Tuesday, February 9, 2016

ရိုးရိုးလေးပဲ အသက်ရှင်မယ်

Lwin Pyin

သူတို့ နှစ်ယောက်ရဲ့ ဝတ်စားပုံနဲ့ နေထိုင်ပုံက ရိုးရိုးလေးပဲ။ ကောင်မလေးကို အမေရိကန်သို့ နိုင်ငံရေး ခိုလှုံဖို့  ပြေးလာတဲ့ တရုတ်-ဗီယက်နမ် မျိုးဆက်က မွေးတယ်။ နာမည်က ပရင်စလာချန်။ ကောင်လေး နာမည်က မက်ခ် ဇက်ကာဘက်။ သူက အမေရိကန်ဖွား ဂျူးလူမျိုး ဘာသာမဲ့။ ဟားဗတ် တက္ကသိုလ် ဒုတိယနှစ် ကျောင်းပါတီမှာ သူတို့  စတွေ့ တယ်။ ၂၀၀၃ မှာ စကြိုက်ကြတယ်။
၂၀၀၄ မှာ ကောင်လေးက သူ့ အိမ်မက်တွေ အကောင်အထည် ဖော်ဖို့  ကျောင်းထွက် သွားတယ်။
နောင်သုံးနှစ် အကြာ ၂၀၀၇ မှာ သူ့  အိမ်မက်က ကမ္ဘာကျော်သွားပြီး အသက် ၂၃ နှစ်နဲ့  ကမ္ဘာ အငယ်ဆုံး ဘီလီယံနာ ဖြစ်လာတယ်။ ၂၀၁၂ မေ ၁၉ မှာ ငယ်ချစ် နှစ်ယောက် လက်ထပ် ကြတယ်။ ကောင်လေးရဲ့ အိမ် နောက်ဘက်က မြေကွက်မှာပဲ လက်ထပ်ပွဲ ရိုးရိုးလေး ကျင်းပတယ်။ မီဒီယာ တွေမှာ ဘီလီနာ စုံတွဲရဲ့  အိမ်နောက်ဖေးက မင်္ဂလာပွဲ လို့ သတင်းရေး ကြတယ်။
၂၀၁၅ ဒီဇင်ဘာမှာ ကောင်လေး ပိုင်တဲ့ Facebook လုပ်ငန်းစုဟာ ကမ္ဘာတန်ဖိုး အကြီးဆုံး အမှတ် တံဆိပ် ၁၀ ခု ထဲမှာ ပါလာပြီး သူရဲ့ ကြွယ်ဝမှု က ဒေါ်လာ ၄၅ ဘီလီယံ ဖြစ်လာတယ်။ ၂၀၁၅ ဒီဇင်ဘာ ၁ မှာ သမီးဦးလေး မွေးတယ်။ သမီးလေး မွေးပြီးတော့ ပိုင်ဆိုင်မှုရဲ့  ၉၉ ရာခိုင်နှုန်း လှူမယ် ဆုံးဖြတ်တယ်။ သူ့ ငွေတွေနဲ့  ကမ္ဘာနေရာ အနှံ့ က လူသားတွေ အတွက် ကျန်းမာရေး၊ ပညာရေး၊ သိပ္ပံ သုတေသန နဲ့  စွမ်းအင် တို့ ကို ညီမျှစွာ ရရှိအောင် ပံ့ပိုးမယ်လို့  ဆုံးဖြတ်ထားတယ်။ ဒါက ကျွန်တော်တို့  အခု သုံးနေတဲ့ Facebook ဆိုတဲ့ လူမှုကွန်ယက် ကို တည်ထောင်ခဲ့တဲ့ ကမ္ဘာ အကြွယ်ဝဆုံး ဘီလီယံနာ တစ်ယောက် ရဲ့  ဘဝကို ဖြတ်သန်းနေပုံပေါ့။
သူနဲ့ ဆန့် ကျင်ဘက်ပုံစံ ဘဝကို ဖြတ်သန်းနေတဲ့ ဘီလီယံနာ တွေလည်း ရှိတယ်။ ဥပမာ - တရုတ် နံပါတ် ၁ ဘီလီယံနာ ဝမ်ကျန်လင်။ သူဟာ ဒေါ်လာ ၂၅ ဘီလီယံ ပိုင်မယ် ခန့် မှန်းရတယ်။ ဒီကောင်လေး ပိုင်ဆိုင်မှုရဲ့  တဝက်လောက် ရှိတယ်။ ဘဝကို ဖြတ်သန်းပုံတော့ မတူဘူး။ သူတို့  ကြွယ်ဝမှုကို ပြဖို့ တန်ဖိုးကြီး ကျောက်စိမ်းနဲ့  လုပ်တဲ့ ပရိဘောဂ တွေ ဝယ်ရတယ်။ အခမ်းနားဆုံး အိမ်ကို ဆောက်ရတယ်။ လွန်ခဲ့တဲ့ နှစ်တွေက သူရဲ့ သားကနေ အိမ်မွေးခွေးကို ဈေးကြီးတဲ့ Apple နာရီ နှစ်လုံးပတ်ပြီး လူမှုကွန်ယက်မှာ ဓာတ်ပုံ ရိုက်တင် ကြွားခဲ့တယ်။
အာရပ်ကမ္ဘာက စော်ဘွားတွေလည်း ဒီကောင်လေး တဝက်လောက်တော့ ချမ်းသာတယ်။ သူတို့  လည်း ပင်ပန်းရှာတယ်။ နေ့ တိုင်း အဖိုးတန် သစ်မွှေးအဆီ နဲ့ ထုတ်တဲ့ ပစ္စည်းတွေ သုံးရတယ်။ ရွှေချထားတဲ့ မာစီးဒီးကားတွေ၊ ရွှေတုံး ထုတ်ပေးတဲ့ အေတီအမ် စက်တွေ၊ တန်ဖိုးကြီး ပြိုင်ကား၊ နာရီတွေ နဲ့ ရွှေအတိပြီးတဲ့ ပရိဘောဂ ပစ္စည်း တွေ သုံးပြီး ကြွယ်ဝမှုကို ပြိုင်ရရှာတယ်။ တပွဲကို မြန်မာငွေ သိန်း သုံးဆယ်လောက် တန်တဲ့ ရေခဲမုန့် ကို စားပြရတယ်။ ပြီးရင် ခုန ကောင်လေး ပိုင်တဲ့ Facebook လူမှု ကွန်ယက် မှာ တင်ကြွားရတယ်။
မက္ကဆီကို မူးယစ်ရာဇာ အယ်ချာပိုရဲ့  သား တွေလည်း သူတို့ ကြွယ်ဝမှု နဲ့ သြဇာ ရှိမှုကို လူမသိမှာ ကြောက်နေတယ်။ ဒါကြောင့် ဈေး အကြီးဆုံးကားတွေ အများကြီး ဝယ်ထားရတယ်။ မလိုဘဲနဲ့ အိုင်ဖုန်း အများကြီး ဝယ်ပြီး ရေထဲ စိမ်ပြရတယ်။ သိန်း ထောင်ချီပေးရတဲ့ သားရဲ တိရစ္ဆာန်တွေ မွေးပြတယ်။ သေနတ်တွေ ကိုင်ပြတယ်။ မိန်းမချောလေးတွေကို အနားမှာ အများကြီး ခေါ်ထားရတယ်။ ပြီးမှ ဒါတွေ အကုန် ဓာတ်ပုံရိုက် ခုနက ကောင်လေး ပိုင်တဲ့ Facebook ရဲ့  လုပ်ငန်းစု တစ်ခု ဖြစ်တဲ့ Instragram လူမှု ကွန်ယက်မှာ တင်ရတယ်။ သူတို့လည်း မသက်သာပါဘူး။
မြန်မာပြည် သူဌေးသားတွေလည်း ပင်ပန်းတာပဲ။ သိန်းထောင်ဂဏန်း နာရီတွေ နဲ့  အဖိုးတန် ပြိုင်ကားတွေ ဝယ်ပြီး ဓာတ်ပုံ ရိုက်တင်ရတယ်။ စိန်စီသောညမှာ မင်္ဂလာ ဆောင်ပြရတယ်။ ပန်းသီး တခြမ်းပဲ့ပုံ တံဆိပ် နဲ့  အခြား တန်ဖိုးကြီး တံဆိပ် တွေကို သူများမြင်အောင် အမျိုးမျိုး စဉ်းစားပြီး ဓာတ်ပုံ ရိုက်ရတယ်။ ပြီးရင် ခုနက ကောင်လေးရဲ့  လူမှုကွန်ယက် မှာ တင်ရတယ်။ သူတို့ မိဘ သူဌေးတွေလည်း သိပ် မသက်သာ ပါဘူး။ သိန်းပေါင်း များစွာ အကုန်ခံပြီး ဘုရား တွေတည်၊ သူတို့ နာမည် ကမ္ဗည်းထိုး၊ ရွှေအတိ ပြီးတဲ့ အင်္ကျီ အလေးကြီး ဝတ်ပြီး ရေစက်ချ ရတယ်။ ဒါမှ ဘာသာတရား ကိုင်းရှိုင်း တာရယ်၊ ချမ်းသာတာရယ် လူသိမယ်။
ဘဝမှာ ငွေကြေး ချမ်းသာမှု ဆိုတာ အကြောင်းကြောင်း ကြောင့် ရရှိနိုင်တယ်။ ဒီ ချမ်းသာမှုကို ဘယ်လို အသုံးချနေလဲ က ပို အရေးကြီးတယ်။
ကိုယ် လုပ်နေတဲ့ လုပ်ငန်း ပိုအောင်မြင်အောင် လုပ်မယ်။ လူတွေ အများကြီး အလုပ်အကိုင် ရရှိအောင် ဖန်တီးမယ်။ လူပတ်ဝန်းကျင်နဲ့  ကမ္ဘာမြေကြီး ကို အကျိုးပြုမယ်။ ဝါသနာပါရာ တွေကို စိတ်ကြိုက် ဖန်တီးမယ်။ ဘဝကို အကျေနပ်ဆုံး ဖြတ်သန်းမယ်။ ဒါဆို သိပ် အေးချမ်း ကျေနပ်စရာ ကောင်းပါတယ်။
ကိုယ့်ကို သူများတွေက အထင်ကြီးလာဖို့ (သို့ ) ကိုယ် ချမ်းသာတာ ပတ်ဝန်းကျင်က သိဖို့ နေထိုင်ရ၊ ကြိုးစား ဓာတ်ပုံရိုက်ပြ နေရင်း အချိန်ကုန် သွားရတာ ပင်ပန်းလွန်းပါတယ်။ တခြားလူတွေနဲ့ ပါ ပြိုင်နေရတော့ ပူလောင်တယ်။ ငွေတွေလည်း အလကား ကုန်တယ်။ ဒါတွေ လုပ်ပြနေမှ လူ အထင်ကြီးမှာ မဟုတ်ပါဘူး။ ဘဝရဲ့  အမွန်အမြတ် ဆိုတာ ရိုးရိုးလေး ရှင်သန်ရတာပါ။
၂၀၀၄ တုန်းက ဇက်ကာဘက်ဆိုတဲ့ ကောင်လေး က Facebook ဆိုတဲ့ လူမှုကွန်ယက် ကို စတည်ထောင် ခဲ့တယ်။ အခု သူ ၃၂ နှစ်ရှိပြီ။ ကမ္ဘာ အချမ်းသာဆုံး ဘီလီယံနာ တစ်ယောက် ဖြစ်တယ်။ သူတို့  နှစ်ယောက် ထက်တော့ ကျွန်တော်တို့  ပို မချမ်းသာနိုင်ပါဘူး။ သူတို့ တောင် ဘဝကို ရိုးရိုးလေးပဲ ဖြတ်သန်းနေပါတယ်။ Facebook ကိုလည်း ရိုးရိုးလေးပဲ သုံးနေပါတယ်။
(ဖြိုးကိုကိုနိုင်)

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...