Friday, February 12, 2016

** မြို့မငြိ်မ်းနှင့်တူးပို့သင်္ကြန်** အပိုင်း- ၂ ( နောက်ဆုံး)

Music Crazy Te Te Tar Tar's photo.

ဤသို့ဖြင့် လူထုသဘောဆောင်သော သင်္ကြန်များ၏ အရှိန်အဟုန်က အားကောင်းလာသော စစ်ကြိုခေတ် ကာလများ တွင် မန္တလေးသင်္ကြန်တွင် မပါမဖြစ် ပါဝင်ဆင်နွှဲလျက်ရှိသည့် မြို့မတူရိယာအသင်းက ငွေငန်းအလှပြယာဉ်ဖြင့် မြူးကြွသော သင်္ကြန်သီချင်းများ ကိုလည်း နှစ်စဉ် အသစ်အသစ် ရေးစပ်သီဆိုတီးမှုတ်ခဲ့ရာ လူထုသင်္ကြန်သည် ဂီတသင်္ကြန်၊ အကသင်္ကြန်၊ အလှသင်္ကြန်များ အဖြစ် ယဉ်ကျေးမှု မှတ်ကျောက် တင်နိုင်ခဲ့ကြ၏။

ထိုအချိန်ကာလတွင် သင်္ကြန်၏ အမှတ်လက္ခဏာ ‘ဒိုးဆစ်’ ဖြစ်သည့် ‘တူးပို့၊တူးပို့’ ကို ပိုမိုလေးနက်၊ ပိုမို အထင်အရှား ဖြစ်စေသော တေးသီချင်းတပုဒ်ကို ဆရာမြို့မငြိမ်းက ရေးစပ်လိုက်ခြင်း ဖြစ်သည်။ ထိုအခါ နား၌သာ အကြားအဖြစ် ထင်ဟပ်ခဲ့သည့် ဒိုးဆစ်သံက စကားလုံးတေးသွား အဖြစ် လူတိုင်းနှုတ်ဖျား၌ သီဆို၊ စွဲမြဲ၊ နှစ်သက်၊ ကျယ်ပြန့်၊ ချိုမြိန်သွားတော့သည်။
“သင်္ကြန်နှစ်ဦး တူးပို့…၊ တူးပို့၊
တူးသံ မြူးသာယာ…၊
သင်္ကြန်မယ်များ တူးပို့…၊ တူးပို့
တူးမရဲ့ နော်ဗျာ…၊
ငွေငန်းသံစုံ၊ တူးပို့…၊ တူးပို့
အာရုံဖျော်ဖြေတာ…
မယ်တို့ကိုလည်း၊ တူးပို့ တူးပို့ မာပါစေခင်ဗျာ….”
“ပိတောက်တွေ ၀င်းလျှံရွှေရည်လူး တူးပို့တူးလဲ့ဝါ
ညှင်းလေဖြူးဖြူး ဆော်ကာမြူး တူးပို့တူးညင်သာ
သင်္ကြန်ရေ အေးတာ အေးတာ..
သင်္ကြန်ရေ အေးတာ အေးတာ..
ရွှဲရွှဲလောင်းပါ တူးပို့တူးပို့
တူးသံမြူးသည် ချစ်ကြည်သင်္ကြန်ခါ..။”
ဤကား အတိတ်ကံ၊ ပါရမီ၊ ဉာဏ်ရည်၊ စေတနာ၊ ပညာ၊ ၀ီရိယနှင့် လုံ့လတို့ဖြင့် ဂီတကို ဘ၀အဖြစ် ခံယူခဲ့ပြီး မြန်မာ့ဂီတကို ကမ္ဘာ့ အဆင့်မီရေးကို အသက်စတေး၍ ကြိုးပမ်းခဲ့သော အနုပညာရှင်တဦး၏ ရှားပါးတိုက်ဆိုင် ကွန့်မြူး၊ ပွင့်ထွက်မှုမှ ရရှိလာသော အမွေအနှစ် ဖြစ်ပါ၏။
မြို့မငြိမ်း ဘယ်သူလဲ
၁၂၇၀ ပြည့်နှစ် တပို့တွဲလဆန်း ၅ ရက်၊ တနင်္လာနေ့ (၂၅.၁. ၁၉၀၉) တွင် အဖရွှေပန်းထိမ် ဆရာကြီး ဦးညီ၊ အမိ ယွန်းထည်ကုန်သည် ဒေါ်ချစ်ဦးတို့က မန္တလေးမြို့ ၂၈လမ်း (လမ်း ၈၀ နှင့် ၈၁ လမ်းကြား) နေအိမ်တွင် မွေးဖွားခဲ့ သည်။ အမည်ရင်း မောင်ကျော်ညိန်း ဖြစ်ပြီး မန္တလေးဗဟို အမျိုးသားကျောင်းတွင် ပညာသင်ကြားခဲ့သည်။ ဆယ်နှစ် သားအရွယ် ကတည်းက “ဇမ္ဗူကျွန်းလုံး” သီချင်းကို စောင်းဆရာကြီး ဒေ၀ဣန္ဒာ မောင်မောင်ကြီးထံမှ နေ့ချင်းပြီး တက်ယူနိုင်ခဲ့ သဖြင့် စောင်းဆရာကြီး ကိုယ်တိုင် အံ့အားတသင့် ချီးမွမ်း ခံခဲ့ရသည်။ ရွာစားကြီး စိန်ဗေဒါနှင့် အိမ်နီးနားချင်း ဖြစ်ခဲ့ပြီး ရွာစားကြီး တီးသမျှကို နားဖြင့် မှတ်သားကာ ဘင်ဂျို၊ မယ်ဒလင်၊ ဗျက်စောင်းတို့ဖြင့် လိုက်ပါ တီးခတ်ခဲ့သည်။
မောင်ကျော်ညိန်း၏ ပါရမီကို သိရှိရသဖြင့် အဘိုးဖြစ်သူက မျက်နှာချင်းဆိုင် ရှေ့တော်ပြေးဝင်းတွင် နေထိုင်သူ ဂီတလည်း ကျွမ်းကျင်သူ ပန်းချီဆရာကြီး ဦးဘသက်ထံ အပ်နှံပြီး၊ ဂီတပညာကို စနစ်တကျ သင်ယူစေခဲ့သည်။ ဦးဘသက်ထံ ဂီတပညာ သင်ယူရင်း အနောက်တိုင်း ဂီတဆရာများ ဖြစ်ကြသော စန္ဒရား မစ္စတာရီဂိုး၊ မစ္စတာဘော်ဘီ၊ တယော ဆရာမာတင်၊ မစ္စတာ ဂျီဒေါက်ကလပ်တို့ထံ နိုင်ငံတကာ ဂီတသင်္ကေတ ပညာများ စနစ်တကျ သင်ယူခဲ့ သည်။ မစ္စတာရီဂိုး၏ “ ရီဂိုးဗင်” တီးဝိုင်းတွင်လည်း အနောက်တိုင်း တူရိယာများ ပါဝင်တီးမှုတ်ခဲ့၏။
၁၉၂၅ ခုနှစ်တွင် ဦးဘသက်၊ ဓားတန်းကိုသန့်၊ ကိုဘအုန်း၊ ကိုဘငွေ၊ ကိုလှဒင်၊ ကိုမြသိန်းတို့နှင့် အတူ ဗုဒ္ဓဝေယျာဝစ္စ မြို့မအပျော်တမ်း တူရိယာအသင်းကို တည်ထောင်ခဲ့သည်။ လိုအပ်သော တူရိယာပစ္စည်းများနှင့် ငွေကြေးအချို့ ကိုလည်း ဆိုင်းတန်းရပ် အပေါင်ဆိုင်ပိုင်ရှင် ဦးတော်လုံက စိုက်ထုတ်ပေးခဲ့သည်။ ၁၉၂၈ ခုနှစ်မှစ၍ မြို့မ အသင်းသား များကို ဓားတန်းကိုသန့်နှင့် ပေါင်း၍ အနောက်တိုင်း ဂီတသင်္ကေတ ပညာများ သင်ကြားပေးခဲ့သည်။
မောင်ကျော်ညိန်း(၀ါ)မြို့မငြိမ်း ပါဝင် စုစည်းခဲ့ကြသည့် မြို့မတူရိယာအသင်းကလည်း –
(က) မြန်မာသီချင်းကြီးများ ဆည်းပူးပျံ့ပွားရေး၊
(ခ) ကမ္ဘာသုံးတူရိယာများ လေ့လာသင်ကြားတတ်မြောက်ရေး၊
(ဂ) Music အမှတ်အသားပညာဖြင့် ရေးသားထားသော တူရိယာပညာကို ဆည်းပူးလေ့လာရန်၊
(ဃ) ကမ္ဘာ့ခေတ်မီ တူရိယာဝိုင်းကြီး ဖြစ်မြောက်ရေး၊
(င) ရှေးမြန်မာ သီချင်းကြီးများကို ကျွမ်းကျင်သူများနှင့် ညှိနှိုင်း၍ ကမ္ဘာသုံးဖြစ်သော Music Note ပညာဖြင့် ကူးပြောင်း လေ့လာရန်၊
(စ) မြန်မာနိုင်ငံတော်အတွင်း တူရိယာအသင်းများက ဆက်သွယ်ပါလျှင် တတ်အားသမျှ အားပေးကူညီရန်၊ဟူသော ရည်ရွယ်ချက်များ ချမှတ်ခဲ့သည့်အတွက် မြန်မာသီချင်းကြီးများအား ခေတ်မီအနောက်တိုင်း တူရိယာပစ္စည်းများဖြင့် ဂီတသင်္ကေတ ပညာ အသုံးပြုကာ တီးမှုတ်ရေးမှာ ဧရာမကနဦး စွန့်စားမှုကြီးတစ်ခု ဖြစ်ခဲ့ပါသည်။
၁၉၃၀ – ၃၁ ခုနှစ်များတွင် မဟာဂီတ သီချင်းကြီးများကို အနောက်တိုင်းတူရိယာ၊ အနောက်တိုင်း ဂီတသင်္ကေတ များဖြင့် ၀ိုင်းဖွဲ့ တီးမှုတ်မှုကို ဦးတည်နိုင်ရေး အတွက် မြို့မတူရိယာအသင်းကို ဦးဆောင်ပြီး “တောမြိုင်ခြေလမ်း” ယိုးဒယား သီချင်းကြီးကို အနောက်တိုင်း တူရိယာ၊ အနောက်တိုင်း သင်္ကေတများဖြင့် ၀ိုင်းဖွဲ့ကာ စတင်တီးမှုတ်ခဲ့သည်။
ထိုနှစ်မှာပင် မိတ်္ထီလာမြို့သူ မန္တလေးနော်မန် ကျောင်းဆရာမလေး မသန်းမေနှင့် အိမ်ထောင်ပြုသည်။ မြို့မတူရိယာ အသင်း အတွက် “ကဆုန်ညောင်ရေ” နှင့် “တ၀ါတွင်း” ဟူသည့် သီချင်းနှစ်ပုဒ် ရေးစပ်ပေးခဲ့ပြီး နောက်နှစ် ၁၉၂၉ အသင်း၏ ပထမဆုံး ၀ါဆိုပန်းကပ်ပွဲတွင် “ မြို့မ၀ါဆို” သီချင်းရေးစပ်ခဲ့သည်။
၁၉၃၅ ခုနှစ်တွင် ခွေးတံဆိပ်ကုမ္ပဏီနှင့် ချစ်တာပဓာန၊ ခင့် အိပ်မက်၊ ရှုမ၀ (လူပျိုသိုး) သီချင်းများ ဓာတ်ပြားသွင်းခဲ့ သည်။ “ မန္တလေး မြို့မ မောင်ညိန်းရေးစီသော…” ဟု ဓာတ်ပြားများတွင် ပါရှိခဲ့သည်။ ဆက်လက်၍ “ မန်ဒါလီ”၊ “နှစ်ပိဿာခွဲ”၊ “ပျိုး”၊ “ကသစ်ပန်း” စသည့် သီချင်းများကို ၀ိုင်းဖွဲ့တီးမှုတ်မှုပုံစံနှင့် ဓာတ်ပြားများသွင်းခဲ့သည်။
ပါရမီတော်၊ နတ်သျှင်နောင်၊ ပျို့မှာတမ်း၊ မေ့ပါနိုင်၊ သက်ဝေ၊ ရွှေမင်းဝံနှင့် နွဲ့မျိုးစုံ သီချင်းတို့ကိုလည်း စစ်မဖြစ်မီက ဓာတ်ပြား အဖြစ်ထုတ်ဝေခဲ့သည်။ ၁၉၃၉ ခုနှစ် လွတ်လပ်ရေး တောင်းဆိုမှုတိုက်ပွဲ ဒီရေမြင့်တက်ချိန်၌ မန္တလေးတွင် အင်္ဂလိပ် အစိုးရက ဈေးချိုတော်၌ ပုဒ်မ ၂၃ (၇) ကို ထုတ်ပြန်သောအခါ ဈေးချို ၁၂ ရုံလုံး သပိတ်မှောက်ပြီး အိမ်တော်ရာ ဘုရားဝင်းအတွင်း ယာယီဈေး ဖွင့်လှစ်သည့် တိုက်ပွဲကို ဂုဏ်ပြုပြီး “ အိမ်တော်ရာ ဘုရားဈေး” သီချင်းကို ရေးစပ်ခဲ့သည်။
ဂျပန်ခေတ်ကာလတစ်လျှောက်လုံး အမရပူရ၊ မင်းကွန်းသဲဖြူချောင်း၊ မေမြို့၊ ကျောက်မဲနှင့် စစ်ကိုင်းတောင်ရိုးတို့တွင် စစ်ခိုလှုံခဲ့၏။ စစ်ကိုင်းတောင်ရိုးတွင် စစ်ခိုလှုံစဉ် “ရေချိုးဆိပ်” သီချင်းနှင့် “ ပြာပြာမှိုင်းမှိုင်း၊ မြူခိုးလွင်ဆိုင်းရီ…” အစချီ သီချင်းများ ရေးစပ်ခဲ့သည်။ မဟာမိတ်တပ်များ မန္တလေးကို သိမ်းပိုက်ပြီးနောက် မိသားစုနှင့် မန္တလေးပြန် အရောက် ဘကြီးဘုန်းကြီး၏ စကုတိုက်တွင် ခေတ္တနေ ထိုင်စဉ် “ထိုသုံးပါး” သီချင်းကို ရေးစပ်ခဲ့၏။
စစ်ကြီးအပြီး မန္တလေး ပြန်အရောက် ၁၉၄၅ ခုနှစ် ဒီဇင်ဘာ ၂၉ ရက်တွင် မြို့မိမြို့ဖများနှင့် ပူးပေါင်းကျင်းပသော လူငယ်များ ကာယဗလ လိုက်စားရေး လှုံ့ဆော်ပွဲတော် အတွက် အိုလံပစ်၊ ယဉ်တကိုယ်မယ်နှင့် ယိမ်းသီချင်းများ၊ ပြဇာတ် သီချင်းများ ရေးသားခဲ့သည်။ ၁၉၄၇ ခုနှစ်တွင်မူ အစဉ်အလာကြီးသည့် မန္တလေးသင်္ကြန် အတွက် ငွေငန်း အလှပြယာဉ်နှင့် သီဆိုတီးမှုတ်ရန် “ရွှေမန်းတောင်ရိပ်ခို” သီချင်း၊ “အေးအေးချမ်းချမ်း” သီချင်းများ ရေးစပ်ခဲ့သည်။
၁၉၅၂ ခုနှစ်တွင် ရန်ကုန်မြို့၌ ကျင်းပသော ပြည်တော်သာ ညီလာခံအတွက် “လူချွန်လူကောင်း” သီချင်းကို ရေးစပ်ခဲ့ပြီး ထိုစဉ်က ၀န်ကြီးတဦးဖြစ်သူ ဦးထွန်းဖေ၏ မေးမြန်းချက်အရ မြန်မာသီချင်းကြီးများအား International Note/Staff Note တို့နှင့် မှတ်တမ်းတင် တီးမှုတ်၍ ရ,မရ ဟူသော မေးခွန်းအပေါ် “စံရာတောင်ကျွန်း” ကြိုးသီချင်းကြီး အား မြို့မအသင်းသားများက တီးမှုတ်စေကာ သက်သေပြခဲ့သည်။ သို့သော် မြန်မာသီချင်းကြီးများကို ဂီတသင်္ကေတ အသုံးပြုပြီး ခေတ်မီတူရိယာပစ္စည်းများနှင့် တီးမှုတ်နေသည်မှာ မြို့မ စတင်ဖွဲ့စည်းခဲ့သည့် ၁၉၂၈ ခုနှစ်ကတည်းက ဖြစ်၏။
ထို့ကြောင့် ၀န်ကြီးက မြန်မာသီချင်းကြီးများကို ကမ္ဘာလုံးသင်္ကေတနှင့် ရေးသားပြုစု၍ ထိန်းသိမ်းလျှင် နောင် အရှည်သဖြင့် အကျိုးများဖွယ် ရှိကြောင်း၊ ထိုအခါကျမှ နားလည်သဘောပေါက်ကာ ကက်ဘိနက်တွင် ညှိနှိုင်းဆွေးနွေး ဆုံးဖြတ်ချက် ရယူပြီးနောက် တနှစ် အကြာ (၁၉၅၃ ခု၊ ဧပြီလ) ၌ မဟာဂီတ အကြံပေးအဖွဲ့ ဖွဲ့ကာ မဟာဂီတ သီချင်းကြီးများကို သီဆိုတီးမှုတ်ခြင်းနှင့် မူမှန်စံပြ ထားရှိရေး၊ အမှတ်သင်္ကေတပြုရေး၊ အသံသွင်းထားရေးနှင့် ရုပ်ပေါ်သံထွက် ပြုလုပ်ရေးကိစ္စများ ဆောင်ရွက်ခဲ့ပါသည်။
၁၉၅၃ ခုနှစ်တွင် ပီကင်း၌ ကျင်းပမည့် ကမ္ဘာ့ငြိမ်းချမ်းရေး ညီလာခံ အတွက် “ကမ္ဘာ့ငြိမ်းချမ်းရေး” သီချင်းတို့ ရေးစပ်ခဲ့သည်။ “ကမ္ဘာ့ငြိမ်းချမ်းရေး” သီချင်းကို ရေးစပ်ခဲ့သောကြောင့် ထိုစဉ်က အာဏာရအစိုးရ၏ ငြိုငြင်ခြင်းကို ခံခဲ့ရသည်။
၁၉၅၄ ခုနှစ်တွင် မန္တလေးရုပ်ရှင် ကုမ္ပဏီလီမိတက်၌ ဂီတမှူးအဖြစ် တာဝန်ယူကာ Musical Picture ကားပိုင်းတိုများ နှင့် အတူ အငြိမ့်တိမ်ထိုး၊ ရွှေအိုးစည်တီးကွက်၊ တိမ်လွှာမို့မိုလွင်နှင့် အိမ်သူပီပီ သီချင်းတို့ကို တီထွင် တီးမှုတ်ကြိုးပမ်း ခဲ့သည်။ ဆရာမြို့မငြိမ်း၏ ဂီတအလုပ် ဆိုသည်က သီချင်းတွေ ရေးရုံဖြင့် တင်းတိမ်ကျေနပ်ကာ အချိန်ကုန်ခဲ့သည် မဟုတ်။ သေးသေးမွှားမွှား မဟုတ်။ ဆရာ့ရည်ရွယ်ချက်၊ ဆရာ့စိတ်ကူးစိတ်သန်းက မြို့မတူရိယာအသင်း စတင် သနေ်္ဓတည်စဉ်ကပင် မြန်မာ့ဂီတကို ကမ္ဘာအဆင့်သို့ မြှင့်တင်စေရန်နှင့် ဆင်ဖိုနီခေါ် မြန်မာ့သံစုံတီးဝိုင်းကြီး ဖွဲ့စည်းနိုင် ရေးကို ရည်ရွယ်ဦးတည် ကြိုးပမ်းခဲ့ခြင်း ဖြစ်သည်။
ဂီတနှင့်ပတ်သက်၍ ကြီးကြီးကျယ်ကျယ် မြင့်မြင့်မားမား စိတ်ကူးထားသူ ဖြစ်သည်။ ဂီတတွင် နယ်နိမိတ်မရှိ၊ လူမျိုးမခွဲခြား၊ ကန့်သတ်မှု မထားအပ်၊ လူသားအားလုံးပိုင် ပစ္စည်းအဖြစ် ယုံကြည်သည်။ ဂီတသည် အလွန် လေးနက်သည့် သဘောရှိသည်ဟု ခံယူသူလည်း ဖြစ်၏။ စာဖြင့် ဖွဲ့မပြနိုင်သည့် ရင်ဖြင့်ခံစားမှုကို ဂီတဖြင့် ဖော်လှစ်နိုင်သည်ကို ဆရာမြို့မငြိမ်းက အကြွင်းမဲ့ လက်ခံသည်။ ထို့ကြောင့် နားဖြင့်သာမက ရင်ဖြင့်ခံစားနိုင်သည့် ဂီတမျိုးကို ဆရာက ဖွဲ့ချင်သည်။
သို့သော် အနေအထိုင် ရိုးသား သိုသိပ်လွန်းလှသဖြင့် ဆရာမြို့မငြိမ်း၏ ရည်ရွယ်ချက်နှင့် စိတ်ကူးစိတ်သန်းအား ထဲထဲဝင်ဝင် သိရန် မလွယ်ကူ၊ မသိခဲ့ကြ။ ထိုအခါ ဆရာ့တွေ့လျှင် သီချင်းစပ်ခိုင်းဖို့၊ သီချင်းတောင်းဖို့ပဲ အားထုတ်ကြ သည်။ ဂီတကို နားလည်သူများကပင် သူ့ကို နားမလည်ခဲ့ကြ။ ဆရာသည် ထိုကွာဟမှုကို ကြံ့ကြံ့ခံသည်။ ထိုသူတို့ လိုလားသော သီချင်းစပ်ခြင်း အလုပ်ကို ဖြစ်အောင်လုပ်ပေးကာ ဆရာ့စိတ်ကူးစိတ်သန်း၊ ဆရာ့ရည် မှန်းချက်အတွက် ရှိသမျှ အင်အားအစွမ်းအစတွေ ထုတ်သုံးပြီး ဇွဲကြီးနပဲကြီး ကြိုးစားခဲ့သည်။ ဆရာမြို့မငြိမ်းသည် လောကဓံ၏ အရိုက်အပုတ် အဆင်းရဲ အပင်ပန်းဒဏ်ကို မတုန်မလှုပ်ခံ၏။ ငတ်ပြတ်မှုကို ရင်ဆိုင်ခဲ့ရ၏။
သို့သော် လုပ်ရသမျှ၊ ပင်ပန်းသမျှ၊ အနစ်နာခံရသမျှ၊ သမင်မွေးရင်း ကျားစားရင်း ဖြစ်ရသည်။ အိတ်ပေါက်နှင့် ဖားကောက်ခဲ့ရသည်။ တချို့ ဖြစ်ရပ်များက လှေပြေးတုန်း တက်ကျိုး အဖြစ်မျိုး ရင်ဆိုင်ခဲ့ရ၏။ ဂီတနှင့် ပတ်သက်၍ သီချင်း ရေးစပ်ရုံမျှ မဟုတ်ဘဲ ရည်ရွယ်ချက်ကြီးမားခဲ့သော ဆရာမြို့မငြိမ်းအဖို့ ကြိုးပမ်း ဆောင်ရွက်ခဲ့ရသမျှသည် သမင်မွေးရင်း ကျားစားရင်း ဖြစ်ပြီး အားတက်မှုထက်၊ အားပျက်စိတ်ပျက်မှုများ ပိုမိုခံစားလာရပြီး ၁၉၅၅ ခု၊ စက်တင်ဘာ ၁၅ ရက်၊ ၁၃၁၇ ခုနှစ် ၀ါခေါင်လပြည့်ကျော် ၁၃ ရက် ကြာသပတေးနေ့တွင် မန္တလေးအနောက်ပြင် စိန်ပန်းသံလျက်မှော် အနောက်ပိုင်း မြေလမ်းလေးဘေး မောင်းလာသော အုတ်တင်ကားအောက် ခေါင်းထိုးခံရင်း ဘ၀အဆုံး၊ နိဂုံးကမ္ပတ် အဆုံးသတ်ခဲ့ရ လေ၏။ ကွယ်လွန်ပြီးနောက်မှ အစိုးရက ဆရာမြို့မငြိမ်းကို အလင်္ကာကျော်စွာဘွဲ့ ချီးမြှင့်ခဲ့သည်။
Credit -- ဆူးငှက်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...