06.11.2012 နေ့ဖတ်ရန်သတင်းများ

by Myanmar Journal on Monday, November 5, 2012 at 4:25pm ·

နော်ဝေအစိုးရ မြန်မာ့ လျှပ်စစ်ရရှိရေး ဒေါ်လာ ရှစ်သိန်းခွဲ ထောက်ပံ့

နော်ဝေဝန်ကြီးချုပ် Jens Stoltenberg နဲ့ မြန်မာသမ္မတဦးသိန်းစိန် နေပြည်တော်တွင် တွေ့ဆုံစဉ်။

မြန်မာနိုင်ငံ လျှပ်စစ်ဓာတ်အားဖြန့်ဖြူးရေးဆိုင်ရာ ဥပဒေကို နိုင်ငံတကာ စံချိန်စံညွန်းနဲ့ ကိုက်ညီအောင် မြှင့်တင်ပေးရေး အတွက် မြန်မာနိုင်ငံကို နော်ဝေနိုင်ငံက အမေရိကန်ဒေါ်လာ ၈သိန်းခွဲ အကူအညီပေးဖို့ ကတိပြု လိုက်တဲ့အကြောင်း အာရှဖွံ့ဖြိုးရေးဘဏ် ADB က ပြောပါတယ်။

လူတိုင်းစွမ်းအင် အသုံးချခွင့် ရရှိရေး ဆိုတာဟာ နော်ဝေနိုင်ငံရဲ့ အဓိက ဦးစားပေး ကိစ္စဖြစ်တယ် လို့ မြန်မာနိုင်ငံကို ရောက်နေတဲ့ နော်ဝေနိုင်ငံခြားရေးဝန်ကြီး Espin Barth Eide က တနင်္လာနေ့မှာ ပြောလိုက်တာပါ။

ခေတ်မှီစွမ်းအင်တွေ မရဘူးဆိုရင် ဘယ်လိုမှ ဖွံ့ဖြိုးတိုးတက်မှုတွေ မရှိနိုင်ဘူးလို့လည်း သူက ပြောပါတယ်။ အခုလို ကူညီမယ့်အထောက်အပံ့ကို မြန်မာနိုင်ငံရဲ့ လက်ရှိ စွမ်းအင်ဆိုင်ရာ ဥပဒေကို ပြန်လည် သုံးသပ်ပြီး လျော်ကန် သင့်မြတ်တဲ့ မူဝါဒတွေ ချမှတ်နိုင်ဖို့အတွက် အသုံးပြုမှာဖြစ်တယ်လို့ အာရှဖွံ့ဖြိုးရေးဘဏ်ကပြောပါတယ်။ဒီလိုအကောင်အထည်ဖေါ်မှုကို ၁၈ လကြာ အချိန်ယူလိမ့်မယ်လို့ မျှော်မှန်းထားပြီး လာမယ့် ၂၀၁၄ ခုနှစ် ဇွန်လမှာ အပြီးသတ်နိုင်လိမ့်မယ်လို့ အာရှဖွံ့ဖြိုးရေးဘဏ်က ပြောပါတယ်။

အလားတူ မကြာသေးခင်က နေပြည်တော်မှာ သမ္မတဦးသိန်းစိန်နဲ့ တွေ့ဆုံခဲ့တဲ့ EU ဥရောပသမဂ္ဂအဖွဲ့ရဲ့ ကော်မရှင်နာ မင်းကြီး José Manuel Barroso ကလည်း မြန်မာနိုင်ငံဖွံ့ဖြိုးတိုးတက်မှုအတွက် အထောက်အကူ အမေရိကန်ဒေါ်လာ သန်းပေါင်း ၁၀၀ ကျော် အထောက်ကူပေးဖို့ ကမ်းလှမ်းခဲ့ပါတယ်။ ဆယ်စုနှစ်နဲ့ ချီပြီး မြန်မာနိုင်ငံအပေါ် စီးပွားရေး ဒဏ်ခတ်ပိတ်ဆို့ အရေးယူမှုတွေ ပြုလုပ်ခဲ့ပြီးတဲ့နောက် အခုတော့ ခေါင်းဆောင်တွေဟာ ကုန်သွယ်ရေး တိုးမြင့် ဆောင်ရွက်ဖို့ အရေးကို ဆွေးနွေးခဲ့ကြပါတယ်။

အဓိကပြည်နယ်တွေမှာ Obama နဲ့ Romney အကြိတ်အနယ် မဲဆွယ်

 

President Barack Obama နဲ့ ပြိုင်ဖက်Republican presidential candidate, former Massachusetts Gov. Mitt Romney

အမေရိကန်ပြည်ထောင်စုရဲ့ နောက်လာမယ့် ၄ နှစ်တာကာလမှာ သမ္မတအဖြစ် တာဝန် ထမ်းဆောင်ဖို့ ရွေးချယ်မယ့်သမ္မတရွေးကောက်ပွဲ မဲဆွယ်စည်းရုံးရေး နောက်ဆုံးရက်ကိုရောက်ရှိခဲ့ပါပြီ။ သမ္မတလောင်း ၂ ဦးစလုံးဟာ တနင်္လာနေ့မှာ ပြည်နယ်တွေတော်တော်များများကို သွားရောက် မဲဆွယ်နေကြပါတယ်။ ကြိုတင်မဲစစ်တမ်းတွေအရကတော့ ၂ ဦးစလုံး သူမသာ ကိုယ်မသာ အနေအထားမျိုးမှာရှိပါတယ်။ သမ္မတလောင်းတွေအပေါ် ထောက်ခံသူတွေ အနေအထားဟာ အဓိကကျတဲ့ Ohio၊ Florida၊ Wisconsin၊ Virginia၊ Colorado ၊ Iowa စတဲ့ ပြည်နယ်တွေမှာ ကွာခြားမှုသိပ်မရှိတာကိုတွေ့ရပါတယ်။

လက်ရှိသမ္မတ Obama ဟာ တနင်္လာနေ့မှာ Wisconsin၊ Iowa နဲ့ Ohio ပြည်နယ်တွေ ကို  ပြန်လည်သွားရောက်ပြီး မဲဆွယ်မှုတွေပြုလုပ်ပြီးတဲ့နောက် သူနေထိုင်ရာ illinois ပြည်နယ် Chicagoမြို့ကို ထွက်ခွာ သွားပါတယ်။ရွေးကောက်ပွဲကျင်းပတဲ့ အင်္ဂါနေ့တနေ့လုံး မစ္စတာအိုဘားမားဟာ Chicagoမြို့မှာ ရှိနေမှာ ဖြစ်ပါတယ်။

Republican ပါတီ သမ္မတလောင်း မစ္စတာ  Romney ကတော့ တနင်္လာနေ့ စောစောပိုင်း Florida ပြည်နယ်မှာ မဲဆွယ် စည်းရုံးမှု ပြုလုပ်ပြီး Virginia၊ Ohio နဲ့ New Hampshire ပြည်နယ်တွေကို သွားရောက်ပါလိမ့်မယ်။ ရွေးကောက်ပွဲနေ့မှာ တော့ မစ္စတာ Romneyဟာ သူနေထိုင်ရာ Massachusetts ပြည်နယ်မှာရှိနေမှာဖြစ်ပါတယ်။

မြန်မာ့လူ့အခွင့်အရေးအခြေအနေ သြစတြေးလျဝန်ကြီးချုပ် စိုးရိမ်

သြစတြေးလျဝန်ကြီးချုပ် Julia Gillard နဲ့ မြန်မာသမ္မတ ဦးသိန်းစိန်တို့ တနင်္လာနေ့က လာအိုနိုင်ငံ၊ ဗီယန်ကျန်းမြို့ မှာ တွေ့ဆုံခဲ့ပါတယ်။ ( သတင်းဓာတ်ပုံ၊ သမ္မတရုံးဝဘ်ဆိုက်ဒ်)

သြစတြေးလျဝန်ကြီးချုပ်  Julia Gillard ဟာ မြန်မာသမ္မတဦးသိန်းစိန်နဲ့ တနင်္လာနေ့က လာအိုနိုင်ငံ၊ ဗီယန်ကျန်းမြို့မှာ တွေ့ဆုံခဲ့ပါတယ်။ အာရှ-ဥရောပ ASEM ထိပ်သီး အစည်းအဝေးတက်ဖို့ လာအိုနိုင်ငံမှာ ရောက်နေကြတဲ့ အချိန်အတွင်း သူတို့နှစ်ဦးတွေ့ဆုံခဲ့တာပါ။ သြစတြေးလျအခြေစိုက် မြန်မာနိုင်ငံအရေး လှုပ်ရှားသူတွေကတော့ သြစတြေးလျအစိုးရအနေနဲ့ စီးပွားရေးဆိုင်ရာ ကိစ္စရပ်တွေအပြင် လူ့အခွင့်အရေးဆိုင်ရာ ကိစ္စရပ်တွေကိုလည်း အလေးထားဖို့ လိုလားနေကြပါတယ်။ အပြည့်အစုံကို ကိုကျော်ကျော်သိန်းက တင်ပြထားပါတယ်။

သြစတြေးလျဝန်ကြီးချုပ် Julia Gillard ဟာ မြန်မာသမ္မတဦးသိန်းစိန် နဲ့ တွေ့ဆုံခဲ့တာဟာဖြင့်နှစ်ပေါင်း ၃၀ နီးပါး အတွင်း သြစတြေးလျဝန်ကြီးချုပ်တဦးနဲ့ မြန်မာနိုင်ငံရဲ့ အဆင့်အမြင့်ဆုံး တာဝန်ရှိသူတဦး တို့ တွေ့ဆုံ ဆွေးနွေးကြတာဖြစ်ပါ တယ်။ သြစတြေးလျအစိုးရ အနေနဲ့ မြန်မာနိုင်ငံက အပြောင်းအလဲတွေကို အသိအမှတ်ပြုတဲ့ အနေနဲ့ သြစတြေးလျ နိုင်ငံခြားရေးမူဝါဒ ကို အပြောင်းအလဲ လုပ်ခဲ့သလို အခုတွေ့ဆုံမှုဟာလည်း အဲဒီအပြောင်းအလဲတွေ ကို နောက်ထပ် အသိအမှတ်ပြုတဲ့ နည်းလမ်း တခုဖြစ်တယ်လို့ Ms Gillardက ပြောတာကို သြစတြေးလျနိုင်ငံတွင်းက လာတဲ့သတင်းတွေမှာ ကိုးကားပြီး ရေးထားပါတယ်။

မြန်မာနိုင်ငံက လူနည်းစု တိုင်းရင်းသားတွေရဲ့ လူ့အခွင့်အရေးအခြေအနေနဲ့ ပတ်သက်ပြီး သြစတြေးလျနိုင်ငံက ဆက်ပြီး စိုးရိမ်မှုရှိနေတယ်ဆိုတာကို သူ သေချာပေါက် ပြောဆိုမှာဖြစ်တယ်လို့ သမ္မတဦးသိန်းစိန်နဲ့ မတွေ့ဆုံခင်မှာ Ms Gillard က ပြောခဲ့တာကိုလည်း ABC သတင်းက ကိုးကားပြီး ရေးထားပါတယ်။

ရခိုင်ပြည်နယ်က ဖြစ်ရပ်တွေနဲ့ ပတ်သက်ပြီးမစ္စဂီးလာ့ဒ်က သမ္မတဦးသိန်းစိန် ကို ပြောဆိုမယ် ဆိုတာကို သြစတြေးလျ အခြေစိုက် မြန်မာ့အရေးလှုပ်ရှားသူ သြစတြေးလျ-မြန်မာရုံး ရဲ့ ညွှန်ကြားရေးမှူး ဒေါက်တာမြင့်ချို က လက်ခံ ပြောဆိုပါတယ်။

“ရခိုင်ပြည်နယ်မှာ ဖြစ်နေတဲ့ကိစ္စတွေနဲ့ပတ်သက်ပြီးတော့ ပါဝင်တဲ့ ဘက်နှစ်ဘက်စလုံးက ငြိမ်းငြိမ်းချမ်းချမ်းနဲ့တွေ့ဆုံပြီးတော့ သတ်ဖြတ်တာတွေ၊ မီးရှို့တာတွေ ရပ်စဲပေးဖို့ တောင်းဆိုတာတွေ ရှိတယ်။ မြန်မာအစိုးရကိုလည်း ဒါနဲ့ပတ်သက်ပြီးတော့ ထိထိရောက်ရောက် ရပ်စဲသွားအောင် လုပ်ပေးဖို့ တောင်းဆိုထားတာရှိတယ်။ ဒါ့အပြင် နစ်နာတဲ့ နှစ်ဖက်ပြည်သူ အကုန်လုံးကို လည်း နိုင်ငံတကာကရော၊ သြစတေးလျအစိုးရကရော လူသားချင်းစာနာတဲ့ အကူအညီတွေကို တောက်လျောက်ပဲ ပေးနေပါတယ်။ ဒါကြောင့်မို့လို့ သူတို့အနေနဲ့ ဒီအပေါ်မှာ စိုးရိမ်စိတ် ရှိတယ်ဆိုတာကို ကျနော်တွေ့ရပါတယ်။ ဆက်ပြီးတော့လည်းပဲ သူတို့အနေနဲ့ လူမျိုးမရွေး၊ ဘာသာမရွေး၊ အားလုံးကို ကူညီပေးဖို့ ရခိုင်ပြည်နယ်ကို အာရုံစိုက်ပြီးတော့ ကူညီပေးမယ့် အစီအစဉ်တွေ ရှိလာနိုင်ဦးမှာပါ။”

သြစတြေးလျအခြေစိုက် ရိုဟင်ဂျာလူ့အခွင့်အရေးအဖွဲ့က ကိုအန်န်ဝါကလည်း သူတို့အနေနဲ့ ရခိုင်ပြည်နယ် ကဖြစ်ရပ်တွေနဲ့ ပတ်သက်ပြီး သြစတြေးလျအစိုးရကို တိုက်တွန်း တောင်းဆိုထားတာတွေ ရှိတဲ့အကြောင်း ပြောပါတယ်။

“အရင်ဆုံးက ကျနော်တို့ Foreign  Minister box က လည်းပဲ ကိုယ်တိုင်ကိုယ်ကျ ပေးထားတယ်။နောက် ဒီက MP တွေနဲ့ လည်း ထိတွေ့ပြီးတော့ ကျနော်တို့ လိုအပ်တဲ့ အချက်အလက်တွေ ကို တောင်းဆို ထားတယ်။ သူတို့ကတော့ တတ်နိုင်သလောက် ဗမာအစိုးရဆီကို ဒီကိစ္စအတွက် သူတို့ Request လုပ်ပေးထားတယ်။ ဒီရခိုင်ပြည်နယ်မှာ အထူးသဖြင့် ဖြစ်နေတဲ့ ကိစ္စတွေအတွက် ကျနော်တို့ ရိုဟင်ဂျာလူမျိုးတွေ နိုင်ငံသားဥပဒေမှာ ပြင်ဆင်ပြီးတော့ ဒီလူတွေအားလုံးကို Stateless ကနေ  Citizenship အခွင့်အရေးတွေပေးဖို့ အတွက် သူတို့တွေ Request လုပ်နေတယ် လို့တော့ ပြောတယ်။ ဒါပေမဲ့ အားလုံးကတော့  Diplomacy Way နဲ့ သွားနေတာပါ။”

သြစတြေးလျဟာ မြန်မာနိုင်ငံအပေါ် ဒဏ်ခတ်အရေးယူမှုတွေကို ချမှတ်ခဲ့တဲ့ နိုင်ငံတွေထဲမှာ ထိပ်တန်းကပါဝင်ခဲ့သလို သမ္မတ ဦးသိန်းစိန်တက်လာပြီး အပြောင်းအလဲတွေဖြစ်ခဲ့ပြီးတဲ့နောက် အဲဒီဒဏ်ခတ်အရေးယူမှုတွေကို လျှော့ပေါ့ရုပ်သိမ်းတာတွေ ကိုလည်း အစောဆုံးလို လုပ်ခဲ့တဲ့နိုင်ငံဖြစ်ပါတယ်။

မြန်မာနိုင်ငံ ဆက်ပြီးပြောင်းလဲသွားတာနဲ့အမျှ သြစတြေးလျနိုင်ငံက တုန့်ပြန်လုပ်ဆောင်သွားမယ် ဆိုတာကိုလည်း ၀န်ကြီးချုပ် Ms Gillard က ပြောထားပါတယ်။ အခုလည်းပဲ သြစတြေးလျ ကုမ္ပဏီတွေ မြန်မာနိုင်ငံ မှာ ရင်းနှီးမြှုပ်နှံကြဖို့ တွန်းအားပေးတာတွေ ရှိနေတယ်လို့ ဒေါက်တာမြင့်ချို က ပြောပါတယ်။

“သြစတေးလျ စီးပွားရေးလုပ်ငန်းတွေကို မြန်မာနိုင်ငံမှာ သွားပြီးလုပ်ကိုင်ဖို့အတွက်တော့ တွန်းအားပေးနေတာကို တွေ့ရတယ်။ ကျနော်တို့ဘက်ကလည်း တခါ သူတို့ ကိုပြန်ပြီးတော့ နိုင်ငံတကာက ပြဌာန်းထားတဲ့ လမ်းညွန်မူဝါဒတွေအတိုင်းပေါ့လေ။ စံချိန်စံညွန်းနဲ့ အညီ လူ့အခွင့်အရေးကို လေးစားတဲ့ ဒေသခံပြည်သူတွေနဲ့ ညှိနှိုင်းတိုင်ပင်မှုရှိတဲ့  စီးပွားရေး လမ်းညွန် မှုဝါဒတွေကို လိုက်နာကျင့်သုံးပြီးမှ စီးပွားရေးလုပ်သင့်တယ်ဆိုတဲ့ အပိုင်းတွေ ကျနော်တို့ ပြောထားတဲ့အခါကျတော့ ဒီအပေါ်မှာတော့ ကျနော်တို့ ဒီ Guide လိုင်းတွေကို လိုက်နာတဲ့အနေအထားကိုတော့ အားပေးလိုက်မယ်လို့ ကျနော်မြင်ပါတယ်ခင်ဗျ။”

သြစတြေးလျဝန်ကြီးချုပ်နဲ့ မြန်မာသမ္မတတို့ရဲ့ တွေ့ဆုံ ဆွေးနွေးမှုနဲ့ပတ်သက်ပြီး ဗီယန်ကျင်းမြို့က မြန်မာသံရုံးကိုရော သြစတြေးလျသံရုံးကိုပါ ဆက်သွယ် မေးမြန်းခဲ့ပေမဲ့ တွေ့ဆုံခဲ့တယ်ဆိုတာကိုသာ အတည်ပြုချက်ရခဲ့ပြီး ကျန်တဲ့အသေးစိတ် တွေကို မသိရပါဘူး။

သြစတြေးလျအစိုးရက ရန်ပုံငွေထောက်ပံ့ထားတဲ့ ABC သတင်းဌာနရဲ့ အွန်လိုင်းသတင်းထဲမှာတော့ သမ္မတ ဦးသိန်းစိန်ကို ရော ဒေါ်အောင်ဆန်းစုကြည်ကိုပါ သြစတြေးလျနိုင်ငံဆီ လာရောက်ဖို့ ၀န်ကြီးချုပ် Ms Gillard က ဖိတ်ကြားခဲ့တယ်လို့ ဖော်ပြထား ပါတယ်။

ပရီးမီးယားလိဂ် ဒဿမပတ် ပွဲစဉ်များ

 အသင်းသစ် အတွက် အသင်းဟောင်းကို ဂိုးသွင်းယူခဲ့တဲ့ ဗန်ပါစီ

မနှစ်က ဂိုးသွင်းဘုရင် ဗန်ပါစီကို မန်ယူကို ရောင်းခဲ့တဲ့ အာဆင်နယ် မန်ယူနဲ့ ဗန်ပါစီ ကို ပြန်တွေ့တဲ့အခါ၊ ချဲလ်ဆီးနဲ့ ပွဲကျပ်တွေ ကစားခဲ့ရတဲ့ မန်ယူကရော ပွဲပန်းနေမလား အိုးထရက်ဖို့ဒ်က မန်ယူနဲ့ အာဆင်နယ် ပွဲအကြောင်းနဲ့ သုံးသတ် ချက်တွေကို တင်ဆက်ပေးသွား မှာဖြစ်ပါတယ်။

လောလောဆယ် ပရီးမီးယား လိဂ် နဲ့ မစခင်မှာ ပြီးခဲ့တဲ့ သတင်းပတ် အတွင်းက ကန်ခဲ့တဲ့ ကက်ပီတယ်ဝမ်းဖလား ပွဲတွေနဲ့ စလိုက်ပါရစေ။

အဲဒီ ကက်ပီတယ်ဝမ်း ဖလား ပြိုင်ပွဲတွေမှာတော့ ရက်ဒင်း ကွင်းမှာ ကစားခဲ့တဲ့ ရဒ်ဒင်းနဲ့ အာဆင်နယ် ပွဲမှာ ရဒ်ဒင်းက ဦးဆောင်ဂိုး ၄ ဂိုး သွင်းခဲ့ ပေမယ့် အာဆင်နယ်က နောက်က လိုက်ကစားပြီး ပွဲအပြီး ၇ - ၅ နဲ့ နိုင်ခဲ့လို့ ဂိုးတွေ တလှေကြီး ကြည့်လိုက် ကြရသလို ချဲလ်ဆီး ကွင်းမှာ ကစားခဲ့တဲ့ ချဲလ်ဆီးနဲ့ မန်ယူ ပွဲမှာလည်း မန်ယူက နောက်တန်း ညာစွန် လူ ရာဖာရဲလ်က လွဲလို့ အရန်တွေနဲ့ ကစားခဲ့ပြီး ပွဲပြီးဖို့ စက္ကန့်ပိုင်း အလိုအထိ ၃ ဂိုး ၂ ဂိုး နဲ့ ဦးဆောင် နိုင်ခဲ့ပေမယ့် ပွဲပြီးခါနီး ပေးရတဲ့ ပင်နယ်တီကြောင့် အချိန်ပိုတွေကန် ရပြီး နောက်ဆုံး လူစုံထုတ် ကစားခဲ့တဲ့ ချဲလ်ဆီးက ၅ ဂိုး ၄ ဂိုး နဲ့ နိုင်သွား ခဲ့ပါတယ်။

တခြားပွဲတွေမှာတော့ စပါးစ်ကို နောရစ်က ၂ ဂိုး ၁ ဂိုး နဲ့ နိုင်သလို လစ်ဗာပူးလ် ကိုလည်း ဆွမ်းဆီးက ၃ ဂိုး ၁ ဂိုး နဲ့ နိုင်သွား ခဲ့ပါတယ်။ နောက်ပြီး လိဒ်စ် ယူနိုက်တက်ကလည်း ဆောက်သမ်တန်ကို ၃ ဂိုး ဂိုးမရှိနဲ့ နိုင်ပါတယ်။

ဆန်းဒါးလန်းကို မစ်ဒယ်လ်စ်ဘရာက ၁ ဂိုး ဂိုးမရှိနဲ့ နိုင်ပါတယ်။ ဗီလာက ဆွင်ဒန်ကို ၃ ဂိုး ၂ ဂိုးနဲ့ နိုင်ပါတယ်။ ဝစ်ဂန်နဲ့ ဘရဒ်ဖို့ဒ်ကတော့ ဂိုးမရှိ သရေကျခဲ့ပေမယ့် ဘရဒ်ဖို့ဒ်က ပင်နယ်တီ အဆုံးအဖြတ်နဲ့ နိုင်သွား ခဲ့ပါတယ်။

အခုတော့ ပရီးမီးယားလိဂ် ဘက် လှည့်ရအောင်ပါ။

စနေနေ့ရဲ့ ပထမဆုံး ကစားခဲ့တဲ့ ပွဲကတော့ ပြီးခဲ့တဲ့ တပတ်က ချဲလ်ဆီးကို သူ့ကွင်းမှာ အနိုင်ကစား ခဲ့တဲ့ မန်ချက်စတာ ယူနိုက်တက် ရဲ့ အိုးထရက်ဖို့ဒ် ကွင်းမှာ ကစားခဲ့တဲ့ မန်ယူနဲ့ အာဆင်နယ် တို့ရဲ့ ပွဲပါ။ မန်ယူက ပြီးခဲ့တဲ့ တပတ်မှာ ချဲလ်ဆီးနဲ့ အဝေးကွင်း ပွဲကျပ် ၂ ပွဲ ကစား ထားခဲ့တာပါ။ အာဆင်နယ်က လည်း လိဂ်ဖလား ပြိုင်ပွဲမှာ ၄ ဂိုး အရှုံးကို နောက်က လိုက်ကစားပြီး ၇-၅ နဲ့ နိုင်ထားလို့ ဂိုး တွေမြူးပြီး စိတ်ဓာတ် တက်ကြွ နေတော့ ပွဲကောင်းနိုင်တယ် ဆိုပြီး အားလုံး စိတ်ဝင်တစား စောင့်ကြည့် နေခဲ့ကြတာ ဖြစ်ပါတယ်။

မန်ယူက သူတို့ အာဆင်နယ်က ဝယ်ယူထား ခဲ့တဲ့ မနှစ်က ဂိုးသွင်းဘုရင် ဗန်ပါစီနဲ့ ရူနီတို့ အတွဲကို ရှေ့မှာထားပြီး အရင်တပတ် ချဲလ်ဆီး ပွဲက လိုင်းအပ်ကို မပြောင်းဘဲ ပွဲထွက် လာခဲ့သလို အာဆင်နယ်ကလည်း ဗန်ပါစီ နေရာမှာ အစားထိုးဖို့ ဝယ်ယူ ထားခဲ့တဲ့ ပိုဒေါလ်စကီးနဲ့ ယီရူး တို့ နှစ်ဦးကို ပွဲထုတ် လာခဲ့ပါတယ်။

ပွဲစတာနဲ့ မန်ယူ ဘက်က တိုက်စစ်ဆင် ကစားခဲ့လို့ ပထမပိုင်း ၃ မိနစ် မှာတင် အာဆင်နယ် နောက်တန်း အမှားကို ဗန်ပါစီက အသုံးချပြီး ကန်သွင်းသွားလို့ မန်ယူတို့ ၁ ဂိုး စရပါတယ်။ အာဆင်နယ်ဟာ ဘောလုံး ပိုင်ဆိုင်မှုတွေ မန်ယူနဲ့ တန်းတူ ရှိပေမယ့် အခွင့်အလမ်းတွေ မဖန်တီး နိုင်ခဲ့လို့ ချေပဂိုး မရခဲ့ပါဘူး။

ပထမပိုင်း ပြီးခါနီး အာဆင်နယ်က ကာဇိုလာ ပင်နယ်တီထဲ လက်ထိဘောဖြစ်လို့ အာဆင်နယ် ပင်နယ်တီ ပေးလိုက်ရပါတယ်။ ဒါပေမယ့် အဲဒီ ပင်နယ်တီကို ရူနီကန်သွင်းတာ လွဲခဲ့လို့ အာဆင်နယ် သက်သာ သွားခဲ့ပါတယ်။

ဒုတိယပိုင်းပြန်စတော့လည်း မန်ယူကပဲ တိုက်စစ်ဆင် ကစားပါတယ်။ ဒုတိယပိုင်း အစမှာ ဗလင်စီယာ အခွင့်ကောင်းကို လွဲခဲ့ပြန်လို့ အာဆင်နယ် သက်သာ သွား ပြန်ပါတယ်။ အဲဒီလို မန်ယူ အလွဲကြီးတွေ လွဲနေလို့ အာဆင်နယ် ကံကောင်းပြီး သရေများ ရသွား နိုင်မလား ထင်နေရစဉ် ၆၇ မိနစ်မှာ မန်ယူက အဲဗရာ ထောင့်ကန်ဘောက တဆင့် ခေါင်းတိုက်သွင်း သွားလို့ မန်ယူက ၂ ဂိုး အသာနဲ့ ဦးဆောင် ပြန်ပါတယ်။

နောက်မရှေးမနှောင်းလေးမှာ အာဆင်နယ်က ဝေ့လ်ရှိုင်းယား နှစ်ဝါ တနီနဲ့ ထွက်သွားရပြန် ပါတယ်။ ဒါပေမယ့် ပွဲပြီးခါနီး စက္ကန့် ပိုင်း အလိုမှာပဲ အာဆင်နယ်ရဲ့ ကာဇိုလာ က ပင်နယ်တီ ဧရိယာ အစပ်ကနေ ကန်သွင်းခဲ့လို့ အာဆင်နယ်တို့ ၁ ဂိုး ပြန်ရခဲ့ပေမယ့် အချိန်က နှောင်းသွားပြီဖြစ်လို့ မန်ယူကပဲ ပွဲအပြီး ၂ ဂိုး ၁ ဂိုး နဲ့ နိုင်သွား ခဲ့ပါတယ်။

ပွဲ အပြီးမှာ မန်ယူ နည်းပြကြီး ဆာအဲလက်စ် ဖာဂတ်ဆင်ကတော့ ဒီပွဲက အရင် အာဆင်နယ် မန်ယူ ပွဲတွေလို ပွဲကျပ် မဟုတ်ဘဲ ထူးဆန်းတဲ့ ပွဲတပွဲ ဖြစ်ခဲ့ကြောင်း၊ သူ့အသင်းအခွင့် အရေးတွေကို သာကောင်းကောင်း အသုံးချခဲ့လို့ကတော့ ၄ - ၅ ဂိုးလောက် ပြတ်နိုင်ကြောင်းနဲ့ ပင်နယ်တီ လွဲတာနဲ့ ပတ်သက်လို့တော့ နောက်တခါ ပင်နယ်တီရရင် သူကိုယ်တိုင်ပဲ ကန်သွင်း တော့မယ် ဆိုပြီး ပြောသွား ခဲ့ပါတယ်။

အာဆင်နယ် နည်းပြ အာဆင်ဗင်းဂါး ကတော့ သူ့အသင်း ဘောလုံး ပိုင်ဆိုင်မှုကောင်းပေမယ့် အခွင့်အရေးတွေ မဖန်တီးနိုင်ခဲ့ကြောင်း ၊ ၂ ဂိုး ရှုံး နေပြီး တယောက်ပါ လျော့သွား တော့ ပိုဆိုး သွား ခဲ့တဲ့ အကြောင်းနဲ့ အနီကပ်ကတော့ နည်းနည်း ပိုလွန်းတယ် ထင်ကြောင်း တွေကို ပြောသွား ခဲ့ပါတယ်။

ဒါကတော့ နှစ်ဘက် အသင်းက နည်းပြတွေရဲ့ ပွဲနဲ့ ပတ်သက်လို့ သုံးသပ် ချက်တွေပါ။ ဒါပေမယ့် ဘီဘီစီက ဘောလုံး ဝေဖန်သူ တွေကရော ဘယ်လို သုံးသပ် ကြပါသလဲ။

ဘီဘီစီရဲ့ ဘောလုံး ဝေဖန်သူ တယောက် ဖြစ်နေတဲ့ အရင် လစ်ဗာပူးလ် နောက်ခံလူ အယ်လန် ဟန်ဆင်ကတော့ မနှစ်က အာဆင်နယ် အသင်း ခြေစွမ်းမပြနိုင် ဖြစ်ခဲ့တဲ့ ပွဲကျပ်တွေ ကနေ ဗန်ပါစီက အကြိမ်ကြိမ် ဆွဲတင် ပေးခဲ့တာပါ။ ဒီနှစ်မှာတော့ အဲဒီ ဗန်ပါစီ မရှိတော့ဘူးလေလို့ ရှင်းရှင်းပဲ သုံးသတ် ပြခဲ့ပါတယ်။

တခါအင်္ဂလန်နဲ့ နယူးကာဆယ် တိုက်စစ်မှူး ဟောင်း အလ်လန် ရှီရာ ကတော့ အာဆင်နယ် အနေနဲ့ သူတို့ အကောင်းဆုံး ကစား သမား တွေကို ရောင်းထုတ်နေလို့ မရတော့ ပါဘူး။ အာဆင်ဗင်းဂါးဟာ နည်းပြကောင်း တယောက် ဖြစ်ပါတယ်။ ဒါပေမယ့် ဗန်ပါစီတို့ ဖာဘရီးဂတ်စ်တို့ နာဆရီတို့လို ကစား သမား တွေကို အစား ထိုးဖို့ ဆိုတာ ဖြစ်နိုင်ဖို့ တော်တော် ခက်ပါတယ်။ ကာဇိုလာ ရောက်လာပြီး ခြေစွမ်း အသင့်အတင့် ပြနိုင်ပေမယ့် ဗန်ပါစီ မရှိတော့တာ အတော်ကို အားနည်း သွားစေခဲ့ပါတယ်။ သူလိုကစား သမားမရှိတော့ရင် အာဆင်နယ်မှ မဟုတ်ပါဘူး၊ ဘယ်အသင်းမဆို အားနည်းသွား မှာပါလို့ ပြောကြားသွား ခဲ့ပါတယ်။

မန်ချက်စတာ ယူနိုက်တက်နဲ့ အာဆင်နယ် နှစ်သင်းအကြားမှာ ကန်ခဲ့တဲ့ နောက်ဆုံး ၁၁ ပွဲမှာ မန်ယူဘက်က ၉ ပွဲနိုင်ပြီး ၁ ပွဲသာ ရှုံးခဲ့သလို ဒီပွဲမှာ ဂိုး တွေသွင်းနိုင်ခဲ့တဲ့ အတွက် မန်ယူဟာ ပရီးမီးယား လိဂ် စံချိန်အဖြစ် အိမ်ကွင်းမှာ ၅၄ ပွဲ ဆက်တိုက် ဂိုးသွင်းနိုင်တဲ့ အသင်း ဖြစ်သွားခဲ့ပါတယ်။ ဗန်ပါစီကတော့ ယာကူဘူ နောက်ပိုင်း လတ်တလော ပရီးမီးယား လိဂ်မှာ ကန်နေတဲ့ အသင်းတွေ အားလုံးကို ဂိုးသွင်းနိုင်တဲ့ ကစား သမား ဖြစ်သွား ခဲ့ပါတယ်။

ဒီပွဲနိုင်လိုက် တဲ့အတွက် မန်ယူဟာ ပရီးမီးယား လိဂ် ဇယား ရဲ့ ထိတ်ကို ပထမဆုံး အကြိမ် ရောက်ရှိသွား ခဲ့ပါတယ်။

စနေနေ့က ကန်ခဲ့ကြတဲ့ ပရီးမီးယား လိဂ် ပွဲစဉ် တွေမှာတော့

ဖူလမ်နဲ့ အဲဗာတန် တို့ ၂ ဂိုး စီ သရေကျပါတယ်။

နောရစ် စီးတီး အသင်းကတော့ စတုခ် စီးတီး အသင်းကို ၁ ဂိုး ဂိုးမရှိနဲ့ နိုင်ပါတယ်။

ဆန်းဒါးလန်း အသင်းကိုတော့ သူ့အိမ်ကွင်းမှာ အက်စ်တန်ဗီလာက တဂိုး ဂိုးမရှိနဲ့ နိုင်ပါတယ်။

တော့တင်ဟမ် ဟော့စပါးစ် အသင်းကိုတော့ သူ့အိမ်ကွင်းမှာ ဝစ်ဂန် အသင်းက တဂိုး ဂိုးမရှိနဲ့ နိုင်သွားပါတယ်။

ဝက်စ်ဟမ်း အသင်းကတော့ မန်ချက်စတာ စီးတီး အသင်းကို အိမ်ကွင်းမှာ ဘဲဥမကွဲ အောင် သရေခံ ကစား ပစ်ခဲ့ လို့ မန်စီးတီးတို့ ၁ မှတ် သာ ယူလို့ အိမ်ပြန်သွား ခဲ့ရပါတယ်။

ဆွမ်ဆီး စီးတီး အသင်းကလည်း အရင် တပတ်က မန်ယူကို ရှုံးလို့ ပထမ နေရာက မဆင်းရအောင် ကြိုးစားခဲ့တဲ့ ချဲလ်ဆီးကို ၁ ဂိုးစီ သရေ ကစားခဲ့ပါတယ်။ ဒီပွဲမှာ သရေကျခဲ့လို့ ချဲလ်ဆီးဟာ သူ့ရဲ့ ဇယား ထိတ်က ပထမ နေရာကို အာဆင်နယ်ကို နိုင်ခဲ့တဲ့ မန်ယူကို ဖယ်ပေးလိုက်ရပြီး ဒုတိယ နေရာကို ရောက်သွား ခဲ့ပါတယ်။

တနင်္ဂနွေ နေ့မှာတော့ ၂ ပွဲကန်ခဲ့ကြပါတယ်။ ပထမပွဲ ကျူပီအာနဲ့ ရဒ်ဒင်း တို့ပွဲမှာတော့ ၁ ဂိုးစီ သရေကျခဲ့ပါတယ်။ ဒီနှစ်သင်းလုံး ဒီရာသီမှာ နိုင်ပွဲ မရကြသေးပါဘူး။ ဒုတိယပွဲ အဖြစ် ကစားခဲ့ကြတဲ့ လစ်ဗာပူးလ်နဲ့ နယူးကာဆယ် ယူနိုက်တက် တို့ပွဲမှာလည်း ၁ ဂိုး စီသရေနဲ့ ပဲ ပွဲပြီး သွား ခဲ့ပါတယ်။ တနင်္လာညမှာတော့ နောက်ဆုံး ကျန်နေသေးတဲ့ ဝက်စဘရောမ်းနဲ့ ဆောက်သမ်တန်တို့ ကစား ကြဖို့ ရှိပါတယ်။

လာမယ့် အင်္ဂါနဲ့ ဗုဒ္ဓဟူး နေ့တွေမှာလည်း ချန်ပီယံ လိဂ် ပွဲစဉ် တွေကစား ကြရဖို့ ရှိနေပါတယ်။

အဲဒီပွဲတွေထဲက ရှော်လ်ကာနဲ့ အာဆင်နယ် ၊ ရီးယဲလ် မဒရစ်နဲ့ ဒေါ့မန်တို့ ပွဲတွေ ကောင်းနိုင်သလို မန်စီးတီးနဲ့ အားယက်စ် အမ်စတာဒန်တို့ ပွဲလည်း အကြိတ်အနယ် ဖြစ်နိုင်ပါတယ်။

တခါ လာမယ့် တနင်္ဂနွေ မှာတော့ ပရီးမီးယား လိဂ် ပွဲကောင်း တွေ အဖြစ် မန်စီးတီးနဲ့ စပါးစ် ၊နောက်ပြီး ချဲလ်ဆီးနဲ့ လစ်ဗာပူးလ်တို့ တွေ့ကြဦးမှာ ဖြစ်လို့ ပွဲကောင်းတွေ ကြည့်ကြရဖို့ ရှိနေကြောင်း သတင်းကောင်းလေး ပါးရင်း အားကစား သတင်းတွေကို ဒီမှာပဲ အဆုံးသတ်ပါတယ်။

နေပြည်တော် လယ်သမား အရေး

လယ်သမား အရေးဆိုနေသူတွေ

နေပြည်တော်ခရိုင် ဒက္ခိဏသီရိမြို့မှာ စည်ပင်သာယာ ဌာန ကနေ သိမ်းထားတဲ့ လယ်ဧက ၅၀၀ကျော်ကို ပြန်လည်ရလိုမှုနဲ့ ဒေသခံ လယ်သမားတွေက သူတို့ ပိုင်ဆိုင်ကြောင်း ဆိုင်းဘုတ်တွေ စိုက်ထူခဲ့တာကြောင့် စည်ပင်သာယာ ဌာန ကနေ လယ်သမား အယောက် ၂၀ကျော်ကို လုပ်ငန်း ဟန့်တားဖျက်စီးမှု ပုဒ်မ ၂၆နဲ့ တရားစွဲဖို့ ဆင့်ခေါ် လိုက်ပါတယ်။

တရားစွဲခံရမယ့် သူတွေဟာ လယ်သိမ်းခံ ထားရတဲ့ ရဲတီ၊ကြို့ပင်၊ရှမ်းစုနဲ့ တမာပင်ကုန်း ရွာသားတွေဖြစ်တယ်လို့ သိရပါတယ်။

သူတို့ကို ပြန်တရားစွဲ ရတဲ့ အကြောင်းက နို့တစ်စာ ထုတ်ပြန်ပေမယ့် တောင်သူတွေက ထွက်မသွားလို့ အခုလို တောင်သူ နှစ်ဆယ့်တစ်ယောက် ၊ နှစ်ဆယ့်နှစ်ယောက်ကို တရားစွဲမယ်လို့ သိရပါတယ်။

၂၀၁၁ ကစပြီး တောင်သူတွေကို လျှော်ကြေး မပေးဘဲ တောင်သူတွေ ဆီက သိမ်းတာလို့ တရားစွဲခံရတဲ့ လယ်သမား ကိုဇော်လင်းအောင်က ပြောပါတယ်။

တောင်သူတွေအနေနဲ့က တရားရုံးမှာဘဲ ရင်ဆိုင်မယ်လို့ သိရပြီး သက်ဆိုင်ရာ အုပ်ချုပ်ရေးမှူးတွေကို တိုင်ခဲ့ပေမယ့် ဘာမှာ အရေးယူမှု မရှိခဲ့ဘူးလို့ ဆိုပါတယ်။

နယူးယောက်ပြည်သူတွေကို အစိုးရ သတိပေး

ဓာတ်ဆီကိုတော့ ခွဲတမ်းနဲ့ပဲ ဝယ်ယူနေရပါသေးတယ်။

ပြီးခဲ့တဲ့ သီတင်းပတ်က အမေရိကန် အရှေ့ဘက်ကမ်းကို ဝင်ရောက် တိုက်ခတ်ခဲ့တဲ့ စန္ဒီမုန်တိုင်းရဲ့ နောက်ဆက်တွဲ အကျိုးဆက်တွေကို အမေရိကန်တွေ ခံရပါတော့မယ်။ နယူးယောက်က လူထုခေါင်းဆောင်တွေကတော့ စန္ဒီမုန်တိုင်းကြောင့် အိုးမဲ့အိမ်မဲ့ ဖြစ်ကုန်တဲ့ ပြည်သူတွေကို အေးလာပြီဖြစ်တဲ့ ရာသီဥတုနဲ့စပ်ပြီး စိတ်ပူပန်စွာနဲ့ သတိပေးနေကြပါတယ်။

နယူးယောက်ပြည်နယ်အုပ်ချုပ်ရေးမှူး အင်ဒရူး ကိုမိုက နေဖို့မသင့်တဲ့ အိမ်တွေမှာ နေနေကြတဲ့ ပြည်သူတွေအနေနဲ့ ရာသီဥတု သိပ်အေးလာရင် ဘယ်လိုမှ နေနိုင်ကြတော့မှာ မဟုတ်ဘူး၊ ပြည်သူတွေ အနေနဲ့ ကိုယ့်အိမ်ကိုယ့်ရာကို မစွန့်ခွာလိုကြတာကို နားလည်ပေမယ့် အအေးဒဏ်က လာတော့မယ်၊ သတိထားပါလို့ ပြောပါတယ်။

နယူးယောက်မှာက မနေ့က အပူချိန်က လေးဒီဂရီစင်တီဂရိတ်ပဲ ရှိပြီး၊ ဒီကနေ့ဆို အနုတ် တစ်ဒီဂရီလောက်အထိ ကျဆင်းမှာ ဖြစ်ပါတယ်။ နယူးယောက်ပြည်နယ် တခုထဲတင် ပြည်သူ ခုနစ်သိန်းကျော်ဟာ လျှပ်စစ်မီး မရှိဘဲနေကြရပြီး၊ နယူးယောက်မြို့တခုထဲတင် ပြည်သူ တသိန်းသုံးသောင်းကျော်မှာ လျှပ်စစ်မီး မသုံး နိုင်သေးပါဘူး။

အပျက်အစီးတွေကလည်း ရှိနေပါသေးတယ်။

နယူးယောက်မြို့တော်ဝန် မိုက်ကယ် ဘလွန်းဘာ့ဂ်ကလည်း ပြည်သူတွေအနေနဲ့ ကိုယ့်အိမ်ကို ခင်မတွယ်ဘဲ မီးမရှိ၊ အပူပေးစနစ် မရှိရင် လုံခြုံရာကို သွားနေကြဖို့ တိုက်တွန်းနေပါတယ်။ သူက သိပ်အေးလို့ရှိရင် သေသွားကြလိမ့်မယ်၊ ကိုယ့်အိမ်က ထွက်မသွားချင်လို့ ထင်းမီးတွေ သုံးပြီး နွေးအောင် လုပ်မယ်၊ အလင်းရောင်အတွက် ဖယောင်းတိုင်တွေ ထွန်းမယ်ဆိုလည်း မီးထလောင်လို့ အသက်ဆုံးရှုံးနိုင်သေးတယ်လို့ ပြောပါတယ်။

မြို့တော်ဝန် အကြံပေးတာကတော့ ဘယ်သွားရမှန်းမသိရင် လမ်းပေါ်ထွက်လို့ ရဲကို မေးပါ၊ သူတို့ ကူပါလိမ့်မယ်၊ အနည်းဆုံးတော့ နွေးထွေး လုံခြုံတဲ့နေရာ၊ အစားအစာနဲ့ သောက်ရေရမယ့် နေရာတွေမှာ နေလို့ရအောင် စီစဉ်ပေးပါ့မယ်လို့ ပြောပါတယ်။

ဒါပေမဲ့ တကယ်တမ်းမှာ နယူးယောက် ပြည်သူတွေမှာလည်း သူ့အခက်အခဲနဲ့ သူပါ၊ မြို့ကြီးပြကြီး ဆိုတာက ကိုယ့်မိသားစုနဲ့ ကိုယ်ပဲ နေဖို့ အဆင်ပြေတာပါ။ နယူးယောက် မြို့ခံ ကိုနေတင်မြင့်ကတော့ ပြည်သူတွေက ကိုယ့်နေရာ၊ ကိုယ့်အခန်းမှာ ကိုယ့်မိသားစုနဲ့ ကိုယ်ဘာသာကိုယ်ပဲ အံကျနေချင် ကြတယ်လို့ ပြောပါတယ်။

တခြားနေရာတခု ရွှေ့ရမယ်ဆိုရင် အခက်အခဲတွေ ရှိတယ်၊ ဒါပေမဲ့လည်း လျှပ်စစ်မီး မရှိတော့ ချက်ပြုတ် စားသောက်ဖို့နဲ့ အအေးဒဏ် ခံနိုင်ဖို့ကလည်း ပြဿနာတခု ဖြစ်နေတယ်လို့ အဖြစ်မှန်ကို ဆက်ပြောပါတယ်။

စန္ဒီမုန်တိုင်းကြောင့် နယူးယောက် တမြို့တည်းတင် လူ ၄၀ အသက်ဆုံးရှုံးခဲ့ပြီး၊ မုန်တိုင်းဒဏ်ခံ ဒေသအားလုံးနဲ့ ဆိုရင်တော့ လူပေါင်း ၁၀၆ ဦး သေဆုံးခဲ့ပါတယ်။ မုန်တိုင်းကြောင့် လူပေါင်း သုံးသောင်းနဲ့ လေးသောင်းကြားကတော့ နေစရာအိမ် လုံးဝမရှိတော့ပါဘူး။ နယူးယောက်ရဲ့ဘေးကပြည်နယ် နယူးဂျာစီမှာတော့ စန္ဒီမုန်တိုင်းကြောင့် ပြည်သူ တသန်းနီးပါးဟာ လျှပ်စစ်မီး မရှိဘဲ နေနေကြရသလို ဓာတ်ဆီကိုလည်း ခွဲတမ်းနဲ့ပဲ ဝယ်ယူ နေကြရပါတယ်။

ဗီဇာအကြွေးကတ် မကြာခင် သုံးနိုင်မယ်

အမေရိက အခြေစိုက်တဲ့ ဗီဇာ အကြွေးကတ် ဝန်ဆောင်မှု ကုမ္ပဏီရဲ့ အရှေ့တောင်အာရှ ရုံးခွဲနဲ့ ပြည်တွင်း ပုဂ္ဂလိကဘဏ် သုံးဘဏ်တို့ နိုဝင်ဘာ ၃ က နှစ်ဘက် သဘောတူညီချက် လက်မှတ်ထိုးလိုက်တဲ့အတွက် နိုင်ငံတကာ ဘဏ်ဝန်ဆောင်မှုတခု ဖြစ်တဲ့ ဗီဇာကတ်ကို မြန်မာနိုင်ငံမှာ မကြာခင် သုံးစွဲနိုင်တော့မှာ ဖြစ်ပါတယ်။

ဘဏ်သုံးခုကတော့ မြန်မာအရှေ့တိုင်းဘဏ်၊ သမဝါယမဘဏ်နဲ့ ကမ္ဘောဇဘဏ်တို့ ဖြစ်ပြီး၊ သုံးလလောက် အတွင်းမှာ စသုံးနိုင်လိမ့်မယ်လို့ ခန့်မှန်းတဲ့ အကြောင်း ကမ္ဘောဇဘဏ်ရဲ့ ဒုတိယ ဥက္ကဌ ဦးသန်းလွင်က ဘီဘီစီကို ပြောပါတယ်။

ဦးသန်းလွင်အဆိုအရ ဗီဇာကတ်သုံးစွဲမှုကို အဆင့်နှစ်ဆင့်နဲ့ သွားမှာဖြစ်ပြီး၊ ပထမအဆင့်မှာ ပြည်ပကနေ မြန်မာပြည်တွင်းကို ဝင်ရောက်လာမယ့် ကမ္ဘာလှည့် ဧည့်သည်တွေ သူတို့ဘဏ်တွေက ချထားပေမယ့် အလိုအလျောက် ငွေထုတ်စက်တွေမှာ ငွေထုတ်ယူ သုံးစွဲနိုင်မှာ ဖြစ်ပါတယ်။

ဒုတိယအဆင့်မှာတော့ ပြည်တွင်းက နိုင်ငံသားတွေ အနေနဲ့ မြန်မာငွေနဲ့ပဲ ဘဏ်စာရင်း ဖွင့်ထားရင် နိုင်ငံရပ်ခြား သွားတဲ့အခါ ဆိုင်ရာနိုင်ငံတွေရဲ့ ငွေကြေးတွေကို ထုတ်ယူ သုံးစွဲနိုင်မှာ ဖြစ်ပါတယ်။ တခါ ပြည်တွင်းမှာပဲ စားသောက်ဆိုင်တို့၊ ရုပ်ရှင်ရုံတို့၊ လေကြောင်းလိုင်းတို့မှာ သုံးနိုင်ဖို့အတွက်ကတော့ ဘဏ်နဲ့ အဲဒီ လုပ်ငန်းတွေ အရင် ချိတ်ဆက် သဘောတူညီမှုတွေ ရယူရလိမ့်ဦးမယ်လို့ ဦးသန်းလွင်က ဆိုပါတယ်။

အွန်လိုင်းဆိုင်ရာ၊ နည်းပညာဆိုင်ရာ တည်ဆောက် လုပ်ကိုင်ရမှာတွေ ရှိတဲ့အတွက် အချိန် အနည်းငယ် ယူရဦးမှာ ဖြစ်ပြီး၊ ဗီဇာ အကြွေးကတ် ဝန်ဆောင်မှုကိုတော့ မကြာခင်မှာ သုံးစွဲကြရဖို့ ရှိပါတယ်လို့လည်း သူက ပြောပါတယ်။

ခိုးဝင်လာသူ ဘင်္ဂလီတွေ ကလေးမြို့မှာ ဖမ်းမိ

ဖမ်းမိတဲ့ ဘင်္ဂါလီတွေ ထဲမှာ အိန္ဒိယက ပတ်ဝင် လာသူတွေ ပါတယ်လို့ဆို

နိုဝင်ဘာလ ၅ရက် မနက် စောစော ပိုင်းက စစ်ကိုင်းတိုင်း ကလေးမြို့မှာ တရား မဝင် ဝင်ရောက် လာတဲ့ ဘင်္ဂလီ လူမျိုး ၁၉ ယောက်ကို ဖမ်းဆီး မိခဲ့ပါတယ်။

ကလေးမြို့ ဒေသခံ တွေနဲ့ ဖွဲ့စည်း ထားတဲ့ အမျိုး ဘာသာ သာသနာ စောင့်ရှောက်ရေး အသင်း အကူ အညီနဲ့ ဖမ်းဆီး မိခဲ့တာ လည်း ဖြစ်ပါတယ်။

အဲဒီ အဖွဲ့မှာ လူမျိုး ပေါင်းစုံ ဘာသာ ပေါင်းစုံက လူငယ်တွေ ပါဝင်ပြီး အသိပညာပေး ဟောပြောပွဲတွေ ပြုလုပ် ရာကနေ အဖွဲ့ဝင်တွေ နိုးကြားမှု ဖြစ်လာကြ ပြီးတဲ့နောက် သူတို့ရဲ့ သတင်းပေးမှုနဲ့ အခုလို ဖမ်းဆီးနိုင်ခဲ့တာ ဖြစ်တယ်လို့ အဲဒီ အသင်း တွဲဘက် ဥက္ကဋ္ဌ ဆရာတော် ဦးပဏ္ဍဝံသ က ဘီဘီစီကို မိန့်ကြား ပါတယ်။

သူတို့ဟာ ချင်းတောင်တန်း ကနေ တဆင့် ဖြတ်ကျော် ပြေးလာကြသူတွေ ဖြစ်ပြီး ဘူးသီးတောင် မောင်တော ဘက်က လာတဲ့ လူတွေ ရှိသလို အိန္ဒိယ ဘက်ကနေ တဆင့် ပတ်ဝင်လာတဲ့ ဘင်္ဂလီတွေလည်း ပါဝင်တာ တွေ့ရတယ်လို့ စစ်ဆေး တွေ့ရှိရကြောင်းလည်း အဲဒီ ဆရာတော်က ပြောပါတယ်။

ဖမ်းဆီး မိသူတွေက နိုင်ငံသားလက်မှတ် သို့မဟုတ် နိုင်ငံကူး လက်မှတ် ဆိုတာမျိုး ကိုင်ဆောင်ထားသူ တစ်ယောက်မှ မပါဝင်ကြောင်းနဲ့ သူတို့က မလေးရှား နိုင်ငံ အထိ သွားကြမှာ ဖြစ်တယ်လို့ လည်း ဆရာတော်က ပြောပါတယ်။

အဖမ်း ခံရသူတွေ ထဲမှာ မြန်မာ စကား ပြောဆိုတတ်သူက ခြောက်ယောက် လောက် ပါတယ်လို့ ဆိုပါတယ်။

ဆရာတော် ဦးပဏ္ဍဝံသ ရဲ့ အဆိုအရ အခု ဖမ်းမိသူတွေ အပါအဝင် အခုနှစ် အတွင်း အမျိုး ဘာသာ သာသနာ စောင့်ရှောက်ရေး အသင်း အကူအညီနဲ့ ကလေးမြို့ ပတ်ဝန်းကျင်မှာတင် တရား မဝင် ဝင်ရောက်လာသူ စုစုပေါင်း ၅၁ ယောက် ရှိသွားပြီ ဖြစ်ပြီး လွတ်သွားသူ တွေလည်း ရှိတယ်လို့ သိရပါတယ်။

ကလေး မြို့မ ရဲစခန်း ကလည်း ဖမ်းမိ ထားတဲ့ ဘင်္ဂါလီ ၁၉ ယောက်ကို စစ်ဆေး နေကြောင်း အတည်ပြု ခဲ့ပါတယ်။

အစွမ်းကုန် မဲဆွယ်ရမယ့် နောက်ဆုံးနေ့

နှစ်ယောက် စလုံးအတွက် အရေးအကြီးဆုံး နောက်ဆုံး မဲဆွယ်ချိန်ကို ရောက်ရှိလာပါပြီ

သမ္မတ အိုဘားမားနဲ့ ပြိုင်ဘက် ရီပါဘလီကန် သမ္မတလောင်း မစ်တ်ရွမ်နေ တို့အတွက် အစွမ်းကုန် မဲဆွယ်ရမယ့် နောက်ဆုံးနေ့ကို ရောက်ရှိ လာပြီ ဖြစ်ပါတယ်။

အချိန် ၂၄ နာရီ သာ လိုတော့တဲ့ သမ္မတ ရွေးပွဲအတွက် သူတို့ နှစ်ဦးဟာ ကူညီ မဲဆွယ်စည်းရုံးပေးမယ့် သူတွေနဲ့ အတူ အင်တိုက် အားတိုက် ကြိုးစား ဆောင်ရွက်နေ ကြပါတယ်။

သမ္မတ အိုဘားမားဟာ အရင် သမ္မတဟောင်း ဘီကလင်တန် နဲ့အတူ New Hampshire ဘက်မှာ မဲဆွယ်ခဲ့ပြီး၊ Ohio ပြည်နယ် ဘက်မှာ တော့ တေးဂီတရှင်တွေနဲ့ အတူ မဲဆွယ် ခဲ့ရာမှာ ကမ္ဘာကျော် အဆိုတော် Steve Wonder လည်း ပါဝင် မဲဆွယ် တာကို တွေ့ရပါတယ်။

Madison နဲ့ Wisconsin ပြည်နယ်တွေ ဘက်ကိုတော့ အဆိုကျော် Bruce Springsteen ဟာ မစ္စတာ အိုဘားမားဟာ နဲ့ အတူ လိုက်ပါ မဲဆွယ်မှာ ဖြစ်ပါတယ်။

မစ္စတာ ရွမ်နေ ကတော့ swing state လို့ခေါ်တဲ့ ဘယ်သူ့ ဘက်ကိုမှာ ထောက်ခံမှု မများတဲ့ ပြည်နယ်တွေမှာ အဓိက ဇောင်းပေး မဲဆွယ် နေခဲ့တာ ဖြစ်ပါတယ်။

အဲဒီ swing state တွေက မဲရလဒ်ဟာ ရွေးကောက်ပွဲကို အဆုံးအဖြတ်ပေးမှာ ဖြစ်တယ်လို့ အကဲခတ်တွေက ပြောကြားပါတယ်။

ကြိုတင် စစ်တမ်း ကောက်ယူမှုတွေ အရ သမ္မတလောင်း နှစ်ဦးဟာ သူမသာ ကိုယ်မသာ အခြေ အနေမှာ ရှိနေပြီး၊ အကြိတ်အနယ် ယှဉ်ပြိုင်ရဖို့ ရှိတဲ့ ပြည်နယ်တွေ ဘက်မှာတော့ မစ္စတာ အိုဘားမားဟာ ထောက်ခံမှု အနည်းငယ် ပိုရ နေတာကို တွေ့နေရပါတယ်။

ရခိုင်စုံစမ်းရေး ကော်မရှင်က ကြားဖြတ် အစီရင်ခံစာထုတ်ဖို့ရှိ

အကြမ်းဖက်မှုတွေ ထပ်ဖြစ်ခဲ့တဲ့အတွက် ရခိုင်ပဋိပက္ခ အစီရင်ခံစာ နှောင့်နှေးခဲ့ရ

ရခိုင် ပဋိပက္ခ စုံစမ်းစစ်ဆေးရေး ကော်မရှင် အဖွဲ့က အစီရင်ခံစာတင်ဖို့ သတ်မှတ်ထားတဲ့ နိုဝင်ဘာလ ၁၆ရက်မတိုင်ခင်မှာပဲ ကြားဖြတ် အစီရင်ခံစာ တစောင် သမ္မတထံ တင်ပြမယ် ဖြစ်ကြောင်း ဒီကနေ့ တနင်္လာနေ့မှာ ထုတ်ပြန် ကြေညာလိုက်ပါတယ်။

နောက်ဆုံး အပြီးသတ် အစီရင်ခံစာကိုတော့ မတ်လ ၃၁ရက်မတိုင်ခင် တင်ပြနိုင်ဖို့ စီစဉ်ထားတယ်လို့ ကော်မရှင် အဖွဲ့ဝင် တဦးဖြစ်တဲ့ အနုပညာရှင် ဇာဂနာ ခေါ် ဦးသူရက ဘီဘီစီကို ပြောပါတယ်။

ပြီးခဲ့တဲ့ ရက်ပိုင်းက ကျောက်ဖြူမြို့မှာ ဖြစ်ခဲ့တဲ့ ပြဿနာတွေကြောင့် သတ်မှတ်ရက်အမှီ အစီရင်ခံစာ တင်သွင်းဖို့ နှောင့်နှေးသွားခဲ့ရပြီး ပြဿနာ ထပ်ဖြစ်ခဲ့တဲ့ နေရာတွေက အခြေအနေတွေကို သုံးသပ်နေရတဲ့အတွက် အချိန်ပိုတောင်းခဲ့ရကြောင်း၊ ဒါပေမယ့်လည်း အခုတင်မယ့် ကြားဖြတ် အစီရင်ခံစာထဲမှာတော့ ကျောက်ဖြူ ပြဿနာ မတိုင်ခင် အခြေအနေတွေကို ၈၀ ရာခိုင်နှုန်း ပြည့်ပြည့်စုံစုံ တင်ပြထားနိုင်ကြောင်း ပြောပြပါတယ်။

ကြားဖြတ် အစီရင်ခံစာထဲမှာ အဓိက ပြဿနာ ဘာ့ကြောင့် ဖြစ်ပေါ်ခဲ့သလဲဆိုတဲ့ အချက်နဲ့အတူ ရခိုင်ဒေသမှာ တရားဥပဒေ စိုးမိုးရေးကိစ္စ၊ ပြန်လည် ထူထောင်ရေး ကိစ္စ စတာတွေအပါအဝင် အချက်၈ချက်ကို တင်ပြထားတယ်လို့ ဦးသူရက ပြောပြပါတယ်။