05.02.2013 နေ့ဖတ်ရန်သတင်းများ

by Myanmar Journal on Tuesday, February 5, 2013 at 8:51am ·

ပညာရေးတွက် အသက်စွန့်မယ်လို့ မာလာလာပြော
မာလာလာ ပညာရေး ထောက်ပံ့မှု ရန်ပုံငွေ အဖွဲ့ကို ထူထောင်လိုက် ပါတယ်
ပါကစ္စတန်မှာ မိန်းကလေးတွေ ပညာ သင်ကြား နိုင်ရေး လှုပ်ရှား ဆောင်ရွက်မှုကြောင့် တာလီဘန်က ခေါင်းကို သေနတ်နဲ့ ပစ်တာ ခံခဲ့ ရတဲ့ မာလာလာ ယူဆွတ်ဇိုင်က ဒီအရေး အတွက် သူ့အသက် ကို စွန့်ပြီး ဆောင်ရွက် သွားလိုကြောင်း ပြောကြား လိုက်ပါတယ်။

အသက် ၁၅ နှစ် ရှိပြီ ဖြစ်တဲ့ မာလာလာဟာ မနှစ် အောက်တိုဘာလက ပစ်ခတ် ခံရပြီးနောက် အင်္ဂလန် နိုင်ငံ ဘာမင်ဟမ်မှာ ဆေးကုသမှု ခံယူနေပါတယ်။
ကလေး သူငယ်တိုင်း ပညာ တတ်မြောက်ရေး အတွက် သူ့အသက်ကို လဲဆိုရင် လဲပါ့မယ်လို့ နောက်ဆုံး အကြိမ် ခွဲစိတ်မှု မခံယူခင် မာလာလာက ဗီဒီယိုနဲ့ စကား ပြောခဲ့ ပါတယ်။
သူ့ဦးခေါင်းခွံ ပြန်ဆက်ဖို့ စနေနေ့က ခွဲစိတ် ခဲ့ပြီးနောက် မာလာလာရဲ့ အခြေ အနေ သိပ်ကောင်းပြီး သက်သာ လာပြီလို့ ဆရာဝန်တွေက ပြောပါတယ်။ အကြား အာရုံကြောပါ ထိခိုက်ခဲ့လို အရိုးနု အစားထိုး ကုသမှုပါ ခံယူခဲ့ရပါတယ်။
အခုလို အရွယ်နဲ့ မလိုက်အောင် ပြင်းထန်တဲ့ ဒဏ်ရာတွေ ရခဲ့တဲ့ မာလာလာ ဟာ သူ့ရည်ရွယ်ချက် အတိုင်း မာလာလာ ပညာရေး ထောက်ပံ့မှု ရန်ပုံငွေ အဖွဲ့ကို ဆက်လက် လုပ်ချင်တဲ့ အတွက် Vital Voices အဖွဲ့နဲ့ အများက ငွေကြေး ထည့်ဝင်ပေး ကြပါတယ်။
ဒီရန်ပုံငွေကို ပါကစ္စတန်မှာ ရှိတဲ့ စွက် ချိုင့်ဝှမ်း ဒေသက မိန်းကလေးတွေ ပညာသင်ကြားရေးနဲ့ စတင် အကောင်အထည်ဖေါ်မှာ ဖြစ်ပါတယ်။
မိန်းကလေးတွေ ပညာ မတတ်ရင် အိမ်မှု အလုပ် တွေနဲ့ ပြင်ပ လုပ်ငန်း တွေမှာ ပင်ပင် ပန်းပန်း အချိန်ကုန် ရမှာကို မလိုလား သလို၊ ပညာတတ်မှ မိမိ ပတ်ဝန်းကျင် ကို ပိုပြီး အကျိုးပြု နိုင်မယ်လို့ မာလာလာက ယုံကြည်ခဲ့ သူပါ။
သူ့ရဲ့ ရည်ရွယ်ချက်ကို ဒီနှစ် နွေဦး ကာလမှာ အကောင် အထည် ဖေါ်မယ့် အကြောင်း ဘီဘီစီနဲ့ တွေ့ဆုံ မေးမြန်းခန်းမှာ မာလာလာ က ဖြေကြားသွား ပါတယ်။

မုတ္တမကွေ့ ရေတိမ်ဒေသ စာရင်းဝင်ဖြစ်ဖို့
ရေညှောင့်နှုတ်သီးဝိုင်းလို ရှားပါးတဲ့ ငှက်မျိုးစိတ် တွေ ဟာ မုတ္တမ ပင်လယ်ဒေသမှာ ရှိပါတယ်
မြန်မာနိုင်ငံက မုတ္တမ ပင်လယ်ကွေ့ကို ကမ္ဘာ့ ရေတိမ် စောင့်ရှောက်ရေး ဒေသ (Ramsar Site) အဖြစ် သတ်မှတ် ခံရဖို့ မြန်မာ နိုင်ငံက ကြိုးပမ်း နေပါတယ်။
၁၉၉၇ ခုနှစ် လောက်က အီရန် နိုင်ငံ (Ramsar) ရမ်ဇာ မြို့ ရေတိမ် ဒေသနဲ့ ပတ်သက်တဲ့ ညီလာခံ မှာ ငှက်တွေကို အညွှန်း ပြုပြီး ဖေါ်ထုတ် ထားတဲ့ နိုင်ငံ တကာ အရေးကြီး ရေတိမ် ဒေသ (ရမ်ဇာဒေသ) တွေကို ထိန်းသိမ်း ဖို့ နိုင်ငံ ပေါင်းစုံက သဘောတူ လက်မှတ် ထိုးခဲ့ကြ တာ ဖြစ်ပါတယ်။
အဲဒီ ညီလာခံကို အသိအမှတ် ပြုပြီးတော့ ရမ်ဇာ ဒေသလို့ သတ်မှတ် ခဲ့ပြီး ကမ္ဘာ့ ရေတိမ်ဒေသ နေ့ရယ် လို့လည်း သတ်မှတ်ခဲ့ ပါတယ်။
၂၀၀၄ ခုနှစ်လောက်က မြန်မာနိုင်ငံက ဒေသ ၉ ခုကို ရမ်ဇာ ဒေသ အဖြစ် သတ်မှတ်ဖို့ တင်ပြရာမှာ အဲဒီဒေသတွေ ထဲက မိုးယွန်းကြီးအင်း ဘေးမဲ့တော ကို ရမ်ဇာ ဒေသ အဖြစ် သတ်မှတ်ပေးခဲ့ ပါတယ်။
ဒီအတွက် မိုးယွန်းကြီးအင်းဟာ မြန်မာ နိုင်ငံက ပထမဆုံးနဲ့ တခုတည်း သော ရမ်ဇာဒေသ ဖြစ်တယ်လို့ မြန်မာ ငှက်နဲ့ သဘာဝ ပတ်ဝန်းကျင် ထိန်းသိမ်းရေး အသင်း ဒုတိယ ဥက္ကဋ္ဌ ဦးသိန်းအောင်က ဘီဘီစီကို ရှင်းပြပါတယ်။
အခုတော့ မုတ္တမ ပင်လယ်ကွေ့ ဒေသကိုပါ ရမ်ဇာ ဒေသ အဖြစ် သတ်မှတ်ခံရဖို့ တင်ပြ ထားတာ ဖြစ်ပါတယ်။
မုတ္တမ ပင်လယ်ကွေ့ ဒေသဟာ နေရာက အကျယ်ကြီး ဖြစ်ပြီး ပယ်လယ် ကမ်းခြေ ဒေသ တွေမှာ ကျက်စားတဲ့ ရေညှောင့်နှုတ်သီးဝိုင်း၊ ဇင်ယော်နဲ့ မြစ်တွေး ငှက်တွေ အပါ အဝင် အကြမ်းဖျဉ်း အားဖြင့် ငှက်မျိုးစိတ် ၁၈၈ မျိုး လောက်က ဆောင်းခို ကျက်စား ကြတာ ဖြစ်ပါတယ်။
အဲဒီ အထဲက ရေညှောင့်နှုတ်သီးဝိုင်းလို ရှားပါးတဲ့ ငှက်မျိုးစိတ်တွေဟာ ရုရှ ဘက်မှာ သားပေါက်ပြီး အစာရေစာ ရှားပါးတဲ့အတွက် ကမ္ဘာ့တောင်ပိုင်း မြန်မာ နိုင်ငံလို ရေတိမ်ပြီး အစာပေါတဲ့ ဒေသဘက်တွေကို ကျလာတာ ဖြစ်ကြောင်း ဦးသိန်းအောင်က ပြောပါတယ်။
မြန်မာ နိုင်ငံမြောက်ပိုင်း တရုတ် မွန်ဂို ဘက်တွေ ကလည်း ဒီငှက်တွေ လာတတ် ကြောင်းနဲ့ ဒီငှက်တွေဟာ မြန်မာ နိုင်ငံကို ဖြတ်ကျော်ပြီး သြစတြေးလျ အထိ ရောက် ရှိသွားတတ် ကြတယ်လို့ လည်း သူကပြောပါတယ်။
မုတ္တမ ပင်လယ်ကွေ့ ကို ရမ်ဇာ ဒေသ အဖြစ် သတ်မှတ်ပေးဖို့ တင်ပြ ထားရာမှာ ရမ်ဇာ ညီလာခံ အတွင်းဝန်ရုံး ကနေပြီး ချပေးမယ် ဆိုရင်တော့ အနှေးနဲ့ အမြန် သတ်မှတ်ခြင်း ခံရမှာ ဖြစ်ကြောင်း ဦးသိန်းအောင်က ပြောပါတယ်။

မြဝတီနယ်စပ်ဂိတ် နိုင်ငံတကာဂိတ် ဖြစ်မယ်
နောက်ပိုင်း ကျရင် ထွက်ချင်တဲ့ နယ်စပ်ဂိတ် အပေါက် ကနေ ထွက်ခွာခွင့် ပြုဖို့ အထိ လုပ်ဆောင်နေ
မြဝတီ- မဲဆောက် နယ်စပ် ဂိတ်ကို နိုင်ငံ တကာ နယ်စပ်ဂိတ် အဖြစ် ဝင်ထွက် သွားလာ ခွင့်ပြုဖို့ လူဝန်မှု ကြီးကြပ်ရေး ဝန်ကြီးဌာနဲ့ ကရင် ပြည်နယ် အစိုးရတို့ ဆောင်ရွက်နေ ကြပါတယ်။
ကရင်ပြည်နယ်၊ မြဝတီမြို့ နယ်စပ်ဂိတ် ကနေ နိုင်ငံကူး လက်မှတ် ကိုင်ဆောင် ထားတဲ့ ထိုင်း နိုင်ငံသားနဲ့ နိုင်ငံခြားသား တွေကို ဖြတ်သန်းသွား လာခွင့်ပြုဖို့ အတွက် လူဝင်မှု ကြီးကြပ်ရေး ဝန်ကြီး ဦးခင်ရီနဲ့ ကရင်ပြည်နယ် ဝန်ကြီးချုပ် ဗိုလ်မှူးချုပ် ဇော်မင်းတို့ မကြာခင်က ဆွေးနွေးခဲ့ ကြပါတယ်။
ပထမ အဆင့် အနေနဲ့ ကရင်ပြည်နယ်နဲ့ မွန်ပြည်နယ် အပြင် ကျိုက်ထီးရိုး အထိ သွားလာခွင့်နဲ့ နောက်ပိုင်း မှာတော့ ထွက်ချင်တဲ့ နေရာ ကနေ ပြန်ထွက်ခွာခွင့် ပြုဖို့ အထိ လုပ်ဆောင် နေတယ်လို့ ကရင်ပြည်နယ် ဝန်ကြီးချုပ် ဗိုလ်မှူးချုပ် ဇော်မင်းက ပြောပါတယ်။
ထိုင်းအစိုးရနဲ့ ညှိနှိုင်း ဆောင်ရွက် ပြီးရင် ဧပြီလ လောက်မှာ စတင် နိုင်ဖို့ စီစဉ်နေတဲ့ အကြောင်း ဝန်ကြီးချုပ် ဗိုလ်မှူးချုပ် ဇော်မင်းနဲ့ လူဝင်မှု ကြီးကြပ်ရေး ဝန်ကြီး ဌာနက အဆင့်မြင့် အရာရှိ တစ်ဦးက ပြောပါတယ်။
နိုင်ငံခြားသားတွေ အပြင် နိုင်ငံကူး လက်မှတ် ကိုင်ဆောင်တဲ့ မြန်မာ နိုင်ငံသားတွေ ကိုလည်း သွားလာခွင့် ပြုမှာ ဖြစ်ပါတယ်။ အဲဒီလို ကုန်းလမ်းနဲ့ သွား လာခွင့် ရှိမှာ ဖြစ်သလို မဲဆောက်မြို့ ကနေ မော်လမြိုင်ကို လေယာဉ်နဲ့ သွားလာဖို့ ကိုလည်း နှစ်နိုင်ငံ အစိုးရတွေက စီစဉ်နေ ကြပါတယ်။
လက်ရှိ မှာတော့ နိုင်ငံကူး လက်မှတ်နဲ့ ဝင်ထွက် သွားလာ ခွင့်ကို ရန်ကုန်၊ နေပြည်တော်နဲ့ မန္တလေး လေဆိပ်တွေ မှာသာ ခွင့်ပြု ထားတာ ဖြစ်ပြီး နယ်စပ် ကနေ ဝင်ထွက် သွားလာ နိုင်မယ့် ပထမဆုံးဂိတ် ကတော့ မြဝတီ နယ်စပ်ဂိတ် ဖြစ်လာ တော့မှာ ဖြစ်ပါတယ်။

နိုင်ငံခြားရင်းနှီးမြှုပ်နှံမှု လုပ်ငန်းအမျိုးအစား ထုတ်ပြန်
မြန်မာ နိုင်ငံက တချို့ ဆိုင်တွေမှာ ဗီဇာ ကဒ်နဲ့ ဈေးဝယ်လို့ ရနေပါပြီ
မြန်မာ နိုင်ငံမှာ နိုင်ငံခြားရင်း နှီးမြှုပ်နှံမှု ဆိုင်ရာ နည်းဥပဒေ တွေ ထွက်လာပြီး နောက်တနေ့ မှာတော့ ရင်းနှီး မြှုပ်နှံခွင့် ရှိတဲ့ လုပ်ငန်း အမျိုး အစားတွေကို ထုတ်ပြန်လိုက် ပါတယ်။
လက်ရှိ ထုတ်ပြန် လိုက်တဲ့ နိုင်ငံခြား ရင်းနှီး မြှုပ်နှံမှု ဥပဒေ၊ နည်းဥပဒေနဲ့ လုပ်ငန်း အမျိုးအစား တွေဟာ ပြည်တွင်း ပြည်ပ လုပ်ငန်း ရှင်တွေ အတွက် အဆင်ပြေ နိုင်တယ်လို့ မြန်မာ ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ် အထွေထွေ အတွင်းရေးမှူး ဒေါက်တာမျိုးသက်က ပြောပါတယ်။
နိုင်ငံခြားသား တွေကို လုပ်ခွင့် မပြုတဲ့ လုပ်ငန်းက ၂၁ မျိုး ရှိပါတယ်။ အဲဒီ လုပ်ငန်းတွေ ထဲမှာ ကာကွယ်ရေး ဆိုင်ရာ လက်နက်ခဲယမ်း မီးကျောက် ထုတ်လုပ်ခြင်း၊ ရေထိန်းတဲ့တော၊ သဘာဝ အရ အထွတ် အမြတ် ထားတဲ့ နေရာ၊ ယစ်ပူဇော်တဲ့ နေရာ၊ တောင်ယာစိုက်ခင်း၊ လယ်ယာမြေ၊ ရေအရင်းအမြစ်ကို ထိခိုက် ပျက်ဆီး စေမယ့် လုပ်ငန်း၊ ကျောက်စိမ်းနဲ့ ကျောက်မျက် ရှာဖွေရေး၊ ဓါတ်သတ္တု အလတ်စားနဲ့ အသေးစား လုပ်ငန်း စတဲ့ လုပ်ငန်းတွေ ပါဝင်ကြ ပါတယ်။
ဖက်စပ် လုပ်ခွင့် ပြုတဲ့ လုပ်ငန်းက ၄၂ မျိုး ပါဝင်ပါတယ်။ အဲဒါတွေ ကတော့ မျိုးစေ့ ထုတ်လုပ်တဲ့ လုပ်ငန်း၊ စက်သုံးဆီ ထုတ်လုပ်တဲ့ လုပ်ငန်း၊ ရာဘာ လုပ်ငန်း၊ စက္ကူ ထုတ်လုပ် ရောင်းချတဲ့ လုပ်ငန်း၊ အကြီးစား သတ္တုတူးဖေါ်ရေး လုပ်ငန်း၊ ပြည်တွင်း ပြည်ပ လေကြောင်းလိုင်း၊ ဆောက်လုပ်ရေး လုပ်ငန်းသုံး ပစ္စည်း၊ ဆေးဝါး ထုတ်လုပ်ခြင်း၊ ပုဂ္ဂလိက အထူးကု ဆေးရုံ စတဲ့ လုပ်ငန်းတွေ ဖြစ်တယ်။
ဝန်ကြီးဌာန တွေရဲ့ ခွင့်ပြုချက်နဲ့ လုပ်ခွင့်ပြုတဲ့ လုပ်ငန်း ၁ဝဝ ကျော်ရှိပါတယ်။ အဲဒီ အထဲမှာ နိုင်ငံခြား ဘာသာနဲ့ ထုတ်မယ့် သတင်းစာ၊ အက်ဖမ် ရေဒီယိုနဲ့ ရုပ်ရှင် လုပ်ငန်းတွေ ပါဝင် ပါတယ်။
ဒါ့အပြင် သီးသန့် ခွင့်ပြုချက် ယူပြီး လုပ်ရမယ့် လုပ်ငန်းတွေလည်း အတော် များများ ပါဝင်ပါတယ်။
လုပ်ငန်း တချို့ကိုတော့ ဝန်ကြီးဌာန တခုတည်းက ဆုံးဖြတ်ခွင့် ပေးမယ့် အစား အစိုးရ ဝန်ကြီးများ အစည်း အဝေးက အဆုံး အဖြတ် ပေးတာမျိုး ဖြစ်သင့် ကြောင်း ထောက်ပြ သူတွေလည်း ရှိပါတယ်။

ကေအိုင်အိုနဲ့ အစိုးရ စစ်ပြေငြိမ်းရေး အကောင်အထည်ဖေါ်ဖို့ သဘောတူ
အစိုးရ ငြိမ်းချမ်းရေးဖေါ်ဆောင်ရေး အဖွဲ့နဲ့ ကေအိုင်အို ရွှေလီ ဆွေးနွေးပွဲ
ပြည်ထောင်စုဝန်ကြီး ဦးအောင်မင်း ဦးဆောင်တဲ့ အစိုးရငြိမ်းချမ်းရေး ဖေါ်ဆောင်ရေးအဖွဲ့နဲ့ ဦးဆွမ်လွတ်ဂမ် ဒုတိယစစ်ဦးစီးချုပ် ဗိုလ်ချုပ် ဂွမ်မော်တို့ ဦးဆောင်တဲ့ အဖွဲဝင် ၅ ဦးပါ ကေအိုင်အို ကိုယ်စားလှယ်အဖွဲ့တို့ ဒီကနေ့ တရုတ်နိုင်ငံ ယူနန်ပြည်နယ် ရွှေလီမြို့မှာ တရုတ်အစိုးရရဲ့ စီစဉ်မှုနဲ့ တွေ့ဆုံဆွေးနွေးခဲ့ကြပါတယ်။
ဆွေးနွေးအပြီး ထုတ်ပြန်တဲ့ ပူးတွဲ ကြေညာချက်ထဲမှာ နောက်တစ်ကြိမ် ဆွေးနွေးပွဲကို ကေအိုင်အိုအနေနဲ့ ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC နှင့် ညှိနှိုင်းပြီးနောက် ဖေဖေါ်ဝါရီလ မကုန်မှီ ကျင်းပရန်နှင့် အစိုးရနှင့် ကေအိုင်အို ကြား နိုင်ငံရေးဆွေးနွေးပွဲများကို ဆက်လက်ကျင်းပသွားဖို့ သဘောတူခဲ့ကြတယ်လို့ ဖေါ်ပြထားပါတယ်။
အစိုးရနဲ့ ကေအိုင်အို ကချင်လွတ်မြောက်ရေးအဖွဲ့တို့ ကြား ခိုင်မာတဲ့ စစ်ပြေငြိမ်းရေးကို အလျှင်အမြန် အကောင်အထည် ဖေါ်နိုင်ဖို့ ပဋိပက္ခဖြစ်ပွားတဲ့ နေရာတွေကို လေ့လာစောင့်ကြည့်စီစစ်ရေးစံနစ်အကောင်အထည်ဖေါ်ရေး ဆက်လက်ဆွေးနွေးသွားဖို့ကိုလည်း သဘောတူခဲ့ကြတယ်လို့ ထုတ်ပြန်ချက်မှာ ရေးသားထားပါတယ်။
ဒါအပြင် နှစ်ဖက်ဆက်သွယ်ရေးလမ်းကြောင်း ထားရှိရေး၊ နှစ်ဖက်စစ်ရေး တင်းမာမှုများ လျှော့ချနိုင်ရေး၊ နောက်တစ်ကြိမ် အစည်းအဝေးအတွက် ပြင်ဆင်မှုနဲ့ နောက်တစ်ကြိမ် ဆွေးနွေးပွဲတွင် လေ့လာသူများနှင့် သက်သေအဖြစ် ပါဝင်နိုင်မည့် အဖွဲ့အစည်းများအား ဖိတ်ခေါ်ရေးတို့ကို ဆွေးနွေးခဲ့ကြကြောင်း ဖေါ်ပြထားပါတယ်။
ဒီဆွေးနွေးပွဲကို တရုတ်ပြည်သူ့သမ္မတနိုင်ငံ နိုင်ငံခြားရေး ၀န်ကြီးဌာနက သံအမတ်ကြီး Mr. Luo Zhaohui ၊ ကရင်အမျိုးသားအစည်းအရုံး (KNU) ဥက္ကဌဗိုလ်ချုပ်ကြီး စောမူတူးစေးဖိုး၊ အထွေထွေအတွင်းရေးမှူး ပဒိုစောကွယ်ထူးဝင်းနဲ့ အဖွဲ့ဝင်(၁)ဦး၊ ရှမ်းပြည်ပြန်လည်ထူထောင်ရေးကောင်စီ(RCSS/SSA)မှ ဗိုလ်မှူးချုပ် စိုင်းလူးနှင့် အဖွဲ့ဝင် (၂)ဦး၊ ဦးဟန်ညောင်ဝေနှင့် ဦးဗစ်တာဗျက်လျန် တို့ သက်သေတွေအနေနဲ့ တက်ရောက်ခဲ့ကြပါတယ်။
ကေအိုင်အို တွဲဘက်အထွေထွေအတွင်းရေးမှုး ဦးလနန်းက အခုဆွေးနွေးပွဲမှာ တရုတ်အစိုးရက ကြားကနေ သက်သေအဖြစ် ပါဝင်လာခဲ့တဲ့အတွက် ထူးခြားတဲ့ တွေ့ဆုံမှု ဖြစ်ကြောင်း၊ ဒီပုံစံအတိုင်း ရှေ့ဆက်သွားရင် အလားအလာကောင်းတွေ ပေါ်ထွက်လာနိုင်တယ်လို့ ပြောပါတယ်။
ဆွေးနွေးပွဲမှာ ငြိမ်းချမ်းရေး အကျိုးဆောင်တဦးအဖြစ်ပါဝင်တဲ့ ဦးလှမောင်ရွှေကလည်း အပြုသဘောဆောင်တဲ့ ဆွေးနွေးပွဲလို့ ပြောဆိုပြီး ပထမဆုံးအကြိမ် ပူးတွဲကြေညာချက် ထုတ်နိုင်ခဲ့တယ်လို့ ပြောပါတယ်။

ကမ္ဘာပေါ်မှာ ညှိကန်တဲ့ ဘော်လုံးပွဲပေါင်း ၇၀၀ ကျော်ရှိ
Europol မှညွှန်ကြားရေးမှူး Rob Wainwright
ဥရောပ တခွင် ကစား ခဲ့ကြတဲ့ ဘောလုံး ပွဲစဉ်ပေါင်း ၃၈၀ ဟာ ညှိပြီး ကန်ခဲ့ကြတဲ့ ပွဲစဉ်တွေ ဖြစ်ပြီး အဲဒီထဲမှာ အင်္ဂလန်မှာ ကန်ခဲ့တဲ့ ချန်ပီယံ League ကလပ် အသင်း ပွဲစဉ် တစ်ခုလည်း ပွဲညှိ ကန်ကြတဲ့ အထဲ ပါဝင်တယ်လို့ ဥရောပ က စုံစမ်းရေး အဖွဲ့က ပြောပါတယ်။
ဒါပေမယ့် ဘယ်ပွဲစဉ်တွေမှာ မသမာမှု ရှိခဲ့တယ် ဆိုတာကိုတော့ ဥရောပ ရဲတပ်ဖွဲ့က ထုတ်ဖော် ပြောခြင်း မရှိသေးပါဘူး။ ဥပဒေအရ ဆောင်ရွက်မှုတွေ ရှိနေတဲ့ ကာလ ဖြစ်လို့ ထုတ်ဖော်မပြောနိုင်တာလို့ ဆိုပါတယ်။ နယ်သာလန် နိုင်ငံ The Hague မြို့မှာ ပြုလုပ်ခဲ့တဲ့ Europol ဥရောပ ရဲတပ်ဖွဲ့ရဲ့ သတင်းစာ ရှင်းလင်း ပွဲမှာ လွန်ခဲ့တဲ့ သုံးနှစ် သို့မဟုတ် လေးနှစ်က အင်္ဂလန်မှာ ကန်ခဲ့တဲ့ ကလပ် အသင်း ပွဲစဉ် တစ်ခု မှာ ညှိကန် တာ ရှိခဲ့တယ်၊ ကမ္ဘာ့ ဖလား ဘောလုံးပွဲ တွေနဲ့ ဥရောပ ဖလား ဘောလုံး ပွဲစဉ်တွေ အတွက် ခြေစစ်ပွဲတွေ မှာရော ဥရောပ ထိပ်တန်း ကလပ် အသင်း ပွဲစဉ် တချို့ မှာပါ ပွဲညှိ ကန်တာတွေ ရှိခဲ့ တယ်လို့ မသင်္ကာ စရာ တွေ့ရကြောင်း ထည့်သွင်း ပြောသွား ပါတယ်။
ဘောလုံးသမား တချို့နဲ့ ကလပ် အသင်း တာဝန်ရှိသူတချို့ကို လာဘ်ထိုးပြီး လျှော့ ကစားခိုင်းတာနဲ့ ပွဲ အဖြေကို ကြိုပြီး ညှိထားခဲ့ကြတာ တွေ လုပ်ခဲ့ ကြတာ ဖြစ်ပါတယ်။ ဘောလုံးပွဲတွေ အတွက် တာဝန်ခံ တွေ၊ ကလပ် အသင်း တာဝန်ခံတွေ၊ ကစား သမားတွေနဲ့ ပြစ်မှု ကျူးလွန်သူ စုစုပေါင်း ၄၂၅ ယောက် ပါဝင် ပတ်သက်ခဲ့ကြ တယ်လို့ လည်း ဆိုပါတယ်။ Europol ရဲတပ်ဖွဲ့ ညွှန်ကြား ရေးမှူး Rob Wainwright ကတော့ ဒီလောက် အတိုင်းအတာ အထိ ကျူးလွန် ခဲ့မှုတွေကို အရင်က မကြုံခဲ့ ဖူးကြောင်း ပြောပါတယ်။

ဒီ မသမာမှုဟာ အာရှ ဒေသမှာ အခြေစိုက်တဲ့ ခေတ်မှီ နိုင်ငံတကာ ရာဇဝတ် အဖွဲ့ အဖွဲ့က ပြစ်မှုတွေကို စနစ်တကျ ကျူးလွန်ခဲ့တာ ဖြစ်ပြီး သူတို့က ဥရောပ တဝန်းက ပြစ်မှု ကျူးလွန်သူတွေနဲ့ ပူးပေါင်း လုပ်ဆောင်ကြတာ ဖြစ်တယ်လို့လည်း Europol ရဲတပ်ဖွဲ့ ညွှန်ကြား ရေးမှူး Rob Wainwright က ပြောပါတယ်။ တကမ္ဘာလုံး အတိုင်းအတာ အရ ပွဲစဉ်ပေါင်း ၇၀၀ နီးပါး ကို ပွဲညှိကန်ခဲ့ကြတာပါ။
၁၈ လကြာအောင် စုံစမ်း စစ်ဆေးမှုတွေ ပြုလုပ်ခဲ့တဲ့ Europol အဖွဲ့က ရာဇဝတ်မှု ကျူးလွန်တဲ့ သူတွေကို ဖော်ထုတ်ရာမှာ ဂျာမနီ အခြေစိုက် ပွဲစဉ်တွေမှာ လောင်းကြေးငွေ စတာလင်ပေါင် ၁၃ ဒဿမ ၈ သန်း ရှိပြီး အကျိုး အမြတ် ပေါင်ငွေ ၆ ဒဿမ ၉ သန်း ရခဲ့ပါတယ်။ တစ်ယောက်ထဲကို အများဆုံး လာဘ်ထိုးရငွေက ပေါင်ငွေ တစ်သိန်း နှစ်သောင်းကျော် အထိ ရှိခဲ့တယ် လို့လည်း ပြောပါတယ်။                    

ရခိုင် ဒုက္ခသည်တွေကို ပြန်လည် နေရာချထား
ယခင် နေထိုင် ခဲ့တဲ့ နေရာတွေ မဟုတ်ဘဲ စစ်တွေမြို့ ဆတ်ရိုး ကျချောင်း တစ်ဘက် ကမ်း မှာ ဖြစ်ပါတယ်
ရခိုင် ပြည်နယ် စစ်တွေမြို့မှာ ဇွန်လ အတွင်းက ပေါ်ပေါက် ခဲ့တဲ့ ဆူပူ အကြမ်းဖက်မှု အတွင်း အိုးမဲ့ အိမ်မဲ့ ဖြစ်သွားတဲ့ ရခိုင် မိသားစုတွေ ပြန်လည် နေရာ ချထားရေး အတွက် ပထမ သုတ် အနေနဲ့ စစ်တွေမြို့ ဆတ်ရိုး ကျချောင်း တဘက် ကမ်းမှာ အိမ်တွေ ဆောက်ပေးသွားမယ်လို့ သိရပါတယ်။
အခု ဆောက်ပေးမယ့် အိမ်တွေဟာ ရခိုင် မိသားစု ၆၆၉ စု အတွက် ဖြစ်ပါတယ်။ ဇွန်လ တွင်းက သူတို့ နေအိမ်တွေ မီးရှို့ ခံခဲ့ရလို့ ဘုန်းကြီးကျောင်း တွေနဲ့ ဒုက္ခသည် စခန်းတွေမှာ ခိုလှုံနေကြသူတွေ ဖြစ်ကြပါတယ်။
သူတို့ ယခင် နေထိုင် ခဲ့တဲ့ နေရာတွေ မဟုတ်ဘဲ စစ်တွေမြို့ ဆတ်ရိုး ကျချောင်း တဘက် ကမ်းမှာ ဆောက်ပေးတာ ဖြစ်တယ်လို့ စစ်တွေ မြို့နယ် ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောပါတယ်။
သူတို့ ခုနစ်လကျော် အိုးအိမ်မဲ့ ဘဝနဲ့ နေခဲ့ရပြီး နောက် အစိုးရ က နိုင်ငံ တကာ အကူအညီနဲ့ ခုလို နေရာ ချထားပေးဖို့ စီစဉ်တာ ဖြစ်တယ်လို့ သိရပါတယ်။
အိမ်တလုံး အတွက် ကျပ် သိန်း ၄ဝ စီ အသုံး ပြုသွားမှာ ဖြစ်ပြီး လောလောဆယ် မှာ ဆောက်လုပ်ရေး ကုမ္ပဏီ အများ အပြားက ၂ လနဲ့ အပြီး အိမ်တွေကို စတင် တည်ဆောက် နေပြီ ဖြစ်တယ်လို့ ပြောပါတယ်။
အခု ဆောက်ပေးမယ့် အိမ်ရာတွေကို ကားနဲ့ အလွယ်တကူ သွားလာလို့ ရအောင် ကွန်ကရစ် တံတား တခုလဲ တည်ဆောက် ပေးမယ်လို့ ဆိုပါတယ်။
စစ်တွေမြို့မှာ ဇွန်လ အတွင်း ဖြစ်ပွား ခဲ့တဲ့ ပဋိပက္ခမှာ ရခိုင် နဲ့ မွတ်ဆလင် မိသားစုပေါင်း တသောင်းခန့် လူဦးရေ အားဖြင့် ဆိုရင် ခုနှစ်သောင်းခန့် အိုးမဲ့ အိမ်မဲ့ ဖြစ်ခဲ့ ရပြီး ဒုက္ခသည် စခန်းတွေမှာ နေထိုင် နေကြရ ပါတယ်။ အဲဒီ အထဲက ရခိုင် မိသားစုတွေကို ပထမဆုံး အနေနဲ့ အစိုးရက စတင် နေရာ ချထား ပေးဖို့ စီစဉ်လာတာ ဖြစ်ပါတယ်။

လှိုင်မြို့နယ်ဆိပ်ကမ်း ဆီတင်သင်္ဘောမီးလောင် လူ ၄ ဦးသေ

Oil Tanker Fire (AAM)
ရန်ကုန်တိုင်း လှိုင်မြို့နယ် အမှတ် ၄ ရပ်ကွက် ကမ်းနားလမ်းမှာရှိတဲ့ ပိတောက်ချောင်း ဆိပ်ကမ်းမှာ မြ၀တီထရိတ်ဒင်းပိုင် ဆီတင်သင်္ဘောတစီး  မီးလောင်ပေါက်ကွဲမှု ဖြစ်ခဲ့တဲ့အတွက် လူ ၄ ဦးသေဆုံးပြီး ၅ ဦး ဒဏ်ရာရခဲ့တယ်လို့ ဗဟိုမီးသတ်အဖွဲ့က အတည်ပြု ပြောကြားခဲ့ပါတယ်။ အခြေအနေအသေးစိတ်ကိုတော့ မအေးအေးမာ က သတင်းပေးပို့ခဲ့ပါတယ်။ ရန်ကုန်တိုင်း လှိုင်မြို့နယ်တွင်းက ပိတောက်ချောင်းဆိပ်ကမ်းမှာ ဆီတင်သင်္ဘောတစီးက ကမ်းကပ်ပြီး ဆီ သယ်ဆောင်နေစဉ် မီးလောင်မှု စဖြစ်ခဲ့တာလို့ ဆိုပါတယ်။ မီးလောင်မှုဖြစ်ပြီးနောက် မီးသတ်ကားတွေ၊ မီးသတ်တပ်ဖွဲ့ဝင်တွေ တော်တော်များများ ရောက်ရှိ လာကြပြီး တနာရီအတွင်းမှာ မီးကို ငြိမ်းသတ်နိုင်ခဲ့ပေမဲ့ လူ ၄ ဦး သေဆုံးပြီး ဒဏ်ရာရသူတွေလည်း ရှိတဲ့အကြောင်းကို  ဗဟိုမီးသတ်ရုံးက တာဝန်ရှိသူတဦးက အတည်ပြု ပြောကြားခဲ့ပါတယ်။ “ဟုတ်ပါတယ်။ လူ ၄ ဦး သေဆုံးပါတယ်။ ၅ ဦးကတော့ ဒဏ်ရာရတယ်။ ရန်ကုန်ဆေးရုံကြီးမှာ ရှိပါတယ်ခင်ဗျာ။ အကုန်လုံးကို ရန်ကုန်ဆေးရုံကြီးကို ပို့ထားပါတယ်ခင်ဗျာ။ ယောကျာ်း ၄ ဦး သေဆုံးပါတယ်။ သေဆုံးတယ်ဆိုတာပဲ ကျနော်သိပါတယ်။ ကျန်တာတော့ ကျနော် မသိသေးပါဘူး။ သတင်းအသေးစိတ်လည်း ကျနော်တို့ မရသေးပါဘူးခင်ဗျာ။” မီးလောင်မူကြောင့် ဆီတင်သင်္ဘော တခုလုံး ပျက်စီးပြီး နစ်မြုပ်သွားခဲ့ပါတယ်။ လောလောဆယ်မှာ မီးလောင်မှုအတွင်းက အလောင်းတွေကို ရရှိတဲ့အတွက် လူ ၄ ဦးသေဆုံးကြောင်းကို အတည်ပြုနိုင်ခဲ့တာလို့ ဆိုပါတယ်။ ဆီတင်သင်္ဘော မီးလောင်မှုမှာ မီးသတ်ကားအစီးရေ တော်တော်များများ လာရောက်ပြီး ငြိမ်းသတ်ခဲ့ကြပါတယ်။ မီးလောင်ပေါက်ကွဲမှုနဲ့ပတ်သက်လို့ နောက်ထပ် သေဆုံးသူတွေနဲ့ ဒဏ်ရာရရှိသူတွေ ရှိနိုင်သေးတဲ့အတွက် ရဲအာဏာပိုင်တွေနဲ့ မီးသတ်တပ်ဖွဲ့တွေကတော့ ဆက်လက်ရှာဖွေနေဆဲလို့လည်း ဆိုပါတယ်။ ပျက်စီးဆုံးရှုံးမှု တန်ဖိုးနဲ့ပတ်သက်လို့တော့ အတည်ပြု ပြောကြားခြင်းမရှိသေးပါဘူး။ ပြီးခဲ့တဲ့နိုဝင်ဘာလကလည်း စစ်ကိုင်းတိုင်း ကန့်ဘလူမြို့မှာ ဆီတင်ရထား တိမ်းမှောက်မှုဖြစ်ပြီး မီးလောင်ပေါက်ကွဲမှုကြောင့် ဆီခပ်ဖို့ လာတဲ့ ရွာသားတွေ ၂၀ ကျော် မီးလောင်သေဆုံးပြီး လူပေါင်း ၁၀၀ ကျော် ပြင်းထန်စွာ ဒဏ်ရာရရှိခဲ့ပါတယ်။

ပြီးခဲ့တဲ့ ဇန်န၀ါရီလကလည်း သံဖြူဇရပ် မြို့မဈေး မီးလောင်ကျွမ်းမှု ဖြစ်ခဲ့ပါတယ်။ ဒီအတွက် ပျက်စီးဆုံးရှုံးမှု တွေဖြစ်ပြီး ဈေးရောင်းပြီး အသက်မွေးရသူအဖို့ အခက်အခဲတွေလည်း ဖြစ်ရပါတယ်။ မြန်မာနိုင်ငံမှာ နွေရာသီ ရောက်လာချိန်တိုင်း မီးလောင်ကျွမ်းမှုတွေ နေရာ တော်တော်များများမှာ ဖြစ်ခဲ့ပြီး မီးလောင်တဲ့အခါမှာ အချိန်မှီ မီးသတ်နိုင်မှု အားနည်းတာတွေ၊ ရေမလုံလောက်တာတွေကြောင့် ပျက်စီးဆုံးရှုံးမှုတွေ ပိုပြီး ဖြစ်ပေါ်ခဲ့ရပါတယ်။

နိုင်ငံခြားရေးဝန်ကြီးသစ် ဂျွန် ကယ်ရီ ရာထူးတာဝန်စတင်

US Secretary of State John Kerry (TO)
အမေရိကန်နိုင်ငံခြားရေးဝန်ကြီးသစ် ဂျွန် ကယ်ရီ (John Kerry) ဟာ ဒီကနေ့ နိုင်ငံခြားရေးဌာနမှာ အမေရိကန်ပြည်ထောင်စုရဲ့ အဆင့်အမြင်ဆုံး သံတမန်တဦးအနေနဲ့ စတင် တာဝန်ထမ်းဆောင်နေပြီ ဖြစ်ပါတယ်။ နိုင်ငံခြားရေးဝန်ကြီးအဖြစ် ပထမဆုံးတာဝန်ယူတဲ့နေ့မှာပဲ အပြည်ပြည်ဆိုင်ရာ လူ့အခွင့်အရေးတွေကို အကာအကွယ်ပေးဖို့ လိုမယ်ဆိုတာကို မစ္စတာ ကယ်ရီ က ထောက်ပြသွား ပါတယ်။ နိုင်ငံခြားရေးဌာန ဗွီအိုအေသတင်းထောက် Scott Stearns သတင်းရေးသားပေးပို့ထားတာ ကို ကိုသားညွန့်ဦး တင်ပြထားပါတယ်။ နိုင်ငံခြားရေးဝန်ကြီးအဖြစ် ပထမဆုံး  ရုံးစတက်တဲ့နေ့ ရုံးအရောက်မှာပဲ နိုင်ငံခြားရေးဝန်ကြီးသစ် ကယ်ရီ ကို နိုင်ငံခြားရေးဌာန၀န်ထမ်းတွေက ကြိုဆိုပါတယ်။ အဲ့ဒီမှာပဲ ကမ္ဘာကြီးကို ပိုပြီး ငြိမ်းချမ်းလုံခြုံတဲ့ ကမ္ဘာဖြစ်ဖို့ သမ္မတ အိုဘားမားရဲ့ ဆောင်ရွက်ချက်တွေကို သူ ဆက်လုပ်သွားမယ်လို့ ၀န်ထမ်းတွေကို ပြောလိုက်ပါတယ်။ “ပြီးခဲ့တဲ့နှစ်တွေအတွင်းမှာ သမ္မတရဲ့ အမျှော်အမြင်အပေါ်  သံသယမရှိဘဲ ခင်ဗျားတို့ ကြိုးပမ်းခဲ့တာ တွေကြောင့် သမ္မတရဲ့လုပ်ငန်း ပြီးမြောက်မှုတွေဟာ ကမ္ဘာမှာ အမေရိကန်ရဲ့ဂုဏ်သိက္ခာ၊ အမေရိကန်ရဲ့အခန်းကဏ္ဍ နေရာကို ပြန်လည်ရယူနိုင်ခဲ့ပါတယ်။” အခုလို အမေရိကန်ဂုဏ်သိက္ခာတွေ အသိအမှတ်ပြုခံရပြီး သြဇာရှိလာတာကြောင့် ကမ္ဘာ့လူသားတွေ အတွက် စွမ်းဆောင်ရည် မြှင့်တင်ပေးရာမှာ အထောက်အကူ ဖြစ်စေတယ်လို့ မစ္စတာ ကယ်ရီ က ပြောပါတယ်။ “ပဋိပက္ခတွေ အများအပြားရှိနေသေးတဲ့ ကမ္ဘာ၊ သတ်ဖြတ်မှုတွေ အများအပြား ရှိနေသေးတဲ့ ဒီကမ္ဘာမှာ ငြိမ်းချမ်းမှုရဖို့ ကျနော်တို့ ကြိုးစားနေတာပါ။ ဒီလို ငြိမ်းချမ်းရေးရဖို့ တခြားနည်းလမ်းတွေ ရှိပါတယ်။ လူတွေကို ဆင်းရဲမွဲတေမှု ၀ဲဂယက်ကနေ ကယ်ထုတ်ရပါတယ်။ ရောဂါဘယတွေကို ကုသပေးဖို့ ကြိုးပမ်းရပါတယ်။ လူ့အခွင့်အရေးတွေ လေးစားလိုက်နာမှုနဲ့ လူတွေရဲ့ စွမ်းဆောင်ရည်ကို မြှင့်တင်ပေးရပါတယ်။ အသံတိတ်နေရသူတွေ ဖွင့်ဟပြောဆိုလာအောင် ဆောင်ရွက်ရပါတယ်။”

သမ္မတအိုဘားမားရဲ့ ပထမသက်တမ်းအတွင်း ကွန်ဂိုဒီမိုကရက်တစ်နိုင်ငံမှာ အမျိုးသမီးတွေအပေါ် အကြမ်းဖက်မှုတွေ ရပ်တန့်သွားအောင်မျိုး လူ့အခွင့်အရေးကိစ္စတွေကို အာရုံစိုက်လုပ်ခဲ့ပါတယ်။ မစ္စတာ ကယ်ရီ ဟာ နိုင်ငံခြားရေးဝန်ကြီးတာဝန်နဲ့ ဒါမျိုးတွေ ပိုလုပ်ဆောင်နိုင်လိမ့်မယ်လို့ HRW လူ့အခွင့်အရေးစောင့်ကြည့်မှုအဖွဲ့ ၀ါရှင်တန်ရုံး ဒုတိယညွှန်ကြားရေးမှူး ဆာရာ မာဂွန်း (Sarah Margon) က ပြောပါတယ်။ “ပိုပြီး ပြည့်ပြည့်စုံစုံ ဆောင်ရွက်လာနိုင်မှာ အသေအချာပါ။ သမ္မတ အိုဘားမားရဲ့ နောက်တကြိမ် သမ္မတသက်တမ်းမှာ လူ့အခွင့်အရေးကို ပိုပြီး အာရုံစိုက်လာတာမျိုး မြင်ချင်ပါတယ်။ အထူးသဖြင့် အစိုးရက တာဝန်ယူဖြေရှင်းကိုင်တွယ်နေရတဲ့ အမျိုးသားလုံခြုံရေးဆိုင်ရာ ကိစ္စရပ်တွေမှာပါ။” မစ္စတာ ကယ်ရီ ဟာ မြန်မာ့အရေးမှာ စိတ်ဝင်စားသူ တတ်ကြွသူလို့လည်း လူသိများပါတယ်။ အထက်လွှတ်တော်အမတ်အဖြစ်နဲ့ မြန်မာနိုင်ငံကို သွားရောက်ခဲ့ဖူးသလို၊ မြန်မာ့ဒီမိုကရေစီရေး အတွက် အထက်လွှတ်တော်မှာ တတ်တတ်ကြွကြွ ဆောင်ရွက်ခဲ့သူလည်း ဖြစ်ပါတယ်။ ၂၀၀၇ ခုနှစ် ရွှေဝါရောင်သံဃာ့အရေးအခင်းအပြီး မြန်မာနိုင်ငံအပေါ် အမေရိကန်ပြည်ထောင်စုက အရေးယူ ဒဏ်ခတ်ရေးအတွက် ဥပဒေကြမ်းကိုလည်း အထက်လွှတ်တော်မှာ ကမကထပြု တင်သွင်းခဲ့သူပါ။

ဒါ့အပြင် မြန်မာနိုင်ငံမှာ အပြောင်းအလဲတွေ တွေ့လာရတော့လည်း၊ ဒီအပြောင်းအလဲတွေကို အားဖြစ်စေအောင် အမေရိကန်အနေနဲ့ ဘာတွေ လုပ်ပေးနိုင်မလဲ၊ အားဖြည့်ပေးနိုင်မလဲ ဆိုပြီး မြန်မာ့အရေးကို ဆောင်းပါးရေးပြီး လှုံ့ဆော်ခဲ့ဖူးပါတယ်။ နိုင်ငံခြားရေးဝန်ကြီး ကယ်ရီ ဟာ အရှေ့အလယ်ပိုင်းကိစ္စတွေနဲ့ပတ်သက်လို့ အစ္စရေးလ် သမ္မတ ရှီမွန် ပဲရစ် (Shimon Peres)၊ အစ္စရေးဝန်ကြီးချုပ် ဘန်ဂျမင် နတန်ယာဟု (Benjamin Netanyahu) နဲ့ ပါလက်စတိုင်း သမ္မတ မာမွတ်အာဘတ်စ် တို့နဲ့ ဖုန်းစကား ပြောပြီးပါပြီ။ အစ္စရေးလ်နဲ့ ပါလက်စတိုင်းအကြား ငြိမ်းချမ်းရေးကိစ္စဆောင်ရွက်သွားဖို့ ပုဂ္ဂိုလ်ရေးအရ ကတိက၀တ်ပြု မိတ်ဆက်တဲ့သဘောပါ။ ဒါ့အပြင် ဂျပန်နဲ့ တောင်ကိုရီယားက နိုင်ငံခြားရေးဝန်ကြီးတွေကိုလည်း ဖုန်းဆက်စကားပြောပါတယ်။ မြောက်ကိုရီယားအနေနဲ့ နောက်ထပ် ဒုံးကျည်စမ်းသပ်မှု လုပ်ပြီး ရန်စတာတွေ ဆက်လုပ်နေမယ် ဆိုရင်တော့ သိသာထင်ရှားတဲ့ အကျိုးဆက်တွေကို ရင်ဆိုင်ရလိမ့်မယ်ဆိုတာကို သူက ကတိပေး ပြောခဲ့ပါတယ်။ နိုင်ငံခြားရေး ၀န်ထမ်းတွေကို ပထမဆုံး မိန့်ခွန်းစကား ပြောတဲ့အထဲ ပြီးခဲ့တဲ့နှစ်က လစ်ဗျား ဘန်ဂါဇီ က အမေရိကန်ကောင်စစ်ဝန်ရုံး တိုက်ခိုက်ခံရမှုမှာ သေဆုံးခဲ့သူ သံတမန်တွေရဲ့ စွန့်လွှတ်မှုကို အသိအမှတ်ပြု ပြောပါတယ်။ “အန္တရာယ်ဆိုတာ ပိုပြီး ရှင်းရှင်းလင်းလင်း မရှိနိုင်ပါဘူး။ ဒီပုဂ္ဂိုလ်တွေကို ကျနော်တို့ အမြဲပဲ သတိရနေမှာပါ။ အထူးသဖြင့် ခရစ် စတီဗင်စ် (Chris Stevens)၊ ဂလန် ဒေါ့ဟာတီ (Glen Dougherty)၊ တိုင်ရွန်း ၀ုဒ်စ် (Tyrone Woods)၊ ရှောင် စမစ် (Sean Smith) တို့ကို သတိတရ ရှိနေပါတယ်။” ဒါပေမဲ့လည်း ၀န်ကြီးသစ် ကယ်ရီ အဖို့ လစ်ဗျားနိုင်ငံတွင်း ကိစ္စဟာ ကြီးမားတဲ့ စိန်ခေါ်ချက်တွေ ရင်ဆိုင်ရလိမ့်မယ်လို့ Cato Institute က သုတေသီ မလော့ အင်နိုးစန့် (Malou Innocent) က ပြောပါတယ်။ “တိုင်းပြည်ထူထောင်ရေးကနေ တမျိုးသားလုံး ထူထောင်ရေးလုပ်ငန်းတွေ အသွင်ပြောင်းမှုဟာ အတော့်ကို ခက်ခဲပါတယ်။ အာလုံးဟာ လစ်ဗျားနိုင်ငံသား လစ်ဗျားလူမျိုးတွေဆိုတဲ့ ကိုယ်ပိုင် လက္ခဏာ တပေါင်းတစည်းတည်း ဖြစ်သွားဖို့ပါ။ ဂဒါဖီ (Gadhafi) က တိုင်းပြည်ကို သွေးခွဲအုပ်ချုပ်ပြီး သူ့ကိုယ့်ကျိုးအတွက် အမြတ်ထုတ်အသုံးချခဲ့ပါတယ်။ ဒါကြောင့် အနောက်နိုင်ငံ ဒီမိုကရေစီပုံစံမျိုး အနည်းအကျဉ်း တွေ့နေရတောင်မှ ရှေ့ဆက်ပြီး လစ်ဗျားနိုင်ငံမှာ မငြိမ်မသက်မှုတွေ မြင်နေရဦးမှာပါ။” မစ္စတာ ကယ်ရီ ဟာ သူ့အရင် နိုင်ငံခြားရေးဝန်ကြီးတွေအဖြစ် အောင်အောင်မြင် တာဝန်ယူခဲ့ကြတဲ့ အမျိုးသမီးနှစ်ဦးဖြစ်တဲ့ ဟီလာရီ ကလင်တန် (Hilary Clinton) နဲ့ ကွန်ဒိုလီဇာ ရိုက်စ် (Condoleeza Rice) တို့နဲ့ပတ်သက်လို့တော့ သူတို့နောက်ကို မနဲကို လိုက်ယူရဦးမယ်လို့ ၀န်ထမ်းတွေကို နောက်ပြောင် ပြောခဲ့ပါတယ်။

ဘင်္ဂလားဒေ့ရှ် အစ္စလာမ်ခေါင်းဆောင် စစ်ရာဇ၀တ်မှုနဲ့ တသက်တကျွန်းကျ

bangladesh war crime
ဘင်္ဂလားဒေ့ရ်ှနိုင်ငံမှာ ပါကစ္စတန် လက်အောက်ကနေ လွတ်လပ်ရေး ရဖို့ ဆင်နွှဲခဲ့တဲ့ ၁၉၇၁ ခုနှစ် စစ်ပွဲအတွင်း ပြစ်မှု ကျူးလွန်ခဲ့မှုနဲ့ ထိပ်တန်း အစ္စလာမ် အတိုက်အခံ အက်ဗ်ဒူ ကာဒါ မိုလာ (Abdul Quader Molla) ကို ဘင်္ဂလားဒေ့ရှ် အထူးတရားရုံးကနေ အင်္ဂါနေ့မှာ ထောင်ဒဏ် တသက် ပြစ်ဒဏ် ချမှတ်ခဲ့ပါတယ်။ မစ္စတာ မိုလာ ဟာ ဂျမားလ် အီ အစ္စလာမ်မစ်ပါတီကဖြစ်ပြီး စစ်ပွဲအတွင်း လူအစုလိုက် အပြုံလိုက်ကို သတ်ဖြတ်ခဲ့မှုနဲ့ လူမဆန်တဲ့ ရာဇ၀တ်ပြစ်မှု အပါအ၀င် ပြစ်မှု အများအပြားကို ကျူးလွန်ခဲ့ကြောင်း ဒက်ကာ (Dhaka) အခြေစိုက်  နိုင်ငံတကာ ရာဇ၀တ်ပြစ်မှု ခုံရုံးက တွေ့ရှိခဲ့တာ ဖြစ်ပါတယ်။ ၉ လတာ စစ်ပွဲအတွင်း လူပေါင်း ၃ သန်းလောက် သေဆုံးခဲ့ရတာနဲ့ ပတ်သက်ပြီး စုံစမ်းစစ်ဆေးမှုတွေ လုပ်နေတဲ့ အငြင်းပွားဖွယ် ခုံရုံးကနေ နိုင်ငံရေးသမားတဦးကို ပထမဆုံး အပြစ်ပေး ခဲ့တာ ဖြစ်ပါတယ်။ အာဏာပိုင်တွေကတော့ မစ္စတာ မိုလာဟာ စစ်ပွဲအတွင်း ပါကစ္စတန်စစ်တပ်နဲ့ ပူးပေါင်းပြီး ဒီပြစ်မှုတွေကို ကျူးလွန်ခဲ့တယ်လို့ ဆိုပါတယ်။

ဒီခုံရုံးရဲ့ လုပ်နည်းလုပ်ဟန်တွေဟာ နိုင်ငံတကာ စံချိန် မမှီဘူးလို့ နိုင်ငံတကာ လူ့အခွင့်အရေးအဖွဲ့ တွေက ပြောပါတယ်။ အစ္စလာမ် အစွန်းရောက်တွေကတော့ ဒီခုံရုံးဟာ အစိုးရအတိုက်အခံတွေကို ပစ်မှတ်ထား တိုက်ခိုက်ဖို့ ဖွဲ့ထားတာလို့ ဆိုပါတယ်။

ကုလအထူးကိုယ်စားလှယ် ကချင်ပြည်နယ်သွားရောက်

ကုလသမဂ္ဂ အထူးကိုယ်စားလှယ် ဗီဂျေး နမ်ဘီယား ကချင်ဒုက္ခသည်တွေကို တွေ့ဆုံ
မြန်မာနိုင်ငံမြောက်ပိုင်း ကချင်ပြည်နယ်ထဲက ပဋိပက္ခတွေရဲ့ဒဏ် ခံခဲ့ရသူတွေကို ကုလသမဂ္ဂရဲ့ အထူးအကြံပေးပုဂ္ဂိုလ် ဗီဂျေး နမ်ဘီယား ဒီကနေ့ပဲ သွားရောက် တွေ့ဆုံပါတယ်။ မြန်မာအစိုးရ တာဝန်ရှိသူတွေနဲ့ ကချင်လက်နက်ကိုင် အဖွဲ့တို့ကြား ငြိမ်းချမ်းရေးအတွက် တွေ့ဆုံဆွေးနွေး ပြီး နောက်တရက်မှာပဲ အစိုးရတာဝန်ရှိသူတွေနဲ့အတူ မြစ်ကြီးနားမြို့မှာ ဒေသခံတွေနဲ့ တွေ့ဆုံ ခဲ့တာပါ။ ဒါနဲ့ပတ်သက်လို့ အသေးစိတ်သိနိုင်ဖို့ ကုလသမဂ္ဂ အထူးကိုယ်စားလှယ်ရဲ့ ခရီးစဉ်ကို လိုက်ပါသတင်းယူနေတဲ့ ဗွီအိုအေ ၀ိုင်းတော်သား ဦးရော်နီညိမ်း ကို မေးကြည့်ပါမယ်။ မေး။              ။ ဦးရော်နီရေ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး မစ္စတာ နမ်ဘီယား က ပြည်ထောင်စုဝန်ကြီး ဦးစိုးသိန်းနဲ့အတူ ကချင်ပြည်နယ်ဘက်က စစ်ဘေးသင့် ဒုက္ခသည်တွေဆီကို သွားရောက်ခဲ့တယ်ဆို၊ ဒီခရီးစဉ်မှာ သိရသမျှ ဦးရော်နီ ပြောပြပေးပါဦးရှင့်။ ဖြေ။              ။ ဒီကနေ့ ဖေဖော်ဝါရီလ ၅ ရက်နေ့မှာ ကုလသမဂ္ဂ လက်ထောက် အတွင်းရေးမှူးချုပ်လည်း ဖြစ်ပြီးတော့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ မြန်မာနိုင်ငံဆိုင်ရာ အထူး သံတမန်လည်းဖြစ်တဲ့ ဗီဂျေး နမ်ဘီယားရယ်၊ နောက်ပြီး သူ့ရဲ့ ရုံးအဖွဲ့မှူး မစ္စစ်မာရီယာ တို့ ၂ ယောက်ဟာ ပြည်ထောင်စုဝန်ကြီး၊ သမ္မတရုံးဝန်ကြီး ဦးစိုးသိန်း၊ နောက်တခါ ဦးခင်ရီ တို့နဲ့အတူ မြစ်ကြီးနားကနေတဆင့် အိုးအိမ်စွန့်ခွာ ထွက်ပြေးနေရသူတွေဆီကို NGO တွေနဲ့အတူ သွားရောက် တွေ့ဆုံပြီး အခြေအနေတွေကို မစ္စတာ ဗီဂျေး နမ်ဘီယား တို့ သိရှိအောင် ပြသပြောဆို ဆွေးနွေးတယ်လို့ သိရပါတယ်။ အဲဒီတော့ မစ္စတာ ဗီဂျေး နမ်ဘီယား ရယ်၊ ဦးစိုးသိန်း၊ ဦးခင်ရီ တို့ အဖွဲ့ဟာ မြစ်ကြီးနားကနေ ပြန်လာပြီးတော့ လားရှိုး လေဆိပ်မှာ ကျနော်တို့နဲ့ ဆုံတဲ့အခါမှာ ကျနော် မေးခွင့်ရလို့ မစ္စတာ နမ်ဘီယား ကို မေးပါတယ်။ ဒီကနေ့ ခရီးစဉ်ရဲ့ ရလဒ်ဟာ ဘာပါလဲလို့ မစ္စတာ နမ်ဘီယား ကိုမေးတော့ သူက အခုလို ပြောပါတယ်။ ဒီကနေ့ ရလဒ်ကို ပြောမယ် ဆိုရင်တော့တဲ့ မစ္စတာ ဗီဂျေး နမ်ဘီယား ပြောတာက သူ့အနေနဲ့ ပထမဦးဆုံးအကြိမ် သွားတဲ့ ခရီးစဉ်ဖြစ်တယ်။ သူကတော့ တွေ့ရကြုံရတာတွေ ကျေနပ် အားရတယ်။ ကျေနပ်အားရပြီး ကုလသမဂ္ဂ အတွင်းရေးမှူးချုပ်ဖြစ်တဲ့ မစ္စတာ ဘန်ကီမွန်းကလည်း ကချင်ပြည်နယ်က အရေးကို စိုးရိမ်ပူပမ်နေတဲ့ လူတယောက် ဖြစ်တဲ့အတွက်ကြောင့် သူ့အနေနဲ့ ဘာလုပ်ပေးနိုင်မလဲ ဆိုတာကို လာရောက် ကြည့်ရှုလေ့လာတဲ့ ခရီးစဉ်ပဲ ဖြစ်တယ်ပေါ့နော်။ ဒီ IDP စခန်းတွေကို သွားရောက် တွေ့ခွင့်ရခဲ့တဲ့ အတွက်မို့လို့ သူ့အနေနဲ့ ဒါဟာ ကျေနပ်အားရတယ်လို့ ဒီနေ့ ခရီးစဉ်အပေါ် ပြောပါတယ်။ အဲဒီတော့ ကျနော် သူ့ကို နောက်ထပ် မေးခွန်းတခု ထပ်မေးပါတယ်။ အဲဒါက ကချင်လွတ်လပ်ရေးအဖွဲ့ လက်အောက်ခံ KIA တပ်နဲ့ မြန်မာစစ်တပ်တို့ကြား အပစ်အခတ် ရပ်စဲထားတာ ၁၉၉၄ ကတည်းက၊ ဒါကြောင့် နောက်ထပ် အပစ်အခတ် ရပ်စဲစရာ မလိုဘူးလို့ KIO က စွဲကိုင်ထားတယ်။ အဲဒီတော့ ဒီအချိန် အပစ်အခတ် ရပ်စဲထားတဲ့ အခြေအနေနဲ့ ပတ်သက်ပြီးတော့ စောင့်ကြည့် လေ့လာရေး ဌာနတွေ ကချင်ပြည်နယ်ထဲမှာ ကုလသမဂ္ဂရဲ့ အကူအညီနဲ့ တည်ဆောက်ဖို့ ဆိုတဲ့ ကိစ္စနဲ့ ဖွဲ့စည်းဖို့ဆိုတဲ့ ကိစ္စနဲ့ ပတ်သက်လို့ သူ့အနေနဲ့ ဘယ်လိုများ သိရှိထားပါသလဲလို့ ကျနော်မေးတဲ့အခါမှာ မစ္စတာ နမ်ဘီယား က အခုလို ပြောပါတယ်။ မစ္စတာ နမ်ဘီယားြေ�