13.11.2012 နေ့ဖတ်ရန်သတင်းများ

by Myanmar Journal on Monday, November 12, 2012 at 4:27pm ·

ရခိုင်ပြဿနာ ဖြေရှင်းဖို့ ခေါင်းဆောင်ပိုင်းမှ ဦးဆောင်မှုမပေးနိုင်

အိုင်စီဂျီအဖွဲ့ရဲ့ ဆောင်ပုဒ်

မုန်တိုင်းကျနိုင်တဲ့ တိမ်တိုက်များ Storm Clouds on the Horizon ဆိုတဲ့ အစီရင်ခံစာမှာ မြန်မာနိုင်ငံမှာ ပြုပြင်ပြောင်းလဲရေးတွေ လုပ်နေပေမယ့် ရခိုင်ပဋိပက္ခအတွက် ရေရှည် ဖြေရှင်းဖို့ ပြတ်သားတဲ့ ခေါင်းဆောင်မှု မပေးနိုင်ရင် တိုင်းပြည် တည်ငြိမ်မှုကို ခြိမ်းခြောက်နိုင်တယ်လို့ အိုင်စီဂျီအစီရင်ခံစာက ထောက်ပြထား ပါတယ်။

ရခိုင်ပြည်နယ် ကချင်ပြည်နယ်တွင်းက ပြဿနာတွေကို အေးငြိမ်းအောင် ကိုင်တွယ်ဖို့ ခေါင်းဆောင်တွေအတွက် အဓိက စိန်ခေါ်မှုဖြစ်တယ်လို့ အိုင်စီဂျီရဲ့ အရှေ့တောင်အာရှ တာဝန်ခံ Jim_Della _Giacoma က ဘီဘီစီကိုပြောပါတယ်။

ဒါ့အပြင် လက်ရှိပြဿနာကို အဖြေရှာရာမှာ ခေါင်းဆောင်ပိုင်းက လုပ်သင့်တဲ့အချက်တွေနဲ့ ပတ်သက်လို့ ပထမဆုံး အနေနဲ့ လူတွေအားလုံးရဲ့ လူသားဖြစ်မှုဆိုတဲ့အခြေခံကို အသိမှတ်ပြုလက်ခံဖို့လိုတယ်။ နောက်ပြီးသူတို့တတွေကို အခုလိုတိုက်ခံရတာကနေ အကာအကွယ်ပေးတဲ့ အခွင့်အရေး အပြည့်ရှိဖို့လိုမယ်။ ဒီအပေါ်မှာအခြေခံပြီး မြန်မာပြည်မှာ ဘာသာတခုနဲ့တခု လူမျိုးစုတခုနဲ့တခု တိုက်ခိုက်တာတွေရပ်စဲပြီး ငြိမ်းချမ်းတဲ့ တိုင်းပြည်ကြီး ဖြစ်အောင်လုပ်ကိုလုပ်မယ်ဆိုတာ သဘောထား အမြင်ရှိရမယ်။ တိုင်းပြည်ရဲ့ ရေရှည် အကျိုးစီးပွားကို ကြည့်ပြီး အုပ်စုတခုနဲ့တခုကြား ခွဲမထားဘဲအတူပူးပေါင်းနေထိုင်အောင်လုပ်ရမယ်။

ပြီးတော့ အမျိုးမတူတဲ့အုပ်စုတွေကြား ခွဲခြားဆက်ဆံတာမလုပ်မိဖို့လိုမယ်။ မြန်မာနိုင်ငံဟာ လူမျိုးပေါင်းစုံ ဘာသာပေါင်းစုံ နေထိုင်တဲ့တိုင်းပြည်ဖြစ်လို့ ဒီမိုကရေစီကိုမျှော်မှန်းရင် လူမျိုးတမျိုး ဘာသာတမျိုးသာ ကြီးစိုးတဲ့ လူ့အဖွဲ့အစည်း မဖြစ်သင့်ပါဘူး။ ရေရှည်မှာတော့ ခေါင်းဆောင်အားလုံးဟာ နိုင်ငံသား ဘယ်သူဖြစ်သင့်တယ်ဆိုတဲ့ကိစ္စကို ကိုင်တွယ်ဖြေရှင်းရမယ်။ ဒါဟာ လက်ရှိခေါင်းဆောင်တွေ ဖြေရှင်းရမယ့်စိန်ခေါ်မှုပါဘဲလို့ Giacoma ကပြောကြားသွားပါတယ်။

အမျိုးသားဒီမိုကရေစီ အဖွဲ့ချုပ် နာယက အဖွဲ့ဝင် ဦးဝင်းတင်ကတော့ ရခိုင်ပဋိပက္ခဟာ ခက်ခဲရှုပ်ထွေးတဲ့အတွက် ခေါင်းဆောင်တယောက်က ထုတ်ပြောတာထက်စာရင် ဒေါ်အောင်ဆန်းစုကြည် နိုင်ငံတော်သမ္မတနဲ့ တိုင်းရင်းသားခေါင်းဆောင်တွေ စုပေါင်းအဖြေရှာသင့်တယ်လို့ ဘီဘီစီကိုပြောသွားပါတယ်။

မြေငလျင် ကြောင့် သေဆုံးသူ ၁၆ ယောက် ရှိ

တနင်္ဂနွေ နေ့က လှုပ်ခဲ့တဲ့ မြေငလျင် ဒဏ်ကြောင့် ဘုရား ပုထိုး တွေလည်း ထိခိုက်ခဲ့

စစ်ကိုင်းတိုင်းနဲ့ မန္တလေးတိုင်း တို့မှာ နိုဝင်ဘာလ ၁၁ ရက်နေ့က အင်အားပြင်း မြေငလျင် လှုပ်ခဲ့တဲ့ အတွက် သေဆုံးသူ နဲ့ ပျောက်ဆုံးသူ ၁၆ ယောက် ရှိပြီး ဒဏ်ရာရသူ ၆၁ ယောက် ရှိတယ်လို့ မြန်မာ အာဏာပိုင်တွေက ပြောပါတယ်။

၆ ဒဿမ ၈ ပြင်းအား ရှိတဲ့ မနေ့က မြေငလျင်ကြောင့် အိမ်ခြေ ၁၃၄ လုံး ပျက်စီး သွားတယ်လို့ ကယ်ဆယ်ရေးနဲ့ ပြန်လည် နေရာ ချထားရေး ဝန်ကြီး ဌာနက ဒုတိယ ညွှန်ကြား ရေးမှူးချုပ် ဦးစိုးဌေးက ဘီဘီစီကို ပြောပါတယ်။

သပိတ်ကျင်း မြို့နယ် မှာ အပျက် အစီး အများဆုံး ဖြစ်ခဲ့ပြီး အိမ်ခြေ ၁ဝဝ ကျော်ပျက်စီး သွားခဲ့ပါတယ်။

နောက်ထပ် သီတင်း နှစ်ပတ် အတွင်း နောက်ဆက်တွဲ မြေငလျင်တွေ လှုပ်နိုင် သေးတဲ့ အတွက် ကွဲအက် နေတဲ့ အဆောက် အဦ တွေမှာ နေထိုင်ခြင်း မပြုကြဖို့ သက်ဆိုင်ရာက ကြေညာထား ပါတယ်။

ငလျင်ဒဏ် ခံရသူတွေ အတွက် မြန်မာ အစိုးရဘက်က လောလောဆယ် ရွက်ဖျင် တဲနဲ့ အရေးပေါ် အစား အသောက်တွေ ကူညီ ပေးခဲ့ပြီး ကုလသမဂ္ဂနဲ့ အန်ဂျီအို အဖွဲ့တွေကလည်း အကူအညီတွေ ပံ့ပိုး ပေးမယ်လို့ ကမ်းလှမ်းထား ပါတယ်။

ပြီးခဲ့တဲ့ ၂၀၁၁ မတ်လက ရှမ်းပြည်နယ် အတွင်း လှုပ်ခတ်ခဲ့တဲ့ မြေငလျင်ကြောင့် လူ ၇၅ ယောက်ထက် မနည်း သေဆုံး ခဲ့ရ ပါတယ်။

ပျောက်ဆုံး စစ်သားများ အရေး နှစ်နိုင်ငံ ဆက်သွယ် ဆောင်ရွက်နေ

မောင်တောမှာ ဝင်တိုက်ခိုက်ပြီး ဖမ်းသွား ခံရတဲ့ စစ်သားတွေ ရှာမတွေ့သေး

ပြီးခဲ့တဲ့ သီတင်းပတ်က မြန်မာနဲ့ ဘင်္ဂလားဒေ့ရှ် နိုင်ငံ နယ်စပ် မောင်တော မြို့နယ် မှာ အမည် မသိတဲ့ လက်နက်ကိုင်တွေ ဝင်ရောက် တိုက်ခိုက် ပြီး ဖမ်းဆီး သွားခဲ့တဲ့ မြန်မာ စစ်အင်ဂျင်နီယာတပ်က တပ်သား သုံးယောက်ကို ရှာဖွေဖို့ နှစ်နိုင်ငံ ပူးပေါင်း ဆောင်ရွက် နေတယ်လို့ သိရ ပါတယ်။

ပျောက်နေတဲ့ မြန်မာ စစ်သားတွေကို ရှာဖွေ ပေးဖို့ မြန်မာ ဘက်က ဘင်္ဂလားဒေ့ရှ် နိုင်ငံကို အကြောင်းကြား ထားရာမှာ ရှာပေးမယ်လို့ ပြောကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ဘီဘီစီ ကိုပြော ပါတယ်။

သူတို့ကို နှစ်နိုင်ငံက ရှာဖွေမှုတွေ လုပ်နေပေမဲ့ လောလောဆယ် မှာတော့ ပျောက်နေတဲ့ စစ်သားတွေနဲ့ ပတ်သက်ပြီး ဘာ သတင်းမှ မရသေးဘူးလို့ သူက ပြောပါတယ်။

အခု ရက်ပိုင်း အတွင်း မူလ တိုက်ခိုက်မှု ဖြစ်ခဲ့တဲ့ နှစ်နိုင်ငံ နယ်စပ် မိုင်တိုင် အမှတ် ၅၂ အနားမှာ တိုက်ခိုက်မှုတွေ ရှိနေပြီး ဘယ်လက်နက်ကိုင် အဖွဲ့က တိုက်ခိုက် နေတာလည်း ဆိုတာ ကိုတော့ အတည် မပြုနိုင်သေးဘူးလို့ ရ သေးဘူးလို့ သူက ပြောပါတယ်။

၂ဝ၁၃ ဘတ်ဂျက် ဂရိ ပါလီမန် အတည်ပြု

၂၀၁၃ ဘတ်ဂျက် ဂရိ ပါလီမန် အတည်ပြု

ဂရိ ပါလီမန်က အစိုးရ အသုံးစရိတ် ဖြတ်တောက်မှုတွေ ခြိုးချန် ချွေတာရေး အစီအစဉ်တွေ တော်တော်များများပါတဲ့ ၂ဝ၁၃ ခုနှစ် ဘတ်ဂျက်ကို အတည်ပြု လိုက်ပါပြီ။

ခု အတည်ပြုလိုက်တဲ့ ဘတ်ဂျက်က ဂရိ အစိုးရ အတွက် အခရာ ကျလှပြီး နောက်ထပ် ဘဏ္ဍာရေး ကယ်ဆယ်မှု အကူအညီတွေ ထပ်ရဖို့ နိုင်ငံတကာက မြီရှင်တွေကို ဆွဲဆောင် နိုင်မှာ ဖြစ်ပါတယ်။

လာမယ့် နှစ်နှစ် အတွင်း အသုံးစရိတ် ဖြတ်တောက်ဖို့နဲ့ အခွန်တိုးကောက်ဖို့ သီးခြား အစီအစဉ် တခုကို အမတ် ၃ဝဝ ရှိတဲ့ ပါလီမန်မှာ ပယ်ချခံ ခဲ့ရပြီး ရက်ပိုင်း အတွင်းမှာ ၂ဝ၁၃ ဘတ်ဂျက်ကို လွတ်လွတ်ကျွတ်ကျွတ် မဲအများစုနဲ့ အတည်ပြု နိုင်ခဲ့တာ ဖြစ်ပါတယ်။

အခုလို အတည်ပြုလိုက်တဲ့ အတွက် ဂရိ နိုင်ငံဟာ ဘဏ္ဍာရေး ကယ်ဆယ် ကူညီမှု ဘီလီယံ ဒေါ်လာ လေးဆယ်လောက် ရမှာ ဖြစ်ပါတယ်။

ဗြိတိန်က အိန္ဒိယကို ပေးတဲ့ အကူ အညီ ရပ်မယ်

အိန္ဒိယ ဆင်းရဲသား လူဦးရေဟာ အာဖရိက တတိုက် လုံးက ဆင်းရဲသား ဦးရေနဲ့ တူညီ

ဗြိတိန် နိုင်ငံ အစိုးရက အိန္ဒိယ နိုင်ငံကို ဘဏ္ဍာရေး အကူအညီ ထပ်မံ မပေး တော့ဘူးလို့ ကြေညာလိုက် ပါတယ်။

အိန္ဒိယ နိုင်ငံက ပိုမို ချမ်းသာ ကြွယ်ဝ လာနေပြီ ဖြစ်တဲ့ အတွက် ဗြိတိန်ရဲ့ ကိုလိုနီ ဖြစ်ခဲ့ဖူးတဲ့ အိန္ဒိယကို ဖွံ့ဖြိုး တိုးတက်ရေး အကူအညီ တွေပေးတဲ့ ကိစ္စဟာ ဗြိတိန် နိုင်ငံမှာ အငြင်းပွား စရာ ဖြစ်နေခဲ့ ပါတယ်။

အခုချိန်ကစပြီး ၂၀၁၅ ခုအတွင်း မှာတင် အိန္ဒိယ နိုင်ငံအပေါ် ပေးနေတဲ့ အကူ အညီတွေကို တဖြည်းဖြည်းချင်း ဆိုင်းငံ့ပြီး ဒေါ်လာ သန်း ၃၂၀လောက် ထွက်လာမှာပါ။ အဲဒီနောက် ဗြိတိန် အစိုးရ အနေနဲ့ အိန္ဒိယနိုင်ငံအပေါ် နည်းပညာ အကူအညီ ပေးရေးကို အဓိက အာရုံစိုက် လုပ်သွားမှာ ဖြစ်ပါတယ်။

ဒီလို လုပ်တာဟာ အိန္ဒိယနိုင်ငံမှာ စီးပွားရေး အခြေအနေ အဆင့်အတန်း တိုးတက် လာတာကြောင့် ဖြစ်ပြီး ဒီဆုံးဖြတ်ချက်ကို ဗြိတိသျှ ပါလီမန် အမတ် တွေကလည်း ထောက်ခံ အားပေး ခဲ့ကြ တယ်လို့ နိုင်ငံတကာ ဖွံ့ဖြိုး တိုးတက်ရေး ဆိုင်ရာ ဗြိတိန် ဝန်ကြီး ဂျပ်စတင်း ဂရီးနင်းက Justine Greening က ပြောပါတယ်။

မနှစ်က အထိ အိန္ဒိယ နိုင်ငံဟာ ဗြိတိန်ရဲ့ အထောက် အပံ့ အများဆုံး ရတဲ့ နိုင်ငံ ဖြစ်ခဲ့ပြီး တိုက်ရိုက် ဘဏ္ဍာရေး အကူအညီ တနှစ်ကို စတာလင် ပေါင် ၂၂၇ သန်း ကို ၃ နှစ် ဆက်တိုက် ရခဲ့ ပါတယ်။

ဗြိတိန် အစိုးရက အခုလို အထောက်အပံ့တွေ မပေးတော့ဘူးလို့ ထုတ်ဖေါ် ကြေညာ လိုက်တာဟာ အိန္ဒိယ အစိုးရ အတွက် ကတော့ အံ့သြ တကြီး သိပ်မဖြစ် လှပဲ ဒီလို လုပ်မယ် ဆိုတာ အစောကြီး ကတည်းက မျှော်လင့် ထားခဲ့ တာပါ။

အိန္ဒိယ အစိုးရ အနေနဲ့ နိုင်ငံခြားက သူတို့ သဘော ဆန္ဒအလျောက် အကူ အညီတွေ ပေးမယ် ဆိုရင် လိုလို လားလား ယူဖို့ အဆင်သင့် ရှိပေမဲ့ သူတို့ဘက်က စပြီး အကူအညီ တောင်းခံ ခဲ့တာမျိုး ဘယ်တုန်း ကမှ မရှိခဲ့ပါဘူး။

အခုဆိုရင် အိန္ဒိယ နိုင်ငံဟာ ဗြိတိန် နိုင်ငံမှာ တတိယ အကြီးဆုံး ရင်းနှီး မြှုပ်နှံတဲ့ နိုင်ငံ ဖြစ်ပြီး EU ဥရောပ သမဂ္ဂ နိုင်ငံ တွေရဲ့ ပြင်ပမှာ ဆိုရင် ဗြိတိန် နိုင်ငံရဲ့ အကြီးဆုံး ဈေးကွက် နိုင်ငံ ဖြစ် ပါတယ်။

ဒါပေမဲ့ ဗြိတိန်က ပေးနေတဲ့ အထောက် အပံ့ အကူ အညီတွေဟာ အိန္ဒိယ နိုင်ငံရဲ့ အဆင်းရဲဆုံး ဒေသ တချို့က စီမံကိန်း တွေမှာ အကူ အညီပေးဖို့ အသုံးပြု နေတာဖြစ်ပြီး အခုလို အထောက် အပံ့တွေ ရပ်ဆိုင်း လိုက်တဲ့အတွက် အဲဒီ ဒေသက ဆင်းရဲသားတွေ ထိခိုက် နစ်နာမှုတွေ ရှိလာ မှာကို တချို့က စိုးရိမ် နေကြ ပါတယ်။

အိန္ဒိယမှာ ရှိတဲ့ ဆင်းရဲသူ လူဦးရေဟာ အာဖရိက တိုက် တစ်ခုလုံးမှာ ရှိနေကြတဲ့ ဆင်းရဲ မွဲတေသူ ဦးရေလောက် ရှိနေ သေးတဲ့ အတွက် အကူ အညီတွေ ဖြတ်တောက်ဖို့ စောလွန်း သေးတယ်လို့ ထိပ်တန်း ပရဟိတ ရန်ပုံငွေ အဖွဲ့ တွေက ပြောနေကြ ပါတယ်။

တရုတ်မြန်မာနယ်စပ်က စကျင်ပန်းပု ဈေးကွက်

တရုတ်-မြန်မာနယ်စပ် တရုတ်နိုင်ငံဖက်ခြမ်းက ရွှေလီ-ကျယ်ကောင်မှာ မြန်မာနိုင်ငံက ကျောက်ဆစ်တန်းတခုနဲ့မခြား စကျင်ကျောက်ရုပ်ထု အမျိုးမျိုးကို ထုလုပ်ရောင်းဝယ်နေကြတဲ့ ကျောက်ဆစ် ရုပ်တု လုပ်ငန်း ဈေးကွက်ကြီး တခု ဖြစ်ပေါ်နေတာ နှစ်ပေါင်း ဆယ်နဲ့ချီ ရှိနေပြီ ဖြစ်ပါတယ်။

ရွှေလီ နဲ့ ကျယ်ကောင်အကြားက ‘ကွမ်ရင်စစ်’ သီလရင်ကျောင်းရဲ့ နောက်ဖက် ဘေးဘယ်ညာတဝိုက်မှာ စကျင်ကျောက် ရုပ်ထုလုပ်ငန်း ရပ်ကွက်လေး တခု သဖွယ်ကို တွင်တွင် ကျယ်ကျယ် ဖြစ်ပေါ် တည်ရှိ နေပါတယ်။

ကျောက်တွေ အားလုံး လိုလိုဟာ မြန်မာနိုင်ငံ မတ္တရာမြို့နယ် စကျင်တောင်က ထွက်တဲ့ ‘စကျင်ကျောက်’တွေ ချည်းဖြစ်ပြီး တရုတ် ကျောက်နဲ့ထုတာ ဆိုလို့ တရုတ်ကြိုက် ခြင်္သေ့ရုပ်လေး တခုစ နှစ်ခုစက လွဲလို့ မရှိသလောက်ပါပဲ။

အလုပ်သမားတွေ အားလုံး လိုလိုဟာလဲ မြန်မာနိုင်ငံသား တွေချည်း ဖြစ်ကြပြီး စကျင် ကျောက်ထွက်ရာ ဒေသ မတ္တရာ‘စကျင်ရွာ’ကချည်း လူပေါင်း (၁ဝဝ)ကျော် လောက်ရှိသလို မန္တလေး ဘက်ကလဲ လူ (၅ဝ)ဝန်းကျင်လောက် ရှိပါတယ်။

လုပ်ငန်းရှင်၊ ဆိုင်ရှင်၊ လောင်ပန်း ဆိုသူတွေကတော့ တရုတ်တွေချည်း ဖြစ်ကြပြီး တရုတ်ပြည်သား စစ်စစ်တရုတ်၊ ဗမာပြည်ပေါက် တရုတ်နဲ့ ရှမ်းတရုတ်တွေပါ ပါပါတယ်။

ကုန်သည်နဲ့ ကုန်ပစ္စည်းလာရောက်ပို့ ဆောင်ရောင်းချသူ အဆင့်တွေထဲမှာတော့ ‘မြန်မာ’တွေလဲ အနည်း အပါးတော့ ရှိ ကြောင်း သိရပါတယ်။

မြန်မာနိုင်ငံဖက်ကနေ ဒီ ‘စကျင်ကျောက်’တွေကို ကျောက်တုံးအတိုင်း သယ်လာတာရှိသလို၊ ‘ပုံကြမ်းရိုက်ထားပြီး’အနေအထား၊‘ကြမ်းချောအဆင့်ပန်းပုရုပ်ထု’ အနေအထားတွေနဲ့လဲ သယ်ဆောင်လာတာ ရှိပါတယ်။ အသေးဆုံး (၁)ပေ၊ (၁)ပေအထက်ကနေ၊ တခုတည်း(၂၂) ဘီး ကားကြီးတစီးလုံးနဲ့ တင်လာရတဲ့အရွယ်အစားအထိ ပမာဏမျိုးစုံ ဆိုက်စုံ လာပါတယ်။

သတ္တုတွင်းဝန်ကြီးဌာနရဲ့ ခွင့်ပြုချက် ပါမစ်နဲ့ လာရ တာဖြစ်ပြီး ကုန်သည်နဲ့လုပ်ငန်းရှင်တွေဟာ ဒီလိုစကျင်ကျောက်နဲ့ ကျောက်ရုပ်ထုတွေကို တရားဝင် သယ်ဆောင်လာ နိုင်ရေးအတွက်၊ နာမည် ပေါက်ပြီးသား ‘ကုမ္ပဏီ’တွေနဲ့ ပေါင်းပြီး၊ လုပ်ငန်းအပ်နှံ လုပ်ဆောင်ရ တာဖြစ်ကြောင်း သိရပါတယ်။

“ ဟိုတုန်းက လွန်ခဲ့တဲ့ ၂ဝဝ၇ ခုနှစ် မတိုင်ခင် လောက်တုန်းကတော့ Border Trade ဆိုပြီး သယ်လာ၊ စကျင်က မန္တလေးတိုင်းက ထွက်တာဖြစ်ပြီး ရှမ်းပြည်မြောက်ပိုင်းထဲကနေ ဖြတ်သန်း သယ်ဆောင်ရမှာ ဖြစ်လေတော့ ‘လပခ’နဲ့‘ရမခ’ ခွင့်ပြုချက်ကို ယူလာပြီး (၁ဝ၅)မိုင်မှာ ဂျူတီ ဆောင်လိုက်ရင် ပြီးသွားပြီ၊ ကိုယ့်ဟာကိုယ် လုပ်လိုက်ရုံပဲ၊ အခုတော့ ကုမ္ပဏီကို အပ်ပြီး လုပ်ရတဲ့ သဘောဖြစ်လာတော့ ကုမ္မဏီကို ကုမ္ပဏီခရော အကျိုးဆောင်ခရော ပေးနေရတယ်။ ကုမ္ပဏီတွေပဲ သပိတ်ဝင် အိတ်ဝင် အမြတ်ရတယ်၊ ကျနော်တို့ ကုန်သည်ငယ် လေးတွေ အဖို့ သိပ်ပြီး အလုပ်မဖြစ်ဘူး။ ဒီလုပ်ငန်းကို တကယ်လုပ်တဲ့ ကုန်သည်လေး တွေဘက်က ပြောရရင် ကိုယ့်ဟာကိုယ် လုပ်လို့ ရတဲ့ ဟိုတုန်းက စနစ်မျိုးနဲ့ ပုံစံမျိုးကပဲ ကျနော်တို့ အတွက် ပိုကောင်းတယ် ပိုကြိုက်တယ်” လို့ စကျင်ကျောက်ရုပ်တု ကုန်သည်တဦးက လုပ်ငန်း အခြေအနေကို ရှင်းပြပါတယ်။

“ ၂၂ဘီး ကားကြီးတစီးမှာ-တန်(၃ဝ)တင်လို့ ရတယ်၊ စကျင်တတန်ကို မန္တလေးက ကျယ်ကောင်အရောက် ကျပ် (၈)သောင်း(၉)သောင်းနှုန်းအထိ ပေးရတယ်။ ဒီပစ္စည်းတွေကို တင်ဖို့ ချဖို့အတွက် ကရိန်းခက ကားတစီး ကျပ် (၅)သိန်း ကျတယ်၊ ရင်းရတဲ့အရင်းက မနည်းဘူး’ လို့လည်း ဆိုပါတယ်။

စကျင်ကျောက်မှာ ကျောက်သား အရည်အသွေး အနိမ့်အမြင့် အလိုက် ‘မဲဖြူ’ ‘သမက်ကြမ်း’ ‘သမက်အမ်း’ ‘ဖရောင်း’ စသဖြင့် -အဆင့်အမျိုးမျိုးရှိရာမှာ ‘ဖရောင်းသား’ကတော့ အကောင်းဆုံးပါပဲ။

ကျောက်တုံးရဲ့ အမျိုးအစား အရွယ်အစား အနိမ့်အမြင့် အထိုင်အနေ အထားအလိုက် ‘တုံးပြတ်’ ရောင်းဝယ်ကြတာရှိသလို၊ တန်ချိန်နှုန်း သို့ မဟုတ် ပေမီတာနှုန်း နဲ့ ရောင်းဝယ် ကြတာ တွေလဲ ရှိပါတယ်။

တရုတ်ပြည်ဖက်ခြမ်းမှာ ထုဆစ်၊ အချောကိုင်၊ ရောင်းဝယ်ဖေါက်ကားနေကြရာမှာ၊ စကျင်ကျောက်ရုပ်တုဈေးကွက်ကြီးထဲမှာ အများဆုံးအရောင်းအဝယ်လိုက်တာကတော့ ‘ကွမ်ရင်မယ်တော်’ ရုပ်တု အမျိုးမျိုးနဲ့ ဗုဒ္ဓ ရုပ်ပွားတော် တွေဖြစ်ပြီး၊ တရုတ်ရိုးရာ ရှေးဟောင်း ယုံကြည်ကိုးကွယ်မှု ဆိုင်ရာ နတ်နဲ့ ဘိုးတော်တွေဖြစ်တဲ့ ‘ဥတည်ဘွား’ရုပ်၊ အန်းကုန်း ၊ ကွမ်ကုန်း၊ ချိုင်စဲင်း စတဲ့ ရုပ်ထု မျိုးစုံ တွေလဲပဲ တော်တော်လေးတွင် ကျယ် ကြောင်း သိရပါတယ်။

ဒီရုပ်တုတွေကို မှာကြားချက်တွေ အလိုက် တရုတ်ပြည်နေရာအနှံ့ အတွင်း ပို့ ဆောင် ရောင်းဝယ် ဖေါက်ကားနေကြ တာ ဖြစ်ပြီး အများဆုံးသွားရတဲ့ နေရာတွေကတော့ ယူနန်၊ ဆီချွမ်း၊ ဖူးကျင့်နဲ့ ကွမ်တုန်း စတဲ့ ပြည်နယ်တွေ အတွင်းမှာ ဖြစ်တယ်ဆိုပါတယ်။

ရုပ်တုတွေရဲ့ ဈေးနှုန်းတွေကတော့ ကျောက်သားနဲ့ လက်ရာအလိုက်၊ အရွယ်အစားနဲ့ ထုထည်အလိုက် ဈေးနှုန်း အမျိုးမျိုး ရှိရာမှာ အသေးဆုံးက (၁)ပေ အောက်ရှိပြီး၊ အနိမ့်ဆုံး ယွမ် (၂ဝဝ) ဝန်းကျင်ကနေ(၁ဝ)မီတာမှ မီတာ(၂ဝ)အထိ ရုပ်ထုကြီးတွေမှာတော့ ယွမ်(၂)သိန်းခွဲကျော် (၃)သိန်းကနေ ယွမ်လေးငါးသိန်း အထိတောင် တန်ဖိုးသတ်မှတ် ရောင်းဝယ် နေကြတာ တွေလဲ ရှိပါတယ်။ ယွမ်ငွေ ထောင်ပိုင်း သောင်းပိုင်း ရုပ်တုတွေကတော့ ပိုပြီး များပါတယ်။

ဒီ ရုပ်တုတွေကို ထုလုပ်သူတွေ အားလုံး လိုလိုကတော့ မြန်မာ ယောက်ျား အလုပ်သမားတွေ ဖြစ်ကြပြီး လက်ရာနဲ့ လုပ်ငန်း ကျွမ်းကျင်မှု အလိုက် ကျွမ်းကျင် အလုပ်သမား တဦးကို တလ ယွမ် (၁၂ဝဝ)မှ (၁၅ဝဝ) (၁၈ဝဝ) အထိ ရကြပါတယ်။

အမျိုးသမီးတွေကတော့ ရုပ်တုတွေကို မှတ်ကြမ်းပွတ်၊ ကော်ပတ်စား၊ အဆင့်ဆင့် အချောကိုင်ရာတွေမှာ အလုပ်လုပ်ကြရပြီး၊ လုပ်ငန်းရဲ့ ကျွမ်းကျင်မှုနဲ့ အဆင့်အလိုက် လခစားလဲ ရှိသလို၊ နေ့ စားတွေလဲ ရှိပါတယ်။

မြန်မာ အလုပ်သမတဦးရဲ့ လက်ရှိ အမြင့်ဆုံးရငွေကတော့-ကိုယ်ထမင်းကိုယ်စား တလ ယွမ်(၈၅ဝ)ဖြစ်ပြီး တချို့လဲ ယွမ် (၇ဝဝ -၈ဝဝ)ပဲ ရသူတွေရှိသလို၊ နေ့စားတွေလဲ ရှိပါတယ်။ နေ့စားမှာလဲ အနိမ့်ဆုံးက ကိုယ့်ထမင်း ကိုယ်စား တနေ့(၂၅)ယွမ်နှုန်းရသူရော၊ စရိတ်ငြိမ်း တရက် (၂၅)ယွမ်နှုန်း ရသူပါ အမျိုးမျိုး အစားစား ရှိပါတယ်။

အောက်တိုဘာ၊ နိုဝင်ဘာက စပြီး တရုတ်နှစ်သစ် မကူးခင် ကာလအထိ အတွင်းဟာ စကျင် ကျောက်ရုပ်တုတွေရဲ့ အရောင်း အဝယ် အလိုက်ဆုံး အချိန် ဖြစ်ပါတယ်။

စကျင်ကျောက်ရုပ် ထုဈေးကွက်ကြီး အတွင်းမှာ အရင်နဲ့ နှိုင်းယှဉ်ရင် အရောင်းအဝယ်တွေ အေးနေတာ (၂) နှစ်ရှိ ပြီ ဖြစ်ပါတယ်။

ဒါပေမဲ့ ယုံကြည် ကိုးကွယ်မှုတွေနဲ့ ပတ်သက်နေတဲ့ လုပ်ငန်းမို့ ဆက်လက် ဖြစ်တည် ရှင်သန်နေမယ့် ဈေးကွက် တခုလို့ပဲ ဆိုရမှာပါ။

တရုတ်မြန်မာနယ်စပ်ကနေ ဘီဘီစီသတင်းထောက် ဦးမျိုးသစ် ပေးပို့တဲ့ သတင်း ဆောင်းပါး ဖြစ်ပါတယ်။

ဆိတ်နဲ့သိုး မွေးမြူဖို့ အစိုးရငွေထုတ်ချေး

ဆိတ်မွေးဖို့ အစိုးရ ငွေထုတ်ချေး

မန္တလေးတိုင်းအတွင်းမှာ ဆိတ်နဲ့သိုးတွေ မွေးမြူဖို့အတွက် အစိုးရက ချေးငွေအဖြစ် သိန်း ၁၄၅ဝ ကို ရွာပေါင်း ၁၁၈ ရွာက လူပေါင်း ၁၁၆ဝ ကျော်ကို မန္တလေးတိုင်း အစိုးရက ထုတ်ပေးခဲ့တယ်။

အန်ဂျီအို တချို့ကလည်း ဆိတ်သိုးမွေးမြူရေးတွေ လုပ်ပေးနေပေမယ့်လည်း ဈေးကွက်အနေအထားကတော့ မသေခြာမရေရာ ဖြစ်နေတယ်လို့ မြန်မာနိုင်ငံ မွေးမြူရေးလုပ်ငန်း အဖွဲ့ချုပ် က အထွေထွေအတွင်းရေးမှူး ဒေါက်တာ ခင်လှိုင် က ပြောပါတယ်။

ဒါ့အပြင် ဆိတ်ကို ပြည်ပကို တရားဝင်ပို့တာ မနှစ်က မရှိခဲ့ဘူး မူဆယ် နယ်စပ်ကနေ ပို့တာတော့ ရှိတယ်လို့ သူက ဆိုပါတယ်။

ဒါ့အပြင် လိုင်စင် စနစ်ကို ဖျက်သိမ်းဖို့ လိုတယ် ၊ ကိုယ့်မြို့နယ်မှာ မွေးတဲ့သူက ပေါ်နိုင်ဖို့ လိုတယ် ၊ ဈေးကွက်နဲ့ ပတ်သက်လို့ အစိုးရက ဝန်ဆောင်မှု အကူအညီတွေ မပေးတဲ့ အတွက် ကြိုးစား သလောက် ခရီး မပေါက်သေးဘူးလို့ သိရပါတယ်။

တရုတ်-မြန်မာနယ်စပ်က ထော်လာဂျီ ဈေးကွက်

တရုတ်ပြည် ဖက်ခြမ်းက ရွှေလီ၊ ကျယ်ကောင်၊ ကျန်းဖုန်း-ဘက်တွေ အထိ လာရောက် ဝယ်ယူ ကြပါတယ်

တရုတ်-မြန်မာနယ်စပ်မှာ ယူနန်ပြည်နယ် ‘တာ့လီ’ မြို့က ထုတ်တဲ့ ထော်လာဂျီတွေ အများဆုံး တွင်ကျယ်နေပြီး၊ လိဖန် ကုမ္မဏီက ထုတ်တဲ့ ‘စစ်ကျွင့်’ နဲ့‘လိဖန်’တံဆိပ်တွေ မြန်မာနိုင်ငံကို အများဆုံး ဝင်ရောက်နေ ပါတယ်။

ရွှေလီ နဲ့ကျယ်ကောင် ကြားမှာ ထော်လာဂျီ အသစ်ရောင်းတဲ့ အရောင်းဆိုင် ဝင်းကြီးတွေ ရှိသလို၊ ထော်လာဂျီ တပတ်ရစ်နဲ့ အဟောင်းတွေ ရောင်းတဲ့ နေရာတွေလဲ ရှိပါတယ်။

ထော်လာဂျီတွေကို ဝယ်ယူပြီး၊ ကျယ်ကောင်-မူဆယ်ဘက် ကနေ သွားကြ တာတွေရှိ သလို၊ ကျန်းဖုန်း-လွယ်ဂျယ်-ဗန်းမော်လမ်း၊ ထိန်ချုံး-ကန်ပိုက်တီးဖက် လမ်း၊ (အရင်က ကေအိုင်အေ နဲ့ အစိုးရကြား-တိုက်ပွဲတွေမဖြစ်ခင်ကဆိုရင်- ယင်ကျန်း-လိုင်ဇာ-မြစ်ကြီးနားလမ်း)- စသဖြင့် တရုတ်-မြန်မာနယ် စပ်ပေါက်လမ်း အသီးသီး ကနေလဲ မြန်မာ နိုင်ငံ အတွင်းကို သွားကြရာမှာ- ကျယ်ကောင်-မူဆယ် လမ်းကြောင်း ကနေ သွားကြတာတွေဟာ အများ ဆုံးဖြစ်ပါတယ်။

ထော်လာဂျီ အရောင်းအဝယ် အသွက်ဆုံး ရာသီချိန်ကတော့ အောက်တိုဘာလ ဆန်းမှ သင်္ကြန်မ တိုင်ခင် ဧပြီလဆန်း အထိ ဖြစ်ကြောင်း သိရပြီး၊ အဲဒီ အချိန်တွေမှာ နေ့စဉ်ဖျမ်းမျှ ထော်လာဂျီ စင်းရေ ဆယ်နဲ့ ချီပြီး မြန်မာနိုင်ငံ အတွင်းကို သွင်းရပါတယ်။

ဈေးနှုန်း

လေးလုံးထိုးကြီးတွေ ကတော့ မြန်မာနိုင်ငံမှာ ကားအဖြစ် စာရင်းသွင်းထားပြီး ယွမ် ၅၄၀ဝ၀ အထိ ဈေးပေါက်

ထော်လာဂျီ အသစ်တွေကို ရွှေလီ-ကျယ်ကောင် ဈေးကွက်က အသစ် အရောင်းဆိုင်တွေမှာ လာရောက် ဝယ်ယူနိုင်ကြပါတယ်။

ဈေးတွေ ကတော့ ‘ကျွဲချို -တလုံးထိုး’ တွေက ယွမ် (၈၀ဝ၀ မှ ၁၀ဝ၀ဝ )ကြား ပေါက်ဈေးရှိပါတယ်။ ‘လိဖန်’ကုမ္မဏီထွက် ထော်လာဂျီတွေက‘ စစ်ကျွင့် ’ အမျိုးအစား- ဘီးလေးဘီး-စိမ်းပုပ်ရောင်- တလုံးထိုး ထော်လာဂျီတစီး ယွမ် (၃၂၈၀ဝ)၊ ‘လိဖန် ’ အမျိုးအစား (၆)ဘီးတပ် ခေါင်းဖုံးဖွင့်ထား တလုံးထိုး ထော်လာဂျီ-တစီး-ယွမ် ( ၃၇၀ဝ၀) ‘လိဖန် ’ အမျိုးအစား- (၆)ဘီးတပ်- အဖုံးပါ -တလုံးထိုးထော်လာဂျီ တစီး- ယွမ် (၃၆၀ဝ၀) ဈေး ရှိပါတယ်။

‘လိဖန် ’ လေးလုံးထိုးကြီးတွေ ကတော့ ( မြန်မာနိုင်ငံမှာ ကားအဖြစ် စာရင်းသွင်း ထား) ယွမ် (၅၄၀ဝ၀)အထိ ဈေးပေါက်ပါတယ်။

ထော်လာဂျီ တပတ်ရစ်နဲ့ အဟောင်းတွေ ကိုလဲ ရွှေလီ-ကျယ်ကောင် ဈေးကွက် အတွင်း လှည့်လည် ရှာဖွေ ဝယ်ယူနိုင်ကြပြီး၊ ထော်လာဂျီရဲ့ အခြေအနေ အလိုက် ‘ကြိုက်ရောင်း-ကြိုက်ဝယ်’ ဈေးဖြစ် နေရာမှာ - ကျွဲချိုဟောင်း- တလုံးထိုးက ယွမ်( ၁၈၀ဝ မှ ၄၀ဝ၀) ကြား အရောင်းအဝယ် ဖြစ်နေသလို၊ ထော်လာဂျီ အဟောင်း ရောင်း လုပ်ငန်းရှင် တရုတ်ကြီး တယောက်ရဲ့ အဆိုအရ၊ ထော်လာဂျီ ဟောင်း တလုံးထိုးက ယွမ် (၁၂၀ဝ၀ မှ ၁၅၀ဝ၀ )ကြား ရှိပြီး၊ လေးလုံးထိုး ဟောင်းကြီးတွေက ယွမ် (၁၅၀ဝ၀ မှ ၁၈၀ဝ၀ )အထိ ဈေးရှိပါတယ်။

လက်ရှိအနေအထားအရ ထော်လာဂျီ အသစ်တစီးဟာ ဝယ်ရင်းဈေးရော လိုင်စင် ကြေးပါ အပြီးအစီး မြန်မာပြည်တွင်း အရောက် ဆိုရင် ကျပ်ငွေ သိန်း(၅၀)ကျော်မှ (၆၀)အထိ ကျပြီး၊ အဟောင်းက ကျပ်-သိန်း(၂၅ နဲ့ ၃၅)ကြားပဲ ကုန်ကျတယ်လို့ သိရပါတယ်။

မြန်မာဘက်က အဝယ်လိုက်

လေးလုံးထိုးကြီးတွေ ကတော့ အကြမ်းခံလို့ အုတ်-သဲ-ကျောက် လုပ်ငန်းတွေမှာ အများဆုံးသုံး

မြန်မာနိုင်ငံ အနယ်နယ်အရပ်ရပ်က ထော်လာဂျီ ကုန်သည်ပွဲစားနဲ့ လုပ်ငန်းသုံး သမားတွေ- တရုတ်ပြည် ဖက်ခြမ်းက ရွှေလီ၊ ကျယ်ကောင်၊ ကျန်းဖုန်း-ဘက်တွေ အထိ လာရောက် ဝယ်ယူကြတာ အမြဲလိုလို ရှိပါတယ်။

လတ်တလော အနေအထားမှာတော့ မြန်မာနိုင်ငံက ထော်လာဂျီ အရောင်းအဝယ် သမားတွေဟာ အသစ် စက်စက်ထက် အဟောင်းနဲ့ တပတ်ရစ်ကိုပဲ ဝယ်လို အား ပိုများနေတာ တွေ့ရ ပါတယ်။

အဟောင်းက အသစ်ထက် ဈေးခေါက်ချိုးလောက် ကွာတာ ကြောင့် ဝယ်ကြတာ ဖြစ်သလို၊ “ အသစ်တစီး ဝယ်မယ့် အစား၊ အဟောင်းနှစ်စီး ဝယ်လိုက် တော့၊ လုပ်ငန်းခွင်မှာ နှစ်မျိုး ခွဲသုံးလို့ ရသလို၊ အငှါးလိုက်မယ် အငှါး ချပေးမယ် ဆိုရင်လဲ နှစ်စီးဆိုတော့ နှစ်စီးစာ ဝင်ငွေရတာပေါ့။ ဒါကြောင့် အသစ်တစီးထက် အဟောင်း နှစ်စီးက တွက်ချေကိုက်လို့ အဟောင်းကို ရှာပြီး ဝယ်ကြတာ-”လို့ ထော်လာဂျီ ပွဲစားတဦးက ရှင်းပြပါတယ်။

အမြန်နှုန်းနဲ့ ဝန်တင်အား

တလုံးထိုးတွေက တနာရီ-မိုင် (၄၀)နှုန်းလောက် မောင်းနှင် နိုင်ပြီး၊ လေးလုံးထိုး တွေက တနာရီ မိုင် (၆၀ မှ ၈၀)အထိ တောင် မောင်းနှင် နိုင်ပါတယ်။

ကုန်တင်-ဝန်တင်နိုင် အားကလဲ၊ တလုံးထိုး ကျွဲချိုက ကီလို (၅၀ဝ)ဝန်းကျင်၊ ပုစဉ်းခေါင်းက ကီလို(၇၅၀)ဝန်းကျင်၊ နှစ်လုံးထိုးက ( ၃)တန်မှ (၅)တန် ဝန်းကျင်၊ လေးလုံးထိုးကြီး တွေ ကတော့ (၁၀)တန် ဝန်းကျင် အထိတောင် တင်နိုင် သယ်နိုင်ကြတဲ့ အတွက် မြန်မာနိုင်ငံမှာလဲ ထော်လာဂျီ အသုံးပြုသူတွေ တနေ့တခြား တိုးတက် များပြားလာပါတယ်။

လယ်ယာ လုပ်ငန်းနဲ့ ပတ်သက်ပြီး ကောက်ပဲသီးနှံ သယ်ယူပို့ဆောင် ရောင်းဝယ် ဖေါက်ကား ရာတွေမှာလဲ အသုံးပြုနိုင် သလို၊ ခရီး သွားလာရာတွေ မှာလဲ အသုံးပြုနိုင် ပါတယ်။

အသစ် စက်စက်ထက် အဟောင်းနဲ့ တပတ်ရစ်ကိုပဲ ဝယ်လိုအား ပိုများနေ

လေးလုံးထိုးကြီးတွေ ကတော့ အကြမ်းလည်း ခံတဲ့အတွက်၊ အုတ်-သဲ-ကျောက်-သယ်ယူပို့ ဆောင်ရေး လုပ်ငန်းတွေမှာ အများဆုံး အသုံးပြု ကြပါတယ်။

မြန်မာနိုင်ငံတဝန်းမှာ ထော်လာဂျီ အသုံးပြုမှု အင်မတန် များပြား လာတာကြောင့် ထော်လာဂျီ အသစ် အဟောင်း ရောင်းဝယ်ရေး ဈေးကွက်ကြီး ဟာလဲ အဆက်မပြတ် ကြီးထွား နေပါ တယ်။

မန္တလေး၊ မေမြို့၊ မိတ္တီလာ-အပါအဝင် နယ်စုံက ထော်လာဂျီ အရောင်းအဝယ် သမားတွေဟာ တရုတ်ပြည် နယ်စပ် အထိ တက်လာပြီး၊ ဝယ်ယူကြတာတွေ တွေ့ရသလို၊ မန္တလေးမှာဆိုရင်- ‘မြောက်ပြင်’တခိုဟာ ထော်လာဂျီ အရောင်းအဝယ် လုပ်ကြရာ ဈေးတန်းကြီး သဖွယ်တောင် ဖြစ်လာနေတယ် လို့ ထော်လာဂျီ ပွဲစားတွေ အဆိုအရ သိရပါတယ်။

ထော်လာဂျီ အရောင်းအဝယ် လုပ်ငန်းဟာ မော်တော်ကား အရောင်း အဝယ် လုပ်ငန်းကြီး လိုပဲ၊ အင်မတန် ကြီးကျယ်တဲ့ လုပ်ငန်းကြီး တခုအဖြစ် ဖြစ်တည် ပေါ်ပေါက်လာနေပြီး၊ ကျပ်ငွေ သိန်း ရာဘရိတ်ကနေ ထောင်ဘရိတ် အထိတောင် ရင်းနှီး မြှုပ်နှံ လည်ပတ်ရတဲ့ စီးပွားရေး လုပ်ငန်းကြီး တခုလဲ ဖြစ်နေပါတယ်။

ဘီဘီစီသတင်းဌာန အကြီးအကဲ ၂ ဦးကို တာဝန်ရပ်နား

ကွယ်လွန်သွားပြီး ဖြစ်တဲ့ Jimmy Szvile ရဲ့ လိင်မှု အရှုပ်တော်ပုံ ကိစ္စကို စစ်ဆေးနေစဉ် တာဝန်တွေကို ရပ်နားထား

ဘီဘီစီ အသံလွှင့် ဌာန အကြီးအကဲ နှုတ်ထွက် သွားပြီးတဲ့နောက် နောက်ထပ် ဘီဘီစီ သတင်းပိုင်း ဆိုင်ရာ အကြီးအကဲ Helen Boaden နဲ့ သူ့ရဲ့ လက်ထောက်ဖြစ်သူ Steve Mitchell တို့ နှစ်ယောက် စလုံးလည်း ဘီဘီစီရဲ့ သတင်းပိုင်း ဆိုင်ရာ တာဝန်ယူမှုတွေ ကနေ ခေတ္တ ဘေးဖယ် ထားလိုက် ပါတယ်။

ပြဿနာရဲ့ မူလ အစ ဖြစ်တဲ့ ဘီဘီစီ အစီအစဉ် တင်ဆက်သူ Jimmy Szvile က လွန်ခဲ့တဲ့ နှစ်ပေါင်း ၃၀ ကျော်က ကလေးငယ်တွေ အပေါ် မတော် မတရား ပြုလုပ်ခဲ့တယ် ဆိုတဲ့ ကိစ္စနဲ့ ပတ်သက်ပြီး စုံစမ်း စစ်ဆေး မှုတွေ ပြုလုပ် နေစဉ်မှာ အခု ဘီဘီစီရဲ့ အကြီးအကဲ နှစ်ယောက်က သူတို့ တာဝန်တွေ ကနေ ခေတ္တ ဖယ်ပေး ခဲ့ကြတာ ဖြစ်ပါတယ်။

ဘီဘီစီရဲ့ News Night ရုပ်မြင်သံကြား အသံလွှင့် အစီအစဉ် က ဖော်ပြခဲ့တဲ့ သတင်း တပုဒ်မှာ ဗြိတိသျှ နိုင်ငံရေး သမားကြီး တစ်ယောက်ကို မှားယွင်း စွပ်စွဲမိခဲ့မှု ပါသွားခဲ့ ပြီးတဲ့နောက် ဘီဘီစီ ညွှန်ကြားရေးမှူးချုပ် George Entwistle က တာဝန် ယူပြီး နှုတ်ထွက် သွားခဲ့ပါတယ်။

News Night အစီ အစဉ် ထုတ်လွှင့်မှုမှာ တာဝန်ရှိသူ the Bureau of Investigative Journalism ရဲ့ အယ်ဒီတာ Iain Overton လည်း အခု ရာထူးကနေ နုတ်ထွက် သွားပါတယ်။

ယာယီ ခန့်အပ်ခံရတဲ့ ညွှန်ကြားရေးမှူးချုပ် Tim Davie က မှားယွင်းတဲ့ သတင်း ထုတ်လွှင့် ခဲ့မှုဟာ ဘီဘီစီ News ဌာနရဲ့ စီမံ ခန့်ခွဲမှုပိုင်း ရှုပ်ထွေးမှု ကြောင့် ဖြစ်တယ်လို့ ပြောပါ တယ်။