Wednesday, November 14, 2012

14.11.2012 နေ့ဖတ်ရန်သတင်းများ


by Myanmar Journal on Wednesday, November 14, 2012 at 5:09am ·

အာဖဂန်က အမေရိကန် ဗိုလ်ချုပ်ကြီးကို ကာကွယ်ရေးဌာနက စစ်ဆေး
နုတ်ထွက်သွားခဲ့တဲ့ ပက်ထရေးရပ်စ်နဲ့ ဗိုလ်ချုပ်ကြီး ဂျွန်အယ်လန်
အာဖဂန် နစ္စတန် နိုင်ငံက အမေရိကန် တပ်မှူး ဗိုလ်ချုပ်ကြီး ဂျွန်အယ်လန်ကို အမေရိကန် ကာကွယ်ရေး ဝန်ကြီး ဌာနက စုံစမ်း စစ်ဆေး မှုတွေ လုပ်နေပါတယ်။ သူဟာ တာဝန်ကနေ နုတ်ထွက်သွား ခဲ့တဲ့ အရင် စီအိုင်အေ အဖွဲ့ရဲ့ ညွှန်ကြား ရေးမှူး ဒေးဗစ် ပက်ထရေးရပ်စ် ကိစ္စ မှာ ပါဝင်ပတ်သက်နေတဲ့ အမျိုးသမီးကို မသင့်တော်တဲ့ ဆက်သွယ်မှုတွေ လုပ်ခဲ့တယ်လို့ စွပ်စွဲ ထားတဲ့အပေါ်မှာ သူ့ကို စစ်ဆေး နေကြတာ ဖြစ်ပါတယ်။

ဗိုလ်ချုပ်ကြီး အယ်လန်ကတော့ သူ့ကို ဂျေးလ် ကယ်လီ ဆိုသူ အမျိုးသမီးနဲ့ အီးမေးလ်တွေ ထောင်နဲ့ ချီပြီး အပြန်အလှန် ဆက်သွယ်တာတွေ လုပ်ခဲ့တယ်လို့ စွပ်စွဲ ထားတဲ့ အပေါ်မှာ သူဘာမှ အမှား မလုပ်ခဲ့ဘူးလို့ ငြင်းဆိုထားပါတယ်။
အဲဒီ အမျိုးသမီးကလည်း သူ့ဆီကို ဒေးဗစ် ပက်ထရေးယပ်စ်နဲ့ လူမှုရေး ဖောက်ပြန်မှု ဖြစ်ခဲ့တဲ့ အမျိုးသမီးက ပို့ထားတဲ့ ခြိမ်းခြောက်တဲ့ အီးမေးလ်စာတွေ ရရှိခဲ့တဲ့ အကြောင်း ပြောပါတယ်။
ဗိုလ်ချုပ်ကြီး အယ်လန်ကို ဥရောပ မှာ နေတိုးမဟာမိတ် တပ်တွေရဲ့ တပ်ပေါင်းချုပ် အဖြစ် ခန့်ထားဖို့ စီစဉ် ထား ခဲ့ပေမယ့် အခုတော့ အဲဒီ ကိစ္စကို ရွေ့ဆိုင်း ထားလိုက် ရပါတယ်။
အမေရိကန် ကာကွယ်ရေး ဌာနရဲ့ ပြောခွင့်ရသူက အဲဒီ ကိစ္စနဲ့ ပတ်သက်လို့ ပြောကြား ရာမှာတော့ အခုဗိုလ်ချုပ် အယ်လန်ကိစ္စကို စုံစမ်း စစ်ဆေး နေကြတဲ့ အကြောင်းနဲ့ အဲဒီလို စုံစမ်း နေချိန် အတွင်းမှာလည်း သူဟာ အိုင်ဆက်ဖ် တပ်ဖွဲ့တွေရဲ့ တပ်မှူးချုပ် အဖြစ် ဆက်ရှိနေဦးမှာ ဖြစ်ကြောင်း ပြောကြား ခဲ့ပါတယ်။
ဆက်လက်ပြီး ပြောကြားရာမှာတော့ ကာကွယ်ရေး ဝန်ကြီးက သူ့ကို ဥရောပတိုက်မှာ ရှိတဲ့ မဟာမိတ် တပ်ဖွဲ့တွေရဲ့ တပ်မှူးချုပ် အဖြစ် ခန့်ထားရေး အတွက်ကိုတော့ အခု စစ်ဆေးမှုတွေကနေ လုံလောက်တဲ့ အထောက်အထားတွေ မရမချင်း ဆိုင်းငံ့ထားဖို့ သမ္မတနဲ့ တခြား အရေးပါတဲ့ အမတ်တွေကို တင်ပြခဲ့ရာမှာ သမ္မတက သဘောတူခဲ့ကြောင်း တွေကို ပြောကြား ခဲ့ပါတယ်။

မြေမြှုပ်မိုင်း အန္တရာယ် မြန်မာမှာ ကြီးမားဆဲ
 
မြန်မာနိုင်ငံအတွင်းက စုစုပေါင်း ဒေသ ၄၈ ခုလာက်မှာ မြေမြှုပ်မိုင်းအန္တရာယ်ရှိနေတယ်လို့ ကမ္ဘာ တဝန်း မြေမြှုပ်မိုင်းနဲ့ ဆင့်ကဲဗုံးပပျောက်ရေး ဆောင်ရွက်နေတဲ့ Switzerland အခြေစိုက် မြေမြှုပ် မိုင်း တားဆီးရေး နိုင်ငံတကာအဖွဲ့ ICBL က ပြောလိုက်ပါတယ်။ မြေမြှုပ်မိုင်းအသုံးပြုမှု တားမြစ်ရေး သဘောတူစာချုပ်မှာ လက်မှတ်ရေးထိုးထားခြင်းမရှိတဲ့ မြန်မာနိုင်ငံအနေနဲ့ စာချုပ်မှာ လက်မှတ် ထိုးသင့်ပြီလို့လည်း မြန်မာနိုင်ငံ မြေမြှုပ်မိုင်းသုံးစွဲမှုဆိုင်ရာ အစီရင်ခံစာထုတ်ပြန်ပွဲမှာ ICBL ရဲ့ သုတေသနမှူး  Yeshua Moser က တိုက်တွန်းလိုက်ပါတယ်။ အစီရင်ခံစာ ထုတ်ပြန်တဲ့ သတင်းစာ ရှင်းလင်းပွဲမှာ ကိုယ်တိုင်တက်ရောက်သတင်းယူခဲ့တဲ့ ရန်ကုန်VOA သတင်းထောက် ကိုအောင်ရဲမောင်မောင်က အပြည့်အစုံကို ပြောပြပေးထားပါတယ်။

၂၀၁၂ မြေမြှုပ်မိုင်း လေ့လာစောင့်ကြည့်ရေးအဖွဲ့ အစီအရင်ခံစာအရ မြန်မာနိုင်ငံရဲ့ ဒေသ ၄၈ ခုဟာ မြေမြှုပ်မိုင်းအန္တရာယ် ရှိနေတယ်လို့ မြေမြှုပ်မိုင်းတားဆီးရေး နိုင်ငံတကာအဖွဲ့ ICBL က ပြောလိုက် ပါတယ်။ အင်္ဂါနေ့တုန်းက ရန်ကုန်မြို့မှာ ထုတ်ပြန်ခဲ့တဲ့ အစီရင်စာမှာ  ICBL ရဲ့ သုတေသနမှူး Yeshua Moser ကခုလိုပြောခဲ့ပါတယ်။  “မြန်မာပြည်ရဲ့ ၄၇ မြို့နယ်မှာ မြေမြှုပ်မိုင်းအန္တရာယ် ရှိနေပါတယ်။ ကရင်၊ ကယား၊ ပဲခူးတိုင်းနဲ့  ချင်းပြည်နယ်၊ စစ်ကိုင်းတိုင်းတို့မှာ ဖြစ်ပါတယ်။ ချင်းနဲ့စစ်ကိုင်းတို့မှာတော့ မြေမြှုပ်မိုင်းအန္တရာယ် ရှိတယ်၊ မရှိဘူးဆိုတာကတော့ စဉ်းစားစရာပါပဲ။ ၄၇ မြို့နယ်ထဲမှာ ဆယ်မြို့နယ်ကတော့ မြေမြှုပ်မိုင်း အန္တရာတွေ ရှိနေပါတယ်။”

မြေမြှုပ်မိုင်းတွေ ရှင်းလင်းရေးအတွက်ညွှန်ကြားမှုပေးနိုင်တဲ့ အုပ်ချုပ်ရေးအဖွဲ့က အဓိက စတင် ဆောင်ရွက်ရမှာဖြစ်ပြီး တပ်မတော်နဲ့ တိုင်းရင်းသား လက်နက်ကိုင်တွေအကြားက တင်းမာမှုတွေ မလျှော့ပါးသေးတာကြောင့် မြေမြှုပ်မိုင်းပပျောက်ရေး ကိစ္စကို မြန်မာနိုင်ငံမှာ တွင်တွင်ကျယ်ကျယ် လုပ်လို့ မရဘူးလို့ သူက ပြောပါတယ်။

ICBL အဖွဲ့အနေနဲ့ကတော့ မြန်မာနိုင်ငံမှာ မြေမြှုပ်မိုင်းပပျောက်ရေးအတွက် တွန်းအားပေး အရှိန်မြှင့် လုပ်ဆောင်တော့မှာ ဖြစ်တယ်လို့ ရန်ကုန်မှာကျင်းပတဲ့ သတင်းစာရှင်းလင်းပွဲမှာ ICBL က ပြောပါ တယ်။ မြန်မာနိုင်ငံမှာ မြေမြှုပ်မိုင်းတွေကို ဆက်မသုံးဖို့ အစိုးရအဖွဲ့အစည်းတွေအပြင် တိုင်းရင်းသား လက်နက်ကိုင် အဖွဲ့အစည်းတွေနဲ့လည်း ICBL အဖွဲ့က ဆွေးနွေးမှုတွေ လုပ်နေ တယ်လို့ ဆိုပါတယ်။ တိုင်းရင်းသား လက်နက်ကိုင်တွေနဲ့ အစိုးရအကြား ပြေလည်မှုတွေ မြန်မြန် ရလေ၊ မြန်မာနိုင်ငံမှာ မြေမြှုပ်မိုင်း ရှင်းလင်းရေးကို မြန်မြန်လုပ်နိုင်လေဖြစ်မယ်လို့ ပြောပါတယ်။

ငြိမ်းချမ်းရေးရအောင် အစိုးရက ဆောင်ရွက်နေတဲ့ တချိန်တည်းမှာပဲ မြေမြှုပ်မိုင်း မသုံးစွဲရေး ကိစ္စတွေ ကို  လက်နက်ကိုင်အဖွဲ့အစည်းတွေနဲ့ ညှိသင့်တယ်လို့လည်း ICBL အဖွဲ့က အကြံပေး ပါတယ်။ မြေမြှုပ် မိုင်းရဲ့ အကျိုးဆက်တွေဟာ လူသားတွေအားလုံး ခံရတာမို့ ဒီကိစ္စကို အာရုံစိုက်ဖို့ လိုအပ်တယ်လို့ မစ္စတာ Moser ကပြောပါတယ်။

“သူတို့ကြားမှာ ပြေလည်မှုရရင် ငြိမ်းချမ်းရေးလုပ်ငန်းတွေ ဆက်လုပ်လို့ရမယ်၊ ပြောချင်တာက ငြိမ်းချမ်းရေးအတွက် စကားပြောနေတဲ့အချိန်မှာ လက်နက်ကိုင်တွေနဲ့ အစိုးရကြားမှာ မိုင်းကိစ္စတွေ ထည့်သွင်းပြောကြားဖို့ ဖြစ်ပါတယ်။ ဒါကြောင့် အစိုးရနဲ့ လက်နက်ကိုင်တွေကြားမှာ ငြိမ်းချမ်းရေးဆွေးနွေးရင် ဒီအချက်ကို ထည့်သွင်းညှိနှိုင်းသင့်တယ်လို့ ကျနော် ယူဆပါတယ်။”

ကမ္ဘာ့နိုင်ငံစုစုပေါင်းရဲ့ ၈၀ ရာခိုင်နှုန်းလောက်က မြေမြှုပ်မိုင်းတားဆီးရေး သဘောတူစာချုပ်မှာ လက်မှတ် ထိုးထားကြပေမဲ့ မြန်မာနိုင်ငံကတော့ အခု ထိ လက်မှတ်ထိုးခြင်း မရှိသေးပါဘူး။ ဒီကိစ္စ အတွက် အစိုးရက စဉ်းစားနေတယ်လို့ ဆိုပါတယ်။ မကြာခင် အနာဂါတ်မှာတော့ မြန်မာနိုင်ငံ အနေနဲ့ မြေမြှုပ်မိုင်း ပပျောက်ရေးတွေကို ဆောင်ရွက်လာနိုင်မယ်လို့ ICBL အဖွဲ့က မျှော် လင့်ပါတယ်။

မြန်မာနိုင်ငံဟာ မြေမြှုပ်မိုင်း ပပျောက်ရေးနဲ့ ပတ်သက်ပြီး နိုင်ငံတကာမှာ အကူအညီတောင်း တာတွေ ရှိတာမို့ မြေမြှုပ်မိုင်းတားဆီးရေး စာချုပ်မှာ လက်မှတ်ရေးထိုးဖို့ လိုနေပြီလို့လည်း ICBL က သုတေ သန တာဝန်ခံ Yeshua Moser ကပြောပါတယ်။ မြန်မာနိုင်ငံမှာ မြေမြှုပ်မိုင်း ကူညီရှင်းပေးဖို့ သမ္မတ ဦးသိန်းစိန်က ၂၀၁၂ နှစ်ဆန်းပိုင်းမှာ EU ဥရောပသမဂ္ဂအဖွဲ့တွေကို အကူအညီတောင်းထား သလို အမေရိကန်နိုင်ငံကလည်း မြန်မာနိုင်ငံရဲ့ မြေမြှုပ်မိုင်းတွေ ကူညီရှာဖွေ ရှင်းပေးဖို့ သဘောတူ ထားတယ်လို့ မစ္စတာ Yeshua Moser က သတင်းစာရှင်းပွဲမှာ ပြောသွားပါတယ်။ ICBL အဖွဲ့ဟာ ကမ္ဘာတဝန်း မြေမြှုပ်မိုင်းနဲ့ ဆင့်ကဲဗုံးတွေသုံးစွဲမှု ပပျောက်ရေးအတွက် ဆောင်ရွက်မှုတွေကြောင့် ၁၉၉၇ ခုနှစ်က Nobel ငြိမ်းချမ်းရေးဆုကို ပူးတွဲရရှိထားတဲ့ အဖွဲ့ဖြစ်ပါတယ်ခင်ဗျား။

ဆီးရီးယားအတိုက်အခံတွေ တလှမ်းတိုးနိုင်ခဲ့ပြီလို့ ဝီလီယံဟိဂ်ပြော
ဗြိတိသျှ နိုင်ငံခြားရေး ဝန်ကြီး ဝီလီယံ ဟိဂ်
ဆီးရီးယား အတိုက်အခံ အဖွဲ့တွေ ပေါင်းစည်း လက်တွဲ နိုင်ခဲ့ကြတာဟာ ရှေ့ကို ကြီးမားတဲ့ ခြေတလှမ်း တိုးနိုင်ခဲ့တာ ပဲ ဖြစ်တယ်လို့ ဗြိတိသျှ နိုင်ငံခြားရေး ဝန်ကြီး ဝီလီယံ ဟိဂ်က ပြောပါတယ်။
ဒါပေမယ့် သူတို့တွေကို ဆီးရီးယား နိုင်ငံကို ကိုယ်စားပြုတဲ့ အဖွဲ့အစည်း အဖြစ် ဗြိတိန်ဘက်က အသိအမှတ် ပြုလာနိုင်အောင် အထိတော့ အများကြီး လုပ်သွား ရဦးမှာ ဖြစ်တယ်လို့လည်း ပြောပါတယ်။
တခါပြင်သစ်ကလည်း ဒီလို လက်တွဲ နိုင်ခဲ့ကြတာကို ထောက်ခံကြောင်း ပြောပါတယ်။ဒါပေမယ့် အသိအမှတ်ပြုတာ မျိုးလောက် အထိတော့ မလုပ်ခဲ့ပါဘူး။
အာရပ်အဖွဲ့ချုပ် ဘက်ကတော့ ဒီအတိုက်အခံ ညွန့်ပေါင်း အဖွဲ့ကြီးကို ဆီးရီးယား ပြည်သူတွေကို ကိုယ်စားပြုတဲ့ အဖွဲ့အစည်း အဖြစ် အသိအမှတ် ပြုသင့်တယ်လို့ ပြောပါတယ်။ လက်ရှိ အချိန်အထိတော့ ပင်လယ်ကွေ့ ပူးပေါင်း ဆောင်ရွက်ရေး ကောင်စီ တခုကသာ ဒီညွန့်ပေါင်း အဖွဲ့ကို တရားဝင် အသိအမှတ် ပြုပေး ထားပါတယ်။

စိစစ်ရေး လုပ်မရတဲ့ကိစ္စ ဘယ်လို ဖြေရှင်းမလဲ
ပေါက်တော မြို့နယ် အမှတ် ၃ ကျေးရွာမှာ ဘင်္ဂါလီတွေ လက်မှတ် မထိုး
ရခိုင် ပြည်နယ် အရေး ပြဿနာကို ပြေလည် အောင် ဖြေရှင်း နိုင်စေရေး အတွက် အစိုးရ ဘက်က နည်းလမ်းရှာ ဆောင်ရွက်တဲ့ အနေနဲ့ နိုင်ငံသား စိစစ်မှု စတင် လုပ်ဆောင် နေရာမှာ အခက် အခဲ တွေ ရင်ဆိုင် နေရပါတယ်။
ပေါက်တောမြို့နယ် အတွင်း ကျေးရွာတွေကို သွားရောက်ပြီး လူဦးရေ စာရင်း ကောက်ယူကြသူ တွေကို တချို့ ကျေးရွာက မွတ်ဆလင်တွေက ပူးပေါင်း ဆောင်ရွက်မှု မရှိတဲ့ ပြဿနာ ဖြစ်နေတယ်လို့ RNDP ရခိုင်တိုင်းရင်းသားများ တိုးတက်ရေး ပါတီက ကိုယ်စားလှယ် ကိုထွန်းအေးသိန်းက ဘီဘီစီကို ပြောပါတယ်။
သူသွားရောက်ခဲ့တဲ့ ကျေးရွာ ခြောက်ရွာ လောက်ရှိခဲ့ရာမှာ အများစုက နိုင်ငံသား ဆိုတဲ့ နေရာကို ဘင်္ဂါလီလို့ ရေးသား ခဲ့ကြပေမဲ့ ကျေးရွာ တစ်ရွာမှာတော့ ရိုဟင်ဂျာလို့ မဖြည့်ရရင် လက်မှတ်မထိုးနိုင်ဘူးလို့ ငြင်းဆန် ခဲ့ကြကြောင်း ပြန်ပြောပါတယ်။
အဲဒီကျေးရွာက ပေါက်တော အမှတ် ၃ ကျေးရွာလို့ ဆိုပါတယ်၊ အဲဒီရွာက မွတ်ဆလင်တွေက နိုင်ငံသား ကဒ်ပြားလည်း မပြနိုင်၊ နိုင်ငံခြားသား ကဒ်တွေ လည်း မပြကြဘူးလို့ သူက ပြောပါတယ်။
စစ်ဆေးရေး အဖွဲ့ထဲမှာ ပါဝင်တဲ့ မွတ်ဆလင် ရပ်မိရပ်ဖတွေကိုလည်း လက်ခံ စကား မပြောကြတဲ့ အပြင် သူတို့ ကျေးရွာတွေဆီ ဝင်ရောက်ဖို့ ကြိုးပမ်းတဲ့ အခါ ရန်ပြုမယ့် အနေအထားနဲ့ ရင်ဆိုင် ခဲ့ရတယ် လို့ ကိုထွန်းအေးသိန်းက ပြောပါတယ်။
မွတ်ဆလင် ဘက်က ပြောစကား
ပေါက်တော မြို့နယ် ငှက်ချောင်း ကျေးရွာ မွတ်ဆလင် ဒုက္ခသည် စခန်းက လူတွေကတော့ သူတို့ရဲ့ မိဘ ဘိုးဘွားတွေဟာ အစဉ် အဆက် ရခိုင်ပြည်နယ်မှာ နေထိုင်ခဲ့ကြသူတွေ ဖြစ်တာကြောင့် ဘင်္ဂါလီ လူမျိုးလို့ ရေးသား လက်မှတ် ရေးထိုးလိုက်မယ် ဆိုရင် သူတို့ဟာ အလိုလို တဘက်နိုင်ငံက ဝင်ရောက်လာတဲ့ နိုင်ငံခြားသားတွေ လို့ သတ်မှတ်ခံရမှာ ဖြစ်တယ်၊ ဒီလို အဖြစ် မခံနိုင်ဘူးလို့ ပြောကြပါတယ်။
၁၉၆၀ ခုနှစ်က အမျိုးသား လူ့အခွင့် အရေး ပါတီက ထုတ်ပေးထားတဲ့ ကဒ်ပြားထဲမှာ ရိုဟင်ဂျာ လူမျိုးလို့ ရေးသား ဖော်ပြခံရသူ တွေလည်း ရှိတယ်လို့ ဒုက္ခသည် စခန်းက မွတ်ဆလင် တစ်ယောက်က ပြောပါတယ်။
အဲဒီ ဒုက္ခသည် စခန်းမှာ လူပေါင်း ၈ ထောင် နီးပါး ရှိပြီး ရိုဟင်ဂျားလို့ လက်မှတ်ရှိသူ သုံးယောက်ရှိတယ်လို့ သူက ဆိုပါတယ်။ ကျန်သူတွေကတော့ သူတို့ အိုးအိမ်တွေကို မီးရှို့ တိုက်ခိုက် ခံခဲ့ရတုန်းက သူတို့ အထောက် အထား လက်မှတ်တွေ မီးလောင်တဲ့ အထဲ ပါသွား ပြီလို့ စောစောက မွတ်ဆလင်က ပြောပါတယ်။
ဘယ်လို ရှေ့ဆက်နိုင် မလဲ
အခု လက်ရှိ ရခိုင်ပြည်နယ် အတွင်း သက်ဆိုင်ရာ အာဏာပိုင်တွေနဲ့ ဒေသခံ ကိုယ်စားလှယ်တွေ ပူးပေါင်းပြီး တရားမဝင် နေထိုင်ကြသူတွေကို စစ်ဆေးမှု လုပ်တာဟာ အစိုးရ ဘက်က ဒီပြဿနာ ဖြေရှင်းနိုင်ရေးမှာ တိကျ ပြတ်သားတဲ့ မူဝါဒ ချမှတ် လုပ်ဆောင်နိုင်ဖို့ စာရင်း အချက် အလက် စုဆောင်းတာ ဖြစ်တယ်လို့ ပဋိပက္ခ ဖြေရှင်းရေး ကျွမ်းကျင်သူ ဒေါက်တာ မင်းဇော်ဦးက ပြောပါတယ်။
မကြာသေးခင်က ဖွင့်လှစ်ခဲ့တဲ့ ငြိမ်းချမ်းရေး ဌာန တာဝန်ခံ တစ်ယောက်လည်း ဖြစ်တဲ့ ဒေါက်တာ မင်းဇော်ဦးက ဒီလို အချက် အလက်တွေ ရဖို့ လူမျိုးစု စာရင်း ကောက်ခံတဲ့ နေရာမှာ မြန်မာ နိုင်ငံ မှာ တရားဝင် ပြဌာန်းထားတဲ့ လူမျိုးစုတွေထဲကပဲ ပြလို့ ရမယ်၊ မပါတဲ့ လူမျိုးစုတွေကို ထည့်သွင်း ရေးလို့ မရနိုင်ဘူးလို့ ပြောပါတယ်။
မွတ်ဆလင်တွေ ဘက်က ၁၉၆၀ ခုနှစ်လောက်တုန်းက ရိုဟင်ဂျာလို့ ခေါ်တဲ့ လူမျိုးစု နာမည် တစ်ခု ဖန်တီးပြီး အဲဒီလူမျိုးစု အခွင့် အရေးကို ရခိုင်ပြည်နယ်ထဲမှာ ရဖို့ ကြိုးပမ်း လာတာ ရှိခဲ့တယ်လို့ သူက ပြောပါတယ်။
လက်ရှိ စာရင်းကောက်ခံသူ တွေဟာ သူတို့ လုပ်ရမယ့် တာဝန်အရ တရားမဝင် နေထိုင်သူ စာရင်းကို ကောက်ခံနေကြတာ ဖြစ်ပြီး နိုင်ငံသား ဆိုတာကို ဖန်တီး ပေးလို့ မရဘူး ဆိုတာ မွတ်ဆလင်တွေ ဘက်က လက်ခံဖို့ လိုတယ်လို့ ဒေါက်တာ မင်းဇော်ဦးက ပြောပါတယ်။

သီရိလင်္ကာ ပြည်တွင်းစစ် ကုလ တာဝန်မဲ့ဆို
စစ်မက်ဒေသတွေ အစိုးရက ဝင်ခွင့်မပြု
၂၀၀၉ မေလက ပြီးဆုံးသွားတဲ့ သီရိလင်္ကာ ပြည်တွင်းစစ် ပြီးခါနီးမှာ ကုလသမဂ္ဂက အရပ်သားတွေကို ကာကွယ် ဖို့ ပျက်ကွက် ခဲ့တယ်လို့ ကုလသမဂ္ဂ အစီရင်ခံစာ မူကြမ်း က ဆိုပါတယ်။
ဘီဘီစီက ရရှိတဲ့ အစီရင်ခံစာ မူကြမ်းမှာ ကုလသမဂ္ဂ အနေနဲ့ ဆိုးဆိုးဝါးဝါး တာဝန် ပျက်ကွက်ခဲ့တယ်၊ ဒါမျိုး နောင် ထပ်မဖြစ်သင့်ဘူးဆိုတဲ့ စကားလုံးတွေ ပါဝင်ကြောင်း ဘီဘီစီ နိုင်ငံတကာ ရေးရာ သတင်းထောက်ချုပ် Lyse Doucet က ပြောပါတယ်။
ဆယ်စုနှစ် ၃ စုနီးပါး ဖြစ်ပွားခဲ့တဲ့ သီရိလင်္ကာ စစ်မီး နောက်ဆုံး အချိန် ၅ လ အတွင်း အရပ်သား ၄ သောင်းလောက် သေဆုံးတယ်လို့ ခန့်မှန်းပြီး သောင်းနဲ့ချီ ပျောက်ဆုံး ခဲ့ပါတယ်။
ပြီးခဲ့တဲ့ ဆယ်စုနှစ်တွေ အတွင်း ကမ္ဘာမှာ အဆိုးဝါးဆုံး ရက်စက် ကြမ်းကြုတ်မှု တစ်ခု ဖြစ်ပါတယ်။
အခု အစီရင်ခံစာ မူကြမ်းမှာ ပြင်းပြင်းထန်ထန် ထောက်ပြ တာက အဲဒီတုန်းက ကိုလံဘို မှာ ရှိတဲ့ ကုလ အဆင့်မြင့် ဝန်ထမ်းတွေက အရပ်သားတွေ အသတ်ခံရတာ ကာကွယ်ဖို့ သူတို့ တာဝန်လို့ မမြင်သလို ရုံးချုပ်ကလည်း သူတို့ကို တာဝန် မပေးဘူးလို့ ဆိုပါတယ်။
ကုလသမဂ္ဂက အဲဒီတုန်းက ထိခိုက်သေဆုံးတဲ့ စာရင်းတွေ သေသေချာချာ မထုတ်ပြန်ခဲ့လို့ ကမ္ဘာက ပဋိပက္ခ အတိမ်အနက်ကို မသိနိုင်ခဲ့ဘူးလို့ ဖော်ပြပါတယ်။
အခုတော့ စစ်ပွဲလည်း ပြီးသွားခဲ့ပြီ ဖြစ်သလို အစိုးရ တာဝန်ရှိသူတွေနဲ့ တမီးကျား သူပုန်တွေလည်း စစ်ရာဇဝတ်မှုတွေ၊ လူမဆန်တဲ့ ရာဇဝတ်မှုတွေနဲ့ စွပ်စွဲခံ ထားရပါတယ်။
ကုလသမဂ္ဂ အရာရှိ အသိုင်းအဝိုင်းက ဘီဘီစီကို အခု ထုတ်ပြောတာကတော့ အတွင်းရေးမှူးချုပ် က ဒီအစီရင်ခံစာကို ထုတ်ပြန်မှာ ဖြစ်သလို အရေးယူ သွားမယ်လို့လည်း သိရပါတယ်။ 

ဆီတင်ရထားမီးလောင်မှု သေဆုံးသူ ၃၀ ရှိလာ
စစ်ကိုင်းတိုင်း ကန့်ဘလူ အနီး ဆီတွဲရထား တိမ်းမှောက်ပြီး မီးလောင်ခဲ့(ဓါတ်ပုံ ပြန်ကြားရေး ဝန်ကြီးဌာန ဝက်ဘ်ဆိုဒ်)
ကန့်ဘလူမြို့နယ်၊ ချပ်ကြီး ဘူတာအဝင်မှာ လောင်စာ ဆီတင် ထားတဲ့ ရထားတွဲ ဘီးချော် တိမ်းမှောက် ရာက ဖိတ်စင်တဲ့ လောင်စာဆီ တွေကို ရွာသားတွေ လာရောက် ခပ်ယူနေတုန်း မီးလောင်မှုဖြစ်ပွားလို့ ဒဏ်ရာရ သူတွေထဲက နောက်ထပ် သေဆုံးမှု တွေရှိလာပါတယ်။
ဆေးဝါး အခက်အခဲလည်း ရှိတာကြောင့် ဆရာဝန်တွေက တတ်နိုင် သလောက် ကြိုးစား ဆောင်ရွက် နေရပါတယ်။
သောကြာနေ့တုန်း ရထားက ဖိတ်ချလာတဲ့ လောင်စာဆီ တွေကနေ မီးလောင်မှုကြောင့် ၂၅ ဦးသေဆုံးပြီး ဆေးရုံမှာ ကုသမှု ခံနေရင်း ပြီးခဲ့တဲ့ရက်က ၄ ဦး သေဆုံးခဲ့ ပါတယ်။ ဒီနေ့မှာ ၁ ဦးထပ်ပြီးသေဆုံးတာကြောင့် သေဆုံးသူ အားလုံး အယောက် ၃ဝ ဖြစ်သွားပါတယ်။
နောက်ဆုံး အခြေအနေကို ကန့်ဘလူ ဆေးရုံအုပ် ဒေါက်တာ မိုးမြင့်ဝင်းက ရှင်းပြ ရာမှာတော့ အခု ဆေးရုံတက် နေရသူပေါင်း ၈၅ ဦး ရှိနေသေးတဲ့ အကြောင်း၊ အဲဒီ အထဲမှာ ၁၅ ဦးလောက်က ဒဏ်ရာ ပြင်းပြင်းထန်ထန် ရထားတဲ့ အကြောင်းနဲ့ ဆေးဝါး အတွက်ကိုတော့ ကျန်းမာရေး ဝန်ကြီး ဌာနနဲ့ စေတနာရှင် တွေက ဝိုင်းဝန်းပံ့ပိုး ပေးနေတဲ့ အကြောင်းလည်း ပြောပါတယ်။ အဲဒီကို ဆေးဝါးလှူဒါန်း လိုရင်တော့ ဒေါက်တာ မိုးမြင့်ဝင်း၊ ဆေးရုံအုပ်၊ ကန့်ဘလူ ဆိုပြီး ဆက်သွယ် လှူဒါန်း နိုင်ကြောင်း တွေကို ပြောကြား သွားခဲ့ပါတယ်။
အကူအညီတွေပေးရေးနဲ့ ဖြစ်ရပ်မှန် ဖေါ်ထုတ်ဖို့အတွက် စစ်ဆေးရေး အဖွဲ့ဖွဲ့ပြီး လုပ်ဆောင်နေတယ်လို့ ရထားဝန်ကြီးဌာန ဒုတိယဝန်ကြီး သူရဦးသောင်းလွင်က ဘီဘီစီကို ရှင်းပြောကြားခဲ့ပါတယ်။

အာရှ-ပစိဖိတ်ဒေသ အမေရိကန်ဆက်ဦးဆောင်ဖို့ ကြိုးစား
 
လာမယ့်သီတင်းပတ်ထဲ အမေရိကန်သမ္မတ Barack Obama ရဲ့ မြန်မာခရီးစဉ်မစခင်မှာ အာရှပစိဖိတ်ဒေသထဲမှာ အမေရိကန်ပြည်ထောင်စုအနေနဲ့ အဓိကကျတဲ့ အခန်းကဆက်ပြီး ပါဝင်သွားမယ်လို့ အမေရိကန်နိုင်ငံခြားရေးဝန်ကြီး Clinton ကပြောဆိုလိုက်ပါတယ်။

အင်္ဂါနေ့က Australia နိုင်ငံ Perth မြို့မှာ ၀န်ကြီးချုပ် Julia Gillard နဲ့ ဒေသတွင်း အကြောင်းအရာတွေ ကို ဆွေးနွေးကြစဉ်မှာ ခုလိုပြောဆိုခဲ့တာ ဖြစ်ပါတယ်။  အာရှ-ပစိဖိတ်ရေပြင်ဟာ ကမ္ဘာ့စီးပွားရေးရဲ့ အဓိက ဗဟိုအချက်အခြာဖြစ်လာပြီး ဒီဒေသအတွက် အမေရိကန်ရဲ့ ထိတွေ့ဆက်ဆံမှုတွေ တိုးချဲ့ရာမှာ အဓိကကျတဲ့ အချက်လည်း ဖြစ်တယ်လို့ ၀န်ကြီး Clinton ကပြောဆိုလိုက်ပါတယ်။

အာရှပစိဖိတ် ဒေသအတွက် အမေရိကန် စစ်တပ်ရဲ့ စိတ်ပိုင်းဖြတ်ထားမှုကိုလည်း သူကပြောဆိုခဲ့ ပါတယ်။  အာရှတိုက်မှာ စစ်ရေးချိန်ခွင်လျှာညီမျှဖို့ အမေရိကန်စစ်တပ်က ဆောင်ရွက်မယ်လို့ ပြီးခဲ့တဲ့နှစ်က ပြောဆိုထားခဲ့ပြီးနောက် အခု ထိပ်သီးတွေ့ဆုံမှုဟာ ပထမအကြိမ်ဖြစ်ပြီး ဒီအစီအစဉ်အရ အမေရိကန် မရိမ်းတပ်ဖွဲ့ဝင် ၂,၅၀၀ သြစတြေးလျနိုင်ငံမြောက်ပိုင်းမှာ အခြေစိုက်ဖို့ ရှိပါတယ်။

မြောက်ကိုရီးယား လက်နက်စမ်းသပ်မှု အထောက်အထားသစ်ရ
ဓာတ်ပုံ သက်သေအထောက်အထားသစ်တွေအရ မြောက်ကိုးရီးယားနိင်ငံဟာ ပဲ့ထိန်းတပ် ဒုံးကျည်တွေမှာ အသုံးပြုဖို့အတွက် ဒုံးလက်နက်မှာသုံးဖို့အတွက် အင်ဂျင်ကြီးတွေကို စမ်းသပ်နေတယ်လို့ John Hopkins တက္ကသိုလ်၊ အမေရိကန် ကိုးရီးယားအင်စတီကျု အစီရင်ခံစာက ဖော်ပြလိုက်ပါတယ်။

ဂြိဟ်တု ဓာတ်ပုံတွေအရ  Sohae ဂြိုဟ်တု လွှတ်တင်ရေးစခန်းမှာ စမ်းသပ်မှု နှစ်ကြိမ်ထက်မနည်း လုပ်ခဲ့ပြီး တကြိမ်က မကြာသေးခင် စက်တင်ဘာလ လယ်ပိုင်းလောက်က လုပ်ခဲ့တာဖြစ်ပါတယ်။

ဒီစမ်းသပ်ချက်တွေကို ကြည့်ခြင်းအားဖြင့် မြောက်ကိုးရီးယားဟာ ပိုပြီး ကြီးမားတဲ့ ဒုံးလက်နက်သုံး အင်ဂျင်ရဲ့ ကနဦးအဆင့်ကို လုပ်နေပြီလို့ ယူဆရပြီး ဒုံးလက်နက်တွေ လွှတ်တင်ဖို့ စမ်းသပ်ချက်တွေလည်း ထပ်လုပ် ဖို့ ပြင်ဆင်နေတယ်လို့ အဲဒီအစီရင်ခံစာက ဆိုပါတယ်။ 

အမေရိကန်နိုင်ငံမှာ ရွေးကောက်ပွဲတွေ ကျင်းပအပြီး မြောက်ကိုးရီးယားရဲ့ ဒုံးကျည် အစီအစဉ်တွေကို ရပ်တန့်ဖို့ သံတမန်ရေး ဆောင်ရွက်မှုကနေ အခုလို သတင်းထွက်ပေါ်လာတာ ဖြစ်ပါတယ်။ အမေရိကန်ရဲ့ ပဲ့ထိန်းတပ် ဒုံးနဲ့ တခြား လက်နက် ပြန့်ပွားမှု တားဆီးရေးအဖွဲ့ ကိုယ်စားလှယ် Robert Gallucci ကတော့ တောင်ကိုရီးယား နိုင်ငံအနေနဲ့ အချိန်ဆွဲမနေသင့်ဘူးလို့ ပြောခဲ့တာ ဖြစ်ပါတယ်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...