ပွဲကျောင်းသိုင်းပညာဆိုတာ ...

Min Thuyein

ပွဲကျောင်းသိုင်းပညာဆိုတာနဲ့ မြန်မာတွေ တော်တေ်ာများများသိထားကြတာက ပုဂံခေတ် အရည်းကြီးတွေရဲ့ပညာလို့မြင်ကြပါ

တယ်။ ပုဂံခေတ် ပန်းဦးဆက်သရတဲ့ အရည်းကြီးတွေ အကြောင်းကိုပဲ လူတွေ မျက်စိထဲမြင်ကြမှာပါ။ ထို သမိုင်းမှားအတွက် ပွဲကျောင်းသားတစ်ဦးဖြစ်တဲ့ ကျွန်တော်မှာ ရှင်းလင်းဖို့ တာဝန်ရှိလာပါတယ်။

ပုဂံခေတ်မှာ အရည်ကြီးဆိုတဲ့အကြောင်းအရာရှိခဲ့တယ်ဆိုတာကို ကျောက်စာ၊ မင်စာ၊ အုတ်ခွက်စာ အစရှိတဲ့ ငြင်းပယ်လို့မရတဲ့ သမိုင်းသက်သေမရှိပါဘူး။ ပုဂံတစ်မြို့လုံးမှာလည်း ဂါမ၀ါသီပွဲကျောင်း အဆောက်အဦးနဲ့တူတာ တစ်ခုမှ တူးဖော်လို့မရရှိသေးပါဘူး။ အဲဒါကြောင့် သမိုင်းပညာရှင်က ပုဂံခေတ်မှာ အရည်ကြီးဆိုတာမရှိပါဘူး ရှိရင် သက်သေပြပါလို့ ပြောခဲ့ပါတယ်။ သမိုင်း မှတ်တမ်းများ အရ အရည်းကြီးဆိုတာ မရှိသလို ပွဲကျောင်းသိုင်းပညာကို တကယ်သင်ယူ ဖူးသူ အားလုံးဟာ တကယ့် ပွဲကျောင်းပညာရပ်ဟာ စာအုပ်ထဲက စိတ်ကူးယဉ်ပွဲကျောင်းပညာလို မဟုတ်ဘူးဆိုတာ သဘောပေါက်သွားကြပါတယ်။ မီးလှုံ၊ ရေငုပ်၊ ဇယ်ခတ်၊ တုန်းခုံဆိုတာက သိုင်းကျင့်စဉ်ပါ။ ထိုကျင့်စဉ်တွေကို သဘောမပေါက်ဘဲ အရည်းကြီးကျင့်စဉ်လိုလို ရေးခဲ့ကြတာပါ။

ပွဲကျောင်းသိုင်းပညာဟာ အခြားမြန်မာ့သိုင်း၊ ရှမ်းသိုင်း၊ အင်းသိုင်း၊ ရာမညသိုင်း အစရှိတဲ့ သိုင်းပညာများနဲ့ မတူဘဲ တမူထူးခြားတဲ့ သိုင်းပညာရပ်ပါ။ ပွဲကျောင်းသိုင်းပညာကို လူမျိုးခြား ဘာသာခြားများ သင်လို့မရသလို မြန်မာလူမျိုး ၁၀၀၀ မှာ တစ်ယောက် တတ်ဖို့အထိ ခဲယာဉ်တဲ့ ပညာရပ်ဖြစ်လို့ ပွဲကျောင်းသိုင်းပညာမသင်ရတဲ့သူတွေရဲ့ သမိုင်းလိမ်ကြောင့် နာမည် ပျက်ခဲ့ရ တာပါ။

ပွဲကျောင်းသိုင်းပညာဟာ အခြေခံအဆင့်မှာတင် ကမ္မဌာန်းကျင့်စဉ်နဲ့ တွဲဖက်ပြီး စတင်လေ့ကျင့်ရ တဲ့ သိုင်းပညာရပ်တစ်ခုဖြစ်ပြီး ပွဲကျောင်းသိုင်းပညာရပ်မှာ ဒဿနပေါင်းများစွာ ဥပဒေသပေါင်းများစွာသော စည်းကမ်းတွေနဲ့ တင်းကျပ်စွာသင်ကြားရတဲ့ သိုင်းပညာရပ်ပါ။

သိုင်းပညာရပ်မှာ အဆင့် ၃ မျိုးရှိပါတယ်။
(က) သိုင်းသမား၊ စစ်သား
(ခ) သိုင်းဆရာ၊ သိုင်းပညာရှင်
(ဂ) သိုင်းဝိဇ္ဖာ ရသေ့ပညာရှင် အဆင့် ဆိုပြီး ၃ မျိုး ရှိပါတယ်။ (ဂ) သိုင်းဝိဇ္ဖာ ရသေ့ပညာရှင် အဆင့်က အမြင့်ဆုံးပါ။ အဲဒီအဆင့်ရောက်ဖို့ ဘယ်သိုင်းပညာရပ်မှာမဆို သမထစွမ်းအားလိုပါ တယ်။ မိန်းမနဲ့ ဖက်အိပ်နေလို့ရှိရင်တော့ အဲဒီအဆင့်ကို ဘယ်လိုမှ မရောက်နိုင်ပါဘူး။

ကျွန်တော်တို့ ပွဲကျောင်းသိုင်းပညာမှာ အဆင့် ၅ ဆင့်ခွဲထားပါတယ်။
(က) ၀ိုင်းထွက် (၅ ယောက်၊ ၇ ယောက် ကိုထွက်နိုင်ရပါမယ်)
(ခ) ခန်းဝင်၊ ခန်းထွက် (၁၂ ယောက်နှင့်အထက် ကိုထွက်နိုင်ရပါမယ်)
(ဂ) ရွာဝင်ရွာထွက် ( အယောက် ၁၀၀ နှင့်အထက် ကိုထွက်နိုင်ရပါမယ်)
(ဃ) မြို့ဝင်မြို့ထွက် ( အယောက် ၁၀၀၀ နှင့်အထက် ကိုထွက်နိုင်ရပါမယ်)
ရန်သူမြို့ထဲဝင်ပြီး ရန်သူ ခေါင်းဆောင်ကိုသတ်ဖြတ်ရပါတယ် ရန်သူခေါင်းဆောင် ရဲ့ ခေါင်းကိုပါအောင် ဖြတ်နိုင်ရင် မြန်မာဘုရင်လက်ထက်တွင် လက်ျာပျံချီဘွဲ့ပေးပါတယ်။ ရန်သူခေါင်းဆောင် သေတယ် အလောင်းပါမလာရင် လက်ဝဲပျံချီပေးပါတယ်။ မွန်သူရဲကောင်း ဥပါကောင်း၊ သံလုံငယ် တို့လိုမျိုးပါ။
(င) နောက်ဆုံးအဆင့်ကတော့ တောဝင် တောထွက်ပါ။ ( ထိုအဆင့်တွင် ရသေ့ဝတ်ကြတာ များပါတယ်)

ပွဲကျောင်းသားတစ်ယောက် သိုင်းပညာစတင်ပြီဆိုထဲက ပထမအဆင့် အမျိုးဘာသာ သာသနာကိုကာကွယ်ဖို့နဲ့ အတူ သူ့ရဲ့ နောက်ဆုံးရည်ရွယ်ချက်က နောက်ဆုံး အဆင့် တောဝင်တောထွက် အောင်ပြီး ပညာစဉ်ကို မပျောက်မပျက်အောင် ထိန်းသိမ်းဖို့အထိ ဖြစ်ပါတယ်။ ရန်ဖြစ်ဖို့ သူတစ်ပါးကိုအနိုင်ကျင့်ဖို့အတွက်တော့ ပွဲကျောင်း သိုင်းပညာကို သင်ကြားလို့လုံးဝမရပါဘူး။ အဲဒီလို ဆန်းကောင်းမှာ ကြွက်ချေးမေ၇ာအောင် အဆင့်အဆင့် စမ်းသပ်မှုပေါင်းများစွာနဲ့ စိစစ်ပါတယ်။ နောက်ထပ် တားမြစ်ချက်က အဆင့် ၅ ဆင့်မှာ ဘယ်အဆင့်ပဲေ၇ာက်ရောက် အိမ်ထောင်ပြုခဲ့လျှင် နောက်တစ်ဆင့် ထပ်တက်လို့ မရတော့တာပါပဲ။ သာမာန်ပွဲကျောင်းသား တော်တော်များများဟာ အဆင့် ၃ နဲ့ ၄ မှာတင် ရပ်တန့် ကြရတာများပါတယ်။ အဆင့် ၅ ရောက်ဖို့က ပြင်းထန်းတဲ့ သထမကျင့်စဉ်တွေနဲ့အတူ တောရဲ့ သဘာဝ၊ သားကောင်တွေရဲ့ သဘာဝ၊ ဆေးဘက်ဝင်အပင်တွေရဲ့ အကြောင်း အဆိပ်ပင်တွေ အကြောင်း တွေကို လေ့လာသင်ယူရတဲ့အတွက် ရသေ့ဝတ်ကြရပါတယ်။

ဒီလို ပြင်းထန်းတဲ့ ဥပဒေသနဲ့ တားဖြစ်ထားတဲ့ ပညာရပ်ကို လေ့ကျင့်နေသူတွေကို ပန်းဦးဆက်သ ရတယ်ဆိုတဲ့ ရေးသားမှုဟာ အပုတ်ချခဲ့မှုသက်သက်ဆိုတာ ပွဲကျောင်းသားတိုင် သိရှိကြပါတယ်။

* ပညာစဉ်များနဲ့ လေ့ကျင့်ရမှုကို ထပ်မံဖေါ်ပြပါမယ်။ ထိုပညာစဉ်များ ဥပဒေသများကို လေ့လာရုံနှင့် ပွဲကျောင်းဆိုတာ မည်သို့သော သိုင်းပညာဆိုတာ သဘောပေါက်လာကြမှာပါ။