ကျောင်းတော်ကြီးက သင့်ဘဝကို အာမခံပေးနိုင်ပြီလား

Cloud Cuckoo Land shared TechSpace Journal's photo.

Mashable မှာ What Your College Degree Will Be Worth After 20 Years ဆိုတဲ့ ခေါင်းစဉ်နဲ့ သတင်း ဆောင်းပါး တစ်ပုဒ်ဖတ်ဖြစ်လိုက်လို့ပါ။ ဒီတော့ မြန်မာပြည်မှာတင် မကပဲ နိုင်ငံတကာမှာ ဘွဲ့ရ၊ ဒီဂရီရ လူငယ် များလည်း အလုပ်အကိုင် အခွင်အလမ်းပြဿနာတွေ ကြုံတွေ့နေရတာကို တပ်အပ်သိမြင်လိုက်ရပါတယ်။

အနီးစပ်ဆုံးအနေနဲ့ စင်္ကာပူမှာဆိုရင်လည်း ဒီလိုပါပဲ။ NUS မဟုတ်ပဲ သာမန် အခြား ပုဂ္ဂလိက ကျောင်းဆင်း များအနေနဲ့ အလုပ်ရှာဖွေရန် တော်တော်ကြိုးစားရပါတယ်။ အများအားဖြင့်ကိုဆိုလိုတာပါ။ အချို့ အနေနဲ့ အလုပ် ကို အလွယ်တကူ ရသွားကြပါတယ်။ စင်္ကာပူမှာ ပုဂ္ဂလိက တက္ကသိုလ်ကျောင်းတို့ တက်ရောက်ပြီး ဒီဂရီ ရရှိဖို့ ကြိုးစားနေတဲ့ မိတ်ဆွေ သူငယ်ချင်းအချို့ နဲ့ဆုံဖြစ်ခဲ့ပါတယ်။ Student Pass နဲ့ ကျောင်းတက်နေပေမယ့် အလုပ်မရရင် ဗီဆာ သက်တမ်းတိုးလို့ မရတော့ပဲ မြန်မာပြည် ပြန်ရပါတယ်။ S Pass တို့လို အခြား တရားဝင် အလုပ်လုပ်လို့ရမယ့် ဗီဆာ မျိုးတို့ရရှိမှ ဆက်နေထိုင်ခွင့်ရတာပါ။ ဒီတော့ Student Pass နဲ့ ကျောင်းတက်နေ တုန်း မြန်မာလူငယ်များဟာ မိမိအရည်အချင်းကို ကြိုးစားမြင့်တက်ကြပါတယ်။ ပြီးတော့ ကျောင်းပြီးတာနဲ့ အလုပ်ရဖို့ အရေး ကြိုးစားပန်းစားရှာဖွေရပြီး အဆင်ပြေသူတွေ ပြေသွားကြပါတယ်။ အိုကေ။ ဒါက နိုင်ငံတကာကို ပြောတာပါ။ မြန်မာပြည်ကို ပြန်ကြည့်ရအောင်။

အသက်မွေးဝမ်းကျောင်းအတွက် သေချာတဲ့ အလုပ်တစ်ခုပါလို့ ဆုပ်ကိုင်နိုင်တဲ့ အင်ဂျင်နီယာ၊ နည်းပညာ၊ ဆေးပညာ ဘာသာရပ်တို့ကို မပြောတော့ပါဘူး။ အခြားသော ဘာသာရပ်အသီးသီးများဖြစ်တဲ့ သင်္ချာ၊ ရူပဗေဒ၊ ဘူမိဗေဒ၊ ဘောဂဗေဒ၊ ဓာတုဇီဝ၊ အင်္ဂလိပ်၊ ရုက္ခဗေဒ၊ အရှေ့ တိုင်းပညာ၊ ယဉ်ကျေးမှု၊ သမိုင်း၊ မြန်မာစာ တို့အပြင် အခြားအခြား ရေတွက်လို့မကုန်တဲ့ လူတိုင်းတောင် သိရမလွယ်တဲ့ ဘာသာရပ် ပညာရပ်တွေ အများကြီးပါ။ ဒီတော့ တက္ကသိုလ်ကို အမှတ်နည်းနည်းနဲ့အောင်ရင် ယင်းတို့ထဲက အဆင်ပြေမယ့် တစ်ဘာသာကို ယူပြီး ကျောင်းတက်လိုက်မယ်။ ကျောင်းပြီးရင် ဘွဲ့ယူမယ်။ ပြီးရင် အခြားအလုပ်လုပ်မယ် ဆိုတာ ဖျက်မရတဲ့ ပုံသေနည်းလို ဖြစ်လို့နေပါပြီ။

ဒီတော့ အမှတ်နည်းနည်းနဲ့ခေါ်တဲ့ ဘာသာရပ်တို့အပေါ်မှာ အလုပ်အကိုင်အခွင့်အလမ်း ဖန်တီးပေးနိုင်မှုက အနာဂတ်မှာ မြန်မာပြည်အတွက် ရင်ဆိုင်စရာ အခက်အခဲတစ်ခုအဖြစ်ရှိလာမှာ ဖြစ်ပါတယ်။ ပတ်ဝန်းကျင် မိတ်ဆွေတွေထဲမှာလည်း ယင်းကဲ့သို့ အမှတ်နည်းနည်း ဘာသာရပ်များကို အထူးပြုပြီးကျောင်းပြီးတဲ့ သူတွေ ရှိပြီး အချို့ က အခြား အလုပ်တွေနဲ့ အဆင်ပြေသွားပါတယ်။ အချို့ က ဘာအလုပ်မှ အဆင်မပြေပဲ လည်ရာ၊ပြန်စားရေး ဖြစ်သွားပါတယ်။ အချို့ ကျ နိုင်ငံခြားသွားလို့ အခြေခံ အလုပ်သမားဘဝ ကို ခံယူပါတယ်။

ဒီတော့ အထူးပြု ဘာသာရပ်အသီးသီးကနေ ဆိုင်ရာဆိုင်ရာ အသက်မွေးဝမ်းကျောင်း Environment အသီးသီး ဖြစ်ထွန်းလာဖို့ အမှန်တကယ် လိုအပ်နေပါပြီ။ အများစုက စားဝတ်နေရေး သင့်တော်ရာ အလုပ် ပြေလည်ဖို့အတွက် (Life Survival Job) လုပ်ရင်း ဝါသနာ၊ ကြိုးစားချင်စိတ် တို့ ပျောက်ကုန်ကြပါတယ်။ အဆင်ပြေပြီးရော အလုပ်အကိုင်များကို ရွေးချယ်လုပ်ကိုင်ကြပြီး မြန်မာလူငယ်တို့ရဲ့  ပညာအရည်အချင်းဟာ တစ်နေ့ထက်တစ်နေ့အတိုက်စားခံခဲ့ကြရ ပါတယ်။

ဒီကိစ္စ အရင်းအမြစ် ပြဿနာကို မြေလှန်ရှာရင် ဝေးသထက်ဝေးပါလိမ့်မယ်။ အနီးစပ်ဆုံးအနေနဲ့ ပြဿနာ အဖြေရှာ ဖြေရှင်းဖို့အတွက် သင့်မှာလည်း တာဝန် ရှိပါတယ်။

Let me get your point of view (Comments) how to solve this problem below!
.
အောင်ခမ်း (TSJ team)
.
http://blog.techspace.com.mm/2013/08/blog-post_6729.html