Thursday, April 7, 2016

Tonsillitis အာသီးရောင်ခြင်း

Tint Swe

ဆရာရှင့် ကျွန်မတူလေးတယောက်က ခုအသက် ခြောက်နှစ်ပါ။ တူလေးမွေးပြီး သုံးလလောက်မှာ ရင်ကျပ်တာ အသည်းအသန် ဗိုက်တစ်ခြမ်းပါ ချိုင့်နေပါတယ်။ ဆေးရုံမှာ ဆေးပုလင်းပေါင်း များစွာသွင်းပြီး အသက်လုခဲ့ရပါတယ်။နောက်ပြန်ကောင်းသွားပြီး (ခလေး) ကအိပ်ရင် ဟောက်တာ အသံက လူကြီးတယောက် ဟောက်သလိုမြည်ပါတယ်။ ပထမတော့ ရိုးရိုးဘဲထင်တာ ခလေးအသက်လေးနှစ်လောက်မှာ ဆေးခန်းပြတော့မှ အာသီးကြီးပြီး ပိတ်နေလို့တဲ့ (ခလေး) အသက်ငယ်တော့ ခွဲလို့မရဘူးတဲ့။ အခြားဆရာဝန်တွေပြတော့လဲ တယောက်တမျိူးပြောကြတယ်။
ခွဲရင်မကောင်းဘူးတို့ဘာတို့။ အဲ့လိုနဲ့ ဆေးခန်းကပေးတဲ့ဆေးတွေတိုက်နေတာလဲ မထူးဘူး။ ခလေးကပိန်လာတယ်။ ခနခနနေမကောင်းဖြစ်တယ်။ ရေခဲနဲ့ပါတ်သက်တာ စားလို့မရဘူး။ နောက်ဆုံး ရန်ကုန်မှာပြတော့ ခွဲရမယ်တဲ့။ စက်နဲ့စမ်းကြည့်တာ အာသီးရော နှာသီးရော ခွဲရမယ်တဲ့။ အာမမခံဘူးတဲ့။ (ခလေး) ကခွဲရင်း အသက်ရူရပ်သွားနိုင်တယ်တဲ့။ လွန်ခဲ့တဲ့နှစ်ရက်ကခွဲလိုက်တယ်။ ပါးစပ်ကိုဟပြီး အသီးတွေဖျက်ထုတ်လိုက်တာ အာသီးနဲ့နှာသီးက (သွားစုံ) နေတာတဲ့။ ကျွန်မသိချင်တာ ဘာလို့အဲ့ရောဂါဖြစ်ရတာလဲ။ ခွဲထုတ်လိုက်တဲ့အတွက် ဆိုးကျိူးရှိနိုင်လား။ ဆောင်ရန်ရှောင်ရန်လေးတွေ ပြောပြပေးပါဆရာ။ သူများတွေလဲဗဟုသုတရတာပေါ့။ ဓာတ်ပုံပါပို့ပေးလိုက်ပါတယ်။ လေးစားလျှက်ပါဆရာ။
(ကလေး)၊ (ခဏခဏ)၊ (ဆုံနေတာ) သတ်ပုံတွေကိုပြင်ရပါမယ်။
၂။ မင်္ဂလာပါဆရာ။ ကျွန်တော့်အမျိုးသမီးက အသက်၂၉ ရှိပါပြီ။ တစ်လ နှစ်ခါ သုံးခါလောက် အအေးမိတက်ပါတယ်။ အအေးမိတိုင်း လည်ချောင်း နာတက်ပြီး ဆေးခန်းပြတဲ့အခါ အာသီးပိုးဝင်နေတယ်လို့ပြောပါတယ်။ အာသီးပိုးဝင်တာက ဆိုးရိမ်ရပါသလား ဆရာ။ အခြား အထူးကုတွေနဲ့ ပြသဖို့ လိုသေးပါလားဆရာ။ ကျေးဇူးပြု၍ အကြံပြုပြီး ပြန်ကြားပေးပါဦး။
စိုးရိမ်လို့သာရေးရတယ်။ ဆိုးသွားမှာကို စိုးရိမ်တယ်။ ပြီးလို့သာရေးရပါတယ်။ ပီးလို့ရေးရတာမရှိပါ။
၃။ ဆရာရှင့် အာသီးရောင်တာ ဘာအသီးအနှံမှီဝဲရမလဲရှင့်။ ပြီးတော့ အပူဖုတွေလည်း ပါးစပ်နဲ့လျှာမှာ ပေါက်နေပါတယ်။ အဖျားလည်းနည်းနည်းရှိတော့ ဒိန်ချဉ်နဲ့တည့်ပါသလားရှင့်။ တချက်လောက်ဖြေပေးပါဦးနော်။ သမီးအသက်က ၂၆ နှစ်ပါဆရာ။
၎။ ဆရာ ကျွန်မအသက် ၂၇ နှစ်ပါရှင့်။ အိမ်ထောင်မရှိပါ။ အာသီးရောင်တာ ၂ နှစ်လောက်ကြာပြီ။ ဆေးခန်းပြလိုက် သက်သာသွားလိုက်နဲ့ ခနခနပြန်ဖြစ်ပါတယ်။ အခု Erythromycin 250 မနက်ည စွဲသောက်တာ ၁ လလောက်ရှိပါပြီ။ ဆေးရပ်လိုက်တာနဲ့ပြန်ရောင်ပါတယ်။ ဆေးကိုအမြဲစွဲသောက်သွားရမှာလားရှင့်။ လေးဖက်နာလည်းရှိပါတယ်။ ဆေးကြောင့်ဘေးထွက်ဆိုးကျိုးခံစားရမှာလဲကြောက်လို့ပါရှင့်။
လူတိုင်းမှာ အာသီးရှိတယ်။ ဘယ်-ညာ ၂ ခု။ ကောင်းနေရင် မျက်စိနဲ့မြင်ရဘူး။ ရောင်လာမှသာ ကြီးတာ၊ နီတာ၊ ပြည်တည်တာတွေ မြင်ရ၊ ခံစားရတယ်။ ပါးစပ်ဟခိုင်းရင် နီရဲ-ရောင်နေတဲ့ အာသီး တဖက်ဖြစ်ဖြစ် နှစ်ဖက်လုံးဖြစ်ဖြစ် မြင်ရမယ်။ အစာမျိုရမဲ့လမ်းကို ကျဉ်းရာကနေ ပိတ်လုလုအထိ ကြီးနေနိုင်တယ်။ ရောင်ရင် လည်ချောင်းနာပြီး ဖျားမယ်။ ရက်တိုရောင်ရာကနေ ပြည်တည်နိုင်တယ်။
Strep throat လို့ခေါ်ကြတယ်။ အများစုက ဆေးမလိုဘဲပျောက်တယ်။ ၄ဝ% က ၃ ရက်သာကြာပြီး ၈၅% က တပါတ်သာ ကြာတယ်။ Sore throat လည်ချောင်းနာနဲ့ Tonsillitis အာသီးရောင်တာကို ဖြစ်စေတဲ့ ပိုး (ဗိုင်းရပ်စ် နဲ့ ဗက်တီးရီးယား) တွေထဲက Group A beta-haemolytic Streptococci ဗက်တီးရီးယားဟာ Acute rheumatic fever ရက်တို ရူမက်တစ် အဖျား ရောဂါ နဲ့ Post-Streptococcal Glomerulonephritis ကျောက်ကပ်ရောင်ရောဂါကို ဖြစ်စေနိုင်တယ်။ ဒါ့ကြောင့် Antibiotics ပိုးသေဆေးပေးရတယ်။ သုတေသနတချို့က ဒီလိုဆေးပေးတာ အကျိုးနည်းနည်းသာရှိတယ်တဲ့။ တာရှည်ပေးဘို့လိုသူကို Azithromycin ပေးနိုင်တယ်။ Tympanostomy tube ပြွန်ထည့်ဘို့လိုသူကို ထည့်ပေးရမယ်။
ရှားပေမဲ့ဆိုးတဲ့ Staphylococcus aureus ဗက်တီးရီးယားကနေလဲ ဖြစ်တယ်။ MRSA ဆိုရင်တော်တော့ဆေးကို ယဉ်တယ်။ Streptococcus pneumoniae, Mycoplasma pneumoniae, Chlamydia pneumoniae, pertussis, Fusobacterium, diphtheria, syphilis, and gonorrhea တွေကနေလဲဖြစ်နိုင်တယ်။ ကျန်တာတွေလဲရှိသေးပြန်တယ်။
ဖြစ်စေနိုင်တဲ့ ဗိုင်းရပ်စ်အမျိုးအစားတွေက adenovirus, rhinovirus, influenza, coronavirus နဲ့ respiratory syncytial virus တွေဖြစ်ကြတယ်။ Epstein-Barr virus, herpes simplex virus, cytomegalovirus နဲ့ HIV ဗိုင်းရပ်စ် တွေကနေလဲ ဖြစ်တယ်။
ဆေးကုတဲ့အခါ အနာသက်သာဆေး Paracetamol/Acetaminophen/Ibuprofen တခုခု ပေးရမယ်။ အနာသာမက အရောင်လဲလျော့၊ အဖျားလဲကျတယ်။ ဆားရေနွေး၊ ငုံဆေး၊ ရေခဲငုံတာတွေကလဲ သက်သာစေလို့ သုံးသင့်တယ်။ Listerine mouth wash ကောင်းတယ်။
ဗိုင်းရပ်စ်ကြောင့်ဖြစ်တာ ကြာမယ်။ ခဏခဏဖြစ်နေသူဟာ အလာဂျီဖြစ်နိုင်တယ်။ ဗက်တီးရီးယားဆေးနဲ့ မရပါ။ Cetrizine ည ၁ လုံးသောက်ပါ။ မတည့်တာကိုရှောင်ပါ။ နာတာရှည်နေသူကို Tonsillectomy ခွဲစိတ်ရတယ်။ ပဌမမေးခွန်းထဲက ကလေးမှာ နှာခေါင်းမှာ အသီးလိုဖြစ်တာက အလာဂျီနဲ့ဆိုင်မယ်။ ဒါမှမဟုတ် ဗိုင်းရပ်စ်ကြောင့်ဖြစ်တယ်။
Penicillin or amoxicillin ဆေးကို ဗက်တီးရီးယားတွေအတွက် ပဌမတန်းစားအဖြစ်သုံးတယ်။ Cephalosporins နဲ့ Erythromycin တွေက ဒုတိယဆေးအုပ်စုတွေဖြစ်တယ်။ ပနယ်စလင်ဆေး မတည့်သူကို Erythromycin 250 mg တရက်တခါ၊ ၄ ရက်ပေးနိုင်တယ်။ နောက်တဆင့် Clindamycin or Amoxicillin-Clavulanate ဆေးပေးမယ်။ Abscess ပြည်တည်ရင် ခွဲထုတ်ရမယ်။ အာသီးကျောက်ဆိုတာလည်းရှိသေးတယ်။
(၁) Amoxicillin အမောက်ဆာစလင်
• အသက်ရှူလမ်း အထက်ပိုင်းပိုးဝင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊
• လေပြွန်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊
• အာသီး-အာခေါင်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊
• Amoxicillin အမောက်ဆာစလင် ဘေးထွက်ဆိုးကျိုးများ = ဝမ်းပျက်၊ အရေပြားအနီပြင်ထွက်၊ ဆေးမတည့်ဖြစ်ခြင်း။
(၂) Azithromycin (အဇစ်သရိုမိုင်စင်)
ဆေးနာမည်ရင်းဖြစ်တယ်။ (မက်ခရိုလိုက်အုပ်စု) ပဋိဇီဝဆေး ဖြစ်တယ်။ ဆေးကုမ္ပဏီတွေက Zithromax, Zithromax TRI-PAK, Zithromax, Z-PAK, Zmax နာမည်တွေ ပေးထားတယ်။ Azithromycin extended-release suspension (Zmax) အမျိုးအစား ဆေးရည်ဆိုရင် အစာမစားခင် ၂ နာရီကြိုတင် သောက်ထားပါ။ Aluminum နဲ့ Magnesium ပါတဲ့ Antacids လေနာသက်သာဆေးတွေနဲ့ တွဲမသောက်ပါနဲ့။ ဆေးကို အစာနဲ့ နီးနီး-ဝေးဝေး ပေးနိုင်တယ်။ ဆေးကြောင့် ပျို့-အန်ချင်သူတွေက အစာနဲ့သောက်ပါ။ ရေဖန်ခွက်တခွက် သောက်ပါ။ နေ့တိုင်း အချိန်တူမှာ သောက်ပါ။ ဆေးသက်တမ်း ကောင်းပါစေ။
• ရက်တို နားအလည်ပိုင်းရောင်ခြင်း၊ လူစုလူဝေးက ရတဲ့ နူမိုးနီးယား၊ အာသီး-အာခေါင်ရောင်ခြင်း၊ အရေပြားအနာများ၊ ဆိုင်းနပ်စ် ရောဂါ။ STD (ကလာမိုင်ဒီးယား) ကြောင့် ဆီးပြွန်အဝ-သားအိမ်အဝ ရောင်ခြင်း၊ = ပဌမနေ့မှာ 500 mg ပေး၊ ဒိနောက် 250 mg တရက်တခါ၊ ၄ ရက်။
• နာတာရှည် လေပြွန်ရောင်၊ (လိုင်မ်) ရောဂါ၊ လိင်မှတဆင့် ကူးစက်ရောဂါများ၊ နှလုံးအတွင်းသား-အရိုးအဆစ်-အစာခြေလမ်း- သားအိမ်အဝ ရောင်ခြင်း၊ နားပြည်ယိုခြင်း၊ သာမန် တိုက်ဖွိုက်၊ အသက်ရှူလမ်း၊ အရေပြား ပိုးဝင်ခြင်း၊ နူမိုးနီးယား = 250-500 mg (7.5-20 mg/kg) တနေ့တခါသောက်ပါ။
• နာတာရှည် အသက်ရှူလမ်းပိတ် ရောဂါ ပြန်ထခြင်း = 500 mg တရက်ပေး၊ ဒိနောက် 250 mg တရက်တခါ၊ ၄ ရက်ပေး။
• (ဂနိုရီးယား) ဆီးပြွန်ရောင်ခြင်း၊ သားအိမ်ဝရောင်ခြင်း = 2 g တခါတည်းပေး။
• လိင်လမ်း (ရှန်ကာ) အနာ၊ (ဂနိုရီးယား) မဟုတ်တဲ့ ဆီးပြွန်ရောင်ခြင်း၊ သားအိမ်ဝရောင်ခြင်း = 1 g တခါတည်းပေး။
• ဂိုနိုးရီးယားကြောင့် မျက်စိနာခြင်း = 20 mg/kg တခါတည်းပေးပါ။ 1% မျက်စဉ်းခပ်ပါ။
• ရက်တိုဖြစ်တဲ့ တင်ပါးဆုံတွင်း အင်္ဂါတွေရောင်ခြင်း = 500 mg IV ကို သွေးပြန်ကြောထဲ ၁ နာရီအတွင်းသွင်းပါ၊ ၁-၂ ရက်။
• STD လိင်ကတဆင့်ကူးစက်ရောဂါ ကာကွယ်ရန် = 1 g တခါတည်းသောက်ပါ။
• STD လိင်ကတဆင့်ကူးစက်ရောဂါ ကာကွယ်ရန် = ဆေး ၃ မျိုးတွဲနည်းအရ (Ceftriaxone or Cefixime + Metronidazole + Azithromycin or Doxycycline) ပေးပါ။
ကလေးတွေအတွက် Azithromycin ဆေးရည် 100mg/5mL နဲ့ 200mg/5mL လာတယ်။ ထိုးဆေးမှာ 500mg ပါတယ်။ 250mg, 500mg, 600mg လာတယ်။
• နားအလည်ပိုင်းရောင်ခြင်း၊ အသက် ၆ လ အထက်ကလေး = 30 mg/kg for 3 days or 10 mg/kg x 1 on day 1 followed by 5 mg/kg 2 – 5 days
• လူစုလူဝေးကနေရတဲ့ နူမိုးနီးယား၊ အသက် ၆ လ အထက်ကလေး = 10 mg/kg x 1 on day 1 followed by 5 mg/kg days 2 – 5 days
• ရက်တို ဗက်တီးရီးယားကြောင့်ဖြစ်တဲ့ ဆိုင်းနူဆိုက်တစ် = 10 mg/kg oral suspension PO qDay x 3 days
• အာသီး၊ အာခေါင်ရောင်ခြင်း၊ ၂ နှစ်အထက် = 12 mg/kg PO qDay x 5 days; maximum 500 mg/day
• MAC ကာကွယ်ရန်၊ ၆ နှစ်အထက် ကလေး = 20 mg/kg တပါတ်တခါပေးပါ။
Azithromycin (အဇစ်သရိုမိုင်စင်) ဘေးထွက်-ဆိုးကျိုး = ပျို့၊ ဝမ်းပျက်၊ အန်၊ ကြွက်တက်၊ ဗိုက်အောင့်၊ ခေါင်းကိုက်။
(၃) Ofloxacin (အိုဖလောက်ဆာစင်)
• Generic ဆေးနာမည်ရင်းဖြစ်တယ်။ ဆေးကုမ္ပဏီတွေက နာမည်တွေပေးထားတယ်။ ဥပမာ Floxin ပဋိဇီဝဆေး၊ (ဗက်တီးရီးယား) တွေကိုနိုင်တယ်။ ဆေးပြား 200mg, 300mg, 400mg နဲ့လာတယ်။
• Haemophilus influenzae နဲ့ Streptococcus pneumoniae ပိုးတွေကြောင့်ဖြစ်တဲ့ နူမိုးနီးယား နဲ့ လေပြွန်ရောင်တာကို အများဆုံးသုံးတယ်။
• Staphylococcus aureus နဲ့ Streptococcus pyogenes ပိုးတွေကြောင့်ဖြစ်တဲ့ အရေပြားနာတွေ အတွက်လဲ သုံးတယ်။
• STDs လိင်ကတဆင့် ကူးစက်ရောဂါများတွေဖြစ်တဲ့ (ဂနိုးရီးယား) နဲ့ (ကလာမိုင်ဒီးယား) အတွက်လဲ သုံးတယ်။ (ဆစ်ဖလစ်) ကို မနိုင်ဘူး။
• E. Coli ပိုးကြောင့်ဖြစ်တဲ့ ဆီးလမ်းရောင်တာနဲ့ ဆီးကျိတ်ရောင်တာတွေအတွက်လဲ သုံးတယ်။
• Streptococcus, Enterococcus နဲ့ Anaerobic bacteria တွေကို ဒီဆေးကမနိုင်ဘူး။
• ပန်းနာအတွက်သုံးတဲ့ Theophylline နဲ့တွဲရင် သတိထားရမယ်။ အတက်ရောဂါရှိသူတွေကိုလဲ သတိထားရတယ်။ အသက် ၁၈ နှစ်အောက်ကေလး မပေးသင့်ဘူး။
• ဒီဆေးသောက်နေချိန်မှာ နေရောင်သိပ်မထိတာကောင်းတယ်။ သွေးယိုတာ နဲနဲဖြစ်နိုင်တယ်။ ဆီးချို နဲနဲတက်နိုင်တယ်။
• ကိုယ်ဝန်ဆောင်ချိန်၊ နို့တိုက်ချိန်တွေမှာ ဒီဆေးမပေးတာကောင်းတယ်။
ဘေးထွက်-ဆိုးကျိုး = ပျို့၊ ဝမ်းပျက်၊ အန်၊ ခေါင်းကိုက်။ အိပ်မရတာ၊ ခေါင်းမူးတာ၊ ယားတာ၊ အမျိုးသမီးတွေ (ဗဂျိုင်းနား) ရောင်တာတွေဖြစ်နိုင်တယ်။ ဖနောင့်ကြောကိုထိခိုက်နိုင်လို့ ဆေးပေးနေတုံး ပြင်းပြင်းထန်ထန် လေ့ကျင့်ခန်း-အလုပ်လုပ်တာ ရှောင်ရမယ်။
(အင်တီဘိုင်အောတစ်) ပဋိဇီဝဆေးတွေကြောင့် အူတွေထဲမှာ ပုံမှန်နေကြတဲ့ (ဗက်တီးရီးယား) တွေ အခြေအနေ ပြောင်းစေတယ်။ အူမကြီးရောင်တာ ဖြစ်စေနိုင်တယ်။ (ဖန်းဂတ်စ်) မှိုပိုးလဲဝင်လာနိုင်တယ်။ တချို့အမျိုးသမီးတွေ အဖြူဆင်းတာ အဲတာကြောင့်ဖြစ်တယ်။ မလိုပဲမသောက်သင့်ပါ။ လိုသူတွေက မသောက်ပဲမနေသင့်ပါ။ လိုတဲ့သူ မသောက်ရင် လေးဖက်နာဆက်ဖြစ်နိုင်တယ်။
ကောင်းကောင်းနားနေပါ။ ရေခပ်နွေးနွေးသောက်လိုက်၊ အတော်အေးတာသောက်လိုက်သောက်ပါ။ အစာကိုနူးညံ့တာကိုရွေးစားပါ။ အာခေါင်ခံတွင်းကို ထိရှပူလောင်စူးစေတာကိုရှောင်ပါ။ အခန်းတွင်းလေ စိုထိုင်းဆမှန်ပါစေ။ ဆားရေနွေးနဲ့ပလုပ်ကျင်းပါ။ Benzocaine လိုထုံဆေးပါငုံစရာငုံပါ။ Acetaminophen ပါရာစီတမောဖြစ်ဖြစ် Ibuprofen ဖြစ်ဖြစ်သောက်ပါ။
၁။ Tonsillitis အာသီးရောင်ခြင်း http://doctortintswe.blogspot.com/2014/10/tonsillitis.html
၂။ Tonsil Stones အာသီးကျောက် http://doctortintswe.blogspot.com/2014/11/tonsil-stones.html
၃။ Rheumatoid Arthritis လေးဖက်နာ (အဆစ်နာ) http://doctortintswe.blogspot.com/…/rheumatoid-arthritis.ht…
၎။ Azithromycin (အဇစ်သရိုမိုင်စင်) http://doctortintswe.blogspot.com/2014/11/azithromycin.html
၅။ Erythromycin အရစ်သရိုမိုင်စင် http://doctortintswe.blogspot.com/2016/01/erythromycin.html
၆။ Amoxicillin အမောက်ဆာစလင် http://doctortintswe.blogspot.com/2014/11/amoxicillin.html
၇။ Strep throat လည်ချောင်းနာ http://doctortintswe.blogspot.com/2016/01/strep-throat.html
ဒေါက်တာတင့်ဆွေ

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...