စာဖတ်ခြင်း၊ စာရေးခြင်း ၀ါသနာပါသူများအတွက်...

ကွန်ဆူး မား

စာဖတ်နည်းကို SIMAC လို့ အတိုကောက် ဆိုကြပါတယ်....။
S `` Situation´´ ( ခေတ်၏ အခြေအနေ)
I `` Intention ´´ ( စာရေးသူ၏ ရည်ရွယ်ချက် ၊ စာရေးသူ၏ စေတနာ )
M `` Matter ´´ ( အကြောင်းအရာ )
A `` Approach ´´ ( ချည်းကပ်နည်း၊ ဇောင်း ပေးခြင်း)
C `` Consistency ´´ ( အကြောင်းအကျိုးညီညွတ်ခြင်း၊ ရှေ့ /နောက်ဆီလျော်ခြင်း)

ဒါကတော့ ဆရာကြီး ဦးရွှေအောင်ရဲ့ `` ဘ၀ အကျဉ်းသား ´´ စာအုပ်ထဲက စာဖတ်နည်းလေးပါ...။

စာဖတ်နည်းလေး ဆိုပေမယ့် တကယ်တော့ စာရေးနည်းလည်း ဖြစ်ပါတယ်..။

စာဖတ်တဲ့ အခါမှာ စာရေးသူ ညွှန်းဆိုထားတဲ့ ခေတ်ထဲကို ၀င်ရောက်ရပါတယ်....၊ စာရေးသူရဲ့ ရည်ရွယ်ချက်ကိုလည်း ရှာဖွေနိုင်ရပါမယ်...၊ သေချာတဲ့ အကြောင်းအရာလေးကလည်း ကျိုးကြောင်းဆီလျော်နေတဲ့အခါမှာ ချည်းကပ်ပုံကို ရှာဖွေခြင်းကတော့ စာဖတ်သူရဲ့ သီးခြား အတွေးအမြင်ဖြစ်ပါတယ်..။

စာရေးသူများဟာ တစ်ဦးနှင့် တစ်ဦး ချည်းကပ်ပုံခြင်း မတူကြပါဘူး...၊
တစ်ချို့လည်း တိုးတိတ်ငြင်သာစွာ ချည်းကပ်တတ်ပေမယ့် တစ်ချို့ကတော့ ဦးတည်ရာအရပ် သတ်မှတ်ပြီး ရှူးရှူးရှားရှား ချည်းကပ်တတ်ပါတယ်...။

ချည်းကပ်ပုံခြင်း တူညီနေလျှင်လည်း တစ်ဦးနှင့်တစ်ဦး အမူအယာအားဖြင့် ကွာခြားတတ်ပါတယ်....။

စာရေးသူများအနေဖြင့် အကြောင်းအရာ တစ်ခုကို ဘယ်လိုပဲ ချည်းကပ်ပါစေ နောက်ဆုံးမှာတော့ ပေးချင်တဲ့ မက်ဆေ့ခ်ျလေးကိုတော့ဖြင့် ချန်ထားရစ်ခဲ့ကြပါတယ်...။

ချည်းကပ်ပုံကို ပထမဆုံး သတိပြုမိတာကတော့ ခေါင်းစဉ်လေးကနေ စပါတယ်...။

ခေါင်းစဉ်ရွေးချယ်မှုဟာလည်း အကြောင်းအရာတစ်ခုအတွက် အလွန် အရေးကြီးပါတယ်..။

စာရေးတဲ့ နေရာမှာတော့ အထက်ပါအချက်များအနက် ``စေတနာ´´က ပိုပြီး တန်ဘိုးကြီးတယ်လို့ ယူဆရပါတယ်...။

ပေးချင်တဲ့ မက်ဆေ့ခ်ျလေး လှပခဲ့လျှင် အကြောင်းအရာလေးကို အရင်စဉ်းစားရပါတယ်...၊ အဲဒီနောက်မှာ ရေးသားလိုတဲ့ ခေတ်ကို ရွေးချယ်ရပါတယ်...။

အဲဒီခေတ်ထဲမှာ ချည်းကပ်ပုံ သေသပ်လှပခဲ့ပါလျှင် အကြောင်းအရာလေးကလည်း ရှေ့နောက်ညီညွတ်ပြီး ကျိုးကြောင်းဆီလျော်နေတတ်ပါတယ်....။

အစဦးအဖွင့်လမ်းကြောင်းလေးဖြင့် စာဖတ်သူကို ဆွဲယူနိုင်ရန် လိုအပ်ပြီး အလည်တွင် အကြောင်းအရာများ ပြည့်ပြည့်စုံစုံ အချက်ကျကျ ဖော်ပြကာ အဆုံးမှာတော့ စေတနာလေးတွေကို ထည့်သွင်းရပါတယ်...။

အများအားဖြင့်တော့ ဇာတ်နိပါတ်တော်များ၊ သမိုင်းပုံပြင်များ၊ ဒဏ္ဍာရီများ၊ ဖြစ်ပျက်နေသော လက်တွေ့ အခြေအနေများဖြင့် ကျိုးကြောင်း ဆီလျော်သော စာတစ်ပုဒ်ကို ရေးသားရယူနိုင်ပါတယ်...။

နှလုံးသား အဟာရအဖြစ် ``ရသ´´ စာပေလေးများ ရေးသားနိုင်ပြီး အကျင့်စာရိတ္တနှင့် အတွေးအခေါ် အယူအဆများကို လှပစွာ ဖန်တီးနိုင်ပါတယ်...။

ဦးနှောက် အဟာရအတွက်တော့ တိကျသော အကိုးအကား အထောက်အထားများဖြင့် လေ့လာဆန်းစစ်မှုကို တိုးတက်စေသော ``သုတ´´ စာပေလေးများကို ရေးသားနိုင်ကြပါတယ်....။

လက်တွေ့ဖြစ်ပေါ်နေသော အခြေအနေအမှန်များကို ကိုးကား၍လည်း အသိဥာဏ်ကို အထောက်အကူဖြစ်စေသော ဆောင်းပါးနှင့် စာတမ်းလေးများကိုလည်း ရေးသားနိုင်ကြပါတယ်...။

ထို့အတူ အကြောင်းအရာအမှန်များကို ခွဲခြမ်းစိတ်ဖြာ၍ အားနည်းချည်၊ အားသာချက်များကို ရှာဖွေနိုင်တဲ့ `` သုတေသနစာတမ်း´´ ကဲ့သို့ စာလေးများကိုလည်း အကျိုးပြု စာပေများအဖြစ် ရေးသားနိုင်ကြပါတယ်...။

စာကို ကောင်းစွာ ဖတ်တတ်မှသာ ကောင်းစွာ ရေးသားနိုင်မည်ဖြစ်ခြင်းကြောင့် စာများများဖတ်ကြပါလို့လည်း တိုက်တွန်းလိုပါတယ်...။

အလေ့အကျင့်မှသည်.... အလေ့အထ။
အလေ့အထမှသည်..... ယဉ်းကျေးမှု။
ယဉ်ကျေးမှုမှသည်.... ဗီဇအဖြစ် ပြောင်းလဲနိုင်ကြပါစေကြောင်း ဆန္ဒပြုလျှက်.... နားလည်သမျှ စာရေး စာဖတ်နည်းလေးအား တင်ပြပေးလိုက်ရပါတယ်....။

တစ်စုံတစ်ခု ရရှိနိုင်ကြပါစေဗျာ.....

( ကွန်ဆူးမား)(၂၄-၈-၂၀၁၃)