ရေးရာနဲ့ ပတ်သက်လို့ အကြံပေး ဆွေးနွေးစရာ ကျွမ်းကျင်သူ ပညာရှင်တွေ ခန့်ထားလို့ တိုင်ပင် ဆွေးနွေးလေ့ ရှိသတဲ့။ သူတို့က ကိုယ်တိုင်တော့ စစ်တိုက်နိုင်တဲ့ သူတွေ မဟုတ်ပါဘူး။ ဒါပေမယ့် စာပေကျမ်းဂန် အထောက်အထားတွေ ကနေ၊ စစ်ပွဲ မှတ်တမ်း မှတ်ရာတွေ ကနေ၊ ပုံပြင်ဒဏ္ဍာရီ သမိုင်းကြောင်းတွေကနေ သင်ကြား မှတ်ယူလို့ အကြံကောင်း ဥာဏ်ကောင်းများ ပေးလေ့ ရှိသတဲ့။ ဆန်းလျန်ဆိုတာ ဟန်နိုင်ငံက အဲသည်လို စစ်ရေးဗျူဟာ အကြံပေး တစ်ယောက်ပါ။

တကယ်တော့ ဆန်းလျန်ဟာ လူသစ်တစ်ယောက် မဟုတ်ပါဘူး။ ပထမမြောက် ဧကရာဇ်ကို ခဲလောင်ချာနဲ့ ပစ်ပြီး လုပ်ကြံတာ ရထားချင်း မှားသွားလို့ အရေးမအောင်ပဲ စတေး ရှောင်နေရတဲ့ ဟန်လူငယ်ကလေး ဆိုရင် မှတ်မိကြဦးမယ် ထင်ပါရဲ့။ သူတို့မျိုးရိုး ငါးဆက်လောက်ကတည်းက ဟန်ဘုရင်မင်းမြတ် အပါးမှာ ခစားခဲ့ရတဲ့ မူးကြီးမတ်ရာ   ဖြစ်ခဲ့တာ ချင်နိုင်ငံရဲ့ လက်အောက်ကို ကျရောက်သွားတဲ့ အထိ တိုင်အောင် ပါပဲတဲ့။ သူ့ခေါင်းကို ဆုငွေ ထုတ်ထားလို့ စာအုပ်အသစ် လုပ်ပြီး ချူနိုင်ငံထဲမှာ လှည့်ပတ် တိမ်းရှောင် နေရတဲ့ ဆန်းလျန်ဟာ တနေ့တော့ တံတားကလေး တစ်ခုပေါ်မှာ ငိုင်နေတုန်း စုတ်စုတ်ပြတ်ပြတ် အဖိုးကြီးတစ်ယောက်က စီးလာတဲ့ ဖိနပ်ကို တမင် ပစ်ချလိုက်ပြီး “ဟေ့ကောင် ငါ့ဘိနပ် သွားကောက် ပေးစမ်း။” လို့ ခိုင်းသတဲ့။ လူကြီးသားဗီဇက ထောင်းကနဲ ပြန်ပေါ်လာပြီး “ငါ တယ် … ကားနဲ့တိုက်သတ် ပလိုက်ရ။” လို့ တွေးမိ ပေမယ့် ပိန်ညော်ချိနဲ့ နေတဲ့ အဖိုးကြီးကို မြင်တဲ့အခါ သနားသွားပြီး ကိုယ်တိုင် ဆင်းကောက် ပေးလိုက်ပါတယ်။ အဖိုးအို ပိန်ညောင်က ကမ်းပေးတဲ့ ဘိနပ်ကို မယူပဲ ခြေထောက်ကလေး ဆင်းလို့ “စီးပေးဦးမှပေါ့။” လို့ ဆိုပြန် ပါတယ်။ ကဲ ခုမှတော့ မထူးတော့ပါဘူးလေ။ သည်းခံလက်စနဲ့ ကိုယ်တိုင်ပဲ ဒူးထောက်လို့ ဘိနပ်ကလေး စီးပေးတဲ့ အခါ ဒီသူငယ်တော့ ပညာတတ်ကြီး ဖြစ်ဦးမှာ။ လို့ ပြုံုးပြုံးကြီး ဆိုသတဲ့။ "Ru zi ke jiao." (This boy is worth educating.) “ဒါမှ သင်ရကျိုး နပ်တဲ့ တပည့်” လို့ လည်း အနက်ပြန်လို့ ရပါတယ်။ “နောက် ငါးရက် ကြာရင် ဒီနေရာကို မနက်စောစော ရောက်အောင် လာခဲ့။” လို့ မှာသွား ပါတယ်။ ဒါပေမယ့် နောက် ငါးရက် ကြာလို့ တံတားကို ပြန်လာတဲ့အခါ သူ့ထက် အရင် ရောက်နေတဲ့ အဘိုးအိုက နောက်ကျ တဲ့အတွက် မြည်တွန် တောက်တီးပြီး နောက်ငါးရက်နေမှ ပြန်လာဖို့ ချိန်းပြန်ပါတယ်။ သည်တခါတော့ မနက်မိုးလင်း ကြက်တွန်သံ ကြားကတည်းက အပြေးသွားလည်း အမြဲနောက်ကျတဲ့ မျိုးကျော့မြိုင်ကြီးလို ရထား ထွက်သွားတာနဲ့ ချည့် ကြုံရ ပြန်တယ်။   နောက်ဆုံး ညကတည်းက မအိပ်ပဲ ထိုင်စောင့်မယ် ဆိုတော့မှ လက်မတင်ကလေးပဲ ဦးသွားတာ တဲ့။ “ပညာတတ်ချင်တဲ့ သူ ဆိုတာ အဲသလိုပဲ ဖြစ်နေရ မပေါ့။” လို့ ပြောပြီးမှ စာအုပ်ကလေး တစ်အုပ် ထုတ်ပေးပြီး “ဒီစာအုပ်ကို သေသေချာချာ လေ့လာထားရင် တနေ့မှာ မင်း ဆရာ ဖြစ်လာ လိမ့်မယ်။ ငါထင်တာ မမှားဘူး ဆိုရင်တော့ မကြာခင် ပြောင်းလဲမှုတွေ အကြီးအကျယ် ဖြစ်လာပြီးရင် ဒီစာအုပ်ထဲက ပညာတွေဟာ မင်းအတွက် အဖိုးမဖြတ်နိုင်အောင် အသုံးဝင် လာလိမ့်မယ်။” လို့ ပြောသွားပါတယ်။

နောက်တနေ့မနက် ကျမှ သေသေချာချာ ကြည့်လိုက်တော့ အဲဒါ နှစ်ပေါင်းများစွာ   ပျောက်ကွယ်နေတဲ့ တိုင်ကောင်း ရဲ့ သေနင်္ဂဗျူဟာ စစ်ပညာကျမ်းကြီး ဖြစ်နေ သတဲ့။ ချောက်ထဲ ကျသွားပြီးရင် သိုင်းကျမ်းကြီး တွေ့လေ့ရှိတဲ့ တရုတ်ဝတ္ထုတွေ ထဲကလိုပဲ ဆန်းလျန်လည်း အဲသည် စာအုပ်တစ်အုပ်တည်း အမြီးပြန် ခေါင်းပြန် လေ့လာ ပြီး ဆရာကြီး တစ်ဆူ ဖြစ်လာသတဲ့။ ဘယ် ရှင်ဘုရင်ကို ဆရာ လုပ်ရပါ့မလဲ ဆိုတဲ့လူနဲ့ ဘယ်သူ့ကို ဆရာတင်ပြီး ရှင်ဘုရင် လုပ်ရပါ့မလဲ ဆိုတဲ့ လူနှစ်ယောက် တွေ့ကြတဲ့ အခါ ဘော်ဒါဘော်ချက်တွေ ဖြစ်သွားပြီးမှ သူ့ ဟန်နိုင်ငံ လွတ်မြောက်ရေး အတွက် ဟန်မြို့တော်ကို တက်သိမ်း ပါတယ်။ ချက်ချင်း ဆိုသလို ချင်တပ်တွေက ပြန် ထိုးစစ် ဆင်လာတဲ့ အခါ လျူဘန့်တပ်တွေနဲ့ ပူးပေါင်း လိုက်ပါတယ်။ အဲသည် တိုက်ပွဲမှာ ချင်စစ်သူကြီး ယန်ကျောင်း ကိုတောင် လက်လွတ် ထွက်ပြေးအောင် တိုက်ထုတ် လိုက်တဲ့အခါ ချင်ဧကရာဇ်တို့ ဘက်က အထူးဆက်သား တမန်လွှတ်ပြီး လိုက်လံ ကွပ်မျက် စေတဲ့ အတွက် ချင်စစ်သူကြီးတွေ ဘက်မှာ ဘုရင်ကို အကြည်ညို ပျက်လာတာပေါ့။ အဲလို စည်းလုံးမှု ပြိုကွဲလာတာ အခွင့်ကောင်း ယူလို့ တစ်မြို့ပြီး တစ်မြို့ သိမ်းကာ ဟန်နိုင်ငံကို ဆန်းလျန် လက်ထဲ ပြန်ထည့် ပေးနိုင် လိုက်ပါတယ်။ တစ်အပေါင်း တစ်ထက် သာတဲ့ သူတို့နှစ်ယောက် ပူးပေါင်းမှုဟာ အနောက်ဘက် ရှန်းယန်မြို့ဆီကို ဆက် ချီကြ ပြန်ပါတယ်။

Credit to Dr Soe Min & Dr Yin Mar