06.02.2013 နေ့ဖတ်ရန်သတင်းများ

by Myanmar Journal on Tuesday, February 5, 2013 at 6:30pm ·

ကချင်ငြိမ်းချမ်းရေး ကုလ ကူမယ်
မစ္စတာနမ်ဘီးယားနဲ့ ဒေသခံ ကချင်မလေးတဦး
ကချင်ငြိမ်းချမ်းရေးနဲ့ပတ်သက်ပြီး ကုလသမဂ္ဂက ကချင်ဒေသကို အခေါက်ခေါက်သွားလို့ နိုင်သလောက် ကူညီ ဆောင်ရွက်မယ်၊ တခါ စစ်ပြေး ဒုက္ခသည်တွေအတွက် နိုင်ငံတကာ အကူအညီတွေကိုလည်း ကချင်ဒေသမှာ ပေးခွင့်ပြုမယ်လို့ သိရပါတယ်။

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဘီဂျေး နမ်ဘီးယားနဲ့ သမ္မတရုံးဝန်ကြီး ဦးစိုးသိန်းတို့ပါတဲ့ အဖွဲ့ဟာ ဒီကနေ့မှာ မြစ်ကြီးနားနဲ့ ဝိုင်းမော်က စစ်ပြေးဒုက္ခသည် စခန်း လေးခုကို သွားရောက် ကြည့်ရှုခဲ့ပြီး ကုလသမဂ္ဂက ဒုက္ခသည်တွေအတွက် လက်ဆောင်တွေ ပေးခဲ့ ပါတယ်။
ငြိမ်းချမ်းရေးဖြစ်စဉ်နဲ့ပတ်သက်ပြီး ယုံကြည်မှုတည်ဆောက်ဆဲဖြစ်စဉ်ကို ဆက်လက်ထိန်းသိမ်းပြီး ငြိမ်းချမ်းရေးကို မဖြစ်မနေရအောင် တည်ဆောက်မယ်လို့ သမ္မတရုံးဝန်ကြီး ဦးစိုးသိန်းက ဒီကနေ့ ပြောခဲ့တယ်လို့ ကချင်ပြည်နယ် ငြိမ်းချမ်းရေး ဖော်ဆောင်ရေးအဖွဲ့ PCG က အဖွဲ့ဝင် ဦးအင်န် ချန် ဆန်အောင်က ဘီဘီစီကို ပြောပါတယ်။
ကုလသမဂ္ဂက အကူအညီတွေ ပေးမယ်လို့ ဆိုပေမယ့် အဲဒီအကူအညီတွေကို ဘယ်လို ပေးသွာမှာလဲ ဆိုတာကိုတော့ မစ္စတာ နမ်ဘီးယားက တိတိကျကျ ပြောသွားတာမျိုး မရှိပါဘူးလို့ သူက ဆိုပါတယ်။
ဝန်ကြီးဦးစိုးသိန်းက ဒုက္ခသည်တွေကို ကူညီထောက်ပံ့ဖို့ နိုင်ငံတကာအဖွဲ့အစည်းတွေကိုလည်း ကချင်ဒေသကို လာခွင့်ပြုမယ်လို့ ပြောခဲ့ပေမယ့် လက်တွေ့မှာတော့ ဘယ်နေရာမဆို သွားဖို့က မဖြစ်နိုင်ဘူး၊ လုံခြုံရေးကြောင့်မို့ အာဏာပိုင်တွေနဲ့ ညှိရမယ်၊ PCG နဲ့ ပူးပေါင်း ဆောင်ရွက်မှ ရမယ်လို့ ဦးဆန်အောင်က ပြောပါတယ်။
တခါ တကယ့်ငြိမ်းချမ်းရေးအတွက်ဆို အစိုးရနဲ့ ကေအိုင်အိုကြား နှစ်ဘက် သဘောတူ ထုတ်ပြန်ချက်တွေကို ထုတ်ပြန်ရုံတင်မဟုတ်ဘဲ တကယ်လိုက်နာ ဆောင်ရွက်ဖို့ လိုတယ်လို့လည်း သူက ထောက်ပြခဲ့ပါတယ်။

ကမ္ဘာ့ဘဏ်က မြန်မာကို ကူညီမယ်
မြန်မာ နိုင်ငံရဲ့ လတ်တလော လျှပ်စစ် စွမ်းအင် လိုအပ်ချက် တွေကို ဖြည့်ဆည်း ပေးဖို့ အပါ အဝင် တယ်လီဖုန်း ဆက်သွယ်ရေး လုပ်ငန်းနဲ့ ဘဏ်လုပ်ငန်း တွေ ဖွံ့ဖြိုး တိုးတက်ဖို့ အတွက် ကမ္ဘာ့ ဘဏ်က ကူညီ ဆောင်ရွက် ပေးမှာ ဖြစ်ပြီး၊ အမေရိကန် ဒေါ်လာ ၁၆၅ သန်းကို ထုတ်ချေးမှာ ဖြစ်ပါတယ်။
မြန်မာ နိုင်ငံမှာ ကျန်းမာရေးလို အရေး တကြီး အကူ အညီ လိုတဲ့ တခြား ကဏ္ဍတွေလည်း ရှိတဲ့ အတွက်၊ ဘယ် အချက်တွေပေါ် မူတည်ပြီး ဦးစားပေး ဆောင်ရွက် မယ့် အပိုင်းကို ဆုံးဖြတ် တာလဲလို့ ကမ္ဘာ့ဘဏ်ရဲ့ အာရှ ပစိဖိတ် ဒေသ ဆိုင်ရာ ဒုတိယ ဥက္ကဌ Axel van Trotsenburg ကို ဘီဘီစီက မေးကြည့် တော့ သူက ခုလိုပြော ပါတယ်။
ဖြေ ၁။ ကျွန်တော် တို့ရဲ့ ပထမဆုံး လုပ်ငန်း ဆောင်ရွက်မှုဟာ ဆင်းရဲတဲ့ သူတွေကို ကူညီဖို့ ဖြစ်တယ်လို့ ရှင်းရှင်း လင်းလင်း ပြောထားပါတယ်။ လူထုက ဦးဆောင်တဲ့ စီမံကိန်းတွေ ဖြစ်ရပါ့မယ်။ ဒုတိယ ဦးစားပေး ဖြစ်တဲ့ လျှပ်စစ် ကဏ္ဍနဲ့ ပတ်သက်လို့၊ မီး မရရင် ဘယ်လို ခံစားရ သလဲ ဆိုတာ ခရီးသွား ကြည့် လိုက်တာနဲ့ သိနိုင် ပါတယ်။ ဒါကြောင့် ဒီပြဿနာ တချို့ကို ရေတို ကာလမှာ ဖြေရှင်း နိုင်အောင် ကမ္ဘာ့ဘဏ်က ဘယ်လို ကူညီ နိုင်မလဲ စဉ်းစား ခဲ့တာပါ။ တချိန်တည်း မှာပဲ ရေရှည် အတွက်လည်း ကျွန်တော်တို့ စဉ်းစား ပါတယ်။ ဒါကြောင့် ပညာရေး၊ ကျန်းမာရေး၊ အလုပ် အကိုင် ရရှိရေး၊ ကျေးလက် ဒေသတွေ အတွက် အခြေခံ အဆောက် အဦ တည်ဆောက်ရေးတွေ ကိုလည်း ချန်မထား ပါဘူး။ စီမံကိန်းတွေ အပြည့် အဝ ဆောင်ရွက် မှာပါ။ မြန်မာ နိုင်ငံ မှာက အခုမှ စာမျက်နှာ သစ်ကို ဖွင့်ရ တာပါ။ မကြာသေးခင် ကပဲ ကမ္ဘာ့ဘဏ် ရုံးခွဲကို စဖွင့် ခဲ့ပြီး မြန်မာ အစိုးရ နဲ့လည်း ဆွေးနွေး မှုတွေ လုပ်နေ ပါတယ်။ အဓိက ရည်ရွယ်ချက် ကတော့ အားလုံး ပါဝင်တဲ့ နည်းနဲ့ ဆင်းရဲ မွဲတေမှုကို တိုက်ဖျက် ဖို့ပါ။
မေး။ ဆင်းရဲ မွဲတေမှုကို တိုက်ဖျက်ဖို့ ဆိုတာ ချက်ချင်း မဖြစ်နိုင်မှန်း ကျွန်တော် နားလည်ပါတယ်။ ဒါပေမယ့် အခု မြန်မာ နိုင်ငံဟာ ကမ္ဘာ့ဘဏ်ကို သန်း ၉၀ဝ လောက် အကြွေးတင် နေတုန်းမို့လား။ ဒီတော့ သန်း ၈၀ ပေး တာ လောက်နဲ့ ဆင်းရဲမှု တိုက်ဖျက်နိုင်မှာလား။ ကမ္ဘာ့ဘဏ်က မြန်မာကို ဘယ်အတိုင်း အတာ အထိ ငွေချေး နိုင်မလဲ။ဖြေ ၂။ ဒါကတော့ မဟာဗျူဟာ စဉ်းစား ချက်တွေ ဘယ်ပုံရှိတယ်ဆိုတဲ့ အပေါ် မူတည်ပါတယ်။ မြန်မာ နိုင်ငံ နဲ့ စပြီး ပြန်ဆက်ဆံတာနဲ့ ဒေါ်လာသန်း ၇၀ဝ ကို လ ၂၀ လောက် အတွင်း ထုတ်ပေးမှာ ဖြစ်ပါတယ်။ ဒါ့အပြင် ဒေါ်လာ သန်း ၅၂၀ ကိုလည်း နှစ် ၂၀ လောက် အတွင်း ထုတ်ပေးဖို့ ကတိ ပေးထားတာ ရှိပါတယ်။ ဒါဟာ မြန်မာ ပြည်သူတွေရဲ့ ဖွံ့ဖြိုး တိုးတက် ချင်တဲ့ ဆန္ဒကို ကျွန်တော်တို့က ကူညီချင်တယ် ဆိုတာကို ပြတာပါ။ ပြီးတော့ ငွေကြေး အလုံး အရင်း အပြင်၊ ထိရောက် တဲ့ နည်းပညာ ကူညီမှု၊ အတွေ့ အကြုံ မျှဝေမှုတွေ ကိုလည်း လုပ်သွားမှာပါ။
မေး။ အကူအညီ ပေးနိုင်တဲ့ နည်းလမ်းတခုက ကြွေးတွေ လျှော်ပစ်ဖို့ပါ။ ကမ္ဘာ့ဘဏ်က အဲဒီလို ကြွေးလျှော်ဖို့ အစီ အစဉ်ရှိလား။ဖြေ ၃။ ကျွန်တော်ဟာ ဆင်းရဲတဲ့ နိုင်ငံတွေ ကြွေးမြီ သက်သာဖို့ အတွက် ဦးဆောင်ခဲ့သူပါ။ ဒီတော့ ဒါတွေကို ကျွန်တော် ကောင်းကောင်း နားလည် ပါတယ်။ မြန်မာ နိုင်ငံ အတွက် သတင်းကောင်း ကတော့ တိုင်းပြည် အသားတင် ထုတ်လုပ်မှု GDP နဲ့ နှိုင်းယှဉ်ရင် အကြွေးဟာ သိပ်မများ လှပါဘူး။ ပြီးတော့ ကမ္ဘာ့ဘဏ် ချေးငွေ ဆိုတာ ကလည်း နှစ် ၄၀ ကျော် နှစ်ရှည် အတိုးမဲ့ ချေးငွေတွေပါ။ အရေးပါပြီး ခက်ခဲတဲ့ ဖွံ့ဖြိုးရေး လုပ်ငန်း တွေကို ဆောင်ရွက် နိုင်အောင် ဒီလို ချေးငွေတွေကို နောက်ထပ် ထုတ်ပေး သင့်တယ် လို့လည်း ကျွန်တော်တို့ ယုံကြည် ပါတယ်။
မေး။ မြန်မာ နိုင်ငံကို ကမ္ဘာ့ဘဏ်က ငွေထုတ်ချေးတဲ့ အခါမှာ လိုက်နာရမယ့် စည်းကမ်း ကန့်သတ်ချက် တွေရော ရှိပါလား။ဖြေ ၄။ အခြေ အနေ သတ်မှတ်ချက် နဲ့ပတ်သက်လို့၊ ကျနော့် အနေနဲ့ ကောင်းတဲ့ စည်းကမ်း သတ်မှတ်ချက်လို့ ခေါ်တဲ့ ပွင့်လင်း မြင်သာမှု၊ ကောင်းမွန်တဲ့ စီမံ အုပ်ချုပ်မှု တွေသာ ရှိပါတယ်။ တချို့က ဒါကို စည်းကမ်းချက်လို့ ခေါ်ပါတယ်။ မြန်မာ ပြည်သူတွေ အနေနဲ့လည်း သူတို့ ပေးဆောင် လိုက်တဲ့ အခွန်တွေကို လိုအပ်တဲ့ ရည်မှန်းချက် ရောက်အောင် ဘယ်လို သုံးစွဲတယ် ဆိုတာ သိခွင့် ရှိရမှာ ဖြစ်ပါတယ်။                    

ဘင်္ဂလား အစ္စလာမ်ပါတီ ခေါင်းဆောင် တဦးကို ထောင်တသက်ချ
မြို့ကြီး အတော် များများ မှာတော့ ဒီစီရင်ချက် အပေါ် ကန့်ကွက် ဆန္ဒပြ နေပါတယ်
လွန်ခဲ့တဲ့ နှစ်ပေါင်း ၄၀ က ပါကစ္စတန် ကနေ ခွဲထွက်ပြီး ဘင်္ဂလားဒေ့ရှ် နိုင်ငံ ထူထောင်ဖို့ ကြိုးပမ်း ခဲ့တဲ့ လွတ်လပ်ရေး စစ်ပွဲ အတွင်း လူအများ အပြားကို ရက်ရက် စက်စက် သတ်ဖြတ် ခဲ့မှုနဲ့ ဘင်္ဂလားဒေ့ရှ် နိုင်ငံက အဓိက အစ္စလာမ်ပါတီ ကြီးရဲ့ ထိပ်တန်း ခေါင်းဆောင် တဦးကို ထောင်ဒဏ် တသက် ချမှတ် လိုက်ပါတယ်။
ဘင်္ဂလားဒေ့ရှ် အစိုးရ ကနေ ဖွဲ့ပေးထားတဲ့ အထူး စစ်ရာဇဝတ်မှု ခုံရုံး ကနေ ဂျမတ် အီ အစ္စလာမ်မီ ပါတီရဲ့ ခေါင်းဆောင် တဦး ဖြစ်သူ အက်ဘ်ဒူ ခါဒါ မူလာကို လက်နက်မဲ့ အရပ်သား ရာပေါင်း များစွာကို သတ်ဖြတ် ခဲ့မှုနဲ့ အပြစ် ရှိကြောင်း စီရင်ချက် ချမှတ် လိုက်တာ ဖြစ်ပါတယ်။
ဂျမတ်အီ အစ္စလာမ်မီ ပါတီ ကတော့ အထွေထွေ သပိတ် ဆင်နွှဲဖို့ ပါတီ အပေါ် ထောက်ခံသူတွေကို ဆော်သြလိုက် ပါတယ်။
မြို့တော် ဒါကား က ကျောင်းတွေ ဈေးတွေလည်း ပိတ်ထားပြီး၊ မြို့ကြီး အတော် များများ မှာတော့ ဒီစီရင်ချက် အပေါ် ကန့်ကွက် ဆန္ဒပြ သူတွေနဲ့ ရဲတပ်ဖွဲ့ ဝင်တွေ အကြား ရုန်းရင်း ဆန်ခတ် မှုတွေ ဖြစ်ပွားခဲ့ ပါတယ်။
စစ်တကောင်း ဆိပ်ကမ်း မှာတော့ လူ တဦး သေဆုံး သွားတယ်လို့ ဆိုပါတယ်။

ဟယ်ရီလင်း ကွယ်လွန်
ရော့ခ်ကလွဲရင် ဘာမှမဆိုချင်သူ ဟယ်ရီလင်း
၁၉၉ဝ ခုနှစ် နောက်ပိုင်း တွေမှာ လူငယ်တွေကြားမှာ ရေပန်းစားခဲ့တဲ့ နာမည်ကြီး ရော့ခ်ဂီတ အဆိုတော် ဟယ်ရီလင်း အသက် ၅၂ နှစ်ဟာ ဖေဖော်ဝါရီလ ၅ ရက်နေ့ ညနေပိုင်းက ရန်ကုန်မှာ ကွယ်လွန် သွားခဲ့ပါတယ်။

တချိန်က လူငယ်တွေ ခုလူလတ်ပိုင်း ရောက်နေတဲ့ သူတွေ အတော်များများရဲ့ ပါးစပ်ဖျားမှာ မဆိုဖူးသူ မရှိလောက်အောင် နာမည်ကျော်ခဲ့တဲ့ အားလုံး ပြန်ယူသွားပါ အပါအဝင် လိပ်ပြာ၊ အဆိပ်ငွေကြေး၊ အချစ်နဲ့ပေါင်မုန့် စတဲ့ သီချင်းတွေကို သီဆိုတဲ့ ရောခ့်အဆိုတော် ဟယ်ရီလင်းဟာ ဖေဖော်ဝါရီ ၅ ရက် ညနေ ၄ နာရီ မှာ သူချစ်တဲ့ ပရိသတ်ကြီးကို ထာဝရ ခွဲခွာသွားပြီ ဖြစ်ပါတယ်။
သူရဲ့ အောင်မြင်တဲ့ သီချင်းတချို့ကို ရေးခဲ့တဲ့ တေးရေးဆရာ ၀င်းမင်းထွေး ကတော့ ဟန်ဆောင် လောကကြီး ထဲကနေ ရိုးသားပွင့်လင်းတဲ့ ရော့ခ်ဂီတ သီးသန့် အဆိုတော် တယောက် ထွက်သွားတဲ့အတွက် အစားထိုးမရတဲ့ ကွပ်လပ်တခုလို့ သုံးသပ်ပါတယ်။
ဟယ်ရီလင်းရဲ့ သီချင်းတွေဟာ ဒီဘက်ခေတ်မှာ ရင်ဂိုနဲ့ သျှီတို့လို ရော့ခ်အဆိုတော် တွေ ပြန်ဆိုတဲ့ အခါမှာလဲ ရော့ခ်ဂီတ မြတ်နိုးသူတွေကြားမှာ အောင်မြင်မှုတွေ အများကြီး ရခဲ့ပါတယ်။
ဂီတ အမျိုးအစားသစ်တွေ ပေါ်လာပေမယ့် သူဟာ ရော့ခ်ဂီတမှာပဲ ရပ်နေတော့ မယ်၊ ရော့ခ်ကလွဲရင် ဘာမှ မဆိုချင်ဘူးလို့ ပြောဖူးကြောင်း အဆိုတော် သျှီက အမှတ်တရ စကားပြောကြားပါတယ်။
ဟယ်ရီလင်းဟာ လွန်ခဲ့တဲ့ ၂ နှစ်လောက် ကထဲက အသည်းနဲ့ နှလုံးရောဂါ တွေကြောင့် နာမကျန်း ဖြစ်ခဲ့ပေမယ့် လာမယ့် မတ်လမှာ မန္တလေးသား အဆိုတော်တွေ သီးသန့်ဆိုမယ့်ဂီတပွဲမှာ ဝင်နွှဲဖို့ အားခဲထားခဲ့ပါတယ်။

ဂီတ လောကသားတွေက ကိုဃကြီး လို့ခေါ်ခဲ့ကြတဲ့ ဟယ်ရီလင်း ကွယ်လွန်ချိန်မှာ သားတယောက် သမီးတယောက်ကျန်ရစ်ခဲ့ပြီး သူ့ရဲ့ ရုပ်ကလာပ်ကို ဖေဖော်ဝါရီ ၇ ရက်နေ့ ညနေ ၅ နာရီမှာ ရေဝေးသုသာန်မှာ သင်္ဂြိုဟ်မယ် လို့သိရပါတယ်။

The Voice ဂျာနယ် ဖေ့စ်ဘုတ် အဖေါက်ခံရ
The Voice ဂျာနယ် ဖေ့စ်ဘုတ် အဖေါက်ခံရ
အစိုးရ သတင်းတွေ ကို အချိန်မဆိုင်း ထုတ်ပြန်ပေးတဲ့ သမ္မတရုံး ဝက်ဘ်ဆိုက် တိုက်ခိုက်ခံ ရတယ်လို့ သမ္မတရုံး ညွှန်ကြား ရေးမှူး ရဲ့ ဖေ့စ်ဘုတ် ကနေ သတင်း ထုတ်ပြန်ခဲ့သလို ပြည်တွင်းက နာမည်ကြီး သတင်း ဂျာနယ် ဖြစ်တဲ့ The Voice ဂျာနယ် ရဲ့ ဖေ့စ်ဘုတ် လည်း အဖေါက် ခံရပါတယ်။
အခုလိုဖြစ်တာ ကို ပြီးခဲ့တဲ့ တနင်္လာနေ့ က သတိထားမိ ပေမယ့် ဟက်ခ် လုပ်သူရဲ့ လက်ထဲ လုံးဝ ရောက်သွားတဲ့ အကြောင်း၊ ဖေ့စ်ဘုတ် အကောင့် အသစ် ဖွင့်လိုက် ပေမယ့် ပို့စ် အသစ် မတင်သေးပုံ၊ ဖေ့စ်ဘုတ် မှ အကြောင်း ပြန်မှာ ကို စောင့် နေသေးတဲ့ အကြောင်း The Voice ဂျာနယ် အယ်ဒီတာချုပ် လည်းဖြစ်၊ မြန်မာနိုင်ငံ စာနယ်ဇင်း ကောင်စီ ( ယာယီ) အတွင်းရေးမှူး ဦးကျော်မင်းဆွေ က ဘီဘီစီ ကို ပြောပါတယ်။
ဟက်ခ် လုပ်သူ ဝင်လာတဲ့ လမ်းကြောင်းက အင်ဒိုနီးရှား နဲ့ တရုတ် ဖက်က ဖြစ်နေပုံ၊ အွန်လိုင်းပေါ်ကနေ နက်ဝေါ့က် ချိတ် ဝင်လာတဲ့ အတွက် ဘယ်ကနေ တိုက်ခိုက် တာဆိုတာ ပြောရခက်ပုံ ကို ဦးကျော်မင်းဆွေ က ရှင်းပြပါတယ်။ ယေဘုယျ ကောက်ယူ လို့ ရသရွေ့တော့ လက်ရှိ ရေးသားချက် အရ ဆိုရင် တပ်မတော် ဘက် က လိုလို၊ အစိုးရ ဘက် က လိုလို၊ အွန်လိုင်း ပေါ် လုပ်တဲ့ ကိစ္စ မို့ ပြောရ ခက်တဲ့ အကြောင်း ရှင်းပြပါတယ်။
ဒါပေမယ့် သမ္မတရုံး ဝက်ဘ်ဆိုက်ရော Eleven media group ဝက်ဘ်ဆိုက် ပါ အတိုက်ခိုက် ခံရတဲ့ အတွက် သတင်းမီဒီယာ ကို မလိုလားသူ၊ သူတို့လုပ်သမျှ မီဒီယာ ကြောင့် ပေါ်ကုန်လို့ နားလည်မှု ပိုလွဲသွားရာ က အပြောင်း အလဲ ကို မကြိုက်တဲ့ ခေတ်နောက်ပြန်ဆွဲသူ တွေ ရဲ့ လက်ချက်လို့ ခန့်မှန်းနိုင်ပုံ ပြောပြပါတယ်။
ကာကွယ်ရမယ် ဆိုရင်လည်း ဆက်သွယ်ရေး ဥပဒေထဲမှာ ဆိုက်ဘာ ရာဇဝတ်မှု၊ ဝက်ဘ်ဆိုက် အွန်လိုင်း ကနေ ရာဇဝတ်မှု ကျူးလွန်သူတွေ ကို အရေးယူနိုင်တဲ့ ပုဒ်မ ရှိပေမယ့် မြန်မာနိုင်ငံ မှာတော့ ဆိုက်ဘာ လုံခြုံရေးရဲ၊ စောင့်ကြည့် အဖွဲ့ ဆိုတာတွေ မရှိသေးလို့ ဥပဒေ အရ နိုင်ငံသားတွေ ကို ကာကွယ်ဖို့ လိုကြောင်း ဦးကျော်မင်းဆွေ က ဘီဘီစီ ကို ပြောပါတယ်။

မာလီ အကြမ်းဖက် အုပ်စုတွေ အထိနာ
မြောက်ပိုင်းချီ မာလီတပ်များ
မာလီမှာ ပြင်သစ် တပ်တွေ စစ်ဆင်ရေး စပြိးနောက် တလ အတွင်း အစ္စလာမ္မစ် တပ်သား ရာနဲ့ချီပြီး သုတ်သင် နိုင်ခဲ့တယ်လို့ ပြင်သစ် ကာကွယ်ရေး ဝန်ကြီး Le Drian က ပြောကြား လိုက်ပါတယ်။
ဘာသာရေး စစ်ဆင်လိုတဲ့ အကြမ်းဖက် အုပ်စုတွေကို အကြီးအကျယ် အထိနာစေခဲ့တယ်လို့ ကာကွယ်ရေး ဝန်ကြီးက ပြင်သစ် ရုပ်သံက ပြောကြားပါတယ်။
စစ်ဆင်ရေး တွေ မှန်းထားတဲ့ အတိုင်း အဆင်ပြေခဲ့ရင် မတ်လ အကုန်မှာ မာလီက ပြင်သစ်တပ်တွေ ပြန်လည် ဆုတ်ခွာနိုင်မယ် မျှော်လင့်ကြောင်း ပြင်သစ် နိုင်ငံခြားရေး ဝန်ကြီး လောရန့် ဖေဘီယပ်စ်က သတင်းစာ တစောင်ကို ပြောကြား ပါတယ်။
မာလီ ပြန်လည် တည်ငြိမ်ရေး အတွက် ကုလသမဂ္ဂ ၊ ဥရောပ သမဂ္ဂနဲ့ အာဖရိက သမဂ္ဂက ကိုယ်စားလှယ်တွေ ဘရပ်ဆဲမှာ ဆွေးနွေး နေကြပါတယ်။
မာလီ ဒီမိုကရေစီရေးနဲ့ ပတ်သက်ပြီး ဘမာကို မြို့တော်က အမျိုးသား တယောက် ကတော့ မာလီမှာ နိုင်ငံရေး အရ ကူညီဖို့ လိုအပ်နေပါတယ်၊ နိုင်ငံရေး သမား အများစုက သူတို့ ကိုယ်ကျိုးပဲ ကြည့်ကြပြီး နိုင်ငံရေး သမားကောင်းတွေ မဟုတ်ကြဘူး၊ ဒါကြောင့် နိုင်ငံရေး စစ်ပွဲ တပွဲ ထပ်လာလိမ့်အုံးမယ်လို့ သုံးသပ်သွားပါတယ်။

အိန္ဒိယမှာ မလိုအပ်ဘဲ သားအိမ်ခွဲစိတ်ခံနေရ
ခွဲစိတ်ဖို့ မလိုဘဲ သားအိမ် ခွဲထုတ်ရသူတယောက်
အိန္ဒိယ နိုင်ငံမှာ အမျိုးသမီး သောင်းနဲ့ချီပြီး မလိုအပ်ဘဲနဲ့ သားအိမ် ခွဲထုတ် ခဲ့ရတယ်လို့ အမျိုးသမီး အရေး လှုပ်ရှားသူများက ပြောဆို လိုက်ပါတယ်။
ခွဲစိတ်ခ ရလိုတဲ့ ပုဂ္ဂလိက ဆေးခန်းက ဆရာဝန် တွေက ကျန်းမာရေး သုတ နည်းပါးတဲ့ အမျိုးသမီး တွေကို မခွဲရင် ကင်ဆာ ဖြစ်လိမ့်မယ်လို့ လိမ်ညာပြီး ခွဲစိတ်ခိုင်းတာလို့ ဆိုပါတယ်။
ခွဲစိတ်ခ အမေရိကန် ဒေါ်လာ ၂ဝဝ လောက် ကျသင့်တာမို့ ခွဲစိတ်ခ ပေးဖို့ ကျွဲနွားနဲ့ ပိုင်ဆိုင်မှုတွေ ရောင်းပြီး ရှာဖွေရတဲ့ မိသားစုတွေ အများအပြား ရှိနေပါပြီ။
တချို့ရွာတွေက အမျိုးသမီး ဆယ်ယောက်မှာ ၉ ယောက်ရဲ့ သားအိမ် တွေ ခွဲထုတ်ခံရပြီး ဒီလို ခွဲထုတ်ခဲ့ရသူ တွေထဲမှာ အသက် ၂ဝ-၃ဝ အရွယ် မိန်းမပျို လေးတွေပါ ပါနေပါတယ်။
အိန္ဒိယ လူထု ကျန်းမာရေး စောင့်ရှောက်မှု စနစ် ယိမ်းယိုင်သွားချိန်မှာ ပုဂ္ဂလိက ဆေးခန်းတွေက ကွက်လပ်ဖြည့် နေရာယူလာကြတာလို့ အိန္ဒိယ ကျေးလက် ကြီးပွားရေး ဝန်ကြီး ဂျိုင်ရမ် ရာမက်ရှ် က ဆိုပါတယ်။
လူထုကြားမှာ မလိုအပ်ဘဲ ဆေးဝါးကုသမှုတွေ လုပ်ခိုင်းတဲ့ အဖြစ်တွေက ကာကွယ်ပေးဖို့ လိုအပ်ချက်တွေ အများကြီး ရှိသေးကြောင်း အိန္ဒိယ အစိုးရက လက်ခံထား တယ်လို့လဲ သူက ပြောကြားပါတယ်။

သမ္မတ အိုဘားမား အစ္စရေးလ်သို့ သွားမည်

အစ္စရေးလ်ဝန်ကြီးချုပ် နတန်ယာဟု နဲ့ အမေရိကန်သမ္မတ အိုဘားမားသမ္မတ အိုဘားမား အစ္စရေးလ်သွားမည်
သမ္မတ အိုဘားမားအနေနဲ့ သူ့ရဲ့ အခု ဒုတိယသမ္မတ သက်တမ်းအတွင်း ပထမဆုံး ခရီးစဉ်အဖြစ်နဲ့ အစ္စရေးလ်နိုင်ငံကို သွားရောက်ဖို့ စီစဉ်ထားပါတယ်။ အဲ့ဒီကနေ ဂါဇာအနောက်ဘက်ကမ်းနဲ့ ဂျော်ဒန်တို့ကို သွားဖို့ရှိပါတယ်။ ခရီးစဉ်အတွင်း ဆွေးနွေးမယ့် အကြောင်းအရာတွေထဲ ဆီးရီယားနဲ့ အီရန်ကိစ္စအပါအ၀င် ကိစ္စရပ် အတော်စုံစုံလင်လင်ကို ဆွေးနွေးမယ်လို့ သမ္မတအိမ်ဖြူတော်က ထုတ်ပြန်ပါတယ်။ ဘယ်ရက် ခရီးစတင်မယ်ဆိုတဲ့ အသေးစိတ်ကိုတော့ ကြေညာတာမရှိပါဘူး။  သမ္မတ အိုဘားမားနဲ့ အစ္စရေးလ်ဝန်ကြီးချုပ် ဘန်ဂျမင် နတန်ယာဟု (Benjamin Netanyahu) ဟာ ပြီးခဲ့တဲ့ ဇန်န၀ါရီလ ဖုန်းဆက်စကားပြောကြရာမှာ အခုလာမယ့် ခရီးစဉ်အတွက်ကို ဆွေးနွေးခဲ့ကြတယ်လို့ အိမ်ဖြူတော် ပြောခွင့်ရသူ ဂျေး ကာနေး (Jay Carney) က ပြောပါတယ်။ သမ္မတ ဒုတိယသက်တမ်း အစနဲ့ အစ္စရေးလ်အစိုးရသစ် စတင်ဖွဲ့စည်းတဲ့အချိန်ဟာ အမေရိကန်နဲ့ အစ္စရေးလ်နိုင်ငံအကြား ဆက်ဆံရေး ပိုပြီး နီးကပ်ခိုင်မာစေဖို့ အခွင့်အလန်း ဖြစ်တယ်လို့လည်း ပြောခွင့်ရသူ မစ္စတာ ကာနေး က ပြောပါတယ်။ အီရန်နဲ့ ဆီးရီယားအရေး အပါအ၀င် နှစ်ဘက် ပူပန်စရာ ကိစ္စရပ်တွေအားလုံးကို ဖြေရှင်းကိုင်တွယ်ဖို့ကိစ္စ ဆွေးနွေးကြဖို့ ပြောခဲ့တဲ့အကြောင်း မစ္စတာ ကာနေး က ပြောပါတယ်။ ဒါ့အပြင် သမ္မတ အိုဘားမား ဟာ ပါလက်စတိုင်း အာဏာပိုင်တွေ၊ ဂျော်ဒန်တာဝန်ရှိသူတွေနဲ့လည်း တွေ့ဆုံပြီး နှစ်ဘက်ကိစ္စ၊ ဒေသတွင်းကိစ္စတွေကို အပြန်အလှန် ဆွေးနွေး တိုင်ပင်ကြမှာ ဖြစ်တယ်လို့ လည်း ပြောခွင့်ရသူက ပြောပါတယ်။  အမေရိကန်နဲ့ အစ္စရေးလ် ဆက်ဆံရေးဟာ အရင်ကထက်ပိုပြီး ခိုင်မာလာတယ်လို့ သမ္မတ အိုဘားမားရော အိမ်ဖြူတော် တာဝန်ရှိသူတွေကပါ မကြာခဏ ပြောလေ့ရှိပါတယ်။ ဒါပေမဲ့လည်း အစ္စရေးလ်ဝန်ကြီးချုပ် ဘင်ဂျမင် နတန်ယာဟု (Benjamin Netanyahu) နဲ့ သမ္မတ အိုဘားမား ဆက်ဆံရေးဟာ ခက်ခဲတင်းမာတဲ့ သဘောတော့ တွေ့ရပါတယ်။ ၂၀၀၈ ခုနှစ်တုန်းက သမ္မတ အိုဘားမားဟာ အစ္စရေးလ်နဲ့ ဂါဇာအနောက်ခြမ်းကို သွားရောက်ခဲ့ဖူးပါတယ်။ အဲ့ဒီတုန်းက သူဟာ သမ္မတကိုယ်စားလှယ်လောင်းပဲ ဖြစ်ပါတယ်။ အဲ့ဒီတုန်းကတော့ အစ္စရေးလ်ကို အကာအကွယ်ပေးဖို့ အီရန် နျူကလီးယားလက်နက် မပိုင်ဆိုင်နိုင်ဖို့ ကိစ္စတွေကို အမေရိကန်ဘက်က ဆောင်ရွက်မယ်လို့ ကတိပေးခဲ့ပါတယ်။


ကုလအထူးကိုယ်စားလှယ် ကချင်ပြည်နယ်သွားရောက်

ကုလသမဂ္ဂ အထူးကိုယ်စားလှယ် ဗီဂျေး နမ်ဘီယား ကချင်ဒုက္ခသည်တွေကို တွေ့ဆုံ
မြန်မာနိုင်ငံမြောက်ပိုင်း ကချင်ပြည်နယ်ထဲက ပဋိပက္ခတွေရဲ့ဒဏ် ခံခဲ့ရသူတွေကို ကုလသမဂ္ဂရဲ့ အထူးအကြံပေးပုဂ္ဂိုလ် ဗီဂျေး နမ်ဘီယား ဒီကနေ့ပဲ သွားရောက် တွေ့ဆုံပါတယ်။ မြန်မာအစိုးရ တာဝန်ရှိသူတွေနဲ့ ကချင်လက်နက်ကိုင် အဖွဲ့တို့ကြား ငြိမ်းချမ်းရေးအတွက် တွေ့ဆုံဆွေးနွေး ပြီး နောက်တရက်မှာပဲ အစိုးရတာဝန်ရှိသူတွေနဲ့အတူ မြစ်ကြီးနားမြို့မှာ ဒေသခံတွေနဲ့ တွေ့ဆုံ ခဲ့တာပါ။ ဒါနဲ့ပတ်သက်လို့ အသေးစိတ်သိနိုင်ဖို့ ကုလသမဂ္ဂ အထူးကိုယ်စားလှယ်ရဲ့ ခရီးစဉ်ကို လိုက်ပါသတင်းယူနေတဲ့ ဗွီအိုအေ ၀ိုင်းတော်သား ဦးရော်နီညိမ်း ကို မေးကြည့်ပါမယ်။ မေး။              ။ ဦးရော်နီရေ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး မစ္စတာ နမ်ဘီယား က ပြည်ထောင်စုဝန်ကြီး ဦးစိုးသိန်းနဲ့အတူ ကချင်ပြည်နယ်ဘက်က စစ်ဘေးသင့် ဒုက္ခသည်တွေဆီကို သွားရောက်ခဲ့တယ်ဆို၊ ဒီခရီးစဉ်မှာ သိရသမျှ ဦးရော်နီ ပြောပြပေးပါဦးရှင့်။ ဖြေ။              ။ ဒီကနေ့ ဖေဖော်ဝါရီလ ၅ ရက်နေ့မှာ ကုလသမဂ္ဂ လက်ထောက် အတွင်းရေးမှူးချုပ်လည်း ဖြစ်ပြီးတော့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ မြန်မာနိုင်ငံဆိုင်ရာ အထူး သံတမန်လည်းဖြစ်တဲ့ ဗီဂျေး နမ်ဘီယားရယ်၊ နောက်ပြီး သူ့ရဲ့ ရုံးအဖွဲ့မှူး မစ္စစ်မာရီယာ တို့ ၂ ယောက်ဟာ ပြည်ထောင်စုဝန်ကြီး၊ သမ္မတရုံးဝန်ကြီး ဦးစိုးသိန်း၊ နောက်တခါ ဦးခင်ရီ တို့နဲ့အတူ မြစ်ကြီးနားကနေတဆင့် အိုးအိမ်စွန့်ခွာ ထွက်ပြေးနေရသူတွေဆီကို NGO တွေနဲ့အတူ သွားရောက် တွေ့ဆုံပြီး အခြေအနေတွေကို မစ္စတာ ဗီဂျေး နမ်ဘီယား တို့ သိရှိအောင် ပြသပြောဆို ဆွေးနွေးတယ်လို့ သိရပါတယ်။ အဲဒီတော့ မစ္စတာ ဗီဂျေး နမ်ဘီယား ရယ်၊ ဦးစိုးသိန်း၊ ဦးခင်ရီ တို့ အဖွဲ့ဟာ မြစ်ကြီးနားကနေ ပြန်လာပြီးတော့ လားရှိုး လေဆိပ်မှာ ကျနော်တို့နဲ့ ဆုံတဲ့အခါမှာ ကျနော် မေးခွင့်ရလို့ မစ္စတာ နမ်ဘီယား ကို မေးပါတယ်။ ဒီကနေ့ ခရီးစဉ်ရဲ့ ရလဒ်ဟာ ဘာပါလဲလို့ မစ္စတာ နမ်ဘီယား ကိုမေးတော့ သူက အခုလို ပြောပါတယ်။ ဒီကနေ့ ရလဒ်ကို ပြောမယ် ဆိုရင်တော့တဲ့ မစ္စတာ ဗီဂျေး နမ်ဘီယား ပြောတာက သူ့အနေနဲ့ ပထမဦးဆုံးအကြိမ် သွားတဲ့ ခရီးစဉ်ဖြစ်တယ်။ သူကတော့ တွေ့ရကြုံရတာတွေ ကျေနပ် အားရတယ်။ ကျေနပ်အားရပြီး ကုလသမဂ္ဂ အတွင်းရေးမှူးချုပ်ဖြစ်တဲ့ မစ္စတာ ဘန်ကီမွန်းကလည်း ကချင်ပြည်နယ်က အရေးကို စိုးရိမ်ပူပမ်နေတဲ့ လူတယောက် ဖြစ်တဲ့အတွက်ကြောင့် သူ့အနေနဲ့ ဘာလုပ်ပေးနိုင်မလဲ ဆိုတာကို လာရောက် ကြည့်ရှုလေ့လာတဲ့ ခရီးစဉ်ပဲ ဖြစ်တယ်ပေါ့နော်။ ဒီ IDP စခန်းတွေကို သွားရောက် တွေ့ခွင့်ရခဲ့တဲ့ အတွက်မို့လို့ သူ့အနေနဲ့ ဒါဟာ ကျေနပ်အားရတယ်လို့ ဒီနေ့ ခရီးစဉ်အပေါ် ပြောပါတယ်။ အဲဒီတော့ ကျနော် သူ့ကို နောက်ထပ် မေးခွန်းတခု ထပ်မေးပါတယ်။ အဲဒါက ကချင်လွတ်လပ်ရေးအဖွဲ့ လက်အောက်ခံ KIA တပ်နဲ့ မြန်မာစစ်တပ်တို့ကြား အပစ်အခတ် ရပ်စဲထားတာ ၁၉၉၄ ကတည်းက၊ ဒါကြောင့် နောက်ထပ် အပစ်အခတ် ရပ်စဲစရာ မလိုဘူးလို့ KIO က စွဲကိုင်ထားတယ်။ အဲဒီတော့ ဒီအချိန် အပစ်အခတ် ရပ်စဲထားတဲ့ အခြေအနေနဲ့ ပတ်သက်ပြီးတော့ စောင့်ကြည့် လေ့လာရေး ဌာနတွေ ကချင်ပြည်နယ်ထဲမှာ ကုလသမဂ္ဂရဲ့ အကူအညီနဲ့ တည်ဆောက်ဖို့ ဆိုတဲ့ ကိစ္စနဲ့ ဖွဲ့စည်းဖို့ဆိုတဲ့ ကိစ္စနဲ့ ပတ်သက်လို့ သူ့အနေနဲ့ ဘယ်လိုများ သိရှိထားပါသလဲလို့ ကျနော်မေးတဲ့အခါမှာ မစ္စတာ နမ်ဘီယား က အခုလို ပြောပါတယ်။ မစ္စတာ နမ်ဘီယား ပြောတာကတော့ သက်ဆိုင်ရာအဖွဲ့အစည်းတွေနဲ့ပဲ ဆိုင်တယ်။ သူဆိုလိုတာက အစိုးရရယ်၊ KIO ရယ် သူတို့အဖွဲ့တွေက လိုချင်တဲ့ အနေအထားအတိုင်း စောင့်ကြည့်လေ့လာရေး ဌာနတွေ၊ စောင့်ကြည့်လေ့လာရေးအဖွဲ့တွေမှာ ဘယ်သူတွေ ပါဝင်ရမလဲဆိုတာတွေကို သူတို့အနေနဲ့ လုပ်ပေးရမှာဖြစ် တယ်။ အဲ့တော့ ဒါတွေက ဒီအစိုးရနဲ့ KIO က တောင်းဆိုတာတွေကို လိုက်လုပ်ပေးဖို့ အနေအထား ရှိသလို၊ သူတို့အနေနဲ့လည်း ထပ်ပြီး ပံ့ပိုး ဖြည့်ဆည်းလုပ်ပေးရမယ်ဆိုတဲ့ အနေအထားမှာ ရှိပါတယ်လို့တော့ မစ္စတာ နမ်ဘီယား က ပြောဆိုသွားပါတယ်။ အသေးစိတ်ကိုတော့ အခုအချိန်မှာ သူ့အနေနဲ့ မပြောနိုင်သေးဘူးလို့ ပြောပါတယ်။ တဆက်တည်းမှာပဲ ဒီ မစ္စတာ နမ်ဘီယားတို့ကို IDP တွေရှိရာ စခန်းတွေဆီကို ခေါ်ပြီးတော့ ပြသခဲ့တယ်။ ၀န်ကြီး ဦးစိုးသိန်း၊ ပြည်ထောင်စုအဆင့် ငြိမ်းချမ်းရေး ဖော်ဆောင်မှု လုပ်ငန်းကော်မတီ အဖွဲ့ဝင် ဖြစ်တဲ့ ဦးစိုးသိန်း ကိုလည်း မေးကြည့်ပါတယ်။ "ကျနော်တို့ကတော့ UN က တာဝန်ရှိတဲ့သူရယ်၊ ဟိုဘက်က IDP ပေါ့ဗျာ အဲ့ဒီစခန်းလေး ၄ ခုကို လိုက်ကြည့် တယ်။ သူတို့အနေအထားလေးတွေကို မြင်သွားတော့ ပြောတယ်။ ပြောသင့်ပြောထိုက် တာတွေ ပွင့်ပွင့်လင်းလင်း၊ အလားတူပဲ Civil Society အဖွဲ့တွေနဲ့လည်းတွေ့တယ်။ ပြောသင့်တာတွေ ကိုတော့ အခု ကျနော်တို့ ရှေ့သွားနေတဲ့ ငြိမ်းချမ်းရေးရဲ့ လက်ရှိအခြေအနေနဲ့ နိုင်ငံတော် သမ္မတကြီးရဲ့ ငြိမ်းချမ်းရေး ရချင်တဲ့ ဆန္ဒ ရှင်းပြတာပေါ့၊ ဒါ သူတို့ အားလုံးလက်ခံပါတယ်။"

"ပွင့်လင်းမြင်သာမှုလည်း ရှိပါတယ်။ ပြည်သူတွေ မျက်နှာ ကြည့်ရတာ၊ IDP က လူတွေရဲ့ မျက်နှာကြည့်ရတာ လန်းဆန်းတယ်။ သူတို့ မျက်နှာတွေ၊ သူတို့ မျက်လုံးတွေ က ငြိမ်းချမ်းရေး လိုချင်ကြတဲ့ ဆန္ဒတွေ ဖော်ပြနေပါတယ်။" ဒါကတော့ ဒီကနေ့ ခရီးစဉ် ရလဒ်နဲ့ပတ်သက်ပြီး ၀န်ကြီး ဦးစိုးသိန်း က ပြောသွားတာပါ။ ခုနက မစ္စတာ နမ်ဘီယား ကို မေးတဲ့ မေးခွန်းအတိုင်းပါပဲ ထပ်ပြီးတော့ မေးပါတယ် ကျနော်က။ ဒီ KIO နဲ့ အစိုးရကြားက အပစ်အခတ် ရပ်စဲထားတဲ့ အခြေအနေတွေ၊ စောင့်ကြည့်လေ့လာရေးအဖွဲ့တွေ ထားရှိရေး၊ ဒီဌာနတွေ ထားရှိရေးနဲ့ပတ်သက်ပြီး ဘယ်လို အစီအစဉ်ရှိပါသလဲလို့ မေးတဲ့အခါမှာ ဦးစိုးသိန်း က အခုလို ပြောပါတယ်။ “အခုတော့ အသေးစိတ် မပြောသေးဘူး။ အကြမ်းဖျဉ်းပဲ။ သူတို့ကလည်း ကူညီပေးနိုင်မယ်။ UN Secretary General အောက်ကပေါ့ ဟိုဟာ မဟုတ်ဘူး။ UN Forces တွေ ဘာတွေ မဟုတ်ဘူး။ သူတို့ ကိုယ်စားလှယ်လေးတွေနဲ့ Civil Society နဲ့ ပေါင်းပြီး လုပ်မယ့်ဟာကို မူအားဖြင့်တော့ ဆွေးနွေး ထားတယ်။ နိုင်ငံတော် အကြီးအကဲဆီကို တင်ပြရမှာပေါ့။” ဒါကတော့ ဒီကနေ့ လားရှိုး လေဆိပ်မှာ တွေ့ဆုံ ခဲ့ချိန် မစ္စတာ ဗီဂျေး နမ်ဘီယားနဲ့ ဦးစိုးသိန်းတို့ကို မေးမြန်းခဲ့တာ ဖြစ်ပါတယ် ခင်ဗျ။