အခန်း(၆ ) အခွင့်အရေးများကို ဟန်ချက်ညီစေခြင်း- ပုဂ္ဂလိကလုံခြုံမှု ပြဿနာရပ်

by မင်းခက်ရဲ (Min Khet Ye) on Wednesday, November 21, 2012 at 7:46pm ·

 အခန်း(၆ )

အခွင့်အရေးများကို ဟန်ချက်ညီစေခြင်း- ပုဂ္ဂလိကလုံခြုံမှု ပြဿနာရပ်

            ခုထက်ထိတော့  လူ့အခွင့်အရေးဆိုတာ တသီးပုဂ္ဂလလွတ်လပ်မှုတွေနဲ့ လူ့အဖွဲ့အစည်းရဲ့ စုပေါင်းအကျိုး အမြတ်နှစ်ခုကို ဟန်ချက်ညီအောင်လုပ်ခြင်းဆိုတဲ့  တောင်းဆိုမှုတွေကို ကျွန်တော်တို့ ဆန့်ကျင်ခဲ့ပြီးပါပြီ။  တသီးပုဂ္ဂလနဲ့ လူအဖွဲ့အစည်းကြား ဟန်ချက်ညီအောင်လုပ်မယ်ဆိုတဲ့ အမြင်က နောက်ဆုံးတော့ လူအများငြိမ်းငြိမ်းချမ်းချမ်းနဲ့ လုံခြုံမှု ရှိရှိ နေနိုင်တဲ့ အကျုိးအမြတ်ဆီကိုသာ ရွေ့လျား သွားတယ်။ နိုင်ငံတကာ လူ့အခွင့်အရေးဥပဒေကနေ ယုံကြည်မှုဆိုတာ  လူ့အခွင့်အရေးတစ်ခုဟာ ကြိုတင် တည်ရှိနေတဲ့ ဥပဒေတွေကနေ တရားမျှတကြောင်းပြနိုင်ရမယ်။ ကြိုတင် တည်ရှိနေတဲ့ ဥပဒေတွေက အမျိုးသားလုံခြုံရေး ဒါမှမဟုတ် လူထုရဲ့ အစီအစဉ်လို တရားဝင်ရည်ရွယ်ချက်တွေ အကောင်အထည်ဖော် ဖို့အတွက် လိုအပ်တဲ့ အချိုးချမှုတွေကို ခွင့်ပြုပေးထားတယ်။

  အခု ဒီဖော်မြူလာက နဲနဲ ပိုပြီးအသေးစိတ်အလုပ်လုပ်ပုံကို ကြည့်သင့်တယ်။  အခွင့်အရေးအသီးသီးကို ကိုင်ဆိုင်ထားသူ အချင်းချင်း သူတို့အပေါ်ကြိုတင်ပေးအပ်ထားတဲ့ အကျိုးအမြတ်ဟာ ဘာပါဆိုပြီး  ယှဉ်ပြိုင်ကြတဲ့အခြေအနေတွေမှာ အခွင့်အရေးတွေကို ဟန်ချက်ညီ တည့်မတ်ဖို့ တရားဝင်လုပ်နိုင်သလား မလုပ်နိုင်ဘူးလားဆိုတာကို နားလည်ရမယ်။ အခွင့်အရေးတွေကို ဟန်ချက်ညီအောင်လုပ်ခြင်းနဲ့ ဆန့်ကျင်ဘက်အနေနဲ့  ညှင်းပန်းနှိပ်စက်ပိုင်ခွင့်မရှိတဲ့ အခွင့်အရေးဟာ အကြွင်းမဲ့ ဖြစ်တယ်လို့ ကျွန်တော်တို့ မြင်ခဲ့ကြပြီး ပါပြီ။ ဥပဒေစိုးမိုးမှုအောက်က လွတ်လပ်မှုအခွင့်အရေးဟာ လုံးဝအန္တရာယ်ရှိ နေတဲ့ပုံပေါ်နေတဲ့  တစ်သီးပုဂ္ဂလ လူသားအချို့ရဲ့ တောင်းဆိုမှုအောက်မှာတောင်မှ ပျောက်ကွယ် မသွားဘူးဆိုတာ သံသယရှိဖွယ် အကြမ်းဖက်သမားတွေ အပေါ်ထိန်သိမ်းမှု တွေနဲ့ ပတ်သတ်ပြီး ကျွန်တော်တို့ တွေ့မြင်ခဲ့ကြပြီးပါပြီ။ အခု အကျိုးအမြတ်တွေ အပြိုင်အဆိုင်ဖြစ်နေ တဲ့ လူ့အခွင့်အရေး တောင်းဆိုမှုတွေ ဖြစ်ပေါ်နေတဲ့ အခြေအနေတွေကို ကြည့်ကြရအောင်။

ပုဂ္ဂလိကလုံခြုံမှု

            ပုဂ္ဂလိကလုံခြုံမှု(privacy)က လူ့အခွင့်အရေးရဲ့ နှလုံးသားထဲမှာရှိတဲ့ အခြေခံပြဿနာရပ်တွေကို တွန်းအားပေးခြင်းနဲ့ ပတ်သတ်ပြီးတွေးကြည့်ပါ။ ပုဂ္ဂလိကလုံခြုံမှုအခွင့်အရေးဟာ ခုဆိုရင်  အမြဲ ဒလပ်စပ်တိုက်ခိုက်ခံနေရပေမယ့် ပုဂ္ဂလိက လုံခြုံမှု အခွင့်အရေးဟာ ဘယ်ကနေ စတင်ထွက်ပေါ်လာသလဲ ဆိုတာ လုံးဝမရှင်းလင်ကြဘူး။ မူလအစကို လိုက်ကြည့်ရင် ပုဂ္ဂလိကလုံခြုံမှုအခွင့်အရေးဟာ အစဉ်အလာ ကွန်စတီကျူးရှင်း အခွင့်အရေးမဟုတ်ဘူး ။၁၈ရာစုတော်လှန်ရေးမှာ ပုဂ္ဂလိကလုံခြုံမှုအတွက် တောင်းဆိုမှုကို ရှာတွေ့မှာ မဟုတ်ဘူး။ တကယ်တော့ ပုဂ္ဂလိကလုံခြုံမှုကို ကာကွယ်ခြင်းဟာ  ကိုယ့်ရဲ့ ကိုယ်ရေုးကိုယ်တာကို ကာကွယ်ဖို့လိုအပ်လာတဲ့ အချိန်မှာ စိတ်အနှောင့်အယှက်ဖြစ်အောင်လုပ်ခံရတာမျိုး၊ စော်ကားခံရတဲ့ အခါမျိုးမှာမှ ဖွံ့ဖြိုးလာတယ်။  လူ့အခွင့်အရေးဥပဒေမှာ ပုဂ္ဂလိက လုံခြုံမှုဟာ  တခြားအခွင့်အရေးတွေမှာ ကျားကန်ပေးထားတဲ့အ ယူအဆတွေဖြစ်တဲ့ ဂုဏ်သိက္ခာ၊ အိမ်ရာ၊ လိင်သဘာဝ ၊ သီးခြားအမှတ်လက္ခဏာ ၊ ဒါမှမဟုတ် မိသားစု တွေကို လေးစားရမယ့် ဆိုတဲ့ အယူအဆတွေလိုပါပဲ ။ ဒါပေမယ့် သူက အဲဒီအယူအဆတွေနောက် တော်တော်ကြာမှ ပေါ်ပေါက်လာတဲ့ အခွင့်အရေးအယူအဆတစ်ခုဖြစ်တယ်။  တစ်ချို့ကတော့ ပုဂ္ဂလိကလုံခြုံမှုဟာ  သဘာဝအရတောင်းဆိုမှု ဖြစ်တယ် ။ သူ့ကို အထောက်အခံပေးတာကတော့ ယခင် ရှေးကာလက လူထုဥပဒေအောက်ကနေ  ပုဂ္ဂလိကကိုယ်ရေးကိုယ်တာ အစိတ်အပိုင်းတွေကို အကာအကွယ် ပေးသင့်တယ်လို့ ခပ်ရှင်းရှင်း ရေးသားထားတဲ့ ဘာသာရေးအရေးအသားတွေပါပဲ။ ဒါပေမယ့်  လူအများစုက ကိုယ့်အ၀တ်အစားတွေကို ချွတ်နေခြင်း၊ အိမ်သာတတ်ခြင်း ၊ လိင်ဆက်ဆံခြင်း တွေဟာ လူထုထဲ ထုတ်ပြသင့်တဲ့ အရာတွေထက် ကိုယ်ရေးကိုယ်တာ ကိစ္စတွေဖြစ်ပြီး ပုဂ္ဂလိကလုံခြုံမှု ရှိသင့်တယ်လို့ ဆိုတယ်။  ဒါလောက်နဲ့တော့  အကြွင်းမဲ့ ယူနီဗာဆယ်အခွင့်အရေးလို ဖြစ်လာတဲ့ ပုဂ္ဂလိကလုံခြုံမှု ဘယ်နေရာက ထွက်ပေါ်လာတယ် ဒါမှမဟုတ် ဘာကြောင့်ကာကွယ်သင့်တယ် လို့ အဓိပ္ပာယ်ဖွင့်ဆိုသင့်တဲ့ အရာတော့ မဟုတ်ဘူး။                                                              ပုဂ္ဂလိကလုံခြုံမှု စတင်ပေါ်ပေါက်လာတာနဲ့ ပတ်သတ်ပြီးညွန်းကြတာကတော့ အမေရိကန်ပြည်ထောင်စုမှာ ဖြစ်တဲ့ ၁၈၈၁ အမှုတွဲတစ်ခုပဲ။ ကလေးမွေးဖွားစဉ်မှာ သူမရဲ့ ဆန္ဒကို ဆန့်ကျင်ပြီးစောင့်ကြည့် လေ့လားစူးစမ်းကြတဲ့ အတွက် တရားစွဲဆိုတယ် ။  အမှုအမှာ အနိုင်ရတယ် ။ တရားရုံးက သူမရဲ့ အမှုကို “သူမရဲ့အခန်းအတွင်း ပုဂ္ဂလိကလုံခြုံမှု အခွင့်အရေး ” အဖြစ်ညွန်းဆိုလိုက်တယ်။ ပုဂ္ဂလိကအခွင့်အရေးအတွက်နောက်ထပ် ထွက်ပေါ်လာတဲ့အမှုတစ်ခုက ၁၈၉၀မှာ လူဝီဘရမ်းဒဲနဲ့ ဆင်မြူရယ်ဝါရင်တို့ရဲ့အမေရိကန် ဥပဒေရီဗြူးစာစောင်မှာပါတဲ့ “ ပုဂ္ဂလိကလုံခြုံမှုအခွင့်အရေးကို တောင်းဆိုခြင်း” ဆောင်းပါးပဲ။ ၀ါရမ်းရဲ့ သမီးလက်ထပ်ပွဲကို အခြေခံထားတဲ့ အရင်းအမြစ်ကနေထွက်လာတဲ့ အတွက် လူထုရဲ့ကြိုဆိုမှုကို မရလိုက်ဘူး ။ အဖြစ်အပျက်အများစုအတွက် ၁၉ရာစုမှာ အာရုံစိုက်လာတဲ့အရာကတော့ တရားဝင်လုပ်ပိုင်ခွင့်မရှိတဲ့ လေ့လာ စောင့်ကြည်ခြင်း နဲ့ ထုတ်ဝေခြင်းတွေအပေါ် အဓိကထားလာတာပါပဲ။ ဘရမ်ဒဲတို့က အင်္ဂလိပ်တရားရုံးက မင်းသားအဲလ်ဘတ်နဲ့ ဘုရင် ဗစ်တိုရီးယားတို့ရဲ့ ပုံတွေဖြန့်ဝေခြင်းကို ကန့်သတ်လာပုံ၊ ပြင်သစ်တရားရုံးကလည်း သရုပ်ဆောင်မင်းသမီးတွေရဲ့ မိသားစုပုံကို ဖြန့်ဝေခြင်းအပေါ် တားမြစ်ပိတ်ပင်ပုံ၊ ဂျာမနီမှာလည်း ဘစ်စမတ်ရဲ့ရုပ်အလောင်းကို သူ့ကလေးတွေရဲ့ တောင်းဆိုချက်အရ ဓါတ်ပုံရိုက်ဖြန့်ဝေခြင်းကနေ တားမြစ်ပုံတွေကို လေ့လာဖော်ထုတ်တယ်။                                                                                                                   နိုင်ငံဥပဒေအမျုိးမျိုးက  အထက်ပါအကျိုးအမြတ်တွေကို ကာကွယ်ခြင်း ဖွံဖြိုးလာတဲ့တာကြောင့်  ပုဂ္ဂလိကလုံခြုံမှု ကို ကာကွယ်ဖို့အတွက် ဘာတွေလိုအပ်သလဲ အထိ စဉ်းစားလာကြတယ်။ ဒုတိယကမ္ဘာစစ်အပြီးမှာ  စိတ်ဝင်စားမှုတွေ ကွဲပြားလာတယ်။ အစောပိုင်းမှာကျူးဘားက  အပြည်ပြည်ဆိုင်ရာ လူ့အခွင့်အရေးကြေညာစာတမ်းမှာ ပုဂ္ဂလိကလုံခြုံမှု အခွင့်အရေးကို ထည့်သွင်းဖို့အဆိုပြုတယ်။  အဆိုပြုချက်မှာခေါင်းစဉ်သုံးခုပါတယ်  ဂုဏ်ကျင်သရေမထိခိုက်ခွင့် အခွင့်အရေး ၊ ဂုဏ်သိက္ခာအခွင့်အရေးနဲ့ သဟဇာတဖြစ်မှုအခွင့်အရေးတွေပဲ။ ဂုဏ်သက္ခာနဲ့ ဂုဏ်ကျက်သရောကို မထိခိုက်အောင်အကာအကွယ်ပေခြင်းကတော့ လူ့အခွင့်အေ၇းကို အကာအကွယ်ပေးတဲ့ အမေရိကန်စနစ်ထဲမှာ ကျန်ရှိနေသေးတယ်။  ဘယ်လိုပဲဖြစ်ဖြစ်  အပြည်ပြည် ဆိုင်ရာ လူ့အခွင့်အရေး ကြေညာစာတမ်းမူကြမ်းကို စိတ်ဝင်စားတာတွေ ပိုမိုကျယ်ပြန့်လာတယ်။အပြည်ပြည်ဆိုင်ရာ လူ့အခွင့်အရေးကြေညာစာတမ်းရဲ့ အဖြစ်အပျက်တွေ အပေါ် အခြေခံထားတဲ့ ဖော်မြူလာတွေ  နောက်ဆက်တွဲ သဘောတူ စာချုပ်တွေဟာ  ဂုဏ်နဲ့  ဂုဏ်သိက္ခာအပေါ်တိုက်ခိုက်မှုတွကို ဖုံးအုပ်နိုင်ရုံမက ၊ ပုဂ္ဂလိက လုံခြုံမှု ၊မိသားစု၊ သဟဇာတ ဖြစ်ခြင်း တွေကို ၀င်ရောက်နှောင့်ယှက်တာတွေကနေ ကျော်လွှားနိုင်အောင် ပြုလုပ်တယ်။ ဒါအပြင် ဒီကာကွယ်မှုရဲ့ နယ်နမိတ်အကျယ်အ၀န်းကနေပြီး  လူ့သားဂုဏ်သိက္ခာရဲ့ အချို့သော ရှုထောင့်တွေကို ကာကွယ်ဖို့ရာ အဓိပ္ပာယ်ဖွင့် ဆိုပေးနိုင်တယ်။                                                                                                                                                            ပုဂ္ဂလိကလုံခြုံမှုအခွင့်အရေးနဲ့ ပတ်သတ်တဲ့တာဝန်တွေ အကြောင်းပြောတဲ့အခါ အခြားအခွင့်အရေးတွေကလည်း ခေါင်းထောင် ဆန့်ကျင်လာတဲ့ အတွက်ပြောရတာ ခက်ခဲတယ်။  ပုဂ္ဂလလုံခြုံမှု အခွင့်အရေးကို  လူ့တစ်ယောက်ရဲ့ လွတ်လပ်စွာ ထုတ်ဖော်ပြောဆိုခွင့်အခွင့်အရေး  ဒါမှမဟုတ် သတင်းထုတ်ပြန်ပိုင်ခွင့်အခွင့်အရေးတွေ အထိ ချဲ့ထွင်သွား နိုင်တယ်။ အလားတူပဲ ပုဂ္ဂလိကလုံခြုံမှု အခွင့်အရေးကို  ရာဇ၀တ်ပြုမှုတွေကို ကာကွယ်ဖို့ ဒါမှမဟုတ် လူထုကျန်းမားရေးကို တိုးတက်အောင်လုပ်ဖို့ စတဲ့ အထွေထွေ အကျိုးအမြတ်တွေ ကနေ ပြီး ထိန်းချုပ်လို့လည်း ရတယ်။  ဘယ်လိုပဲဖြစ်ဖြစ် ကျွန်တော်တို့ဟာ ပုဂ္ဂလိကပစ္စည်းပိုင်ဆိုင်ခွင့် အသိကနေပြီး ခေတ်သစ်အသိတစ်ခုဖြစ်တဲ့ ပုဂ္ဂလိက လုံခြုံမှုနဲ့ မိသားစုဘ၀ရဲ့ ကိုယ်ရေးကိုယ်တာ တွေဆီ ရွေ့လျားကြည့်လိုက်တဲ့အခါ  ဒီအခွင့်အရေးတွေကို ကန့်သတ်ဖို့ ခက်ခဲတယ် ဆိုတာကို တွေ့ရတယ်။ တကယ်တော့ ဒါဟာ ပုဂ္ဂလိက လုံခြုံမှုရဲ့ ခွန်အားဖြစ်ပြီး ဒါကြောင့်လည်း ပုဂ္ဂလိကလုံခြုံမှုက  နည်းပညာမြင့်မားလာခြင်း နဲ့ ပြောင်းလဲနေတဲ့ မျှော်လင့်ချက်တွေနဲ့အတူ အလိုက်သင့်ရွေ့လျားခံယူနိုင် တယ်။                                                                                                                                                              အတိုချုံးပြောရရင် ယနေ့မှာ ပုဂ္ဂလိကလုံခြုံမှုဆိုတာ ဘာလဲ။ ဒီအယူအဆက  ကျွန်တော်တို့ကို ကျွန်တော်တုိ့ရဲ့ ခွင့်ပြုချက်မရဘဲ လေ့လာစူးစမ်းတာ ၊ ကျွန်တော်တို့နဲ့ ပတ်သတ်တဲ့ သတင်းအချက်အလက်တွေကို ထုတ်ဝေတာမျိုး မလုပ်ရဘူး လို့ပြောတယ်။ ပုဂ္ဂလိက လုံခြုံမှုထွက်ပေါ်လာတဲ့ အကြောင်းက ပါဝါကြီးမားတဲ့ ပုဂ္ဂိုလ်တွေက  သူတို့ခွင့်ပြုချက် မရဘဲ သူတို့ကို လေ့လာစူးစမ်းတာကို ဆန့်ကျင်တဲ့ အတွက်ပဲ။ နောက်ထပ်ဆိုရရင် ပုဂ္ဂလိကလုံခြုံမှုဆိုတာ  မိသားစု၊ အိမ်နဲ့ ကိုယ်ရဲ့ ဟန်ချက်ညီနေတဲ့ ဘ၀ကို  ၀င်ရောက်နှောင့်ယှက်ချင်တိုင်းနှောင့်ယှက်နေတာကနေ ကာကွယ်ပေးတယ်။ ဒါအပြင်  ကျော်ကြားမှုနဲ့ ဂုဏ်ကျက်သရေရှိစွာ နေထိုင်မှုကို လည်း ကာကွယ်ပေးရမယ်ဆိုတဲ့ သံဓိဌာန်လည်းရှိတယ်။ ပုဂ္ဂလိက လုံခြုံမှုကို ဘယ်လို အကာအကွယ်ပေးမလဲ။ သမိုင်းဆိုင်ရာအရဆိုရင်တော့ ပုဂ္ဂလိကလုံခြုံမှုဟာ လူတစ်ယောက် ရဲ့ ပစ္စည်းဥစ္စာတွေ ဆုံးရှုံးမသွားအောင်ကာကွယ်ပေးခြင်းပါပဲ။  ဒါပေမယ့်  ပုဂ္ဂလိက လုံခြုံမှုကို ဥပဒေအရ ပထမဆုံး စိတ်ဝင်တစားနဲ့ ပြန်လည်တုံ့ပြန်လာတာက လူပုံတွေကို တစ်ခုခုမှာ ထွင်းတာ ၊  ဓါတ်ပုံရိုက်တာ ၊ သတင်းစာ နဲ့ မကြာသေး ခင်က တိုးတက်လာတဲ့ အချက်အလက်တွေကို သိုလှောင်တာ ၊ ဒစ်ဂျစ်တယ်ပုံ ၊ ဒီအမ်အေစမ်းသပ်မှု ၊ မျက်လုံးကို ဖတ်ရှုစစ်ဆေးမှု ၊အင်တာနက် စတာတွေနဲ့ ပတ်သတ်နေတယ် ။  ဒီအရာတွေက ပုဂ္ဂလိက လုံခြုံမှုကို ခြိမ်းခြောက်မှု အသစ်တွေကို ဖြစ်စေသလား။ ပုဂ္ဂလိက လုံခြုံမှုအခွင့်အရေးဟာ အထက်ပါစိန်ခေါ်မှုတွေကို ရင်ဆိုင်ဖို့အတွက် ပြန်လည်အနက်ပြန် ဖွင့်ဆို ခံနေရပါပြီ ။                                                                                                                                                   ပုဂ္ဂလိကလုံခြုံမှုနဲ့ ပတ်သတ်ပြီး ကျွန်တော်တို့ အနည်းဆုံးခေတ်ပြိုင် ရှုထောင့် ငါးခုလောက်ကို အမျိုးအစား သတ်မှတ်ပြနိုင်တယ်။ ပထမ  လေ့လာစူးစမ်းခံရတဲ့ အဖြစ်ကနေ ကင်းလွတ်ဖို့ စိတ်ဆန္ဒဖြစ်တယ်။ ကျွန်တော်တို့ ဖော်ပြခဲ့ပြီး သလိုပါပဲ တစ်ချို့တွေဟာ သူတို့ရဲ့ အ၀တ်အစားမ၀တ်ခြင်းကို အခြားသူတွေသိသွားမှာ ကာကွယ်လိုကြတဲ့ အသိ ရှိပါတယ်။  ဒီအသိကြောင့် အခွင့်အရေးတွေဟာ အ၀တ်အစား ချွတ်ပြီး ရှာဖွေခြင်း ၊ ထိန်းသိမ်းခြင်း ၊ ဆေးဝါး ကုသမှုအခြေအနေတွေ  ၊ လျို့ဝှက်တပ်ဆင်ထားတဲ့ ကင်မရာတွေ၊ တခြားသော စောင့်ကြည့်ကွပ်မတ်မှု ပုံစံအမျိုး မျိုး တွေနဲ့ သက်ဆိုင်လာတယ်။   ဒုတိယ ကျွန်တော်တို့နဲ့ ပတ်သတ်တဲ့ သတင်းအချက်အလက်နဲ့ပုံတွေကို လည်ပတ်စီးဆင်းမှု ကနေ တားမြစ်ထားလိုတဲ့ ဆန္ဒရှိတယ် ။နေရာတိုင်းမှာတော့ မဟုတ်ဘူး ။ ကျွန်တော်တို့ရဲ့ အကျိုးအမြတ်ကို ထိခိုက်စေမယ် ၊ အရှက်ရစေမယ်ဆိုတဲ့ အသိရှိလာရင် တားမြစ်ထားလိုတယ်။ တတိယတစ်ခုက  ကျွန်တော်တို့ အချင်းချင်းဆက်သွယ်ပြောဆိုမှုတွေမှာ တစ်ယောက်ယောက်က ကြားခံပြီး ထိန်းချုပ်ထားတာမျိုးမရှိတာကို စိတ်ဝင်စားကြတယ်။  လူ့အခွင့်အရေး သဘောတူစာချုပ်တွေမှာ  သဟဇာတဖြစ်မှုကို ကာကွယ်ပေးထားတဲ့ အရင်းအမြစ် တွေရှိပေမယ့်  ပုဂ္ဂလိကလုံခြုံမှုက တယ်လီဖုန်းလိုင်းကို ခိုးနားထောင်တာ၊  ကိုယ့်ကို ခေါ်တဲ့ တယ်လီဖုန်းအ၀င်တွေကို ထိန်းချုပ်ထားတာ၊ အလုပ်ရှင်က အလုပ်သမားရဲ့ အီမေးကို စစ်ဆေးတာ စတဲ့ အရာတွေအထိ ပိုပြီး ကျယ်ကျယ်ပြန့်ပြန့် ချဲ့ထွင်သွားနိုင်တယ်။ စတုတ္ထတစ်ခုက ကျွန်တော်တို့ရဲ့ ရုပ်ပိုင်းနဲ့ စိတ်ပိုင်းဆိုင်ရာကောင်းမွန်စွာရှိနေဖို့ အကာအကွယ်တွေလိုအပ်တာပါပဲ။  ပုဂ္ဂလိကလုံခြုံမှု ဥပဒေဟာ  ပြည်တွင်းအကြမ်းမှု၊ လိင်ပိုင်းဆိုင်ရာ အကြမ်းဖက်မှု ၊ ခန္ဓာကိုယ်အပေါ်ကို အပြစ်ပေးခြင်း၊ နဲ့ ပတ်ဝန်းကျင်ကို အန္တရယ်ဖြစ် အနှောင့်အယှက်ပေးခြင်းတွေကနေ ကာကွယ်ပေးတယ်။  ပဉ္စမတစ်ခုက ၊  ကျွန်တော်တို့ရဲ့ ပုဂ္ဂလိကအရည်အသွေး တွေဟာ ထိန်းချုပ်မှုတွေကနေ ကင်းလွတ်ပြီး ဖွံ့ဖြိုးနိုင်မယ့် နေရာတစ်ခုတော့ဖြင့်ရှိရမယ်။တကယ်လို့ ကျွန်တော်တို့ဟာ  လိင်ကိစ္စ၊ သီးခြားအမှတ်လက္ခဏာ နဲ့ အဖွဲ့အစည်းတွေအတွက် လွတ်လပ်စွာရွေးချယ်နိုင်စွမ်းမရှိဘူးဆိုရင် ကျွန်တော်တို့ရဲ့ ကိုယ်ရည်ကိုယ်သွေးဟာ စွမ်းရည်အပြည့်အ၀နဲ့ ဖွံ့ဖြိုးလာနိုင်စွမ်းရှိချင်မှ ရှိပါမယ်။ ဒီနည်းလမ်းနဲ့ နိုင်ငံတကာ လူ့အခွင့်အရေးသဘောတူ စာချုပ်တွေဟာ အောင်မြင်လာပြီး နှစ်ဦးသဘောတူ လိင်တူဆက်ဆံတဲ့ အပြုအမူကို ရာဇ၀တ်ပြစ်မှုရယ်လို့ သတ်မှတ်ထား တဲ့ ဥပဒေတွေကို တောင်မှ စိန်ခေါ်လာလေ့ရှိတယ်။

လူ့အခွင့်အရေးကာကွယ်မှုများမှတစ်ဆင့် ပုဂ္ဂလိကနယ်ပယ်များအားကာကွယ်ဖို့ရာ ကြိုးစားမှုနှင့် ပုဂ္ဂလိကလုံခြုံမှု

            ဒါပေမယ့် ပုဂ္ဂလိကလုံခြုံမှုမှာ နောက်ထပ် ဘက်တစ်ဘက်ရှိတယ်။ပုဂ္ဂလိကလုံခြုံမှုဟာ မိန်းမတွေကိုဆန့်ကျင်တဲ့ အကြမ်းဖက်မှုတစ်ခုဖြစ်တဲ့ ဥပဒေအရာရှိတွေရဲ့ နှောင့်ယှက်ခြင်းကနေ အကာအကွယ်ပေးလေ့ရှိတယ်။ ပုဂ္ဂလိက လုံခြုံမှုဟာ အဖွဲ့အစည်းတွေ ၊ကလပ်တွေရဲ့ အဖွဲ့ဝင်အဖြစ်ကနေ လူတွေကို ဘေးဖယ်ထုတ်တာ၊ ၀န်ထမ်းငှားရမ်း တာတွေမှာ ဖြစ်ပေါ်နေတဲ့ လူမျိုးရေးဆိုင်ရာ ခွဲခြားဆက်ဆံမှုကို  တရားမျှတမှုရှာဖွေပေးရာမှာလည်း အသုံးပြုနိုင်တယ်။  အစိုးရရဲ့ ၀င်ရောက်နှောင့်ယှက်မှုကနေ ကင်းလွတ်တဲ့ ပုဂ္ဂလိကပိုင်နယ်ပယ် အယူအဆဟာ  မုဒိန်းကျင့်ခြင်း ၊ ကလေးသူငယ် အကြမ်းဖက်ခြင်း ၊ မိန်းမအင်္ဂါအပေါ် နှိပ်စက်ခြင်း တွေကို လူ့အခွင့်အရေး ငြင်းခုန်မှုရဲ့ အစိတ်အပိုင်းတစ်ရပ် အဖြစ်မမြင်ဘူး။ ဒီပြဿနာရပ်တွေဟာ လူတစ်ယောက်ရဲ့ ပုဂ္ဂလိကလုံခြုံမှုကို ကျူးကျော် ၀င်ရောက်ခြင်းဆိုတဲ့ အဓိပ္ပာယ်သာလျင် ထွက်တယ်။                                                                                                    အထက်ပါပြဿနာတွေဟာ ဥပဒေမှာရှိတဲ့ လူထုနဲ့ ပုဂ္ဂလိက ကွဲပြားခြားနားမှုအသိ ပတ်ပတ်လည်မှာ ရှိနေတယ်။ ဥပဒေစနစ်အများစုဟာ လူထုဥပဒေတွေဟာ(လူ့အခွင့်အရေးကာကွယ်မှုတွေအပါအ၀င်) အစိုးရရဲ့ လုပ်ပိုင်ခွင့်သြဇာ အာဏာနဲ့ သက်ဆိုင်တဲ့ ပြဿနာရပ်တွေမှာ လည်ပတ်အလုပ်လုပ်ရပြီး ပုဂ္ဂလိကလုံခြုံမှု ဥပဒေတွေကတော့ ပုဂ္ဂလိကနဲ့ ဆိုင်တဲ့ အကြောင်းအရာတွေကြားက အငြင်းအခုန်တွေမှာသာ အလုပ်လုပ်ရမှာ ဖြစ်ပြီး နိုင်ငံတော်နဲ့ ဒေသ အာဏာပိုင်တို့နဲ့ ဆက်စက်မှုမရှိဘူး ဆိုတဲ့  အသိနဲ့ လည်ပတ်အလုပ်လုပ်ကြတယ်။ လက်တွေ့ လုပ်ကိုင်ကြတဲ့ အခါမှာ လည်း ပုဂ္ဂလိကပြဿနာတွေဟာ  အစိုးရအာဏာပိုင်တွေရဲ့ အလုပ်တွေနဲ့ သက်ဆိုင်ခြင်းမရှိဘူး လို့တစ်ခါတစ်ရံပြော ကြတယ်။  အထက်ပါ အဆိုတွေအရဆိုရင်  ပုဂ္ဂလိကနယ်ပယ်မှာ လူ့သားရဲ့ ဂုဏ်သိက္ခာနဲ့ ဆက်ဆံနေတဲ့ စိုးရိမ်ပူပန်မှုတွေ ဟာ  နိုင်ငံတော်ရဲ့ ၀င်ရောက်စွက်ဖက်မှု ဒါမှမဟုတ် လူအခွင့်အရေး ဥပဒေတွေ ဆီပြန်လှည့်လုပ်ကိုင်ခြင်းတွေကနေ တစ်ဆင့် ပြုပြင်လို့မရဘူး။ နောက်ထပ်ဆိုရရင် ပုဂ္ဂလိကလုံခြုံမှုဥပဒေလိုနိုင်ငံတော်နဲ့ မသက်ဆိုင်ဘဲ ဘေးဖယ်ထုတ်မခံရဖို့  နိုင်ငံတကာလူ့အခွင့်အရေး ဥပဒေဟာပဠိညဉ်စာချုပ်အမျိုးမျိုးအောက်က  နိုင်ငံတော်ရဲ့ ကတိက၀တ်တွေကနေ တစ်ဆင့်ဖွံ့ဖြိုးလာတယ်။  အကြောင်းက တရားရုံးနဲ့ ကော်မတီတွေဟာ အများအားဖြင့် အစိုးရကိုဆန့်ကျင်တဲ့ တရားစွဲဆိုမှုတွေကို ကြားနားရတဲ့အခါ  လူ့အခွင့်အရေးချိုးဖောက်မှု အားလုံးဟာ အစိုးရရဲ့ ပူးပေါင်းပါဝင်မှုကို လိုအပ်တယ် ဆိုတဲ့ ယူဆချက်ထွက်ပေါ်လာတယ်။ ပုဂ္ဂလိကလုံခြုံမှုနယ်ပယ်ကို အကြမ်းဖက်ခြင်းဟာ နိုင်ငံတကာဥပဒေနဲ့ အလုပ်လုပ် လို့ရတဲ့ အရာအဖြစ်စဉ်းစားမခံရဘူး။                                                                                                                                   ဒါပေမယ့် ပုဂ္ဂလိကနဲ့ အများပြည်သူနယ်ကြားဆက်စပ်မှုတွေရှိတဲ့နေရာလည်း ရှိပါသေးတယ်။  ပထမ၊ လူ့အခွင့်အရေး ပဠိညဉ်အောက်မှာ တည်ထောင်ထားတဲ့ နိုင်ငံတကာအစိတ်အပိုင်းက အစိုးရတွေရဲ့ ကတိက၀တ်ဟာ တစ်သီးပုဂ္ဂလလူသားကို အခြားသော လူသားတစ်ဦး နဲ့ အစိုးရမဟုတ်တဲ့ အဖွဲ့အစည်းတွေရဲ့ တိုက်ခိုက်ခြင်းကနေ အကာအကွယ်ပေးမယ့် တာဝန်တွေအဖြစ် ပြန်လည်အနက်ပြန်ဖွင့်ဆိုတယ်။ ဒီကတိက၀တ်တွေကို အပြုသဘောဆောင်တဲ့ ကတိက၀တ်တွေ ၀ါ အကာအကွယ်ပေးတဲ့ ကတိက၀တ်တွေ အဖြစ်သိကြတယ်။ ဒုတိယကတော့ နိုင်ငံတကာရာဇ၀တ်တရားရုံး ဖွံ့ဖြိုးလာမှုက နိုင်ငံတကာဥပဒေကို ချိုးဖောက်မှုအတွက် တစ်သီးပုဂ္ဂလလူသားရဲ့ တာဝန်ယူမှုအပေါ် ထုတ်စရာမေးခွန်းတွေကို မီးမောင်းထိုးပြတယ်။ အဓိကအချက်ကတော့ နိုင်ငံတကာ အသိုင်းအ၀န်းတွေ ကိုင်တွယ်ရမယ့် အဆိုးရွားဆုံးဘေးဒုက္ခကပ်ဆိုးကြီးတွေဟာ အစိုးရရဲ့ ပါဝင်ပတ်သက်မှုကို မေးခွန်းမထုတ်ဘဲနဲ့ ဖြစ်ပေါ်နေတာ။ ထင်ရှားတဲ့ ဥပမာတွေကတော့ မုဒိန်းမှုတွေ ၊ညှင်းပန်းနှိပ်စက်မှုတွေ ၊ နိုင်ငံသားတွေအပေါ် အစုလိုက်အပြုံလိုက် သတ်ဖြတ်မှုတွေကို  အစိုးရမဟုတ်တဲ့ သူပုန်အဖွဲ့တွေက ကျူးလွန်မှုတွေမှာ တွေ့ရမယ်။ ဒီလို အစိုးရမဟုတ်တဲ့ သူတွေမှာသာ တစ်ချို့သော လူ့အခွင့်အရေးကတိက၀တ်တွေ ရှိတယ်ဆိုတဲ့ အကြောင်း ကောင်းမွန်းတဲ့ ထောက်ပြပြောဆိုမှုတွေလည်း ခုဆိုရင် ရှိလာပါပြီ။  ပြောရရင်တော့ လူ့အခွင့်အရေးကတိက၀တ်တွေရဲ့ နယ်ပယ်ကို အစိုးရမဟုတ်တဲ့ အဖွဲ့အစည်းတွေဖြစ်တဲ့ ကုလသမဂ္ဂ၊ နေတိုး၊နိုင်ငံတကာ ဘဏ္ဍာရေးအဖွဲ့အစည်းတွေ၊ နိုင်ငံစုံကော်ပရေးရှင်းတွေ၊ အခြားစီးပွားရေးလုပ်ငန်းပုံသဏ္ဌာန်တွေနဲ  နိုင်ငံရေးပါတီ၊ ဘာသာရေးအုပ်စု ၊ သမဂ္ဂ၊ ကလပ် နဲ့ အဖွဲ့အစည်းပုံစံအမျိုးမျိုးအပေါ် သက်ရောက်နေတဲ့ အရာ အဖြစ်မြင်လာကြပါပြီ။                                                             အများဆိုင်နဲ့ ပုဂ္ဂလိကနယ်ပယ်တို့ရဲ့ အစဉ်အလာကွဲပြားခြားနားမှု နဲ့  လူထုဆိုင်နယ်ပယ်ကနေ မိသားစုနဲ့ အိမ်တွင်းကိစ္စတွေကို ခွဲခြားထားတဲ့ နောက်ဆက်တွဲကို က္ကတ္ထိယ၀ါဒတွေက ဂရုတစ်စိုက်ဝေဖန်လာကြတယ်။ လူထုနဲ့ ပုဂ္ဂလိကနယ်ပယ်ကို အထက်ပါအတိုင်းခွဲခြားနေတာကို ပြန်လည်ပြုပြင်ဖို့နဲ့ ပြုပြင်ထားတဲ့ အရာကို အမျိုးသမီးအခွင့်အရေး အတွက်အသုံးချဖို့ ကြိုးစားကြတယ်။   လူထုနဲ့ ပုဂ္ဂလိနယ်ပယ်ခွဲခြားမှုကို ခွဲခြားထားတာကို ဖျက်သိမ်းဖို့ အကြံပေးကြတယ် ။ သူတို့က ပုဂ္ဂလိကနယ်ပယ်ကို ဖိနှိပ်ထားမှုဟာ လူထုနဲ့ ဆိုင်တဲ့ နိုင်ငံရေးဆိုင်ရာ စိုးရိမ်ပူပန်မှုတွေဖြစ်ပေါ်လာဖို့ အဓိက ကျနေတယ်လို့ ကိုင်တွယ်ကျတယ်။ အထူးသဖြင့် လူ့အခွင့်အရေးအရေးအသားတွေဟာ အစဉ်အလာအားဖြင့် လူထုပိုင်နယ်ပယ်ကိုသာ အာရုံစိုက်ထားပြီး သူတို့စိတ်ဝင်စားလေ့ရှိကြတဲ့ လက်နက်ကိုင်ပဠိပက္ခ၊ ဖွံ့ဖြိုးမှု ၊ အလုပ်ခွင် နဲ့ မိသားစု နယ်ပယ်ထဲမှာ မိန်းမတွေနဲ့သက်ဆိုင်တဲ့အရာတွေကို မေ့ထားလိုက်ကြတယ်။ သဘောက ပုဂ္ဂလိကလုံခြုံမှုကို ဖျက်သိမ်းဖို့မဟုတ်ဘူး ။ပုဂ္ဂလိကလုံခြုံမှုတောင်းဆိုချက်ဟာ လူတစ်ယောက်ရဲ့ ခန္ဓာကိုယ်၊ လိင်ပိုင်းဆိုင်ရာ ဆက်ဆံရေး၊ နဲ့ ကိုယ်ေ၇းကိုယ်တာ သတင်းအချက်အလက်တွေကို ထိန်းချုပ်မှုအပေါ် အကျိုးသက်ရောက်မှုတစ်စုံတစ်ရာရှိကြောင်း သက်သေပြတယ်။ လူ့အခွင့်အရေးတွေအနေနဲ့ အရှေ့ကို ဆက်သွားမယ်ဆိုရင် အမျိုးသမီးတွေရဲ့ တောင်းဆိုမှုကို အလေးထားရမယ်၊ ပြီးတော့ ပုဂ္ဂလိကနယ်ပယ်ထဲမှာ အသုံးချလို့ရတဲ့ အခွင့်အရေးတွေကို အသိအမှတ်ပြုရမယ်။

ပုဂ္ဂလိကလုံခြုံမှုနှင့် အခြားတန်ဖိုးစံများကို ဟန်ချက်ညီအောင်လုပ်ခြင်း

             ပုဂ္ဂလိကလုံခြုံမှုအခွင့်အရေးနဲ့ အပြိုင်အဆိုင်ဖြစ်တဲ့ လွတ်လပ်စွာ ထုတ်ဖော်ပြောဆိုခြင်းနှစ်ခုကြား ဟန်ချက်ညီအောင်ပြုလုပ်ခြင်းဟာ ထိန်းညှိရမယ့် အဆက်အစပ်နဲ့ ဆိုင်တယ်။ယဉ်ကျေးမှုဆိုင်ရာတွေနဲ့ ဆက်စပ်နေတယ်လို့တောင်မှ ပြောနိုင်ပါတယ်။ ပြိုင်ဆိုင်ကြတဲ့ အခါမှာလည်း ပြဿနာက သေးငယ်ပုံပေါ်တယ်။ဥပမာ သတင်းစာတစ်စောင်က ထင်ရှားကျော်ကြားတဲ့ ပုဂ္ဂုလ်တစ်ဦးနဲ့ သူကလေးတွေရဲ့ ဓါတ်ပုံကို လွတ်လပ်စွာ ပုံနှိပ်ထုတ်ဝေခွင်တောင်းပုံဟာ ဒီပြဿနာရပ်ကို ကျွန်တော်တို့ချက်ချင်းနားလည်လာစေလိမ့်မယ်။ လွတ်လပ်စွာ ထုတ်ဖော်ခွင့်နဲ့ ပုဂ္ဂလိကလုံခြုံမှုအခွင့်အရေးကို တပြိုင်နက်တည်းတောင်းဆိုတဲ့အခါ  ဘယ်လိုရွေးချယ်ဆုံးဖြတ်မလဲ။ ဒီနေရမှာ ကျွန်တော်တို့ ၀န်ခံသင့်တာက လူ့အခွင့်အရေးကြီးတစ်ခုလုံးရဲ့နယ်နမိတ်ဘောင်ဟာ ယဉ်စည်းကမ်း၊ လမ်းစည်းကမ်း တွေနဲ့ ဘယ်လိုမှ ဆက်စပ်မနေဘူးဆိုတာပါပဲ။ တပြိုင်နက်တည်းတောင်းဆိုမှုကို ရွေးချယ်ဆုံးဖြတ်ရာမှာ တရားသူကြီးအမျိုးမျိုးနဲ့ လူအမျိုးမျိုးတို့အတွက် အဆုံးသတ်နိဂုံးအမျိုးမျိုးချမှတ်မယ့် အခန်းဂဏ္ဍမြောက်မြားစွာရှိနေပါတယ် ။ ထပ်ပြီးဆိုရရင်တော့ တောင်းဆိုမှုတွေရဲ့ အဆက်အစပ်ပေါ်မှီခိုပြီး အဲလို ဖြစ်နေတာပါ။  ဒါပေမယ့် အငြင်းအခုံတွေကို သူတို့ရဲ့ ကွဲပြားခြားနားတဲ့ တန်းဖိုးစံအမျိုးမျိုးရဲ့ အလေးချိန်တွေအရ  မကြာခဏအငြင်းပွားလေ့ရှိကြတယ်။                                               မိုနာကို  မင်းသမီး ကာရိုလိုင်းရဲ့ ဓါတ်ပုံကို ထုတ်ဝေခြင်းနဲ့ ပတ်သတ်တဲ့ အမှုတစ်ခုမှာ  ဂျာမန်ဖက်ဒရယ် ဖွဲ့စည်းပုံအခြေခံဥပဒေဆိုင်ရာ တရားရုံးက  ပုဂ္ဂလိကလုံခြုံမှုကို ချိုးဖောက်ဖို့အတွက် တောင်းဆိုမှုတွေအပေါ် စာနာစိတ်မထားဘူး ။ သတင်းစာရဲ့ လွတ်လပ်ခွင့်ကနေ အကာအကွယ်ပေးမယ့် အကျိုးအမြတ်တွေ အစား ပုဂ္ဂလိက လုံခြုံမှုကိုသာ မျက်နှာသက်ပေးခဲ့တယ်။  သတင်းအချက်အလက်မှန်သမျှကို အာလုံးချည်းကပ်နိုင်ကြောင်း သေချာတဲ့ အခါမှသာ အဆိုပါ ထုတ်ဝေဖြန့်ချီမှုကို ခွင့်ပြုဖို့ လိုအပ်တယ်လို့ သူတို့က မြင်ကြတယ်။ အခြားတစ်ဖက်ကလည်း ဥရောပ လူ့အခွင့်အရေး တရားရုံးက မင်းသမီးရဲ့ ပုဂ္ဂလိကလုံခြုံမှုကို အကာအကွယ်ပေးဖို့ ပိုပြီး မျက်နှာသာပေးခဲ့တယ်။                               ပုဂ္ဂလိကလုံခြုံမှု အယူအဆကို လူတစ်ယောက်အပေါ် လေထုညစ်ညမ်းခြင်းကနေ ကားကွယ်ဖို့  ဥပမာ ဆူညံမှုတဲ့ အသံညစ်နွမ်းမှုကနေ အကာအကွယ်ပေးဖို့ ရာ ချဲ့ထွင်ခြင်းမှာ ဖော်ပြနေတဲ့ အချက်တစ်ချက်က  ပုဂ္ဂလိက လုံခြုံမှုကို ကာကွယ်ခြင်းဟာ အကြွင်းမဲ့ အခွင့်အရေး တစ်ခုအဖြစ်မစဉ်းစားခံရဘူးဆိုတာပဲ။  တစ်စုံတစ်ယောက်ကို အသံညစ်နွမ်းမှုကနေ အကာအကွယ်ပေး မပေးကို ဆုံးဖြတ်ချက်ချမှတ်သူတွေက အဆိုပါလူရဲ့ ပျော်ရွှင်စွာနေထိုင်မှုကို  နှောင့်ယှက်နေတာဟာ တရားမျှတကြောင်းသတ်သေပြနိုင် မနိုင်အပေါ်မူတည်ပြီး ဆုံးဖြတ်ချက်ချတာဟာ ရှုပ်ထွေးတဲ့ အရာတစ်ခုပါပဲ။  ၂၀၀၁ခုနှစ်တုန်းက ဟီသရိုးလေးဆိပ်နာမှာနေထိုင်သူတွေဟာ ဥရောပလူ့အခွင့်အရေးတရားရုံးကို  ညဘက်မှာ လေဆိပ်က လေယဉ်တွေရဲ့ ဆူညံမှုအဆင့်ဟာ  သူတို့ရဲ့ အိမ်၊ ပုဂ္ဂလိကဘ၀နဲ့ မိသားစုဘ၀တွေ အပေါ်လေးစားခွင့် အခွင့်အရေးနဲ့ အတူ ပျော်ရွှင်စွာနေထိုင်ခွင်ကို နှောင့်ယှက်နေပါတယ်ဆိုတာကို ယုံကြည်အောင် ပြောပြနိုင်ခဲ့တဲ့အတွက် အောင်မြင်မှုရခဲ့တယ်။  တရားစွဲဆိုမှုမှာ တရားရုံးက အစိုးရဟာ လေဆိပ်နားနေထိုင်သူတွေရဲ့ အခွင့်အရေးနဲ့ အခြားသူတို့ရဲ့ ခရီးသွားလာခွင့်အခွင့်အရေး၊  ကူသန်းရောင်းဝယ်ရေးဆိုင်ရာ အလုပ်တွေမှာ ပြိုင်ဆိုင်ပိုင်ခွင့် အခွင့်အရေး တွေကို မှန်မှန်ကန်ကန် ဟန်ချက်ညီအောင်လုပ်ပေးရမယ်လို့ ဆုံးဖြတ်တယ်။ လေဆိပ်နားနေထိုင်သူတွေက အစိုးရရဲ့ ဆုံးဖြတ်ချက်ဟာ သင့်တင့်ကောင်းမွန်တဲ့ ဟန်ချက်ညီမှုကို မလုပ်ပေးနိုင်ဘူးလို့ မြင်ကြတယ်။  သူတို့က

“လူ့အခွင့်အရေးကာကွယ်မှုနဲ့ ပတ်ဝန်းကျင်ညစ်နွမ်းမှုအတွက် အရေးတကြီးလိုအပ်ချက်တို့ နီးနီးကပ်ကပ်ဆက်နွယ်မှုက ကျွန်တော်တို့ကို ကျန်းမားရေးကသာလျင် အခြေခံအကျဆုံး လူသားရဲ့လိုအပ်ချက်ဖြစ်ကြောင်း လမ်းညွန်ပြသပေးတယ်။ အဲဒီနောက် ဒီအမှုမှာ နေ့ရော ညပါ ဆက်တိုက်ဖြစ်စေ မကြာခဏဖြစ်စေ လေယဉ်စက်သံတွေက ကျယ်လောင်စွာ မြည်ဟိန်တုန်ခါနေတာကို   အိမ်ရဲ့ ပုဂ္ဂလိကလုံခြုံမှုနဲ့ ဆက်စပ်နေတဲ့ လူအခွင့်အရေးတွေက ဘာလုပ်ကြမလဲ”

            လေကြောင်းနဲ့ သက်တောင့်သက်သာ ခရီးသွားခြင်းနဲ့ စီးပွားရေးကို ထည့်မစဉ်းစားတော့ဘဲ ကျန်းမားရေးစောင့်ရှောက်ခြင်းကိုသာ ပုဂ္ဂလိကလုံခြုံမှုရဲ့ အခြေခံအကြောင်းအရာအဖြစ် သတ်မှတ်ခြင်းဟာ ထင်ရှားတဲ့  အကြပ်အတည်းတစ်ခုကို ပေးအပ်တယ်။                                                                                                               ဒါနဲ့ စပ်လျဉ်းပြီးပြောရရင် ကင်မရာနဲ့ နီးနီးကပ်ကပ်စောင့်ကြည့်တာ ၊ ဒီအမ်အေနဲ့ တခြားမျုိးရိုးဗီဇ သတင်းအချက်တိုးပွားလာတာကိုလည်း ပုဂ္ဂလိကလုံခြုံမှုကို ချိုးဖောက်နေတဲ့အရာ အဖြစ်သတ်မှတ်မလား။ သူတို့ရဲ့ တရားဝင် ရည်ရွယ်ချက်ကဘာလဲ။ ဒီလို စောင့်ကြည့်ကွပ်မတ်ခြင်းဟာ တရားဝင်ဥပဒေနဲ့ ၀င်ရောက်စွက်ဖက်ခြင်းလား။ ပြီးတော့ ဒီမိုကရေစီ လူ့အဖွဲ့အစည်းမှာ ဒီလို အပြုအမူတွေဟာ အမျိုးသားလုံခြုံရေးကို ခြိမ်းခြောက်နေတဲ့အရာတွေ၊ လူအဖွဲ့အစည်းအတွင်းက ရာဇ၀တ်ပြစ်မှုတွေကို ကာကွယ်ဖို့ အမှန်တကယ်လိုအပ်သလား။ မျိုးရိုးဗီဇ သတင်းအချက်အလက်တွေကို သုံးပြီး အလုပ်ရှင်တွေနဲ့ အာမခံကုမ္မဏီတွေက သူတို့အလုပ်သမားတွေ၊  သူတို့ဖောက်သည်တွေအနာဂတ်မှာ ကျန်းမာရေးပြဿနာရှိနိုင်၊ မရှိနိုင်ကို လေ့လာစူးစမ်းကြမှာ၊ပြီးတော့ အနာဂတ်မှာ ကံဆိုးလာမှုကိုအခြေခံပြီး လက်မခံနိုင်လောက်တဲ့ ခွဲခြားဆက်ဆံမှုမျိုးလုပ်ကြမှာကို ကြောက်ရွံ့နေတာတွေ ရှိကြပါတယ်။               ပုဂ္ဂလိကလုံခြုံမှုကို ဦးစားပေး မပေးဟာ သူ့ရဲ့ အဆက်အစပ်နဲ့ ပတ်သတ်နေပါတယ်။ သီးခြားလူ့အဖွဲ့အစည်း တစ်ခု ဒါမှမဟုတ် ဆုံးဖြတ်ချက်ချမှတ်နိုင်သူတွေဟာ ပုဂ္ဂလိကလုံခြုံမှုကို သူ့ရဲ့ အဆက်အစပ်ကို ကြည့်ပြီးသာ  ဆုံးဖြတ်ချက် ချမှတ်ကြတယ်။  ပုဂ္ဂလိကလုံခြုံမှုကို အကာအကွယ်ပေးရတဲ့ အဓိက ရည်ရွယ်ချက်က မလိုအပ်တဲ့ ၀င်ရောက်စွက်ဖက်မှုတွေမရှိဘဲ ပုဂ္ဂလိကအရည်အသွေး ဖွံ့ဖြိုးလာဖို့ပဲ။  တကယ်လို့ အစိုးရအရာရှိတွေကို ဝေဖန်ချက်ကနေကာကွယ်ဖို့ ၊  တရားဝင်ကာကွယ်ခြင်းကနေ အိမ်တွင်းအကြမ်းဖက်မှုတွေကို မျက်ကွယ်ပြုဖို့  ဒါမှမဟုတ် လူမျိုးရေးဆိုင်ရာ ခွဲခြားဆက်ဆံမှုနဲ့ တခြားသော တားမြစ်ပိတ်ပင်မှုအခြေခံတဲ့ ခွဲခြားဆက်ဆံမှုပုံစံတွေကို တရားမျှတကြောင်းထုတ်ဖော်ပြသဖို့ အတွက် ပုဂ္ဂလိကလုံခြုံမှုကို အကာအကွယ်ပေးခြင်းကို ဆန့်ကျင်တိုင်တန်းခံရတဲ့ နေရာတွေမှာ ပုဂ္ဂလိကလုံခြုံမှုအယူအဆဟာ လူအခွင့်အရေးတွေကို ငြင်းပယ်ဖို့ အချိုးဘယ်လောက်ကနေ ပါဝင်လုပ်ဆောင် နေသလဲဆိုတာကို သတိချပ်သင့်တယ်။ ပုဂ္ဂလိကလုံခြုံမှုအခွင့်အရေးဟာ နိုင်ငံတကာအခွင့်အရေးကိုတိုး တက်လာအောင် အကောင်အထည်ဖော်ပေးခဲ့တယ်။ဒါပေမယ့် တပြိုင်နက်ထဲမှာ သူဟာ အခြားသောအခွင့်အရာတွေကို လှိုက်စားနိုင်တယ်။ ပုဂ္ဂလိကလုံခြုံမှုဟာ ခြိမ်းခြောက်ခံနေရတဲ့ အနေအထားအောက်မှာတောင်မှ တစ်ချို့အချိန်တွေမှာ ဆက်လက်လုပ်ကိုင်နိုင်တယ် ။  သူတို့ကို ဘယ်လောက်အတိုင်းအတာအထိ အလေးပေးရမယ်ဆိုတာ သူတို့ဟာ ဘယ်လို ကောင်းကျိုးတွေ၊ ဆိုးကျိုးတွေ ဖြစ်ပေါ်လာနိုင်သလဲဆိုတဲ့ စဉ်းစားပုံအပေါ် မှီခိုနေတယ်။