18.11.2012 နေ့ဖတ်ရန်သတင်းများ

by Myanmar Journal on Saturday, November 17, 2012 at 5:16pm ·

အိုဘားမားခရီးစဉ်ကြောင့် မြန်မာ့စီးပွားရေး အခွင့်အလမ်းကောင်းမျှော်လင့်

အမေရိကန် သမ္မတ အိုဘားမား နဲ့ ဒေါ်အောင်ဆန်းစုကြည် ပုံတွေပါတဲ့ တီရှပ်အင်္ကျီတွေ ရန်ကုန်မြို့မှာ ရောင်းချနေပုံ။ (နိုဝင်ဘာလ ၁၆ ရက်၊ ၂၀၁၂)။

သမ္မတအိုဘားမား မြန်မာနိုင်ငံကို လာမယ့် ခရီးစဉ်နဲ့အတူ၊ အမေရိကန်အနေနဲ့ မြန်မာနိုင်ငံက သွင်းကုန်ပိတ်ဆို့ အရေးယူထားတာတွေကို ဖယ်ရှားပေးလိုက်တာကြောင့် မြန်မာ့စီးပွားရေး အလားအလာ ပိုကောင်းလာမယ်လို့ မြန်မာ့စီးပွားရေး လုပ်ငန်းရှင်တွေက ယူဆနေကြပါတယ်။

တချိန်တည်းမှာပဲ မြန်မာနိုင်ငံဟာ စီးပွားရေး ဖွံ့ဖြိုးတိုးတက်ဖို့ အလားအလာကောင်းတဲ့ တိုင်းပြည်ဖြစ်တယ် လို့ အမေရိကန်ဘက်က လည်း ယူဆနေတာပါ။ မြန်မာနိုင်ငံ စီးပွားရေး အနာဂတ်နဲ့ ပတ်သက်လို့ အမေရိကန်ဘက်က အမြင်၊ မြန်မာ့စီးပွားရေး လုပ်ငန်းရှင်တွေ ဘက်ကရော အမေရိကန်အပေါ်မှာ ဘယ်လို ရှုမြင်ပါသလဲ ကိုသားညွန့်ဦးက စုစည်း တင်ဆက်ပေးထားပါတယ်။

မြန်မာနိုင်ငံကို မကြာခင်ရက်ပိုင်းအတွင်း သမ္မတအိုဘားမား လာရောက်မှာဖြစ်သလို၊ မြန်မာနိုင်ငံ သွင်းကုန်တွေကို ပိတ်ပင်တဲ့ ယခင်အရေးယူမှုတွေကို အမေရိကန်ဘက်က ရုပ်သိမ်းမှု အသက်ဝင်သွားပြီ ဖြစ်တာကြောင့် မြန်မာ့စီးပွား ဖွံ့ဖြိုးရေးအတွက် မျှော်လင့်ချက်တွေ တိုးလာစေပါတယ်။ တကယ်တော့ မြန်မာနိုင်ငံဟာ စီးပွားဖွံ့ဖြိုးတိုးတက်ဖို့ အလားအလာကောင်းတဲ့ နိုင်ငံဖြစ်တယ်လို့ နိုင်ငံခြားရေးဝန်ကြီး ကလင်တန်က ဒီကနေ့ပဲ စင်ကာပူနိုင်ငံမှာ ပြောသွားတာပါ။

“မြန်မာနိုင်ငံဟာ လုံခြုံရေးနဲ့ စိုးရိမ်ကြောင့်ကျမှု တွေကြောင့် ဒေသတွင်း တိုးတက်မှု နှေးကွေးနေတဲ့ နိုင်ငံဖြစ်ပါတယ်။ ဒါပေမဲ့လည်း ဒီလမ်းအတိုင်း သွားမရတော့ပါဘူး။ အခုဆိုရင် မြန်မာနိုင်ငံဟာ တံခါးဖွင့်လာသလို ပတ်ဝန်းကျင်နိုင်ငံတွေနဲ့ ဆက်ဆံရေးသစ် တွေကိုလည်း ထူထောင်လာတာကြောင့် ကုန်သွယ်ရေးအရ အချက်အချာ ဖြစ်လာပါတယ်။ မြန်မာနိုင်ငံဟာ အရှေ့တောင်အာရှနဲ့ အိန္ဒိယ၊ ဘင်္ဂလားဒေ့ရ်ှ ဈေးကွက်တွေကို ချိတ်ဆက်ပေးတဲ့နေရာ ဖြစ်ပါတယ်။ စွမ်းအင်အရင်းအမြစ် သစ်တွေနဲ့ သယ်ယူပို့ဆောင်ရေး ကဏ္ဍတွေနဲ့ အင်ဒို-ပစိဖိတ် ဒေသရဲ့ စီးပွားရေးတံခါးပေါက်တခု ဖြစ်ပါတယ်။ ဒါကြောင့် ပြည်သူတွေအတွက် အလုပ်အကိုင်သစ်တွေ ဖန်တီးနိုင်ပြီး၊ သန်းနဲ့ချီပြည်သူတွေ ဆင်းရဲမွဲတေမှုတွေကို လျော့ပါးလာနိုင်ပါတယ်။” မြန်မာနိုင်ငံဟာ ဒေသတွင်းမှာ ကုန်သွယ်ရေးအရ အချက်အချာကျတယ် ဆိုတဲ့ ဒီအချက်ကို အမေရိကန်ဘက်က အထူးစဉ်းစားခဲ့ပုံရပါတယ်။ ဒီအချက်ဟာ မြန်မာနိုင်ငံအပေါ်မှာ အမေရိကန်မူဝါဒ ပြောင်းလဲမှု၊ သမ္မတအိုဘားမား မြန်မာခရီးစဉ် လာရောက်မှုတွေ အတွက် အရေးပါတဲ့ အချက်တချက် ဖြစ်မယ်လို့ သုံးသပ်သူတွေ ယူဆပါတယ်။ သမ္မတအိုဘားမားခရီးစဉ် အတွက် စဉ်းစားရာမှာ မြန်မာနိုင်ငံဟာ ဒေသတွင်း မဟာဗျူဟာကျမှုကိုလည်း ထည့်သွင်းစဉ်းစားတယ်လို့ အိမ်ဖြူတော်အရာရှိတွေ ကလည်း တနေ့က ပြောခဲ့တာပါ။ ထိုင်းနိုင်ငံ ချူလာလောင်ကွန်းတက္ကသိုလ် ပါမောက္ခ Thitinan Pongsudhirak ကလည်း အမေရိကန်အနေနဲ့ ဒေသတွင်းမှာ စီးပွားရေးအရ သူတို့ ပြတ်ကျန်ခဲ့တယ်လို့ ယူဆတဲ့အကြောင်း သူ့ထင်မြင်ချက်ကို ပြောပါတယ်။ “ပုဂ္ဂလိကလုပ်ငန်းပိုင်း အကျိုးစီးပွားအရ ပြောမယ်ဆိုရင်တော့ အမေရိကန်က သူနောက်မှာ ပြတ်ကျန်ခဲ့တယ်လို့ ယူဆပါတယ်။ ဥရောပသမဂ္ဂတို့၊ အာဆီယံတို့ တရုတ် စသဖြင့် နိုင်ငံတွေနောက်မှာ ကျန်ခဲ့တယ်လို့ ယူဆတာပါ။ ဒါကြောင့် အခုအချိန်ဟာ အမေရိကန်အတွက် အထူးသဖြင့် အမေရိကန် စီးပွားရေး လုပ်ငန်းတွေ အတွက် အခွင့်အလမ်း ဆုပ်ကိုင်ရမယ့် အချိန်ဖြစ်ပါတယ်။ ဒါကြောင့်မို့ သမ္မတအိုဘားမား  ခရီးစဉ်ဟာ အမေရိကန်စီးပွားရေးနဲ့ ကုန်သွယ်ရေး အကျိုးစီးပွား အတွက် အမေရိကန် ပုဂ္ဂလိကလုပ်ငန်းပိုင်းတွေ အကျိုးဖြစ်မယ့် ခရီးလို့ ယူဆရပါတယ်။” ဒါကြောင့်လည်း အခု သမ္မတအိုဘားမားဟာ ဒုတိယ သမ္မတသက်တမ်း ရွေးချယ်ခံရပြီးပြီးချင်း အာရှဒေသ ခရီးထွက်လာတာကိုကြည့်ရင်၊ သူ့အနေနဲ့ ဒီဒေသအပေါ်မှာ အထူးစိတ်ဝင်စားကြောင်း ဖော်ပြချက်ဖြစ်တယ်လို့ ယူဆပါတယ်။ အခု အာရှခရီးစဉ်နဲ့ ကမ္ဘောဒီယား နိုင်ငံမှာလုပ်မယ့် အာဆီယံထိပ်သီး အစည်းအဝေး ကာလမှာလည်း စီးပွားရေးနဲ့ ကုန်သွယ်ရေးကိစ္စကို ပိုအလေးထားမယ်လို့ တွက်ဆကြပါတယ်။ မြန်မာနိုင်ငံ ကုန်သည်ကြီးများနဲ့ စက်မှုလက်မှု လုပ်ငန်းရှင်များအသင်းချုပ် ဥက္ကဋ္ဌ ဦးဝင်းအောင် ကလည်း အမေရိကန်နဲ့ မြန်မာ စီးပွားရေးအရ ဆက်ဆံမှုလမ်းပွင့်လာပြီး တိုးတက်လာမယ့် အလားအလာကိုလည်း မြင်ရပြီလို့ ပြောပါတယ်။ ရန်ကုန်မှာရှိတဲ့ ကုန်သည်အသိုင်းအ၀ိုင်း၊ စီးပွားရေးလုပ်ငန်းရှင် အသိုင်းအ၀ိုင်း အကြားမှာလည်း မကြာခင် သမ္မတအိုဘားမားလာမယ့် ခရီးစဉ်ကို အထူး စိတ်ဝင်စားကြပါတယ်။ မြန်မာနိုင်ငံကို အမေရိကန်ဘက်က ရင်းနှီးမြှုပ်နှံမှုတွေ ပိုဝင်လာမယ်လို့ မျှော်လင့်တဲ့အကြောင်း ပုံနှိပ်စက်လုပ်ငန်းပိုင်ရှင်တဦးက ပြောပါတယ်။ “အဲဒီတစု လာတဲ့အတွက် အန်တီတို့ တိုင်းပြည်က တိုးတက်သွားမယ်၊ စီးပွားရေး လုပ်ငန်းရှင်တွေ အများကြီး များပြားလာမယ်။ ၀င်ငွေတွေ တိုးတက်လာမယ့်အတွက် အန်တီတို့က အိုဘားမားကို အရမ်းကို ကြိုဆိုပါတယ်။ အရမ်းလည်း ၀မ်းသာပါတယ်။”  သမ္မတအိုဘားမားရဲ့ ဒီခရီးစဉ်ဟာ စောလွန်းသေးတယ် ဆိုပြီး လူ့အခွင့်အရေး အဖွဲ့အစည်းတွေ ကတော့ ကန့်ကွက်နေကြတာပါ။ တိုင်းရင်းသားဒေသ အချို့မှာ မငြိမ်းချမ်းသေးတာ၊ နိုင်ငံရေး အကျဉ်းသားတွေ ရှိနေသေးတာ၊ ဖွဲ့စည်းပုံအရ ဒီမိုကရေစီ မဆန်ဘဲ စစ်တပ်က အုပ်ချုပ်မှုကို ထိန်းထားနိုင်တာ စသဖြင့် ထောက်ပြကြပါတယ်။ ဒါပေမဲ့လည်း နာရီပိုင်းကြာမယ့် သမ္မတအိုဘားမားရဲ့ မြန်မာခရီးစဉ်အတွင်း စစ်အစိုးရ ရုံးစိုက်ခဲ့တဲ့ နေပြည်တော်ကို မသွားဘဲ ရန်ကုန်မှာပဲ အချိန်ယူထားပါတယ်။ ဒါကိုကြည့်ရင် အမေရိကန်အနေနဲ့ ဒီမိုကရေစီ အသွင်ကူးပြောင်းရေးကို ထောက်ခံတယ် ဆိုတဲ့ ပြသချက်ဖြစ်တယ်လို့ ပါမောက္ခ Thitinan က ယူဆပါတယ်။

“ဒေါ်အောင်ဆန်းစုကြည်ကိုရော သမ္မတဦးသိန်းစိန်ကိုပါ တွေ့ဆုံမယ့် သမ္မတအိုဘားမား ခရီးစဉ်ဟာ အတော်လေးကို ထူးခြားပါလိမ့်မယ်။ အနှစ်သာရအရ ပြောမယ်ဆိုရင်တော့ သူ ဘယ်တွေကို သွားလဲဆိုတာ ကြည့်ရပါမယ်။ အခု ခရီးစဉ်အတွင်း သူဟာ နေပြည်တော်ကို မသွားဘဲ ရန်ကုန်မြို့ကိုပဲ သွားတာပါ။ ဒါကိုကြည့်ရင် ဒီခရီးစဉ်ဟာ ဦးသိန်းစိန်ထက် ဒေါ်အောင်ဆန်းစုကြည်ကို ထောက်ခံဖို့ ခရီးလို့ ပြောရပါမယ်။ သေချာတာကတော့ ခြုံပြောရရင် ဒါဟာ မြန်မာ့ဒီမိုကရေစီ အသွင်ကူးပြောင်းရေးကို ထောက်ခံတဲ့ ခရီးစဉ်ဖြစ်ပါတယ်။” သမ္မတအိုဘားမားရဲ့ မြန်မာခရီးစဉ်အတွင်းမှာပဲ ထူးထူးခြားခြား တခုကတော့ မြန်မာ့လွတ်လပ်ရေး လှုပ်ရှားမှုမှာ အထင်ကရဖြစ်ပြီး၊ ဒီမိုကရေစီလှုပ်ရှားမှုတွေ မှာလည်း ကြီးကျယ်ခမ်းနားခဲ့တဲ့ ရန်ကုန်တက္ကသိုလ်မှာ မြန်မာလူထုကို မိန့်ခွန်းပြောမှာ ဖြစ်ပါတယ်။ ဒါဟာလည်း နိုင်ငံရေးအရ ထူးခြားမှုတရပ်လို့ ယူဆလို့ရပါတယ်။

ရေပိုင်နက် အငြင်းပွားမှု အာဆီယံ အစည်းအဝေးမှာ ဆွေးနွေး

အာဆီယံ အစည်းအဝေး တက်ရောက်နေကြတဲ့ နိုင်ငံခြားရေး ၀န်ကြီးများ။ (နိုဝင်ဘာလ ၁၂ ရက်၊ ၂၀၁၂)။

တောင်တရုတ်ပင်လယ်အတွင်း နယ်မြေပိုင်ဆိုင်မှု အငြင်းပွားနေတဲ့ ပြဿနာမှာ အဓိကကျတဲ့နိုင်ငံတွေ အနေနဲ့ တရားဝင် ဆက်သွယ်ရေး လမ်းကြောင်းကို ဖွင့်ထားရမယ်လို့ အာဆီယံ နိုင်ငံခြားရေးဝန်ကြီးတွေက ပြောကြားလိုက်ပါတယ်။ ပင်လယ်ရေကြောင်း ပြဿနာကို ဘယ်လို ဖြေရှင်းပြီးတော့ သဘောတူညီချက် ရနိုင်မလဲ ဆိုတာကို စောင့်နေခဲ့တာကြာပြီဖြစ်ပေမဲ့ အခုချိန်ထိတော့ အခြေအနေက မရေမရာ ရှိနေဆဲပဲ ဖြစ်ပါတယ်။ ဒီအကြောင်းနဲ့ ပတ်သက်ပြီး ဗွီအိုအေသတင်းထောက် Irwin Loy ဖနွမ်ပင်မြို့ကနေ သတင်းပေးပို့ထားတာကို ကိုရန်နိုင်က တင်ပြထားပါတယ်။

နယ်မြေပိုင်ဆိုင်မှု အငြင်းပွားနေတဲ့ တောင်တရုတ် ပင်လယ်အတွင်းမှာ တနိုင်ငံနဲ့ တနိုင်ငံ နောက်ထပ် ထိပ်တိုက်တွေ့တာမျိုးတွေကို မဖြစ်အောင် ရှောင်နိုင်ဖို့အတွက် အာဆီယံနိုင်ငံတွေနဲ့ တရုတ်နိုင်ငံကြားမှာ အရေးပေါ် ဆက်သွယ်လို့ရနိုင်မယ့် ဆက်သွယ်ရေးလမ်းကြောင်း ထားရှိဖို့ အင်ဒိုနီးရှား နိုင်ငံခြားရေးဝန်ကြီး မာတီ နာတာ လေဂါဝါ က အဆိုပြုလိုက်ပါတယ်။

တောင်တရုတ်ပင်လယ်အတွင်းမှာရှိတဲ့ နယ်မြေအတော်များများကို တရုတ်နိုင်ငံက သူတို့ ပိုင်ဆိုင်တယ်လို့ ပြောနေပါတယ်။ အာဆီယံနိုင်ငံတွေ နဲ့ တရုတ်နိုင်ငံကြား အပြိုင်အဆိုင် သူပိုင် ငါပိုင် ပြောနေကြတာတွေနဲ့ ပတ်သက်ပြီး ဘယ်လို ကိုင်တွယ်ရှင်းရမယ် ဆိုတဲ့ လိုက်နာရမယ့် စည်းမျဉ်းစည်းကမ်းတွေနဲ့ ပတ်သက်ပြီး သဘောတူညီချက်ရဖို့ အဝေးကြီလိုနေသေးပေမဲ့လည်း၊ လုံခြုံရေးအတွက် လိုအပ်နေတဲ့ ဒီလုပ်ငန်းစဉ်ကို ထားရှိသင့်တယ်လို့  သူက ပြောလိုက်ပါတယ်။ “အာဆီယံနိုင်ငံတွေ နဲ့ တရုတ်နိုင်ငံကြား လိုက်နာရမယ့်  စည်းမျဉ်းစည်းကမ်းတွေ ဖြစ်လာအောင် လုပ်နေတဲ့ တချိန်တည်းမှာပဲ၊ ကျနော်တို့ အင်ဒိုနီးရှား နိုင်ငံက ဒီနယ်မြေပိုင်ဆိုင်မှု အငြင်းပွားနေတဲ့ ကိစ္စမှာ အဓိက ပါဝင်နေတဲ့ နိုင်ငံတွေကြား အရေးပေါ် ဆက်သွယ်နိုင်မယ့် လမ်းကြောင်း ထားရှိနိုင်ဖို့ကိစ္စကို လုပ်ဖို့ ရှိကြည့်နေပါတယ်။  လိုက်နာရမယ့် စည်းမျဉ်းစည်းကမ်းတွေကို သဘောတူညီမှု မရသေးခင်အချိန်အတွင်း၊  တကယ်လို့ အနာဂတ်မှာ ပြဿနာ တစုံတခု ဖြစ်လာမယ်ဆိုရင် ၊ ဒီလိုလုပ်ထားခြင်း အားဖြင့် ကျနော်တို့ အနေနဲ့ အပြန်အလှန် ဆက်သွယ်ပြီး ဆွေးနွေးလို့ ရနိုင်ပါတယ်။”   ဒီအဆိုပြုချက်က အကဲခတ်စောင့်ကြည်သူတွေ ခန့်မှန်းနေသလိုပဲ တရုတ်နိုင်ငံ နဲ့ အာဆီယံကြားမှာ နယ်မြေပိုင်ဆိုင်မှု အငြင်းပွားနေတဲ့ ကိစ္စအပေါ် ဘယ်လို အဆုံးသတ်မလဲ ဆိုတာနဲ့ ပတ်သက်ပြီး သဘောတူညီချက်ရဖို့ အဝေးကြီး လိုနေသေးတယ် ဆိုတာကို ပြသတဲ့ နောက်ထပ် အရိပ်လက္ခဏာတရပ် ဖြစ်ပါတယ်။ အာဆီယံအဖွဲ့ဝင် နိုင်ငံတွေ တောင်တရုတ်ပင်လယ်ထဲက ကျွန်းတွေကို သူတို့ ပိုင်ဆိုင်တယ် လို့ ပြောနေတဲ့ နိုင်ငံ ၄ နိုင်ငံကတော့ ဖိလစ်ပိုင်၊ မလေးရှား ၊ ဘရူနိုင်း နဲ့ ဗီယက်နမ်နိုင်ငံ တို့ဖြစ်ပါတယ်။ ဒါပေမဲ့ တောင်တရုတ်ပင်လယ်နေရာ အတော်များများက ကျွန်းတွေကို တရုတ်နိုင်ငံက သူတို့ပိုင်တယ်လို့ ပြောတာကြောင့် တရုတ် နဲ့ အာဆီယံနိုင်ငံတွေ ကြားမှာ ပြဿနာတွေ ဖြစ်လာခဲ့တာပါ။ အာဆီယံအဖွဲ့ဝင် ၄ နိုင်ငံကတော့ တရုတ်နိုင်ငံနဲ့ ဖြစ်နေတဲ့ ဒီပြဿနာကို အာဆီယံအဖွဲ့ အနေနဲ့ တပေါင်းတစည်းတည်း ရှင်းဖို့ အတွက် တွန်းအားပေး လုပ်ဆောင်နေပါတယ်။ ဒါပေမဲ့ တရုတ်နိုင်ငံဘက်ကတော့ ဒီပြဿနာတွေ နဲ့ ပတ်သက်ပြီး အာဆီယံအဖွဲ့တခုလုံး အနေအထားနဲ့ ဆွေးနွေးဖြေရှင်းချင်တဲ့ပုံ မရှိဘဲ ၊ တနိုင်ငံချင်းစီပဲ ပိုပြီးတော့ ဖြေရှင်းချင်နေပါတယ်။

လာမယ့်ရက်ပိုင်းတွေအတွင်းမှာ လိုက်နာရမယ့် စည်းမျဉ်းစည်းကမ်းတွေကို မချမှတ်နိုင်သေးရင်တောင်မှ၊ ဒီကနေ့ တနင်္ဂနွေနေ့မှာ စတင်မယ့် နိုင်ငံခေါင်းဆောင်တွေရဲ့ အစည်းအဝေးအတွင်းမှာ တိုးတက်မှု တစုံတရာ ရရှိဖို့ လိုနေတယ်လို့ အင်ဒိုနီးရှား နိုင်ငံခြားရေး ၀န်ကြီး မာတီ နာတာ လဂါဝါ က ပြောလိုက်ပါတယ်။

“အရှိန်ရသွားဖို့က အဓိကကျတယ်လို့ ကျနော် ထင်ပါတယ် ။ အခြေအနေတွေ ဒီထက် ပိုဆိုးမသွားအောင်လုပ်ဖို့ အင်ဒိုနီးရှားက ဆန္ဒရှိပါတယ်။ ကျနော်တို့အနေနဲ့ ဒီအတိုင်းပဲ ဆက်ပြီးရှိနေမယ် ဆိုရင် ၊ အခြေအနေတွေက နောက်ကြောင်းပြန်လှည့် သွားနိုင်ပါတယ်။” အာဆီယံခေါင်းဆောင်တွေဟာ ဒီကနေ့မှာ မျက်နှာချင်းဆိုင် တွေ့ဆုံပြီး အစည်းအဝေး ကျင်းပကြမှာဖြစ်ပြီး၊ အမေရိကန်သမ္မတ အိုဘားမားကတော့ မနက်ဖြန် တနင်္လာနေ့ နှောင်းပိုင်းမှာ အာဆီယံ အစည်းအဝေးကို ရောက်ရှိလာမှာဖြစ်ပါတယ်။

မြောက်ကိုရီးယားနဲ့ မြန်မာ စစ်ရေးမဆက်ဆံဖို့ အိုဘားမားပြောမည်

အမေရိကန် သမ္မတ ဘရက်အိုဘားမား။ (နိုဝင်ဘာလ ၁၄ ရက်၊ ၂၀၁၂)။

မြန်မာနိုင်ငံအနေနဲ့ မြောက်ကိုရီးယားနဲ့ စစ်ရေးအရ ဆက်ဆံနေတာ ဖြတ်တောက်ပစ်ဖို့ တနင်္လာနေ့ မြန်မာနိုင်ငံကို ရောက်လာတဲ့အခါ အမေရိကန်သမ္မတ ဘရက်အိုဘားမား က မြန်မာခေါင်းဆောင်တွေကို တိုက်တွန်းသွားဖို့ ရှိတယ်လို့ အိမ်ဖြူတော် အရာရှိတွေ ပြောတဲ့ အကြောင်း စနေနေ့က ရိုက်တာသတင်းမှာ ဖော်ပြထားပါတယ်။ မြန်မာနိုင်ငံအနေနဲ့ မြောက်ကိုရီးယားနဲ့ ထိတွေ့ ဆက်ဆံနေတာတွေ လျှော့ချဖို့ သမ္မတ အိုဘားမားက မြန်မာအစိုးရကို တိုက်တွန်း ပြောဆိုသွားမယ့် အကြောင်း လက်ထောက် အမျိုးသားလုံခြုံရေး အကြံပေး အရာရှိ ဘန်ရုဒ်စ် (Ben Rhodes) က သမ္မတ အိုဘားမား စီးနှင်း လိုက်ပါလာတဲ့ Air Force One လေယာဉ်ပေါ်မှာ သတင်းထောက်တွေကို ပြောလိုက်တာပါ။ ဒီကိစ္စနဲ့ပတ်သက်ပြီး မြန်မာအစိုးရ ဘက်ကလည်း အပြုသဘောဆောင်တဲ့ ဘက်ကို ဦးတည် လုပ်ဆောင်နေတာကို တွေ့ရပြီး မြောက်ကိုရီးယားနဲ့ စစ်ရေးအရ ဆက်ဆံနေတာတွေ ဖြတ်တောက် ပစ်ဖို့ သူတို့အနေနဲ့ ထပ်လောင်း ဖိအားပေးသွားမှာ ဖြစ်တတယ်လို့ ဘန်ရုဒ်စ် က ပြောပါတယ်။ သမ္မတ အိုဘားမားဟာ မြန်မာနိုင်ငံ အပါအ၀င် ထိုင်းနဲ့ ကမ္ဘောဒီးယားနိုင်ငံတွေကို တရားဝင် သွားရောက် လည်ပတ်ဖို့ အာရှတိုက်ကို သွားနေပြီ ဖြစ်ပါတယ်။ သမ္မတ အိုဘားမားဟာ ကမ္ဘောဒီးယားနိုင်ငံမှာ ကျင်းပမယ့် အာဆီယံ ထိပ်သီး စည်းဝေးပွဲကိုလည်း တက်ရောက်မှာ ဖြစ်ပါတယ်။ သူ့ရဲ့ ဒုတိယ သမ္မတသက်တမ်းအတွင်း တိုင်းပြည်စီးပွား ပြန်လည် ဦးမော့လာအောင် လုပ်ဆောင်မယ်လို့ ရွေးကောက်ပွဲကာလက ပေးထားတဲ့ ကတိတွေ အကောင်အထည်ဖော်နိုင်အောင် လုပ်ဆောင်နေတဲ့ အချိန်မှာ အာရှတိုက်ကို အာရုံစိုက် လုပ်ဆောင်လာနေတာ ဖြစ်ပါတယ်။ အာရှတိုက်ဟာ အနာဂတ် အမေရိကန်နိုင်ငံခြားရေးမူဝါဒတွေမှာ အရေးပါတဲ့ ဆုံချက် ဒေသဖြစ်တယ် ဆိုတာ သမ္မတ အိုဘားမား အစိုးရက ပြောထားပြီးသား ဖြစ်ပါတယ်။

သမ္မတအိုဘားမား အာရှခရီးစဉ် စတင်

အမေရိကန်သမ္မတ ဘရက်အိုဘားမား။

အမေရိကန်သမ္မတ ဘရက်အိုဘားမားရဲ့ အခုလာမယ့် အရှေ့တောင်အာရှ ခရီးစဉ်ထဲမှာ လူ့အခွင့်အရေးနဲ့ ပတ်သက်တဲ့ စိုးရိမ် ပူပန်မှုတွေကို လျစ်လျူရှုထားမှာ မဟုတ်ဘူးလို့ အမေရိကန် အိမ်ဖြူတော် တာဝန်ရှိသူတွေက လူ့အခွင့်အရေး တက်ကြွသူတွေနဲ့ ဝေဖန်ပြောဆိုသူတွေကို တုံ့ပြန် ပြောဆိုလိုက်ပါတယ်။ စနေနေ့မှာ  စတင်မယ့် သုံးရက်ကြာ အရှေ့တောင်အာရှ ခရီးစဉ်မှာ အမေရိကန် သမ္မတ ဟာ ထိုင်း၊ မြန်မာနဲ့ ကမ္ဘောဒီးယား နိုင်ငံတွေကို သွားရောက်မှာ ဖြစ်ပါတယ်။

ဒုတိယသက်တမ်းအတွက် ရွေးကောက် တင်မြှောက်ခံခဲ့ရပြီးချိန်က စလို့ ဒါဟာ သမ္မတ အိုဘားမား ရဲ့ ပထမဆုံး ပြည်ပခရီးစဉ်ဖြစ်ပြီး သမ္မတ အိုဘားမား အုပ်ချုပ်ရေးအဖွဲ့က  အဓိက အာရုံစိုက်လာတဲ့ ဒေသသစ် အာရှပစိဖိတ်ရဲ့ အရေးပါပုံကို ထင်ဟပ် ဖော်ပြတာလည်း ဖြစ်ပါတယ်။

ဒီခရီးစဉ်မှာ အရေးပါဆုံး အနေနဲ့ အမေရိကန် သမ္မတဟာ မြန်မာခရီးစဉ်ကို သွားရောက်မယ့် အကြောင်းကို အလေးပေး ဖော်ပြနေကြပြီးတော့ ဒါဟာ သူ တာဝန်ထမ်းဆောင်ဆဲ အမေရိကန် သမ္မတ တဦး အနေနဲ့ စစ်အာဏာရှင်တွေ ထိန်းချုပ်ခဲ့တဲ့ မြန်မာနိုင်ငံကို ပထမဆုံးအကြိမ် သွားရောက်တာလည်း ဖြစ်ပါတယ်။ ဒီခရီးနဲ့ ပတ်သက်လို့ လူ့အခွင့်အရေး အဖွဲ့တွေက မြန်မာ့ လူ့အခွင့်အရေး မှတ်တမ်းတွေကို ထောက်ပြပြီးတော့ သမ္မတ ခရီးဟာ စောသေးတယ် လို့ ဝေဖန်ခဲ့ကြပါတယ်။

ဒီခရီးစဉ်အတွင်းမှာ အမေရိကန် သမ္မတဟာ နိုဝင်ဘာ ၁၉ ရက်နေ့ မနက်ဘက်မှာ မြန်မာနိုင်ငံ ကို ရောက်ရှိပြီးတော့ မြန်မာသမ္မတ ဦးသိန်းစိန်နဲ့ ရန်ကုန်တိုင်း ဒေသကြီး လွှတ်တော် အဆောက်အဦးမှာ တွေ့ဆုံမှာဖြစ်ပါတယ်။

ဒီနောက် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နဲ့ သူမရဲ့နေအိမ်မှာ တွေ့ဆုံပါ လိမ့်မယ်။ ပြီးရင် ပူးတွဲ သတင်းစာရှင်းလင်းပွဲ လုပ်မယ်လို့ သိရပါတယ်။ ဒီနောက် အမေရိကန်သံရုံးက သံရုံး ၀န်ထမ်းတွေနဲ့ တွေ့ဆုံမှာပါ။ နာရီပိုင်းကြာမယ့် သမ္မတ ခရီးစဉ်အတွင်းမှာ နောက်ဆုံး အစီအစဉ်ကတော့ ၁၉၃၀ မြန်မာ့လွတ်လပ်ရေး လှုပ်ရှားမှု ကာလကစလို့ ၁၉၈၈ မြန်မာ့ဒီမိုကရေစီရေးလှုပ်ရှားမှုတွေမှာ အဓိကကျတဲ့ ရန်ကုန်တက္ကသိုလ်မှာ မြန်မာလူထုကို သမိုင်းဝင် မိန့်ခွန်းပြောမှာ ဖြစ်ပါတယ်။

အမေရိကန် သမ္မတရဲ့ သမိုင်းဝင် မြန်မာနိုင်ငံ ခရီးစဉ် မတိုင်ခင်မှာတော့ မြန်မာနိုင်ငံဘက်က အမေရိကန်ကို တင်သွင်းမယ့် ပို့ကုန်တွေ ပိတ်ဆို့ထားမှုကို ပြန်ပြီးတော့ ရုပ်သိမ်းမှာ ဖြစ်တယ်လို့ လွှတ်တော် တာဝန်ရှိသူတဦးက ပြောဆိုလိုက်ပါတယ်။

မြန်မာ့သွင်းကုန် ပိတ်ပင်မှု အမေရိကန် ပြန်ဖွင့်ပေး

အမေရိကန်အစိုးရက ၁၀နှစ်နီးပါး မြန်မာ နိုင်ငံက ပို့ကုန် အများစု ပိတ်ပင် ထားတာကို နိုဝင်ဘာလ ၁၆ ရက် သောကြာနေ့က ပြန်ဖွင့်ပေး လိုက်ပါတယ်။

အမေရိကန်သမ္မတ အိုဘားမားရဲ့ နိုဝင်ဘာလ ၁၉ ရက်နေ့ မြန်မာနိုင်ငံ ခရီးစဉ် မတိုင် အခုလို ပိတ်ဆို့မှုကို ပြန်ဖွင့်ပေး လိုက်တာ ဖြစ်ပါတယ်။

ဆယ်နှစ်ကြာ ပိတ်ဆို့မှုတွေကို ပြန်ဖွင့်ပေး လိုက်တာဟာ မြန်မာအစိုးရ နိုင်ငံရေး ပြုပြင် မှုကို အားပေးဖို့၊ နောက်ထပ် အပြောင်းအလဲတွေကို တွန်းပေးဖို့နဲ့ နှစ်နိုင်ငံ စီးပွားရေး လုပ်ငန်းတွေ အတွက် အခွင့်အရေး သစ်တွေ ရစေချင်လို့ ဖြစ်ကြောင်း အမေရိကန် ဘဏ္ဍာရေးနဲ့ နိုင်ငံခြားရေး ဌာန ပူးတွဲ ကြေညာချက်မှာ ဖေါ်ပြပါတယ်။

နောက်ပြီး ဒီလို ရုတ်သိမ်းတာဟာ နှစ်နိုင်ငံ အပြန်အလှန် စီးပွားရေး ဆက်ဆံမှုတွေ ပုံမှန်ဖြစ်လာဖို့ အတွက်လို့ ဆိုပါတယ်။

မြန်မာနိုင်ငံက ပို့ကုန် အများစု တင်သွင်းခွင့် ပြုလိုက်ပေမယ့် မြန်မာ့တွင်းထွက် ကျောက်မျက် ရတနာတွေ တင်သွင်းခွင့်ကို ဆက်ပြီး ပိတ်ထားအုံးမှာ ဖြစ်ပါတယ်။

ပို့ကုန် ပိတ်ဆို့မှု လျှော့ပေါ့ ပေးလိုက်ရင် မြန်မာ နိုင်ငံ ကမ္ဘာ့ စီးပွားရေး နဲ့ အမြန် ချိတ်ဆက်မိဖို့ တွန်းအားသစ် ဖြစ်လာမယ်လို့ မြန်မာ အစိုးရက ပြောကြား ခဲ့ပါတယ်။

အခုလို ပို့ကုန် ပိတ်ဆို့မှု လျှော့ပေါ့တာဟာ လောလောဆယ် မှာတော့ ပြည်သူတွေထက် စစ်အစိုးရ ခေတ်က ခုထိ ရှိနေတဲ့ ခရိုနီတွေနဲ့ စစ်တပ် ဦးပိုင်ကုမ္ပဏီဘဲ အကျိုးရှိမယ်လို့ စီးပွားရေး သုတေသီ ဦးစိန်ဌေးက သုံးသပ်ပါတယ်။

အစိုးရက ခရိုနီတွေနဲ့ စစ်တပ်ဦးပိုင် ကုမ္ပဏီ ကြီးစိုးထားတဲ့ စီးပွားရေးကို တနည်းတဖုံ ပွင့်လင်းအောင် လုပ်ပေးရင်တော့ ပြည်သူနဲ့ နိုင်ငံအတွက် အကျိုးရှိမယ်လို့ ဆိုပါတယ်။

တဆက်ထဲ အမေရိကန် ဘဏ္ဍာရေး ဝန်ကြီးဌာနက စီးပွားရေး မဆက်ဆံဖို့ ပိတ်ထားတဲ့ မြန်မာကုမ္ပဏီတွေ စာရင်းမှာ စတီဗင်လောနဲ့ ဦးတေဇပိုင် ကုမ္ပဏီ ၇ ခုအမည်ကို ထပ်ပြီး ထည့်သွင်းပါတယ်။

တနင်္လာ နေ့မှာ တော့ မြန်မာ နိုင်ငံကို အမေရိကန် သမ္မတ အိုဘားမား သွားမှာ ဖြစ်ပါတယ်။

ဆက်ဆံရေး တွေ ပုံမှန် ပြန်စရေးမှာ အမေရိကန် ဘက်က ချဉ်းကပ်ပုံက သိပ်မြန်လွန်း နေတယ်လို့လဲ နိုင်ငံရေး လှုပ်ရှားသူ တချို့က ဝေဖန် နေကြပါတယ်။

အီဂျစ်မှာ ရထားနဲ့ကား တိုက်လို့ လူ ၅၀ သေဆုံး

သေဆုံးသူ အများစုဟာ ကျောင်းသားငယ် လေးတွေ ဖြစ်ကြပြီး၊ တခြား ၁၇ ဦး ဒဏ်ရာ ရရှိ

အီဂျစ်နိုင်ငံ အလယ်ပိုင်း အက်စ်ဆူရက် ပြည်နယ်က မီးရထား လမ်းနဲ့ ကားလမ်း ဖြတ်တဲ့ နေရာ တခုမှာ ဘတ်စ်ကား တစီးကို ရထား တိုက်မိ တဲ့ အတွက် လူ ၅၀ သေဆုံးသွား တယ်လို့ အီဂျစ် အရာရှိတွေက ပြောပါတယ်။

သေဆုံးသွားသူထဲက အနည်းဆုံး ၄၇ ဦးဟာ ကျောင်းသား ငယ်လေးတွေ ဖြစ်ကြပြီး၊ တခြား ၁၇ ဦး ကတော့ ဒဏ်ရာ ရရှိသွားကြ ပါတယ်။

ရထားလာရင် ကားလမ်းကို ပိတ်ရတဲ့ မောင်းတံဟာ ရထားလာတဲ့ အချိန်မှာ ပွင့်နေ ခဲ့တယ် လို့ သတင်းတွေက ဆိုပါတယ်။

အဲဒီဂိတ်ကို စောင့်ပြီး ပိတ်ရတဲ့ တာဝန်ရှိသူဟာ ရထား အရှိန်နဲ့ လာနေချိန်မှာ အိပ်ပျော် နေတာ ဖြစ်တယ်လို့ ပြည်နယ် အုပ်ချုပ်ရေးမှူးက ပြောပါတယ်။ ဒီအတွက် သူ့ကို ဖမ်းဆီး လိုက်ပြီလို့ ဆိုပါတယ်။

မျက်မြင် တွေ့ရှိသူ တဦး ပြောတာ ကတော့ ဘတ်စ်ကားဟာ ရထားလမ်းပေါ်မှာ ၁ ကီလိုမီတာ လောက် အထိ ရောက်ရှိ သွားတယ်လို့ ဆိုပါတယ်။

အခုလို ဖြစ်ရပ် အတွက် လမ်းပန်း ဆက်သွယ်ရေး ဝန်ကြီးနဲ့ အီဂျစ် နိုင်ငံ မီးရထား ပို့ဆောင်ရေး အရာရှိချုပ်တို့ ရာထူးက နှုတ်ထွက် သွားပါတယ်။

ဟားမတ်စ် အစိုးရရုံးတွေကို အစ္စရေး တိုက်ခိုက်

အစ္စရေး ပြည်သူတွေကို ပါလက်စတိုင်း တို့ရဲ့ ရောကက် အန္တရာယ် ကနေ ကာကွယ်ဖို့ တိုက်တာလို့ ပြော

အစ္စရေး ဘက်ကနေ ဂါဇာကို လေကြောင်း ကနေ တိုက်ခိုက်မှုတွေ ပြုလုပ် နေရာ၊ ၄ ရက် မြောက်နေ့ မှာတော့၊ ဂါဇာက ဟားမတ်စ် ဝန်ကြီးချုပ် ရုံးနဲ့ အစိုးရုံး နေရာတွေကို ပစ်မှတ် ထားပြီး လေကြောင်း ကနေ တိုက်ခိုက်ခဲ့ ပါတယ်။

အခုလို တိုက်ခိုက်မှုကြောင့် ပါလက်စတိုင်း တို့ရဲ့ မြေအောက် ရောကက် စခန်း နေရာတွေ ဆိုးဆိုး ဝါးဝါး ထိခိုက် ပျက်ဆီး ကုန်တယ်လို့ အစ္စရေး ဘက်က ပြောပါ တယ်။

ဂါဇာမှာ နောက်ထပ် တိုက်ခိုက် စရာ ပစ်မှတ်ပေါင်း ရာနဲ့ချီပြီး ကျန်နေသေးတယ် လို့လည်း အစ္စရေးက ပြောပါတယ်။

ဂါဇာကို အလည် အပတ် ရောက်ရှိ နေတဲ့ တူနီးရှား နိုင်ငံခြားရေး ဝန်ကြီးက သူ့ အဆို အစ္စရေး တို့ရဲ့ ကျူးကျော် ရန်စမှု အဆုံးသတ် ရေး အတွက် ဝိုင်းဝန်း ဆောင်ရွက် ကြဖို့ အာရပ် နိုင်ငံ ခေါင်းဆောင်တွေကို တောင်းဆို လိုက်ပါတယ်။

အစ္စရေးတို့ရဲ့ ဂါဇာ အပေါ် လုပ်ဆောင်မှုတွေဟာ လက်ခံနိုင် စရာ မရှိပဲ၊ အစ္စရေးတို့ဟာ အင်အားသုံး ဖြေရှင်းတာတွေ မလုပ်သင့် ဘူး လိုလည်း သူက ပြောကြား ပါတယ်။

အစ္စရေး စစ်တပ် ပြောခွင့်ရသူက ဘီဘီစီကို ပြောရာ မှာတော့ အစ္စရေး ပြည်သူတွေကို ပါလက်စတိုင်း တို့ရဲ့ ရောကက် အန္တရာယ် ကနေ ကာကွယ်ဖို့နဲ့ ရောကက် တွေနဲ့ ပစ်နေတဲ့ စစ်သွေးကြွ အုပ်စုတွေ အင်းအား လျော့နည်း သွားစေဖို့ အတွက် အခုလို ပြန်တိုက် ရတာ ဖြစ်တယ်လို့ ပြောပါတယ်။

သမ္မတဦးသိန်းစိန် ကုလကို ရခိုင်အရေးစာပို့

ရခိုင်အရေးအတွက် ကုလကို စာပို့ပေးခဲ့တဲ့ သမ္မတ ဦးသိန်းစိန်

မြန်မာ သမ္မတ ဦးသိန်းစိန်က ရခိုင်ပြည်နယ် အရေးပတ်သက်ပြီး သောကြာနေ့က ဘာသာရေး ခေါင်းဆောင်တွေနဲ့ တွေ့ဆုံ ခဲ့သလို ကုလသမဂ္ဂ အတွင်းရေးမှူးချုပ် ဆီကိုလည်း စာတစောင် ပို့ခဲ့ရာမှာ စာထဲမှာတော့ ဒီအရေး တွေကို ဖြေရှင်းနိုင်ဖို့ အတွက် နိုင်ငံတကာ စံချိန်စံညွှန်း တွေနဲ့ အညီ လုပ်ဆောင်နေတယ် လို့ ဆိုထားပါတယ်။

ရခိုင်ပြည်နယ် အတွင်း အကြမ်းဖက် တိုက်ခိုက် ခဲ့မှု တွေကြောင့် လူတွေ အမြောက်အများ အသက်ဆုံးရှုံး ခဲ့ရတာ၊ အိုးအိမ် အဆောက်အဦ တွေပျက်စီး ခဲ့ရတာ နဲ့ မိသားစု အများအပြား အိုးမဲ့ အိမ်မဲ့ ဖြစ်ခဲ့ရတာ တွေဟာ မသမာ သူတွေရဲ့ သွေးထိုး လှုံ့ဆော်မှုတွေ ကြောင့် ဖြစ်တယ်လို့ ဆိုထားပါတယ်။

ဆက်လက်ပြီး အခြေအနေတွေ တည်ငြိမ် အေးချမ်းသွားပြီး တဲ့အခါမှာ ပြန်လည် နေရာ ချထား ရေးတွေ၊ အလုပ် လုပ်ကိုင် ခွင့်တွေ အပါအဝင် နိုင်ငံသား ကိစ္စတွေကိုပါ ထည့်သွင်း စဉ်းစား ဆောင်ရွက် သွားမယ်လို့လည်း ဆိုထားပါတယ်။

ဆက်လက်ပြီး ရခိုင်ပြည်နယ် အတွင်းမှာ အရေးပေါ် အကူအညီတွေ လိုအပ်နေသူတွေကို အကူအညီ တွေပေးဖို့ အတွက်ကို နိုင်ငံတကာ က အဖွဲ့အစည်းတွေနဲ့ မြန်မာ အစိုးရဘက်က ပူးပေါင်းဆောင်ရွက် နေတာကိုလည်း ထည့်သွင်း ပြောကြား ထားပါတယ်။

ကုလသမဂ္ဂ ဘက်ကလည်း ဒီစာနဲ့ ပတ်သက်လို့ မြန်မာ အစိုးရရဲ့ လုပ်ကိုင် ဆောင်ရွက်မှု တွေက မှန်ကန်တဲ့ လမ်းကြောင်းပေါ်ကို ရောက်နေပြီ ဖြစ်တယ်လို့ ပြန်လည်ပြီး တုန့်ပြန် ပြောကြားခဲ့ပါတယ်။

ဒီစာကြောင့် မြန်မာ အစိုးရပိုင်းက ရခိုင် ပြည်နယ် အတွင်းမှာ ဖြစ်ပွားနေတဲ့ ပြဿနာတွေကို အရေးတယူ ဖြေရှင်း ဆောင်ရွက် နေပြီ ဆိုတာကို ပြသရာ ရောက်ပါသလား ဆိုတာကို ပြည်သူ့ခေတ် ဂျာနယ် အတိုင်ပင်ခံ အယ်ဒီတာနဲ့ သတင်းစာ ဆရာ ဖြစ်တဲ့ ဆရာ မောင်ဝံသကို ဆက်သွယ်ပြီး မေးကြည့်တော့ ရခိုင် ကိစ္စကို ကိုင်တွယ်ရာမှာ သက်ဆိုင်ရာ အာဏာပိုင်တွေ၊ ဒေသခံတွေ နဲ့ တိုင်းရင်းသား တွေဘက်က လူမျိုးရေး၊ ဘာသာရေး ရှုထောင့်တွေ ဘက်က ခံစားချက် အမြင်တွေနဲ့ လုပ်နေကြတယ်လို့ ပြောဆို နေကြတာတွေ ရှိတဲ့ အကြောင်း ပြောပါတယ်။

တကယ်က လူ့အခွင့်အရေး ပြဿနာ ဖြစ်လို့ အဲဒီကိစ္စကို မြန်မာ အစိုးရဘက်က မမေ့မလျော့ ထည့်သွင်းစဉ်းစား လုပ်ဆောင်နေတာကို ပြသတဲ့ အနေနဲ့ မြန်မာ သမ္မတက အခုလို မြန်မာ အစိုးရရဲ့ သဘောထားကို ပြောလိုက်တာဟာ အင်မတန်မှ အချိန်အခါနဲ့ သင့်တော်တယ်လို့ ထင်ကြောင်း ပြောပါတယ်။

အခုအချိန်မှာ ရခိုင် အရေးကိစ္စတွေကို ကုလသမဂ္ဂ အပါအဝင် အားလုံးက လူ့အခွင့်အရေး ပြဿနာ ဆိုပြီး ပြောဆို ဝေဖန်၊ ရေးသား တောင်းဆို နေကြတာတွေ ရှိတဲ့ အကြောင်း၊ အဲဒီအတွက် လုပ်ကြရာမှာလည်း တဖွဲ့နဲ့တဖွဲ့ သဘောထားနဲ့ ပတ်သက်လို့ ချိတ်ဆက်ပြီး ဒီကိစ္စတွေကို အရေးတကြီး လုပ်နေကြတဲ့ အခြေအနေမျိုး တွေဖြစ်နေလို့ တိတိကျကျ ဖြေရှင်းဖို့ လိုနေပြီ ဖြစ်ကြောင်းလည်း ပြောပါတယ်။

ရခိုင်ပြည်နယ် အတွင်းက ပြဿနာ တွေနဲ့ ပတ်သက်လို့ ကိုင်တွယ်ရာမှာ နိုင်ငံတကာက အမြင်တွေ ပြောင်းလဲ လာအောင် လက်တွေ့မှာ ဘာလုပ်ပေး နိုင်မလဲ ဆိုတာကိုတော့ လူ့အခွင်အရေး ပြဿနာ တွေနဲ့ ပတ်သက်လို့ လုပ်သွားမယ့် အစီအစဉ် တွေ အတိုင်း ဖြောင့်ဖြောင့်မတ်မတ် အကောင်အထည် ဖော်သွား နိုင်မလား ဆိုတဲ့ အပေါ်မှာ မူတည်ကြောင်း၊ တခါတလေမှာ ရည်ရွယ်ချက် ကောင်းနေပေမယ့် အဖျက် အန္တရာယ်တွေ ဝင်လာ တတ်လို့ နှစ်ဦးနှစ်ဘက် စလုံးက စိတ်ရှည်ရှည် ထားပြီး ကိုယ်လုပ် နေတဲ့ အလုပ်ကို ယုံယုံ ကြည်ကြည်နဲ့ လုပ်ကြ မှသာ အကောင်အထည် ဖော်နိုင်မှာ ဖြစ်ကြောင်း ပြောကြား သွားခဲ့ပါတယ်။