14.02.2013 နေ့ဖတ်ရန်သတင်းများ

by Myanmar Journal on Wednesday, February 13, 2013 at 8:50pm ·

အွန်လိုင်းပေါ်ဝယ် ချစ်ကြိုးသွယ်
အင်တာနက်ပေါ်ကနေ အချစ်ရှာတွေ့ကြ
ဒီကနေ့ ဖေဖော်ဝါရီ ၁၄ ရက်နေ့ဟာ ချစ်သူများနေ့ ဖြစ်တာမို့ ဒီခေတ်မှာ အမျိုးသမီးနဲ့ အမျိုးသားတွေ ဘယ်လို ဆက်သွယ်ပြီး ချစ်ကြိုးသွယ် ကြပါသလဲ ၊ ဘီဘီစီ ကမ္ဘာ တလွှား ကဏ္ဍ လက်အောက်မှာ ရှိတဲ့ ဘာသာ စကားဆိုင်ရာ ဌာနတွေက အထူး အစီအစဉ်ကို နားထောင်ပြီး အဖြေရှာ ကြည့်ကြပါစို့လား ။
ယူကေမှာ နေထိုင်တဲ့ အာဖဂန် လူမျိုး Baktash နဲ့ အာဖရိကမှာ နေတဲ့ အာဖဂန် အမျိုးသမီး Nadeer တို့ကတော့ အွန်လိုင်းပေါ်မှာ တွေ့ကြတာလို့ ဆိုပါတယ်။

ပထမတော့ Baktash က ပျင်းပျင်း ရှိလို့ Chatting လုပ်ရာကနေ Naheed ဟာ ခင်မင်စရာ ကောင်းသလို ရီမောစရာတွေ ပြောတက်ရာက သဘောကျလာပြီး အီးမေးလ်နဲ့ ဆက်သွယ်ပြီးမှ ဓါတ်ပုံ ပို့ကြ ရာက နောက်ဆုံး စေ့စပ် ကြောင်းလမ်းပြီး ဒီနှစ်ကုန်ကျရင် အင်တာနက် ဖူးစာနဲ့ လက်ထပ် ကြတော့မှာ ဖြစ်ပါတယ်။
အာဖဂန် အမျိုးသမီးတွေ အတွက် ပြင်ပ ကမ္ဘာနဲ့ ဆက်သွယ်ရာမှာ အင်မတန် တင်းကျပ်မှုတွေ ရှိတာ ဖြစ်ပါတယ်။
ဒါပေမယ့် သူတို့ကြားမှာ ဘာသာစကား အခက်အခဲ မရှိတော့ အဆင်ပြေကြတယ်လို့ ဆိုရမလားပါဘဲ။
တခါ အီဂျစ်က Hassami နဲ့ Bulgaria က Naheed တို့ ကျတော့လည်း အွန်လိုင်းမှာပဲ ၊ ဖေ့စ်ဘွတ်ခ်မှာ အစပျိုး တွေ့ကြတာ ဖြစ်ပါတယ်။
ဒါပေမယ့် Naheed က အင်္ဂလိပ် စကား မကျွမ်း သလို Hassam ကလဲ ဘူဂေးရီးယား စကား မတက်ပေမယ့် Google က ဘာသာပြန်ပေးလို့ အထစ် အငေါ့ မရှိဘဲ တယောက်နဲ့ တယောက် သိခွင့် ရင်းနှီး ကျွမ်းဝင် ခင်မင်ခွင့် ရသွား ကြပါတယ်။
နှစ်ဦး သဘောချင်း တိုက်ဆိုင်ရာမှာတော့ Hassam က တော်လှန်ရေးကို ထောက်ခံသလို Nadeer ကလဲ ကျွန်တော်လိုဘဲ တော်လှန်ရေးနဲ့ ကွန်မြူနစ် စံနစ် အကြောင်းတွေကို ဆွေးနွေး ဖလှယ်ဖြစ်ကြတယ်လို့ Hassam က ပြောပါတယ်။
ဒါ့အပြင် အွန်လိုင်းကတဆင့် အချစ်ကို တွေ့ကြတယ်လို့ ကြားဖူး ပေမယ့် ကျွန်တော် ကိုယ်တိုင် တွေ့ကြုံခံစား ရလိမ့်မယ်လို့ ဘယ်တုန်းကမှ မထင်ခဲ့ဘူးလို့ သူက ရှင်းပြခဲ့ပါတယ်။
မြန်မာ နိုင်ငံက ဇင်လင်းနဲ့ ယမင်း တို့ကလည်း ဖေ့စ်ဘွတ်ခ် ပေါ်ကတဆင့် ဆက်သွယ် ချစ်ကြိုက်ကြပုံကို ပြောသွားခဲ့ပါတယ်။

အမေရိကန်နဲ့ ဥရောပကြားကုန်သွယ်ရေး ဆွေးနွေးပွဲတွေ စတော့မယ်
သမ္မတ အိုဘားမား (အလယ်လူ)နဲ့ ဥရောပ ကော်မရှင်နာ ဟိုဆေ ဘာရိုဆို (ယာစွန်)
အမေရိကန် ပြည်ထောင်စုနဲ့ ဥရောပ သမဂ္ဂ တို့ဟာ အရင်က မရှိခဲ့ဘူးတဲ့ ကမ္ဘာပေါ်မှာ အကြီးဆုံး နှစ်ဖက် ကုန်သွယ် သဘောတူညီချက် ရအောင် ၊ လာမယ့် ဇွန်လကုန်မှာ ညှိနှိုင်း ဆွေးနွေးမှုတွေ စတင်ဖို့ ပြင်နေပါတယ်။
ရည်ရွယ်ချက် ကတော့ အခွန် အတုပ်နဲ့ စည်းမျဉ်းတွေ ဖြတ်တောက် လျော့ချဖို့ နည်းလမ်း ရှာမှာ ဖြစ်ပြီး ဒါဟာ ကမ္ဘာ့ ကုန်သွယ်ရေးမှာ လိုက်နာတဲ့ စံနစ်တခု ဖြစ်လာလိမ့်မယ်လို့ ဆိုပါတယ်။
"game-changer" လို့ ဆိုတဲ့ ပြောင်းလဲ လုပ်ဆောင်မှု တွေက နှစ်စဉ် ကုန်သွယ်မှု ဘီလီယံ ဆယ်ဂဏန်းနဲ့ ချီ တိုးလာစေမှာ ဖြစ်ပြီး အတ္တလန်တစ် သမုဒ္ဒရာ ဟိုဖက် ဒီဖက်ဆီမှာ သိန်းသောင်းချီပြီး အလုပ်အကိုင်သစ်တွေ ဖန်တီး ပေးနိုင်လိမ့်မယ်လို့ ဥရောပ ကော်မရှင် ဥက္ကဌ Jose Manuel Barroso က ပြောပါတယ်။
စိုက်ပျိုးရေး ကဏ္ဍဟာ အမေရိကန်နဲ့ ဥရောပ သမဂ္ဂ တို့ကြား ကုန်သွယ်ရေး သဘောတူညီမှု ရဖို့ အဖုအထစ် အခက်အခဲ ဖြစ်စေတဲ့ အကြောင်း တချက် ဖြစ်တယ်လို့ ဘီဘီစီရဲ့ စီးပွားရေး ဆိုင်ရာ သတင်း အယ်ဒီတာက ပြောပါတယ်။

စားကုန်တွေ စစ်ဆေးဖို့ EU ပြင်
အသားပါတဲ့ စားကုန်တွေ စစ်ဆေးဖို့ ပြင်နေပြီ
အမဲသားနဲ့ ထုတ်တဲ့ စားကုန်တွေမှာ မြင်းသားတွေ ပါနေတယ် ဆိုတဲ့ အရှုတ်တော်ပုံ ကြီးထွားလာချိန်မှာ စမ်းသပ် စစ်ဆေးမှုသစ်တွေ လုပ်ဆောင်ဖို့ ဥရောပ သမဂ္ဂ အလုပ်အမှုဆောင် အဖွဲ့က အဆို တင်သွင်းလိုက်ပါတယ်။
ဥရောပ တလွှားက အမဲသားပါတဲ့ စားကုန်တွေမှာ မြင်းသား ပါ မပါ စစ်ဆေးသင့် သလို တိရစ္ဆာန် ဆေးဝါးတွေမှာလည်း မြင်းသား ပါဝင်မှု ရှိမရှိ ဆိုတာကို သီးခြား စစ်ဆေးကြည့်သင့် တယ်လို့ စိုက်ပျိုးရေး ဆိုင်ရာ ဥရောပ ကော်မရှင်နာ မင်းကြီး တိုနီယို ဘော့ဂ်က ပြောပါတယ်။
ဒါဟာ ဥရောပ တလွှားက ပြဿနာ ဖြစ်တာမို့ ဥရောပ သမဂ္ဂက ကိုယ့်နည်းကိုယ့်ဟန်နဲ့ အဖြေရှာဖို့ လိုတယ်လို့ အိုင်ယာလန် စိုက်ပျိုးရေး ဝန်ကြီး ဆိုင်မွန် ကောဗ့်နေးက ဆိုပါတယ်။
အဆင်သင့် စားလို့ ရတဲ့ ကုန်ပစ္စည်းတွေမှာ အမဲသားက ထုတ်တယ်လို့ ရေးထားပေမယ့် မြင်းသားတွေ ရောပါလို့ ပြဿနာ တက်နေတဲ့ ဥရောပ နိုင်ငံ တော်တော်များများ တိုးလာနေတာ ဖြစ်ပါတယ်။

သမ္မတနဲ့ လက်နက်ကိုင် အဖွဲ့တွေ ပထမဆုံး တွေ့ဆုံ
တိုင်းရင်းသား ခေါင်းဆောင်တွေ နဲ့ ပထမဆုံး တွေ့ဆုံ နိုင်တာ အောင်မြင်မှုလို့ အစိုးရက ယူဆနိုင်
ဖေဖော်ဝါရီလ ၁၂ ရက်နေ့က နေပြည်တော်မှာ ကျင်းပတဲ့ ပြည်ထောင်စုနေ့ အခမ်း အနား တက်ရောက် ခဲ့တဲ့ တိုင်းရင်းသား လက်နက်ကိုင် အဖွဲ့ ၉ ဖွဲ့နဲ့ သမ္မတ ဦးသိန်းစိန် တို့ ပထမဆုံး အကြိမ် တွေ့ဆုံ ခဲ့ကြ ပါတယ်။
ဆွေးနွေးပွဲကို ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့က ဝန်ကြီး တွေနဲ့ အဖွဲ့ဝင်တွေ တက်ရောက် ခဲ့ကြ ပါတယ်။
မြန်မာ နိုင်ငံ လွတ်လပ်ရေး ရပြီးခဲ့ချိန် ကတည်းက အစိုးရကို လက်နက် စွဲကိုင် တိုက်ခိုက် လာတဲ့ တိုင်းရင်းသား အဖွဲ့တွေနဲ့ အခုလို အတူ ဆုံတွေ့ ဆွေးနွေး နိုင်ခဲ့တာက ထူးခြားတယ်လို့ ဆိုနိုင် ပါတယ်။
အခု တွေ့ဆုံမှုဟာ ယုံကြည်မှု တည်ဆောက်တာ ဖြစ်ပြီး နိုင်ငံရေး ဆွေးနွေးတဲ့ အဆင့် မဟုတ်သေးပေမဲ့ ဟန်ပြ သက်သက် တော့မဟုတ်ဘူးလို့ မွန်ပြည်သစ် ပါတီ ဗဟို ကော်မီတီဝင် နိုင်တလညီက ပြောပါတယ်။
တွေ့ဆုံပွဲမှာ အမျိုးသား ပြန်လည် သင့်မြတ်ရေးနဲ့ ဖွံ့ဖြိုး တိုးတက်ရေး ဆောင်ရွက်နေတာတွေကို သမ္မတက ပြောပြပြီး တိုင်းရင်းသားတွေ ဘက်ကလည်း နိုင်ငံရေး အရ ပြောသင့် ပြောထိုက်တာတွေကို ပြောခွင့် ရခဲ့တယ်လို့ တွေ့ဆုံ ရာမှာ ကိုယ်တိုင်ပါခဲ့သူ နိုင်တလညီက ပြောပါတယ်။
နိုင်ငံရေး အရ ဆွေးနွေး ကြတဲ့ အခါ လွှတ်တော် တွင်းကနေ ဆွေးနွေး ကြဖို့ ဆိုတဲ့ အစိုးရရဲ့ မူနဲ့ ပတ်သက်လို့ အသေးစိတ် ညှိနှိုင်းရင် ကောင်းမယ် ဆိုတာ သူ့ အနေနဲ့ အကြံပြုခဲ့တယ်လို့ ချင်းအမျိုးသား တပ်ဦးက လက်ထောက် အတွင်းရေးမှူးချုပ် ဒေါက်တာ ရွှေခါးက ပြော ပါတယ်။
သမ္မတနဲ့ တိုင်းရင်းသား အဖွဲ့တွေ တွေ့ဆုံ ဆွေးနွေး ကြရာမှာ ကေအိုင်အို ကချင် လွတ်လပ်ရေး အဖွဲ့တော့ မပါဝင်ခဲ့ ပါဘူး။
ဒါပေမဲ့ ပြီးခဲ့တဲ့ ဖေဖော်ဝါရီလ ၄ ရက်နေ့က အစိုးရနဲ့ ကေအိုင်အိုကြား ဆွေးနွေးမှုကိုတော့ အစိုးရ ဘက်က အားရတဲ့ အကြောင်းလည်း ပြောခဲ့တယ်လို့ တိုင်းရင်းသား ခေါင်းဆောင်တွေက ဘီဘီစီကို ပြောပါတယ်။

ထိုင်းစစ်တပ်က မူဆလင်သူပုန်တွေကို သတ်ဖြတ်
တိုက်ခိုက်မှုအပြီး သက်သေခံတွေကို ကြည့်ရှုနေကြတာပါ။
ထိုင်းနိုင်ငံတောင်ပိုင်းက မူဆလင်သူပုန်တွေက အစိုးရစစ်စခန်းတခုကို ဒီမနက်အစောပိုင်းအချိန်မှာ စီးနင်းတိုက်ခိုက်ကြပြီးတဲ့နောက် လက်နက်ကိုင်သူပုန် ၁၆ ယောက် သေဆုံးသွားတယ်လို့ ထိုင်းစစ်တပ်က ပြောပါတယ်။
ဆယ်စုနှစ်နီးပါးကြာလာပြီဖြစ်တဲ့ ထိုင်းနိုင်ငံတောင်ပိုင်းက နိုင်ငံရေးမငြိမ်သက်မှုတွေထဲ အခုကိစ္စက လူအသေအပြောက်လည်း အများဆုံးဖြစ်ခဲ့တာလည်း ဖြစ်ပါတယ်။
မူဆလင် လက်နက်ကိုင်သူပုန်တွေ ဝင်တိုက်ခဲ့တဲ့ အစိုးရစစ်စခန်းက ထိုင်းနိုင်ငံတောင်ပိုင်း မလေးရှားနယ်စပ်နဲ့ အနီးဆုံး ကပ်ရက်ရှိတဲ့ နရတ်သီဝပ် ပြည်နယ်အတွင်းမှာရှိတဲ့ စစ်စခန်းတခု ဖြစ်ပါတယ်။
ထိုင်းစစ်တပ်ရဲ့အဆိုအရ အင်အား ၆၀ လောက်ရှိမယ့် ယူနီဖောင်းဝတ် လက်နက်ကိုင်သူပုန်တွေဟာ ဒီစစ်စခန်းကို ဒီမနက်အရုဏ်မတက်ခင်မှာ တက်သိမ်းဖို့ အကြံနဲ့ တိုက်ခိုက်ခဲ့ကြတာ ဖြစ်ပါတယ်။
အခုလအတွင်း စခန်းကို သူပုန်တွေ ခဏခဏ လာတိုက်နေလို့ သူတို့ စစ်သားအားလုံးကို အမြဲတပ်လှန့်ထားတယ်လို့လည်း စစ်တပ်ဘက်က ပြောပါတယ်။ တိုက်ခိုက်မှု မဖြစ်ခင်ကတည်းက ဒေသခံတွေရဲ့ သတင်းပေးချက်အရ သူပုန်တွေ လာတိုက်မယ်ဆိုတာ ကြိုသိထားပါတယ်လို့ လည်း ဆိုပါတယ်။
မူဆလင်သူပုန်တွေက ထိုင်းနိုင်ငံတောင်ပိုင်း အစွန်ဆုံး ပြည်နယ်သုံးခုလောက်မှာ လှုပ်ရှားနေကြတာ ၂၀၀၄ ခုနှစ်လောက် ကတည်းကပါ။ ထိုင်းအစိုးရဘက်ကတော့ ဒီသူပုန်တွေက ခွဲထွက်ရေးအတွက် ကြံစည်တိုက်ခိုက် နေတာလို့ ဆိုပါတယ်။

သမ္မတအိုဘားမား နိုင်ငံတော်မိန့်ခွန်း စီးပွားရေး အသားပေး

သမ္မတ အိုဘားမား နိုင်ငံတော်အခြေပြမိန့်ခွန်း ပြောကြားစဉ် (၁၂-၂-၂၀၁၃)
အမေရိကန်သမ္မတ ဘရက်ခ် အိုဘားမား (Barack Obama) က အမေရိကန် ဖွဲ့စည်းပုံအရ သမ္မတအနေနဲ့ လွှတ်တော်နှစ်ရပ် ရှေ့မှောက် ကနေ နိုင်ငံတ၀ှမ်းလုံးကို  အမေရိကန် ၀ါရှင်တန်စံတော်ချိန် အင်္ဂါနေ့ ညပို်င်း မှာ နိုင်ငံတော် အခြေပြ မိန့်ခွန်းကို ပြောသွားပါတယ်။ သမ္မတရဲ့ မိန့်ခွန်းမှာ အမေရိကန် ပြည်ထောင်စုရဲ့ စီးပွားရေးအခြေအနေ ပြန်လည် အားကောင်း လာဖို့ကိစ္စ၊ သန့်ရှင်းတဲ့ လောင်စာ စွမ်းအင်ထုတ်လုပ်ရေး၊ လူဝင်မှု ကြီးကြပ်ရေးနဲ့ လက်နက် ထိန်းချုပ်ရေးကိစ္စတွေကို အဓိကထား ပြောဆိုသွားပါတယ်။ သမ္မတက အမေရိကန်နိုင်ငံရဲ့ စီးပွားရေး ပြန်လည်ခိုင်မာဖို့အတွက် မိမိတို့ မျိုးဆက်ရဲ့ တာဝန်ဖြစ်ပြီး လူလတ်တန်းစားတွေရဲ့ စီးပွားရေးကို ရှင်သန်အောင် အားပေးဖို့  အခုအချိန်က စပြီး ဆောင်ရွက်ရမယ်လို့ ဆိုပါတယ်။ ကွန်ဂရက်လွှတ်တော်အနေနဲ့ နိုင်ငံရဲ့ အသုံးစရိတ် လျှော့ချရေး ဆွေးနွေးညှိနှိုင်းမှုမှာ သဘောတူညီချက် တစုံတရာ မရဘူးဆိုရင် အမေရိကန် စစ်တပ်ဟာ နိုင်ငံကာကွယ်ရေး၊ ပညာရေး၊ ဆေးသုတေသန၊ စွမ်းအင်ကဏ္ဍတွေအပြင် နိုင်ငံရဲ့ စီးပွားရေး ဖွံ့ဖြိုးမှုလဲ နှေးကွေး သွားလိမ့်မယ်လို့ သတိပေး နှိုးဆော်လိုက်ပါတယ်။ ရာသီဥတု ပြောင်းလဲမှု အန္တရာယ် ဖြေရှင်းရေးနဲ့ပတ်သက်ပြီး ကွန်ဂရက် လွှတ်တော်က တစုံတရာ သဘောတူညီချက် မရရင် မိမိအနေနဲ့ အမြင့်ဆုံး အမိန့်အာဏာနဲ့ ဆက်လက် လုပ်ဆောင်သွားမယ် လို့ ဆိုပါတယ်။ ဒါ့အပြင် ကွန်ဂရက် လွှတ်တော်တွင်း မှာ ဆက်လက် ဆွေးနွေးနေဆဲဖြစ်တဲ့ လက်နက် ထိန်းချုပ်ရေးနဲ့ လူဝင်မှုကြီးကြပ်ရေး ဆိုင်ရာ  ပြန်လည် ပြုပြင်ရေးကိစ္စတွေကို ဥပဒေသစ် ပြဌာန်းပေးဖို့ တိုက်တွန်းလိုက်ပါ တယ်။ နိုင်ငံခြားရေး မူဝါဒဆိုင်ရာ ကိစ္စွမှာတော့ အာဖဂန်နစ္စတန်နိုင်ငံမှာ ရှိနေတဲ့ အမေရိကန် လုံခြုံရေး တပ်တွေထဲက အနည်းဆုံး အင်အား ၃ သောင်း ၄ ထောင်ကို တနှစ်အတွင်း ပြန်လည် ရုပ်သိမ်းမယ်လို့ ကြေငြာခဲ့ပါတယ်။