ဒုိုင်ယာရီ အပုိုင်းအစလေးများ ( ၁ ) ပုိုးစုန်းကြူးတစ်ကောင်၏ ဆန္ဒ

Ven Pannasami July 10, 2014 at 9:50pm

မိမိသည် ၂၀၁၃ ခုနှစ် ဒီဇင်ဘာလ ၁၂ ရက်နေ့တွင် အမိရွှေပြည်သုို့ ဘယ်နှစ်ကြိမ်မြောက်မှန်း မသိဘဲ ပြန်လည်ရောက်ရှိခဲ့သည်။ အိန္ဒိယမှလည်း ပြန်ခဲ့ဖူးသောကြောင့် ပြန်ခဲ့ဖူးသည့် အကြိမ်ရေကို သေချာစွာမှတ်မထားမိတော့ပေ။ ဖင်လန်နုိုင်ငံမှ ပြန်ရောက်သည်ကား နှစ်ကြိမ်မြောက်ဖြစ်သည်။ ရန်ကုန်လေဆိပ်သုို့မဆင်းသက်မီ ကောင်းကင်ယံမှရန်ကုန်မြို့ ၏ အစွန်တစ်နေရာကုို မြင်ရသည် ဆုိုလျှင်ပဲ ရွှေပြည်၏အမည်ဖေါ်၍မပြနုိုင်သော အရိပ်အရောင်နှင့်အငွေ့အသက်တုို့က ရင်ထဲတွင်ဆုို့နင့်စွာ ခံစားစေသည်။ ရွှေပြည်ကြီးသည် သူ့ထံသုို့ပြန်လာကြသည့် သူ၏သားသမီးများဖြစ်သော ပြည်သူပြည်သား မှန်သမျှကုို ထုိုကဲ့သုို့ ဆုို့နင့်အောင်ကလူကျီစယ်တတ်သော အလေ့အထရှိပုံပေါ်သည်။ လေယာဉ်ပေါ်မှ ဆင်းသက်ပြီး၍ Immigration ကုို ဖြတ်ကျော်သောအခါ တစ်ခါတစ်ရံ မနှစ်မြို့ ဘွယ်ရာ ဓာတ်ပုံရုိုက်ခြင်းကုို ခံရသည်။ လေဆိပ်မှပြန်လည်ထွက်ခွါသည့်အခါတုိုင်းတွင်မူကား အမြဲဓာတ်ပုံရုိုက်ယူသည်ကုို ကြုံရသည်။
ဤသည်မှာ အစုိုးရတစ်ရပ်၏ မတည်ငြိမ်သေးသော တရားဥပဒေစုိုးမုိုးမှုမရှိသေးသော  ပြည်သူကုိုမယုံရဲသေးသော သုို့မဟုတ် အစုိုးရနှင့်ပြည်သူ အပြန်အလှန်မကြည်ဖြူသေးသော မနှစ်မြို့ ဘွယ်ရာ လုပ်ရပ်တစ်ခုဟု ထင်မြင်ခံစားရသည်။  မိမိရောက်ဖူးသမျှနုိုင်ငံတုိုင်းတွင် Immigration မှ ဓာတ်ပုံရုိုက်ယူခြင်းကုို မတွေ့ကြုံဘူးပေ။

   Immigration ကုိုကျော်ဖြတ်ပြီး၍ ပါလာသည့် Luggages များကုိုရွေးပြီးသောအခါ လက်တွန်းလှည်းပေါ်သုို့ အနှီ Luggages များကုိုစီရရီတင်လုိုက်သည်။ ၎င်းနောက် ထွက်ပေါက်သုို့ဖြည်းညှင်းစွာတွန်းသွားရင်း လာကြိူနေကြသော ဒကာ ဒကာမများကုို တဖျပ်ဖျပ်မျက်တောင်ခတ်၍ ဟုိုဟုိုဒီဒီ စူးစမ်းလုိုက်သည်။ တွေ့ပါပြီ။ လှိုက်လဲပျူငှာသော အပြုံးများ၊ နွေးထွးသော ဆက်ဆံရေးများ၊ ရင်းနှီးသောကြိုဆုိုမှုများးးးး စသည်စသည်။ သူတုို့က မိမိကုိုကြိုတင်၍မြင်နေကြပုံပေါ်သည်။ ဒကာ ဒကာမများ၏ လှိုက်လှဲပျူငှာသောအပြုံးသည် မိမိရင်ကုိုကျေနပ်စေသည့်အပြင် အားအင်လည်းဖြစ်စေခဲ့သည်။ သူတုို့လည်း မိမိကုိုမြင်တွေ့ရတော့ ဝမ်းသာကြသည်။ အမိရွှေပြည်ကြီးသည် မတုိုးတက်ဘဲ မည်မျှပင်ခေတ်နောက်ကျ၍ ဆင်းရဲနေစေကာမူ ကုိုယ့်သွေးကုိုယ့်သား ကုိုယ့်မြေ ကုိုယ့်ရေဖြစ်သည်မုို့ ပြန်လည်ထိတွေ့မိသည့်အခါတုိုင်း  နှလုံးသားတွင်
ထိထိရှရှခံစားရသည်တော့အမှန်ပင်ဖြစ်သည်။  မှတ်မှတ်ရရ မိမိအိန္ဒိယနုိုင်ငံမှ ပထမဆုံးအခေါက်ပြန်လာစဉ် ကြိုဆုိုမည့်သူဟူ၍ တစ်ယောက်မျှမရှိ၊ မည်သူမျှလည်းမသိ၊ ကုိုယ်လည်းသူ့မသိ သူလည်းကုိုယ့်မသိ ခက်ပါဘိ နှင့်ကြုံခဲ့ရဖူးသည်။ Taxi ငှား၍ ကျောင်းသုို့ပြန်ရောက်သွားသောအခါ လက်ထောက်ဆရာတော်က " ဟ မင်းက ဆုိုင်းမဆင့် ဗုံမဆင့်နဲ့ ဘယ်လုိုလုပ်ရောက်လာတာတုန်းကွ " ဟု အံ့သြစွာကြိူဆုိုမှုကုိုခံခဲ့ဖူးသည်။ မိမိက အပြုံးနှင့်သာ ပြန်လည်၍ အာဂန္တုကဧည့်ဝတ်ပြုလုိုက်သည်။ သုို့သော် ရင်ထဲတွင် ပျော်ရွှင်သောခံစားမှုတစ်ခုက ထိထိရှရှရှိလှသည်ကုို အမှတ်ရမိသည်။  ဘဝ၏ ယခင်နှင့်ယခုသည် အရာရာဝယ် ( ရည်မှန်ချက်တုို့ မအောင်မြင်သေးသည့်တုိုင် ) အတုိုင်းအတာတစ်ခုအထိ ခြားနားမှုဖြစ်လာသည်ဟုတော့ သတိပြုမိသည်။

  ရွှေပြည်ကုိုပြန်သွားရခြင်း၏ အဓိကရည်ရွယ်ချက်သည် သင်ယူလေ့လာ၍ မိမိတတ်စွမ်းထားသမျှသောပညာရည်ဖြင့် အမိရွှေပြည်ကုို စွမ်းသမျှကျေးဇူးဆပ်ရန်ပင်ဖြစ်သည်။ တိတိပပအားဖြင့်ဆုိုရသော် ရဟန်းသံဃာများအတွက် ခေတ်နှင့်လျော်ညီသောပညာများဝေငှရေးနှင့် ဆင်းရဲသောကျောင်းသား ကျောင်းသူများနှင့်မိဘမဲ့ကလေးသူငယ်များအား အခမဲ့ပညာရေးဆောက်ရွက်ပေးရန်ပင်ဖြစ်သည်။ အမှန်စင်စစ် ထုိုရည်ရွယ်ချက်များ အကောင်အထည်ဖေါ်ရန်အတွက် လုံလောက်သောငွေကြေးမဆုိုထားနှင့်၊ အခြေခံငွေကြေးမျှပင်မရှိပါချေ။ ငွေကြေးမျှသာမဟုတ်သေး၊ လုပ်ကုိုင်ရန်နေရာဌာနကုိုလည်း ဘယ်ဆီဘယ်ဝယ်မျှော်မှန်းရမည်ကုို သဲသဲကွဲကွဲမသိသေးချေ။ ရည်မှန်းချက်အတွက် မသေချာမရေရာမှုနှင့်ဝေဝါးမှုတုို့ကသာ လွှမ်းခြုံအုံ့ဆုိုင်းနေခဲ့သည်။ ဖြစ်ချင် လုပ်ချင်သော ဆန္ဒမှလွဲ၍ မည်သည့်အရာမျှ ကြည်လင်စွာမထင်ရှားခဲ့။ သုို့သော် ကုိုယ်တုိုင်ကျေနပ်မိသည့်အရာကား ရည်မှန်းချက် ဆုံးဖြတ်ချက်နှင့် ဆန္ဒတုို့လမ်းချော်မသွားဘဲ တည့်မတ်စွာ ဆက်လက်လျှောက်လှမ်းနေခြင်းပင်ဖြစ်သည်။ သို့သော် တစ်ခါတစ်ရံတွင် မထင်မှတ်ဘဲကြုံရလေ့ရှိသော အခက်ခဲများကြောင့် အောင့်အီးကာပုန်းအောင်းနေသောဒေါသသည် ဗြုန်းခနဲခုန်ထွက်၍ မျက်နှာပြောင်တုိုက်ကာ အားမနာတမ်း ပွင့်လင်းစွာဖွင့်ဟမိခဲ့သည်များလည်း ရှိခဲ့သည်။ မည်သုို့ဆုိုစေ " တစ်ခါတစ်ရံ ဒေါသ၏ပေါက်ကွဲသံသည် သစ္စာတရား၏တုိုက်စစ်မှုးလည်းဖြစ်နေတတ်သည် " ဟု ကောက်ချက်စွဲမိသည်။

  အချို့ က  " အရှင်ဘုရားက ဒီရည်မှန်းချက်ကုို အကောင်အထည်ဖေါ်မှာဆုိုတော့ ဘယ်အင်အားတွေ ဘယ်လောက်ရှိလုို့လဲ " ဟု တဲ့တဲ့ပင် မေးကြသည်။  မေးထုိုက်သောမေးခွန်းဖြစ်၍ ဖြေထုိုက်သောအဖြေဖြင့်တဲ့တဲ့ပင် တုန့်ပြန်လုိုက်သည်။ "  စိတ်ဆန္ဒကလွဲရင် ဘာမှမရှိဘူး "။ ဤသုို့ဆုိုလေသော် ဆက်လက်မမေးကြဘဲ အကဲခတ်သည့်အကြည့်မျိူးဖြင့် စူးစမ်းကြလျှက် နှုတ်ဆိတ်နေကြသည်ကုိုကြုံရသည်။ " အလကားပါကွာ၊ ဒီကောင် ဘာမှမစွမ်းဆောင်နုိုင်ပါဘူး၊ လေကြီးမုိုးကြီးတွေ ပြောနေတာပါ " ဟုအချို့ ဘုန်းကြီးများက ကွယ်ရာတွင် ဝစီကံမေတ္တာပုို့ကြသည်ကုို တစ်ဆင့်ပြန်လည်ကြားသိရသည်များလည်းရှိသည်။ မှန်ပါသည်။ မိမိရည်မှန်းချက်နှင့်ဆန္ဒအတွက် ဘယ်အရာတစ်ခုကုိုမျှ ထိထိမိမိ အကောင်အထည်မဖေါ်ဆောင်ရသေးသော မိမိအဖုို့ သူတုို့ပေးသော လက်ဆောင်များသည် ငြင်းပယ်ရန်မလုိုဘဲ ပြုံးအံခဲ၍ လက်ခံရမည်သာဖြစ်သည်။ မည်သူမဆုိုကြုံရတတ်သော အစဉ်အလာလောကဓံပင်ဖြစ်သည်မုို့ တည်ငြိမ်စွာလက်ခံနုိုင်အောင်ကြိူးစားရုံမှတပါး အခြားလမ်းမရှိပေ။ အမှန်စင်စစ် " စစ်မှန်ပြင်းပြသော ဆန္ဒဟူသည် သဘာဝတောအုပ် တောမြိုင်ကြီး၏ စွမ်းအားကောင်းသော မျိူးစေ့ငယ်ပင်မဟုတ်ပါလား သုို့မဟုတ် ကြီးမားသော ရလာဒ်တုိုင်း၏ အမြုတေပင်မဟုတ်ပါလား  " ဟူသော အတွေးဖြင့် စိတ်စွမ်းအင်ကုိုထပ်မံ၍အားဖြည့်လုိုက်မိသည်။

( ဆက်ရန် )

Ven Pannasami