16.02.2013 နေ့ဖတ်ရန်သတင်းများ

by Myanmar Journal on Saturday, February 16, 2013 at 4:29am ·

ကမ္ဘာကြီး အနီးက ဂြိုလ်သိမ်ဂြိုလ်မွှားတခု ဖြတ်သွား
ကမ္ဘာကြီး အနီးက ဂြိုလ်သိမ်ဂြိုလ်မွှား ဖြတ်သွား
ဘောလုံးကွင်း ထက်ဝက် စာလောက် ရှိတဲ့ ဂြိုလ်သိမ် ဂြိုလ်မွှား တခုဟာ ကမ္ဘာမြေအနီး ကနေ ဘေးအန္တရာယ် မပေးဘဲ ဖြတ်သွား ခဲ့ပါတယ်။
ဒါဟာ အဲဒီ အရွယ်အစား ရှိတဲ့ ဂြိုလ်သိမ် ဂြိုလ်မွှားတခု ကမ္ဘာနဲ့ အနီးဆုံးကို ရောက်လာခဲ့ခြင်း ဖြစ်တယ်လို့ သိပ္ပံပညာရှင် တွေက ပြောကြပါတယ်။
အဲဒီ ၄၅ မီတာ အချင်းရှိတဲ့ ကျောက် အဆိုင်အခဲဟာ ကမ္ဘာဂြိုလ်နဲ့ အနီးဆုံး ကီလိုမီတာ ၂၈၀၀၀ လောက်ကနေ ဖြတ်သန်း သွားခဲ့တာ ဖြစ်ပြီး ဒါဟာ ရုပ်မြင် နဲ့ မိုးလေဝသ ဂြိုလ်တု တွေနဲ့ ကမ္ဘာဂြိုလ် ကြားက အကာအဝေး ထက်ကို ပိုပြီး နီးကပ် နေပါသေးတယ်။
သိပ္ပံပညာရှင် တွေကတော့ အဲဒီ ဂြိုလ်သိမ်ဂြိုလ်မွှားနဲ့ သူ့မတိုင်ခင်လေးမှာ ရုရှား နိုင်ငံမှာ ကျရောက် သွား ခဲ့တဲ့ ဥက္ကာပျံနဲ့ ဘာမှ ပတ်သက်မှု မရှိဘဲ တိုက်ဆိုင်မှု သက်သက်သာ ဖြစ်တယ်လို့ ပြောကြပါတယ်။

အီးယူ နဲ့ ၈၈ ခေါင်းဆောင်တြေ ၂၀၁၅ ရွေးကောက္ပြဲအေရး ဆြေးနွေး
ဥရောပသမဂ္ဂရဲ့ မြန်မာ့ ရွေးကောက်ပွဲဆိုင်ရာ ထောက်ပံ့ကူညီဆောင်ရွက်ရေး အဖွဲ့က ရွေးကောက်ပွဲဆိုင်ရာ အကြံပေးနဲ့ ကျွမ်းကျင်သူများဖြစ်ကြတဲ့ Vic Butler ဗစ်ဘတ်တလာနဲ့ Xavier Nox ဆာဗီးယား နော့ခ်စ် တို့ဟာ ၈၈ မျိုးဆက်ကျောင်းသားများ အဖွဲ့က ကိုဌေးကြွယ်၊ ကိုကိုကြီးတို့နဲ့ သောကြာနေ့က လာရောက် တွေ့ဆုံပြီး ၂၀၁၅ ရွေးကောက်ပွဲကို တရားမျှတစွာ ကျင်းပနိုင်ရေး အတွက် ဆွေးနွေးခဲ့ကြပါတယ်။
ရွေးကောက်ပွဲ ကော်မရှင်ရဲ့ အခန်းကဏ္ဍ၊ ပြီးခဲ့တဲ့ ရွေးကောက်ပွဲတွေက အတွေ့အကြုံ တွေ၊ နိုင်ငံတကာက ဘယ်လို ပံ့ပိုးကူညီ နိုင်မလဲ စတာတွေနဲ့ မဲဆန္ဒရှင်စာရင်း မှန်ကန်စွာပြုစုရေး ပွင့်လင်းမြင်သာမှုရှိရေးအပါအဝင် အချက်အလက် တော်တော်များများကို ဆွေးနွေးခဲ့တယ်လို့ ကိုဌေးကြွယ်က ပြောပါတယ်။
သူတို့အနေနဲ့၁၉၉၀ ပြည့်နှစ် ရွေးကောက်ပွဲ၊ ၂၀၁၀ ရွေးကောက်ပွဲနဲ့ နဲ့ ၂၀၁၂ ခုနှစ် ကြားဖြတ်ရွေးကောက်ပွဲ အတွေ့အကြုံတွေကို ပြောပြ ဆွေးနွေးခဲ့ရာမှာ ၂၀၁၀ ရွေးကောက်ပွဲက မဲဆန္ဒရှင်စာရင်း၊ မဲရေတွက်မှု မဲရုံဖြန့်ကျက်မှု စတာတွေက ချို့ ယွင်းချက်တွေကို ထောက်ပြခဲ့တယ်လို့ ဆိုပါတယ်။
ရွေးကောက်ပွဲကော်မရှင်ဟာ လွတ်လပ်ပြီး တရားမျှတတဲ့ ကြားနေအဖွဲ့အစည်း ဖြစ်ဖို့ လိုအပ်တယ်ဆိုတာကိုလည်း ထည်သွင်းဆွေးနွေးခဲ့တယ်လို့ ကိုဌေးကြွယ်က ပြောပါတယ်။

ရုရှားမှာ ဥက္ကာပျံ ကြွေကျ
ရုရှားမှာ ကြွေကျခဲ့တဲ့ ဥက္ကာပျံ
ရုရှား နိုင်ငံ က တောင်ဘက် ယူရယ် တောင်တန်းဒေသမှာ ကြီးမားတဲ့ ဥက္ကာပျံ တစင်း ကြွေကျ ခဲ့တဲ့အတွက် လူပေါင်း ၁၀၀၀ နီးပါးလောက် ထိခိုက် ဒဏ်ရာ ရရှိ ခဲ့ပါတယ်။
အဲဒီလို ကြွေကျခဲ့ရာမှာ ပြင်းထန်တဲ့ တုန်ခါမှုတွေ ဖြစ်ခဲ့ပြီး အဲဒီ ဒေသအတွင်းက နေရာ တော်တော် များများမှာ ရှိတဲ့ အဆောက်အအုံ တွေလည်း ပျက်စီးခဲ့ရပါတယ်။
ထိခိုက် ဒဏ်ရာ ရရှိသူ တွေထဲက တော်တော်များများ ကတော့ ပဲ့စင် ထွက်လာတဲ့ ဖန်ကွဲ တွေထိမှန် ခဲ့လို့ ဖြစ်တဲ့ ဖူးယောင် ရှနာ မှုမျိုး တွေလောက်သာ ဖြစ်ခဲ့ပေမယ့် လူတချို့ကိုတော့ ဆေးရုံ တင်ထားရပါတယ်။
အဲဒီ ဥက္ကာပျံ ကြွေကျ ခဲ့ရာမှာ နျူကလီးယား ဗုံး တလုံးလောက် အာနိသင် ရှိတဲ့စွမ်းအင် ကီလိုတန် တော်တော်များများကို ထုတ်လွှတ်သွား ခဲ့ပါတယ်။
ရုရှား သမ္မတ ဗလာဒီမီယာ ပူတင်ကတော့ လူသူ ထူထပ်တဲ့ဒေသထဲ ဒီလို ကြီးမားတဲ့ အာကာသ အစိတ်အပိုင်းတွေ ကြွေမကျ ခဲ့တဲ့ အတွက် ဘုရားသခင်ကို ကျေးဇူး တင်မိကြောင်း ပြောကြား ခဲ့ပါတယ်။

ဗင်နီဇွဲလား သမ္မတရဲ့ ပုံကို အစိုးရက ထုတ်ပြန်
သမီး ၂ ယောက်နဲ့ အတူ တွေ့ရတဲ့ သမ္မတ ချာဗက်ဇ်
ဗင်နီဇွဲလား အစိုးရက ပြီးခဲ့တဲ့ ဒီဇင်ဘာလက ကျူးဘား နိုင်ငံမှာ ကင်ဆာ ရောဂါ အတွက် ခွဲစိတ်ကူသမှု ခံယူ ခဲ့တဲ့ သမ္မတ ချားဗက်ဇ်ရဲ့ ဓာတ်ပုံကို ထုတ်ပြန် လိုက်ပါတယ်။
အဲဒီ ပုံထဲမှာ သမ္မတ ချာဗက်ဇ် ဟာ သမီး ၂ ယောက်နဲ့ အတူ ပြုံးပြုံး ရယ်ရယ်နဲ့ လဲလျောင်း နေတာကို တွေ့မြင် ရပါတယ်။
နောက်ပြီး သမ္မတ ချာဗက်ဇ်ရဲ့ အခြေအနေနဲ့ ပတ်သက်လို့လည်း အစိုးရက ထုတ်ပြန်ပြောကြား ခဲ့ပါတယ်။ ဗင်နီဇွဲလား ပြန်ကြားရေး ဝန်ကြီးက သမ္မတ ချာဗက်ဇ်ဟာ လည်ချောင်းမှာ တပ်ပေး ထားတဲ့ လေပြွန်ကနေ အသက်ရှူ နေရပြီး စကားပြော ရာမှာတော့ အခက်အခဲတွေ ရှိနေတယ်လို့ ဆိုပါတယ်။
ဗင်နီဇွဲလား သမ္မတ ချာဗက်ဇ်ဟာ ဘယ်တော့ လောက်မှ တာဝန်တွေ ပြန်လည် ထမ်းဆောင် နိုင်ပါ့မလဲ ဆိုပြီး သူ့ရဲ့ ကျန်းမာရေး အခြေအနေနဲ့ ပတ်သက်လို့ ခန့်မှန်း ပြောဆိုမှုတွေ အများအပြား ရှိနေပါတယ်။

ပစ္စတိုးရီးယပ်စ်ကို ရုံးထုတ်ခဲ့
တရားခွင် အတွင်းက အော်စကာ ပစ္စတိုးရီးယပ်စ်
ချစ်သူမိန်းကလေးကိုသတ်မှုနဲ့ တောင်အာဖရိက နိုင်ငံက ပရီတိုးရီးယား မြို့မှာ ရုံးတင် ခံခဲ့ရတဲ့ ပါရာလမ်ပစ် ချန်ပီယံ အပြေးသမား အော်စကာ ပစ္စတိုးရီးယပ်စ်ကို ခုထက်ထိ ရဲလက်ထဲမှာ ထိန်းသိမ်း ထားဆဲ ဖြစ်ပါတယ်။
သူ့ကို ရုံးတင် ထားတဲ့ စွဲချက်တွေနဲ့ ပတ်သက်လို့ လုံးဝ ငြင်းဆန်ထားတယ်လို့ သူ့မိသားစုက ပြောပါတယ်။
မစ္စတာ ပစ္စတိုးရီးယပ်စ် ဟာ လာမယ့် အင်္ဂါနေ့မှာ အာမခံ လျှောက်ထားဖို့ တရားရုံးကို ပြန်လာ ရဦးမှာ ဖြစ်ပါတယ်။
တရားလို ရှေ့နေတွေ ဘက်ကတော့ အခုလို အာမခံ လျှောက်မယ့် ကိစ္စကို ကန့်ကွက် ထားပြီး သူတို့က သေဆုံးခဲ့ရတဲ့ မစ္စ ရီဗာ စတီန်းကမ့်ကို ကြိုတင် ကြံစည်ပြီးမှ သတ်ဖြတ် ခဲ့တာ ဖြစ်တယ် ဆိုတာကို ပြသနိုင်ဖို့ သက်သေ အထောက်အထား တွေကို ရှာနေတယ်လို့ ပြောပါတယ်။
ပြီးခဲ့တဲ့နှစ်က မစ္စတာ ပစ္စတိုးရီးယပ်စ်ဟာ အိုလံပစ် ပြိုင်ပွဲကို ခြေနှစ်ဘက် စလုံး မရှိဘဲ ပထမဆုံး ဝင်ရောက် ယှဉ်ပြိုင် နိုင်ခဲ့တဲ့ အားကစား သမား ဖြစ်ခဲ့ပြီး သူ့ကို တောင်အာဖရိက နိုင်ငံသားတွေက အမျိုးသား သူရဲကောင်း တဦး ဖြစ် သတ်မှတ် ထားကြတာ ဖြစ်ပါတယ်။

သမ္မတနဲ့ တိုင်းရင်းသား အမတ်တွေ ချင်းပြည် ရောက်
ချင်းပြည်နယ် ကလေး တက္ကသိုလ်မှာ ပညာရေး တိုးတက် အောင် လုပ်ဖို့ အရေး ကြီးကြောင်း သမ္မတ ပြောခဲ့
သမ္မတ ဦးသိန်းစိန်က ပြည်ထောင်စု အဆင့် တိုင်းရင်းသား လွှတ်တော် အမတ် ၃ ယောက်နဲ့ ပြည်နယ် တိုင်းရင်းသား ဝန်ကြီး တစ်ယောက် ပါဝင်တဲ့ အဖွဲ့ကို ဦးဆောင်ပြီး သုံးရက်ကြာ ချင်းပြည်နယ် ခရီးစဉ်ကို စတင်ခဲ့ ပါတယ်။
ချင်းပြည်နယ် ခရီးစဉ်မှာ ကာကွယ်ရေး ဦးစီးချုပ်၊ ပညာရေးဝန်ကြီး၊ ကျန်းမာရေး ဝန်ကြီး၊ ပြည်ထဲရေး ဝန်ကြီး အပါအဝင် ဝန်ကြီး တချို့လည်း လိုက်ပါ သွားခဲ့ ပါတယ်။
သောကြာနေ့ က သမ္မတ ဦးသိန်းစိန်နဲ့ အဖွဲ့ ကလေးမြို့ကို ရောက်ရှိ လာခဲ့ပြီး ကလေး တက္ကသိုလ်က ဆရာ ဆရာမ တွေနဲ့ တွေ့ဆုံ ခဲ့ရာမှာ အစိုးရက ဖော်ဆောင်နေတဲ့ နိုင်ငံရေး စီးပွားရေး အပြောင်း အလဲ တွေ အကြောင်းနဲ့ တိုင်းရင်းသား စည်းလုံး ညီညွတ်ရေးနဲ့ ပတ်သက်လို့ သူ့ အနေနဲ့ လုပ်ဆောင် လိုတာ တွေကို ရှင်းပြ ခဲ့တယ်လို့ သမ္မတနဲ့ အတူ လိုက်ပါသွားတဲ့ SNDP ရှမ်း တိုင်းရင်းသားများ ဒီမို ကရက်တစ် ပါတီ အမတ် ဦးရဲထွန်းက ပြော ပါတယ်။
မြန်မာ နိုင်ငံရဲ့ ပညာရေး နောက်ကျ နေတဲ့ အနေအထားကို တိုးတက်အောင် လုပ်ဆောင်ဖို့ ဆရာ ဆရာမတွေက အရေးကြီး တဲ့ အကြောင်း သမ္မတက ပြောခဲ့ပေမဲ့ ဆရာ ဆရာမတွေဘက်က ပြန်လည် တင်ပြတာတွေကို နားထောင်ပြီး ဆွေးနွေးတဲ့ အစီ အစဉ်တော့ မပါဘူးလို့ သူက ပြောပါတယ်။
အသားငါး ကဏ္ဍ ဖွံဖြိုးမှု နောက်ကျ နေတာနဲ့ ပတ်သက်လို့ လွှတ်တော် အမတ်တွေက စစ်ကိုင်းတိုင်း ဝန်ကြီးချုပ်၊ ကာကွယ်ရေး ဦးစီးချုပ်တို့နဲ့ ဆွေးနွေး ခဲ့ကြတယ်လို့ ဆိုပါတယ်။
ဒီလို ဖြစ်ရတာဟာ လိုင်စင် စနစ်နဲ့ လက်ဝါးကြီးအုပ် လုပ်ကိုင်ခွင့် ပေးထားလို့ ဖြစ်ပြီး ပြည်ထောင်စု လွှတ်တော်က ဥပဒေ ပြုပိုင်ခွင့် မရှိတဲ့ အတွက် သက်ဆိုင်ရာ တိုင်းဒေသကြီးနဲ့ ပြည်နယ် လွှတ်တော် တို့ အလိုက် စည်ပင် သာယာရေး ဥပဒေတွေကို ပြောင်းလဲ သင့်တယ် လို့ ပြောခဲ့ကြ ကြောင်း ဦးရဲထွန်းက ပြောပါတယ်။
ဒီကိစ္စကို ဆက်လက် ဆွေးနွေးဖို့ သမ္မတက ဝန်ကြီးတွေကို ပြောခဲ့တယ်လို့ လည်း ဦးရဲထွန်းက ပြော ပါတယ်။

အင်းတွေကြောင့် လယ်သမားတွေ ဒုက္ခရောက်
ညောင်လေးပင်းဘက်မှာ အင်းပေါင်း ၆၀ ကျော် ရှိတယ်လို့ လယ်သမားတွေ ပြော
ညောင်လေးပင်မြို့နယ်မှာရှိတဲ့ ကျေးရွာပေါင်း ၁၆ ရွာမှာ စပါးစိုက်လို့ရတဲ့ လယ်မြေ ဧက နှစ်သောင်း ကျော်ဟာ အင်း တွေကြောင့် လယ်မစိုက် နိုင်ဖြစ် နေတယ်လို့ လယ်သမား တွေက ပြောပါတယ်။
အဲဒီလယ်မြေ တွေမှာ မိုးတွင်းမှာ ရေတွေလျံ ၊ နွေဘက်မှာ ရေတွေမရ ဖြစ်နေတဲ့ အတွက် ဒီနှစ်မှာ အချိန်မီ စိုက်လို့ မရတော့ဘူး ဆိုပြီး လယ်သမား တွေက ပြောပါတယ်။
ညောင်လေးပင်မြို့နယ်မှာ အစိုးရကခွင့်ပြုထားတဲ့ အင်းက ခြောက်အင်းလောက်ပဲရှိပေမယ့် လယ်သမားတွေဘက်က ပြောတာကတော့ အင်းပေါင်း ၆၀ ကျော် လုပ်ကိုင်နေတယ်လို့ ဆိုပါတယ်။
ဒီပြဿနာဟာ ၂၀၀၆ ခုနှစ် လောက်က စလာတာဖြစ်ပြီး ဒီကိစ္စနဲ့ ပက်သက်လို့ လယ်သမားတွေဟာ ပြီးခဲ့တဲ့ ဒီဇင်ဘာလက တိုင်းဒေသကြီး အစိုးရအပါအ၀င် လွှတ်တော် ကိုယ်စားလှယ်တွေအထိ အဆင့်ဆင့် တိုင်ကြားခဲ့ပေမယ့် အခုချိန်ထိ အကြောင်းမထူး ဖြစ်နေတယ်လို့ လယ်သမားတွေက ပြောပါ တယ်။
လယ်လုပ်ဖို့ ခက်တာ ကြောင့် တချို့ လယ်သမားတွေဟာ အိမ်နီးချင်း ထိုင်းနိုင်ငံကို တရားမဝင် သွာရောက် လုပ်ကိုင် နေကြတယ်လို့ ညောင်လေးပင်မြို့နယ် တော်ပသီ ကျေးရွာက လယ်သမားကြီး ဦးအေးလွင်က ပြောပါတယ်။
ညောင်လေးပင်မှာရှိတဲ့ လယ်သမား အရေး ဆောင်ရွက်နေတဲ့ သူတွေကတော့ ဒီအခြေအနေကို မီဒီယာတွေက တဆင့် သတင်းစာ ရှင်းလင်းပွဲလုပ်ပြီး အသိပေး ဖို့ရှိတယ်လို့ ပြောပါတယ်။
ရေရှည်မှာဆိုရင် ဒီဒေသမှာ လယ်လုပ်သူ ရှားပါးလာမယ့်အပြင် တန်ဖိုးရှိတဲ့ စစ်တောင်းမြစ်ဝှမ်းက လယ်တွေဟာ မစိုက်ပျိုး နိုင်ဘဲ အချည်းနှီး ဖြစ်ဖို့ ရှိတယ်လို့ လယ်သမားတွေက ပြောပါတယ်။