အဆက်အစပ်မရှိတဲ့ အပိုင်းအစများ

by Mar Ga Luelin on Friday, November 23, 2012 at 2:17am ·

( ၁ )

အခုခေတ်အမျိုးသမီးတွေမှာ

ကင်မရာရှေ့ရောက်သွားတဲ့အခါ

ပါးအလိုလိုဖောင်းလာတဲ့ ရောဂါနဲ့

လက်နှစ်ချောင်းအကြောဆွဲဝေဒနာတွေရှိတယ်

ဒီစာသားတွေဟာတောင်ရောက်လိုက် မြောက်ရောက်ဖြစ်ချင်ဖြစ်မယ်

အခုခေတ်ယောင်္ကျားတွေဟာ

အရင်ခေတ်ကလောက် ကာလသားရောဂါ မဖြစ်ကြတော့ဘူး

( အိပ်ခ်ျအိုင်ဗွီတော့ ဖြစ်ချင် ဖြစ်လေမပေါ့ ) . . .

မိုးတွေရွာတဲ့အခါ

နေတွေပူတဲ့အခါ

အဲ့ဒီခါးကိုင်းကိုင်းနဲ့ အဖွားဟာ

ကောင်းကင်ကို မျက်လုံးမွဲမွဲနဲ့မော့ကြည့်ရှာ

စိတ်ကို ဖြတ်ခနဲ့ ဆွဲဆုပ်လိုက်ပြီး

ကတ္တရာလမ်းမ ပေါ်ပွတ် တိုက် ချ သွား

 ငါ့အဖွားတော့မဟုတ်ပေမယ့်

အဲ့ဒီ ခဏတာမှာ ခံစားမှု့ဟာအရေပြားစုတ်ပြဲ

ဟုတ်တယ် ဘာမှမဆိုင်ဘူး

အလိုလို ကို စူးနေတာ . . .

ပေါင်တိုတွေ ( စကတ်တပိုင်းမြိုထားတဲ့ ပေါင်သားတွေ )

ဂျင်းဘောင်းဘီ တွေ သွေးစုတ်နေတဲ့ ခြေတံတွေ

ကုသိုလ်ရေးဆိုပြီး နားကို အပ်နဲ့ကလော်နေတဲ့ သံစဉ်တွေ

ကဲကဲ ဆုအရှည်ကြီးမပေးနဲ့

ရချင်တာရလေ ကျေနပ်ပါတယ်

အဓိက ကတော့ အလှူငွေလေးထည့်

လက်အုပ်လေးချီ လှူပါတယ်လို့ စိတ်ထဲကရွတ်ရင်ပြီးရောမလား

အေးအေး  ပေါင်တိုလေးကလဲ မျက်လုံးထဲကထွက်သွား

ရာဂတွေ တဏှာတွေ လာလာမီးမညှိနဲ့လေကွယ်

သေချာတာကတော့ ဂျင်းဘောင်းဘီမျှော့နက်နက်ကျပ်ကျပ်သပ်သပ်တွေ

အတွယ်ခံနေတဲ့ ကောင်တို့ကို အရမ်းအမြင်ကပ်တာပဲ . . .

ဝေး .  .   .   အခုတလော

ကရင်လူမျိုးတွေကို ချစ်နေမိတယ်

ကယားလူမျိုးတွေကို ချစ်နေမိတယ်

ဟိန္ဒူတွေကို မေတ္တာထားနေမိတယ်

ဘာမှတော့မဆိုင်ဘူးပေါ့လေ

အထက်က စာပုဒ်တွေနဲ့ ဆက်စပ်ဖို့လည်း

အတင်းမကြိုးစားချင်တော့တဲ့အတွက်

တစစီပဲ ဖြန့်ကြဲထားလိုက်တယ် . . .

နေပူတဲ့အခါ မိုးရွာစေချင်တယ်

မိုးရွာတဲ့အခါ နေသာစေချင်တယ်

ဒီနေ့ အချစ်နဲ့နမ်းခဲ့ရတဲ့ နုတ်ခမ်းသားထူအမ်းအမ်းဟာ

ဆေးလိပ်သောက်လို့ မကောင်း . . .

( ၂ )

တခါတလေ သုဘရာဇာဖြစ်ချင်လိုက်တာ . . .

မာဃသစ္စာ