23.11.2012 နေ့ဖတ်ရန်သတင်းများ

by Myanmar Journal on Friday, November 23, 2012 at 5:37am ·

UNFC နဲ့ ငြိမ်းချမ်းရေး ဆွေးနွေးဖို့ ကြန့်ကြာ

ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နဲ့ ဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ကိုယ်စားလှယ် တို့ဟာ လာမယ့် ဒီဇင်ဘာလ ကျရင် ငြိမ်းချမ်းရေး ဆွေးနွေးပွဲ ပြုလုပ်ဖို့ သဘောတူ စီစဉ် နိုင်ခဲ့ ကြပေမယ့် ဆွေးနွေးပွဲ နေရာနဲ့ ပတ်သက်ပြီး အခုချိန်ထိ ညှိနှိုင်းလို့မရ ဖြစ်နေပါတယ်။

တိုင်းရင်းသား လက်နက်ကိုင်တွေနဲ့ ဖွဲ့စည်းထားတဲ့ UNFC ဟာ မြန်မာ အစိုးနဲ့ နိုင်ငံရေး အရ တွေ့ဆုံ ဆွေးနွေးတဲ့ အခါမှာ ကြားနေ နိုင်ငံ ဖြစ်တဲ့ ဂျပန် နိုင်ငံမှာ ပြုလုပ် လိုတယ်လို့ ဝန်ကြီး ဦးအောင်မင်းကို တင်ပြ တောင်းဆို ထားပါတယ်။

ဒါပေမယ့် ဒီအဆိုကို အစိုးရ ဘက်က လက်မခံ နိုင်ပဲ ရန်ကုန်က ငြိမ်းချမ်းရေး စင်တာ ဖြစ်တဲ့ ပြည်တွင်းလို နေရာမျိုး မှာပဲ ပြုလုပ် ချင်တယ်လို့ ဦးအောင်မင်းက ပြောတယ်လို့ သိရပါတယ်။

UNFC ဘက် ကလည်း ဒါကို လက်ခံ နိုင်ဖို့ အခက် အခဲ ရှိတယ် ဆိုပြီး တဘက်နဲ့ တဘက် လွန်ဆွဲ နေတာ ဖြစ်ပါတယ်။

အခုလို တိုင်းရင်းသား ဘက်က တင်ပြထားတဲ့ ဆွေးနွေးမယ့် နေရာကို အစိုးရ ဘက်က မသွား လိုတဲ့ အကြောင်း ကတော့ အစိုးရ အသိုင်း အဝိုင်း ထဲက အများစုဟာ ကိုယ့်နိုင်ငံ ပြဿနာ ကို ကိုယ့်နိုင်ငံ မှာပဲ ဖြေရှင်း ဆွေးနွေးလိုပြီး၊ နိုင်ငံ အပြင် ထွက်ပြီး ဆွေးနွေးဖို့ သိပ်သဘော မကျတဲ့ အတွက်ကြောင့် ဖြစ်တယ်လို့ ဦးအောင်မင်းက ပြောတဲ့ အကြောင်း UNFC အတွင်းရေးမှူး နိုင်ဟံသာက ပြောပြပါတယ်။

အစိုးရ ဘက်က အဆိုပြု ထားတဲ့ ပြည်တွင်းလို နေရာမျိုးမှာ မဖြစ်မနေ ပြုလုပ်မယ်ဆိုရင် တဘက်ဘက်ရဲ့ သြဇာ လွှမ်းမိုးမှု မရှိတဲ့ နေရာမျိုးမှာ မှ တွေ့ဆုံ နိုင်မှာ ဖြစ်ကြောင်း နိုင်ဟံသာက ပြောပါတယ်။

အစိုးရ ငြိမ်းချမ်းရေး အဖွဲ့နဲ့ UNFC တို့ဟာ ပြီးခဲ့တဲ့ ၉ ရက်နေ့က ချင်းမိုင်မှာ အလွတ် သဘော အနေနဲ့ တခါ တွေ့ဆုံ ဆွေးနွေးပြီး ဖြစ်ပါတယ်။

အစိုးရ အဖွဲ့ဟာ ဒီနှစ် ဒီဇင်ဘာလ အတွင်းမှာ တိုင်းရင်းသား အဖွဲ့ အစည်းတွေနဲ့ အကုန်လုံးနဲ့ ဆွေးနွေးနိုင်ဖို့ စီစဉ် ထားတယ်လို့ ပြောဆိုထားပါတယ်။

ဒါပေမယ့် အခုလိုမျိုး ဆွေးနွေးပွဲ နေရာ အတွက် နှစ်ဦး နှစ်ဘက် လိုချင်တဲ့ နေရာမျိုး အနေ အထားမျိုး မရနိုင် ရင်တော့ ဆွေးနွေးပွဲဟာ စီစဉ် ထားသလို မဖြစ်လာ နိုင်ပဲ နောက်ဆုတ် သွားနိုင်မယ့် အနေအထား ရှိတယ်လို့ နိုင်ဟံသာက ပြောပါတယ်။

ကြေးနီစီမံကိန်း ရပ်ဆိုင်းရေး လှုပ်ရှားမှု အရှိန်မြှင့်

သဘာဝ ပတ်ဝန်းကျင်ကို ထိခိုက်နိုင်တဲ့ အတွက် စီမံကိန်း လုံးဝ ရပ်ဆိုင်းရေး တောင်းဆိုနေ

မုံရွာ တဘက်ကမ်း ဆားလင်းကြီး မြို့နယ် လက်ပံတောင်း ကြေးနီ စီမံကိန်းမှာ ဒေသခံ အင်အား တထောင် ကျော်က စီမံကိန်း လုံးဝ ရပ်ဆိုင်းရေး လှုပ်ရှားမှု တွေကို အရှိန်မြှင့်ပြီး လုပ်ဆောင် လာနေပါတယ်။

ကြာသပတေးနေ့က သံဃာ အင်အား ၄ ရာ ကျော် ပါဝင်တဲ့ ဒေသခံ အင်အား တထောင် လောက်က ကြေးနီ စီမံကိန်း လုပ်ကွက်က ဝမ်ပေါင် ကုမ္ပဏီရဲ့ လုပ်ငန်းခွင်နဲ့ ရုံးခန်း ရှေ့မှာ နေရာ လေးနေရာ ခွဲပြီး ဆန္ဒပြခဲ့ ကြပါတယ်။

ဆန္ဒပြသူတွေဟာ ကြေးနီ စီမံကိန်း ဖျက်သိမ်းရေး၊ ဦးပိုင် ကုမ္ပဏီ ဖျက်သိမ်းရေးနဲ့ ဝမ်ပေါင် ကုမ္ပဏီ ဖျက်သိမ်းရေး စတဲ့ ကြွေးကြော်သံ တွေနဲ့ အဖွဲ့တွေ ခွဲပြီး ဆန္ဒပြခဲ့ တယ်လို့ ဆန္ဒပြ သံဃာ တပါး ဖြစ်တဲ့ ဦးနန္ဒာစာရက ဘီဘီစီကို မိန့်ပါတယ်။

လယ်တီ ဆရာတော် ဘုရားကြီး သီတင်းသုံး ခဲ့တဲ့ နေရာမှာ လုပ်ငန်းတွေ မလုပ် ရအောင် တားဆီး ဆန္ဒပြမှုတွေ လည်း ပြုလုပ် ခဲ့တယ်လို့ ဆိုပါတယ်။

ဆန္ဒပြ အဖွဲ့တွေ ကတော့ ကြေးနီ စီမံကိန်း ဖျက်သိမ်းရေး ကော်မတီ အပါအဝင် ဗကသ နဲ့ NLD အဖွဲ့တွေ ပါဝင်ပြီး၊ မန္တလေး ပခုက္ကူ တို့က သံဃာတော်တွေလည်း ဆန္ဒပြဖို့ အတွက် ဆက်တိုက် ဆိုသလို ရောက်ရှိ လာနေကြတယ်လို့ သိရပါတယ်။

အခု လောလောဆယ် အထိတော့ အာဏာပိုင်တွေ ဘက်က ဘာမှ တုံ့ပြန် တာမျိုး မရှိသေး သလို၊ ကုမ္ပဏီဘက် ကလည်း ဘာညှိနှိုင်းမှု မျိုးမှ မလုပ်သေးဘဲ လုပ်ငန်းတွေ ကိုတော့ ခေတ္တ ရပ်ဆိုင်းထား တယ်လို့ သိရပါတယ်။

မြန်မာဟာ အာရှရဲ့ ထွန်းတောက်ကြယ် ဖြစ်လာနိုင်တယ်လို့ IMF ပြော

မြန်မာ့စီးပွားရေးအလားအလာအပေါ် IMF အကောင်းမြင် သုံးသပ်

စီးပွားရေး ပြုပြင်ပြောင်းလဲမှုတွေ ဆက်လုပ် မယ် ဆိုရင် မြန်မာနိုင်ငံဟာ အာရှရဲ့ ထွန်းတောက် ကြယ်တပွင့် ဖြစ်လာနိုင်တယ်လို့ IMF နိုင်ငံတကာ ငွေကြေးရန်ပုံငွေ အဖွဲ့က ထုတ်ဖေါ်ပြောကြားလိုက်ပါတယ်။

ကတိပြုထားတဲ့အတိုင်း ပြုပြင်ပြောင်းလဲမှုတွေ အခိုင်အမာ ဆက်လုပ်သွားမယ် ဆိုရင် မြန်မာနိုင်ငံမှာ ပြည်သူလူထုတွေရဲ့ လူနေမှု ဘဝ တိုးတက် ပြောင်းလဲ လာမယ့် အလားအလာ ရှိနေပြီး အာရှရဲ့ ထွန်းတောက် ကြယ်တပွင့် ဖြစ်လာ နိုင်တယ်လို့ မြန်မာနိုင်ငံဆိုင်ရာ IMF အကြီးအကဲ Meral Karasulu က ကြေညာချက်ထဲမှာ ဖေါ်ပြထားပါတယ်။

IMF အပြောအရ မြန်မာနိုင်ငံရဲ့ ငွေကြေး ဖောင်းပွမှု နှုန်းဟာ အတန်အသင့် လောက်သာရှိပြီး စီးပွားရေးဟာ ၂ဝ၁၂ - ၁၃ ဘဏ္ဍာနှစ်မှာ ခြောက် ဒဿမ နှစ်ငါး ရာခိုင်နှုန်း တိုးနိုင်ချေ ရှိတယ်လို့ ဆိုပါတယ်။

မြန်မာနိုင်ငံ ဘဏ္ဍာရေး ဝန်ကြီး၊ ဗဟိုဘဏ်အကြီးအကဲနဲ့ တခြား အစိုးရ ထိပ်တန်း တာဝန်ရှိ ပုဂ္ဂိုလ်တွေနဲ့ သီတင်းပတ်နဲ့ချီ ဆွေးနွေးပြောဆိုခဲ့တဲ့ Meral Karasulu က မြန်မာနိုင်ငံမှာ သမ္မတ ဦးသိန်းစိန် အစိုးရ ဖြစ်လာခဲ့တဲ့ ၂၀၁၁ ခုနှစ်ကစလို့ မြန်မာစီးပွားရေး ခေတ်မှီ တိုးတက်လာအောင် အစိုးရက ပြုပြင်ပြောင်းလဲမှုတွေ တဟုန်ထိုး ဆောင်ရွက်ခဲ့တယ်လို့ ချီးမွမ်း ပြောဆိုသွားပါတယ်။

ဒါပေမယ့်လည်း နောက်ထပ် လုပ်စရာတွေ အများကြီး ရှိနေသေးတယ် ဆိုတာကို မြန်မာ အစိုးရ အနေနဲ့ နားလည် သဘောပေါက်ဖို့ လိုတယ်လို့ သူက ထောက်ပြ သွားပါတယ်။

မြန်မာ အာဏာပိုင်တွေ အနေနဲ့ နိုင်ငံခြားသုံးငွေ လဲလှယ်နှုန်းကို တပြေးညီ သတ်မှတ်ရေး၊ ဗဟိုဘဏ် ခိုင်မာအောင်လုပ်ရေးနဲ့ တိုင်းပြည် ဖွံ့ဖြိုးတိုးတက်ဖို့ လိုအပ်ချက်တွေမှာ သုံးစွဲဖို့ အခွန်ငွေ တိုးရလာရေး စတဲ့ ပြုပြင်ပြောင်းလဲရေး ဆောင်ရွက်ချက်တွေကို လာမယ့် နှစ်အတွင်း လုပ်သွားမယ့် အကြောင်း ဆွေးနွေးပြောဆိုခဲ့တယ်လို့ IMF အကြီးအကဲ Meral Karasulu က ပြောပါတယ်။

ဒါပေမယ့် အခုလို လုပ်လိုတဲ့ ဆန္ဒ၊ ပေါ်လစီ တွေ ရှိနေပေမယ့် မြန်မာနိုင်ငံမှာ စီးပွားရေး တိုးတက်လာဖို့ အဓိက သော့ချက်က ပြုပြင်ပြောင်းလဲရေးတွေ အောင်မြင်အောင် အာရုံစိုက် ဆောင်ရွက်နိုင်ဖို့ ဖြစ်တယ်လို့ စီးပွားရေး ပညာရှင် ဦးဇော်ဦးက သုံးသပ်ပါတယ်။

အရှေ့အလယ်ပိုင်း ဝဲဂယက်ဆိုး တပတ်ပြန်မလည်သင့်

အပစ်ရပ်ရေး သဘောတူချက်ကြောင့် ပျော်ရွှင်မြူးတူး အောင်ပွဲခံနေကြ

အစ္စရေးနဲ့ ဟားမတ်စ် အဖွဲ့တို့ကြား အပြန်အလှန် ပစ်ခတ်တိုက်ခိုက်မှုတွေ တစ်ပတ်ကျော် ဖြစ်ခဲ့ ပြီးတဲ့နောက် ဗုဒ္ဓဟူးနေ့ကတော့ အပစ်အခတ် ရပ်စဲဖို့ သဘောတူခဲ့ကြပါတယ်။

ဒါပေမယ့် ဒီသဘောတူချက်ဟာ ပြီးခဲ့တဲ့ သီတင်းပတ် ဒါမှမဟုတ် လွန်ခဲ့တဲ့ ၂၀၀၆ ၊ ၂၀၀၈ နဲ့ ၂၀၀၉ တွေတုန်းကလို အပြန်အလှန် တိုက်ခိုက်မှုတွေ ထပ်မဖြစ်တော့ပဲ အပစ်ရပ်ရေး ရေရှည်ခံနိုင်ဖို့ အဓိက အရေးကြီး ပါတယ်။ဒါတင်မက ဂါဇာမှာ နေထိုင်ကြသူ လူပေါင်း တစ်သန်းခွဲကျော်ရဲ့ နေ့စဉ် နေထိုင်မှု ဘဝတွေ တိုးတက် ကောင်းမွန် လာဖို့ ထာဝရ အဖြေ တစ်ရပ် ရဖို့ လိုအပ်တယ် လို့ ဘီဘီစီ သတင်းထောက် Wyre Davies က သုံးသပ်ပါတယ်။

ဂါဇာမှာ အပြန် အလှန် တိုက်ခိုက်မှု တွေကြောင့် ပျက်စီးမှု သံသရာ လည်နေခဲ့တာပါ။

အရင်က ပဋိပက္ခတွေ ဖြစ်ခဲ့ ပြီးတဲ့နောက် ဂါဇာမှာ အခြေခံ အဆောက် အဦတွေ၊ ဌာနတွေ ပြန်လည် တည်ဆောက် ကြတာမျိုး ရှိပေမယ့် အချိန်နဲ့ အမျှ အစ္စရေး ဘက်က ပိတ်ဆို့ထားမှု တွေကို လူတွေက မကျေမနပ်မှုတွေ ပိုများလာပြီး ပါလက်စတိုင်း စစ်သွေးကြွ တွေက အစ္စရေး ဘက်ကို ပစ်တာ ခတ်တာတွေ လုပ်လာ ခဲ့ပြီး အစ္စရေးတို့ ဘက်ကလည်း စစ်အင်အား သုံး တုံ့ပြန်ခဲ့ တာကြောင့် တည်ဆောက်ထားတာတွေ ပြန်ပြီး ပျက်စီး ကုန်ပြန် ပါတယ်။

ဒီတခါတော့ ဂါဇာမှာရော၊ အစ္စရေး နိုင်ငံ တောင်ပိုင်း အနီး ဝန်းကျင်မှာ နေထိုင်ကြသူ တွေ အတွက်ပါ အရင်တုန်းကလို ပြန် မဖြစ်သင့် တော့တာ အမှန်ပါ။

အခု သဘောတူညီချက်ထဲမှာ အစ္စရေး ဘက်က လုံခြုံရေး ကို တောင်းဆိုခဲ့သလို ဂါဇာဒေသမှာ နေကြသူတွေ ကတော့ စီးပွားရေး တိုးတက် ကောင်းမွန်ပြီး သက်တောင့် သက်သာ နေထိုင်နိုင်ဖို့ ဆန္ဒရှိနေကြပါတယ်။

ဂါဇာကနေ အရင်တုန်းကလို ဒုံးလက်နက်ကျည် တွေနဲ့ ပစ်ခတ်မယ် ဆိုရင် ပြီးခဲ့တဲ့ ဗုဒ္ဓဟူးနေ့ တုန်းက ဖြစ်ခဲ့သလိုမျိုး အစ္စရေးတို့ ဘက်က လေကြောင်း တိုက်ခိုက်မှု စတင် ပြုလုပ်ပြီး တစ်ပတ်ကြာ တိုက်ခိုက်ခဲ့တဲ့ အခြေအနေ ရောက်အောင် တွန်းပို့ ပေးတဲ့ အနေအထား ရောက်သွားနိုင် ပါတယ်။

အစ္စရေး ခေါင်းဆောင်တွေကို ကြည့်မယ် ဆိုရင် သူတို့ ဘက်က အပစ်ရပ်ကြောင်း ဗုဒ္ဓဟူးနေ့ညက ကြေညာ ခဲ့ချိန်က စိတ်သက်သာရာ ရသွားတဲ့ သဘော၊ ဒါမှ မဟုတ် စိတ်ကျေနပ်မှု ရှိသွားတဲ့ သဘော တွေ့ရမယ့် အစား မကြည်မလင် ဖြစ်နေခဲ့တာ တွေ့ရပါတယ်။

ဒါပေမဲ့ ပြီးခဲ့တဲ့ တပတ်က ဖြစ်ရပ်မှာ ဟားမတ်စ်တို့ ထက် အစ္စရေး ဘက်က ပိုပြီး အသာရတယ်လို့ ဆိုကောင်း ဆိုနိုင်ပါတယ်။

ဟားမတ်စ် စစ်သွေးကြွ ခေါင်းဆောင် အာမက် ဂျာဘာရီနဲ့ တခြား ထိပ်တန်း စစ်သွေးကြွ တချို့ကို အစ္စရေးတို့ က သတ်ဖြတ်နိုင်ခဲ့ တာဟာ ဟားမတ်စ်တို့ အတွက် အကြီး အကျယ် ထိုးနှက် ခံရမှုပါ။

အခု သဘောတူညီချက် အရ အတိအကျ ပစ်မှတ်ထား တိုက်ခိုက် သုတ်သင်မှုတွေကို အစ္စရေး ဘက်က ရပ်ဖို့ ဟားမတ်စ်တို့ရဲ့ တောင်းဆိုမှုကို အစ္စရေး ဘက်က သဘောတူညီချက် ထဲမှာ လိုက်လျော ခဲ့ရ ပါတယ်။

ဒါ့အပြင် အစ္စရေး ဘက်က လည်း Iron Dome လို့ ခေါ်တဲ့ ဒုံးကျည် ကာကွယ်ရေး စနစ် က အတော်ကို ထိရောက်တယ် ဆိုတာ ပြနိုင်ခဲ့ ပါတယ်။

ဂါဇာကို တိုက်ခိုက်တာဟာ သူ့လူတွေနဲ့ သူတို့ မြို့တွေကို ဒုံးလက်နက်နဲ့ ပစ်ခတ်မှုတွကနေ ကာကွယ်ဖို့ နောက်ဆုံး ကြိုးပမ်းမှုသာ ဖြစ်တယ်လို့ အစ္စရေး ဘက်က ပြောပါတယ်။

လောလောဆယ်မှာတော့ မနေ့ညက ရခဲ့တဲ့ အပစ်ရပ်ရေး သဘောတူညီချက်ကို နှစ်ဘက်လုံးက လိုက်နာကြတဲ့ ပုံရှိပြီး ဂါဇာမှာ တည်ငြိမ်အေးချမ်းနေတဲ့ ပုံမျိုး တွေ့ရပါတယ်။

အီဂျစ် သမ္မတ အာဏာ ကို ချဲ့ထွင်

သမ္မတရဲ့ ဆုံးဖြတ်ချက် မှန်သမျှ နှုတ်ပယ်လို့ မရ

အီဂျစ် သမ္မတ မိုဟာမက် မော်ဆီက သမ္မတ အာဏာ ကို ချဲ့ထွင်တဲ့ အခြေခံ ဥပဒေ ကြေညာချက် အသစ် ထုတ်ပြန် လိုက်ပါတယ်။

သမ္မတ ခန့်အပ်တဲ့ ရှေ့နေချုပ် သစ်ကို ၄ နှစ် သက်တမ်း အတွက် ခန့်အပ်မယ်၊ အရင် အစိုးရ လက်ထက်က ရာထူးကြီး ရခဲ့သူတွေကို ပြန်ပြီး စုံစမ်း အမှုဖွင့် တာတွေ လုပ်မယ်လို့ သိရပါတယ်။

သမ္မတရဲ့ ဆုံးဖြတ်ချက် မှန်သမျှကို တရားရေး ဌာန အပါအဝင် ဘယ် အာဏာပိုင် အဖွဲ့အစည်းကမှ နှုတ်ပယ် လျှောက်လှဲတာ တွေ လုပ်လို့ မရကြောင်း၊ အီဂျစ် တော်လှန်ရေးကို ကာကွယ်ဖို့ ဒီလို စီမံထားတာ ဖြစ်ကြောင်း သူက ပြောကြား သွားပါတယ်။

တော်လှန်ရေး အတွင်းက ဆန္ဒပြ သူတွေကို သတ်ဖြတ် ကျူးလွန် ခဲ့သူ အားလုံး အလုပ်က ဖယ်ရှား မယ်လို့ သမ္မတက ကြေညာ ပါတယ်။

သမ္မတဟာ သူ့ကိုယ်သူ ဖာရို ဘုရင်လို အာဏာ အပ်နှင်း နေတယ်လို့ အတိုက်အခံ တွေက စွပ်စွဲနေ ကြပြီး သောကြာ နေ့မှာ သမ္မတ မော်ဆီရဲ့ အခြေခံ ဥပဒေ အမိန့် ပြန်တမ်း အသစ်ကို ကန့်ကွက်ဖို့ လူထု ဆန္ဒပြပွဲ ဆော်သြ နေကြ ပါတယ်။

အာဏာရှင် အသစ် တင်ဖို့ တော်လှန်ရေး ဆင်နွှဲ ခဲ့တာ မဟုတ်ကြောင်း မူဘာရက် ဖြုတ်ချရေး ဆန္ဒပြပွဲ တွေမှာ ထင်ရှားတဲ့ ခေါင်းဆောင် ဝယ်လ် ဂိုနင်က ဝေဖန် လိုက်ပါတယ်။

ကိုင်ရို မြို့တော်က ရဲနဲ့ ဆန္ဒပြ သူတွေကြား လေးရက်မြောက် ပဋိပက္ခ ဆက်လက် ဖြစ်ပွား နေချိန်မှာပဲ ကြေညာချက် အသစ် ထွက်လာ ခဲ့တာ ဖြစ်ပါတယ်။

မနှစ် နိုဝင်ဘာ လက စစ်အစိုးရနဲ့ ဆန္ဒပြ သူတွေကြား တင်းမာမှုမှာ လူ ဒါဇင်နဲ့ချီ သေဆုံး ခဲ့တဲ့ တာရီးယား ရင်ပြင် စွန်မှာ ပဋိပက္ခ ဖြစ်ပွား ခဲ့တာပါ။

မနှစ်က သတ်ဖြတ်မှု တွေ အတွက် တာဝန် ရှိသူ တွေကို အပြစ် မပေးရသေးဘူးလို့ ဆန္ဒပြ သူများက သမ္မတကို တောင်းဆို နေကြပါတယ်။

သမ္မတ ထောက်ခံသူတွေ ကိုင်ရို မြို့ထဲ ဝင်လာလို့ အတိုက်အခံ တွေနဲ့ အချင်းဖြစ်ပွားမှာ စိုးရိမ် နေရပါတယ်။ 

ဖွံ့ဖြိုးရေး ကျောင်းသားတွေ ချီတက် ဆန္ဒပြ

ကျောင်းသားတွေ တံတားဖြတ် ချီတက် (ဓာတ်ပုံ ကိုမြင့်ဖေ)

မန္တလေး ကနေ စစ်ကိုင်း ရွာသစ်ကြီးကို ပြောင်းရွှေ့ခံရတဲ့ တိုင်းရင်းသား ဖွံ့ဖြိုးရေး ကောလိပ် ကျောင်းသား ၆ဝဝ မန္တလေးကို ကြာသပတေး နေ့ညက ချီတက် ဆန္ဒပြ ကြပါတယ်။

နယ်စပ် စည်ပင်ဌာနက ကျောင်းကို ပညာရေး ဌာန လွှဲပေးခဲ့ပြီးနောက် ကျောင်းသား တွေကို ရွာသစ်ကြီး ဖွံ့ဖြိုးရေး တက္ကသိုလ်ကို လွှဲပေးခဲ့တာပါ။

ရွာသစ်ကြီးမှာ နေရေးထိုင်ရေး ခက်ခဲပြီး ကျောင်းဆောင်ပါ မလုံလောက်လို့ ကျောင်းသား တွေက သတင်းစာ ရှင်းလင်းပွဲ လုပ်ပြီး ကျောင်းဟောင်းကို ပြန်ရွှေ့ပေးဖို့ တောင်းဆို ပေမယ့် မထူးခြားလို့ ခုလို ချီတက်ခဲ့တာ ဖြစ်ပါတယ်။

သူတို့ကို လမ်းမှာ ရဲကားနဲ့ လိုက်ပြီးတားဆီးခဲ့ကာ ကျောင်းကို ပြန်လိုက်ဖို့ ခေါ်တယ်လို့လဲ သိရပါတယ်။

သူတို့ကို ဗကသ အဖွဲ့၊ ဆရာများ သမဂ္ဂနဲ့ သတင်းထောက် တွေက စစ်ကိုင်း တံတားထိပ်က သွားကြိုပြီး ကျောင်းဟောင်းမှာပဲ ပြန်နေရာချ ပေးကြောင်း သွားတွေ့ခဲ့တဲ့ ဗကသများ အဖွဲ့ချုပ် ဗဟိုလုပ်ငန်း ကော်မီတီ ဒုတိယ ဥက္ကဋ္ဌ ကိုမိုးထက်နေက ပြောပါတယ်။

သောကြာနေ့မှာ သတင်းစာ ရှင်းလင်းပွဲ လုပ်ဖို့ ရှိပါတယ်။

ဘီဘီစီရဲ့ စီမံအုပ်ချုပ်မှုနဲ့ ဖွဲ့စည်းပုံကို ပြုပြင်မယ်

အရင်နဲ့ မတူ ကွဲပြားမှုရှိတဲ့ ဘီဘီစီ ဖြစ်လာဖို့ ကိုလည်း သူ မျှော်လင့်တယ်လို့ ပြောပါတယ်

ဘီဘီစီရဲ့ စီမံအုပ်ချုပ်မှုနဲ့ ဖွဲ့စည်းပုံ တခုလုံးကို ထိထိရောက်ရောက် ပြုပြင် ဆောင်ရွက်ဖို့ လိုအပ် နေပြီလို့ ဘီဘီစီ အုပ်ချုပ်ရေး အဖွဲ့ ဥက္ကဌ Lord Patten ပြောကြားလိုက် ပါတယ်။

ဘီဘီစီ ညွှန်ကြားရေးမှူးချုပ် George Entwistle ရာထူးက နှုတ်ထွက် သွားပြီးနောက်မှာ မစ္စတာ Patten က နာမည်ကြီး အင်ဒရူးမား အစီအစဉ်မှာ အခုလို ပြောကြား လိုက်တာ ဖြစ်ပါတယ်။

မစ္စတာ Patten က သူ့အနေနဲ့ ဥက္ကဌ ရာထူး နေရာမှာ ဆက်လက် တာဝန်ယူကာ၊ ဘီဘီစီ အပေါ် ယုံကြည်မှု ပြန်ရ လာစေဖို့နဲ့ လစ်လပ်သွားတဲ့ ညွှန်ကြားရေးမှူးချုပ် နေရာကို အလျင်အမြန် ခန့်အပ် နိုင်ဖို့အတွက် လုပ်ဆောင်သွားမယ်လို့ ပြောပါ တယ်။

နောက်ပြီး အခု အကျပ်အတည်းကနေ ဖေါက်ထွက်ကာ အရင်နဲ့ မတူ ကွဲပြားမှုရှိတဲ့ ဘီဘီစီ ဖြစ်လာဖို့ ကိုလည်း သူ မျှော်လင့်တယ်လို့ ပြောပါတယ်။

တကယ်လို့ ပရိသတ်ရဲ့ ယုံကြည်မှု မရတော့ရင် ဒီအဖွဲ့ကြီး ရပ်တည် နိုင်တော့မှာ မဟုတ်ဘူးလို့ သူကဆိုပါတယ်။ ဒါပေမယ့် ဗြိတိန်ပြည်သူတွေ ကတော့ ဒီအဖွဲ့ကြီး ရပ်ဆိုင်း သွားမှာကို လိုလားမယ်လို့ သူမယုံကြည်ကြောင်း ပြောပါတယ်။

ဗြိတိသျှ ပြည်သူတွေ ကတော့ ဘီဘီစီ သတင်းဌာနကြီးရဲ့ အဆင့် အတန်းတွေ ပြန်ပြီး မြှင့်တင် နိုင်အောင် ယုံကြည်မှု ပြန်တည်ဆောက် တာဘဲ လိုချင်မှာ ဖြစ်တယ်လို့ လည်း သူက ပြောပါတယ်။

ဗြိတိသျှ နိုင်ငံရေး သမားဟောင်း တဦးဟာ ကလေးတွေကို လိင်မှုဆိုင်ရာ မဖွယ်မရာ ပြုလုပ်ခဲ့မှုမှာ ပါဝင် ပတ်သက်နေတယ် ဆိုပြီး၊ ဘီဘီစီ Newsnight ရုပ်သံ အစီအစဉ် ကနေ၊ မှားယွင်းစွာ ဖေါ်ပြခဲ့တာကြောင့် ညွှန်ကြားရေးမှူးချုပ် မစ္စတာ Entwistle ဟာ သူ့မှာ တာဝန်ရှိတဲ့အတွက် ရာထူးက နှုတ်ထွက်သွားတာ ဖြစ်ပါတယ်။

မစ္စတာ Patten ဟာ အဖွဲ့ဝင် ၁၂ ယောက် ပါတဲ့ အုပ်ချုပ်ရေး အဖွဲ့ရဲ့ ဥက္ကဌ ဖြစ်ပါတယ်။ ဒီအဖွဲ့ဟာ ဘီဘီစီက အများပြည်သူ အတွက် သတင်း ဖြန့်ရေး၊ ပညာပေးရေးနဲ့ ဖျော်ဖြေရေး ဆိုတဲ့ ရည်မှန်းချက် အောင်မြင်အောင် လုပ်ပေးတဲ့ သီးခြား လွတ်လပ်တဲ့ အဖွဲ့ ဖြစ်ပါတယ်။

လူထုက ဘီဘီစီ အပေါ် ယုံကြည် လေးစားမှု ရှိအောင် လိုင်စင်ခကို လက်ခံထားပြီး ကြီးကြပ် ဆောင်ရွက်ရပါတယ်။ ဒီအဖွဲ့ဟာ အယ်ဒီတာ ကျင့်ဝတ် အပါအဝင် နေ့စဉ် ထုတ်လုပ် မှုတွေ ဆောင်ရွက်တဲ့ ညွှန်ကြားရေးမှူးချုပ်နဲ့ သီးသန့် ဖြစ်ပြီး မူဝါဒတွေကို စီမံ ခန့်ခွဲတဲ့ အဖွဲ့ ဖြစ်ပါတယ်။

ဘီဘီစီ အကြီးအကျယ် ပြောင်းလဲဖို့လိုပြီ

ဘီဘီစီရဲ့ ယာယီ ညွှန်ကြားရေးမှူးချုပ် တင်မ် ဒေဗီ

ဘီဘီစီ ညွှန်ကြားရေးမှူးချုပ် အန်း ဝစ္စတဲလ် နုတ်ထွက်သွားပြီးနောက် ညွှန်ကြားရေးမှူးချုပ်သစ် အဖြစ် တင်မ် ဒေဗီက ယာယီတာဝန်ယူလိုက်ပါတယ်။

ဘီဘီစီရဲ့ အုပ်ချုပ်ရေးပိုင်းဖြစ်တဲ့ ဘီဘီစီ ထရက်စ်ရဲ့ ဥက္ကဌ လော့ဒ် ပက်တန်က ညွှန်ကြားရေးမှူးချုပ် နုတ်ထွက်ပြီးနောက်မှာ ဘီဘီစီရဲ့ ဖွဲ့စည်းပုံကို လုံးဝကို အသစ်ပုံစံဖြစ်သွားအောင် ပြင်ဆင်ဖို့ လိုပြီလို့ ထုတ်ပြောလိုက်ပါတယ်။

ယာယီ ညွှန်ကြားရေးမှူးချုပ် ဖြစ်လာတဲ့ တင်မ် ဒေဗီဟာ ဘီဘီစီကို သူ့ဆက်လက် ဦးဆောင်မယ့် အစီအစဉ်တွေကို ဒီကနေ့ ထုတ်ပြန်ဖို့ ရှိနေပါတယ်။

နုတ်ထွက်သွားခဲ့တဲ့ ညွှန်ကြားရေးမှူးချုပ်ကတော့ စာချုပ်အရဆို လစာ ခြောက်လစာပဲ ရဖို့ ရှိပေမယ့်လို့ အခုတော့ တနှစ်စာ ပေါင်ငွေ လေးသိန်းခွဲ ရမယ်လို့ ဘီဘီစီအုပ်ချုပ်ရေးအဖွဲ့က ပြောပါတယ်။

နုတ်ထွက်သွားတဲ့ ဘီဘီစီ ညွှန်ကြားရေးမှူးချုပ် ဂျော့ အန်းဝစ္စတဲလ်ဟာ တကယ်တော့ အဲဒီရာထူးမှာ ၅၄ ရက်သာ တာဝန်ထမ်းဆောင်ရပါသေးတယ်။

ပြည်ထဲရေးဝန်ကြီး ထရီဇာ မေက ဘီဘီစီဂျာနယ်လစ်ဇင် အရည်အသွေးကို မေးခွန်းထုတ်တာလို့ ပြောပါတယ်။

ဘီဘီစီရဲ့ အုပ်ချုပ်ရေးအဖွဲ့ ဥက္ကဌ လော့ဒ် ပက်တန်ကတော့ သူ့ ညွှန်ကြားရေးမှူးချုပ်ဟောင်းကို တော်တယ်၊ ရိုးတယ်၊ လုပ်ရဲကိုင်ရဲတယ်လို့ ချီးကျူးပါတယ်။ ဒါပေမဲ့ ဘီဘီစီဟာ လုံးလုံး ပုံစံပြောင်းရတော့မယ်၊ ဒီနေ့ခေတ်လို မာလ်တီမီဒီယာ သွားနေတဲ့ အချိန်မှာ ဘီဘီစီလို အဖွဲ့အစည်းကြီးကို ညွှန်ကြားရေးမှူးချုပ် တယောက်ထဲရဲ့ ခေါင်းတခုထဲနဲ့ သွားနေလို့ မရတော့ဘူးလို့ လော့ဒ် ပက်တန်က ပြောပါတယ်။

အငြင်းထွက်စရာ တခုရှိတာက အဖွဲ့အစည်းတခုမှာ ခေါင်းဆောင်မရှိလို့ မဖြစ်သလို ဘီဘီစီလို အဖွဲ့အစည်းမှာဆိုရင် ညွှန်ကြားရေးမှူးချုပ်နဲ့ အဖွဲ့အစည်းတခုလုံးရဲ့ ဆက်ဆံရေး၊ အဲဒီမှာမှ အယ်ဒီတာပိုင်းဆိုင်ရာ လွတ်လပ်ခွင့်နဲ့ ဖန်တီး ထိုးထွက် တင်ဆက်မှုတွေလည်း ရှိဖို့လိုတာမို့ ဘယ်သူပဲ ညွှန်ကြားရေးမှူးချုပ်ဖြစ်ဖြစ် သူ့ကို ကူဖို့လိုနေပြီဆိုတာကတော့ သေချာပါတယ်လို့ လော့ဒ်ပက်တန်က ပြောပါတယ်။

ဘာလိုပဲဖြစ်ဖြစ် ဘီဘီစီဆိုတာက နှစ်ပေါင်းများစွာ ဂုဏ်သတင်းကြီးတဲ့ သတင်းဌာနကြီး တခုဖြစ်ပြီး တကမ္ဘာလုံးရဲ့ ယုံကြည်ကိုးစားမှုကိုလည်း ခံခဲ့ရပါတယ်။ ပြည်ထဲရေးဝန်ကြီး ထရီဇာ မေကတော့ ညွှန်ကြားရေးမှူးချုပ် အနေနဲ့ အခုလို တာဝန်ယူ နုတ်ထွက်လိုက်တာ ကောင်းတယ်၊ ဒါဟာ ပရိသတ်တွေရဲ့ ယုံကြည်ကိုးစားမှုနဲ့ ဆိုင်တဲ့ အလွန်အရေးကြီးတဲ့ ပြဿနာတရပ်ဖြစ်တယ်လို့ ပြောပါတယ်။

ဘီဘီစီဟာ ကိုယ့်စွမ်းအားကို ပြဖို့လိုတယ်လို့ ဝန်ကြီးချုပ်က ပြောကြောင်း ဝန်ကြီးချုပ်နဲ့ နီးစပ်သူတွေက ပြောပါတယ်။

ဘီဘီစီဟာ ဗြိတိန်နိုင်ငံအတွက် ဂုဏ်ယူစရာ ထင်ရှားတဲ့ အဖွဲ့အစည်းကြီး ဖြစ်သလို ကမ္ဘာ့သိ သတင်းဌာန ကြီးလည်း ဖြစ်ပါတယ်။ အခုဖြစ်ခဲ့တဲ့ ပြဿနာက ဂျာနယ်လစ်ဇင်အရည်အသွေးကို မေးခွန်းထုတ်ဆင့်လိုက် သလို ဖြစ်နေ ပါတယ်။ ဂျာနယ်လစ်ဇင် အရည်အသွေးပြည့်ဖို့လိုတဲ့ ကိစ္စဟာ ဘီဘီစီရဲ့ နှလုံးသည်းပွတ်ဖြစ်ပါ တယ်လို့ ပြည်ထဲရေး ဝန်ကြီး ထရီဇာမေက ပြောပါတယ်။

ဗြိတိန်ဝန်ကြီးချုပ်ရုံးဘက်က လာတဲ့ သတင်းတွေမှာလည်း ဝန်ကြီးချုပ်ဟာ လက်ရှိ ဘီဘီစီ ရင်ဆိုင်နေရတဲ့ အခက်အခဲဟာ အလွန်အရေးကြီးတဲ့ ပြဿနာဖြစ်ပြီး၊ ဘီဘီစီအနေနဲ့ ရှင်းနိုင်မယ်၊ ပြုပြင်ပြောင်းလဲမှုတွေလည်း လုပ်နိုင်မယ်လို့ သူမျှော်လင့်တယ်လို့ ပြောတဲ့အကြောင်း သိရပါတယ်။

ဝန်ကြီးချုပ် ဒေးဗစ် ကင်မရွန်းက ဘီဘီစီဟာ ကိုယ့်စွမ်းအားကို ပြဖို့လိုတယ်၊ အုပ်ချုပ်ရေးအဖွဲ့ ဥက္ကဌ လော့ဒ် ပက်တန်အနေနဲ့လည်း ဘီဘီစီကို ထိန်းကွပ်နိုင်မယ့် အစီအစဉ်ကောင်းတွေ လုပ်နေပြီလို့ ယူဆတယ်လို့ ပြောကြောင်း ဝန်ကြီးချုပ်ရုံး သတင်းရပ်ကွက်က ပြောကြပါတယ်။

အခုတော့ ဘီဘီစီအုပ်ချုပ်ရေးအဖွဲ့ ဥက္ကဌက ဘီဘီစီကို အများက ယုံကြည်လက်ခံလာအောင် သူဆက်လက် ကြိုးပမ်းမယ်၊ ဘီဘီစီ ညွှန်ကြားရေးမှူးချုပ်တာဝန်ကို အခုလို ယာယီအစားထိုးထားရတာထက် မကြာခင် ခန့်ဖို့လုပ်ဆောင်သွားမယ်လို့ ပြောပါတယ်။

ဘီဘီစီ ညွှန်ကြားရေးမှူးချုပ် အသစ်ခန့်

ညွှန်ကြားရေးမှူးချုပ် အသစ်လော့ဒ်ဟောလ်

ဘီဘီစီ ညွှန်ကြားရေးမှူး ချုပ် အသစ် အဖြစ် ၂ဝဝ၁ ခုနှစ်ထိ ဘီဘီစီ သတင်း ဌာန အကြီးအကဲဟောင်း လုပ်ခဲ့တဲ့ တိုနီဟောကို ခန့်အပ် လိုက်ပါတယ်။

သူဟာ Royal Opera House တော်ဝင် ကဇာတ်ရုံကြီးရဲ့ အကြီးအကဲ အဖြစ်လက်ရှိ တာဝန်ယူထားသူ ဖြစ်ပါတယ်။

အသက် ၆၁ နှစ် အရွယ် Lord Hall ဟာ ယာယီ ညွှန်ကြားရေးမှူးချုပ် Tim Davငe ထံကနေ မတ်လ ကုန်မှာ လွှဲပြောင်းယူမှာ ဖြစ်ပြီး တနှစ်ကို လစာ ပေါင်၎သိန်းခွဲ ရမှာ ဖြစ်ပါတယ်။

သူဟာ ၁၉၇၃ ခုနှစ်က ဘီဘီစီမှာ အလုပ်သင် သတင်းသမား အဖြစ် စတင် ထမ်းဆောင်ခဲ့ပြီး ၂၈ နှစ် သက်တမ်းအတွင်း Radio Five Live ဘီဘီစီ သတင်းဝက်ဆိုက် ဘီဘီစီ ပါလီမန်စတဲ့ ဌာနအကြီးအကဲ တာဝန်တွေကို ထမ်းဆောင် ခဲ့ဘူးပါတယ်။

ဘီဘီစီ ထရပ်စ် အုပ်ချုပ်ရေးအဖွဲ့ ဥက္ကဋ္ဌ လော့ပက်တင်ကတော့ လက်ရှိ အကျပ်အတည်းတွေ ကနေ လွန်မြောက်ဖို့ လော့ဟောဟာ အသင့်တော်ဆုံး ပုဂ္ဂိုလ်လို့ သတင်းထောက်တွေကို ပြောပါတယ်။

လော့ဟောကလည်း သူ့အနေနဲ့ ကမ္ဘာ့အဆင့် အဖွဲ့အစည်းကြီး အတွက် ကမ္ဘာ့အဆင့် သတင်းသမားတွေ တည်ထောင်သွားမယ်လို့ ပြောကြားသွားပါတယ်။

လေဘာပါတီ ခေါင်းဆောင် Ed Milliband ကတော့ လော့ဟော်လ်ကို ခန့်တာ အသင့်တော်ဆုံးလို့ ကြိုဆိုလိုက်ပြီး သူ့အနေနဲ့ ဘီဘီစီအပေါ် ယုံကြည်မှုတွေ ရအောင် ပြန်တည်ဆောက်ပြဖို့လိုမယ်လို့ တုန့်ပြန်လိုက်ပါတယ်။