19.11.2012 နေ့ဖတ်ရန်သတင်းများ

by Myanmar Journal on Monday, November 19, 2012 at 6:11am ·

                                                     သမ္မတ အိုဘားမား ရန်ကုန်တက္ကသိုလ်မှာ မိန့်ခွန်းပြော

 ရန်ကုန်တက္ကသိုလ်၊ ဘွဲ့နှင်းသဘင်ခန်းမတွင် မိန့်ခွန်းပြောနေသည့် သမ္မတ အိုဘားမား။ နိုဝင်ဘာ ၁၉၊၂၀၁၂

အမေရိကန်သမ္မတ ဘရာ့ခ် အိုဘားမားဟာ တနင်္လာနေ့က မြန်မာနိုင်ငံ၊ ရန်ကုန်မြို့ဆီ ရောက်သွားပြီး နေ့လည်ပိုင်းက သမိုင်းဝင် ရန်ကုန်တက္ကသိုလ်မှာ မိန့်ခွန်းပြောကြားခဲ့ပါတယ်။

အမျိုးသားပြန်လည်သင့်မြတ်ရေး မရဘဲနဲ့တော့ ဘယ်လို ပြုပြင်ပြောင်းလဲရေးမျိုးမှ အောင်မြင်မှာမဟုတ် ဘူးလို့ သမ္မတ အိုဘားမားက အလေးထား ပြောဆိုခဲ့ပါတယ်။

ရန်ကုန်တက္ကသိုလ်မှာ မိန့်ခွန်းမပြောခင်မှာတော့ သမ္မတအိုဘားမားဟာ သမ္မတဦးသိန်းစိန်အပါအ၀င် မြန်မာအစိုးရအဖွဲ့ ထိပ်တန်းခေါင်းဆောင်တွေနဲ့ တွေ့ဆုံခဲ့ပါတယ်။

အဲဒီနောက် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့လည်း တက္ကသိုလ်ရိပ်သာလမ်းက နေအိမ်မှာ တွေ့ဆုံခဲ့ ပါတယ်။

အကြောင်းအရာ အစုံအလင်ကို ပြောဆိုခဲ့တဲ့ သမ္မတရဲ့မိန့်ခွန်းထဲမှာ ရခိုင်ပြည်နယ်က အကြမ်းဖက်ပဋိပက္ခအခြေအနေတွေ အဆုံးသတ်အောင် လုပ်ဆောင်ဖို့ကိုလည်း တိုက်တွန်းပြောဆိုခဲ့ပါတယ်။

မြန်မာစစ်တပ်အနေနဲ့ ကျွမ်းကျင်တဲ့ စစ်ဘက်အဖွဲ့အစည်းဖြစ်လာဖို့နဲ့ လူ့အခွင့်အရေးကို မြှင့်တင်ဖို့အတွက် အမေရိကန် ပြည်ထောင်စုအနေနဲ့ ထိတွေ့ ဆက်ဆံသွားမယ်လို့လည်း သမ္မတအိုဘားမားက ပြောခဲ့ပါတယ်။

ရန်ကုန်တက္ကသိုလ်တွင် ပြောကြားသည့် အမေရိကန်သမ္မတ အိုဘားမား မိန့်ခွန်း ကောက်နုတ်ချက်

အမေရိကန် သမ္မတ Barack Obama နှင့် နိုင်ငံခြားရေးဝန်ကြီး Hillary Rodham Clinton ရန်ကုန်အပြည်ပြည်ဆိုင်ရာလေဆိပ်ကို ရောက်ရှိလာစဉ်။

၁၉ နိုဝင်ဘာ ၂၀၁၂ တနင်္လာနေ့က ရန်ကုန်တက္ကသိုလ်တွင် ပြောကြားခဲ့သည့် သမ္မတအိုဘားမား၏ မိန့်ခွန်း ကောက်နုတ်ချက်များ (အိမ်ဖြူတော်သတင်းဌာနမှ ထုတ်ပြန်သည်)။

အမေရိကန်ပြည်ထောင်စုအနေနဲ့ လူသားတွေရဲ့ ဂုဏ်သိက္ခာကို ယုံကြည်တဲ့အတွက် ကျနော် ဒီကိုလာခဲ့တာလို့ပဲပြောပါရစေ။ ပြီးခဲ့တဲ့ ဆယ်စုနှစ်တော်တော်များများမှာ ၊ ကျနော်တို့ ၂ နိုင်ငံဟာ သူစိမ်းပြင်ပြင်ဖြစ်ခဲ့ပါတယ်။ ဒီနေ့မှာတော့ ၊ ဒီနိုင်ငံရဲ့ ပြည်သူတွေဖြစ်တဲ့ ခင်ဗျားတို့အားလုံးကို ကျနော်တို့ အမြဲ ယုံကြည် မျှော်လင့်နေခဲ့တာပါဆိုတာကို ကျနော်ပြောနိုင်ပါပြီ။ ကျနော်တို့အတွက် မျှော်လင့်ချက်တွေပေးသလို၊ ခင်ဗျားတို့အားလုံးရဲ့ သတ္တိတွေကိုလည်း ကျနော်တို့ မျက်ဝါးထင်ထင် မြင်ခဲ့ရပြီးပါပြီ။

တနင်္ဂနွေနေ့တွေမှာ နိုင်ငံရေးအကျဉ်းသားတွေရဲ့ မိသားစုတွေကို ၀တ်စုံဖြူတွေ၊ ၀တ်ပြီးသွားတွေ့အားပေးကြတဲ့ လုပ်ဖော်ကိုင်ဖက်တက်ကြွလှုပ်ရှားသူတွေ၊ လမ်းမထက်မှာ ငြိမ်းချမ်းစွာဆန္ဒပြခဲ့ကြတဲ့ ဘုန်းတော်ကြီးတွေ၊ ကျနော်တို့တွေ့ခဲ့ရပါတယ်။  ဆိုင်ကလုံးမုန်တိုင်းဒဏ်ခံရသူတွေကို ကူညီဖို့ စုပေါင်းလုပ်ဆောင်ကြတဲ့ သာမန်ပြည်သူတွေရဲ့ အကြောင်း၊ ကျောင်းသားတွေရဲ့ အသံ၊ လွတ်လပ်ခြင်းသီချင်းတွေကို သီကျူးနေတဲ့ ဟစ်ပ်ဟော့ပ် ဂီတသမားတွေရဲ့ အသံ၊ အားလုံးကိုလည်း ကျနော်တို့ကြားခဲ့ရပါတယ်။ ပြည်ပမှာရောက်ရှိနေပြီး အမိမြေနဲ့ မိသားစုထံ အမြဲ တမ်းတ ဆက်သွယ်ချင်နေတဲ့ ဒုက္ခသည်တွေ၊ ပြည်ပရောက် အင်အားစုတွေ အကြောင်းလည်း ကျနော်တို့ သိခဲ့ရပါတယ်။ ဒါ့အပြင် ဒေါ်အောင်ဆန်းစုကြည် ရဲ့အံ့မခန်း ဂုဏ်သိက္ခာကြီးမားမှုကိုလည်း ကျနော်တို့ လေးစား အားကျခဲ့ရပါတယ်။ ဒေါ်အောင်ဆန်းစုကြည်ဟာ ယုံကြည်ချက်နှလုံးသားခိုင်မြဲသူတွေကို ဘယ်လိုမှ အကျဉ်းချထားလို့မရနိုင်ဘူးဆိုတာ သက်သေပြခဲ့တာပါ။

သမ္မတရာထူးလက်ခံခဲ့တဲ့အချိန်တုန်းက ကမ္ဘာပေါ်မှာရှိနေတဲ့ ခြိမ်းခြောက်အုပ်စိုးနေတဲ့ အစိုးရတွေဆီကို ကျနော်သ၀ဏ်လွှာစကား ပါးခဲ့ဖူးပါတယ်။ အဲဒါကတော့ - “တင်းကြပ်တဲ့လက်သီးတွေကို ဖြေလိုက်မယ်ဆိုရင် ကျနော်တို့ဘက်ကလည်း လက်ကမ်းပါမယ်” ဆိုတဲ့ စကားပါပဲ။ ပြီးခဲ့တဲ့ ၁ နှစ်ခွဲကျော်ကာလအတွင်းမှာပဲ၊ အပြောင်းအလဲတွေဟာ အရှိန်အဟုန်နဲ့ပေါ်လာခဲ့ပါတယ်။ ဆယ်စုနှစ် ၅ ခုကြာ၊ အာဏာရှင်စနစ်နဲ့ အုပ်စိုးခဲ့သူတွေဟာ သူတို့ရဲ့ချုပ်ကိုင်မှုတွေကို ဖြေလျော့လာခဲ့ပါပြီ။

သမ္မတဦးသိန်းစိန်ရဲ့ ခေါင်းဆောင်မှုအောက်မှာ ပြောင်းလဲမှုလိုလားတဲ့ဆန္ဒတွေနဲ့ ပြုပြင်ပြောင်းလဲရေးလုပ်ငန်းစဉ်တခု ဆုံဆည်းပေါ်ထွက်လာခဲ့ပါပြီ။ အခုဆိုရင်၊ အရပ်သားအစိုးရတခုနဲ့ အတူ၊ ပြည်သူ့လွှတ်တော် ဟာလည်း အင်အားယူပေါ်ထွက်လာနေပါပြီ။ တချိန်က တရားမ၀င်ဖြစ်ခဲ့တဲ့ အမျိုးသားဒီမိုကရေစီအဖွဲ့ချုပ် ဆိုလျှင်လည်း၊ ရွေးကောက်ပွဲ ၀င်ရောက်ပြီး ဒေါ်အောင်ဆန်းစုကြည် ကိုယ်တိုင်တောင် လွှတ်တော်အမတ်တဦးဖြစ်နေပါပြီ။ 

နိုင်ငံရေးအကျဉ်းသားတွေလည်း ရာနဲ့ချီပြီ လွတ်မြောက်လာခဲ့သလို၊ အဓမ္မလုပ်အားစေခိုင်းမှုတွေကို တားဆီးမှုတွေရှိနေပါပြီ။ တိုင်းရင်းသားလက်နက်ကိုင်အဖွဲ့တွေနဲ့ ပဏာမ အပစ်အခတ်ရပ်စဲရေးတွေလုပ်နိုင်ခဲ့သလို၊ ပိုပြီးပွင့်လင်းတဲ့ စီးပွားရေးအတွက် ဥပဒေအသစ်တွေ လည်း ပေါ်လာနေပါပြီ။ ဒါ့ကြောင့် ဒီနေ့မှာ ကျနော်အနေနဲ့ ပေးခဲ့တဲ့ကတိအတိုင်း၊ မိတ်ဆွေအဖြစ် လက်ကမ်းဖို့ ရောက်လာခဲ့တာပါ။ အခုဆိုရင်၊ ရန်ကုန်မြို့မှာ အမေရိကန်သံအမတ်ကြီးလည်း ရှိနေပါပြီ။

ပိတ်ဆို့ဒဏ်ခတ်မှုတွေလည်း လျှော့ချထားပြီးပါပြီ။ မြန်မာနိုင်ငံမှာ စီးပွားရေးပြန်လည် နာလန်ထူနိုင်ပြီး၊ ပြည်သူတွေအတွက် အခွင့်အလမ်းတွေပေါ်လာအောင် ကျနော်တို့ ကူညီပါ့မယ်။ ဒါဟာ တကမ္ဘာလုံးဖွံ့ဖြိုးဖို့အတွက် အင်အားတရပ်လည်းဖြစ်စေရပါမယ်။ ဒါပေမဲ့လည်း ဒီခရီးဟာ အခုမှ အစပဲရှိသေးပြီး၊ ရှေ့ဆက်အများကြီးသွားရအုံးမှာပါ။ လူမှုအသိုင်းအ၀ိုင်းရဲ့ ထိပ်ပိုင်းကနေ၊ ဆင်းသက်လာတဲ့ ပြုပြင်ပြောင်းလဲရေးတွေဟာ အခြေခံမှာရှိနေတဲ့ ပြည်သူတွေရဲ့ မျှော်မှန်းမှုတွေနဲ့ တထပ်တည်းရှိဖို့လိုပါတယ်။ ကျနော်တို့ အခုမြင်နေရတဲ့ တိုးတက်မှု ရောင်ခြည်မီးပွားလေးတွေ၊ ငြိမ်းမသွားစေရေးနဲ့ ဒီမီးပွားလေးတွေဟာ မြန်မာပြည်သူတရပ်လုံးအတွက်၊ ရှေ့ဆောင်လမ်းပြ ဓူဝံကြယ်ကြီးလိုဖြစ်သွားစေဖို့ လိုပါတယ်။

အဖိနှိပ်ခံရမှုတွေအစား အားလုံးစုံရုံးပိုင်ခွင့်ကို အပြည့်အ၀လေးစားလိုက်နာရပါမယ်။ ချုပ်ချယ်ကန့်သတ်မှုတွေအစား သတင်းဆင်ဆာဖြတ်တောက်မှုတွေကို ဆက်ပြီးဖယ်ရှားသွားရပါလိမ့်မယ်။ ဒီလမ်းစဉ်အတိုင်း ဆက်လျှောက်သွားရင်၊ တိုးတက်မှုတွေ တွေ့လာမှာပါ။ မြစ်ဆုံရေကာတာစီမံကိန်းမှာဆိုရင်၊ ကန့်ကွက်ကြတဲ့ ပြည်သူတွေရဲ့ အသံကို လစ်လျူမရှု့ဘဲ၊ လေးစားလိုက်နာခဲ့တာကို တွေ့ခဲ့ရပါပြီ။

မတရားအသင်းလို့ ကြေငြာမှုတွေမရှိတော့ဘဲ နိုင်ငံရေးပါတီတွေကိုလည်း  လှုပ်ရှားလုပ်ဆောင်ခွင့်တွေ ပေးလာနေပါပြီ။ လွှတ်တော်ရွေးကောက်ပွဲတွေတုန်းကဆိုရင်၊ မဲဆန္ဒရှင်တဦးက - ကျနော့်အဖိုးအဖွားတွေ၊ တချိန်လုံးစောင့်ဆိုင်းခဲ့ပြီး၊ မတွေ့သွားတဲ့ ဒီအခွင့်အရေးပါပဲလို့ ပြောခဲ့တာ ကြားရပါတယ်။

ဒီလိုမဲဆန္ဒရှင်တွေရဲ့ လွတ်လပ်မှုကို ကာကွယ်ဖို့အတွက် အာဏာရှိသူတွေအနေနဲ့ သဘောထားကြီး ထိန်းချုပ်နိုင်ဖို့လိုပါတယ်။ ဒါဟာ အမေရိကန်နိုင်ငံရေးစနစ်ရဲ့ ပုံစံပါပဲ။ အမေရိကန်မှာ ကမ္ဘာပေါ်မှာ အင်အားအကြီးဆုံးစစ်တပ်ရှိပေမယ့်၊ ဒီစစ်တပ်ဟာ အရပ်သားအစိုးရရဲ့ ထိန်းချုပ်မှုကို နာခံရပါတယ်။ ကျနော်ကိုယ်တိုင် သမ္မတ  နိုင်ငံတော်စစ်သေနာပတိချုပ် ဆိုပေမယ့် ကျနော်ရဲ့ ဆန္ဒတိုင်းကို ကွန်ဂရက် လွှတ်တော်မှာ အတင်းအကြပ် အတည်ပြုခိုင်းလို့မရပါဘူး။ နိုင်ငံတော်ရဲ့ တရားသူကြီးတွေကို ကျနော်က ခန့်အပ်ရတာဆိုပေမယ့်၊ သူတို့ရဲ့ တရားစီရင်ရေးမှာ ကျနော်ဝင်ပါလို့မရပါဘူး။ ဘာကြောင့်လဲဆိုတော့ အမေရိကားမှာ ဆင်းရဲတဲ့ကလေးငယ်လေးကနေ၊ သမ္မတအထိ အားလုံးဟာ ဥပဒေအောက်မှာ တညီတညာတည်းဖြစ်နေလို့ပါပဲ။ဒီလိုနည်းလမ်းနဲ့ပဲ ကိုယ်ရောက်ချင်တဲ့အနာဂတ်ကို ရောက်အောင်သွားနိုင်မှာပါ။ အဲဒီအနာဂတ်မှာဆိုရင်၊ နိုင်ငံရေးအကျဉ်းသားတစ်ယောက် ရှိနေတယ်ဆိုရင်တောင်  များလွန်းလှပြီလို့ ဆိုကြပါလိမ့်မယ်။ ဥပဒေဟာလည်း ခေါင်းဆောင်တွေရဲ့ အထက်မှာရှိနေပြီး၊ ဘယ်ကလေးသူငယ်ကိုမှလည်း စစ်သားအဖြစ်ခိုင်းစားတာမျိုးမရှိသလို၊ ဘယ်အမျိုးသမီးကိုမှလည်း မတရားခေါင်းပုံဖြတ်တာ မရှိတော့ပါဘူး။

နိုင်ငံတော်ရဲ့ လုံခြုံရေးကို အရပ်သားထိန်းချုပ်မှုအောက်မှာရှိတဲ့ စစ်တပ်က ကာကွယ်ပေးထားပြီး၊ ပြည်သူလူထုက ရွေးချယ်ပေးလိုက်တဲ့ သူတွေ အုပ်ချုပ်ခွင့်ရှိစေမယ့်၊ ဖွဲ့စည်းပုံ အခြေခံဥပဒေတရပ်လည်း ရှိနေမယ့်အနာဂတ်ဖြစ်ပါတယ်။ ဒီခရီးလမ်းကို ရောက်အောင်သွားဖို့ အမေရိကန်ပြည်ထောင်စုက အဆင့်တိုင်းမှာ ကူညီသွားပါမယ်။ လူထုလူတမနးစားအဖွဲ့အစည်းတွေ အားကောင်းလာစေဖို့ အကူအညီတွေ၊ ဂုဏ်သိက္ခာရှိပြီး လူ့အခွင့်အရေးလေးစားတဲ့ စစ်တပ်တရပ်ဖြစ်လာစေဖို့ ၊ ဒါ့အပြင် စီးပွားရေးဖွံ့ဖြိုးမှုတွေနဲ့ အတူ၊ ဒီမိုကရေစီလမ်းစဉ်ဆီကို ရှေ့တိုးလုပ်ဆောင်လာနိုင်ရေး၊ ပူးပေါင်းဆောင်ရွက်သွားဖို့ ကျနော်တို့ ကူညီသွားမှာပါ။

နိုင်ငံသားဆိုတာကို  အဓိပ္ပါယ်ဖွင့်ဆိုဖို့  ဘယ်နိုင်ငံမဆို  အပြင်းအထန် ကြိုးစားခဲ့ကြရပါတယ်။  အမေရိကန်နိုင်ငံမှာလည်း ဒီပြဿနာနဲ့ ပတ်သက်ပြီး  အကြီးအကျယ် ဆွေးနွေးငြင်းခုံခဲ့ရတာပါ။ အခုထိလည်း ဆက်ပြီး ငြင်းခုံရဆဲပါ။  ဒါပေမယ့် အဓိကအခြေခံအချက်တွေကတော့ တကမ္ဘာလုံးအတွက် အတူတူပါပဲ။  ဘယ်သူဖြစ်ဖြစ်  အခြိမ်းခြောက်မခံရပဲ နေထိုင်နိုင်ခွင့် ရှိဖို့ လိုပါတယ်။  မိသားစုတွေ ဘေးရန်ကင်းကင်း နေနိုင်ဖို့ လိုပါတယ်။  သူတို့ ဘယ်သူဘယ်ဝါဖြစ်နေလို့  ဒါမှမဟုတ် သူတို့ ဘယ်နေရာကနေ ရောက်လာလို့ ဆိုပြီး  သူတို့အိမ်တွေ မီးရှို့ခံရတာမျိုး မဖြစ်သင့်ပါဘူး။ နောက်ဆုံးကုန်ကုန်ပြောရရင်  ကိုယ့်နိုင်ငံသားတွေကပဲ ကိုယ့်ရဲ့ နိုင်ငံညီညွတ်မှုကို လုပ်နိုင်တာပါ။  မြန်မာနိုင်ငံသားတွေဟာ မတူကွဲပြားမှုဆိုတာကို အားနည်းချက်တရပ်အနေနဲ့ မဟုတ်ဘဲ၊ အင်အားအဖြစ် အသုံးချနိုင်လိမ့်မယ်လို့ ကျနော်အခိုင်အမာ ယုံကြည်ပါတယ်။

ကျနော့် နိုင်ငံ၊ ကျနော် လျှောက်လှမ်းခဲတဲ့ ဘ၀အတွေ့အကြုံတွေကို ကျနော် ပြောပြနေတာပါ။ အမေရိကန် ပြည်ထောင်စုဟာ ခရစ်ယာန်တွေနဲ့ ဂျူးတွေ၊  မူစလင်နဲ့ ဗုဒ္ဓဘာသာဝင်တွေ၊ ဟိန္ဒူနဲ့ ဘာသာ အယူဝါဒမရှိသူတွေ အတူနေကြတဲ့ နိုင်ငံပါ။  ကျနော်တို့ နိုင်ငံဟာ ဘာသာစကားမျိုးစုံနဲ့  ယဉ်ကျေးမှု မျိုးစုံ ထွန်းကားတဲ့ နိုင်ငံပါ။ ကျနော်တို့မှာ ပြည်တွင်းစစ်ရဲ့ ခါးသီးမှုတွေ ရှိခဲ့ပေမယ့်  လူသားတွေဟာ အမုန်းတရားတွေကို အသဲနှလုံးထဲကနေ ဖယ်ရှားနိုင်စွမ်း ရှိတယ်၊  ဘာသာ နဲ့ လူမျိုးဆိုတဲ့  ကဏ္ဍခြားထားတဲ့ လိုင်းတွေကလည်း မှေးမှိန်သွားနိုင်ပါတယ်  ဆိုတာကို  သမိုင်းကပြနေပါတယ်။  တကယ်တမ်း  ဘာကျန်နေသလဲဆိုတော့ ရိုးသားတဲ့ အမှန်တရား ပါပဲ။ အမေရိကန်နိုင်ငံမှာ ကွဲပြားမှုတွေ အများကြီး ရှိပေမယ့် ကျနော်တို့ဟာ တစိတ်ထဲ တ၀မ်းထဲ လူမျိုး တမျိုးထဲပါ။  ကာလကြာလာတာနဲ့ အမျှ  ဒီအမှန်တရား ကနေ ကျနော်တို့ နိုင်ငံကို အင်အားဖြစ်စေခဲ့ပါတယ်။

ကျနော်တို့ဟာ ဖွဲ့စည်းပုံ အခြေခံဥပဒေကို ကျွန်တော်တို့ ကိုင်စွဲထားတဲ့  ဒီမိုကရေစီ မူဝါဒတွေ အတိုင်း ဖြည့်ပြီး ပြင်ဆင်ခဲ့ပါတယ်။  ကမ္ဘာပေါ်မှာ အင်အား အကြီးဆုံး နိုင်ငံကြီးရဲ့ သမ္မတ တဦးအနေနဲ့  ဒီကနေ့ ခင်ဗျားတို့ရှေ့မှာ  ကျနော် မားမားမတ်မတ် ရပ်နေပါပြီ။  ကျနော်ဟာ အရင်တုန်းက မဲပေးခွင့်မရှိတဲ့ သူတဦးရဲ့ အမျိုးအနွယ်တဦးပါ။   ဒီ နိုင်ငံ နယ်နိမိတ်အတွင်း ရှိသမျှ လူသားတွေဟာ  ဒီနိုင်ငံရဲ့ သမိုင်းအစိတ်အပိုင်း ပဲဖြစ်ပါတယ်။  ဒါ့ကြောင့်  ဒီနိုင်ငံမှာလည်း  မတူကွဲပြားမှုတွေကို ကျော်လွှားနိုင်မယ်လို့ ကျနော့် နက်နက်ရှိုင်းရှိုင်း ယုံကြည်ပါတယ်။ 

အမေရိကန်သမ္မတ အိုဘားမားနဲ့ မြန်မာသမ္မတဦးသိန်းစိန်တွေ့ဆုံ

အမေရိကန် သမ္မတ အိုဘားမားနဲ့ မြန်မာသမ္မတ ဦးသိန်းစိန် တို့ ရန်ကုန် လွှတ်တော်အဆောက်အအုံမှာ တွေ့ဆုံခဲ့ကြပါတယ်။ ( နိုဝင်ဘာ ၁၉။ ၂၀၁၂။)

သမ္မတ အိုဘားမား ရဲ့ မြန်မာပြည်ခရီးစဉ်ဟာ စုစုပေါင်း ခြောက်နာရီခန့်သာ ကြာမြင့်မှာဖြစ်ပါတယ်။ ဒီနေ့မနက်ပိုင်းမှာ ပထမဆုံး သမ္မတဦးသိန်းစိန် နဲ့ တွေ့ဆုံခဲ့ရာ မှာ မြန်မာအစိုးရရဲ့ ပြုပြင်ပြောင်းလဲရေး ဆောင်ရွက်ချက်တွေကို သမ္မတအိုဘားမားက ချီးကျူးပြောဆိုခဲ့ပါတယ်။

ရှေ့ဆက်လုပ်ငန်းစဉ်တွေ အများကြီရှိသေးတယ်ဆိုတာကိုတော့ သူက သတိပေးပြောကြားပါတယ်။ အထူးခြားဆုံးအချက်ကတော့ မြန်မာနိုင်ငံရဲ့ အမည်ကို ဘားမား လို့မသုံးနှုံးဘဲ မြန်မာ လို့ သတင်းထောက်များကိုပြောကြားစဉ်မှာ ပထမဆုံးသုံးစွဲသွားခဲ့ပါတယ်။

သမ္မတအိုဘားမားနဲ့ မြန်မာ့လူမှုအဖွဲ့အစည်းများ တွေ့ဆုံ

 

မြန်မာနိုင်ငံကို ခေတ္တလာရောက်ခဲ့သော အမေရိကန်သမ္မတ အိုဘားမားအား စောင့်ကြိုနှုတ်ဆက်နေသော မြန်မာပြည်သူများ။ (နိုဝင်ဘာလ ၁၉၊ ၂၀၁၂။)

သမ္မတအိုဘားမားနဲ့ ဒီကနေ့ အရပ်ဘက် လူမှုအဖွဲ့အစည်းက ကိုယ်စားလှယ်  ၁၄ ဦး တွေ့ဆုံရာမှာ ၈၈ မျိုးဆက် ကျောကင်းသားများအဖွဲ့က ကိုမင်းကိုနိုင်၊ ကိုကိုကြီး၊ သီတဂူဆရာတော်၊ ရှမ်းတိုင်းရင်းသားခေါင်းဆောင် ဦးခွန်ထွန်းဦး၊ ဗေဒါ အင်စတီကျုက ကိုမျိုးရန်နောင်သိန်း၊ မြန်မာ Egress နဲ့ Food Security Working Group က ဒေါက်တာ ဥမ္မာခိုင်၊ မသန်မစွမ်းအဖွဲ့က ကိုယ်စားလှယ်တစ်ဦးနဲ့ ဦးဂန္ဘီရ အပါအဝင် ကရင်အမျိုးသမီးအဖွဲ့နဲ့ အမျိုးသမီးများအဖွဲ့ ကိုယ်စားလှယ် နော် ဆူဆန်နာ လှလှစိုးတို့ ပါဝင်ခဲ့ပါတယ်။

သမ္မတနဲ့ မတွေ့ဆုံမီ တစ်ရက်အလိုက သမ္မတရဲ့ လူ့အခွင့်အရေး အကြံပေး ပုဂ္ဂိုလ် Samantha Powers နဲ့လည်း သူတို့တတွေ တွေ့ဆုံခဲ့ပြီး အသေးစိတ် ဆွေးနွေးခွင့် ရခဲ့တယ်လို့ ဆိုပါတယ်။ ဒီနေ့ သူတို့အဖွဲ့ ၁၄ ဖွဲ့နဲ့ သမ္မတ အိုဘားမားတို့ ခေတ္တတွေ့ဆုံရာမှာ ဆူဆန်နာ လှလှစိုးက သူဘာတွေ တင်ပြခဲ့သလဲဆိုတာကို အခုလို ပြောပြခဲ့ပါတယ်။

“ကျမကတော့ ပြည်တွင်းစစ်ကြောင့် အမျိုးသမီးတွေရဲ့ ခံစားထိခိုက်မှုရယ်၊ နောက်ပြီးတော့ ငြိမ်းချမ်းရေးဆွေးနွေးပွဲမှာလည်း အမျိုးသမီးတွေ ပါသင့်တဲ့အကြောင်းတို့ အဲဒါတွေပဲ အဓိကထား ပြောဖြစ်ပါတယ်။ သမ္မတကတော့ ကျမရဲ့လုပ်ငန်းက အရမ်းကောင်းတယ်ပေါ့နော်။ ကွန်ဂရက် ကျူးလေးရှင်း-ပေါ့။ ဒီနိုင်ငံမှာ အမျိုးသမီးတွေ ဒီလောက် လုပ်နေတယ်ဆိုတာလည်း သူ အင်မတန်မှ အားရ ကျေနပ်တဲ့အကြောင်းပေါ့နော်။ တုံ့ပြန်ပြောဆိုပါတယ်။”

မြန်မာနိုင်ငံထဲမှာ နိုင်ငံရေးသင်တန်းတွေ ပေးနေတဲ့ ဗေဒါ အင်စတီကျုက ကိုမျိုးရန်နောင်သိန်း ကလည်း သမ္မတနဲ့သူ တွေ့ဆုံခဲ့တဲ့ အခြေအနေကို အခုလို ပြောပြပါတယ်။

“ဒီနေ့ ကျနော်တို့ သမ္မတနဲ့တွေ့တဲ့အခါ တွေ့ရတဲ့အချိန်ကလည်း နည်းတယ်။ သမ္မတကကျတော့ ကျနော်တို့အခန်းထဲကိုလာပြီး ကျနော်တို့  ၁၄ ယောက်ကို မိန့်ခွန်း ငါးမိနစ်လောက် ပြောတယ်။ ထူးခြားတဲ့အချက်က သမ္မတနဲ့ တွေ့ရမယ့် ပြည်ခိုင်ဖြိုးပါတီက ဦးဌေးဦးနဲ့ ဦးမောင်စိန်တို့ နှစ်ယောက် က ကျနော်တို့နဲ့အတူတူ ဝင်ထိုင်ခွင့်မရှိဘဲ အပြင်မှာ မတ်တပ်ရပ်နေရတယ်။ သမ္မတလာတဲ့အခါမှာ သူက ကျနော်တို့နဲ့အတူတူ အထဲဝင်လာတယ်။ သမ္မတနဲ့နှုတ်ဆက်ပြီး တဲ့အခါမှာ သမ္မတရဲ့မိန့်ခွန်းကို နားထောင်ခွင့် မရှိဘူး။ ကျနော်တို့ ၁၂ ယောက်ပဲ သမ္မတရဲ့ မိန့်ခွန်းကို နားထောင်ခွင့် ရှိတာပေါ့။

သမ္မတက ဝင်လာဖို့ ပြောတဲ့အခါမှာ အရပ်ဘက်လူမှုအဖွဲ့အစည်းရယ်၊ နိုင်ငံရေးတက်ကြွလှုပ်ရှား သူတွေကို အားပေးတယ်ဆိုတဲ့အကြောင်း၊ ဒီလို လူမျိုးတွေ ရှိနေလို့ မြန်မာပြည် ဒီမိုကရေစီစနစ်ပြောင်းလာတဲ့အကြောင်း အဓိကထား ဇောင်းပေး ပြောသွားတယ်။ လူထု အခြေပြု အဖွဲ့အစည်းတွေရဲ့ အရေးပါမှု အကြောင်းကို ပြောသွားတယ်။ ပြီးတော့မှ တဦးချင်း တဦးချင်း သူနဲ့တွေ့ပြီးတော့ စကားပြောရပါတယ်။ ကျနော်ကတော့ စစ်တပ်ကိုလည်း ဒီမိုကရက်တစ်စစ်တပ်ဖြစ်အောင် တချို့ကိစ္စတွေမှာ လေ့ကျင့်ပေးချင်တဲ့အကြောင်း ကျနော်ပြောတယ်။ ပြီးတော့ ဗမာပြည်မှာ ပညာရေးအခွင့်အလမ်းတွေ ပေးဖို့ ကျနော် ပြောတယ်။ မြန်မာပြည်သူလူထုက ပညာရေးနိမ့်တဲ့အတွက် ပညာရေးအတွက်ကို အဓိကဆောင်ရွက်ဖို့ ကျနော် ပြောတယ်။”

သမ္မတ အိုဘားမားနဲ့ တွေ့ဆုံခဲ့တဲ့ အရပ်ဘက် လူမှုအဖွဲ့အစည်း ကိုယ်စားလှယ် တဦးဖြစ်တဲ့ ကိုမျိုးရန်နောင်သိန်း  ပြောပြသွားတာ ဖြစ်ပါတယ်။ သမ္မတအိုဘားမားရဲ့ အခု ခရီးစဉ်နဲ့ပတ်သက်လို့ တုံ့ပြန်ချက်တွေကိုလည်း ဆက်တိုက် တင်ပြပေးသွားမှာ ဖြစ်ပါတယ်။

အမေရိကန်သမ္မတ အိုဘားမား မြန်မာနိုင်ငံ ရောက်ရှိ

 အမေရိကန် သမ္မတ Barack Obama နှင့် နိုင်ငံခြားရေးဝန်ကြီး Hillary Rodham Clinton ရန်ကုန်အပြည်ပြည်ဆိုင်ရာလေဆိပ်ကို ရောက်ရှိလာစဉ်။

အမေရိကန် သမ္မတ Barack Obama နှင့်  နိုင်ငံခြားရေးဝန်ကြီး Hillary Rodham Clinton ရန်ကုန်အပြည်ပြည်ဆိုင်ရာလေဆိပ်ကို နိုဝင်ဘာလ ၁၉ရက် တနင်္လာနေ့ မနက်ပိုင်းတွင် ရောက်ရှိလာပြီဖြစ်ပါတယ်။

ရန်ကုန်မြို့ကို ရောက်ရှိလာပြီဖြစ်တဲ့ အမေရိကန်သမ္မတအိုဘားမားဟာ မြန်မာသမ္မတဦးသိန်းစိန်နဲ့ ရန်ကုန်တိုင်းဒေသကြီး လွှတ်တော်အဆောက်အအုံမှာ တွေ့ဆုံမှာဖြစ်ပါတယ်။

မြန်မာသမ္မတဦးသိန်းစိန်နဲ့တွေ့ဆုံပြီးနောက်မှာတော့ အမျိုးသားဒီမိုကရေစီ အဖွဲ့ချုပ်  ဒေါ်အောင်ဆန်းစုကြည်နေအိမ်ကို သွားရောက်တွေ့ဆုံမှာဖြစ်ပါတယ်။

နောက် အမေရိကန်သံရုံးကို သွားရောက်ပြီး သံရုံးဝန်ထမ်းတွေနဲ့တွေ့ဆုံမှာဖြစ်ပါတယ်။အဲ့ဒီ့နောက်မှာတော့ လူမှုအဖွဲ့အစည်းတွေနဲ့တွေ့ဆုံမှာဖြစ်ပါတယ်။

နေ့လည်ပိုင်းမှာတော့ ရန်ကုန်တက္ကသိုလ်ဘွဲ့နှင်းသဘင်ခန်းမမှာ မြန်မာပြည်သူ လူထုကို သမ္မတအိုဘားမား မိန့်ခွန်းပြောကြားမှာဖြစ်ပါတယ်။

တနင်္လာနေ့ ညနေပိုင်းမှာတော့ အမေရိကန်သမ္မတ အိုဘားမားနဲ့ အဖွဲ့ဟာ အရှေ့တောင်အာရှ အာဆီယံနိုင်ငံများ ထိပ်သီးညီလာခံကျင်းပနေတဲ့ ကမ္ဘောဒီးယားနိုင်ငံ ဖနွမ်းပင်မြို့ကို ပြန်လည်ထွက်ခွာမှာဖြစ်ပါတယ်။

မြန်မာကို ထောက်ခံသွားမယ်လို့ အိုဘားမား ကတိပြု

အမျိုးသား ပြန်လည် ရင်ကြားစေ့ရေး မရှိဘဲနဲ့ ပြုပြင် ပြောင်းလဲရေး လုပ်လို့ မရဘူးလို့ပြော

မြန်မာ အစိုးရရဲ့ ဒီမိုကရေစီရေး ပြုပြင် ပြောင်းလဲမှုတွေ အတွက် ဆက်လက် ထောက်ခံ သွားမှာ ဖြစ်ကြောင်း အမေရိကန် သမ္မတ အိုဘားမားက မြန်မာနိုင်ငံ ခရီးစဉ် အတွင်း ကတိပြု ပြောကြား သွားပါတယ်။

အမေရိကန် သမ္မတ တဦး အနေနဲ့ မြန်မာနိုင်ငံကို ပထမဆုံး ရောက်ရှိလာတဲ့ သမ္မတ အိုဘားမားဟာ ရန်ကုန် တက္ကသိုလ် ဘွဲ့နှင်းသဘင် ခန်းမမှာ မြန်မာ ပြည်သူတွေကို မိန့်ခွန်းပြောကြားခဲ့တာ ဖြစ်ပါတယ်။

မြန်မာနိုင်ငံမှာ အမျိုးသား ပြန်လည် ရင်ကြားစေ့ရေး မရှိဘဲနဲ့ ပြုပြင်ပြောင်းလဲရေး လုပ်လို့ မရဘူးလို့လည်း သမ္မတက ပြောပါတယ်။

မြန်မာပြည် ရခိုင်ဒေသမှာ ဖြစ်ပွားနေတဲ့ အကြမ်းဖက် မှုတွေနဲ့ ပတ်သက်ပြီး အန္တရယ် ရှိတယ်လို့လည်း သမ္မတ က သတိပေး ပြောကြားသွားပါတယ်။

အခုလို မိန့်ခွန်း မပြောခင် အစောပိုင်းမှာတော့ သမ္မတ အိုဘားမားဟာ မြန်မာ သမ္မတ ဦးသိန်းစိန်နဲ့ ရန်ကုန်တိုင်း ဒေသကြီး လွှတ်တော်မှာ တွေ့ဆုံခဲ့ပြီး၊ ဒေါ်အောင်ဆန်းစုကြည် ကိုတော့ သူမရဲ့ နေအိမ်မှာ သွားရောက် တွေ့ဆုံခဲ့ပါတယ်။

သမ္မတအိုဘားမား လာမယ့်နေ့ အက်ဉ်းသား ထပ္လွှတ်

သမ္မတ အိုဘားမား ခရီးစဉ်အတွက် ရန်ကုန်မြို့မှာ အကြီး အကျယ် ပြင်ဆင်ထား ပါတယ်

ပထမဆုံးအကြိမ် အဖြစ် အမေရိကန် သမ္မတတယောက် မြန်မာနိုင်ငံကို ဒီနေ့ ရောက်လာမယ့် အချိန်နဲ့ တိုက်ဆိုင်ပြီး နောက်ထပ် အကျဉ်းသား(၆၆) ဦးအား ပြစ်ဒဏ်မှ လွတ်ငြိမ်းချမ်းသာခွင့် ပေးလိုက်တယ်လို့ မြန်မာ သမ္မတ ရုံး အင်တာနက် စာမျက်နှာမှာ ဖေါ်ပြထားပါတယ်။

နိုဝင်ဘာလ ၁၆ ရက်မှာ ထပ်မံ လွှတ်ပေးလိုက်တာ ဖြစ်ပြီး၊ လွတ်ငြိမ်းချမ်းသားခွင့် ပေးလိုက်သူ စုစုပေါင်း ၅၁၈ ရှိတယ်လို့ ဖေါ်ပြထားကာ၊ ပြန်လွတ်လာ သူတွေထဲမှာ နိုင်ငံရေး အကျဉ်းသား တချို့ပါတယ် ဆိုတဲ့ သတင်းတွေလည်း ထွက်ပေါ်နေပါတယ်။

သမ္မတ ဘရက်အိုဘားမား မြန်မာနိုင်ငံကို ရောက်လာတဲ့အခါ သမ္မတဦးသိန်းစိန်၊ ဒေါ်အောင်ဆန်းစုကြည်တို့ နဲ့ တွေ့ဆုံမှာ ဖြစ်သလို ပြည်သူ့ လွှတ်တော် ဥက္ကဌ ဦးရွှေမန်းနဲ့လည်း တွေ့ဆုံမယ်လို့ မြန်မာ သမ္မတရုံးက အတည်ပြု ပြောဆိုပါတယ်။

အဲဒီ့နောက် ရန်ကုန် တက္ကသိုလ် ဘွဲ့နှင်းသဘင် ခန်းမမှာ အရပ်ဘက် လူထု အဖွဲ့အစည်း တွေနဲ့တွေ့ဆုံဖို့ ရှိသလို ကိုမင်းကိုနိုင် အပါအဝင် နိုင်ငံရေး အကျဉ်းသား တချို့ကိုလည်း ဖိတ်ကြား ထားပြီး မိန့်ခွန်း ပြောကြားမှာ ဖြစ်ပါတယ်။

အစိုးရ သတင်းထုတ်ပြန်ရေး အဖွဲ့ကလည်း မနေ့က ကြေငြာချက် တရပ် ထုတ်ပြန်ခဲ့ရာမှာ အိုင်စီအာစီ အပြည်ပြည်ဆိုင်ရာ ကြက်ခြေနီ အဖွဲ့နဲ့ ပြည်ထဲရေး ဝန်ကြီးဌာနတို့ ပူးပေါင်းပြီး အကျဉ်းသားတွေရဲ့ အခြေ အနေ တွေကို အဘက်ဘက်က တိုးတက် ကောင်းမွန်အောင် ဆောင်ရွက်ဖို့ ရှိသလို ပြစ်မှု ပြစ်ဒဏ်တွေကို ပြန်လည် သုံးသပ်မယ်လို့လည်း ဆိုပါတယ်။

ရခိုင် ပြည်နယ်မှာ ဖြစ်ပွားနေတဲ့ လူမျိုးရေး ပဋိပက္ခတွေနဲ့ ပတ်သက်ပြီးတော့လည်း အပြည်ပြည် ဆိုင်ရာ ကြက်ခြေနီအဖွဲ့ နိုင်ငံ တကာ လူသားချင်း စာနာ ထောက်ထားမှု အဖွဲ့တွေနဲ့ ပူးပေါင်း ဆောင်ရွက်သွားပြီး အကူအညီတွေ ပေးသွားမယ်လို့ ဆိုပါတယ်။

သန့်ရှင်းတဲ့ အစိုးရဖြစ်အောင် အကျင့်ပျက် ခြစားမှုတွေတိုက်ဖျက် သွားမယ် လို့လည်း ဆိုပါတယ်။

ဒီကြေညာချက်မှာ သမ္မတ အိုဘားမားရဲ့ အမည်ကို လုံးဝ ဖော်ပြခြင်း မရှိပေမဲ့ သမ္မတ အိုဘားမား မလာခင် တရက် အကြို တနင်္ဂနွေနေ့ ရုံးပိတ်ရက်မှာ ကြေညာချက် ကို ထုတ်ပြန်ခဲ့တာ ဖြစ်ပါတယ်။

Air Force One (သို့) အမေရိကန်သမ္မတ စီးတော်ယာဉ်

Air Force One လို့ ပြောလိုက်တာနဲ့ အမေရိကန်က ဆိုတာ တန်းသိနိုင်ပါတယ်

Air Force One အမေရိကန် လေတပ်ရဲ့ နံပါတ် ၁ လေယဉ် ဖြစ်တဲ့ အတိုင်း အမေရိကန်ရဲ့ အဆင့်မြင့်ဆုံး ခေါင်းဆောင် သမ္မတ စီးတဲ့ စီးတော်ယာဉ်ကြီးပါ။

ဒီလေယာဉ်ကြီး အကြောင်း ကြားတိုင်း လူတိုင်းက အံသြ တသ ဖြစ်ရ သလို ဒီလေယာဉ်မျိုးကို တခြား ကမ္ဘာ့ ခေါင်းဆောင်တွေ၊ ချမ်းသားကြတဲ့ သူတွေ ပိုင်ဆိုင် ချင်ကြပါတယ်။

Air Force Once လေယာဉ် အမျိုးအစားက ဘိုးရင်း 747 ဂျက် လေယာဉ် ဖြစ်ပါတယ်။ မိုးပြာရောင်နဲ့ အဖြူရောင် စပ်ကြား လေယာဉ်ကြီးရဲ့ အပြင်ဘက် မှာတော့ United States of America အမေရိကန် ပြည်ထောင်စုလို့ ကဗျည်း ထိုးထားပါတယ်။

အမေရိကန်ကို ကိုယ်စားပြုတဲ့ သဘောလို့ ဆိုနိုင်မလား။ Air Force One လို့ ပြောလိုက်တာနဲ့ အမေရိကန်က ဆိုတာ တန်းသိနိုင်တဲ့ အထိ သင်္ကေတ အမှတ် တံဆိပ် ဖြစ်နေကြောင်း ဘီဘီစီရဲ့ မြောက်အမေရိက အရေးဆိုင်ရာ အယ်ဒီတာ မာ့ခ် မာဒဲက အခုလို ပြောပါတယ်။

''အမေရိကန် သမ္မတဟာ ကိုယ်ပိုင် လေယာဉ်နဲ့ ခရီးသွားတယ်၊ စတိုင်ရှိရှိ ဂုဏ်သရေ ရှိရှိ သွားတယ် ဆိုတဲ့ အချက်က အမေရိကန်တွေရဲ့ စိတ်ဓာတ် အမေရိကန်ရဲ့ အင်အားကြီးမှု ကိုလည်း ထင်ဟပ်နေပါတယ်။ ဒါမျိုးက တခြား ကမ္ဘာ့ခေါင်းဆောင် အများစု မရရှိတဲ့ အခွင့်အရေးပါ''

Air Force One က ပြောရရင် တော်တော်လည်း အသုံးဝင် ပါတယ်။ အဆင့်မြင့် ဆက်သွယ်ရေး ပစ္စည်း ကိရိယာတွေ အစုံ အလင် ပါတော့ လေယာဉ်ပေါ်မှာ အလုပ် လုပ်နိုင်တယ်။

လတ်တလောကိုပဲ ကြည့်ရင် အခု ရွေးကောက်ပွဲမှာ ဆိုရင်လည်း သမ္မတ အိုဘားမားက ကျယ်ဝန်းလှတဲ့ နိုင်ငံ အရှေ့နဲ့ အနောက် မဲဆွယ်ပွဲတွေ အတွက်ရော၊ အိမ်ဖြူတော်နဲ့ ဆက်သွယ် လုပ်ဆောင် ဖို့ရော၊ မုန်းတိုင်း စန္ဒီ အတွက် ကူညီ ကယ်ဆယ် ဖို့ရော လေယာဉ်ပေါ် ကနေ ကောင်းကောင်း ညွှန်ကြား နိုင်ခဲ့ပါတယ်။

လေယာဉ် အရှေ့ နောက်ပိုင်း ပိုင်းတွေမှာ အထူး လုံခြုံရေးတွေ ရှိနေသလို လေယာဉ် အပေါ်ထပ် ပိုင်းလော့ရဲ့ နောက်ဘက်မှာ ကာကွယ်ရေး ဆိုင်ရာ အရာရှိ ကြီးတွေရဲ့ ထိန်းချုပ်ခန်းလည်း ရှိပါတယ်။

နောက်ပြီး မစ်ဇိုင်း ဒုံးကျည် ပစ်လာရင် လမ်းကြောင်း လွှဲပေးနိုင်တဲ့ မီးကျည်ထုတ် ကိရိယာတွေ၊ အထူး ဆက်သွယ်ရေး နဲ့ အရေးပေါ် ကယ်ဆယ်ရေး ကိရိယာတွေ အများ အပြား တပ်ဆင်ထား ပါတယ်။

လုံခြုံရေး အစီအမံတွေ အပြင် လေယာဉ် အောက်ထပ်မှာ သမ္မတ အိပ်ခန်း၊ ရုံးခန်း၊ ဆေးခန်း၊ အစည်းအဝေးခန်း အစုံ ပါတာမို့ ဝေဟင်ပေါ်မှာ ရှိတဲ့ အမေရိကန် သမ္မတရဲ့အိမ်ဖြူတော် အသေးစားလေးလို့ တောင် ဆိုကြ ပါတယ်။

လေယာဉ် အတွင်းမှာ လှလှပပ တန်ဆာ ဆင်ထား သလို ထိုင်ခုံ နဲ့ အသုံး အဆောင် အားလုံးက အကောင်းစားတွေကြီး ဖြစ်ပါတယ်။

အခုတော့ ဒီထူးခြားတဲ့ Air Force One လေယာဉ်ကြီးဟာ အမေရိကတိုက် ကနေ မိုင်ထောင်ချီ ပျံသန်း လာခဲ့ပြီး ရန်ကုန်မြေကို မကြာခင် နာရီပိုင်း အတွင်း ဆင်းသက် လာတော့မှာ ဖြစ်ပါတယ်။

အဲဒီအခါ အမေရိကန် သမ္မတ တစ်ဦးရဲ့ အဆောင် အယောင်နဲ့ ဂုဏ်အရှိန် အဝါတွေကို ဒီလေယာဉ်ကြီးနဲ့ အတူ မြင်တွေ့နိုင်ကြတော့မှာလည်း ဖြစ်ပါတယ်ခင်ဗျား။

သမ္မတဦးသိန်းစိန် ပြုပြင်ပြောင်းလဲရေး ရှေ့ဆက်မယ်

နှစ်နိုင်ငံ ဆက်ဆံရေး ကောင်းအောင် သမ္မတ အိုဘားမားရဲ့ အမျှော် အမြင်ကြီးမှု အတွက် ကျေးဇူးတင်

သမ္မတ အိုဘားမား ပြောခဲ့သလို (move forward) ရှေ့ကို ဆက်သွားမယ် ဆိုတဲ့ စကား အတိုင်း မြန်မာနိုင်ငံမှာ ပြုပြင် ပြောင်းလဲမှု တွေကို ရှေ့ဆက် လုပ်ဆောင် သွားမှာ ဖြစ်တယ်လို့ သမ္မတ ဦးသိန်းစိန်က မစ္စတာ အိုဘားမားနဲ့ တွေ့ဆုံစဉ်မှာ ပြောကြား လိုက်ပါတယ်။

သမ္မတ ဦးသိန်းစိန်က အမေရိကန် မြန်မာ နှစ်နိုင်ငံ ဆက်ဆံရေး ကောင်းအောင် သမ္မတအိုဘားမားရဲ့ အမျှော် အမြင်ကြီးမှု၊ နိုင်ငံခြားရေး ဝန်ကြီး ဟီလာရီ ကလင်တန်နဲ့ သံအမတ်ကြီးတို့ရဲ့ ပူးပေါင်း ဆောင်ရွက်မှုတွေ အတွက် အားလုံးကို ကျေးဇူးတင်ကြောင်းလည်း ပြောကြားပါတယ်။

နောက်ပြီး နှစ်နိုင်ငံ တန်းတူ ညီတူ ရှေ့ဆက် ဆက်ဆံသွားဖို့နဲ့ ဒီမိုကရေစီရေး အတွက် ပူးပေါင်းဆောင်ရွက်မယ်လို့ သမ္မတ ဦးသိန်းစိန်က ပြောပါတယ်။

အမေရိကန် သမ္မတ အိုဘားမား ကလည်း အခုတွေ့ ဆုံမှုဟာ အပြုသဘော ဆောင်ပြီး၊ ရေရှည်သွားမယ့် နှစ်နိုင်ငံ ဆက်ဆံရေး အတွက် ပထမ ခြေလှမ်း ဖြစ်ကြောင်း ပြောကြားပါတယ်။

နှစ်နိုင်ငံ တိုးတက်ရေးဟာ ဒေသတွင်း တိုးတက်ရေး အတွက်ပါ အကျိုးရှိမှာဖြစ်တယ်လို့လည်း ပြောပါတယ်။

ကလေးစစ်သား ပပျောက်ရေး နဲ့ လူအများ သေစေနိုင်တဲ့ လက်နက် မပြန့်ပွားအောင် လုပ်တာကိုလည်း ကျေးဇူးတင်ကြောင်းနဲ့ အခုလို ကြိုဆိုမှု အတွက်လည်း အများကြီး ကျေးဇူးတင်ကြောင်း သမ္မတ အိုဘားမားက ပြောကြားပါတယ်။

အခု တခေါက်တင် မကဘဲ နောင်များမှာလည်း တွေ့ဆုံ နိုင်မယ်လို့ မျှော်လင့်ကြောင်း မစ္စတာ အိုဘားမားက ပြောကြားသွားပါတယ်။

နိုဝင်ဘာ ၁၉ ရက်နေ့ မနက်မှာ မြန်မာနိုင်ငံကို သမိုင်းဝင် ခရီးအဖြစ် ရောက်ရှိလာတဲ့ အမေရိကန် သမ္မတ အိုဘားမားကို မြန်မာသမ္မတ ဦးသိန်းစိန်က ရန်ကုန်တိုင်း ဒေသကြီး လွှတ်တော် အတွင်း လက်ခံတွေ့ဆုံခဲ့တာ ဖြစ်ပါတယ်။

မြန်မာ မြောက်ကိုရီးယား စစ်ဆက်ဆံရေး လျော့ဖို့ အိုဘားမား ပြောမယ်

အိုဘားမား လာမယ့် ခရီး အပေါ် ရင်ခုန်စောင့်နေတဲ့ ရန်ကုန်မြို့ခံတွေ

အာရှသုံးနိုင်ငံကို ခရီးဆန့်မယ့် အမေရိကန် သမ္မတ အိုဘားမားဟာ နက်ဖြန် တနင်္လာနေ့ မြန်မာ နိုင်ငံကို ရောက်တဲ့ အခါ မြောက်ကိုရီးယားနဲ့ စစ်ရေး အရ ဆက်ဆံမှု ဖြတ်တောက်ဖို့ တွန်းအား ပေးလိမ့်မယ်လို့ အိမ်ဖြူတော် အရာရှိ တယောက်က ပြီးခဲ့တဲ့ စနေနေ့တုန်းက ပြောကြားလိုက်တာကို ရိုက်တာ သတင်းမှာ ဖော်ပြထား ပါတယ်။

မြောက်ကိုရီးယားနဲ့ ဆက်ဆံရေး လျော့ဖို့ လိုကြောင်း သမ္မတက မြန်မာ အစိုးရနဲ့ ဆွေးနွေး လိမ့်မယ်လို့ လက်ထောက် အမျိုးသား လုံခြုံရေး အကြံပေး အရာရှိ Ben Rhodes က သတင်းထောက်တွေကို ပြောပါတယ်။

မြန်မာနိုင်ငံဟာ အပြုသဘော ဖက်ကို ဦးတည်နေပြီး မြောက်ကိုရီးယားနဲ့ စစ်ရေး ဆက်ဆံမှု ဖြတ်တောက်ဖို့ မြင်လိုတယ် ဆိုတာကို ဖိအားပေး လိုကြောင်း သူက ဆိုသွားခဲ့ပါတယ်။