30.11.2012 နေ့ဖတ်ရန်သတင်းများ

by Myanmar Journal on Thursday, November 29, 2012 at 4:09pm ·

အစိုးရက ဘာကြောင့် ဒီလို ဖြိုခွင်းတာလဲ

မီးလောင် ဒဏ်ရာတွေနဲ့ မုံရွာ ဆေးရုံမှာ ဆေးကုသခံနေရတဲ့ သံဃာ ၂၂ ပါးရှိ မုံရွာ ခရိုင် ဆားလင်းကြီး မြို့နယ် လက်ပန်းတောင်းတောင် ကြေးနီ စီမံကိန်း ကိုရပ်တန့် ပေးဖို့ ဆန္ဒပြ နေကြတဲ့ သပိတ် စခန်း ၆ ခုကို နိုဝင်ဘာလ ၂၉ ရက် မနက်လင်းအားကြီး သုံးနာရီ လောက်မှာ ရဲတပ်ဖွဲ့က မီးသတ် ပိုက်တွေ မျက်ရည်ယို ဗုံးတွေ၊ မီးသတ်ပိုက်တွေနဲ့ ပစ်ခတ် နှိမ်နင်းခဲ့ ပါတယ်။

ဆန္ဒပြသူတွေ ကတော့ အဲဒီ လက်နက်တွေ အပြင် မီးလောင် ဗုံးတွေ နဲ့ပါ ပစ်ခတ် ဖြိုခွင်းခဲ့ တယ်လို့ ပြောနေကြ ပါတယ်။

မြန်မာ အစိုးရ ဘက်ကလည်း သူတို့ အနေနဲ့ ဘာကြောင့် အင်အားသုံး ခဲ့ရတယ် ဆိုတဲ့ အကြောင်း ဖြိုခွင်းမှု လုပ်အပြီး နာရီပိုင်း အတွင်း မှာပဲ ကြေညာချက် ထုတ်ပြန်ပြီး ရှင်းလင်းခဲ့ ပါတယ်။

ဘယ်သူမှ ဖြတ်သန်း သွားလာခွင့် မပြုတဲ့ ပုဒ်မ ၁၄၄ ထုတ်ပြန် ထားတဲ့ နေရာမှာ ဝင်ရောက် သပိတ်မှောက် နေကြမှုဟာ နိုင်ငံရေး ပယောဂ ပါတယ်လို့ အစိုးရ ကြေညာချက်မှာ ဖော်ပြ ထားတာ တွေ့ရ ပါတယ်။

ရန်ကုန်မြို့က ရှေ့နေကြီး ဦးအောင်သိန်း ကတော့ သပိတ် မှောက်သူတွေ ဘက်က ဒီအခြေ အနေအထိ တောင်းဆို ဆန္ဒပြတဲ့ အထိ ဖြစ်လာရ တာဟာ နဂို ကတည်းက အစိုးရပိုင်းက ပွင့်လင်း မြင်သာမှု မရှိတဲ့ အတွက် ဖြစ်တယ် လို့ ထောက်ပြ ပါတယ်။

အခု ကြေးနီ စီမံကိန်း လုပ်ဆောင် နေကြသူတွေ ထဲမှာ တရုတ် ကုမ္ပဏီနဲ့ မြန်မာ စစ်တပ်ရဲ့ ဦးပိုင် ကုမ္ပဏီတို့ ပါဝင် နေပြီး တရုတ် ကို ကျေးဇူးတရား ထားရမယ် ဆိုတာမျိုး ပြောနေတာလည်း ရှိတယ်လို့ သူက ပြောပါတယ်။

တခါ တရား ဥပဒေ စိုးမိုးရေးနဲ့ တည်ငြိမ် အေးချမ်းရေး ကော်မီတီ ဥက္ကဌ ဖြစ်တဲ့ လွှတ်တော် အမတ် ဒေါ်အောင်ဆန်း စုကြည်က အခြေ အနေကို သွားရောက် လေ့လာဖို့ အစီ အစဉ် ရှိနေချိန်မှာ သူ့ ခရီးစဉ် မတိုင်ခင် လက်ဦးမှု ရယူပြီး ဖြိုခွင်းတဲ့ အစိုးရရဲ့ လုပ်ဆောင်ပုံကို ကြည့်ရင်လည်း လွှတ်တော်ကို အံတု တာလို့ ပြောနိုင်ကြောင်းနဲ့ နိုင်ငံရေး နဲ့ နွှယ်လာတယ် ဆိုတဲ့ သဘောလည်း သက်ရောက် တယ်လို့ ဦးအောင်သိန်းက ပြော ပါတယ်။

အခု လက်ပံတောင်းတောင် ကြေးနီ စီမံကိန်းဟာ ပြည်သူ အများနဲ့ ဆိုင်တဲ့ ကိစ္စ ဖြစ်ပြီး သံဃာတော်တွေ ကပါ ဝိုင်းရံလာတဲ့ အတွက် အစိုးရ ဘက်က စိုးရိမ် စိတ်တွေ ဖြစ်လာပြီး အင်အားသုံး ဖြိုခွင်းတဲ့ အထိ ဖြစ်လာ တာလို့ ဦးအောင်သိန်းက ပြော ပါတယ်။

ဒီလပ်ရပ်ကြောင့် ဒီမိုကရေစီ လမ်းကြောင်းကို သွားနေ ပါတယ် ဆိုတဲ့ အစိုးရက ဆန္ဒပြမှု တွေကို အကြမ်းနည်းနဲ့ ဖြိုခွင်းတယ် ဆိုတာ ထင်ထင် ရှားရှား မြင်တွေ့ရတာ ဖြစ်ပြီး အစိုးရ သွားနေတဲ့ လမ်းကြောင်းကို ပြည်သူကလည်း သံသယ ဖြစ်လာနိုင်တယ်လို့ သူက သုံးသပ် ပါတယ်။

အခု လက်ရှိ ပြဿနာ ပြေလည်ရေး အတွက် ပြည်သူ လူထုက ယုံကြည် လက်ခံ သူတွေ ပါဝင်တဲ့ ကော်မရှင် တစ်ရပ် ဖွဲ့စည်းပြီး ဆောင်ရွက်ရင် အဖြေ တစ်ရပ် ရလာ နိုင်တယ်လို့ ဦးအောင်သိန်းက ပြောပါတယ်။

ဗြိတိန်က သတင်းစာ ကျင့်ဝတ်ဆိုင်ရာ အစီရင်ခံစာ

အယူခံ တရားရုံး တရားသူကြီး ဖြစ်သူ လဗဲက်ဆန်က အစီရင်ခံစာ ကို ပြုစုခဲ့တာ ဖြစ်ပါတယ်

ဗြိတိန် နိုင်ငံမှာ သတင်းစာ ကျင့်ဝတ်နဲ့ ပတ်သက်ပြီး တနှစ်ကြာ စုံစမ်း စစ်ဆေးမှုတွေ ပြုလုပ်ခဲ့ ပြီးနောက် တွေရှိခဲ့ ချက်တွေ အပေါ် အစီရင်ခံစာ ထွက်ရှိ လာပြီ ဖြစ်ပါတယ်။

သတင်းစာ ဆရာ တချို့ ကနေ လက်ကိုင်ဖုန်း တွေကို ကြားဖြတ် နားထောင် အချက်အလက် ခိုးယူခဲ့တဲ့ ကိစ္စရပ် တွေနဲ့ ပတ်သက်ပြီး ဝေဖန် ရှုတ်ချကြောင်း အစီရင်ခံစာမှာ ဖေါ်ပြထားပါတယ်။

ဒီအတွက် သတင်းစာ ကျင့်ဝတ်နဲ့ ပတ်သက်ပြီး သတင်းစာတိုက်တွေ အနေနဲ့ ပိုမို တင်းကျပ်တဲ့ စည်ကမ်းချက်တွေ ချမှတ် ကျင့်သုံးဖို့ အတွက်လည်း တောင်းဆို ထားပါတယ်။

အစီရင်ခံစာ ကို ပြုစုခဲ့တဲ့ အယူခံ တရားရုံး တရားသူကြီးဖြစ်သူ လဗဲက်ဆန်က ကျင့်ဝတ် စည်းကမ်းတွေကို စောင့်ကြည့်မယ့် လွတ်လပ်တဲ့ အဖွဲ့သစ် တခု လိုအပ် နေပြီ ဖြစ်တယ်လို့ ပြောပါတယ်။

အကြောင်း ကတော့ သတင်းစာတွေကြောင့် ရိုးသားတဲ့ ပြည်သူတွေရဲ့ ဘဝတွေကို အကြီး အကျယ် ထိခိုက်စေ ခဲ့တယ်လို့ သူက ပြောပါတယ်။

သူ့ရဲ့ တင်ပြချက်တွေကို ဥပဒေ ပြဌာန်းချက်တွေလို လုပ်ဆောင်စေဖို့ မဟုတ်ကြောင်းနဲ့၊ လွတ်လပ်စွာ ပုံနှိပ်ထုတ်ဝေခွင့်နဲ့ ပတ်သက်ပြီး အကာ အကွယ်ပေးဖို့ ကတော့ အစိုးရ တာဝန် ဖြစ်တယ်လို့ သူက ထပ်လောင်း ပြောကြား ပါတယ်။

တရုတ် ပင်လယ်ရဲတပ်ဖွဲ့ လုပ်ပိုင်ခွင့်ပိုရ

ကင်းလှည့် ရဲတပ်ဖွဲ့ကို အရင်က အကန့် အသတ်နဲ့သာ လုပ်ပိုင်ခွင့် ပေးထားတာ ဖြစ်ပါတယ်

တောင်တရုတ် ပင်လယ်က အငြင်းပွား ရေပိုင်နက် ထဲမှာ လှုပ်ရှား နေတဲ့ တရုတ် ပင်လယ်ပြင် ရဲတပ်ဖွဲ့ အနေနဲ့ သင်္ဘောတွေ ပေါ်ကို တက်ရောက် ရှာဖွေခွင့် ရရှိဖို့ အတွက် တရုတ် အစိုးရ ကနေ ပင်လယ်ပြင် ရဲတပ်ဖွဲ့ကို လုပ်ပိုင်ခွင့် အာဏာ ပိုပေး တော့မှာ ဖြစ်ပါတယ်။

ဟိုင်နန် ပြည်နယ်က ကျွန်းတွေမှာ ကင်းလှည့် နေတဲ့ ရဲတွေဟာ အဲဒီ ပင်လယ်ပြင်မှာ ရပ်နားနေတဲ့ နိုင်ငံခြား သင်္ဘောတွေနဲ့ ရေကြောင်း စည်းကမ်းတွေ ချိုးဖေါက် တဲ့ သင်္ဘောတွေ ပေါ်ကို တက်ရောက် စစ်ဆေးခွင့် ရရှိမှာ ဖြစ်တယ်လို့ တရုတ် နိုင်ငံ ပိုင် သတင်းစာမှာ ရေးသားထား ပါတယ်။

တရုတ် နိုင်ငံဟာ အဲဒီ ပင်လယ်ပြင်မှာ ဗီယက်နမ်နဲ့ ဖိလစ်ပိုင် နိုင်ငံ တို့နဲ့ ရေပိုင်နက် အငြင်းပွား နေမှု အရှိန် မြင့်တက် လာနေ ချိန်မှာ အခုလို လုပ်ဆောင်မယ်လို့ ပြောဆိုလာတာ ဖြစ်ပါတယ်။

သူပိုင် ငါပိုင် အငြင်းပွားနေတဲ့ သန္တာကျောက်တန်းတွေနဲ့ ကျွန်းစုတွေကို တရုတ်တို့က သူတို့ ပိုင်တယ်လို့ ကြေညာ ပြောဆို နေတဲ့အပေါ် ဖိလစ်ပိုင်နဲ့ ဗီယက်နမ် တို့က အပြင်း အထန် ဆန့်ကျင် ကန့်ကွက် နေကြတာ ဖြစ်ပါတယ်။

တရုတ် ရေပိုင်နက်ထဲ ဝင်ရောက် လာတဲ့ နိုင်ငံခြား သင်္ဘောတွေကို လိုက်လံ မောင်းထုတ် ဖို့ အတွက် ကင်းလှည့် ရဲတပ်ဖွဲ့ကို အရင်က အကန့် အသတ်နဲ့သာ လုပ်ပိုင်ခွင့် ပေးထားတာ ဖြစ်ပါတယ်။

ကိုဆိုဗို ဝန်ကြီးချုပ်ဟောင်း ကို တရားသေလွှတ်

ကိုဆိုဗို မြို့တော် ပရစ်စတီးနား မှာတော့ လူအုပ်ကြီးဟာ အောင်ပွဲခံပြီး ပျော်ရွှင်နေ ကြပါတယ်

စစ်ရာဇတ်မှုနဲ့ တရားစွဲဆိုခြင်း ခံထားရတဲ့ ကိုဆိုဗို ဝန်ကြီးချုပ် ဟောင်း ရာမုရှ် ဟာရာ ဒင်နာ ကို the Hague မြို့ ကုလသမဂ္ဂ အယူခံ တရားရုံး ကနေ တရားသေ လွှတ်ပေး လိုက် ပါတယ်။

မစ္စတာ ဟာရာဒင်နာ ဟာ ၁၉၉၈ ခုနှစ်များက ကိုဆိုဗို လွတ်မြောက်ရေး တပ်မတော်ရဲ့ ခေါင်းဆောင် အဖြစ် တာဝန်ယူ ထားချိန် အတွင်း ဆာ့ဗ်လူမျိုး၊ အဲလ်ဘေး နီးယား လူမျိုးနဲ့ ရိုမာ လူမျိုးတွေ အပေါ် စစ်ရာဇတ်ဝတ်မှု ကျူးလွန် ခဲ့တယ် ဆိုပြီး စွပ်စွဲ ခံထားရတာ ဖြစ်ပါတယ်။

သူ့အပေါ် စွပ်စွဲထားချက်တွေ အတွက် အထောက် အထား မပြနိုင်ဘူး ဆိုပြီး တရားရုံးက အမိန့်ချလိုက်တာ ဖြစ်ပါတယ်။

မစ္စတာ ဟာရာဒင်နာကို ၂၀၀၈ ခုနှစ် ကတည်းက အမှု ကနေ လွှတ်ပေး လိုက်တာ ဖြစ်ပါတယ်။ ဒါပေမယ့်လို သက်သေတွေကို ခြိမ်းချောက်မှု လုပ်တယ် ဆိုတဲ့ အကြောင်း ပြချက်နဲ့ လွှတ်ပေးတဲ့ အမိန့်ကို ပြန်ပြီး ပယ်ချ လိုက်တာ ဖြစ်ပါတယ်။

အဲဒီနောက်မှာတော့ the Hague စစ်ရာဇဝတ်မှု တရားရုံးမှာ ပြန်ပြီး တရားစီရင်ဖို့ ဆုံးဖြတ်ချက် ချခဲ့တာ ဖြစ်ပါတယ်။

ကိုဆိုဗို မြို့တော် ပရစ်စတီးနား မှာတော့ သူ့ကို အခုလို တရားသေ လွှတ်ပေး လိုက်တဲ့ အပေါ် လူအုပ်ကြီးဟာ အောင်ပွဲခံပြီး မီးရှူး မီးပန်းတွေ ဖေါက်ကာ ပျော်ရွှင်နေ ကြပါတယ်။

အီဂျစ် အခြေခံ ဥပဒေ မူကြမ်း မဲခွဲဖို့ ရှိ

သမ္မတ မော်စီကို ကန့်ကွက်ဆန္ဒပြသူများ

အီဂျစ် အခြေခံ ဥပဒေ မူကြမ်း ရေးဆွဲ နေတာ နောက် နာရီ ပိုင်း အတွင်း ပြီးစီးတော့မှာမို့ ကြာသပတေး နေ့မှာ အမြန် မဲခွဲဖို့ ရှိတယ်လို့ အခြေခံ ဥပဒေ သစ် ရေးဆွဲ ရေး တိုင်းပြည်ပြု လွှတ်တော် ဥက္ကဋ္ဌ က ပြောကြား လိုက်ပါတယ်။

သမ္မတ မော်စီ ရဲ့ အတည်ပြုချက် ရရင် ပြည်သူ့ ဆန္ဒ ခံယူပွဲ ကျင်းပဖို့ ရှိပါတယ်။

ဒါဟာ ကြီးထွား လာတဲ့ နိုင်ငံရေး အကျပ်အတည်းကို ပြောင်းလဲ နိုင်ဖို့ ကြိုးစား တာလို့ သမ္မတ ထောက်ခံတဲ့ အစ္စလာမ် ဝါဒီများ က ပြောကြား ပါတယ်။

လူအများ စိုးရိမ် နေကြ သလို မွတ်ဆလင် ညီနောင်များ အဖွဲ့ အကြိုက် ဆွဲထားတဲ့ ဥပဒေ ကြမ်း မျိုး ထွက်လာရင် အခြေ အနေ ပိုဆိုးဖို့ပဲ ရှိတယ်လို့ အတိုက်အခံ တွေ ဘက်က ဆိုပါတယ်။

မစ္စတာ မော်စီရဲ့ သမ္မတ အာဏာ တိုးချဲ့ယူတဲ့ အမိန့် ကြေညာချက် ကြောင့် တရားရေး ဌာနနဲ့ ရင်ဆိုင် တင်းမာမှု တွေ ဖြစ်နေချိန်မှာပဲ ဒီလို ကြေညာ ခဲ့တာ ဖြစ်ပါတယ်။

အခုလိုသမ္မတကို လိုလားသူတွေက အခြေခံဥပဒေကိုအမြန်ရေးနေချိန်မှာတော့ ကိုင်ရို တာရီယာ ရင်ပြင်မှာ သမ္မတကို ထောက်ခံသူနဲ့ ဆန့်ကျင်သူ ဆန္ဒပြသူတွေကြား ကြိုးကြား ထိပ်တိုက်ရင်ဆိုင် တိုက်ခိုက်ကြပါတယ်။

အခြေခံဥပဒေဆိုင်ရာ ခုံရုံးကတော့ သမ္မတက အာဏာအသစ်တွေ ရဖို့လုပ်နေတာဟာ အခြေခံဥပဒေရုံးကို လက်စားချေတာဖြစ်တယ်လို့ ပြင်းပြင်းထန်ထန် ဝေဖန်လိုက်ပါတယ်။

လက်ပန်းတောင်းတောင် အရေး အစိုးရထုတ်ပြန်ချက် နာရီပိုင်းအတွင်း ပယ်ဖျက်

နိုဝင်ဘာ ၂၉ ရက်နေ့ မနက်၃ နာရီလောက်က မုံရွာလက်ပန်းတောင်းတောင် ကြေးနီစီမံကိန်း ဖျက်သိမ်းရေး ကန့်ကွက်ဆန္ဒပြမှု ကို အာဏာပိုင်တွေက အင်အားသုံးဖြိုခွဲခဲ့တာနဲ့ ပါတ်သက်လို့ မြန်မာအစိုးရက ဒီနေ့ထုတ်ပြန်ခဲ့တဲ့ ကြေညာချက် အမှတ် ၁၁/၂၀၁၂ ကို နာရီပိုင်းအတွင်းမှာဘဲ ပယ်ဖျက်လိုက်ပါတယ်။ မကြာသေးခင်ကဘဲ သမ္မတရုံးပြောခွင့်ရသူက VOA မြန်မာပိုင်းကို အတည်ပြုပြောဆိုလိုက်တာပါ။ 

အဲဒီကျေညာချက်မှာ အရင်အစိုးရလက်ထက်ကစလို့ စီးပွားရေးတွက်ခြေကိုက်မှုအပါအ၀င် အလုပ်အကိုင်နဲ့ နည်းပညာရမှု၊သဘာ၀၀န်းကျင် ထိမ်းသိမ်းမှုတွေကို စနစ်တကျ တွက်ချက်လုပ်ကိုင်ခဲ့တာလို့ ဖော်ပြထားပါတယ်။  ဆန္ဒပြသူတွေကို နှိမ်နင်းရာမှာ ဥပဒေနဲ့ အညီဆောင်ရွက်ခဲ့ပြီး နောက်ဆုံးသတ်မှတ်ချိန်ကျော်သွားတဲ့အချိန်မှာ လူစုမခွဲခဲ့လို့ အဓိကရုဏ်း နှိမ်နင်းရေးနည်းတွေ အတိုင်း ဆောင်ရွက်ခဲ့တယ်လို့ ကြေညာပါတယ်။ 

အဓိကရုဏ်း နှိမ်နင်းနည်းတွေအနက် နိုင်ငံတကာသုံး မီးသတ်ပိုက်၊ မျက်ရည်ယိုဗုံးနဲ့ မီးခိုးဗုံးတွေကို သုံးခဲ့တယ်လို့လဲ သမ္မတရုံး ပြောခွင့်ရသူက VOA ကို အတည်ပြု ပြောဆိုပါတယ်။ ဒီနှိမ်နင်းမှုဟာ တရားဥပဒေ စိုးမိုးရေး၊ နိုင်ငံ အကျိုးစီးပွားနဲ့ ပြည်သူအကျိုးစီးပွားတွေကို ဥပဒေနဲ့ အညီကာကွယ်ဖို့ ဒီမိုကရေစီ ကျင့်စဉ်နဲ့ အညီ လုပ်တာဖြစ်တယ်လို့လဲ ကြေညာချက်မှာ ဖော်ပြခဲ့ပါတယ်။

တရုတ်ပတ်စ်ပို့ ဖိလစ်ပိုင်တံဆိပ်တုံးမထု

ဘေဂျင်းနိုင်ငံကူးလက်မှတ်ရုံးရှေ့က တရုတ်ပတ်စ်ပို့ပုံစံသစ်။

ဖိလစ်ပိုင်နိုင်ငံဟာ အာရှနိုင်ငံတွေထဲမှာ တရုတ်နိုင်ငံရဲ့ အီလက်ထရောနစ်နိုင်ငံကူးလက်မှတ်သစ်ကို တံဆိပ်တုံးမထုတဲ့ ဒုတိယမြောက် နိုင်ငံဖြစ်လာခဲ့ပါတယ်။ တရုတ်နိုင်ငံက သူ့ရဲ့အဲဒီနိုင်ငံကူး လက်မှတ် သစ်ထဲမှာ တောင်တရုတ်ပင်လယ်အတွင်း နယ်မြေပိုင်ဆိုင်မှု အငြင်းပွားနေတဲ့ ကျွန်းတွေကို သူတို့ရဲ့ ပိုင်နက်အဖြစ်နဲ့ ဖော်ပြထားပါတယ်။

ဖိလစ်ပိုင်နိုင်ငံခြားရေးဝန်ကြီးဌာနကတော့ - အဲဒီလို တရုတ်နိုင်ငံကူးလက်မှတ်သစ်ကို တံဆိပ်တုံး ထုပေးလိုက်ခြင်းအားဖြင့် တရုတ်နိုင်ငံ ဘက်က သူတို့ ပိုင်ဆိုင်တယ်လို့ ပြောနေတာတွေကို တရားဝင် အသိအမှတ်ပြုလိုက်သလို ဖြစ်သွားလိမ့်မယ်လို့ ဗုဒ္ဓဟူးနေ့က ပြောပါတယ်။ ဖိလစ်ပိုင်ဘက်ကတော့ တရုတ်နိုင်ငံဟာ တောင်တရုတ်ပင်လယ်ထဲမှာ နယ်မြေတွေ အလွန်အကျွံချဲ့ထွင်နေတာဖြစ်တယ်လို့ ဖိလစ်ပိုင်ဘက်က ပြောပါတယ်။

တောင်တရုတ်ပင်လယ်အတွင်းက ပင်လယ်ရေပိုင်နက်တွေကို ဖိလစ်ပိုင်၊ ဘရူနိုင်း၊ မလေးရှား ၊ ထိုင်ဝမ် နဲ့ ဗီယက်နမ်နိုင်ငံတွေကလည်း သူတို့ ပိုင်ဆိုင်တယ်လို့ ပြောနေကြပါတယ်။

တရုတ်နိုင်ငံကူး လက်မှတ်သစ်ကိုင်ဆောင်ထားတဲ့ တရုတ်နိုင်ငံက လာရောက်တဲ့သူတွေအတွက် ပြည်ဝင် ခွင့် ဗီဇာကို သီးခြားစာရွက်မှာ တံဆိပ်ထုပေးသွားမှာဖြစ်တယ်လို့ ဖိလစ်ပိုင်အစိုးရက ပြောပါတယ်။ အခုလို လုပ်လိုက်တာဟာ ပြီးခဲ့တဲ့အပတ်က တရုတ်အစိုးရကို တရားဝင် ကန့်ကွက်ခဲ့ပြီး တဲ့နောက် နောက်တစ်ကြိမ် ထပ်ပြီးတော့ တရားဝင်ကန့်ကွက်လိုက်တာဖြစ်ပါတယ်။

ဆန္ဒပြမှုအပေါ် အကြမ်းဖက်ဖြေရှင်းမှု ကန့်ကွက်ဝေဖန်

လုံခြုံရေးရေးတပ်ဖွဲ့တွေရဲ့ နှိမ်နင်းမှုကြောင့် မီးလောင်ဒဏ်ရာရ ခဲ့ရတဲ့ ဆန္ဒပြသံဃာတော်များ မုံရွာဆေးရုံတွင် ဆေးကုသမှု ခံယူစဉ်။ (နိုဝင်ဘာ ၂၉၊ ၂၀၁၂)

လက်ပံတောင်းတောင် ကြေးနီစီမံကိန်း ရပ်ဆိုင်းရေးအတွက် ဆန္ဒပြတောင်းဆိုနေသူတွေနဲ့ တာဝန်ရှိသူတွေကြားမှာ ညှိုနှိုင်းလို့ ရနိုင်တဲ့ အခြေအနေရှိနေတဲ့ကြားက ဆန္ဒပြသဃာတွေကို လုံခြုံရေးက အင်အားသုံး နှိမ်နှင်းခဲ့တာဖြစ်တယ်လို့ ပြဿနာကို ကြားဝင်စေ့စပ် ဖို့ကြိုးစားနေတဲ့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြောလိုက်ပါတယ်။ ကြေးနီ တူးဖော်ရေး စီမံကိန်း နယ်မြေတဝိုက် ဆန္ဒပြနေကြတဲ့ အဖွဲ့အစည်းတွေ အားလုံးကို ဖယ်ရှားဖို့ ပြည်ထဲရေးဌာနက အသိပေးပြီးနောက် အာဏာပိုင်တွေဘက်က  အင်အားသုံး နှိမ်နှင်းခဲ့တဲ့ အပေါ်မှာ ဒေါ်ခင်စန်းလှိုင်က ခုလိုပြောကြားခဲ့တာဖြစ်ပါတယ်။ မြန်မာနိုင်ငံရဲ့ အပြောင်းအလဲ အပေါ်မှာ နိုင်ငံတကာရဲ့ အာရုံစိုက်မှု ခံနေရချိန်မှာ အခုလို အခြေအနေဖြစ်ရတာနဲ့ ပါတ်သက်လို့ ဘန်ကောက်ရုံး မစုမြတ်မွန်က တင်ပြပါမယ်။

လက်ပံတောင်းတောင် ကြေးနီသတ္တုတူးဖော်ရေးရပ်ဆိုင်းဖို့ သပိတ်မှောက် ဆန္ဒပြနေကြတဲ့ သံဃာတော်တွေကို ဗုဒ္ဓဟူးနေ့ညပိုင်းမှာ ရဲတပ်ဖွဲ့က အင်အားသုံး လူစုခွဲခဲ့တာနဲ့ ပါတ်သက်လို့ အာဏာပိုင်တွေဖက်က ညှိနှိုင်းလို့ ရနိုင်ရက်နဲ့ အင်အားသုံး ဖြေရှင်းတာဖြစ်တယ်လို့  ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က VOA မြန်မာပိုင်းကို ပြောလိုက်ပါတယ်။

“ ကျမရောက်တဲ့အချိန်ကတည်းက သပိတ်စခန်းနဲ့ ညှိနှိုင်းပြီးသားပါ။ ဦးပိုင်ကုမ္ပဏီဘက်က တာဝန်ရှိသူတွေနဲ့လည်း ကျမစကားပြောပြီးသားပါ။ အဲ့တော့ ညှိနှိုင်းလို့ရရင် ညှိနှိုင်းကြပါ။ လိုချင်တာတွေ တောင်းဆိုချင်တာတွေ နှစ်ဖက် မျက်နှာစုံညီ ညှိနှိုင်းကြပါ။ ညှိနှိုင်းလို့ ပြေလည်တယ်ဟေ့ ဆိုရင်၊ သူတို့ဘက်ကနေ ကျမတို့ပြောတဲ့စကားကိုလည်း နားထောင်မယ်။ သပိတ်စခန်းကိုလည်း သိမ်းပေးမယ် သူတို့ဘက်က ပြောပြီးသား။ ဒီသပိတ်စခန်း ဘက်က တုန့်ပြန်ထားပြီးသား။ အဲ့တာကို ကျမတို့ ဟိုဘက်ကို ပြောပြတယ်။ ညှိနှိုင်းမယ် လည်းပြောတယ်။ ပြေလည်မယ့်နည်းလမ်းက ဘယ်လိုနည်းလမ်းကို ကျင့်သုံးမှာလည်း ကျမ ဒါကိုပြောတယ်။ အဲ့တာကို တာဝန်ရှိတဲ့သူတွေ ဘယ်လိုလုပ်မလဲဆိုတာကို ကျမတို့ကို အကြောင်းပြန်ပါပြောတာကို ကျမတို့ကို အကြောင်းမပြန်ဘဲနဲ့ ဒါ သူတို့အကြောင်းပြန်လိုက်တဲ့ နည်းလမ်းကတော့ မနေ့ညက ဆောင်ရွက်တဲ့နည်းလမ်းပါပဲ။”

စစ်ကိုင်းတိုင်းထဲက ကြေးနီသတ္တုတူးဖော် ထုတ်လုပ်ရေးစီမံကိန်းတွေကြောင့် လူမှုဝန်းကျင်နဲ့ သဘာဝပါတ်ဝန်းကျင်အပေါ် အကျိုးသက်ရောက်မှုတွေရှိနေတာကြောင့် ဒေသခံပြည်သူတွေက ကန့်ကွက် ဆန္ဒပြနေတဲ့ကိစ္စကို အမျိုးသားဒီမိုကရေစီ အဖွဲ့ချုပ်ပါတီ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က လွှတ်တော်မှာ ဖြေရှင်းဖို့ ကြိုးစားနေသူဖြစ်သလို၊ ဆန္ဒပြသူတွေနဲ့ တာဝန်ရှိသူတွေကို ကိုယ်တိုင်တွေ့ဆုံ ညှိနှိုင်းပေးဖို့ ကြိုးစားနေသူဖြစ်ပါတယ်၊ အဲဒီလိုအခြေအနေမျိုးမှာ ခုလို အရုပ်ဆိုးစေတဲ့ အဖြစ် ဖြစ်ရတဲ့အပေါ် လွှတ်တော်မှာ ဆက်လက် တင်ပြဆောင်ရွက်သွားမယ်လို့ သူကပြောပါတယ်။

“တရားဥပဒေစိုးမိုးရေး လမ်းကြောင်းပေါ် သွားနေတဲ့အချိန်မှာ၊ တရားဥပဒေစိုးမိုးရေး ကော်မတီရဲ့ ဥက္ကဌ တစ်ယောက်လာတော့မယ့် ခရီးစဉ်မှာ ဒီနေ့လာတော့မယ့် ခရီးစဉ် ရဲ့ အချိန်မှာဘဲ ဒီလိုမျိုး တရားဥပဒေစိုးမိုးမှု မရှိဘဲနဲ့ ပြည်သူ့အခွင့်အရေး၊ နောက်ပြည်သူတွေရဲ့ လွတ်လပ်ခွင့်၊ နောက် လူ့အခွင့်အရေး ဒါတွေကို ချိုးဖောက်ပြီးကာမှ တရားဥပဒေအတိုင်း မလုပ်ဘဲနဲ့ ဒီလိုမျိုး ချိုးဖောက်ပြီးတော့ ဆောင်ရွက်သွားတဲ့ကိစ္စရပ်အပေါ်မှာ ကျမတို့က ဒါကို လုံးဝလက်မခံပါဘူး။ ဒီကိစ္စတွေနဲ့ပတ်သက်ပြီး ကျမတို့က ဆက်လက်ဆောင်ရွက်သွားမှာပါ။”

သံဃာတော် အများစုဖြစ်တဲ့ ထိခိုက်ဒဏ်ရာရ သွားကြသူတွေရဲ့ အရေပြားတွေ မီးလောင်ဒဏ်ရာတွေ ရရှိရလောက်အောင် ပြင်းပြင်းထန်ထန် နှိမ်နှင်းခဲ့တာနဲ့ ပါတ်သက်လို့ အစိုးရက ဒီကနေ့ သတင်းထုတ်ပြန်ရာမှာတော့ ကြေးနီစီမံကိန်း အတွင်းမှာ ပုဒ်မ ၁၄၄ ထုတ်ပြန်ထားတဲ့ကြားက သပိတ်စခန်းတွေဖွင့်၊ စီမံကိန်းပျက်ပြားအောင် ဆောင်ရွက်၊ စီမံကိန်းထောက်ပံ့ရေးပစ္စည်းတွေကို ဖျက်ဆီး၊ ဝန်ထမ်းတွေကို အနှောင့်အယှက်ပေးပြီး ဆူပူဆန္ဒပြတဲ့အတွက်လို့ ဖော်ပြထားပါတယ်။ဒါ့အပြင် နောက်ဆုံးသတ်မှတ်ချိန် မတိုင်ခင်ရော ကျော်သွားပြီးတဲ့နောက်မှာပါ အသံချဲ့စက်တွေနဲ့ အကြိမ်ကြိမ် မေတ္တာရပ်ခံခဲ့တယ်လို့လဲ ဖော်ပြထားပါတယ်။

ဒါကြောင့် မြန်မာနိုင်ငံရဲတပ်ဖွဲ့က အထိကရုဏ်းနှိမ်နှင်းရေး နည်းစနစ်အတိုင်း အဆင့်ဆင့် ရှင်းလင်းဆောင်ရွက်ခဲ့တယ်လို့ အစိုးရရဲ့ ထုတ်ပြန်ချက်ထဲမှာ ဖော်ပြထားပါတယ်။ ဗုဒ္ဓဟူးနေ့ညက သပိတ်စခန်းကို ဖြိုခွင်းခဲ့တာနဲ့ ပါတ်သက်လို့  အဲ့ဒီ့သပိတ်စခန်းမှာ ရှိနေတဲ့ မစိုးရိမ်ကျောင်းတိုက်ဆရာတော် ဦးတေဇက VOA မြန်မာပိုင်းကို မိန့်ခဲ့တာကတော့-

“ ဦးဇင်းတို့က ဒီလောက်ကြီး အကြမ်းဖက်ပြီးတော့ နှိမ်နှင်းမယ်လို့ ဦးဇင်းတို့ မထင်ခဲ့ဘူးပေါ့။ သူတို့ တကယ်လို့မှ ဦးဇင်းတို့ကို ဖမ်းမယ်ဆိုရင် ဦးဇင်းတို့က လိုက်ဖို့အဆင်သင့်ပေါ့။ ဒီကိစ္စကို ဦးဇင်းတို့က အရေးတော်ပုံ အောင်မြင်စွာ ဆောင်ရွက်မယ်ဆိုတဲ့ သန္ဒိဌာန် နဲ့ ဦးဇင်းတို့က ဆက်နေတယ်။ သူတို့က သတ်မှတ်ထားတဲ့ ၁၂ အထိ သူတို့က ဘာတခုမှ မလုပ်ပါဘူး။ ၁၂ကျော်တော့ ဦးဇင်းတို့ သံဃာတော်တွေ ကျိမ်းကြတယ်။ ကျိမ်းတော့ ဦးဇင်းတို့ ဝမ်ပေါင်ကုမ္မဏီရှေ့က ပင်မသပိတ်စခန်းမှာ ဦးဇင်းတို့ သံဃာအပါး ၂၀၀ဝန်းကျင်ခန့်လောက် ကျိမ်းနေကြတယ်။

၂နာရီခွဲလောက်မှာ သူတို့က ဝမ်ပေါင်ကုမ္မဏီရှေ့က ပင်မတံခါးကြီးကို ဖွင့်လိုက်ပါတယ်။ ဖွင့်လိုက်တဲ့အချိန်မှာ သူတို့က ကုမ္မဏီရှေ့က တံခါးကြီးရဲ့ မီးသတ်ကားဘေးမှာ ဒိုင်းတွေနဲ့ နံပတ်တုတ်တွေ ကိုင်ထားတဲ့ ရဲအင်အားက တဖက်၊ တဖက်မှာ ပေါင်းလိုက်မယ်ဆိုရင် ၁၅၀ ဝန်းကျင်လောက်ရှိတယ်။ သူတို့ နံပတ်တုတ်တွေနဲ့ ရိုက်တဲ့အသံကြောင့်  သံဃာတော်တွေက အနည်းအကျဉ်း နိုးလာတာပေါ့။ မုံရွာက ပါလာတဲ့၊ မန္တလေးက ပါလာတဲ့ သံဃာအသေးလေးတွေကတော့ အိပ်ပျော်နေကြတယ်။

အဲ့ဒီ့အချိန်မှာ ဦးဇင်းတို့ မန္တလေးက ခေါင်းဆောင် အကြီးအကဲငါးပါးက ဝမ်ပေါင်ကုမ္ပဏီရှေ့ အပေါက်ကို ပိတ်ပြီးတော့ ငြိမ်းချမ်းစွာ ထိုင်လိုက်တယ်။ အဲ့ဒီ့အချိန်မှာ သူတို့က အဲ့ဒီ့ငါးပါးကို မီးသတ်ပိုက်တွေနဲ့ ထိုးပက်ပါတယ်။ ဒါပေမဲ့ အဲ့ငါးပါးက ကြံ့ကြံ့ခိုင်ပြီး ဒီအတိုင်းနေတယ်။ အဲ့အချိန်မှာ အဲ့ဒီ့ငါးပါးကို ပက်ပြီးတဲ့အခါမှာ ဦးဇင်းတို့ဒီဝမ်ပေါင်ကုမ္မဏီရှေ့မှာ ကျိမ်းနေတဲ့ သံဃာတွေကို မီးသတ်ပိုက်နဲ့ ထိုးပက်တယ်။ ဒါပေမဲ့ သူတို့ မရဘူး။ အဲ့ဒီ့အချိန်မှာ ရဲတွေက ရှေ့က ငါးပါးကို ဝင်ရိုက်ပါတယ်။

ရှေ့ကငါးပါးကို ဝင်ရိုက်ပြီးတဲ့နောက်မှာတော့ ဦးဇင်းတို့ ပင်မသပိတ်စခန်းကြီးကို ဗုံးကျဲပါတယ်။ ဗုံးကျဲတယ်လို့ သုံးစွဲတဲ့နေရာမှာ သူတို့က ဦးဇင်းတို့ သပိတ်စွဲထားတဲ့ သံဃာတော်တွေကို လူစုလူဝေးကွဲသွားအောင် ခြိမ်းခြောက်တဲ့အနေနဲ့ မျက်ရည်ယိုဗုံးခွဲတာမဟုတ်ပါဘူး။ဒီဗုံးကြီးဟာ ဦးဇင်းတို့ ရဟန်းတွေ၊ လူတွေ ထိခိုက်ရင် အဆောက်အဦးတခုလုံး မီးလောင်ပျက်စီးနိုင်တယ်၊ ဒီ့ထက်ဒဏ်ရာရရင် သေဆုံးစေနိုင်တယ်၊ ဒီလိုဒဏ်ရာတွေကြောင့်လည်း ဦးဇင်းတို့ မုံရွာဆေးရုံမှာ သံဃာအပါး ၂၀ကျော် ဆေးရုံတင်လိုက်ရပါပြီ။ မုံရွာဆေးရုံက မနိုင်လို့ ဦးဇင်းတို့ သူငယ်ချင်းတစ်ပါးကို မန္တလေးဆေးရုံမှာ ဆေးရုံတင်လိုက်ရပါတယ်။”

သံဃာတော်တွေရဲ့ သပိတ်မှောက် လှုပ်ရှားမှုကို ဦးဆောင်ဆရာတော်တပါးဖြစ်တဲ့ မစိုးရိမ်ကျောင်းတိုက်ဆရာတော် ဦးတေဇ မိန့်ခဲ့တာဖြစ်ပါတယ်။အစိုးရရဲ့ ထုတ်ပြန်ချက်ထဲမှာ ဖော်ပြထားတဲ့အတိုင်း စီမံကိန်း ထောက်ပံ့ရေး ပစ္စည်းတွေကို ဖျက်ဆီး၊ ဝန်ထမ်းတွေကို အနှောင့်အယှက်ပေးတယ်ဆိုတဲ့ ဖော်ပြချက်နဲ့ ပါတ်သက်လို့ ဒီကိစ္စတွေကို တောက်လျှောက် စောင့်ကြည့်နေတဲ့ ဒေသခံ သတင်းထောက် တစ်ယောက်ကိုလည်း မေးကြည့်ပါတယ်။

“ အစ်မ၊ မဟုတ်ဘူး။ မဟုတ်ဘူး။ ဒေသခံပြည်သူတွေရဲ့ လယ်ယာမြေတွေပေါ်မှာ ပစ္စည်းတွေ လာပုံတာတွေရှိပါတယ်။ ဆောက်လုပ်ရေးပစ္စည်းတွေ လာပုံတာတွေ ရှိပါတယ်။ ရှိတော့ကျတော့ ဒီဒေသခံတောင်သူတွေက ခင်ဗျားတို့က ဒီပေါ်မှာတော့ လာမပုံပါနဲ့။ ကျနော်တို့က ထွန်ယက်စိုက်ပျိုး စားရဦးမှာဆိုပြီးတော့အခါကျတော့ သူတို့မြေလေးတွေကို သူတို့ကာကွယ်တဲ့ အစဉ်အလာတွေတော့ရှိပါတယ်။ ဒါသူတို့ကို အနှောင့်အယှက်ပေးတာမဟုတ်ပါဘူး။ ကိုယ့်မြေကိုယ် ကာကွယ်တဲ့အဆင့်ပဲဖြစ်ပါတယ်။ ”

နောက် ဥပဒေနဲ့ မညီ လူစု လူဝေးနဲ့ ဆူပူ ဆန္ဒပြလာတယ်လို့ ပြောပါတယ်၊ ဘယ်လို ဆူဆူပူပူလုပ်လာတာကို မြင်ရပါလဲရှင့်။

“ သူတို့သပိတ်စခန်းဖွင့်လာတာ ယခုလ ၁၇ရက်နေ့က စတင်ပြီးတော့ သူတို့အထွေထွေ သပိတ်စခန်းဖွင့်လာတယ်။ အဲ့သလိုရက်လေးတွေ အနည်းငယ်ရလာတာနဲ့အမျှ သူတို့သပိတ်စခန်းက တခုကနေ ခြောက်ခုအထိ တိုးချဲ့ပြီးတော့ ဖွင့်လာတာကို တွေ့ရပါတယ်။ သူတို့က ငြိမ်းချမ်းစွာနဲ့ပဲ ထိုင်နေကြပါတယ်။ သူတို့က အော်နေတာတို့၊ ရုတ်ရင်းဆန်ခတ်ဖြစ်စေနိုင်တဲ့ အပြုအမူ၊ အပြောအဆိုတွေ လုပ်နေတာတွေမရှိပါဘူး။ သူတို့ရဲ့သပိတ်စခန်း၊ မိုးကာတဲလေးတွေ အောက်မှာ သူတို့ဘာသာ ငြိမ်းချမ်းစွာနဲ့ ထိုင်နေတာကိုပဲ ကျနော်တို့မြင်တွေ့ရပါတယ်ခင်ဗျာ။ ”

စစ်ကိုင်းတိုင်းဒေသခံ သတင်းထောက် တယောက်က သူမြင်တွေ့ရတဲ့ အခြေအနေကို ပြောပြသွားတာဖြစ်ပါတယ်။  မြန်မာနိုင်ငံမှာ သမ္မတဦးသိန်းစိန် အစိုးရရဲ့ ပြုပြင်ပြောင်းလဲရေး ဆောင်ရွက်ချက်တွေအပေါ် ထောက်ခံအားပေးမှု ရရှိနေချိန်မှာ သပိတ်မှောက် သံင်္ဃာတွေကို အစိုးရက ဖြိုခွဲခဲ့တာဖြစ်ပါတယ်။