အားလုံးပါဝင်သည့် ညီလာခံကြီး ဖော်ဆောင်ရန် ABSDF နှင့် ၈၈ လိုလား
|
9:17 AM |
No မှတ်ချက် |
by Mizzima - News in Burmese on Monday, November 5, 2012 at 7:38am ·
နယူးဒေလီ (မဇ္ဈိမ) ။ ။ ထိုင်းနိုင်ငံသို့ ရောက်ရှိလာသည့် ၈၈ မျိုးဆက် ကျောင်းသားများသည် အစိုးရနှင့် အပစ်အခတ်ရပ်စဲရေး သဘောတူညီမှု မရရှိသေးသည့် ကျောင်းသားတပ်မတော် ခေါ် ABSDF နှင့် တနင်္လာနေ့က ချင်းမိုင်မြို့တွင် အလွတ်သဘော တွေ့ဆုံခဲ့ကြောင်း သိရှိရသည်။
၎င်းတို့၏ ခရီးစဉ်သည် သမ္မတရုံးဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ဖော်ဆောင်ရေး လုပ်ငန်းစဉ်၏ အစိတ်အပိုင်း တရပ်ဖြစ်သလို အားလုံးပါဝင်သည့် ညီလာခံကြီး တရပ် ဖော်ဆောင်နိုင်ရေး ကြိုးပမ်းမည်ဖြစ်ကြောင်း ၈၈ ကျောင်းသားခေါင်းဆောင် တဦးဖြစ်သူ ကိုမြအေး က ပြောသည်။
“အပြန်အလှန် ညှိနှိုင်း ပြီးတော့ တိုင်းပြည်ကို ဖွံ့ဖြိုးတိုးတက်အောင် ဒီမိုကရေစီ နိုင်ငံဖြစ်အောင် ဘယ်လိုလုပ်သွား ကြမယ်။ အခွင့်အရေးတွေကို မျှမျှတတ ရရှိအောင် ဘယ်လိုပုံဖော်ကြမယ်ဆိုတာက ကျနော်တို့ ပြည်တွင်းရော၊
ပြည်ပရော နယ်စပ်မှာရှိတဲ့ အဖွဲ့အစည်းတွေရော၊ ဒီမိုကရေစီ ရေးအတွက် ကြိုးပမ်းလှုပ်ရှားသူ အားလုံး ပါဝင်နိုင်တဲ့ အခြေအနေမျိုးဖြစ်အောင် လုပ်သွားပါမယ်။ တဘက်ကလည်း တိုင်းရင်းသား ညီလာခံကြီး ဖြစ်အောင် အားလုံးပါဝင်
နိုင်ဖို့ တန်းတူညီမျှမှုအခွင့်အရေးတွေ၊ လွတ်လပ်မှုတွေ တရားမျှတမှုတွေ ဖော်ဆောင်ပေးနိုင်တဲ့ ညီလာခံကြီး
ဖြစ်အောင် ဆက်လုပ်သွားပါမယ်” ဟု မဇ္ဈိမကို ပြောသည်။
ပြည်ပရောက် အဖွဲ့အစည်းများ၏ အကြံဥဏ်နှင့်သဘောထားများသည် မြန်မာပြည် ဒီမိုကရေစီ ထွန်းကားရေးအတွက် အများကြီး အထောက်အကူပြုမည်ဟု ၎င်းတို့ယုံကြည်ပြီး ခရီးစဉ်တွင် ABSDF နှင့် ထပ်မံတွေ့ဆုံဆွေးနွေးဦးမည်
ဖြစ်ကြောင်း ကိုမြအေး က ဆက်ပြောသည်။
“၈၈ က ပေါက်ဖွားလာတဲ့ ABSDF နဲ့ အဓိကထားပြီးတွေ့ပါမယ်။ ABSDF ဆိုတာ ကျနော်တို့ ၈၈ ကပေါက်ဖွားလာတဲ့
ကျောင်းသားတပ်မတော် တခုဖြစ်တဲ့ အတွက်ကြောင့် မို့လို့ ABSDF နဲ့ တွေ့ဖို့ကိစ္စဟာ လက်ရှိ ၈၈ မျိုးဆက်
ကျောင်းသားများရဲ့ အရေးကိစ နဲ့ တစုံတရာအားဖြင့် စဉ်းစားရမှာဖြစ်ပါတယ်။ လေးလေးနက်နက်ကို စဉ်းစားသွားရ မှာ ဖြစ်ပါတယ်။ ABSDF နဲ့တွေ့ကိုတွေ့မှာ ဖြစ်ပါတယ်” ဟုဆိုသည်။
ABSDF ဥက္ကဋ္ဌ ကိုသံခဲ ကလည်း ၈၈ နှင့် ABSDF တို့သည် ၈ လေးလုံး အရေးတော်ပုံကြီးမှ အတူတကွ ပေါ်ပေါက် လာခဲ့ပြီး တိုင်းပြည် အပေါ်ထားသည့် စေတနာနှင့် သဘောထားများတွင် ကွဲလွဲမှုမရှိကြောင်း ပြောသည်။
“၂ ရက် ၃ ရက်အတွင်း ABSDF အခြေစိုက် စခန်း တခုခုမှာ တွေ့ဆုံပါမယ်။ ABSDF နဲ့ ၈၈ ကျောင်းသား တွေ၊ လွတ်မြောက်နယ်မြေရောက် ကျောင်းသားတွေ၊ နိုင်ငံတကာရောက် ကျောင်းသားတွေ စုဆုံဆွေးနွေးပြီး ပြည်တွင်း
ငြိမ်းချမ်းရေးမှာ လက်တွဲလုပ်နိုင်မယ့် အင်အားစု အားလုံးပါဝင်တဲ့ နိုင်ငံရေးဆွေးနွေးပွဲကြီးတွေ ရောက်ဖို့အတွက်၊ အဲဒီလို တွေ့ဆုံပွဲကြီးတွေ ဖော်ဆောင်သွားနိုင်ဖို့ ကြိုးစားနေပါတယ်” ဟု မဇ္ဈိမကို ပြောသည်။
ခရီးစဉ်အတွင် ကိုမြအေး နှင့်အတူ ကိုထွန်းမြင့်အောင်၊ ကိုစိုးထွန်း၊ မမေကြည်လွင်၊ မစန်းစန်းမော်၊ မမီးမီး၊ မသဇင်ဝိုင်း တို့လည်း လိုက်ပါလာကြပြီး တိုင်းရင်းသားလူမျိုးများ ဖက်ဒရယ်ကောင်စီ (UNFC) အပါအဝင် အမျိုးသမီး သမဂ္ဂများ၊ ရွှေ့ပြောင်း အလုပ်သမားများ၊ ရွှေ့ပြောင်းမြန်မာကျောင်းများ၊ ဒုက္ခသည်စခန်းများ၊ လက်နက်ကိုင် တိုင်းရင်းသား အဖွဲ့အစည်းများနှင့်ပါ တွေ့ဆုံသွားမည်ဖြစ်ကြောင်း သိရသည်။
လက်နက်ကိုင် တိုင်းရင်းအဖွဲ့အစည်းများအနေနှင့် တန်းတူရေးအတွက် အပစ်ရပ်ရုံဖြင့် မလုံလောက်ကြောင်း ကိုသံခဲ က ဆက်ပြောသည်။
“ဒီကနေ့ အရင်တုန်းကနဲ့ မတူတဲ့၊ တဘက်နဲ့တဘက် မရခဲ့ဖူးတဲ့ တွေ့ဆုံဆွေးနွေးရေး အခွင့်အရေးတွေ ရနေတယ် ဆိုပေမယ့် ဒီအခွင့်အရေးဟာ ဘယ်လောက်အထိ မြဲမလဲဆိုတာ အာမခံချက်မရှိဘူးဆိုတာ အားလုံးလည်း နားလည်ပြီးသားလို့ ယူဆပါတယ်။ အပစ်အခတ်ရပ်စဲရေး နဲ့ မလုံလောက်တော့ဘူး၊ နိုင်ငံရေးအရ ဆက်စပ်နိုင်တဲ့ တိုင်းရင်းသားတွေ အတွက် အာမခံချက်ရှိဖို့ လိုလာတယ်ဆိုတာက ပိုပြီးမြင်သာလာတယ်” ဟု မဇ္စျိမ ကိုပြောသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ရှစ်လေးလုံးအရေးတော်ပုံကြီးမှ ပေါက်ဖွား ခဲ့ပြီး ဒီမိုကရေစီရေးအတက် လက်နက်ကိုင် လှုပ်ရှားသည့် အဖွဲ့အစည်း ဖြစ်သည်။
ထို့အတူ ၈၈ မျိုးဆက်ကျောင်းသားများမှာလည်း မြန်မာပြည်တွင်း၌ ဒီမိုကရေစီရေးအတွက် ဆက်လက်ရပ်ခံ တိုက်ပွဲဝင်နေသော ကျောင်းသားအဖွဲ့အစည်း တခု ဖြစ်သည်။
0 comments:
Post a Comment