29.11.2012 နေ့ဖတ်ရန်သတင်းများ

by Myanmar Journal on Wednesday, November 28, 2012 at 7:39pm ·

လက်ပံတောင်း တောင် သပိတ် စခန်း လူစု ခွဲခံရ

လက်ပံတောင်း တောင် သပိတ် စခန်း ၆ ခု အနက် ဝမ်ပေါင် ကုမ္ပဏီ ရုံးရှေ့က သံဃာ တွေရဲ့ သပိတ် စခန်းကို ကြာသပတေး နေ့ မနက် ၃ နာရီက စပြီး မျက်ရည်ယိုဗုံး ပစ်ခတ်ပြီး ရိုက်နှက် လူစု ခွဲခဲ့ပါတယ်။

သံဃာတော် ၆ ပါး လောက်ကို ရိုက်နှက် ဖမ်းဆီး ခေါ်ဆောင် သွားတယ်လို့ အဖမ်း ခံရတဲ့ သံဃာ တော် တပါးက ဘီဘီစီကို ပြောပါတယ်။

ကျန်တဲ့ တောင်ခြေ စခန်း တွေကိုလဲ ဝင်ရောက် ဖြိုခွဲ ရာမှာ လူ တရာကျော် ထွက်ပြေးတိမ်းရှောင် ခဲ့ရတယ်လို့ ပါဝင် လှုပ်ရှားသူ ဝိဇ္ဇာ သိပ္ပံ ကွန်ယက်က ကိုသောင်းထိုက်က ပြောပြပါတယ်။

လက်ပံတောင်း ကြေးနီ စီမံကိန်း ရပ်ဆိုင်းဖို့ သပိတ်စခန်း ၆ ခုကို လုံထိန်း တပ်ဖွဲ့တွေက အကြမ်းဖက် ဖယ်ရှားရာမှာ နောက်ဆုံး ကျန်တဲ့ လက်ပံတောင်း တောင်ပေါ်က လယ်တီ ဆရာတော်ရဲ့ သာသနာ့ မြေမှာ ဖွင့်ထားတဲ့ သပိတ်စခန်း ကိုလည်း လုံထိန်း တပ်ဖွဲ့တွေ ဝင်စီးပြီး ဒေသခံ လယ်သမားတွေကို ဖယ်ရှားခဲ့တယ်လို့ သိရပါတယ်။

ဆန္ဒပြနေတဲ့ အဖွဲ့အစည်း အားလုံး အင်္ဂါ နေ့ ည ၁၂ နာရီ နောက်ဆုံး ထား မဖယ်ရှားရင် ဖွဲ့စည်းပုံ အခြေခံ ဥပဒေနဲ့ အညီ တည်ဆဲ ဥပဒေတွေ အတိုင်း အဆင့်ဆင့် ဖြေရှင်းမယ်လို့ အင်္ဂါ နေ့ညက ပြည်ထဲရေး ဌာနက သတိပေးချက် ထုတ်ခဲ့ပါတယ်။

သပိတ် စခန်းတွေ ဖယ်ဖို့ ကြေညာချက်ထုတ်

ကြေးနီ စီမံကိန်း ဖျက်သိမ်းရေး သပိတ်မှောက်(ဓာတ်ပုံ မုံရွာ ဗကသ)

သတိပေး တားဆီးမှု တွေ ရှိနေတဲ့ ကြားက လက်ပံတောင်းတောင် ကြေးနီ စီမံကိန်း ဖျက်သိမ်းရေး ဆန္ဒပြ သပိတ်သမား တွေက ဆက်ပြီး သပိတ်မှောက်မယ်လို့ ပြောပါတယ်။

ပြည်ထဲရေး ဝန်ကြီးဌာနက အင်္ဂါ နေ့ ညနေက ထုတ်ပြန်တဲ့ ကြေညာချက်မှာ ကြေးနီ စီမံကိန်း အကျိုး သက်ရောက်မှုနဲ့ လူထု သဘောထား တွေကို ပြည်သူ ယုံကြည်ကိုးစားတဲ့ ပုဂ္ဂိုလ်များ၊ ပြည်တွင်းပြည်ပ ပညာရှင် များ၊ အဖွဲ့အစည်းများ ပါဝင်တဲ့ လွတ်လပ်တဲ့ နိုင်ငံတော် အဆင့် ကော်မရှင် ဖွဲ့စည်း သွားမယ်လို့ ပြောပါတယ်။

အဲဒီလို ကော်မရှင်ကနေ လွတ်လပ်စွာ စစ်ဆေးနိုင်ဖို့ ဆန္ဒပြနေတဲ့ အဖွဲ့အစည်း အားလုံး အင်္ဂါ နေ့ ည ၁၂ နာရီ နောက်ဆုံး ထား ဖယ်ရှားဖို့ ၊ မဖယ်ရှားရင် ဖွဲ့စည်းပုံ အခြေခံ ဥပဒေနဲ့ အညီ တည်ဆဲ ဥပဒေတွေ အတိုင်း အဆင့်ဆင့် ဖြေရှင်းမယ်လို့ သတိပေး ထားပါတယ်။

ဒါပေမယ့် ည ၁၂ နာရီကျော်ခဲ့ပေမယ့် သပိတ်စခန်း ၆ ခုမှာရှိတဲ့ သံဃာ အပါး ၅၀၀ ကျော်နဲ့ လူ ထောင်ဂဏန်းလောက်ဟာ စခမ်းတွေက မခွာကြဘူးလို့ ပြောပါတယ်။

ညပိုင်းမှာ လုံခြုံရေးတွေက ကြေငြာချက်တွေကို အသံချဲ့စက်နဲ့ ဖတ်ပြတာ၊ ဖယ်ရှားဖို့ ပြောတာတွေ ရှိပေမယ့် မနက်လင်းအားကြီး ပိုင်းမှာတော့ လုံခြုံရေးတွေ သိပ်မတွေ့ရတော့ဘူးလို့ ကျော်ရွာ သပိတ်စခန်းမှာရှိတဲ့ ကိုဝင်းကျော့မှူးက ပြောပါတယ်။

ညပိုင်း ရဲတွေ လာပြောတဲ့အချိန်မှာ သံဃာတော်တွေက မေတ္တာသုတ် ရွတ်နေခဲ့ကြတယ်လို့ သူက ပြောပါတယ်။

လက်ပံတောင်း တောင်ခြေ သပိတ်စခန်းမှာရှိနေတဲ့ မုံရွာကျောင်းသားသမဂ္ဂက ကိုသောင်းထိုက်ကလည်း ဆန္ဒပြသူ အားလုံးဟာ ကြေးနီစီမံကိန်းတွေ ရပ်ပေးမှပဲ သပိတ်မှောက် ဆန္ဒပြတာတွေ ရပ်နားနိုင်မှာ ဖြစ်တယ်လို့ ပြောပါတယ်။

ရန်ကုန် မြို့မှာလည်း တနင်္လာနေ့ က ကြေးနီ စီမံကိန်း ရပ်စဲရေး ဆန္ဒပြမှု တွေ ပေါ်ပေါက်ခဲ့ပြီး ဦးဆောင် ပါဝင်ခဲ့သူ တွေကို ဖမ်းဆီး အရေးယူမှု တွေ ရှိနေတယ်လို့ သိရပါတယ်။

လက်ပံတောင်းအရေး နောက်ဆုံး အခြေအနေ

သတိပေး တားဆီးမှု တွေ ရှိနေတဲ့ ကြားက လက်ပံတောင်းတောင် ကြေးနီ စီမံကိန်း ဖျက်သိမ်းရေး ဆန္ဒပြ မှုတွေ ဆက်ပြီး ဖြစ်ပေါ်နေပါတယ်။

ဗုဒ္ဓဟူးနေ့ နေလည်ပိုင်း ၃ နာရီခန့်က သပိတ်စခန်း ၆ ခုထဲက တခုကို ရဲအင်အားတွေ တိုးချပြီး ထိုးဖောက် ဝင်ရောက်ဖို့ ကြိုးစား မှုတွေ ရှိခဲ့တယ်လို့ သပိတ်ပွဲဝင် သံဃာ တပါးက ပြောပြခဲ့ပါတယ်။

ရန်ကုန် မြို့မှာလည်း တနင်္လာနေ့ က ကြေးနီ စီမံကိန်း ရပ်စဲရေး ဆန္ဒပြမှု တွေ ပေါ်ပေါက်ခဲ့ပြီး ဦးဆောင် ပါဝင်ခဲ့သူ ၆ ဦးကို ဖမ်းဆီး အရေးယူမှု တွေ ရှိနေတယ်လို့ သိရပါတယ်။

အခုလို ထိပ်တိုက် ရင်ဆိုင်နေမှု တွေနဲ့ သပိတ်မှောက် မှုတွေ ဆက်တိုက် ဆိုသလို ဖြစ်ပေါ်နေမှု တွေဟာ ပြုပြင် ပြောင်းလဲရေးတွေ လုပ်နေတဲ့ မြန်မာ အစိုးရ အတွက် စမ်းသပ်မှုတွေ အဖြစ် အများက သုံးသပ် နေကြပါတယ်။

မြန်မာပြည်က စပစ်ဖိုင်းယားတွေကို တူးတော့မယ်

မြန်မာပြည်မှာ မြှုပ်ထား ခဲ့ကြတဲ့ စပစ်ဖိုင်းယား လေယာဉ်တွေ ဒီလို ပျံသန်းတော့မလား။

ဒုတိယ ကမ္ဘာစစ် အတွင်း က မြန်မာနိုင်ငံ က နေရာတချို့မှာ မြှုပ်နှံ သိမ်းဆည်းထားခဲ့တဲ့ ဗြိတိန်လုပ် စပစ်ဖိုင်းယား တိုက်လေယာဉ် တွေ ကို ဗြိတိန် က ရှေးဟောင်းသုတေသန အဖွဲ့တွေ ရှာဖွေနေကြရာမှာ တူးဖော်ရှာဖွေတဲ့ အဆင့်ကို နောက်နှစ်ကြရင် စတင်တော့မယ် လို့ သူတို့ က ထုတ်ဖော်ပြောပါတယ်။

လေယာဉ်တွေ ရှိနိုင်တယ် လို့တွက်ဆ ကြတဲ့ နေရာ တချို့ ထဲက သူတို့ ထုတ်ဖော် ပြောတဲ့ တနေရာ က တော့ မင်္ဂလာဒုံ တဝိုက်မှာ ရှိတဲ့ အရင် ဗြိတိသျှ လေတပ် စခန်းဟောင်း နေရာ ဘက်မှာ ဖြစ်ကြောင်း ရှာဖွေရေး အဖွဲ့မှာ ပါဝင်တဲ့ ဘူမိရူပဗေဒ ပညာရှင် ဒေါက်တာ ရောဂျာ ကလပ် က ပြောပါတယ်။

သူတို့ ဘယ်လောက်သေချာနေပြီလဲဆိုတာ ကို မေးတော့ ဒေါက်တာ ကလပ်က ဖြေကြားရာမှာ အဲဒီ လေတပ် စခန်းဟောင်း နေရာတခု ရဲ့ မြေကြီး အောက်မှာ သတ္တု တွေ ရှိတာ ကတော့ ဖြစ်နိုင်ကြောင်း၊ သူတို့ သတ္တု စမ်းသတ်ရှာဖွေရေး ကရိယာတွေနဲ့ စမ်းသပ်ကြည့်တော့ အဲဒီလို တွေ့ခဲ့ ရကြောင်း၊ နောက်ပြီး ဘူမိဗေဒ သဘော အရ ဒီလိုမြေကြီး နေရာမှာ ဒီလိုသတ္တု မျိုးတွေ မရှိနိုင်ဘူး လို့လည်း ပြောပါတယ်။

သေချာပြီလား ဆိုတာ ကတော့ တူးပြီး ဖော်ကြည့် တော့မှ အသေအချာ သိနိုင်မှာဖြစ်ကြောင်း၊ ဗြိတိန် ဘုရင့်လေတပ် ကမှတ်တမ်းတွေ နဲ့ မျက်မြင် သက်သေ တွေရဲ့မှတ်တမ်းတွေ အရ ဒီနေရာမှာ လေယာဉ်တွေ ရှိနိုင်တယ်လို့ ဆိုပါတယ်။

ဒီစပစ်ဖိုင်းယား လေယာဉ်တွေ တူးဖော်ရှာဖွေရေး အဖွဲ့ကို ဉီးဆောင်သူကတော့ မစ္စတာ ဒေးဗစ် ကန်ဒဲလ် ပါ။

သူတို့က စပစ်ဖိုင်းယား လေယာဉ် အနည်းဆုံး အစင်း ၆၀ လောက် မြန်မာပြည် မှာ ရှိမယ်လို့မှန်းထားပြီး အဲဒီထဲ ကအစင်း ၃၀ ကျော် လောက်တောင် ဒီမင်္ဂလာဒုံ ဘက်မှာ ရှိနိုင်တယ် လို့ ဒေါက်တာ ရောဂျာ ကလပ် က ဆိုပါတယ်။

မျက်မြင်သက်သေ တွေဆီက သိရှိ ထားတာနဲ့၊ ဗြိတိန် ဘုရင့်လေတပ်က မှတ်တမ်း တွေအရ အဲဒီ နေရာမှာ စပစ်ဖိုင်းယား ၁၂ စင်း ရှိနိုင် တယ်လို့ ဆိုပါတယ်။

ဒါပေမယ့်နောက်ထပ် မှန်းဆချက် တွေ အရ လေယာဉ် ၃၅ စင်း ၃၆ စင်း လောက်တောင် ရှိနိုင်တဲ့ အကြောင်း တွက်ဆထားကြ တယ်လို့လည်း ဆိုပါတယ်။

ဒီလေယာဉ် တွေ ဟာ ပျံသန်းနိုင်မယ့် အခြေအနေ ထိတောင် ရှိမယ်လို့တောင် တွက်ဆ ထားကြတဲ့ အကြောင်းကို ပြောကြားသွား ခဲ့ပါတယ်။

အခု တူးဖော်မှု အတွက် ကုန်ကျ စားရိတ် က အမေရိကန် ဒေါ်လာ ၂ သိန်း ၁သောင်း ကျော် လောက် ကုန်မယ်လို့ မှန်းထား ကြပြီး တကယ်လို့သာ လေယာဉ်တွေ ရှာတွေ့မယ် ဆိုရင်တော့ အကျိုးအမြတ် များမယ်လို့ တွက်ဆ ခန်းမှန်း ထားကြပါတယ်။

စစ်ရာဇဝတ်မှုတွေ အာဂျင်တီးနား ကြားနာ

စစ်အရာရှိဟောင်းကြီးတွေ အမှု ရင်ဆိုင်နေရ

၁၉၇၆ ခုနှစ်က ၁၉၈၃ ခုနှစ် အတွင်း အာဂျင်တီးနား စစ်အစိုးရ ခေတ်က ကျူးလွန် ခဲ့တဲ့ ရာဇဝတ်မှု တွေ အတွက် အာဂျင်တီးနား ဖက်ဒရယ် တရားရုံးက အကြီးဆုံး ကြားနာမှု ကြီး စတင် နေပြီ ဖြစ်ပါတယ်။

လူ ၆၈ ယောက်ကို ပြန်ပေးမှု၊ ညှဉ်းပန်း နှိပ်စက်မှု စစ်တပ်ထဲက လက်ဝဲ အတိုက်အခံ တွေကို သတ်ဖြတ်မှု တွေ အပါအဝင် စွဲချက် တရာ ကျော်နဲ့ စွဲဆို ထားတာ ဖြစ်ပါတယ်။

စစ်အစိုးရ ခေတ်က ပျောက်ဆုံး သွားတဲ့ ကလေး သူငယ် သားကောင်များ လှုပ်ရှားမှုက Carlos Pizzoni ကလဲ ရေတပ် စက်မှုကျောင်း က လူမဆန်တဲ့ ရာဇဝတ်မှု တွေ အတွက် တရားခွင်ကို စခဲ့နိုင်ပြီမို့ အာဂျင်တီးနား ပြည်သူ တွေ အားလုံး အတွက် အင်မတန် အရေးကြီးတဲ့ နေ့ပါလို့ ပြောဆို သွားပါတယ်။

ကြမ်းကြုတ် ရက်စက်တဲ့ ထိန်းသိမ်းရေး စခန်း တခုမှာ ဖြစ်ပွား ခဲ့တဲ့ လူမဆန်တဲ့ ရာဇဝတ်မှု တွေကြောင့် ထောင်တသက် ကျခံ နေရတဲ့ သေမင်း တမန် အမည်ရ Alfredo Astiz လဲ အမှု ရင်ဆိုင် နေရပါတယ်။

ယုတ်မာ ရက်စက်တဲ့ စစ်ပွဲ လို့ ခေါ်တွင်ကြတဲ့ ကာလ ကြီး အတွင်း လူ ၃ သောင်း ကျော် အသက်ဆုံး ခဲ့ရတယ်လို့ ဒီရာဇဝတ်မှု တွေ ဖော်ထုတ်ရေး လှုံ့ဆော် နေသူ တွေက ခန့်မှန်း ထားပါတယ်။

အီဂျစ် အခြေခံ ဥပဒေ မူကြမ်း မဲခွဲဖို့ ရှိ

သမ္မတ မော်စီကို ကန့်ကွက်ဆန္ဒပြသူများ

အီဂျစ် အခြေခံ ဥပဒေ မူကြမ်း ရေးဆွဲ နေတာ နောက် နာရီ ပိုင်း အတွင်း ပြီးစီးတော့မှာမို့ ကြာသပတေး နေ့မှာ အမြန် မဲခွဲဖို့ ရှိတယ်လို့ အခြေခံ ဥပဒေ သစ် ရေးဆွဲ ရေး တိုင်းပြည်ပြု လွှတ်တော် ဥက္ကဋ္ဌ က ပြောကြား လိုက်ပါတယ်။

သမ္မတ မော်စီ ရဲ့ အတည်ပြုချက် ရရင် ပြည်သူ့ ဆန္ဒ ခံယူပွဲ ကျင်းပဖို့ ရှိပါတယ်။

ဒါဟာ ကြီးထွား လာတဲ့ နိုင်ငံရေး အကျပ်အတည်းကို ပြောင်းလဲ နိုင်ဖို့ ကြိုးစား တာလို့ သမ္မတ ထောက်ခံတဲ့ အစ္စလာမ် ဝါဒီများ က ပြောကြား ပါတယ်။

လူအများ စိုးရိမ် နေကြ သလို မွတ်ဆလင် ညီနောင်များ အဖွဲ့ အကြိုက် ဆွဲထားတဲ့ ဥပဒေ ကြမ်း မျိုး ထွက်လာရင် အခြေ အနေ ပိုဆိုးဖို့ပဲ ရှိတယ်လို့ အတိုက်အခံ တွေ ဘက်က ဆိုပါတယ်။

မစ္စတာ မော်စီရဲ့ သမ္မတ အာဏာ တိုးချဲ့ယူတဲ့ အမိန့် ကြေညာချက် ကြောင့် တရားရေး ဌာနနဲ့ ရင်ဆိုင် တင်းမာမှု တွေ ဖြစ်နေချိန်မှာပဲ ဒီလို ကြေညာ ခဲ့တာ ဖြစ်ပါတယ်။

အခုလိုသမ္မတကို လိုလားသူတွေက အခြေခံဥပဒေကိုအမြန်ရေးနေချိန်မှာတော့ ကိုင်ရို တာရီယာ ရင်ပြင်မှာ သမ္မတကို ထောက်ခံသူနဲ့ ဆန့်ကျင်သူ ဆန္ဒပြသူတွေကြား ကြိုးကြား ထိပ်တိုက်ရင်ဆိုင် တိုက်ခိုက်ကြပါတယ်။

အခြေခံဥပဒေဆိုင်ရာ ခုံရုံးကတော့ သမ္မတက အာဏာအသစ်တွေ ရဖို့လုပ်နေတာဟာ အခြေခံဥပဒေရုံးကို လက်စားချေတာဖြစ်တယ်လို့ ပြင်းပြင်းထန်ထန် ဝေဖန်လိုက်ပါတယ်။

ရွှေတူးလုပ်သားတွေ ချီတက်ဆန္ဒပြမှု ရပ်ဆိုင်း

ရန်ကုန်မြို့ကနေ နေပြည်တော်အထိ လမ်းလျှောက် ချီတက်ဆန္ဒပြခဲ့တဲ့ မိုးထိမိုးမိ ရွှေတူး အလုပ် သမားတွေဟာ တောင်ငူခရိုင်၊ ရေနီမြို့မှာ ပိတ်မိနေခဲ့ရာကနေ တာဝန်ရှိသူတွေနဲ့ အလုပ် သမား ခေါင်းဆောင်တွေကြား ညှိနှိုင်း ဆွေးနွေးပြီး သဘောတူညီချက်(၅)ချက်နဲ့ ဆန္ဒပြရာ ကနေ နောက်ကြောင်းပြန်လှည့်ခဲ့ပြီလို့ ရွှေတွင်းတူး လုပ်သားခေါင်းဆောင်တွေက ပြောပါ တယ်။ ရွှေတွင်းတူးလုပ်သားတွေကို ရမည်းသင်းကို ပို့ဆောင်ရာမှာ ဒေသခံအာဏာပိုင်တွေအနေနဲ့ လုပ်သားတွေ သွားလိုရာကို ပို့ဆောင်ခြင်းမရှိတဲ့အပြင် လက်ရှိထားရှိတဲ့နေရာကိုလည်း လုံခြုံရေး တင်းကြပ်ထားတာကြောင့် အခက်ကြုံနေရတယ်လို့လည်း အလုပ်သမားခေါင်းဆောင်တွေ က ပြောပါတယ်။

ဒီအခြေအနေအပြည့်အစုံကိုတော့ ထိုင်းအခြေစိုက်သတင်းထောက်နိုင်ကွန်းအိန်ကနေ အခုလို သတင်းပေးပို့ ထားပါတယ်။

ပဲခူးတိုင်း၊ တောင်ငူခရိုင်၊ ရေနီမြို့မှာ (၄) ရက်ကြာ ပိတ်မိနေတဲ့ မိုးထိမိုးမိ ရွှေတူးလုပ်သားတွေဟာ လုပ်သား ခေါင်းဆောင်တွေနဲ့ မြန်မာအဏာပိုင်တို့အကြား ညှိနှိုင်းမှု သဘောတူညီချက်အရ ဆန္ဒပြမှု ကနေ တပ်ဆုတ် ပြန်သွားပြီလို့ အလုပ်သမားခေါင်းဆောင်တွေက ပြောပါတယ်။ ဆန္ဒပြ ရွှေတူး လုပ်သားတွေကို အာဏာပိုင်တွေ ကနေ ရမည်းသင်းကို ပို့ဆောင်ခဲ့တယ်လို့ ရွှေတူးလုပ်သား ကိုလှိုင်ကြီးက ပြောပါတယ်။

“ကျနော်တို့ ရမည်းသင်းကိုပြန်ရောက်နေပြီ။ ရမည်းသင်းကို သူတို့ကားနဲ့ လိုက်ပို့ပေးတယ်။ ပျဉ်းပတော ကျောင်း ဘက်ကို လာပို့ပေးတယ်။ အဲဒီမှာ ကျနော်တို့ စကားနည်းနည်း ပြောနေရတယ်။ ကျနော်တို့ တစုတစည်းတည်း လောလောဆယ် နေနေတာပါ။”

နိုဝင်ဘာ (၂၇) ရက်နေ့ကနေ ရမည်းသင်းကို ပြန်ခဲ့တာပါ။ လမ်းလျှောက်ချီတက် ဆန္ဒပြရွှေတူး လုပ်သားတွေ နောက် ပြန်ဆုတ်ဖို့ ဆုံးဖြတ်ရတာဟာလည်း မြန်မာအာဏာပိုင်တွေနဲ့ အလုပ် သမားခေါင်းဆောင်တို့အကြား ညှိနှိုင်းမှု အစီအစဉ်အရ ပြန်ခဲ့ရတယ်လို့ အလုပ်သမားခေါင်းဆောင် ကိုလှိုင်မျိုးအောင်က အခုလိုပြောပါတယ်။

“ကျနော်တို့ မြို့နယ်အုပ်ချုပ်ရေးမှူးရုံးမှာ ညှိနှိုင်းပါတယ်။ ညှိနှိုင်းတာကတော့ အချက် (၅) ချက် ပေါ့နော်။ ရမည်းသင်းမှာကျနော်တို့ကို ကောင်းမယ်ထင်တဲ့ နေရာတနေရာသိတာပေါ့။ အဲဒီနေရာကို ကျနော်တို့ နေထိုင်ဖို့  စားဝတ်နေရေးကအစ အကုန်လုံးအဆင်ပြေအောင် ကူညီဆောင်ရွက်ပေးပါ့မယ်လို့ သူတို့ ပြောပါတယ်။ နောက် တခုကျတော့ ကျနော်တို့ကို ညှိနှိုင်းဆွေးနွေးပွဲကို ဒီဇင်ဘာ (၃) ရက်နေ့မှာ ရမည်းသင်းခရိုင်ရုံးမှာ လုပ်ကိုင် ပေးပါ့မယ်လို့ သူတို့ ပြောပါတယ်။ နောက်ဆုံးအဆင့် ဆွေးနွေးတဲ့အခါမှာ ကျနော်တို့ရဲ့ အလုပ် သမား ခေါင်းဆောင်(၄) ဦးကို ပြန်လွှတ်ပြီးတော့ သူတို့နဲ့ (၉ဝ) % အဆင်ပြေနိုင်မယ်ဆိုရင် အထက်ကို တင်ပြ ပေးပါ့မယ်။ ဆွေးနွေးညှိနှိုင်းတဲ့နေရာမှာ လွှတ်တော်ကိုယ်စားလှယ်တွေ၊ လွှတ်တော်ရှေ့နေတွေ ခေါ်ပိုင်ခွင့် ပြုမယ်။ နောက်တခါ မီဒီယာသမားတွေကို ခေါ်ပိုင်ခွင့်ပြု မယ်ပေါ့နော်။ ကျနော်တို့ကို ခေါ်ပိုင်ခွင့်ပေးမယ်လို့ ပြောပါတယ်။”

ဒီညှိနှိုင်းအစည်းအဝေးကို အစိုးရဘက်က သတ္ထုတွင်းဝန်ကြီးဌာန ညွှန်ကြားရေးမှူး ဦးအေးကျော်၊ ဦးခင်ဌေး၊ တောင်ငူခရိုင် အုပ်ချုပ်ရေးမှူးတို့ ဦးဆောင်တဲ့ကိုယ်စားလှယ်တွေ ပါဝင်သလို ရွှေတူးလုပ်သားတွေဘက်ကတော့ ကိုလှိုင်မျိုးအောင်ရှေ့နေဦးဌေး ရေတာရှည်မြို့နယ်က လွှတ်တော်ကိုယ်စားလှယ် ဦးအာယု အပါအဝင် (၆) ဦးပါဝင်တယ်လို့ ကိုလှိုင်မျိုးအောင်က ပြောပါတယ်။

ရွှေတူးလုပ်သားတွေ တောင်းဆိုထားတဲ့ ရမည်းသင်းမြို့နယ်က ရန်အောင်မင်းဘုန်းကြီးကျောင်းကို ဒေသခံ အာဏာပိုင်တွေကနေ ပို့ဆောင်ခြင်းမရှိတဲ့အတွက် အခုအခါမှာ ရွှေတူးလုပ်သားတွေဟာ အဆင်မပြေမှုနဲ့ တွေ့ကြုံနေရပြီး လုံခြုံရေးတင်းကြပ်စွာ စောင့်ကြည့်ခံနေရတယ်လို့ ကိုလှိုင်မျိုးအောင်က ပြောပါတယ်။

“အခုဆိုရင် ကျနော်တို့ဟာ ရမည်းသင်းနဲ့ဝေးကွာတဲ့ ပျဉ်းပတောဘုန်းကြီးကျောင်းကို ရောက်နေပါ တယ်။ အလွန်ဝေးကွာတဲ့နေရာမှာ ရောက်နေတာမို့လို့ ကျနော်အနေနဲ့ လက်မခံနိုင်တဲ့ အကြောင်း ပြောတဲ့အခါ ကျတော့ အခု လုံးဝအဆင်မပြေနိုင်တဲ့အနေအထား။ ကျနော်တို့ ဆောက်ထားတဲ့ဘုန်းကြီးကျောင်းလည်း ရှိပါတယ်။ အဲရောက်အောင် ပို့ပေးဖို့ပြောတော့ အခု ပရိသတ်က နည်းနည်း ထစ်နေပါတယ်။ သူတို့အနေနဲ့ ကျနော်တို့ကို လုံခြုံရေးတွေ နဲ့ စောင့်ကြပ်ထားပြီး တရားခံတွေလို ကျနော်တို့ကို ထားထားပါတယ်။”

ရွှေလုပ်သားခေါင်းဆောင်များဖြစ်တဲ့ ကိုရဲရင့်ထွန်း၊ ကိုနိုင်ဝင်း၊ ကိုနေအောင်ထက်နှင့် ကိုစောနောင် တို့ဟာ နိုဝင်ဘာလ ၂၃ ရက်နေ့ နေပြည်တော်ကို ချီတက်စဉ် အတွင်း ရေနီစက္ကူ စက်ရုံအနီးမှာ လုံခြုံရေးရဲတွေကနေ ရိုက်နှက်ဖမ်းဆီးခံခဲ့ရပြီး ဒီအထဲမှာ  ကိုနေအောင်ထက်နဲ့ ကိုစောနောင်တို့ နှစ်ဦးဟာ  ရိုက်မှုဒဏ်ကြောင့် ရေတာရှည်ဆေးရုံမှာ ဆေးကုသမှု ခံယူခဲ့ရပါတယ်။ဖမ်းဆီးခံထားရတဲ့ မိုးထိမိုးမိ ရွှေတူးလုပ်သားခေါင်းဆောင်( ၄) ဦးကိုတော့ နိုင်ငံတော်ဆူပူရန် လှုံ့ဆော်မှု ပုဒ်မ ၅ဝ၅ (ခ) နဲ့ ရေတာရှည်မြို့နယ် အုပ်ချုပ်ရေးမှူးကနေ တရားစွဲဆိုထားပြီး နိုဝင်ဘာ (၃ဝ) ရက်နေ့မှာ ရုံးထုတ် စစ်ဆေးမယ်လို့ အလုပ်သမားခေါင်းဆောင်တွေက ပြောပါတယ်။

မန္တလေးတိုင်း၊ ရမည်းသင်းခရိုင်မှာရှိတဲ့ မိုးထိမိုးမိ ရွှေတူးလုပ်သားတွေဟာ အမျိုးသားကြီးပွား တိုးတက်ရေး ကုမ္ပဏီနဲ့ သဘောတူညီထားတဲ့ ရွှေမြင်တင်စာချုပ်ပါ အချက် (၆) ချက်ကို တောင်း ဆိုတဲ့ အနေနဲ့ နိုဝင်ဘာလ(၈) ရက်နေ့ကတည်းက ရန်ကုန်မြို့ကနေ မိုင်(၂၇ဝ) ခန့် ကွာဝေး တဲ့ နေပြည်တော် အထိ လမ်းလျှောက်ချီတက် ဆန္ဒပြခဲ့ကြတာပါ။

အမျိုးသား ၆၉ ဦးနဲ့ အမျိုးသမီး (၇) ဦးပါဝင်တဲ့ ရွှေတူးလုပ်သားတို့ လမ်းလျှောက် ချီတက်ဆန္ဒပြရာ မှာ ရေနီမြို့ အရောက်မှာ ခေါင်းဆောင် (၄) ဦး အဖမ်းခံရပြီးတော့ လုံခြုံရေးရဲတွေကနေ ပိတ်ဆို့ ထားခြင်းခံနေရာကနေ လုပ်သားခေါင်းဆောင်တွေနဲ့ ဒေသခံအာဏာပိုင်တွေ ညှိနှိုင်းမှု သဘောတူညီချက်ကြောင့် အခုလို တပ်ခေါက် နောက် ကြောင်းပြန်လှည့်ခဲ့ရတယ်လို့ ရွှေတူး လုပ်သားတွေက ပြောပါတယ်။

တက်ကြွလှုပ်ရှားသူတွေ အဖမ်းခံရမှု AHRC ဝေဖန်

စီမံကိန်းအချို့အပေမှာ ဆန္ဒပြကန့်ကွက်မှုတွေကြောင့် နိုင်ငံရေးတက်ကြွလှုပ်ရှားသူ အနည်းဆုံး ၁ဝ ယောက် ထက်မနည်း အခုရက်ပိုင်းအတွင်း ဖမ်းဆီးခံခဲ့ရတယ်လို့ လူ့အခွင့်အရေး အဖွဲ့တွေ က ပြောပါတယ်။ ဒီ ဖမ်းဆီးမှုတွေ ကိုကြည့်ရင် တရားရေးပိုင်းကို အုပ်ချုပ်ရေးပိုင်းက ဝင်ရောက် စွတ်ဖက်ဖို့ ကြိုးစားနေတဲ့ အရိပ်အယောင်တွေ တွေ့ရတယ်လို့လည်း လူ့အခွင့်အရေး လှုပ်ရှားသူတွေ က ပြောပါတယ်။ စုံစမ်းမေးမြန်းထားတဲ့ ကိုသားညွန့်ဦးက တင်ဆက်ပေးထားပါတယ်။

*****မန္တလေးတိုင်း၊ ရမည်းသင်းမြို့နယ်အတွင်းက ရွှေတွင်းနဲ့ စစ်ကိုင်းတိုင်း၊ မုံရွာအနီးက လက်ပံတောင်း တောင် ကြေးနီစီမံကိန်းတွေကို ဆန့်ကျင်ဆန္ဒပြတဲ့ တက်ကြွလှုပ်ရှားသူ အနည်းဆုံး ၁ဝ ဦး ဖမ်းဆီး ခံထားရတာကြောင့် နိုင်ငံတွင်း လွတ်လပ်စွာ ထုတ်ဖော်ပြောဆို ဆန္ဒပြခွင့်အပေါ်မှာ လူ့အခွင့်အရေး အဖွဲ့အစည်းတွေက အာဏာပိုင်တွေကို ပြန်လည် ဝေဖန် မေးခွန်းထုတ်လာကြပါ တယ်။ ဖမ်းဆီးခံရသူ တွေဟာ ခွင်ြ့ပုချက်မရဘဲ ဆန္ဒပြမှုနဲ့ ဖမ်းဆီးခံရတာဖြစ်ပေမဲ့ ဒီနောက်ကွယ်မှာ အုပ်ချုပ်ရေး အာဏာပိုင်တွေ ဘက်က တရားရေးအပေါ်မှာ ဝင်ရောက်စွတ်ဖက်တဲ့ လက္ခဏာတွေ တွေ့ရတယ်လို့ AHRC အာရှ လူ့အခွင့်အရေးကော်မရှင်က ထုတ်ပြန်ပါတယ်။ တဘက်မှာလည်း နိုင်ငံထဲ ဆန္ဒထုတ်ဖော်ခွင့်ရဖို့ တင်ပြကြရာမှာလည်း အခြေအနေအများစုမှာ ခွင့်ပြုချက်မရ ဖြစ်နေတာကိုလည်း အာရှလူ့အခွင့်အရေးအဖွဲ့က မြန်မာရှေ့နေ ဦးမင်းလွင်ဦး က ထောက်ပြပါတယ်။

“ခွင့်ပြုချက်ရဖို့ဆိုတဲ့နေရာမှာ ခွင့်မပြုတဲ့ ကိစ္စရပ်တွေက တော်တော်များများ ရှိနေပါတယ်။ ဒါကြောင့် ခွင့်ပြုချက်တင်တယ်၊ ရရ-မရရ တက်ကြွလှုပ်ရှားတဲ့ လူငယ်တွေအနေနဲ့ လှည့်လည်ဆန္ဒပြကြတယ်။ ဒီအပေါ်မှာ စီတန်းလှည့်လည်ခြင်းဆိုင်ရာ ပုဒ်မနဲ့ အရေးယူတယ်။ အဲဒီတော့ ပုဒ်မ ၁၈ နဲ့ အရေးယူ တာကို ကျနော်တို့ ဘာမှ ထွေထွေထူးထူး မပြောလိုပါဘူး။ သို့သော်လည်းပဲ အဲဒီလို အရေးယူတဲ့ အပြင်ကို မလိမ့်တပတ်နဲ့ မင်းတို့ ပုဒ်မ ၁၈ နဲ့ အရေးယူမှာဖြစ်တဲ့အတွက် လာပြီးတော့ ရှင်းလင်းပါ ဆိုပြီးတော့ ခေါ်ယူတယ်။ ရဲစခန်းက ပြောတဲ့စကားကို ရိုးသားစွာ ယုံကြည်တဲ့အတွက် လာရောက် ရှင်းလင်းဖို့ ရဲစခန်းကို ရောက်တဲ့အခါကျတော့မှ ဖမ်းဆီးပြီး ပြစ်မှုဆိုင်ရာပုဒ်မ ၅၀၅ (ခ) နဲ့ တပ်ပြီးတော့ တရားစွဲဆိုတဲ့ ဥစ္စာတွေက လုံးဝကိုမလုပ်သင့်တဲ့ကိစ္စရပ်ဖြစ်တယ်။ ဒါတွေဟာ ပြည် ထဲရေး ဝန်ကြီးဌာနရဲ့ ညွှန်ကြားချက်ကြောင့် သော်လည်းကောင်း၊ အုပ်ချုပ်ရေးအာဏာပိုင်တွေရဲ့ ညွှန်ကြားချက်ကြောင့်သော်လည်းကောင်း၊ ရဲစခန်းကနေပြီးတော့ လိုက်နာဆောင်ရွက်နေတယ်လို့ ကျနော်တို့ သိရတယ်။

ဒါတွေက လွတ်လပ်တဲ့ တရားစီရင်ရေးမှာ အုပ်ချုပ်ရေးက တိတိလင်းလင်း ဝင်ရောက်စွက်ဖက်တဲ့ ကိစ္စရပ်တွေ ဖြစ်တာမို့ ကျနော်တို့ AHRC အနေနဲ့ ပြင်းထန်စွာ ရှုတ်ချတယ်။”

မေး။ ။ ကိုမင်းလွင်ဦးပြောတဲ့ အခုနက ပုဒ်မ ၅၀၅ (ခ) ဆိုတာ ဘာလဲ ခင်ဗျ။

“နိုင်ငံတော် အကြည်ညိုပျက်စေမှုပေါ့။ စီတန်းလှည့်လည်မှု ဥပဒေပုဒ်မနဲ့ အရေးယူထားတယ်၊ အဲဒီတော့ အဲဒီပုဒ်မက အာမခံပေးရမယ့် ပုဒ်မဖြစ်တယ်။ ဒီလူတွေကို အပြင်မှာ ဆက်မထားချင်တဲ့ အခါကျတော့ အစောကပြောသလိုမျိုး ပြစ်မှုဆိုင်ရာ ဥပဒေပုဒ်မ ၅၀၅ (ခ) နဲ့ ဖမ်းဆီးပြီးတော့ အရေးယူထားတယ်။ ၅၀၅ (ခ) ကတော့ အာမခံပေးလို့ မရဘူး။ ဒါကြောင့် ဒီလူတွေက အမှုကို ရင်ဆိုင်ပြီးတော့ ဆက်လက် ဖြေရှင်းရမှာ ဖြစ်တယ်။”

မေး။ ။ အခုနကပြောသလို တရားရုံးကနေ အခုလို လုပ်တဲ့ကိစ္စတွေမှာ အုပ်ချုပ်ရေးပိုင်းက ဝင်ရောက်စွက်ဖက်နေတယ်ဆိုတဲ့ အထောက်အထးက ဘယ်လိုကြောင့် ပြောနိုင်တာလဲ။

“ကျနော်တို့ ဒီဥစ္စာက ပြည်ထဲရေးဝန်ကြီးဌာနရဲ့ ၂/၈၉ ညွှန်ကြားလွှာအရ ပုဒ်မ ၁၄၄ ထုတ်တဲ့ ကိစ္စ ရပ်တွေ လက်ပံတောင်းတောင်မှာ ဖြစ်တယ်။ နောက်ပြီးတော့တခါ ဒီမြို့ထဲမှာ စီတန်းလှည့်လည်ခြင်း ဆိုင်ရာ ကိစ္စရပ်တွေနဲ့ ပတ်သက်လို့ အဓိက-ကတော့ မြန်မာနိုင်ငံရဲတပ်ဖွဲ့နဲ့ပဲ ဆိုင်ပါတယ်။ အဲဒီတော့ အဲဒီကိစ္စရပ်တွေမှာ ရဲတပ်ဖွဲ့ကလည်း ပြည်ထဲရေးဝန်ကြီးဌာနရဲ့ လက်အောက်ဖြစ်တယ်။ ဒါကြောင့် ရဲတပ်ဖွဲ့ကနေပြီးတော့ ဒီလိုမျိုး ကိစ္စရပ်တွေ ခွင့်ပြုသင့် မပြုသင့် အရေးယူသင့်၊ မယူသင့်ဆိုတာ ပြည် ထဲရေး ဝန်ကြီးရဲ့ ခွင့်ပြုချက်ရမှသာ သူတို့အနေနဲ့ ဆက်လက် ဆောင်ရွက်နိုင်တာ ဖြစ်တယ်။ ဒါတွေကြောင့် ကျနော်တို့က အုပ်ချုပ်ရေးက တရားစီရင်ရေးဘက်ကို လွှမ်းမိုးဖို့အတွက် ကြိုးစားလာတယ်၊ အားပြုလာတယ်၊ ဒါတွေဟာ လုံးဝမဖြစ်သင့်တဲ့ ကဏ္ဍဖြစ်တယ်ဆိုတာကို ပြော ရတာဖြစ်ပါတယ်။”

အခုလို ဆန္ဒထုတ်ဖော်ပြသမှုတွေကြောင့် ဗကသ အဖွဲ့ဝင်အချို့လည်း ဖမ်းဝရမ်းထုတ်ခံရထားရပြီး ထွက်ပြေးတိမ်းရှောင်နေကြရတယ်လို့ ဗကသများအဖွဲ့ချုပ် အထွေထွေအတွင်းရေးမှူး မဖြိုးဖြိုးအောင်က ပြောပါတယ်။

“ညတုန်းက ကိုသီဟဝင်းတင်ရဲ့အိမ်ကိုလာပြီး ဖမ်းဝရမ်းထုတ်ကြောင်း လာပြောသွားတယ်- တဲ့။ နောက် ကိုမင်းသွေးသစ်ရောပေါ့နော်။”

မေး။ ။ ကိုသီဟဝင်းတင်ကို လာပြီးတော့ ဖမ်းမိန့်ထုတ်ထားတယ်ဆိုတာ ဘယ်က လာပြောတာလဲ၊ SB က ပြောတာလား။

“ကျောက်တံတားရဲစခန်းနဲ့ အနောက်ပိုင်းခရိုင်နဲ့၊ သူတို့မှာ ဖမ်းဝရမ်းရှိတယ်၊ ဖမ်းလို့ရပြီဆိုတဲ့ အခြေအနေမျိုးပြောတယ်။ အဓိက-ကတော့ သူတို့ကို ကြိုတင်ပြီးတော့ တင်ပြခြင်းမရှိဘဲနဲ့ ဆန္ဒထုတ်ဖော်လို့ပေါ့နော်။”

မေး။ ။ စုစုပေါင်း ဘယ်နှစ်ယောက်လောက် ဖမ်းဝရမ်းထုတ်ထားတယ် ကြားလဲ။

“စုစုပေါင်းကတော့ ဆယ်ယောက်လောက်ကြားတယ်။ အဲဒီမှာ ၆ ယောက်ကတော့ အဖမ်းခံလိုက် ရပြီ။ အခု အင်းစိန်ထောင်ကို ရောက်နေတာပေါ့။”

မိုးထိမိုးမိ ရွှေတွင်းဆန္ဒပြသူ ၅ ဦးကိုတော့ တောင်ငူထောင်မှာ ဖမ်းဆီးထိမ်းသိမ်းထားတယ်လိ်ု့သိရပြီး လက်ပံတောင်းတောင် စီမံကိန်း ဆန္ဒပြကြတဲ့ တက်ကြွလှုပ်ရှားသူ ၆ ဦးကိုတော့ ရန်ကုန် အင်းစိန်ထောင်မှာ ထိန်းသိမ်းထားတယ်လို့ သိရပါတယ်။

လက်ပန်းတောင်းတောင် သပိတ်စခန်း လုံထိန်းရဲတွေ စီးနင်းဖြိုခွဲ

မုံရွာမြို့အနီး၊ ဝမ်ပေါင်ကုမ္ပဏီနီရှေ့ရှိ ကြေးနီစီမံကိန်းရပ်တန့်ရေး ဆန္ဒပြနေတဲ့ ပင်မသပိတ် စခန်း၊ ကျော်ရွာသပိတ်စခန်းတွေကို နံနက်သုံးနာရီမှာ အစိုးရလုံခြုံရေးတပ်ဖွဲ့ဝင်တွေက ဝင်ရောက် စီးနင်းပြီး မီးသတ်ပိုက်တွေ၊ မီးလောင်ဗုံးတွေသုံးပြီး ဖြိုခွဲခဲ့ပါတယ်။

အဲဒီလို ဖြိုခွဲရာမှာ အသုံးပြုတဲ့ မီးလောင်ဗုံးထိမှန်ခဲ့တာကြောင့် သံဃာတချို့ သင်္ကန်းတွေနဲ့ အရေပြားတွေမှာ မီးလောင် ဒဏ်ရာတွေ ရရှိခဲ့ပြီး ဝမ်ပေါင်ကုမ္ပဏီနဲ့ မနီးမဝေးမှာရှိတဲ့ ရွာရှေ နဲ့ ဖောင်းကားရွာတွေအထိ ထွက်ပြေး ဆုတ်ခွာသွားကြရပါတယ်။

အကြမ်းဖက်နှိမ်နင်းခံထားရတဲ့ လက်ပန်းတောင်းတောင် ကြေးနီစီမံကိန်းမှာ ကိုယ်တိုင်ရောက် ရှိနေတဲ့ ဗွီအိုအေ ဝိုင်းတော်သား ကိုသိန်းထိုက်ဦးကို နောက်ဆုံးအခြေအနေ ဘယ်လိုရှိသလဲဆိုတာ မသိင်္ဂီထိုက်က ဆက်သွယ်မေးမြန်းတဲ့အခါ ကိုသိန်းထိုက်ဦးက အခုလို စပြီးပြောပါတယ်။ ဦး။      ။ အခင်းဖြစ်ပွားတဲ့နေရာက မျက်မြင်သက်သေတွေ၊ ဒဏ်ရာရတဲ့သူတွေနဲ့ မကြာခင် အချိန် အထိ ကိုယ်တွေ့ စကား ပြောဆိုခဲ့ပါတယ်။ ဆားလင်းကြီးမြို့နယ်၊ ဖောင်းကားရွာအလယ်တိုက်က  ဒက္ခိဏရာမ ကျောင်းတိုက်မှာဆိုလို့ရှိရင် သံဃာတော်တွေရော၊ လူတွေရော စုစုပေါင်း ၂၀၀ လောက် ရှိတယ်။ အဲဒီထဲမှာ သံဃာတော် နှစ်ပါးက တော်တော်လေးကို ထိခိုက်၊ ပြင်းပြင်းထန်ထန် ဒဏ်ရာရ ထားပါတယ်။ ဒိပြင်ထိခိုက်ထားတဲ့ သံဃာက ၁၅ ပါးလောက်ရှိတယ်။ အမျိုးသမီးတယောက် ဆိုလို့ရှိရင် မျက်နှာတွေရော၊ ခြေထောက်တွေရော မီးလောင်ဗုံးထိပြီး မီးလောင်ထားပါတယ်။ ဒါပေမဲ့ ကျနော်နဲ့စကားပြောနေတုန်းပဲ - “ကျမတို့ကို ဝိုင်းထားပြီ၊ ဝိုင်းထားပြီ”…ဆိုပြီးတော့ ဖုန်းတွေပြတ် သွားတယ်ဆိုတော့ သူတို့ကို လုံခြုံရေးတပ်တွေက ထပ်ပြီးတော့ ဝိုင်းထားတဲ့ အခြေအနေ- အခု လူဘယ်နှစ်ယောက် အဖမ်းခံရတယ်ဆိုတာတော့ တိတိကျကျ ကျနော်တို့ မသိသေးပါဘူး။ ဖုန်းတွေကလည်း ဆက်လို့ သိပ်ခက်နေပါတယ်။ အခြေအနေကတော့ ည (၃) နာရီလောက်မှာ မီးသတ်ပိုက်တွေနဲ့ ပထမထိုးတယ်၊ နောက်မှ မီးလောင်ဗုံးတွေနဲ့ပစ်ပြီး- အင်အားသုံးပြီးတော့ သပိတ်စခန်းတွေကို ဖြိုခွင်းလိုက်တယ်လို့ပဲ ပြောရမှာပါခင်ဗျ။ အခု ပျောက်ဆုံးနေတဲ့ သံဃာတော်တွေ ရှိတယ်ဆိုပေမဲ့ ဆေးကုသခွင့်ရဖို့အတွက် လမ်းတွေမှာ အပိတ်ခံထားရတာရော၊ လူတွေက တော်တော်လေး ဝိုင်းပြီး ကြိုးစားနေကြတာကို သိရပါတယ်။ ဒါကလည်း လမ်းတွေ ပိတ်ထားတယ်ဆိုတော့ မျက်မြင်သက်သေအနေနဲ့ ကျနော်ကိုယ်တိုင် တွေ့ရတာ မဟုတ်ဘဲနဲ့ တယ်လီဖုန်းတွေနဲ့ ပြောဆိုကြည့်သလောက်ပဲ သိရတဲ့အနေအထားမျိုးပါခင်ဗျ။ ဖြစ်ပွား တဲ့နေရာကိုလည်း သွားဖို့ တော်တော်ခက်ပါတယ်ခင်ဗျ။ ထိုက်။  ။ ဟုတ်ကဲ့။ အဲဒီတော့ ကျန်တဲ့ စခန်းတွေအနေအထားကရော စခန်းတွေ အခြေအနေ ဘယ်လို ရှိပါသလဲရှင့်။

ဦး။      ။ စခန်းတွေအားလုံးကို ဝင်ပြီးတော့ သိမ်းလိုက်တာပါ။ သပိတ်စခန်းတွေ တော်တော်များများ ကတော့ ကိုယ်နဲ့ နီးစပ်ရာရွာတွေကို ထွက်ပြေးကြတယ်၊ အထူးသဖြင့် လူစုကွဲပြီးတော့ - ညတုန်းက ကျနော် သပိတ်စခန်းတွေကို ရောက်တဲ့အချိန်မှာ အများစုက သံဃာတော်တွေ၊ သံဃာတော်တွေ ဆိုတာကလည်း မုံရွာမြို့ခံသံဃာတော်တွေထက် ပခုက္ကူက သံဃာတော်တွေလည်းရှိတယ်။ မန္တလေး ဘက်က သံဃာတော်တွေလည်း ရှိပါတယ်။ အဲဒီတော့ လုံခြုံရေးတပ်ဖွဲ့ဝင်တွေက အင်အားသုံးပြီးတော့ လူစုခွဲတဲ့အချိန်မှာ ဒီသံဃာတော်တွေက ရောက်တဲ့နေရာကို ပြေးနေရလို့လည်း တယောက်နဲ့ တယောက်- တပါးနဲ့တပါး ပြန်ပြီးတော့ မစုနိုင်ကြသေးတဲ့ အနေအထားမျိုးလို့ ပြောကြပါတယ်ခင်ဗျ။ ထိုက်။  ။ ဟုတ်ကဲ့ရှင့်။ ဒေါ်အောင်ဆန်းစုကြည်ကလည်း ဒီကနေ့ သပိတ်စခန်းတွေဆီ လာဖို့ရှိတယ်လို့  သိရပါတယ်။ သူ့ ခရီးစဉ်အခြေအနေကရော ဘယ်လိုများရှိပါသလဲ။ ဦး။      ။ ဒီအတိုင်းဆိုလို့ရှိရင်တော့ ဒေါ်အောင်ဆန်းစုကြည်နဲ့ ကြေးနီတောင် စီမံကိန်း ရပ် ဆိုင်းရေး တောင်းဆိုနေတဲ့ ဆန္ဒပြဒေသခံတွေ တွေ့ဖို့က တော်တော်လေး အလှမ်းဝေးသွားပြီလို့ ပြော ရမှာပါ ခင်ဗျ။ ပြီးခဲ့တဲ့ ၂၀၀၃ ခုနှစ်တုန်းကလည်း ဒီနယ်မြေနဲ့သိပ် မနီးမဝေးမှာ အကြမ်းဖက် မှုတွေ ဖြစ်ပွားခဲ့တယ် ဆိုတော့ ဒါ တကျော့ပြန်လာတဲ့ ဒေသခံပြည်သူတွေရဲ့လှုပ်ရှားမှုကို အကြမ်းဖက် နှိမ်နင်းတဲ့ ပွဲပါပဲ။ အဓိက-ကတော့ ဒေါ်အောင်ဆန်းစုကြည်နဲ့ ဒေသခံလူတွေနဲ့တွေ့ဖို့ ဒီကနေ့ အခြေအနေကတော့ တော်တော်လေး အလှမ်းဝေးသွားတယ်လို့ ပြောရမှာပဲ။ ကျနော် ညက ရောက်တဲ့အချိန်မှာတော့ ဒေါ်အောင်ဆန်းစုကြည် စကားပြောဖို့ စင်မြင့်တောင် ထိုးထား တာ တွေ့ပါတယ်။ ဒါပေမဲ့ ဒီအခြေအနေကတော့ ဖြစ်နိုင်ခြေ တော်တော် နည်းနေပြီလို့ ပြောရမှာပါခင်ဗျ။ ထိုက်။  ။ ဟုတ်ကဲ့။ ကျေးဇူးတင်ပါတယ် ကိုသိန်းထိုက်ဦးရှင့်။ ဒါကတော့ ကြေးနီတောင်စီမံကိန်း ရပ်တန့်ရေး သပိတ်စခန်းမှာ ကိုယ်တိုင် ရောက်ရှိနေတဲ့ ဗွီအိုအေဝိုင်းတော်သား ကိုသိန်းထိုက်ဦးက တိုက်ရိုက် သတင်းပေးပို့သွားတာဖြစ်ပါတယ်။ အခုဆက်ပြီး လက်ပန်းတောင်းတောင် ကြေးနီစီမံကိန်းမှာ ပထမဆုံး အကြမ်းဖက် နှိမ်နင်းခံရတဲ့ ဝမ်ပေါင်ကုမ္ပဏီရုံးရှေ့က ပင်မ သပိတ်စခန်း အမှတ် (၁) မှာ အကြမ်းဖက်မှုတွေကြောင့် မီးလောင် ဒဏ်ရာရထားတဲ့ ဆရာတော် ဦးဓမ္မသာရကို ဆက်သွယ်မေးမြန်းတဲ့အခါ ဆရာတော်က အခုလို စပြီး မိန့်ပါတယ်။ ဦးဓမ္မသာရ။    ။ ဦးဇင်းတို့ အမှတ်(၁) စခန်းကတော့ သုံးနာရီမတ်တင်းမှာပေါ့။ အဲဒီမှာ ဆုတ်ခွာဖို့ ငါးမိနစ် အချိန်ပေးတယ်။ ဦးဇင်းတို့အားလုံးက တစ်ပါးမှ မထဘူး။ ငါးမိနစ်ပြည့်သွားတော့ မီးသတ်ပိုက် နဲ့ ပက်တယ်။ ရေနဲ့ပက်ပြီးတော့ မီးလောင်ဗုံးတွေနဲ့ပစ်တာပေါ့။ ထိုက်။  ။ ထိခိုက်ဒဏ်ရာရတာတွေရော ရှိပါသေးလားဘုရား။ ဦးဓမ္မသာရ။    ။ ငါးပါးလောက်ရှိတယ်။ ဦးဇင်းတွေရော၊ ကိုရင်လေးတွေရောပေါ့။ ဦးဇင်းတောင်မှ ခန္ဓာကိုယ်သင်္ကန်းစ- သင်ပိုင်တစလုံးက အကုန်လုံး မီးပေါက်တွေချည့်ပဲ၊ မီးလောင်ထားတာ။ ထိုက်။  ။ တင်ပါ့ဘုရား။ အဲဒီတော့ ထိခိုက်ဒဏ်ရာရတဲ့သူတွေကိုရော ဘယ်လို ဆေးကုပေးနေပါလဲ ဘုရား။ ဦးဓမ္မသာရ။    ။ လောလောဆယ်က ဘယ်အဖွဲ့အစည်းနဲ့မှ ချိတ်ဆက်လို့ မရသေးဘူး တကာမကြီး။ တာဝန်ရှိတဲ့သူတွေကတော့ ဖုန်းတွေတော့ ဆက်တော့ ဆက်နေကြတာပါပဲ။ ထိုက်။  ။ အဖမ်းအဆီးရော ရှိပါသလား ဘုရား။

ဦးဓမ္မသာရ။    ။ အဖမ်းအဆီးကတော့ မရှိဘူး။ အကုန်လုံး ပြိုကွဲအောင်လုပ်တဲ့ သဘောပဲ။ စခန်းမှာ မကျန်တော့ဘူး။ စခန်းမှာ ကျန်ခဲ့တာဆိုလို့ ဆိုင်ကယ်လ်လေးစီး၊ မီးစက်တလုံး အဲဒါတွေပဲ ကျန်ခဲ့ တယ်။ ဦးဇင်းတချို့က စခန်းရဲ့ အရှေ့ဘက်က တောင်ပေါ်ကို တက်ပြေးကြတာ ဆယ်ပါးလောက် ရှိတယ်။ ဦးဇင်းတို့က ဖောင်းကာကျောင်းမှာ၊ တောင်ယာကျောင်းမှာ။ ဘုန်းကြီးကျောင်းပေါ့။ လူတွေမှာ- မဖြူဖြူဝင်းကလည်း တကိုယ်လုံး ဒဏ်ရာရတယ်။ လောလောဆယ်ကတော့ ဦးဇင်းတို့ တောင်ပေါ်စခန်းမှာ ဆိုလို့ရှိရင် ကိုရင်၊ ဦးဇင်းငါးပါး၊ ဦးဇင်းအပါအဝင်ဆို ခြောက်ပါးပေါ့။ မဖြူဖြူဝင်းအပါဆို ခုနစ်ဦးပေါ့။

ထိုက်။  ။တင်ပါ့။ အရှင်ဘုရား-အဲဒီတော့ သပိတ်စခန်းတွေက တော်တော်များများ ရှိတယ် ပြောပါ တယ်။ တခြားစခန်းတွေရော ဘယ်လို အခြေအနေရှိပါလဲ ဘုရား။

ဦးဓမ္မသာရ။    ။ ဦးဇင်းတို့ သိမ်ကို ဝင်စီးနေပြီ-တဲ့။ ထိုက်။  ။ ဘယ်မှာလဲ ဘုရား။ ဦးဓမ္မသာရ။    ။ လယ်တီဆရာတော်ဘုရားကြီးရဲ့သိမ်။

ထိုက်။           ။ အဲဒီမှာ မီးသတ်ပိုက်၊ မီးလောင်ဗုံး - ဘာတွေကို သုံးပါသလဲဘုရား။ ဦးဓမ္မသာရ။    ။ အဲဒါတော့ ဦးဇင်းတို့ အောက်ရောက်နေတော့ မသိရသေးဘူး တကာမကြီး။ ထိုက်။  ။ ကျန်တဲ့ ဘယ်စခန်းတွေရော ကြားပါသေးလဲ ဘုရား။ ဦးဓမ္မသာရ။    ။ ဦးဇင်းတို့ သပိတ်စခန်းအားလုံး ခြောက်ခုရှိတာ။ ခြောက်ခုစလုံးက မရှိတော့ဘူး။ ဝမ်ပေါင်စခန်းကြီးက ပင်မ သပိတ်စခန်းလေ။ သူက စအဖြိုခံရတာပဲ။

ထိုက်။  ။ အဲဒီတော့ သပိတ်စခန်း တခုမှ မကျန်တော့ဘူး၊ သိမ်တော်ကိုလည်း ဝင်စီးနေပြီ၊ အဲလိုလား ဘုရား။ ဝင်စီးတော့ ထိခိုက်ဒဏ်ရာရတဲ့သူတွေကိုရော အစိုးရဘက်ကနေပြီးတော့ လာပြီးတော့ ကုသပေးတာရော ရှိပါသလားဘုရား။ ဦးဓမ္မသာရ။    ။ မရှိဘူး၊ တကာမကြီး။

ထိုက်။  ။ အဲဒီလူတွေ ဘယ်လိုနေကြလဲဘုရား။ ဦးဓမ္မသာရ။    ။ ဦးဇင်းတို့ ဒက္ခိဏရာမကျောင်းပေါ်မှာပဲ ရှိနေတယ် တကာမကြီး။ အားလုံးစုနေတာပါ။